❴🔢❵☟الــبــــــ❴ 1️⃣ ❵ـــــــارت☟
*عـشــــق ولاد الــعــــم ➶𝄞🥂📓ツ))*
`_
البارت 1
البارت 2
البارت 3
البارت 4
البارت 5
البارت 6
البارت 1
....حرااااامى الحقونى حرااااامى
فهد وهو بيكتم بوقها :هشش اسكتى هتصحى البيت كله اكتمى وبعدين انتى مين و بتعملى ايه فى قوضتى ؟!!!
ندى :امم امم بمممم امم امم
فهد باستغراب:ايه؟!
ندى بصت على أيده اللى هو كاتم بيها بوقها
فهد خد باله من قربها ليه وبعد عنها بسرعه
ندى بصدمه:انت اللى بتعمل ايه هنا؟؟
فهد:والله يعنى انا اللى بعمل ايه فى قوضتى فى نص الليل ؟!
ندى بعصبيه:انت شكلك كده حرامى وبتحاول تنصب عليا
فهد بتريقه: والله وهو الحرامى هيعلق صورته فوق السرير بتاعه ليه
ندى بعدت شويه وبصت لفوق السرير
ندى بجديه مضحكه:تصدق معاك حق انت علقتها دلوقتى ازاى ؟!
فهد وهو بيمسح على.وشه :ي رب صبرنى انتى جيتى من انى داهيه وايه اللى دخلك قوضتى
ندى:والله جدو هو اللى قالى اروح تانى قوضه على اليمين
فهد بغضب :دى تانى قوضه على الشمال مش اليمين وبعدين انتى مين اصلا ؟!
ندى بعناد:ملكش فيه سلام (وسابته ومشيت)
فهد بغضب: استغفر الله هو الواحد كان ناقص ؟!
ندى دخلت القوضه التانيه وفضلت متضايقه من كتر الاحراج اللى هى فيه
ندى :اه ي غبيه بقى مش عارفه الشمال من اليمين هيفتكرنى دخلت بقصدى
ولا يفتكر اللى يفتكره انا مش بخاف من حد يلا انا بقول انام احسن
______فى صباح اليوم التانى
ندى بابتسامه مشاغبه:بص ي جدى انا هبهرك سيبهم بس يخلونى اعمل الفطار انهارده
الجد بحنيه:ي بنتى فيه خدم يعملوا بدالك
ندى بإصرار:لا انا عايزه انا اللى اعمل الفطار انهارده
الجد :خلاص ي خديجه اسمعى كلامها
خديجه باحترام:حاضر ي فندم
ندى بابتسامه:ممكن تيجى معايا تساعديني
خديجه:اكيد ي انستى
ندى برفض:انستى؟؟!لا انا هقولك خديجه وانتى قوليلى ي ندى احنا فى نفس السن تقريبا
خديجه بابتسامه:ماشى ي ندى
ندى بضحك:ايوه كده خلى الشمس تطلع ووقفوا يعموا الفطار سوا
خديجه بابتسامه: يعنى انتى بنت عم الوحوش دى؟!
ندى بضحك:تخيلى انا صراحه لسه مشوفتش غير واحد بس فيهم
خديجه باستغراب:مين
ندى:انا مش عارفه اسمه لحد دلوقتى
خديجه :اكتر واحد يخوف فيهم الاستاذ فهد عصبى جدا وملوش فى الهزار ومش بيسامح حد غلط ابدا
ندى:ربنا يسترها ي رب مقابلهوش خالص
خديجه:يلا ناقص خمس دقايق على أنهم يتجمعوا
ندى:طب يلا نجهز السفره بسرعه
خديجه بتذكر:اه صحيح فيه واحده كمان بتشتغل هنا بس هى مجتش انهارده
ندى بابتسامه:خلاص بكره انشاء الله اتعرف عليها ونكون صحاب
___على المائده
اجتمع الكل
الجد كان على رأس الطاوله وجنبه من اليمين محمد (والد فهد)وجنبه مراته منار وبعدين فهد وفارس وفيروز
والجنب الشمال كان فيه احمد ومراته ليلى وولادهم ساجد ويوسف
الجد بابتسامه وهو بيوجه كلامه ل ندى:اقعدى ي حبيبتى جنب منار الكرسى الفاضى دا
ندى بخجل : حاضر ولسه بترفع عينيها لقت نفس النظرات اللى عمرها ما تنساها "نظرات الفهد"
الكل بص للجد وعندهم ملايين الاسئله بس محدش اتكلم
الجد لاحظ نظراتهم ليه
الجد بابتسامه:طبعا كلكوا عايزين تعرفوا هى مين دى صح ؟
الكل حركوا راسهم بمعنى صح
الجد :اقدملكوا ندى بنت على ابنى الوسطانى
الكل كان فى حاله صدمه تامه ومحدش عرف ينطق بكلمه
فهد قطع الصمت دا وقال:مستحيل تكون هى دى واحده نصابه
الجد:........
الكل :ايييه؟!!!!
يتبع.....
تفاعل حلو علشان اكملها
ي ترا حصل ايه وليه الكل مصدوم كده دا اللى هنعرفه البارت الجاى
2
.....:البت دى نصابه مستحيل تكون هى
الجد:لا هى وعلى فكره انا اللى مربيها من وفات ابنى على
الكل بصدمه:اييييه ؟!!ازاى وليه معرفتناش وقتها أن فى حد عاش من الحادثه وليه خبيت عننا
الجد بجديه:كل حاجه هتعرفوها فى وقتها
الكل كان قاعد ومصدوم ايه سر رجوعها دلوقتى وليه الجد كان مخبيها عن العيون
وفى وسط استغراب الكل كان فيه نظرات حاده مسلطه على ندى
ندى بترفع عينيها لقت فهد بيبصلها بنظره هى مقدرتش تفهمها
فارس بابتسامه: اهلا ي ندى نورتى بيتك
ندى بابتسامه:اهلا بيك
فارس: اعرفك علينا انا فارس ودا فهد اخويا الكبير ودى فيروز اختى الصغيره
ندى بابتسامه:اهلا بيكوا
فيروز بفرحه:ياااه اخيرا هلاقى بنت معايا فى البيت دا
ندى بضحكه:والله وانا كنت لوحدى برضو
منار بحنيه:اهلا ي بنتى انا ابقى منار والده فهد وفارس وفيروز ودا محمد جوزى
ندى بابتسامه:اهلا بيكى ي خالتى
منار بحنيه:قوليلى ي ماما انتى فى مقام بنتى فيروز
ندى عينها دمعت وراحه حضنتها :ماشى ي ماما
محمد بابتسامه:وهو مفيش حضن من دا لعمو ولا ايه
ندى بضحك :احلى حضن لعموا وراحه حضنته
يوسف :دورى اعرفك بالباقى انا يوسف ودا اخويا الكبير ساجد وماما ليلى وبابا احمد
ندى بابتسامه:اهلا بيكوا
الجد بمغزى: ايه ي ليلى انتى ومحمد وساجد مش هترحبوا بندى ولا ايه
ليلى بقرف:اهلا
محمد بتوتر:اهلا بيكى
ساجد تجاهل كل دا وسابهم ومشى
الجد:ندى اطلعى هاتى الC.V
بتاعك وهتروحى مع فهد الشركه
فهد:ايه!!! اسف ي جدى بس انت عارف انى مش بشغل اى حد معايا واسطه
الجد :ومين قالك أنها هتشتغل واسطه اومال انا قايلها تجيب الC.V ليه
فهد:بس انت عارف اننا مش بنقبل اى حد احنا بنقبل الافضل وانا هقارن ال C.V بتاعها مع الباقى
ندى بثقه:هشتغل ايه بقى
فهد برفعه حاجب:مش لما تنجحى فى. المقابله
ندى بنفس الثقه:وانا متاكده انى هنجح فيها فأحب اعرف هشتغل ايه
فهد استغرب من ثقتها وان دى مش نفس البنت الهبله اللى شافها امبارح
_____فى عربيه فهد
فهد بضيق:بصى بقا انتى زيك زى اى موظف عادى انا مفيش حاجه عندى اسمها واسطه
ندى بثقه:وانا مش عايزه اكتر من كده وفضلوا ساكتين لحد ما وصلوا الشركه
ونزلوا سوا وكل العمال كانوا مستغربين مين البنت دى وليه نازله مع فهد وبقى كل واحد يقلف حكايه مختلفه
فهد بصرامه:كل واحد على مكتبه حالا وانتى ي انسه ندى تعالى ورايا
___فى مكتب فهد
فهد بعمله: اتفضلى وشاور لها على الكرسى اللى قدامه
ندى بثقه:دا الC.V بتاعى فهد كان مبهور بيها وبالشهادات والجوائز اللى هى خدتها وهى فى سنها دا
فهد:بس انتى كده مخلصتيش دراسه صح؟
ندى بعمليه:فى اخر سنه ليا
فهد:تمام تقدرى تستلمى الشغل من دلوقتى هتلاقى انسه شهد فى المكتب اللى جنبى دا وهى هتفهمك طبيعه شغلك
ندى :تمام استاذن حضرتك
وخلص اليوم من غير اى احداث مهمه تذكر غير أن ندى اتعرفت على شهد وبقوا صحاب واتعلمت تفاصيل الشغل.
___بعد انتهاء الدوام
فهد راح مكتب شهد لقى شهد بس اللى موجوده
فهد باستغراب:فين الانسه ندى؟!
شهد باحترام:الاستاذ ياسر طلبها فى مكتبه ي فندم
فهد راح مكتب ياسر وهو كله غضب لانه عارف ان ياسر لعوب
فهد وهو بيقتحم المكتب بغضب وفجاه اتصدم من اللى شافه.......
يتبع
ي ترا فهد شاف ايه صدمه
عايزه تفاعل حلو
3
...نهارك اسود ايه اللى انتى عاملاه فى الراجل ده؟!!!
ندى وهى بتلوى ايد ياسر اكتر:قال الباشا بيحاول يقرب منى فاكرنى هسمحله بكده
ياسر بوجع:ابوس ايدك ي فهد بيه ابعد المتوحشه دى عنى
فهد وهو بيحاول ميضحكش:خلاص بقى ي ندى هتكسرى ايده
ندى بعناد:اكسرها الاول وبعدين ابعد
فهد بعصبية:ندى قولتلك خلاص
ندى بصتله ببراءه وسابت ايد ياسر
ندى ببراءه:ابقى اديله يومين اجازه علشان مش هيعرف يكتب أو يعمل اى حاجه بايده يومين كده
فهد بص على ايد ياسر وكانت مورمه ومزرقه ومن جواه كان فرحان بيها بس حاول ميبينش دا
فهد بجمود: اتفضلى قدامى
ندى ببراءه:حاضر
فهد بتريقه:ملاك ي خواتى
___فى عربيه فهد
ندى ببرود:على فكره سيبته احتراما ليك غير كده دا مفروض ميكونش موجود فى الشركه اصلا
فهد بإعجاب بشخصيتها:هو ماضى عقد معانا وهينتهى بعد اسبوعين وانتى اللى هتمسكى شغله
ندى هزت راسها ومتكلمتش
___بعد فتره
فهد:ندى ندييي وصلتى لفين كده يلا وصلنا
ندى بتوهان:ايه؟ اااه اه تمام اسفه مكنتش مركزه
فهد:تمام ادخلى انتى وانا هركن العربيه واجى
___فى البيت
ندى: السلام عليكم ورحمه الله وبركاته
الكل: وعليكم السلام ورحمه الله وبركاته
الجد بابتسامه:ايه اخبار اول يوم شغل معاكى
ندى بمشاكسه:كان يوم جميل زيك ي قمر انت
الجد بضحكه:مش بقولك بكاشه من صغرك
ندى بغمزه:معاك انت بس ي جميل
فيروز:لا لا لو سمحتى انا بس اللى اعاكس جدو حبيبى
الجد خدهم هما الاتنين فى حضنه:والله انتو اللى مهونين على الواحد عيشته
فهد دخل وقال السلام عليكم وقعد على الكرسى ومتكلمش
ندى استغربت من البرود اللى هو تقمصه دا وان مش دا نفس الشخص اللى كان معاها من شويه
فيروز:تعالى ي ندى نروح المول نشترى شويه فساتين ونتسوق
ندى بابتسامه:يلا عشر دقايق بس اخد شاور خفيف واغير هدومى
بعد لما طلعت
فهد:هو فين يوسف
فيروز:مش عارفه ليه بتسال عنه
فهد برفعه حاجب:اومال مين اللى هيوديكوا المول؟!
الجد بابتسامه: انت اللى هتوديهم
فهد :نعمممم ؟!!!
الجد:.....
يتبع
#عشق_اولاد_العم
4
...:نعممم انا فهد الأنصارى اخد بنات تتسوق؟!!!!دا من سابع المستحيلات
ندى بضحك:ايه ي فهد الأنصارى شايفاك خدت بنات تتسوق اهو
فيروز بضحك:اسكتى ي ندى والله انا ما مصدقه اصلا
فهد بعصبية :مسمعش صوت واحده فيكوا لحد ما نرجع وهى عشر دقايق تجيبوا فيها اللى عايزينه لو اتاخرتوا مش هستنى حد انا
فيروز: هما دقيقتين يعم
فهد ببرود :يلا وصلنا الساعه دلوقتى ٧وخمسه الساعه ٧وربع همشى وانتوا تيجوا لوحدكوا
ندى بنظره شماته:عيونى
بعد نص ساعه 😂
فهد بغضب:انا كنت عارف انهم مش هيسمعوا الكلام ماشى ي جدى يعنى بتخلينى انا اتدبس فيهم
_____عند ندى وفيروز
ندى باعجاب :الله حلو دا اوى هيكون جميل اوى عليكى
فيروز بفرحه:استنى اجربه ودخلت البروڤه وندى مسكت الفون وفتحت الفيس
فهد بعصبية: هو دا اللى مش هتتاخروا؟!!! قاعده هنا وبتلعبى لا مش فهد الأنصارى اللى واحده تعانده
ندى بعناد: لا انا بعانده عايز ترجع البيت اتفضل بس انا مش هتحرك من هنا من غير ما اجيب كل اللى كنت عايزاه
فهد بغضب:فيرووز
فيروز خرجت بخوف:ن ن نعم
فهد بغضب:حالا قدامى على العربيه
فيروز سمعت الكلام وخرجت من المول
فهد وهو بيقرب من ندى:دلوقتى حالا الاقيكى فى العربيه لاما والله هسيبك هنا ومش هيهمنى
ندى وهى بتقرب منه وبتبص فى عينه:وانا قولتلك مش همشى من غير ما اجيب كل اللى انا عايزاه تقدر تتفضل انت
فهد كان تايه فى عيونها ومش مركز اصلا
ندى خدت بالها من توهانه وبعدت عنه وكملت:دلوقتى انت اللى بتاخرنى اهو
فهد بعد ما فاق:طب تمام خليكى هنا وسابها وخرج وركب العربيه واتحرك
فيروز بخوف على ندى:فهد لو سمحت ندى مكنتش عايشه هنا ومتعرفش اى حاجه هنا
فهد ببرود:دا ميخصنيش انا قولتلها يلا هى اللى قالت لا ومش فهد الأنصارى اللى حتت بنت تقوله لا
ندى فضلت تتسوق وخلصت وجت عايزه ترجع بس المشكله هى متعرفش الاماكن جت ترن بالفون افتكرت أنها كانت حطته فى الشنطه وان فيروز خدتها معاها
ندى:يوووه طب اعمل ايه دلوقتى
انا هوقف اى عربيه اجره توصلنى
ندى:لو سمحت ممكن توصلنى لبيت عيله الأنصارى
الراجل بطمع:ايوه ايوه اتفضلى
ندى بابتسامه:شكرا
الراجل فى نفسه:شكلها جديده ومتعرفش الاماكن دى فرصتى وخدها من طرق غريبه بس بالنسبالها هى مكنتش تعرف الطريق اصلا
فيروز بخضه:ي نهار اسود دا تليفون ندى هنا
فهد قلق عليها بس تصنع البرود:عادى هى مش صغيره وهتتوه
فيروز بعياط :لا هتتوه ي فهد حرام عليك
فهد:انا. هرجع علشان اخلص من زنك دا
ورجع المول على أمل أنها تكون هناك وفضل يدور عليها ملقاهاش
فهد:فين مدير المول دا
العامل باحترام:هو مش هنا ي فندم فيه اي شكوى ؟
فهد:عايز اشوف الكاميرات
فى الاول العامل رفض بس بعد معرفه هويه فهد اضطر أنه يسمع الكلام
فهد بعد لما شاف الكاميرات:........
يتبع
#عشق_اولاد_العم
5
....:ابعدوو عنيي ي فهددد ابعدوا وانا هديكوا اللى انتوا عايزينه
شاب: هشش بقى ما انتى لو فضلتى تصوتى من هنا لبكره محدش هيعرفلك طريق فخليكى هاديه كده وهتنبسطى معانا
ندى بغضب: والله جدى هويديكوا وراالشمس لو حاولتوا تلمسوا شعره واحده منى
الشاب٢:اكتمى بقى انتى رغايه اوى
شاب ١:بس طلقه
وكانوا رابطينها ولسه بيقربوا عليها سمعوا صوت تكسير
شاب٢:ايه الصوت دا
شاب ١: معرفش بس هتلاقى قطه وقعت حاجه متركزش يلا نشوف هنعمل ايه ولسه هيلمسها لقى نفسه واقع فى الارض وبيتالم
شاب ٢:انت مين ي اخ انت وايه اللى انت عملته دا
_انا عملكم الاسود وفضل يضرب فيهم لحد ما هربوا منه ولسه هيجرى وراهم سمع صوت بنت
ندى بوجع:لو سمحت ممكن تفكنى؟
مهاب:ااه انا اسف نسيت افكك وراح فكها
ندى بشكر: شكرا اوى ليك على مساعدته مش عارفه من غير مساعدتك كنت هعمل ايه
مهاب بابتسامه:دا واجبى واى حد فى مكانى كان هيعمل كده المهم انتى ايه اللى خلاكى تخرجى من بيتكم لوحدك
ندى حكيتله اللى حصل وانها مكانتش عايشه هنا ومتعرفش الاماكن
مهاب بغضب:دا مجنون ازاى يعنى يسيبك لوحدك وهو عارف انك متعرفيش الاماكن
ندى بحزن:مش مهم انا بس عايزه اروح بيتى انا مش عايزه اى ضغط تانى
مهاب بشفقه:تعالى انا هوصلك بس على الاقل عايز اعرف اسم عيلتك علشان اعرف اوصلك
ندى بتعب:عيله الأنصارى
مهاب بصدمه:عيله الأنصارى ؟!!
ندى:انت تعرفهم ؟
مهاب باستيعاب:يعنى فهد اللى كنتى بتتكلمى عنه دا يطلع فهد الأنصارى
ندى باستغراب:ايوه هو فيه ايه ؟!
مهاب وهو بيخبط رأسه بايده:هيفضل فهد غبى كده دايما ويضيع كل حاجه من أيده
ندى :هو انت تعرفه؟!!
مهاب بابتسامه:فهد الأنصارى دا يبقى صديق الطفوله بتاعى انا كنت لسه عندهم قبل ما اسافر من شهرين كده
ندى بتفهم:اها تمام معلش انا تعبانه ممكن توصلنى البيت ؟
مهاب:تعالى يلا
_______
الجد:انت ازاى كنت مستهتر كده
انت نزلت من نظرى اوى ي فهد انا دايما كنت بقول انك اكتر واحد عاقل
فهد بحزن:جدى ممكن تهدى علشان صحتك انا والله هرجعها انت بس ارتاح
الجد بغضب:فهد مترجعش من غير ندى انت فاهم ولو حصلها حاجه تنسى انك ليك جد
فهد: صدقنى والله ما هنام من غير ما ارجعها انا عرفت رقم العربيه وبلغت البوليس وهما بيدوروا على مكان العربيه و..
فيروز بمقاطعة:فهد ي فهد الحق
فهد بسرعه:فيه ايه ي فيروز ؟!
فيروز بسرعه:الحق مهاب جه
فهد بعصبية:وهو دا وقت كلامك دا ي فيروز استنى نعرف ندى فين
...:ندى معايا
الكل بص على ناحيه الصوت ولقوا مهاب شايل ندى
الكل جرى على مهاب
الجد بخوف:مالها ي مهاب هى كويسه ردى عليا ي نن عينى ردى عليا
فهد بعصبية:مترد ي مهاب ندى مالها وحصلها ايه وانت لقيتها فين وجبتها ازاى
مهاب بعصبيه:لو سمحت ي فهد ممكن تهدى؟!! ورونى قوضت ندى الاول اطلعها هى كويسه انا وديتها للدكتور وطمنى محتاجه راحه بس
فيروز بدموع:تعال انا هوريك اوضتها
فهد وهو بيحاول ياخد ندى منه:هاتها انا هطلعها
مهاب بعد ندى عن فهد:هطلعها انا شكرا ليك ورينى اوضتها ي فيروز
فهد كان متعصب بس دا مش وقت الخناق
ومهاب طلع ندى ونزل
الجد بخوف على حفيدته :ها قولى حصل ايه هى بجد كويسه ولا بتضحك علينا
مهاب بحزن:الدكتور قالى انها دخلت فى حاله انهيار عصبى وأنها محتاجه ترتاح فتره بعيد عن كل الضغوطات
فهد :انت عرفت مكانها منين ولا شوفتها. فين اصلا ؟!
مهاب فضل باصص عليه شويه ومش بيتكلم وفجاه قام وو........
يتبع
تفاعل حلو هنزل واحد كمان بالليل
#عشق_اولاد_العم
6
...:اااااه انت غبى يلا ايه اللى انت عملته دا؟!!!
مهاب بغضب:دا علشان سيبتها لوحدها وضربه تانى ودا علشان كانت ممكن تموت انهارده أو يحصلها اى حاجه وساعتها كنت هتفضل تلوم نفسك وضربه مره كمان ودا علشان انت غبى وبتضيع كل حاجه من ايدك
فهد فضل يضحك بطريقه غريبه
مهاب باستغراب:انت بتضحك على ايه
فهد بابتسامه:على دا وقام ضر*به فى وشه ومناخيره نزلت د*م
فهد :دا علشان مديت ايدك عليا المهم دلوقتى احكيلى اللى حصل
مهاب :بص ي ابنى انا كنت ماشى على الطريق عادى ونزلت اسئل على اى محطه بنزين قريبه وسمعت صوت واحده بتصوت جالى فضول اعرف هو فيه ايه ببص لقيت ندى وكانت مربوطه واتنين كانوا بيحاولوا.....
فهد بغضب: بيحاولوا ايه؟!!!
مهاب بحزن: بيحاولوا يعتد*وا عليها بس انا الحمد لله لحقتها بس هى حصلها انهيار عصبى واهو هى دى كل الحكايه
فهد فضل متضايق وبيلوم نفسه أنه سابها من الاول
الجد:انا هفضل فى اوضه ندى انهارده محدش يعمل ازعاج تصبحوا على خير
فهد بسرعه: استنى اساعدك ي جدى
الجد بحزن:لا شكرا تعال ي مهاب ساعدنى اطلع
مهاب: حاضر ي جدى يلا
فهد كان متضايق اوى أن هو السبب فى كل دا ومتضايق اكتر إن مهاب مقرب من ندى هو مش عارف ليه بس لما شافه شايلها كان هيتجنن
ندى بوجع:ااه ي دماغى
الجد بقلق:انتى كويسه ي قلب جدك اجيبلك دكتور؟!
ندى بابتسامه متعبه:انا كويسه ي جدى متقلقش
الجد بحب:نامى ي قلب جدك انا موجود. جنبك وحضنها
ندى ببكاء:انا كنت خايفه اوى كنت خايفه يحصل حاجه انا عايزه ارجع اسافر تانى انا مش عايزه اعيش هنا لو سمحت ي جدى انا معرفش حد ولا اي حاجه هنا خلينى ارجع لحياتى الطبيعه
الجد بحزن:يعنى عايزه تفهمينى انك عايزه ترجعى علشان متعرفيش حد يعنى مش علشان متشوفيش فهد تانى
ندى:جدى انت عارف انى صعب اثق فى حد بسهوله بس انا وثقت أنه هيحمينى زى ما انت قولت بس هو معملش كده انا مش هقدر اشوفه كل لما اشوفه هفتكر ايه اللى كان هيحصل معايا
الجد :يعنى متاكده عايزه ترجعى ؟
ندى:اه عايزه ارجع انا شغلى وكيانى كله هناك انا مكنش ليا مكان هنا من الاول
الجد:تمام انا موافق انى ارجعك بس بشرط
ندى : ايه هو
الجد:......
ندى بصدمه:ايييه؟!!!!!
يتبع....