الفصل الاول
*ࢪوايــه حيــاه🐣💗🌿ً.ً꒰﮼ْ◜*
𝚙𝚊𝚛𝚝 1
𝙿𝚊𝚛𝚝 2
𝚙𝚊𝚛𝚝 3
🟣🟣🟣🟣🟣🟣🟣🟣🟣🟣🟣
𝙿𝚊𝚛𝚝 1
كادت حركه الناس تنعدم في تلك الشوارع الضيقه بسبب نزول المطر بغزاره والرعد فالطقس شديد البروده اليوم فاغلقت المحلات والبيوت والقهوه لا يستطيع احد الخروج في هذا الجو
الام: حياة يابنتي حطيتي مشمع ع الهدوم لحسن تتبل من المطره
حياة " بصوت مرتفع نسبيا من البلكونه": ايوه ياماما بحطه وجايه اهو
الام"بخوف" :طب يلا يابنتي لحسن تاخدي برد
حياة :حاضر يا ماما
جاره حياه اللي تسكن فوقها
تحيه"بسخريه": بتحطي مشمع ليه ياحياة هي ديه اصلا هدوم يتخاف عليها
حياة" وقد تعودت ع تلك المعامله منها ": معلشي بقي ياطنط كل واحد ربنا كاتبله رزقه عن اذنك
تحيه"تلوي فمها" :اذنك معاكي يااختي
دخلت حيام سريعه من شده البروده
حياة"بارتعاش" : اروح اعمل انا بقي ياست الكل كوبايتين حلبه واجي نتغطي بالبطانيه ديه لحسن هموت من السقعه
الام"بحنان" : خليكي انتي يا حبيبتي هعملهم انا
حياة"بمزح" : لا طبعا خليكي مدفيه انتي وانا هروح هوا اعملهم
ايووه جاي ومعاك اتنين حلبه
الام"بضحك": ربنا يباركلي فيكي يابنتي ويرزقك بابن الحلال اللي يحافظ عليكي
حياة" فتاه تبلغ من العمر 17عاما بسيطه في كل شئ من حيث اللبس والمسكن والاكل تمتلك قدر بسيط من الجمال فهي مثلها مثل الكثير من البنات ذات بشره قمحاويه وعيون بنيه وشعر اسود ناعم لم تحصل ع شهاده التعليم سوا الاعداديه بسبب ظروفهم الماديه بعد وفاة والدها فهي لم يتبقي لها سوا امها تشعر انها صديقتها وامها وكل شئ ..يزيد من جمالها تلك الصله التي بينها وبين ربها "
................
في منزل كبير في احدي القري اقل مايقول عنه انه قصر من القصور العريقه تسكن عيله المنياوي
فاطمه"بصوت مرتفع نسبيا" :عزيزه ياعزيزه اطلعي صحي سليم وفرح
عزيزه : حاضر ياست هانم
صعدت عزيزه السلم وقابلت فرح وهي تنزل بوجهها الطفولي المبتسم
عزيزه :كنت لسه طالعه اصحيكي ياست فرح
فرح"بزعل مصطتنع" :ست فرح ايه بس ياداده انا اد ولادك
عزيزه"بحب" :بس يابنتي العين متعلاش عن الحاجب
فرح "بابتسامه" : عين ايه وحاجب ايه انتي اللي ربتيني ع ايدك مع تيته هزعل منك لو قولتي تاني كدا
عزيزه : ربنا يسعدك يابنتي يارب
فرح تشبه سليم كثيرا يعشقها مثل بنته فتاه جميله ذات بشره بيضا وعيون رماديه ورثتها عن والدتها وشعر بني تبلغ من العمر 23 تحب اسر صديق سليم"
فرح وهي تنزل السلم : ايوه ادعيلي ياداده كدا
عزيزه"بصدق": بدعيلكم دايما ده انتو عيلتي اللي اتحرمت منها
صعدت فرح مره اخري وقالت :خليكي انتي ياداده انا هروح اصحي سليم باشا بنفسي
عزيزه : حاضر
نزلت عزيزه تعد الفطار علي الطاوله لهم اما فرح صعدت لغرفه اخيها وما ان دخلت عليه تبدو الغرفه من شكلها انها غرفه شاب تغلب عليها اللون الاسود والاجهزه الرياضيه نعم انه "سليم المنياوي شاب وسيم في عمر ال32 سنه يتميز بطول القامه والعين الواسعه العسلي والشعر البني الكثيف والعضلات يعشق اخته وصديقه وجده وجدته والداده فقط تغير كثيرا بعد وفاة والديه اصبح قاسي المعامله والشك والحده تغير كثيرا وانقطع عن الصلاه "
فرح"بصوت عالي" : سليييييم
سليم "بخضه": ايه فيه ايه
فرح "بضحك": يلا يلا الفطار جاهز
سليم"بغضب مصطتنع " : ان ماوريتك يافرح
وقام يجري خلفها حتي نزلت جري الي جدتها
فرح" بتنهج": الحقيني ياتيته علشان خاطري
الجده : خلاص ياولاد مش ع الصبح جري انتو ليه ماكلتوش حاجه
سليم : ولما بتخافي كدا بتفزعيني كل يوم ليه
فرح" بطفوله " :انا عملتلك حاجه ياسليم وبعدين ده انت تخوف العفريت
سليم " بغضب": انا اخوف العفريت طب شوفي مين هيلحقك من تحت ايدي
فرح "بخوف " :لا ياداده حوشيه
في دخلت جدهم يقول بضحك : انتو مش هتكبروا ابدا ياولاد يلا ياسليم اطلع غير هدومك وتعالي علشان نفطر
سليم "بتوعد لها ": حاضر ياجدي طالع اهو
فرح "براحه": الحمد لله انا حاسه ان موتي هيبقي ع ايده
الجد "بضحك": الله يجازيكم ياولاد
...............
بعد ان اعدت حياة الكوبايتين وجاءت الي والدتها
حياه "بحب": احلي كوبايتين حلبه ياماما
الام "بحب" : طب تعالي يا حبيبتي جمبي نتدفي
حياة : حاضر يا ماما جايه اهو
اثناء مشاهده البرنامج الديني الصباحي
حياة : ياماما كنت عايزه اتكلم معاكي ف موضوع
الام :لو نفس الموضوع يبقي لا ياحياة قولت مليون مره
حياة "برجاء" :ليه بس ياماما ده الحاج حسين عايز حد يقف معاه ف المحل بفلوس كويسه واهو القرشين دول ع معاش بابا
الام "بحزن" :انا عارفه ان العيشه صعبه بس يابنتي انا ميرضنيش انك تنزلي تتبهدلي وكمان وسط الحاره اللي مش بتسيب حد في حاله انا عارفه اني حرمتك من التعليم بس علشان ...
حياة "مقاطعه لوالدتها" : انا اسفه ياماما بس متقوليش كدا انا اهم حاجه عندي ف الدنيا رضاكي عليا
الام "بحب": راضيه عنك يابنت بطني ليوم الدين
قبلت حياة والدتها بحنان وجلست تستمع البرنامج وكانت الحلقه عن الصبر فاحست ان ربها يبعت لها رساله وهي قول الشيخ ان اي محنه بنمر بيها هتعدي بأذن الله وهتفرج من حيث لا تحتسب بس اهم حاجتين الصبر والرضا ..لان المحنه هتعدي وممكن تنسها اصلا بس اللي هيفضلك هو ثواب الصبر والرضا عند الله سبحانه وتعالي (انما يوفي الصابرون اجرهم بغير حساب)
.........
نزل سليم السلم وجلس ليتناول فطوره مع عائلته
عزيزه: سليم ياابني
سليم: نعم ياداده
عزيزه: اسر بيه برا ومستنيك
سليم: طب خليه يدخل ياداده ازاي يقف برا
اسر " صديق الطفوله لسليم شاب وسيم يمتلك عيون بنيه وشعر كثيف ولحيه تزيد من وسامته لا يثق الا به يحبه بشده ولا يستطيع ان يكون صداقه اخره مع غيره يبلغ من العمر 32 ايضا"
عزيزه: حاضر ياابني
اسرعت فرح في تناول فطارها وقامت ع الفور
الجده :ده اكل يافرح !
فرح"بسرعه" :شبعت ياتيته الحمد لله
وخرجت مسرعه الي ان راها اسر وابتسم
اسر "بحب" : وحشتيني اوي
فرح" بخجل " وانت كمان وحشتني اوي
ظل يتقرب منها وهي تبعد الي لمست الجدار
فرح"بخجل" :ابعد عني يااسر مينفعشي كدا
اسر "بحب ": انا بحب اشوفك وانتي متلونه كدا ومكسوفه
فرح :انت رخم اوي ابعد عني
اسر"بضحك": حاضر ياستي اهو
ومسك كفها ليقبله في حنان وفجاة......
🟣🟣🟣🟣🟣🟣🟣🟣🟣🟣🟣
𝙿𝚊𝚛𝚝 2
وفجأه ظهر سليم امامهم
فرح "بخضه":سلييم
سليم :فاكره يعني اني مش هاشوفكم هنا ف الجنينه لوحدكم
سحبت فرح يداها من يد اسر ليمسك بها اسر بشده ويقول بضحك: حرام عليك رعبت البت امال بقي لو مش كاتبين الكتاب ده انت اختك ذلتني علي ماقالتلي بحبك
سليم"بفخر": طبعا هي اي حد ولا ايه
اسر"بحب": لا طبعا ديه الاميره بتاعتي
سليم :يلا يااخويا انت وهي ورانا شغل رومانسيه وحب ايه بلاش كلام فارغ وهبل
اسر"بضحك": كلام فارغ وهبل!! بكره نشوفك لما تقع ع بوظك وقال وهو يغمز له وساعتها هتعرف كلام هبل ولا لا
سليم "باستنكار لكلامه": مين انا واقع ع ايه ! ده ف احلامكم الحب ده للناس الهيفه زيكم يلا ورانا شغل الاقيك ورايا ف المكتب
وانصرف سليم وهو لا يعترف بما يقوله اسر ولكن هل سيظل معترف ان قلبه لا يقع بحب احدهم .؟!
اسر"بغضب مصتنع": بقي كدا عايزه تسيبي ايدي يافرح
فرح"متحدثه بسرعه ": ابدا والله بس انا اتكسفت من سليم
ضمها اليه وهمس ف اذنها برقه :محدش يقدر ياخدك مني مهما حصل انتي بتاعتي وبس ولازم الناس كلها تعرف كدا
لتشعر بان قلبها سيخرج من مكانه بسبب كلمات اسر التي تجعلها تشعر وكانها ف عالم اخر
يرن صوت هاتفه ليقطع عليهم تلك اللحظه
اسر"بغضب": هو ده وقته!
فرح وهي تبتعد عنه : طب رد شوف مين ؟
اسر: ارد علي مين ده سليم الزفت دايما بيقطع عليا اللحظات ديه
فرح"بضحك": طب يلا ندخل لحسن وراك شغل كتير وانا كدا هعطلك
اسر"بحب": ع فكره انا هكلم جدك يقدم في ميعاد فرحنا انا خلاص مش قادر ابعد عنك بقالنا سنتين مكتوب كتابنا كفايه كدا نفسي الاقيكي في بيتي ايه رايك يافرحتي.؟
فرح"بخجل ": اللي تشوفه يااسر تيتا بتنادي
وتذهب من امامه مسرعه
اسر"بضحك": اهربي اهربي بكره تقعي تحت ايدي
ليذهب الي مكتب سليم يفتح الباب دون ان يستأذن
سليم :انت ياابني انت داخل فين المفروض تستأذن الاول
اسر يجلس ويضع رجل ع الاخري:يلا يلا بس شوف هنعمل ايه ال استاذن منك
سليم "بغضب":هتفضل طول عمرك متعرفشي النظام
اسر "بضحك": قولي عملت ايه في العماره الجديده خلصت ولا لسه
سليم'بغضب": الزفت ياسر طلب فلوس كتير عن اللي اتفقنا عليه شكله طمع ع الاخر بس والله لوريه ازاي يغير اتفقه مع سليم المنياوي يلا قوم روح اشرف عليهم هناك وانا هطلع ع الشركه
.............
عند تحيه شقه قديمه يبدو من اثارها انهم عيله فقيره ولكن بالرغم من ذلك ف تحيه تحب المظاهر والتريقه علي خلق الله
تحيه"بزعيق" :ياشهد انتي يازفته
تأتي شهد مسرعه بخوف
شهد"بخوف": ايوه ياامه فيه حاجه
تحيه :انتي يااختي خلصت الاكل ولا لسه ابوكي زمانه جاي
شهد :فاضل الرز بس بعمله اهو وعملت القلقاس
تحيه"بعدم رضا" :عيله فقر تجيبوا الهم للواحد كل يوم اكل من غير لحمه اشمعنا الناس التانيه
شهد :احنا احسن من غيرنا ياامه الحمد لله
تحيه" تلوي فمها ": طب يلا اختي خلصي الاكل كلام الزفته اللي تحت ديه مبوظ دماغك
"شهد فتاه ف عمر ال17 فتاه جميله جدا ضحيه اب وام لا يهمهم الا المظاهر والحصول علي المال باي طريقه ممكنه تدعي لهم بالهدايا تحب حياة ووالدتها بشده "
شهده مسرعه اتجاه المطبخ:حاضر
........
اسفل شقه شهد
الام:حياة ياحياة
حياة "بنوم": امممم
الام"بحب": اصحي يلا يا حبيبتي علشان عملتلك المكرونه البشاميل اللي بتحبيها
بدأت حياة تستيقظ ومالت ع يد والدتها لتقبلها: ربنا ميحرمنيش منك يا ماما
وذهبت نحو المرحاض كي تغسل وشها وخرجت للصاله لتقوم بوضع الطبليه وتفرش عليها ورق جرائد كي تضع عليه الطعام الذي تعشقه بشده ولقله المال فهو لم يعد الا قليل ذهبت الي المطبخ
حياة" وهي تغمض عينها وتشم رائحه الطعام": الله الله ايه الريحه الحلوه ديه
الام"بسعاده": خدي ياحبيبتي خرجيها برا بالف هنا وشفا
خرجت حياة بسعاده تحمل الطبق وتضعه ع الطبليه
وذهبت مره اخري لتجلب الطعام وتساعد والدتها ف وضع لطعام
حياة وهي تاكل: اممم الله ياماما طعمها حلو اوي تسلم ايدك
الام"بحنان": بالف هنا ع قلبك يابنتي
لم تستطيع ترك اي قطعه ف طبقها من المكرونه حتي لو كانت شبعت فهي اكلتها المفضله لتقف وتقول: الحمد لله
وبدات تحمل الاطباق مره اخري الي المطبخ وقامت بغسل الاواني وما ان انتهت حتي سمعت الاذان لتذهب الي المرحاض لتتوضأ لكي تصلي فرضها وتدعوا الله ان يبارك لها ف والدتها ويرحم والدها
.............
في شركه المنياوي العريقه لبناء العمارات
تقف سياره فخمه ويدلف سليم الي الشركه
الامن:اهلا اهلا سليم باشا اتفضل
ليتركه سليم دون ان يقوم بالرد عليه ويركب المصعد حتي يصعد به الي مكتبه الذي يوجد في الطابق الثالث تحت نظرات الاعجاب والخوف من العاملين والحسد
سليم"بلهجه حاده":ابعتيلي كل الورق اللي محتاج يتمضي
سالي السكرتيره: حاضر يافندم
وما ان دخل الي مكتبه حتي فتحت شنطتها وبدأت في اخراج ادوات التجميل كي تحصل ع اعجابه لتأتي شيماء صديقتها
شيماء "بضحك" : وحياتك مهما تعملي ده قفل
سالي"بغيظ": هيشلني بجد بس ان جيتي للحق يستاهل التعب ده كله جمال ومال اوعي بقي كدا لحسن اتاخر ع سلومي
شيماء"بضحك": اما نشوف
لتدلف سالي برقتها المصتنعه وملابسها الفاضحه الي مكتبه بعد ان دقت الباب وسمح لها بالدخول
سالي"بدلع":الورق اهو يافندم
سليم"دون ان ينظر اليها": حطيه ع المكتب واتفضلي
لا يستمع الي اي رد فنظر امامه كي يري لماذا لا تتحدث ولا تضع الورق حتي تفاجأ بها تقف جانبه وتميل عليه
سليم"باستغراب وحده": فيه ايه ؟ هاتي الورق قولتلك حطيه ع المكتب واخرجي
مد سليم يديه لكي ياخذ الورق حتي تفاجأ بها تمسك يديه وتقول برومانسيه: انت ليه مش حاسس بيا انا بحبك ومستعده اعمل اي حاجه علشان خاطرك قولي بس وانا تحت امرك في اي حته واي وقت
سليم"بتساؤل ونظرته الحده لعيونها": طب وخطيبك ؟
لترد سالي بسرعه :خطيبي مش هيعرف باللي بينا متخافشي
سليم"بضحك" :انا اخاف منه
سالي "وهي تقترب منه": انا عارفه ومتاكده انك مبتخافشي من حد و مش مهم خطيبي المهم عندي انت ياسليم
سليم"بمكر": متاكده ؟
سالي"وهي تقبل يده بهيام": اسيبه او من وراه بس توافق بيا انت ليقف سليم امامها ويقول .
🟣🟣🟣🟣🟣🟣🟣🟣🟣🟣🟣
𝙿𝚊𝚛𝚝 3
سليم"بمكر" :متأكده
سالي "وهي تقبل يده بهيام":طبعا موافقه اسيبه او من وراه بس توافق بيا انت
ليقف سليم امامها ويقول: كدا حلو اوي
ليتركها مع خيالها الذي اخذها لبعيد وهي تتخيل انها تقود احدث العربيات وترتدي افخم الملابس ومازالت ممسكه بيديه حتي قطع خيالها عندما بثق سليم ف وجهها
سليم"بحده" : اه يابنت .... انتي اللي زيك خساره يبقي موجود في شركتي لثانيه واحده خدي حسابك وفي ستين داهيه
سالي "بخوف": اان نا اسفه ياسليم مش هتحصل تاني اوعدك
سليم"بغضب": قولت براااا لحسن اجيب الامن يرميكي برا زي الكلاب
لتخرج سالي وهي منهاره ودموعها لا تتوقف عن النزول علي وجهها الي ان رأتها شيماء واسرعت اليها
شيماء "بخضه": سالي فيه ايه حصلك ايه؟
سالي"ببكاء":حلمي ضاع انا غبيه
وقصت عليها ما حدث داخل المكتب لتضمها شيماء وهي تربت علي كتفها :طب اهدي بس اهدي ان شاء الله خير
ليخرج سليم في ذلك الوقت وينظر بضيق:حضرتك عايزه الامن شكلك كدا
سالي"بخوف": لا لا
شيماء :سليم باشا ممكن بس سالي تاخد فر....
ولم تكمل كلامها حتي صاح بها:اتفضلي علي مكتبك لحسن تحصليها انتي كمان
شيماء "بخوف": حاضر
تركت سالي تلم اغراضها ورحلت وعاد الي مكتبه مره اخري الي ان سمع دقات علي باب المكتب ليقول: اتفضل
دخل ياسر وهو يشعر بالخوف من نظرات سليم
سليم :اهلا اهلا الباشا نور المكتب
ياسر"بخوف": انا اسف ياسليم باشا لحظه شيطان وعدت انا مش عايز فلوس زياده عن حقي
سليم"بضحك": ولا مليم هتاخده في العماره الجديده انت تقدر تنزل تاخد حسابك القديم ومشفشي وشك تاني والا هتشوف وش محبش انك تجربه
ياسر"ببكاء": علشان خاطر ربنا انا بربي دسته عيال ورحمه امك ياسليم باشا
عندما ذكره ياسر بوالدته حتي هاج عليه وقام بضربه حتي دخل عليه اسر
اسر"بسرعه اليهما":سليم اهدي الراجل هيموت في ايدك سليم"بزعيق": ملكشي دعوه
استطاع اخيرا تخليص الراجل من تحت يد سليم ليسرع الي الخارج وهو ينزف بدمه
اسر "بحده": كنت هتموت الراجل في ايدك كل ده علشان زود الفلوس؟!
سليم"بغضب": بيحلفني برحمه امي
اسر"باشفاق":انسي بقي ياسليم انسي هو ميعرفشي اكيد
سليم"بحده":سيبني يااسر وامشي دلوقتي
اسر"بحزن": ربنا يهديك ياصاحبي
وتركه وهو ينفث سجاره تلو سجاره بشراهه مع ذكرياته التي لم يستطيع ان ينساها فكلما حاول ان ينساها يذكره بها احد دون قصد يالها من ذكري اليمه !
................
مرت الايام علي ابطالنا دون احداث جديده تذكر
فسليم ينتهي من اعماله ويذهب الي بيته ليجلس مع عائلته الصغيره ويصعد لنومه
اما فرح واسر فحياتهم علي مايرام وحياة ليس في حياتها اي جديد يذكر اما شهد تحاول ان يمر يومها دون شجار مع والديها
..............
يدق باب منزل حياة لتفتح والدتها وتقول:اهلا اهلا يا شهد اتفضلي يابنتي
شهد وهي تقبلها :ازيك ياخالتي وحشتيني
والده حياة: الحمد لله يا حبيبتي وانتي اكتر ربنا اللي يعلم بس هنعمل ايه
شهد"بحزن": معلشي ياخالتي انتي عارفه امي ع مابترضي عليا وتنزلني ربنا يهديها
الام "بحب": ربنا يهديكي كمان وكمان يابنتي تعالي ادخلي ديه حياة هتفرح اوي
لتدخل شهد بهدوء حتي تقف ورا حياة دون ان تشعر بها وتصيح بها :حياااة
لتنتفض حياة في وقفتها وهي تقول: حرام عليكي يابنتي هتموتيني في مره
شهد"بضحك": خلي قلبك جامد كدا يااختي
حياة وهي تضمها: وحشتيني اوي
شهد"بحب": وانتي كمان ياتوتا وحشتيني اوي اوي
لتدخل الام وهي تحمل كوبايتين عصير: يلا اشربوا الكوبايتين دول طرو علي قلبكم
شهد"بتمثيل": ايوه يابنتي الحقيني بيه هموت من العطش يارب يخليكي
ليضحكوا عليها فهي فتاه رقيقه بارعه في التمثيل
لتتركهم الام كي تعد الغدا وتتركهم علي راحتهم
شهد: ده انا لازم اقول لجوزك ان شاء الله يعرفك انه جاي قبلها بفتره علشان الخضه ديه
حياة'بضحك":بقي كدا ياشهد بس هو يجي بس
شهد "بصياح": لا مش معقوله حياة عايزه عريسها يجي اخيرا ياقفل
حياة"بضحك وتكتم فم شهد": اسكتي يانيله بهزر بهزر
شهد: قوليلي ياحياة مواصفات عريسك
حياة "وهي تضربها": بس يابت اسكتي
شهد"بجديه": لا بجد قوليلي يلا يلا يلا
حياة وهي تتخيل شريك حياتها وتسرد بهيام لشهد: نفسي يكون عارف ربنا وحافظ القرأن وبيصلي طبعا ومش بيشرب سجاير وحنين ويحبني ويبقي مستعد يضحي بنفسه علشاني نفسي احس ان اخته وبنته وحبيبته قبل مااكون مراته ويحب امي طبعا
شهد"بحب": هيييح يارب يوعدك يا توتا وانا كمان زيك بالظبط انتي تستاهلي كل خير
لتسمع حياة ترك باب منزلهم
حياة"بابتسامه": اتفضلي ياخالتي ادخلي
تحيه"وهي تلف بصرها ف الشقه": هي فين الزفته شهد
تأتي شهد من خلف حياة بحزن: انا اهو يا ماما
تحيه :كل ده عشر دقايق يلا يامقصوفه الرقبه اطلعي ورايا
لتأتي والده حياة وهي تقول: اتفضلي ياتحيه يااختي ده انا حتي بعمل الغدا اهو ناكل كلنا سوا
تحيه"تلوي فمها": شكرا يااختي عن اذنك يلا يابت قدامي
لترحل شهد بحزن مع والدتها
حياة"بحزن": معرفشي احنا عملنا ايه ليها بس ياماما
والدتها"بشفقه علي شهد": ربنا يهدي يابنتي هنعمل ايه امال المسكينه ديه تعمل ايه بس والدتها مهما عملت
لتترك حياة وتذهب لكي تعد الغدا لهما
..............
في منزل المنياوي
الجد :اهلا اهلا يا حبيب قلبي اتفضل
اقترب منه اسر وقبل يديه :ازيك ياجدي صحتك عامله ايه
الجد "وهو يربت علي كتفه":نحمده ياابني الحمد لله في نعمه
ويقترب من الجده ويقبل يدها:ازيك ياحبيبتي عامله ايه
الجده"بحب": الحمد لله يا حبيبي نورت البيت كله
اسر"بضحك": طبعا طبعا
ليضحك الجد والجده علي طريقته في الكلام فهو عكس سليم الجديه يعشق النظام والجديه معظم الاوقات
اسر"بجديه وحب": بصراحه كدا انا عايز اقدم ميعاد الفرح خلاص ياجدي كفايه سنتين كتب كتاب وسنه خطوبه مش قادر استحمل
الجد"بضحك": مستعجل يعني يابني
اسر"بحب": اوي اووي
ليدخل سليم اثناء الحديث ويقول: ماتجمد كدا وخليك راجل جواز ايه
اسر :وانت مالك انت ياقفل
سليم"بضحك": قفل قفل بس متجوزشي
اسر"بغيظ": بكره تقعد قعدتي وتتحايل عليهم
الجده"بتمني":يسمع منك ربنا ياابني
سليم"بسخريه": لا طبعا عمري انا رايح اكمل شغل
الجد"بتساؤل": تحب نعمل الفرح امته ياسليم
سليم : زي ماتحب ياجدي
ليتركه ويرحل
الجد :خلاص كمان اسبوعين ياابني ايه رايك ؟
ليهتف اسر بصوت عالي" :ايوووه بقي ياجدي ياحته سكره
ليضحكا عليه ويلتفت اليه سليم وهو عند باب مكتبه ويقول في نفسه :مجنون رسمي
...................
تصعد شهد مع والدتها وهي تشعر بالحزن والحرج
شهد"ببكاء": ليه ياماما مصممه تحرجيني قدام الناس كل مره
تحيه"بسخريه": وهي ديه ناس انا معرفشي انتي خايبه كدا لمين قاعده في خلقتنا ولا عارفه توقعي عريس غني كدا ينقلنا من الفقر والهم ده ماهو بلبسك الاهطل ده هتجيبي ازاي ولا حتي بتخرجي كام شعرايه ولا تلبسي ضيق كتك الهم
لتجري شهد علي حجرتها وهي تبكي من كلام والدتها الهذا الحد هي حمل عليهما .؟ والدتها تريدها ترتدي ملابس ضيقه وتخرج شعرها الذي امرها الله بتغطيه ؟؟ اهذه فعلا والدتها كي تقول هذا ؟؟ ظلت تبكي حتي سمعت والدتها: انتي يازفته الباب بيخبط شوفي مين
شهد وهي تمسح دموعها وتظبط حجابها : حاضر
لتفتح الباب لتري شاب ينظر لها من راسها حتي نهايه قدامها بجراءه لتقول : مين حضرتك
:يانهار ابيض هو فيه جمال كدا
شهد "بغضب": ماتحترم نفسك وتقول ولا اقفل الباب ف وشك
:لا خلاص خلاص فيه المعلم فتحي
شهد"بزهق": استني هناديه
لتدخل وتنادي والدها :بابا فيه واحد برا مستنيك علي الباب
فتحي: مين يابت ياشهد
شهد وهي ترفع كتفها: مش عارفه يا بابا اول مره اشوفه
ليرحل الي باب الشقه ويتحدث بصوت عالي: اهلا اهلا يا باشا اتفضل ده البيت نور
دلف الي المنزل وهي يبحث عنها بعيونه اجلسه المعلم فتحي علي الكنبه المتهالكه وتركه ودخل المطبخ
فتحي: كوبايتين عصير ياام شهد بسرعه
تحيه"بتساؤل": لمين يافتحي
فتحي "بفخر": ده الباشا