الفصل الثاني
*ࢪوايــه حيــاه🐣💗🌿ً.ً꒰﮼ْ◜*
𝙿𝚊𝚛𝚝 4
𝙿𝚊𝚛𝚝 5
𝙿𝚊𝚛𝚝 6
🟣🟣🟣🟣🟣🟣🟣🟣🟣🟣🟣
𝙿𝚊𝚛𝚝 4
فتحي: كوبايتين عصير ياام شهد بسرعه
تحيه"بتساؤل": لمين
فتحي"بفخر": ده الباشا حمزه
تحيه"بفرحه": هو جاي لحد شقتنا بنفسه ياهلا وسهلا اهي ديه الناس ولا بلاش شوفت سمعت كلامي وتقلت عليه وجالك بنفسه
فتحي :طب خلصي بسرعه يلا واعملي غدا كويس
تحيه"بسعاده": احلي غدا يااخويا من عنيا الاتنين
"حمزه شاب في عمر ال30 ذو شعر اسود وعيون بنيه متوسط القامه وسيم الي درجه متوسطه لا يعرف عن المسئوليه اي معني فهو الابن الاصغر لعائله مشهوره في احد القري "عيله الحسيني" تعرف علي المعلم فتحي منذ نزوله القاهره لكي يشرف علي احد شركاتهم "
تركها فتحي وذهب الي الصاله ليري حمزه يقف ويشاهد شقه المعلم فتحي باستغراب
فتحي: الشقه مش من مقامك ياباشا
حمزه"بعدم اهتمام": فينك بقي من اسبوع انا مش عارف اوصلك
فتحي"بكدب": حقك عليا يا باشا كنت تعبان شويه
حمزه"بعدم اقتناع": ماشي يامعلم بس بعد كدا تبقي تعرفني مش افضل مستنيك كل ده
فتحي"بابتسامه": من عنيا الاتنين
حمزه :يلا هات الامانه بقي لحسن بقالي اسبوع مش قادر
فتحي"بمكر": بس ديه هتكلفك كتير ديه حته حلوه اوي
حمزه : مش مهم مش مهم مهما كانت بكام
فنحي"بفرحه": طب ثانيه ادخل اجيبها
لتري شهد والدتها امامها
تحيه"بلهفه": قومي يابت حطي احمر كدا وظبطي هدومك وتعالي اخرجي
شهد'باستغراب' :ليه ياامه فيه ايه ومين اللي برا ده
تحيه"وهي تحركها نحو الدولاب": اسمعي الكلام يا حبيبه قلب امك وتعالي ساعديني ف المطبخ
لتخرج وتترك شهد في حيره كي تري الطعام الذي تضعه علي البوتجاز
لتخرج شهد دون ان تخضع لكلام والدتها لتري تلك العيون تنظر لها حتي وقف وجاء اليها
حمزه"بغمزه": عمال ادور عليكي في الشقه كلها كنتي فين ياقمر
شهد"بضيق": هتحترم نفسك ولا انادي ع ابويا
حمزه"بضحك": شكلك عسل وانتي متضايقه وبصراحه خساره مكانك في البيت ده
لتتركه شهد وهي تغلي من كلامه وتقول في نفسها: انسان قليل الادب كتك القرف
لتدخل الي والدتها :مين ياامه البني ادم قليل الادب ده
تحيه"وهي تضع يدها ع فمها بسرعه": اخرسي يابت ده الباشا لو عرفتي توقعيه تبقي بنت بطني بصحيح
شهد"بضيق": عايزاني اعمل معاكي ايه ياامه ف الاكل
لتبدا في تجهيز الطعام كما امرتها والدتها
..............
الام "من المطبخ": حياة ياحياة
حياة : ايوه ياماما
الام: حطي الطبليه يا حبيبتي يلا الاكل جهز
حياة: حاضر ياماما
لتضع حياة الطبليه وتقوم بفرشها بورق الجرائد كي تضع عليه الطعام وتدخل الي المطبخ
حياة: اخرجي انتي ياماما وانا هكمل
الام"بتعب": لا يا حبيبتي انا بغرف اهو خدي خرجي اللي غرفته
حياة"بحب": حاضر يا ماما
تضع طبق المسقعه والجبنه وتدخل كي تخرج باقي الاكل لتري والدتها تستند علي الحائط
حياة"بخضه": ماما فيكي ايه
الام"وهي تحاول تتماسك امامها": مفيش يا حياة تلاقي بس ارهاق
حياة"بلوم":قولتلك يا ماما ارتاحي وانا اعمل الاكل
لتضع يدها علي والدتها واليد الاخر علي كتفها وتساعدها علي الخروج لتجلسها علي الكنبه
حياة"بحزن": انزل اجيب الدكتور يا ماما
الام :لا يا بنتي انا هبقي كويسه بس اعمليلي ميه بسكر
حياة "وهي تسرع نحو المطبخ ": حاضر
تضع الكوبايه وبها الماء والسكر وتظل تقلب بسرعه وهي تدعو في سرها :يارب يارب انا مش طالبه حاجه من الدنيا غير انك تباركلي في امي انا مقدرشي اعيش من غيرها
لتهرب من عيونها دمعه وتمسحها سريعا وتخرج الي والدتها
حياة"بحب وهي تسند والدتها": اشربي يا ماما بالشفا يارب
تشرب والدتها وتطلب منها ان تستريح علي السرير لتساعدها حياة وتضع عليها الغطاء وتظل بجانبها حتي تتأكد انها نامت بسلام لتسمع الاذان لتذهب وتتوضا وتظل تبكي وهي تصلي ومع كل سجده تدعو الله
.....................
فتحي: الحته اهيه يا باشا هتظبط دماغك بس خلي بالك وانت ماشي الشرطه مش سايبه حد في حاله اليومين دول
ليقف حمزه وهو يقول: متقلقشي ده انا حمزه الحسيني انا هامشي بقي يامعلم ويقول "بتحذير" :زي ماقولتلك متغيبشي تاني فجأه
فتحي"بخوف": لا يا باشا اخر مره بس استني ديه شهد عامله صنيه بطاطس بالفراخ تستاهل بوقك
حمزه :لا شكرا انا لازم امشي
لتخرج فتحيه وتقول : وديه تيجي ياباشا مينفعشي لازم تدوق اكل شهد بنتي
ليبتسم عندما تذكر تلك الفتاه العنيده :حاضر
ليجلس معاهم وتقوم شهد بوضع الطعام علي الطاوله وهي تهرب من نظراته الجريئه
فتحيه"بابتسامه": دوق حته الفرخه ديه ياباشا
حمزه "بابتسامه مجامله": تعيشي ياست تحيه زي العسل زي اللي عملتها
تحيه"بفرحه": ده انا بنتي ست بيت شاطره ياباشا
لتقف شهد بغضب وتقول : الحمد لله شبعت
ليقف حمزه هو الاخر ويقول: الحمد لله
فتحي"بسرعه": طلعي ياشهد الفوطه وخدي الباشا يغسل ايده
شهد "لتجنب كلام والديها":حاضر اتفضل
ليمشي حمزه بجانبها حتي اختفي من امام والديها ليمسك يدها لتشهق وتقول : انا غلطانه اني جيت معاك لترمي الفوطه بوجهه وتنصرف من امامه سريعا وهي يضحك عليها
..................
تنزل فرح بخفه وابتسامه عندما سمعت نداء جدها
الجد: فرح يابنتي تعالي جمبي
فرح"بحب": حاضر ياجدي
الجد"وهو يضمها": الفرح كمان اسبوعين ان شاء الله قولتي ايه يابنتي
فرح وقد تلون وجهها: زي ماتشوف ياجدي انا هاقوم اجيب العصير
الجد"بضحك": قومي ياقلب جدك
ليسرع اسر ويقول :انا هاقوم ياجدي اشرب لحسن عطشان اوي
الجد بضحك علي تصرفاتهم : قوم ياابني اتفضل
تعد العصير وهي شارده في فرحها الذي سيكون بعد اسبوعين مع حبيبها الاول لتشهق وهي تراه يضمها بشده لتقول: عيب ياكدا يااسر مينفعشي
اسر "بهيام": انتي مراتي يافرح
ويضع قبله علي راسها ويستأنف كلامه :كلها اسبوعين وعمري مااسيبك من ايدي ابدا
: لا والله وشغل حضرتك ولا ناوي تسيبه
ليتفاجأه بسليم الذي يستند علي الحائط
اسر وقد فك اسر فرح من يده لتسرع للخارج : منك لله يااخي مبوظلي اسعد اوقات حياتي اشوف فيك يوم
سليم"بابتسامه تزيد وسامته" :علشان تحرم تعمل كدا تاني
اسر وهو يضرب كف علي كف : لا حول الله يارب مراتي ياناس
لينظر له سليم ويقول : المهم عايزاك تشوفلي سكرتيريه في اسرع وقت
ليقول اسر بصدمه : تاني قصدي تالت ورابع انت بتوديهم فين انا كل اسبوع تقريبا بجيبلك واحده
سليم"بضيق": اختيارك زفت اعمل ايه وبعدين انت مالك اسمع الكلام وانت ساكت
اسر :امري لله اوعي بقي كدا اما اروح اشوف فرحتي فين
سليم "وهو يضغط علي اسنانه": اسر اسبقني علي المكتب ورانا زفت شغل
اسر"باستسلام": امري لله رايح يااخويا اهو
ليترك سليم يقف بحيره من امرهم هل مازال هناك حب ؟
ماهو الحب ؟ هل سيخضع قلبي في يوم له؟
ليرد سريعا لا لن يحدث ابدا ...
🟣🟣🟣🟣🟣🟣🟣🟣🟣🟣🟣
𝙿𝚊𝚛𝚝 5
تشرق شمس الصباح علي احد القصور لتعلن عن يوم جديد في حياتنا
تحرك الكرسي الذي تجلس عليه منذ 5سنوات منذ وفأة زوجها الحبيب
امينه :ياعم عبده ياعم عبده
ليسرع اليها الراجل الذي معهم منذ زواجهم لا يمل ولا يخون ثقتهم فهو يعمل لديهم منذ وقت كبير حينما امتد به العمر رفض تركهم فهو اذا تركهم سيشعر بانه وحيد وربما يموت فتركته زوجته لتقابل وجه كريم وسافر ابنه وتركه وحيدا
عم عبده :ايوه ياست هانم
امينه :سلسبيل فطرت ولا لسه
"سلسبيل اول حفيده لها يبلغ عمره 5سنوات ورثت عن والدتها العيون العسليه والغمزات طفله مرحه تحب والدها بشده"
عم عبده: ايوه ياست هانم وبتلعب برا ف الجنينه وعاصم بيه بيمر ع الاراضي يشوفها
امينه "بحب": شكرا ياعم عبده روح انت بقي ل بيلا شوفها لحسن تقع خلي بالك منها
عم عبده"بحب": الست الصغيره في عنيا ياست هانم
ليدلف عاصم الي الجنينه وما ان راته طفلته حتي هرولت اليه
سلسبيل : بابي وحشتني
ليحملها والدها وهو يقبلها ويهتف: بيلا حبيبه قلب بابي وحشتيني اوي قوليلي بقي ياستي فطرتي ولا لسه
سلسبيل "بابتسامه": ايوه يابابي عم عبده فطرني وكمان شربت كوبايه اللبن كلها كلها
عاصم وهو يطبع قبله علي وجهها: وانا مبسوط من بيلا اوي وهاخدها معايا تشوف الحصان بتاعها
سلسبيل بضحك شديد مما يظهر غمزتها: هييييه انت احلي بابا في الدنيا
ليأتي عم عبده ويقول: اهلا اهلا ياعاصم ياابني
عاصم"بابتسامه": ازيك ياعم عبده
عم عبده: نحمده يابني الحمد لله
عاصم: خد ياعم عبده سلسبيل ع مااطلع اخد دش
عم عبده وهو يحملها منه :اتفضل ياابني
ليدلف الي القصر وما ان راي والدته حتي انحني لها يقبل يدها :صباح الفل يا حبيبتي
امينه "بحب": صباح الخير علي عيونك ياحبيبي فطرت ولا خرجت زي عادتك
عاصم :شربت القهوه بتاعتي كنت مستعجل اشوف العمال عاملين ايه ف الارض
امينه"بحب": طب اطلع ياابني غير هدومك وخد دش ع مااحضرلك الفطار
عاصم: حاضر ياامه طالع اهو
"عاصم الحسيني يبلغ من العمر32 مثال للرجوله والشهامه يمتلك وسامه وعيون حده مثل الصقر لا يتساهل في حق عمله توفت زوجته منذ عامين بمرض شديد لم تستطيع تحمله تركت له سلسبيل رفض الجواز من بعدها مره اخري"
....................
في شركه المنياوي
تدق باب مكتب اسر ليسمح لها بالدخول لتدلف اليه
شيماء :اسر بيه بخصوص اعلان السكرتيره الجديده فيه بنات برا
اسر ف نفسه "ياه بالسرعه ديه "
شيماء باعاده كلامها مره اخري
ليفيق اسر من شروده :احم احم دخليهم واحده واحده ياشيماء
شيماء وهي تخرج من مكتبه :حاضر يافندم
لتدخل واحده تلو الاخري وتقدم ال cv لاسر كل فتاه علي امل انها ستقبل في تلك الفرصه العظيمه وهي ان تكون سكرتيره سليم المنياوي الذي لا تستطيع اي فتاه ان تقعه في شباكها وتحريك قلبه
ليتم اختيار احدهم من قبل اسر
شيماء : ايوه يافندم حضرتك طلبتني
اسر "بامر": ايوه ياشيماء ديه اللي وافقت عليها ياريت تتصلي بيها تبلغيها وتبدا شغل من بكره ان شاء الله
شيماء :حاضر يافندم اي اوامر تانيه
اسر" وهو يمسك راسه" : اه اطلبيلي فنجان قهوه بسرعه
لتخرج شيماء كي تلبي طلبات مديرها
..............
:مش عارفه اشكرك ازاي ياسليم باشا العماره ممتازه
سليم"بثقه": انت عارف انك مش بتتعامل مع اي شركه يافندم
:طبعا طبعا وده مش اول شغل لينا مع بعض احنا م بنتعامل الا مع شركتكم بس وكمان فيه شغل تاني عايزينه
سليم"بابتسامه ": شرفتنا وتقدر تسيب الملف بالمطلوب وهدرسه واتصل بيك نحدد كل حاجه مع بعض
ليقف وهو يمد يده لسليم : فرصه سعيده ياسليم باشا والملف اهو ادرسه براحتك مش مستعجل عليها
ليقف سليم ويمد يده له : احنا اسعد وهرد عليك في اقرب وقت
ليخرج الزبون ليترك سليم مع نفسه بعد ان فك بعض زراير قميصه وقام بتشمير كمه ليستريح قليلا
ليسمع صوت باب مكتبه ليفتح عيونه فجأه ويقول: مش معقول مش قادر استريح حبه
اسر"بضحك ": مانت اللي عقدتني كل حياتك شغل شغل المهم انا اختارت السكرتيره
سليم: ع الله مطلعشي زي اللي قبلها
اسر"بضحك": اطمن خالص ديه متجوزه ومخلفه كمان
سليم "بسخريه": وحياتك دول بيبقوا اكتر ناس خاينه
اسر "بتغير الموضوع": المهم يلا هموت واكل ماتعزمني ياابو نسب ع الغدا
ليقوم سليم من مكانه ويحمل مفاتيح سيارته :ابن حلال انا كمان هموت من الجوع يلا بينا
..................
تحيه "بصوت عالي": بت ياشهد افتحي الباب
شهد وهي تضع حجابها :حاضر ياامه
لتفتح الباب وتقول: ايه يا بابا اتاخرت كدا ليه
فتحي: روحي يا شهد هاتيلي كوبايه ميه هموت من العطش
شهد وهي تسرع الي المطبخ :حاضر يا بابا
تحيه: مين يابت
شهد وهي تضع الماء بالكوب :ده بابا يا امه جيه
تحيه"وهي تاخد منها الكوبايه": طب هاتي وروحي اعمليلي كوبايه لمون وخلي بالك من الرز ليتحرق عارفاكي موكوسه
شهد"بحزن ": اتفضلي ياامه
تشرف ع الرز حتي تاكدت من طهيه واعدت كوبايه الليمون لتخرج وهي تسمع والدتها: تعالي يا عروستنا تعالي
شهد"باستغراب": فيه ايه ياامه
تحيه وهي تقف وتفتح ذراعها لها :تعالي ياقلب امك ياوش السعد حمزه باشا طلب ايدك من ابوكي
ليقع عليها الخبر كالصاقعه ليسقط كوب الليمون ويتجزأ الي اجزاء صغيره وفجاه.
🟣🟣🟣🟣🟣🟣🟣🟣🟣🟣🟣
𝙿𝚊𝚛𝚝 6
تمر الايام سريعا علي ابطالنا ليأتي ذلك اليوم الذي سيحدد مصير كل من الابطال
في احدي الاحياء العشوائيه تعلق الزينه من بدايه الحاره حتي المنزل الذي تسكن فيه العروس تعالات الزغاريد واصوات ال دي جي ليعلن عن وجود مناسبه سعيده ليقف المعلم فتحي وهو يرتدي عبائه غاليه الثمن : ايوه هاتها يمين شويه لا لا شمال حبه انت ياابني ماتظبط ايدك
:اهو يامعلم فتحي كدا بقيت كويسه
المعلم فتحي "بسعاده وهي يضع يده ع راسه": نورتوني يارجاله عقبال عندكو
احدهم :ربنا يتمم بخير يامعلم فتحي
الاخر: ربنا يسعدهم يارب يامعلم
الاخر: فين الاكل يامعلم احنا ع اخرنا خلاص
ليضحك ويقول :خمس دقايق يارجاله والاكل يكون جاهز عن اذنكم
ليصعد علي السلم وهو يقابل الجيران التي تصعد وتهبط لتبارك لزوجته وابنته ويقول:عقبال عندكم جميعا
فتحي"بصوت عالي": ياتحيه انتي روحتي فين ياوليه
تحيه"بسعاده": هنا اهو يااخويا بحضر الاكل للناس اللي برا ديه
فتحي :طب شوفي عروستنا خلصت ولا لسه العريس زمانه ع وصول تعالي بصي من البلكونه كدا شوفي
تحيه تسرع معه وتنظر: الله اكبر الله اكبر خمسه في عين اللي يشوفنا وميصليش علي النبي ايوه يااخويا كدا
فنحي"بخوف بسيط" :طب يلا ادخلي شوفي البت شهد وعقليها كدا
تحيه"بارتباك": والله مانا عارفه مالها البت خايفه تبوظ اليوم غاويه فقر
فتحي"بتذكر": طب نادي اللي ماتتسمي حياة تعلقها شويه
تحيه: حاضر يااخويا نازله اهو
لتنزل علي السلم وتدق الباب عده مرات لتفتح حياة : تعالي ياخالتي اتفضلي
تحيه"بابتسامه مزيفه": شكرا يا حبيبتي بس عايزاكي في خدمه
حياة"باهتمام": قولي ياخالتي سمعاكي
لتقص عليها وتحاول تقنعها لكي تقنع بنتها
.....................
تقف امام المرأه بسعاده تاكدت من ملابسها وجمالها لترتدي الحذاء وهي تغلق الباب وتنزل علي السلم
فرح "بابتسامه": انا خارجه بقي ياجدو
الجد"بتساؤل": علي فين يابنتي
فرح "وهي تذكره": انت نسيت ياجدو اسر قال هيعدي عليا نروح نختار العفش
الجد"بتذكر": ااه يافرحه افتكرت ربنا يحفظكم يابنت الغالي ويباركلي فيكم
لتقبل يد جدها :يارب يا جدو وتخرج بسعاده لتجد اسر يقف علي باب السياره ويغمز لها: ايه الحلاوه ديه يافرحتي
فرح "بخجل": عجبتك يعني
اسر"بحب": طول عمرك عجباني يا حبيبتي ده انا خايف اخرج معاكي ارجع ميت
لتهتف بسرعه وتقول: بعد الشر عنك بتقول كدا ليه
اسر"بغيره": اصل لو حد بص للقمر بتاعي مش هسيبه الا لما اموته
لتطلق ضحكه انوثيه لتشعل الحب في قلبه ليقول:مره كمان وهقول مفيش خروج من البيت
لتضع يدها بطريقه طفوليه علي فمها ليبتسم علي تصرفاتها الطفوليه ويفتح لها باب السياره: اتفضلي يااميرتي
لتدخل فرح وسط ضربات قلبها العاليه من فرحتها فها هو اقترب يوم زفافها علي حبيبها الاول والاخير
......................... في القصور العريقه تدلف نوران لتسلم علي زوجه عمها وهي تبحث بعيناها عنه: ازيك يامرات عمي اخبار صحتك ايه
امينه"بايجاز": الحمد لله علي كل حال بتدوري ع حاجه ولا ايه
نوران"بارتباك": ابدا كنت بشوف سلسبيل وحشتني قوي قوي
امينه"بعدم تصديق": هي لسه طالعه فوق اوضتها تعمل الواجب
لتصعد سريعا وهي تقول :هطلع اساعدها يامرات عمي
لتطلق تنهيده طويله وتقول: ربنا يكفينا شر الناس اللي بوشين بس هعمل ايه البيت بيت عمها الله يرحمه هروح ابص ع الاكل احسن
لتصعد الي الاعلي لتمر ع غرفه سلسبيل دون الاهتمام بدخولها لتسير حتي توقفت امام غرفه عاصم وتبدا في وضع ادوات التجميل التي كانت تضعها في ملابسها وتنظر لنفسها ف المرأه :قمر قمر لازم اوقعه لازم
لتفتح الباب دون استأذن وتجلس علي سريره لفتره حتي خرج وهو يرتدي تي شيرت يبرز عضلاته ووسامته ويجفف شعره حتي تفاجأ بها
عاصم"بحده": نوران بتعملي ايه عندك
نوران"بدلع": اخص عليك ياعصومي ده انا جايه اطمن عليك
عاصم"بزعيق": اتعدلي كدا وانتي بتتكلمي يابت عمي
نورات وهي تقترب منه وتضع يدها عليه: انت عارف اني بعشقك ياواد عمي ومش عايزه حاجه من الدنيا الا رضاك عني وعارف كمان اني بحب بنتك وهكون لها ام وكل حاجه
عاصم وهي يزيح يدها بعنف: اه مانا عارف
نوران"بدلع وهي تعبث في شعره": طب تحب نتقابل امته
نزع يدها بعنف شديد وتحرك تجاه الباب وقال بحده: اتفضلي برااا واللي اتقال ميتكررشي تاني ولولا انك بنت عمي كنت هتصرف تصرف ميعجبكيش واتحشمي شويه ياحرمه
لتخرج نوران خائبه الامل تغلي من عاصم الذي دائما مايصد محاولتها تجاه
لتقابل سلسبيل :طنط نوران
نوران"بجفاء": عايزه ايه ياسلسبيل
سلسبيل"بابتسامه": فيه مسأله مش عارفه احلها ف واجب الحضانه
نوران وهي تنزل ع السلم :وانا مالي اسالي الميس بتاعتك حاجه تقرف
ليسمعها عاصم ليغمض عينه كي يمسك اعصابه لتسرع اليه ابنته وتمسك قدمه وتقول"ببكاء": اشمعنا صحابي عندهم مامي وبتحل معاهم الواجب وانا لا يا بابي سابتني ليه ومشيت هي مبتحبتيش طب انا زعلتها ف حاجه انا شاطره وبسمع كل الكلام
عاصم"بحزن": ماما بتحبك اوي يا بيلا بس هي راحت عند ربنا يا حبيبتي
سلسبيل "ببكاء وهي تنظر لوالدها": علشان خاطري وديني ليها يابابي عايزه اشوفها واحكيلها ونحل الواجب سوا
لتهرب دمعه من عين عاصم وهو يقول: بعد الشر عنك
ليمزح معاها : ممكن بابي يحل معاكي الواجب ولا بابي وحش بقي ومش بتحبيه
لتقبله سلسبيل في خده وهي تمسح دموعها وتقول: بابي عاصم احلي واحد ف الدنيا
................. دلفت حياة الي غرفه شهد وما ان راتها شهد حتي اقبلت عليها بسرعه تضمها وتبكي لتمسح حياة علي راسها وتقول :اهدي ياشهد يا حبيبتي فيه عروسه برضو تعمل كدا يوم فرحها
شهد"ببكاء": مش عايزه اتجوزه ياحياة مش عايزه
حياة"بهدوء": طب مقولتيش ليه كدا ف الاول خالتي قالتلي انك فجأه كدا النهارده رفضتي الموضوع مع انك كنتي مبسوطه
شهد"بصوت باكي": ابدا والله ياحياة انا رفضته من اول يوم انا بقالي اسبوع مشفتكيش ولما كنتي بتطلعي تسألي عليا امي كانت بتقولك مش موجوده صح
حياة"بتذكر": ايوه صح شهد وبدات تسرد عليها ماحدث
فلاااااش
تحيه وهي تقف وتفتح ذراعها لها : تعالي ياقلب امك ياوش السعد حمزه باشا طلب ايدك من ابوكي
ليقع عليها الخبر كالصاعقه ليسقط الكوب الزجاجي ويتحول الي اجزاء صغيره
تحيه وهي تضرب بيدها ع صدرها: نهارك مش فايت مالك يابت
شهد"بعدم تصديق": لا لا مستحيل اوافق عليه
ليقف فتحي :بتقولي ايه يابنت....ازاي متوفقيش علي الباشا انتي كنتي تطولي
شهد"بصوت عالي": انا بسمع كلامكم في كل حاجه الا ده لا يا ابه اسمعي
لينزل بكف يده الغليظ علي وجهه ويمسك شعرها ف يده وهو يقول: هموتك ياشهد هموتك اقسم بالله او رفضتي فرصه عمري
تحيه"بعدم تصديق رفض شهد" :انتي عايزه تموتيني انتي عايزه تخربي بيتنا مش كدا
شهد"ببكاء": حرام عليكم بقي انا ايه مش بنتكم
ليخلع فتحي الحزام الجلد ويلفه علي يده ليسقط فوق جسدها مره تلو الاخر وهي تصرخ دون جدوي لتسقط فاقده الوعي
فتحي: البت ديه تفضل محبوسه لحد ماالاسبوع يعدي ع خير انتي سامعه
تحيه"بخوف": حاضر يااخويا زي ماتشوف
بااااك
حياة "بدموع ": كل ده يحصل ياشهد وانا معرفشي ربنا يصبرك ياريت كان بايدي حاجه اعملها
شهد "وهي تمسح دموعها وتعزم علي شئ ما": ساعديني ياحياة اهرب ارجوكي لازم اهرب
.........................
وصلت سياره العريس التي تم تزينها بافخم انواع الورود لترجل حمزه منها وهو ينظر حوله بسخريه
فتحي"بفرحه": اهلا اهلا بعريس بنتي نورت الحته كلها
حمزه"بتكبر": فين العروسه عايز اكتب عليها ونمشي
فتحي"بخوف": مالك ياابني فيه ايه
حمزه"بحده": انا ولا ابنك ولا عمري اكون من ولاد الحاره ديه وانا وانت عارفين كويس اوي انك كل اللي يهمك الفلوس وانت بعت وانا اشتريت واظن انا دفعت اكتر من اللي تستحقوه
فتحيى "وهو يبلع ريقه": وايه لزوم الكلام ده ده انا عامل ليله ف الشارع انما ايه هتعجبك
لينظر حمزه حوله بقرف واستحقار : وهي بفلوس اهلك الليله ديه يلا اطلع نادي العروسه بسلامتها هنتأخر
فتحي"باستسلام": حاضر
ليصعد فتحي بخزي لكي يقوم بتسليم العروس له وفجأه..