الفصل الثالث
*ࢪوايــه حيــاه🐣💗🌿ً.ً꒰﮼ْ◜*
𝙿𝚊𝚛𝚝 7
𝙿𝚊𝚛𝚝 8
𝙿𝚊𝚛𝚝 9
𝙿𝚊𝚛𝚝 10
🟣🟣🟣🟣🟣🟣🟣🟣🟣🟣🟣
𝙿𝚊𝚛𝚝 7
حياة"بصدمه": اهربك !
شهد"برجاء": علشان خاطري ياحياة انا حاسه اني بموت
حياة بتفكير : طب قومي معايا ياحبيبتي
فتضم شهد حياة : ربنا ميحرمنيش منك ياحياة
لتفاجأه بباب الغرفه يفتح : يلا يااختي عريسك تحت
تنزل دموعها بغزاره فلم يعد هناك امل للهروب من ذلك الوحش الذي تشعر وكانها سلعه رخيصه له يريد امتلكها فقط لانها رفضت مجاراته
شهد وهي تركع تحت قدم والدها: ارجوك ياابه ارجوك مش عايزه اروح معاه
حياة"بتوسل": ياعمي افهمني بس شهد....
ليقاطعها فتحي بحده وهو يقول: قومي يازفته عفاريت الدنيا بتتنطط حواليا ولا وحشك الحزام !
لتنهض شهد وهي تعلم ان لا مفر من ذلك الوحش فربما يكون احن عليها من والديها اللذان لا تعرف الرحمه قلوبهم
حياة وهي تستند شهد : تعالي ياشهد امسحي دموع وظبطي نفسك انتي عايزه الناس تقول ايه يلا ربنا يصبرك ياحبيبتي ويجعله حنين عليكي
لتطلق تحيه زغروده عند خروج شهد وتقوم برش الملح عليها خوفا عليها من الحسد لتسير بجانبهم وهي تخفض راسها
احدهم بصوت منخفض: هي مالها يااختي موطيه راسها كدا ليه والحزن في عيونها
احدهم: اوعي يكون اللي ف بالي وتكون تصليح غلطه ده الجوازه مكملتشي اسبوع
احدهم وهي تلوي فمها: ربنا يستر علي بناتنا من الفضايح
لتهبط الي حمزه ليتم كتب كتابها سريعا
حمزه "وهو يمسك يدها بشده ": يلا ياحلوه نمشي
شهد"بوجع ": اه بتوجعني
حمزه"بمكر": وهو انتي لسه شوفتي وجع
تحيه"وهي تضمها": خلي بالك من نفسك
شهد"بسخريه":حاضر ياامه
حمزه"بحده": ايه ياحماتي هنبات في الشارع
تحيه"بسرعه": لا ياابني اتفضل
ليدفعها داخل السياره ويقودها وينطلق سريعا
....................
يدلف سليم داخل المنزل : مساء الخير ياجدي
الجد: مساء النور ياحبيبي تعالي
سليم وهو يضع مفاتيح سيارته: اوامرك ياجدي
الجد "بجديه": انا ياابني مش هعيشلكم العمر كله واسبوع وهطمن ع اختك ونفسي اطمن عليك واشوف احفادي
سليم: انت عارف رأيي ياجدي كويس انا مش عاوز اتجوز انا اهم حاجه عندي الشغل
الجد"بحده": محدش بيعيش من غير جواز
سليم"وهو يقوم": انا ياجدي عن اذنك
الجد"بصوت عالي": واضح اني دلعتك زياده انا بكلمك ياولد تقوم وتسيبني
سليم"ادرك خطائه":اسف ياجدي بس ارجوك متتضغطشي عليا علشان انا عمري ماهتجوز
الجد"بزعيق": هي كلمه ومش هتنيها تاني بعد فرح اختك لازم افرح بيك واشوف حفيدي انا مش هتكلم تاني ياولد سامعني ولا فاكرني كبرت وخرفت لا ياواد الغالي انا لسه بعقلي
الجده"محاوله تلطيف الجو": اهدي ياحج مش كدا سليم هيسمع كلامك
الجد"بحده": اتفضل ع اوضتك وديه اخر مره اسمع مبرر منك اتفضل
ليصعد سليم بغضب ليدخل غرفته ويغلق بابها بقوه ليتذكر مايخفيه بداخله هو فقط خوفا علي عائلته لا يعلمه سوا اسر صديقه الذي قطع عليه وعد بان يظل سر بينهما
يدق جرس المنزل عده مرات لتفتح عزيزه
فرح: ازيك ياداده
عزيزه"بابتسامه": اهلا بالعرايس حمد الله ع السلامه
ليدلف اسر وهو ممسك بيد فرح :احنا جينا
ليري الوجوه حزينه
اسر وفرح"بتساؤل": فيه ايه !؟
وبدات الجده تسرد ماحدث
اسر"باستيعاب ماشعر به صديقه": الجواز مش كدا ياجدي
الجد" بحزن": بس انا نفسي اشوف احفادي منه قبل مااقابل وجه كريم ايه حرام.. نفسي اطمن عليهم ..نفسي لمااقابل ابني اقوله عرفت احافظ ع الامانه ..نفسي اشوفه فرحان ومبسوط مش كل حياته شغل شغل
ليتركهم ويذهب الي غرفته لتذهب خلفه زوجته كي تخفف عنه
فرح"ببكاء": سليم بيفكر ازاي انا مبقتشي فاهما ديه مش اول خناقه بينه وبين جدو
اسر وهو يربط علي كتفها : متزعليش يافرحتي كله هيبقي كويس ان شاء الله وانا هتكلم معاه قريب
...............اذكروا الله
وقفت السياره فجأه بعد سرعه كبيره مما جعلها تصدر صوت
شهد"بخوف": فيه ايه
حمزه"بابتسامه مكر": وصلنا ياحلوه يلا انزلي ولا تحبي انزلك بنفسي
شهد"بارتجاف": لا لا انا هنزل
حمزه وهو يمسك خصرها بشده وينظر لها ":خايفه ليه ياقطه ده اليوم لسه ف اوله
تحاول شهد تخليص نفسها من قبضه يده التي كادت ان تقسم خصرها نصفين
شهد"ببكاء": ارجوك سيبني
حمزه "بحده": هسيبك بس علشان تنزلي ونطلع فوق
خرجت من سيارتهم تقدم خطوه وترجع خطوات حتي قال بحده: ايه اتشليتي امشي عدل احسنلك
لتسرع هي في خطواتها خوفا من نظراته حتي صعدت الي شقته وضع حمزه المفتاح في الباب وفتحه :ادخلي ياعروسه برجلك اليمين
لتدخل شهد وما ان اغلق الباب حتي ارتجف جسدها بشده:الاوضه هناك اهيه اسبقيني ع مااجي
قام باخراج شئ ما ووضعه في فمه والتقط كوب الماء
دلفت الي غرفته وهي تنظر لها بخوف تشعر وكانها بداخل سجن كبير جلست تضم ركبتها وتخفض راسها وسمحت لدموعها بالنزول ماقطع تفكيرها حينما سمعت باب الغرفه يفتح ب لتهب واقفه
حمزه"وهو يقترب منها وينظر لها بشهوه": ايه مش هتقلعي هدومك بقي ولا اقولك انا هاقوم بالمهمه ديه
شهد"بخوف ": لا لا
اقترب منها حمزه وضمها بقوه ليوزع قبلاته عليها بقوه شديده جعلتها تتألم حتي صرخت به : ابعد عني انت بتوجعني
حمزه"بغضب": انتي هنا بفلوسي ولمزاجي واعمل فيكي اللي انا عايزه وارميكي زي الكلبه
شهد"بدموع": انت مجنون
حمزه "بحده": انا فعلا مجنون لما قررت اناسب ناس زيكم بس الحلوه كانت عامله عليا شريفه وانا كنت عايزك ومفيش حاجه اعوزها الا وتكون بين ايديا كدا
ليضمها بقوه مره اخري :وابوكي وامك باعوكي للي يشتري بفلوس اكتر انتي ف نظري مش اكتر من حاجه دخلت مزاجي وبس
لتجحظ عيناها بقوه مما سمعت تاكدت انه وحش بالفعل يالها من سلعه رخيصه امامه ولكن لا لوم عليه ف والديها لا يهمها سوا جمع المال والدليل انهما وافقوا ع زواجها من ذلك الشاب الفاسد مع علم والديها بما يفعله من محرمات ولكن لا ينفع الندم الان
شهد"ببكاء": انا بكرهكم كلكم بكرهكم انت مش بني ادم انا عملتلك ايه استحاله تكون .....
ليقطع كلامها صفعه قويه ثانيه تنزل علي وجهها ثم يخلع ملابسه وهو يقول :اخرسي يابنت ...انا هخليكي تتمني الموت معايا
ظلت تصرخ بقوه حتي انهارت و فقدت وعيها
وبعد فتره من الوقت حمل ملابسه ودخل الي المرحاض ليقول لنفسه وهو يبتسم بمكر: تستاهل القرشين اللي دفعتهم فيها مش خساره
.........................
دلفت حياة الي شقتهم وهو تنادي : ماما ياماما انتي فين
ولكن لا اجابه لتدخل الي غرفتها وهي حزينه علي صديقتها لتصرخ: مااااامااااااااا
لتهبط علي الارض وهي تري والدتها تسقط ع الارض فاقده وعيها وتقول: ماما ياماما ارجوكي ردي عليا ياماما فوقي الله يخليكي
لتهبط سريعا الي عم حسين وتدق الجرس عده مرات
حسنه: حااااضر استر يارب فيه ايه
ليخرج حسين وهو يقول: مين ياحسنه
حسنه وهي تضع الحجاب: هاشوف اهو ياحج
حسنه "بخوف": مالك يابنتي فيه ايه
بدموع: الحقيني ياخالتي الحقني ياعم حسين م اا ما مغمي عليها فوق
ليسرع حسين وزوجته الي اعلي ويحاولوا افاقتها ولكن دون جدوي فحاولوا اسنادها الي اسفل
حسين: هروح اجيب تاكسي من اول الشارع واجي متتحركوش
حياة"بخوف": بسرعه ياعم حسين الله يباركلك
حسنه"باشفاق": متخافيش يابنتي هتبقي كويسه
حياة"بدموع": يااااارب
ليتأتي التاكسي ويحاولوا ادخال والدتها فيه
حسين"برجا": بسرعه ياسطي شويه
ليصل التاكسي الي المستشفي ويتم ادخالها الي الطبيب واستغرق بعض من الوقت بالداخل ليخرج الطبيب
وتسرع اليه: طمني يادكتور
🟣🟣🟣🟣🟣🟣🟣🟣🟣🟣🟣
𝙿𝚊𝚛𝚝 8
تسرع اليه: طمني يا دكتور
الدكتور "بأسف": مامتك للاسف قلبها واجعها من فتره طويله ومحتاجه عمليه ضروري في خلال اسبوع
ليقع عليها الخبر لتتجمد مكانها غير مستوعبه لتفيق سريعا: طب نعملها يادكتور نعملها
الدكتور: بس العمليه هتتكلف كتير
حياة "برد سريع": كام
الدكتور:220000
حياة "بصدمه": ايه يادكتور كام
الدكتور"بتوضيح":ده بعد الخفض كانت هتتكلف 250000
حياة"بدموع": طب انا عايزه ادخل اشوفها ممكن
الطبيب: كمان 12 ساعه
ليتركهم ويذهب الي عمله
حسنه"وهي تربط علي كتفها ": ربك هيدبرها ياحياة انتي ع طول مؤمنه بربنا ادعيلها يا حبيبتي
لترتمي حياة في حضن حسنه وهي تبكي: ونعم بالله بس انا معنديش استعداد اعيش من غيرها انا اتحرمت من بابا وهي كل حاجه في حياتي انا مقدرشي اشوف بتموت قدام عيني ومعملشي حاجه هجيب الفلوس ديه منين
حسين"بحزن": هتدبر بابنتي من عند ربنا
لتمسح دموعها بكفها : انا هنزل اصلي وادعي ربنا ياخالتي عن اذنك
حسنه "بشفقه": ربنا يصبرك يابنتي يارب ويكملك بعقلك
....................
يجلس ع الاريكه ليشعر بها تتململ ف فراشها بوجع لتفتح عيونها ببطئ لتبدا الرؤيه تظهر شيئا فشيئا فتري وجهه يجلس وهو يبتسم بمكر :نمتي كتير كدا ليه ياعروسه
شهد: انت عملت ايه فيا منك لله
حمزه"بغضب": فزي قومي اعملي الفطار انا جعان ولا اجي اقومك بطريقتي
شهد"بدموع": لا انا قايمه
تنزل قدمها لكي تلامس الارض بصعوبه لتضع يدها ع راسها تتوجع من اثر الصداع لتنهض وتدلف الي المرحاض تنظر في المراه لتري وجهه شاحب فهذا لا يمكن ان يكون وجهه عروس يوم صباحيتها لتري سواد اسفل عيناها نتيجه لسيلان الكحل من اثر دموعها ووجهه الوارم نتيجه صفعته القويه تجلس ع الارض لتسمح لدموعها بالنزول بغزاره وافاقت حينما دق الباب بعنف: ايه هتباتي ف الحمام انا متزفت جعان
شهد"بضعف": ثانيه واكون عندك
لتغسل وجهها وتحاول وضع مرهم من الاسعافات الاوليه علي وجهه وتجمع خصيلات شعرها علي هيئه كحكه وترتدي ملابسها لتخرج لتجهيز طعامه ثم حملت الطعام الي غرفته : اتفضل الاكل جاهز
حمزه: حطيه عندك واقعدي مالك واقفه كدا ليه
شهد "بخوف": مش جعانه
همت بالانصراف حتي مسك خصرها بشده وقال: اقعدي اطفحي ده اكل عمر اهلك ماجابوه اقعدي
شعرت بالحرج لتجلس بجواره وهي تتصنع بانها تضع الطعام في فمها لياكل هو دون الاهتمام بها ليدق باب المنزل ليهتف: تلاقي اهلك بسلامتهم وصلوا
....................
ينزل علي السلم وهو يرتدي عبائته والعمامه ليبدو وسيم
عاصم وهو يقبل يد امه : صباح الخير ياست الكل
الام بحنان: صباحك خير وتساهيل من عنده يارب
عاصم : ايوه كدا ادعيلي ياامه
الام"بحب": بدعيلكم ع طول ياابني ربنا يستر طريقكم
عاصم بتساؤل: امال فين سلسبيل
:راحت الحضانه بس متقلقشي عم عبدو فطرها وشربت كوبايه اللبن
: الحمد لله صعبانه عليا قوي ياامه انا بس غصب عني مشاغلي مخليني مش متهم بيها زي الاول بس غصب والله
: ربنا يعينك ياابني مانا قولتلك اسمع كلامي واتجوز انا ياابني مش هعيشلك العمر كله
: كفايه السيره ديه عاد ياامه انا هحاول افضي نفسي علشانها وبعد الشر عنك ده انتي الخير والبركه
:ربنا يصلح حالك ياابني
:انا هروح الارض بقي ابص علي العمال وهصدر النهارده كميه كبيره من الزرع ادعيلي
ليتركها ويذهب الي ارضه كي يشرف علي عمله
يمر علي المطبخ : الاكل كله تمام ياعم عبدو ولا ناقصكم حاجه
عم عبدو"بابتسامه": كله من خيركم ياابني جاهز وبزياده كمان
عاصم: طب الحمد لله استاذن انا
عم عبدو: ربنا يكتر من امثالك ويجعلك ف كل خطوه سلامه
...............
عاصم"بحده": سايب شغلك يامتولي وماسك الزفت ده ليه
متولي"بخوف": انا اسف ياعاصم بيه حقك علي راسي
عاصم"بتحذير": ديه مش اول مره وده اخر انذار ليك انا عامل حساب لاهل بيتك حرام اقطع رزقهم بس المره اللي جايه تلم حاجتك ومشوفشي وشك تاني سامع
متولي"بشكر": ربنا يسترها معاك يابيه
لينحني كي يقبل يده ليسحب عاصم يديه سريعا: استغفر الله بس خلي بالك من شغلك انا قولتلك اهو
متولي:حاضر يابيه
عاصم بصوت مرتفع: فاروق يافاروق
يأتي فاروق مهرولا: عاصم بيه حمدالله علي سلامتك
عاصم: الله يسلمك اخبار المحاصيل ايه
فاروق"بفرحه": الحمد لله عال اوي
: طب الحمد لله تعالي معايا
ليذهب عاصم معه لكي يتاكد من بضاعتهم قبل خروجها من البلد فهو له سمعته المعروفه لا يسمح لاي شئ ان يهدم ماصنعه عائلته
بعد فتره من الوقت تصدر السياره صوتا دليل علي وصولها ليتسقبلهم عاصم وهو يرحب بهم : اهلا اهلا البلد كلها نورت
: منوره بيك ياعاصم قولي اخبار البضاعه ايه
:وانت اول مره تاخد بضاعه منين ولا ايه ياباشا
: عارف ومتاكد انا مبتعاملشي الا معاك ياعاصم وانت عارف كدا كويس
عاصم"بسعاده": ربنا يديم الموده يارب والثقه يلا تعالي الغدا جاهز علي ماالرجاله يحضروا الحاجه
: بيوحشني اكلكم قوي باجي مخصوص علشان ادوقه
عاصم"بحب": بالهنا والشفا ده شرف لينا
يتناولوا الطعام داخل السرايا علي مايتم تحميل بضائعهم علي سيارتهم ثم يودعهم ................
استيقظ وهو يشعر بصداع من ليله الامس فهو لم ينام الا ساعتين فنهض في كسل ودلف الي المرحاض لكي ياخد شاور ثم خرج وتحرك تجاه دولابه واخرج منه بنطلون اسود وارتدي قميص ابيض وعدل من شعره واخد مفاتيح سيارته وهبط الي اسفل ثم خرج دون ان يراه احد
كان الجد يمسك بالجرنال يتصفحه ليعرف مايحدث حوله
الجده: عزيزه اطلعي صحي الولاد
عزيزه: حاضر ياست هانم
لتصعد عزيزه لفتح غرفه فرح
: فرح يافرح قومي يلا الفطار جاهز
:اممممم سيبيني شويه ياداده مشبعتش نوم
عزيزه: يلا ياست البنات انتي عارفه جدك وجدتك مش بيفطروا الا معاكم يلا
لتفتح عيونها ببطئ وتقول: حاضر ياداده هغسل وشي وانزل
تدق غرفه سليم ولكن لا من رد لتفتح غرفته وتبحث عنه تدق باب المرحاض وتهتف:سليم ياسليم انت جوا
ولكن لا من رد ايضا لتهبط الي اسفل وتخبرهم
فرح"بابتسامه": صباح الخير ع الحلوين
الجد"ع غير عادته": صباح الخير يافرح
الجده: صباح الخير ياحبيبتي
لتنظر حولها وتتسائل: امال فين سليم
الجده "بحزن": مش ف اوضته اتصلت عليه قالي انه ف الشركه ونفطر احنا
لينهض الجد فجأه دون ان يتناول فطوره
الجده"باستغراب": ايه ياحج انت ماكلتش
الجد"بحزن": ماليش نفس انا طالع ارتاح حبه
تنهض فرح بحزن : عن اذنك ياتيتا
تنادي الجده بحزن: عزيزه ياعزيزه تعالي شيلي الاكل
..........تقف امام غرفه ولدتها تبكي ف صمت وبجانبها يجلس جيرانها
حسين"بحزن": انا لازم اعمل اي حاجه علشان خاطرهم
حسنه"بشفقه": ياريت كان ف ايدينا حاجه بس هتعمل ايه ربك يدبرها
حسين" بضمير":لازم اعمل اللي كان لازم يتعمل من 35 سنه فاتوا
تضرب ع صدرها بصوت منخفض : انت اتجننت ياراجل انت عايز تودي نفسك ف داهيه
بحزن: العمر مبقاش طويل ياحسنه عايز اقابل وجه كريم وانا ربنا راضي عني
حسنه"بخوف": انا خايفه عليك
حسين: يبقي تخافي عليا لما اقابل ربنا وانا مش عارف اقوله ايه ولا يسامحني ازاي
لينطلق سريعا خارج المستشفي ويستقل بتاكسي ويخرج من محفظته ورقه قديمه : اطلع ع العنوان ده ياسطي
...................
يدق جرس المنزل عده مرات لتأتي ع الفور تنظر له باستغراب من ملابسه وهيئته : مين حضرتك
:المنياوي باشا موجود وحرمه
: ايوه اقوله مين
: هو ميعرفنيش بس انا لازم اقابله ضروري
: ثانيه واحده خليك عندك
لتذهب حيث كان يرتشف قهوته هو وزوجته وتقول : فيه واحد برا عايز يقابلكم
الجد: مين ياعزيزه
عزيزه : اول مره اشوفه ف حياتي
: طب دخليه اوضه الجلوس واحنا جايين
يدخلا غرفه الجلوس وينظروا له بغرابه ليقول: مين حضرتك
حسين : مش هاخد من وقتكم حاجه بس فيه حاجه ضروري لازم تعرفوها
ليجلس الجد ومعه زوجته: اتفضل احكي
ليقص عليهم كل شئ
ما ان سمعت حديثه حتي فقدت وعيها
ليهب الجد واقفا : اييييه بتقول ايييه .......
🟣🟣🟣🟣🟣🟣🟣🟣🟣🟣🟣
𝙿𝚊𝚛𝚝 9
ليهب الجد واقفا: اييييه بتقول ايييه
ليتنبه الي زوجته ويحاول افاقتها لتفيق وهي تردد: بنتي بنتي هاتولي بنتي عايزه اشوفها
وفي ذلك الوقت دخل سليم فجأه ليهرول تجاه جدته وهو يسندها: ايه ياجدي اللي حصل
الجد"بدموع": بيقولي اني بنتي عايشه مماتتشي
سليم"بصدمه": بنتك مين
وقام ليمسك في قميص حسين ليهتف بغضب: انت اتجننت ياراجل انت ايه الكلام ده شكلك نصاب مين زقك علينا اعترف
لياخد نفسه بصعوبه ويشير لجده لكي يتركه
الجد:سلييم سيبه خلينا نفهم
فلاش
الجد: بسرعه بسرعه مراتي تعبانه في العربيه حد يجي يساعدني
ليهرول اليه بعض الاشخاص : اوامرك ياباشا حاضر تم ادخالها الي غرفه العمليات وبعد فتره من الوقت خرج الطبيب ليبشر الجد : مبروك جابت بنت زي القمر
بفرحه شديده: الف حمد والف شكر ليك يارب طمني عليها
الطبيب"بابتسامه": اطمن هي بخير حبه وهتطلع
ليعطي للمرضات مبلغ كبير من المال كي يبارك الله له ف بنتهم ليميل ع ابنه ويقول: ماما جابت نونه
الطفل ببراءه: هيييه عايزه اشيلها يابابي
الاب: حاضر ياحبيب بابي
علي بعد مسافه منهم يقف مسعط امام غرفه العمليات الاخري ينتظر زوجته ليقول : ورحمه ابويا لو العيل مات تاني لهطلقها وارميها ف الشارع
والدته: وهي ذنبها ايه بس ياابني اراده ربنا ديه مراتك ست البنات مش هتلاقي ف ادبها ولا اخلاقها وتدينها
مسعد"بغضب": كلمه ومش هتنيها تاني انا نازل اجيب سجاير
لينزل الي اسفل في حين خروج الممرضه : للاسف البنت ماتت
لتضرب علي صدرها : كيف ده حصل
الممرضه: حاولنا والله بس هي ماتت بعد خروجها بربع ساعه
الام"ببكاء": ياواقعه مش فايته هنعمل ايه
الممرضه"بمكر": فيه حل بس محتاج فلوس كتير
الام"بلهفه": زي مانتي عايزه بس الحقيني بيه
الممرضه: فيه واحده لسه جايبه بنوته ممكن نبدلها
الام" بحزن": حرام يابنتي حرام نكسر فرحتهم
الممرضه" وهي تلوي فمها": زي مانتي عايزه
لترحل وتفاجأه بها تنادي عليها لتبتسم ثم تلتفت اليها : نعم
الام"بدموع": اعملي يابنتي زي ماقولتي وربنا يسامحنا
الممرضه: طب هروح ابدلهم بسرعه واجي
بعد فتره من الوقت تحمل الطفله وتعطيها لها لتدمع عينها وتقول: بسم الله ماشاء الله سامحيني يابنتي
الممرضه: بصي الكارت ده وقع منه وهو بيدينا الفلوس ده ابو البنت ديه
الام"بشكر وابتسامه": شكرا يابنتي
لا يعرف هذا السر سوا الجده وزوجته التي حاولت عده مرات عوده البنت لاهلها ولكن منعتها والده مسعد خوفا من خراب بيتهما لتمرض بعد فتره وتتوفي ثم قبل وفاة والده مسعد من سنه قامت باخبار حسين الصديق الوحيد لمسعد وتوفي مسعد بعد والدته بثلاث شهور تاركا بنته وحفيدته بمفردهما ليخشي حسين من اخبار المنياوي بالحقيقه ظننا من زوجته انهما بالتاكيد سيلقوه بالسجن ولكن ضميره استيقظ وهو يري والده حياة بين الحياة والموت الممرضه"بتمثيل": للاسف البنت ماتت
الاب" بصدمه": ازااااااي ده حصل
الممرضه: تعبت فجأه ومقدرتشي تستحمل
ليسند علي الحائط وهو يردد ان لله وانا اليه راجعون ..لا حول ولا قوه الا بالله
الممرضه: المدام فاقت جوه وبتنادي عليك
ليسرع لها : فين بنتي نفسي اشوفها
ليقبل يدها ويقول: انتي طبعا مؤمنه بربنا وراضيه باي حاجه متزعليش يا حبيبتي مالناش نصيب فيها
الام"ببكاء": ازااي انا عايزه بنتي هاتلي بنتي علشان خاطري
الاب"بحزن وهو يمسح ع راسها": امر ربنا يا حبيبتي هنعترض
: استغفر الله غصل عني والله انا فضلت اتمني اليوم ده انت عارف كان نفسي ف بنت كان نفسي تبقي اختي وصاحبتي وبنتي
بتخفيف عن زوجته: وانا فين بقي انتي خلاص نسيتيني
: انت كل حاجه في حياتي ربنا ميحرمنيش منك
بااااااك سليم : وايه يضمننا انك مبتكدبشي
حسين: اول ماتشوفوها هتعرفوا هي نسخه مصغره من الحاجه في كل حاجه
ليقف سليم بحده ويقول: وايه فكرك بينا دلوقتي
حسين "بحزن": هي ف المستشفي دلوقتي ومحتاجه عمليه غاليه اوي ف القلب واحنا حالنا علي ادنا
الجده"بدموع": اييه تعبانه ياحبيبتي يابنتي يلا ياحج ابوس ايدك نفسي اشوفها
الجد"بدموع": حاضر حاضر جهز العربيه ياسليم
سليم"بقله حيله": اوامرك ياجدي
................ تحيه"بخضه": مالك يابت ياشهد
شهد" بلا مبالاه": مفيش ياامه انا هاقوم احضر الغدا
تحيه وهي تمسك يدها: انتي اتخانقتي مع جوزك
شهد"بدموع": اصل امبارح ....
وقصت علي والدتها ماحدث
الام"تضرب ع صدرها": انتي قليله الادب ازاي تقولي كدا عايزه تضيعي الباشا منك
شهد "بصدمه": ده بدل ماتاخديني معاكوا ولا تكلموه
تحيه: لا ياروح امك اسمعي كلامه كفايه العيشه اللي انتي فيها ديه واسمعي واسكتي ولو مد ايده عليكي اياكي تقلي ادبك احنا هنمشي بقي
سمحت لدموعها بالنزول فهي لم تصدق ماسمعته للتو من والدتها تكذب أذنيها ولكن هي تلك الحقيقه التي تحاول مرارا ان تخفيها ع نفسها
تحيه"بحده": امسحي دموعك ديه وحصليني ع برا
قامت شهد وغسلت وجهها وخرجت لتري زوجها يضع قدم ع قدم امام والديها ويتحدث معاهم باستعلاء وهما لا تغيب الضحكه عن وجههم وهما يتناولوا ماوضعته من قبل
فتحي: نستأذن احنا بقي احنا كلنا برا مالوش لزوم ناكل هنا
حمزه "بتكبر": محدش عزم عليك اصلا سلام ياحمايا
فتحي وهو يبلع ريقه : مع السلامه ربنا يسعدكم
لتدخل سريعا الي غرفتها وترتمي علي سريرها وتبكي بصوت مرتفع
ليدخل ويتجه الي الدولاب ليخرج بنطلون اسود ومعه قميص ازرق ويرتديه ويعدل من شعره : انا هبات برا لحسن تعملي زي الستات المصريه وتقلبي عليا الدنيا مش طايق اشوفك وشك هروح ادور علي نسوان بحق وحقيقي خلاص انا خدت منك اللي انا عايزه
شهد"بصدمه وبكاء": طلقني انا بكرهك طلقني
حمزه "وهو يمسك شعرها بقوه": طلاق مفيش الا بمزاجي انتي هنا خدامه عندي
ليدفعها لتقع ع الارض ليخرج ويقوم بتحريك المفتاح عده مرات ليعلن عن حبسها تنهض بصعوبه وتتجه الي المرحاض لتتوضا وتصلي وتدعوا ربها ان يخلصها من جشاعه والديها وظلم من يطلق عليه زوجها
..................... تصل سياره سليم امام المستشفي لينزل سريعا الجد بقدر المستطاع ويمسك زوجتها ومعه حسين
سليم: اتفضل انت ياجدي انا هركن العربيه واطلع
الجد: حاضر
يصعدوا الي اعلي ليري زوجته تجلس وبجوارها حياة التي لم تكف عن دموعها
حسين: ديه حياة
الجده وهي تسرع اليها وتضما : بنت الغاليه ياحبيبتي يابنتي
حياة "تمسح دموعها وتقول بعدم فهم" : مين دول ياعم حسين
الجد "بحب": هنفهمك كل حاجه بس الاول اشوف بنتي
حياة"بعدم فهم ": بنتك مين
حسين"بامر": بعدين ياحياة بعدين
ليسمح لهم الطبيب بدخول الجد والجده لتري نسخه مصغره منها تحيط بمجموعه من الاجهزه لتسقط منها عبرات متتاليه لتقبل راسها ويقبل زوجها يد ابنته ويخرجا سويا
الجد بدا يقص علي حياة ماحدث وهي دموعها تتسابق مع بعضها لتنظر لجدتها "بدموع": صحيح انا مخدتش بالي من الشبه ده انا حاسه ان ماما قاعده قصادي
الجده : ربنا يقومها لينا بالسلامه يارب
حياة"بدموع": يارب يارب
ليفتح جدها يده لترتمي بداخلهم لتشعر بسعاده ودفء لم تشعر به منذ وقت طوويل فبالرغم من ان مسعد توفي منذ فتره الا انه كان شديد غليظ في المعامله كانت تحبه لانها كانت تعرف انه والد امها فقط
تظل تبكي وتبكي وهو يمسح ع راسها حتي هدأت
.....................
تدق باب المنزل لتفتح لها عزيزه : فرح تعالي ياحبيبتي
لتدخل فرح : ازيك ياداده عامله ايه
عزيزه : نحمده يابنتي الحمد لله
:امال فين جدو وتيتا مش سامعه صوتهم
:فيه واحد جيه هنا وخرجوا معاه ومعاهم سليم
: خير ياداده
: علمي علمك يابنتي والله
: طب انا هطلع ياداده استريح شويه واحاول اكلم سليم
:ربنا يريح قلبك يابنتي
تصعد فرح الي غرفتها وتذهب عزيزه كي تعد الطعام
........................
ع طاوله الطعام
امينه: قولي ياعاصم عملت ايه
عاصم"بسعاده": كله تمام ياامه الحمد لله
امينه "وهي تضع المعلقه ف طبقها": ربنا يرزقك ياابني ويبعط عنك ولاد الحرام
وتميل ع سلسبيل: حبيبه تيتا مش بتاكل ليه
سلسبيل"بحزن": علشان هي زعلانه
عاصم وقد انتبها لها وقام واتجاه اليها : وبيلا زعلانه من ايه بس
سلسبيل"وهي تدير وجهها عنه": قوليله ياتيتا اني مخصماه
لتضحك الجده ع حركاتها وتقول: ليه يابيلا
بيلا"ببراءه": قالي انه هيوديني عند الحصانه بتاعتي وضحك عليا
ليضرب عاصم يده ع راسها: والله نسيت ياحبيبه قلب بابا كان عندي شغل كتير اوي حقك عليا
بيلا"ببكاء": انت ع طول مشغول وتيتا تعبانه وانا لوحدي وماما مشيت انا زعلانه اوي وبقعد اعيط لوحدي
عاصم"وهو يضمها ويقبل راسها": حقك عليا وبعدين لو عيطي تاني بابي هيزعل منك خلصي اكلك دلوقتي وهنروح دلوقتي للحصانه
بيلا"وهي تمسح دموعها": هيييه انا هاكل الاكل كله اهو
امينه"وهي تنظر له بعتاب": لينا كلام سوا ياعاصم
وقد ادرك ماتنوي الحديث به : ربنا يسهل ياامه
..................
بعد مانتهي من حديثه في الهاتف دخل الي المستشفي وصعد الي حيث اخبره حسين
راي جده يجلس وهو يضم فتاه وجدته تجلس وهي تقرا في المصحف ولا يري حسين الذي انصرف هو وزوجته بعد ان رحبت بعائله حياة وشكرتهم بشده ع انهم لم يعاقبوا زوجها ليقترب منهم : تعالي ياسليم ياابني
فتحت عيونها وهي تسمع جدها يتحدث مع شاب وعدلت من نفسها
الجد"بحب": ده سليم ابن خالك اللي حكيتلك عنهم افتكرتي
حياة وهي تنظر لجدها بابتسامه : اه ياجدو
الجد لسليم: ديه حياة ياسليم بنت عمتك
سليم وهو يقترب منها ويمد كفه رغما عنه ولكن حتي لا ينهره جده: ازيك ياحياة عامله ايه
حياة "بابتسامه رقيقه": الله يسلمك بخير الحمد لله
فنظرت له وراته يمد يده فقالت بحرج: احم اسفه مبسلمشي
لينظر لها سليم "بحده": .....
🟣🟣🟣🟣🟣🟣🟣🟣🟣🟣🟣
𝙿𝚊𝚛𝚝 10
حياة بحرج: اسفه مبسلمشي
لينظر لها سليم بحده بعد ان سحب يديه: انتي تحمدي ربنا اني مديتلك ايدي
لتشعر بالحرج امامهم ليهتف الجد بغضب: سليييم التزم حدودك ويلا انزل ادفع حق العمليه
ليتركهم وهو يغلي بداخله من هذه التي تتجرأ وترفضه ..كثيرا اجمل منها يتمنون نظره منه هو لم يمد يديه حبا فيها ايعقل ؟! هو يرفض الحب بشده لا يعتقد بوجوده وعندما يحب وهذا من المستحيل سيحب فتاه يحسده عليه الاخرين من جمالها وهي لا ترتبط بالجمال باي صله هي طفله عاديه بل اكثر من عاديه ونوي ف باله انه سيحطمها ع مافعلته بسليم المنياوي الذي يهتز لاسمه كثيرا من الرجال
الجد وهو يربط ع كتفها: متزعليش يابنتي سليم طيب وحنين بس هو عصبي شويه
حياة "بابتسامه": لا ياجدو عادي مفيش حاجه
الجد "يريد ان يعرف ماسبب رفضها هل خجل ام تدين": بس ليه رفضتي تسلمي عليه بايدك
حياة " بتوضيح": سيدنا رسول الله صل الله عليه وسلم قال" لان يطعن في راس احدكم بمخيط من حديد خير له من ان يمس امراه لا تحل له" صدق رسول الله صل الله عليه وسلم
الجد"بفخر": ربنا يحميكي يابنتي...بنتي فعلا عرفت تربي
حياة "بحب" : ربنا يباركلنا فيك ياجدو انا لحد دلوقتي مش مصدقه اللي حصل
الجد" بابتسامه": ديه احلي حاجه حصلت في حياتي يابنتي انا ماليش ف الدنيا غير جدتك وابني الله يرحمه وسليم وفرح وانا متاكد انك هتحبي فرح اوي وهي كمان
حياة"بحب": هي اد ايه ياجدو
الجد: اكبر منك بكام سنه كدا وفرحها كمان اسبوع
حياة"بفرحه": ربنا يتمملها ع خير ياجدو
الجد"بتساؤل": وانتي مش مرتبطه ياحياة
حياة"بخجل": لا لسه ياجدو
الجد "بداخله": الحمد لله وهيكون قريب اوي ثم هتف لها : احكيلي كل حاجه عنكم يابنتي
لتخبره حياه عن حياتهم البسيطه وهو يستمع بحرص شديد وتشاركه زوجته ف الاستماع
الجده: ان شاء الله هترجعوا تعيشوا معانا لا يمكن نسيبكم لوحدكم ابدا تاني
حياة: بس ياتيتا
الجد "بجديه": مفيش بس ياحياة المهم لما بنتي تفوق تتدخلي تتكلمي معاها بالراحه وتفهميها
حياة: حاضر ياجدو
ليضمها كلا من جدها وجدتها لتشعر بالسعاده والحب الذي حرمت منه من جدها القاسي ووالدها الذي توفي مبكرا
...................
يرن هاتفه عده مرات ليضغط علي الزر معلنا الرد
: ايه يافرح بترني كتير ليه
: كل ده ياسليم وقعت قلبي انتو فين
: في المستشفي علشان...
لتقاطعه فرح : مستشفي ايه ياسليم مين تعبان فيكو قولي ياسليم علشان خاطري متخبيش عليا
ليضحك سليم ويقول: يابنتي اهدي احنا كويسين بس المفاجأه بقي ان عمتك هي اللي تعبانه وبنتها هنا معانا
فرح" بصدمه": بتقول ايييه عمتي وكمان بنت عمتي!!
...................
بعد فتره خرج الطبيب
ليهتف: الحمد لله بقيت احسن وتقدروا تتدخلوا وممكن كمان تاخدوها معاكو البيت بس لازم يكون في رعايه كامله وتاخد العلاج بانتظام وكمان متتعرضشي لاي انفعال وتيجي كمان كام يوم نحدد ميعاد العمليه
الجد: حاضر شكرا ياابني
الطبيب : مفيش شكر ده وجبي عن اذنكم
الجده"بحب": ادخلي ياحياة اتكلمي معاها بس بالراحه يابنتي
تنهض حياة وهي تقول: حاضر ياتيتا
دلفت الي ولدتها وهي تقول بدموع: وحشتيني اوي ياماما الف سلامه عليكي
لتمسك الام يدها وهي تقول: الحمد لله انا بخير ياحياة اطمني يابنتي كل اللي ربنا يجيبه خير
لتمسح حياة دموعها وهي تقول: ونعم بالله فاكره ياماما لما قولتيلي ربنا اكيد هيعوض صبرنا خير
لتهتف الام بدعاء: يارب يابنتي يارب
حياة" وهي تقبل يدها": وربنا استجاب لدعاكي ياست الكل
الام: مش فاهما حاجه
حياة وهي تبتسم: جمدي قلبك كدا علشان فيه مفاجأه حلوه اوووي
الام "بحب": قولي ياقلب امك
لتقص عليها حياة لتنصدم الام ف بدايه الامر ولكن تنزل دموعها فرحا وتقول: انتي متاكده ياحياة
حياة : ايوه ياماما ديه تيتا شبهك خاالص
الام"بلهفه": هي فين عايزه اشوفها
لتنهض حياة بخفه: ثواني ويكونوا هنا لتخرج سريعا لتنصدم به: انا اسفه مكنشي قصدي
سليم"بحده": انتي ايه عميه ابقي فتحي بعد كدا
حياة"بدموع": انا اتأسفتلك والله مكنشي قصدي
سليم وهو يرحل: قصدك ولا مش قصدك فتحي وخلاص المره اللي جايه مش هرحمك
حياة بغضب: مغرور وشايف نفسه والاحسن اني اتجنبه خالص نسيت كنت راحه فين منك لله
لتهتف: ااه جدو ياجدو
الجد"بلهفه":عملتي ايه ياحياة
: الحمد لله فهمتها وكمان عايزه تشوفكم
تنهض الجده سريعا وهي تستند ع حياة وينهض الجد وهو يسند علي عكازه القوي ويدلفا سويا الي الداخل
تنظر الي ولدتها كما يقولون فيها نسخه منها لتسرع اليها الجده: حمد الله ع السلامه يابنتي
ويقبل الجد راسها: الف حمد والف شكر ليك يارب
تنزل دموعها هي لا تصدق الي الان ان والديها ع قيد الحياة وامامها الان
الجد وهو يمسح دموعها: كفايه بقي من هنا ورايح مش عايز اشوف الا ضحكه حلوه علي وشك
لتهز راسها دليل ع موافقتها تشعر بسعاده لاول مره معاهم لتمسح حياة دموعها وتذهب كي تصلي ركعتي شكر لربها وتتركهم يتبادلون الاحاديث
.....................
في غرفتها هي لا تستوعب ماقاله
فرح: والله زي مابقولك كدا يااسر
اسر"بضحك": غريبه الحكايه عامله زي الافلام اللي بنشوفها
فرح"بضحك": اه والله فعلا سليم قالي انهم هيجو بليل وقال لداده عزيزه تجهز اوضه المهم انا فرحانه اوي
اسر"بضحك": متفرحيش اوي كلها اسبوع وتسيبيهم ياعروسه وتنوري شقتك
فرح"بتذكر ثم تتضحك بصوت عالي": تصدق انا نسيت فرحي
اسر"بحده مصتنعه": سمعيني قولتي ايه يافرح
فرح " وهي تكتم ضحكتها": بهزر ياحبيبي بهزر
اسر" بحب": قولتي بهزر يا ايه
فرح وقد ادركت ماقالته لترد بخجل: بطل بقي ده انت رخم صحيح
اسر: زمانك دلوقتي جبتي كام لون يابت ده انا جوزك ...فرحتي
فرح"بحب": عيون فرحتك
اسر"بصوت رومانسي": بحبك ولو مردتيش عليا هقفل واخاصمك
فرح"بضحكه انوثيه": لا ياسيدي وع ايه وانا كمان بحبك
اسر"بحب": انا ماسك نفسي متخلنيش اجيلك
لتضحك بصوت مرتفع وسعاده
لنتركهم مع عالمهم الخاص
....................
في اسطبل الخيول
دلف مع ابنته كانت سعيده وهي تري الخيول لتسأل والدها: هو ماله يابابي الحصان ده
عاصم : نايم شويه يابيلا
: هو بينام زينا يابابي وكمان بيحلم
ليضحك علي تفكيره الطفولي: اه يابيلا والحصان ده بياكل شايفه شاطر ازاي
سلسبيل"ببراءه": لو خلث الاكل كله لازم تفسحه يابابي لحسن يزعل زيي ويفضل يعيط لوحده
ليضحك بصوت مرتفع يزيد من جاذبيته : حاضر ياستي
ليسير معاها حتي وصلا الي حصانه الذي تم وصوله الي الحياة في نفس يومها
سلسبيل: هييه انا مبسوطه يابابي اني شوفته
عاصم "وهو يحملها": امسكي كويس بقي وانا هركب وراكي
سلسبيل"بخوف": هنقع يابابي هنقع
عاصم بضحك: مش كنتي عايزه تركبي.. وبعدين تقعي وانتي مع بابي امسكي ومتخافيش
لتمسك بشده وهي تشعر بسعاده شديده ليسير بها عاصم وسط ترحبيب العمال الشديد لهما ومنهم من وضع قبله ع خدها ومنهم من اعطاها عصير ومنهم من اعطاها حلويات وهي تشكرهم ف سعاده كما يقول لها والدها
.....................
رحلت الشمس بنورها ليحل مكانها القمر
بعد ان انتهي من اجراءات المستشفي دخل الي عمته بجاذبيته فنظرت الي الاتجاه الاخر لا تريد الاحتكاك به فراها وشعر بالغيظ منها ولكن لم يعطيها اهتمام واكمل سيره الي السرير التي تجلس عليه وقال: حمدالله علي السلامه ياعمتي
: قرب ياحبيبي تعالي
لتضع قبله علي خده وهي تقول: كان نفسي اشوف ابوك بس انت الخير والبركه ربنا يرحمه
ليبتعد عنها وهو يتذكر والديه ليشعر بالالم ليكتمه بداخله
الجد:سليم ياابني خد حياة وروح هات حاجتهم من البيت واطلع ع بيتنا وانا هتصل بالسواق يجي ع هنا
ليدق قلبها بشده : لا ياجدو مينف.....
الجد"يقاطعها" : مفيش لا يابنتي اسمعي الكلام
حياة: بس ياجدو
الجد: مفيش بس ياحياة يلا يابنتي
الجده"بابتسامه": اسمعي كلام جدك متبقيش زي سليم عناديه
ليحمر وجهه من تلك الحمقاء ويغلق يديه بقوه من هي لترفضه ثم ابتسم بمكر: شوفي مين هيحوشك من تحت ايدي واحنا لوحدنا
لتنظر له وتراه لتشعر بالخوف من هيئته وتقول: ح ا اضر
.....................
كانت تصلي العشا وسمعت الباب يفتح هي كانت تظن انه سيعود ف منتصف الليل او اكثر ولكن سريعا ماانتبهت لصلاتها حتي انتهت منها لتلتفت وتراه يجلس وينظر لها بخبث
شهد"بخوف": احضرلك الاكل
حمزه: لا مش عايز ياشيخه شهد تعالي ورايا
لتسير خلفه بخوف الي غرفتهما ثم اغلقها وجلس ع سريره واشار الي قدمه: قلعيني الجزمه
شهد بصدمه وهي تنظر له: اخلصي
لتهبط الي الارض وتقوم بتنفيذ طلبه ثم تضعها في مكانها ليهتف: هدخل اخد دش اخرج الاقيكي لابسه هدوم عدله بدل الهلاهيل ديه
اتجهت الي دولابها واخرجت بچامه وعدلت من شعرها فكانت جميله جدا كانت تنظر الي المرأه وكان بداخلها نيه محاوله تغير العلاقه بينهما فعزمت علي اخباره ظلت تدعوا ربها ان يقف معاها حتي سمعت صوت الباب يفتح
شهد"بخوف": ممكن اتكلم معاك
حمزه: عايزه ايه
شهد"بدموع": ممكن تسمعني للاخر انا عارفه ان اهلي تصرفاتهم غلط بس انا مش زيهم انا ميهمنيش فلوس الدنيا كلها كل اللي انا عايزاه راجل حنين وقريب من ربنا وبيت وعيله انا ممكن انسي اللي بينا كله ونبتدي من جديد
نظرت له تنتظر رده بخوف حتي قام واتجه اليها ونظر ف عيونها ثم هتف بضحك: ديه خطه جديده يابنت فتحي
شهد"ببكاء": والله ابدا
: تؤتؤ مينفعشي العينين الحلوين دول يعيطوا
ثم دفعها علي الفراش بقوه وهو يقترب منها : انتي هنا لمزاجي عمرك ماهتنولي شرف انك تكوني مراتي بحق وحقيقي
شهد"بدموع": طلقنييي......