❴🔢❵☟الــبــــ❴ ألأخير ❵ــــــارت☟
*عـشــــق ولاد الــعــــم ➶𝄞🥂📓ツ))*
`_
البارت 7
البارت 8
البارت 9
البارت 10
البارت 7
...:هسيبك ترجعى تانى بس بشرط
ندى باستغراب:ايه هو؟!
الجد:انتى هنا علشان تكشفى سر موت عيلتك وكل اسرار عيلة الأنصارى
ندى بصدمه:ايييه؟!اسرار ايه دى ؟!!
الجد بغموض:انتى مسئلتيش نفسك انا ربيتك بعيد عن هنا ليه وليه علمتك ازاى تدافعى عن نفسك كنتى عارفه ان فيه واحد شافك وانتى فى المخزن صح
ندى نظرتها اتحولت لنظرات غريبه:حسيت بوجود شخص تالت معاهم ومكنتش اعرف انه يكون الصديق الأقرب للعيله والحمد لله انى معملتش حاجه واستنيت لحد ما هو اتدخل والا كنت خالفت الوعد
الجد بغموض:انا كنت متاكد انك مش هتخذلينى ابدا ودلوقتى انتى لازم تعرفى كل الحقايق بس كل حاجه فى وقتها ونبتدى بطرف الخيط
ندى بابتسامه:عمو احمد هو ومراته مش كده
الجد بضحك: انتى مش سهله
ندى برفعة حاجب:تربيتك ي جدى
الجد بغموض:دى اخر صوره اتصوروها ابوكى وامك قبل الحادثه ودا شريط هيفهمك كل حاجه
ندى :انت ليه عايز تاذى ابنك التالت مش خايف انى لو اتاكدت أنه ليه ايد فى موت اهلى انى اقت*له؟
الجد بضحك:اهو دا بقى لازم تعرفيه فى وقته انا هسيبك تشوفى كل الملفات دى وتفهمى كل المعاملات اللى فى الشركه وركزى فى كل الخيوط كويس اوى هى دى اللى هتعرفك الحقيقه
ندى:هو انت ليه متعرفنيش الحقيقه من دلوقتى؟!!
الجد:دا برضو هتعرفيه بعدين يلا سلام وسابها وراح على اوضته
ندى:انا لازم اعرف كل حاجه واعرف ماضى عيله الأنصارى واعرف حقيقه موت أهلى
.....:طب ما انا ممكن اساعدك لو عايزه برضو
ندى بصدمه:ايه انت جيت هنا امتى ؟!!!!
_____عند احمد وليلى
احمد:ازاى طول الوقت دا بندور عليها وفى الاخر يطلع هو اللى مخبيها طب وهى رجعت دلوقتى ليه اكيد علشان الورث
ليلى:هو عرف كل حاجه وعرف احنا عملنا ايه انا قولتلك كده من بدرى انت بس اللى فضلت تقولى لا مستحيل لو كان عرف مكنش فضل ساكت اهو فضل ساكت ورجع بيها علشان تنتقم لأهلها
احمد بتريقه:دى مجرد بنت هتعمل ايه يعنى
ليلى:بلاش تستهين بيها شكلها مش سهله ولو كانت ضعيفه كان عمره ما خلاها تظهر دلوقتى خد بالك من كل كلمه هتقولها بعد كده كل كلمه بقى ليها حساب
احمد:بطلى الخوف بتاعك دا اللى بيودينا فى داهيه
ليلى:براحتك اهم حاجه انا عايزه ابنى ساجد يرجعلى اتصرف هو من وقت ما عرف الحقيقه وهو مش بيتعامل معانا خالص دا كده ومعرفش كل الحقيقه كمان
احمد:انا عندى حل لساجد
ليلى باستغراب:ايه هو
احمد: اول حاجه لازم نجوزه
ليلى بردح:اصله الواد بار بينا اوى هيسمع الكلام انت اتجننت ي احمد
احمد بخبث:هنجوزه البنت اللى كان هيموت ويتجوزها واحنا رفضنا
ليلى باستغراب:تقصد هدى؟!!
احمد بخبث:ايوه بس الاول هنديها قرشين زى اللى اديناهولها علشان تبعد عنه دلوقتى هنديها علشان ترجع لحياته تانى وتمشيه زى ما احنا عايزين هى الوحيده اللى هتقدر تحشى دماغه بالكلام اللى احنا عايزينه يفهمه بس
ليلى بضحك:مش بقولك ابليس ي بيبى
احمد بضحك:هى الدنيا كده لازم تكون واطى وندل علشان تعرف تعيش فيها المهم اتواصلى مع هدى وقوللها ترجع مع اول طياره بكره
ليلى:اعتبره حصل
ووووو
فى رايكم مين اللى سمع ندى وايه هى الحقيقه اللى الجد بيقول عليها وليه مش خايف على ابنه احمد اللى هيجاوب هحط اسمه مع البارت الجديد
يتبع
8
....:ااه انا اسفه مخدتش بالى من حضرتك
ساجد بصدمه:هدى؟!!!!
هدى بتمثيل:ساجد؟!!دا انت بجد وقامت حاضناه وحشتنى اوى اوى انت مش متخيل انا كنت بتعذب اد ايه فى بعدك بس كان غصب عنى
ساجد بوجع:ليه سيبتينى ومشيتى
هدى بدموع التماسيح:انا اسفه ي قلبى بس كان غصب عنى والله كنت بعمل العمليه وو.......
ساجد بصدمه:عمليه ايه ؟!!!
هدى بتمثيل:لا لا ولا حاجه انا بس اتلغبطتت و
ساجد بغضب اعمى: ردى عليا عمليه ايه
هدى بتمثيل:انا عندى الكانسر ي ساجد اهئ اهئ اهئ
ساجد بدموع وصدمه:ليه ليه معرفتنيش ي هدى ؟!!!!
هدى:مكنتش عايزه اوجعك معايا انت عارف انا بحبك اد ايه
______
.....:جدو انا قررت اتجوز
فيروز بصدمه:ايييه؟!!!
ساجد ببرود: زى ما سمعتى كده
الجد: ومين دى بقى
ساجد بابتسامه:هدى
وهنا دخلت بنت جميله اوى وجسمها متناسق
فيروز بصدمه:هى تانى ؟؟!!انت نسيت هى سببت ليك ايه ؟!!!
ساجد ببرود:والله انا حر
فيروز :معاك حق اسفه ليك استاذن انا جه معاد نومى
الجد بغموض: ياريت تكون عارف انت هتعمل ايه يلا تصبحوا على خير
___________
.....:كنتى ناويه تفضلى مخبيه عنى لامتى؟!!
ندى:دى حاجه تخصنى انا وانا مش محتاجه مساعده حد
فهد:لا محتاجه مساعدتى انا اللى ماسك اداره الفروع كلها يعنى انا الوحيد اللي ممكن اساعدك
ندى باستغراب:وانت هتستفيد ايه وبعدين انا مفروض اثق فيك ازاى بعد كده وانت في أول الطريق استغنيت عنى وسيبتنى فى بلد انا معرفش فيها حاجه
فهد بندم:انا مكنش قصدى أن دا كله يحصل بس انا مش بحب العند مش بحب حد يعند معايا
ندى بتحدى:وانا مش بحب حد يؤمرنى
فهد: خلاص بقى انا هساعدك وكده نكون متعادلين ايه رايك
ندى :مش هتسيبنى فى نص الطريق ولا تخلينى اندم انى عرفتك الحقيقه
فهد بنظره هى ما قدرتش تحددها :لا مش هسيبك فى نص الطريق ولو وقعتى هقع معاكى
كلماته مع انها كانت صغيره بس دخلت قلب ندى وحست احساس غريب نحيته
فهد:يلا نبتدى باول خطوه وهى مراقبت كل الصفقات اللى عمى بيعملها ونراقب عمى ومراته
ندى بابتسامه خبيثه:وتانى خطوه اننا نلعب معاهم شويه
فهد بضحك: انا كده اتاكدت انك من عيلتنا واخده نفس الجينات بتاعتنا
ندى بضحك:عيلة واطيه بعيد عنك
فهد:يلا ننزل الجنينه تحت ونقرا الملفات دى كويس اكيد فيها حاجه هتوصلنا للحل
ندى بابتسامه: طب اسبقنى انت وانا هجيب حاجه نشربها واجى
فهد بضحك:يعنى خلاص مش زعلانه منى
ندى بعفوية:وهو في حد يزعل من فهده برضو
فهد برفعه حاجب:انتى قولتى ايه؟!!
ندى بتوتر:انا انا ....الحق ي فهددد
__________
....:ايه مش ناوى تعرف الكل الحقيقه ولا ايه
الجد:كفايا انى انا وهو عارفين
....:كده احمد هيفضل قدام كل الناس ابنك
الجد:كان اسوء قرار خدته فى حياتى دا كان نحس من وقت ما جه البيت دا وكل المصائب بدأت ولسه لحد دلوقتى مخلصتش
...:وليه متخلصتش منه لحد دلوقتى
الجد بحزن:علشان مراتى كانت بتحبه اوى ومقتنعه أنه طيب ومش بياذى حد انا سايبه لحد ما ندى تاخد حق ابوها اللى احمد خده
....:بس انت عارف كويس إن مش احمد السبب فى موت على
الجد:...
...:شايفك ساكت يعنى لو حفيدتك عرفت انك بتضحك عليها وبتستغلها علشان تكون لصالحك الاله اللى انت عملتها علشان تفتح الماضى وتعرف اللى حصل دى هتكون زى الحيه ووقتها انت اللى هتتسم منها انا عليا عرفتك
يتبع
9
اللى قبله
..:احم هوو انت بتقرب منى كده ليه
فهد بمشاكسه:مزاجى كده
ندى بتوتر:طب ابعد احسن ما انادى لجدى
فهد بضحك:نديله
ندى بتوتر :طب انت عايز ايه انا مش فاهمه
فهد وهو بيقرب:هو مش انا هساعدك
ندى باستغراب:ايوه يعنى ايه
فهد بخبث:يعنى مش هساعدك من غير مقابل
ندى:وانت عايز ايه المقابل؟!
فهد بتفكير: امممم اتجوزك
ندى بصدمه:نعممم ؟!!! هو احنا بنطيق بعض اصلا؟
فهد:بصى مهو انا لو متجوزتكيش جدى هيجوزنى البت الملزقه اللى دايما تحاول تقرب منى دى
ندى برفعه حاجب:قصدك ميار؟!
فهد : ايوه دى وانا اتجوزك انتى ولا اتجوز ميار
ندى:ومين قالك انى موافقه اصلا
فهد بتمثيل:خلااص انا كنت عرفت حاجه مهمه هتساعدنا بس خلاص بقى
ندى وهى بتمسك ايده بسرعه:تعال بس ي فهد دا الكلام اخد وعطى برضو لقيت ايه قولى
فهد بخبث:لا مهو انا مش هتكلم من غير ما تقوليلى انك موافقه
ندى :موافقه ي فهد المهم اعرف الحقيقه
فهد اتضايق أنها موافقه علشان الحقيقه بس بس حلف أنه هيعوضها عن كل اللى خسرته فى حياتها بعد لما سمع كل الحقيقه من جده
F.B
فهد: جدى انا عايزه اعرف الحقيقه كلها دلوقتى
الجد:عايز تعرف حقيقه ايه
فهد:عايز اعرف كل حاجه عايز اعرف حقيقه موت عمى على ومراته وازاى ندى لسه عايشه وليه خبيتها بعيد عننا دا كله وليه ساجد اتغير
الجد:ياااه عايز تعرف دا كله دا انت طماع اوى
فهد قعد قدام جده وربع:ها سامعك
الجد بضحك:طالع لجدك صحيح بص ي فهد انا هحكيلك كل حاجه بس لازم توعدنى وعد
فهد باستغراب:ايه هو
الجد:انك تسيب ندى هى اللى تحل اللغز يعنى انا هعرفك كل حاجه بس انت هتساعدها بس انها توصل للحقيقه
فهد باستغراب:ودا ليه؟!
الجد:علشان احنا معندناش اى دليل وهما لما يعرفوا أنها بتدور فى الماضى اكيد هيغلطوا وهيظهر دليل
فهد: تمام موافق ها احكيلى
الجد بحزن:كنا فى يوم كلنا رايحين فرح فى الصعيد وانا دايما كنت بحب اركب مع ابنى على ومراته لأنهم كانوا اقرب اتنين لقلبى بس فى اليوم دا احمد أصر عليا انى اركب معاهم هما طبعا علشان مزعلهوش ركبت معاه وكان والدك فى العربيه اللى قدامنا وعلى كان فى اخر عربيه فجاه الفون بتاعى رن ولقيته المساعد بتاعى واول لما فتحت المكالمه سمعته وهو بيصرخ وبيقول على ابنك فى ناس عايزه تقت*له الحقه بسرعه ولسه بفهم فيه ايه لقيت ابوك راجع بالعربيه وبيقول على عمل حاد*ثه وانا كنت لسه بحاول استوعب هو حصل ايه وفيه ناس عرفونا أنهم اتصلوا بالاسعاف والاسعاف خدهم على مستشفى***** ولما رحنا هناك عرفنا أنهم ماتو وان مفيش حد فيهم عايش بس المساعد بتاعى كان اذكى منهم وقدر ينقذ الموقف
فهد باستغراب:ينقذ ايه بقا مش هما ماتوا؟!
الجد:على ومراته ماتوا بس محدش جاب سيرت الطفله اللى هى ندى وفى وسط انشغال الكل محدش ركز أو حاول يسأل على الطفله وعرفت أن المساعد بتاعى هو اللى انقذ ندى وخدها معاه وانا وقتها رحت ليه وسئلته ايه اللى حصل وازاى عرفت أن في ناس عايزه تقتل*ه قالى أن وهو بيراقب الكاميرات علشان كان بيدور على ملف ضايع شاف واحد كان بيتسحب ومخبى وشه وبيدور على حاجه فى الملفات بتاعت على وفجاه طلع مسد*س من جيبه ولشن على الصوره بتاعته المتعلقه وساب المكتب وخرج
فهد بغضب: وليه مقدمتوش التسجيل دا للشرطه
الجد بحزن:قدمناه بس مكنش فيه ادله تانيه أو حتى اى حاجه توصلنا للراجل دا وبكده المحضر اتقفل قضيه ضد مجهول
فهد:ايوه وندى بقى خبيتها علشان محدش ياذيها
الجد:ايوه علشان كده ربيتها بعيد عنكوا
فهد برفعه حاجب:طب وساجد ماله
الجد بحزن:انا عرفت أن اللى كان السبب فى موت على هو احمد ومراته وانا بكلم المساعد بتاعى ساجد سمعنا وعرف الحقيقه علشان كده متغير من أهله وكان عايز يمشى ويسيب البيت بس انا اللى منعته
فهد: وانتو عرفتوا ازاى ان هما اللى ورا كل دا
الجد: سمعت أحمد وهو بيتكلم هو ومراته وهى بتقوله هو اللى عرف حاجات مكنش لازم يعرفها لو مكنش مات كنا احنا اللى هننتهى
فهد فضل باصص لجده بفضول
الجد: حاولت اخد اى إثبات على كده بس معرفتش وربيت ندى وخليت شخصيتها قويه علشان تقدر تتعايش وتقدر تاخد حق أهلها وحق ابنى اللى راح
فهد:وعمى احمد مش ابنك برضو
الجد :لا مش ابنى دا ابن صاحبى وصاحبى دا مات هو ومراته وهو صغير وانا خدته وربيته وعمرى ما فرقت بينه وبين ولادى بس هو اللى طمع وكان السبب فى موت ابنى
فهد:انا هاخد حقهم اوعدك
الجد: السر كله فى ندى ي فهد وعاملها كويس ندى هبله وبتتصالح بسرعه وهى بنت تتحب بسرعه
فهد بتوهان:هى صراحه تتحب بسرعه فعلا
الجد بخبث:اممم انت متاكد انك عايز تبين الحقيقه بس مش اكتر
فهد بخبث:والله ي جدى نقدر نخليها اكتر برضو عادى قال اخر كلامه بغمزه
الجد بضحك:أخرج على بره ي صايع
فهد وهى ماشى:مقبوله منك ي جميل
E.F.B
ندى:فهد ي فهددد
فهد باستيعاب:هاا
ندى بضحك:رحت لحد فين كده
فهد بمشاكسه :لحد الكوشه كده ولو سبتينى شويه كنت رحت لحد.....
ندى :بس بس تصبح على خير وجريت من قدامه
فهد بضحك:والله مجنونه بس عسل
يتبع
انا اتاخرت علشان التفاعل قل اوى تفاعل حلو وانزل بارت زيه
10
...:يلا ي عروسه فرحنا انهارده
ندى بصدمه: فرح مين معلش؟!! ومين العروسه برضو مش فاهمه
فهد بضحك:فرحنا انا وانتى انتى نسيتى ولا ايه
ندى:لا منستش بس الاتفاق كان انك تساعدنى الاول.وبعدها نتجوز
فهد بمشاكسه:لا مهو لازم نتجوز الاول علشان نعرف نكون سوا على طول ونكتشف السر اسرع
ندى بعدم اقتناع:انا حاساك بتنصب عليا
فهد بضحك:ياااه دا انتى ظالمانى خالص
فيروز بصدمه: فهد اخويا بيضحك ويهزر؟!!!!
فهد بجديه:احم اجهزوا علشان هنروح نختار الفساتين مفيش وقت
فيروز بضحك:اااه مهى تاخد الدلع والضحكه الحلوه وانا بقى يقلب عليا دا انا زى اختك برضو
فهد :امشى ي بت انتى وهى
ندى :متقوليش ي بت
فهد بمشاكسه:هقولك حاجه تانيه بس بعد ما البت الغتته دى تمشى
فيروز:باااااس انا اروح عند امى ل تقولى بنت غتته ولا حاجه اشبع ب ندى بقى
فهد بضحك:والله هموت واشبع منها بس مش عارف
ندى وشها احمر وكانت مكسوفه اوى ومستغربه تعامل فهد
فيروز :يععع لا انا مش ناقصه فقع مراره انا هخرج
فهد بجدية:فيروز استنينى فى قوضتك عايزك فى موضوع
فيروز بتوتر: خير ي فهد فيه حاجه
فهد بجدية:روحى قوضتك الاول وبعدين هتعرفى كل حاجه
فيروز بتوتر:حاضر
ندى :هو فيه حاجه ي فهد
فهد:لا ي حبيبتى مفيش اجهزى انتى بس علشان نشوف الفساتين
ندى كانت مصدومه وفضلت مبرقه لفهد
فهد بخضه:انتى كويسه؟!!
ندى :انت مش فهد على فكره اعترف فين فهد الأنصارى
فهد بضحك:والله انا نفسى ما اعرف انتى وديتى فهد الأنصارى فين ي اوزعه انتى
ندى بغضب:على فكره انا مش اوزعه انت اللى طويل
فهد بمشاكسه:حتى وانتى متعصبه قمر وعايزه تتاكلى كده
ندى وهى بتزق فهد:أخرج بره ي فهد انت قليل الادب أخرج
فهد بضحك:على فكره هخرج دلوقتى بس إنما بالليل هتكونى مراتى ومش هخرج هااا خلى فى بالك يعنى قال اخر كلامه بغمزه
ندى بصدمه:والله اتبدل
____عند فيروز
فيروز بعصبية:انت بتعمل ايه هنا؟!!
ساجد برفعه حاجب:ايه عايزانى أخرج؟!
فيروز بثبات :ايوه اتفضل أخرج ولا روح لهدى اعمل اللى تعمله المهم تبعد عنى مش عايزه اشوفك
ساجد وهو بيقرب:لاا دا احنا زعلانين اوى بقى لا لازم اصالحك كده بقى
فيروز بصدمه:انت اتجننت ي ساجد؟! انت بتقرب ليه ابعد
ساجد بغمزه:ايه رايك نخلى فرحنا مع فهد انهارده
فيروز بصدمه :ايوه فرحكوا مين انت وهدى يعنى؟
ساجد : كنت عارف ان قلبى هبله بس نعمل ايه بقى
فيروز بعصبية:متقوليش ي هبله
ساجد برفعه حاجب:يعنى مخدتيش بالك من قلبى؟!
فهد:اسف على المقاطعه دى بس مش وقتك ي روميو انت وجولييت
فيروز بضحك:ما انت كنت هناك روميو برضو ولا حلال ليك وحرام لينا
فهد :اممم.والله وكبرنا وبقينا بنرد كمان طب مفيش فرح
ساجد بسرعه: انت هتاخد على كلام طفله ي فهد
فيروز:على فكره انا مش موافقه اتجوز ساجد هو هيتجوز هدى
فهد:انت لسه معرفتهاش الحقيقه؟!
ساجد:هى سابتلى فرصه اعرفها الحقيقه اصلا
فيروز باستغراب:حقيقه ايه
فهد:أن ساجد عارف ان هدى كدابه وهو جابها بس علشان يعرف يجمع منها معلومات احنا عايزينها
فيروز بغباء:طب وهو يتجوزنى ليه برضو مش فاهمه
ساجد بمشاكسه:لما اتجوزك هفهمك بقا وغمز
فهد وهو بيضرب ساجد:انت ي قليل الادب ي واطى دا انا واقف جنبك ي حيوا*ن
ساجد:خلاص ي عم انا كده كده رايح اجهز يلا كلكوا اجهزوا علشان نلحق نختار الفساتين
وخرج فهد وساجد
فيروز بصدمه:هى العيله كلها اتجننت ولا ايه بس اهم حاجه انى هتجوز اللى بحبه من صغرى
ساجد بصوت عالى:على فكره سمعتك
فيروز بصدمه:يلهوى يلهوى سمعنى ازاى دا ي كسفتك ي حازم
بعد نصف ساعة كان الكل جهز
فهد:تعالى معايا ي ندى وانتى ي فيروز روحى مع ساجد وماما
ساجد باعتراض:لا بقى انت عايز تستفرد بالبنيه وانا لا؟!
فهد : يعم دى لو حاولت اقرب منها احتمال تكسرلى ايدى اتنيل انت مش فاهم حاجه
والكل فضل يضحك وراحوا علشان يختاروا الفساتين والبنات اختاروا الفساتين ورفضوا أن الشباب تشوفها
فهد:طب ممكن ميعجبوناش على الأقل خدو رأينا
ندى:لا خليها مفاجئه
وكان البيت كله مشغول وبيرتبوا للفرح وهيصه
فهد :انا اسف ي جدى بس انا بقى معايا تسجيل فيه كل جرايم احمد ومراته وانا هكشف دا كله فى الفرح انهارده
الجد:كده هتبوظ فرحه ندى ي فهد
فهد:لا ي جدى لو انا معرفتش ندى وقتها ممكن اخسرها بجد وانا مش هقدر انى اخسرها
الجد: ربنا يسعدكم ويوفقكم ي رب
فى الفرح كان الكل مستنى نزول العروستين وفجاه كان فيه صمت غريب فى المكان والكل بص على ناحيه السلم واتفاجئوا بالعروستين وهما لابسين فساتين سودا مش زى بقيت العرايس والعريسن كانو لابسين ابيض
فهد. وساجد:فضلوا مبرقين لندى وفيروز
ندى بضحك:قولتلكوا هنبهركوا
فهد:حسابك معايا بعدين بقى فيه عروسه يوم فرحها تلبس اسود
ندى : طب والله الاسود جامد حتى بص الكل مبرق ومبهور بينا ازاى
فهد:انتى ناويه تجيبيلى جلطه صح؟!
ندى بابتسامه: صح
ساجد:بصى انا مش هتكلم لما نطلع قوضتنا لينا حساب تانى
فيروز بضحك:انا هنام مع ندى انهارده
ساجد:ايوه خلى اخوكى يقتلك فيها
والحمد لله خلص كتب الكتاب والكل كان فرحان
فهد:شغل ي ابنى الفيديو خلى الفرحه تتم
واشتغل فيديو فيه احمد وليلى وهما بيتفقوا على قت*ل على ومراته وبنته وهما بيتفقوا مع هدى أنها تضحك على ساجد وتوهمه أنها بتحبه واعترفوا فيه بكل الجرايم بتاعتهم
فهد:دى هديه جوازنا ي ندوش عجبتك
ندى بابتسامه مرعبه:اكيد عجبتنى ي قلبى وقربت من احمد وليلى ببطأ وفجاه ضربت احمد بالقلم قدام الكل حسابك معايا لسه مخلصش ودخلت الشرطه وخدت احمد وليلى وهدى وكملوا الفرح
فهد:انتى كويسه ي ندى
ندى :كنت عايزه اهلى يكونوا معايا فى اللحظه دى
فهد:انا اهلك وسندك وقبل ما اكون جوزك هكون ابوكى بحبك ي ندى
ندى بدموع:وانا كمان بحبك
"لا تحزن ان الله معنا"
تمت
انا اسفه على التاخير بس مكنش عندى شغف والتفاعل كان قليل ودى هتكون اخر روايه ليا حبيت بس اقول ان ربنا عارف فين الخير لينا فلا تيأسوا من رحمة الله
النهايه