الحب ثقة - الفصل السادس - بقلم هبة عبد الرحمن | روايتك

واستيقظت هبه على غير العاده في اليوم التالي مبكرا واتت حنان لكي تزعجها حتى تستيقظ لانها تعلم ان هبه لا تحب الاستيقاظ مبكرا ولكن انصدمت حنان عندما وجدت هبه مستيقظه سالتها: ايه ده اول مره تصحي بدري يعني ايه اللي حصل في الدنيا هبه وهي مبتسمه: لا خلاص الوضع اتغير انا دلوقتي هكون مرات المعيد لازم اكون قدوه لبقيه الطلبه ضحكت حنان واعتقدت ان هبه تمزح معها وقالت: اه طبعا يا ستي وماله هو انت حد قدك ابتسمت لها هبه ثم ذهبوا معا الى الجامعه وفي الجامعه وعندما اتى احمد ظلت هبه تتامله وشارده به وكانت تبتسم له وكان احمد مستغرب جدا من تصرفات هبه وانها دائما تنظر له وعندما ينظر لها تنظر في اي اتجاه اخر ولكنه نظر باتجاهها وجدها تنظر له وهي تبتسم يبدو انها شارده ذهب اليها احمد وجلس امامه وكانت هبه ما زالت شارده به وعندما وجدته امامها ويبتسم اعتقدت انه في خيالها وقالت له :انت زي القمر يا مودي انصدم احمد وعلم ان هبه هي من كانت تراسله في المساء ولكنه يبدو ان احمد ايضا اعجب بها ومن اهتمامها به لذلك لم يحرجها مثل ما فعل من قبل وتحدث بصوت هادئ وقال لها :انتبهي للمحاضره ثم عاد مره اخرى الى مكتبه يشرح وكانت هبه مصدومه مما حدث ضحكت لها حنان وقالت لها: انت اتجننتي انت بتعاكسي المعيد بتاعك شكلك كده عايزه تعملي زي تامر وتعيدي السنه بثلاث سنين ضحكت لها هبه وقالت لها :خلي بالك مني ورحمة ابوك يا حنان شكلي كده هورط نفسي في مصيبه اول ما تشوفيني سرحانه كده اقرصيني غزيني بالقلم اعملي اي حاجه حنان وهي تضحك :حاضر يا ستي هلبس نفسي بمصيبه وجريمه قتل عشان خاطرك ضحكت حنان وهبه معا وبعدها عادوا سوا الى المنزل لانهم يسكنو في نفس العماره وفي نفس الدور وبيوتهم بجانب بعضهم ولكنهم قبل ان يصعدوا السلم وقف امجد وقال لحنان وهبه: ممكن خمس دقائق من وقتكم يا انسات ابتسمت له حنان وهبه وقالوا: اكيد يا كابتن كانت هبه تمزح معه على اعتقاد انه اخو صديقتها ومثل اخيها وهو ايضا جارها ولكنها لم تكن تعلم انه معجب بها وقال امجد: خليك واقفه معانا يا حنان علشان لو حد شافنا واقفين على السلم ما يفهمش غلط ابتسمت له حنان وسكتت فهي تعلم ما الكلام التي سيقولها اخيها وتكلم امجد الى هبه وقال :انسه هبه انا معجب بكي وعايز اجي اطلب ايدك انتي رايك ايه انا عارف انك مصدومه ومحتاجه وقت تفكري علشان كده ان شاء الله يوم الجمعه الجايه هسالك في نفس المكان عن رايك وبعدها تركهم وذهب كانت هبه مصدومه من ما سمعت فهي لم تتوقع ابدا ان جارها والتي تعتبره مثل اخيها معجب بها ويريد ان يتزوجها نظرت لها حنان وهي تضحك وقالت لها: ايه يا بنتي انت اتشليتي من الصدمه ولا ايه بت يا هبه انت كويسه قالت لها هبه: هو اخوك قال ايه حنان: قال عايز يتجوزك يا مجنونه وانا هكون عمتك يعني تحترمي نفسك من النهارده وكل يوم تيجي تصحيني وتبوسي ايدي والا كده يا اما هعمل فيها عمتو الحربوقه وهوقع بينك وبين اخويا اه امال انتي فاكره ايه وضحكت حنان وضحكت معها هبه وقالت لها: انت هتكوني احلى حربوقه يا حنان ثم ذهبوا معا الى بيت حنان بعدما غادر امجد المنزل وذهب الى عمله لقد كان اتيا في استراحه الغداء ثم يعود الى العمل مره اخرى فهو مهندس كمبيوتر في شركه كبيره جلست حنان وتكلمت مع هبه: ايه رايك في الكلام اللي قاله امجد اخويا هبه وهي مصدومه :والله مش عارفه يا حنان اقول لك ايه انا بعتبر امجد اخوك زي اخويا بالظبط ومامتك زي مامتي فالموضوع صدمني وانا محتاجه وقت كبير افكر واحب اقول لك ما تتامليش من دلوقتي لان انا ما اعتقدش ان هوافق لان من الصعب اني اشوف اخوك بنظره ثانيه انا فضلت 19 سنه اشوفه اخويا فصعب عليا دلوقتي اشوفه كزوج وحبيب تفهمت حنان شعور هبه وقالت لها: عادي يا حبيبتي خدي وقتك على الاخر وفكري كويس جدا ده قرار مصيري