❴🔢❵☟الــبــــ❴ ألأخير ❵ــــــارت☟
-علفكرة دا أسمهُ آي كلام ياجبريل، أنا بديك حضن كل يوم.
رد على هزاري بجدية:-
-دا أهم كلام عندي والله، وحضن إيه دا ألي يقضي يوم طويل عريض هتهزري!!
ََمدنيش فرصة لرد لأنهُ ضمني لي.
أينعم أنا مبقتش متفرغة لجبريل زي الأول، لكني مهملتهوش.
ضحكت بحب:-
-بحسك أبني البكري ياجبريل.
-زي ما أنا بحس إني عيل تايه من غيرك.
بوست رأسه :-
-أنا بحبك.
___________
وبعد ما فطرنا قولت:-
-عايزين نجيب راديو تاني ياحبيبي.
رد بستغراب:-
-هو دا باظ؟
-لا، بس عايزة أجيب َواحد ونخلي في أوضة ليلي، علشان تسمع القرآن بأستمرار حتي وهي نايمة زي ما كُنت بعمل وأنا حامل.
أنا مردتش أدخل الفون علشان خايفة الذبذبات تأثر عليها.
لكن الراديو أعتقد أخف.
قال بتسأول:-
-بس مش لسه بدري على الموضوع دا ياميوي؟
جوابتهُ بهدوء:-
-خالص ياجبريل، كل ما تسمع أكتر كل ما هيكون محفوظ في عقلها الباطني وحفظهُ هيكون سهل عليها.
وان شاء الله مجرد ما هتبتدي تتكلم هنجيب معلمة تبتدي تحفظها.
كل ما الطفل حفظ القرآن بدري كل ما عرف أهميتهُ وبقا شئ مقدس بالنسبالهُ.
لا هيقدر يتراجع عن ورد قراءة أو ورد حفظ. ومش هيتفلت منهُ بسهولة لأنهُ داق لذة حفظ كتابهُ الكريم.
والأهم إنهُ هيكون مٓرجعهُ في أي شئ.
وصراحتنا... هدفي من بعد إني أحج مع عائلتي هو إني أخلي ولادي حاملين كتاب الله. ومكونش متهوانة معاهم في شئ عظيم زي دا وأتعامل معاه علي إنهُ شئ مش أساسي بنلجألهُ فيّ أجازة الصيف وإحنا فاضين.
ولما ربنا يمن عليهم بحفظهُ هفضل برضو متابعة معاهم علشان ميتفلتش منهم،لحد ما يوصلوا لمرحلة إن القرآن يكون هو الحياة في عيونهم وغير كدا زائل.
علشان كدا لازم من أول ما تعرفي إنك حامل تسمعي قرآن كتير لأن البيبي بيسمعهُ.
ولما تولدي برضو تخلي القرآن محاوطهُ دايمََا.
أبتسم بحنية:-
-خلاص ياعمري، النهاردة ننزل نجيب واحد ان شاء الله.
من أكتر الحاجات ألي بحبها وبحترمها فيّ جبريل إنهُ من الرجالة ألي مبتقاوحش فيّ طلبات زوجاتهم.
انتِ عايزة دا وهيبسطك؟ عيوني.
حتي لو مش متوفر معاه حاليََا، مش بينساني ومجرد ما بيكون معاه بيجبلي طلبي.
ودا شئ بيخليني أقدرهُ جدََا.
كُون إنهُ مش بيتعبني زي رجالة كتيرة بنسمع عنها عايزة تتربي،وتعرف يعني إيه قوامة. بتفتح تحقيق لمجرد إنك قولتي عايزة وكأنك مش ملزمة منهُ!!
رفعت أيدهُ ألي حضنا أيدي َوبوستها :-
-يديمك ليا ياحبيبي.
___________
أين أنت وأين أنا منك.
#مي_محمد
#حواديت_جبريل