❴🔢❵☟الــبــــــ❴ 2️⃣ ❵ـــــــارت☟
رحمه: متتريقش عليا
مازن: ههه اي اخلصي
رحمه: شلني!
مازن بستغراب: افندم!
رحمه: ههه بص هفهمك هو كان نفسي من وانا صغيره اني اقعد علي عربيه من فوق اوي و....
مكلمتش الجمله فشلني فعلا ورفعني بمسافه اعلي منه بشويه وسندت بيدي علي كتفه بخضه فضحك بنظره دوبت قلبي وبعدها لف بيا وكاني في حلم، حلم مش عايزه افوق منه ابدا وصرخت بضحكه كانت خرجه من جوه قلبي، ووقتها اتمنيت انه الساعه تقف ودقايق والثواني الي في العالم دي كلها واكون بين دراعو كده للابد.
رحمه: هههه انت مجنون علفكره
مازن بمزاح: قصيره و صغيره في نفسك كده بس تقيله اوي اوي يخال
رحمه بضرب صدره برفق: ههه علفكره انت بارد
مازن: هههه
بعدها حرك رجله ووقف قدام العربيه وساعدني عشان اطلع فوقها ونزلت رجلي من الجنب وحركتهم بفرحه وبعدها حاول يطلع معرفش
رحمه: احسن، خليك تحت كده
مازن: هخليكي قاعده لوحدك هنا وهمشي
رحمه بقلق: خلاص والله بهزر ونبي
مازن: استني جتلي فكره
" تحرك الي السياره من امام وسند عليها وطلع فوقه وتحرك حتي وصل بجانبها في منتصف السياره "
بعد فتره....
رحمه: تصدق فكره الب دي طلعت جامده
مازن: لما باجي هنا بجيب لب مع اغاني بقي واعيش
رحمه: وبتقعد قد اي
مازن: امم لو مدايق من دلوقتي كده لصبح مثلا واذا عادي بقعد ساعتين وبمشي
رحمه: لوحدك!
مازن: امم لوحدي
رحمه بغمزه: مش في موزه كده تسرقها هنا ول حاجه اهو ترتطب عليك شويه
مازن: هههه جربت قبل كده ومنفعش
رحمه: ازاي!
مازن: يعني جبت واحده هنا قبل كده وكانت جميله جدا وايدها ناعمه زي الحرير وجسمها دافي جدا ونامت بقي علي الكرسي جمبي وروحتها
معرفش الكلام ده نزل علي قلبي زي السم لي، وكنت بدور علي اي حاجه احدفها في راسه ملقتش، وده ديقني اكتر من كلامه نفسه، هو انا بغير عليه!
مازن بمكر: اي وشك قلب كده لي ها ههه
رحمه: وانت شايف انك لما تجيب بنت هنا ده حلو يعني
مازن: كانت يتعيط ولما ركبت معايا سكتت
رحمه برخامه: يحنين انت، وبعدين
مازن بضحكه: وبس كده يستي روحتها وشلتها عشان مينفهش اقومها من النوم وتدايق وكده
رحمه: ششش كلمه كمان وهفتح راسك بجد
مازن: ههه يتغيري عليا
رحمه: واغير عليك لي بقي ان شاء الله ده انا وسمير كنا بنخرج بالعربيه لوحدنا عادي
مازن: بتقولي اي!
رحمه: الي سمعته وسبني في حالي بقي
مازن: رحممه
رحمه بتجاهله: عايز اي من زفته
مازن: بحبك
رحمه:!!!
مازن: ههه مش عارف في اي بس سيطرتي علي تفكيري ومش كنت قادر اخبيها اكتر من كده
رحمه: احم مازن انا...
مازن: انتي اي
رحمه: مش هقدر ارد عليك، لسه ماضيك الي معرفش عنه حاجه ولسه مش حسى معاك انه الوضع مستقر بينا وكمان...كمان انا اكبر منك فممكن تكون حاسس بده بشكل مختلف
معرفش الكلمتين دول طلعو مني ازاي، هو لي الانسان بيحب يخبي مشاعره وبيحمي نفسه من انه يتكسر وفي نفس اللحظه لازم يجرح الي بحبه، خايفه اتوهم وعيش في كدبه مش هقدر اتخطاها ولسه معرفش قدرت اتخطي لختبار ده ول لاء.
مازن:.....
رحمه: احم لو عايز نمشي دلوقتي وتقولي مره تانيه هنمشي
مازن بتهيده طويله وتحدث : انا كنت طفل مدلل جدا، ابويا بحبني جدا ولاني اخر العنقود وكمان كنت علطول معاه اديقه وساله وهزر معاه وكنت لميض جدا كان ديما يقولي مازن انت هتكون سابق سنك بكتير لما تكبر دي مش دماغ طفل ابدا!
كان ده بدايق خالد جدا ىغم انه بابا مكنش بيعمل فرق بينا وبحبه كمان ، كان اي حاجه اخدها لازم يحصل عليها وكان ديما يديق لما يشفني مع بابا او قريب منه معظم الوقت ولانه ماما بتحبه اكتر مني كانت لما نتخناق تقف في صفه هو لما اجيب لعبه جديده يكسر بتاعتي ويروح يعيط لماما وتروح تجبله وحده عشان يكون في وحده بس وبتاعته هو!
كبرنا والايام عدت وفهمت انه خلاص كبرنا وهو دخل الجامعه وبقي مهندس وانا زي ما انا قريب من بابا اوي وبعمل معاه كل حاجه وكنت لما ادخل لماما المطبخ بحس بنظره منها انى مش فارق معاها ول عمري حسيت من عنيها بإهتمام ليا
الدلع والطبطبه والحب الي كانت بتدي لخالد مكنتش باخد ربعه!
ولي مهون عليا كل ده بابا وبعدها بدات اتعلم الطبخ واعتمد علي نفسي.
وفي مره من تلات سنين واحنا رجعين في العربيه كان خالد الي سايق وانا جمبه وماما وصحبتها ورا وبعدها بدات اتناقش مع خالد انه يبطئ شويه وانه ياخد باله من الاشارات وهو برد عليا ومدايق وبنتخانق عملنا حادثه.
ومن سوء الحظ العربيه ادمرت من ورا وصاحبه ماما ماتت! وانا كانت اصباتي اقل من خالد حولت افتح الباب بتاعي معرفتش فحركته للكرسي بتاعي وقعدت انا مكانه وفتحت الباب عشان الدخان الي كان موجود فيها وبصيت لصحبت ماما لقيت حالتها مزريه وانها بتتنفسش وبعدها مسكت ايد ماما وحركتها براحه وعيني كلها رعب فتحت عنيها وغمضتها تاني فحمدت ربنا ورنيت بالاسعاف وكان يوم طويييل بجد!.
وروحنا المستشفي وانا كنت اقل اصابه فيهم فتعافيت بسىرعه تقريبا يومين وبابا كان قلقان جدا علي ماما وخالد وانا كنت جمبه وبصبره وبصبر نفسي علي الي شوفته والي عشته وقتها
وبعدها جدت الشرطه مع ابن طنط الي توفت عشان يحقق معانا ولما بقو كويسين ساله خالد قال اني انا كنت الي سايق العربيه وقتها! انا!
وبعدها ترجيته يقول الحقيقه انا معملتش حاجه انت بتكدب لي
وانتظرنا لما ماما فاقت بعد مده طويله وسالوها لانها كانت الشاهد الوحيد بعد خالد وقالت بعد ما بصت لخالد انه انا! انا الي كنت سايق وقتها
قولت لبابا اني معملتش كده واني كنت جمبه وقلي ببرود مصدقك مصدقك ومن جواه بقول انى كداب وبعدها قلي بس خالد لسه فاتح شركه والموضوع هيكبر وممكن يدهور شغله ويطلع عليه اشاعه وانت لسه في جامعه واخر سنه ليك يا مازن، متعملش الغلطه وترميها علي اخوك اظاهر اني دلعتك زياده عن الزوم وانك بتهرب من غلطك، لازم تتحمل نتيجه فعلك ده، هسالك تاني انت الي كنت سايق بجد ول خالد ؟
ساعتها ضحكت بسخريه، محدش مصدقني بجد! طيب انا هكدب لي، لي ههرب من مسؤليه لو كنت السبب فيها هتحملها
واول مره في حياتي وقتها اتعصب علي بابا واتكلم معاه ببرود
جيه ابنها وكان حالف ليموتني بس تاتا كانت جمبي ودفعت عني ديما ولانها كانت حادثه مش مقصوده كان ممكن تخلص بفلوس او فديه بس دخلت حاجه اشبه بالسجن كده، هو كان مسؤل عنها تقريبا كان محامي او شرطي مدققتش وفعلا دخلت المكان ده سنه عشان يهدى ناره!. رغم انهم كانه 3 سنين ول وقوف تاتا جمبي.
سنه في سجن وانا معزول من عالتي اخويا وماما وبابا الي وثقت انه مستحيل يصدق اني كده، لما طلعت كنت شخص تاني معرفوش انا شخصيا
رحمه:.....
مازن: مش قلولك اني دخلت السجن صح
"رحكت رحمه راسها بسلب ونظره له بدموع فكمل حديثه بنظر لسماء"
مازن: كانت اسوء سنه في حياتي، اكل مش عارف اقول عليه اكل ول سرير مريح ول شمس ول نور حتي الناس الي هناك كان اشكلهم مرعبه بنسبالي، كنت مصدوم اني هناك وانهم ازاي قدرو يدخلوني هنا وانهم قدرو في سنه دي ميسالوش عني ول مره!
وبعد ما خرجت لقيت انهم عيله انا مش موجود فيها، خالد بقي مع بابا في الشغل وماما مستنيى رجعهم وانا لما حد يشفني يتوتر وطبعا بابا حاول يخلي المضوع سر عن معظم الناس وعدت السنه غير طبعا الفلوس الي دفعتها او خليت تاتا تدفعها عشان مش عايز حاجه منهم
بابا شايف اني تغيرت من قبلها، اني ازاي اغلط ومعترفش بغلطي انه ازاي اغار من اخويا الي طول عمره بغير مني!
رجعت لصحابي تاني وبقينا نخرج وابعد عن البيت باي شكل، كنت عايز اسافر كنت عايز اطلعهم من حياتي وكرهم من قلبي بس مقدرتش
بعدها خناقات مستمره بيني وبين بابا و محاولة ماما لكلام معايا وانا مبردش غير علي القد بس
كرهي لخالد بزيد
وقطع المصروف عني واي حاجه عشان ارجع زي الاول معرفوش ودفنوا اني دخلت السجن مع زكرياتهم الي مش برضه يفتحوها ابدا ول حتي بيجيبو سرتها لناس.
رحمه:.....
مازن بعيون حمراء ونظر لها : اتكلمت كتير صح
رحمه بدموع وصمت:...
مازن: انتي كويسه! في اي
حضنته جامد، لاء دفنته جويا، عمري ما كنت اتوقع انه حصل معاه كده ابدا! عمري ما توقعت اني مع واحد قدر يتحمل كل ده لوحده وساكت ومخبي كل ده في قلبه
مازن بتحرك يده علي راسها برفق: متقلقيش انا كويس
طلعت من جواه وبصيت لعنيه ولمست بايدي علي وشه وتكلمت وانا قلبي محروق علي كل كلمه قلها وكانه ابني ابني الي مش هقدر اشوف النظره دي في عيونه ابدا ول اشوفه مكسور كده.
رحمه: انا معاك، مش هخلي اي حاجه تديقك تاني، انا جمبك بوعدك بده
مازن: عارف انك شيفاني صغير واني مش قد المسؤليه واني بهرب بس صدقني كنت بدور علي امل امل واحد اكمل عشانه وليقتك، خليني انا احبك يا رحمه، خليني اثبتلك مع الوقت انى تغيرت استنيني ممكن
رحمه بتحريك راسها بالايجاب: حاضر
مازن: طيب انتي مصدقاني اني...
رحمه بدخول لحضنه مجددا: هه غبي!
معرفش بقينا كده لامتي بس كنت عايزه اطمنه، الصوره وضحت قدامي ومش فهمه مين الي هقدر اقف جمبه، مين شايف الحقيقه ومين الكداب، بس كل الي عرفه دلوقتي اني عايزه اطمنه وعايزه اكون جمبه وبس.
في سياره...
رحمه: عايز تروح بجد
مازن: لي عايزنا نام في شارع يختي
ابتسمت علي تقبله لكل حاجه حصلتله، انه قادر يضحك ويهزر بعد كل ده، انا حقيقي فخوره بيه
رحمه: لاء يخويا قصدي تروح للبت الي جمسها دافي جدا وإديها ناعمه تقعد معاها شويه تكون وحشتك
مازن: هههه لسه فاكره
رحمه: مازن انت حضنتها بجد!
مازن: كان حضن جااامد يبنتي والله، ونامت علي كتفي و...
رحمه: مااززن
مازن: ههه استني اوريكي صورتها
رحمه: مازن هموتك والله
مازن: هتعجبك
رحمه: نينييني
وراني صورتها فكانت بنت صغيره كده حوالي 10 سنين فبصيت لي كده وخد ضرب عنب وكان مسخسخ ضحك ابن شاديه
مازن: زين ابوها واحد صحبي، كان رايح مشوار وعماله تعيطت ومش سكتت خالص وكان هيموت منها ومامتها في البلد وانا كنت خارج ومش معايا حد وخدتها معايا عشان كانت هينتحر تقريبا بس اي رئيك قمر صح ههه
رحمه: مهزق ياااض!
لما روحنا كان عمو مولع النور بتاع اوضته وفاتح الشباك زي كل مره لعند ما يرجع مازن وبعدها يظلم ويقفله، دي عاده بشوفها كتير فيه انه بيسهر طول الليل لو كان مازن مش رجع وبستغرب احيانا لما بيرجع مازن الصبح بعد ما يروح الشغل بنام فين وامتي؟!
طيب لي مصدقوش معقول يكون ندمان؟
مازن: رحمه
رحمه بنتباه: نعم
مازن: رحتي فين يلا
رحمه: وراك
عدا اسبوع، انا هو بقينا اقرب بكتيير، بيخرج بليل برضه لصحابه بس طبعا يرجع بدري عشان منكدش عليه
مبنزلش كتير تحت لاني لما بشوف طنط شاديه بتوتر ومبعرفش اتكلم معاها وبستغراب لي قالت كده وقتها
وبتعمد انزل وخالد وعمه مش موجودين وبطلع قبل ما يجو استني مازن، بس نزلت انهرده بالاحاح شديد منها اني اساعدها في الاكل.
شاديه: حلوه الملوخيه كده
رحمه: امم ناقصه ملح زودي شويه
شاديه: في حد برن البوابه يا بنتي افتحي
جريت اشوف مين وقلقانه، يارب ما يكون حد منهم!
هانم: اهلا اهلا بعروسه حفيدي
رحمه بجري عليها: تاتا هههه
~*♡_____________________________________________♡*~
~*((«االـفـصـل الـࢪابـ؏ عـشـࢪ))*~
هانم: اهلا اهلا بعروسه حفيدي
رحمه بجري عليها: تاتا هههه
هانم: عمله اي ومجتيش انتي ومازن لي يوم تقعدو معايا استني لما يجي وانا أكسره
رحمه: هو هنا يا تاتا اصلا بس نايم
هانم: لسه متغيرش بعد ما جوز وحده زي القمر وحِركه زيك واضح انه ابني مبخلفش رجاله
رحمه: "اي دا يا تاتا في اي!" احم مش لدرجادي والله ب... علي العموم ساعه وهيقوم
هانم: طيب تعالي نشوف شقتك وبركها ليكي
رحمه: ينهار ابيض دي الشقه تنور يا ست الكل، تعالي
هانم: امم بكاشه ههه،تحبي اسندك ول تطلعي لوحدك
رحمه: هههه
واضح انه العيله كلها دمها خفيف وقمر، وتاتا عنيها طوبي علي ازرق زي عين مازن كده، تقريبا طلعين حلوين كده للحجه وجود الناس الكبير زي ستك او جدك او شخص بتعزه بَركه كبيره اوي...
ديما خلي شخص كبير بتحبه وبتحب تكلم معاه هتلقي عالم من الخبره والمعرفه والراحه والهدوء موجوده عنده، بحب اخد رائيهم اوي لانى عرفه انه اي كلمه ليهم حكمه عشوها ومعلومه مفيده تستاهل انها تتعرف
في شقه...
رحمه بتحدث للهاتف: ماشي يا طنط هفرجها علي الشقه وننزل عشان الغداء علطول
شاديه: ماشي يا بنتي
"تقوم بالقفل"
رحمه: اتفضلي يا تاتا
هانم: بسم الله ما شاء الله، اللهم ما بارك يا رب اي الحلاوه و.. دقيقه مش ده مازن
رحمه: اه نايم علي الكنبه يا تاتا
هانم: ولي نايم علي الكنبه يا روح تاتا
رحمه: عشان كنت نايمه عسرير، احم هو هههه
هانم: وحيات امك انتي وهو
"تحرك العصى الخاص بها بتجاه الكنبه وتضربه بقوه علي ظهره فيفيق في زعر وخضه"
هانم: قوم يا جيبلي العار قوووم
مازن بالم: اااه، في اي!
رحمه: هههه هموت
هانم بضربها ايضا: اسكتي انتي كمان
رحمه: اي يا تاتا انا مالي الاه!
حرفيا كنت مسخسه ضحك علي شكله وهو بيضرب واصلا ضهره وجعه فاحسن، وبعدها ضحكتي اختفت وكنت هعيط من الضربه الي خدتها انا كمان، تاتا دي طلعت قادره.
مازن: اي يا تاتا في ناس تصحي حد كده
هانم: انت ليك عين تكلم يا ولد، والله لكسرك
مازن: تاتا استهدي بالله كده، يا وليييه!
جري وهي ورا وفتكرت الاستكر الي كان بيني وبين صحابي كان شكلهم زيه بظبط، حرفيا فطست
في الصاله...
مازن: عمله اي يا فرولتي
هانم ببتسامه: لاء مش هصلحك
مازن ببرئه : طب يا بطتتي
هانم: ههه يا بكاش
مازن: م هو ده مش اسلوب يعني، ده استقبال اخده بعد ما زورتينا من زمان واخيرا
هانم: والله برحتي وبمزاجي واعترض بقي يا بن رافت عشان اوريك الوش الخشب
مازن: اقدر يا روحي انتي، مقدرش والله اهدي بس انتي كده
"تاتي رحمه بصنيه بها الحلوه والفواكه"
هانم: اي مش هنتغدا الاول، ده الواجب بنسبالك
رحمه باحراج: لاء يا تاتا والله اصل طنط شاديه عمله اكل تحت و..
هانم: ههه
مازن: ههه بطلي ترخمي عليها يا هنوم
هانم: هنوم يا قليل الادب وتربيه ما ابني مرباش
مازن: اهو الكلمتين دول لو متقولوش لما شوفك يبقي في حاجه غلط
هانم بشد اذنه: وده كمان عشان اليوم يكمل
مازن: يا تاتا انا كبرت، بطلي تعملي الحركه دي بقي عشان بتعصب
هانم بشد اكثر: بتقول اي
مازن: خلاص والله، يا تاتا بتحرجيني بجد
هانم: كبرت اي يا بن الغالي ده انا كنت بغيرلك وانت قد اللقمه
مازن باحراج: يلهوووي بقي
رحمه: هههه
هانم: وانتي بتضحكي علي اي، خيبتى املي
رحمه بحزن: خيبت املك في اي يا تاتا والله الاكل تحت، اقوم اعمل اي طيب
هانم: مراتك طلعت اغبي منك يا مازن
مازن باكل قطعه من التفاح: ربنا يخليكي يا ست الكل
هانم: اقصد يعروسه فين ابن حفيدي لسه مشفتوش، عايزه اشوف عيالو قبل ما اموت
كلام تاتا كوم ومازن وهو بتف الي في بقه ويشرق ويشرب مايه ويحمر ويتوتر كوم تاني خاالص، بس يا تاتا عايزه اي مش فهمه برضه؟!
هانم: اشرب مايه يا حبيبي اشرب
مازن: اى يا تاتا ده
هانم: اي الى انت بتعمله ده، انشف كده يا ولد
مازن: انشف!
رحمه: طيب هروح اعمل لحضرتك شاي
هانم: مش هتقومي يا حضرتك من هنا، اقعدي ما نخلص كلمنا
رحمه:....
هانم: لاء وده نايم علي الكنبه وتانيه علي السرير وكانهم مجوزين من 20 سنه ومخلفين ربطه عيال ومش طايقين يناموا مع بعض
رحمه: يا تاتا والله حضرتك فهمه غلط هو بنام مع..
هانم: اسكتي ياست البنات، اوعي تكوني فهمه اني ست كبيره وخرفت ومش فهمه انكو جوزتي غصب يومها، ده رافت مش سبته يومها غير لما حكيلي الي فيها
رحمه بتوتر : احم
هانم: من الاخر كده، كام يوم وتجبولي حفيد للعاله دي
مازن: اي يا حجه انتي!، احنا لسه مكملناش شهر متجوزين
هانم: يعني عايز قد اي عشان تجبولي حفيد
مازن بنظر لها بتوتر :....
مازن كان هيموت من الاحراج ومحدش عارف يتكلم معاها ابدا وانا تمنيت انه نختفي دلوقتي، انتي اي الي جابك هنا، قومي روحي!
اللله تلفون برن الحمد لله!
رحمه: تاتا طنط شاديه بترن يلا عشان الاكل هيبرد
هانم: بتهربوا يعني، ماشي لينا كلام تاني بعد الاكل
رحمه بنظر لها بخوف: تاتا اقفلي الموضوع ده لو سمحتي هو....
هانم: اخرسي خالص، مش عرفه تدردحي كده واسمع خبر كده حلو منك، انك حامل ول حاجه جتك خيبه..
رحمه: "هعيط والله"
هانم: خد دش منعش كده وجيبها ونزل يلا يله
مازن: وراكي يا تاتا حالا
"تقوم بذهاب وينظر رحمه ومازن لبعضهم بتوتر ويضع يده علي رقبته باحراج"
رحمه باحراج: ط.. ب انا هدخل الح.. اجات دي جوه بقي
مازن: احم ماش.. ي وانا هروح الحمام
مشي كل واحد في مكان وحرفيا محدش عارف يتكلم كلمتين علي بعض، هو انا لازم انزل تحت!
بعدها نزلنا وعشان كل الكلام ده والي حصل فوق نسيت، نسيت اني بقالي اسبوع مبشفهمش وان الوضع هيكون غريب جدي
علي السفره..
رأفت: اهلا برحمه الي مبنشفهاش خالص
رحمه بتوتر: ازيك يا عمو عامل اي
رافت: الحمد لله، اي مش بنشوفك يعني من اخر مره
رحمه: مبقتش بنزل كتير
خالد بعد دخوله: ازيكم جميعا، ازيك يا تاتا
هانم: بخير
بس!، ده الي قالته ول حتي بصت لي وهي بتكلم، معقول بتحب مازن اكتر منه ول لسه مديقه من الي حصل!
خالد: ورحمه كمان الي شوفناها اخيرا، فينك يا بنتي
رحمه:....
مازن: رحمه
رحمه: نعم
مازن: ممكن تجيبي شويه مايه
رحمه: حاضر
جبت لي شويه مايه ولاني قاعده جمبه، مسك ايدي وشد عليها جامد، كان قلقان، كان خايف عين خالد تيجي في عيني حتى
هو خالد وحش كده بجد!
"يقوم الجميع من السفره ويجلسون ويتحدثون وياخد مازن جدته بعيد عنهم لتحدث وتذهب رحمه لاعداد بعض الشاي فيتحرك احدهم للمطبخ ويقف خلفها "
رحمه بلف: متقلقش يا طنط هعمله ان...
خالد: متعمليش حسابي
رحمه بتوتر:....
خالد: في حاجه مديقاكي منى
رحمه: معرفش لسه
خالد: رحمه عشان خاطري ما تخلي مازن يبعدك عني او يكرهك فيا مش انا كنت صحبك
رحمه:.....
خالد: بكره عيد ميلاد نسمه ولازم اروح وعايزك تيجي معايا ونتكلم ممكن
رحمه:....
خالد: بالله عليكي انا مش عايز اخسر صديقه زيك في حياتي لو سمحتي
رحمه: هفكر يا خالد وقلك
خالد: بتمني توفقي
هو انا هفكر بجد! بعد الي سمعته كمان، بس خالد مش وحش لدرجادي اكيد، ممكن يكون الوقت المناسب لكلام، طيب هقول لمازن اي؟!
رحمه باعطاء الشاي لرافت: اتفضل يا عمو
رافت: شكرا يا رحمه
"تبتسم رحمه وتتحرك لذهاب فيقفها حديثه"
رافت: رحمه لازم نتكلم انا وانتي قريب
رحمه بلف ونظر له بثقه: اكيد يا عمو، لازم نتكلم فعلا، في اساله كتير جويا لازم اعرفها
رافت: هستناكي في اي وقت
"تحرك راسها بالايجاب وتذهب للخارج فتجد شاديه وهانم فقط"
رحمه: ازيكو يا جماعه
هانم: رحمه يا بنتي عايزه اتكلم معاكي، شاديه ادخلي جوه دقيقه
رحمه:؟؟؟
شاديه: حاضر يا حماتي، عن ازنك
رحمه: لو كان عشان موضوع فوق ده ف لسه بدري و...
هانم: شكرا يا بنتي، شكرا بجد
رحمه: عفوا!
هانم: مازن قلك علي كل حاجه صح
رحمه بنظر للارض ورفع عينيها مجددا : امم قلي
هانم: عيط
رحمه: ازاي!
هانم: من وقتها مشفتوش بعيط ابدا ول بقول لحد علي الي بحسه، حولت معاه، حولت كتير اريحه معرفتش بس بدال قلك يبقي في تقدم
رحمه: صدقيني يا تاتا هحاول اعوضه وهعرف الحقيقه وهحل الموضوع ده
هانم بوضع يدها علي يد رحمه برفق: لما رافت قلي هجوزه، قولت مستحيل يوافق وبعدها لقيته قاعد علي الكرسى جمبك وتجوزك فعلت وعرفت انك اكبر منه رغم انه مش باين عليكي وفرحت بالخطه الي عملتيها اوي ههه وقولت بس هيه دي الي هتقدر تغيره
لما تكلمت معاكي يوم الفرح عرفت انك طيبه اوي ومرحه ومبتعمليش كده عشان الفلوس والناس وطمنت، فشكرا بجد
رحمه: متقلقيش يا تاتا ده وجبي
هانم: تعرفي قالي من شو.... ههه ول بلاش اعرفي منه هو احسن
رحمه بفضول: لاء قوليلي بجد عايزه اعرف
هانم: خلاص بقي قلتلك اعرفي منه هو، نرجع لموضوع الخلفه
رحمه بوضع يدها علي عينيها: تاتا بقي ههه
هانم: ههه، تعالي في حضني
خدتني في حضنها وحسيت بجد انها قد اي ممتنه وقد اي فرحانه وده كان مفرحني اكتر واكتر،احلي تاتا دي ول اي
رحمه: تاتا بنسبه لخالد ف...
هانم: لما تجيلي انتي ومازن نتكلم في موضوعه، شاديه جايه كمان فسكتي
رحمه: حااضر
في المساء...
" مازن بدخول غرفته القديمه بخوف"
مازن: تاتا انتي كويسه! في اي!
رحمه: مازن بتعمل اي هنا
"يقوم الباب بالقفل بالمفتاح"
رحمه: اي ده!
مازن: مين عمل كده، افتحو الباب!
~*♡_____________________________________________♡*~
~*((«الـفـصـل الـخـامـس عـشــࢪ»))*~
رحمه: اي ده!
مازن: مين عمل كده، افتحو الباب!
رافت بمرح: اومر الحجه هانم ولازم تطبق وبتقلكو جيبولها حفيد بسرعه ههه
مازن: بابا افتح الباب!
رحمه: يا عمووو متهزرش!
بعدها عمو خرج وسبنا فعلا جوه لوحدنا!... فتحنا النور وقاعدنا علي السرير بنبص علي السقف كننا اول مره نشوف سقف في حياتنا مثلا وانه لونه ابيض و علي الاض حبه يمين حبه شمال حبه... وحبه حبه!
كنت ببص لكل حاجه الا عيونه عشان كنت هموت من الاحراج، بعدها اتكلم فتوترت اكتر
مازن: شكلنا اتحبسنا
رحمه: شكلنا كده ههه
"ينظرون لبعضهم قليلا ثم تقف لتنظر للغرفه بتركيز"
رحمه: اوضتك القديمه دي صح
مازن: امم
رحمه: اي الكتب دي كلها، اوعي تقولي انك بتقرا اتصدم
مازن ببرود: لاء جيبهم زينا كده زياده ديكور للاوضه
رحمه: نينيني
مازن: شكلك مستقل بيا اوي وده غلط علفكره
رحمه برخامه: استقل بيك اي بس، ده انت ابني يبني
مازن بجز علي اسنانه: اللهم ما طولك يروح!
رحمه: اللله اي الصوره القمر دي!
مازن: خدتها انا وبابا واحنا بنصطاد قبل كده
رحمه: كنت شبه اوي في الصوره دي
مازن ببتسامه باهته: كنت بقي
حسيت بالاحراج شويه من الموقف، بس كسره عينه وعجزها ده خلي قلبي يتكسر جويا، بتمني لو عمو رافت يومها صدقه ولسه السوال بلف جوه دماغي، لي عمل كده يومها؟
بصيت علي كل الصور لقيته م صور مع الكل حتي خالد بس طنط شاديه مش موجوده معاه في صوره ابدا، ده مش غريب شويه؟
رحمه: مازن انت لي مش متصور مع طنط ول صوره؟
مازن: مكنتش بتحب نتصور
رحمه: مع الكل يعني
مازن: لاء معايا انا بس
رحمه:.......
مازن: متقلقيش الموضوع معدش فارق معايا
رحمه: انت كويس طيب
مازن بغمزه : مش كفايه انت موجود يسطا، طبعا روقان
رحمه: ههه
ضحكت ببتسامه علي تغيره للموضوع وفك الاجواء الموجوده كفايه غمزته عشان الواحد يقع في حبه والله... يخربيت جمال عنيه!
ترن ترن ترن
"ينظر مازن للمتصل فيقفل بسرعه وتوتر"
رحمه بشك: مين
مازن: احم صحابي، كنت بخرج في الوقت ده
رحمه: امم وليه المكلمه دي بذات اتوترت لما قفلتها
مازن: انا يبنتي! ده انا غلبااان
رحمه: والله!
ترن ترن ترن
وقتها بقي خدت انا التلفون وشفت الرقم كان مكتوب " فروله ببجي " وطبعا مش هيقول كده علي توفيق صحبه مثلا
رحمه بفتح المكالمه: الو
مازن بخضه: رحمه نهارك اببض!
رحمه: ششش، اسكت خالص
* "بنعومه" اهلا مين
رحمه بتريقه: اهلا يختي، اعدلي صوتك شويه بنت انا متخفيش
بصيت قدامي لقيته هيموت ضحك و بصللي كده بنظره مبتسمه فبصتله بغيض فتكتم وهتكم فوق نفسه دلوقتي باذن الله!
* ممكن تقولي لمازن اننا مستنينه عشان نبدا الجيم
رحمه: مش هيعرف يا قمر والله، مراته معاه الي هو انا لو مش وخده بالك يعني ومشغولين بقي معلش
* اووه مازن اتجوز!
رحمه: شوفتي سبحانه الله، اقفلي بقي لتتشتمي دلوقتي
* انتي غريبه جدا! سلام
رحمه: دي البنت الي سمعت صوتها من اسبوع كده لما خدت السماعه منك صح
مازن: ههه بصي هفهمك هي...
مكملش الجمله لقى شعره الاسود الناعم القمر في ايدي وبصه ليه كده وشرر بيطلع من عيني الحلوف
مازن: اييي، بت شعري!
رحمه: ولما بتخرج يا عم مازن بتكون قاعده معاكو ول اي طمني، خلفت كام عيل يلا اعترف
مازن: عشه ههه ، سيبي شعري بقي يخريبت قمرك
ولانه معرفش ده زعيق ول تثبيت ول اي انظامه شلت ايدي و مشيت لعند ما وصلت المكتب ولفيت علي اساس اني مقموصه وكده
مازن: خدي يا بت تعالي هنا
رحمه: بنتوت
مازن: طيب تعالي هقلك فكره والله
رحمه: لاء وسبني في حالي
مازن: حومه، خدي عشان خاطري
رحمه: اي ده اثبت! حاضر جايه
مازن : هههه
..............
رحمه: مازن حاسب الزوم ولاه ههه
مازن: استني واحد بغرق هنا هجيبه
رحمه: عارف لو ضربت فيا قنبله زي الجيم الي فات وخدت الاسكوب الرابع مني هعمل فيك اي
مازن: ههه منا طلبته منك بزوق مش ادتهولي فلبسي بقي
رحمه: تقوم مفرجني يا كلب البحر
مازن: ههه اني اسف
..........
"تخرج رحمه من الحمام و تفرد شعرها المبلل حتي ينشف وتجلس امام مازن المتعجب وتتحدث بفضول"
رحمه: غريب انه في حمام في اوضتك؟
مازن: قلت لبابا انا عايز اكبر واحلي اوضه في البيت كلو لما نقلنا هنا من 10 سنين وكان عامل الاوضه دي لي واوضتي جمب خالد وطبعا لان كلامي اومر بنسبه لبابا خدت انا الوضه دي وهو خد الاوضه الصغيره هو وماما
رحمه: كنت مدلع يلا اوي، انا ابويا كان بقولي هتطلعي امتي من الاوضه عشان نأجرها
مازن: هههه بحبوكي اوي يسطا وكانت اكيد كبيره عليكي بقصرك ده
رحمه: تسلم يا غالي متشكره
............
مازن: رحمه انتي خريجه اي
رحمه: اداره اعمال
مازن: نعم!
رحمه: غريبه ها ههه، كنت بحبها جدا وخدت قسم التطوير فيها او الالوان عموما بحب تنسقها و... هتكلم كتير فكبر دماغك
مازن: معاكي لصبح يا قمري ههه
رحمه: هصدعك
مازن: اي الجديد ما انت علطول بتصدعيني
رحمه: هزعلك يلا
مازن: ههه معاكي يا اخره صبري قولي
قعدنا نتكلم طول الليل وكتشفت انه قلبي بيفرح لما بتكلم معاه بحس براحه واني عايزه اقله كل حاجه في العالم وكتشفت انه
الحب هو الي بغير للانسان
زي ما تقال في مسلسل هيبتا، الحب اجمل احساس ممكن تعيشه في كون...
مش شرط عشان تحب، تحب الناس بس
ول حد معين في حياتك، انت لو حبيت نفسك هتتغير
حب وجودك، حب انك عايش لان ربنا خلقك لسبب معين في الحياه.
ولما تحب نفسك مش هتحس بنقص في حياتك ول هيهمك انه المجتمع احيانا بقيد الاحساس ده جواك
وبعد ما تحب نفسك، شوف اكتر شخص بتحس جنبه بسعاده
سعاده عمرك ما بتحسها مع حد غيره
بتنسي الوقت وبعدي عليك هوا
بتركز في تفصيله، بترجع لورا سنين بزكريات جمبه وبكون سامع كل كلمه بتقلها بفرحه وانت مكمل لنظرته الفضوليه ليك.
الشخص ده كان هو!
لو ركزت في كلام الناس، لو مفهمتش فعلا احساسي اتجاه كنت هخسر، هخسر نفسي عشان اهتميت بري الناس اكتر مني، وهخسر السعاده عشان كانت بتكمل بوجوده وكنت هخسر جمال بصمته ، بصمته المميزه!
_______________
نمننا بعدها والغريبه اننا محسناش باي حاجه غير وانا بصحى تاني يوم جمبه وعلي دراعو وشعري مفرود عليه
لاء ومش كده وبس القيه بصصلي في عين بكل اعجاب! اووف!
مازن بمرح وعينين مبرقه: صباح الخير يسطا
رحمه: ههه صباح الخير يا عمهم
"ينظرون لبعضهم ويضحكون ثم تحاول رحمه تحرك فيوقفها"
مازن: متقوميش
رحمه: مش فهمه!
مازن: خليكي كده شويه
بصيت لعينه فلقتها عايزه تقول حاجه كتير فنمت مكاني تاني زي ما انا وعلي دراعو الطويل ده!
رحمه: اممم
مازن: شكرا
رحمه: ؟؟!
مازن: اول مره انام امبارح وانا مطمن كده، اه بعترف انه نومي تقيل وبنام عادي بس امبارح اول مره انام وانا مرتاح بجد
رحمه:....
مازن: اوعديني انك متبعديش عني، انك تكوني جمبي ومتسبنيش لوحدي حتي لو متغيرتش متسبنيش، بعد تلات سنين من حياتي احس انه حد بيهتم بيا وبيشجعني وبيقف جمبي، اوعديني ها
رحمه ببتسامه ودموع خفيفه: بوعدك.
مازن: ههه بحبك
رحمه: احم يلا نقوم بقي، يلا
قومت ربطت شعري ولفيت الطرحه عليه وكنت هموت واجري من نظراته ووشي الي قلب طماطم ده و بتمني يكون الباب مفتوح عشان لو قعدت دقيقه كمان هفقد اعصابي وقلو وانا كمان!
والحمد لله لقيته مفتوح!
شاديه بخروج من المطبخ : صباح الخير
رحمه بتوتر وحمرار : صباح النور يا طنط
شاديه: في حاجه
رحمه: لاء ابدا
شاديه: تلفونك من الصبح وهو برن فشوفي كده يا بنتي ليكون حصل حاجه مهمه
رحمه: من الصبح لي الساعه كام
شاديه: احنا 1 الضهر يبنتي
رحمه: وحده الضهر!، نمنا كل ده
شاديه: اهم حاجه تكونو ارتحتوا امبارح في النوم، الاوضه كانت مقفوله من شهر
رحمه: لاء متقلقيش يا طنط نمنا كويس، هو فين التلفون
شاديه: علي المكتبه جمب شاشه التلفزيون
رحمه: تمام
بصيت في لقيت 5 مكالمات من سمير ورسايل حوالي 200 رساله من ايه وايمان، اي يا جدعان حد مات!
بعدها رنيت بسمير فتقريبا رد قبل ما يرن اصلا...
سمير: رحممه
رحمه: اي يا سمير في اي
سمير: انا في المطعم الي بنقعد في مع بعض ديما تعالي لو سمحتي عشان تعبت
رحمه: حصل اي طيب
سمير: هقلك لما تيجي، تعالي يلا
رحمه: حاضر يا سمير جيه يلا
سمير: هستناكي يا رحمه سلام
بصيت علي الرسايل من فوف لقيت ايه كاتبه "انا تعبت من ابن خالتك ده"
"رحمه خلي يبعد عني لاني والله هقتله"
" قوليلو لو مسكتش هقول لمامته واعمل مشكله وانتو حرين مع بعض بقي "
"رحمه انا تعبت بجد، انتي مبترديش لي!"
بعدها رنيت علي ايمان عشان افهم في اي
ترن ترن ترن
ايمان: اي يا حوم فينك
رحمه: اسفه يا مون والله كنت نايمه في اي
ايمان: مش عرفه لقيتها جايه الصبح وبتعيط وكانت هتمسك المسدس وتضربني بي بنت المجنونه
رحمه: مقلتلكيش الي حصل
ايمان: هيه قالت الموضوع لي علاقه بسمير فانتي شوفي كده لانك الوحيده الي تعرفي تحلي الموضوع ده لاني تعبت معاها
رحمه: تمام يا مون هشوفه كده وبعدها اشوفها، هنكون علي تواصل
ايمان: تمام، سلام
بعدها دخلت الاوضه علي المازن الي خد دش وبسرح شعره الناعم الى بسحرني ده لفوق قدام المرايه...
رحمه: مازن، عايزه اخرج شويه
مازن: فين
رحمه: اشوف سمير
مازن: تشوفي مين يختي
رحمه: مازن مش وقته محتاج مساعدتي
مازن: انسي يا رحمه
رحمه: مازن سمير اخويا وبحب صحبتي وحصل بينهم خناقه ولازم اروح اشوف في اي
مازن: خلاص هنروح سوي
رحمه: نعم!
مازن: الي سمعتي ومش هتتحركي من هنا غير معايا وشوفي انتي بقي
رحمه: مازن مش وقته تقفل دماغك
مازن: عشان يضربك علي كتفك ويستهبل، مش هتناقش معاكي في الموضوع ده لنروح سوي لمش هتروحي اصلا وانتهى
رحمه: اوووف طيب تعالي
خرجنا انا وهو وقالت طنط لي بعين مكسوره مش هتاكل قلها مش جعان وطلع فوق، متكلمش معاه لان الوضع مش يسمح بده و عينه الحمره كانت كفايه انها تفهمني الي فيها.
بعدها لبسنا وبدانا بقي رخامه...
مازن: مش هتنزلي كده
رحمه: مازن هشتمك والله
مازن: مبهزرش لتغيري لنقعد
رحمه: يربي!، اي المشكله فيه طويل اهو
مازن: احمر! ريحه تشوفي بحمر!، مش هتخرجي كده وهنشوف بقي
رحمه: صبرني يا رب لقتله! حاضر هغير خلاص
مازن: اخلصي
لبست اسود عشان نخليها يوم اسود ومهبب علي دماغ سمير وربنا يتولنا جميعا وركبنا العربيه وتحركنا
مازن: هو الود ده اسمه اي
رحمه:"تعرف لو عرف انك بتقول عليه ود هيعمل فيك اي" سمير
مازن: حتي اسمه رزل زيه
ابتسمت علي تعبير وشه وبصيت قدامي وانا بدعي انه الموضوع يعدي علي خير المرادي لان التنين المجنين الي بحبه بعض جدا دول هقتلهم قريب!
"بعد وقوف مازن امام المطعم بتعليمات رحمه لكي يصل، يدخلون فيراها سمير وياتي عليها بقلق"
سمير بمسك يدها بلهفه: رحمه الحمد لله انك جيتي
مازن: ايدك لو سمحت لكسرهالك
سمير: عفوا!
رحمه بنظر له بحده : مازن!
_*`يـتــبـــــــ؏`🫧♥️*_…
_ϻ.Ã . Ř. Ŝ. Ĺ. Ẹ. Ň🍒♥️.'_*