يا بنت قلبي وين مثله تلاقين قلبي اعطاك الحب ما قال هاتيه - الفصل السابع و الثامن - بقلم مجهول🖤 - مكتملة | روايتك

رواية يابنت قلبي وين مثله تلاقين قلبن عطاك الحب ماقال هاتيه الفصل السابع نزل سالم يقول لماري تجهز الفطور وشافها بعدها ماقامت رفع عن كمه وقرريجهز لروحه وقلبه الفطور عند شيخه حطت المجوهرات بصندوقها وقفلت عليه قالت بنفسها معقوله سالم بيدفع كل هالمصاريف عشان ينتقم لغاده لبست وتعدلت شافت بوجها سعاده ماتدري شنوسببهاهل هي من الكلام المعسول الي قاله لها سالم من اول ليله حست من كلامه انه يداوي اجروحه القديمه الي سببها لها اومن شي ثاني ماتعرفه الي هو فرحة الانتصار بتعذيب سالم انزلت وشافت سالم يحوس بالمطبخ اضحكت وقالت :شتسوي سالم عساني مانحرم من هالضحكه ولا هالطله قلت :اسوي لعروسي فطور ابيها تاكل عدل ويصير جسمها الفتان مليان شوي شيخه انحرجت منه ياربي كلامه يدوخ قلت :ممكن اساعدك زين سالم خدوم وربي خدوم قلت :مع اني ودي عروسي ترتاح بس مضطر لان مادري وين تحطون الاشياء افطرت هي وياه قامت بسرعه تخاف تقوم امه وتلقاه طايح فيها مغازل وذيج الساعه من بيفكها من شر ام سالم شيخه بابتسامه :بنطرك في الصاله لين تخلص عشان توديني اوكي سالم مد بوزه وقال:وليش ماتنطريني هنيه ان شالله علاقل تنفتح نفسي للاكل شيخه ابتسمت له وقالت :اذا بجلس ماراح اتقوم بطول فخلني اروح احسن عشان تخلص اول ماراحت عنه سالم طالع فيها يوم طلعت فقام وركض يمها حوط ايدينه بخصرها وقال:تصدقين شبعت من اول ماطلعتي عني شيخه اشهقت من حركته وقامت تلتفت لحد يدخل يشوفها بهالوضع مع سالم قرب راسه وباسها وبعدت عنه بسرعه وقالت بخوف:سالم وبعدين ماشبعت يالله ترى بتاخر على الجامعه سالم بتنهد:لاوالله ماشبعت لوبكيفي ماخليتج اداومين علاقل انفرد فيج بروحي اسبوع شيخه استغربت معقوله لهدرجه يحبني ولابس عشان وافقت على طلبه قلت وانا اتخصر: شنو تنفرد فيني لعبه انا عندك سالم بتنهد وكان ذايب من تخصرها ذابحه هالخصر قال:لعبه بس مو أي لعبه لانها لعبه نادر وجودها هالايام ياقلبي وغمز لها شيخه ياربي يذبحني بكلامه قلت وانا ابعد عن نظراته :مشينا بتاخر تكفى سالم شوي ويغمى عليه من تكفى قال:دخيل تكفى انا مشينا ياروحي >>>>>>معزتك عندي ترى مالها نوع ومكانتك بالقلب ماحدن لقاها <<<<<<< >>>>>وغلاك في روحي ترى صارمزروع وحتى المشاعرترجمتلك غلاها <<<<<< >>>>واناوقلبي ولأحاسيس لك طوع والروح لوراحت من اجلك فداها<<<<<< دلال بستنكار :انتي اكيد تكلمين عن سالم الي اعرفه شيخه بتنهد:اذا انتي تقولين جذي انا الي عشت معاه سنه وتسع اشهور شقول دلال :مادري كنت اتوقع اتكلميني عن روميوا مو سالم شيخه بنرفزه :لاوالله روميوا وان شالله حاطتني جوليت له دلال بضحكه:لا ماتصلحين جوليت لان جوليت تبادل روميوا مشاعر الحب لاكن انتي لا شيخه معقوله تبيني احب سالم عقب كل الي سواه وابادله الحب بعد قلت:ماحبه ولاراح احبه ولا ابي حبه بعد زين قلت هالكلام وانا مادري هل اني مازلت اكرهه ولا سالم بلليله بس قدر ينسيني هالكره سالم خلص من دوامه ومر شيخه في الجامعه كان يتأملها وهي جايه صوبه اركبت السياره شيخه :سلام عليكم سالم :وعليكم السلام مسك يدها وضغط عليها وقال:اشتقت لج موت شيخه ابتسمت وماقدرت ترد ونزلت اعيونها سالم حب يزيد من خجلهاقال :وانتي ماشتقتي لي شيخه حمرت اخدودها من الفشيله قالت :سالم قال:اعيونه قالت :استح ياخي سالم ضحك وقال:وين تحبين تغدين اليوم شيخه اتغدى لاولو اسألت امه عنا شبيقول لها انا طلعتي امس معاه جذبت عليها وقلت اني رحت رفيقتي تساعدني للامتحان اليوم شقول لها قلت: معلش سالم وراي متحان وماقدر اطلع سالم باهتمام :بتذاكرين من الحين خلي شوي الحين استانسي شيخه متى شوي الحين بتغديني وبالليل بتجي دور راحتك قلت :ماقدر صدقني سالم تضايق كان وده يمشيها مثل أي عروس :خلاص براحتج شيخه بعد ماتغدت شالت بعض الغراض وجت بتروح للمطبخ صدمها سالم لما قال :شيخه توج جايه من الجامعه تعبانه روحي ارتاحي وخلي الشغل ام سالم بنرفزه :مافيها شي وين التعب ماشوفه شيخه بقلبها طول عمري اجي منها تعبانه وماقلت شمعنى الحين قلت :لا عادي مافيني شي ورحت للمطبخ حطيت الاغراض وقفت اتخيل شبتكون ردة فعل امه لو درت بلي بينا اكيد بطين عيشتي عاد هي تكرهني كره العمى لاني بنت خالد فزيت لما حسيت بيده على كتفي قال:لاعاد اشوفج تشتغلين ماري بتقوم بكل شي واذا ماقدرت من باجر بجيب وحده تساعدها شيخه بنظرة تعجب: بس ماكان هاذا كلامك اول ماجيت اهنيه ليش تغير سالم حس بالضيق مايبي يتذكر شي عن هذيك لايام قال:من اليوم اعتبريه تغير وسحب يدها يطلعها من المطبخ قال :يلا روحي وانا جاي وراج شيخه حمر وجهها من كلامه قالت في قلبها اشلون اتصرف لازم ابعده عني فترة الظهر عشان ماتنكشف الجريمه استغفرت ربي وش جريمته الي اسويه حلال مو حرام وسالم زوجي قلت بدلع : سالم بدرس بهالوقت عشان بالليل اتفرغ لك قلتها وانا اعظ اشفايفي بخجل سالم ابتسم بخبث وقرب يبي يبوس شفايفها الي اسحره طريقة عظتها لكن اصدمه لما دزته وقال:موافق والله موافق بس ابي بوسه شيخه غايصه بهدومها من الخجل قالت: زين بشرط سالم استغرب قال:اشرطي شيخه لازم استغل هالموقف قلت: ماتطلب شي مني وقت الظهر لانه وقت راحتي ومذاكرت ادروسي وبكون مستعده لك بالليل سالم ياحياتي بس هاذا ادري صعب علي بس عشانج يهون حطيت يدي على عيني وقلت:من اعيوني لج التبين ياللا عاد خليني ابوسج شيخه اطالع لحد يدخل المطبخ ويشوفها قالت: بسرعه لايدخل احد سالم باسها وقال:عادي خل يشوفونا حلالي وكيفي ورد باس خدودها شيخه كانت انفاسه تحرقني تشعل بداخلي مشاعر ماعرفها بعدته وقلت: مع السلامه بصعد ارتاح سالم ضحك بخبث وقال: ترى الغيت الشرط شيخه بحلقت اعيونها فيه بأستغراب ضحك وقال :صدقتي اجذب عليج شيخه بعصبيه :عبالي بعد لان ماينوثق فيك مفجوع شيخه سمعته يضحك على كلمتي وطلعت لغرفتي دخلت غرفتي ونسدحت على سريري افكر معقوله حبني بس ليش مابيه يحبني خل يكرهني انا لازم اكرهه فيني وخليه ينساني مثل ماقررت انساه (بعد شهرمن لاحداث) شيخه مازالت مصره على رايها بترك سالم وهو غرقان بالعسل كانت تقهره بعض تصرفاتها انها ماتبيه يقول لامه وانا ماتبي تطلع معاه واذا قامت الصبح توقف على راسه لين يطلع تخاف احد يشوفه عندها صرخ عليها مره وقال بعصبيه :شيخه حنا ماسوينا حرام ننخش منه انتي زوجتي فاهمه شيخه بين صياحها : طيب انت خلصت روح كمل نومك بغرفتك مابي احد يشوفك نايم اهنيه سالم بعصبيه :ردت قالت مابي احد يشوفك تراج محسستني اني قاعد ارتكب معصيه والعياذ بالله طفش وطلع عنها شيخه بقى على طلعة ابوها اسبوع والدنيا موسايعتها من السعاده مع انها لها مده تحس بتعب موطبيعي كلا مخدره بس تبي تنام وشهيتها مسدوده ماتدري اشلون تجاوزت فترة الامتحانا ت بنجاح جلست تحمد ربها لانها كانت جد مضغوطه من جهه سالم والحين التعب سالم دخل عليها بغرفتها يضحك : مبروك ياحياتي النجاح شيخه بابتسامه :الله يبارك فيك سالم قرب منها وجلس جنبها بالسرير وباس جبينها وقال:يللا محضرلج مفاجئه تحت بهالمناسبه شيخه : ليش كلفت على عمرك ماله داعي سالم :لاكلفت ولاشي كلها كاتوه بهالمناسبه لكن هديتج توصلج الليله بالسهره سكت وقال شوفي حبي تراج عطلتي زيدي لي الجرعه ماعاد عندج عذر شيخه انصبغ وجهها من كلامه وحست مغص بطنها يزيد وماقدرت ترد انزلوا راحت صوب المطبخ قالها :وين رايحه شيخه :بجيب صحون وشوك سالم : ماري جهزت كل شي حتى القهوه شيخه لاقهوه صايره ماطيق ريحتها قلت :بجيب لي عصير ليمون سالم :براحتج شيخه دخلت بسوي لي ليمون حسيت بلوعه رحت ركض للمغسله ورجعت دخلت علي ماري وقالت:مدام اشفيك تعبان قول بابا يودي طبيب شيخه بتنهد :لا الحين اشرب ليمون واصير احسن ماري :مدام انتي كلاقول الحين يصير زين مافيه زين شيخه بنرفزه :ماري مابي اروح لطبيب ماتفهمين سوي لي العصير وجيبيه بالصاله زين اطلعت وراحت لصاله شيخه جلست بعيد عنه هو وامه سالم قص لي من الكيكه ومد لي مع اني ماشتهيها جابت لي ماري العصير وشربت وكليت من الكيك ابتسمت لسالم يوم شفت امه راحت لتلفون وقلت:مشكور سالم بضحكه :مابي مشكور ابيج تاكلينها كلها شيخه صرخت بصوت واطي :حرام عليك بتذبحني انت سالم :سلامتج اذبح عمري ولا اذبحج شيخه ماقلت شي عقب كلامه سالم عنده قدره تخليني انطرم انا قصدي اني بنتفخ لما اكلها خصوصا اني متنرفزه من كرشي احسها كبرانه من كثر ماضحكت على سالم ربي بلاني جت امه وكانت تبتسم شكل الي مكلمها مبشرها بشي سالم قام بيروح لدوامه وقفته امه وقالت:سالم وين يمه ابيك بسالفه سالم :مستعجل يمه خليه بالليل بروح شغلي امه بتنهد :براحتك (في الليل ) كانوا يتعشون وشيخه منحرجه من نظرات سالم الي تحرقها ويلمح لها بالزياده بعد فتره قطع هالنظرات ام سالم لما قالت:سالم دريت ان عمك بيطلع بعد اسبوع سالم انخبص وجهه وكأنه حاس ان طلعة عمه بتفقده شيخه قال:من قالج شيخه معقوله ناسي طلعة ابوي ولايدري عنها لاهو يدري حمد يقول انه داري عن الحكم من اول يوم ولاقالي سمعت امه تقول : مومهم من قالي اهم شي شبتسوي لما يطلع سالم بستغراب :شبسوي ماني مسوي شي شيخه تراقبهم بصمت قالت ام سالم بنرفزه: ألابتسوي روح دور لعمك شقه ولاعشه يسكن فيها مع بنته ولايكون مفكر تسكنه هنيه لاعيوني ماسكن عندي خريج سجون شيخه نقثيت من كلامها انا وابوي مو بحاجه لمنتها عندي بيت بنسكن فيه بس جد انجرحت من كلامها عن ابوي لاولدها بيتمم هالزواج وبيقولها مستحيل اقبل بتذلني اكثر لما تدري فخل ابعد احسن سالم بنرفزه :يمه ماله داعي هالكلام امه :اشلون ماله داعي مابقى غير اسبوع سو الي قلت لك عليه ود بنته من الحين تعيش هناك شيخه حسيت بالاحراج كاني شخص منبوذ ماتبي تشوفه صرخ سالم وقال: يمه شهالكلام وشيخه مراح تعيش ألا هنيه ام سالم :لا ليش ان شالله لاتقول بعد منت مطلقها ترى ماصارت شيخه قمت ورحت من عندهم لان مابي اسمع زود كافي الي وصلني سالم انقهر من تصرف امه وكلامها الي جرحه قبل لا يجرح شيخه قال :هذا شي خاص فيني وانا الي اقرره وقام وخلاها في غرفة شيخه شيخه دخلت الحمام خذت شاور عشان تجهز لسالم وتوفي له ايامه الاخيره معاها طلعت وشافت سالم جالس على السرير وكأنه معصب قربت منه وجلست عنده مسك يدينها وقال:شيخه لا تفكرين بكلام امي انا لايمكن اتخلى عنج وهي لازم تعرف باني ابيج كزوجه بس انتي ليش ماتبين اقولها شيخه ابتسمت له وحطيت يدي على فمه امنعه من الكلام بهالموضوع لانه يعتبر منتهي بالنسبه لي قلت:لاتخرب لليلتك بهالمواضيع انساهم سالم ابتسم لي وباس يدي وقال:الله لايحرمني منج شيخه وحضني بقوه كأنه حاس بقرب الفراق بيننا كنت نايمه وماحسيت ألاوالبوسه بخدي قمت وابتسمت له كانت هاذي طريقة تقويمه لي جلست وقال: احلى صباح لاحلى وحده بحياتي قلت :صباح النور قمت وخذيت شاور طلعت شفت سالم جالس وماسك له تلفون لبست لبس الصلات وصليت بعد ماخلصت قال: تقبل الله قلت :منا ومنكم اجمعين جا صوبي ومسك يدي وقومني جلسني على السرير وجلس جنبي مدلي تيلفون طالعت فيه وقلت: شنو هذا سالم بابتسامه :هدية نجاحج شيخه استغربت من تصرفه :ليش سالم احرجتني بجد ماله داعي تجيب هديه سالم مسك ايدينها وباسهم وقال: اذا مااهديت حبيبتي بنجاحها من اهدي سكت بعدين غمز لها وكمل تراج وعدتيني بزياده شيخه حمرت اخدودها من كلامه ونزلت راسها شافها سالم منحرجه حضنها وقال :فديت الي يستحون والله لاجيت ابكتب عن [ جمالـك ] ..تراجعـت ..! كـل القصايـد مـن جمالـك .. تهابـك ..! إليا فقدتك ضاقت < الحـال > .. وارتعـت .. [ لحظات ] موتـي لـو تصـور .. غيابـك .. عن حب غيرك كل الابـواب .. شمعـت .. مافيه < بـاب ٍ > بالهـوى غيـر .. بابـك صحت شيخه على صوت ماري تطق الباب قامت مفزوعه وهي ماتزال بين احضان سالم صرخت بهمس له :سالم قوم الباب يطق سالم فتح اعيونه بستغراب :منو الي يطق شيخه بخوف :ماري تطقه سالم بتنهد :زين قومي شوفيها شتبي ليش مقعدتني من النوم شيخه هاذا الي بيجلطني شقوله : لاوالله افكلها واذا شافتك عندي شبقول لها سالم لف عنها الصوب الثاني وغمض اعيونه وقال:قولي لها زوجي او حبيبي او بوعيالي عاد الي هي تفهمه شيخه حست بمغص من جاب طاري العيال قالت بعصبيه بعد ماحست ان ماري ياست وراحت :صج فاضي احر ماعندي ابرد ماعندك قوم اطلع قبل ترد ماري مره ثانيه مابيها تعرف بالي بيننا سالم تنرفز وقام وقال :انتي ماتعلميني شسالفتج يابنت الحلال عشان تخشين علاقه زواجنا كل ماقلت بقول لأمي رفضتي وقلتي اجله ليش شيخه قامت اوقفت وقالت بقلبها خلاص لازم يعرف لمتى بجامله على حساب تعذيبي قالت: لان هالزواج مراح يتم بمجرد طلعة ابوي كل شي بينا بينتهي واعتقد هاذا اتفاقنا من قبل ياسالم سالم حس بالجنون من كلامها هي مازالت مصره على تركي وانا ماقدر استغنى عنها لاني حبيتها بجنون قلت :اتقاقنا هاذا انسيه قلته لج من اول لليله ياشيخه ماتفهمين شيخه بصراخ :لامراح انساه وانا لايمكن اعيش معاك بعد الي شفته ولاتحسب تغيرك المفاجئ بيكفر عن ذنبك لاترى انا كنت اعتبره من انتقاماتك بس هالمره مولابوي لغاده لانك فقدتها بسبتي فقلت خل انتقم منها دامها السبب واستمتع فيها بجذبة اني بتمم هالزواج ماحست ألابكف حار على وجهها ومن شدته طاحت صرخ بوجهها وقال: لهدرجه شايفتني حقير انتقم بهالوقاحه ليش ماعندي ضمير انا يوم فكرت بتمام هالزواج كنت صادق بكلامي لج لاني لوماابي هالزواج جان ماقربت صوبج لانج بنت عمي وعرضي شيخه بين شهقاتها :بس انا مابيك اكرهك ياسالم ولاتفكر اني فرحانه بقربك لا تراني كنت احترق من داخلي وساكته لاكن الحين خلاص طفح الكيل ابوي وبيطلع هالاسبوع وبروح اسكن معاه في بيتي فلاتعب نفسك ياولد عمي ودور لنا شقه او عشه على قولة امك لانا موبحاجة صدقه من احد سالم تفاجئ من كلامها الجارح شيخه الحمل الوديع تحولت الى حيوان مفترس يجرح بانيابه قال:شيخه شتقولين ليش مصره تتركيني وتهدديني بطلعة ابوج عمي مازوجني لج عشان يحطج عندي وديعه او امانه واذا انا سبق وقلت هالكلام فانا اعتذرت لج ميه مره شيخه بين شهقاتها :انت عبالك ابوي مايدري ابوي قلتله عن كل فعايلك فيني من تشغيلي خدامه لك ولأمك الى ضربك لي بدون سبب وهو وعدني انه اول مايطلع يصحح غلطته بانه يجبرك تطلقني لاني لايمكن اعيش مع ناس تكرهني مثلك انت وامك الي بالصاعده والنازله ترمي سمها علي فشلون لودرت بقرار ولدها اكيد بتقتلني قبل تطبيق القرار لانها تكره ابوي وامي كره العمى فشلون بترضى ان وحيدها ياخذ بنتهم سالم يعني عمي داري بكل شي اشلون وهي مازارته ولاحتى كلمته قلت :كيفج بتروحين تسكنين عند ابوج روحي لكن طلاق احلمي اطلق وتاكدي ياشيخه انج انزرعتي هنيه( واشر على قلبه ) من اول يوم شفتج فيه بيتكم طلع وخلاها تصارع اجروحها تمنت انها ماعرفت سالم الطيب الحنون الي خلى له مكانه بقلبها من شهرين بحبه وعطفه لها لكن ماقدرت تنسى اهاناته وجروحه القديمه رمت نفسها على السرير تبجي ادخلت عليها ماري ماري بخوف :مدام شنوفيه ليش يبجي شيخه كانت متكوره على نفسها من اسمعت صوت ماري قامت احضنتها لانها الشخص الوحيد الي مراح تنساه في هالبيت لانه غمرها بحنان وعطف الام الي فقدته من دخل ابوها السجن فكانت لها مثل الملاذ ماري تمسح راسها وقالت بأسى:مدام لايبجي بابا سالم طقي صح خلاص مدام انتي بابا مايطلع بعد اربع يوم بعدين مايقدر يطقي وانتي عند بابا ارفعت شيخه راسها تطالع اعيون ماري الي امتلت ادموع قالت:ماري انتي الوحيده الي حبيتها في هالبيت ولا راح انساج قالت هالكلام وهي ماتدري ان في احد ثاني حبته بعد ماري امسحت ادموع شيخه وقالت :مدام اذا انتي يروح انا مايقدر يقعد في بيت هاذا شيخه ابتسمت :وقالت خلاص قولي لهم وتعالي عندي في بيتي وراح اعطيج اكثر اذا تبين ماري :مدام انا زوج يشتغل هنيه ومايقدر انا روح اشتغل مكان ثاني انتبهت لبس شيخه وقالت :مدام بابا ينام اهنيه شيخهاحترق وجهها من الفشيله ماكانت منتبهه لقميصها وماقدرت تنكر لان ماري امسكتها بالجرم المشهود نزلت راسها وقالت :ايه ماري بفرح :الحين بابا حبي انتي ممكن مايخلي يروح مدام بابا من زمان نوم هنيه شيخه بنرفزه:من شهرين وسالم مايحبني تشوفين شسوى بوجهي اسكتت ماري عقب كلامها (طلعت ابو شيخه) اليوم طلعة ابوها دقت عليها دلال بتلفون البيت وقالت لها ان ابوها بيوصله حمد لبيتها الساعه اربع العصر كانت مجهزه كل اغراضها وسالم عقب اخر موقف ماشافته كان مايجي ألامتاخر ويدخل ينام بجناحه كان ودها تودعه بس تراجعت وقالت اخلي له رساله احسن لاني ماقدر على مواجهته راح اضعف قدامه حطت كل الاغراض الي جابهم لها سالم في صندوق ومعاهم رساله اكتبت فيها(الى معذبي الحنون كم تمنيت ان اودعك باخر لليلة لي في هاذا البيت لكن للاسف لااستطيع ان اواجهك فربما اضعف امامك سالم ارجوا ان تسامحني على كل مابذر مني من سب وشتم فانا لا اتحمل بان يخاصمني احد فماذا اذا كان ذلك الشخص يسألوني عابـره ويـن iiالجديـد والاجابـه ضايقـه فينـي iiملـل راحت ايام السعـاده iiوالقصيـد عشتهـا بيـن التكانـه iiوالجهـل كنت اروض شارد الحرف iiالعنيد ماعسرني لو بغيته فـي iiعجـل فيه اصور لوعة الحـب iiالاكيـد ومنّه(اشكل) ماحوى قلبي iiغـزل ومعه (اسافر) عن معاناتي iiبعيـد ولأجل حبه ماشحنّي من iiزعـل احضنه (فرحة) طفل في يوم عيد واسكنه (روض) الخزاما iiوالنفل واحتويته ليت لي (قلـب ٍ) iiبليـد ماعرف (فرق) الجزاله iiوالهزل والنهايه مابقـى عنـدي iiجديـد واعذروني صارت ايامـي ملـل حطت الرساله مع الاغراض ونادت ماري تنزل شناطها ام سالم شافت ماري تنزل اغراض سالتها :من اغراضه هذولا ماري :مدام شيخه ام سالم بفرح الحمد لله ماكسر كلمتي وليدي شافت شيخه نازله وجايه صوبها ابتسمت لها شيخه وقالت :يللا ياخالتي جا الوقت الي بترك فيه هالبيت لان ابوي بيطلع بعدشوي ومضطره انطره في بيتنا قربت منها وباستها وقالت :مشكورين على كل شي ياخالتي ومع السلامه طلعت وخلت ام سالم مذهوله من تصرفها كان هاذي اول مره تبوسها فيها شيخه كانت مثل الفتيل الي اشعل بقلبها نوع من الفقدان اجلست تشوف الفراغ الي تركته شيخه دون رجعه في بيت شيخه اوصلت بيتها ساعدتها ماري بترتيب بعض لاغراض ورجعت لبيت سالم رتبت غرفتها وراحت للغرفه الي خصصتها لابوها تاملتها اشكرت حمدعلى ذوقه الحلو اجلست بالصاله وهي تفكر بيقدر ابوها يساعدها انها تنسى سالم حست بمغص شديد قالت انا لازم اروح للطبيب هالمغص مايبرى في بيت سالم دخل البيت وشاف امه سرحانه قال:سلام عليكم امه :وعليكم السلام جلس وصب له قهوه يشربها امه شكله مايدري انها راحت لان لو يدري جان وداها بنفسه خصوصا انه الايام الي طافت مايخليها تروح مع السايق قلت:تسل عليك شيخه ردت لبوها سالم نزل عليه كلام امه مثل الصاعقه قال: شنو ردت لبوها ليش ماقالت لي علاقل اوديها امه :وانا شدراني اسألها عصب وراح لغرفتها يدور له أي دليل يدله على مكانها دخل شاف الغرفه اشلون اظلمت عقب شيخه كانها هي الثانيه متعلقه بحب شيخه لف للمكتب الي تجلس عليه لقاه فاضي مايحمل ألا الذكريات لفت انتباهه صندوق راح له عند شيخه جت لها دلال وراحت معاها للجمعيه تشتري اغراض للبيت وشرت لها ولابوها تلفون وخط تذكرت جهاز سالم الي شراه لها وتركته له في الصندوق اشلون كان ذوقه حلو بكل شي حتى الملابس ردتها دلال لبيتها وراحت عند سالم سالم بعد الي شافه وقراه صرخ بداخله لو شنو صار ماطلق لانها لي لي انا وبس اخذ الصندوق وراح ركض لسواق يسأله عن عنوانها في بيت شيخه طالعت بالساعه لقتها وحده قالت : من بيجيني بهالوقت دلال تومشت وابوي بيطلع الساعه اربع تنهدت وقامت تشوف من الي جاي شيخه صدمها سالم لما شافته واقف عند الباب ومعاه صندوق قالت بخوف :سالم سالم :ايه سالم الي نحشتي منه بدون لا تودعينه حتى شيخه باسى:اسفه سالم ماقدرت اواجهك عقب الي صار سالم دخل وسكر الباب ومسك اكتوفها وقال:شيخه ارحميني ترى مقدر على فراقج شيخه انا جد شيخه قاطعته :سالم تكفى هالموضوع منتهي خلاص حاول تنساني اذا مو عشاني عشان امك الي شفت الفرحه بعيونها لما طلعت سالم بصراخ :مالج شغل بامي لكن انا شتشوفين بعيوني فرح ولاحزن شيخه لفت وراى تبعد عن اعيونه وقالت:مادري سالم بتنهد :ألا تدرين بس ماتبين تقولين عموما مشكوره ياشيخه على احلى شهرين عشتهم بحياتي وهالاغراض الي خليتيهم اخذيهم لاتعتبرينها هدايا لانج ماتقبلين مني هدايا اعتبريها ثمن لشهرين الي استمتعت بقربج فيهم نزل الصندوق وطلع شيخه راحت تركض داخل وهي تصيح الساعه اربع طلع ابوها وستقبلته شيخه بالاحضان تمت دافنه روحها في حضنه ماتبي تبعد عنه ابو كان محوطها ويمسح على راسها شاف بنته اشلون متغيره وباين عليها التعب توقع انه من تعذيب سالم وامه بس الي مايدري عنه ان عذاب شيخه سببه فراق سالم قال:شيخه انا اسف وانا ابوج بس صدقيني باخذ لج حقج من هالنذل هو وامه شيخه ماتبي ابوها يتكلم عن ايامها مع سالم ودها تنسى وصت حمد يبعد سالم عن مواجهة ابوها لانه مراح يرحمه قالت:يبه انسى سالم وامه مابي اتذكرهم خلني عايشه بحضنك الي فقدته ومابي ارجع افقده مره ثانيه ابوها امتلت اعيونه بالدموع من حال بنته والي صار لها بغيابه وقال بقلبه ان ماسودت عيشتك ياسالم انت وامك ماكون خالد (بعدمرور اربع اشهور ) شيخه تعيش في صراع داخلي في قلبها مازال ينبض بحب سالم اشلون تنساه وهي تحمل له في احشاها ذكرى فهي حامل بتؤم في شهرها السادس سالم الي عاش اسوء اربع اشهور في حياته وده يروح يواجهه عمه بس حمد امنعه يقول الرجال معاه القلب مايتحمل أي انفعال وان شيخه الي طالبه منه يقوله هالشي في بيت شيخه كانت توها جايه من الجامعه شافت ابوها جالس بالصاله راحت له اجلست جنبه ورمت نفسها بحضنه ابوها مسح راسها بحنان: ها اشلون الجامعه اليوم شيخه قامت وعدلت جلستها بشويش من تعب الحمل وقالت:الحمد الله ابوها شافها اشلون تعبانه من الحمل وكره هالعيال لانهم قطعه من سالم بس بعدين قال هم عيال بنتي قبل لايكونون لسالم قال:شيخه يعورج شي لايكون هالمقاريد الي بطنج ماذينج ترى اوديج اقرب مستشفى وقول لهم طلعوا هالحمير اذوا ضناي ونور عيني شيوخه شيخه بقلبها عساني منحرم منك احضنت ابوها وقالت:لا حرام مايستاهلون وبعدين ترى حتى هم ضناي ابوها مسك وجهها وقال:وانا من عندي اغلى منج انتي وعيالج حتى لوني مااطيق ابوهم بس بحبهم عشانج شيخه ماتبي ابوهايجيب سيرة سالم بالشينه لانها حامل بعياله قالت :يبه لاتقول هالكلام قلت لك انسى سالم وبعدين حنا الي فرضنا عليه نفسنا غصب من دون رضاه سكت ابوها بعد هالكلام شيخه قالت:يبه دلال كلمتني بخصوص الخدامه والسايق قالت انهم ارفضوا كوني متزوجه ولازم زوجي هو الي يقدم ابوها انقهر من هالكلام مايتخيل نفسه عاجز قدام بنته فهو مايعطونه لان ماعنده معاشتنهد وقال:يحلها ربج ان شالله شيخه:امين في بيت سالم صحى الصبح لدوامه كان نايم بغرفة شيخه من راحت ماينام ألا فيها عشان يشم ريحة شيخه بفراشها لبس وطلع شاف امه بالصاله سلم عليها وجلس يفطر امه بضيق:سالم سالم وعينه بالصحن:نعم امه :سالم انت كان بينك وبين بنت عمك شي سالم رفع راسه اصدمه هالسوال ماتوقعه من امه قال: ليش تسألين امه بنرفزه:لان البنت حامل والناس كلت وجهي بكلامها يوم نكرت قالوا اجل مني قاطعها :لا مو شيخه شيخه اشرف من الشرف نفسه واذا هي حامل فهو مني يعني ولدي امه بضيق:من متى وليش ماقلتلي مو حرام عليك تقربها وانت ناوي تطلقها موحرام تظلم ضناك ام سالم فعلا حست ان شيخه انظلمت بتصرف ولدها سالم الي استغرب اول مره امه توقف بصف شيخه قال: قبل لاتطلع بشهرين وانا مافكرت اطلقها لاقبل لاتحمل ولابعد ماحملت لاني مابي ألاشيخه زوجه و ام لعيالي امه :بس الي شافوها يقولون بشهرها الاخير يعني موست اشهور مثل مافهمت سالم قام وقال بعصبيه :يمه ارجوج لاتمسين شيخه بشي لاني انا زوجها فاهمه يعني شنو زوجها وطلع وخلاها توقف مصدومه من تغير حال . *** ** * رواية يابنت قلبي وين مثله تلاقين قلبن عطاك الحب ماقال هاتيه الفصل الثامن اهتم لاكلها واذا ماكلت اجبرها غصب واذا جيت انام لازم امر عليها وتاكد انها بخير حمد الي حزن من كلام رفيقه قال:بس الي يحب ياسالم مايضرب ويعذب حبيبه وانت كنت تمد يدك عليها ياسالم سالم :كنت اضربها ومسرع ماواسيها بالبدايه ضربي لها كان رد للاعتبار لكن بعدين كان نابع من داخلي لعدم مبالاتها فيني كوني تزوجت كنت اتمنى منها أي تصرف يعبر لي عن عدم رضاها بزواجي لكن ابد كانت تشوف تجهيزات العرس وتبتسم وتبارك بعد تصدق لما باركت لي كنت اتمنى اصرخ بوجهها وقول ماتحسين الي مثلج يعزي مايبارك (حط يدينه على راسه وقال:احبها واتمنى ترجع لي ياحمد وسكت ودي ابكي لين ما يبقى دموع ودي اشكي لين ما يبقى كلام من جروح صارت بقلبي تلوع ومن هموم احرمت عيني المنام انطفت في دنيتي كل الشموع والهنا ما يوم في دنياي دام ان شكيت الحال محدن لي سموع وان سكت ..الناس زادوني ملام (عند دلال) حمد بضيق :دلال حاولي فيها سالم حاله لايرضي عدو ولا صديق دلال :حاولت مافي فايده ترجع له لكن مقابله تقول ممكن لان هي عندها كلام لازم تقوله له حمد :زين رضت علاقل يمكن تشوف حاله وتحن عليه (اليوم الثاني) حمد قال لسالم عن موافقة شيخه انه تقابله طار من الفرحه ولاقدر ينام ذيك الليله اتفق انه يمرها وياخذها من الجامعه شيخه اعصابها متوتره خايفه من مواجهة سالم صارلها شهور ماشافته اشتاقت له موت قالت لابوها انها بتروح لدلال عقب الجامعه خافت من رفضه فماقالت له انها بتقابل سالم اطلعت من الجامعه وشافت سالم واقف اختلت موازينها حنت له وشتاقت لجيباته لها من الجامعه يوم انتبه لها جاها مسرع بخطواته سالم الي كان واقف عند الجامعه قبل طلعتها بساعه يوم شافها ماعرفها كانت متغيره بسبب الحمل ويوم عرفها راح لها ومسك ايدها وقال:اشلونج شيخه شخبارج شيخه الله ياسالم شكثر مشتاقه ليدينك ولمستهم قلت:حمد الله بخير انت اشلونك سالم استانس بسوالها عن حاله قال:الحال مايعلم فيه ألا الله يابنت عمي شيخه حست بغصه من كلامه قالت :بنتكلم اهنيه سالم حط يده على اكتوفها ومشى معاها فتح لها السياره واركبت ومشوا في المطعم اخذ له سالم كبينه وجلس وجلست شيخه اقباله قعد يتأملها الله ياشيخه معقوله الله كاتب لي اني اشوفج وانتي حامل كنت اتمنى اننا مع بعض ونحتفل بهالمناسبه كان مبقق اعيونه فيها وكانه خايف اذا غمض تختفي سمعها تقول:سالم اشفيك احرقتني بعيونك خلنا ندخل بالموضوع سالم ماقدر يشيل اعيونه عنها قال: ماقدر حيل مشتاق ألاصج مبروك ليش ماقلتي لي جذي تحرجيني مع امي شيخه امه درت اكيد هاوشته لانها مايشرفها اكون ام لحفادها : الله يبارك فيك سالم قام وتربع قدام ارجولها تحت الكرسي حط يدينه على بطنها يتحسس ضناه الي بحشاها قال: شيخه موجنه بطنج كبير عن ست اشهور شيخه الي ذابت من لمساته وقالت:اكيد حجمه كبير مو حامل بتؤم سالم فتح فمه باستغراب وزادت دهشته قال وهو ماشال عينه عن بطنها :تؤم قولي والله شيخه اضحكت على شكله قالت :والله سالم :لاجد شيخه تجذبين علي شيخه بابتسامه :والله مااجذب ليش اجذب واذا مو مصدق باجر اذا ولدت بتشوف سالم فز من مكانه وباسها من بين اعيونها وقال:مبروك علينا شيخه بجد مومصدق حاس الدنيا موسايعتني من الفرحه بهالخبر انا بجري تؤم طيب شنو بنات ولا عيال شيخه ياعمري ياسالم لهدرجه فرحان قلت:شنو تمنى سالم بفرحه:بنات مثل امهم حلوه (وقرب منها وباس خدها ) شيخه حست بقشعريره من بوسه قالت :لا هم بنت ولد سالم بضحكه :الحمد الله بنت لي ولد لج شرايج شيخه بتنهد :كلهم عيالي ومابفضل واحد عن الثاني عشان مااظلمهم سالم :انتي وين والظلم وين ياقلبي شيخه مولازم نرد لبعض عقب هالخبر الحلو فلا تحرميني من عيالي وشوفتهم شيخه بضيق :مراح احرمك منهم متى مابغيت اتشوفهم تعال اخذهم لكن اني ارد اعيش في بيتك مستحيل اولا عشان ابوي ثانيا عشان امك مابتقبلني زوجه لولدها وانا خايفه من ردة فعلها لما درت بحملي اكيد بتكره اعيالي لاني ماشرف اكون ام لحفادها هذا الي كانت تقوله سالم مسك كتوفها وقال:شيخه شهالكلام امي لايمكن تكره اعيالي وهي فرحانه بان بيجيها حفيد واتوقع تزيد فرحتها لو درت انهم اثنين واذا على كرها فترى امي سكتت وحست بالوحده عقب رحتي كانت تقول صح الله مارزقني بنات وعمري ماهتميت لهشي لكن من جت شيخه عندنا خلتني اتمنى لو كان بنت لكن ابوج ياشيخه الي ماخلى لي مجال اكلمه وعتذر منه عن اخطاي شيخه بتنهد :خلاص سالم فكنا من هالموضوع وخلنا بالاهم سالم بضيق:فيه اهم من هالموضوع عندج شيخه:ايه سالم انا رحت بقدم على خدامه وسايق ومارضوا قالوا لازم الزوج هو الي يطلب عشان تقرير الراتب واشياء مافهمتها وابوي تدري مايعطونه سالم باهتمام:يعني طول هالمده ماعندج خدامه من الي يقوم بشغل البيت عنج شيخه بابتسامه: لاتخاف علي انت كان لك الفضل عقب الله يوم علمتني شغل البيت وماري بعد ماقصرت من يصدق انت شيخه المترفه حيل تعدلت وصارت مره سنعه سالم مسك يدينها وباسهم وقال:هاليدين مولازم تتعب حرام شوفي من بكره بدال الخدامه ثنتين عشان وحده للبيت وحده لعيالي شيخه حاولت تسحب يدينها من سالم بس هو شاد اكثر قالت : سالم ترى تاخرت ردني للبيت سالم :مو قبل مانتغدى طلب الغدى وتغدوا وكان سالم يوكل شيخه غصب مثل العاده واذا رفضت يقول مو لج لعيالي بعد ماخلصوا وصل شيخه لبيتها بعد ماوعدها ان الخدم بيجيبهم بقرب وقت (في بيت سالم ) دخل البيت الساعه ثلاث العصر والدنيا مو سايعته من الفرحه جلس على الكنب يتخيل ياترى عيالي بيكونون مثلها ياليت ابيهم مثلها بكل شي دخلت عليه امه وماكان منتبهه لها نادته: سالم اشفيك يمه تضحك بروحك سالم فز من قعدته قال: هلا يمه ماشفتج امه:من الي ماخذ عقلك سالم بضحكه :عيالي وامهم منو بياخذ عقلي وقلبي غيرهم امه استغربت من كلامه وقالت : ان شالله رضت ترد لك شيخه كانت تمنى رجوعها عشان ولدها الي حست انه يحبها ويبيها وعشان حفيدها الي بيجي سالم بتنهد :ياليت يايمه ترجع والله لعيشها احسن عيشه امه: لهدرجه متعلق فيها قالت لي غاده وماصدقتها لكن مع الوقت اثبت لي تعلقك فيها يخلف الله عليج ياغاده علاقل لوحملت جان ماخليتها مثل شيخه الي زاد تمسكك فيها بعد الحمال سالم لا والله رحمه من الله ماحملت جان ظلمتها وظلمت ضناي معاها :يمه كل شي قسمه ونصيب والله ماكتب لغاده تحمل وسكت شوي وكمل يمه عندي خبر بيفرحج امه بتعجب :شنو قول سالم وقف وقال:شيخه حامل بتؤم امه من الصدمه اجلست على الكنبه الي جنبها وقالت: سالم تراني معاي ضغط فلاتلعب بعصابي تكفى سالم قام وحب راس امه وقال:يمه والله ماجذب بيجيج بدال الحفيد اثنين امه بجت من الفرحه بهالخبر وقالت :من قالك هالخبر سالم :شيخه بنفسها قالت لي كنت معاها امه بتعجب :كنت معاها تراضيتوا سالم :كنت معاها بس للحين مصره ماترجع اهنيه امه :وعيالنا مافكرت فيهم مو لازم يعيشون عند ابوهم سالم :شسوي يمه انا لازم اكسب شيخه مابي اغصبها على شي ماتبيه وبعدين لاتنسين ان ابوها واقف معاها وماخذ بخاطره من فعايلنا في بنته امه :يعني شنو افهم من كلامك ان عيالك بيعشون بعيد عن عيني سالم بضيق: اكيد دامهم عند امهم بس هي اوعدتني اني كل ماشتقت لهم اجي اخذهم امه بنرفزه: لاوالله طبعا لشتقت لهم بتاخذهم غصب سوا رضت ولا ارفضت تزاهم اعيالك مثل ماهم اعيالها سالم حس ان امه متضايقه من فكرة ان احفادها بيعشون بعيد عنها قال:يمه ادعي ان الله يهدي شيخه وترضى تردلي لان ماينفع ألا الدعوات بعد اسبوع كانت جالسه بالصله تتفرج على التلفزيون واسمعت صوت الباب راحت له لان ابوها كان نايم كانت لابسه ثوب حوامل نص جم وتحت الركبه بشوي وشعرها كانت رافعته بطريقه عشوائيه مشت بتوهن لين وصلت وفتحت الباب تفاجئت بدخول خدامتين لفت وراهن وشافت سالم ببتسامه شاقه الحلج قال للخدامات يدخلون داخل وقف عند الباب وقال: بطول واقف اهنيه ياقلبي شيخه كانت خايفه ان ابوها يصحى ويشوف سالم ذيك الساعه من بيفكه منه قالت: سالم ابوي اهنيه وخاف يشوفك دخل بالحوش وسكر الباب وشاف شكلها عذاب قال:ماعليه علاقل بواجهه لمتى بتمنعيني شيخه بعصبيه :شنو تواجهه انت ناسي ان ابوي معاه القلب ومو مستعده افقده بسبتك سالم حز بخاطره من كلمتها قال: ومستعده تخسريني انا ياشيخه شيخه ماقدرت ترد حست انها اظلمته قالت: سالم اسفه موقصدي اجرحك حبت تغير السالفه قالت :ليش جايب خدامتين وحده تكفي سالم ماشاها بالتغير وقال: وحده للبيت (وقرب منها وحط يده على بطنها )وقال الثانيه لعيالي شيخه حست بكهربه من لمسته وقلبها صار يدق بقوه خصوصا انه زاد بقربه وهمس بذونها :هااشلون اعيالي عسى مايتعبونج شيخه ذابت من قربه قالت :ألا مزعجين مسوين حلبة مصارعه في بطني سالم ارتخى وحط راسه على بطنها يبي يتاكد من حركة ضناه قال: حبايبي لاتعورون ماما ترى بزعل منكم شيخه اضحكت على كلامه وقفت ضحكتها لما سمعت ابوها يقول :اذا عذبوها فابوهم قبلهم معذبها وكل حب يطلع على بذره سالم وقف بعد ماانحرج لان عمه شافه بهالوضع قال:عمي قاطعه خالد:عمت عينك لاتقول عمي انت موولد اخوي انت ولد امك شيخه خافت قالت:يبه هد حالك وتعال معاي داخل وطالعت بسالم بنظره ترجي انه يترك المكان سالم الي انصدم من تهجم عمه ماكأنه الي شافه في المخفر ضعيف وكسير قال:شوف مااسمح لك تسب اهلي خالد بصراخ: لاوالله وشايف انا عادي عندي تسب بنتي وتعذبها انت وامك مارحمت ضعفها وقلة حيلتها سلمتها لك ياسالم من دون لشاورها وبدون أي مقابل بس لاني قلت ولد عمهاو مراح يقسى على لحمه ودمه معني كنت خايف بالبدايه من امك وكرهها لي تدري ليش لاني رفضت اخذ اختها واخذت ساره الي كانت ماتطيقها لدرجة ان اخوي لما ساعدني بالمهر في زواجي راحت من اليوم الثاني تطالب في قدام ساره واهلها وتقول دين وانت الثاني صدقت جذبتها لانها ازرعته فيك من صغرك فما قصرت ياولد اخوي بانك قدرت ترد هالدين بتشغيل بنتي خدامه لك ولامك ماقول ألا حسبي الله عليك( قام يتنفس بسرعه من التعب) شيخه امسكت ابوها تهديه وتبجي وسالم كان مذهول من الحقايق الي كشفها عمه قدامه قام وطلع بسرعه شيخه بين شهقاتهاوهي تهدي ابوها :يبه تكفى هد روحك ترى مالي غيرك عقب الله بهالدنيا وكملت صياح ابوها :خلاص يابنتي لاتخافين علي انا بخير وهالنذل مايقدر يسوي لج شي وراسي يشم الهواى شيخه :هوكان جايب لنا الخدامات ابوها بستغراب :خدامات ومن جابله سيرة الخدامات ياشيخه شيخه نزلت اعيونها وقالت : انا لاني فعلا محتاجه للخدامه وهو ماقصر بدال الوحده جاب ثنتين ابوها ماعجبه الي انقال قال:اكيد جايبهم عشان اعياله موعشانج اعرفه ولد امه بخيل مثلها شيخه حست بضيق من كلامه سالم باخر ايامه اثبت لها كرمه الزايد قالت :يبه سالم مو بخيل والخدامات هو يقول وحده للبيت والثانيه لي عشان الحمل وهو تضايق لاني ماقلت له من البدايه ابوها بنرفزه:وين كان اكرمه هذا من البدايه شيخه :مادري بس لما اقتنع بزواجه مني دفع لي مهر ونفقة السنه والنص دبل حسيت من تصرفه انه بيعتذر بهالاسلوب معني كنت رافضه اعتذاره بس ماشيته لاني كنت خايفه خالد معقوله سالم يدفع مهر وانا الي كنت مزوجه بلاش قال:خوف ومن شنو كنتي خايفه شيخه حضنت ابوها وقالت:من تشتتي وبعدك عني اسكتت اشوي وكملت يبه انا مالوم سالم على الي سواه انت اهنته قدام ربعه بطلبك وحطيته بموقف محرج لان ان رفض بيقولون عنه جبان فما كان قدامه الا انه يوافق وينتقم مني بسبب تصرفك ابوهاسكت ماعرف شيرد لان فعلا كلامها صح هو الي فرضها على سالم بدون مايشاور احد فيهم :عموما انا اسف على غلطتي وهالسالم قولي له ان ابوي اعترف بغلطته ويبي يصحح غلطته فياليت يطلق ونفتك وخلها وراح شيخه من جاب ابوها طاري الطلاق انتفضت حست بحركه قويه بطنها كأن الي بداخله حس بعظم هالكلمه هي كانت مصره على الطلاق قبل لكن من اعرفت بحملها تنازلت عن هالقرار لانها تخاف عقب تطلق يطلبها احد لزواج ويغصبها ابوها عليه فقالت اعيش بعيد عن سالم وانا على ذمته احسن عشان اعيالي (بعد شهرين) سالم عقب كلام عمه ماتجرأ يواجهه خاف من صده وتعقد الامور خصوصا انه حاس برضا شيخه عنه وانها مافتحت معاه موضوع الطلاق من طلعت شيخه داخله شهرها وتجهز هي ودلال الاغراض لعيالها ابو شيخه في صراع داخلي مع نفسه انه اشلون يرد كرامت بنته الي هدرها سالم وامه الساعه سبع الصبح صحت شيخه على العوار الي تحس فيه قامت ماقدرت تحمل العوار اصرخت تنادي الخدامه : ســـــــــــــــــــــــــــــــــــــــــالي الخدامه جت ركض :يس مدام شيخه بصراخ: نادي ابوي بسرعه قالت الخدامه لابوشيخه وراح طلب الاسعاف بسرعه لصعوبة حالة شيخه بعد مده اولدت شيخه وجابت لها احلى بنت واحلى ولد كانوا ملاكين على وجه الارض سالم كان نايم لان ماعنده شغل اليوم ماصحاه ألاصوت تلفونه المزعج قام شافه حمد انقهر ورد بدون نفس:الو خير حمد بضحكه داري انه ازعجه قال: للحين نايم وين عزيمتك لي سالم أي عزيمه متى عزمته :انا عزمتك متى شكلي ناسي حمد بضحكه : ايه اجل يجيك تؤم يالظالم وماتعزمني سالم نقز من فراشه وقال: حمد شيخه ولدت صح حمد بابتسامه :ايه ومبروك ماجاك ياسالم سالم الدنيا مو سايعته من الفرحه قال: شيخه طمني عنها ان شالله بخير حمد حس بشدة اهتمام سالم بشيخه:لا الحمدالله زينه وانا بودي دلال لها شوي سالم بضحكه :حمدترى حلاوتك عندي حمد :اصلا موبرضاك غصب عنك تعطيني حلاوة التؤم ياسالم يالله مع السلامه ومبروك مره ثانيه سالم سكر من حمد وراح ركض من دون أي شعور انه بفنيله وسروال نزل لامه ركض يزف لها الخبر سالم بصوت عالي :يمه يمه امه بخوف:اشفيك تصارخ خير سالم بابتسامه :شيخه ولدت وجابت بنت ولد امه من فرحتها بجت اخيرا بتشوف اعيال ولدها الوحيد كان يوم المنى عندها شوفة عيال سالم خصوصا انه كان دايم ياجل موضوع زواجه قالت :مبروك يمه الله يجعلهم من الذريه الصالحه ان شالله سالم باس راس امه وقال: قرت عينج يمه بشوفت احفادج امه بفرحه :قوم يمه بروح اشوفهم موقادره اصبر سالم بضحكه: ان شالله يمه بس الحين ماقدر اخذج معاي لاني بروح اطمن اول على امهم امه تذكرت انها نست تسأل عن شيخه قالت: ايه صج هي وشلونها ان شالله بخير سالم :بخير بس بروح لها عشان اكون اول واحد يتحمد لها بالسلامه ضحك وراح يلبس عشان يروح لشيخه شيخه توها صحت من التعب طالعت اتشوف وين الممرضه عشان تسأل عن ابوها جت بطق الجرس بس اوقفت لما اسمعت الباب ينفتح سالم دخل ومعاه باقة ورد كبيره شيخه يوم شافته اجلست سالم تقدم منها وباس جبينها وقال: حمد الله على السلامه بس لايكون سبقني احد فيها شيخه ببتسامه :الله يسلمك وتطمن محد اسبقق فيها سالم جاب له كرسي وجلس جنبها وقال: الحمد الله عبالي بعد شيخه بتنهد:سالم ماشفت ابوي وانت جاي سالم :لا ليش تحاتين تلاقينه تعب ورجع للبيت شيخه بضيق: من بيرده اتوقع اخذ تاكسي ورد سالم :مادري ألا ماقلتي لي اشلون صحتج ان شالله زينه شيخه ياعمري ياسالم ماسألت عن اعيالك وسألت عني اول قلت: حمد الله بخير مارحت تشوفهم سالم ببتسامه:قلت اول اتطمن على امهم بعدين هم شيخه :تسلم ماتقصر بس ودي اشوفهم ليش للحين ماجابوهم سالم مسك ايدها وحطها عند فمه يبوسها قال:اللحين بروح اشوفهم وخليهم يجيبونهم لج ياقلبي وقف وباس راسها ولا يدخل ابو شيخه طالع في وضع سالم مع بنته تنحنح التفت له سالم وهو منحرج كل ماشافه عمه بوضع محرج شبيقول عنه مشفوح ابو شيخه قال: سلام عليكم سالم وشيخه يتمنون الارض تنشق وتبلعهم من الفشله قالوا: وعليكم السلام قرب خالد من بنته وسلم عليها وتحمد لها بالسلامه سالم استأذن وراح يشوف اعياله اول ماشافهم حس بحساس غريب لاول مره يحسه احساس ابوه ومسوؤليه شافهم اشلون يتشابهون حط خشمه على خد بنته يتحسس نعومته قال فديت الخدود مثل اخدود امها وراح صوب الولد بوسه وقال حتى انت لك اخدود ياحياتي راح للممرضه وقال لها تودي العيال لأمهم مشى صوب غرفة شيخه شاف عمه واقف وكأنه ينطره دعى ربه انه يصبره وقف عند الباب بيدخل ناداه عمه وقال:سالم متى بتخلص موضوع شيخه ماعندك عذر الحين تقدر تطلق بعد ماولدت سالم لاتكفى ياعمي ألا هالشي قلت: عمي انت ناسي ان بيننا عيال محتاجين لنا شذنبهم يعيشون بين ابوين منفصلين عمه :ذنبهم انك ابوهم وعيالك لاتخاف اصبر لين يكبرون شوي وانا بنفسي بجيبهم يعيشون عندك لان بنتي مومستعده تضيع شبابها بتربية اعيالك سالم انقهر من كلامه قرر بكيفه وربطني ببنته ويوم تعلقت فيها قرر ياخذها قلت: شيخه هي الي قالت لك هالكلام عمه بنرفزه: من غير لا تقول انا قررت وهي مابترفض سالم بتنهد :مثل ماقررت تزوجها لي بدون ماتاخذ راينا حنا الاثنين ويوم حصل ورضينا بهالزواج جيت اتقول تفرقوا لا لا ياعمي انا وافقت لك بالاولى فانسى اني اوافق لك بالثانيه وشيخه لوتم طول عمرها عندك مراح اطلقها تسمع مراح اطلقها قرر يروح لان كلام عمه سد نفسه على انه يدخل عند شيخه وقفه كلام عمه يوم قال: اسمع لاشوف رقعة وجهك لا انت ولا امك فاهم سالم طلع ولا اهتم لكلامه ركب سيارته وهو معصب حده كان يبي يكلم احد ويفضفض له عن الي في قلبه قام ودق على حمد حمد رد عليه بضحكه:الو هلا والله بابو حمد سالم بستغراب :من ابو حمد حمد :انت ولا ماستاهل تسمي علي سالم :محشوم ياخوي بس تدري للحين مافكرنا لهم بأسامي حمد حس بضيق سالم:سالم فيك شي شكلك متضايق سالم :متضايق ألاواصل حدي بعد ياحمد حمد:سالم انت وين عشان اجيك سالم :شوف لنا مكان ونتواعد فيه (في الكافيه الي تواعدوا فيه) حمد يهدي سالم: اهونها ياخوي سالم :قهرني ياحمد اكرهه من قبل والحين زاد كرهي له اكثر حمد:سالم انت ماعليك من كلام عمك المهم مرتك شرايها بكلام ابوها للحين مصره على الطلاق سالم بتنهد:مادري عن رايها اذا كانت مصره او لا بس هي ماكانت عندنا يوم قال ابوها هالكلام حمد يحاول انه يزرع بقلب سالم امل ولوبسيط قال:يعني ماردت وافتحت معاك موضوع الطلاق مره ثانيه سالم :لا مافتحته بس ياخوفي تفتحه عقب ولدت ذيك الساعه بموت حمد باهتمام: تصدق احسها معاد تبي الطلاق سالم استغرب من كلامه: ليش شنو الي خلاك تحس هلاحساس هي يومها ماطلبت لانها حامل وماتطلق ألا بعد وماتولد حمد:مادري احساسي يقول انها مراح تطلب علاقل عشان العيال الي بينكم سالم بنرفزه :ياخوفي اتطيع ابوها ويجبرها تخلى عن ضناها حمد: مايقدر وبعدين مافي ام اتخلى عن ضناها حتى لو تكره ابوهم (في المستشفى ) كانت بوادي ثاني بس قاعده وتأمل في اعيالها وتبوسهم تذكرت سالم انه قال لها بيخليهم يجيبون العيال ويجي بس ماجا معاهم كان ودها انه يكون معاها وهي تشوفهم عشان يقول رايه فيهم حلوين ولالا (عند سالم) حمد الي بيمتص غضب رفيقه قال بضحكه :ألا جد سالم اشلون قدرت بدال لا تحط لشيخه تذكار واحد حطيت لها اثنين علمني وانا اخوك سالم يوم استوعب حمد شيقصد قام وراح له ومسكه مع غولته :قول ماشالله حسبي الله عليك بتنضلني الله يخسك حمد وهو ميت من الضحك قال:ماشالله بس ترى عيني بارده اتركه سالم وضحك على شكله لانه بهذله قال: اذا صار بعيالي او بامهم شي مايفك غير الموت حمد بضحكه :ياخوي قل امهم ولا العيال بدالهم اعيال وانت ماشالله ماتجيب ألاتوم واخذ شماغه ونحاش الحقه سالم وهو ميت من القهر منه انه يتمصخر عليه (الساعه خمس العصر ) سالم بعدما قعد مع حمد وتغدوا حس براحه لان حمد قدر يمتص غضبه بسهوله دخل لقى امه جالسه تنتظره حز بخاطره امه متولهه على شوفة عياله وعمه بيمنعها تشوفهم قال :سلام عليكم امه بعصبيه:وعليكم السلام هذا الي بيجي ياخذني اشوف اعياله من الصبح وانا ناقعه مع ماري المسكينه من درت وهي ملزمه تروح لها سالم شقول يمه عمي مايبي يشوف رقعة وجيهنا : ان شالله بتروحين قال بخاطره الحين لطلعت لبيتهم ماتقدر تشوفهم فخل اوديها لهم بالليل عشان اتاكد من عدم وجود عمي امه:متى بتوديني سالم :بعد المغرب بوديج امه باهتمام :ترى ماري بتروح زين سالم تذكر حب شيخه لماري وحس بالغيره: شحقى تروح امه :لا حرام متعلقه بشيخه وترا حتى شيخه تحبها بعد سالم هاذا الي ذابحني حب شيخه لها :خلاص موافق انه تروح . *** ** *