عمارة الخوف 😈 ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ - ❴🔢❵☟الــبــــــ❴ 1️⃣ ❵ـــــــارت☟ - مكتملة | روايتك

*رواية عمارة الخوف الجزء الاول ....😈😈* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ قصه 《عمارة الخوف》الجزء الأول بقلم (الحب كله ❤️) ................................................................................ فى شهر يوليو و هو أشد الايام حرا و فى عمارة بيسكن فيها ثلاث شقق بنلاقى شخص و شكله يدل على أنه شاب طالع من الشقة بتاعته و بعد ما طلع حس ببرودة مش طبيعية حاول يتجاهل البرودة و بدأ ينزل السلالم لكن قوة مجهولة خليته يلف وراه و لقى ان فيه كيان اسود طويل و مالوش ملامح واقف عند باب بيته و فجأة الكيان هجم عليه كأنه ريح .... صوت : اي يا محمود فين العمارة الي بتقول عليها دى محمود : يلا قربنا نوصل اهو صوت : ماشى يعم يا رب تطلع حلوة زى ما بتقول لان مش معقول يكون سعرها رخيص اوى كده و تبقى كويسة محمود : لأ يا هندسة عيب عليك صوت:ماشى يا اخويا هنشوف و بعد وقت مش طويل وصلنا عند العمارة على العموم انا محمد مهندس و عندى ٢٥ سنة لسه اعزب و بسبب طبيعة شغلى الى معظم الوقت يتخلينى اروح من مدينة لمدينة كنت بدور على شقة أعقد فيها لغاية ما ارجع مكانى الأساسى تانى قالى صاحبى محمود فى يوم انه لقى شقة بسعر كويس فى عمارة فى المكان الى رايح اشتغل فيه اتفقنا اننا نروح و نشوفها الأول و كده و فعلا بعد ما جيت روحنا علشان نشوفها و لما وصلنا كانت العمارة حلوة من بره و باين عليها انها كان المفروض يندفع فيها فلوس اكتر من الى قالولنا عليها قابلنا بواب العمارة البواب: ازيك يا محمود بيه اى اخبارك محمود : الحمد لله ازيك انت يا فتوح فتوح : بخير يا بيه اكيد انت محمد بيه صح محمد : ايوه انا محمد فتوح : اهلا بيك يا بيه اتفضلوا واقفين ليه دخلنا العمارة و كانت الأمور كويسة العمارة زى ما قال لنا فتوح تلت ادوار و كل دور فى شقتين قدام بعض و الى ساكن هنا واحد متجوز و مراته و واحد شاب فى الجامعة و واحد اعزب و الدور الاخير فاضى محدش ساكن فيه و الشقة الى هتكون قدامى بتاعت الراجل الاعزب ده خدنا فتوح على الشقة لكنى حاسس ان فيه حاجة بتراقبنى لكن مفيش حد مهتمتش بالموضوع و دخلنا الشقة كانت منظمة اوى و نضيفة جدا فتوح :دى بقى شقتك يا استاذ محمد ها نمضى العقود محمود : مش قولتلك يبنى حلوة اهى مفيش تفكير اكيد هنمضى محمد : عندك حق هنمضى و فعلا مضينا العقد و محمود روح وانا دخلت شقتى و الموضوع كان كويس اوى بالنسبالى كل حاجة كانت حلوة و كويسة لمدة يومين بعدها و احنا بالليل بقيت اسمع أصوات كتيرة فى الشقة الى قصداى و حاجات تتكسر و روايح غريبة زى بخور حاجات تانية اكتر فى أول مرة مهتمتش و قولت اكيد مشغل تلفزيون او حاجة و مخلى الصوت عالى كده لكن الغريبة ان محدش من اهل العمارة طلع مرة و خبط على الراجل علشان يوقف الصوت و الازعاج ده و كمان الموضوع بيحصل فى نفس المعاد بالليل كل مرة و مع الروايح الكبيرة الى بتخرج دى سألت فتوح مرة عن الى بيحصل فى الشقة و الغريبة لما قالى انه مش بيسمع أصوات ولا فيه حاجة و محدش من العمارة اشتكى قالى يمكن هلاوس لأنك جاى شقة جديدة و كده و فعلا مهتمتش و بقى الموضوع نوعا ما عادى بالنسبالى و لكن كتر الاصوات خلانى اتجنب انه يكون هلاوس مستحيل الهلاوس تعقد الفترة دى كلها معايا و مرة وانا جاى من الشغل كأى يوم عادى و طالع لقيت الشاب الى ساكن فى الدور الأول طالعين شقته حاولت اسلم عليه و اتعرف محمد : اهلا انا جاركم الجديد هنا أسمى محمد الشاب كان بيبص فى كل مكان و عينه بتحرك بسرعة و كان باين عليه التعب الشاب : اهلا بيك انا ...انا زياد محمد : اهلا بيك يا زياد زياد : اهلا بيك معلش..معلش استأذنك لانى عندى مشوار مهم محمد: آه طبعا انا اسف انى عطلتك زياد : لأ ابدا ولا يهمك سلام و مشى زياد و انا بحاول افهم هو عامل كده ليه و شكله تعبان خالص دخلت للشقة و لكن انصدمت لما لقيت اى الى فى الشقة قابلت شخص أنيق باين على شكله انه ودود سلمت عليه و بدأ يتكلم و يقول الشخص : حضرتك الاستاذ محمد الساكن الجديد محمد : ايوه اهلا بحضرتك الشخص : اهلا بيك انا الدكتور أحمد الى ساكن فى الدور الأول و بعدها خرجت من وراه واحدة كانت حلوة لكن باين عليها نوع من التعب و شكلها كأنها دبلت و خرجت و سلمت علينا و عرفتني بنفسها هالة : انا هالة مرات الدكتور أحمد هنا محمد : اهلا بيكى يا فندم انا محمد الساكن الجديد في العمارة هالة : اتشرفنا بيك و خلص الحوار و نزلنا و كل واحد راح على شغله و حياته حاولت انسى فى الشغل إلى حصلى و قولت يمكن تهيؤات و فضلت مصر على انها هلاوس و روحت بعد الشغل الصيدلية و جبت مهدئ معايا و طلعت لقيت زياد كان طالع لشقته محمد : ازيك يا زياد عامل كان باين عليه انه لسه تعبان و انه منمش من مدة وعينه بتحرك كتير فى كل مكان زياد : الحمد لله ازيك انت محمد : كويس يس كنت عايز أسألك على حاجة ينفع زياد : طبعا تعال اتفضل دخلت مع زياد شقته لكنها كانت فوضوية نوعا ما و فيه ورق مرمى على الأرض و كان فيه ورق مكتوب عليه حاجات بخط الايد لما شوفتها زياد : انا اسف عارف ان بيتى مش منظم اوى لكن مفيش وقت محمد: عادى ولا يهمك قعدنا فى الصالة عنده و راح جاب حاجة نشربها و جه و قعد و بدأت اتكلم محمد : معلش يا زياد بس كنت عايز أسألك لو كنت سمعت أصوات او بتشم روايح زياد : أصوات و روايح اى حضرتك محمد : أصوات ناس بتتكلم و دوشة كتير بتحصل فى ميعاد معين بعد نص الليل و روايح غريبة جدا و بخور حاولت قبل كده اعرف المصدر لقيته عند الأستاذ طه الى قدامى و لكن استغربت لما لقيت مفيش حد منكم طلع و شاف اى الدوشة دى و لما سألت استاذ طه عن الى بيحصل قالى ان مفيش أصوات ولا فيه حاجة لكنى حاسس انه بيكدب عليا علشان كده حبيت أسألك لو تعرف حاجة مرضاش احكيله عن الضل الأسود الى شوفته لكن بدأ زياد يتوتر و عينه بتلف اكتر و اكتر و مش بيثبت و بدأ يتكلم لكنه كان بيتهته زياد : انا..انا معرفش انت بتتكلم عن اى بالظبط لكن لا مفيش اصوات ولا فيه حاجة محمد: يبقى اكيد كانت تهيؤات على العموم اسف انى ازعجتك زياد : لأ عادى و مشيت و كنت عارف ان زياد عايز يقول حاجة لكن خايف فيه حاجة منعاه طلعت و لقيت استاذ طه على السلم و كان بيبتسم مش عارف ليه حسيت انه عرف بموضوعنا انا و زياد و ابتسامته كانت ابتسامت نصر على ان زياد متكلمش و قال حاجة و بعدها سلمت عليه و دخلت و قررت انى لازم اعرف اى الى بيحصل فى العمارة دى لان الى بيحصل مش شوية دخلت و نمت و الحمد الله مكنشى فيه ولا ضل ولا أصوات ولا اى حاجة نزلت تانى يوم علشان الشغل و لقيت زياد واقف مع الاستاذ احمد و بيتكلموا احمد : عامل اى يا استاذ محمد محمد : بخير فيه حاجة ولا اى احمد كان باين عليه نوع من الخوف و لكن عايز يقول حاجة خلاص الموضوع هيتفتح قالى عايز حضرتك فى موضوع مهم دخلنا شقة الاستاذ احمد و مراته مكنتشى موجودة اتصلت على الشغل و خت اجازة مرضية و بدأ استاذ احمد يتكلم و الصدمة لما عرفت يتبع .......