انا كلي مكلك - الفصل الثاني - مكتملة | روايتك

البارت الثاني ام تحت الكنباي اختفي شوي لحتى عبي كاسة مي ل ...... عم ... عمتي ؟؟ ليش جيتي كنت عم جيبلك مي ======================================= الجزء الثاني ... نهلة : قلتيلي عم تجيبيلي مي ههههههههههههه خالد : امي والله هي اجت تعبيلك كاسة مي وانا كنت هون مشان ... مشان ... مشان اي اي تزكرت مشان اشرب مي انا كمان نهلة : اي اي انا ما حكيت شي ليش تلبكت كل هالقد نورا : عن اذنكن ركضت على غرفتي وانا عم موت خجل وخوف .. تسطحت وتغطيت كتير منيح وصرت حاول نام .. كل همي ما شوف عمتي ابدا بهالليلة .. تاني يوم الصبح فقنا انا وامي قبل الكل وحضرنا فطور .... خالد : صباح الخير امي : صباح النور يلا غسل وتعال مشان نفطر نهلة : صباح الورد نورا : عمتي ص .. ص .. صباح العسل نهلة : يسعدلي هالوش الحلو .. صباح الفل امي : يلا تمام انتي وخالد فقتو صح النوم .. بقيان احمد متى بيفيق ؟ نهلة : هلأ بفيقو بس لغسل وشي مسكت منشفة ولحقت عمتي مشان بس تغسل وشا كون جنبا .. خلصت ومشيت معا لحتى وصلنا على غرفة السفرة مشان نفطر .. فتت عالغرفة ورجعت 3 خطوات لورا .. بس شفت خالد تلبكت كتير .. امي : يلا نورا فوتي شبك واقفة بلا حركة .. في شي ؟ نورا : لا امي بس .. بس .. اي اي بس تزكرت القطة امي : قطة ؟؟؟؟؟ نورا : اي اي مبارح شفت قطة مجروحة و .... اتطلعت بخالد لقيتو عم يتطلع فيني و مبتسم .. مشتهي يضحك بس ما عم يحسن ... امي : لك قطة شو شبك ؟ نورا : قطة مجروحة وعالجتا هلأ بدي روح اتطمن عليها وارجعلكن امي كانت تحكي معي بعيونا انو عيب اتركن وروح .. وتجحرني وتقلي اقعدي بس انا من خجلي ركضت بلا ما حس عالجنينة وصرت حاول اخد نفس ... احمد : صباح الخير نورا : صباح النور روح افطر ليكن عم يفطرو احمد : وليش انتي ما عم تفطري ؟ نورا : ما بدي احمد : حدا زعجك بشي ؟ نورا : لا ابدا .. يلا روح افطر وبنكمل حكي بس تخلصو فطوركن احمد : ماشي نورا : صحيح شو الك شغل بالجنينة ؟ يعني قصدي بدك شي ؟ احمد : لا والله رحت اول شي عالمطبخ كان خالد هنيك وقلي اطلع شوف نورا بالجنينة ههههههههه نورا : احم احم .. ايوا طيب ( شو خلاني انضرب على قلبي واسألو ليش اجا عالجنينة ) ======================================= بعد الفطور رحت لشيل السفرة .. وسمعت صوت دقة جرس الباب .. وبعدا خالد فتح الباب ودخلت بنت خالتي سهر .. سهر : هاااااااااااي خالد : اهلا مين بتريدي سهر : انت مين ؟ خالد : انا ؟ جيت بسرعة بس سمعت صوت سهر ركضت عالباب .. وانا عم بركض زحطت رجلي وخالد سندني اجت عيني بعينو .. تمنيت لو هاللحظة ما تنتهي ابدا ... سهر : نوراااااا شبك شو عم يصير معك ؟ نورا : احم .. ولا شي زبطت تيابي وانا وشي احمر وحرارتي رح توصل 1000 ... نورا : شكرا خالد خلص فوت لجوا هي بنت خالتي سهر خالد : ( بصوت حنون ودافي ) انتي منيحة ؟ نورا : ( وانا عم اتطلع بعيونو ) اي .. كتيييييييير فات خالد لجوا وانا عم بلحقو بعيوني .... سهر : هييييه نورا وين شردتي ؟ نورا : اي اي تفضلي لجوا فتنا انا وسهر لجوا وسلمت على امي وعمتي ... نهلة : يا حبيبتي ما احلاكي .. الله يحميكي سهر : تسلمي خالة نورا : يلا تعي على غرفتي كنا رح نفوت لجوا لسوا بس سهر فاتت وانا وقفت مزعوجة من الحكي يلي سمعتو ... نهلة : ليكي هالبنت مخطوبة شي ؟ امي : لأ نهلة : عم فكر شوفا لخالد امي : والله البنت ما في منا بتجنن ليش لأ ؟ نهلة : اي اليوم بخبر خالد فتت على غرفتي وانا عم اتأفف .... نورا : هفففففففففففففففففففف سهر : طيرتيني بالهفة هههههه شبك ؟ نورا : حلي عني سهر : اي رح حل تكرمي .. وليكني رح روح نورا : لا لا تعالي اقعدي بس تعبانة من شغل البيت من مبارح لليوم وانا عم افتل بالبيت وخدم عالكل تقولي شغالة سهر : ليش ما تجيبو شغالة وضعكن منيح يعني بتقدرو نورا : امي ما بتحبن .. كتير ابي حاول يقنعا ما رضيت ======================================= اجا المسا واجتمعنا كلنا عالسهرة الشباب تجمعو سوا عالجهة اليمين بالجنينة والنسوان تجمعو عالجهة اليسار .. انا رحت لحضر لزوم السهرة يعني تسالي وعصير .. ورجعت حاملتن .. فتت و قدمتن وصلت لعند خالد .... نورا : تفضل خالد : يسلمو شو اخد ؟ نورا : شو ما بدك خالد : البزر ولا البوشار نورا : اللي بدك ياه خالد : شو الأطيب ؟؟؟ حطيت الصينية عالطاولة يلي مقابيلو وفتت عالمطبخ .. ولحسن حظي كانو خواني ملتهيين مع احمد وعم يسمعن اغاني جديدة .. لحقني خالد عالمطبخ .. خالد : نورا نورا : ليش عم تلحقني ليك والله ما بدي مشاكل روح من هون مشان عمتي وامي واهلي كلن والله بخاف خالد : شبك مو على بعضك اليوم ؟ نورا : على اساس بتعرفني من سنين لتميز ازا مزاجي رايق او لا ؟ خالد : قلبي حسني انك مو على بعضك نورا : لا منيحة انا روح من هون كرمال الله خالد : حاضر راح خالد وانا لحقتو بخطوات بطيئة .. لحتى سمعت عمتي عم تناديلو ... وقفت اتسمع ش البارت 3 و رح يحكو لأني ما كنت بدي تخطب بنت خالتي سهر لألو انزعجت كتير بس نادتلو .. نهلة : شفت بنت خالة نورا ؟ خالد : سهر ؟ اي شفتا شبها ؟ نهلة : شو رأيك فيها ؟ الجزء الثالث خالد : منيحة امورة .. بس مااااايعة بتقلي هاااااااي مو تقول مرحبا لأنها شافت شب اول مرة تشوفو مو تشد حالا لا قالت هاااااااي هيك هااااااي نهلة : هههههههههههههههه يبعتلك الهنا وانت عم تقلد بتفرط ضحك ههههههههههههههه خالد : ههههههههه عنجد مايعة كتير فلجتني نهلة : بتتغير بعد الزواج خالد : زواج ؟؟ اي اي فهمت لا مستحيل ما حبيتا نهلة : اي بتحبا بعد الزواج خالد : امي .. سكري عالموضوع لا عاد تفتحيه معي .. سهر لا لا لا نهلة : متل ما بدك خالد : نننننه هااااي ننننه ... شو غليييييظة نهلة : هههههههههههههههه حطيت ايدي على تمي وصرت اضحك .... و رجعت كملت تقديم لزوم السهرة بس هالمرة كنت عم اضحك مو زعلانة امي : نوراااااا نورا : اي امي امي : تعي اقعدي معنا حاجتك عم تركضي هون وهنيك وتشتغلي ارتاحي شوي نورا : حاضر ======================================= تاني يوم الصبح ... فقنا انا وامي متل العادة حضرنا فطور وفاق الكل قعد يفطر .. فطرنا وقعدنا نشرب عصير فريش مع عمتي و ولادا لأنه عمتي كانت كل مشروباتا الصبح صحية .. طلعت عالجنينة لشم هوا جديد سهر : هااااااي صباح الخير نورا : يقطع عمرك رعبتيني سهر : يقطع عمري ؟ زعلت منك نورا : تعي اتمشي معي شوي سهر : بدي روح بس جيت لاطلب منك طلب نورا : طلبي سهر : بدي استعير منك فستا........ مين هالشب يلي جاي لهون ؟ نورا : احمد .. ابن عمتي عم يعمل رياضة الصباح ههههههه احمد : صباح الخير يا صبايا نورا : صباح النور .. بعرفك على بنت خالتي سهر سهر : ....... نورا : سهر ؟ وين شردتي عم عرفكن على بعض احمد : ههههههههه تشرفت فيكي سهر : انا .. اسمي .. اسمي .. اي اي انا اسمي سهر احمد : اي خبرتني نورا ههههههه عاشت الأسامي يلا بترككن تكفو كلامكن باااي سهر : ( بصوت ناعم وهادي ) باااااي نورا : شبك شو صارلك ؟؟ سهر : كتير حلو نورا : شو هو اللي كتييير حلو ؟ سهر : احمد نورا : هههههههههه مشي اعطيكي الفستان يلي بدك ياه سهر : يلا اجا المسا ونحنا مجتمعين على العشا .. احمد : يامو نحنا ليش جينا لهون ؟ نهلة : مشان اخطبلكن انت و خالد احمد : طيب انا عجبتني بنت وبدي ياها اتطلعو امي وعمتي ببعض بإستغراب .... نهلة : الله يسمعنا الاخبار الطيبة .. مين ؟ احمد : سهر خالد : سهر ؟ مو هاي يلي بتحكي هااااي بمياعة ؟؟ نهلة : هههههههههه لك لا بقا تقلدا بفرط ضحك احمد : خالد .. خلصنا انا البنت عاجبتني خالد : تتهنى تاني يوم حكت امي مع خالتي وخبرتا انو بدهن يطلبو ايد سهر لاحمد .. واتفقو على موعد زيارة ======================================= حددو موعد الخطبة بعد اسبوع .. والكل ما لحق يعمل شي .. الا انا هههههههه من ساعة يلي خبروني بموعد الخطبة عملت اتصال عصالون ام رفيقتي وحجزت .. ورحت على محل البسة سهرات واشتريت احلى فستان .. كنت طول الوقت فكر بخالد شلون رح يشوفني .. بعدا اتزكر اني استقبلتن وانا شعري منكوش وماسكة الملعقة اللي كنت حرك فيها العصير .. ارتاح شوي لأنه حسيت بنظرات الإعجاب يلي بعيونو لالي من اول لقاء بالرغم من اني مو محضرة حالي لشي بعكس باقي الصبايا يلي كانو موجودين .. يعني بنات عمامي وبنات عماتي كلهن كانو يجهزو حالهن مشان يستقبلو ولاد عمتي ... احم احم قصدي عمتي امي : لك لحقتي تحجزي وتجيبي فستان واكسسوارات وليييي شو قوية نهلة : ههههه عادي تركيها مبسوطة بخطبة احمد .. اخوها هاد نورا : اي صح .. ( عم افتل بوشي يمين ويسار ) امي : على شو عم تدوري ؟ نورا : ولا شي بس ... وين ... خالد وينو ؟ نهلة : قال عندو موعد نورا : وين ؟ اتطلعت امي فيني حسيتا رح تاكلني ازا ما بضب لساني .. نورا : يعني قصدي ان شاء الله خير في شي ؟ مالو بالعادة يطلع نهلة : والله ما بعرف يا حبيبتي نورا : عن اذنكن خالد : مساء الخير وقفت جمدت بارضي ما عم اعرف احكي ولا اسكت ... نهلة : ليكو خالد يا نورا خالد : نورا ؟ في شي ليش ؟! نورا : احم .. اه ؟ لا .. مساء الورد بس انو .. كنت بدي اي اي بدي اسألك عم تشوفا للقطة ؟ بلع خالد ضحكتو بالغصب وابتسم .. خالد : زكريني ابقى جيبلك رقما ضحك الكل بصوت واحد وانا دبت من خجلي .. و فتت على غرفتي ركض .. كان عبالي احفر احفر احفر بالأرض لاوصل جزر المالديف واختفي من سوريا كلا بعد اسبوع كنت انا بالغرفة عم اخد سيلفي بعد ما رجعت من الصالون .. ابي : يلا يا نورا يا نهلة يا ودااااد ( امي وداد ) نورا : يلا يابي بس شوي صغيرة وبجي ابي : يلا تأخرنا الساعة 8 الا 5 والحفلة عال 8 وما وصلنا عالقاعة لسا طلعت من الغرفة وانا عم حط شال على كتافي وتفاجأت بوجود خالد بوشي .. شهقت بقوة وخجلت كتير ورجعت على الغرفة بسرعة ... ابي : لك نورا خلص خليكي هون اي