أقدار - الفصل 54 - بقلم ضاقت انفاسي - مكتملة | روايتك

جالسه مع ام عمار تفطر وعقلها يبحث عن ترقيعه للجوال ! ام عمار ناظرتها باستغراب : علامه وجهك مصفر ؟! طالعتها ساره بنفي : انا ؟!!!!! يمكن يتهيأ لك !! ام عمار بابتسامه مريحه : كيف نفسيتك بقرب موعد الزواج ؟! ناظرتها ساره وبداخلها خلني اخلص من سالفة الجوال والشبكه وبعدها افكر بالزواج !!! رنت كلمة الزواج بعقلها !!! «زواج » خلاص رح تتزوج ! انقبض قلبها من الخوف ...معقول يتم زواجها على خير وما يصيب عبدالله مكروه ! حياه جديده واستقرار معقول تحصل عليه !!! مو مرتاحه قلبها خايف من الزواج ! رفعت نظرها للسقف وتدعي بداخلها ما يصيب عبدالله اي ضرر ! ناظرتها ام عمار وهي سرحانه وما ردت على سؤالها حزنت عليها اكيد الحين تتمنى معها امها بهذي اللحظه ! مستحيل تتركها لوحدها ورح توقف معها وكأنها امها ! لعلها تعوضها عن فقدان امها !!! دخل بدون استئذان لعل وعسى يشوفها بدون حجاب ! دوم متحجبه ......اصابه الفضول يشوفها بدون الحجاب ! شعر بالاحباط وهو يشوفها جالسه ومتحجبه وبغبن ما قدر يكتمه : انت 24 ساعه متحجبه ؟!! تفاجأت من وجوده وتحول وجهها لطماطم من الاحراج ! ام عمار ابتسمت وهي تناظرهم : هذي صعب تفك هالحجاب تدري اني نسيت شكل شعرها !!! واتبعت كلامها بضحكه قصيره ! جلس عبدالله مقابل لها : بالله ما تنامين فيه ؟! طالعته ببراءه وهي تهز راسها : لا ام عمار بضحكه : ما بقى شيء على زواجكم وتشوف كشتها !!! ناظرت ام عمار برجاء انها تسكت وسرعان ما وقفت ام عمار : انا طالعه لغرفتي وراجعه ! وابتسمت لاخوها قبل ما تطلع ! لما حس انها طلعت ناظر ساره وكلمها بنبره غاضبه : وصرنا نقفل الجوال ونزعل ؟! وش هالحركات ؟! انا اكره ما علي التطنيش !!! ليه قفلت الجوال ؟!!! رفعت نظرها بتوتر وما عندها اجابه إلا تعتذر وقبل ما تنطقها قاطعها بغضب : وقسم بالله لو تقولين «اسف »الا اهفك بهذا الصحن ! قسم بالله صرت اكره هالكلمه ! تكلمي ردي بدون هذي الكلمه ! ما لها وجه ترفع عينها وتجاوبه !! وش تقول خلف كسره ؟! عضت شفتها من العجز إلي فيه ! ضرب الطاوله بقوه من القهر : جاوبي لا تسكتين ! وبعدين وش سالفة الفلوس !!! اخذت نفس رفعت رأسها وهي تشجع نفسها ورسمت ابتسامه بالغصب : احطلك شاهي والا قهوه ؟! حس الضغط وصل عنده للالف هو وين وهي وين !! نفسه تأخذ وتعطي معه بالحكي ! ظنها لما تكلمت رح ترد على اسئلته بس خابت ظنونه لما تكلمت ! لهذي الدرجه مستخفه فيه ومطنشيته ؟! قبل ما يرد ويفرغ غضبه تكلمت بسرعه وصوت فيه رجفه : اشرب وروق علشان اقولك على سالفه الجوال ! عبدالله بتخمين : لا تقولين انكسر ! هزت رأسها وكأنها مذنبه وحاطه اصبعها في فمها ! تنهد وطالعها بتعجب : وش مشكلتك مع الجوال ؟!!! وخطر في باله انه خلف اخذه وبأمر : قومي جيبي الجوال اشوفه ! هزت راسها بطاعه وبسرعه طلعت وخلال دقيقه كانت فوق راسه اعطته الجوال ورجعت لمكانها وهي تناظر رد فعله ! قلب الجوال بين يدينه ورفع حاجب بتحقيق : كيف انكسر ؟! ضاق صدرها من هالاستجواب ! ما عندها شيء تقوله ! تعود على سكوتها بدون تبرير المواقف ! تنهد وناظرها : اذا تبغين نطلع باكر للسوق ما عندي مشكله هزت راسها بالرفض بسرعه ما تبغى تعلق بتحقيق ثاني ! اكيد رح يسألها عن المشتريات بعد الزواج وش ترد عليه ! خليها بهم الشبكه يوم الزواج ما تدري كيف تحل هالمشكله ! استغرب رد فعلها : زعلانه لاني رفضت البارحه قاطعته بابتسامه : والله مو زعلانه احطلك شاهي والا قهوه والا ابتسم لها مستحيل تتغير !!! *** *** *** *** *** بعد العصر دخلت بيت أبو راكان بابتسامه استغربت ما في احد بالصاله عقدت حواجبها وبسرعه سألت الشغاله لما شافتها : وين خالتي ام راكان ؟! اشرت لها على غرفة الضيوف ! استغربت مين الضيوف ؟! توجهت وفتحت الباب وهي تلقي نظره على الموجودين ابتسمت وهي ترد السلام ! اسيل : هلا هلا تعالي جيتي بوقتك ! جالسين نتكلم عنك ! وناظرت الضيوف : هذي خطيبة عمي عبدالله ! تقدمت ساره وسلمت بهدوء واستغربت من تصرف البنت تسلم عليها بدون نفس،!!! جلست بهدوء جنب ام عزام تستمع لسوالف الحريم ! استغربت لما قالوا عن موعد زواجها من عبدالله ناظرتها البنت بنظرات فسرتها ساره نظره احتقار ! ليه تناظرها كذا وهي ما تعرفها ؟!!! الحرمه الكبيره تحس وجهها مألوف لها بس مو قادره تحدد مين بالضبط ومستحيه تسأل عن هويتهم ! ما ارتاحت لنظرات البنت وقررت تطلع من المكان اسيل بتذكر وهي تشوفها طالعه : الله لا يهينك وانت طالعه شوفي ولدي نايم او لا ! هزت ساره رأسها وطلعت بهدوء ! وعقلها يفكر وين شافت هالحرمه ؟!!!! *** *** *** ** استغربت زياره اميره لها دوم علاقتها رسميه ونادرا تشوفها ! وإلي زاد استغرابها لما طلبت منها تطلع معها للسوق ! تبرعت لها بجهاز كامل على حسابها الخاص !! لذي الدرجه وصلت لحد الشفقه ! اكيدوصل لها خبر انه خلف بلع فلوس المهر ! ردت ساره يإحراج : بس انا اميره بحزم : بدون اعتراض اليوم اطلع معك وتشترين كل شيء يعجبك ! ولا تهتمين للسعر ! وبداخلها تردد جعلك ما تتهنى بالفلوس يا خلف ! ما لقيت الا فلوس هاليتيمه ؟!!! تنهدت بضيق من حال اخوانهاإلي يسبب لها الاحراج !!! *** *** *** *** *** رجعت من الزياره وقلبها يغلي من خطيبة عبدالله ! وإلي زاد قهرها وهي طالعه لمحته واقف معها ويضحك وكأنها وحده من محارمه ! ولا كلف نفسه يسلم على امها ما عرفت وش ترقع لما سألتها امها ليه ما يسلم عليهم ! اعطته عذر انه ما شافهم ! ما خبرتها انهم خلاص اتفقوا على الطلاق !! مشكلتها ما تحب تشكي لاحد ! تكلمت بهمس : اكيد يراكض خلفها علشان هالطول ! اخخخ يا زين القصيره ! الغبي يمكن انها اطول منه ! جلست على السرير: صحيح ما يهمني بس دام اني على ذمته للحين بس لازم ما اسمح له بهذي الحركات هزت راسها بتأكيد من مشاعرها : مو هامها ماجد بس ليه كرهت خطيبة عبدالله وما قدرت تبلعها ؟! متأكده انه ماجد ما يهمها ! لحظه ! تذكرت ! شافت خطيبة عبدالله من قبل بس وين ؟! استغرقت دقائق للتذكر : صح تذكرت ! نفسها إلي اصطدمت فيها بالمستشفى ! يا كرهي لها بسببها انحرجت والناس تطالع فينا ! الحين عرفت عدم تقبلها لها ! *** *** *** ** يوم الزواج *** *** *** *** الساعه 6:00ص حطت الفطور قدامه و بداخلها تردد جعلك بالسم ! جلست مقابل له وهي تناظره وعافسه ملامحها ! سألها وهو يحط اللقمه بفمه : امي و ساره وين ؟! ردت بدون نفس : امك عند اميره وما تبغى تحضر العرس وساره نامت البارحه في بيت نادر ! واليوم رح يجيبها نادر ! ومطت شفتها بقرف ! رفع حاجب وهو يحط الخبزه على الطاوله : وعلامك تتكلمين كذا ؟! ام عمار بقرف : والله كيفي ! تبغى تتدخل كيف ارد ؟! خلف بثقه : حسني اسلوبك وتصرفاتك احسن ما اكسر راسك ! ردت بضحكه مستفزه : ما تقدر ! واعطته نظره تحدي !! ضحك بصوت عالي وانحنى لجهتها بالرغم من الطاوله إلي تفصل بينهم : عدلي اسلوبك احسن ما ارميك بالشارع ! وقفت وهي تردح : تخسى ! وبغرور : انا ترميني بالشارع ؟! وين راح بيت ابوي ؟! ترى الشارع تواجد لحضرتك ولاخوك الشحاد قاطعها وهو يقلب الطاوله بما فيها : وقسم بالله اذا ما اختصرت قاطعته وهي تتخصر بسخريه : تدري خوفتني ! بكلمه مني ارميك بالسجن مثل الكلب ! حست خدها تشنج من قوة الكف ! وشعرها تحسه تقطع وهو يشده بكل بقوه وبفحيح تكلم : تدرين مشتهي من زمان تكسير راسك والحين جاتني على طبق ذهب ! حاولت تفلت من قبضته وهي تتكلم وصاكه على اسنانها : وقسم بالله لارميك بالسجن مثل الكلب ! ضحك وهو يشد بشعرها بأقوى : اووووو خبرك قديم ! ترى اليد إلي كان ابوك ماسكني فيها قطعتها ! كل الاوراق بحوزتي وما يقدر الحين احد يلوي ذراعي ! وتردد صدى ضحكاته بالمكان ! نزل كلامه عليها مثل الصدمه ! وبدون وعي نطقت : كذاب ! انت ما تدخل بيت اهلي كيف حصلت عليهم ؟!!! خلف باستمتاع : اختي الحلوه ساعدتني كثير ! فتحت عيونها بصدمه : ساره ! خلف ارخى شعرها شوي وهو يتكلم : ايه ساره ! ساره الجاسوسه الصغيره إلي دخلتها بيتكم ! تنقل لي كل اخباركم الصغيره والكبيره ! خليتها تعرف كل مكان في بيتكم وخاصه مكتب ابوك ! استغلينا الفرصه واحضرت كل شيء يخصني وكل ورقه عليها اسمي ! حتى ورقة عقد الزواج ! كل شيء احضرته ! بهتت ملامحها معقول ساره البريئه تعمل كل هذا! غمضت عيونها للحظات وهي تستذكر ساره دوم ملتزقه في بيت اهلها وتحوس بكل شيء من باب التنظيف والسناعه ! ما توقعت للحظه تكون عين لخلف عليهم ! يااااه صدمه كبيره ما قدرت تستوعبها ! الطفله إلي احتواها ابوها وعاملها بلطف وحنان تعمل كذا ؟! يا كثر المظاهر الخداعه ! اخذت نفس تستعيد قوتها مهما كان مستحيل تسكت له وبكل قوتها حاولت تفلت شعرها من قبضته : اتركني يا حقيييير !!! شد شعرها باستمتاع للامام وللخلف تابعت وهي عافسه ملامحها من الألم وعيونها تذرف من الدموع غصب عنها : اذا ما خليت ابوي واخواني يدوسون عليك يا منحط قطعت كلامها لما اصتطدمت بالارض صرخت بألم وبعدها انهال عليها بالضرب بعد ما فقدت وعيها ! كان يضربها بجنون ومن اعماقه يتكلم : اكرهك اكرهك اكرهك رفسها بكل قوته وتتابعت الرفسات حتى حس بنشوة الانتصار سحبها وما اثر منظرها بقلبه شيء ! طلع من البيت وهو يسحبها ورماها بالقرب من بيت ابو ركان ! قبل ما يغادر ناظرها وابتسم بشماته ! ما يهمه اذا كانت على قيد الحياه او لا! اهم شيء انتقم منها وطلع كل حرة قلبه فيها ،!! تنهد وسرعان ما غادر المكان **** **** **** **** بعد ما وصلها نادر بسياره اجره ترددت تروح لبيت خلف او لبيت عمها ابو راكان ! توقعت ام عمار نايمه ما حبت تزعجها قررت تروح لبيت عمها ابو راكان اكيد الحين صاحي ! دخلت البيت واستغربت الهدوء الصاله فاضيه ! حتى الشغاله مو موجوده !! تأكدت انهم للحين نايمين قررت تدخل المطبخ و تجهز الفطور الوقت طويل لموعد الزفاف عبدالله حجز لها كوافيره تضبطها بالبيت ! ناظرت الساعه بيدها 8:15 ص وقت طويل تقدر تجهز الفطور وترتب المكان ! اكيد الحين الكل نايم ! ابتسمت وهي تتخيل شكل ماجد لو شافها الحين كان قال «انت موقعه تعاقد مع بيت جدي 24 ساعه عندهم » تنهدت وهي تفكر وتخطط كيف رح يطلع الزواج قلبها يخفق بقوه كيف تنزف قدام الكل ! شعور الرهبه احتواها ! اخذت نفس تقوي نفسها ! ما احد قصر معها ام عمار ما قصرت معها بشيء وحتى جوري وليان ! واكثر موقف للحين استغربته وقوف اختها اميره معها ! اكثر شيء مرتاحه له إنه عبدالله انسان متفهم حتى لو عصب بسرعه يروق !!! همست بدعاء من قلبها «يا رب احفظه » بعد وقت جهزت الفطور ورتبت المكان ونظفته واقفه عند المجلى تغسل يدينها حست الدم تجمد بعروقها وهي تسمع الصراخ إلي بالخارج نفضت يدينها من المويه وبسرعه طلعت من المطبخ ..... **** **** *** *** دخلوا البيت وصراخهم طالع ابو عزام : تعوذ من الشيطان ! عبدالله وكل الشياطين راكبيته : اتركني وقسم بالله قاطعته ام راكان وهي تنحب : حسبي الله عليه ! ليه ما تركتوني عندها ! مسك عزام يد جدته يطمنها : لا تخافي رح تكون بخير ! ناظرت حالهم وهي عاقده حواجبها باستغراب وش صاير ؟! وليه كلهم برا البيت ؟! وعبدالله ليه معصب هالكثر تقدمت خطوه للامام لفتت انتباهم وكل الانظار تسلطت عليها ! يدينها مبلله وتناظرهم بملامح مخطوفه !، ام راكان بقلب محروق : حسبي الله عليكم يا عيال ابو محمد ! الله يحرق قلوبكم مثل ما حرقتوا قلبي ! ابو راكان تولد غضبه لما شافها : انقلعي من بيتي ! لا بارك الله فيكم ! وبصرخه : برااااااا وش تعملين في بيتي ؟! ردت وهي مستغربه حالهم : اجهز الفطور تقدم منها عبدالله والشرار يطلع من عيونه: وقسم بالله الا اكسرها مثل ما ضرب أختي ! رجف قلبها لما شافت ملامح عبدالله وناوي يضربها ! رجعت للخلف خطوه وقلبها يدق بقوه ! مو فاهمه شيء ؟؟! وش صاير ليه ثايرين كذا ؟! ابو تالا مسك عبدالله : اتركها ما قاطعته ام تالا بقهر وهي تشوفه يحامي عنها : بعدك تحامي عنها ؟! اعطاها نظره حارقه : لا تتدخلين ! تقدم ابو راكان وسحبها من يدها بقوه : انقلعي من بيتي عبدالله سحبها من يد ابوه بقوه وهو يصرخ بأعلى صوته : انت طااااالق واتبعها بطراق على خدها بغى يكمل عليها وينتقم لاخته بس وقفه ابو عزام : اتركها ! تبغى تضرب اضرب النذل خلف ! خلاص مثل ما طلق ام عمار انت طلقتها وانتهينا !!! ناظرتهم بضياع مو مصدقه شيء ! تحس نفسها بحلم ولازم تصحى منه ! صرخت بألم لما سحبها ابو راكان بقوه خارج البيت ناظرت عزام وباستنجاد صرخت : عمي عزااااام بس خاب ظنها لما اشاح بوجهه عنها ! رماها بقوه خارج البيت وبغضب : اذا شفتك عتبتي باب بيتنا اذبحك!!!! غمضت عيونها لما قفل الباب بقوه ... ~~~ ~~~ ~~~