الفصل الثاني
رواية نوراة الزين💜🖇️💜🖇️💫🐣🧚♀️
``
الحلقة 6
الحلقة 7
الحلقة 8
الحلقة 9
الحلقة 10
.
.
رواية / نوارة الزين
بقلم/ بسمة اشرف
علقوا هنا ب 10 ملصقات
🔴🔴🔴🔴🔴🔴🔴🔴🔴🔴🔴🔵🔵
الحلقة 6
.
الفصل السادس
دخل زين خلف نواره واغلق الباب وبصوت رجولي : نواره…
انتفض جسد نواره عند سماع صوته …… ازال زين عمامته ووضعها على التسريحه واتجه ناحيه نواره وهى مازالت تنظر إلى الارض و الطرحه على وجهها ظل يقترب خطوة خطوة وهي في حاله رعب مما يحدث…… نواره عندما اقترب منها زين وامسك بطرف الطرحه ليرى وجهها …..نواره بتعصب يخفي خوفها الشديد ابعدت يد زين عنها وقالت :زييين بعد اياك تجرب واللى اصرخ ولم الناس ….قالتها وانفاسها تعلو وتهبط .
زين باستغراب: اهدي ….اهدي يانواره لو مش عايزاني المسك موافج بس اهدي ….
زين انا مجدرش ….مجدرش اخليك تجرب مني…. انا مش رفضاك انت بالذات لا انا بس مش عايزة اتجوز اكده …..زين انا اتخطبت وانكتاب كتابي وتعملي فرح في اسبوع كل دا حصل مجدرش انا معرفكش يازين سامحني….بس انت لو عايز حجك الشرعي انا….انا مش هوجفك ….. قالتها وهى تبكي وزين سامع صوت بكائها ….
زين بهدوء يخفي ورائه غضب اتجه اللى الدولاب واخذ ملابس واخذ غطاء وتوقف وهو لا ينظر لها : المفتاج في الباب اجفلي وراكي ولو كنتي عايزة الحمام ابجي خبطي على الباب …..وتراكها ….
(بس ي جماعة عشان نكون فهمين زين قاعد في سرايا يعني اوضته اد أوضتين الجزء الاول مكان النوم والجزء التاني فيه الحمام والكراسي والتلفزيون وكدا وطبعا الباب الرئيسي وبيفصل بين الاوضتين باب جرار غنى فاحش يارب اوعدنا )
انهارت نواره عندما خرج زين وجلست على الارض وازله الطرحه ووضعت يدها على فمها حتى لا ينتبه زين ……وبعد فتره غلبها النوم ….وزين بالخارج يتمالك نفسه وبداخله عدت مشاعر الرغبه والتعصب من تصرفها والخوف عليها …..ظل زين يفكر
بزوجته التى لم يرى وجهها حتى الان ويضحك بسخرية ولكن رغم كل هذا اعجب بشجاعتها لن تقدر إمرأة في الصعيد تقول لزوجها هذا الكلام وخاصة زين فلم تقاومه إمرأة في حياته …….
الساعة بقت ٨ الصبح فاقت نواره وظلت تنظر للغرفة باندهاش حتى تذكرت انها تزوجت بالامس وقفت ونظرت لنفسها في المرأه……
مالك يانواره اتعودي من هنا ورايح دا بيتك …….ايه دا انا لسه بالفستان …..اه اما اشوف البس ايه ….
اخرجت نواره ملابس وفتحت الباب وكان زين نائم فهو لم ينام حتى الصباح تحركت على اطراف اصابعها حتى لا ينتبه دخلت الحمام وانتهت من الاستحمام خرجت بنفس الطريقة ووقفت لتنظر لزين لاول مرة ترى وجهه …..
وه ايه دا عاد يخرببيت جمال امك ….اقتربت منه نواره وجلست على الارض وتأملات ملامح وجهه ولم تتحكم بيدها عندما وجدت خصله على جبينه اخذتها وحركتها وفجأة يد زين مسكت يدها وقبل ان انتفضت وهربت للداخل ووجهها احمر من الخجل فاق زين وبإبتسامه نواره ممكن تفتحي عشان اخد هدومي ….
حاضر ثانيه واحده …هما فين عاد.
في حاجة يانواره .
لا بس مش لاجيه الطرح ….اه خلاص لجيتها .
فتحت الباب ووقفت في البلكونه خجلانه مما فعلته وزين ينظر لها نظرة غضب وقال : نواره ….نواره .
ايه
تعالي واجفلي البلكونة …..
حاضر ….اغلقت نوارة البلكونة واثناء خروجها مسك زين ايدها وشدها نحيته ….
نواره بخوف : زين بعد عني …بعد عاد .
نواره عايز اشوف وشك ….
رفعت نواره وجهها ناحية زين ونظرت لعينيه …..
اقترب زين منها ولمس خدها بيده ..وهمس في اذنها …ونفسي اشوف شعرك …
نواره بعدم استيعاب فا جاذبيه زين اخذتها عالم اخر :هاا
بجولك عايز اشوف شعرك يانواره ….شد زين الطرحه و….
يتبع….
.
🔴🔴🔴🔴🔴🔴🔴🔴🔴🔴🔴🔵🔵
الحلقة 7
.
الفصل السابع
نفسي اشوف شعرك يانواره قالها زين وهو ينظر لها وانفاسه تلمس خدها ….امسك بالطرحة ولسه هيشيلها…تذكر ماحدث بالامس وابتعد عن نواره الشبه فاقدة للوعى …ابعد زين نظرة عن نواره …ونواره عادت لرشدها ووضعت الطرحة على راسها بسرعة ووجهها اصبح شديد الاحمرار وجسدها يرتجف ..
نواره اطلعي جيبي الغطا من برا عشان لو حد طلع ..
ح..حاضر …..انا هنزل تحت .
ماشي بس …متجوليش لحد على اللى حصل هنا امبارح اوعاكي لوحد سألك اعملي نفسك مكسوفة ومترديش …ماشي .
ماشي….يلا عن اذنك.
يامه …يامه نواره نازله على السلم اه…..زغرطي يابت.
صباح انكتمي …
ياست الحجه دي صباحيه زين بيه مزغرطش واكيد الاعادي .
هههههه..اه منكم انتوا الاتنين تموت في الكيد اه ….نواره مالك يابتي واجفه بعيد ليه تعالي يمرات الغالي …
لجيتكم بتتكلموا محبتش اديجكم …..
دا انتي تنورينا يانواره ….هاا مبسوطه .
طبعا وحد يبجا مع اوخي وميبجاش مبسوط داخوي جمر …اسفة نسيت اعرفك انا اخوت زين الصغيرة نواره .
ايه ..؟؟
لا انا مش بنادي عليكي انا بجولك اسمي نواره كيفك.
نواره بإبتسامه: امممممم تمام .
بصي انا مش عارفه ايه الحل بس متأكده اني هلجيه اصل انتين في البيت نواره كتير يابوي لازم الاجي حل …
كفايه رغي جومي صحي عمرو عشان يفطر معانا جومي يابت ….اه صح نواره زين جام ..؟؟
اه جام ….
تمام ……..نواره عايزاكي جومي نجعد في الجنينة لحد مايجهزوا الفطار …
ماشي يلا …
خرجت نواره مع كريمه وجلسا ….
كريمه بنبرة حب وحنان :انا عارفه اللى كان بيحصلك في بيت اهلك …..ابوكي حكالي ووصاني عليكي …
نوارة بنظرة انكسار وعينيها تمتلئ بالدموع: انا مش عايزة شفجه …
وليه بتجولي كده يابتي انا مش بشفج عليكي لا غلطانه … البيت دا كله انا اكبر واحدة فيه عندي تلت رجاله وبنتين والله يعلم لما شوفتك اتمنيتك لحد من ولادي ونصيبك جه في احسنهم عارفه ان انتي يتيمه ومرات ابوكي مجدرتش تبجى امك وعيشتك في مرار بس انا عايزة اكملهم نص دستة…..
كيف …؟؟؟!
يعني بدل مايبجى عندي تلت ولاد وبنتين يبجى عند تلت ولاد وتلت بنات هااااا ……
نواره وقط اطلقت الدموع ….
ياحبيبتي يابتي تعالى في حضني بس …بس اوعدك محدش هيزعلك طول مانا على وش الدنيا …
شكرا……
بتشكريني على ايه ؟؟؟
انك خليتيني احس بحاجه عمري محسيت بيها …اه لو تعرفي حضنك دا عمل فيا ايه …
اتعودي على كده عشان عمري ماهسيبك في ام تسيب بتها وبعدين كلي بعجلي حلاوة عايزة تفهميني ان حضني احلى من حضن زين ههههههه
وقفت نواره واحمرت وجنتيها من الكسوف وتذكرت ماحدث بينها وبين زين وانها كانت بين يديه :انا …انا هجوم اروح الحمام عن اذنك …..
ههههههههه ماشي اهربي بس بكرا اعرف .
صباح الخير ….
نواره بكسوف ووجهها في الارض : صباح النور ياحازم .
كفيك يانواره …؟؟
بخير وانت ….
اه كيف منتي شايفه اسد ..بصوت منخفض …بس انا مشفتكيش امبارح كنتي فين ؟؟؟؟
كنت هنا ..بس انا شوفت …
وايه رأيك انفع عريس …
احلى عريس …
شعربقدوم احد فعتدل في جلسته وقال وفين العرسان ..؟؟
انا اهوا وطي صوتك …قالها زين وهو ينزل من على الدرج .
العريس واقترب من زين وبصوت واطي : شرفتنا .
هحكيلك بعدين ….
طب بجولك بيجولوا انا البنات لو جرسوا العروسه في ركبتها بيحصلوها في جمعتها طب والرجاله يجرسوا ايه ….
اجولك ومتزعلش …بعيد اصبح على اختي بعيد…صباح الخير ياجلب اخوكي …
صباح النور ياعريس ….
يلا ياحازم ورايا على المكتب …
ليه ؟؟؟؟
زين بضحكه : هجولك بيجرسوا فين ….
يتبع….
.
🔴🔴🔴🔴🔴🔴🔴🔴🔴🔴🔴🔵🔵
الحلقة 8
.
الفصل الثامن
نواره جومي روحي المكتب اندهي لجوزك وحازم عشان يفطروا معانا .
حاضر يا…ياماما .
حضرلك الخير يجلب ماما .
سهوكه شوفي البت حِركه كيف مش انتي يامخبله افففف.
اعمل ايه ياسمر …اعمل ايه انا نفسي امسكها اقطم رجبتها انا بحب زين والنبي تشوفي حل ياسمر واحيات ابوكي وامك .
واحيات ابوكي وامك الله يرحمهم زين هيكون ليكي وهتشوفي اختك هتعمل ايه …
يعني ايه يازين مش فاهم انت ملمستش مرتك ؟؟؟!
لا
لا ايه وليه …؟؟
وطي صوتك ..افففف حازم انا جولتلك اللى حصل عايزني المس واحدة مش عايزاني مش انا ..
يازين كل البنات بتبجى كده في الاول وبعدين بتلين .
لا ياحازم دا مكنش صوت واحدة خايفة من الفكرة هى كانت عارفة بتجول ايه … جالتلي مجدرش اخليك تلمسني .
وبعدين هتفضل اكده متجوز ومش متجوز ..؟؟!!
اه لحد ماشوف في عنيها ان هي عايزاني جبل اكده لا…
نواره اقتربت من الباب …
ايه اجمدي كده هخبط واجوله جهزوا الفطار ومستنينكم بس مش حكايه يلا يانواره…خبطت نواره على الباب …
ادخل ….
دخلت نواره وعنيها في الارض ……جهزوا الفطار ومستنينكم.
طب جايين …اه نواره دا ابن خالي غريب حازم واخوي وصاحبي .
اتشرفت ….
وه ايه الجمال دا ..انا اللى اتشرفت .
زين وعلى وجهه ملامح الغضب من كلمات حازم….حازم
خلاص يازين بس بصراحة مجدرتش امسك نفسي لما شفت الجمال دا كله
ابتسمت نواره من كلام حازم وطريقته وطريقة زين ..
اه ضحكت يعني جلبها مال …
شكلك عايز تروح بسبع غرز في وشك
لا يعم انا همشي …بص حازم لزين وبنبرة سخرية ….اااااه دا انت جبل ياشيخ …وخرج قبل مازين يضربه …
نواره وعليت ضحكتها ومقدرتش تمسك نفسها وهى لما بتضحك من قلبهابتفقد توازنها وقعت على الكنبه ..وزين ابتسم من منظرها بس رسم على وجهه الغضب وبصوت حاد : بتضحكي على ايه …فرحانه انو كان بيتغزل فيكي .
نواره بخوف منه وقفت وعنيها في الارض وعنيها بتحبس الدموع : انا ضحكت من طريقته …..اسفه .
امممم …..تمام بس لو شفت او سمعت ان حد كلمك كده وانتي سكتي وفضلتي واجفه هتشوفي مني وش وحش جوي ….مش عشان انا معملتش حاجة امبارح وسبتك يبجى انا طيب فهمه …..واقترب منها …ولا تحبي افهمك بطريجتي .
ف..فهم..ة …ممكن نمشي عشان هما مسنتينا .
يلا ….
خرجت وزين ابتسم من كتله الطيبه والطفوله اللى شافها وركز في كلام حازم وبص عليها من فوق لتحت وفي نفسه قال:عندك حج ياحازم دانا جبل …..
بصي بجا يانواره انا لجيت حل للموضوع بتاعنا .
مش وجته يابتي .
لا لازم اكده هنطلخبط وبعدين كلنا جاعدين مش هنتجمع اكده تاني …بصوا بجى انا اسمي نواره وهي اسمها نواره وعشان انا هنا من زمان يبجى تنادوني نواره وهيا نور ودا العدل …..
لا مش عدل لو على الاول احنا اللى جالدنا الحج مصطفى وسمناكي زي اسم بته مش العكس …..
كيف سمتوها على اسمي ….
حسن لما راح السبوع بتاعك وشافك انا كنت لسه حامل وزمان مكناش نعرف واد ولا بت اول ماجه حسن جالي لو بت هنسميها نواره على اسم بنت مصطفى وجيت نواره …
زين بستغراب: اول مرة اسمع الحكايه دي …
خلاص يبجى انا نور وانتي ياجمر نواره اتفجنا …
نواره بإبتسامه:اتفجنا …
ايه يازين مش هتعرف مرتك علينا …
نواره دا اخويا احمد الكبير ودي سمر مرته واللى جنبها هبه اختها ودي مريم اختي وجوزها محمد بردوا ابن خالي غريب
ودا عمرو اخوي اكبر من نوراه بسنتين
نور اسمي بجى نور
زين بابتسامة: نور ….اكبر من نور بسنتين …..
عمرو بنظرة قذرة : اهلا يامرات اخوي انشاء الله هتحبي بيتنا جوي وهتحبينا ….
نواره وقلبها مقبوض من نظراته : انشاء الله اناشبعت الحمدلله هطلع الاوضه عن اذنكم .
مكلتيش حاجة يابتي .
لا انا كده تمام .
طلعت نواره الاوضة وكانت تشعر بالملل الشديد قعدت تدور في الحاجات اللى ليلى جابتهالها وتضحك لحد مالقيت جلبيه رقص والمنديل بتاعها وهى هتموت من الضحك وقامت ولبستها وهى ناسيه زين خالص …لبستها وشغلت اغنيه ……صباح… انا هنا هنا يابن الحلال لا عايزة جاه ولا كتر مال بحلم بعش املاه انا سعد وهنا انا هنا يابن الحلال ….وقعدت ترقص وتضحك من مرات اخوها المجنونه اللى جيبالها حاجات عجيبه وفجأه ادين تتلف حولين وسطها وانفاس تقرب منها لحد ما شلت حركتها …..
يتبع….
.
🔴🔴🔴🔴🔴🔴🔴🔴🔴🔴🔴🔵🔵
الحلقة 9
.
الفصل التاسع
نواره وهي بترقص وبتضحك حست بأيد بتتلف حولين وسطها وانفاس تقرب منها لحد ما شلت حركتها……
..ارحمي….ارحمي يانواره …
التفتت نواره بذعر وجدت زين يبتسم لها ابتسامه خفيفة وشدها له اكثر حتى اختلطت انفاسهم ….
نواره بتوتر :ز…ز…زييين بعد عني .
زين بنفس الابتسامة اقترب من اذنها وهمس :انا حايش نفسي عنك بالعافيه بلاش تزودي الطين باله ……
نواره بخوف : يعن ايه مش فاهمة؟؟
ابتعد عنها قليلا ونظر في عينيها : نواره تعرفي انا عندي كام سنه …
تؤ تؤ .
تؤ تؤ …هجولك عندي ٣٢سنه …..اقترب منها وابتلع ريقة ونظر الى شفايفها وعاود النظر لعينيها …. ٣٢ سنه ولسه ملمستش ست …..
نواره بتبريق وخوف : وهتعمل ايه ؟؟
مالك فتحتي عنيكي ليه اجده انا بجولك بس بلاش طول مالباب دا مفتوح تلبسي حاجة ديجه كده ولا جصيرة ماشي .
هزت نواره راسها بالايجاب عدة مرات …..تركها زين وهو يضحك عليها ….نواره اول ما زين فك حصارها ركضت واختبأت وراء الستارة ….وزين يخرج ملابس له من الدولاب ولم يلاحظ مافعلته نواره .
اه بجولك انا رايح عزا …..
عزا مين …؟؟؟
عزا ود عثمان المنشاوي …هنصلى عليه وهرجع ماشي …التفت زين لنواره ولم يستطع كتم ضحكته …
ايه اللى انتي عملاه دا يعني الستارة هي اللى هتخبيكي .
مش انت جولت ان اللبس دا بيديجك انا اتخبيت لحد ماتخرج عشان اغير …
انا مجولتش اكده ….اللبس دا مابيديجنيش….
اقترب زين منها ….وهى خلف الستارة تلعن حظها وذاكراتها التى وضعتها في هذا المأزق………
نواره وهى تحدث نفسها : يعني كان لازم انسى اني اتجوزت ..اففففف
عندما وصل زين لها ازال الستارة ونظر لها نظره طمأنة قلب نواره : نواره عمري ماهعمل حاجة انتي مش عايزاها كنت بهزر معاكي …متخفيش مني و…
قاطعهم صوت الزغاريط الاتي من تحت …..
افتكر اهلك جم انا هخرج اغير في الحمام وانتي غيري خلجاتك دي واستني ننزل سوى ….ابتسم …ايه اللى انتي لبساه ده….؟؟؟
ذهب زين الى الحمام وتركها هائمه …في عالم اخر ….لاول مره تشعر بالأمان مع احد غير والدها واخيها علي اتجهت الى المرأه وتنظر لنفسها وتتذكر ابتسامته …فمن طلقاء نفسها رسم على وجهها ابتسامه وافاقت على دقات الباب ..
ياست نواره اهلك تحت مستنينك …
ماشي جايه اه …
تذكرت ملابسها ….
طب جوليلهم شويه وهتنزل ….
غيرت نواره ولسه هتخرج زين مسك ايدها ….
ايه …؟؟
مش جولتلك هننزل مع بعض …
اه….بس مش فاهمة ليه ….؟؟؟
عادي حبيت ننزل مع بعض ….اه نواره لو حد سألك على اللى حصل امبارح هتجولي ايه ….
نواره وهى تنظر للارض والخجل واضح عليها : م..مش هرد وهعمل نفسي مكسوفة …
شاطرة يا نوارن …يلا بينا هاتي ايدك …
ليه ….؟؟؟
عرسان جداد بجى يلا …
نزل زين ونواره وهما مسكين ايد بعض واول ما شافوهم انطلقت الزغاريط …
زين بحده : انا ماشي يانواره …عايزة حاجة ياحجة …
عازتك العافيه ياولدي امشي انت …..
ليلى تعالى في حضني …..
والله البيت كأنه جبر من غيرك كأنك كنتي بتنورية …
نواره وهى تبكي : بتبكي ليه دلوجتي ….
مانتي كمان عاتبكي …..
انا ابكي عالبكاكي وشيماء كمان بتبكي …..ايه النكد دا …؟؟
خلاص يابنته بطلوا بكى انا هاخد الحجة سعاد وانتي يانواره خدي ليلى وشيماء واطلعي على اوضتك ….
ماشي ياماما ….
نظرت سعاد لنواره بكره : عمرك مجولتيلي ماما يانواره ولا تحلى للغريب ….
نواره لسه هتنطق اوقفتها كريمه وقالت : نواره بتي انا اللى جولتلها تجولي ياماما ..يلا يانواره اعملي اللى جولتلك عليه .
ماشي….يا ماااامااااا.
_______________________________
(بيت عثمان المنشاوي )
البقاء لله ياحج …
شكرا يازين تعبت نفسك ليه انا عارف ان انت لسه عريس جديد …..
تعب ايه بس ياحج …انا اجيلك على عيني …
دا العشم ياولدي …اتفضل اجعد …
صلوا …وراحوا دفنوا وخلصوا وزين وحازم سلموا على عثمان واستأذنوا ولسه هيخرجوا وصوت نده على زين …
زين …زين
التفت زين وعينيه تحولت لجمر من شدة الغضب لكنه تمالك نفسة : عز ….
اه عز ايه سلمت على كل اللى هنه الا انا …بس انا هعمل بأصلي وهبركلك ….مبروك .
زين وارتسم على وجهه ابتسامه سخرية : الله يبارك فيك بس من مِتى الغجر ليهم اصل …هو مش انت من الغجر بردو …يلا يا حازم …
عز بغضب وهو يحاول مدايقه زين : اه عندك حج ….اقترب منه ….اصل سمعت انك متجوز جمر نواره ….مش اسمها نواره ..كل الناس بتتكلم عن ادبها واخلاجه وشكلها و….وجسمها ….
يتبع….
.
🔴🔴🔴🔴🔴🔴🔴🔴🔴🔴🔴🔵🔵
الحلقة 10
.
الفصل العاشر
عز وهو يحاول ان يثير غضب زين : كل الناس بتتكلم عن ادبها واخلاجها وشكلها و….وجسمها .
زين ولم يستطع تمالك نفسه انقض عليه ولم يبالي للناس من حوله حتى انه لم يسمع اي شئ كل مافي باله هو تفريغ غضبه ….
زين خلاص ….خلاص يازين كفايه هيموت في يدك …
ياولدي بعد ….زين ..زين ..
وبعد فترة عاد زين لرشدة وظل ينظر للدماء بيده ….
بسرعة شوف عربيه وانجل عز فيها وديه المستشفى …يلا مستني ايه بسرعة ..
حاضر ياحج ……
وانت تعالى معايا يازين …..
دا اللى حصل مجدرتش امسك نفسي اكتر من اكده ياحج كامل …
عندك حج ياولدي مش هلومك بس هو كان عايز يديجك…. زين ياولدي …عز مش ناسي اللى انت عملتوا فيه جبل اكده خد بالك دا غجري إبليس يعمله الف حساب خد بالك …
……تمام ياحج مش هكابر واجول ان عز مش ممكن يأذيني بس لو عمل اي حاجة هخليه هو وابليسه عبره …….
يازين ان……..
عن اذنك ياحج تعبان شويه هروح ارتاح ونبجى نكمل بعدين ……
__________________________________
(بيت عائلة العلاميه )
يعني هو سابك ومجربش منك خالص .. .؟؟؟
اه ….اول مجولتله اني مجدرش اخليه يلمسني عشان انا معرفهوش سابلي الاوضة وطلع برا والنهاردة جالي ان هو مش هيلمسني غير لما انا ابجى راضيه …..
الحمد لله يانواره انتي عشان جلبك ابيض ربنا رزجك براجل زين كيف زين …والله لولا انا مسكت اخوكي امبارح لكان جالك وخدك غصبا عن الكل بما فيهم ابوكي …وطول الليل يترى بيعمل ايه …ايه اللى بيحصل دلوجتي ….نواره اكيد مش بخير …منامش غير بعد الفجر …..يلا امشي انا بجى امال فين شيماء ….شيماء يلا عشان نمشي …
خليكي شويه كمان …
لازم نمشي يانواره والله على عيني اسيبك لوحدك ….
اه بجولك ياليلى اوعى حاجة من اللى جولتهالك دي تطلع برا دا سر زين محرج عليا اوعى …
خلاص يلا انا همشي …
انا هنزل معاكي يلا بينا …..
ودعت نواره اهلها وكانت واقفة على باب السرايا وزين دخل بسيارته بسرعة مازال يشعر بالغضب ….عندما رأته نواره ارتسم على وجهها الابتسامه ….
زين بصوت عالى واضح عليه الغضب : نواره …اقترب منها …ايه موجفك اهنه …..
نواره بخوف: انا كنت ب…..
بتعملي ايه ازاي بتخرجي اكده مشفكيش برا تاني اطلعي اوضتك …..
نواره بعدم استيعاب وخوف لم تستطع ان تحرك قدمها حتى من مكانها ….
لسه واجفه ليه …..امسك زين بيد نواره وضغط عليها واتجه بها الى الغرفة …
نواره بعياط : زين والنبي بعد ايدي بتوجعني ….زين اخر مره اطلع برا البيت والنبي …..
خشي …..اسمعي يانواره طلوع برا لا لو طلعتي يبجى معايا غير كده لا فاهمه …
م….ما …شي…..
زين رجع لهدوءه وادرك ما فعله : نواره متخفيش سامحيني انا راجع مدايق ومتعصب وانتي اللى طلع فيكي كل غضبي سامحيني …
م…مسامحه خلااااص ….
زين بابتسامة اعادت الطمأنينه لقلبها : تعالى يانواره اجعدي هنه هغير وارجعلك ماشي ….
ماشي يازين . ..
يتبع….
..