الفصل التاسع و الأخير
رواية لا تفلت يديّ : الفصل الحادي والعشرون : يوم السبت الرياض || - 4:40 BM -
¦ بيت عايلة ماجد ¦
- دخلو رغد ومنار و بيدهم ليال -
رغد منار ليال : السلام عليكم ورحمة الله وبركاته
الأم مريم التفت لبنتها مقدرت تصبر انفجرت بكى وراحت تضمها: ييييمااا بنتي ليييال..
تحت صدمه الكل من بكائها؟
ليييال بصصدمه : يمممماه!!!
ريناد تركض لاختها وضمتهااا : لولو حبيبتي وحشتينييي..
الأم سعاد : بشويش على البنت اجلسوا الله يهديكم..
جلست مريم وجنبها ليال تبكي وام ليال تطبطب عليها وتشم شعرها وتبوسها : يمه حبيبتي شخبارك ياقلبي وكيف دنياك عساك طيبه؟
ليال تتلمس وجهه امها وتبكي : بخيير يمه بخيير ماكان ناقصني الا وجودكم..
تتفحصها الأم مريم :لولو حبيبتي وش فيك؟
ليال بحزن : رجعت زي قبل عميييت يمه ماعاد اششوف..
الأم مريم : بسم الله عليييك جعللله فيني ياقلبي..
- بعد نص ساعه بكي ونوح وسوالف حزن وسواليف عن الاحوال -
قامت تصب منار القهوه : ايوا ياخاله مريم مابغينا نشووفك؟
الأم مريم بحراج : ماعليه مازانت الظروف الا هاليومين الله يسعده سلمان من جانا واحنا بخير!
ليال فزت : سسسلمان هنننا ابيييه ابي اشووفـ... *دمعت عينها* ابي اشم ريحته ابي اضمممه ماقدر اششووووفه *قامت تبكي بهستيريه*
البنات انصدمو من انهيارها وقاموا لها..
ريناد تضم اختها وتبكي : اككككون لك النظرر تكفيين لولو لاتبكييين تكفيين!
دخلوا الرجال ع صوت الصياح مفجوعين!
ماجد وهو على أعصابه : طريييق ابي ليييال..
الأم سعاد : تعال يمه مافيه حد تتغطى منه.!
دخل ماجد وقلبه بينفجر من خوفه على ليال شافها كيف تبكي بقهر وعلطول جلس جنبها وبعد البنات وضمها..
ماجد بحنان وهمس في اذنها : حبيبتي لييال هدي وعلميني شفيك ياقلبي وش الي مضايقك؟
ليال ارتخت بحضنه : ابي اشوف سلمان ماقدر اشوفه ابييه.
ماجد حزن عليها : افا عشان كذا تبكين ولايهمك بوديك له تسلمين عليه وان شاء الله كلها مسألة وقت وترجعين احسن من قبل وتشوفينه اوك حبيبي؟
مسكها وقومها معه ، ماجد : العذر والسموحه باخذها تسلم على اخوها واجيبها..
الأم مريم : الله يجبر بخاطرك ياولدي خذ راحتك..
جلسوا الحريم يسولفون ونسيو نفسسهم والي صار معهم خذتهم السوالف كنهم من زمان يعرفون بعض!
«بالمجلس الخارجي»
دخل ماجد وبيده ليال : السلام عليكم ورحمة الله..
سلمان رفع رأسه : ليييال!
ليال تمد يدها لناحية صوته : سلمممان وحشتني حيييل..
مسكها سلمان ومصدوم واشر له ماجد انه بعدين يفهمه!
سلمان يناظر لأخته مشتاق لها : اخبارك لولو عساك طيبه؟
ليال : كويسه الحمد لله انت اخبارك؟ طوللت الغيبه ياخوي..
كملوا سوالفهم ليين المغرب وبعدين راحوا اهلها وهي طلعت غرفتها..
دخل وراها ماجد متلهف لها يبي بس يكون قربها..!
ليال تجلس على السرير وحست بماجد وهو داخل وراها وريحة عطره طغت على المكان غمضت عيونها وتاخذ نفسسس عمييق وووبهمس : ماجد!
ماجد فز قلبه يوم نطقت باسمه راح لها ومسك يدها : هلا عيونه امري!
استحت ليال وسكتت شوي بعدين قالت : انا موافقه..!
ماجد مو مستوعب : ووش؟
ليال ابتسمت على خفيف : موافقه اتزوجك..
ماجد طار من الوناسه وقام شالها يلف فيها المكان وهي تصارخ خايفه : ممماجد ماااجد وووقف تكفى *خافت تحس نفسها بتطيح رغم انها ماتشوف بسسس احساس انها طايره بالهوا خوفها لفت يدينها حوالين رقبته وتخبي نفسها في حضضنه وبصوت يرجف*: مااجج جد هديي شووي..
ماجد وقف وجلسها ع السرير ولمس خدودها يمسحهم بظهر يده وبحنان عممميق باين من صوته : ليييال احبببك وربي اممموت فيك لاا انا اعشققك مغروووم في تفاصلييك أخيرا بتكونين لي! *تنهد براحه وضمنها*
ليال استحتت حيييل حسست براحه من كلامه ونبرته الي مليانننه احاسيس صادقه حبببته بسس كانت خايفه تقولل حبببته من اول يوم شافته من لما ساعدها من لمما اهتم فيهااا حبته وحبت ريحته وعطره وملامحه وصوووته بسس كانت تكتم مشاعرها خووف لاتطيح مره ثانيه في الخطأ!!
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم السبت الرياض || - 8:00 BM -
¦ بيت عايلة ليال ¦
الأم مريم مبسسوطه : ماني مصدقه اخييرا قرت عيني بشوفة ليال الحمد لله..
سلمان يناظر امه وفرحان لفرحها : حبيبتي يمه عسى دوم واي وقت تبين وديتك لها امري انتي وتدللي..
الأم مريم : عسساني ماخلا منك عسساك ذخر دايم لخواتك ولنا جميع الله يحفظك لنا..
: وحنا؟
سلمان: وش فيكم ماتبون امي تدلعني كل شوي احد يخرب علي؟
الأم مريم تضحك : ههههه الله يحفظكم جمييع ، حياك فهد تتقهوى معنا!
فهد : لا يمه بطلع اريح شوي مره ثانيه فديتك..
«فلــــة خــــــــالد»
: استاذ خالد الي تطلبه صعب!
خالد يضرب الطاوله برجله : لييييه صعععب هاااا؟
يبلع ريقه : هي الحين في بيت زوجها مانقدر نسوي شي..
خالد بعصبيه : عادي اكييد بيكون معها مراجعه بالعياده انتم تابعوها وراقبوها اذا طلعت من البيت تعرفون وش تسووون بعدين فااااهم؟
: حاضر ولايهمك *طلع وتركه*
أحمد : الي تسويه غلط فكككر قبل لاتجيب لنفسك مصيبه.
خالد : لاتتدخل في شي مايخصك!
احمد : ان شاء الله *طلع من عنده وفتحت جواله وارسل (انتبه لاهلك خالد يبي يسوي شي وحط ناس تراقبهم_فاعل خير) قفل جواله وركب سيارته..
«بيت عايلة ماجد 9:50 BM»
دخلوا ماجد وليال الصاله وسلموا وردو عليهم الموجودين.
الأم سعاد : ها شخبارك ليال حبيبتي ان شا الله احسن؟
ليال انحرجت من يوم جت عندهم وهي بسس تعبانه وتجيب المشاكل : اي خالتي تسلمين..
ماجد : يمه بنطلع نتعشى برا ماراح نتعشى معكم..
شهد : وااانا ابيي معكم تكفى...
رغد : ماعليكم منها روحوا وتونسوا مع بعض *تقرص اختها يعني فشلتينا*
ماجد ضحك على شكلهم ومسك ليال وطلعوا الا يسمع صوت مسج قراها وعصب..
ليال : وين بنروح اي مطعم؟
ماجد : معليه حبيبتي جاني مسج مستعجل عادي نأجل الطلعه؟
ليال تحطمت: بسس!
ماجد يمسك وجهها بيدينه : حبيبتي والله اعوضك اهم شي سلامتك وبس اضبط الوضع الي عندي وووعد مانبقي مطعم ومكان الا واوديك له.. *باس جبينها ودخلها وطلع*
شهد: وشش فيك وين ماجد؟
رغد : حسبي الله مامداهم يتهنون حاسدتهم..
الأم سعاد : قوموا ساعدوها خلو السؤال بعدين ..
ليال مو معهم قاعده تفكر وش صار فجأه وش المسج الي جاه وغيييره وخلاه يكنسل كل شي فجأه ؟
مشت معهم وقعدت وسولفوا لين جا وقت العشى وتعشوا مع بعض وكملو سوالف ليين كل وحده راحت غرفتها..
«غرفة ماجد وليال 1:00 AM»
جالسه تنتظر ماجد ماتدري كم الساعه بس الي تعرفه انها انتظرت كثيير!
غفت على الكنبه من التعب وبعد ساعه دخل ماجد وشافها وكان باين عليها انها نامت وهي تنتظره حزت بخاطره انه حطمها بعد ماوعدها بالخرجه قعد يتأمل شكلها وهي نايمه وتذكر اول مره شافها كانت خايفه وشعرها متناثر ولبسها الي مستحيل ينسساه كان بارز بياضها رجع يتامل شكلها وهي نايمه وشالها ونزلها على السرير وغطاها..
«صباح يوم الأحد 7:30 AM»
-كلهم كانو يفطرون سوا ماعدا ليال كانت نايمه لسى-
ماجد : غيرت السايق وحطيت حراس عند الباب ، حبيت اعلمكم..
عبد العزيز : ليه وش فيه؟
ماجد : ولاشي بس أفضل كذا اي احد من البنات بيطلع انتبهوا لنفسكم واي شي غريب يصير علطول اتصلوا علي او على اي احد من اخوانكم..
الأم سعاد : شسالفه ياولدي خوفتني؟
شهد : يممه لايكون في حراميه تلاحقنا؟
ريان : ابشرك انتي بالذات بيخافون يقربولك انتي تخوفين بلد..
شهد ترميه بالكلنكس : وجع غثيثثثث..
عبدالعزيز : اهجدوا *يلتفت لاخوه* ماجد عسى ماشر شفييه؟
-ماجد حكى لهم سالفة خالد والي ناوي عليه-
رغد : يييع وش ذا لزززقه حتى وهي متزوجه يلاحقها مرييييض..!
الأم سعاد بخوف: يممه ولدي امنتك انتبه لنفسك ماصدقت لقيتك تكفى لاتحرمنا منك...!
ماجد يقوم يبوس راس امه ويطمنها : ماعليك يالغاليه ان شا الله مافيه الا كل خير *ومشى يروح لشغله*
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم الأحد الرياض || - 2:00 BM -
¦ شركة ماجد ¦
رائد : وبعدين وش بتسوي؟
ماجد :مدري لو ابلغ عنه بتصير فضيحه وتطلع المواضيع القديمه..
منصور : لالالا وييين احنا بنحلها بدون شرطه وخرابيط ليال بتتضرر ويطلع اسمها بكل مكان..
رائد : ليه ان شا الله بتتضرر؟ راح نقدر نبلغ عنه ونقدر نسجنه بتهمه تزوير أراضي نسسيت الملف الي عندك؟
ماجد تذكر : اييييه نسسسيته صح عليك نقدر نطيحهه بهالملف بدون مانتطرق لمواضيع قديمه وسين وجيم..
سولفوا وخطططو وكملو شغلهم < نتركهم..
«بيت مها»
تلبس العبايه : ييماااه بطلللع...
طلعت مها وراحت لعند ليال وهي بالطريق كلمت ندى بس هي تعذرت بسبب عندهم ضيوف ووصلت عند باب البيت بسس ماقدرت تدخل بسبب الحراس منعوها !
شوي طلع ريان وشافها : هلا اختي أمري؟
مها بإحراج : جايه لـ ليال بسس مو راضين يخلوني ادخل؟
ريان : وش الي يضمن لي انك تعرفينها؟
مها بقهر : وانت وش دخلللك؟
ريان : بكيفك اجل خيسي هنا ماحد بيدخلك الا اذا سمحت *جا بيركب السياره*
مها تحاول تمسك اعصابها : خلااص تعال..
ريان يناظر لها : وش عندك؟
مها : كيف اثبتلك؟ ماني فاهمه تراها بنت خالتي..
ريان : انتظري اسألها *دخل وسأل ليال عنها وطلع* خلاص ادخلي..
مها بقهر : مالت عليك حشششا داخله سفاره مو بيت؟
دخلت وهي تسب ومعصصبه ولقت وحده واستحت سلمت عليها وودتها للصاله عند ليال..
مها : ليييال حبيبتي * ضمتها وسلمت عليها *
ليال بأبتسامه : ياعمري وحشتيني حييل اخبارك؟
مها تجلس : الحمدالله كويسسه مشتاقه لك قولي لي كيف وضعك الحين؟
ليال : ع حطة يدك ولاشي غير اني ابلع بالأدوية واروح لطبيب النفسي ، الا وين ندى مالها حسس؟
مها : ماجات معي قالت عندهم ضيوف لو هي معي كان سمعتي صوتها واصل لبرج الفيصيله هههه..
ليال بضحكه : هههه لييه وش صاير؟
مها : مدري ماقدرت ادخل عندك الا بقلة الحيا عيو يدخلوني..
ليال بستغراب : ممين؟
مها : حراس برا البيت حوالي 4 كني داخله سفاره الله وكيلك!
ليال : غريبه شصاير؟
دخلوا شهد ورغد وسلموا على مها..
ليال تسأل : بنات وش سالفة الحراس الي برا؟
شهد تتكلم بسرعه متحمسه : تخيلي ماجد حطهم قال عشانك..
ليال : عششاني؟ لييه!!
رغد ترقع : بلا استهبال شهد *تكمل* حطهم عشان يجربهم اذا كويس شغلهم بيوظ....
شهد تقاطعها بقهر : ماستهبل توه قال الصبح حطيت حرس عشان خالد يراقب ليال.
ليال بصدممه وخوف : خخ خال خالد!!!
***
**
*
رواية لا تفلت يديّ : الفصل الثاني والعشرون والأخير : يوم الاحد الرياض || - 4:30 BM -
¦ بيت عايلة ماجد ¦
شهد تقاطعها بقهر : ما أستهبل توه قال الصبح حطيت حرس عشان خالد يراقب ليال..
ليال بصدممه وخوف : خخ خال خالد!!!
رغد تغمض عيونها مقهوره من شهد وتهورها و بعدين قالت تطمن ليال : لييال حبيبتي ماعليك مافي شي يخوف وماجد تصرف وصدقيني بيحل موضوع خالد ذا وبتشوفين..
ليال : ان شاء الله..
شهد : اسسفه ليال مو قصدي اخوفك.
ليال : عادي حياتي بس انصدمت ماتوقعت يرجع ثاني..
سولفوا شوي وراحت بعدين مها وليال طلعت غرفتها بمساعدة البنات..
«غرفة ليال بعد ساعتين»
دخل ماجد وشاف ليال نايمه استغرب بدل ملابسه وصلى صلاة العشاء وجلس جنبها يتأملها شوي وحس بحركتها تعلن استياظها..!
ليال تمد يدها لناحيته : شميت عطرك!
ماجد انصدم : عرفتي اني موجود من ريحة عطري!
ليال : اي حسيت بحركه بالغرفه بس فيني نوم بس يوم جلست عندي الريحه ماخلتني انام..
ماجد يحرجها : اووه لهدرجه ريحة عطري تمنعك من النوم؟
ليال حمرت خدودها وقالت بإنكار : لا اقصد انو عطرك قووي ماقدرت انام بسبته.!
ماجد غير الموضوع : طيب ماعلينا المهم انا حجزت بكره نروح نكتب العقد..
ليال باحراج : صدق!
ماجد مبسوط : اي الحمدلله بنكون حلال لبعض بإذن الله..
ليال استحت وسكتت بس ماجد عجبه شكلها وهي مستحيه وكيف تحمر خدودها وعيونها ترمشش من التوتر ونظراتها المشتته..
ماجد : اول ماتهدأ الأمور بنروح لندن.
ليال بخوف : ليييه!
ماجد : لاتخافين انا اخذت موعد لك ان شا الله نحل مشكلتك وترجعين تشوفين زي قبل..
ليال : ان شاء الله ، ماجد.
ماجد : عيوني امري!
ليال : صدق خالد موجود ، ليه ماعلمتني؟
ماجد : ماعليك موضوع خالد حليته وانا ماعلمتك عشان لاتخافين وتتوترين نسيتي وش قال الدكتور؟
ليال : كيف حليت موضوعه؟
ماجد : وديت الأوراق المزوره ووقعوا على اصدار قرار إحآلته لتحقيق وان شاء الله يسجنونه ونفتك..
ليال بفرحه : صصدق الحمدلله..
قام ماجد : يلا بنزل اسولف معهم شوي وبعدين بروح اشيك ع بعض اوراق في الفله حقتي ارتاحي ولاتجهدين نفسك واي شي تبينه اتصلي ع شهد.. *باس جبينها وراح*
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم الأحد الرياض || - 10:50 BM -
¦ فلــــة خـآلـد ¦
خالد قاعد يضبط وضعه ويرسم خططه كيف يستفرد بلييال؟
دخل عليه مساعده الشخصي : استاذ خالد الشرطة تبيك برا..!
خالد بصدمه : الششرطه؟ وووش يبون!
المساعد : والله مادري قالو يبونك عيو يتكلمون معي.
خالد اخذ نفسس وطلع وشافهم برا : مرحبا امر اخوي؟
الشرطي : الأخ خالد آل...
خالد : اي نعم وصلت آمر؟
الشرطي : تعال معنا..
خالد بتوتر : ل ليشش؟ ووش فيي فيه؟
الشرطي : تعال معنا وتعرف..
- الشرطه اخذوا خالد وعرف ان ورا السالفه ماجد وانقهر زووود ولأن تهمته بسبب التزوير و كمان على الخطف والتهديد وغيرها فاتقريباً ماحيطل قبل 5 او ٦ سنوات ويمكن اكثر > احسن هههه -
«يوم الاثنين الصباح 7:48 AM»
صحت ليال فجأه فززت وبصوت عالي : انننننننا اشششوفففف انااا اشششوفففف..
قامت بسرعه وتركضض وهي تصارخ انا اشوف شافت قدامها شهد مسكتها من كتفها وتصارخ وتضحك : اننننا اشششوفففف ششهووووده..
ووكمملت ركضها من الفرحه تبيي تطييير ولقت منار وبنتها وتناقز حوالينهم : انننا اشششوفففف شششوفووووني مااحتتتاج احد يساععدنني..
الكل يضحك و يناظرونها ومبسوطين وكانت اعلى الدرج و ماجد توه داخل ومو فاهم شسالفه الصراخ والازعااج!
ماجد يناظر للكل فوق الدرج : شصار وش فييكم؟
لييال انتبهت له ونزللت الدرج وتركضض وماجد خاف تطيح ركض لها بس مامداه الا وليال تنط بحضنه وتضضمه بقوه وبدوره شد ذراعه عليها لاتطيح ويسمعهاا تضحك : ههههههههههههههههههههههههههه اننننا اشششوفففف ممماجدد اششوووف..
مااجد مو داري كيف يوصف شعوره بهالوقت فرحان لفرحتها ومبسوط لضحكها وخاااقق عليها وبحضنه اللي اول مره يضمها وهي مبسوطه وتضحك..
مااجد لف فييها من الفرحه ويضحك : ييياعمممري اخخيييرا ههههههههههههههههههههههههههه رررراح الشششر ياااحبيييي *بعد وجهها من حضنه وناظر عيونها*ابشششرك خالد بيخيس بالسسجنن..
ليال بفرحه :صصدق خلاااص بنفتك منه؟
ماجد : اي الحمد لله ، يلا خلينا نفطر ونروح عند الدكتور.
ليال بطفش تجلس بالصاله معه : لااا مابي.
ماجد : مو بكيفك بنروح عششان تنحل مشكلتك..
ليال بحزن : انا عرفت مشكلتي ماعاد ابي اخاف ولا ابي احزن ولا ابي اقهر نفسي كل ماضاق خلقي اصير عميا..
ماجد : ماعليه حبيبتي ان شا الله اخر مره تصير معك.
دخلو البنات وامهم : صباح الخير.
ليال استحت : اسسفه لجيتكم مع الصبح..
شهد : ههههههههههههههههههههههههههه شككلك كان يضحك وانتي بروب النوم..
ليال بلعت ريقها توها تنتبه لنفسها وناظرت بلبسها وشهقت كانت لابسه روب اسود حرير لفوق الركبه ومبين اغلب جسمها وشعرها كان متناثر بنعومه حوالينها انحررجت حييل وهي تشوف حالها وناظرت لماجد وهو يناظر فيها كاتم الضحكه قامت تركض لغرفتها ودخلت وقفلت الباب : وووواي فششله ضميته وانا كذا وانطط عنده وفخوذي باينه افففف احححراج ششسوي؟
: ليه الاحراج زوجك ترا؟
لفت لصوته باحراج ويدينها على وجهها : لسسى ماكتبنا العقد وخلاااص اطلع ببدل ملابسي عيييب..
ماجد يضحك : ههههههههههههههههههههههههههه ماني طالع وزوجتي والليله بنكتب العقد*جلس ع الكنبه بعناد يناظرها*
استحت ليال ودخلت دورات المياه تتتحمم وتبدل ملابسها
وطلعت ولقته غافي على الكنبه وغطته باللحاف ونزلت عند البنات مالقت الا منار و ام ماجد افطرت معهم وسولفوا ودردشوا سوا وضحكوا..
منار : ياحليلك ياليال ياحبي لك وانتي مبسوطه كذا..
الأم سعاد : ياعمري عليها لاتلومينها الله يكفينا الشر..
ليال : اي والله ياخاله صادقه الوضع كان مرعب سبحان الله ماكنت اقدر اسوي شي الحمد لله على كل حال..
نزل ماجد وشاف ليال وده مايفارقها دقيقه باس راس امه وجلس جنب ليال وباس خدها احرجها قدامهم وحمرت خدودها وماجد مبسوط ع شكلها..
منار : وش رايك تطلعون غرفتكم؟
ليال : شششدعوووه عاد *طقت كتف ماجد* قليل ادب..
ماجد ضحك : زوجتي وش ذا قليل ادب ههههههههههههههههههههههههههه..
الأم سعاد :الله يخليكم لبعض عيوني انتم الحمدلله اني شفت هاليوم..
كلهم فهموها وتحمدوا الله على نعمة الاهل ووجود الاهل..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم الاثنين الرياض || - 2:00 BM -
¦ بيت مها ¦
تكلم ليال : من جدددكك؟
ليال مبسوطه : اي والله صحيت اليوم وانا اششوووف مدري كييف بسس الحمدالله..
ندى سحبت الجوال : يادبببه متى القاك..
ليال :بجيييكم انا انتظروني وبعدين نطلع نفرر بالريياض اشتقت لها..
مها : ابشري نتغدا برا والله مشتاقه لطلعاتنا..
اتفقوا على المكان الي يلتقون فيه وكل وحده تجهزت وطلعوا..
«بسياره ماجد 2:30»
ماجد ماسك يد ليال : خلاص واي شي اتصلي علي..
ليال : تمام ولايهمك..
ماجد : خلاص اجل الساعه 5 ونص بجي عليك اتصلي علي بالمكان الي بتكونين فيه عشان اجيك ونروح للمملك..
ليال بحراج : اوك..
ماجد خاق : ياعمري الي يستحون احببك وربي..
ليال بحب ناظرت عيونه : وربييي انا الي احببك ماتعرف كييف طلعت لي مثل المنقذ مثل الجنه مثل السعاااده انت غيير عن البششر ، ماااجد احببك ربي لايحرمني منكك..
ماجد خاااق : كللل ذاااا ياااويلي على قلبي لاتجننيني وتخليني الحين اكنسل روحتك واروح للمملك؟
ليال : ههههههههههههههههههههههههههه لااا..
«بأحد مولات الرياض»
البنات قاعدين بأحد المقاهي بعد ماتغدو.
ندى : ماشاءالله ياااحضك فييه..
مها : يحضه هوو فيها..
ليال : خلاص لاتتهاوشون ياحضنا ببعض *تسبل بعيونها*
مها : ماللت ماراح تسكت الحين وتغثنا بزوجها.
ندى : مها شرايك نسحب عليها ونروح؟
مها : اي صح زوجها يجي عليها خلاص معادهي محتاجتنا..
ليال : وجع وش فيكم تحشون فيني قدامي انتظروا اروح الحمام وحشوا؟
مها : لا مانبي ذنوب احسن نحش فيك قدامك..
ندى: خلاص قومو نغير مكانا نروح نلعب شرايكم؟
ليال : اييي اي من زمان عن الالعاب...
راحو يلعبون ومابقو شي ماكلوه ولا شربووه وكلل شي حللو ام ام ام الطلعه < انا وبنات عمي هههههههههه
«بعد المغرب الساعه 6:40»
ماجد برا ينتظر ليال ششويه وطلعت وهي تضحك مع البنات وشافته وودعتهم وركبت السياره..
ليال : سلام
ماجد بدون نفس : وعليكم
ليال : شفيك زعلان؟ طولت عليك معليش..
ماجد بقهر : وشو له تضحكين بصوت عالي والرجال يناظرونك؟
ليال : اسسفه والله مانتبهت..
ماجد بغيره : والله مانتبهتي ع كثرهم ماشفتيهم.؟
ليال شوي وتبكي ماتعودت يصرخ عليها : اسفه.
ماجد مشى وهو ساكت وراح طوالي للمملك وينتظرونه خوياه..
كتبو العقد وصاروا الأن متزوجين رسمي وكل واحد حلال الثاني ومايفرقهم الا القدر..
ماجد اخذ ليال لفلته وكان مجهز لها مفاجأه مضبط البيت ومجهز العشاء صار البيت مكااان شاااعري رومنسي..
ماجد يكلم ليال : اطلعي فوق جهزت لك شغله ع السرير..
طلعت ليال وشافت البوكس وفتحته ولقت فسستان عرس ابيض وكل شي يخصه من اكسسوارات وغيره..
: اهلين مدام..
فزت بخوف وشافت الي وراها : اهلن مين معي؟
: انا الكوافير..
ليال مصدومه : بعدد؟
كوافير : اذا جهزتي تعالي..
دخلت ليال تحممت وجهزت نفسها كنها عروس وطلعت عند الكوافيره وسوت لها مكياج جذاب و خلت شعرها سايح مع شويه كيرلي خفيف اسفل الشعر و لبست الفستان وساعدتها ليين نزلت من الدرج شافت ماجد وانبهرت بشكله وهو لابس ثوب ابيض وبشت اسود ومتأنق انسسحرت فييه..
ليال بخقققه : هذا حقي لي لحالي..
ماجد كان يناظرها مو مصدق صارت لهه حلاله مو مصدق كييف مرت هالشهور وهم مع بعض 4 شهور بسس حبها وحب طبعها واسلوبها وكلامها وصوتها حب خوفها وتعلقها فيه لما تخاف وحب فيها ضحكها واستهبالها وحياها حبها بكل شي فيها..
مسك يدها على اخر درجه نزلتها ومشى معها لعند المصوره وصورتهم كذا صوره وجلسوا تعشوا واستانسو..
«بعد سنتين الرياض 4:30»
كان وقتها عيد الفطر وكلهم مجتمعين في بيت أم ماجد ويسولفون البنات بالصاله الداخليه والحريم الكبار بالصاله الخارحيه والرجال بالديوانيه الي برا..
الأم سعاد : الله يسعدهم من يوم جوني قبل سنتين ماعمري شفتهم زعلانين من بعض الله يحفظهم ويخليهم لبعض.
الأم مريم : امممين يارب الله يخليهم لبعض يرزقهم الذريه الصالحه..
خالة ماجد : الا صحيح شسالفة للحين ماعندهم عيال؟
الأم سعاد عرفت وش قصدها : مافي سالفه ولاشي بس تحبين تأفورين شوي ياصالحه..
الخاله صالحه : الله يسامحك ياسعاد ماقصدي شي شفيك؟
زوحة عم ماجد : ماعليكم الله يخليهم لبعض اهجدو..
«عند البنات»
منار وهي تسولف مع ليال : امسكي اعصابك وطنشي..
ليال بقهر : ياخي خالتك ذي وبناتها يحبون المشاكل انضغط اذا شفتهم مايسكتون وهم بس ينقصون علي فرحتي..
سماهر : شفيكم تتسارون كذا مو عاجبينكم؟
شهد : وش عليك انتي وكمان ماسمها تتسارون وش ذا ماتعرفين تتكلمين؟
سماهر : يالبزر اسكتي ماكلمتك..
رغد : شهد روحي انتي وريناد فوق عيب..
ريناد : قومي خلينا نلعب ببجي فوق ونتونس..
طلعت شهد وهي مقهوره من يوم رجعوا جمعاتهم المشاكل ماخلصت طلعت فوق ومسكت جوالها ترسل لماجد ( الحق ع زوجتك ماسلمت من سماهر وخالتي ماتقصر كل شويه طلعت ذبه جديده )..
«عند الرجال الساعه 7:3 BM»
ماجد له ساعه من شاف المسج بس مطنش لان يبي ليال هي تتصرف طفش كل ماجا بيتصرف تقوله ليال لا عيب..
وكمل سوالف ومبسوط طول السنتين الي فاتو عايشين بتفاهم الا من كم مشكله بسيطه عابره تنحل بوقتها..
شوي الا ولد خالته الصغير يركض وينادي...
ولد خالته : الحققو في حرمه اغمى عليها..
انصدموا الرجال من حرمته الي مغمى عليها!
راح ريان يشوف شسالفه..
«عند الحريم قبل نص ساعه»
كانوا يرقصون ويضحكون ومبسوطين صح في حركات مالها داعي بس كذا على الماشي على قولة ليال طفشانين ويبون يغيرون وقت بالمشاكل..
منار وهي ترقص مع رغد : شوفي خالتي كيف عينها شرار ع ليال ههههههه
رغد : ماعليك منها ماتعرفينها مابقت حد ماتمشكلت معها.
منار : مسكينه ليال طيبه وش ذنبها اذا للحين ماجابت عيال حكمة ربي..
رغد : ماتوا الي يفكرون مثل تفكير خالتي الي تتزوج لازم تحمل علطول والا خلاص ماتصلح زوجه..
منار : الحمد لله امي ماطلعت لخالتي والا كان الحين ليال وماجد متطلقين لهم سنه ههههههههههههههههههههههههههه..
: سمعتكم بطلو حش وكملو رقص..
منار تناظر للي جايه ترقص معهم : ههههههههههههههههههههههههههه هدى من متى وانتي تسمعين..
هدى بنت عمهم : من اول مابديتو حش كنت انتظر متى تحشون فيني عشان امردغكم..
رغد : ههههههههههههههههههههههههههه لا محشومه يالبى عينك..
قامت معهم ليال متحمسه ترقص ليين حست بدووخه وفجأه ماعاد تدري هي وين..
البنات انصدموا وقفلوا الميوزك والحريم صارخوا..
زوجة عمهم تسمي وتف: سسسموا عليها لايكون جاها عيين.
شهد ضحكت فجأه : ههههههههههههههههههههههههههه قلبتي شيخ ياعمه..
الأم سعاد : نننادوا الرجال بسسرعه..
قامت ريناد طلعت الحوش وشافت واحد صغير : ييياورع تعااال..
الولد : انتي ورع انا رجال..
ريناد : لاحول رووح عند الرجال قولهم في وحده اغمى عليها بسسرعه نبي حد..
شويه الا شافت ريان : ريييان تعااال..
ريان : شششسالفه مين الي طاحت؟
ريناد : قول لماجد ليال طاحت علينا لازم نوديها المستشفى..
سمع الخبر ماجد وفز طلع وشالها معاه امها واخته و ودخل المستشفى..
ماجد وهو بالانتظار يناظر اخته : شششصار؟
منار : مدري كنا نرقص شوي الا طاحت..
ماجد: طيب هي اليوم تغدت ولا؟
منار : لا قالت مو مشتهيه..
ماجد : الله المستعان هي وعنادها..
منار : ليه متى اخر مره اكلت؟
ماجد : يومين ماتاكل الا بالقوه..
منار بفرحه : صصصدق؟ وناااسسه.
ماجد : وجع مبسوطه ان زوجتي بتمرض؟
منار مبسوطه :بتصصير اببب اتوقع زوجتك انها حامل قاعده تتوحم هييييه ودي ارقص..!
ماجد بصدمه : صصدق؟لالا اخاف افرح وتنكسر فرحتي.
شويه الا نادى الدكتور عليهم ودخلوا المكتب.
الدكتور : انت زوجها؟
ماجد ماسك فرحته:اي طمني شفيها زوجتي؟
الدكتور : الحمدالله بخيير ومبروووك زو ...
ماجد تركه وهو يركض رايح لزوجته..
منار باحراج : معليش مبسوط..
الدكتور يضحك : اول مره اصادف شخص يعبر صدق عن فرحته الله يوفقهم..
منار : امين * خذت منه وصفة العلاجات وطلعت *
«بغرفة ليال»
صحت ومدري شسالفه سمعت صوت الباب يفتح وناظرت شافت ماجد يركض ناحيتها ويضمها ويبكي ومره يضحك..
ليال بخوف : ششفيييك؟
ماااجد : بتصصيرين اممم انتي حححامل بصصير ااببب..
ليال دمعت عيونها وبفرحه ضمته بقوه وتبكي : اخييييرا بصير ام لعيييالك بيجيني قطعهه منككك اخييرا بيتثبت حبنا بطفل صغيير*بغصة حزن* بتسكت افوااه الناس وهي تحش فيني ماجيب عيال..
ماجد باس جبينها : الله يخليك لي ياروحي..
- مرت الليالي والشهور وصار الوقت الي ليال تجيب اجمل طفل يثبت للناس حبها لماجد وحب ماجد لها -
بعد 3 ساعات انتظار طلعت الدكتوره..
ماجد ينط بوجها :كييف ليال؟
الدكتور: ليال كويسه والنونو كويس كمان..
ماجد بفرحه : ولللد!
الدكتوره : اي ولد الله يرزقكم بره ويحفظه لكم..
بعد ساعه دخل ماجد وسلم عليها وتحمد لها بالسلامه..
واتفقوا يسموون الولد - عبد السلام - ..
«اليوم الثاني العصر»
الكل دخل جناحها بالمستشفى يتحمدون لها بالسلامه والي يدخل والي يطلع اخر شي جلسو خواته وامه..
شهد : ليه سميتوه عبدالسلام سمووه باسل سامي مؤيد..
ليال تناظر لعيون زوجها و ولدها الي شايله بحضنه : عشان ينثر السلام في حياتنا..
رغد : ياعمري الله يحفظه لكم..
الأم سعاد : يلا بنات نروح لازم ترتاح ليال..
طلعوا شوي دخل شخص بشويش وتسحب لين وصل عند عبدالسلام واستغرب مافي احد..
ماجد وهو يدخل الغرفه بعد ماطلع يوصل خواته وامه للسايق واستغرب وجود هالشخص..
ليال طلعت من الحمام على صوت ماجد..
ماجد : عمي عبد العزيز!
ليال جمدت بحزن صارلها 3 سنوات و 5 شهور ماشافته كل ماراحت له يصد ويتركها تدخلوا الكل بالموضوع وماجد كل يوم يروح له بس ماكان يستجيب لهم..
ليال ضمت أبوها من ورا : تكفى طلبتك لاتصد عني..
عبدالعزيز بحزن :... صمت
ماجد طلع وتركهم لحالهم..
ليال : اشتقت لك يبه ماقوى ع فراقك اكثرر..
لف عليها عبد العزيز وضمها وهو يبكي : اااخ ياليال كسرتيني بسس ماقدر اكرهك كنت عتبببان عليك كنت زعلان عليك بسس يوم سمعت انك جبتي طفل ماقدرت اصبر ماقدرت اكمل زعل..
بكو وعاتبو بعض وسامحو بعض وسولفوا واشبعوو مشاعرهم بالحب والحنان وانطوت سنين الفقد والهجران على امل ان الزمن يجبر كسرهم وتنسيهم ايامهم السودا..
النهاية
***
**
*