الفصل السابع
رواية لا تفلت يديّ : الفصل السادس عشر : يوم الثلاثاء نيويورك || - 5:40 BM -
¦ جناح خالد ¦
ليال تكلم ماجد : دخلت غرفة خالد..
ماجد : ماعليك راقبيها لين تخرج وادخلي..
راقبتها ليال لين خلصت بعد ربع ساعه دخلت بسرعه وسكرت الباب بشويش وجلست تنبش في اغراض خالد ليين لقت شنطة مليانه اوراق ولقت جواته ملف فيه اوراق يخصها وشالتهم مع ورقة تزوير الزواج..
ليال بفرح : ماااجد لقيتهم لقيتهم..
: وش تسووووين هناااا؟
خاف ليال ماتدري وش تسوي!!!!
: ممين أنتي ؟
التفتت ليال وبتوتر بالاجنبي : أنني انظف غرفة السيد خالد..
تحسبها المنظفه الجديده : حسناً يمكنك الانصراف واكملي التنظيف بعد ساعه..
ليال ماصدقت خبر بسرعه راحت وتحاول تخبي وجهها وطلعت من الجناح وسمعت صوت خالد جاي ناحيتها من الخوف يبست مكانها بسسس في يد سحبتها وخبتها..
ليال بخوف: م م
ماجد بهدوء : شششش اصبري..
ليال : شنسوي لايكون يكشفنا؟
خالد دخل وماجد بسرعه مسك ليال وركض ع جناحهم!
«بيت عايلة ليال ، 11:00 BM»
الام مريم تكلم بالجوال : صدددق مهاا؟
مها بفرحه : اي ياخالتي وكنت بعلمك من بدري بس انشغلت بكذا حاجه..
الأم مريم : ماعليه ياحبيبتي أهم شي تطمنت على بنتي..
مها : ان شاء الله بكره اجيك واتصل عليها عشان تكلمينها وتطمنين اكثر عليها.
الأم مريم تبكي : الله يسعدك ياقلبي.
مها حزنت : ليه تبكين ياخاله المفروض تفرحين..
الأم مريم : ابكي لأني فرحانه ان ربي رزق بنتي ناس فيهم خير ناس مثلك ومثل ندى ومثل الرجال الي قاعد يساعدها وهو ما عرفها الا من فتره بسيطه..
مها : ياخاله مهما كان غلط ليال إلا انها فيها خير وانسانه نيتها دايم صافيه لاتخافين ياخالتي الله يرزق كل شخص بشخص يشبهه ان كان زين بيلقى الزين وان كان شين بيلقى الشين...
الأم مريم : الحمد لله الحمد لله..
«بيت عايلة ماجد»
شهد تنزل من الدرج وتغني : لو فكرت و نسيتك لو قلت ماحبيتك المن احب بهاي الناسـ...
ريان : كح كح كح استغفرالله العظيم وش ذا الصوت؟
شهد بغنج: بسم الله عليك خقيت على صوتي؟
ريان بقرف : ووووع بغيت اموت صوتك شييين.
رغد تضحك : لا عاد مره بالغت..
شهد تسبل بعيونها : يالبى الي عجبهم صوتي؟
رغد : ماقلت عجبني!
شهد كشرت وجلست : مالت عليكم..
دخل عبد العزيز : السلام عليكم ورحمة الله وبركاته..
الكل : وعليكم السلام ورحمة الله وبركاته..
شهد : وانت كله جاي بدون عيالك؟
رغد : اي صح وينهم اشتقنا لهم..
شهد : لاتعممين.
ريان : توك تسألين عن عياله وماشتقتي؟ وشو له اجل تسالين عنهم؟
شهد : الا اشتقت بس مزعجين ودايم يخربون غرفتي واغراضي..
عبدالعزيز : بكره بجيبهم *يتلفت*وينها امي؟
شهد : فوق بغرفتها..
تركهم وطلع لغرفتها و طق الباب ، أمه : ادخل..
دخل عبد العزيز يبوس راسها : السلام عليكم اخبارك يمه؟
الأم سعاد : الحمدلله بخير انت اخبارك طلعت من عندي الظهر واختفيت؟
عبد العزيز : انشغلت بس الحمدلله بكرا بنسلم الصفقه ونرتاح..
الأم سعاد : الحمدلله الله يوفقك ياحبيبي..
عبدالعزيز : يمه بقولك بسالفه..
الأم سعاد : عسى خير أمر حبيبي وش عندك ؟
عبدالعزيز : ماجد ان شا الله بكره يجي السعوديه وبكلمه عشان يجي يسكن عندنا.
الأم سعاد بفرحه : ياليييييت والله ودي اليوم قبل باكر..
عبد العزيز : بس يمه لازم انتي تكلمينه عشان يوافق؟
الأم سعاد بتنهيده : ان شاء الله اقدر اقنعه اشتقت له ودي اشوفه..
عبد العزيز يضم امه ويواسيها..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم جديد نيويورك || - 8:00 AM -
¦ جناح الشباب ¦
صحت ليال من النوم استحمت ولبست لبس مرتب وطلعت تدور شي تاكله..
: سكنهم مساكنهم..
انتفضت ليال : منصور بسم الله الرحمن الرحيم من وين طلعت فجعتني؟
منصور يضحك : هههههههههههههههههههههههههههههههہٓ اسف..
جهزوا سوا الفطور وخلصوا على صحوة الباقي : صباح الخير.
رائد : واااو جعت من المنظر مشهي..
منصور : وش رايك بس؟
رائد بصدمه : لاتقول انك مسوي ذا كله؟
ليال تضحك : لا انا وهو بس ساعدني شوي ههههههههههههههههههههههههههه..
ماجد بغيره : اهاااااا..
رائد فهمه ويتطنز : اهاااااا هذي فيها قبايل!
انحرجت ليال وسوت نفسها مافهمت وجلست تاكل بدون ماتناظر احد..
منصور يناظرها : هي هي بشويش وحنا نبي ناكل..
هنا ليال ودها الأرض تنشق وتبلعها..!
ماجد حس فيها وانبسط انها انحرجت : وش فيك؟
ليال بتلعثم وتوتر : و وش وش فيني؟ مافيني شي؟
ماجد يمسك نفسه لا يضحك : وش فيه وجهك كذا احمر!!!!
ليال شرقت : كح كح *عطاها رائد مويه وأشر لماجد انه يبطل حركاته السخيفه *
منصور : رحلتنا الساعه 11..
الكل : شنوووو؟
منصور : استغفرالله رجعنا للدراما انتم ليه دايم تردون سوا؟
ليال هنا ضحكت : ههههههههههههههههههههههههههه اي صح دايم نرد سوا كيف كذا؟
رائد : اقول انت تستهبل متى يمدي نتجهز ليه ماحكيت لنا بدري؟
منصور : خف علينا ياهيفا وهبي وش تتجهز له خذ قشك وعلى المطار كنك فلبينيه خلصت إقامتها..
ليال فطست ضحك : هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه😭😭🤣💔،
ماجد يناظرها ومبتسم مو داري عن حد عاجبها شكلها وهي مرحه وتضحك ونشيطه وتتحرك ومو مثل قبل كنها ميته بس تمشي!!
رائد يأشر بـ ايده قدام عين ماجد : هييييه خلاص راحت فجعتها ياخي خف شوي..
ماجد توه يستوعب : وش فيك وش الي راح؟
منصور : يالحبيب قاعد عيني عينك تناظرها قدامنا وتتبوسم كنك دلخ لين البنت انحاشت حشى كنك عنز ماشاف خير..
رائد : ههههههههههههههههههههههههههه عنز لقى عنزه..
منصور : هه هه اكيد عنز بيلقى عنزه اجل بيلقى مهره مثلا؟
رائد : يمكن ويصير معهم طفل مهجن هااااع ههههههههههههههههههههههههههه..
منصور : بايخ يلا يلا قوم جهز نفسك لا بالشبشب على ظهرك..
رائد : خير يابوي اصغر عيالك تقوم علي بالشبشب تراي متزوج عيب عليك!
منصور : اي اي صح متزوج وماتدري عنها وخر بس..
رائد بضحكه: هههه انت ماتعرف وش سر الزواج خليك اهبل بس * قام يجهز نفسه ومنصور كذالك وحبيبنا خاق للحين! ههههههههههههههههههههههههههه *
« بيت عايلة ليال ، 2 الظهر»
دخلت مها بيت خالتها وسلمت عليها : ها ياخاله وينه خالي هنا؟
الأم مريم : لا طلع بعد ماتغدا مابيجي الا العصر..
مها براحه : كويس يلا اجل بدق عليها..
اتصلت مها على جوال ماجد شويه جا الرد : الو
مها : الو السلام عليكم معاك مها..
ماجد : اهلين وعليكم السلام تبين ليال..
مها : اي اذا ممكن..
ماجد ينادي ليال الي جالسه تجهز شنطتها ، ليال: اهلين حبيبتي..
مها علطول حطت الجوال بأذن الأم مريم : يمه ليال.
ليال طاحت دموعها من سمعت صوت امها : يمممماه يمممه وحشتيني يمممه انا اسفه تكفييين سامحيني تكفييين يمممه ابيك وبسسس ابيك انتي وبس..
الأم مريم تقطع قلبها من كلام بنتها : حبيبتي انتي ابيع الكل عشانك تعالي حبيبتي واوعدك مايصيبك شي ماحد بيتجراء دامني عايشه انه يسوي فيك شي بس تكفين تعالي لي مشتاقه لك ..
ليال بقهر من نفسها : يمه انا استاهل انا غلطت انا اسستاهل اني اموووت .
الأم مريم : تكفين حبيبتي تعالي ويصير خير والماضي صار ماضي الأهم انك تعلمتي من خطئك يابنتي..
ليال : يمه بعد ساعه رحلتي على السعوديه..
الأم مريم بفرحه : جد حبيبتي؟
ليال مبسوطه : اييييه حبيبتي..
الأم مريم : تعالي عندي طوالي ماعليك انا اتصرف مع اخوانك..
ليال بخوف : بس يمه!
الأم مريم : ماعليك تعالي ولاتشيلين هم.
نتركمهم يسولفون على راحتهم ^_^..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم الاربعاء نيويورك || - 10:00 AM -
¦ بالمطار ينتظرون الرحله ¦
رائد يقوم : ماجد تعال ابيك..
منصور: وش تبي فيه؟
رائد : وش حشرك ههههههههههههههههههههههههههه
منصور : مالت حركات بزارين وخر بس
ماجد راح مع رائد : ماجد ابي اكلمك بموضوع خاص وحساس صارلي فتره ااجله عشان الظروف الي صارت..
ماجد : شفيك خرعتني؟
رائد : امك تبيك واتصلت علي قالت تروح لها البيت..
ماجد فز قلبه على طاري امه : بس يا رائد انا خايف!!
رائد مستغرب : وش منه خايف؟
ماجد بتوتر : انت عارف صارلي سنين ماطبيت بيت ابوي الله يرحمه و و...
رائد شافته متوتر وطمنه : ماعليك اللي راح راح واكيد امك تبيك من قلبها واكيد انها تبي ترجع شملكم يكفي القطيعه الي صارت لكم هذي امك..
ماجد دمعت عيونه : الله يعلم مالي ذنب ولاني مبسوط بالي صار مظلوووم مظلوووم انحرمت من اهلي 10 سنين بسبب الناس الله لايوفقهم..
«قبل 10 سنوات الرياض الساعه 12 الليل»
ماجد يكلم خويه رائد : الووو وينك؟
رائد : بالاستراحه انت الي وينك تأخرت علينا..
ماجد : وصلت الموقع بس وين الاستراحه بالضبط؟
رائد : مكتوب عليها الميادين..!!
ماجد يتلفت : ياخي هنا مجموعة شاليهات بس مافي عليهم لوحات.
رائد : شاليهنا ذا ماحوله اي شاليه توه الارض جديده الو ماجد شوف استراحتنا لون بوابتها احمر ادخل عليها الو ماجد الوووو!!
ماجد قطع عنده الارسال حاول يدور شبكه مافي شويه شاف 3 بوابات لونها أحمر ماسمع الا كلمة بوابه لونها أحمر : ياليل الحين أي باب أدخل؟
سمع اصوات عيال واغاني وتحمس دخل : اكيد هذي البوابه بدخل واذا طلع غلط بتعذر واطلع..
دخل ماجد وانصدم من الزحمه والوضع والخراب وبنات ورجال : وش ذا انا وين *فجأه سمع اصوات صراخ ودخول الشرطه والبحث والهيئه والبنات يصارخون والدنيا مخبوصه وشالوه مثل ماشالوا الي موجودين انصدم ماجد وحاول يبرر لهم أنه مظلوم بسسس!! لااجابه*
«نرجع للوقت الحاضر ^_^»
نادوا على الرحله ودخلوا وعلى ماجلسو بمقاعدهم واقلعوا كملوا سوالفهم رائد وماجد..
رائد : ياخوي انت كنت مظلوم والناس والجماعه مارحموا ابوك واهلك طلعوك مذنب..
ماجد : بس حتى اهلي صدقوهم وكذبوني جرحوني هذا وانا تربيتهم ماوثقوا فيني ماوثقوا بتربيتهم لي؟
رائد : ماعليك ياخوي الحين تروح لامك وان شاء الله كل شي راح يتصلح يكفي العمر الي راح بدون أهلك مايصير كذا جتك فرصة وترفسها؟
ماجد سكت ورائد تفهم شعوره وتركه لحاله..
«بالطياره عند ليال»
ليال تحاول تنام عشان لاتفكر كثير تعبها التفكير في مستقبلها وفي ايامها الجايه وش بتسوي وين تروح؟ ترجع لاهلها او وين تروح؟ شوي تذكرت انهم سوو عزا يعني الناس يحسبونها ماتت؟ وكيف كذا رجعت بعد شهر من الموت مستحيل الوضع كبير مو سهل ..
حاولت تتناسى وتغفي لها شوي قبل الوصول..
«الرياض الساعه 6 المغرب بيت عايلة ليال»
مها تدخل بيت خالتها : خالتي ويينك..
الأم مريم تطل من المطبخ : هلا هلا يمه انا هنا تعالي.
دخلت عندها مها وسلمت عليها : خالتي بروح اشوف ليال في المطار باقي تقريباً ساعه ونص وتوصل..
الأم مريم بفرحه : اييي ياقلبي عليها اشتقت لها روحي لها وطمنيها ماحد بيلمسها دامني حيه!!!!
: لييييه حنا مو رجاجيل والله مابقى الا الحريم يتمرجلون علينا..
مها خافت وراحت ورا خالتها ، الأم مريم بقهر : والله ماتلمسها الا على جثتي يكفي كذبت على الناس وقلت انها ماتت وسويت لها عزا بدون ماتتاكد هي فين بنتك ووش صار عليها..!
عبدالعزيز بعصبيه : اقصصصري الشر يامرهه لا تخليني ازعلك؟
مها خافت وطلعت طوالي لسيارتها وتركتهم بهوشتهم..
«بيت عايلة ماجد 6:40 BM»
يدخل عبدالعزيز وهو مبسوط : وييين امي؟
شهد وريان ورغد : فوق!
ناظروا بعض و : هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه😭😭🤣💔،
عبدالعزيز يناظرهم : بسم الله الرحمن الرحيم محششين؟ *تركهم وطلع لامه*
دخل بسرعه غرفتها : يمه يمه
الأم سعاد : وشفيك خرعتني!
عبدالعزيز يبوس أمه وضمها : ماجد بالمطار بيجي لمنا بيجي لك يايمه..
الأم سعاد بكت من فرحتها : صدق يمه صدددق يعني وافق؟
عبدالعزيز بفرحه : اي حبيبتي كلمني رائد توهم وصلوا السعوديه بس للحينهم بالطياره مانزلوا باقي..
الأم سعاد تقوم : يلا وديني له بسررعه..
عبدالعزيز : افاا يمه انا اجيبه لك انتي اجلسي وارتاحي..
الأم سعاد : لااا لا انا بستقبله بلمه بحضنه..
عبدالعزيز استسلم لأمه واخذها وطلعوا ع المطار طوالي..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم الاربعاء الرياض || - 8:00 BM -
¦ مطار الرياض الدولي ¦
على مانزلو من الطياره واستلموا أعراضهم الا يسمعون صوت ينادي : ممماجد..
يتلفت ماجد للصوت وانصدم: يماااه؟
الأم سعاد تبكي وتحضنه وبصوت محروق: يممماه ماجد يماااه يابكري يمممماه يممماه لي منها سنين ماسمعتها منك انا افديك بروحي لاعاد تتركني *وتبكي بحرقه وكل الناس تناظرهم بحزن*
ماجد يدفن وجهه بحضن امه الي محروم منه كنه طفل : يممماه اشتقت لك اشتقت لك حيييل..
ليال بكت لاشعوري اشتاقت لأمها وكسر خاطرها شكل ماجد ورائد يحاول يخفي دموعه ومنصور صد بوجهه لا يبكي قدامهم اما عبدالعزيز انهار من شكلهم وضم اخوه..
شوي سمعوا صوت : لييال..
ليال التفتت : مهااا *وجات لها ركض وسلمت عليها وانبسطت بجيتها *
مها بفرحه : يلا نمشي البيت عندي تعبت وجعت وانا انتظرك..
الأم سعاد تناظر مو فاهمه شي : يمه ماجد من هذيلي؟
رائد تلعثم : خ خالتي ذي ليال وذي *اشر ع مها* انتي مين؟
منصور يضحك : ههههههههههههههههههههههههههه اسكت احسن لك..
الأم سعاد : وش السالفه مافهمت؟
: والله لاقتلك يالخسيسه يال**** يال *****
انصدمو بالي يصارخ ويركض لهم ومعه مسدس ، مها وليال برعب : فههههههد!
ماجد جا قدامهم : خييييير وش من انت؟
الأم سعاد وليال : لاااا ماجد..
فهد معصب وقرب : وخخخخر ومن انت بعععد هااا؟
ليال بخوف : وخر ماجد وخر انا بتفاهم معه تكفى..
فهد بعصبيه : يالخسيسه يال*** ماتستحين على وجهك جالسه مارجال حسبي الله ونعم الوكيل فيك فضحتينا..
ماجد بهدوء : ممكن يااخ فهد نتفاهم في مكان ثاني عيب الناس تناظر وبتصير جد فضيحه..
فهد وعيونه مليانه حقد : وخرر لا قسم بالله انه يجيك مثل مايجيها انت ماعندك خوات ماعندك حريم تخاف عليهم قاعد تلعب مع بنات الناس يالوسخ يالواطييي؟
الأم سعاد بصدمه : ممممم ماجد؟
ماجد انقهر من نظرة امه : يمممه والله كذب لاتعيدين الي صار قبل 10 سنين!
الأم سعاد: وش السالفه وشش صاير؟
عبدالعزيز يمسك فهد ويهديه: ياخ فهد انا اخوه عبدالعزيز تعال انا وانت نتفاهم ولك الي يرضيك واختك ترجع لك..
ماجد بعصبيه : عبدالعزيز وخر عنه ذا يبي الشر لاتصدقه ومستحيل اعطيه ليال لو يموت..
الأم سعاد : ممماجد وش ذا الكلام؟
فهد فار دمه : ياقليل الخاتمه يالخسيس *قام بيضربه بس مسكوه منصور ورائد*
منصور بتهور : هيييييه انهبلتو كيف تبونه يترك زوجته مع ذا؟ * ياشر على فهد*
رائد يكمل : ماجد وش فيك ساكت تكلم لاتسكت..
فهد بصدمه :وشلون زوجتك؟
ماجد : على سنة الله ورسوله زوجتي مايبيلها تفسير ثاني! .
ليال والأم سعاد ومها بصدمه : .... -صمت-
^
***
**
*
رواية لا تفلت يديّ : الفصل السابع عشر : يوم الاربعاء الرياض || - 8:15 BM -
¦ مطار الرياض الدولي ¦
منصور بتهور : هيييييه انهبلتو كيف تبونه يترك زوجته مع ذا؟ * ياشر على فهد*
رائد يكمل : ماجد وش فيك ساكت تكلم لاتسكت..
فهد بصدمه :وشلون زوجتك؟
ماجد : على سنة الله ورسوله زوجتي مايبيلها تفسير ثاني! .
ليال والأم سعاد ومها بصدمه : .... -صمت-
الأم سعاد : وش صاير *تلتفت على ماجد* متى تزوجت؟
مها تهمس لـ ليال : افااا متزوجه ولا تعلميني؟
ليال للحين مو مستوعبه شي : توني اعرف معك ، كل يوم عندي عريس!!
مها تلكزها بكوعها : مالت وحنا مالنا الا الجدران :(
طنشتها ليال وحاولت تفهم وش سالفة زواجها من ماجد؟
منصور يمسك فهد : تعال ياخوي وافهمك السالفه كلها..
فهد مشى معاه وهو مقهور..
ماجد التفت على رائد ومسكه من ذراعه واخذه ع جنب.
ماجد بعصبيه وبهمس : وششش سويتو!!
رائد يسوي نفسه خايف : مالي دخل هذا منصور..
ماجد : وانت معاه كملتوا السالفه ونكبتوني.
رائد : شوف خلينا الحين نهدأ ونروق وبعدين نشوف لنا حل..
عبد العزيز يروح لأخوه : ماجد!!
ماجد يحاول يمسك اعصابه : عزيز تكفى بعدين نتكلم بذا الموضوع خلينا الحين نروح البيت ابي ارتاح.
الأم سعاد : طيب يلا *التفتت لـ ليال* تعالي يمه الحين صرتي منا وفينا..
ماجد بسرعه : لا *سكت من شاف نظرات اخوه وأمه المستغربه*اقصد ليال الحين تعبانه واكيد ماراح تاخذ راحتها معكم فابوديها بيتي و....
الأم سعاد بعتب : افاااا ياماجد ماتبيني افرح بزوجة ولدي واتعرف عليها؟ لهدرجه صرنا غرب!
ماجد متوهق : يمه والله ماقصدي كذا..
الأم سعاد : اجل يلا امشو معنا غرفتك جاهزه تروحون ترتاحون والصباح يصير خير..
ليال تناظر ماجد مو فاهمه شي وماجد يحاول يصد منحرج بس اشر لها انها تروح معهم وبعدين يفهمها الموضوع ..
رائد و مها بقو لحالهم مايدرون شيسوون؟
مها تناظر رائد : وش سالفة الزواج؟
رائد يناظرها : كذبة منصور ع اساس يكحلها عماها.
مها : والسوات الحين؟
رائد : لاتعلمين احد انه كذب وحنا بنتصرف بالنهايه الموضوع مو سهل يبيله تفكير والحين راسي ماش ابي انام
تركها وراح ومها طلعت سيارتها وكلمت خالتها بالسالفة وانو لاتعلم احد..
«عند منصور وفهد»
فهد معصب : وش سالفة الزواج؟
منصور بثقه : رجل تزوج بنت على سنة الله وش الي مافهمته؟
فهد شوي وينفجر : تستهبل انت؟
منصور : انت الي تستهبل من اليوم نقولك متزوجين وانت مو راضي تفهم؟
فهد بقهر : يعني هذا الي هربت معاه وتزوجته؟
منصور بذكاء : قصدك هذا الي انقذها من الخطف والاغتصاب؟
فهد فتح عيونه وبصدمه : وش تقول انت؟
منصور : قبل شهرين جاكم ماجد عشان بنتكم وانتم طردتوه وحط رقمه عندكم يمكن تتصلون عليه بس انتم ماسألتم..
فهد مو مستوعب : متى وكيف صار؟
منصور بطولة بال : يوم اختفت بنتكم لقاها ماجد تهرب من ناس وكان وضعها مزري كان في شباب خاطفينها وهي كانت قويه قدرت تهرب بس لو مالقت ماجد ورائد بطريقها كان الحين الله العالم بحالها!
فهد : اييه؟ كمممل!
منصور : علمتهم لييال بمكان بيتكم ويوم أصبح الصبح اخذها رائد بيوصلها بس قدر ربك كان اقوى وصار عليهم حادث وتضررت ليال * حكى له السالفه كامله *
فهد : كل ذا صار بشهرين؟
منصور : اي غير ان لحقها الشاب لين لندن وخطفها بس ماجد قدر للمره الثانيه انه ينقذها منه وتزوجها عشان تكون بذمته لايدخل بالحرام..
فهد بـ احراج : معليش ياخوي على الي صار بس تعرف الوضع كيف.
منصور بتفهم : اي اكيد من حقك كلنا نغار على محارمنا بس الأهم مانظلمهم ونسمع لهم مو نهاجمهم قدام خلق الله؟
انحرج فهد وسكت ..
سولفوا شوي وتعرفوا ع بعض وتبادلوا الارقام وكلن راح طريقه..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم الخميس نيويورك || - 5:00 AM -
¦ جناح خالد ¦
خالد معصب ويدور بالجناح :ووووين اوراققيي مييين الي كان يرتب المكتتتتتب؟
دخلت عنده المساعده : استاذ خالد وش فيك؟
خالد يلتفت عليها : انتي الحين مو مسوؤله عن الجناح صححح؟
بلعت ريقها بخوف : اي استاذ امر؟
خالد : مين الي رتب غرفتي اخر مره؟
: كل شوي احد يرتبه مافي حد معين.
خالد : نهاااد اوراقي المهمه ضاااعت مالقيتها وووينها فيه؟
نهاد بخوف : والله استاذ مادري بس خلينا نشوف الكميرات وبنعرف..
راحت تجيب جوالها الي موصل عليه نظام الكميرات بالجناح..
خالد سحب من يدها الجوال وجلس يتابع فجججأه.
خالد بصدمه وعصبيه : ايششششششش ذااااا مسسستحيل؟
نهاد نقزت بخوف ماتدري شسالفه : ش ش شصاير؟
خالد يوريها الجوال : شششوفي..
نهاد تناظر : اي هذي امس كانت تنظف غرفتك..
خالد بعصبيه : لييييه ماعلمتيني؟
نهاد : استااذ ماتوقعت انك بتهتم مين بينظف وكمان هذي توها متوظفه امس عشان كذا ماعطيتها بال..
خالد بقققهر : ذييي ليالللل لييييال..
مسك جواله ودق على مساعده : محسن شوفلي الحين وين ماااجد ووين ليييال بسسرعه..
«الرياض بيت عايلة ماجد 10 AM »
شهد واقفه عند غرفة ماجد..
: بووووو
شهد بصراخ : يمممممماه
رغد مسكتها وركضو لغرفتها : وجعع فضحتينا..
شهد : مالت ليييه تخرعيني؟
رغد : عيييب الي كنتي تسوينه ليه كنتي زي الحارس عند الباب؟
شهد باحراج وحزن : ابي اشوف ماجد ماعرف شكله الا من الصور..!
رغد حزنت عليها وبهدوء : شوفي أولاً عيب تسوين كذا مرا ثانيه وبعدين ولايهمك بس يصحون راح تشوفينهم..
شهد استغربت : مين الي يصحون ؟
رغد : ماجد وزوجته..
شهد بصدمه : ماااجد معاه زوجه؟
رغد : اي ليه مستغربه حاله حال الرجال اكيد بيتزوج..
تحمست شهد وطلعت : وناسسه في وجوه جديده بالبيت..
رغد تبوس يدها زجهه وقفا : الحمدالله والشكر مافيه عقل
- نزلت عند امها تحت ولقت اختها منار وانصدمت -
رغد بصدمه وبفرح : لااااا مستحيل متتتى رجعتوووا؟
منار تضم اختها وتضحك : هههه يوم قالت لي امي عن ماجد علطول حجزنا مشتاقه له وسمعت انه تزوج وناسسه..
جلست رغد ع الكنبه وتتقهوى : ايه وكيف الفحوصات وش قالولك؟
منار بحزن : مدري كل شوي يقولون شي احترت..
الأم سعاد : قلت لك روحي لشيخ بس ماسمعتي كلامي ماعندك الا الطب تطور والطب تطور وها صار لك شهرين من دوله لدوله تتعالجين ماحد قالك شي..
رغد : يمه مو كل شي شيخ ترا زودتوها..
الأم سعاد ترمي رغد بالخداديه على دخلة شهد : اييييه كفو.
رغد تناظرها : وجع انتي لو تشوفيني بموت بتسوين حفله..
شهد تضمها : بسم الله الرحمن الرحيم عليك امزح ترا..
رغد : اخصص اثاري عندك مشاعر ماتوقعتك كذا؟
منار : شهد وش فيك رايحه راده اجلسي حولتيني..
رغد تناظر شهد وتضحك وشهد تاشر لها لاتعلم..
الأم سعاد قفطتهم : ششششهد وين كنتي؟
نقزت شهد : بسم الله يمه كاني عندك!
«غرفة ليال وماجد»
- ماجد كان نايم على الكنبه وليال بالسرير -
ماجد بعد ماخذ شور ولبس وليال للحين نايمه قرب لها يناظر لها لاشعورياً فجأه حس بحركتها علطول جلس ع الكنبه ومسك جواله..
ليال صحت وتناظر بالمكان امس مامداها تشوف شي علطول نامت وعلى قولة الام سعاد الصباح يصير خير!
شافت ماجد جالس ع الكنبه وانحرجت صح صارلها شهرين معاه واغلب الوقت ينامون بنفس المكان بس الحين الوضع غير ينامون بغرفه وحده وبأسم زوجين؟
قامت وراحت الحمام واخذت شور سريع ودخلت طوالي لغرفة الملابس قبل لايشوفها ماجد فتحت شنطتها وماتدري وش تلبس ماعندها ملابس كويسه.!
لبس اقرب شي لين بعدين تروح تشتري..
ماجد رفع راسه على دخلتها الغرفه وكانت لابسه بنطلون اسود قماشه بارد وماسك شوي وبلوزه فضفاضه لونها اخضر وبان بياضها وتذكر اول يوم يشوفها كانت لابسه فستان اخضر مستحيل ينسسساه!!
ليال استحت من نظراته وقالت تكسر الصمت : ماجد.
ماجد انتبه لها : هلا امري ليال..
جلست بالكنبه الثانيه : وش سالفة الزواج؟
ماجد : أقرب كذبه عشان فهد لايسوي شي..
ليال : بس شنسوي ابي اروح لامي.؟
ماجد حكالها خطة منصور الي اتصل عليه قبل ينام وعلمه بكل شي..
ليال : بس اذا انكشفنا؟
ماجد : ماعليك بنحلها ونشوف حل للموضوع بعد ماتهدأ الأمور .
-صوت دق الباب -
ماجد : حاضر *قام فتح الباب وكانت الشغاله جايبه الفطور والقهوه* لالا نزليهم الحين احنا بننزل ونتقهوى معكم..
ليال بخوف وصدمه : لا تكفى ماجد استحي..
ماجد يناظرها : من ايش تستحين؟
ليال : مدري خايفه ومو عارفه كيف اتصرف!
ماجد سكر الباب : شوفي ليال زي ماقلت لك نسوي نفسنا متزوجين ماحد بيشك انتي لاتتوترين*وبحزن*انا صارلي 10 سنين ماشفتهم انا الي متوتر مدري كيف بتصرف وكيف بتكلم وعن ايش نتكلم ابيك تساعديني *مسك يدها * محتاجك وربي.!
ليال حزنت عليه : ابشر ولايهمك يلا اجل ننزل..
ماجد :خذي جلالك معك عشان اذا دخلو اخواني.
ليال مسكت جلالها ومشت معه ونزلوا تحت..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم الخميس الرياض || - 12:00 BM -
¦ بيت مها ¦
- دخلت هي وندى الغرفه وبيدينهم اكياس كثيره -
ندى تتسدح بالأرض بتعب : اووووه من زمان عن التقضايه الكثيره مثل ذي..
مها تقعد وتشرب مويه : اي والله وناسه ليت ليال معنا..
ندى تجلس : الحين تتوقعين كل الملابس بتصير ع مقاسها؟
مها : اي ان شا الله هي قالت لي عن مقاسها عشان اشتري كل شي لان ماعندها ولا لبسه وماتقدر تروح.
ندى : وش ذا ليه ماتقدر؟ لايكون رافض؟
مها : لاا بس انحرجت منه تخيلي تقوله ابي اروح اشتري ملابس عطني فلوس؟
ندى : عادي زوجها..
مها : ياخي انتي ماتسوعبين والا تستهبلين؟
ندى تضحك : ههههههههههههههههههههههههههه امزح بس ماحد قاله يكذب ويقول زوجتي خلاص يصرف عليها وينطم..!
مها : ياليل اقول قومي خلينا نتغدا جوعانه.
« بيت عايلة ليال 12:33 BM»
فهد يكلم امه : يمه كيف نقنع ابوي؟
الأم مريم وهي عارفه السالفه بس تمثل لايكشفونها : انا انا قلت لكم بنتي فيها شي بس ماصدقتوني شفت كيف انكم ظلمتوها؟
دخل الأب عبد العزيز : رجعنا لسالفة ليال؟
فهد بهدوء : يبه موضوع ليال مخبوص وحنا ظلمناها..
الأب عبد العزيز بعصبيه : انا قلت ماعاد عندي بنات باسم ليال..
الأم مريم : مو بكيفك ليال موجوده ومظلومه والحين متزوجه ماتقدر تسوي شي لها واذا ع بيتك ماارح اخليها تجي هنا بس كمان ماللك حققق تمنعني ازورها مسسستحيل ارضى بذا الشي.
الأب عبد العزيز انصدم : صايره قويه يامريم؟
فهد يهدي الوضع بينهم : يمه يبه خلاص تكفون لازم نلقى حل كيف نعلم الجماعه ان ليال ماماتت؟
الأب عبد العزيز : مو لازم حد يدري ان ليال موجوده ومثل ماقالت امك الي يبيها يروح لها بس هي مالها دخله لبيتي..
- أنس كان يسمع كل شي ومبسوط اشتاق لأخته وطلع غرفته -
يدق الجوال ويرد فهد : الووو اييه جد يااااهلا ويييا مسههلا الحين الحين جايك مع السلامه..
فهد بفرحه : ييمه سلمان بالمطاربروح اجيبه..
انبسطت الأم مريم وبكت من الفرح : الحمد لله عيالي كلهم رجعوا الحمدلله..
الأب عبد العزيز بحزن : ليتني اقدر افرح زي فرحك *طلع تحت صدمة فهد ومريم*!
«بيت عايلة ماجد»
الكل بالصاله بعد الغداء ويسولفون بس ماجد لساته متحفظ ومزذو ماخذ راحته عكس ليال الي ضحكها ملى المكان وصدم ماجد هههه!
عبدالعزيز يضحك : عاد لو تشوفك رند بتلعوزك بالحيل تبي تشوفك ..
شهد تضحك : تكفى لاتجيبها هي بس تبكي تسوي حالة طوارئ بللغصب ههههههههههههههههههههههههههه..
منار تناظر بنتها : يعني وسن ماراحت لبعيد مجرد ماتبكي خلاص يصير فيها حرب..
شهد : الله يعين لو يجتمعون انا بنتحر..
رغد : تكفييين يالعاقله انتي للحين تسوين حالة استنفار اذا زعلتي ههههههههههههههههههههههههههه.
شهد كشرت : وجع لاتكبين الفضايح الحين انتظري حتى نمون ع بعض.
ليال مبسوطه حيل كانت خايفه لايطلعون متكبرين بس طلع عكس توقعاتها : هههههه ماعليك ستر وغطا على بعض..
ريان دخل البيت بعد رحلته بالشاليه مع خويانه مو عارف بالتطورات الي صارت لأنه راح بليلة الخميس : السلا..
الكل : وعليكم السلام
ريان يناظر ماجد ومصدوم : م ماجد؟
ماجد يضمه : ايي ماجد مابغيت ترجع من امس يتصلون عليك ياخي.
ريان انهار بكى من زمان يدور له بدون علم احد من زمان يحلم فيه ويحلم بلقائهم صح انه فرق العمر بينهم كبير شوي بس هو يحبه حييل لأنه كان يدلعه ويدافع عنه..
الأم سعاد والبنات تأثروا وبكوا..
عبدالعزيز يلطف الجو : خلاص ياهو صار مسلسل وانت *ياشر على ريان* وينك فيه نتصل مقفل جوالك؟
ريان جلس ورتب نفسه وسلم على ليال : كنت بالشاليه والشبكه هناك زفت..
الأم سعاد : تبي تاكل اقولهم يجهزونه لك؟
ريان: لا فديتك اكلت بالشاليه *التفت لاخوه *اخبارك والله مشتاقينلك مابغيت ترجع لنا؟
عبدالعزيز وقف : اقول دام جيت ياريان يلا قدامي كلكم ع المكتب ابيكم بموضوع..
قامو سوا ودخلوا المكتب..
ماجد :وش فيك؟
عبدالعزيز : ابيك ترجع لشركه معي دامك رجعت لنا..
ريان : اي تكفى يكفي غياب ماصدقت قسم بالله احسبه حلم..
ماجد بحزن : ماقدر..
عبدالعزيز : ليه؟
ماجد : ماقدر ادخل شركة ابوي وهو مو راضي عني..
عبدالعزيز يفتح الدرج مقفل له زمن وطلع ظرف : خذ ذا الله يعلم ماعرف وش موجود داخله بس ابوي الله يرحمه قبل يموت قال اسلمه لك اول ماترجع لنا..
ماجد حزن حيييل ومسك الظرف وفتحه :........!
..
^
***
**
*
رواية لا تفلت يديّ : الفصل الثامن عشر : يوم الخميس الرياض || - 1:00 BM -
¦ بيت عايلة ماجد ¦
عبدالعزيز يفتح الدرج مقفل له زمن وطلع ظرف : خذ ذا الله يعلم ماعرف وش موجود داخله بس ابوي الله يرحمه قبل يموت قال اسلمه لك اول ماترجع لنا..
ماجد حزن حيييل ومسك الظرف وفتحه :........!
ريان : وش مكتوب؟
عبدالعزيز : وجع استح شوي مايخصك الظرف!
ريان : ياخي شفيك عادي جاني فضول.
ماجد يمسح دمعته ورفع راسه لإخوانه : ماعليك ياعزيز خله والموضوع مو خاص..
عبدالعزيز يتنهد : المهم وش رايك بالي قلته؟
جا بيتكلم ماجد بس قاطعه ريان : هييه لحظه ابي اعرف وش مكتوب..؟
عبدالعزيز يحذفه بعلبة المنديل : خييير علقت انت؟
ماجد يضحك وريان يمسح ع راسه مكان الضربه : ياخي مابقدر انام اذا ماشفت الي مكتوب شلون الحين؟
ماجد يفتح الورقه ويقرأ :
بسم الله الرحمن الرحيم
إلى ولدي البكر ماجد ، الله يعلم اني ندمان حيل بالي سويته فيك واني ظلمتك مع الناس ولا صدقت تربيتي لك! اعتذر منك على معاملتي القاسيه لك وعلى طردي لك واعتذر على تأخري بمعرفة الحقيقه كامله واتمنى انك تسامحني وترجع لبيتك وشركتك مكانك موجود حتى لو تأخرت بالرجعه ♡
ماجد مسح دمعته وسكت وعبدالعزيز انبسط ان ابوه عرف بالحقيقه قبل يموت وانه سامح ماجد وريان فرحان حيل لأن وأخيراً التمت العيله بعد غياب سنين.
عبدالعزيز يقطع الصمت : هاه ماجد اتوقع الحين ماعندك عذر ترفض؟
ماجد بـ ابتسامه : ابشر ولايهمك بس خليني انسق قبل لان لاتنسى معي شغلي الخاص وصعبه اهمله..
- نتركهم يسولفون شوي بشغلهم ونروح لمكان ثاني -
«بيت عايلة ليال 2:45 BM»
دخلوا فهد وسلمان وسلموا على الموجودين وسلمان راح طوالي يبوس رأس امه وهي تضمه وتبكي كالعاده من شوقها وفرحها لشوفته بخير وسلامه..
بعد نص ساعه من الراحه والسوالف سلمان يتلفت : وينها ليال بالعاده ترج البيت وين هديتي وين هديتي ؟
الكل : .... -صمت-
سلمان : وش فيكم اكلم نفسي انا؟
أنس بقهر : أسأل ابوي وفهد وش سوو فيها.
ألاب عبد العزيز بعصبيه : أنننننس!
أنس نزل راسه : اسف يبه.
سلمان بخوف : وش صاير؟
- فهد حكى له كل السالفه -
سلمان بعصبيه : انهبلتوا؟ حتى لو صدق سوت شي غلط المفروض تتصرفون بحكككمه مو تزورون خبر موتها وتتركونها للناس الغرب يحمونها؟
الأم مريم : ياقلبي ياوليدي ياليت انك كنت موجود ماكان صار الي صار * وتضمه وهي تبكي بحرقه *
سلمان يطبطب على أمه ويوجهه نظراته لابوه وبعتب : افا يبه ماتوقعتك قاسي كذا؟ ماتوقعت انك بترخص ببنتك يعني انت ماصرت لها العون وغيرك الي ستر عليها وحافظ عليها انت راضي بالي سويته؟
ألاب عبد العزيز : اقول بلاش دراما ومرا ثانيه لاعاد تتكلم معي بهاللهجه اتوقع اني ابوك ولا نستك الغربه؟
سلمان يبوس راسه : لا مانستني بس انت الي سويته غلط وانك تعالج الغلط بالغلط مايصير انك من غلط واحد سوته بنتك وانت اصلا مو متأكد تروح تمسحها من العايله وتعلن خبر وفاتها؟ لهدرجه يبه قسى قلبك؟
الأب عبد العزيز يحاول يتحاشى النظر له : ترا زودتها وانا مطنش لأن توك جاي من برا و مابغى ازعلك * مشى لغرفته وتركهم *
ريناد بحزن : خلاص تكفون نبي ننبسط لاعاد تتهاوشون.
الأم مريم : واختك مو هامتك هااا انتي تنبسطين وهي الله العالم بحالها؟
ريناد ببكى : وانا وش ذنبي تصارخين علي انا صادقه من شهرين مانبسطنا كله بكى وحزن وهواش تعبت والله *طلعت لغرفتها وهي تبكي*
سلمان يطلف الجو : يمه حبيبتي عندي لك مفاجأه حلوه..
الأم مريم : عسى خير يمه وشهي؟
سلمان : خلاص انا خلصت دراستي وراح اداوم هنا بالجامعه من يوم الأحد الجاي..
الأم مريم بفرح : صدق يمه خلاص ماعاد بتتركنا..
فهد انبسط : اخيرا يعني بيخف الحمل علي ههههههههههههههههههههههههههه..
أنس : مابغيت ياخي طولت يعني الحين بنطلع كشتات مع بعض ونتونس وندج بالدنيا!
سلمان : اقول جاي بستقر وارتاح وانتم تبون تخربوني *يلتفت لأمه * يمه شوفي عيالك؟
الأم مريم تضحك : ههههه الله يحفظكم واخيرا بترجع لنا الضحكه ونرتاح مثل قبل *ترفع يدها وتدعي* يااارب ترجع لي بنتي يااارب تحنن قلب ابوها عليها يااارب ترد شملنا يالله ياكريم *تمسح دموعها وتناظر عيالها الي يطبطبون عليها*
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم الخميس الرياض || - 7:00 BM -
¦ غرفة ماجد و ليال ¦
ليال دخلت الغرفه وهي ماسكه الأكياس الي جابها سواق مها وجلست وفتحتهم وتحمست تجربهم وكل شويه تجرب لبسه بيجامه تنوره فستان جينز ... إلخ مانتبهت للشخص الي كان نايم بالسرير؟
بعد ماخلصت لبست بيجامه مريحه وحبت تريح لها شوي لين يجي وقت العشاء ومشت بتنسدح بالسرير ووو...
ليال تحط يدها على فمها و بشهقه : اههئئئ!!
ماجد ماقدر يمسك نفسه فتح عيونه وفطس : هههههههههههههههههههههههههههههههہٓ معليشش والله مو قصدي بس انتي مدرعمه ومانتبهت لك إلا وأنتي تبدلين ملابسك وحده ورى الثانيه.
ليال وجهها قلب احمر وبشوية حده مع احراج ترمي الخداديه عليه : وجع ليييه ماعلمتني عجبك الوضع وانت تناظرني يعني؟
ماجد بجديه : مو لهدرجه يعني انك تنحرجين وكمان يعني معليش المفروض انتي تنتبهين تشوفين في حد ولا مافيه الغلط عليك مو علي؟
ليال بقهر : وأنا شدراني انك نايم هنا كان الضوء فاتح والتكييف مطفي يعني المفروض الواحد لو بينام بيهيئ المكان للنوم ولا؟
يعطيها ظهره ويتغطى باللحاف : طيب دام خلصتي وسويتي تجربه لملابسك يلا هيئي لي الغرفه للنوم ابي انام.!
ليال تفتح عيونها ع وسعها : هيييييه قوم ابي انام انت روح نام ع الكنبه..
قام ماجد : خير سريري ابي انام فيه انتي نامي على الكنبه جا دورك الحين..
ليال انقهرت وطفت الضوء وشغلت التكييف واخذت لحاف من الخزانه وانسدحت بقهر..
ماجد انبسط لان ظهره تكسر من نومته على الكنبه تلحف ونام
- بعد ساعتين صحيو على صوت طق الباب قامت ليال وماجد انزعج -
ماجد : طيييب طييب الحين..
ليال راحت تغسل وجهها وتبدل ملابسها لبست تنورة ميدي لون رمادي وبلوفر خفيف لونه اصفر عشان الجو مو حار ولا بارد حيل ولبست سبورت ابيض وفتحت شعرها وحطته على جنبها الايسر وتعطرت و اخذت جلالها وطلعت مطنشه ماجد!
ماجد انصدم من شكلها : ابوك ياجمالها كل يوم يزيد *اخذ جواله واتصل بـ سكرتيره وخويه بنفس الوقت *
: الو حيييَّ الله ماجد..
ماجد بدون مقدمات : ابي اتزوج!
محمد : غلطان ياخوك ماني خطابه *قفل في وجهه*
ماجد رجع يتصل عليه : وجع ليه تقفل الخط بوجهي؟
محمد يضحك : ههههههههههههههههههههههههههه مدري عنك تقولي ابي اتزوج شايفني خطابه؟
ماجد : ياخي ابي تسال عن ناس برسلك عنوانهم وكل شي انت بس اسأل عنهم كيف وضعهم ومن هالكلام؟
محمد : ولايهمك ، المهم متى بتجي محتاجك بالشركه ومنصور توه طلع يبي ينام ورائد مختفي.
ماجد : بكرا بسوي اجتماع والكل يكون موجود راح نسوي خطه جديده..
محمد : اوك كويس يلا ارجع لنا ماجد الي يحب يكسر الصفقات برأس الذيب *سولفوا شوي و سكروا من بع*
سكر ماجد وقام ياخذ له شور ولبس شورت اسود و بلوزه صفراء ولبس سبورت ابيض!
«بالصاله عند البنات 9:47 BM»
دخل ماجد وجلس وكانت ليال تضحك وتسولف مع منار وبنتها الصغيره شويه يسمعون تصفير وتصفيق!
شهد تصفر وتصفق : حركككككات ياعيني على الحب شوفي رغد لابسين سوا ياويلي بموت!
ليال انصبغ وجهها احمر انتبهت للبسهم سوا وضاعت من الاحراج..
منار تضحك : هههه خلاص بس شهد حرام عليك ليال بتموت من الاحراج..
رفع راسه ماجد يناظر ليال وانبسط : شهد لايكون حاسدتنا؟
شهد بهيام : لا بس يجنن شكلكم يارب اتزوج الحين..
رغد تحذفها بالشبشب : وجع استحي توك بالمتوسط خليني اتزوج قبلك وبعدين أحلمي بعدي..
منار ترجع الشبب وتحذفه ع رغد : ع اساس عاقله تسكتينها طلعتي اخس منها عيب استحوا قابلوا دروسكم قبل وبعدين فكرو بالزواج..
ليال هنا فطست ضحك ع شكلهم كل وحده ترمي ع الثانيه : هههههههههههههههههههههههههههههههہٓ
ماجد خق وده يقعد جنبها بس صرف نفسه لايتهور : وين الشباب؟
رغد تناظره وهي تسوي شعرها المخترب : بالمجلس الي برا عندهم عيال عمي .
ماجد كشر من طاريهم بس طنش وراح لهم..
منار بخوف : رغد قولي لامي تجي.
شهد : ليه وش فيه ؟
رغد راحت تعلم أمها ودخلوا مع بعض الصاله.
الأم سعاد : وش فيكم؟
منار : يمه ماجد راح المجلس وهناك عيال عمي.
الأم سعاد : ماعليك انا قلت لعبد العزيز يقولهم يجون.!
ليال تناظرهم مو فاهمه شسالفه؟
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم الخميس الرياض || - 10:00 BM -
¦ بيت مها ، غرفتها ¦
ندى تناظر مها : وش فيك من اليوم تتبوسمين وحالتك حاله كنك هبله؟
مها بهيام : سلمان جا من السفر.
ندى بصدمه تضربها ع ظهرها تطيح : مين سلمان يالوسخه!
مها ترفع نفسها بألم : وجع كسرتي ظهري شفيييك؟
ندى بعصبيه : لك عين تردين ترا والله اعلم امك مييين ذا الوسخ الي تقولين عنه هاااه؟
مها تجلس على الكنبه : مالت عليك خرعتيني هذا ولد خالتي اخو ليال يالهبله..
ندى :اهاااا.
مها بقهر :وجعااااه.
ندى : اسفه والله بس خفت عليك مابي يصير لك زي ليال يكفي مانبي حركات مالها داعي وعلاقات محرمه "(
مها : ماعليك انا حريصه والي صار ليال لان انتي خبله ماعلمتيني من البدايه كان قدرت اتصرف بس خلاص الي صار صار مافينا نغير الأقدار..
ندى بحزن : ليتني كنت شديده عليها يوم خبرتني بحبها وتواصلها مع ذاك الشخص!
مها : ماعليك المهم الحين ان شاء الله انها بخير وربي بإذن الله يعوضها ايام حلوه تنسى الي صار لها بالماضي.
«بيت عايلة ماجد ، 10:15 BM»
اخذ نفس عميق ودخل المجلس بهدوء وهيبه : السلام عليكم.
الكل رد السلام وجلس ماجد بصدر المجلس وصبو له قهوه..
ماجد : ايوا وعلومكم ياولاد العم؟
ولد عمه 1 : الحمدلله بخير انت علومك والحمدالله على سلامتك طولت الغيبه ياخوك؟
ماجد بهدوء مع شويه استفزاز : والله علومي تسركم واذا على الغيبه كان لازم نطول عشان بعض الناس تاخذ راحتها بالحش والنم والسب! ولا شرايك يا سرور؟
سرور بتوتر : افا ياماجد ذيك ايام اول ومضت سنين واجد مانسيت؟
ماجد : أنسى كل شي الا الي يطعن بشرفي ويكسر ظهر أبوي ويكذب علي بأقوال مالها صحه..!
ولد عمه 1 : المسامح كريم ياماجد وانا جاي الحين ابي نتصالح وتعذرنا بالي صار والحين حنا عيال اليوم..
يلتفت له ماجد : ياسعد انت عارف مابيني وبينك شي وانت محشوم ماتوصلك الشينه رجال والنعم فيك *ويناظر لسرور بقهر * لكن العتب على الي ينسى القرابه والدم ويحرق قلب عمه ويتسبب بطرد وسمعة ولد عمه عشان كم ريال!
سرور نزل راسه بـ أحراج : العذر والسموحه ياماجد كنا صغار وقتها تكفى سامحني!
عبدالعزيز يحاول يهدي الوضع : ماجد عديها هالمره ومهما كان حنا عيال عم..
ريان مقهور : عزيز من جدك؟ نسيت ان ابوي تعب ومات بسببه؟
سرور شوي ويبكي من الندم : اااسف والله اسسسف قسم بالله ماتهنيت بحياتي بسبب تأنيب الضمير اسسف سامحوني..
تدخل الأم سعاد وهي لابسه جلالها : السلام عليكم ورحمة الله..
الكل سلم وباس رأسها وجلست بينهم بالنص..
تناظر لسرور الي يبكي وماجد الي الشرر طالعه من عينه..
الأم سعاد : يلا ماجد سامحه عشان خاطر عمك الحين تعبان وحالته حاله عشانه سامحه خلونا نرجع لايام قبل..
ماجد مقهور بس يبي يتخلص من الماضي ويفتح صفحه جديده : ابشري على هالخشم *التفت لولد عمه سرور *مسامحك ياسرور بس والله لو اشوفك تسوي حركه مو عاجبتني نهايتك بيدي..
عبدالعزيز تفهم عصبيته وقام: يلا قوموا نتعشى وبعدين نكمل سوالفنا..
«عند البنات بالدور الثاني»
ليال بتردد : وش فيكم شسالفة ماجد وعيال عمكم؟
منار تصرف : ولاشي تعرفين دايم تصير مشاكل وكذا بين العوايل.
ليال : الله يعين..
شهد بقهر : كنا مفتكين منهم وش رجعهم الحين؟
منار : عيبب يابنت استحي على وجهك.
رغد : الحين بنرجع لجمعاتنا والوناسه يااااي مبسوطه..
شهد كشرت : يع اكرهم بالاخص ليلى وع الحين بتغثنا تجينا 24 ساعه..
رغد : ههههههههههههههههههههههههههه اي عشان ريان..
ليال : ماشاءالله كم عندكم عمام؟
منار تنزل تساعد امها بالتجهيزات لـ العشاء..
رغد : واحد بس وعنده ولدين و 5 بنات..
ليال :ماشاء الله كثار ههههه.
قامت رغد : بروح اجيب صورهم تناظرينهم عشان اذا جونا تعرفينهم لاتتوهقين وتنحرجين.
شهد تناظر رغد وهي رايحه : ليال
ليال : هلا شهوده!
شهد : تدرين وش سالفة ماجد وعيال عمي؟
ليال بتردد : ماله داعي اعرف ماجد بعدين بيعلمني..
شهد بهمس : لا اسمعي سالفته قضية دعاره.
ليال بصدمه :!!!!!!!!!!!!!!
***
**