روايتي - الفصل الاول - مكتملة | روايتك

*ـ ࢪوايتي* ↻≯🍒⸙•♡»»)) ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ 1 2 3 4 5 6 _بابا انا شوفت ماما جميله عند البسين بتلعب مع عمار عامر بصدمه: ايه انت شوفت ماما جميله ازاي؟ ماما بقت عند ربنا دلوقتي ياحبيبي اياد بعند: لا انا شوفتها بتعوم في البسين مع عمار عامر بصدمه اكبر: عمار مين؟! اياد بطفوله: عمار صديقي الجديد يابابا تعال معايا اعرفك عليه اقترب عامر من ابنه بشفقه كبيره وحضنه بحب وقال: اياد حبيبي انت اخدت العلاج بتاعك صح اياد بنفي: لا لسه يابابا انا كونت بلعب مع عمار عند البسين ولقيت ماما طلعت منه وكانت بتضحك وتلعب معانا عامر بصدمه: ماما طلعت من البسين نفسه اللي ماتت فيه يااياد؟! اياد بتأكيد: ايوه يابابا طلعت منه تعال معايا علشان تشوفها انت كمان وتصدقني عامر مشي مع اياد ابنه بشفقه عليه لانه تعب اوي بعد موت امه وكل يوم ياجي يقوله انا شوفت ماما عند البسين وعامر يروح معاه كل يوم في نفس الوقت بس مش بيلاقي شئ عند البسين وكل ده بيطلع هلاوس من عقل اياد بس وفعلا مثل كل يوم وصل عامر مع ابنه عند البسين وكان الوضع هادئ جدا مثل العاده فحمل عامر ابنه بشفقه وحزن عليه وقال: شوفت يابطل مفيش ماما هنا انت كل يوم بتعمل كده معايا يااياد وتقول ماما هنا بس ياحبيبي ماما بقت عند ربنا دلوقتي وده اكيد عقلك اللي بيصورلك انها لسه موجوده هنا فاهم مني حاجه؟ هز اياد راسه بعدم فهم فضحك عليه عامر وقال: مانا كل يوم بقولك نفس الكلام وانت برضو مش بتفهم وتهند بتعب وكمل: ياله ياحبيب بابا لازم تاخد علاجك دلوقتي وتنام الوقت تأخر اوي اياد بحزن: بس انا مش عاوز اخده يابابا علشان بعد ماباخده ماما مش بتاجي تلعب معايا بس عمار بياجي يلعب معايا باليل بعد مانت تنام عامر زفر بضيق من سيره عمار المتكرره على لسان اياد كل يوم وقال بسخريه: تمام ابقى سلملي عليه يااياد وقوله بابا عاوز يشوفك اياد بفرحه: حاضر هقوله يابابا عامر اخد ابنه وعطاه علاجه وقعد جنبه لغايه مانام خالص وسابه ورجع غرفته تاني ومسك صوره جميله مراته وتهند بدموع وعتاب وقال: وحشتيني اوي ياجميله كده تسبيني انا واياد ابنك لوحدنا واحنا بحاجه كبيره ليكي الحياه مبقاش لها أي طعم بدونك وحتي اياد بعد موتك تعب اوي وانا اخدته لميه دكتور نفسي وكلهم قالوا الصدمه اثره على عقله لانه لسه صغير وكان بيحبك اوي ومتعلق بيكي جدا ياريتك ماسبتيني انا وهو ومشيتي كده ياجميله نزلت دموع عامر بحسره وحزن كبيره وهو لسه بيشكي لجميله مراته حالته مع ابنه اياد المريض مثل كل يوم وعند اياد في غرفته صحي على صوت شخص جنبه بيقول: اياد اصحي انا عاوز العب معاك اياد فتح عينه بنعاس وفرحه وقال: عمار انت اجيت نلعب سوى زي كل يوم مش كده؟ عمار ببسمه: ايوه انا اجيت علشان العب معاك تعال نلعب سوى جنب البسين اياد بحماسه لانه هنا وحيد بدون عمار صديقه: حاضر انا هنزل معاك فورا عمار اخد اياد معاه ونزلوا يلعبوا سوى جنب البسين مثل كل يوم و عند عامر في غرفته كان لسه حاضن صوره مراته جميله بدموع وفجأه اتنفض من مكانه على فتح باب الغرفه ودخول جميله مراته بملامح مرعوبه عامر بصدمه وزهول: جميله انت لسه عايشه؟! جميله برعب:مفيش وقت للكلام دلوقتي ياعامر اللحق ابنك بسرعه عمار عاوز يقتله عند البسين عامر بصدمه ورعب: اييه.... عمار 2 عامر بصدمه: جميله انت لسه عايشه؟! جميله برعب:مفيش وقت للكلام دلوقتي ياعامر اللحق ابنك بسرعه عمار عاوز يقتله عند البسين عامر بصدمه ورعب:عمار؟!!! وعند اياد وعمار جنب البسين عمار ببسمه:اياد انت نفسك تتعلم العوم مش كده؟ اياد بحماسه:ايوه نفسي اتعلم العوم بس بابا مش راضي يعلمني علشان انا لسه صغير عمار ببسمه:تمام انا هعلمك العوم هنا في البسين اياد بفرحه:بجد ياعمار هتعلمني العوم هنا في البسين طب امتي هتعلمني؟ عمار ببسمه:دلوقتي حالا انزل انت البسين وانا هعلمك اياد بحماسه وفرحه:حاضر انا هنزل فورا وفي نفس الوقت في غرفه عامر عامر بصدمه:عمار عاوز يقتل ابني؟! جميله بخوف:انت لسه هتسئل اجري بسرعه ابنك في خطر كبير عامر قلبه دق برعب على ابنه وجري خارج الغرفه بخوف كبير وصل عند البسين وفجأه تسمر مكانه بصدمه ورعب وقال :ايااااد نزل عامر البسين برعب بعد ماشاف ابنه غرقان فيه وحمله بسرعه وطلع من البسين وخلاص قلبه هيقف من الخوف على اياد فضل يضغط على صدر اياد برعب وقال بصراخ:اياد فوق معايا ابوس ايدك فوق يابني فووق حاول كتير بدون فائده فحمله برعب وطلع على اقرب مشفي قدامه وبعد وقت دخل اياد العمليات وعامر بره بيدعي ربنا ان ابنه يبقى بخير وبعد ساعه طلع الدكتور وقال:الحمد لله لحقناه في اخر لحظه قبل ما القلب يقف نزلت دموع عامر بفرحه كبيره بعد ماسمعه وقال:الحمد لله والشكر ليك يارب ابني بقى كويس دخل عامر غرفه ابنه بعد وقت علشان يطمن عليه لقاه بيعيط فجرى عليه بقلق وقال:اياد حبيبي انت كويس بتعيط ليه؟ بقلم نور محمد اياد بدموع:انت ليه طلعتني من البسين يابابا انا شوفت ماما هناك وعمار قالي لو فضلت في البسين هروح عندها عامر قرب من ابنه بشفقه ودموع وقال:متقولش كده تاني يااياد ياحبيبي بعد الشر عنك انت عاوز تسيب بابا لوحده مش انت بتحب بابا يااياد اياد بدموع:ايوه انا بحبك بس ماما وحشتني اوي ونفسي انام في حضنها تاني زي زمان عامر اخد ابنه في حضنه بدموع وحزن وقال:هتشوفها تاني ياحبيبي وهتنام في حضنها كمان طيب انا عندي ليك خبر حلو اوي اياد ببسمه:خبر ايه يابابا؟ عامر ببسمه بعد ماتذكر انه شاف جميله مراته في غرفته قبل ساعات وقال:مش انا شوفت ماما جميله في غرفتي قبل كام ساعه كده اياد بفرحه:بجد يابابا انت شوفتها؟ عامر بسعاده لفرحه ابنه:ايوه شوفتها بعنيا قدامي وزمانها في البيت منتظره رجوعك لها ياحبيبي اياد وقف بحماسه رغم تعبه وقال:ياله يابابا نرجع البيت بسرعه انا عاوز اشوفها كمان ابتسم عامر وحمل ابنه بسعاده ورجع لمنزله تاني وبعد دخول عامر واياد المنزل نادى اياد بحماسه وفرحه كبيره:ماما انا جيت تعالي انا نفسي اشوفك واحضنك عامر قرب منه وحمله بسرعه وقال:تعال نشوفها في غرفتي سوى اياد بفرحه:تمام يابابا طلع عامر بصحبه اياد لغرفته وفتحها ودخل ونادى على جميله مراته بس الغرفه كانت فاضيه طلع عامر ولسه اياد على ايده ولف البيت كله بدون جدوى عامر بصدمه:ازاي البيت فاضي وانا متأكد اني شوفتها قبل ساعات بس هنا قدامي اياد بحزن:يبقى مشت يابابا زي ماكانت بتعمل معايا انا قولتلك شوفتها عند البسين وكانت بتعوم فيه كمان عامر بتشتت:طيب ياحبيبي انت تعبان دلوقتي هنروح غرفتك تاخد علاجك وترتاح وبكره هندور على ماما تاني سوى اياد بحزن:حاضر يابابا اخد عامر ابنه لغرفته وبعد ماعطاه علاجه وفصل جنبه لغايه مانام طلع ونزل عن البسين وقعد جنبه عامر بتشتت وحزن:ياترى روحتي فين ياجميله انا متأكد اني شوفتك قدامي انا تعبت بجد من يوم وفاتك وانا حاسس نفسي وحيد وتايه مثل الطفل الصغير ارجوكي لو انتي لسه عايشه ارجعيلي تاني انا بحاجتك اوي جنبي بقلم الكاتبه نور محمد وبعد وقت وقف عامر بعد ماخلص عتاب كل يوم مع مراته جميله وزهب لغرفته علشان يرتاح وعند اياد في غرفته صحي على صوت عمار جنبه وهو بيقول:اياد اصحى نلعب مع بعض اياد بنعاس:لا انا عاوز انام بكره نلعب سوى ياعمار عمار ببسمه: اياد اصحى ماما جميله عند البسين وعاوزه تلعب معاك كمان اياد بحماسه:بجد ياعمار ماما تحت عند البسين عمار ببسمه: ايوه تعال معايا وشوفها بعينك وقف اياد بحماسه وفرحه وقال:حاضر انا هاجي معاك فورا نزل اياد مع عمار عند البسين علشان يشوف امه وعند عامر صحى من النوم وحس ان قلبه مقبوض على اياد ابنه فخرج لغرفته بسرعه علشان يطمن عليه دخل الغرفه بقلق ووقف بصدمه لما لقى سرير اياد فاضي فبلع ريقه بخوف على ابنه ونزل جرى عند البسين وفي نفس الوقت عند اياد وصل قدام البسين وقال بتعجب:عمار فين ماما انت مش قولت انها موجوده هنا؟! عمار ببسمه:ايوه هي نزلت البسين ايه رأيك ننزل احنا كمان علشان نلعب معاها؟ اياد بتردد:بس انا المره اللي فاتت غرقت فيه علشان مش بعرف اعوم عمار ببسمه:متقلقش انا هنزل معاك المره دي وهعلمك العوم بجد اياد بفرحه:تمام انا هنزل عمار ببسمه:ياله يابطل انزل البسين بسرعه علشان نلعب مع ماما جميله سوى اياد تحمس اوي وقرب من البسين بسرعه وخلاص هينزل بس وقف على صوت عامر اللي قال بصراخ:لااااا يااياد ارجع بسرعه من عندك اياد سمعه وكان هيرجع من قدام البسين بس حس بشئ دفعه بقوه جوه البسين وفجأه.... 3 و 4 اياد تحمس اوي وقرب من البسين بسرعه وخلاص هينزل بس وقف على صوت عامر اللي قال بصراخ:لااااا يااياد ارجع بسرعه من عندك اياد كان هيرجع من قدام البسين بس حس بشئ دفعه بقوه جوه البسين جري عامر بجنون على البسين وقرب منه وخلاص هينط فيه بس وقف بصدمه لما لقى البسين فاضي قدامه عامر بصدمه:اياد ابني راح فين ده كان قدامي من دقيقه بس؟!! بص حوليه بصدمه ورعب ورجع للمنزل تاني وبعدها طلع لغرفه ابنه بسرعه كبيره وفتحها وتسمر مكانه لما لقى اياد نايم في سريره بعمق قرب منه عامر بصدمه وبص عليه بخوف وقال:اياد اصحي ياحبيبي انا عاوزك فتح اياد عنيه بتعب وقال:نعم يابابا انت كويس مال شكلك مخطوف كده ليه؟ قرب عامر واخده في حضنه بقلق وقال:انت كويس يااياد يابني وازاي وصلت هنا باسرعه دي؟ اياد بعدم فهم:ايوه كويس يابابا وانت قصدك ايه وصلت هنا انا كونت نايم هنا من وقت ماطلعت انت من عندي عامر بصدمه:ايه انت كونت نايم هنا ازاي وانا شوفتك بعيني قدام البسين وكمان نزلت فين قدامي؟! اياد:معرفش انا كونت نايم هنا بس عامر بتشتت وشك:اياد انا عاوز اشوف صديقك عمار اللي حكتلي عنه قبل كده اياد بحماسه:بجد يابابا انت عاوز تشوفه؟ عامر ببسمه:ايوه عاوز اشوفه انت تعرف مكانه هنا فين؟ اياد بفرحه:ايوه اعرف غرفته هنا فين تعال معايا نشوفه سوى عامر انصدم منه لانه كان فاكر عمار ده مجرد خيال من عقله اياد بسبب حالته النفسيه وبعد وقت اياد اخد عامر معاه عند اخر الممر في المنزل واشار قدامه على ساعه كبيره وقديمه وقال:هنا يابابا فيه باب خلف الساعه دي وغرفه عمار خلفه عامر بلع ريقه بخوف من كلام اياد وقال:وانت دخلت الغرفه دي قبل كده يااياد؟ اياد بتأكيد:كتير يابابا انا قعدت مع عمار في غرفته دي ولعبنا سوى كتير في العابه عامر بصدمه:ايه لعبت معاه هنا وكمان في العابه طيب انت ازاي شلت الساعه الكبيره دي لوحدك؟!! اياد: انا مشلتهاش يابابا عمار اللي كان بيشيلها وانا بدخل معاه بس عامر هز راسه بصدمه:تمام هندخل علشان اشوف صاحبك عمار ده بعيني اياد اتحمس اوي وعامر قرب و حاول يدفع الساعه بكل قوته وبصعوبه قدر يدفعها وبعدها لقى قدامه فعلا باب قديم اوي وشكله غريب جدا اياد بحماسه:افتح الباب بسرعه يابابا عمار وحشني اوي عامر قرب ودفع الباب بهدووء ودخل الاول الغرفه وانصدم بعدها عامر بصدمه:ايه ده دي شكلها مدمره خالص مين ممكن يقعد في مكان مدمر كده؟ اياد:لا دي جميله اوي يابابا وانا بحبها اوي عامر:طيب ياحبيبي عمار صاحبك فين الغرفه فاضيه ومفيش حد هنا؟! اياد بتفكير:اكيد عمار خرج يعمل حاجه مهمه بره وزمانه راجع تعال في صوره كبيره هنا لعمار علشان تشوفه عامر:تمام فين الصوره دي؟ اياد سابه وفضل يدور على الصوره وفجأه وقف قدام جدار مدمر وقال:تعال يابابا الصوره هنا خلف الستاره دي قرب عامر من ابنه بخوف وقال:خلف الستاره دي انت متاكد يااياد؟ هز اياد رأسه بتأكيد وعامر شال الستاره بخوف وفجأه اتكشفت الصوره قدامه عامر بصدمه:ده نفسه عمار صديقك يااياد؟ اياد ببسمه:ايوه هو يابابا بلع عامر ريقه وقال:انا عندي احساس اني شوفت الشخص ده قبل كده بس فين؟ فضل يفكر كتير وبعدها قال بصدمه:ايوه افتكرت ده ابن صاحب البيت انا فاكر مره شوفته معاه قبل مااشتري منه البيت ده بس وقتها مسئلتش عن اسمه ايه او حتي كلمته اياد بفرحه:ها صدقتني دلوقتي يابابا لما شوفت عمار بعينك عامر بصدمه وعدم فهم:بس هو ازاي لسه عايش هنا في البيت وانا اشتريته من بباه من قبل خمس سنين؟ اياد:معرفش بس انا اتعرفت عليه من بعد موت ماما هو ظهر وكان بياجي نلعب سوى ديما جنب البسين وهنا كمان عامر بخوف :اياد احنا لازم نخرج من هنا بسرعه ومش عاوز اشوفك قريب من المكان ده تاني اياد بعتراض:بس يابابا قاطعه عامر بحده:مفيش بس اخر مره اشوفك هنا تاني ولو اجه ليك عمار وطلب منك تلعبوا سوى تاجي تقولي فورا مفهوم اياد بخوف:حاضر يابابا عامر اخد اياد وخرجوا من الغرفه وقعدوا سوى في غرفه الاكل عامر بحب:ها ياحبيبي حابب تاكل ايه علشان انا هطلب لينا ديلفري سوى اياد بضيق:لا انا مش عاوز اكل جاهز زقهت منه يابابا نفسي اكل من البيت وحشني اكل ماما اوي عامر بحزن:وانا كمان وحشني اكل جميله اوي ياحبيبي بس هنعمل ايه انا مش بعرف اطبخ اكل معلش استحمل مع بابا حبيبك يااياد اياد بص عليه بحزن كبير وكان هيرد عليه بس قاطعه دخول شخص غير متوقع وهي بتقول:حبايب قلبي انا حضرت ليكم احلا اكل في الدنيا اياد بص عليها بلهفه كبيره وعدم تصديق وقال:ماما جميله انتي هنا بجد؟! _4 قربت جميله من اياد بحب وقالت:حبيب قلب ماما انا هنا ديما معاك ياحبيبي ابتسم اياد بسعاده وعامر اخد باله منه فحط ايده على كتفه بقلق وقال: اياد حبيبي انت كويس؟ فاق اياد وبص على عامر بسرعه وقال: ماما جميله كانت هنا يابابا ومعاها اكل اللي بحبه كمان قرب عامر واخده في حضنه بشفقه وقال:تمام يااياد تعال معايا ندخل المطبخ وانا هحاول احضرلك اكلك المفضل زي ما ماما كانت بتعمله ليك زمان اياد بفرحه وحماسه:بجد يابابا طيب ياله بينا بسرعه ابتسم عامر لسعاده ابنه وحمله وتوجه للمطبخ وصل بعد دقايق وقبل مايدخل شم ريحه اكل جميله اوي من داخل المطبخ فدخل بسرعه وكانت هنا الصدمه عندما وجد عامر اكل كتير على سفره الأكل ومرتب بطريقه جميله جدا عامر بصدمه:مين حضر الاكل ده كله انا عايش هنا وحيد مع ابني اياد بس من بعد وفاه زوجتي؟! اياد بص على الاكل بفرحه كبيره ونزل جري على السفره وقال:ماما حضرت لنا الاكل اللي بحبه يابابا مش انا قولتلك شوفتها جوه ومعاها اكل كتير كمان بقلمي نور محمد عامر قرب من السفره بصدمه وزهول ومسك الاكل لقاه لسه سخن وده دليل ان فيه شخص حضره منذ دقائق بس مين ياترى؟! قعد عامر جنب ابنه وهو بياكل بسعاده كبيره ومسك الشوكه وبدأ يأكل وهنا انصدم بجد وقال:ده نفسه طعم اكل مراتي جميله انا متأكد منه يعني اكيد جميله موجوده معنا هنا بس مختفيه عننا ليه ياترى؟ اجابه اياد بتفكير:يمكن علشان خايفه من عمار يابابا اصل انا في مره ماما جميله قالتلي عمار ده شرير وعاوز يخلص مني وبعدها طلبت مني ابعد عنه بس انا فضلت العب معاه علشان مش عندي اصحاب هنا غيره عامر سمعه بصدمه وقال:وامتي حصل الكلام ده معاك يااياد اياد بتذكر:من بعد وفاة ماما جميله بأسبوع بس يابابا انا فاكر وقتها كونت بالعب مع عمار جنب البسين وكونت هقع في البسين بس ماما لحقتني بسرعه وقالتلى ابعد عن عمار علشان شرير عاوز يخلص مني عامر تهند بتعب وقال:تمام خلص اكلك ياحبيبي علشان تنام الوقت اتأخر دلوقتي وفعلا بعد وقت عامر اخد ابنه لغرفته المره دي من خوفه عليه وعطاه علاجه ونام معاه وهو حاضنه بقلق وخوف وبعد مانام اياد عامر فتح عنيه بتفكير وقال:ياترى ايه الحقيقه جميله مراتي لسه عايشه ازاي وانا مطلعها بأيدي من البسين وهي غرقانه وميته فيه؟! _ وعمار ازاي لسه عايش هنا في البيت وانا اشتريته من بباه من خمس سنين ازاي محستش بوجوده هنا معانا الوقت ده كله او حتي شوفته مره وحده هنا في البيت اللغز ده بقى كبير اوي وانا عارف هروح لمين عنده حل اللغز ده بكره غمض عنيه بعد ماحسم امره في الزهاب لزياره صاحب مفتاح لغز منزل عمار وبعد منتصف الليل دخل شخص الغرفه بهدووء وقرب من اياد ولمس وجهه بحنيه وقال:اياد اصحي ياصاحبي علشان نلعب مع بعض اياد حس ببروده من لمسته وفتح عنيه بنعاس وقال:عمار انت اجيت زي كل يوم علشان تلعب معايا عمار ببسمه:ايوه تعال يابطل ننزل نلعب جنب البسين سوى اياد بخوف:لا انا بقيت بخاف من البسين علشان غرقت فيه اخر مره عمار ببسمه:تمام تاجي نلعب سوى في غرفتي انا جبت العاب جديده هتعجبك اوي اياد بحماسه:بجد طيب انا هاجي معايا حالا عمار ببسمه:تمام تعال بس بهدووء مش عاوزين بابا عامر يصحي اياد بهمس:حاضر انا هنزل براحه اهو وفعلا اياد بعد عن عامر بهدووء وطلع هو بيتسحب لخارج الغرفه مع عمار وبعد مرور ساعتين عامر اخيرا تحرك من مكانه وكان جسده كله بيوجعه كأن شخص عطاله بنج قوي فتح عنيه بألم رهيب في دماغه وقال:اااه هو حصل ايه انا دماغي هتفرقع من الألم وكمان جسمي واجعني اوي كده ليه؟ جلس على سرير وفجأه تذكر ابنه اياد فقال بصدمه:اياد ابني كان هنا في حضني هو راح فين؟! وقف عامر برعب وقلق على ابنه ورغم ألمه الكبير تحمل على نفسه وطلع يدور عليه ولف البيت كله بدون جدوى ونزل عند البسين برضو يدور بس مفيش اثر لأياد في أي مكان فقال عامر برعب:اياااد يابني رد عليا قلبي هيقف من القلق عليك طيب هيكون راح فين بس ياربي و سكت عامر بتذكر وقال:ايوه صحيح اكيد اياد هناك انا ازاي نسيت المكان ده؟ وبعدها عامر جرى بسرعه على غرفه عمار المدمره وبعد مادفع الساعه الكبيره اللي قدام الغرفه بكل قوته فتح الباب بسرعه وهنا كانت الصدمه تسمر عامر في مكانه بصدمه وزهول ولقلبه بقى بيدق بعنف ورعب وجري على ابنه بذعر كبير وقال:لاااا اياااد ياحبيبي مين عمل فيك كده؟ وووو 5 تسمر عامر في مكانه بصدمه وزهول ولقلبه بقى بيدق بعنف ورعب وجري على ابنه بذعر كبير وقال:لاااا اياااد ياحبيبي مين عمل فيك كده؟ جرى عامر بجنون تجاه ابنه اياد لما لقاه مرمي قدامه مغمى عليه ووجهه شاحب مثل الموتي عامر بخوف:اياد رد عليا ياحبيبي انت كويس رد عليا حاول عامر يفوق اياد بس بدون فايده فحمله في حضنه بقوه وبدأ يفحص جسمه برعب وفجأه لقى علامه زرقاء على رجل اياد تشبه عضه الثعبان بلع ريقه برعب حقيقي على اياد وجرى بيه خارج المنزل كله وبعد وقت دخل اياد العمليات وعامر في الخارج وجهه غرق دموع من الخوف على ابنه وبعد ساعتين خرج الدكتور بتعب وقال:الحمد لله لحقنا خرجنا السم قبل مايصل للقلب عامر بقلق وخوف:يعني ابني بقى كويس دلوقتي يادكتور مش كده الدكتور بعتاب:ايوه بقى كويس الحمد لله بس حضرتك ازاي تسيبك ابنك يعضه تعبان سام كده ده لولا انك لحقته بسرعه كان ممكن قلبه يقف فورا عامر بتشتت وتعب:انا مش عارف ازاي التعبان ده وصل لابني هو كان نايم في حضني وفجأه صحيت مكنش موجود جنبي الدكتور بشفقه:حصل خير يافندم وحمدله على سلامه اياد والمره الجايه خد باله منه كويس عن ازنك رحل الدكتور وعامر دخل بسرعه غرفه ابنه لقاه بيفتح عنيه بتعب فقرب منه بقلق وقال:اياد انت كويس دلوقتي ياحبيبي؟! اياد بتعب:ايوه كويس بس رجلي وجعاني اوي هو حصل ايه معايا يابابا؟ قعد عامر جنبه بشفقه وحزن وقال:محصلش حاجه ياحبيبي انت كويس دلوقتي بس انا عاوز اعرف انت ليه سبتني نايم وروحت غرفه عمار اياد وحصل معاك ايه هناك؟ اياد بتذكر:انا كونت نايم في حضنك يابابا وفجأه لقيت عمار قدامي وطلب مني العب معاه في غرفته وانا كان نفسي العب فروحت معاه وهناك بعد مالعبنا سوى طلع تعبان كبير من العاب عمار وقرب مني وانا كونت مرعوب وبصرخ بقوه بس محدش سمعني والتعبان عضني في رجلي عامر سمعه وحضنه بقوه وقلق وقال:خلاص اهدي حصل خير ياحبيبي بس دي اخر مره تروح هناك تاني يأياد او انا هزعل منك تمام اياد بطفوله:حاضر يابابا انا مش هروح هناك تاني ابدا وبعد وقت رجع عامر وابنه تاني للمنزل عامر بحب:كل الاكل ده كله يااياد علشان تاخد علاجك وترتاح ياحبيبي اياد ببسمه:حاضر يابابا وبعد ماخلص اياد اكله واخد علاجك نام وعامر سابه وطلع قفل باب الغرفه عليه كويس وخرج من المنزل كله لجهه اخرى وبعد دقايق وصل عامر لجهته قدام منزل متواضع وقديم قرب وخبط الباب وبعد دقيقه فتحله الباب رجل في الستين من عمره اول ماشافه قال بصدمه:عامر بيه يادي النور اتفضل يابيه عامر ببسمه:ازيك ياعم حسن اخبارك ايه حسن بفرحه:كويس يابني اتفضل ادخل انا عارف البيت مش قد المقام بس قاطعه عامر بسرعه:لا ياعم حسن متقولش كده بس انا جاي لحضرتك في كلمتين وهمشي علطول علشان مستعجل حسن بقلق:تمام اتفضل جوه نتكلم يابني دخل عامر مع العم حسن وقعد معاه في الصالون حسن بقلق:اتفضل يابني عاوز تقول ايه؟ عامر ببسمه:ابنك عمار عامل ايه ياعم حسن؟ حسن بتوتر كبير:ابن ابني عمار وانت تعرفه منين؟ عامر بشك:شوفته عندي في البيت ياعم حسن حسن بصدمه:شوفته عندك في البيت ازاي يابني انت متأكد؟! عامر بتشتت:لا انا مشفتوش بعيني انا شوف صورته في غرفته القديمه عندي في البيت علشان كده اجيت اسئل عنه حضرتك حسن بحزن:ابني عمار مات ياعامر بيه من زمان اوي عامر بصدمه:مات ازاي وفين ياعم حسن؟! وعند اياد كان لسه في سابع نومه بس فجأه باب اتفتح ودخل عمار الغرفه وقرب من اياد ببسمه وقال:اياد اصحي كفايه نوم تعال نلعب مع بعض اياد فتح عنيه بتعب وشافه قدامه فقال بعتاب: ابعد عني انا مخاصمك علشان انت هربت وسبتني مع التعبان في غرفتك لوحدي ومش هلعب معاك تاني عمار ببسمه:انا اسف بس انا مهربتش انا سبتك هناك علشان تفضل معايا هنا لابدا ياصاحبي اياد بعدم فهم:انت قصدك ايه؟ قرب منه عمار بخبث وقال:انت مش بتحب تلعب معايا يااياد وانا كمان بحب العب معاك وعاوز تفضل معايا هنا ديما ومتسبنيش ابدا اياد تراجع بخوف منه:يعني انت كونت عاوز التعبان يعضني واموت هناك عمار ببسمه:لا انا كونت عاوزك تفضل معايا هناك علطول علشان نلعب مع بعض اياد وقف وجرى منه برعب وقال:انت طلعت شرير زي ماما جميله كان بتقولي عنك ابعد عني انا مش عاوز العب معاك تاني عمار جرى خلفه وقال:اياد انا بحبك وبحب العب معاك اسمع كلامي وخليك معايا هنا علطول اياد بخوف:لااا يابابا تعال الحقنيييي كان بيصرخ بصوت عالي بس عامر مكنش موجود في المنزل علشان يسمعه ولما اياد زاد الخوف عليه قال بصوت عالي:ماما جميله تعالي الحقيني منه ياماما الحقييني عمار بضيق:مفيش ماما جميله هنا امك ماتت يااياد افهم بقى هي مبقتش موجوده في الدنيا اياد تجاهل كلامه وفضل ينادي على امه وفجأه لقى الباب اتفتح وجرت عليه جميله بخوف وحضنته بقوه جميله بقلق وخوف:اهدي يااياد ماما معاك ياحبيبي اهدي اياد بدموع:انتي كان عندك حق ياماما عمار شرير وعاوز يخلص مني جميله برعب:عمار هو موجود هنا معانا في الغرفه يااياد؟! اياد اشار قدامه بخوف ودموع:هناك ياماما واقف قدامنا عند المرآيه هناك جميله بصت قدامها على المرآيه برعب وقالت:عند المرايه فين يااياد مفيش حد هنا في الغرفه غيرنا ياحبيبي؟! ونرجع عند عامر وهو بيقول:ابنك مات امتي ياعم حسن وفين؟ حسن بحزن ودموع:مات من قبل خمس سنين يابني قبل ماتستلم انت البيت مني وقع في البسين هناك وغرق عامر بصدمه:اييه مات في بيتي ومن قبل خمس سنين كمان وانت ازاي تخبي عني حاجه مهمه كده؟ حسن بأسف:انا اسف يابني سامحني بس كونت محتاج فلوس البيت ضروري وخوف لو قولتلك الحقيقه تغير رأيك في شراء البيت عامر بصدمه وزهول:يعني ابني كان عنده حق من الاول واللي كان بيلعب معاه شبح ابنك انت؟! حسن بقلق وخوف:انت بتقول ايه ابنك الصغير شاف ابني عمار في البيت وكان بيلعب معاه كمان؟!! عامر بتوتر وقلق:ايوه ومره ابني غرق في البسين بس انا لحقته وامبارح طلعته من غرفه ابنك وكان في تعبان عضه في رجله وانا نيمته في غرفته وسبته علشان اجي اعرف منك الحقيقه و قاطعه حسن برعب وقلق كبير وقال: اييه انت ازاي تسيبه لوحده هناك.. اجري بسرعه يابني انت لازم تلحق ابنك بسرعه عمار مش هيسيبه قبل ما يقتله علشان يفضل معاه هناك عامر سمعه بصدمه حقيقه وسابه برعب وهو بيجري زي المجنون على منزله بسرعه وبعد دقائق معدوده وصل عامر لمنزله وبسرعه البرق حط المفتاح في الباب غرفه اياد بسرعه وفتحه بخوف وهنا تسمر في مكانه لما لقى اياد قدامه على الارض وتحته فيه د*م فجرى عليه عامر زي المجنون وحمله بسرعه ورعب وقال:لااا اياد رد عليا يابني افتح عنيك ارجوك كان بيهزه بجنون وقلق كبير وفجأه لقى اياد فتح عنيه بخوف وقال:بابا اخيرا رجعت..انت ليه سبتني لوحدي انا كونت هموت من الخوف هنا عامر سمع صوته بفرحه وفضل يفحصه بقلق وقال:اياد انت كويس فيه حاجه بتوجعك في جسمك ياحبيبي اياد بنفي:لا انا كويس مفيش حاجه بتوجعني يابابا متخفش بس انا كونت خايف اوي عامر اطمن عليه لما قال كده وبص على الد*م في الارض قدامه وقال بصدمه ورعب:امال الد*م ده بتاع مين يااياد؟!!.. 6 عامر اطمن عليه لما قال كده وبص على الد*م في الارض قدامه وقال بصدمه ورعب:امال الد*م ده بتاع مين يااياد؟!!.. اياد خبى نفسه في حضن عامر من الخوف وقال: معرفش يابابا انا كونت نام وبعدها دخل عمار الغرفه واتخانقنا سوى وعرفت انه شرير وكان عاوز يخلص مني وفضلت انادي عليك بس انت مردتش عليا فناديت على ماما وهي دخلت هنا وحضنتني وانا نومت في حضنها من الخوف وصحيت على صوتك انت خلص اياد كلمه وهو منهار وبيعيط بقوه فحمله عامر بحنيه وحطه على السرير وقال: خلاص ياحبيبي اهدي بابا معاك دلوقتي ومش هسيبك تاني نام يااياد ومتخفش انا هنا جنبك اياد بخوف: حاضر بس متسبنيش لوحدي تاني يابابا عامر قبل رأسه بحنيه وقال: حاضر ياقلب بابا نام وانا هفضل هنا جنبك اياد عمض عنيه براحه ونام بعمض وعامر عنيه ركزت على نقطه الدم في الارض قدامه وقال: ياتري الدم ده بتاع مين ولو كلام عم حسن صحيح وعمار ابنه ميت يبقى الدم ده بتاع جميله مراتي بس ازاي وانا دفنها بأيدي يوم وفاتها بعد ماغرقت هنا في البسين انا لازم اعرف الحقيقه وبأي تمن وقف عامر وقرب من شباك الغرفه ورن على صديقه المفضل معاذ وقال: الوو يامعاذ انت فين ياجدع الفتره دي كلها مختفي فين؟ معاذ: مانت عارف ياعامر اني كونت مسافر بره مصر في شغل ورجعت النهاردا ها طمني انت كويس ياصاحبي عامر بتعب: لا مش كويس ابدا انا تعبان اوي يامعاذ معاذ بقلق: خير ياعامر مالك احكيلى ياصاحبي ده انت زي اخويا عامر ببسمه: وانت كمان اكتر من اخويا يامعاذ والله اسمع بقى اللي حصل معايا من كام يوم فاتوا وسرد عامر كل الاحداث اللي حصلت معاه لصديقه معاذ وبعدها كمل: انا تعبت اوي يامعاذ ومش عارف اعمل ايه وخايف اوي على ابني معاذ: طيب متسيب البيت كله ياعامر خد ابنك وسيبه وشوفلك مكان تاني غيره عامر: مقدرش اعمل كده يامعاذ قبل مااعرف الحقيقه لازم اعرف اذا كانت فعلا مراتي جميله ماتت او لسه عايشه ولو لسه عايشه بتعمل معايا كده ليه؟ معاذ: تمام عندك حق طيب انا عندي ليك حل حلو اوي عامر بحماسه: حل.. حل ايه يامعاذ قول بسرعه معاذ بتفكير: انت مش عاوز تعرف الحقيقه يبقى لازم تتأكد من موت عمار الاول وبعدها اكيد هتعرف مراتك جميله عايشه او ميته عامر: تمام عندك حق طيب هتأكد من موت عمار اذاي بقى؟! معاذ:انا اعرف راجل طيب بيفهم في الحجات دي ولو دخل بيتك هيعرف لو فيه شبح بجد او لا عامر بتردد: طيب انت واثق منه الراجل ده لاني مش بصدق في الخرفات دي ابدا معاذ:متقلقش ده شيخ واصل وكل الناس بتحلف بيه عامر بقلق:تمام يبقى جيبه بكره معاك للبيت وربنا يستر بقى معاذ:حاضر ان شاء الله خير متقلقش عامر قفل معاه ونام جنب ابنه بقلق وتوتر وعند معاذ زهب لبيت الشيخ وكلمه وطلب منه مساعده صديقه عامر بعد ماحكى ليه كل حاجه سمعها من عامر والشيخ واقف يروح معاك وفي صباح اليوم التالي صحي عامر متأخر وسمع صوت جرس الباب فخرج يشوف مين ولقى معاذ ومعاه راجل شكله غريب اوي عامر بص عليه بقلق كبير وهو حاسس من جواه ان الشخص ده مش كويس عامر ببسمه:صباح الخير يامعاذ اتفضل ادخل معاذ ببسمه:صباح النور ياعامر اعرفك على الشيخ حسين اللي كلمتك عنه عامر بقلق:اهلا ياشيخ حسين اتفضل ادخل دخل معاذ ومعاه الشيخ حسن اللي قعد بريبه قدام عامر وقال:انت عايش هنا لوحدك يابني؟ عامر بتوتر:لا ياشيخ حسين انا عايش مع ابني الصغير هنا وهو نايم فوق في غرفته وقف حسين بتحفذ وقال:تمام طيب اقدر اشوف ابنك عاوز اتكلم معاه عامر كان قلقان اوي ومتردد بس معاذ همس ليه وقال:اهدي متقلقش هو عاوز يشوفه ويكلمه علشان يعرف الحقيقه بس عامر بتوتر:تمام تعالوا معايا علشان نشوفه طلع عامر الاول وخلفه معاذ وحسين واول مافتح الباب لقى اياد قاعد على سريره بشرود فقرب منه عامر بقلق وقال:اياد انت كويس ياحبيبي اياد رفع نظره لعامر وبعدها بص على حسين بضيق وقال:مين الراجل ده يابابا؟! قرب حسين وعنيه بتتفحص اياد وقال:انا عمك الشيخ حسين متخفش مني انا عاوز اتكلم معاك شويه بس لوحدنا اياد بخوف:لا اخرج بره..وبص على عامر وكمل..مشي الراجل ده شرير يابابا مشيه من هنا بسرعه عامر بقلق:اهدي ياحبيبي ده عمو طيب متخفش انا معاك حسين ببسمه:استاذ عامر ممكن تاخد الاستاذ معاذ وتخرجوا ومتقلقش على ابنك انا هاخد بالي منه عامر بتردد:بس ياشيخ حسين قاطعه معاذ بسرعه وسحبه معاك وقال:تعال معايا ومتقلقش مش هيحصل حاجه ياله نخرج بس علشان الشيخ حسين يشوف شغله عامر بص على اياد اللي لمعه الدموع في عنيه بقلق وتردد كبير بس خرج مع معاذ وسابه وحسين اول ماطلعوا من الغرفه قفلها كويس خلفهم وقرب من اياد وقال:عامل ايه يااياد؟ اياد بخوف:كويس بس افتح الباب انت قفلته ليه؟! حسين ببسمه:علشان نتكلم سوى براحتنا احكيلي بقى عن صاحبك عمار اياد بضيق:مبقاش صاحبي احنا سبنا بعض ومش هلعب معاه تاني حسين ببسمه:تمام طيب أيه رأيك تبقى صاحبي انا ونطلع من هنا سوى اياد بعدم فهم:نطلع من هنا نروح فين؟ حسين بخبث:هاخدك لمكان تاني حلو اوي وهجيبلك حلويات كتير اياد بص عليه بخوف وقال:انت عاوز تخطفني من هنا؟ ضحك حسين بخبث وقال:هههه كونت متأكد انك ولد زكي ومس سهل وهتنفعني في شغلي كتير وفي الخارج عامر كان رايح جاي بقلق كبير على ابنه وقلبه مش مطمن ابدا عامر بقلق:اتأخر معاه جوه اوي انا هدخل اشوفه بيعمل ايه معاذ:اهدي ياعامر وسيبه يشوف شغله.. طيب بقولك ايه تعال نخرج للجنينه بره لغايه مايخلصوا سوى عامر بتردد:انا خايف ومش مطمن للراجل ده حاسس انه نصاب وخايف يعمل حاجه في ابني جوه معاذ:لا متخفش قولتلك الراجل ده واصل وبيفهم اوي في الحجات دي تعال بس معايا وكل حاجه هتبقى تمام وبعد اصرار كبير من معاذ عامر نزل معاه الجنينه وبقوا في مكان بعيد عن البيت وفي غرفه اياد حسين كان بيجري خلفه عاوز يمسكه واياد بيجري منه في الغرفه بخوف كبير حسين بضيق:اقف عندك ياض كفايه مش قادر اجري وراك تاني انا هاخدك بس تشتغل معايا ده انت كنز كبير هلم من وراك الدهب اياد بخوف وصراخ:ابعد عني انت راجل شرير يابابا تعال الحقني حسين بخوف:اسكت ياض يخرب بيتك خلاص من هقرب منك اياد وقف وهو بياخد نفسه بقوه وحسين بص عليه بشر وجرى مسكه وقال بخبث:مسكتك اخيرا انت هتاجي معايا بكيفك او غصب عنك ياله هنطلع من الباب الخلفي في البيت هنا اياد اترعب منه وفضل ينادي بقوه على عامر بس عامر كان خارج البيت في الوقت ده مع معاذ صاحبه فمسمعش صوته واياد زاد الخوف عليه فنادي على امه جميله بس بدون فايده ولما قرب منه حسين عاوز يكتم صوته صرخ اياد بخوف كبير وقال:عمااااار الحقني ارجووك حسين كتم بقه بسرعه وقال:اسكت بقى طلعت عيني معاك و قبل مايكمل حسين كلامه لقى شخص دفعه بقوه بعيد عن اياد ووو وعند عامر في الجنينه قلبه كان بيدق بعنف من الخوف على اياد ابنه وفجأه سمع صوت اياد وهو بيصرخ بأعلى صوته فرتعب عامر عليه وجرى زي المجنون على غرفته وخلفه معاذ وصل عامر ودفع الباب بقوه وبص قدامه برعب وزهول وهنا كانت الصدمه الحقيقه بجد