الفصل الاول
*عشـق طفولتـۍ🪸❤✮˚∘˙))**
*البارت1 *
*البارت2 *
*البارت3*
الحلقه 1
_احمد انت مش هتلعب معاية
: لا يانور انا زعلان منك عشان كذا مرة اقولك متلعبيش مع عمرو ولا تكلمي اي ولد غيري
_يااحمد مهو بيزعل لما مش برضى وبيصعب عليا
: مليش دعوه بردو متكلميهوش ولا اي ولد تاني
_حاضر خلاص مش هكلم اي ولد غيرك بس تعالى العب معاية بقى
: يلا يانور بس شوفي الاول جبتلك ايه
_الله شوكلاتة بس منين
: المشرفة ادتهالي وانا عشان معنديش اغلى منك سبتهالك
_الله انا بحبك اوي
باااك
دا كان كلام فضلت فاكراه بينا من 17سنة فاكرة كل تفاصيله من بعد ماجت عيلة واتبنتني من الملجأ وانا بعدت عن احمد
فلاش باك
: يعني خلاص يانور هتروحي ومش هشوفك
_انا مش عايزة اروح يااحمد عاوزه افضل معاك مش انت قولتلي ان احنا هنفضل سوا دايما لو روحت معاهم ازاي هشوفك تاني
: متزعليش يانوري هنتقابل والله بس لازم تروحي معاهم عشان هما دول الي هيساعدوكي فأنك تحققي حلمك وتبقي دكتورة مش دا حلمك يانور
_ايوة بس عايزة احققه وانت معاية.. وفضلت تعيط
: مسحلها دموعها متزعليش مش انتي الي يهمك انك تشوفيني تاني روحي معاهم وانا هحاول اشوفك
_حاضر توعدني
: اوعدك خدي المصاصة دي وبطلي عياط
_انا بحبك اوى يااحمد ومش هنساك
: وانا كمان بحبك وعمري ماهنساكي وهدور عليكي دايما
باااك..
دا كان اخر بينا وهو وعدني وعمره ماخلف وعده انا هفضل مستنياك يااحمد
انا نور عندي 23سنة ف 6 كلية طب محدش يستغرب مهي دي اساسا كلية بتخرجك وانت معجز اصلا يعني ليه كائن طبيعي يفضل في الكليه 7سنين حسبي الله وربنا المهم بس اني حققت حلمي وحلم احمد وهبقى دكتورة ان شآء الله انا بنت عادية جدا وشكلي بيقولوا حلو لكن انا شايفة انه عادي بردو عايشة مع ناس المفروض انهم اهلي لانهم خدوني من الملجأ وربوني وحقيقي بحبهم اووي وعمري مشوفت احن ولا اطيب منهم بيعاملوني كأني بنتهم بجد مليش اخوات بس ماما تعتبر اختي وامي وصاحبتي لاني مش بحب اصاحب حد بخاف من الناس سيكا
يلا يانور الفطار جاهز ياحبيبتي
_حاضر ياماما جاية اهو
لبست دريس بمبي اصل دا لوني المفضل ياجماعة دا العشق كدا لو هشحت محبش الا هو عليه خمار ابيض اميرة بحجابي ياربي 😂
_صباح الورد يااحلى ماما فالدنيا
÷صباح النور ياقلب ماما
+ايه دا بقى مفيش صباح الخير يابابا
_ازاي بقى دانت الحب كله صباح العسل
÷يابت يابكاشة بقى بتعاكسيه قدامي
_الله داحنا بنغير بقى الحق ياحج مراتك
÷اه ياحبيبتي مش جوزي وعشرة ٣٥سنة
+والله ياام نور ماعندي اغلى منكم
_احنا عمالين نحب ف بعض من الصبح وشكل كدا مفيش فطار وهتأخر على الجامعة مضطرة بقى اني اسيب القعدة الحلوة دي وانزل
÷والله ابدا كلي الاول انتي خاسة اوي يانور
_حاضر هاكل فالسريع اصل بصراحة الاكل شكله يجوع +عندك حق امك عليها شوية بيض انما ايه 😂
كلت بسرعة ونزلت وانا بظبط الشنطة اصلي انا لو متأكدتش على حاجتي ميت مرة ميبقاش اسمي نور وانا بعدي الشارع فجأة عربية جاية عليا بسرعة صرخت و…
يتبع…
الحلقة 2
_ااه رجلي ايه يعم انت مش تفتح
: انا اسف والله ياانسة مخدتش بالي من حضرتك وانتي طلعتي قدامي فجأة طب انتي كويسه طب طب اخدك مستشفى
_لا لا خلاص مش مستاهلة شكرا لحضرتك انا بيتي هنا اصلا ااه
: طب تحبي اوصلك لانك كدة مش هتعرفي تمشي عشان رجلك والله اسف بجد
_طيب معلش هتعب حضرتك خلاص ياجماعة شكرا انا بخير اتفضلوا انتو
: بيتك بعيد نروح بالعربية ولا هنا اسندك وتطلعي
_لا طبعا حضرتك تسندني ازاي يعني ممكن بس حضرتك تديني فونك اكلم ماما عشان فوني اتكسر
_اسف والله من لخبطي مش عارف بقول ايه اتفصلي طبعا
كلمت ماما وجت خدتني مهو يوم باين من اوله اساسا والي خبطني دا فضل يتأسف ساعة لحد مااقتنع اني كويسه ومشي واديني اهو قاعدة على السرير عشان عندي كدمة والتواء ف رجلي الي عاجبني ف كل العك دا اني مروحتش الجامعه انا اساسا بفرهد من نزول السلم ياجماعة عدت الايام من غير احداث تذكر غير اني قررت انزل اشتغل مع الجامعة عشان بحب اعتمد على نفسي ومش بحب احس اني تقيلة على حد هنا اه اهلي عمرهم والله ماحسسوني بكدة بس اهو دا مبدئي دورت على شغل لحد ما اخيرا لقيت ف شركة محتاجين سكرتيره وكان الانترفيو بتاعه بكرة صحيت وكالعادة لبست وخرجت فطرت مع اهلي ونزلت وانا بعدي الشارع المرادي خدت بالي جدا ركبت ووصلت..
_لو سمحتي انا كنت جاية عشان اعمل انترفيو لشغل السكرتيره
~طيب اتفضلي اقعدي لحد مادورك يجي
قعدت وحرفيا ندمت اني جيت بقى هيسيبوا كل البنات الحلوة والي لابسة شيك جدا دي لدرجة ان انا عاكستهم وهيختاروني انا شكلي كدة هاخدها من قاصرها وهمشي بكرامتي ياجماعة وفعلا كنت لسة بلم حاجتي وهمشي لقيتها بتنده عليا
~ياانسة اتفضلي دورك جه
امري لله بقى هدخل اجرب وخلاص دخلت وكنت باصة ف الارض من التوتر
_السلام عليكم لو سمحت انا كنت جاية اقدم على الشغل ودا الcv بتاعي اتفضل
:تمام اسمك ايه
هو الراجل دا اهبل ماهو مكتوب عنده
_اسمي نور محمد يافندم
:امم الcv حلو معاكي 3لغات
ثواني كدة انا الصوت دا عدى عليا قبل كدة ببص عليه ويت كدة من انت….
يـتــبـــع
الحلقة 3
_هو مش حضرتك الي
: احم ايوة انا الي خبطك ممكن نكمل شغل ولا ايه
_اه اه اسفة طيب اتفضل
: تمام احنا كدة خلصنا هنبقى نكلم حضرتك لو اتقبلتي
_ماشي شكرا لحضرتك
خرجت وانا بلم بواقي برستيجي كان لازم اقوله وافكره اد ايه احرجني ياجدعان ايه الراجل العملي الجد القمر جدا دا ياجماعة مش كدة قلبي الصغير لا يتحمل😂وانا مروحة كان لازم طبعا اعدي على هم حسن بتاع المكتبة اشوفلي عنده اي رواية جديدة تلمني بدل الملل الي انا فيه دا هو عنده ٦٥سنة ووحيد فبسليه
_صباح الفل ياعم حسن عامل ايه اخبارك واحشني والله ياراجل ياطيب
♡الحمدلله يابنتي بخير انتي عامله ايه ياقمر
_الحمدلله كويسه قولي بقى ياعسل اخبار الروايات الجديدة
♡يابت يابكاشة اهو الجديد كله عندك على الرف دا نقي الي انتي عايزاه
انا حقيقي مش عارفه كنت هجيب كل يوم روايات منين من غير عم حسن السكرة دا دخلت ونقيت رواية باين عليها حلوة اشتريتها وروحت البيت وبدأت بالرواية يوم والتاني والتالت ومحدش عبرني من الشركة
_صباح الورد ياماما
÷صباح النور ياحبيبتي اقعدي مع باباكي شوية على مااخلص الفطار
_طب اجي اساعدك ف حاجة
÷لا ياحبيبتي خلصت اهو
_ماشي
+صباح الخير ياحبيبة بابا
_صباح الفل ياعسل ياقرة عيني انت
+بس يابت انتي لامك تسمع انتي عارفاها😹
_انت هتقولي عليها
÷هيقولك على مين
_ولا حاجه ياست الكل انتي انا هخش اشوف مين الي بيرن عليا
دخلت وكان رقم غريب
_السلام عليكم مين
~وعليكم السلام انا اتصلت ابلغ حضرتك انك اتقبلتي ف الشركة يافندم وهبتدأي من بكرة الساعة ٩ تكوني هنا عشان المدير مش بيحب التأخير نهائيّ
_تمام شكرا لحضرتك جدا
قفلت واتنطت من الفرحة بقى اخيرا هبقى مستقلة وهيقولوا الي بتشتغل راحت الي بتشتغل جت
_ ياماما بنتك اتقبلت زغرطي ياحجة😂
÷بجد الف مبروك ياحبيبتي
+مبارك ياقمر بس متأكدة انه مش هيأثر على الدراسة ولا هيتعبك
_طبعا يابابا بنتك بميت راجل
+اومال انتي هتقوليلي
كملت يومي وبليل صليت قيام الليل ودعيت ربنا يوفقني ونمت
تاني يوم
صحيت فجأة مخضوضة يانهار ابيض هي الساعة كام انا نسيت اظبط المنبه من اولها تأخير كدة ببص فالساعة لقيتها لسة ٨ اتنهدت براحة هو انا لسة هتنهد هقوم البس عشان الحق فوريرة جهزت
_صباح الفل ياجماعة انا نازلة
÷من غير فطار يابنتي كدة
_معلش ياماما مستعجلة خرجت بسرعة وكالعادة اتمرمط ف المواصلات واخيرا وصلت
_السلام عليكم
: عندك تأخير عشر دقايق من اول يوم
_انا اسفة انا بس اتأخرت بسبب المواصلات بعدين انت مش المدير عشان تحاسبني حضرتك مجرد موظف زي
: انتي مش عارفة بتكلمي مييين
_هكون بكلم مين يعني عالصبح
: انا…
يـتــبـــــــع
تفاعل لطيف💗
*`ڪ: ࢪوࢪو ڤيــڤ ⁽♡゙⤹ 🎀`*