❴🔢❵☟الــبــــــ❴ 2️⃣ ❵ـــــــارت☟
روايه مكتوبه علي اسمي ❤️❤️البارت_الخامس
... ااه...انا اسف..
... عادي محصلش حاجة... يوسف !
....بسنت!! ...ازيك عاملة ايه
... كويسة.. اخبارك !
... الحمد لله تمام... انت ايه اللي جابك الفرح
... ايه يابني انت ناسي ان اسماء نفس دفعتي ولا ايه
... اه.. اه معلش نسيت
... ولا يهمك
.... بسنت ممكن اتكلم معاكي شويه
... طبعا تعالي نقعد علي هنا
... تمام
....... عند امل في القاعة....
...امل ياحبيبتي دي تبقا هدي بنت عمي ودي ياهدي امل مرات يوسف ابني
حضنتني.... عرفتي تنقي ياجميلة البنت قمر ماشاء الله
..... تسلمي ياطنط
.... مبروك ياحبيبتي اومال فين يوسف عشان اباركله هو كمان
.... الله يبارك فيكي هو بره مع الشباب صحابه
... اطلعي ياامل خليه يجي معلش عشان عمتك هدي ماشيه دلوقتي
... حاضر ياماما
طلعت الجنينة فضلت ادور علي يوسف لحد مالمحته قاعد هو وبسنت بيتكلمو وماسك ايدها وبيضحكو سواا قلبي وجعني اوي مقدرتش استحمل دخلت القاعة وانا حابسه دموعي بصعوبة روحت عند الترابيزة اللي كنا قاعدين عليها واخدت شنطتي
.... ايه ياامل اومال فين يوسف مجاش معاكي ليه
.... هو برة ياماما عن ازنك انا لازم امشي
.... فيه ايه ياحبيبتي انتو اتخانقتو طب هو زعلك في حاجة
.... لا ياماما انا تعبانة شوية بس وعايزة اروح عن ازنك
طلعت برة القاعة بسرعة وسمحت لدموعي تنزل لو مكنتش عيطت كنت متت
....... عند يوسف وبسنت.......
.... بجد يابسنت يعني انتي موافقة
بخبث.... طبعا يايوسف انا لسه بحبك ومستعدة استناك عمري كله
.... انا بجد مبسوط اوي شكرا يابسنت
ابتسمت بخبث وسرحت في حاجة وتعابير وشها كلها شر
يوسف دخل القاعة وراح عند مامته
... اومال امل فين ياماما
بضيق.... يعني زعلتها ومش عارف راحت فين وكمان سيبتها تمشي لوحدها
.... انت بتقولي ايه ياماما انا مش فاهم حاجة
... امل يااستاذ بعتها تناديك عشان تسلم علي عمتك هدي ولما رجعت عانت عيونها مليانة دموع وقالت انها تعبانة وهتروح
...ازاي تمشي لوحدها من غير ماتقولي
.... هو دا كل اللي هامك اسمع يايوسف كله الا امل امل دي بنتي واغلي عندي منك كمان اياك تفكر تزعلها
.... عارف ياماما انك بتحبيها بس والله مااعرف هيا مالها ولا شوفتها من اول ماجينا.
.... هيا روحت يايوسف روحلها وشوفها زعلانة من ايه والا هيكون لينا كلام تاني
طلعت من القاعة وانا مش فاهم حاجة هيا مشيت ليه طب يمكن حد قالها حاجة زعلتها معقول تكون شافتني انا وبسنت مع بعض لا يارب انا لازم اتكلم معاها وافهمها كل حاجة
مش عارف انا مضايق ليه مع اني المفروض افرح لان بسنت طلعت لسه بتحبني بس امل ماما بتقول انها كانت معيطة ياااربي دماغي هتنفجر من التفكير
....... عند امل......
ماسكة صورة مامتعا وبتعيط
..... وحشتيني اووي ياماما سبتيني ليه انا محتجالك اوي محتاجة اترمي في حضنك انا تعبانة اوي ياماما يارب خدني عند امي بقا يارب انا تعبانة اوي
استغفرت ربنا من كلامي وقومت اتوضيت ولبست اسدالي وصليت وانا بصلي عيطت كتير اوي وشكيت لربنا همي بس مدعتش علي يوسف ابدا مقدرش ادعي عليه لو هو اتاذي انا اللي هتعب
خلصت صلاة ومسكت المصحف وبدات اقرأ قران وانا بعيط
.....
سوقت عربيتي باقصي سرعة وكل الي ف دماغي بتخيلها وهيا بتعيط قلبي بيوجعني اكتر دموعها بتحرق قلبي
وصلت البيتكان هادي والنور مطفي ومفيش حركة ولا نفس قربت من اوضتها وسمعتها وهيا بتقرا قران صوتها جميل اوي بس صوتها مخنوق بالعياط شكلها بتعيط وهيا بتقرا
{ ولقد نعلم انك يضيقُ صدرك بما يقولون * فسبح بحمد ربك وكن من الساجدين * واعبد ربك حتي يأتيك اليقين}.
... مقدرتش استحمل اسمع صوتها مخنوق اكتر من كدا فتحت الباب بسرعة وجريت عليها وضميتها جامد وبدات امشي ايدي علي شعرها بحنان
كنت محتاجة الحضن دا اوي اترميت في حضنه ومسكت ف قميصه جامد وفضلت اعيط وارتجف وهو بيهديني حتي لو هو سبب زعلي هيفضل اماني وملجئ الوحيد
... امل اهدي ياحبيبتي وقوليلي مالك
.... ليه يايوسف.. ليه تجرحني طب حتي اعمل حساب لمشاعري احترمني اني لسه علي زمتك
.... انتي فاهمه غلط
بزعيق... لا مش فاهمة غلط لما اشوف جوزي مع وحدة تانية وماسك ايديها وبيضحكو وحتي هو مش عامل حساب اني ع زمته ابقا مش فاهمة غلط ابدا...
...امل لتاني مرة هسالك انتي لسه بتحبيني!
بعياط وصوت عاليانت ايه مبتحسش بعد دا كله وشاكك ان كنت لسه بحبك او لا انا عمري مانسيتك عشان انسي حبي ليك كنت مستعدة اعمل اي حاجة تتمناها مقابل اني اسمع منك كلمة حلو وانت في المقابل عملت ايه جرحتني وكسرتني بدل المرة الف ومع ذلك باجي ع نفسي وبقول هيتغير بس انت عمرك ماتتغير يايوسف
انت اناني ومبتحبش غير نفسك ابعد عني انا بكرهك حرام عليك بكرهااااك........
اخر حاجة شوفتها اني وقعت بين ايده ومش قادرة اتنفس وهو كان قلقان جدا وبيحاول يفوقني
بس انا كنت اخترت طريقي ياريت دي تكون النهاية واروح عند ربنا
امل.. امل قومي والنبي انا اسف ابوس ايدك قومي... متسبنيش والنبي... اماااااااال
.......... يتبع......*~مكتوبه علي اسمي~ ☁︎🦋🤎""↻☁︎*
الحلقه 6،7،8،9،10
*
روايه مكتوبه علي اسمي ❤️❤️
البارت_السادس
... امل عشان خاطري اصحي انا اسف
يوسف شالها وركب العربية وساق باقصي سرعة علي اقرب مستشفي
.... دكتور بسرعة مراتي بتموت
الممرضين جريو عليه واخدوها منه حطوها ع الترولي والدكتور دخل يشوف حالتها
يوسف واقف برة بيفكر فيها وفي كلامها
.... معقول انا وحش للدرجاتي واذيتها اوي كدا كل دا شايلاه في قلبها وانا مش حاسس بيها يارب ياامل تفوقي وانا والله هعوضك عن كل حاجة بس فوقي بس
قلبه... زعلان عليها ليه حبيتها !!
عقله... احب مين دي اختي الصغيرة انا بحب بسنت وبس
قلبه.... بسنت اللي باعتك زمان ولا فرق معاها وبعدين انت عايز تقارن بسنت بأمل
عقله.... هيا مكانش ليها زنب ابوها اللي اجبرها تتجوز
قلبه.... كان ممكن ترفض
عقله... انت مش بتحب غيرها بسنت وبس
قلبه.... امل
عقله... بسنت
قلبه... لا امل
..... باااس كفايه كفاية تفكير مبقتش مستحمل
تلفونة رن.... الو
بدلع..... الو يا يوسف عامل ايه ياحياتي
... كويس معلش يابسنت مشغول... وقفل
..... بقا انا يايوسف تقفل في وشي والله لوريك بس يلا مضطرة استحمل لحد ما اخد منك اللي انا عايزاة
بعد نص ساعة الدكتور طلع
... طمني يادكتور هيا بقت كويسة صح
... هيا كان عندها انهيار عصبي حاد دا غير ان تنفسها مش مظبوط احنا دلوقتي ركبنا ليها اجهزة اكسجين تظبط النفس وهتكون كويسة ان شاء الله
... طب ممكن اشوفها
... تمام مفيش مشكلة
.... شكرا
دخلت لقيتها نايمة ووشها شاحب لونه ازرق ومهدودة بس لسه ملامحها بريئة زي الملاك مسكت ايديها
.... انا اسف غلطت في حقك كتير وجرحتك انتي عمرك ماكنتي ضعيفة كدا فين امل اللي علي طول بتتكلم عن الصبر وحكمة ربنا... قومي انتي وعدتيني اننا هنختم القرآن مع بعض وهتاخدي بايدي وتقربيني لربنا
... يو.. يوسف
... امل انتي فوقتي انتي كويسة استني هناديلك الدكتور
..... لا دا احنا بقينا عال اوي ونقدر نخرج كمان
... تمام يا دكتور شكرا
الدكتور طلع وانا بصيت علي يوسف كان في وشه سعادة غريبة ومبتسم
... الحمد لله علي سلامتك
... الله يسلمك
.... انا اسف
عيوني دمعت..... خلاص يايوسف اللي حصل حصل
... انا غلطت في حقك وازيتك كتير امل انا مش هقابل بسنت ولا اشوفها لحد مانتطلق
... دي حياتك يايوسف انت حر فيها
.... مسمحاني
.... مقدرش ازعل من حد لاني برضو لو غلطت في حق حد ححتاج انه يسامحني
.... انتي طيبة اوي ياامل
... يلا انا عايزة اروح
اتنهد... تمام هروح امضيلك علي ازن خروج وانادي الممرضة تخلعلك المحاليل والاجهزة دي
.. تمام
... كدة خلصنا الحمد الله علي سلامتة حضرتك
... الله يسلمك ياقمر
... علي فكرة جوزك بيحبك اووي
.... ايه عرفك
.... لما جابك هنا كان متوتر اوي وفضل يزعق ويصرخ فينا ولما دخلتي للدكتور يكشف عليكي كان واقف برة بيدعيلك ويعيط بجد يابختك بيه ربنا يخليكو لبعض
بكسوف.... تسلمي ياحبيببتي
..... مش يلا ولا ايه ياست امل
... احم اه يلا
نزلت من علي السرير ومكنتش قادرة امشي بس بضغط علي نفسي
فجأة لقيت رجلي اترفعت من ع الارض
... انت بتعمل ايه يايوسف نزلني الناس بتبص علينا
... واحد وشايل مراته ايه فيها حاجة غلط دي
لحظة لحظة هو قال مراته الله علي جمال الكلمة دي قلبي هيطلع من مكانه من الفرحة
كنت مكسوفة من الناس اوي دفنت وشي في صدره
وهو ضحك علي كسوفي..... دخلني العربية وقعدني بالراحة وركب وساق بينا علي البيت
..... يوسف دا مش طريق البيت
.... طب ماانا عارف
... احنا رايحين علي فين
... خاطفك
ضحكت.... عادي هصوت واقول حرامي وخاطفني
... هقول مراتي في حد يخطف مراته
تاني الله يرضي عنك انا مش حمل كده هو انت ياتسكت خالص ياتتكلم كدا انا قلبي مش. مستحمل كل دا والله
..... وصلنا
.... دا مطعم!
.... معلومة جامدة بس احتفظي بيها لنفسك
بسخرية.... هه دمك خفيف
.... هنقضيها كلام بقا ولا ايه
نزلنا من العربية ودخلنا المطعم وهو ماسك ايدي وانا طايرة من الفرحة قعدنا وطلبنا الاكل واتكلمنا وضحكنا كتير ولما خلصنا هو حاسب وطلعنا ركبنا العربية
.... هااا موقف العربية ليه تاني
.... انت ليه اسألتك كتيرة
..... اسفين ياريس
..... ريس!! متجوز واحد صاحبي
.... لا ابن عمك هاهاهاييييي
...... انا نازل عشان مرارتي مش تفرقع
نزل وانا فضلت في العربية وعلي وشي ابتسامة بلهاء لحد مارجع
..... ايه كل الاكياس دي
.... دي تسالي لزوم القعد وكدة
... انت بتاكل الحجات دي زينا كدة
.... وهو انا يعني من المريخ
..... متتكلمش تاني قلشك رخم ع فكرة
.... ياسلام قاعد مع ابله فهيتا قوي ياعنيا
ضحكت علي شكله.. وبعدين ساق وروحنا البيت سندني لحد ما دخلنا
.... ادخلي خدي دوش و غيري هدومك وتعالي نتفرج علي فيلم
... تمام
دخلت وانا مبسوطة اوي ايه اليوم القمر دا يارب يايوسف تفضل كدا علي طول خدت دوش وغيرت لبست سلوبيت شتوي عليها تويتي ورفعت شعري لفوق في الاول كنت مكسوفة اطلع لانها اول مرة اقعد قدامة بالبيجامة بس دا جوزي طلعت و كان يوسف كمان غير وعمل نسكافية وجاب بطانية كبيرة وشغل فيلم رعب وحط التسالي علي الترابيزة
..... ههههه ايه دا مش قادر متجوز بنت اختي
.... ليه يعني شايفني عيلة
..... وانت مش شايفة انتي لابسة ايه ههههه
.... ايش فهمك انت في اللبس
قرب مني جامد.... قمر لو لبستي ايه
بكسوف.... احم يلا الفيلم هيخلص
.... اه اه يلا
قعدنا جنب بعض وطفينا النورواتغطينا بالبطانية وسمعنا الفيلم كان رعب لما تيجي حته بتخوف استخبي في يوسف واحضنه وهو يضحك عليا يااااه ياريت نفضل كدا علي طول
نمنا مكانا والتليفزيون مفتوح وحولينا الحجات وكان يوسف حاضني ومحسناش بنفسنا
.......... الصبح يوسف صحي علي صوت فونه
بنوم.... الوو
..... ازاي دا يحصل
... طيب طيب انا جاي حالا
قومت علي صوته كان متوتر اوي
.... فيه ايه يايوسف
روايه مكتوبه علي اسمي ❤️ ❤️
البارت_السابع
..... فيه ايه يايوسف ايه اللي حصل
... مفيش ياامل مشكلة في الشغل ارتاحي انتي لسه تعبانة
.... لا انا كويسة متخفش المهم المشكلة دي حتتحل!
... ربنا يسهل انا هروح الشركة اشوف احتمال اتاخر كلي وخدي دواكي ومتتحركيش كتير
... ماشي ربنا معاك
... يارب
قام خد دوش وغير هدومه ومشي كل دا وانا قاعدة متابعة حركاته اول ما قفل الباب قومت غيرت ولبست اسدالي وصليت ودعيت ربنا يحلله المشكلة دي
....... في الشركة.....
.... ازاي دا يحصل الصفقة دي كبير واحتمال الشركة تفلس لو ضاعت مننا
..... يايوسف الشركة كانت خلاص هتمضي معانا بس قبل المعاد بيوم لغو العقد بيقولو ان الملفات فيها اغلاط كتير
.... مش انت اللي اخترت الموظفين يامروان! ازاي تختار ناس مستهترة كدا
.... انا اسف ياصاحبي بس السي في بتاعهم كان كويس والله
... خلاص يامروان انا هقعد اعدل الملفات دي لحد مانلاقي حل للمصيبة دي
.... روح انت يايوسف انت لسه عريس جديد
.... انت عارف كويس الظروف اللي اتجوزت فيها وبعدين انا معرف امل اني هتاخر
.... لسه ع قرارك ياصاحبي صدقني امل هيا اللي تستاهلك بسنت باعتك مرة هتبيعك التانية
.... مش عارف يامروان انا متلخبط اووي المهم دلوقتي نحل المشكلة دي
... تمام وانا هروح مكتبي اظبط شوية ملفات
..... تمام
مروان طلع للحظة فكرت ف كلامه هو فعلا عنده حق امل متتقارنش ببسنت بس انا راجع مخصوص عشان بسنت
شلت كل الافكار من دماغي وركزت في الشغل.... الساعة جت ٣ العصر قومت صليت زي ما امل عودتني ورجعت للشغل تاني
.... االو
.... الو ياسوفي عامل ايه
بضيق..... كويس
... مالك ياحبيبي صوتك متضايق
.... مفيش كنتي متصلة عايزة ايه
بدلع.... بصراحة كدا ياحبيبي في شنطة عجباني اووي وهموت عليها ممكن تجبهالي بلييز
.... طيب طيب خلاص ابعتيلي اسم المحل والماركة وهخلي حد يجبهالك ويوصلهالك... وقفل
بابتسامة شر... انت غبي اوووي يايوسف مفكر اني بحبك بس انا مش عايزة غير فلوسك اينعم انت قمر وحلو بس فلوسك اهم
يوسف قعد يشتغل وبعد نص ساعة فونه رن باسم امل
... الو
بابتسامة ولهفة... الو ايه ياامل عاملة ايه دلوقتي
.... كويسة الحمد لله
.... كلتي
.... اه... احم يوسف كنت عايزة اطلب منك طلب
.... انتي تطلبي عنيا قولي عايزة ايه
... احم شكرا... كنت بقول يعني بما اني قاعدة وحدي فممكن اتصل بريم تجي تقعد معايا تسليني شوية
.... انتي مش محتاجة اذن انك تدخلي حد بيتك
... يعني مش هتتضايق
.... هتضايق من ايه يابنتي وبعدين انا مستحيل اتضايق من حاجة تفرحك
.... شكرا.. اه عملت ايه ف المشكلة اللي ف الشغل
..... والله لسه بحاول بس الموضوع صعب
... استغفر ربنا كدا وان شاء الله تتحل
.... يارب ادعيلي
.... مبدعيش لغيرك
.... مع السلامة
.... باي مع السلامة.
قفلت معاها وانا جوايا راحة كبيرة علي عكس ماكنت بتكلم مع بسنت حقيقي في فرق امل عمرها ماطلبت مني حاجة غير الاهتمام اما بسنت طلباتها كتير كانها بتستغلني
كملت شغلي الموضوع طلع معقد جدا والمشكلة كبيرة لو متحلتش باسرع وقت الشركة هتخسر كتير وهيا لسه في اولها اصلا متستحملش خسارة
...... عند امل......
.... وحشتيني ياواطية كدا متساليش عليا
.... اعمل ايه والله مابفضاش دا غير فرح اسماء وانتي عارفة
.... خلاص خلاص انتي هتقلبيها نكد.. احكيلي انتو ويوسف عاملين ايه مع بعض اعترفلك بحبه صح
عيطت وريم خدتني ف حضنها
... اهدي ياحبيببتي واحكيلي ايه اللي حصل
هديت شوية وحكتلها
... بس انتي بتقولي تصرفاته اليومين دول بقت كويسة وبيهتم بيكي
.... يمكن لانه حاسس بالذنب
..... لا ياامل انه يهتم لانه حاسس بالذنب ناحيتك غير انه يهتم لانك تهميه
.... ازاي
.... لو هو مهتم بيكي لانه حاسس بالذنب هتلاقيه بيتكلم بحدود بيعمل الشئ كانه واجبه ضحكته نادرا ما تشوفيها اما لو هو بيحبك هيتصرف بعفويه وبيحس بوجعك من غير ماتقولي تلاقي ضحكته طالعة من قلبه معاكي
.... يارب ياريم يكون زي مابتقولي كدا
.... ربنا يريح قلبك ياحبيببتي
.... قوليلي انتي بقا اخبار الجو معاكي ايه
..... الجو برد اوووي دا بطانيتين مش نافعين تخيلي
.... بطلي قلشك الرخم دا انتي فاهمة كويس انا بتكلم عن ايه
... ماانتي عارفة اللي فيها ياامل ادينا قاعدين زي المطلقين لحد سعيد الحظ مايجي
.... قصدك تعيس الحظ اللي امه داعية عليه
..... واطية
..... عارفة
..... عند يوسف ومروان.......الساعة جت ٨ بليل
... مش يلا بقا يايوسف الوقت اتاخر
.... يلا انا اصلا تعبت ومش لاقي حل للمشكلة دي
.... هتتحل ياصاحبي ان شاء الله
.... انت هتروح فين دلوقتي
..... هروح هروح فين يعني
..... انت ماكلتش
..... هشتري جاهز وانا مروح
...... هتاكل وحدك
...... ماانت عارف اللي فيها مليش حد ف الدنيا
.... انا موجود ياصحبي انت هتيجي تاكل عندي انا عازمك
.... لا يعم في حد بيروح ياكل عند حد الساعة ٨ في الليل مراتك تقول عليا ايه
.... امل طيبة وهتفرح اوي يلا مفيش جدال انا هكلمها اعرفها
.... طيب ياباشااا
.... ياختييي ريم الحقيني يوسف جاي وجايب صاحبه يتغدي معاه والاكل اللي انا عملاه مينفعش يتقدم
.... طيب اهدي هو قدامه قد ايه لحد ما يوصل
.... يعني حوالي نص ساعة
... طيب يلا هنعمل اكل
.... هنلحق
.... عيب عليكي انتي معاكي الشيف ريم
..... ياخوفي
........ بعد نص ساعة.......
.... مش مصدقة اننا قدرنا نخلصفي نص ساعة
.... عيب عليكي طول مامعاكي ريم متخافيش من حاجة
.... هبدأ احترمك
.....تشكرات تشكرات ادخلي بقا غيري هدومك اكيد قربو يوصلو
.... تمام
... طيب خلاص مين!!
..... ايه دااااا ؟!!
الفصل الثامن
....هههه ايه دااا مش قادر يوسف انت تقريبا جيت بيت غير بيتكو ههه
ريم كانت لابسة المريول ورافعة شعرها لفوق وماسكة معلقة كبيرة وشكلها كان بيضحك
رفعت المعلقة في وشه.... فيه ايه يااستاذ انت جاي تهزر ولا ايه
.... اجري ياشاطرة ناديلنا طنط امل ههههه
.... متلم نفسك ياجدع انت فيه ايه
.... مروان خلاص وانتي ياريم انتي مش لابسة حجابك ع فكرة
حطت ايديها ع راسها..... نهار اسودد... وجريت علي جوه وقفلت الباب في وشهم
.... هههه عيني عليك يايوسف يابني علي اخر الزمن تنطرد من بيتك ومن مين عيلة صغيرة هههه
.... اخرس يازفت... خبط تاني وامل هيا اللي فتحت
بحب... وحشتيني
بكسوف... احم وانت كمان
... لسه تعبانة
.... لا بقيت كويسة الحمد لله
... الحمد لله
..... طب ايه ياجماعة اجبلكو اتنين لمون ولا تحبو تشربو ايه
.... عيل فصيل بتيجي في اوقات مش مناسبة
.... اتفضلو... اتفضل يامروان
مد ايده يسلم ... ازيك يا امل عاملة ايه
يوسف مد ايده وسلم هو علي مروان وشد علي ايده
....هيا كويسة معلش اصلها مبتسلمش علي رجالة
.... اه.. ياعم ايدي في ايه
يوسف قرب عليه وجز علي سنانه.... اياك اسمعك بتقولها امل دي تاني فاهم
... خلاص ياعم انت جايبني تغديني ولا تتغدي بيا
.... فااااهم
..... فاهم فاهم
..... احم احم اتفضل يامروان اتفضل البيت بيتك ياخويا
... ياخوفي
يوسف بصله نظرة تحذير مروان دخل جري علي جوه
.... لو سمعتك بتقولي مروان دي تاني هكسر دماغك انتي وهو
... ايه يايوسف دا زي اخويا
..... بس هو مش اخوكي اسمه بشمهندس مفهووووم
.... خلاص مفهووم انا هدخل اشوف الاكل
.... ادخلي واياكي اشوفك بتضحكي او بتكلميه غير للضرورة بس
.... ماشي خلاص
... بت ياريم انتي لسه مخلصتيش
.... والنبي سيبيني في اللي انا فيه دلوقتي
.... مالك ياختي ووشك قالب الوان كدا ليه
ريم حكتلها اللي حصل
.... هههه مش قادرة هموووووت
مسكت السكينة.... متضحكيش
.... خلاص ياباشا اسفين
.... اطلع ازاي انا دلوقتي
..... خلاص يابنتي وبعدين انتي مكنش قصدك تطلعي من غير حجاب انتي نسيتي يلا لفي طرحتك ويلا عشان نقدم الاكل
.... تمام
.... حمش انت اوي ياخوياا
.... مش مراتي يلااا ولا ايه
.... اه دلوقتي بقيت مراتي ماانا عارف اللي فيها
.... اللي فيها ان انا وهيا دلوقتي ومسمحش لحد يلمسها او يقرب منها حتي
..... الاكل جهز يا يوسف
..... يلا ياخويا عشان تاكل
..... انت هتنزلني يا عم عشان هاكل عندكو يوم
... يلا من غير كلام كتير ومتنساش اللي قولتهولك ع الباب هاااه
..... فاكر يا عم خلاص
امل وريم كانو بيحطو الاكل علي الصنية ومروان شاف ريم وافتكر كلامهم ع الباب وابتسم وبعدين بصلها بحب
.... انتي في سنة كام ياشاطرة
بضيق..... شاطرة في عينك انا خريجة صيدلة
.... ايه انت عندك كام سنة
بابتسامة..... ريم نفس سني يابشمهندس بس هيا اللي يبان عليها صغيرة شوية
.... اه فهمت
بحدة... كل يامروان الاكل هيبرد
... تمام
خلصو اكل وريم وامل شالو الاطباق
.... تشرب ايه يابشمهدنس
.... ماية مروان بيحب الماية
..... ياعم انت مالك هيا بتسالني انا قال ماية قال
... اخلص ياض هتشرب ايه
.... كوباية قهوة مظبوطة يا ام... اقصد يامرات اخويا
.... تمام
قعدو مع بعض شوية ومروان اعجب بريم اوي
..... طيب ياامل انا هروح انا عشان الوقت اتاخر
.... استني ياريم انا هوصلك
.... لا توصلها ايه ياعم اقعد انت مع مراتك وانا كدا كدا ماشي هوصلها في طريقي
.... شكرا يا يوسف... وبصت لمروان.. متشكرين يااستاذ هعرف اروح وحدي
.... لا يا ريم مينفعش تروحي وحدك الوقت اتاخر
.... عادي ياحبيبتي انا متعودة
.... دا كان زمان ياست انتي دلوقتي معاكي راجل يحميكي
.... افندم!
يوسف بسخرية..... خف شوية يارجولة
....قصدي ان عيب الاقي بنت ماشية لوحدها ف وقت متاخر وموصلهاش
.... خليه يوصلك ياريم انا مش هطمن عليكي تروحي لوحدك
.... تمام
ركبو العربية وفضلو ساكتين
... انتي بقا ياريم بتشتغلي
.... اولا اسمي دكتورة ريم.. ثانيا اه عندي صيدليه بتاعتي
.... تمام يا.... ياريم
.... انسان مستفز
.... بس قمر
.... وصلنا دا بيتي
..... انهي عمارة بقا
..... عمارة رقم سبعة..... ايه وانت مالك
.... ماخلاص عرفت عشان احتمال ازوركم كتير الفترة دي
..... مش مرحب بيك وتزورنا بمناسبة ايه
.... هتعرفي. وغمز
..... انا ماشيه اتفضل يا بشمهندس مروان
..... ياريت ينفع....
.... افندم
.... باي ياقمر
... كتك البلا ف شكلك
في نفسه.... عنيفة بس قمر
في نفسها..... الواد بارد بس مز... ايه اللي بقولوه دا استغفر الله العظيم
.... هاا يا يوسف عملت ايه في الشغل
.... مش عارف ياامل حاولت كتير بس المشكلة كبيرة انا لو خسرت الشركة دي هتدمر لاني تعبت لحد مابنيتها وفي اول خطوة ليها تقع دا مش اقدر استحمله
..... معلش ان شاء الله خير وتتحل ربنا قال : بسم الله الرحمن الرحيم {واصبر وماصبرك الا بالله} وقال} {والذين اذا اصابتهم مصيبة قالو انا لله وانا اليه راجعون}
.... انا متشكر اوي ياامل مش عارف من غيرك كنت هعمل ايه
...... دا واجبي
... امل هو انتي ممكن تسامحيني في يوم
.... انا سامحتك من زمان يايوسف بس عمري ماانسي اللي حصل ومش هقدر اعاملك زي الاول انا بعاملك كدا لانها سنة اللي عايشينها مع بعض مش هنقضيها خناق وتعب لكن انا مستنية السنة تخلص بفاغرغ الصبر عشان نتطلق
..... انا اسف
..... يلا يايوسف نصلي القيام عشان تنام انت تعبت النهاردة
.... تمام
صلينا وكل واحد راح اوضته سؤاله حيرني انا اه لسه بحبه واكتر من الاول كمان بس استحاله ارجع زي الاول هو اهاني وجرحني ومهما كان هو جرح كرامتي وعملني لعبة في ايده
تعبت من التفكير واستسلمت للنوم
. ردها علي سوؤال كسر قلبي ووجعه انا مش عارف هيا بالنسبالي ايه بس اللي متاكد منه انها حاجة كبيرة واجابتها دي وجعتني من جوه للدرجادي انا ازيتها.
.... اصحي يايوسف هتتاخر ع الشغل
.... صباح الخير
... صباح النور البس واجهز لحد مااجهز الفطور
.... تمام
... تسلم ايدك انا ممكن اتاخر النهاردة كمان
... خد بالك من نفسك
.... وانتي كمان اجبلك حاجة وانا جاي
.... احم.. هو انا كنت عايزة...... لا خلاص خلاص
...... قولي متتكسفيش انا زي جوزك
توقعتها هتطلب حاجة كبيرة وغالية زي طلبات بسنت بس دي لو طلبت النجوم هجيبهم ليها بكل حب
...كنت عايزة شوكلاتة
..... انتي بتهزري
.... خلاص مش عايزة حاجة متشغلش بالك انت
..... انتي تتمني وانا انفذ اجمل شوكلاتات تكون عندك النهاردة
...... بجد يايوسف
..... بجد ياعيون يوسف
...... هااااه
..... اتاخرت يلا باي
....... بااي اه يوسف انا هروح اقعد مع بابا شوية
.... تمام خدي بالك من نفسك
.... حاضر
https://chat.whatsapp.com/JaIMSDmLH4PIKkPR3zS0zv
....... باباااااااا انا جيتتت وحشتني اوي
..... روح قلب بابا وحشتيني اكتر
..... عامل ايه
.... كويس طالما شوفتك وانتي
...... ياحبيبي انا اللي بقيت فلة لما شوفت عيونك
..... عاملة ايه مع يوسف
....... كويسين جدا
.... شوفتي مش قولتلك انا بختارلك الاحسن
..... اه يابابا طبعا...... يلا بقا ياحج عايزين ناكل من اكلك القمر دا الله
...... من عنيا قومي معمل مع بعض
... يلا
.... لو سمحتي عايز مسكن للصداع
.... تما.... انت انت مصتقصدني ولا ايه ياجدع انت
...... هو انتي
... ايوا اعملي فيها تايهه بقا
بهيام.... انا فعلا توهت من اول ماشوفتك ووجعي راح
...... خد ياعم الحباية اهي واتكل ورانا اكل عيش
..... لولا ان عندي شغل مكنتش مشيت وقضيت باقي اليوم هنا
..... ياعم امشييي الله
....... باي ياقمر
في نفسها..... باي ياعيون القمر .....ان..يه اللي بهببه دا انا كمان شكلك مش هتجيبها لبر يامروان
اليوم خلص كان يوم جميل اوي لاني كنت مع بابا هو قادر يخرج اي زعل جويا
روحت البيت ودخلت لقيت النور مطفي مفيش غير نور بسيط ايه ده يوسف جه بس هو ماله كان حاطط راسه بين ايديه ومخبي وشه شكله ميطمنش قربت عليه وحطيت ايدي علي كتفه رفع راسه
..... اي دا يوسف مالك... بتعيط لييييه
البارت_التاسع
.... ايه دا يوسف مالك.... بتعيط ليه
من غير اي مقدمات لقيته اترمي في حضني وهو منهار اول مرة اشوفه بالضعف دا حضنته ومسحت علي ضهره بحنية
.... يوسف اهدي واحكيلي مالك
..... طيب اهدي والنبي خلاص كل حاجة هتتحل
بعياط.... مفيش حاجة هتتحل كل حاجة راحت ياامل انا بغبائي ضيعت كل حاجة من ايدي وضيعتك انتي كمان
... انا معاك يايوسف اهدي واحكيلي ايه اللي حصل
... طيب بص انا هقوم اعملك كوباية لمون تروق اعصابك
هز براسه قومت انا اللي كنت محتاجة اني اقوم مقدرتش احبس دموعي بس لازم افضل قوية قدامه عشان ادعمه الف سؤال بيدور في دماغي ايه اللي حصل ممكن يخليه ينهار بالشكل دا
عملت العصير وطلعتله
... اتفضل اشرب العصير
... ش شكرا
... دا واجبي
... بقيت احسن
بصوت مكتوم... الحمد لله
.... احكيلي بقا مالك
.... انا غبي ياامل غبي وضيت كل حاجة من ايدي غبي اني صدقت وحدة رخيصة غبي اني جرحتك عشان وحدة متستاهلش
.... يوسف انا مش فاهمة حاجة
.... ححكيلك بس اوعديني تسامحيني
.... قولتلك قبل كدا اني سامحتك من زمان بس مستحيل انسي
.... المرادي غلطتي كبيرة
... احكي يايوسف
......باااك......
....يوسف قاعد في الشركة بيشتغل ملفات كتيرة قدامه
.... وبعدين بقا انا تعبت كل ما افكر في حل بتزيد تعقيد
استغفر الله العظيم (اللهم لاسهل الا اذا جعلته سهلا وان شأت تجعل الحزن سهلا)
رجع يشتغل تاني وكان مركز في الملفات باب المكتب اتفتح بالراحة وفي حد دخل من غير مايوسف يحس
يوسف حس بحد بيمسح علي كتفه
... حبيبي وحشتني
... بسنت ! ايه اللي جابك هنا؟!
بدلع.... الله ياسوفي بقولك وحشتني وبعدين هو مينفعش اجي اتفرج علي شركة حبيبي ولا ايه!
.... لا ينفع. بسنت مينفعش كدا احنا لسه متجوزناش مينفعش نقرب من بعض
.... بس احنا بنحب بعض ياسوفي وهنتجوز قريب اوي
.... لما نبقي نجوز ابقي اعملي اللي عايزاة بس دلوقتي مينفعش نعمل حاجة تغضب ربنا انا دلوقتي راجل متجوز
بزهق.... تمام
.... انتي هتروحي فين دلوقتي
..... هقعد معاك لحد ماتخلص
.... تمام
يوسف كمل شغل وتجاهل وجود بسنت خالص هو اصلا كان مخنوق من وجودها
بسنت قاعدة بتفكر في يوسف وفلوسه
بسنت بتفكير... يوسف عنده شركة وهو شاب طموح واكيد هيكبرها وهيملك فلوس كتير بس دلوقتي بدأ يحن لامل يعني ممكن يجي في اي وقت يقولي مش عايزك في حياتي لا لا انا مش هسمح بكدا فلوس يوسف لازم تكون ليا انا وبس
.... حبيبي هطلع اكلم صاحبتي وارجع
... ماشي
... الووو
... ايه اللي فكرك بيا ياهانم
.... اسمع اللي هقولك عليه من غير كلام كتير
....
... تمام بس فين حلاوتي في الموضوع
.... متخافش هروقك
.... اشطا هروح انفذ
.... تمام
... ايه ياحبيبي اتاخرت عليك
... لا انا اصلا مشغول
.... اممم كويس
... حبيبي انا جعانة اوي في مطعم في فندق قريب من هنا بيعمل اكل تحفة يلا نروح
... ماشي
وافقت اروح معاها لانها زنانة وانا اصلا كنت تعبان من الشغل ومكلتش من الصبح
روحنا الفندق وطلبنا الاكل
.... مكالمة مهمة هرد وارجعلك
... متتاخرش عليا
... هاا عملت. اللي قولتلك عليه
... متخافيش ياهانم كله تمام
... ماشي
... مبتكليش ليه
... هاااه كنت... مستنياك ناكل سوا
... طب يلا ابداي اكل
... حاضر
اكلنا وطلبنا عصير شربته وبعدها حسيت نفسي دايخ ومعرفش ايه اللي حصل بعدها
يوسف كان نام وفاق بعد مدة طويلة كانت الساعة ٨ بليل
فاق لقي نفسه في اوضة غريبة بص جنبه علي السرير كانت بسنت نايمة جنبه في وضع مش كويس خالص
يوسف اتخض.... يانهار اسود انا ازاي جيت هنا ايه اللي حصل
بسنت قامت علي صوته.... ايه دا انت عملت ايه يايوسف
..... ان انا معملتش حاجة انا مش فاكر حاجة دماغي هتنفجر
بعياط مزيف ... انت ازاي تعمل فيا كدا
.... انا انا عملت ايه انا مش فاكر غير اني شربت العصير وحسيت نفسي دايخ بعدها
بتمثيل.... انت مسكتني جامد وطلعتني الاوضة دي وبدات تقرب مني وقطعت هدومي وبعدين...... ليه ليه عملت كدا
..... اسكتي انا مستحيل اعمل حاجة زي دي ان انتي كدابة
.... كدابة! طبعا ماانت تعمل العملة وتلبسها فيا انا مش هسمحلك ترميني كدا
بزعيق وضربها بالقلم .... ابعدي عني امشي من وشي بقااا انا بكرهك
يوسف لبس هدومه بسرعة ونزل ركب العربية وفضل يلف بيها كتير لحد ماوقف عند مكان مقطوع
بصريخ..... اااااه ياااارب انا عملت ايه بس سامحني يارب والله مكنتش في وعيي
امل امل مستحيل تسامحني انا.. انا هحكيلها وافهمها اني مكانش قصدي
ركب العربية وراح ع البيت
....... بااااك.......
بعياط..... امل امل والله انا اسف مكنتش في وعيي سامحيني ارجوكي
بجمود....مش انا اللي المفروض اسامحك يايوسف اطلب السماح من ربنا تصبح علي خير يايوسف
بقلم الكاتبة المجهولة
دخلت الاوضة وقفلت الباب نمت علي السرير وعيطت جامد قلبي وجعني لحد ما اخيرا الدنيا ضلمت في وشي يمكن الضلمة دي تريحني شوية من اللي انا فيه
دخلت وقفلت الباب وانا مقدرتش استحمل عيطت كتير
يوسف خبط ايده في الترابيزة الازاز جامد لحد ما جابت دم
..... ليه... ليه... يارب سامحني يارب
قام يصلي وهو بيسجد عيط
... يارب انا اسف سامحني يارب انا مكنتش في وعيي يارب امل تسامحني هيا متستاهلش كل الوجع دا يارب هيا خسارة فيا انا مستهالهاش هيا انسانة نضيفة يارب
نام مكانه علي سجادة الصلاة ودموعه مغرقة وشه
الصبح يوسف صحي قبل ماامل تصح ولبس ونزل مكانش عايزها تشوفو ولا كان حابب يبص في عيونها ابدا
امل صحيت علي صوت خبط علي الباب قامت لبست اسدالها وطلعت تفتح
..... ازيك يا... ياامل
..... عايزة ايه يابسنت
.... الله وهي دي طريقة تقابلي بيها حبيبة جوزك ههههه
البارت_العاشر
.... عايزة ايه يابسنت
باستفزاز... الله وهيا دي طريقة تقابلي بيها حبيبة جوزك ههه
.... انا مش فضيالك اخلصي وقولي جاية ليه
.... جاية اقولك ان يوسف ليا وبيحبني انا وهيطلقك ويتجوزني
تمالكت اعصابي.... كل دا انا عرفاه ويوسف مفهمني كل حاجة
... ويترا بقا يوسف قالك انه كان معايا امبارح
اتعصبت.... انتي وحدة قليلة الادب ازاي تقبلي ع نفسك انك تكوني مع جوز وحدة تانيه
باستفزاز..... بنحب بعض نعمل ايه بقا
... يابجاحتك وكمان مش مكسوفة من نفسك
.... بقولك متعمليش فيها المثالية ع العموم دا مش موضوعنا انا جاية اوريكي جوزك وهو في حضني
اعطتني صور مش كويسة ليها هي ويوسف... شوفي
مسكت الصور وايدي بترتعش مقدرتش اتمالك نفسي رجلي مكانتش شايلاني قعدت ع الكرسي والصور في ايدي مش قادرة اتكلم
.... شوفتي بقا انا لو مكانك اخلي عندي كرامة واسيبله البيت وامشي
.... اطلعي برا يابسنت غوري من وشي
... ماشيه ياختي يلا باي باي ياروحي هههه
اول ماطلعت انا انهارت
..... اعاااا يوساااف حرام عليك ليه تعمل فيا كدا انا بكرهك بكرهاااااك ااااه يااارب يااارب
هديت نفسي وقومت لبست وطلعت برا البيت مش مستحملة اقعد هنا اكتر بيته بقا بيخنقني شايفاه ف كل حته ف البيت شايفة واحد خاين خان مراته ودينه
..... عند يوسف ومروان........
يوسف بعياط.... انا مش عارف يمروان ازاي عملت كدا انا غبي وضيعت كل حاجة من ايدي
.... اهدي يايوسف كل حاجة هتتحل ان شاء الله
... تتحل ازاي انا بقيت خايف اشوف امل او ابص في وشها انا خونتها وهيا متستاهلش مني كل دا
.... خليها تسامحك يايوسف
بقلم الكاتبة المجهولة
... انا مستعد افضل اعتذر منها عمري كله بس هيا تسامحني
... ربنا معاك ياصحبي
... يارب
.... يلا بقا قدامنا شغل كتير لازم نخلصه
... تمام
.يوسف قعد يشتغل بيحاول يطلع همه في الشغل بس صورة امل وهيا مكسورة وفي عيونها وجع مفارقتش خياله
.... حبيبي عاملة ايه
.... انتي ايه اللي جابك هنا امشي اطلعي برا مش عايز اشوف وشك تاني انتي فاهمه
.... لا مش فاهمة لو كنت فاكر انك هتخلص مني بالسهولكة دي تبقا غلطان مش انا اللي ينضحك عليا
.... انتي ايه ياشيخة معندكيش دم مش كفاية اللي عملتيه عايزة ايه تاني
.... عايزة فلوسك عايزة ابقا انا مراتك مش الست امل وفي الاخر هيا اللي تاخد كل حاجة وانا اخسر قدامها
بسخرية... هه اطمني انا مبقاش عندي حاجة خسرت كل حاجة
... قصدك ايه
... قصدي ان الشركة بتتصفي وفي اخر ايامها وانا كلها ايام واكون ع الحديدة
.... مستحيل انت كداب
.... تمام استني لحظة.. الو مروان تعالي ع مكتبي بسرعة
مروان دخل وكان مستغرب من وجود بسنت
... ممكن يامروان تقولي ايه اخبار الشركة الايام دي
... انت هتستهبل ماانت عارف اللي فيها وان احنا خلاص خسرنا والشركة هتتصفي
...اديكي سمعتي بودانك
.... لا يايوسف مش هسمحلك ع العموم انا روحت لمراتك وفرجتها ع صورنا مع بعض
... ايه اللي بتقوليه دا انتي عملتي ايه
.... ماانا مش هبقي انا الخسرانة الوحيدة يااستاذ سلام
.... غوري انا بكرهك وكنت غبي لما حبيتك اطلعي براااا
قال اخر جملة بعصبية وزعيق وبعدين بدا يكسر في كل حاجة حواليه
.... اهدي يايوسف العصبية مش هتحل حاجة
.... انا غبي غبي.... امل انا لازم اروحلها
شال حاجته وطلع برا الشركة وساق باقصي سرعة ع البيت
يوسف دخل وكان المكان هادي دور علي امل في كل البيت بس مش لقيها
... امل... امل انتي فين ردي والنبي.. هيا مسابتنيش اكيد لا لا..امااال
يوسف قعد علي الارض ودموعه بتنزل بص لقي الصور مرميه شافهم وكان قرفان من نفسه اوي قطع الصور كلهم بعصبية.
.... عند امل....
... برضو ياحبيببتي مش عايزة تقوليلي مالك
... يابابا انا كويسة بس تعبانة شوية
.... يوسف زعلك في حاجة
بتوتر.... ل لا يا بابا مفيش حاجة
.... انتي مبتعرفيش تكدبي علي فكرة
ونزلت راسي للارض والدموع اتجمعت في عنيا
بابا رفع راسي بحنية واخدني في حضنه كاني كنت مستنية الحضن دا عشان اطلع كل اللي جوايا انفجرت بالعياط
.... اهدي ياحبيببتي مهما كان اللي حصل يتصلح
بصوت متقطع... مفيش... حاجة... هتتصلح يا با.... با
... انا مش هسالك حصل بينكو ايه بس كل اللي عايزك تعرفيه اني موجود وطول ماانا عايش مش عايز اشوف دموعك دي
بقلم الكاتبة المجهولة
طلعني من حضنه ومسح دموعي.... الموضوع كبير؟!
هزيت راسي بمعني اه
... يوسف عصبي ومش قريب من ربنا بس انتي انا متاكد انك واعية وقريبة من ربنا وحافظة قران اتكلمي مع يوسف واجهيه حلو مشاكلكم مع بعض اتمسكو ببعض
... انتي متاكدة وواثقة ان هو اللي غلطان مش انتي
.... انا معملتش حاجة تزعله هو اللي جرحني
.... لو اعتذر هتسامحيه
.... لا
... من امتي وانتي كدا مش انتي دايما بتقولي لازم اسامح عشان لو انا كمان غلطت اتسامح
... غلطته كبيرة
.... يعني مفيش فرصة
... مش عارفة
... طب لو مات!
اتصدمت من اللي بابا بيقوله.... بعد الشر عليه
.... يبقي بتحبيه وف فرصة تسامحية
..... مش هقدر
..... لا هتقدري طب لو وقع في مشكلة هتساعدية
..... سكت
.... لازم تساعدية لانك مراته وسنده وانا مربيكي علي الاصول حتي لو اللي قدامك ازاكي بس محتاج مساعدة يبقا لازم تساعدية لانه هيكون عاجز وانتي في ايدك تساعدي
... الباب خبط....
.... هههه دا اكيد هو تلاقيه مقدرش يقعد من غيرك هقوم افتحله
.... ازيك ياعمي
.... الحمد لله يايوسف اخبارك
.... كويس الحمد لله... هيا امل عندك
.... ايوا ادخل يلا
يوسف دخل وشكله كان قلقان اوي اول ماشافني خدني في حضنه
.... كده تقلقيني عليكي
..... احم.. بابا واقف
طلعني من حضنه... اسف
...... والله يا يوسف لولا اني شايفك قلقان عليها كنت كسرت دماغك كدا تزعلها هيا دي الامانة اللي امنتك عليها
بتوتر... ان... انا.. اسف ياعمي
.... متخافش هيا مش حكتلي الموضوع اللي عرفته انكم زعلانين من بعض والله يايوسف ان حصل تاني وامل بنتي دموعها نزلت مش هيحصلك كويس مفهوم
... مفهوم ياعمي
.... كويس يلا خد مراتك وروحو بيتكو
... تمام
بابا حضني.... لو زعلك تاني تعرفيني هاااه
.... ربنا يخليك ليا ياحبيبي
بغيرة .... مش هنخلص
.... هههه انا ابوها بااهبل غيران من ابوها
مسك ايدي..... تصبح علي خير ياعمي
.... وانت من اهله يااخويا
ركبنا العربية وكان ساكتين طول الطريق لحد مايوسف جاله تليفون
... الو
.... تمام يامروان انا كنت متوقع دا يحصل
بزعل.... هنعمل ايه يعني صفي الشركة واعطي الموظفين فلوسهم وخلاص
..... سلام
سكتنا تاني وانا عندي فضول اعرف ايه اللي مزعله بس هو اصلا مبيبصش في عيوني شكله ندمان
... احم... في حاجة حصلت في الشركة ولا ايه
.... الشركة هتتصفي وهتتقفل
وصلنا البيت وانا حاسة بيه متضايق ومخنوق مش ف ايده حاجة يعملها الشركة دي كانت حلمه بس خلاص هيضيع
دخلنا البيت وانا دخلت اوضتي من غير كلام وسبت يوسف قاعد في الصالة
طلعت من اوضتي بعد شوية وقربت منه كان حاطط راسه بين ايديه
... اتفضل
...... ايه دا يا امل