أحداث خاصه - ❴🔢❵☟الــبــــــ❴ 5️⃣ ❵ـــــــارت☟ - مكتملة | روايتك

..الحلقة (5) #احداث_خاصة من #مسلسل #زوجة_الاستاذ #الكاتبة #أميرة_سليمان و اني مروح في الطريق ألقيت ولد نعرفه قالي وين كنت . قتله حاط المدام عند صاحبتها قالي اي حوش من الجيران تعرفوه قتله على مكان الحوش شن فيه قدامه و لون الحوش وجهه تغير و اقعد يقولي متأكد قتله اي خيرك . قالي بلكي مش هو الحوش هذا قتله هو يا راجل مرتي معزومة عندهم على العشاء الولد اسكت قتله شن فيه قالي لا مافي شي قتله لا فيه قالي لا غير تعاله هدرز ليك وحشه و امشي اني الحق ما درت في بالي شي روحت للحوش قعمزت في المربوعة في ليل مقعمز نتصفح و حسيت أنه عطلت و قداش العشاء وقته هذا و ساعة قريب 10 اتصلت بيها المرة الأوله ماتبيش ترد المرة الثانية ردت و هي صوته متقطع قاتلي اهو شوية نضت ب صوت عالي نعيط ب اهو جايك توا شن مازال شويه و اني كيف بنلبس و بنطلع نشبح للتاريخ في الهاتف اعرفت أنه غدوا عيد ميلاد مرتي لي ماتت اختها أبصر كيف حسيت ب احساس مش حلوا بكل امشيت اطلعت و دمعتي في عيني يا ناس راهو الفقد واعر هلبا البنت قعده في خاطري .💔 اطلعت اني كيف أوصلت للطريق لي فيها الحوش و كيف بندرس قدام باب الحوش تلاقيت ب صاحبي ثاني قالي شن فيه خيرك قتله المدام أهنا خيرك مش قتلك بكري قالي في الحوش هذا قتله ايه ابديه يرعش مع بعض قتله خيرك قالي لا شي اقعدت نتصل بيها و نعيط عليها ب اطلعي بسرعة اطلعي هي ليل حشم حالك صاحبي ما باش يتحرك اقعد واقف قتله خيرك راهو المرأة بتطلع قالي ايه ايه و امشي هو متوتر . طلعت ركبت في السيارة و طريق كلها و اني نحلف أخرى مرة هاذي تمشي فيها معقولة توا ساعة 11 برا الحوش و هي ساكته م ترديش أوصلت بيها للحوش و الصدمة 😧 اول ما نزلت من السيارة أمشت تجري للحمام و ترجع و عطلت قريب نصف ساعة هي وسط الحمام اول ما طلعت 💔 قتلها خيرك طلعت متغطيه و ترعش قاتلي شوره اخديت برده قوية بنموت منها اخدت دواء و رقددت و اني مش مطمن حاسس فيه حاجه واضح عليها في شي في يوم الثاني اقعدت في المربوعة مضايق و خاصة يوم ميلاد اجمل انسانه مرت في حياتي و قعدت من الذكريات الجميلة نضت درت ليها زيارة اقريت عليها الفاتحة و قعدت ندعي ليها و اني كيف روحت للحوش نحساب بدير لينا غذاء القيتها راقده وين اصريت عليها نرفعها للمستشفى قعدت تبكي ماتبيش اطلعت للصيدلية نجيب ليها في دواء اتصل بيه صاحبي لي تلاقيت معاه أمس قالي با الله تعاله للحوش نبيك قتله المرأة تعبانه و مريضة قالي فوتها قتله شن نفوتها قالي تعاله بسرعة نبيك ضروري و الله موضوع مهم قتله و الله المرأة عندها حرارة تعبانه قالي حاجة مهمه لازم تجي امشيت للحوش أعطيت ليها الدواء و جبت ليها مأكلة و خليتها رقددت و ركبت في السيارة اول ما أوصلت للحوش عنده طلعني برا و هو يرجف و معاه خوه و بوه و أعمامه و ناس أصحابنا قعدت نقول ليهم غير شن فيه شن فيه قولي خيركم يا ناس خيركم متجمعين هكي شن فيه أن شاء الله خير خيركم راهو حسني خلاص صاحبي شدني من ايدي و تابع