❴🔢❵☟الــبــــــ❴ 1️⃣ ❵ـــــــارت☟
*اسـڪـﺮبـت➶𝄞🥂📓ツ))*
- "اللهم صل وسلم على نبينا محمد وعلى آله وصحبه أجمعين بعدد كل شيئ وملئ كل شئ"
___________
شغلت أذاعة القرآن الكريم وبدأت أفرد العجينة قدامي علشان أعرف أقطعها وأخبز العيش.
وبصراحة ياجماعة أنا بعشق حاجة أسمها خبيز، بالنسبالي مُتعة.
بعد ما خلصت ولاعت علي الطاسة وحطيت زبدة وبعد كدا شرايح طماطم صغيرة وفوقيهم بيضتين متكسرين والتوابل ألي بحبها وختامََا رغيف عيش من ألي أنا لسه عاملا.
وكوبية لبن أبيض علشان الكالسيوم ألي لازم نهتم بي من بعد الولادة لأنهُ بيتأثر جدََا.
طلعت الصالة أقعدت وحطيت قدامي الفطار ورجعت لوره بضهري وأنا بسندهُ براحة.
من ساعت ما ولدت وأنا مبعرفش أقوم بدري يدوب بصلي الفجر وبنام.
لكن النهاردة الحمد لله لولو ربنا هاديها ونايمة فيّ سكينة.
ودا خلاني أتشجع وأقوم أروق الشقة كلها، وأخد دوش وأعمل سكين كير محترم وحمام زيت لشعري.
والذ وأخر حاجة الفطار السكر دا مع صوت النقشبندي.
الواحد عايش في كم نعم والله لا تُحصي لكنهُ مش مقدر قيمتها.
شعور الهدوء والدفيٰ ألي أنا حاسة دلوقتي نعمة عظيمة.
وقيس علي كدا كل شئ بسيط من وجهة نظرك لكنهُ نعمة غيرك محروم منها.
أخدت فيتاميناتي وبدأت أكل بستمتاع لكن قطعهُ أبن الهلالي لما خضني وهو بيقول:-
-دي أسمها خيانة.
حطيت أيدي علي فمهُ وأنا بقول بتحذير:-
-ليلي لو صحيت بسببك واقعتك هتبقي هباب معايا ياجبريل.
شاور علي فمهُ بعلامة الصمت وأنا قومت جبت فطارهُ.
ما أنا أكيد مش هحضر ليا فطار وهو لا! دا حبييي برضو.
حطيتهُ قدامهُ بجانب كوبية القهوة بالبن زي ما بيحب وقولت وأنا ببتسملهُ بحب:-
-ألف هنا ياحبيبي.
قرب مني وهو بيتشوش ودا خلاني أضحك عليّ وأنا بسمعهُ :-
-علفكرة أنا مظلوم وياكي.
رفعت حاجبي بستنكار:-
-والله؟
رد بتأكيد:-
-أيوة، البني آدم بيحتاج من ٥٠ ل٧٠ حضن في اليوم، وانتِ بقالك يومين مش معبراني.
شربت من اللبن وأنا بضحك أكتر وبقول:-
-شوف أزاي.
قال بقمص:-
-علفكرة مش بهزر.