❴🔢❵☟الــبــــــ❴ 1️⃣ ❵ـــــــارت☟
اسكريبت كامل 💞🖇️💞🖇️🥳🫰🫰
متكون من 6 اجزاء التفاعل مهم
1
يا ماما عشان خاطري وافقي نفسي أروح اسكندريه أوي بجد أنا وعدت البنت إني هحضر خطوبتها.
لليوم اللي مش عارفه رقمه أتحايل علي ماما بنفس الطلب اني أسافر اسكندريه لصاحبتي اللي اتعرفت عليها من علي الفيس وبقت أكتر من أخت ليا، لكن كالعادة رافضة رفض قاطع بسبب خوفها عليا وإني لأول مره هنزل بلد تانيه
لقيتها رفعت نظرها من علي الموبايل اللي كانت مركزه فيه وبصت ليا شويه وردت بكل هدوء كالعادة وقالت:
_ قولت لأ يا عائشة وكفايه أوي لحد كدا، روحي شوفي اي حاجه مفيده تعمليها بدل الموال ده كل يوم
بصيت ليها بحزن وعنيا اتملت دموع واتكلمت بصوت حزين :
عشان خاطري يا ماما نفسي أروح أنا عمري ما خرجت بره المنطقة بتاعتنا حتي مكنتش بنزل لوحدي دايمًا محمد أخويا بيبقي معايا نفسي أعيش مغامرة لوحدي.
_ومن هيحميكي من العالم
بصيت ليها بتعجب فكملت كلامها بنفس الهدوء وقالت :
عائشة حبيبتي أنتي طيبة جدًا ونقية العالم اللي بره دا مش هتعرفي تتأقلمي معاه لوحدك تتكسري يا حبيبتي، عائشة حبيبتي انتي لو واجهتي أي حاجه في رحلتك دي هتواجهيها بالعياط انتي أضعف من أنك تواجهي العالم .
بصيت بحزن كلامها صح أنا أيوه بخاف وعندي رُهاب من البشر لكن أنا عايزه أواجه هفضل لإمته أخاف من البشر أو اتعامل معاهم لازم أغامر عشان أكسر حاجز الخوف دا
بصيت ليها بقوه وقولت
_ عشان كدا عايزه أروح ياماما كفايه أنا عايزه أخرح وأواجه أوعدك اني هيبقي أد المسئوليه وهعرف أتصرف
نفخت بضيق وقالت بصوت حازم وغاضب :
عائشة بطلي عِند قولت لأ معتش عايزه أسمع كلام في الموضوع ده تاني روحي علي أوضتك
فكرت شويه وبعدين قولت :
_ خلاص خلي محمد يجي معايا كدا هتبقي مطمنه صح
_ أخوكي مش فاضي وانتي عارفه كدا
تعابير وشي اتملت حزن وروحت اتجاه بابا لعله يخليها تحن عليا ولكن قبل ما اقرب منه رفع الجورنال اللي كان ماسكه وحركه بين أيديه وقال من غير ما يبص لي :
_متحاوليش رأيي من رأي أمك
جريت علي أوضتي بحزن واترميت علي السرير وفضلت أبص علي السقف لحد ما حسيت بحاجه سخنه بتنزل علي خدي ومكانتش الا أنيسي الوحيد " دموعي "
فصلت فتره طويله علي الوضع دا لحد ما عيوني وجعتني من كُتر البكا ونمت من غير ما أحس
**********
تاني يوم قومت علي صوت أخويا محمد، فتحت عيوني بتعب وبصيت ليه لقيت الابتسامة مزينه وشه، اتعدلت علي السرير وحركت عيني بملل وانا بقوله:
خير يارب
لقيته بيرد عليا بحماس وبنفس الابتسامه:
" قومي يلا جهزي شنطتك عشان هتروحي اسكندريه أنا أقنعت بابا وماما "
بصيت ليه بعدم إدراك والصمت كان هو سيد الموقف لحد ما مخي استوعب اللي قاله واتنفضت من علي السرير ومسكت فيه وفضلت أهزه ولساني بيردد كلمه واحده بعدم تصديق:
احلف احلف
ضحك عليا وهو بيهز رأسه وقال
" بجد والله "
حضنته بقوه وانا بقول :
انت أحسن أخ في الدنيا شكرا اوي اوي
بعد عني وهو بيضحك وقالي :
بدام مصلحه يبقي أنا احسن أخ، يلا قومي جهزي شنطتك وحاجتك
جيت اقوم افتكرت أن ماما قالتلي أن وراه شغل فبصيت ليه وقولت
" طب وشغلك يا محمد
_ نأجله عشان خاطر الجميل
بصيت ليه بحب وحضنته جامد
- ربنا يخليك ليا، شكرًا بجد
بعد عني وبصلي بإبتسامة خفيفه
" يلا بسرعه قومي بقا ورانا مغامره جديده "
هزيت راسب بحماس وروحت اجهز أخيرًا هروح اسكندرية هو اه مش لوحدي زي ما كنت بتمني لكن محمد أخويا أفضل رفيق ليا في طريق حياتي من وانا صغيره كفايه أنه أأجل شغله عشان خاطري ومرضاش يزعلني
ابتسمت بحماس ونطيت من الفرحه
جيالك يا اسكندريه ..
***************
صوت القطر بيعلن عن رحلة جديدة، زحام رهيب في المحطه خلاني أمسك إيد أخويا جامد واستخبي فيه مسك محمد إيدي عشان يطمني وحاوط كتفي ومشي معايا ناحية القطر المنشود، وأخيرًا ركبنا فاضل دقائق ورحلتنا تبدأ، حسيت بمحمد أخويا بيقوم من جمبي فبصيت ليه بفزع ومسكت أيده بقوه وقولت :
رايح فين
_محفظتي مش لاقيها هخرج اشوفها جايز وقعت
: مش مشكله يا محمد بتاعتي معايا القطر خلاص هيتحرك مش مشكله
: لا المحفظه فيها حاجه مهمه بالنسبه ليا ومينفعش تضيع، هنزل اشوف مش هتأخر متخافيش
هزيت راسي بقلق وانا بسبب أيده ببطء وحاسه بإحساس غريب وكأن فيه حاجه هتحصل
نزل واختفي من قدام عيني وانا فضلت باصه من الشباك انتظره وفجأه لقيت صفارة القطر بتعلن عن وقت الرحيل، قلبي دق جامد وبصيت ناحية بره بعيون تايهه قلبي بدأت دقاته تهدي لما لقيته بيقرب ولكن الوقت كان خلص والطرق بينا افترقت القطر اتحرك وانا ناديت بإسمه بزعر وهو بيحاول يلحق القطر لكن كان فات الأوان القطر بعد، بصيت ليه وعيوني فيها خوف الدنيا فقالي بعلو صوته
: متخافيش يا عائشه هستني القطر الجاي وأجيلك استنيني في المحطه متخافيش يا حبيبتي انا هبقي معاكي علي التليفون .
فضلت عيني ملازماه لحد ما اختفي عنها، حضنت نفسي بقوه وبصيت حواليا للناس وحسيت بخوف بيتملك مني لكن نفسي هديت لما لقيت فوني بيرن ولقيته محمد أخويا فضل يطمني لحد ما هديت وقفلت معاه علي وعد لقاء منه.
*******
وصلت المحطه بقد وقت، نزلت أتلفت حواليا وأبص يمين وشمال زي الطفله اللي بتكتشف الحياه لأول مره
مشيت شويه وانا ماسكه موبايلي بحاول ارن علي محمد لكنه بيديني خارج نطاق التغطيه
بصيت حواليا ادور علي أي حد يساعدني لكن ملحقتش فجأه حسيت بشنطتي بتتسحب مني بقوه وشخص بيجري بيها
صرخت بقوه
:الحقوني حرامي
يتبع...
2
محستش بنفسي غير وأنا بجري ورا الموتوسيكل اللي راكبه رغم إن المعادله بينا صعبة وهكون أنا الخسرانه لكن مستسلمتش وفضلت وراه بعزم مافيا ولساني بيردد كلمه واحده
_حرامي ...حرامي
بدأت بعض الناس تتجمع علي صوتي لكن للأسف محدش قِدر يمسكه واختفي في لمح البصر، وقفت بتعب وانا بنهج من كُتر ما جربت ووقعت علي الأرض وحطيت إيدي علي وشي وبعد ثانيه انفجرت في العياط
بعض الناس اتجمعت حواليا اللي يواسيني بكلماته واللي بيسأل أنا كويسه ولا لأ
_ معلش يا بنتي المهم انتي بخير ربنا يعوضك
رفعت عيوني اللي مليانه بالدموع وبصيت للجمعه اللي حواليا وحسيت بإحراج، قومت من مكاني ونفضت هدومي من التراب وقولت ليهم وانا باصه في الأرض
_ شكرًا ليكم... أنا كويسه
قولت كلمتي وبعدت عنهم وفضلت ماشيه تايهه مش عارفه أعمل اي، ماما كان عندها حق أنا أضعف من اني أواجه، قعدت علي الرصيف وضميت نفسي بخوف هعمل اي ازاي محمد هيوصل ليا وانا موبايلي راح وكل حاجه خاصه بيا كانت موجوده في الشنطه وممعيش غير شنطة لبسي، بصيت حواليا بتوهان مش عارفه أعمل اي حاسه اني طفله وسط كل دا، طفله دخلت عالم الكِبار بالغلط، غمضت عيني وسندت راسي علي ركبتي وكأني بالطريقه دي هختفي عن عيون الناس اللي راحه جايه قدامي تبص ليا
_ شنطتك يا حلوه
رفعت راسي لما سمعت صوت جمبي لقيت شاب ساند علي موتوسيكل لابس تيشرت أسود وبنطلون بنفس اللون وماسك شنطتي بيلفها حوالين إيده وبيصفر ببرود، رفع نظارته السودا علي شعره ورمي ليا الشنطه وبعدين ركب الموتوسيكل
" حافظي علي حاجتك يا حلوه مش كل يوم هتلاقي اللي يساعدك
عملي إشارة سلام وابتسم بخفه وقالي وهو بيستعد يمشي:
_سلام يا حلوه
ملحقتش أتكلم كلمه ولقيته كان مشي وفضل أثر التراب اللي نتج عن الموتوسيكل قولت بهمس وانا يبتسم :
_ شكرًا
ضميت شنطتي ليا بفرحه وفتحتها أتأكد ان كل حاجه فيها والحمد لله منقصتش حاجه، اخدت منها الفون ورنيت علي أخويا محمد وأخيرًا أعطي جرس، دقيقه ولقيت صوته بيقول بلهفه
_ حبيبتي أنتي كويسه
رديت عليه وانا بحاول اكون هاديه ومخليهوش يقلق عليا :
_ أنا كويسه متقلقش أنت بقيت فين
نفخ بضيق وقال:
_ القطر التاني معاده الساعه ١٠ هتأخر شويه
رديت عليه وانا قلقانه:
_ طب وأنا هعمل اي كل دا أنا خايفه يا محمد
قابلت سكوت منه وكأنه ببفكر في اللي هيقوله فقاطعت حبل أفكاره وقولت :
أنا هرن علي نهله واقولها إني جيت اسكندريه وهي هتتصرف وتجيلي متقلقش وانا هطمنك.
_ ماشي يا حبيبتي خودي بالك من نفسك .
قفل معايا ورنيت علي صاحبتي نهله، ردت علي طول وصوتها مليان فرحه
_ عائش حبيبتي عامله اي
_ نهله أنا في اسكندريه ومش عارفه اتصرف الحقيني
قولت كلامي دفعه واحده وانا قربت أعيط فلقيتها اتصدمت وقالت
_بتهزري انتي كنتي لسه بتقوليلي اول امبارح انك هتقنعي مامتك تاني وهترودي عليا ولما لقيتك مرجعتيش كلميني فكرتك خلاص مش هتيجي
_ اللي حصل أخويا محمد إقنعهم وجيه معايا بس للاسف حصل ...
وبدأت أحكي ليها كل اللي مريت بيه لحد اللحظة اللي رنيت عليها
_ أنا مش عارفه اعمل اي دلوقتي
ردت عليا وهي بتطمني:
" خلاص اهدي اهدي أنا هجيلك دلوقتي أنا وبابا تمام
غمضت عيني وانا بتنفس بتعب وقولت بصوت مرهق :
_ماشي متتأخريش
_ مش هتأخر يا حبيبتي، سلام.
فضلت قاعده مكاني مستنيه ببص للي رايح واللي جاي شويه وأفتح الموبايل شويه لحد ما لقيت موبايلي بيرن برقم نهله، رديت علي طول
_ ألو يا نهله، انتي فين
_ أنا خلاص قربت عليكي اهو شايفاكي بصي وراكي كدا
لفين راسي ولقيت عربيه جايه ناحيتي ونهله بتشاور ليا بسعاده وبسمتها الجميله مزينه وشها
قربت العربيه مني ولقيت نهله نازله جري ناحيتي وحضنتي جامد
_ مش مصدقه أخيرًا اتقابلنا يا عائش
بادلتها الحضن بقوه مش مصدقه أن أخيرًا قابلتها بعد وقت كبير اوي من تعارفنا واقناعها الدايم ليا أن احنا لازم نتقابل
بعدت عني وبسمتها لسه علي وشها وقالت:
_ نورتي اسكندريه كلها مبسوطه انك هتكوني معايا في يوم زي دا
ابتسمت ليها بحب:
" أنا مبسوطه أكتر منك بجد تستاهلي كل خير يا حبيبتي.
مسكت ايدها وبسمه وقربت من باباها اللي كان واقف متابعتنا ببسمه، سلمت عليه ورحب بيا جدًا كان راجل ودود، ركبت معاهم وبعد وقت وصلنا بيتها وتلقيت نفس الترحيب والود من مامتها.
دخلت أوضتها واول حاجه عملتها رنيت علي أخويا محمد طمنته عليا وعرفني إنه لما يوصل هيقعد في فندق الليله دي ويجيلي بكرا في وقت الخطوبه.
قفلت معاه وبعت ليه لوكيشن المنطقة وانا بتنفس براحه وبصيت ناحية نهله اللي قاعده بتبص ليا بإبتسامه، بصيت ليها بتعجب وقولت
_ مالك
_ مفيش مبسوطه انك جمبي انتي عارفه اني مليش أصحاب وانتي الوحيده اللي ليا ومكسرتيش فرحتي تحيتي عشان تبقي جمبي بكرا
حضنتها وانا بضحك :
وانا ليا غيرك يا نهوله احنا ملناش غير بعض
قامت بحماس وورتني الفستان اللي هتلبسه في الخطوبه وفضلنا طول الليل نتكلم وضحكنا ملي الأوضه لحد ما النوم غلبنا ونمنا من غير ما نحس.
*********
يوم جديد مليان فرحه للبعض وأقدار جديده للبعض الآخر ..
الفرح والبهجة ماليه بيت نهله البيت مليان ورد وزنيه كل حاجه كانت مبهجه لحد ما طلت وردة الحفلة " نهله "
الزعاريط ملت المكان والفرحة احتلت الوجوه، قربت منها وحضنتها جامد
" الف مبروك يا قلبي "
بعدت عنها وفضلت أصور اللحظات دي وانا عيني بتلمع من الفرحه، الله، بصيت للساعه في موبايلي لقيتها داخله علي تسعه ونص ومحمد لسه مجاش رغم أنه مكلمني الساعه تمانيه وقالي انن قرب يوصل، بدأت أقلق فـ بعدت عن الدوشه وخرجت برا الشقه عشان أرن عليه ورنيت عليه لكن مفيش شبكه
نفخت بضيق ونزلت في الشارع وكررت الاتصال بيه لكن مفيش فايده.
كررت الاتصال تاني ونفس اللي بيحصل كل مره، بعد كده قررت ابعتله رساله مشيت في الشارع وانا كل انتباهي للموبايل ومش واخده بالي من اي حاجه حواليا لحد ما انتبهت لنور قوي دخل في عيني بصيت ناحيته لقيت عربيه جايه بسرعه ناحيتي وكانت هتضربني لولا أن حسيت اني بتشد بكل قوه وبقع علي الأرض بقوه بعيد عنها
أل.م فظ.يع احتل ايدي أثر الوقعة الشديده وصوت مألوف بيقول:
" أنتِ بخير يا حلوه .
يتبع.....
3