الفصل الثامن
رواية لا تفلت يديّ : الفصل التاسع عشر : يوم الخميس الرياض || - 11:00 BM -
¦ الدور الثاني ، عند البنات ¦
شهد تناظر رغد وهي رايحه : ليال
ليال : هلا شهوده!
شهد : تدرين وش سالفة ماجد وعيال عمي؟
ليال بتردد : ماله داعي اعرف ماجد بعدين بيعلمني..
شهد بهمس : لا اسمعي سالفته قضية دعاره.
ليال بصدمه : وششش؟
: وش فيكم؟
ليال بتوتر تناظر لماجد وهو جاي ناحيتهم : و ولا شي.
شهد خافت وقامت : بروح اساعد رغد.
ليال بينها وبين نفسها تفكر " معقوله ماجد نفس خالد؟ لا مستحيل! وليه مستحيل وش يعرفني جلست معه شهرين وانا عميا لايكون شافني او كان يتجسس علي وانا البس!! يااااويلي وش اسوي؟ صح كان يشوفني وانا ابدل ملابسي اااااهههئئئ مستحيييل وش اسوي كيف افك نفسسي منه؟"
ليال من بين افكارها: أههئئئئ!
التفت لها ماجد : وش فييك؟ *جلس جنبها مفجوع* وش صارلك تحسين بالم فيك شي؟
ليال تناظره برعب وقامت : و ولا شي بب بروح انامم*راحت غرفتها هي وماجد*
ماجد مصدوم من تصرفاتها!!
رغد دخلت الصاله وتتلفت :وين ليال؟
ماجد وللحين مو مستوعب : راحت الغرفه تبي تنام.
رغد : امما وليه مابتتعشى معنا؟
ماجد مذهول ومستغرب : مدري *يناظر الي بيدها* وش الي بيدك؟
رغد : صور بنات عمي كنت بوريها ليال عشان اذا اجتمعنا تكون عارفتهم لاتتوهق..
ماجد بكرهه : لييه متى بتجتمعون؟
رغد : مدري بس يعني اذا اجتمعنا عاد الله العالم متى!
شوي ودخلت منار : يلا العشاء جاهز *تتلفت* وين ليال و شهد؟
رغد : مدري شهد وين اما ليال نامت.
منار بـ ستنكار : نامت! ليه والعشى؟
ماجد يقوم :تعشوا انتوا وليال بعدين يمكن تعبانه شوي *راح لغرفته*
«غرفة الطعام»
الأم سعاد : غريبه توها كانت تضحك وتسولف ماكان مبين عليها التعب؟
رغد : يمكن حامل ههههههههههههههههههههههههههه..
منار : ماعلينا قلت للشغاله تطلع لها اكل وبكرا نتطمن عليها..
شهد بتردد : ا اشس شسمه يمكن ببسب ا الي قللتته!
الأم سعاد : وشش قلتي؟
منار : شسووويتي؟ تكلمني؟
شهد نزلت راسها وبخوف :قلت لها ان م ماججد انمسسك ب ب قضية دععاره..
الأم سعاد بعصبيييه : انننننجنيتييي؟ انهههبلتتتي؟ ووووش ذا الكلاااام؟
رغد بصدمه : مو صاااحيه انتي؟ تخربين بيت اخوووك هبله!
شهد تبكي :اسسفه اهئ اهئ والله مادري كيف تكلممممت كذااا والله..
منار : شنسوي الحين؟ مالهم يوم كامل من يوم جو وخربنا حياتهم؟ وش بنبرر لماجد اككيد الحين بيزعل وماالووومه لو يكرهنااا..
:وش فيهه لييه اكرهكم؟
التفتوا كلهم لناحية صوت ماجد وانحرجوا!
ماجد يحلس ع أقرب كرسي : وش السالفه؟
شهد : اسفه انا السبب.
ماجد مافهم : سبب ايش؟
منار : العذر والسموحه ياخوي بسس شهد خبله وصغيره وماتفكر بالي تقوله تخورها وماتحسب حساب تكفى لاتزعل!
ماجد عصب: و وش فيييه خبصتوني؟
الأم سعاد بحرج : شهد علمت حرمتك بقضيتك القديمه..
ماججد انصدم وسكت وبراسه مليون فكره وفكره " مو معققوول ماصدقت ببدأ حياتي ارجع من الصفر! لااا مستحيل عشان كذا كانت تتحاشاني وقالت لي انام برا الغرفه؟ توني بعترف لها بحبي وتوني ببدأ معها حياتي واكمل طموحي معها! ليييه كذااا لييه مو مكتوب لي ارتاح شلون ارجع ثقتها فيني كيييف افهمها اني مظلوووم؟ طاحت دمعه على خده قدام خواته وامه ماحسب لها حساب تحاشاهم وطلع من البيت كلللله! "
شهد اول مره تشوف دمعة رجل؟ اول مره تشوف اخوها الي محرومه منه وتكون الحين السبب في تعاسته؟ حسسست انها انسانه تااافهه انسااانه انانيييه جاااهله!
شهد انهارررت : يييييمه اناااا اسسسفه مااااكان قصصصدي والله ماتوقققعت بيصير كذذذا حسسبتها بتتقبل حسبت انها تعررف بسس تستهبل حسسبالي ماجد ماحيزعل ماتوقعتتت بيصير كذااا..
رغد انصدمت من دمعة اخوها الي نزلت انصدمت انه زعل لا مو زعل ؟ افكككار كانت تتضارب في راس رغد ناظرت باختها الي منهاره وتبكي اصلا هي ودها تبكي معها لان منظر اخوها يبكي الحجر كان جبل واقف ومبسوط وواثق فجأه انهار! غرييبه؟
اما منار عرفت سبب نزول دمعة اخوها! نزلت خوف نزلت خيبه نزلت تعب وضعف نزلت ارهاق ومشوااار طويل مو راضي يرتاح منه؟ نزلت لأنه توه بدأ حياته بسس شكله بيرجع من الصفر!
الأم سعاد : بنات قوموا شيلوا السفره بروح انام *طلعت غرفتها بدون اي حرف زايد*
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ليلة الجمعه الرياض || - 1:20 AM -
¦ سيارة ماجد ¦
يرن جوال ماجد : الو هلا لا بالسياره وين طيب جايك
قفل واتجهه لـ الاستراحه ودخل لقى رائد وسلم عليه.
رائد يناظر خويه : وش فيه وجهك؟
ماجد : .... -صمت-
رائد ينزل جواله : وشفيك؟ تحس بشي؟ تبي اوديك المستشفى!
ماجد : .... -صمت-
رائد بخوف : ماجد لاتخوفني عليك شصاير؟ ليال فيها شي؟
ماجد رفع راسه لخويه من طاريها : لييال؟
*فجأة بدون اي مقدمات انهااااار ورائد انصدم مو فاهم شسالفه؟*
رائد بخوف : ممماجد تككككلم شفففيييه؟
يضمه ماجد وبكلام كله تعب وبكى : ليييال عرفت عرفففت بالماضي صااارت نظراتها لي خوف تحسسبني راععي خرااابيط راااعي بنات وليل وخمممر لللليال بتتركني ليييال صارت تخااف منني صااارت نظراته لي غييير غييير عن قبل انا ماكنت ادرييي شفيها بسسس بعدين قالولي ليييال عرفت بالماضي رررائد انا ماصدقت استقررر ماصدقت اأسس لي حياااه اعييششش مثل الناس رررائد متىىى ارتاااح متتتى الناس تتركني سسسعيد ليييه كذااا ليييه كل مافرح ماتكمممل فرحتتتي لييييه؟
رائد مصدوم ويناظر خويه كيفف يتكلم ويشهق بين كلمه والثانيه؟ اول مره يشوفه بهالشكل! وبينه وبين نفسه *كل هذا في قلبك ياماجد كل هالكلام والخوف والحزن ومخبييه؟ *
رائد يعطيه مويه : ماجد اشرب واستهدي بالله..
ماجد يروخ يغسل وجهه ويشرب المويه الي عطاه رائد..
رائد بعد نص ساعه صمت رجع يتكلم : ماجد..
ماجد رفع نظره له : هلا.!
رائد : ماخبرك كذا ضعيف! كل هذا عشان ليال عرفت بماضيك؟
ماجد يتنهد : لا مو عشان كذا وبس !
رائد : أجل؟
ماجد : تعبت وانا احاول اكون قوي ابي اعيش مثل الناس..
رائد :طيب انت عايش والحمد لله مثل الناس واحسن!
ماجد بحزن : رائد ، انصدمت ان اختي الصغيره تحسبني صدق راعي خرابيط لدرجة قالت لٓـ ليال ، وو
رائد : وو؟ كمل؟
ماجد بحزن : اذا ماصدقتني ليال شسوي؟
رائد :بالطقاق مو اخر بنت بالدنيا.
ماجد انصدم : مستحيل..
رائد :وش؟ لييه مستحيل؟
ماجد : احبها.
رائد بصدمه : افففف؟
ماجد يناظره : مسوي ماتعرف؟
رائد للحين مصدوم : لا ماعرف توني ادري منك؟
ماجد : دايم تلمح لي انك تعرف والحين تنكر؟
رائد : كنت اطقطق ماتوقعت صدق انك تحبها...!
ماجد : هذا انت عرفت..
رائد : وش بتسوي؟
ماجد : بسافر!
رائد : وييين؟
ماجد : مدري ليين تهدأ الأوضاع وارجع..
رائد : ترا انت مكبرها عادي روح لـ ليال وعلمها السالفه كامله..
ماجد : مدري مو قادر ولا فيني حيل ابرر تعبت وانا ابرر للكل.!
رائد : ماعليه لازم هالمره تتحمل دامك تحبها وتبيها اثبت لها عكس الكلام الي سمعته..!
- جلسوا يسولفون شوي ليين نامو بالاستراحه -
«بيت عايلة ليال 3:30 AM»
دخلت المطبخ تشرب وانفجعت بالي واقف قدامها :بسم الله الرحمن الرحيم!
التفت : يمه شفييك؟
الأم مريم : سلمممان! خرعتني؟
سلمان يسحب الكرسي ويجلس : طلعت ابي اشرب مويه ومافيني افتح النور..
الأم مريم تشرب وبعدين جلست معه : تبي شي تاكله؟
سلمان بهدوء : لا *وبتردد* معك رقم ليال؟
الأم مريم : لا بس معي رقم زوجها..
سلمان : ممكن تعطيني ياه؟
الأم مريم : ابشر بس عسى ماشر؟
سلمان : ماشر يايمه بس ابي اتطمن على ليال..
الأم مريم انبسطت : الله يخليك لخواتك ولنا اي يمه حسسها بوجودك تراها ضعيفه ومالها حد..
سلمان : ولايهمك يمه لاتخافين عليهم دامي موجود بإذن الله..
«صباح يوم الجمعه فلة عايلة ماجد»
الأم سعاد : ريان قوم روح شوف ماجد وينه اتصل عليه مايرد..
ريان والنوم واااصل للنخاع : تكككفين يمه ابي انناااام!
الأم سعاد : يمهه قوووم خايفه اخوك فيه شي؟
ريان : ماعليك مافيه شي اذا صحيت رحت له..
الأم سعاد بخيبه امل طلعت وراحت تصحي البنات يفطرون معها ومنار صحت هي وبنتها..
- بالصاله بعد الفطور -
منار : وين ليال ماصحت؟
شهد تبلع ريقها مستحيه ، الأم سعاد : والله يامنار استحيت اصحيها اخاف زعلانه او شي!
رغد : ليه تزعل احنا مالنا ذنب اذا ماجد ماعلمها؟
منار : عيب تقولين هالكلام لو تسمعك بتزعل جد..
رغد : ماقلت الا الصدق ماسوينا شي عشان تزعل وهي تزوجت ماجد قبل مانعرفها او تعرفنا يعني ماجد هو الغلطان ماعلمها بماضيه!
عبدالعزيز دخل ع اخر كلمه : وش ماضيه؟
الأم سعاد : ولاشي كلام خواتك سخيف ، شخبارك ووين عيالك تولهنا عليهم؟
عبدالعزيز : بخير الحمدلله والله مو فاضي لهم خليتهم عند امهم ابي اريح شوي..
منار تصب لاخوها قهوه : جيبهم تكفى اشتقت لهم وكمان يلعبون مع بنوتي الحلوه.
عبدالعزيز يضحك : وينها الحلوه ماشفتها اليوم؟
تلتفت منار : وينها بسم الله كانت هنا؟
الأم سعاد : ماعليك يمكن راحت تلعب..
خافت منار وتركت الي بيدها : ياويلي بنتي؟
عبدالعزيز : هدي شفيك عادي وين بتروح حنا بالبيت!
شوي ودخل ماجد : تدورون لذي الفصعونه؟
تركض منار وهي تبكي : يمه وين كانت فيه؟
ماجد يضحك : لقيتها تلعب بالحديقه وتغني ههههههه..
الأم سعاد : الله يهديك يامنار ماعليها خليها لاتخافين كثير مو زين..
منار تمسح دموعها : يمه اخاف عليها مره ضاعت علي في السوق بغيت انجن مو قادره اتحمل لو يصير وتضيع مره ثانيه بسم الله عليها..
جلسوا وتقهوو ونسولفوا بمواضيع كثيييره ونسوا الوقت مع اللمه النادر تصير معهم! ..
«غرفة ليال»
نامت بعد بكككى طططول الليل وصحت على صوت الأذان وفتحت عيونها راسها مصدع حييل رفعت نفسها تبي تفتح ضوء الابجوره لأن الغرفه ظلااام بس عيت ماتشتغل رجعت تفتحها بس ماشش! قامت بشويش تتحسس الاثاث وتدور مكابس الاضاءه ولقتهم حاولت تفتحهم بس مايفتحون؟
ليال مستغربه : شسالفه لايكون الكهرب طافي؟
راح تتحرك بشويش وتتحسس الشبابيك عشان تفتحهم وفتحت الشباك بسسس؟
ليال :شساالفه كم الساعه الحين مافي ضوووء شمس نهائي؟
رجعت تتحسس تبي تلبس جلالها وبعدين طلعت بشويش وهي تمشي لين وصلت راس الدرج وهي تتحسس وتنادي على البنات!
ليال تنزل الدرج بشويش : بنننات ، ششهد منااار ، خالتي وينكم ررغد!
- اتجهت لناحية صوتتهم -
«الصاله عند الكل»
سمعوها وهي تنادي من الدرج لين وصلت لهم!
الأم سعاد : هلا هلا حياك يابنتي صح النوم..
ماجد يناظرها مشتاق لها بس سكت ماقال شي مو داري وش يقول اصلا؟
ليال بهدوء : وش السالفه ليه الكهرب طافي؟
ماجد يرفع راسه بصصدمممه يناظر لها : ليييال؟
ليال من سمعت صوته ارتبكت وخافت وحاولت تطنشه
ليال : خالتي ماعندكم شمعات او كشاف؟
ماحد فهم وش قصدها ، الأم سعاد : وش تبين فيهم يابنتي؟
ماجد قرب لها ويحرك يده قدامها : ليال..
ليال بتوتر من رحية عطره وصوته : ه هلا؟
منار مو فاهمه شي : شفيك ماجد؟
ماجد بخوف : ليال وش تشوفين؟؟ * ويحرك يده يمين يسار *
ليال : ولاشي ظلام شكل الكهرب طافي!
انصدم ماجد : مسسستحيل!
الأم سعاد بصدمه :بنتي شفيك الكهرب مو طافي وتونا بعز الظهريه..!
ليال كنه حد كب عليها ثلج انصدمت : خ خا ماجد خالتي وش تقو. لل؟
*ليال صارت تتخبطت وتحرك يدينها عشوائي وتتحرك وتبكي مو مستوعبه مو مصدقه مو معقوله الي يقولونه؟*
ليال تبكي : لا لا مستحيييل لاا مابي ارجع اعيشش عميياء للللا لاا..
ماجد ماسكها يهديها : ليال حبيبتي هديي تكفيين هديي خلينا نروح للدكتور؟
الكل مصدوم مو فاهم شي قامت الأم سعاد تمسكها : يمه بنتي بسم الله الرحمن الرحيم عليك بسسسم الله عليييك * تصوت على بنتها*منار جيبيلي المويه المقريه في الدولاب حقي بسسرعه *قامت تسمي وتقرأ على ليال*
ماجد انصدم مو مستوعب : ليال حبيبتي وش تحسين فييه ها وش الي يوجعك كيف صار كذا انتي طحتي؟ صار فيك شي؟
عبدالعزيز يمسك اخوه : قوممم لاتخرعها البنت خايفه لاتزيدها..
ماجد حس على نفسه : شهد جيبي عباة ليال بسرعه..
وصلت منار بالمويه وعطتها امها ، وخذتها امها وصارت ترشها على وجهه ليال وتسمي عليها وليال تبكي مو حولهم شوي جات شهد معها العباة ولبسوا ليال واخذها ماجد وتركهم بصدمتهم..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم الجمعه الرياض || - 2:00 BM -
¦ المستشفى ، عند الدكتور ¦
الدكتور بعد مافحص ليال ، ماجد : وشش فييه؟
الدكتور : انت سويت لها عمليه؟
ماجد : لا.
الدكتور : طيب كيف رجع لها النظر؟
ماجد يناظر ليال الي منسدحه مو معهم : مدري صحت من النوم وهي تشوف..
الدكتور : وكيف رجعت عمياء؟
ماجد عصب : وش ذا التحقيق انت الدكتور علمني ششفيهااا؟
الدكتور بهدوء : يااستاذ ماجد لازم اعرف شفيها بالضبط عشان كذا أسألك لان يمكن الي فيها بسبب حاله نفسيه او شي مو عارف شلون كذا وضعها ماله تفسير عندي الا نفسيتها؟!
ماجد بقهر : انتم كل شي عندكم قلتو بسبب النفسسسيه؟
الدكتور : اهدأ وخلينا نتفاهم بهدوء عشان نعرف وش الحل..
ماجد يحاول يمسك أعصابه وبهدوء : تفضل..
الدكتور يناظر ليال : انسه ليال ممكن نتكلم شوي؟
ليال بهدوء : تمام..
الدكتور : لمن رجع لك النظر كيف صار وقتها؟
ليال : جتني ضربه على راسي ويوم صحيت لقيتني اشوف..
الدكتور : ضربه؟
ماجد بسرعه : لاتناظرني مالي دخل انا ،وهذي مواضيع خاصه خلينا الحين في موضوعنا الاساسي!
الدكتور : طيب كم لك من لمن تشوفين؟
ليال : تقريباً اسبوع..
الدكتور : وكيف رجعتي عميا ؟
ليال : مدري صحيت اليوم وماشوف شي..
الدكتور : وش كنتي تسوين قبل تنامين ؟
ماجد : وش ذا السؤال؟
الدكتور : لازم اعرف وش السبب عادي؟
ليال بهدوء وحزن : كنت ابكي!
الدكتور : لييه؟
ماجد عصب : يالللليل..
هنا ليال ضحكت لاشعوري : ههههههههههههههههههههههههههههههه
ماجد انصدم من ضحكها بس انبسط انها ضحكت : خلاص كمل أسئلتك دام ضحكت..
الدكتور انقهر وكمل : انسه ليال يمكن يكون الي فيك ضغط نفسي يعني أحياناً العمى يحدث نتيجة الحزن وهو ما يسمى بالعمى الكاذب الناتج عن الحالة النفسية ، بحيث تتأثر العين بالحزن ويشعر المريض بالعمى..!
ماجد مو فاهم : كيف كذا؟
الدكتور : احنا دائماً ننصح بعدم الكبت او الكتمان او الحزن لأن اغلب الامراض تكون بسبب النفسيه و جسم الإنسان ضعييف مايتحمل لأن الحزن يسيطر ع وظائف الجسم بحيث يوهم الانسان بأنه مريض..
ماجد بحزن ناظر ليال : والحل؟
الدكتور : راح اعطيك رقمي ونتواصل بعدين..
ماجد فهم وش قصد الدكتور واخذ ليال وراح معها يتغدون برا ورجعوا البيت..
«بيت عايلة ليال 4:00 العصر»
سلمان يتقهوى و يسولف مع أمه :ايه وين رقم زوج ليال؟
الأم مريم :دقيقه اجيبه لك *راحت غرفتها وطلعت ورقه فيها رقم ماجد عطتها اياها مها*
الأم مريم : هاك اسمه ماجد آل..
سلمان : طيب تمام *اخذ الرقم واتصل*
سلمان يتكلم بعد مارد ماجد : الو السلام عليكم ورحمة الله
ماجد : وعليكم السلام ورحمة الله وبركاته ، امر اخوي؟
سلمان : مايامر عليك ، معاك سلمان آل اخو ليال زوجتك..
ماجد : يأهلا والنعم..
سلمان : ماعليك زود علومك؟
سولفوا شوي مع بعض واتفقوا يلتقون قريب..
«بيت عايلة ماجد»
دخلت ندى ومعها مها وضيفتهم الشغاله وتركتهم..
نزلت ليال بمساعدة شهد وجلست معهم..
ندى :وش فيك؟
مها تناظر ليال : شصاير تعبانه؟
ليال : انا رجعت زي قبل..، انا ماشوف!!
ندى : ككككيف؟
مها تضمها : حبيببببتي..
ليال بهدوء : ماعليه لاتزعلون خلاص تأقلمت!
شهد : ليال حبيبتي لاتزعلين نفسك بنساعدك لين ترجعين تشوفين..
ليال تبتسم : ان شاء الله.
سولفوا وانبسطو شوي وراحو ومر اليوم كامل بهدوء عكس الي جواتهم والي يحسون فيه!
- غرفة ماجد وليال 9:00 BM -
دخل ماجد بعد ماطق الباب وشاف ليال جالسه على السرير وسرحانه...!
ماجد قرب لها : ليال..
ليال ترفع عيونها لمصدر صوته : لبيه.
ماجد غمض عيونه يحبها ويجب صوتها ر جع فتح عيونها : ممكن نسولف شوي؟
ليال : طيب
ماجد جلس جنبها : سمعتي بسالفة قضيتي عشان كذا بكيتي؟
ليال : ماعاد يهمني الموضوع .!
ماجد : تراني مظلوم *حكى لها السالفه كامله *
ليال مصدومه : معقوله في ناس كذا تزيد وتألف وتكذب عشان تخرب سمععةة وشرف ناااس؟
ماجد بهدوء : ربي يمهل ولا يهمل انا ماعاد يهمني الماضي انا يهمني الحاضر والمستقبل..
وناظر عيونها وكمل : ليال..
ليال : هلا.
ماجد : أحبك ♡
..
..
***
**
*
رواية لا تفلت يديّ : الفصل العشرون : يوم الجمعه الرياض || - 9:00 BM -
¦ غرفة ماجد و ليال ¦
ماجد : تراني مظلوم *حكى لها السالفه كامله *
ليال مصدومه : معقوله في ناس كذا تزيد وتألف وتكذب عشان تخرب سمععةة وشرف ناااس؟
ماجد بهدوء : ربي يمهل ولا يهمل انا ماعاد يهمني الماضي انا يهمني الحاضر والمستقبل..
وناظر عيونها وكمل : ليال..
ليال : هلا.
ماجد : أحبك ♡
ليال انصدمت وماتدري وش تقول : .... -صمت-
ماجد بثقه : أنا أحبك وابي اتزوجك واذا موافقه نبدأ بالاجاراءات من بكره!؟
ماجد و بهدوء : مابيك تردين علي الحين خذي وقتك * ناظر عيونها * ليال انا بنتظر حبك لين أموت *وبتردد وهو يراقب ردات فعلها مع كل كلمه يقولها* ليال اذا ماتبيني خلينا نكمل كذبنا على الاقل بالشرع مايجوز الي نسويه وبعدين لما تتحسن حالتك لك الي تبين اذا الطلاق او تكملين معي!
ليال انحرجت من اعترافه لها ومن رغبته بالزواج منها وبنفس الوقت ماتدري هل هو جدير بالثقه؟ هل بيكون الشخص الصح عكس خالد؟ هل بيعوضها ويسعدها؟ اسئله كثييره تتضارب في أفكارها ولكن ريحها كلامه انه بينتظرها ولهاوحرية الاختيار! يعني بتقدر مع الايام تتاكد من حبه لها وصدقه معها!
ماجد تركها مع أفكارها وعذرها على صمتها وطلع لبيته الثاني عشان كل واحد ياخذ راحته بالتفكير..!
«صباح يوم السبت 8:15 AM ، بيت عايلة ليال»
سلمان جالس مع امه ويسولفون ، سلمان : يمه..
الأم مريم : هلا يمي عيونها..!
سلمان يسوي نفسه مستحي : يمماه استحي..
دخلت ريناد : الغزل كله لسلمان والا احنا لنا الله..
سلمان : عن الحسد خيير صارلي سنين عن امي خليني اتدلع شوي..
الأم مريم : ماعليك منها ، المهم وش كنت بتقول؟
سلمان يترك الي بيده : وش رايك نروح عند ليال؟
ريناد فزت : اييييي ايي ابي آرووووح..
الأم مريم خنقتها العبره وبصوت مكتوم : ياليت وربي تسوي فيني خير..
سلمان انبسط على فرحتهم : ابشرو ولايهمكم بكلم زوجها واخذ موعد العصر نروح لها..
« فلــــة مآجــــد 10 الصباح»
نزل بعد مابدل ملابسه ولقى الفطور جاهز : يالبييه ياسسليم يانه وحشني طبخك..
سليم يحط اخر طبق : بالهنا والعافيه استاذ ماجد..
اكل ماجد وخلص وطلع طوالي لشركته وجمع خويانه..
- بغرفة الإجتماعات -
رائد : ايه ماجد وش عندك مجمعنا؟
ماجد : برجع اشتغل في شركة ابوي..
منصور : صدق الحمددالله.
رائد : الحمد لله الله يجعلها دايم مجتمع مع اهلك..
محمد : وهذا الملف الي قلتلي عنه جهزته..
رائد : وش حقه؟
ماجد : راح احط 20% من سهوم الشركه لـ ليال..
منصور بمزح : ليه ماعمرك سويتها لنا؟
رائد يكفخه : وش دخلك حلاله * يكمل يكفخه * وكمان انت شريك بالشركه وش تبي زود يالبخيل؟
ماجد يضحك : ههههههههههههههههههههههههههه ماتعرف منصور ومزحاته؟
محمد : طيب الحين خلونا من ذا *عطاهم كل واحد ملف* شيكو على الأوراق ذي قبل التوقيع..
منصور يناظر الملف : ماجد بتتركنا؟
ماجد : لا بس بخلي الاداره لكم وبشيك معكم بكل اجتماع وعشان التواقيع ارسلوها لي..
منصور : وانت وش بتسوي؟
رائد : خلاص بيتزوج ويجلس بالبيت..
منصور : ههههههههههههههههههههههههههه خير انقلبت الآيه الرجال يجلسون بالبيت بدال الحريم..
رائد : اي بس انا تمردت ع زوجتي وقلت لها قبل الزواج شرطي اكمل دوامي.
محمد : كويس علمتنا قبل لا ننكب انفسنا ونتزوج.
ماجد فطس ضحك : ههههههههههههههههههههههههههه اقول خلونا من الضحك والاستهبال * يكمل * بداوم في شركة ابوي من بكرا لان عبد العزيز يحتاجني هالفتره معه وانتم انتبهوا للشركه بغيابي.
- كملو سوالفهم و كلن على همه سرى -
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم السبت الرياض || - 2:00 BM -
¦ مطار الرياض الدولي ¦
ركب السياره ومسك جواله واتصل ،... : الووو
: ياااهلا بصاحب هالصوت شخبارك ياخالد الحمدلله على سلامتك ؟
خالد : الحمد لله بخير والله يسلمك و انت اخبارك ووش صار معك بالي قلته لك؟
: اي لقيتهم وارسلت لك كل المعلومات على الايميل..
خالد : اييي كفووو تمام اجل انا الحين رايح ع البيت ونتقابل بعدين..
«بيت عايلة ماجد ، غرفة ليال 3:25 العصر »
سمعت طق على الباب : ادخل..
دخلت شهد وجلست عندها : سلام..
ليال ب ابتسامه : وعليكم السلام..
شهد : شخبارك اليوم؟
ليال : ماشي الحال الله يعين مو اول مره..
انصدمت شهد : كيف يعني من قبل كنتي عميا؟
ليال بحزن : قبل شهرين صارلي حادث وجاني عمى وراح قبل اسبوع والحين رجع..
شهد : سلامتككك حبيبتي معليش قلبت عليك المواجع ماكان لازم اسأل!
ليال ابتسمت : جوعانه خلينا ننزل ابي اغير جو ابي احس في احد معاي..
شهد قامت وساعدتها ونزلوا تحت عند الباقي..
دخلو الصاله وسلمت عليهم وجلست ، الأم سعاد : يمه ليال اخبارك اليوم؟
ليال بأمتنان على اهتمامها : بخير خالتي الله يخليك لنا..
الأم سعاد : الله يسعدك ، تبين تاكلين اقولهم يجهزونه لك؟
ليال أستحت : لا خالتي مو جوعانه..
شهد : توك تقولين جوعانه..
ليال انجرحت حييل ماتدري وش تقول.
: جالسه تنتظرني عشان كذا قالت ماتبي..
ليال فز قلبها من صوته ، شهد تضحك : ياعيني ههههههههههههههههههههههههههه الي ينتظرون الحبايب..
سلم عليهم ماجد وجلس جنب ليال ، ماجد بصوت خافت : يلا قومي عشان ناكل..
ليال ارتبكت من قربه و ضاعت علومها بسبب صوته الخافت : اح حم ماني مشتهيه..
ماجد يمسك يدها : قومممي حتى انا جوعان ماراح اكل حتى تاكلين معي..
الأم سعاد : قومي يمه لازم تاكلين زين عشان ادويتك..
ليال قامت معه ودخلوا غرفة الطعام وجلسها وسحب الكرسي وجلس جنبها مايفصلهم شي..
ليال بركبه : عادي قوم اجلس بمكانك اقدر اكل..
ماجد : لا ماتقدرين انا بوكلك..
ليال : شدعوه ماني معاقه ترا بس ماشوف..
ماجد انحرج حس نفسه ثقيل قام وجلس بالجهه الثانيه : طيب اهم شي تاكلين زين.
*وجلس ياكل وكل شوي يناظرها مو قادره تاكل زين اصلا ماتدري هي ايش تاكل مره الاكل بفمها ومره ع الطاوله ومره تذوق شي يعجبها ومره تذوق شي ماتحبه!*
خلص ماجد من اكله وقام : يلا بطلع انام *مشى شوي ورجع التفت لها * متاكده ماتبين اساعدك؟
ليال بعناد : لا ماني بزر.!
مشى ماجد وهو يضحك وتركها وطلع يريح شوي قبل يجون أهل ليال ، ماجد يخبط راسه : افف نسسيت ماعلمهم انهم بيجون *مسك جواله وارسل لرغد عشان تعلمهم وسكر جواله ونام*
- نرجع لـ ليال -
دخلت رغد تبي تقول لـ ليال عن أهلها ، رغد : ليـ... *انصدمت من شكلها والطاوله بس سكتت عشان ماتحرجها * ليال..
ليال منحرجه تحس حالتها فوضى ندمت انها ماسمحت لماجد يساعدها ، التفتت لناحية الصوت : هلا
رغد تاشر ع الشغاله انها تنظف المكان بدون ماتحس عليها ليال : اذا خلصتي علميني عشان نطلع سوا نلبس بيجونا ضيوف..
ليال ب احراج : خلصت..
ساعدتها وطلعتها لجناحها وانتبهت لماجد النايم ورجعت دخلتها غرفتها..
ليال : عادي رغد مو لازم اغير ملابسي توي لابستهم من ساعه.
رغد ماتبي تحرج ليال كان لبسها متسخ : عادي كلنا بنلبس جديد وحلو..
ليال حس باحراج : رغد ملابسي متسخه؟
رغد : ممم يعني شوي عادي تشيلين هم..
ليال بحزن : ماله داعي تراعين شعوري قولي لي اي شي عشان اكون منتبه بعدين.
رغد : ولايهمك وماعليك حنا خوات ستر وغطا ع بعض..
انبسطت ليال : الله يسعدك ، صح مين الي بيجون؟
رغد: مفاجأه مابعلمك ههههه..
ليال : طيب امري لله..
- راحت رغد تجيب ملابس لـ ليال وجهزتها ونزلو الطابق الأرضي عشان يستقبلون الضيوف -
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم السبت الرياض || - 4:00 BM -
¦ فلــــة خـــآلد ¦
صحى من قيلولته ونزل عند خويه ، خالد : السلام عليكم
قام يسلم عليه : ياهلااا وعليكم السلام..
جلسو وقدموا الضيافه لهم وتقهووا
: وش رايك بالمعلومات الي وصلتك؟
خالد وهو مقهور : قسم بللله اوريه ذالماجد..
: بس ماتدري وش معاه من ناس لاتتهور.!
خالد : أحمد انت عارف شسسوا؟ اخذذ مني ليييال وكمان تزووحهاا يعني خلااص بح مابقدر اخذها!
احمد بهدوء : انت السبب لعبت بالبنت وخربت حياتها..
عصب خالد : لا مالعبت فيها ولاخربت حياتها هي الي جتني ليين عندي..
احمد : انت الي قلت لها تجيك انت الي قويتها ع انها تعصي اهلها واوهمتها بانك تحبها وشي طبيعي البنات الي مثلها قلوبهم ضعيفه بسرعه يصدقون..
خالد بقهر : وش فيييك تحامي عليهااا؟ وكمان من قالك اني ماحبهاااا؟ اناا والله حبيتهااا حبيتهااا..
احمد : والي يحب يسوي الي سويته؟ البنت امنت نفسها عندك وانت تروح توديها لخوياك الداشرين؟ انت خبببل؟
خالد بحزن : ماكنت واعي اتصلت علي عشان الخطه وانا كنت ناسي ورحت لها وانا شارب وناسسي فاااققققد مو معاها.
احمد : اجل الغلط عليك مو عليها والمفروض انك تتركهم في حالهم وشف حياتك بدونها..
خالد : مسسستحيل مااجد لو مادخل حياتها كانت الحين لساتها معي وقدرت اعوضها على الي صار! بس ان شا الله انها ترجع لي..
احمد : بكيفك انا طلعني من سالفتك ذي واذا صارت لك مشكله لاتدورني..
خالد : افااا هذا وانا خويك وولد خالتك تجحدني؟
احمد بحق : ياخالد انا معك وبوقف معك بالي تبيه ، لكن مواضيع مخالفه ولا فيها خراب سمعه معليش مابي اظلم الناس..
«بيت عايلة ليال»
سلمان : يممممه يلاااا..
ريناد : فقعت اذني شفييك الحين تجي..
سلمان : اقول روحي جيبيها لو انتظرها كذا مابتخلص..
الأم مريم : خلاص جيت وش فيكم مستعجلين..؟
سلمان : صار لك ساعتين تقولي يلا نروح ابي ليال والحين انتي تأخرينا؟
الأم مريم : ياحبيبي ياسلمان معليه بس سويت اكلات تحبهم اختك ماهان علي اروح ويدي فاضيه..
ريناد : يممه فشله ترا رايحين لبيت زوجها مو السجن تجيبين معك اكل.
سلمان بستعجال : امشو كملوا سوالفكم ببالسياره..
- نص ساعه وهم قدام بيت عايلة ماجد -
نزلوا وطقو الباب ، ريناد : وايي وناسسه البيت فخم وكبييير شكلي بسوي مثلها واهرب دام بعيش نفس ذالبيت.
الأم مريم بعصبيه ضربتها ع راسها : عشششان اقص رقبتك ، ولو تعيدين هالكلام مره ثانيه قصيت لسانك فاهمه؟
ريناد سكتت وسلمان حاول يسكتهم عشان لاحد يسمعهم..
دخلتهم الشغاله وراح سلمان لقسم الرجال والباقي بالصاله الداخليه..
الأم مريم : السلام عليكم ورحمة الله وبركاته
الأم سعاد : وعليكم السلام ورحمة الله وبركاته ياهلا ومرحبا الله يحييهم تفضصلوا
سلموا على بعض وتعرفوا على وشهد وريناد اندمجوا مع بعض بالسوالف < خخخخ نفس العمر
الأم مريم : إلا وينها بنتي اشتقت لها .
الأم سعاد : هالحين تجي بس اكيد تلبس.
- دخلو رغد ومنار و بيدهم ليال -
رغد منار ليال : السلام عليكم ورحمة الله وبركاته
الأم مريم التفت لبنتها مقدرت تصبر انفجرت بكى وراحت تضمها: ييييمااا بنتي ليييال..
تحت صدمه الكل من بكائها؟
ليييال بصصدمه : يمممماه!!!
***
**
*