❴🔢❵☟الــبــــ❴ ألأخير ❵ــــــارت☟
⤾ عُمارة الشياطين || شقة ياسمين 🐈⬛. ⭒↺֢ ⤹.
عُمارة ملعونة كان صوتها عالي ومخيف الجيران عزلوا من الشارع و بيتهم بسبب خوفهم علي اولادهم و حياتهم كانت اصوات كتير مش مفهومه ازعجت ناس كتيࢪ و للسبب ده سموها عُمارة الشياطين … اتنين عرسان جداد "محمد و لميس" و الدنيا جايه عليهم ، هيسكونوا في العُمارة و بعد اول اسبوعين بـ يبدء الرعب و صوت واحدة ست مخيفة "بـ تقولهم انا ياسمين" و بتتكلم بصوت مرعب و مخيف بـ تقول : كل الـ مكان هنا مليان بـدمي دم يــــــــــــاسميـــــــטּ و هنــــا يبدأ الࢪعب مع المؤلف مؤمن 🐈⬛🐾.
⌬━━─⧉⊰ 🜝 𝓐.𝓜 🜝 ⊱⧉─━━⌬
البـــــــــــــــــــــدايـــــــــــــــــــة
• انا هديك فرصة كمان اسبوع ، اسبوع واحد بس لو مجبتش الشقة تنسي بنتي ولا اكنها موجوده في الدنيا دي اصلا و ربنا يسهلك بعيد عننا امين يا عم محمد ؟؟
• ياعم عوكل والله الدنيا زنقت معايا علي الاخر و زي ما انت عارف انا كنت داخل جمعية و قولت اخدها من هنا و اجيب الشقة ع طول مش هصرف منها جنية واحد بس الظرف بتاع عملية امي صرفت نصهم ع العملية و معايا الباقي انا والله مش ساكت و بدور علي اي شقة انا ياعم عوكل زي شباب كتير بحلم يكون عندي بيت وحياة مستقرة تجي انت تقولي اسبوع و مش اسبوع انا بحب بنتك و بنتك بتحبني مش تقطع بـ رزقنا الله يكرمك .
بعد اربع ساعات ... مكالمة لـ محمد
-: السلام عليكم محمد معايا ؟!
= و عليكم السلام مين معايا ؟
-: انا مؤمن بكلمك بخصوص الشقة عرفت ان حضرتك بدور ع شقة تتجوز فيها
= ايوة ايوة ... الله يكرمك لو عندك شقة ع قد اليد كد و تكون حلوة
-: بص يا استاذ محمد ... انا عندي عمارة بتاعتي في شارع , ابو غزاله عُمارة الملائكة شقة حلوة في الدور 9 فاضية لو حابب تجي تبص عليها و نتفق مفيش مشكله
-: تسلم يا عم مؤمن ... بس ممكن تدني خلفية عن الفلوس لان انا اللي معايا ع قدي و بص هكلمك بصراحه انا كنت داخل جمعية و لما قبضها امي احتاجت اعمل لها عملية و صرفت نص الفلوس يعتبر فا ممكن تقولي مثلا ع كام ؟!
= يا عم من غير فلوس خالص ... تعاله و شوف الشقة و مش هنختلف
-: الساعة 9 , النهاردة ، تمام معاك ؟
= تمام اووي مع السلامه
مكالمه محمد لـ خطيبته
• ليلو لقيتها أخيراً يا ليلو هنتجوز يا بت افرحي
-: هيا اي دي اللي لقيتها ؟؟
• لقيت محافظة هدية فيها 5 جنية فكة
-:(ضحك سخيف) اخلص بجد لقيت اي
• لقيت شقة يا لميس يعني هكون لقيت ايهه "عشه"
-: والله ياريت اي حاجه بس المهم اكون معاك بجد حقيقي تعبت ، صحيح انا عرفت انك قعد مع بابا النهارده و قالك كلام ءءء
• لا لا مش مهم خالص كلام ابوكي و بعدين بيني و بينك هو عنده حق انا طولت اووي و بعدين حاجاتك هتبوظ من الركنه ...
-: محمد ... محمد اهدي و اسمعني احنا اقبلتنا عوقبات كتير و حاجات صعبه اكتر و عدينا ده كلو عشان احنا مع بعضينا و خلاص فاضل لنا السهل و نخلص و هنبقي انا وانت مع بعض بجد ممكن بقي عشان خاطري تنسي الكلام اللي بابا قالو ده و تخليني اجي معاك اشوف الشقة عشان خاطري
• ماشي انا هعدي عليكي اخدك قبل ما اروحله ، حد سأل عليا في الشركة النهارده ؟؟
-: خاطر (مدير الشركة) كان هيموت عليك قولت له تعبان جامد ... و بعدين هو قال انو هياخد اجازة اسبوع تقريباً ... وشه انفجر و قالي اييي اسبوووع اييي هيا كانت شركة ابوه ولا ايي وقعد يقول اييي كتير كد و قعد يلڪ كد بس متقلقش انا عملت الشغل بتاعك مكانك لحد ما ترجع ، عد الجمايل بق .
• ربنا يخليكي ليا يا حبيبتي
الســـــــــاعه 8:30
المـــقــــــــــابـــــلــةة
محمد : يلا يا بنتي هنتأخࢪ ع الراجل
لميس : اهو يلا خلاص نازله
"داخل العربية"
محمد : ليه كل ده يا ليلو ، وحشتني اوي
لميس : معلش ، معلش انت اكتر يا روحي و الله
محمد : بقولك اي ، ما تجيبي عربون محبه
لميس : امشي يا محمد ، مش بتقول هتتاخر ع الراجل؟
• --------------
محمد : بقولك يصحبي هو شارع ابو غزاله ده فين؟
-: الشارع اللي جاي شمال
محمد : تسلم
"دخول الشارع الخطأ"
محمد : السلام عليكم يا حج هيا عمارة الملائكة دي فين؟
-: هو قالك فين؟
محمد : ما هو لو قالي انا مكنتش سالتك يا حج
-: اقصد الشارع قالك في شارع اسمو اي؟
• ابو غزاله
-: ده مش في الشارع ده ، الشارع التاني ع طول شمال
• شكراً
--------------
لميس : لا إله إلا الله ... ما الواد قالك الشارع اللي جاي شمال
محمد : عليا الطلاق تلاقيهم كلهم شمال!
اهو شكل ده الشارع
هو ضلمة لي كد؟؟
تلاقي في عطل في كشافات الشارع
شكلوا هو الراجل الواقف ده
مؤمن: اهلا و سهلا يا هندسه تفضل "سلام فـ اليد"
اهلاً وسهلاً يا آنسة ... "سلام في اليد و بوس في الخدين"
مؤمن : مكسوفهه مني دانا قد ابوكي تعالي اقعدي ؏ ...
محمد : اييي ايي يا عم الحج دي مراتي
مؤمن: و هو انا قولت حاجه عيب لا سمح الله ... انا قصدي تجي تقعد ع الكرسي
محمد : اه لو كد ماشي، روحي اقعدي ؏ ...
مؤمن : ايهه؟؟
محمد : الكرسي
لميس : الله ، في ايهه ؟؟؟
مؤمن : المهم منورنا والله
محمد : بنورك ... فين العمارة ؟!
مؤمن : اخر الشارع ... نشرب الحاجه السقعة و اطلعكوا تتفرجو عليها متقلقش سعرها كويس و مساحتها معقولة و ان شاء الله خير
محمد : مش مصدق نفسي انا بجد طاير من الفرحة
مؤمن : ما هو باين عليك ، يلا بينا
عماره قديمة جداً التصميم ؛ تصميم من التسعينات
طوابقها من بره 10 طوابق.
بوابة العماره باب حديد كبير متهالك والصدأ مغطي اركانه.
فتح مؤمن باب العمارة :
معلش بقا يا هندسه بواب العمارة مات قريب و هنا السرقة ياما فا عملنا الباب الحديد ده كل واحد هنا في العمارة معاه مفتاح الباب وان شاء الله لو في نصيب وخدت الشقة دي هسيبلك نسخه من المفتاح .
الشقة في الدور التاسع بس الاسانسير مبيقفش في التاسع للاسف فهنطلع الدور العاشر وننزل الدور ده
او تطلعوا الدور 8 و تطلعوا التاسع بس في الغالب النزول احسن من الطلوع
لميس : طيب ما ناخد الشقة اللي في الدور ال10 وخلاص؟
مؤمن : الشقة دي محدش يقرب لها خالص مهما كان و مهما حصل اللي كانوا ساكنين في الدور التاسع قبلكم قال انو كان بيسمع اطفال صغيرة بتعيط و كمان صوت قطط و حاجات غريبة بتحصل في الشقة دي فا قفلت الملف بتاع الشقة دي و مبقتش ااجرها خالص ... و بعدين مش هترتاحو فيها اول ما تشوفها هتخافو منها
يلا اهو الاسانسير جيه ...!
الدور العاشر 10؟؟
شقه بابها مخلوع ف الدور 10
و ضلمه جدا و مفيش غير لمبه قدام الاسانسير يدوب منوره السلم بالعافية ... شقة ٩ معقولة و سعرها خفيف و تحفة ... مكنش قدامي حل تاني غير اني اوافق واخد الشقه دي خاصة ان دور واحد مش مشكلة في مقابل ان العماره لحد ما كويسه والشقة مساحتها كبيره وعجبت لميس جدا... و اهم حاجه انيييي هتجووووووووز!
و اخيرا جبنا الشقة الشقة كانت العقبة الوحيده اللي هتحدد الفرح و هتجوز حبيبتي و هيتحقق حلمي الي طول عمري بحلم بيه ...!
يـــــــــــــــــــوم الفـــــــــــــرح
و اخيراً اتجوزت و ماعدش ناقصني حاجه!!
و اخيراً عملنا فرررح و ماعدش فيي معااازيم!!
و اخيراً سهرناا ع النيل انا و الحتهه بتاعتي و ماعدتش ناقصني حاجهه!!
انتي عارفة يا لوزا اي اللي ناقصني بجد
لميس : ايه؟؟
محمد : ناقصني حنان من ايام زمان ناقصني العربون، متجي نروح بقق هموت و اقلع الـ
لميس : ايي؟؟؟؟؟؟
محمد : الـ كرافته خنقاني اووي
لميس : اه لو كد ماشي يلا بينا ...!
اول يـــــــــــــــــــوم:
الاسانسير
10
لميس : عايزين ابقي نجيب لمبة بدل دي عشان دي ضعيفة جداً ... انا مش شايفة حاجه
محمد : و لسه مش هتشوفي حاجه بجد لما ندخل الشقةة
طيب ... "فتح باب الشقة ، نور النور ، قطة سودة تهجم عليهم داخل الشقة"
-: ااااااااااااااه "عياط"
بهدلت + خربشت الركنة ... اييي ده ازاي جت هنا؟
محمد : اهدي الحمدلله الحمدلله انها جت ع قد كد ... تلاقي دخلت يوم العفش ومحدش اخد باله منها مش مشكله خلاص .
يوم الصباحية
تاني يوم :
الف مبروك يا حبايب قلبي ... تعالو احكولي عملتوا اي؟
-- ايي اي اييي يا عم عوكل الله هيا دي حاجه تتحكي مالك مبسوط اوي لي كد كاننا بـ نلعب ؏ كأس العالم ؟!
مااا تشوفي ابوكي ياا لوزاا
= الحمدلله يا بابا تعالي ...
بداية لعنة "ياسمين"
بعد اسبوعين :
الموضوع بدأ معايا بعد ما نزلت الشغل بفترة و لميس قدمت استقالتها عشان تهتم بالبيت و كد خصوصاً انها استجابت للحمل بسرعة فا مش عايز ده يكون سبب ضغط عليها .!
لميس كلمتني علشان اللمبه اتحرقت وغيرتها مره واتنين وكل ما اغيرها تاني يوم القي لميس تكلمني و تقولي ان اللمبه اتحرقت ؟!
و في يوم رجعت متاخر من الشغل حواليا 2 تقريباً و ركبت العربيه و حسيت ان فيها حركة غريبه و مهتمش بالموضوع و قولت بكرة هبقي اصالحها ... و بعد شوية و انا في نص الطريق سمعت صوت في العربية بـ يقولي
"ياتري هترجع البيت و تلاقي مراتك ؟"
ضربت فرمله العربية جامد وبصيت في المرايا إللي أدامي لقيت مؤمن قاعد في الكرسي إللي ورايا .. منظره دموي بشع خوفت ونزلت من العربيه وبعدت شويه بس جمعت اعصابي وقولت ارجع العربيه اشوف وفتحت الباب بسرعه مش لاقي اي حاجه ومفيش اي أثر لحد موجود معايا في العربيه قولت اكيد دي تهيؤات .
طلعت الموبايل واتصلت علي مراتي اطمن عليها
الو حبيبتي انتي كويسه.قالتلي انا بخير الحمدلله العشا جاهز يلا متتاخرش لسه هقولها مش هتاخر السكه قطعت !!!!
اتصلت تاني غير متاح اتصلت تالت جرس ومحدش بيرد القلق والتوتر زاد عندي جريت بـ العربية بسرعه وانا في السكه بحاول اتصل علي مراتي لحد مافتحت عليا اخيرا قولتلها في ايه قالتلي بصوت واطي انا خايفه اوي قولتلها في ايه قالتلي حد خبط عالباب بفتح ملقتش حد و فجاءةة سمعت صوت صريخ مرااااتي في الموبايل و بعدها التلفون اتقفل وصلت قدام بابا العمارة فتحت باب الحديد و وصلت عند الاسانسير ولقيت الاسانسير ثابت عند الشقة بتاعتي رقم 9 ؟
الاسانسير مش بيطلع رقم 9 ؟
و بطلب الاسانسير مش راضي يستجيب خالص ؟
قولت يمكن مؤمن او السكان صلحوا الاسانسير مع اني من يوم ما سكنت مشوفتش حد من السكان معرفش اصلا في غيري ساكن ولا انا الساكن الوحيد ؟؟؟؟
فقررت اطلع السلم و دي تقريباً كانت اول مرة اطلع فيها السلم ع طول كنت بطلع فـ الاسانسير
وانا طالع ع السلم عمال أفكر إي اللي حصل في مراتي و طالع ع اخر ما عندي وفجأه سمعت صوت الاسانسير و هو بينزل وقفت قصادة لقيت واحده ست لابسه ابيض و عليه دم كتيࢪ ... ماسكة سكينه في ايدها .. شعرها اسود منكوش وصلت للدور الارضي وانا كل ده في حاله من الدهشه و مستنيها تطلع من الاسانسير عشان اشوفها يمكن اكون شوفت غلط و ده تأثير الشغل الكتير النهارده طيب لو دي تهيؤات مكالمة مراتي في التلفون تهيؤات برضو ؟!
و فجاءة لقيت الاسانسير طلع الدور اللي انا واقف فيه من غير ما اطلبه ؟!
- ايه ده الاسانسير كان في الدور ال9 و الست المجنونه دي كانت نازلة منه وهدومها كلها عليها دم و ماسكة سكينه و مؤمن في العربية لااااا؟؟
لـــــــــــــــــــوزاااا
ركبت الاسانسير و جربت اطلب الدور التاسع بس مش بـ يستجيب طلبت الدور العاشر ... و قبل ما الباب يقفل شوفت الست تاني و مبرقه جامد و بتلحس الدم اللي في السكينة !!!!
و صلت الدور العاشر لفت نظري الشقة بابها مفتوح و في نور جواها و صوت اطفال بتلعب و انا نازل من الدور العاشر لقيت ع السلم دم و لقيت نفس القطة كانت قاعدة بتاكل في كلب ميت ؟؟
و الغريب لما وصلت الدور بتاعنا 9 لقيت الباب مفتوح !!!!
دخلت جري ليلو يا حبيبتي انا جيت ... ببص لاقيت علي مرايا الصاله دمي في رقبتكم ...... وصوره واحدة معرفهاش مكتوب في طهر الصورة "ياااااسمين"
وبدأت أدخل الأوض أدور علي لميس مش لاقيها
دخلت الحمام صرخت بصوت عالي لما شوفت مراتي واقعه في الحمام
لميس ردي عليا اي اللي حصل لميس ... مبتنطقش بلغنا الإسعاف والشرطه
الدكتور أول لما وصلوا كشف علي مراتي
قالي إنها لازم تنتقل ع المستشفى في اسرع وقت فقدت دم كتير
الشرطه بدأت تحقق معايا وياخدوا أقوالي
خلصوا تحقيق معايا وطلبوا مني إني أروح ليهم القسم بكره علشان يكملوا بقية التحقيقات و يعرفوا مين صاحب العمارة اللي اسمو مؤمن ده؟
والنيابه لسه كمان هتاخد أقوالى
تاني يوم روحت اضمنت ع مراتي في المستشفي و بعدها روحت القسم وكنت منهار
بسبب اللي حصل ..
بعد 4 اسابيع من البداية :
من بعد اللي حصل و مبقتش بسيب ليلو لحظة متابع معاها بالتليفون اول بي اول وكنا ع طول فاتحين فيديو كول لحظت بحركة غريبة و خيالات ورا لميس و فجاءة النور قطع عندها و النت قطع ... بس الغريب ان ده اول مرة يحصل؟!
قلقت بالاخص لما قعد ساعتين بحاول اجمعها ع التلفون حتي مش بترد ؟!
سيبت الشغل و روحت جري لقيت في نور في العمارة
الاسانسير كان في الدور التاسع نفس اللي حصل من اسبوع بالظبط نزل بسرعة و ركبت فيه لقيت واحده داخله من باب العمارة معاها طفلين ركبت معايا الاسانسير من غير ما تفتح بوقها باي كلمة ولما سالتها انتي طالعه الدور الكام علشان اسجلك مردتش عليا قولت يمكن مش سمعاني او متعرفنيش بما اني ساكن جديد فضلت ساكت الاسانسير وصل الدور العاشر خرجت الست هيا وعيالها من الاسانسير ودخلت الشقة الي في الدور العاشر !!!!!!!!!!!!
سالت لميس في حد سكن ف الدور العاشر جديد؟
لميس قالتي لا مفيش الدور العاشر مفهش غير شقه ومش متشطبه لسه مانت عارف و مؤمن قال كد ليه في حد عايز شقة تبعك ولا ايه
محمد.. قولتلها ابدا بس بسئل ومرضتش اقولها حاجه هي بتخاف لوحدها اصلا.. المهم انتي لي مش نريتي عليا طالما النور جيه ؟!
-: النور لسه جاي من شويه
دخلنا اتعشينا و نمنا ... صحيت علي صوت قطة فزعني من نومي الصوت جي من الصاله قومت روحت علي الصوت لقيت قطة لونها ابيض و عينها بيضه وبتبص لي بطريقة قلقتني في الاول اول مره اشوف قطه عينيه بيضه كده لكن قولت لنفسي وقتها انها ممكن تكون كفيفه او عندها مرض معين و بعدين احسن من القطة الشؤم التانية القطة فضلت بصه عليا شوية فتحت لها باب الشقة و مشيتها مفكرتش كتير وقتها و النوم كان كابس علي دخلت نمت ..
صحيت تاني يوم الصبح دورت علي القطة دي في كل اوضة في الشقة ملقتهاش كان تخميني انها مجرد قطة عادية
يوم جديد ...:
و انا راجع من الشغل ركبت الاسانسير ودوست علي الدور العاشر باب الاسانسير فتح كانت اللمبه محروقه نورت كشاف التليفون وبصيت علي اللمبه علشان اشوفها محروقه ولا لا لقيتها سليمه لسه بحاول افكها نور الفون خلاني لمحت خيال معدي من جمبي في طرقة شقة 10 و بعدها سمعت صوت صريخ جوا الشقة و الباب اتفتح ناديت حد هنا يالي هنا محدش رد سمعت صوت حاجه بتقع قعدت احسس علي حائط الشقه ونورت الفون في قلب الاوضه الي فيها مصدر الصوت لقيت نفس الست الي شفتها قبل كده هيا وعيالها بس المرادي كانت لوحدها قاعده علي سرير وكمان كان شكلها مخيف باصه في الارض وشعرها الاسود مغطي وشها معرفش ليه دقات قلبي زادت و حسيت بخوف وقولتلها انتي مين مردتش علي قربت مني واحده واحده وانا منور الكشاف عليها وسالتها سؤال تاني انتي ساكنه هنا؟؟؟؟
لقيت فيه حاجه طالعه من بوقها و قالتلي بصوت مرعب : اطلع برا ... و بعدها قولتلها قميص النوم اللي انتي لابسة ده بتاع مراتي !!
لقيتها بصت ليا و شها كلو غضب و قربت مني مرة واحدة في سرعة الصاروخ و زنقتني في الحيطة و قالت لي : لو عايزه خدو !!!
- لا لا اخدو ازاي انا مش قد اللعب مع العفاريت ، خلاص خلهولك شكلو عجبك صح
و بعدها محستش بنفسي غير لما كسرت بيا الارض
حاولت اجري لكني فقدت السيطرة علي اعصابي وفقدت الوعي
صحيت بعدها علي رنت الفون لميس بتتصل علي بفتح عينيه لقيت نفسي مرمي قدام باب الاسانسير ولمبه الدور العاشر منوره وسايح في دمي حاولت اقوم مقدرتش بالصدفة لميس كانت خارجه بترمي الزبالة بره قدام الشقة سمعت صوت تليفوني بيرن طلعت لقتني مرمي قدام باب الاسانسير قعدت تنادي علي حد في العماره محدش رد فقدت الوعي مصحتش غير في المستشفى و لقيت لميس بتقولي ان الدكتور قال كانت كهربا شديدة عليك ، اكيد كنت بتحاول تصلح اللمبة مش كده ؟!
بعد 3 ايام
مؤمن : انتو لي عايزين تسيبوا الشقة ؟؟؟
لميس: يا عم مؤمن انا بقالي أيام مش عارفة انام كويس ، بصحى على صوت حد بيصحيني بس بكتشف ان مفيش حد و محمد نايم! وانا حالتي النفسية مش مظبوطة ، مش عارفة انام كويس والعيال اللي بطني دي تعبانه اوي و ده ومقصّر على صحتي وشكلي ، كل ليلة الصوت بيزيد وتحوّل من انه صوت هادي بيصحيني لصوت مخيف جدًا كنت بحس كمان بحد بيحضني بالليل، و لما بصحي اوقات بلاقي محمد مش جمبي ولو لقته جمبي بلاقيه لافف وشه الناحيه التانية انا مش ملزمة اقولك ده كلوا علي فكرة بس انا بكبرك و بعتبرك زييي ابويا زي ما بتقول و بحكيلك ع اللي بيحصل
مؤمن : طالما بتعتبرني زي ابوكي ... يبقي تعالي اقعدي علي ...
محمد : ايي
مؤمن : الكنبة
لميس : ياعم ارحمني ابوس ايدك ساعات كتير بحس بسخونية وبأنفاس حد جمبي، في يوم قررت اشغّل كاميرة تليفوني في الأوضة كمحاول اني أعرف ايه اللي بيحصل وقت نومي ، اكتشفت في اليوم اللي بعده ان اللحاف بيتشد من عليا وفي حاجه بتسحبني من رجلي ببطء وفجأة بصحى بسبب نومي الخفيف ، انا مش فاهمة حاجة ، انا خايفة!
و اصوات كتير عامله بتقول ياسمين ياسمين
مكنتش بقول لـ محمد وكنت ببرر تعبي انه توتر من الحمل ، لحد ما في يوم محمد اكتشف اللي بيحصلي لما كتشف الجروح الكتير الموجودة في جسمي ، و بعدها ... شقة 10 دي هيا اللي فيها كل الحكاية كل ما نطلع فوق نلاقي فعلاً فيها حركات غريبة يا عم مؤمن يعني الناس اللي كانت قابلنا مش اتهيء لهم حاجات
مؤمن : تمام هو فاضل تلات ايام و تكونو كملتوا نص الشهر التاني تقتدرو تلغو في العقد ...بس في الحاله دي انتوا مش هيبقي ليكوا فلوس حسب اتفقنا في العقد !
بس انا هعمل معاكوا واجب عشان خاطرك انتي بس : انتوا كل الي هتجبوا هو مشتري تاني للشقة و كد حلال عليكم العقد ولا انا ابقي خسرت شقتي ولا انتم تكونوا خسرتم فلوسكم
اليوم الاول:
• الو اي يا محمد وانت طالع هات اكل جهاز معاك عشان معملتش اكل النهارده ...!
انا خلاص جوا داخله العمارة انا قدام الاسانسير ... ابقي نطلبها دليفري ... "قفل معه"
جيت اطلب رقم 10 دوست علي 9 بالغلط و الغريب انو المرادي استجاب !!!
وصل للدور التاسع باب الخروج من الاسانسير مش باب خروج للممر في الدور التاسع ده باب دخول لعالم تاني !!
الدنيا ضلمة اوي و حاسس ببردوة ، بدأت أمشي ، مشيت كتير أوي لدرجة اني حسيت اني في صحرا ! ايوا انا في صحرا ، مفيش غير رملة وهوا ساقع وظلام بس مفيش قمر في السما ولا نجوم حتى ، السما هيا كمان كانت ظلمة! مش شايف حاجة فجأة حسيت برجلي بتلمس حاجه حاده كسرتها واتجرحت ، حاولت أرجع بضهري عشان اقعد اكتشفت حيطة كبيرة ورايا! اتحركت خطوة لقدام ، الجدار بيتحرك معايا في كل خطوة بخطوها لقدام فكرة الرجوع مبقتش موجودة! فضلت أتحرك وفي كل خطوة بتجرح في رجلي اكتر ، في حاجه حاده في الأرض ، مبقتش قادر أقف، وقعت على الأرض جسمي كله أتجرح، في ازاز كتير على الأرض بصرخ وبعيط من الوجع مفيش حد بيسمعني ، لحد ما فجأة شوفت لمعان عيون وسط الظلام، نفس العيون قربت أكتر لحد ما فجأة بدأ يظهر شكلها ، نفس لبسها الغريب ووشها المتغطي بشعرها ، فجأة بدات تشيل شعرها من علي وشها و بدأت تظهر ملامحها المرعبة ، مش بني ادمه طبيعيه لا لا د شيطانه ! ملامحها قريبة من انها تكون من انثي ابليس زي في الصور والقصص الأسطورية اللي كنت بشوفها وانا صغير ، بتقرب مني وبتهمسلي بصوت كله شر :
- مكنش ينفع تمشي ، انا عايزك .
-: أرجوكي سبيني ، انا مش فاهم حاجة انا بحلم صح؟ أكيد انا بحلم.
- انا كابوسك ، وافضل كابوسك لحد ما توافق تكون معايا انا كل المكان هنا مليان بدمي دم ياسمين ... و فجاءة طلع من الارض دم دم كتير اوي دم من دم ياااسمين
صرخت بصوت عالي لحد ما غرقت في الدم
قومت من نومي مفزوع و ببص حواليا ملقتش لميس ولاكن لقيت بقع من الدم علي الملايا و علي الارض انا مكنتش بحلم! ايوة مكنتش بحلم، رجلي لسه بتنزف!
يا لميس لوزا طلعت في الصالة لقيت لميس بتنزف جامد بسبب الحمل ......!
و لما مراتي اتحجزت في المستشفى ... و روحت البيت الصبح اجيب غيار لها ... و لما وصلت للدور 10 سمعت صوت مراتي بتصرخ جامد دخلت جري من غير ما اشاور عقلي و انا متاكد ان مراتي في المستشفي دخلت شقة 10 لقيتها في وشي و المرادي مكنتش خايف منها صرخت جامد فيها و قولتلها انتي مين وعايزه مني ايه!
- حمودي هو انت لسه بتخاف من القطط ؟!
انا مش فاهم ازاي عرفت اني بخاف من القطط!
- متحاولش تفكر ، انا عارفه كل حاجة عنك كل حاجه بتحصلك وهتحصلك انا السبب فيها.
- انتي شيطانة!
- مش هيفرق كتير انا ايه، المهم اني عايزك تعرف انك بتاعتي ، ملكي لوحدي .
بعدها بأيام مراتي خرجت من المستشفى و خلفت بنوته شبه القمر و سمينها ياسمين بعد اسبوع جالي اتصال من ادهم"المحقق" بيقول انهم لما دور في بحث العقارات و العماير لقوا ان مؤمن ميت من سنتين تقريباً وان اخوه مسافر برا مصر اكتر من 7 سنين و مفيش وريث للعمارة ، ده غير انا العمارة مفهاش سكان غيركم ، و غير كمان ان العمارة مقفولة من قبل وفاة الحج مؤمن من تلات سنين ... فا قولي بقي مين سلمك مفتاح العمارة و الشقة ..؟؟
و بعد ما قفلت مع ادهم و انا مصدوم لقيت الباب بـ يخبط و لقيت ... المرحوم "مؤمن" و القطة السودا تحولت لـ نفس شكل الست اللي ركبت معايا الاسانسير ؟؟؟؟؟؟؟؟؟
- انتي مين
ردت عليا بصوتها المخيف و قالت لي
- انا يـــــــــــــاسميـــــــــــــــــטּ .
القصة خلصت ماتنساش تعمل ريأكت وشير وتسيب كومنت في التويت"الصراحه في بايوا القناة" لأن دا بيفرق معايا جدًا
#مؤمن_حدوتة
#عُمارة_الشياطين