أحداث خاصه - ❴🔢❵☟الــبــــــ❴ 2️⃣ ❵ـــــــارت☟ - مكتملة | روايتك

.الحلقة (2) #احداث_خاصة من #مسلسل #زوجة_الاستاذ #الكاتبة #أميرة_سليمان و اني مقعمز في السيارة فجأة نشبح في وشاح ملوح تحت الكرسي الأمامي و ساعة بس عمري ما شبحتها لابستهم حتى لما طلعت قدامي أمشت بتقرا في السيارة كانت لابسة لبس الحوش و شعرها عريان مش لابسه وشاح استغربت اخديتهم و انزلت و اني نقول لي صاحبي مش إمتاع مرتي هو يقولي آمالا إمتاع من يا راجل اكيد حاجتها افتحت دولاب و حطيت الحاجات و الموضوع تصكر قلت بلكي امتاعها نظفت الحوش و دموعي على عيوني صكرته و روحت اقعدت سنة كلها حزين معاش نطلع معاش نمشي لي حوشي ساكن عند اهلي لين أمي فتحت ليه موضوع اخت مرتي قاتلي ردها هي مشاء الله عليها و ناسب نفس العيلة و قعدت تنق ليل نهار تبيني نأخد اختها الكبيرة م 96 تقولي عاجبتني و قتلها بوها معاش يعطي خلاص توا قالي بنتي ماتت من اهمالك 💔 كنت مش متقبل الفكرة معاش عندي نيه نقرب من العيلة هاذي بس نصيب سبحان الله جابني ليهم وين كلمت بوها لين جتني صدمة طول قالي هي ليك لين استغربت قتله لا نبي عرس لا شي نبي نوصل بسرعة و فعلا اخديتها و ضميت ملابس اختها في دار و صكرت عليه و هي غيرت ليها كل شي كنت مش قادر حاسس انها لقطة رزينه نأخد اختها بس 💔 يوم الحفلة ندمت هلبا روحت بيها حاسس روحي مش مرتاح مش متقبل الفكرة و كنت عارف هي راح تعاني معاي خاصة راح تفكر اختها في كل مكان في الحوش حسيتها صعبة بس انصدمت بيها و حسيت في حاجة غلظ 💔 خاشه فرحانه و الضحكة بين عيونها و مقعمزة جنبي و عيونها يلمعوا حسيت كأنه ما صدقت كيف وصلت فيه تمت ليلة و جاي الصبح نضت ألقيت فطور و جو اغاني و جو مش ليه بكل صكرت الاغاني ب صوت عالي راهو صبح عيب شن هذا أبدت تتقرب مني و جوها سبحان الله أبصر كيف اطلعت من الحوش امشيت لي الجنان و اختها بين عيوني مش قادر مش قادر في خاطري نقول مش قادر كله منك يا أمي💔 حاولت بس ما قدرتيش اقعدت بعيد عليها و هي وجهها بارد و امورها بارده و تلبس و مبسوطه و تقولي راح تتعوض عليه راهو غير تبي وقت مش تنساها و أهنا انصدمت قلتلها و انتي انسيتي اختك سكتت و أمشت بس كل شي ابديه من يوم عرس صاحبتها كانت تجهز في نفسها في الحوش و اني كيف مروح من الخدمة تعبان من كورسات و ظهري و جوي بكل اول ما افتحت الباب و قتلها هي قاتلي اهو جيت اول ما طلعت انصدمت صدمت عمري من لما ..تابع