الفصل الثاني
رواية جرحني ولكني احببته❤️🥀❤️🥀💅🧚♀️
الحلقة 6
الحلقة 7
الحلقة 8
الحلقة 9
الحلقة 10
.
.
رواية / جرحني ولكني احببته
بقلم / فاطمة البربري
علقوا هنا ب 10 ملصقات
🔴🔴🔴🔴🔴🔴🔴🔴🔴🔴🔴🔵🔵
الحلقة 6
.
الحلقة السادسة
رواية جرحني ولكنى أحببته بقلم فاطمة البربرى
حسام:ايه؟!!؛مات طب ازاى وجرى حسام بسرعة على اوضة المريض واتاكد فعلا انه مات واهل المريض بلغوا النيابة واتهموا حسام أن هو اللى قتله وخاصة أنهم موافقوش ع العملية والشرطة جت وقبضو على حسام
الظابط: أنت متهم بقتل سامي احمد محمد العمري
حسام:أنا... أنا والله يافندم ماعرفش ازاي ده حصل أنا متأكد أنه مماتش من العملية لان نتيجتها مضمونه وحضرتك ممكن تسال كل الأطباء فى الموضوع ده
الظابط:ع العموم الطب الشرعي هيظهر كل حاجة
الا صحيح هو المجنى عليه فعلا كان طليق اختك
حسام:أيوة وحصل ما بينهم شوية خلافات واطلقوا
الظابط:امممم وعشان كدة استغليت الفرصة وقتلته بتاخد حق اختك يعني
حسام:أنا اخلاقي مش كدة ولوكنت بالاخلاق دى ماكنش هو جالى بنفسه عشان اعمله العملية
الظابط:ع العموم احنا هنخلى سبيلك بضمان وظيفتك وهنطلبك تانى بعدين.اتفضل مع السلامه
_حسام مشى بس قرر انه مايروحش البيت لانه حس انه كاره الحياة وان الحزن دايما مصاحبه وحتى مراته مش هتحس بيه ولاباوجاعه على حد ظنه وفضل يلف كتير بسيارته لحد مابقى نص الليل وبعدين قرر يرجع البيت
ولما رجع لقى سلمى مستنياه ومجهزاله الاكل اللي بيحبه جمبرى وشوربة سى فوود
حسام: إيه ده ايه الرضا ده كله
سلمى بعصبية:انت فين طول النهار وطول الليل وقافل تليفونك ليه
حسام: معلشى ياسلمى كان عندي شغل كتير اوى طول اليوم
سلمى:خلاص ماشى هعديهالك المرة دي بس بعد كده ماعدتش تتاخر
حسام بصوت واطي جدا:شكلك ماعدتيش هاتشوفينى تانى اصلا
سلمى:بتقول ايه
حسام:لا ياحبيبتي ولاحاجة حاضر ماعدتش هتاخر تاني انتى تؤمرى هغير هدومى واجى اكل بصراحة أنا ميت من الجوع
*وهما بياكلو*
حسام: تسلم ايدك يا حبيبتي
سلمى ابتسمت وبعدها بدقيقه: حسام هو أنا ممكن اسالك سؤال؟
حسام:اسالى ياختى
سلمى: ياختى طيب ياخويا ممكن اعرف هى ليه مامتك بتعاملك وحش كدة
حسام:انتى بقى مش عايزانى اكل
سلمى:لا والله ما اقصدش انا بدردش معاك بس
حسام:بصى يا ستي أولا دى مش والدتى هى تبقى زوجة ابويا وهى اللى ربتنى والدتى ماتت وانا صغير ووالدى اتجوزها علطول بعد موت والدتى بس هي ماعرفتش تحبني وكانت دائما بتفرق بينى وبين اخواتى كانت تحطلهم ياكلو والباقي منهم تجبهولى اكله ده لو اتبقى حاجة اصلا وتاخدهم تخرجهم وانا لأ وتجبلهم لبس جديد وانا بردو لأ
سلمى:وباباك فين في كل ده
حسام:ابويا كان بيسافر ويجى فترة قصيرة ويسافر تاني وانا عمري ماحكتله حاجة بالعكس أنا كنت دايما بشكر فيها
سلمى:ليه يعني كده
حسام: عشان هى ام اخواتى وانا بحبهم جدا ولوكنت قلتله كان ممكن طلقها واخواتى يعيشو بعيد عنى
سلمى:ياااااه انا كده فهمت
حسام:فهمتى ايه
سلمى:فهمت ليه كل رسوماتك حزينه
حسام بابتسامة وفرحه:هو انتى دخلتى اوضتى
سلمى:أيوة دخلتها النهاردة
حسام:الحزن ده صاحبى اصلا وبمناسبة الحزن بقى أنا ماكنتش طول النهار في الشغل زى ماقلت لك
سلمى: امال كنت فين
حسام:كنت في الاثم
سلمى:ليه ايه اللى حصل
حسام:متهم في قضية قتل (وحكالها اللى حصل)
سلمى:ياربى طب بقولك ايه ماتيجي نقعد فى البلكونه شوية
حسام:يالا هاقوم اظبط القعدة ع ماتعملى كوبايتين شاى
سلمى: خلاص ماشى
*وهما في البلكونه
سلمى:انت كلمت محامي
حسام:ولاكلمت ولاهكلم
سلمى:والله عايز تتسجن يعني
حسام:اهو ترتاحى منى شوية هو أنا حتى لو اتعدمت هيفرق يعني معاكي
سلمى بعصبية:انت تسكت خالص وماتقولش كده تاني انا ماقدرش اعيش من غيرك أنا بحبك اوي
حسام قام من ع الكرسى اللى كان قاعد عليه وقرب منها ومسك ايدها:وانا بعشقك ياروحى وباسها من جبينها:انتى عارفه من زمان اوى وانا مستنى اسمع منك الكلمة دى بس الحمد لله جت في وقتها
سلمى مبتسمة
حسام بغمزة:بقولك ايه ماتيجي ندخل جوة
سلمى بدلع:جوة فين لا انا مرتاحة هنا
حسام قرب منها اوى وباسها بوسة خفيفه من شفايفها:ماهو انتى جوة بردو هتبقى مرتاحة واكتر من هنا كمان
سلمى بكسوف:والله؟لأة أنا عايزة اقعد هنا وبعدين لسة ماشربناش الشاى
-حسام شالها وهى حطت ايديها ع رقبته:مااحنا هنشربه جوة'ودخل بيها اوضتها وسكتت شهرزاد عن الكلام المباح
_حسام صحى الصبح ولقى سلمى جنبه وبتبصله ومبتسمة:ايه مالك ياحبيبتي
سلمى:معجبة صباح الخير يا قلبي
حسام: صباح النور ياحياتى
يااااه حاسس اني مش عايز اقوم اوعى كدة أما أنام في حضنك
سلمى: مبسوط ياحسام
حسام: طبعا ياقلب حسام والله انا حاسس انى اسعد انسان في العالم
#وفجأة جرس الباب رن
حسام:مين الغلس اللى جاي لنا الصبح بدري ده اما اقوم اشوف مين
_حسام فتح الباب لقى محضر من الاثم: حضرتك حسام خالد ابراهيم
حسام:أيوة
المحضر: مطلوب تيجي تيجي الاثم حالا
حسام:اوك هاغير هدومى واجى
سلمى: في ايه
حسام:مفيش انا مش لسة قايلك اسعد انسان في العالم ادينى مطلوب في الاثم اكيد نتيجة الطب الشرعي ظهرت انا ماشي ياحبيبتي مش عايزه حاجه
سلمى بدموع:مع السلامه يا حبيبي
حسام:لا لا بلاش دموع عشان خاطري ماتقلقيش ياروحى باذن الله راجعلك تاني وباسها من خدها ومشى
ياترى نتيجة الطب الشرعي ايه وايه اللى هيحصل بعد كده توقعاتكم
.
🔴🔴🔴🔴🔴🔴🔴🔴🔴🔴🔴🔵🔵
الحلقة 7
.
الحلقة السابعة
رواية جرحني ولكنى أحببته بقلم فاطمة البربرى
الطب الشرعي قال إن المجنى عليه مات مخنوق وطبعا مفيش اي بصمات لان الجانى كان لابس جوانتى وفضل حسام هو المتهم الوحيد وظل محبوس واستمرت القضية
_سلمى وعادل واقفين مع بعض في مكتب سلمى ودخل ابراهيم
ابراهيم: صحيح ياسلمى اللى سمعته ده عن حسام
سلمى بحزن:ايوه الحمد لله على كل حال
عادل بصوت عالي: وأنت مالك أنت شاغل بالك ليه
ابراهيم تجاهل كلام عادل: سلمى تعالى كده دقيقه عايزك في كلمة
_سلمى راحت معاه وعادل كان متغاظ جدا من كدة
ابراهيم:خدى ياسلمى الفلوس دي معاكي يمكن تحتاجيها
سلمى: شكرا يا ابراهيم معايا والله الحمد لله ولومحتاجة حاجة اكيد انت أول واحد اطلب منه
ابراهيم:طب خلى بالك على نفسك ياسلمى وماتفتحيش باب شقتك لحد نهائي
سلمى: حاضر
_عادل قطع حديثهم: والله؟وانت بقى خايف عليها أوى كدة انت ايه يابنى جبلة ماعندكش دم ماتبعد عنها بقى يااخى وسيبها في حالها مش بعيد تكون أنت اللى قتلت الرجل عشان تخلص من حسام
ابراهيم:انت انسان سفيه اساسا وماتستاهلش أن أرد عليك
سلمى ابتسمت لابراهيم:روح انت شوف شغلك يابراهيم سيبك منه
*في شقه منى*
الأم/انتى جيتى من الشغل اخيرا ابنك تعبان من الصبح وزهقنى
منى: معلش يا ماما تعباك معايا
الأم/وانتى ان شاءالله كده هتسيبى جوزك للغندورة دى تاخده منك
منى:قصدك طليقى ياماما وجوزها هى
الأم/يابت.....يابت بطلى هبل بقى انتى هتفضلى عبيطة كده لحد امتى ده جوزك انتى قبلها وعندك منه عيل رابطه بيكى يعني من حقك انتى شوية دلع كدة ع الرجل هترجعيه ليكى بصباع رجلك الصغير
منى:انسى ياماما حسام عمره ماحبنى وعمرنا ماتفقنا مع بعض لكن هو بيعشق سلمى واتجوزنى انا عشان يكيدها لانى صاحبتها لكن ماقدرش يكمل معايا وطلقنى هى دى الحقيقة ياامى اللى ماكنتش بحب اقولها
الأم/يبقى السكة الوحيدة للموضوع ده هى امه وهي اللى هتقدر تأثر عليه
منى:امه ازاي يعني مش فاهمه حاجه
الأم/ماتشغليش بالك سيبى الموضوع ده على وبعدين انتى ازاي سايباه كده روحي قوليله انا محتاجه فلوس وابنك تعبان خليه يحس أنه أب مرة ياختى
منى:حاضر ياماما
_سلمى راحت زيارة لحسام وراح معاها ابراهيم لأن هو اللى جابلها اذن الزيارة
حسام:سلمى(ومسك ايديها)ازيك يا حبيبتى وحشتيني اوي (وبص لابراهيم): ازيك يا هيما اخبارك ايه
ابراهيم:انا بخير اهم حاجة انت
سلمى: ابراهيم هو اللى جابلى اذن الزيارة
حسام: متشكر اوي يا دكتور أنت جدع اوى يا ابراهيم
ابراهيم: أنت اخويا وحبيبي ياحسام أنا هسيبكم مع بعض شوية بقى سلام
"ابراهيم مشى
_حسام حضن سلمى جامد: وحشتيني اوي يا روح قلبي
سلمى:وانت كمان يا حبيبي
حسام:ماتزعليش ياسلمى بإذن الله أزمة وهتعدى
سلمى: يارب تعدى على خير
_عدى فترة والقضية شغاله ومفيش جديد وجلسة الحكم على حسام قربت
*والد حسام نزل من السفر وماكانش يعرف اللى حصل,دخل الفيلا وكان الكل منتظره داليا وجوزها وزياد ومروة مراته واميره بنت اخوه
خالد:ازيكم وحشتوني جدا عاملين ايه امال فين حسام ومراته مايعرفوش انى نازل ولاايه رنيت ع حسام كتير تليفونه مقفول هو كويس
داليا: حسام ده شكله هيجيبلنا العار يا بابا ماكتفاش أنه اتجوز واحده مش من مستوانا لأ وكمان بقى مجرم
خالد:انتى بتقولى ايه ابنى ماله ايه اللي حصل؟؟؟
اميره: حسام متهم بقتل سامي طليق داليا ياأونكل وحكوله اللى حصل
خالد: أنا رايح مشوار وجاى
مروة: دلوقتى طب استريح شوية والصباح رباح
خالد:محدش ليه دعوة بى سلام
*سلمى في شقتها جالها تليفون من رقم غريب
سلمى:الو مين معايا
.....: أنا حنان ممرضة في عياده دكتور حسام
سلمى:خير في حاجة
حنان: أنا عندي اللى يثبت براءة د حسام بس مش عايزه سيرتى تيجى في الموضوع نهائي ولا تعرفى اى حد
سلمى:انتى بتتكلمى جد
حنان: أيوة بتكلم جد انتى ممكن تيجي العياده وكانك جاية تطمنى ع الشغل وانا هاقابلك واعطيكى الدليل
ياترى الكلام ده حقيقي ولا ايه
توقعاتكم
.
🔴🔴🔴🔴🔴🔴🔴🔴🔴🔴🔴🔵🔵
الحلقة 8
.
الحلقة الثامنة
رواية جرحني ولكنى أحببته بقلم فاطمة البربرى
*عند سلمى جرس الباب رن , سلمى بصت من العين السحريه وعرفت أنه والد حسام وفتحت الباب
سلمى: أهلا ياعمى اتفضل
خالد: أهلا يابنتى
سلمى: تشرب ايه
خالد: مش عايز اشرب حاجة اقعدى..ممكن اعرف الحقيقة
سلمى: حقيقة ايه ياعمى
خالد: حسام فعلا قتل سامي ولا لأ عشان اعرف اتصرف
سلمى: حسام اكدلى أنه ملوش علاقة بقتل سامي ده
خالد: مين المحامي اللى ماسك القضية دى
سلمى: الأستاذ عمرو عبد الجليل محامي ساكن معانا فى العمارة
خالد:عمرو ايه وعمارة ايه أنا هاشوف محامي تاني كويس
سلمى: أيوة ياعمى بس......
خالد قطع كلامها:انتى ماتعارضنيش انتى فاهمة ولولا أن ابنى في محنة أنا ماكنتش دخلت البيت ده ابدا طول مانتى فيه
_سلمى اتضايقت بس قررت تسكت افضل عشان جوزها مايزعلش وخالد مشى
_سلمى كل تفكيرها في الكلام اللي قالتهولها حنان الممرضة ومش عارفه تصدقها ولا لأ فقررت تقول لعادل لانه أقرب واحد لحسام
وراحت لعادل بس لقته مشغول فقررت تحكى لابراهيم
سلمى: ابراهيم كنت عايزاك في حاجة فاضى ولا مشغول
ابراهيم: خمس دقائق بس آخر حالة
سلمى:اوك
*بعد خمس دقائق
ابراهيم: خير يا سلمى في ايه
سلمى حكتله على مكالمه حنان ليها
ابراهيم:هاتيلى رقم البنت دي وانا هاتصرف أنا
*فى فيلا خالد
داليا:بابا انت هتعمل ايه في موضوع حسام
خالد:كلمت محامي كبير يتابع القضية وباذن الله هيخرجه منها براءة
مروة:انت رحت فين صحيح امبارح
خالد: رحت لسلمى مرات حسام اتاكد ان كان هو اللى قتل ولا لأ
احمد(زوج داليا): إيه ده ياعمى انت رحت للبنت اللوكال دى بيتها
خالد بعصبية:احمد ماتنساش أنها زوجة ابنى ومااقبلش انك تهينها ابدا
اميره: معقولة ياعمى مش دى اللى بسبب جواز حسام منها طردته من الفيلا وخليته يسكن برة تاني زي ماعملت معاه في أول جوازة
خالد:انا كنت غلطان ومش هسيب ابنى تانى بعيش لوحده
مروة: يعنى ايه هتجيبه بمراته البيئة دى يعيشو معانا هنا انت الظاهر اتجننت
خالد:هو ده اللي هيحصل واللى مش عاجبه يغور فى داهيه
_ابراهيم وسلمى مع بعض وبيفكرو هيعملو ايه في موضوع حنان ده ودخلت عليهم منى
منى:انتى هنا ياسلمى وانا بقالى ساعة بدور عليكي ايوة بقى ياعم الجو فضى لك ورجعت للعشق القديم
سلمى: بس يابت انتى بتقولى ايه بطلى هبل
وقامت:أنا هامشى بقى يابراهيم وفكر كدة هتعمل ايه وبلغنى سلام
سلمى:ايه الكلام العبيط اللى انتى قلتيه ده يامنى قدام ابراهيم ده انتى ناسية انى على ذمة رجل تاني
منى: رجل تاني ايه ماحنا دفنينه سوا يابنتى مش انتى متفقة معاه مايلمسكيش لحد مايطلقك
سلمى:كنت متفقة معاه
منى بدهشة:كنتى!!! يعني ايه لمسك؟؟؟!انتى بتهزرى صح
سلمى:لا طبعا بتكلم جد
منى: ايه ماقدرتيش تقاومى جماله ولاايه
_سلمى اكتفت بابتسامة
منى: هو فعلا بصراحة ما يتقاومش انتى عارفه لما اتجوزنى أنا كنت كارهاه جدا بسبب اللى عمله في يعني بس مرة دخلت الاوضة وكان خارج من الحمام ماكنتش قادرة امسك نفسي ولما شافنى طلبنى وبصراحة ماقدرتش ارفض
سلمى اتضايقت جدا من الكلام اللي قالته منى: هو حسام لمسك يامنى في الفترة القصيرة دى
منى: طبعا يابنتى كتير ماهو من بعد المرة اللى حكتلك عنها دى بقى علطول
*ابراهيم رن على رقم حنان
حنان:الو ايوة مين معايا
ابراهيم:أنا دكتور ابراهيم زميل الدكتورة سلمى هى حكتلى على اللى قولتيهولها وماتخافيش منى أنا مش هقول حاجه لحد بس خلى التعامل معايا أنا
حنان:ايوة بس أنا خايفة جدا وقلقانة
ابراهيم: عرفيني بس ايه اللي معاكي دليل براءة حسام
حنان:قبل ما سامى يعمل العملية سمعت اخوه بيكلم حد في التليفون وبيقوله انا هاخلص منه بعد مايعمل العملية مباشره وساعتها هابقى أنا الوصى على ولاده وهبيع كل اللي معاه لنفسى أنا خلاص زهقت من الفقر كفاية عليه كدة بقى,ولحسن الحظ انا كان معايا كاميرا صغيره كنت شارياها لخطيبى محتاجها في شغله فاستغليتها وحطتها في أوضة العمليات وهي عليها الفيديو واخوه بيخنقه فيه بشال ابيض
ابراهيم:طب كويس انا عايزك تقابلينى بكرة المغرب في السوبر ماركت اللى جنب عيادة دكتور حسام علطول
حنان:اوك
_تانى يوم سلمى خلصت شغلها وراحت لحسام زياره
سلمى ببرود اعصاب: ازيك يا حسام أخبارك ايه
حسام: الحمد لله مالك يا بت في ايه
سلمى والدموع في عنيها:مفيش
حسام: حبيبتى في ايه ماتقلقنيش عليكي
سلمى:انت ازاي كنت بتحبني وقدرت تلمس واحدة غيرى منى قالتلي على كل حاجة حصلت بينكو في الفترة اللى اتجوزتو فيها طب اللى حصل بينكو قبل الجواز كان بغرض تتجوزنى طب واللى بعد الجواز كان أيه بقى
حسام: سلمى انتى مجنونه صح
سلمى:انا ماشية
حسام: سلمى أنا بحبك.. بحبك اوي ماتصدقيش البنت دي في اى حاجه تقولها انا والله ماقربتلها في الفترة دي خالص انا كنت بدخل البيت بالليل انام في اوضتى واقفلها على واصحى الصبح اروح الشغل ومادخلش البيت غير بالليل تاني حتى الاكل كنت باكل برة
سلمى بابتسامة:وانا مصدقاك... بحبك اوي
حسام:طب يالا غورى من وشى بقى عشان انتى قفلتينى أساسا
سلمى بدلع: خلاص بقى يا حسحس ماتزعلش منى
حسام بدلع زيادة:لأ انا زعلان
*وقت المغرب
حنان وابراهيم فى السوبر ماركت اللى اتفقو يتقابلو فيه يا ترى ايه اللي هيحصل وهل حنان كلامها صادق ولا دى لعبه من القاتل الحقيقي
توقعاتكم
.
🔴🔴🔴🔴🔴🔴🔴🔴🔴🔴🔴🔵🔵
الحلقة 9
.
الحلقه التاسعه
رواية جرحني ولكنى أحببته بقلم فاطمة البربرى
حنان وابراهيم في نفس السوبر ماركت اللى اتفقو يتقابلو فيه
ابراهيم:انتى حنان مش كده ولا ايه
حنان: أيوة حضرتك....
ابراهيم: أنا دكتور ابراهيم
حنان: أهلا وسهلا اتفضل دى الفلاشه اللى عليها الفيديو بس بالله عليك ما تجيب سيرتى خالص في القضية
ابراهيم: شكرا ليكي اكيد طبعا مش هجيب سيرتك ماتقلقيش
_ابراهيم راح بالفلاشة النيابة وقدم دليله وبعد تمام الإجراءات خرج حسام براءة واتسجن اخو سامى
*بعد ما خرج حسام كان فى انتظاره سلمى وخالد وزياد
خالد:حمد الله على السلامه يا حبيبي يالا بينا
حسام: على فين يا بابا
خالد: عندي في الفيلا انت هتعيش معانا علطول
حسام:ايوة يا بابا بس....
خالد قطع كلامه: مفيش بس هات مراتك يالا وتعالى
حسام:طيب هنجيب هدومنا وحاجتنا ونيجى
خالد:خلاص ماشى اوك هستناك
*في بيت حسام
سلمى لفت ايديها حوالين رقبة حسام: حبيب قلبي وحشتني اوي
حسام حضنها جامد:انتى اكتر يا حبيبتي
سلمى:أنا بقى محضرالك شوية جمبرى يستاهلو بقك
حسام: طب جهزى الاكل ع ماخد شاور بسرعة واجى اكلك قصدى اكل الجمبري هههه
سلمى ابتسمت وراحت تجهز الاكل
*بعد عشر دقائق
حسام: سلمى هاتيلى فوطة نسيت اخدها وانا داخل
سلمى: حاضر يا قلبي
*سلمى وهى بتدى الفوطة لحسام شدها ليه وقفل باب الحمام وباسها من شفايفها بعنف
حسام: بحبك اوي انا مش مصدق انى معاكي ياسلمى بحبك بحبك
سلمى مستسلمة لحسام خالص ومش قادره تتكلم
اخدو شاور واكلو وحسام بدأ يتكلم معاها في موضوع انهم يعيشو مع والده في الفيلا وسلمى كانت رافضة جدا بس وافقت عشان خاطر حسام يبقى مبسوط وبداو يجهزو شنطهم
*في فيلا خالد
_داليا ومروة قاعدين في الانتريه بيشاهدو التلفاز
داليا: مالك يا ماما شكلك متضايقه ليه
مروة:أنا مضايقة من قرار ابوكى أنه يجيب اخوكى ومراته يعيشو معانا هنا
داليا:ماتخافيش يا ماما أنا مدبرة كل حاجة وحياتك ياعسل انتى مش هاخليهم يكملو شهر حتى ويكونو غارو من هنا بارادتهم
مروة: ازاي يا فالحة هتعملى ايه
داليا: أنا كلمت أميرة وعرفتها ان حسام هيجي هو مراته يعيشو معانا هنا وقلتلها تستاذن من عمى وتيجى تقعد معانا شهر وهى بقى هتقوم بالواجب يا مامى هههه
مروة: ياسلام عليكي يامرمر ناصحه يابت زى مامتك
*فى بيت ابراهيم
ابراهيم قاعد في البلكونه وقدامه كوباية شاى وسرحان مع نفسه وتدخل عليه ملك بنت خالته
ملك: ابراهيم.... ابراهيم انت يابنى
ابراهيم:ملك... ازيك اخبارك ايه
ملك: اللى واخد عقلك يتهنى به,ايه بقالى ساعة بنادي عليك
ابراهيم: معلشى بالى مشغول شوية
ملك:طب ماتحكيلى يمكن اقدر اساعدك
ابراهيم والدموع في عنيه:احكى ايه بس
ملك:انت لسة بتحب سلمى يا ابراهيم
ابراهيم: سلمى دى حب عمري مش قادر انساها
ملك:لسة بتحبها رغم اللى عملته فيك
ابراهيم:ماكانش بايديها يا ملك
ملك:ولو انى مش فاهمه حاجه بس خلاص يا ابراهيم سلمى ماعدتش ليك وبقت فى عصمة رجل تاني لازم تنساها
ابراهيم: ياريتني اقدر
ملك:طب ماترتبط بواحدة تانية يمكن تقدر تنسيك سلمى
ابراهيم: ومين بقى اللي هتستحمل ترتبط بواحد بيفكر في واحدة غيرها
ملك:أنا
ابراهيم:انتى بتقولى ايه انتى واعية للى بتقوليه ياملك أنا ابراهيم اخوكى انتى متخلفة يابت انتى
ملك:انت عمرك ما كنت اخ بالنسبة لي طول عمرك وانت حبيبي بس ماكانش عندي الجراة انى اعترفلك لكن خلاص انا بجد تعبت من كتر مانا مخبية مشاعرى
ابراهيم: يعني هتستحملينى ياملك وهتتحملى اى معاملة منى لحد مانسى سلمى ده لو نسيتها اصلا
ملك:ايوة وعد مني انى هاتحمل ولوماقدرتش هاطلب منك نسيب بعض ونفضل اخوات
ابراهيم: خلاص ماشى اتفقنا
_سلمى وحسام وصلوا الفيلا,دخلو وسلمو على الجميع
خالد:يالا يا حبيبى خد مراتك واطلع اوضتك
حسام: حاضر يا بابا
وطلعو اوضتهم ورتبو حاجتهم في الدولاب ونامو شوية
_بعد ساعتين صحيو ونزلوا تحت, حسام راح قعد مع والده, وسلمى دخلت لزياد اوضته
سلمى: ازيك يا زياد قاعد لوحدك ليه
زياد:بذاكر الامتحانات قربت ادعيلي
سلمى: ربنا معاك لو احتجت اي حاجه في المذاكرة انا موجوده
زياد: بصراحة في درس في الفيزياء مافهمتهوش من المستر كويس ممكن تساعديني فيه
سلمى:خلاص ماشى هاتلى الكتاب بالليل اقرا الدرس ده وباذن الله بكره نذاكره مع بعض
_سلمى حبت زياد جدا وكانت بتساعده دايما فى مذاكرة معظم المواد اللي عنده وهو اعتبرها اخته الكبيرة واتعلق بيها جدا
_سلمى الى حد ما كانت مبسوطه فى الفيلا ولكن بعد اسبوع اميره جت ووقتها كل حاجة اتغيرت
ياترى ايه اللي هيحصل وهل أميرة هتكون سبب فى رجوعهم بيتهم تاني والايه
توقعاتكم
.
🔴🔴🔴🔴🔴🔴🔴🔴🔴🔴🔴🔵🔵
الحلقة 10
.
الحلقه العاشره
رواية جرحني ولكنى أحببته بقلم فاطمة البربرى
اميره بدات كل يوم تضايق سلمى وتتكلم مع حسام كتير بس حسام كان دايما يصدها وده كان مريح سلمى شوية
واستمرت الايام ع نفس الاحوال
*بعد مرور شهر
ابراهيم خطب ملك وحاول ينسى سلمى كتير بس لسة مش قادر
*في بيت منى
منى: ماما
الأم:ايوة يا منى عايزة ايه
منى:انتى مش كنتى قلتى انك هتتصرفى في موضوعي انا وحسام عملتى ايه
الأم:ماهما لما راحو عاشو معاهم في الفيلا بوظو كل ترتيباتى
منى:طب والحل
الأم: ماتقلقيش قريب اوى هخليه يطلقها ويرجعك
_فى يوم حسام صحى من النوم وقام يشرب فلقى والدته صاحية وشكلها كان سكران
حسام:ماما انتى لسه صاحية
مروة:ايوة انا طالعة انام اهو
حسام: ماما انتى سكرانه
مروة:وانت مالك
حسام:طب ممكن بس خمس دقائق عايز اتكلم معاكي شوية
مروة:افندم عايز ايه
حسام: ماما هو انتى ليه عمرك ماحبتينى
مروة:واحبك ليه انت ابنى عشان احبك
حسام:الام اللى ربت مش اللى خلفت
مروة:هههه هههه
حسام:بتضحكى على ايه
مروة:كلامك يضحك بتقول حكم هههه انت عارف انا بكرهك ليه؟
حسام:ليه؟!
مروة: عشان انت ابن الست اللى بعدت حبيبي عنى
حسام:حبيبك مين..بابا يعنى
مروة:لأة خالك احمد
حسام بذهول:,خالى احمد وانتى طب ازاي
مروة: أنا وخالك احمد كنا بنحب بعض ولما جه يتقدملى امك اعترضت واجبرته أنه يبعد عنى
حسام: طب وماما اعترضت ليه
مروة:عشان كانت شايفانى اقل منها في المستوى وعشان كده انتقمت منها وخليت ابوك يحبني ويتجوزنى عليها لحد ماقهرتها وخليته دخل على في اوضتها وقدامها وماتت بعدها بيومين بس بحسرتها وقررت اعذبك انت كمان لانك من ريحتها القذرة
حسام بحزن شديد:يااااه انا مش مصدق معقولة الحقد والكره يوصل بيكى للدرجة دى وازاى بابا يوافقك ع كدة
مروة: عشان انا شككته فيها وخليته يتهمها بالخيانة
_حسام زعل جدا وندم أنه سألها اصلا هي ليه بتكرهه وراح اوضته ولقى سلمى لسة نايمة,حاول ينام تانى ماعرفش وكان بيفكر يسيب الفيلا ويروح شقته بس خاف ابوه يزعل منه وزياد اخوه فقرر يخليه في الفيلا بس حاول ع قد مايقدر يتجنب انه يشوف مرات ابوه
_فى يوم سلمى شافت حسام قاعد في الجنينه لوحده
سلمى: حبيبي مالك ياقلبى أنا ملاحظة أن فيه حاجه انت متضايق منها بقالك فترة ودايما كده قاعد لوحدك طمنى عليك ياقلبى
حسام:مفيش حاجه يا حبيبتي شوية مشاكل كدة في الشغل
سلمى:طب انا عندي ليك خبر هينسيك هموم الدنيا كلها
حسام بابتسامة: خير يا حبيبتي
سلمى:انا حامل
حسام قام حضنها وباسها من جبينها: بجد والله احلى خبر سمعته في حياتي
*في يوم سلمى كانت في الحمام وتليفونها رن
حسام: تليفونك بيرن يا سلمى
سلمى:شوف مين
_حسام بيشوف مين لقاه ابراهيم استغرب وصمم ان سلمى تطلع بسرعة وتشوفه عايز ايه وتفتح الاسبيكر
سلمى طلعت ترد عليه:الو ازيك يا ابراهيم خير في حاجة ولا إيه
ابراهيم:انتى عاملة ايه يا سلمى
سلمى: الحمد لله أنا بخير
ابراهيم:طب الحمد لله أنا كنت عايز اطمن عليكي بس سلام
حسام: ابراهيم لسة بيحبك ياسلمى
سلمى: بكره ينسانى
حسام: ابراهيم اكتر واحد أنا ظلمته في حياتي ربنا يسامحنى
سلمى ضمته لحضنها: خلاص يا حبيبي ماتشيلش نفسك فوق طاقتها ابراهيم مسامحك خلاص
*في الشغل
منى وسلمى مع بعض
منى:سلمى أنا كنت عايزاكى تكلمى دكتور حسام في موضوع كده
سلمى: موضوع ايه
منى:ابننا تعبان شوية وعلطول اروح للدكتور اكشف عليه وبجيب ادوية المصاريف كتيرة كنت محتاجه منه يعني اى مبلغ امشى بيه حالى ماهو ابنه بردو
سلمى: طبعا يا منى ده واجب عليه خلاص ماشى هاكلمه
وخلصت حلقتنا النهاردة يا ترى ايه اللي هيحصل بعد كده
توقعاتكم
.
.