❴🔢❵☟الــبــــــ❴ 6️⃣ ❵ـــــــارت☟
*عــالــم الـــقــصـص والــروايــات🩶📚🖋️*
*❴📖❵↵عــشــق الأســمــر🤎*
*❴🔢❵الـــبـــ❴6️⃣❵ــــارت*
〰️〰️〰️〰️〰️〰️〰️〰️〰️〰️
كانت حنان قاعدة بالمطعم مع صهيب وأمو…
صهيب: بقي ناقصكن شي
حنان: لا
ام صهيب: ليش ابني العرس ايمت…
صهيب: مو باقيلو كتير… عن قريب فترة أسبوع
حنان: مو قريب كتير
صهيب: انا حاسو عن سنة هل اسبوع…
خجلت حنان ونزلت راسا بالأرض… وام صهيب عم تتضحك عليهن
صهيب: نمشي
حنان: اي
دفع لحساب وطلعو من المطعم… وصهيب عيونو على حنان
حنان: صهيب طالع قدامك رح نعمل حادث…
صهيب; كيف بدك ياني طالع قدام… وانتي موجودة…
ما حكت شي حنان اكتفت بابتسامة خجل…
ام صهيب: أبني على مهلك على البنت خجلتا…
وقف السيارة قدام بيت حنان ونزلو… فتح صندوق السيارة عم يطالع كيس لتياب… .
وحنان عم دخلن للبيت…
ام حنان: تفضلي شربي قهوة
ام صهيب: لا بدنا نمشي
ام حنان: ليدخلو لتياب بنكون شربنا القهوة…
كان عبادة واقف قدام المعهد عم ينتظر ربا للتطلع… وبس طلعت مشي بعدا وندهلا
عبادة: ربا
ربا: عبادة شو عم تعمل هون
عبادة: ربا انا بحبك افهميها بقى بحبك
ربا: وانا شو المطلوب مني اعمل احكي
عبادة:
ربا: ليش سكتت احكي لك ازا أبي رفضك… قلو بابا بعتذر منك بس عبادة بحبني وانا بحبو… .
سكتت وبلعت كلاما بس قالت بتحبو… وخدودا توردو بالون الأحمر… كانت اول مرة بتقولا
عبادة بفرح: شو قلتي
ربا :
عبادة: كنت بعرف انك بتحبيني…
ربا: بس حبي الك ما رح يغير شي…
عبادة: بس اعطاني أمل انك رح تكوني الي… وازا ما كنتي الي ما بسمح تكوني لغيري…
ربا: عبادة ابي رفضك عم تفهم… يعني الامل مو موجود
عبادة: رح ابعت اكبارية الضيعة كلا لعند أبوكي… وبدي شوف كيف رح يرفض هل مرة
ربا: رح ترجع تتقدملي مرة تانية
عبادة: تانية وثالثة ورابعة… لوقت يمل ابوكي ويوافق…
ربا: انا صار لازم امشي تاخرت للبيت باي…
تركتو ومشيت وعبادة رجع لبيتو ───────────────────────
كل عيلة ابو العز مجتمعين عند ميس عم يباركولا بولادة…
رؤى: ماما أوس أختك سيلا وينا
تسنيم: يا الله من حنانك يا رؤى… دائماً قاعدة وقلبك على ولادك
رؤى: بحس روحي مو مرتاحة ازا ما اطمنت عنن كل شوي…
رنا: الله يحميلك ياهن
رؤى: تسلميلي انشالله عقبال ما نفرح فيكي…
دخل اسمر وقعد مع جنب رنا…
اسمر: موصين انشالله… .
اطلعت فيه رنا وزورتو… واسمر ابتسم بوجها
رنا: لسى بكير
أسمر: مين قال بكير
تسنيم: والله مرتك
حضن أسمر رنا وضحك
أسمر: ازا رنا عادي مو مشكلة منتافهم بالغرفة…
ياسر: لك عمي انتي كيف قادرة تعيش مع هل بني آدم…
أسمر بعصبية : مو عاجبك ياسر افندي… .
ياسر: لا والله مو عاجبني… شو بدك تعمل .
ابتسم أسمر وزبط قعدتو..
أسمر: الحمدالله اني مو عاجبك لانو زوقك ما بيعجبني هلق تأكدت اني حلو وانت غيران مني…
الكل: هههههههه
ياسر: انا بدي غار منك يا صايع
أسمر: ورح تموت من غيرتك
ياسر: اي والله بدي غار من قميصك يلي مفتوح نصو… .وبنطلونك يلي تحت خصرك بشر… يا أبو البنات
اطلعت رنا فيه بصدمة وكأنا حست بنوع من الغيرة…
رنا: امم ابو البنات شو قصدك عمي…
ياسر: شو أسمر افندي افتح دفترك الحضاري…
أسمر: وما تفتحو رح بتخوفني… رنا عقلا كبير وما بتزعل من هيك شغلات قديمة وما الا معنى… مو هيك حياتي
ما حكت شي رنا بس في شي بقليا تشكل ما عم تعرف انو هاي غيرة…
تسنيم: يمكن انصدمت…
رنا: عن ازنكن ..
أم العز: شو الو لزوم هل حكي يا ياسر…
ياسر: ما كنت بدي احكي بس ابنك ابو لسان هيك بدو
اما أسمر انبسط كتير وتأكد انو قدر يحرك مشاعر رنا من جديد…
رغد: بتكون زعلت أكيد…
أسمر: انا طالع شوفا ..
طلع اسمر كانت واقفة لحالا بالحديقة… ما كانت منتبها لوجود أسمر… فجأة داخت وكانت رح تسقط بس أسمر مسكا بأخر لحظة… دفشتو عنا بعيد مو قابلة تتطلع فيه
أسمر: انتي مو منيحة
رنا: ما دخلك فيني ..ازا بتشوفني ميتا أقدامك ما بطالع فيني
أسمر: امم وليش بقا
رنا: لانو ما دخلك فيني
أسمر; ومين قال ما دخلني فيكي
رنا; ما صير عدد زايد عليك خليك ملتهي بالبنات تبعك… وتترك مني انا
أسمر: ايوو انتي غيرانة… علي ما هيك
اطلعت فيه رنا بنظرة كلا غيظ…
رنا: أسمر بطالع روحك واللهي
أسمر: ههههههه يعني انتي من جد غيرانة ما عم صدق…
قربت ممو رنا وضربتو على كتفو
رنا: وليش بدي غار عليك لا تكون مفكر حالك حلو… او بتعنيني يا سمح الله….
ضما سأمر الو وقرب عم يهمس بأذنا…
أسمر: بعنيكي كتير لدرجة بس سمعتي اسم البنان بحياتي ما تحملتي وطلعتي فورن….
رنا واقفة ما تحركت أبداً… .وحكي أسمر علق بأذنا يلي اجا على الوتر وعزف من نفس الاقطوعة… رنا تدايقت ونزعجت كتير…
رنا: ما بتعنيني بشي يا أسمر…
رفع راسو وطالع بعيونا… بس رنا بعدتت عيونا عنو… مسك وجها ورجع طالع بعيونا من جديد…
رنا: تركني ما بدي طالع فيك…
أسمر: ليش بتضعفي قدام عيوني… ما بتقدري ما هيك حبك الي يلي عم تحاولي تخفيه… رح ينفضح ما هيك بنت نمر. ..
اطلعت فيه رنا بتمعن ودققت بعيوني العسليات… وبشرتو السمرة وكيف انجذبت الو بعد كل شي عملو كرمالا وقلبا بدء يدق بقوة…
رنا بقلبى: بكذب ازا قلت ما فكرة فيك.… وعيونك يلي بيسحروني… انت حلو وجذاب يا أسمر ورنا رنا بتحب….
صحيت من شرودا قبل ما تقول كلمتا… حتى لنفسى ما بتقدر تعترف ولساتا مصرة ترفض الحب… .
رنا بأبتسامة:وليش لكون ضعيفة… وما طالع بعيونك
أسمر: لأنك رح تضعفي وينكشف حبك الي…
نزلت رنا عيونا :بس انا ما بحبك وما رح حبك…
رفع أسمر وجه رنا واطلع بعيونا.… .
أسمر; احكيها وانتي بطالعي بعيوني… قولي ما بحبك أسمر
رنا: ما بحبك أسمر ما بحبك… بكفي تخدع حالك وتتوهم بحبي الك…
أسمر: مو مشكلة ازا هلق ما بتحبيني ..عن قريب كتير رح بتحبيني…
مشيت رنا وقعدة بالحديقة مشي أسمر وقعد بحدا…
رنا: ما رح حب وازا فكرة حب ما رح حبك….
أسمر: وليش ما رح تحبيني…
رنا: ما بقبل بواحد كان عندو علاقات قبلي… بدي كون اول واخر علاقة بحياتو…
أسمر: ومين حكالك كان عندي علاقات قبلك…
اطلعت فيه رنا وحكتو والعقدة بين عيونا….
رنا: أسمر ما تفكرني بنت صغيرة ..لسى قبل شوي أخي ياسر كان يحكي عن علاقاتك بالبنات…
أسمر: ههههههه وبتقوليلي مو غيرانة وانتي رح تموتي من غيرتك…
رنا: مو غيرانة أسمر مو غيرانة… .
أسمر:غيرانة
رنا: مو غيرانة
أسمر: لا يا سيدي غيرانة ومقهورة كتير
رنا: أسمر عم احكيلك مو غيرانة وليش لغار وانت ما بتهمني… وشو عرفك اني غيرانة
أسمر: الغيرة مؤلمة كتير يا رنا والدليل هو… بس تتعلقي بشخص!! وتتعلقي بتفاصيله وكلامه!!… تبدأ بالخوف عليه وبتريديه الك وحدك… ما بتريدي حدا غيرك يحكي معه! … وما يضحك مع حدا غيرك !!وبتنزعجي بس تعرفي انو عندو علاقة مع غيرك… .وهاد كلو ازا صار بكون غيرة… .
رنا: ما بغار عليك
أسمر: اي صدقتك انا… .بس انا علاقتي بالبنات كلا سطحية…
رنا: اي منيح انشالله مبسوط انت بعلاقاتك
أسمر: اي مبسوط بتلاقي بهل شغلة متعة والبنات غير شكل بصراحة
رنا: لا ماشالله صريح كمان… مع كم وحدة كنت تتسلا
أسمر: كتير ما بعرف قديش…
رنا: ماشالله… ماضيك حضاري
أسمر: ايه هديك الايام غير شكل والله
كان عم يحكي هيك كرمال رنا تغار…
رنا: وما بتستحي وانت عم تحكيها…
أسمر: وليش لا استحي يا حياتي بس لا تكوني غيرانة…
رنا: مو غيرانة بس ما تنسا قاعد مع زوجتك… وعم تحكيلا عن ماضيك انت وصاحباتك…
أسمر: ليش انتي مدايقا من هل موضوع.… ازا بدايقك ما بحكي انا
رنا: لا مبسوطة كتير مو شايف ضحكتي… ليش لحتى ادايق
أسمر: اممم شايفا ..
رن موبايل رنا كانت حنان… وأسمر تركا ودخل
رنا: اهلن حنان
حنان: شو وينك مو مبينا…
رنا: ما بعرف تعبانة شوي كرمال هيك…
حنان: لك انا محتاجلك…
رنا: صاير شي معك…
حنان: لا انتي ليش معصبة
رنا: مو معصبة انا مين حكالك انا معصبة…
حنان: لا معصبة من صوتك اعرفت… احكيلي ليش
رنا: حنان مو ناقصك انا بكفي هداك يلي رح يجبلي السكتا…
حنان: من شو
رنا: لك واحد قليل زوق ما بيفهم…
حنان: شو عملك… احكيلي
رنا: لك حنان تخيلي عم يحكيلي عن علاقتو… بالبنات وكيف كان مبسوط بهديك الأيام… وقال يا ريت ترجع.. يرجع عليك عزرائيل يارب…
حنان: هههههههه رنا انتي غيرانة
رنا: وليش بدي غار عليه… انشالله مو زوجي وما معي خبر…
حنان: اي والله زوجك
رنا: بطيخي بس ما بحبو ولا بطيقو… ليش بدي غار عليه
حنان: كزابة انتي بتحبيه
رنا: ما بحبو وتركيني من سيرتو…
حنان: تمام ما تجني انتي
رنا: ايمت اتفقتو موعد العرس…
حنان: الأسبوع الجاي…
رنا: ايه تمام كيف شعورك…
حنان: مبسوطة صهيب ما عم يحسسني بأي شي… كتير مبسوطة كتير معو مو مصدقة وقت نكون مع بعض…
رنا: الله يبعتلك أيام حلوة ..
حنان: وانتي حبيبتي
سكرة رنا الموبايل وطلعت لفوق… حاسا حالا كرهانتو لأسمر بشكل مو طبيعي… بس بدا تتخانق معو ..دخلت الغرفة كان نازع تيابو ونايم على التخت كل عادة… قربت رنا منو من دون ما طالع صوت… واجت ببالا فكرة قربت من أيدو وعضتو عضة قوية… صرخ أسمر وتجلس…
أسمر: لك الله يلعن *
رنا: خرجك الله لا يقيمك
أسمر: ليش هيك اعملتي
رنا: ما دخلك
أسمر : انتي من ايمت صايرا مولدنة… وتعملي هل حركات ..
رنا: من عاشر القوم أربعين يوماً صار منهم… أسمر افندي وانت روح قلبك الولدنة…
أسمر: اممممم قوليلي لساتك مقهورة وبدك تفشي غضبك بأي حدا بطلع بوجهك…
رنا: كمان ما دخلك ما تخليني هلق ارجع اعملك شي
أسمر: ازا ناقصك لحمة في تحت بالمطبخ .. احسن ما تاكليني انا…
رنا: امم مفكر حالك عسل لحتى اكلك…
اشر أسمر على مكان عضة رنا…
أسمر: وهاد أكبر دليل… ..اني عسل
رنا: واطي مو بأيدك
أسمر: خليت الكعب الك انا ما بحب العالي الواطي بناسبني…
رنا: هاهاها ما بتضحك عفكرة…
أسمر: وانا ما حيكت كرمال ضحكك…
رنا: بعدلي بدي نام ..
أسمر: ما تنامي مين ماسكك
رنا: انا هون بدي نام
أسمر: هاد مكاني انا ..
رنا: وانا بدي نام فيه شو دخلك بعدلي هيك…
أسمر: صاير شي بعقلك هاد مكاني انا ما رح بعدلك… ليش عم تنكشي على المشاكل
رنا: هيك جاي على بالي اعمل مشكلة
أسمر: لكان روحي لعند غيري… انا بدي نام ..
رجع تسطح مكانو ونام… ورنا من عند الله مشتهيا تخانقو قربت منو ودفشتو من كتفو… تسطح على ضهرو وحط أديه تحت راسو… عم يطلع برنا وكيف متجاكرة
أسمر: عم صبر حالي عليكي كتير
رنا: ليش منزعج قوم وريح حالك انا بدي نام هون…
أسمر: استغفر الله
رح للجنب التاني من التخت ونام… رنا اطلعت فيه بغل انو كمان ما عم يعبرا…
رنا: خلص ازا بدك تنام مكانك روح نام راحت النعوسة… .
رفع اسمر راسو عم يزور فيها…
رنا: ليش عم تتزورني.…
أسمر: انتي شو بدك من الاخير
رنا: بدي طالعلك خلاقك وخليك تجن…
أسمر: خليني نام لانو ازا ما بنام بدي ورجيكي لجنان الأصلي.… .
رنا: لا دخيلك خوفتني ما تقولا…
أسمر: يعني ما بنام اليوم انا
رنا: وحياتك ما رح خلي عينك تغمض دقيقة… .
أسمر: اوووف
تجلس وتربع بنص التخت…
أسمر: ما بقى بدي نام…
رنا: ايه كتير منيح
أسمر: بس بدي اعمل شي تاني…
رنا: اخد راحتك
مسك أسمر موبايلو عم يدور بين الأرقام على شي… وبس لقى الرقم أبتسم بنصر ...
كتب رسالة وبعتا للرقم…
أسمر: كيفك حياتي شو أخبارك حاكيني اتصال فيديو بسرعة في شي بدي خبرك فيه… ..
رما اسمر الموبايل ودخل للحمام غسل وجهو وطلع… ورنا قاعدة على التخت عم تتطلع فيه وبالوشم… يلي برقبتو كان عاجبا كتير ما عم تعرف شو يلي عم يصير معا… مشي وتعمد يقعد مع جنبا على التخت… بعد بشوي رن موبايل أسمر باتصال فيديو… فتح الخط واجا صوت البنت ..
أسمر: كيفك. سوسو
سوسن: اهلن سمورة كيفك يا حب… .
اسمر: مشتاقلك…
سوسن: يلي بشتاق بيسئل وين هيك ما بقى شفناك…
أسمر: هلق شو بدك فيني خلينا فيكي لك انتي شو عاملا بحالك… حليانة يا بنت صايرة بتجنني…
ورنا طار عقلا بس شافتو عم يحكى معا
رنا بعصبية: أسمر سكر الموبايل
سوسن: سمورة مين يلي عم يحكي معك
أسمر: ما تهتمي ما حدا… اي احكيلي شو عم تعملي بدي اجي لعندك مشتقلك كتير حاكم… .
رنا: أسمر سكر هل بطيخ يلي بأيدك…
ما كان أسمر عم يرد عليه جنت كتير وقفت وسحبت الموبايل من أيدو…
رنا: اسمعي ولي يلي شكلك بيشبه القرد الشمبانزي ..هاد الرقم ما بقى تتصلي عليه وازا تكرر واتصلتي بدي طالع روحك بايدي عم تفهمي…
سوسن: مين انتي وسمورة وينو
رنا: سمورة بجهنم يلي تاخدك وتريحنا من قرفك… يا ****-
وأسمر قاعد على التخت وكاتم ضحكتو… وبدل رنا ما تنرفزو قدر هوا ينرفزا…
سكرة رنا الموبايل وطالعت فيه… بعصبية وعم تهز برجلا
رنا: مين هاي ال* ***
أسمر: وانتي شو دخلك… لا كون بهمك
رنا: أسمر عم الك مين هاي جاوب على سؤالي…
اسمر: صاحبتي منيح هيك
رنا: صاحبتك ما
أسمر: اممم صاحبتي.
رنا: ما بقى تحكي معا عم تفهم…
أسمر: مين قال
وقف ومشي لعند خزانتو عم يطالع تيابو
أسمر: رايح لعندا اصلن هناك باخد راحتي بكل شي… .
رنا: بذبحك وما بخليك تروح لعندا…
أسمر: وبصفتك شو بدك تمنعيني ..
رنا: بصفتي زوجتك ..
أسمر: بس انا ما بعتبرك زوجتي والأحسن الك تشوفيني هيك…
رنا: أسمر ما رح تروح لعندا عم تفهم…
خلص لبسو وقف قدام البيرو زبط تسريحت شعرو… ورش البارفان وكان رح يطلع بس رنا وقفت قدام الباب… .
رنا: ما رح تروح لعندا.…
قرب أسمر لعند رنا وباسا من خدا… .منظرا كان عم يخليه يعشقا وطريقة غيرتها عليه خلتو يجن… .
أسمر: رح روح
بعدا من طريقو وطلع من الغرفة … ورنا ما بتسمحلو بهل سهولة…
رنا: ما بسمحلو يروح لعندا لو بدي اقتل حالي
مشيت لعند البيرو ورفعت ايدا… وضربت لمرايا فيها… .صوت تكسير قوي وأيد رنا كلا دم
رنا: اااه
كان اسمر نازل على الدرج بس… .وقت سمع صوت التكسير طلع بسرعة للغرفة... ونصدم برنا يلي قاعدة بأرض الغرفة وماسكا أيدا…
أسمر: يا مجنونة شو عملتي بحالك
رنا: والله بقتل حالي ازا بتروح لعندا
أسمر: لك انتي ما فيكي عقل ما كنت رايح لعندا…. كنت رح روح لعند صهيب…
قربت منو وحضنتو واسمر عم يضحك عليها… .حضنا كمان عم يمسح شعرا بأيدو…
أسمر: يعني غيرانة
رنا: مو غيرانة بس ما دام انا بحياتك ما بسمح لغيري يشاركني فيك… ...
بعدها عنو وقف عم يدور على… الأسعافات بس لقاها جابا ورجع لعندا…
أسمر: ليك شو عاملة بأيدا
رنا: ما لقيت الا هل طريقة لوقفك…
أسمر: مجنونة لأنك…
وأخيراً اجا اليوم يلي عم يستناه صهيب بفارغ الصبر
أسمر: اي والله نعيمن يا عريس
صهيب: تسلم
أسمر; كيف شعورك
صهيب: مبسوط كتير وكانو ملكت الدنيا بهل يوم…
اما حنان كانت عم تطلع بالمرايا… ومبسوطة كتير
حنان: رنا كيف طالع
رنا: بتاخدي العقل يا قلبي
حنان: مبسوطة كتير
قربت رنا وحضنت حنان…
رنا: يا روحي انشالله طول عمرك ما تشرفي الحزن… يالله هلق منتأخر على صهيب من زمان ناطرك…
مشيت حنان بس شافت صهيب كان واقف ومعطيها ضهرو… نزلت شوي شوي من دون ما طالع صوت… ونقرت على كتفو بكل رقة… التفت عم يطالع بالملاك يلي وقف قدامو ..الحكي ما عم يطلع معو…
صهيب; قديش رسمتك بالأبيض… وكنت قول رح تاخدي عقلي بس شوفك… بس بصراحة ما كنت اعطيكي حقك… انتي مو بس اخذتي عقلي اخذتي روحي وقلبي وكل كياني يا حنان… ابتسمت حنان برقة وهل ابتسامة يلي اخدتلو قلبو لصهيب… .رفع ايدا وباسا
صهيب: رح تنوري حياتي
حنان: بحبك
صهيب: بموت فيكي
رنا من وراهن: ما كان بدي اقطع عليكن هل لحظة الرومنسية… بس رح نتأخر
صهيب: هههه يا ويلي منك مزعجة متل زوجك…
حنان /رنا: ههههههه
ركبو بالسيارة واتجهو لساحة الضيعة… ..
وصلو للساحة وصهيب وحنان قعدو مكانن على الاستيج… وأسمر عم يرقص بالنص… ورنا بطالع فيه وكيف عم يعمل وتضحك… اطلع فيها أسمر وغمزا بعدتت نظراتا عنو وقربت من حنان… بعد شوي اجت جنى لعند رنا تتكعبر مشيتا بالفستان الأحمر… حملتا رنا
جنى: خالتو رنا خالتو رنا…
رنا: يا عيون خالتك
رفعت جنى وردة حمرة
جنى: هل وردة من احلا شب بالحفلة… طلب مني اعطيها لاحلا صبية بالحفلة وانا ما لقيت احلا منك… .
رنا: بلكي الشب ما بدو يعطيني ياها أكيد رح يزعل…
جنى: ما بيزعل وانا متاكدة الشب كان قصدو عنك انتي….
رنا: ا عنجد وكيف اعرفتي يا زعرة…
جنى: لانو خبرني اعطيها لاحلا صبية بتملك عيون بالون الأخضر وقلي عيونا دائماً بيبرقو متل… الألماس وانتي عيونك خضر وبيبرقو…
رنا: بس احتمال كمان ما تكون الي…
جنى: وازا قلتلك انا مين اعطاني ياها…
رنا: انا بعرف يلي عطاكي ياها.
جنى: مين
رنا: واحد صايع وبيرفع شعراتو لفوق وبنطلونو نازل لنص خصرو… وقميصو فاتح نصو
جنى: صح كيف عرفتي
رنا: عرفت بدي يلي قلك ياه يبقى سر بيناتنا
جنى: تمام
رنا: بس مع هيك هل صايع حلو حلو كتير
جنى: وهل وردة من الصايع بتقبليها…
رنا: أكيد بقبلا…
مسكتا رنا وشمتا رفعت عيونا عم ادور على أسمر… بس ما لقتو استغربت وين بدو يكون اختفى… اجا صوتو من عند الدي جي… عم يحكي بالمكبر
أسمر: الكل ينتبه بدي احكي شي…
بسرعة رنا وقفت عم تتطلع فيه
رنا: يا ربي شو بدو يعمل هاد
أسمر: بطلب من احلا واروع بنت موجودة بحفلة اليوم… .البنت يلي سرقت قلبو لأسمر ..تشاركني برقصة وقدام الكل رنا نمر القدسي… .بتقبلي تشاركيني برقصة…
الكل التفت على رنا عم ينتظرو جوابا… مسكت جنى فستان رنا من تحت…
جنى: خالتو رنا وافقي ما تخجليه لأسمر …
ابتسمت رنا ونزلت لساحة الضيعة…
رنا: بقبل
حط المكبر أسمر ونزل لعندا لنص الساحة… عمل بأيدو اشارة اشتغلت الموسيقى… قرب من رنا واخد الوردة من أيدا قرب منا اكتر وحطا بشعراتا فوق أدنا…
أسمر: هيك احلا
بدءو بالرقص ولتنين مبسوطين… .وكل العيلة مبسوطة فيهن قرب أسمر من أذن رنا عم يهمسلا.…
أسمر: بعشقك
ورنا تبتسم من حركاتو… .
رجعو بعدو عن بعض وكفو رقص… وكل ما تقرب رنا من أسمر يهمسلا كلمة بأذنا
أسمر: انتي صرتي أدمانو لأسمر
رنا بهمس لأسمر: اسمر خلينا نوقف حاسة حالي دايخة…
مسكا أسمر من خصرى كرمال ما يلفت انتباه…
أسمر: انتي منيحة
رنا: دايخة شوي مو كتير
أسمر: تمام ..رح نقعد
رفع أيدو للدي جي وقفت الموسيقى
خلصت الرقصة وكل صفقلن رجعو… وقعدو مكانن وأسمر جبلا مي لرنا…
أسمر: كيف صرتي
رنا: احسن
أسمر: انتي الك فترة مو منيحة
رنا: ما تكبرا أسمر بس تعبانة شوي….
رن موبايل أسمر اخدو وراح يحكي بعيد…
أسمر: الوو
المحقق عهد: كيفك أسمر
اسمر: تمام
عهد: بصراحة في خير جديد بخصوص قضية نمر
التفت اسمر اطلع برنا… ابتسملا وتابع مع عهد
أسمر: عم اسمعك
عهد: طلع معك حق حازم يلي كان عم يسرب الأخبار… .
أسمر: كنت بعرف هل شي وهلق شو…
عهد: قدرنا نعرف هل شي من خلال مراقبة خطو… كان عم يتواصل مع الفاعل
أسمر: يعني ما قدرتو توصلو للفاعل لسا…
عهد: لا
أسمر: وحازم الكلب وينو
عهد: تحت التعذيب بس ما عترف بحرف…
أسمر: ما تحكي لرنا شي انا بخبرا…
عهد: تمام
سكر أسمر الموبايل ورجع لعند رنا
رنا: مين كان
أسمر: ما حدا مهم خلينى هلق بالحفلة…
مضيت حفلة بسرعة ودعو الكل العرسان ونطلقو لعشهن الزوجي…
صهيب: واخيراً انجمعت فيكي تحت سقف واحد… يا الله شو تمنيت هل لحضة يا حنان
حنان: وانا كتير تمنيت اغفى على صدرك… .
ضما صهيب لحضنو… وحنان بادلتو الحضنة…
دخلت رنا الغرفة بدلت تيابا… اطلعت بأسمر كان عم يدخن على البلكونة
رنا: اسمر شبك مزعوج…
أسمر: لا ما في شي
رنا: امبلا في وكتير من وقت ما جاك مكالمة وانت مدايق…
أسمر: ما في شي… انتي ما تهتمي ودخلي هلق بتبردي هون…
رنا: وانت
أسمر: هلق بلحقك
تاني يوم الصبح ركب أسمر سيارتو… وعم يستنا رنا لتطلع ضغط على الزمور طلعت عم تحكي مع حدا…. على الموبايل
أسمر: بكير
رنا: كنت احكي مع عبادة…
أسمر: ايه
رنا: خبرني انو ابوها لربا وافق عليه وبدهن يبدو بجهزو بامور الخطبة…
أسمر: ايه منيح
شغل السيارة ومشي ..
رنا: كأنو ما انبسطت
أسمر: لا انبسطت
وقف السيارة قدام الفرع…
رنا: ليش جبتني لهون…
بعدا دارتلا القصة وبسرعة فتحت الباب ودخلت مستعجلا…
أسمر: الله يكون معك يا رنا…
فتح الباب ولحقا… دخلت رنا غرفة المحقق عهد…
رنا: صاير شي جديد بقضية نمر
عهد: اي
رنا: احكي دمي نشف
عهد: قدرت اعرف مين يلي كان يسرب الأخبار…
رنا: مين طلع الخاين
عهد: بتمنى تكوني قوية… .
رنا: مين
اطلع عهد بأسمر يلي واقف ومكتف اديه… عملو براسو ايه
عهد: حازم
رنا بصدمة : ح ا ز م
عهد: للأسف اي حازم
سقطت رنا على الكنبة رفعت اديها ورجعت شعرا لورا… ولسى عم تكذب سمعا…
رنا: مسحيل حازم يكون هيك…
أسمر: انتي انخدعتي فيه…
رنا: بدي شوفو
عهد: بس
رنا: عم الك بدي شوفو
عهد: تمام رح خليكي تشوفيه… .يا عنصر
انفتح الباب ودخل العنصر
العنصر: احترامي سيدي
عهد: خليهن يجيبو حازم
العنصر: حاضر ..
بعد بوقت انفتح الباب ودخل حازم وبس شاف رنا… نزل راسو
رنا: تركونا لوحدنا لو سمحتو…
أسمر: ما بتركك
رنا: أسمر لو سمحت تركنا لوحدنا
عهد: خلينا نتركا على راحتا يا أسمر
طلعو أسمر وعهد وبقيت رنا… مع حازم
رنا: ليش ليش هيك طلعت يا حازم… نمر شو قصر بحقك بس بدي افهم… ليش لتعمل فيني وفيه هيك… لك كيف اجا من قلبك تخونو… كيف كنت تقدر طالع بعيوني.…
ما حكى ولا كلمة حازم بقي واقف وساكت…
رنا: مين مين يلي قتلو
حازم: ما بقدر خبرك
رنا بصريخ: وليششش ليش ما بتقدر لك اتقلتو وانت عم طالع بعيونو… كيف بتعملا كيففف يا حازم
قربت منو بدها تخنقو بس سقطت مغمى عليها بين أديه…
حازم: رنا رنا شو صرلك… لك رنا اصحي… ساعدوني حدا يساعدني…
بسرعة أسمر فتح الباب ودخل ركض لعند رنا…
أسمر: شو اعملتلا يا كلب
حازم: اغمى عليها
عهد: خدوه من هون فورن…
حمل أسمر رنا وسطحى على الكنبة…
أسمر: رنا اصحي رنا شو صرلك
مسك كاسة المي ورش منا على وجها… صحيت عم تحرك راسا
أسمر: انتي منيحة
ما حكت شي بسرعة تجلست واطلعت مكان حازم…
رنا: وينو
أسمر: رنا بعدين انتي هلق مو قادرة
رنا: لسا ما خلصت حكي معو
أسمر: بوقت تاني بتحاكيه…. انتي هلق تعبانة ..
ساعدا أسمر كرمال تقوم… طلع فيها وركبا بلسيارة راح ركب مكانو ومشي…
اما عند حازم كان قاعد وعم يفكر بينو وبين حالو…
حازم: يعني انا ليش عم احميه… ما قول الحقيقة وريح قلبي بس ازا رنا بتعرف رح تنكسر… أكيد ما رح تتحمل هل صدمة… ويمكن يصرلا شي .بس انا مو مستعد اتحمل العقوبة لوحدي… مجبور يحمل كتف بهل قصة متل ما حملت منا انا… .
وقف أسمر السيارة قدام البيت ونزل ورنا بعالم تاني… فتح الباب اسمر
أسمر: يالله رنا
التفت عليه شاف بعيونا… لاول مرة بشوف درجة الحزن ..
نزلت ومشيت وأسمر لحقى لفوق
أسمر: رنا
رنا: انا منيحة ما فيني شي…
أسمر: انتي مو منيحة
رنا: منيحة وكتير ما تفكر انا انكسرت… لساتني قوية اصلن واحد خاين متل حازم ما رح يحرك مشاعري… .انا بخير بس الصدمة كانت قوية…
قرب منا ورفعلا شعراتا بايدو وباسا من جبينة…
أسمر: بدي ياكي قوية واي شي بصير ما يخليكي تضعفي… تمام وشو ما صار انا رح كون معك… تمام
عملتلو ايه
مضى اليوم وأيام ورنا عم تحس في شي غريب عم يصير معا….بدا أسمر ما يفارقا لحظة وبس يكون موجود دايماً خناق ومشاكل… بتكره بعدو وبتحب تجاكرو .. وبخصوص قضية نمر ما في شي جديد ..اما محمود يلي عم يحفر قبرو بأيدو… كل يوم عم يبعت تهديد لرنا… ورنا ما على بالا شي مو مهتما وتهديد محمود اخر هما … .
رنا: أسمر قوم بحسك دب نوم بكفيك نوم…
أسمر: انتي طالعتيلي بسحب اليانصيب… تركيني بحالي بدي نام ..
رنا: ما بدي وكمان جاي على بالي نروح انا وانت للصيد…
تجلس أسمر وطالع فيها
أسمر: اليوم
رنا: اي اليوم
أسمر: لا تركيها لبعدين اليوم ما بقدر ومتفق انا وصهيب نلتقي… في شي كتير مهم عندي… بكرا منروح
رنا: ماشي
دخل أسمر الحمام ورنا نزلت لتحت. ..
عند صهيب وحنان اعطتو حنان الجاكيت لصهيب…
صهيب: يسلمن حبيبي
حنان: هلق يلي بدكن تعملوه ضروري…
صهيب: ضروري ومتل ما بتعرفي اليوم اخر يوم بالشهر… .وازا رنا ما اعترفت لاسمر بحبو ..أسمر بيخسر الرهان… لا نشوف شو بصير
حنان: انتبه منيح
صهيب: تمام
ركب سيارتو ومشي لعند الجسر… .وقف السيارة ونزل كان اسمر قاعد. ..
صهيب: كيفك
اسمر: عال العال ..جهزت كل شي
صهيب: ايه انا جاهز بس انت متاكد انا رح تعترف
أسمر: متاكد بنت نمر وقعت بحبي… .
صهيب: انا بتمنى هل شي…
عند رنا جهزت حالا ونزلت
رنا: مرت عمو بدك شي بدي روح لعند حنان…
ام العز: الله معك حبيبتي انتبهي على حالك…
طلعت رنا من البيت واتجهت لعند حنان…
وصلت ودقت الباب
حنان: يا اهلن برنوشة
رنا: اهلن فيكي
حنان: كيفك
رنا: تمام وانتي
حنان: غير شكل
رنا: مبسوطة مع صهيب
حنان: كتير وانتي انشالله تحسنت علاقتك باسمر
تنهدت رنا وابتسمت بنفس الوقت…
حنان: لا في عندك حكي… رح اعمل ناسكفيه وارجعلك
بعد بشوي رجعت حنان ومعا كاستين…
حنان: احكيلي
رنا: انا فايتا بدوامة يا حنان… ما بعرف شو عم يصير فيني
حنان: كيف ما فهمت يعني بتحبيه لأسمر
رنا: لا ما فيكي تقولي بحبو… شي غريب ما بعرف اوصفو…
حنان: هههه شي اكبر من الحب
رنا: حنان
حنان: ههههه لكان شو
رنا: قلتلك ما بعرف شو شي غريب… .
حنان: كيف جامعتك
رنا: تمام
حنان: باقي هل كم شهر وبتصيري المحامية رنا نمر القدسي.…
رنا: انشالله
حنان: شو صار بعرس هشام ومروى…
رنا: قال عمي بدو يعمل عرسو جماعي مع عبادة وربا…
حنان: ومبسوط عبادة مع ربا
رنا: طاير عقلو ..بدك شي
حنان: وين لسا هلق وصلتي
رنا: جاي على بالي اتمشى… بتمشي معي
حنان: اي ليش لأ منتسلا…
طلعو رنا وحنان من البيت عم يتمشو… وبعدا وقفت سيارة محمود قدامن ونزل منا مع رجالوو… ..
حنان: وبعدين معو
رنا: انا بتفاهم معو…
محمود: كيفو القمر ..
رنا: انت ايمت انا بدي اخلص منك
طالع لوراق عم يحركن قدام عيونا… .
محمود: وقعي هدول بتخلصي مني… .
رنا: ليك اني وقع هدول لوراق باحلامك… .لهيك ما تعلي كتير بجناحاتك… وروح لحدا غيري…
محمود: اعطيتك تنبيهات كتير… بس ازا هلق ما بتوقعي هدول لوراق…
رنا: شو رح تعمل
اشر محمود بايدو لواحد اجا حامل بايدو موبايل… وضاهر على الشاشة أسمر ومع جنبو صهيب… كانو عم يحكو. .ومن بعيد في قناص موجه على أسمر
محمود: بقتلك حبيب القلب
رنا وعيونا على الشاشة: ما بتعملا
محمود: ومين قال ما بعملا ليكي زلمتي ناطر اشارة مني…
ابتسمت رنا :ايه اعمل يلي بدك ياه ما بهمني… .
حنان: رنا شو عم تخبصي
رنا: حنان ما تتدخلي انتي…
محمود: يعني اقتلو
رنا: اعمل فيه يلي بناسبك اخر همي… وانت وتهديدك ما بتهمني…
محمود: كنان
كنان: امرني محمود باشا
محمود: خليهن يقتلو
مسكت رنا ايد حنان ومشيت…
حنان: رنا انتي شو عملتي حياة أسمر بخطر… رح يقتلو يا رنا كيف هيك بتعملي…
رنا بتوتر: حنان اسكتي ..
وبس غابت رنا عن عين محمود ورجالو… بسرعة طالعت موبايلا عم تتصل بأسمر…
حنان: بمين عم تتصلي…
رنا: بأسمر يالله اسمر رد…
اتصلت اكتر من مرة… بس اسمر ما كان يرد
رنا: حنان اتصلي بصهيب بسرعة… .
وقلب رنا رح يوقف من الخوف…
حنان: الووو صهيب وين انت… طيب وأسمر ماشي يالله شوي وبكون عندك…
رنا: شو حكالك اسمر وين
حنان: صهيب بالبيت وأسمر ما بيعرف وينو…
رنا: تمام انا رح روح للبيت يمكن يكون هونيك ..
حنان: الله معك
مشيت رنا مستعجلة… .للبيت دخلت كانت ام العز قاعدة مع ام فاطمة بالحديقة… .
رنا: سلام عليكم
ام العز /ام فاطمة: وعليكم السلام
رنا: مرة معو رجع أسمر
ام العز: لا ما رجع…
تركتا رنا وطلعت للغرفة… .
رنا: وينك يا أسمر ..وينك يارب تحميه
رجعت مسكت موبايلا عم تحاول تحكي معو بس كان خارج نطاق التغطية… .ورنا دقات قلبا عم تعلا…
المسا كانت رنا قاعدة بالغرفة وصلا مسج من رقم غريب… فتحت الرسالة ونصدمة بالصورة… كان أسمر غرقان بدمو
رنا: أسمرر
صارت تمرر ايدا على الشاشة… بعد اجاها اتصال من نفس الرقم
رنا: يا كلب
:رح كون احسن منك… بتقدري تلحقي حبيبك قبل ما يلفظ اخر انفاسو… موجود بالجسر. ..
سكر الخط ورنا متل المجنونة اخدت غراضا ونزلت مستعجلة من دون ما ينتبه الا حدا… .
التقت بسامر عند الباب
سامر: وين رايحا يا عمي مستعجلة
رنا: اخي سامر الله يخليك خدني لعند الجسر فوراً… .
سامر: تمام بس انتي اهدي وفهميني شو صاير معك…
رنا: اخي الله يخليك بعدين خلينا نروح…
سامر: يالله
ركبو بالسيارة ومشيو ورنا… ماسكا قلبا بأيدا ..
رنا بقلبا: يارب احميه يالله ما الي غيرو ما تخليني وحيدة بدونو… .
سامر: نحنا وصلنا
بسرعة فتحت الباب وطلعت ركض… لوصلت للجسر اطلعت بالأرض ونصدمت بمنظر اسمر…
رنا: أسمررررررر
ركضت لعندو ونزلت لمستواه ..حطت راسو بحضنا ..
رنا: أسمرر أسمر احكيني انتي منيح
أسمر بتعب: انا منيح ما تخافي كح كح…
رنا ولدموع تجمعو بعيونا :ما تتركني أسمر ما تتركني… ما بقالي بالدنيا غيرك…
أسمر: بحبك يا بنت نمر
قال اخر كلمة ورما راسو…
رنا بهستريا: أسمر أسمر قوم ما تعمل هيك… لك أسمررررر قوم كرمال الله ما تتركني يا أسمر كرمال الله قوم.… .
صارت تصرخ وتبكي بأعلا صوتا حضنتو لصدرا… .
رنا ببكي : وانا بحبك بحبك كتير بترجاك ما تتركني… .يا أسمر ما الي غيرك انا
أسمر: ومين قال رح اتركك
رفعت راسا رنا واطلعت فيه
رنا: اسمر انت منيح
ابتسم اسمر وتجلس من حضن رنا… .حطت رنا ايدا مكان الدم
رنا بصدمة: أسمر
أسمر: انا ما فيني شي
طلعو كل الموجودين… صهيب وحنان وعبادة وسامر
رنا: حنان عبادة شو عم يصير انا ما بقى فهمت شي…
حنان: اسف رنا بس كل هاد كان خطة… .
قرب اسمر من رنا وحط انفو على انفا… .
أسمر: هلق انتي شو بدك بكيف صار هل شي… خليني مبسوط بكلمة بحبك يلي طلعت من شفافك…
وقبل ما تحكي رنا اي شي قرب شفافو من شفافا وباسة بكل شوق قدام الكل… .ما بعد عنا لوقت حس فيها وبخجلا قدام الكل… .
صهيب: الله عليك يا عاشق… .
ضربتو رنا كف
رنا: كيف بتعمل فيني هيك
رجعت ضربتو كف تاني
رنا: خليتني عيش نفس الشعور مرة تانية… فكرة حالي رح اخسرك متل ما خسرت نمر…
وفاتت بنوبة بكي من جديد ..حضنا أسمر لحضنو عم يضحك
أسمر: انا منيح ما فيني شي…
رنا: بحبك ..انا ما تتركني والله بتكون الضربة الاخيرة لرنا…
أسمر: أسمر ما بيتركك… ودموعك يلي اول مرة بشوفن ما بدي شوفن مرة تانية
رنا: يا حقير ليش عملت هيك فيني كنت رح موت من خوفي عليك…
أسمر: كرمال خليكي تعترفي بحبك الي ….
رنا: انا ما بحبك
أسمر: برجع موت هلق
وقفت رنا وبعدت عنو…
رنا: موت الله لا يردك …
أسمر: هههههه
رنا: كيف صار هيك والقناص…
اسمر: رح احكيلك كل شي .. .من شهر وبنفس المكان تراهنت انا وصهيب ازا بقدر خليكي تحبيني… متل ما حبيتك وكان معي شهر واحد. قدامي لخليكي تعترفي بحبك الي… ومضى هل شهر وما بقي غير اخر يوم… اتفقت انا وصهيب على الخطة وكيف رح خليكي تعترفي… بس لما كنا عم نجهز للخطة… وصل لصهيب مسج من حنان ..وكانت كاتبتلو فيه عن القناص وانو محمود يلي باعتو…
اطلعت رنا بحنان وزورتا
رنا: وانتي صايرة تلعبي من وراي يا حنان
حنان: اسفة رنوشة ما بقى عيدا… .
رنا: اي وبعدين
اسمر: قدرنا نمسك القناص…
والصور انا بعتلك ياهن من رقم خاص وطلبت من سامر… يكون ناطرك برا البيت. لانو بعرف راسك كبير ومتاكد بأنك ما رح تخبري اي حدا من العيلة… والباقي بتعرفيه
رنا: سيناريو بياخد العقل يا أسمر… عنجد يعطيك العافية….
قرب منا اسمر بس رنا دفشتو…
رنا: خليك بعيد مني ما تقرب…
أسمر: شباب تركوني اعرف اتفاهم معا بطريقتي…
رنا: اخي سامر رح روح معك انا
مسكا اسمر من أيدا
أسمر: سامر روح ما رح تروح معك
رنا: تركني ما بدي ابقى
ما قبل يتركا الكل راح وبقيت رنا مع أسمر
رنا: بعد عني كيف اجا من قلبك تعمل فيني هيك…
أسمر: يا بنت نمر تعبتيني بكفي تخبيط..
رنا: تركني ما بخبط… لك عيشتي خوف مو طبيعي
أسمر: كتير خفتي علي ما هيك
رنا: أسمر ما تخليني هلق اقتلك من جد وادفنك هون…
أسمر: وبتقدري تعملي فيني هيك
رنا: متل ما عملت فيني… .
حضنا أسمر من خصرى وحط راسو عند رقبتا…
أسمر: ما كنت بعرف كلمة بحبك… كل هل قد حلوة من شفافك… .
رنا: وما كنت متوقعتك كل هل قد واحد حقير… .
أسمر: هههههه
رنا: مبسوط كتير أسمر بيك
أسمر: كتير كتير يا بنت نمر…
باسا من رقبتا بعدا مسك ايدا ومشي فيها للميتور… .
أسمر: بدي افتل فيكي الضيعة كلا…
ركب وركبت رنا وراه وحضنتو بقوة… شغل أسمر الميتور ومشي ورنا حاطا راسا على كتفو ومبسوطة…
أسمر: مريحة النومة على كتفي ما…
رنا: اي كتير
أسمر: شو رئيك نروح بكرا مع بعض للجامعة
رنا: مستحيل… انت قلتلي بكرا رح نروح للصيد مع بعض
أسمر: ههههه تمام بنروح ..
ونا: أسمر
أسمر: يا روحو
رنا:ما تتركني
أسمر: ليش انا بقدر اتركك يا بنت نمر… ما انتي جبتي اجلي بحبك. .
رنا: ايه منيح وبعد تحكي مع صاحباتك…
أسمر: هههه لساتك غيرانة منن
رنا: ما تغير الموضوع… لساتك بتحكي مع القردة الشمبانزية الحمرا ..
أسمر: ههههههه حرام عليكي البنت حلوة
رنا: مانا حلوة وبشعة كتير كتير…
أسمر: بس انا عاجبيتني
ضربتو من كتفو…
*❴🖋️❵↵يـتـبـع...*