الفصل الثالث
رواية لا تفلت يديّ : الفصل الخامس : يوم السبت بعد الظهر || - 1:40 BM -
¦ المستشفى ، غرفة رائد ¦
رائد بضحكه : اسف مشكور بس اقصد وينهم مالهم حس؟
ماجد : انا ماعلمتهم ماله داعي يعرفونـ..
- قطع سوالفهم دخول الدكتور وهو متوتر -
الدكتور : السلام عليكم.
ماجد ، رائد : وعليكم السلام ورحمة الله..
الدكتور يخفي توتره : ااحم ممكن أستاذ ماجد تجي معاي..
ماجد : وش صاير عسى ماشر؟
رائد بخوف : ليال فيها شي!!!
الدكتور : والله الصراحه على اساس ننتظر 12 ساعه تحت الملاحظة بس الانسه صحيت واكتشفنا شي ماكنا متوقعينه.......!
رائد بتوتر يناظر خويه ، ماجد يتنهد : عسى خير دكتور وش الي كشفتوه؟
الدكتور : تعال معاي وتعرف *يمشي*
رائد بقلة صبر : ماججد ليه ماقال قدامي وششش تتوقع يكون صار لايكون ماتت؟
ماجد مصدوم من غباءه : توك سامعه قال صحيت كيف ماتت وهو قايل انها صحيت انت خبل ، لاتفاول ماني ناقص ترى شوي وانفجر * تركه وراح لدكتور *
رائد بقهر من خويه : يالتيس وراه ماتاخذني ، تعااال..
«المستشفى ، غرفة ليــآل»
ليــآل بصراخ تدف الممرضه : ليييييه ماشششوف ليييه مطفييين الضووء افتحيييه افتحييه *تبكي بضعف تخاف يكون الي ببالها صدق*تكفيين افتحي النور انا مو عميييه انا مو عميياااء..
*ماجد بصدمه من الي شافه وسمعه مو مستوعب* : لا لا مستحيل مو صحيح *يناظر الدكتور بـ رجاء يبيه ينكر الي شافه*!
الدكتور بهدوء : مع الأسف يا أستاذ ماجد اكتشفنا ان الاصطدام اثر على المركز البصري في الدماغ..
ماجد بعصبيه :يعني!!!!!!
الدكتور بتفهم : يعني مع الاسف صار فيها عمى ، لكن للحين مانقدر نشخص حالتها هل هي عمى دائم او مؤقت..
ماجد : قصدك فتره وتشوف؟
الدكتور : ماقدر اعطيك اجابه لحالتها حتى تمر فتره على الاقل شهر لان حالياً ماراح اقدر اشخصها..
ماجد بحيره وتعب : اوك شكرا لك..*دخل عند ليال ومايدري وش بيسوي؟ وهق نفسه في مصيبه راح تقلب حياته من جديد*
- ليال نايمه بعد ماعطوها ابرة مهدئ -
: يالتيس ليه مانتظرتني؟
ماجد يتلفت للصوت : قصر حسك وش فيك؟
رائد يكمل : ليه تاركني وعارف اني ماقدر اتححرك كثير ليه ماحاملتني وجبتني معك؟
ماجد مو فاهم عقله اصلا مو فاضي : ياخي مادري عنك قاعد تخربط ، وش جابك هنا ترا انت بمستشفى مو بالبيت تاخذ راحتك وتصارخ وتتمشى!
رائد يطنشه ويعرج لين وصل لـ ليال : أخ الحمدلله مافيها شي خفت من كلام الدكتور *يتنهد بـ اريحيه ويطالع خويه وشكله مهموم*: ماجد وش فيك ياخوي ، ترا اكره لمن اشوفك كذا!
ماجد ينتبه له وبهدوء : انا بطلع اريح شويه قبل اروح الشركه اذا بغيت شي اتصل علي*طلع من الغرفه تحت انظار رائد وهو مستغرب من تصرفه*.!
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم السبت عصراً || - 4:25 BM -
¦ فلــة ماجــد ¦
ماجد ينزل من السياره على رنة جواله : الو!
: الو السلام عليكم اخوي ماجد..
ماجد بـ توتر : دانه ، اهلين وعليكم السلام ورحمة الله وبركاته.
دانه : معليش اتصلت عليك فجأه بس من امس اتصل على رائد ومايرد قلقت عليه وقلت أسألك يمكن تعرف وينه؟ .
ماجد بهدوء : ولو ياختي في اي وقت اتصلي *بكذب* و بخصوص رائد انا كلفته بسفره مستعجله خارج السعودية عشان كذا مامداه يدق عليك ويمكن انه الحين نايم..
دانه بـ راحه : اها اوك اجل يلا استأذن < قفلت الخط..
ماجد يمسح على وجهه : استغفرالله العظيم يارب سامحني * يدخل البيت وطوالي على دورات المياه ياخذ شور دقايق ويطلع *
- صوت دق باب غرفته -
ماجد وهو يلبس : ادخل ياسليم.
سليم بـ احترام : حبيت اسأل حضرتك بتريد نجهز لك شي معين للعشاء؟
ماجد وهو ينسدح ع السرير : لا ماني مشتهي شي انا بنام واذا صحيت بطلع طوالي..
- سليم يطفي الضوء ويطلع -
«بيت ليــآل 6:00 المغرب»
مريم ودموعها ماجفت من الصبح : تكفى ياعبدالعزيز دق عليه امنتك بالله تطمن قلبي عليها دق عليه بس اشوف اخبارها ولك الي تبيه *تمسك يده*تكفى ياعبدالعزيز هذي ليال ضو البيت.. *تحاول تلين قلبه* مو دايم تقول انها شمعة دنياك تكفى خليـ.....
يقاطعها بصوت عالي : اسكككتي خلاااص صمختي اذني اسكككتي ، انا قلت ماعاد عندي بنات ليال ماتتتت ماتتت واذا خالفتي اوامري والله والله لاطلقك واوريك شي ماشفتيه ، فاهمممممه!
برجفه من عصبيته : ط طيب *تطلع لصاله ودموعها سيييل..*
شافها انس وبحزن على امه: يمه تكفين هدي حالك مايصير كذا ان شاء الله فتره ابوي يهدأ ونشوف زش نسوي..
تناظره بقلة حيله : ياولدي ماباليد حيله الا اني ابكي عليها ، خاييفه عليها مادري هي وينها فيه ووين راحت ووش صار عليها وكييف اختفت *تدق صدرها بحرقه* قققلبي يحترق مو راضي يهدأ احس بنار جواتي..
- سكت أنس مابيده شي دام ابوه قال كلمته -
فهد يدخل الصاله : يمه الله يهديك ترا مايفيد الي تسويه يعني ماتعرفين ابوي اذا قال شي لازم يتنفذ ، وانا بحل الموضوع بس خلي الأمور تهدأ شوي وابشري بالي تبيه..
مريم بفرحه تضم ابنها : صدق ياولدي بتجيب ليال..
فهد بتوتر : ان شاء الله بس زي ماقلت لك هدي نفسك وكلها يومين تهدأ الأوضاع ونشوف حل..
مريم مبتسمه : ابشر راح انتظر اهم شي ترجع لي بنتي..
«المستشفى ، غرفة رائد»
رائد يناظر ساعته : اوف الساعه 8 وللحين ماتصل ماجد؟
- يفتح جواله يلقى اتصالات كثيره ورسايل -
رائد يضرب على جبهته : أففف اشلون راحت عن بالي لازم اتصل عليها الحين وادور لي حجه..
: لاتعب نفسك انا حليت الموضوع..
يلتفت رائد لخويه : اهلين ماجد وينك مالك حس!
ماجد يجلس و ينزل الاكياس الي بيده : كنت بالبيت رحت خذيت لي شور يبرد علي ونمت شوي وعلى ماصحيت والطريق زحمه عاد تعرف..
رائد بطفش : ياخي تعبت ماعاد ابي اجلس هنا متى اخرج!
ماجد بضحكه : ههه توك اول يوم باقي لك اسبوع ...
رائد بقهر : يااااليل ، الا صح وش قصدك بحليت الموضوع؟
ماجد : ايه صح زوجتك دقت علي العصر قالت وينك فيه من امس قلت لها انك مسافر بسبب شغل ضروري..
رائد بـ راحه : صدق كوويس طيب وش قلت لها اي دوله عشان اذا ارسلت لها..
ماجد : ماقلت شي محدد انت قول اي شي * سلم ع رائد وقام بيروح للدكتور*
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم السبت مساءً || - 9:00 BM -
¦ مكتب الدكتور ¦
: تفضل
يدخل ماجد : السلام عليكم..
الدكتور يرحب فيه : أهلا وسهلا وعليكم السلام تفضل اجلس..
جلس ماجد ووجهه نظره للدكتور : ايوه يادكتور قولي كيف حالة ليال؟
الدكتور : الحمدلله نفسيتها تحسنت شوي من بعد الصدمه..
ماجد : طيب متى تقدر تطلع؟
الدكتور : اممم يومين بالكثير لان خلاص كل شي بحالتها مستقر بس تجيبها بعد اسبوع نشيك ع جرح العمليه ونفك الجبس..
ماجد توهق : طيب لو تقعد هنا فتره اسبوع احتياط يعني عشان لاتتعب نفسيتها؟
الدكتور : لالا مايحتاج بالعكس اذا طلعت بتتحسن نفسيتها وجودها بالمستفشى بتتعبها اكثر..
ماجد : طيب يعطيك العافيه..
- طلع من عند الدكتور وهو يفكر وش يسوي! -
ماجد : بروح عندها واشوف يمكن عندها حل!
«المستشفى ، غرفة ليال»
" ليال من صحيت وهي ساكته فقط صراعات في تفكيرها تساؤول استفسار خوووف شتااات كل شي تحس فيه إلا الأمان السعاده الاطمئنان!"
- الباب يدق ويدخل ماجد بهدوء -
ماجد يناظر فيها *عيونها ذبلانه شعر متناثر ونصه تحت الجبس يناظر ليدينها باقي فيها آثار الخدوش يحاول يتعمق في نظراتها بسس! باااين التعب والحزن والضياع فيها"
يكلم نفسه : اخ كيف افتح معها الموضوع!
يثبت خطوته و أحمم : السلام عليكم ، كيف حالك ليال؟
ليال تلف عيونها لـ الصوت المألوف بسس ظلاااام : ا انت ممين؟
يغمض عيونه بقهر على حالها : احم انا ماجد..
تحاول تتذكر ماجد مين؟! : مين ماجد.؟
بصدمه لايكون جاها فقدان ذاكره : ليال انا ماجد صاحب الاستراحه الي كنتي فيها...<< يحاول يذكرها
ليال عرفت : اهاا اي اي عرفت "تمد يدها بتجاه صوته وعيونها تدمع" : تعاال تكفى تعااال "صوتها يرتعش علامة البكاء"
ماجد حزن عليها وقرب وجلس قريب منها : ليه البكاء الحين..
ليال تمد يدها لجهة صوته تحاول تمسك ذراعه : انا خايفه ماشوف الا سسسوواد "تشد على ذراعه" احس اني بمكان مرعب صرت اسمع اتفه الاصوات كأن سمعي صار اقوى..!
*ماجد بحرج وتوتر من تصرفها ماعمره تقرب من اي كائن نسوي؟ * أحمم : اا شسمه عشان الحين ماتشوفين فاصرتي تركزين بأي صوت عادي ان شا الله خير..
"يحاول يقوم بسس تششده بقوه" : لالاالا ترووح تكفى..
توهق ماعرف كيف يتصرف، شوي تذكر: بسألك اذا ممكن..
ليال : ايش فيه؟
ماجد مايدري كيف يبدأ : اامم عندك اقارب هنا بالرياض؟
ليال بتساؤول : اي ليه؟
ماجد : عشان بتطلعين من المستشفى بعد يومين ولازم تروحين لاحد مايصير تقعدين هنا..
ليال : ليه اروح عند اقاربي ، بروح لأهلي معي العنوان اذا قصدك ماتعرف.
ماجد بوهقه: شوفي بقولك كل شي * حكى لها كل شي صار من لمن وصل لأهلها لين راح*: وبس للحين ماحد دق علي!
ليال بهدوء عكس توقعات ماجد : طيب اذا صار وقت خروجي بعطيك عنوان خالتي عشان توديني لها."فكت يدها منه وانسدحت بهدوء واخذت وضعية النوم"
* انصدم ماجد من ردها يحسب انها بتبكي وتصارخ بسس؟ تركها وطلع رايح للشركه لأنه ماراح من الظهر*
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بعد يومين ، الثلاثاء العصر || - 3:00 BM -
¦ المستشفى ، غرفة ليال ¦
ماجد يدق الباب : ليال يلا بنزل انتظرك بالسيارة..
ليال من ورا الباب تلبس الطرحه : انتظر الحين جايه لاتروح.
ماجد توه يستوعب ويضرب راسه : ياربي نسيت انها ماتشوف كيف بتلحقني..
ليال تفتح الباب وتمد يدها تدور ماجد : ماجد..
ماجد يمسك يمسكها : يلا ننزل.. * متوتر من الوضع لين متى بمسك فيها *!!
-دخلو السياره قالت له بالعنوان واتجهوا على بيت خالتها-
«بيت الخاله الساعه 4 ونص»
وقف السياره ونزل يدق الباب ويدق يدق بسس مافي جواب!
رجع لعند ليال : متأكده هذا بيت خالتك؟
ليال : عطيتك العنوان ببالضبط بس زي مانت شايف انا عميه شلون تبيني اعلمك؟
ماجد بقلة صبر : ياليل الوهقه وشلون الحين؟
ليال تضايقت بس مابينت : الباب لونه ذهبي؟
ماجد : اي والبيت ثلاث طوابق وجنب الباب شجره
ليال : طيب نفس ماقلت لك ارجع دق مره ثانيه..
-مر من عنده شايب وقفه ماجد-
ماجد : لو سمحت ياعم هذا مو بيت ****؟
الشايب : اي صحيح بس ياولدي هم مو موجودين.
ماجد بوهقه : من جدك طيب تعرف وينهم فيه ومتى يرجعون؟
الشايب: والله يابوك راحو أمس لعند اقاربهم بالحي *** عندهم حالة وفاة وماظنتي بيرجعون في اليوم..
ليال بصدمه : مممين مين ماتتت مين الي ماات ، "تمد يدها تدور لماجد " ماااجد ماااجد سمعت الي سمعته تعااال وينك
-يناظر لها بصدمه من الي سمعه ورجع بسرعه يركب السياره-
ليال تبكي : وديني لأهلي تككفى مااجد..
ماجد يحرك السياره لبيت ليال..!
«بيت ليال»
حوالين البيت الناس مليانه وسيارات >طبعاً ماجد يشوف هالشي..
ليال تفتح باب السياره يمسكها ماجد : انتظري.!
ليال بدون صبر : ابي انزل تكفى..
ماجد : انتظري بنزل اشوف شسالفة واوعدك ارجع اخذك..
ليال بقلة حيله : طيب..
- نزل ماجد وراح لين وصل لعند رجال يسولفون-
ماجد :السلام عليكم ورحمة الله..
الرجال : وعليكم السلام ورحمة الله وبركاته..
ماجد يناظر حوالينه : عسى ماشر وش صاير هنا ، تبون مساعده ولاشي!
واحد من الرجال : سلمت ، ابد بس حكمة ربك صارت عندهم وفاة وبعد شويه الدفن ودك تجي تصلي معنا تاخذ اجر..
ماجد بتوتر : لاحول ولا قوة الا بالله مين الي مات..
واحد من الرجال يكلم خويه : يابو سعيد اي وحده ماتت الصغيره والا الكبيره الله يرحمها..
ابو سعيد : مدري ياخوك بس يقولون ماتت بحادث الله يرحمها..
صوت من وراهم : اسمها ليال عد مدري كبيره أو صغيره..
-ماجد بصدمه يرجع للسياره وبيمشي بسرعه-
ليال تحس بحركة السياره : مااجد وووين نروح..
*ماجد للحين مصدوم خلاص انتهت من حياتهم طلعوها ميته* يناظر لها وبهدوء : بوديك بيتي واعلمك كل شي..!
.
***
**
رواية لا تفلت يديّ : الفصل السادس : «بيت ليال»
*ماجد للحين مصدوم خلاص انتهت من حياتهم طلعوها ميته* يناظر لها وبهدوء : بوديك بيتي واعلمك كل شي..!
ليال بتوتر: وششش صاير؟ مين ماات تكفى رجعني ابي اشوفهم " تمسك يده تترجاه" ماجد رجعني ابي اهلي..
ماجد بقهر : ياههبله ماحد مات ولاحد يبيك بلاش تفكري بـ أحد غيرررك *يوخر يدها ويناظر الطريق بقهر*
ليال بفرح : صدق ماحد مات كلهم طيبين ، شكل الشايب الي لقيناه مافهم السالفه يحسب خالتي راحت عزا الحمـ...
ماجد شوي وينفجر : انا اكره الناس الطيبه الغبيه *بقهر* خليك واعيه افهمي شويه كلامي لاتخلين الطيبه والغباء يتحكمون فيك *بعصبيه*اصحححي فتحي عقلك..
ليال بخوف : ط طيب مم ماقلت شي انا.
ماجد يتنهد وبهدوء : خلينا نوصل البيت وبعدين نتفاهم..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم الثلاثاء مساءً || - 5:46 BM -
¦ فلـــــة ماجـــــد ¦
<بيت ماجد عباره عن فله صغييره جدا ~ لأنه يعيش لحاله ماكلف على نفسه يسكن في فلة اكبر رغم انه يملك فلل ثانيه كبيره ومتوسطه بسس يخليها للحفلات والمناسبات اما فلته هذي غير صممها تكون خاصه فيه فقط بدون مايزعجه احد! ~..
¦ فلـــــة ماجـــــد ¦<بيت ماجد عباره عن فله صغييره جدا ~ لأنه يعيش لحاله ماكلف على نفسه يسكن في فلة اكبر رغم انه يملك فلل ثانيه كبيره ومتوسطه بسس يخليها للحفلات والمناسبات اما فلته هذي غير صممها تكون خاصه فيه فقط بدون مايزعجه احد! ~
اوووه! هذه الصورة لا تتبع إرشادات المحتوى الخاصة بنا. لمتابعة النشر ، يرجى إزالته أو تحميل صورة أخرى.
......
دخل ماجد شوي يسمع صوت صرخه خافته*يلتفت وراه ويضرب راسه *: معليشش والله نسيت انك *بلع ريقه مايبي يقول عميه! مسكها بشويش وقومها ودخلها معاه البيت *
ليــآل : ماصار شي "تجلس بهدوء على الكنبه"
ماجد : احم ااا شسمه.!
ليــآل : قول وش عندك متوتر؟
ماجد : اهلك اعلنو وفاتك..
ليــآل : شنو! كيف أعلنوا وفاتي؟
ماجد بدون مقدمات : يابنت الناس اقصد يعني انهم سوو عزا على اساس انه صارلك حادث وتوفيتي فيه واليوم صلاة الدفن.
ليــآل بصدمه : مومعقول اكيد انت فهمت غلطت ، لا مستححيل!
ماجد : لا مافهمت غلط هم بنفسهم قالوها الي توفت بنت اسمها ليال..
ليــآل تبكي : شلووون امي تسمح لهم امممي مستحيل تفرط فيني مستحيل تنساني..
ماجد : مثل ماانتي فرطتي في اهلك عشان واحد غريب ، الدنيا تدور ياليــآل..
ليــآل بحزن : الندم بياكلني والله ندمانه بسسس ليه مايعطوني فرصه انا غلطت مانكر بس يعني "سكتت"
ماجد بهدوء : ماعليك ان شاء الله فتره وتعدي و بيتي مفتوح متى مابغيتي اجلسي ليين تلقين حل..
ليــآل : مايصير..
ماجد : ليه ، اصلا مافي مكان تروحيه وكمان بوضعك الخاص صعبه تقعدين فمكان لحالك!
ليــآل بعد صمت : انا أعرف وين اروح!
ماجد : وين!
ليــآل بهدوء : الدار..
ماجد مافهم : كيف.!
ليــآل بحزن : دار الرعايه للبنات..
ماجد يناظر لها بصدمه : مستحييل!!
ليــآل تناظر بضياع بإتجاه صوته: لييه! وش المستحيل؟ انت ماتقرب لي شيء عشان اجلس معك أو ببيتك!! واهلي خلاص تبرو مني واصلا على حالتي ذي كمان ماراح يستقبلوني ، انا جنيت على نفسي وخلاص لازم اتعود اعيش لحالي.
ماجد : فكري زين انا سمعت ان المكان هناك مافيه رعايه كافيه ، واذا عشاني انا اصلا اقدر انام في بيتي الثاني وانتي اجلسي هنا ماحد بيتعرض لك لين نشوف حل لوضعك.
ليــآل وعيونها تغورق: ماجد لاتعاملني كذا.!
ماجد مستغرب : كيف عاملتك مافهمت؟
ليــآل بصوت باكي : لاتشفق علي انا مو محتاجه وضعي خاص اعرف بسس انا مابي حد يشفق علي "تبكي بتعب ماتدري حتى كيف تخبي نفسها ماتحب احد يشوفها تبكي بس الحين وضعها اختلف.!"
ماجد انقهر على حالها يعرف وش تحس فيه : خليك هنا اسبوع وبعدين نشوف حل ، بروح اجهز لي شنطه لاغراضي وامشي..
ليــآل بخوف : لا لالا
ماجد : وش فيك؟
ليــآل بخوف : لاتخليني لحالي ماعرف اتصرف ماشوف شي..
ماجد ضحك : هههههه هبله تحسبيني خبل اخليك لحالك؟
ليــآل :توك تقول بتجهز اغراضك وتروح؟
ماجد : ماعليك انا كلمت وحده تجي عندك تجلس معك وتراعيك طول جلستك بالبيت ، لا تخافين مابروح لين تجي.
ليــآل دمعت : مشكور على الي تسويه عشاني "تدنق برأسها خجلانه" ماحد من اهلي ممكن يسوي الي تسويه لي..
ماجد بهدوء : الله يعين ، يلا اتركك بطلع اريح شوي واجهز اغراضي ، لاتشيلين هم مابروح لين مساعدتك تكون هنا ..
- ماجد طلع لغرفته و ليــآل تحسست مكانها ونسدحت تريح شوي -
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم الثلاثاء مساءً || - 6:30 BM -
¦ بيت أهل ليــآل ¦
الخاله وهي تهدي مريم : ياختي اهدي الله ارحم لها منا راحت له ومالنا الا اننا ندعي لها..
مريم تبكي بحرقه : حرموووني منهااااا موتوووها غصب حرموني من. ريحتهااا من حنااانها..
الخاله مو فاهمه شي على بالها تتكلم من الحزن : ياقلبي ياوخيتي مايصير تعترضين على حكم ربك استغفري و قومي توضي وصلي...
- مها للحين مو مصدقه من يوم قالوا لها ليال توفت وهي ساكته -
الخاله تناظر لبنتها : مهاوي حبيبتي لاتخوفيني عليك تكفين تكلمي قولي شي..
^ انفتح الباب بقوه وتركض تدور بالبيت وهي تصارخ..!
: ليـــااال ليـــااال وووينك تكفييين اطلعي وقولي كذببب قولي انه مقلب ليـــااال!!!
مها تناظر لجهة الصوت وتنفجر : نــــدى نــــــــــدى أهئ أهئ *تركض تضم صديقتها ويبكون سوووا*..
تناظرهم مريم بحرقه : حسبي الله ونعم الوكيل فيك يا عبدالعزيز!!!!!
ندى تروح لأم ليال : خالتي تكفين قولي انه كذب صصح ليال تسوي فينا مقلب اعرفها تحب تمقلبنا داييم *تبكي بصوت يقطع القلب حتى الرجال سمعوها* خالتي تكفيين قوليلي انها تكذب علينا!
مها بحزن : ندى قومي انا شفتها بالكفن خلاصص صار حقيقه مو بكيفنا نعترض..
ندى بقهر تبعد مها : لااا مستحيل انا ماشفتها *تناظر مريم* خالتي تكفين ابي اشوفها ابي اسلم عليها قبل عشان اتاكد!
مريم بهدوء : خلاص تقبلي الوضع ليال راحت حرمونا منها ماعاد بنشوفها بعد اليوم *ببكاء وقهر* راحت بكيفها ولا قالت لي ولا استاذنت مني والحين حرموني منها!!
- ندى ومها قاعدين بـ هم ويبكون بصمت -
«مجلس الرجال»
عبدالعزيز بجمود : فهد فهد *يلتفت له* تعال..
فهد يروح لـه: هلا يبه امر؟
عبد العزيز : روح لأمك قولهم يسكتون فضحونا!
أنس بقهر : يبـــه أقلها خليها تبكي عليها لاتحرمها من ذا كمان ..!
عبدالعزيز بعصبيه وبصوت واطي : انا ماكلمتك ، ومره ثانيه اذا انا وخوك نتكلم انت تسكت...
-انس يطلع من المجلس بقهر يتجه لمدخل المطبخ ويطلع لغرفته-
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم الثلاثاء مساءً || - 7:00 BM -
¦ فلـــــة ماجـــــد ، المكتب ¦
ماجد وهو يرتب اوراقه المهمه الي يحتاجها يدق جواله: الو
رائد : السلام عليكم ، اخبارك ياخوي وينك مختفي ولاتسال؟
ماجد : وعليكم السلام معليش والله انشغلت وصارت شغلات ماتوقعتها لخبطت اموري..
رائد بتساؤول : عسى ما شر وش صاير معك؟
ماجد يطمنه : ماشر ماشر بس بخصوص ليال واهلها..
رائد باهتمام : اي بشر وديتها لاهلها ووش قالوا؟
ماجد بحزن وهو يتذكر : لا والله مع الأسف..
رائد : خير وش صار أجل؟
- ماجد حكى له كل شيء -
رائد بقهر : حسبي الله عليهم من أهل وش ذا ماعندهم احساس؟
ماجد : الله يعين وكمان لاتنسى هي غلطت وهربت مع واحد بالله تبغاهم ياخذونها بالاحضان؟
رائد بعصبيه : لا والله بس مو يسوون عزا ويطلعونها ميته؟
ماجد : ياخي ماعلينا انا الحين مشغول بقوم اجهز باقي اغراضي عشان اطلع..
رائد : الله يجزاك خير اشهد انك كفو..
ماجد : يلا يلا فارق ماني فاضي لك.!
رائد : الشرهه علي امدحك ولا انت مو كفو احد يعطيك وجهه!
- ماجد يضحك ويسكر الخط بوجهه -
دخل غرفته يكمل باقي اغراضه فجأه : اااااااااااااااه
***
**
*