مبعثرة فيك ~ - الفصل الثالث و الرابع - بقلم مجهول🖤 | روايتك

رواية مبعثر فيك : الفصل الثالث : في الصباح الباكر .. وفي المزرعة .. زينه جات بدري .. وقت بيداوم زوجها .. خلته يجيبها .. لأنها سمعت بالاحداث بوقت متأخر وماعرفت تجي .. دخلت البيت وتنادي: جديده .. الجده: تعالي يمه .. بالمطبخ اسوي فطور .. شالت عباتها وراحت لها .. باست راسها :ع القوه جديده .. الجده رابطه راسها وتسوي بيض بالطماط..: زين جيتي تفطرين معي .. زينه .. واللي بدت تحضر مع جدتها ع طول .. وتحط الجبن والزيتون بالصينيه: ماعرفت انام البارح .. وجوال مهره مغلق .. من جدكم انتوا .. الجده مسكت راسها : ماقمت الا عروق راسي .. جاضه علي .. اختك استخفت..ومير من جينا وهي قافله على عمرها الحجره ..ولاترد علي .. زينه تشيل ابريق الحليب : انتبهي لها جديده .. خفي عليها .. ماتوقع انك نسيتي حالتها من شهور .. الجده بعصبيه: وانا وش مسويه .. لاتلوموني .. انا اشووف شي ماتشوفونه.. زينه وهي تشيل الصينيه .. وتطلع في الهواء الطلق ع الطاوله الخارجية: انا انبهك ياجده ..يعني لو رجعت لهاك الحال وش يطلعها منه .. الجده قعدت ع الكرسي ..: طقيت عليها مساع وحاقرتن .. ماترد .. زينه : بروح اشوفها أنا .. وقبل ماتروح جااهم صووت مهره .. اللي صدمهم : صبااااااح الخيرات.. اللتفتوا .. كانت مهره ببرمودا ماسك لنص الساق .. وبدي كات .. ورافعه شعرها ذيل حصان .. وتبدووو في اشد انواع الروقان .. وشاقه الوجه ببتسامة فتاكة .. زينة تناظرها بدهشة : وش فيك .. مهره تجي تبوسها : مفلله نوووم .. احس بنشاط .. موطبيعي .. الجده تفتح وتغمض وتبحلق: يااامثبت العقل والدين .. مهره بحماس . تضم يدينها في بعض : اففف ايش هالصباح الحلووو .. كشكوشه وزينه في وقت واحد .. وبالليل بيجون حمولتي يخطبووني .. جلست وبسعادة تخووف : يااااربي الله يكفينا شر الاشياء الحلووه اللي ورى بعض .. الجده وزينة يطالعونها كأنها مخلوووق غريب والجده بفهاوه : اسمها شكشوكه .. مو كشكوشه .. مهره فقعت ضحك : جديده .. لازم تحرجين .. تعرفين ماعرف انطقها الا معكوسه .. زينة جلست ولمست جبينها وبقلق: مهرتي .. حبيبتي .. انتي بخير .. مهره تاكل بشهية مفتوحه : اكثر من هالخير ... اكلي خيتي اكلي ..ولا لايكون .. فطرتي مع عبد الأله. زينه بدت تاكل : لاجايه بفطر معكم .. كانوا ياكلون .. ومهره ماسكه جوالها وتفر بالاغاني .. وحطت فيرووز .. (انا لاحبيبي وحبيبي إلي .. ) وقامت تغني .. معها .. وفجأه نشزت : يااااعصفوووره بيضاااااا لا بأى تسألي .. وقامت وصعدت على جدار الحوض كأنها على مسرح .. وماسكه الملعقه بالمقلوووب : اناااااا لسيفي .. وسيفي لإلي .. ياعصفوره بيضاا لابأى تسئلي .. لايعتب حدااااا ...ولايزعل حداااا .. انا لسيفي .. وسيفي لألي .. الجده حطت يدينها على راسها : مهيييير يالبااااازع يالي ماتستحين ..وقدامي تغنين على حماتس ياملعونة الخير .. مهره مستمره وتتغنج وهي تعطيهم ظهرها وترقص بمؤخرتها .. وترفع شعرها .بيدها ... شهقت زينه وبانفعال : مهره وش جاك .. تبين اقرى عليك .. نقزت من الارتفاع ونطة بوجه اختها .. (يااااعصفورة بيضااا لابأى تسئلي..).. راحت خذت الجوال وتدور اغنية ثانيه وهي ساحبه عليهم .. بعدين قالت : الا زينه وش البس الليوم .. لازم طويل صح عشان ياخذون الخطاطيب عني فكرة جيده .. زينه رفعت حاجب وتاكل زيتون .. وبتعجب: يُفضل .. ! مهره .. بعناد طفولي : اجل باللبس قصير .. عندي فستان شاريه لي عساف بالعيد ايام امريكا .. مالبسته جديد بكرته .. احسن مناسبه البسه اللحين .. دامني بعرس عليه .. وفقعت ضححككككك.. شهقت زينه من قواية عين مهره .. والجده بغت تمووت وهي تصيح : وووووجع .. ماتستحين .. تضحكين على طاري رجلتس الله يرحمه .. وبعد تبين تلبسين الثوب اللي جايبه لتس .. في خطبتس على غيره .. مهره بنص عيون : انا باخذ اخووه بكبره .. جات على فستان جديده .. ع العموم ماراح البسه ..مو عشانه .. عشان خاطر سيفي .. زينه مفجوعه: اللحين انتي من سيفي اللي تقصدين .. ولدك..؟! مهره : من جدك انتي .. باخذ سيف الأصل اللحين .. سيف ولدي صار الفرع .. وراااحت صرخت : يالبى رجليييييييي ... خلني اروح ارب نفسي .. لايلحقني الوقت .. واختفت داخل .. صبحااا بجزع : ياااااااابوووووي يامهير .. راحت من كيسنا .. استخفت مهيييير وعليها السلااام ..زينه يمه كلميها شوفيها .. زينه تربت على كتف جدتها: ماعليه جديده .. شكلها مبسووطه .. قالت كذا وهي وجهها انخطف ..مهره مب صاحيه .. انشمخت .. ! ........ (واحشني .. نبي نتلاقى اليوم ).. اول مافتح جواله .. لقى هالرساله من نوف .. دعك عيونه وكان متكي على كوعه .. كتب : ماقدر الليوم .. عندي شغل مهم .. ارسلها .. اتصلت نوف رد .. وبخمول: هلا .. نوف بعصبيه :سيف وش فيك .. وش هالاختفاء .. حتى ع الواتس ماترد .. قام وغطى فارس اللي نايم جنبه .. راح طلع بغرفة جلوس مشروكه بغرفته ..جلس ع الكنب : يالله صباح خير .. نوف بعصبيه: الخير بوجهك .. سيف وش فيك .. شوية اهتمام .. مختفي ثلاث شهور .. وتجي ولا التقيك الا ليلة وبالغلط .. سيف بطفش : والمطلوب ..؟! نوف بانفعال: كنت متوقعه بنتلاقى الليله ونطلع نتعشى سوا .. اتسوق معك ..حسسني اني زوجتك .ياخي.. ضغط على جبينه: الليوم ماقدر .. نوف: ياسلاااام ..! .. وليه .. باختصار وهو يشعل زقاره: مرتبط .. : هيا.. ؟! :لا.. :معقول بيتكم .. ولا صدق اللي قاله فارس .. ورايح معرس من جديد .. سيف وخلاص ضغطت عليه نوف باسلوبها .. : قلت لك انه كان يمزح .. نوف بالحاح: اجل الليوم تجيني .. سيف :قلت ماقدر .. نوف وباين قلبها منقبض: اجل بتفق مع خالتي موضي .. وبجي الليله عندها وعند البنات .. سيف زفر : امي والبنات .. بيطلعون الليوم .. نوف بانفعال: سيف .. وش مخبي .. طيب بكره .. وش عندك .. سيف .. واسلوب نوف يخنقه : لا الليوم ولابكره ولا حتى اللي بعده .. صاحت: يعني فيه شي .؟!.واضح ياسيف .. انك اعرست ولدك ذاك الليوم ماكان يمزح..؟! سيف سكت شوي .. صاحت نوف: ليه قلت انه يمزح وهو صادق ..؟! تكلم ببرود : يوم قلت لك يمزح .. كنت صادق ..ماني خايف منك عشان اكذبه .. ولو ابي اعرس .. مااراح اجي اطق لك الشور .. فارس هاك الليوم كان يمزح .. بس الليوم خليني اقولك عشان تفكيني شر البربره .. والتخمين .. الليوم بروح اخطب وبكره على خير بملك .. واللي بعده بجيبها عندي .. شهقت نووف بقووووه: لييييه سيف ليه .. وانا ..؟! بهدوء: لاتسوين منصدمه فيني .. انا كذا .. انا .. كذا .. مو مسئلة انك آخر وحده خذتها .. يعني حطيتي نقطه .. وختمتي علي .. لا يا أبوي .. انسي .. بدت تبكي : سيف راعي مشاعري .. ايش هالأسلوب الدفش .. سيف ببرود : انتي تبين هالاسلوب .. تدورين وتزنين من صباح الله .. ومسويه شاكه وملمه بالوضع .. انا كنت بقضي من الموضوع واجيك وهيا .. برضاوه وطيب خاطر واعلمكم .. مانتظرتي .. فاخذيها على بلاطه ياقلبي .. نوف بانفعال: ايش. قلبك ياخي.. حجر .. ليه سيف ليه .. لاتفكر اي زفت راح تاخذها بتحبك مثل ما انا سويت .. سيف تنهد .. واستغفر في خاطره : نوف هدي .. ما انكرت حبك ولا انتي رخيصه عندي .. الظروف جات كذا .. تقبلي الوضع .. واخذي الأمور بروح رياضية .. انهارات بكي وهي تتحسب .. وتدعي ان الله مايوفقه في هالزواجه .. ابتسم : جزاك الله خير .. وبيض الله وجهك .. وراح قفل في وجهها .. وحضر رقمها حاليا ً.. لأن من عاداته .. اي شي يزعجه في الحياااة .. بلووووووك .. ! رمى الجوال على الطاوله .. تضايق من مكالمة نوف بشكل .. يبي يصفي ذهنه للموضوع .. الموضوع هذا .. ليس كاسابقه يشعر اتجاهه بمسؤولية جباره .. عدة بنود عليه اخذها بالاعتبار .. (الوعد انه ماينفصل عنها ابد .. وعده لها انها تظل اخته .. جمال مهرة اللي خرط مشطه .. الزواجه هذي راح تكون بمباركة الجميع وحضورهم .. بعكس الزواجات الماضيه .. زوجته هالمره بتظل بيت ابوه .. نفس نجود قبل .. بعكس الزواجات العابره .. كانوا يجون لامه من باب التعارف .. واحيان بالاعياد .. سيف الصغير .. السبب الرئيسي في هالزواجه .. هل بقدر اكون له ابوه واشيل امانة عساف .. ؟!!!) تنهد .. وبعد تفكير مطوول .. راح ياخذ الأمور بايجابيه .. وأولها .. لازم يدعم مهره نفسيا ً.. هم حلوين مع بعض كا اخوان .. وكانت خير مُحاور معه .. بالايام السابقه ..! ليش لا .. بإمكان مهره .. تكون صديقتي واختي ..انا نفسيا ً تقبلت قربها من هالباب .. فاخليني بعيد .. عن سلبيات الزواج هذا .. وقف وهو يقوول : قووو يا سيف .. وفالك التوفيق .. ! ....... بعد شوي .. بالساحة الخارجيه ببيت مهره .. ومع الاجواء الصباحية الحلوه .. مهره جالسه وبيدها مراية وضابه شعرها بمنديل وتحط قناع قهوه وعسل .. وتدندن .. وزينة اللي جالسه ومسنده كوعها ع الطاوله ويدها على خدها .. وقاعده تصورها وهي ماتدري .. زينه : ماشاء الله اثاريك ميته ع العرس .. وتكابرين .. مهره ضحكت بخفوت عشان ماتخرب القناع اللزج: لاتقولين كذا .. بعدين تخدشين حيائي .. ضحكت زينه: وانتي باقي فيك حياء .. ياشيخه انتي ختمتي الوقاحه .. جدتي ارتفع ضغطها .. مهره ومستمره في التوزيع بدقه : وش فيها اذا سويت شوية عناية ..ياخي يمكن خطيبي .. يبي يشوفن نظرة شرعية .. لازم ينفتن من النظره الأولى .. زينه بسخرية: بالله ..؟! .. وين سندس تجي تسمعك .. مهره: جااايه بالطريق .. زينة : كلمتك ..؟! مهره: لا بس شفت سناب مشعل .. حاط دعاء السفر .. وكاتب لديار صبحا .. ولاهي مطنقره لاني مارديت عليها البارح .. مانزلت شي.. زينه : ياااويلك ياويلك .. اجل اكيد جايه بالسلاح .. بتثور في دماغك المصدي .. مرت الجده .. وشافت مهره .. اللي رفعت راسها وارسلت لها بوسه من بعيد .. قامت مسكت راسها ..: الله يجيرك ياصبحا .. استخفت بنت غازي وقعدت .. ضحكت زينه .. ومهره قامت ..وبملكعه: يالله .. حمولتي مستعجلين .. ولا كان جبت لي مغربيه تربني رب وتسوي لي حمام مغربي .. زينه فقعت ضحك : بالله .. انتي شجووك .. مير وقت خطبتك بعساف ماسويتي كل ذا .. مهره وهي ترفع القينز اكثر لمين فخوذها.. لانها بتجلس تسووي سكارب لسيقانها : اي عسااف يازينه .. سيف يحطه بجيبه .. اسكتي يازينه اسكتي .. ومتعمده تقهر جدتها وبخرفنه : طووول .. وهيبه .. واكتاف .. وسامته تشلع القلب .. خشمه ياااااويلي ... ياويلي .. سلة سيف .. وهالعوارض .. واللون يجرررررح . يخزبق .. كذا متناسق مع لوني .. يعني اثنينا اتوقع ممكن نشكل كابلز .. في السوشل ميديا .. شفتي جورج كلوني وامل .. كذا نشوتهم انا وسيفي .. انطططططططعنننننننن..... الجده .. بغت تنجلط ..: مهير .. يامال ال** .. انتي كلش فسختي الحيااا .. تراه اخوو رجلتس .. يامال الطاحن .. عييييب عييييب .. وشق جيب .. مهره وتحرك خلطه في يدها: لاتكررين هالكلام وتجرحين مشاعر سيفي .. عساف مات والله يرحمه ..وبعدين وش عيب .. انا وسيف حبنا شريف وبنتوجه بالزواج .. الجده بانفعال: **فيك وفيه .. مهره : رجاءً .. الفاظك جديده ممكن اتقبلها .. بس ابعدي عن رميها ع الحب .. زينه وهي ميته ضحك: لا الإيجابيه عندك مليون .. جلست مهره ومدة سيقانها وبدت تسوي سكارب ..: طيعيني .. واقتلي عبد الإله ..جد زينه ذبحيه .. لاتصبرين اكثر .. شوفيني ذبحت عساف .. والله عوضني با أخوه .. زينه تجاريها : انتي ذبحتيه .. والله ستر عليك .. اذبح عبد الإله ويعدموني .. لا من الدنيا ولا الآخره .. مهره كذا مبرده وتدهن بالسكارب: لاعاد مخمخي .. واقتليه باحترافيه .. عشان ماحد يدري .. بعطيك طريقه .. صبحا بانفعال: يا عيال التسلاب .. لو يسمعكم أحد صدق .. نعنتن الله عليكم وعلى من رباكم .. مهره وهي تفرك: محشومه جديده .. الا تعالي ماعندك سدر .. يقولون اذا سبحتي ابه تصيرين قششششطه .. قامت الجده : حسبي الله عليك يامهره .. حسبي الله عليك ..رفعتي ضغطي من الصبح .. راحت ومهره ولا اللتفتت عليها .. قامت تدهن ذرعانها برواقه .. وتكلم نفسها: الجده ذي .. استغفر الله .. مب صاحية يبي لها قرايه .. زينة وهي تضحك: والله مادري من اللي يبي له قرايه.. جا سيف الصغير بعد مافطرته عايشه.. ومانتبه قاعد يكلم زينه: ديون .. وينه ألاوتي .. زينه تفتح ذرعانها: تعال عطني البوسه واعطيك الحلاوه .. وبيمشي جهتها .. الا اللتفت لمهره .. اللي متغطية بالقناع .. والسكارب ..وشهق وهو يبعد ناحية زينه ويقوول : أمه أمه .. حوووفين (يمه تخوفين).. مهره بمخها اللاذع.. رفعت كفوفها وعطت وضعية الوحش اللي بينقض: تعاااال اكلك .. هممممم ... سيف ووضعية رودرنر.. وقفز في حضن زينه ..وهو يطالعها برعب .. :أووف (تخووف).. مهره بعباطه : انت اللي تخوف .. ماهو انا .. وقامت وبدلع بنات العز: رجاءً.. لاحد يزعجني اكيد تعبى البانيوو الخاص فيني .. بسوي لي جلسة ريلاكس .. ونادت بنعومة : عاااااااييييييشه ... جات عايشه : ايش فيه ياعمه .. مهره رافعه حواجب: حطيتي الورد بالبانيوو .. عايشه مصدومه: ايووه عمه .. ورد .. أتر .. هذا سابون ريهه هلووه .. كله في الحمام ياعمه .. مهره كذا رافعه كفها .. : تمام .. ذكريني اعطيك اكراميه ..عيوش .. عايشه بغباء: هااا .. مهره : ياااااي ابتلشنااا ..فيك عيوش .. مو عارفه الاكراميه .. بقشيش .. بقشيش .. عايشه بمد : ايوووووه .. بكشيش.. اشرت مهره على غثرتها : شيلي الاغراض ونظفي المكان .. انا عروس ومارفع شوكه عن الأرض.. طبعا ًسيف يطالع فيها بصمت .. وزينه ..ميته عليها .. وع اسلوبها الممتع .. وعايشه ..كذا استاءت .. وكنسلت الجوو الي معطتها اياااه .. قالت: رووووهي اسبه يلااااا ..ولد انتي خووف .. مجنون انتي ألعب قهوه وعسل .. سكر .. زبادي .. انتي هراميه مال مووونه مووهره .. مهره عطته وضعية الـ هه ..! براسها.. ومشت ..! ...... دخلت سندس .. واستقبلتها زينه بالاحضان .. وخذت سيف شالته وبوسته بشووق: وحشتني يالملسووون .. ضم رقبتها بقوووه : ابيبي آلتي .. سندس : وين امك ..؟! شهق : أووف ماما . (تخووف ههههههههههههه) نزلته.. : شلون يعني ..؟! زينه : اسكتي مهره عليها العوض .. سندس تفسخ عباتها وتطالع سيف اللي انطلق مع عيالها آسر وغنى : لاتقولين قاعده تبكي .. لاني انا اللي بغتالها على هالقرار ..الحيوانه اذا هي نست انا ما انسى .. زينه : مين اللي تبكي .. ؟! ..يابنتي افجعت عيشتنا .. جديده صكها صداع راحت انسدحت .. سندس : ليش وش صاير .. سولفت لها زينه .. اتوسعت عيونها وبغضب : ماهوو علي هالحركات ..مهير هذا اسلوبها .. كل هاللي تسويه تداري القمطه ..عارفه انها جابت العيد .. وينها اللحين ..؟! زينة : من زمان وهي في الحمام .. تسبح .. مسوية دلكه مغربيه .. سندس راحت دخلت البيت .. وتوجهت فوق لغرفة مهره.. دخلت لحمامها .. طقت الباب : مهره طلعي .. بدلع : ماااخلصت من الريلاكس تبعي.. سندس رفست الباب بقوه وبغضب : الله يلعنك انتي وريلاكسك.. فتحي لااكسر الباب على راسك .. مهره متحمسه : سندس .. سكتي سويت دلكه صرت بيضه بيضه ..تخسي سنواييت عندي ..قطننننننه !!!!!!... تبين اخلي لك منها .. بيموووت مشعل عليك .. سندس توسعت عيونها وضربت الباب : يا**.. والله لو طولتيها ... لااجيب السبير وافتح عليك واذبحك في قرنتك .. اطلعي .. مهره برواقه: بفتح لك بس على شرط تليفين ظهري ... شقلتي .. سندس بعصبيه : والله يامهره .. خمس دقايق .. ولوو ماطلعتي بيجيك شي .. اندم عليه قبل ماتندمين عليه انتي .. ضحكت مهره وباستفزاز : ياااااااعصبي ... بتذبحين .. الحكومه تشيلك .. تفكرين فوووضى ...ياخي خلاص روحي .. خربتي .. هدؤي .. سندس خلااااص .. هي اصلا ً عصبيه واسلوب مهره ... يعني لو تمسكها تنتفها .. ضربت الباب برجلها وصاحت : هين ياكلبه مصيرك تطلعين.. مهره برواقه: سندس .. خلي عيوش تجهز لي عصير فرش .. قربت اهبط مع الماااي .. تحلطمت سندس وسبتها ولعنتها .. وطلعت من الغرفه .. مهره يوم اسمعت الباب يسكر .. سكتت .. وتغيرت ملامحها .. وبان عليها الحزن .. غصه هايله تحتل بلعومها .. ودمووع هجمت على عيونها .. وهي تنزل راسها وتدخل نصه في الماي .. خايفة بحجم السماء والأرض ..من الخطوه اللي راح تخطيها.. مخذوله من جدتها .. وكيف تواطئت ضدها .. وكيف حللت لسعود .. ان عادي ياخذ ولدها .. !! كم هائل من الرعب .. من القادم .. ومن الزواج بكبره .. بدت ترتجف .. وطرت عليها حدة سيف .. في بعض المواقف .. رغم الجانب اللطيف فيه .. بس برضو واضح انه في جانب صعب .. قامت تقنع نفسها .. ان هي معه اصلا ًبيحتفضون بالبعد اللي بينهم .. واللهم هالزواج عشان الحلال والحرام .. من وجودها في البيت وبس ..! حست اطرافها ثلجت واخدرت .. (حقا ً انا في كارثة .. لايعلم بها الا ربي).. ****** بعد شوي قاعدين بالساحه وبزارينهم تلعب .. والجده .. تشكي الحال من مهره .. وأبد مو مخطيه نفسها .. وسندس .. معصبه .. وكانت تكلم مشعل اللي راح بيخلص شغله ويجي .. الا فجأه .. جاهم صوت من جهة الباب تبع داخل .. من سماعة بلوتوث .. اللتفتوو .. كانت عايشه .. شايله السماعه وتشتغل على اغنية : طلــــع الـــزيـــن مــن الحمـــام اللّـــــه وإســــــم اللّــــه عليـــه ويــا بــو الحطــــه والعقـــال اللّـــــه وإســــــم اللّــــه عليـــه منيـــن صـــايــد هـــالغـــزال؟ ونيـــالـــك يـــابــو حطـــــه ويــا إم التـــوب مطـــرزتيــــــه وحطيتـــي البـــلاوي فيـــــه وعـــن جـــوزك خبتيـــــه ويــــوم الـــزفــــة أطلعتيــه يـــا حـــلالـــي و يــــا مـــالــــي طلــــع الـــزيـــن مــن الحمـــام اللّـــــه وإســــــم اللّــــه عليـــه ووراها كانت تمشي مهره بروب .. وفوطه ملفوفه على شعرها .. ومسكت يدها وهي تنزل العتب .. ابتسمت وهي تروح تسلم على سندس : حبيبتي .. ادري ماتخليني بهالليوم الكبير .. سندس تطالعها بنص عيون .. وباين شحبت من كثر ماقعدت بالماي ..: ماشاء الله .. تقشرتي .. راحت جلدتك .. من التنقع .. مهره جلست ع الكرسي : بس اسكتي سندس رجولي ويديني تعفطوو .. تهقين يضبطون لمن الليل .. ومدت يدينها .. كيف صايرين من الماي .. زينه فقعت ضحك: عنبوك ساعتين متنقعه ..خبله انتي .. مهره تنهدت ..:شنسوي برتوكلات العرس .. جات عيوش جايبه كاس عصير .. برتقال لها .. خذته مهره .. وباين فيها هبوط: حطيتي فيه ملح .. عيوش : ايووه .. هبيبي .. اشرب يلا .. تشرب وزينه : والله ماحد ماعطيك ع جوك مثل عيوش .. سندس كانت واقفه ومتكتفه .. تطالعها .. يوم شربت العصير .. كله وحطت الكاس .. قاعده تطالع يدها .. كيف صارت .. سندس عقدت حواجبها ..وتطالع فيها .. بعدين قالت : اسئلك بالله .. انتي ناويه تكملين هالمهزله .. مهره تغيرت ملامحها للجديه .. وعيونها على كفها وببرود تحته ناااار : اي مهزله تقصدين .. مهزلة جديده ولعانتها .. ولا مهزلة بوعساف في انه اولى بولدي .. ولامهزلة اني اخليه عند اهل ابوه واقعد التقي به شفاقه .. واجلس انا فيذا ابكي على الأطلال .. الجده تدافع عن نفسها: انا ماقلت لك عرسي على اخو رجلتس .. مهره مدت شفتها: ولا وقفتي معي ودافعتي عن حقي في ولدي .. الا رحتي تدعمين في بو عساف .. انك خذتي بنات ولدك من امهم .. والحق له ..وانه ماحد يلوومه .. اللتفتت سندس بحده لجدتها: من جدك جديده .. ترى فيه محاكم الولد لأمه .. اصلا ًالشيخ يخيره.حتى لو ابوه حي.. الجده بحده: الرجل يتكلم انه يقدر ياخذه .. ويقنعن ان اختك تقعد معهم .. انتوا صاحين .. البيت بوه رجاجيل .. وش يقعدها معهم .. مهره والحوار يحتد بين الجده وسندس .. قامت وقفت وببرود: المهم استعدوا حق الليله .. انا بروح غرفتي .. سندس بغضب : اقعدي مكانك خلينا نشوف حل .. مهره ببرود : ماعندي استعداد اسمع شي .. لمن بكره اعقد في المحكمه واجي ونتفاهم .. اصلاً من قال ابي اظل هنا .. بتزوج سيف واروح هناك .. ولو يخطبني سواقهم رضيت .. ولا مقابل هالتفكير الرجعي الأناني .. وديورت وقبل تدخل نادت عايشه : عيوش انتبهي لسيف .. ودخلت وقفلت الباب بقووه .. ***** بالليل .. وفي المزرعه استقبلوا سعود وموضي وعيالهم .. واثنين من عمام سيف .. ولد عمه شاهين زوج جمان واللي يصيراخو نجود الله يرحمها ..وطبعا ًفارس اللي كان كاشخ بالثوب والشماغ .. في المجلس استقبلهم .. مشعل وعبدالإله .. واخو صبحا فلاح .. وكان مشعل هو راعي البيت والمستقبل والمتحدث .. اتصلت عليه سندس .. وطلع من الباب لها .. وبيدها ترامس وبخفوت وعصبيه: شالوضع عندك ..؟! مشعل بخفوت: الرجل .. ماشاء الله .. ولاغلطه .. امير .. سندس بعصبيه : بالله ..من قعده عرفت انه امير .. مشعل بخفوت : والله الرجال تنعرف من مجالسها .. الرجل منطوق .. واسلوب .. ومهيوب .. سندس : لاتعطيهم وجه بزياده .. يمكن اقدر اغير راي الكلبه بعد مايمشون .. مشعل خذ الترامس : الخلا بس .. خلي البنت تروح لنصيبها ..وروحي عند ضيوفكم .. والله الله فيهم .. نوفخت ومو جايز لها دعم مشعل للموضوع ..راحت .. وطبعا ًداخل عند النساء.. كان الكل كاشخ .. وموضي .. تخرفنت على البنات .. كانت تقول : ماشاء الله يا ام غازي .. بناتك يهبلون .. وش هالزين والحلا .. ام غازي : ماعليكم زود .. يا ام سيف .. زينه تقهويهم : والله عيونك الحلووه ياخاله .. موضي: يازينك يمه .. زينه .. وزان كلك .. سندس كانت رسمية .. معهم .. بس كانت تضيف وقايمه بالواجب .. صبحا : وينها اختك .. خليها تجي .. سندس :ابشري جده .. اللحين اناديها .. طلعت وصعدت لمهره فوق .. افتحت عليها الغرفه .. كانت جالسه ع السرير .. بكامل اناقتها .. ومعطتها ظهرها .. سندس .. ومو لازم تشوف وجه خواتها عشان تعرف خواطرهم .. ظلت تحدق في قفاها مده .. ومهره تحدق في نقطه وهميه بالجدار .. لمن قالت لها: اذا هونتي .. لاتغصبين نفسك .. خلك وانا اواجه الموقف .. مهره بدون تلتفت : مابي اظل مع جديده ..سندس قهرتني .. لاوقفت في صفي اني اخذ ولدي معي .. ولا وقفت معي فاني اظل هناك .. صارت ضدي .. سندس : انا معك .. اطلع لك ولدك بالقانون .. ماحد له حق فيه .. مهره وقفت : سيف يحتاج ابو .. ياسندس .. لاصير انانيه .. ضربت سندس الباب بقووه: ماهو سبب .. لاتتخبطين بزياده .. مهره وتوقف عند المرايا .. وترش عطر ورى اذانها وفي رقبتها ..: في شي داخلي متقبل هالزواج .. استخرت ياسندس .. كلشي يقولي صح .. سندس بعصبيه : لاتقعدين تبررين الكارثه اللي بتسوينها بحق نفسك بانك استخرتي .. مهره تمر من جنبها وتبعدها ببرود : الجماعه ينتظرون .. **** اجواء الخطبه .. كانت حلوه وتفتن .. مهره بدت في اشد حالات جمالها .. وموضي حيل مبسوطه .. ومتفائله .. قدموا هدايه فخمه من ذهب وعطور .. ومهر كبير .. وكانت موضي تسئل وش خاطرهم فيه .. وانهم مستعدين لأي شي .. مهره كانت ساكته .. وهاديه .. فعليا ً مستحيه من الوضع ذا كله .. واول مره يمر عليها وتجربه .. بس في شي داخلها خايف ومرتبك .. وغاضب .. تحس كأنها غصبت على هالشي .. بس من غصبها بالضبط ..؟! هي اختارت .. هي رضت.. كيف كل شي صار بسرعه .. كيف بكره بتملك .. وفجأه من خلال شرودها .. جاتها رسالة واتس .. فتحتها .. من سيف : احنا جايين من المسجد صلينا العشا .. الإمام .. يعرفه خالك فلاح .. وعاقد انكحه .. خالك يقول معه توكيل منك .. وبما ان موجود يبينا نعقد الليله دام متفقين على كل شي .. يقول اوجه من بكره في المحكمه .. نعقد في البيت ..رايك أولا ً قبل الجميع .. موافقه الليله .. ولانخلي كل شي على الاتفاق الأولي .. حست ان الأكسجين انسحب منها .. رجفه .. ارتباك .. شحب لونها ... وهي تطالع في وجوه الموجودين .. يسئلها عن قرارها .. لو مشعل سئل سندس .. بترفض .. ولو الخال سئل الجده .. بتقول دام اوجه اجل الليوم .. الكل بيتخذ القرار بدون الرجوع لها .. سيف ارسل : جاوبيني .. نقول للرجال بنعقد ولا بس نقلطه ع العشا .. مهره : انت .. وش رايك ..؟! سيف : انا رايي .. انها ماراح تفرق .. افضل من ملكة الصبح بالمحكمه ويكون وليك الشيخ ..هنا خالك موجود والواضح ان بيسري ع الفجر لانه بيدوام .. مهره : سيف خايفه .. ؟! .احس ببكي .. سيف : مهره .. ايه ولا .. لا .. مهره: انت مقتنع باللي نسويه .. استخرت ..؟! سيف : وارتحت .. اول مره استخير .. في خطبه .. وارتاح .. بالعاده .. اجي بالعكس .. يصك خاطري واقدم على الموضوع .. مهره سكتت : سيف ..؟! .. بطلع من ذمة اهلي وشورهم .. فيك تتحملني وتشيل مسؤوليتي .. سيف : ذا كلام منتهين منه .. الليوم ولابكره اخلصي .. مهره .. كتبت : اللي تشوفه .. !. وقفلت الجوال .. وتبي تداري انفعالاتها .. سندس كانت عاقده حواجبها وتطالعها .. *لاختي مهره فتنة اسطورية .. انيقه وجذابه .. في جلوسها رقي وهيبه .. اميز هذا الارتباك في عينيها .. لكنها تضع ساقا ًفوق اخرى .. وترمقنا بنظرات جميله .. اود ان اصدقها فيها .. اعرف انها تذوب خوفا ًورعبا ًمن الداخل ..! اللتقت نظراتنا .. فاهزت رأسها يعني (وش فيك ؟) هززت رأسي (انتي اللي وش فيك ..) وخلال ايماءاتنا المفهومه لبعضنا .. ارتفع رنين جوال موضي واجابت على سعود .. وجا نداء لصبحا من الخال وطلعت له بره .. مهره خلااااص تمنت الارض تنشق وتبلعها .. خاصه خايفه من ردة فعل سندس .. وخايفه تجيب العيد ..! عند الجماعه .. دقايق .. ورموا الكبار بالمستجدات .. وانهم بيملكون اللحين .. *انطباعي .. صمممممممت .. الجميع فرحان .. والجده أيدت .. اما سندس وزينه .. ياويلي على خواتي .. كأنهم متلقين خبر موتي .. خاصه سندس .. تغيرت ملامحها لأسوء مراحلها .. لم تحتمل اكثر ..نادتني وطلعت .. ولحقتها .. طلعنا من غرفة الاستقبال .. وراحت فيني غرفتي فوق .. مهره بهدوء: ايش فيك سندس .. ؟! .. خلي هالسالفه تقضي .. سندس بعصبيه وغضب وخفوت: لاااااتوقفين مثل الأطرش في الزفه .. بيملكون .. بتاخذين واحد الله اعلم كم وكم اعرس .. مهيييير .. كنسلي هالسالفه .. لا اروح افجر في الموجودين كلهم .. مهره وغصه تكاد تخنقها : سندس خلاص .. انتهى .. عندك شي .. بعد ماملك .. مابي اسمع شي اللحين .. سندس مسكت الجوال وبغضب : مببببب كيفك .. دقت على مشعل ومارد ودقت ثانيه .. ومارد وثالثه ورد .. بس واضح انه فتح الجوال عشان تفهم ان الوضع مايسمح .. توسعت عيووون سندس على الآخر وهي تسمع الشيخ .. يلقن سيف .. والواضح انهم بدوو في عقد القران .. كانت حاطه سبيكر .. وقلب مهره اصبح كالطبووول .. (هل تقبل بمهره غازي بن عضيب زوجه لك على سنة الله ورسوله)وصوت سيف الرجولي (نعم أقبل) .. خانتها رجولها وجلست على طرف السرير .. سندس .. عيونها جمرت وامتلت دموع .. وهي تقفل الجوال ولم تجد كلمة تقولها الآن .. تركت مهره وطلعت عنها .. حطت يدينها على خدودها .. وتحاول ماتبكي .. ماتبي احد يسمع صوت قلبها.. الى اين يامهره .. الى اين ..؟! مسكت ذرعانها بقووه .. ومواقف من عساف تداهمها بقوووه .. كلماته وقسوته (مو بكيفك ..) (غصب ) .. (اللي ابيه بتسوينه ورجلك فوق راسك ..) ( مهره لاتمتحنيني .. اذبحك وادفنك هنااا .. والله حتى جثتك ماترجع لأهلك ..) صراخها وتعنيفه .. مارحمها ولارحم غربتها .. ! ضلت كذاااا مغمضه عيونها .. كان عساف انتهى .. ! كيف الأمور .. رجعت لمجتمع عساف وبشكل أعمق .. انفتح باب الغرفه .. كانت زينه ..بلعت ريقها وبقلق وحنيه : مهرتي .. الشيخ يبي يقابلك عشان يشوف رايك .. يلا تعالي .. خذت نفس طوويل .. وماتبي تبكي .. شالت عباتها من الشماعه : اوك زيون جايه .. ***** مر كل شي كالحلم .. انتهى عقد القران .. الزغاريد ارتفعت من غرفة النسا .. موضي احتضنتني .. وقبلتني بأمومه وفرح .. وتدعوو لنا بالتمام .. وان الله يرزقنا بالذريه الصالحه .. جدتي زغردت وبكت .. احتضنتني وهمست : فالك السعاده ياعين صبحا .. وتسائلت (هل للسعادة وجود في حياتي .. اضن ان السعادة دفنت مع ابي .. فالا أبحث عنها صراحه .. انا ارجو الاستقرار فقط وراحة البال .. وابني .. فعليا ًابني وكفى ) .. زينه احتضنتني بقوووه .. وبكت .. اما سندس .. غابت عني .. وماشوفها .. بعد العشاء ..والقهوه والعود .. موضي والبنات بيمشون .. *صار شي ماتوقعته .. ! همست لي خالتي : سيف بالمجلس .. الرجال طلعوا .. تعالي معي .. خليه يشوفك .. ويقعد معك شوي .. كانت يدي بكفها .. ارتعشت بقوه وانا اقول : ماله داعي خالتي .. لمن اجي بيتكم خلاص .. موضي : هو كلمني .. ومُصر وقال يبي يتكلم معك .. مهره برجا : خلاص يكلمني جوال .. ماقدر خالتي .. صعبه .. يعني الملكه صارت فجأه .. بعد اروح له .. لا ماااقدر .. موضي مسكت يدها .. ووقفتها : مهره .. وش صعبه .. زوجك خلاص .. اللتفتت لجدتها .. اللي واضح موضي ماخذه موافقتها .. مدت لها شال كبير وبحنيه : حطيه على راسك وروحي .. "من البارحه وحتى الآن .. كانت الأمور تبدو كالحلم .. لا أدري لما استعجلنا .. لما عمي سعود .. كان مصر على الخطبه رأسا ً.. هل خوفا من ان اغير رأيي .. او ان يغير سيف رأيه .. كنت اخطو نحو الليوان .. اقتربنا وانزلت الشال على وجهي .. موضي بحنيه : خلاص يمه قضى هالخدار .. زوجك .. تمسكت مهره فيه : خليه .. خالتي .. عشاني .. تنهدت : براحتك يمه .. دخلت موضي لليوان الكبير .. وهي تحوط مهره بذراعها .. وهي تبارك بحماس وسعاده .. وسيف اللي وقف : يبارك فيك يالغاليه .. جا وحب راس امه .. وابتسم وهو يلتفت لمهره وبملكعه: وراه ..؟! مهره ساكته .. ومتمسكه بالشال .. موضي غمزت بعينها : الزين مستحي .. وانتوا فجعتوه بهالعجله .. رفع حاجب .. وعينه على مهره اللي مغطيه وجهها .. ومنزله راسها في الأرض ... قال : طيب يمه اطلعوا لابوي وشاهين.. لاتتأخرون عليهم .. موضي : بتجي الليله .. سيف ..: لا ببيت بفندق قريب .. عشان اخذ مهره بكره واجيبها .. الله الله بالترتيبات .. موضي : على خير ان شاء الله .. وتوها بتمشي .. مسكت مهره معصمها .. :اصبري خالتي .. انا بطلع معك .. رفع سيف حواجبه .. وموضي ضحكت : سيف يبي يشوفك .. اللحين هو يصرفني .. وانتي تبين تلحقيني .. مهره بتمشي : لا والله ماتفقنا كذا .. سيف ناداها : مهره .. ! اللتفتت وابلعت ريقها .. :وش ..؟! ابتسم وضحك بخفوت: خليك ماراح آكلك.. مهره بارتباك مو طبيعي : كلمني جوال وقولي وش تبي تقول .. سيف : بالله .. طيب ابي اشوفك .. ترى خلاص حلالي .. مهره اللتفتت : ماله دخل الشوف .. احنا عندنا اتفاقيات مع بعض .. وفي اسباب لهالزواج .. يعني لاتشوفني ولااشوفك .. طبعا ًموضي اشر لها سيف وانسحبت .. وطلعت .. ولاانتبهت مهره .. سيف وهو يخطو ناحيتها .. :طيب لازم اعرف شكلك .. بكره اشوف وحده بالغلط وافكرها زوجتي .. مهره بدفاع: انت شفت وجهي عند سيارتك امس .. سيف بكذب : ماحفضته .. مهره: حسستني .. انها صورة سناب .. تراك شفت وجهي مباشر .. سيف وقرب منها اكثر .. :كنتي تبكين .. كل وجهك سايح على بعضه .. ماميزتك .. رفع حاجب ..:وبعدين سمعت انك حلووه ..! خطت للخلف: يكذبون .. سيف قرب خطوه: طيب ابي اعرف اذا يكذبون ولا..؟! مهره : وش تستفيد .. خليني سيف ..مسئلة الكشف خلها للوقت .. مو مستعده نفسيا ً.. مسك طرف شالها .. وصارت مهره لو بتروح على ورى اكثر بتطلع هي منه وتبان كلها .. وقفت .. *الشال يشف لي القليل من ملامح سيف .. كان حاجزا ً وحصنا ًحصين عن عينيه .. المربكه .. في الصباح تبجحت .. بهيبته ووسامته .. بل تبجحت .. بحبي له واقتراني به .. اما الآن وهو يسحب الشال عن وجهي بخفوت .. يكاد قلبي يقف .. ثلجت اطرافي .. وبات صريرا ًفي اذني كأني سأصاب بالصمم .. هذه الحاله .. لم تداهمني ابدا مع عساف .. فهل مايحدث لي .. عقدة نفسيه من الرجال .. او شيء مُختلف ..* سيف .. *سحبت شال مهره .. بخفوت .. وبدء وجهها يبان رويدا ً رويدا ً.. وكأن الغيم تجلى وانحسر .. فبان من تحته القمر .. في المره الماضيه كانت تبكي وخائفه .. وتعابيرها ظلمتها .. مهره الان هادئه .. بها حمرة الخجل .. عيناها كالعسل الصافي .. ومع الكحل الأسود .. اصبحتا كالخرافه ...! ازحت الشال عن بقية وجهها .. فأقسمت اني رجل قد يخلف وعده في اي لحظه .. مع مهره .. ! اخذت الشال كله بيدي.... مرت في ذهني إيزيس إنانا ..فينوس وعشتار .. من قال انهم إلاهات الجمال .. وكن يعبدن لإجله .. مهره .. لوكانت من أساطير اليونان والرومان لعبدو جمالها وحده .. رحت اتأملها .. بجرءه مني .. وفضول .. وهي تبعد نظرها عني .. بخجل .. وحياء .. غير معهود من سابقيها .. * مسكت ذرعانها .. المكشوفين الي قلبوو حمر .. وهمست : شفتني .. خلاص عطني شالي .. ومدت يدها بتاخذه .. بس ابعد يده : خليك كذا .. خلاص .. مااحنا متفقين انتي اختي .. جمان وبلقيس .. مايجوني بشالهم .. مهره تنحت وظلت واقفه .. وهو يتأمل ربكتها بابتسامه خلابه .. بعدين جا وحط كفه على ظهرها ..وهي اللي كل شعر جسمها وقف وقال بخفوت : تعالي اجلسي .. خلينا نسولف شوي . .. انا على وعدي .. رفعت عيونها له .. واللتقت في عيونه .. *عينا سيف كانت مصيبه .. عميقه .. حزينه .. لوهلة خطفتني من واقعي .. وابحرت فيها ..* سيف وتحديق مهره فيه بتلك الطريقه .. والواضح انها لحظه غريبه .. هاربه من الخجل .. كفيله ان تسحره .. ! وهو اللذي عربد في الأنثى من اجل الجمال والرغبه ..فقط .. لكن ..مهره .. ما أمهلته .. لشيء منها ..ابعدت وجلست ع الكنب ..وتنهدت : ايام بسيطه .. تفصلني عن يوم اللي جيت في هالليوان وكنت تبيني عشان ورثي من عساف .. والأرض .. كيف الأمور راحت لهالمنحنى .. شي يخوف .. والله ..! سيف خذ استكانة من الصحن وصب لها شاي ..مده : القدر مهره .. الله كاتب كذا .. خذتها منه .. وحست بثقل بقلبها .. : نفس المووت يجي بسرعه .. بدون تخطيط .. ولا انتظار .. يقع فجأه .. وشردت .. عقد حواجبه .. وهو يتأمل نظرتها الضايعه .. والاستكانه بين اصابعها .. ابتعدت بشرودها .. لدرجة غاااابت عن المكان وعن وجوده .. مهره ويمر عليها ملكعتها الصبح .. واستهبالها .. صدها لأي حوار من سندس والباقي عن الخطوه اللي بتخطوها .. كيف ضحت عشان سيف ..! الحياه الجديده كيف .. وسيف كيف بيكون معها .. كيف كانت مخبيه نفسها وسيف ولدها بشكل سري عن هالعايله .. وكيف خذوها بتملك .. وعقد .. بس درو عن وجودها .. بدا قلبها يضيق اكثر .. ويضيق .. وغصه تكتم انفاسها .. كل شي صار ..انا زوجة سيف اللحين .. وانا فعلا ً جالسه جنبه بدون حاجز .. شردت في الطاوله الكبيره قدامها .. في صحون الحلا والفناجيل المستخدمه .. الموضوع جد .. ! الليله كانت ملكتي .. انا كنت حالفه .. ماتزوج .. كيف .. ؟!!!!!! بدت غصتها تتكور اكثر فأكثر حتى كادت تخنقها .. سيف .. كان يلاحظ تغيرات ملامحها وضيقها .. بخفوت: مهره .. وش فيك .. اللتفتت بحده له .. وطالعته بصدمه .. بلعت ريقها .. وقامت حطت الشاي ع الطاوله .. وطلعت بسرعه من المكان .. وشهقت بقوووه في الهواء الخارجي .. وراحت تتنفس بسرعه وكأنها غريق .. للتو طلع من الماي .. راحت توجهت ع اليمين في الساحه الخارجيه ..كان في برادة ماي .. وقفت وخذت الكاس بيد مرتجفه .. وملته .. وراحت تشرب .. بالصاله الداخليه .. كانت سندس لابسه عبايتها والشيله على كتوفها .. لمحتها من النافذه .. قالت بجمود : شكل العريس مشى .. فتحت الباب .. والجده وراها : باركي لاختك .. ولاتضيقين صدرها .. سندس خطت للخارج .. واسمعتها مهره وهي تقوول : وش ابارك عليه .. على الخيبه .. سيف اللي كان طلع من باب الليوان .. وقف ورى حاجز الخيزران والورد الجهنمي .. اللي يفصل بين الليون وداخل البراحه .. مهره كانت تشرب الماي .. ولا اللتفتت .. كانت تغص فيه .. ويدحدر بجوفها مثل الزغوم .. الجده وراها : سندس خلاص .. تكتفت سندس وبسخريه : وملكتي ياخيبه ..والله ماعندك كرامه .. داسك عساف .. ورحتي خذتي اخووه .. اللتفتت مهره .. وبكل حده .. صاحت وهي تكسر الكاس عند رجول اختها : سندس فكيني .. ابلعيها ..اسكتي .. انقلعي لمشعل لا اسمع صووووتك .. خلاص روحي سندس بحده : من وش خايفه .. الى متى بتحرقين نفسك.. اذا انتي نسيتي الحاله اللي جيتك عليها بامريكا انا مانسيت .. مهره بعصبيه .. وخوف بعيونها تسكر اذانها : سندس .. لاتقولين شي خلاص .. خلاص .. سندس بحده وصياح: والله لو عندي من عساف عشره لرميهم بوجه أهله ولا اللتفت .. انتي عشتي مع واحد فاقد اربع وعشرين ساعه .. حرمنا منك .. صوتك ماكنا نسمعه ..الا اذا حضرته وافق وسمح .. هذا والله اعلم وش بعد تخبين عنه .. صبحا بربكه ولعثمه: وش تخبي بعد .. سندس لاتكسرين فرحة اختك .. خلاص .. سندس بصياح: اي فرحه انتوا صاحين .. الكلبه .. زي اللعنه اللي حاله عليها .. طلعت من نار عساف وطبت في نار اخوه .. مزواج .. وراعي مساير .. وعنده ولد طولها .. اسئلك بالله .. انتي وش المعصيه اللي مسويتها عشان هالابتلاء .. سيف عقد حواجبه .. ومسك السور بيده .. ولو بوده دخل طحن سندس .. كيف تصرخ على مهره بهالشكل وبدون رحمه .. مهره ببكى : الكل يطالب بحقه .. والكل يعاند .. ولدي سندس .. مستعده اشتغل خدامه له بس ماخليه .. سيف كان الرحمه اللي جاتني بغربتي .. سيف الجنه اللي صارت لي بجهنم عساف .. عيون سيفي ومبسمه .. اشتريهم بروحي والله .. انا أم سندس أم ..فطرتي لسيف سليمه .. ماهي مريضه زي أمي .. سندس مقهوره عليها : انتي انظلمتي واظلمت الدنيا عليك .. كان صبرتي ..ألف حل وحل .. الدنيا مووفوضى ياخذونه .. رفعت مهره عيونه وبحده وهي تبكي : انتي حضرتي ..الموقف ..في السفاره واحنا محتاسين بجنسية سيف .. وبوفاة ابوه .. وش حرك الأقدار .. وكل شي انحل بسهوله .. اسم جده سندس .. اسم سعود ..اسمه جابه من امريكا ..برايك مايقدر ياخذه .. مهره بوجع اجمعت ذرعانها .. وكفوفها على ضلوعها وببكا مووجع : والله ماتدرون عن اللي فيني والله ..انتي بتصرخين علي وتعترضين .. وتاخذين عيالك وتروحين ..وجديده بتظل ضدي في كل شي مايناسب فكرها وتقاليدها ..روووحي مريضه .. موجوعه سندس .. مابي ارجع لحالتي القديمه ماصدقت اطلع.. سندس بقهر : وش يضمن لك اخوه مايطلع مثله .. الا يمكن يطلع اخس منه .. كيف بتطلعين نفسك من هالحفره عااااد.. صاحت فيها وهي تكمل : اطمري نفسك بغاز واحرقي حالك .. لاتجين تبكين .. مهره نسيتي .. كيف تغصين وتختنقين .. ونقعد نطلبك تبكين .. نسيتي .. كيف تصرخين بالليل .. وماتعرفين تنامين .. نسيتي كم تنومتي بامريكا عشان بس تستردين قوتك وتقدرين تسافرين .. سيف وهاله الواقع والماضي .. ايش بعد يامهره .. ايش .. مهره تهالكت .. على ركبها وهي تسد اذانها وصاحت وهي تبكي : بس سندس تكفين .. والله سيف غير .. والله غير .. سندس تهاوشها : انتي مغفله وراح تضلين كذا .. سطحيه .. اغراك بالكلام .. والوعود .. وصدقتي.. صاحت فيها وهي منهاره : عندي شعور ان سيف غير عساف والله .. خافي الله فيني سندس .. وربي تعبااانه .. جديده سكتيها خلاااص .. جاهم صوت سيف : طريق ياخاله .. سندس اللتفتت ناح صوته .. وتحجبت ودخل وهي تغطي وجهها .. توجه ناحية مهره اللي منهاره بكي .. جثى قدامها .. ومسك يدينها اللي على اذانها..وبصوته العميق اللي اخترق روح مهره: مهره ناظريني .. مهره كانت عيونها في الأرض .. وتبكي ..عاد لها باللهجه اقوى : مهره .. انا هنا .. ارفعي راسك .. رفعت عيونها .. له قال متجاهل الموجودين : اذا ضامتك الدنيا .. قبلي .. سامحيني .. وامسحيها بوجهي .. احنا في الليوم .. واللتفت على سندس.. : عذرا ً بس مهره(واشر على صدره )صارت لي أنا .. ماحد له حق على وجه هالأرض ذي كلها يزعلها .. الا حتى عساف لو يرجع على الدنيا .. ماله حق فيها ... سندس راقبته .. وهو يرجع يمسح دموع مهره .. ويلمس راسها بحنية : خلاص مهره .. تراه يوم .. كثر المشاعر اللي صارت فيه بتدخلك بأزمه .. كانت تبكي .. وتطالع الأرض .. سندس اللي جاتها رنه من مشعل لانه ينتظرها بيبتون بفندق .. باست راس جدتها : تصبحين على خير .. الجده : تلاقين خير .. مهره رفعت راسها لها ووبصوت يوجع وتوسل : سندس .. لاتزعلين مني .. حدقت في عيونها .. فتره .. وبعدين تنهدت : شرهتك ع اللي يخاف عليك عاد .. وراحت طلعت .. ومهره راحت انهارت بكي وهي تناديها .. : لاتروحين وانتي زعلانه مني .. سندس تعالي .. سندس ماالك حق والله .. الجده هزت راسها بلاحول ولاقوة الا بالله .. وراحت دخلت .. تاركه المجال لسيف .. ممكن يهدي من روح مهره المقهوره.. مهره تتكلم بقهر وهي تبكي نفس البزران : هي كذااا .. قاسية كلبه .. تهاوشني وتمشي .. بس ماراح تعرف تنام .. احسن لاتنام .. من الصبح وهي تبي تهزئني .. ماخلتها في خاطرها .. سيف بحنية : اهدي يابوي .. واضح خايفه عليك .. سيف ومايلوم سندس .. سندس دوره مع اخوانه .. ! يجرح .. بس من خوفه عليهم .. مهره وهي تبكي وتأشر على صدرها : طيب خايفه علي .. تصرخ علي كذا .. انا خلقه خايفه ومضغوطه .. واقسم بالله خايفه . ومخذوله.. انا حاسه ان فيني لعنه غريبه .. مالها علاج .. سيف .. توسعت عيونه وبنظره حلووه ..: يعني تهقين لعنتك اقوى من لعنتي .. رفعت عيونها لسيف .. وبدهشه تطالعه .. وكأنها تستوعب كلامه .. فعلا ًسيف حياته منكوبه .. يمكن مختلف عنها ..في نوعية النكبات .. بس الواقع انها وسيف لهم حيااااة غريبه .. مليئه بالغصات والألم .. نزلوا من عيونها دمعتين .. وسيف بحنيه .. خذها وضمها ..لصدره ..وهمس: تكفين مهره .. بطلي بكي .. اوجعتي قلبي .. وش اللي تبينه وتهدين .. آمريني .. *حين اصطدم وجهي بصدر سيف وعطره ..اغمضت عيني .. هالني قلبي .. كيف سيخرج من حنجرتي .. حدثت في عروقي ثوره .. وانا اتنفس بقوووه وكأني احتضر .. ضمني بحنان( وسمى علي) .. فترائى لي ابي .. يااااااااه .. كان يضمني .. فاتضحك الدنيا .. وآمن كل شي .. لإنهزم قليلاً من فوضويتي .. لاهدء .. لأنسى الليوم بأكمله .. بكل غزواته وطعناته .. لأنسى حياتي الماضيه.. والجديده اللتي قصصت شريطها الليوم .. لأنسى ضنوني وخيباتي .. لأنسى كم رفعت سقف التوقعات .. وكم خُذلت .. كان حضن سيف كارثي .. والله لقد انساني .. فعلا ً.. حتى من اكون ومايكون .. ومضه من الاوعي اكتنفتني .. وكأني تحت بنج ..خدر عقلي وجسدي ..كان انيني يخفت ويختفي .. تحت وطئة حضنه..تعبت .. حقا ًتعبت من الدنيا .. * سيف ظل محتويها ويمسح على شعرها .. والواقع ان حس ان مهره كومة اسرار .. واحزان مثقله .. ! كان استشف في الايام الماضيه .. ان حياتها صعبه .. ومرت بمشقات .. بس ماكان متخيل انها اصلا ً انسانه مدمره نفسيا ً.. بعيد عن الزواج وظروفه وعن اعجابه بشكلها .. وعن وعودهم وحدودهم .. الشي اللي وعد نفسه فيه الليوم .. ان مهره .. ماتضيمها الدنيا بعد ..! باس راسها وهمس : آخذك معي ..؟! بعدت راسها وهي تمسح دموعها : لااا ..بظل هنا ..كفاية لهالليوم .. ابتسم وهو يزيح شعرها عن وجهها : خايفه ماترضى جدتك .! .. خلاص شورك عندي .. رفعت عيونها له : خليني استوعب بالأول .. سيف : طيب تمام .. بكره نرجع .. ع المسا .. عشان تستعدين للحفله .. مهره وعينها على زرار ثوبه مو عارفه تدقق بوجه: خاله موضي قالت بنخلي الحفله الخميس عشان ويكند .. صعبه ارجع من اللحين .. رفع حاجب ..وعينه على رموشها: باللعكس .. خليك موجوده .. واختاري كلشي تبينه بنفسك .. وع فكره ابيك تلبسين ابيض حتى لو مو فستان فرح .. رفعت عيونها بدهشه: ابيض ..! من جدك .. تراه زواج شكلي ..ماله داعي نتعمق بتفاصيله .. سيف تعمق بعيونها بعدين قال بخفوت: ماتدرين .. وش مخبيه الدنيا يامهره .. خلينا نسوي اي شي يطري علينا .. عشان بكره .. مانقووول ليت وليت .. بتلبسين ابيض .. وبالبس البشت ونصور سوا .. صوره للذكرى .. ماراح تنقص ولاتزيد .. صح ولا ..؟! مهره :شكله برتوكول لازم في كل زواجاتك .. ضحك سيف .. ونزل عيونه لها .. وبخفوت وعبث: مهره ..!.اسئلي مباشر .. مو كذا .. مهره بنص عيون .. وانتبهت كيف قفطها ..: ايش اسئل .. مافهمت عليك .. سيف رفع حاجبه ونزله : يعني قولي .. اللحين في كل زواجاتك .. لبسوا ابيض .. وانت لبست بشت .. كذا .. ؟! .. مهره بلامبالاه: مايهمني .. اصلا ً.. سيف وهو يوقف : برافوو .. احلى مافي هالارتباط .. مافيه غيره .. ولا فيه اللتزامات .. شكلك بتصيرين انتي وفارس .. الجانب المريح بحياتي .. وقفت قدامه : انا وفارس ..؟! سيف يسفط شماغه ويحطه على كتفه : كان عندي ولد .. وصار معاه بنت .. الله يقدرني .. وافلح في تربيتكم .. مهره توسعت عيونها : ترى انا شكبري ..فاهم الموضوع غلط والله.. حط عقاله على راسه : شفتي وانتي تقولين (ماايهمني اصلا ً).. ورب الكعبه عمرك مايتعدا الست سنوات .. مهره وتمشي معه وتدافع عن نفسها : اجل اقوول يهمني وهو مايهمني .. سيف وهو يطالعها بجنب عينه : لو جا يوم وهمك هالسؤال .. ماراح اجاوب عليه .. مهره : مااراح يجي هالليوم .. ماني فضوليه سيف .. سيف بتحدي : بذكرك ..؟! هي بنص عيون : لاتذكرني .. لأني ماراح انسى .. سيف وقف في نص الممر : طيب ارجعي .. ونامي .. أدل الطريق .. وانتبهي لحالك ولسيف ..وبوسي سيف .. مهره : عاجبك اسمك على ولدي على هالتكرار ..؟! رفع حاجب : انا اقصد انتبهي لسيف ولدك .. وبوسي سيف زوجك .. ماني أهبل اكرر اسم ولدك .. توسعت عيونها .. : اللحين بنتك وهذا حكيك.. عيب .. .. سيف قرب وجهه منها : طيب يوم كنتي تبرين في ابوك .. وتبوسينه قبل تروحين تنامين .. كان عيب .. ؟! احمرت .. من قربه وهمسه .. والواضح ان سيف .. عنده اسلوب مع الأنثى .. فتااااااك .. وهذا اللي مجنن حريمه فيه .. خفضت عيونها ..وبخفوت: ماكنت ابوس ابوي قبل انام .. كان هو يبوسني .. رفع حاجب : يبوسك هو ..بس ..؟! كذبت .. بهمس : بس .. وهي تتخيل .. كيف يعطيها ابوها بوسه على خدها .. وكيف تملي وجهه بوسات .. وقبل ماتستوعب وهي تطالع الأرض .. باس خدها بسرعه : اجل تصبحين على خير .. يابنتي .. رفعت راسها .. بسرعه .. وهو يروح يبتعد الى بوابة الخروج .. ويلوح بيده .. حطت كفها على خدها .. اللي حسته اشتعل نار ... وظلت تطالع في النقطه اللي اختفى فيها .. ومن باب المقارنه .. التلقائيه .. سيف مختلف تماما ً عن عساف .. والمريح في الموضوع كله .. انها ماشافت سيف مع عساف قبل .. ولاشافت حتى اهله .. معه .. فاصاير الوضع .. كأنها مع ناس جدد لايمتون لعساف بصله .. يارب .. فالأنسى عساف .. وكأنه لم يكن ..! ****** دخل الغرفه الي استأجرها .. في فندق قريب من المنطقه .. رمى الشنطه وجلس ع السرير ..حط كفوفه على راسه وضغط بقوووه .. وانهيار مهره يداهم مخيلته .. ايش اللي سواه عساف في البنت .. ليه نفسيتها متدمره كذا .. ضغط على عيونه بإرهاق .. ومسح وجهه ودقنه بيده .. الأمور جرت بسرعه وكأن مهره قدر محتم .. كان لازم يقع عليه .. فتح ذرعانه .. وتخيلها وهي بحضنه .. بلع ريقه ..وهو ينتبه للشي اللي على صدره قام وقف قدام المرايا .. ويشوف بقايا كحلها بثوبه .. تحسسه .. بشرود .. كيف كانت سندس تعنف هالشي الناعم الحساس ..! كيف جدتها كانت صارمه عليها ذاك الليوم .. بالله .. عليهم .. مايحسون ان مهره قضه ترفه اي شي يجرحها ..ويأذيها .. نفض راسه وزفر ..ايش فيني مسوي اعرفها اكثر منهم .. خلاص مهره اطلعي من مخي ..! دخل يسبح .. وصورتها ماتروح عن باله .. وهو يزيح الشال عن وجهها .. ملامحها .. عيونها الناعسه البريئه .. كيف خجلانه .. كيف ماتدقق في عيونه .. اصلا ًكيف كانت مستسلمه لموضوع هالخطبه والملكه .. ومضحية بكل شي عشان سيف الصغير .. وحده بعمر مهره .. ممكن تطمح لحياه جديده وحب .. وتكوين أُسره .. لكن الواضح انها ناويه تترهبن في سبيل سيف .. طلع وكان ينشف شعره .. لما خذ جواله .. ودق على فارس .. ظل شوي ورد عليه وبترحاب: هلاا حيالله المعرس.. سيف: هلابك ابووي .. ها طمني وصلتوا .. فارس : إيه .. بس وينك يبه .. ترى يمكن ماداوم بكره .. سيف: وليه ان شاء الله .. لاتسوي فيها انك تنام بدري .. واحنا ازعجنا سموك .. وتأخرت في نومتك .. فارس : لااااا يايبه ..ماهو كذا .. بس جاي من طريق وتعبان .. وعندي مناسبه .. ابوي مملك .. يعني ظروف عائليه .. سيف يدخن : الخلاا .. وجهز كتبك .. وبتداوم .. ماهو بكيفك .. فارس بانفعال: تكفى يبه .. عشان مهره الجميله .. بس بكره .. سيف بنص عيون : ما أفلحت .. توني مملك ع البنت .. ما أمداها تصير واسطه .. فارس : افففف .. اجل عشان نوف الساحره .. سيف : فارس نام ولاتضيع الوقت .. بكلم جدتك الصبح واتأكد .. اقسم بالله لو غبت .. بياكل العقال من جلدك .. فارس وشكله مجربه : ماكبرنا ع العقال .. سيف وهو يطفي الزقاره : العقال ربى رجال ..فاخلك رجال .. ونام وداوم مثل الناس .. فارس وماله خلق : طيب .. سيف بحنيه : كفوو ابوي .. انتبه لحالك .. فارس : تصبح ع خير سيف : تلاقي خير .. وقفل .. كتب رساله بالإنجليزي إذا استيقضتي اتصلي بي حالا ً.. الأمر طارئ) وارسلها .. لرقم وقفل الجوال .. ******** في صباح لندني مبكر .. صحت ماريا .. فتحت عيونها .. ووقعت على وجه وليد .. حب حياتها .. ابتسمت .. ويطري عليها .. لقاؤها .. في وليد وسيف .. كان في حفل كبير .. مسويه ابوها .. لأصدقاءه .. كان يعرف وليد.. لأن تتلمذ على يده في مجال المزادات والأثار والنوادر .. ماريا .. كانت للمره الأولى بتلتقيه .. في ذاك الليوم .. سيف ويطالع المجتمع حوله.. : يعني وليد .. عارف ان مالي خلق ومالي خاطر على حفلات .. جايبني فيذا .. وليد كان اصر على سيف يجي عنده بلندن بعد وفاة نجود .. في محاوله منه .. يطلعه من اللي هو فيه .. وليد بهدوء : مجتمع حلوو وبيعجبك .. ابيك تختلط في حواراتهم وتركز .. بدخلك في العالم ذا من أوسع ابوابه .. سيف ومافي شي يسليه ولاا ينسيه : بطلع وليد .. حتى الميوزك جابت لي حارق .. ضحك وليد : عنبوك .. كلاسيك .. وش تبي دحه بلندن .. سيف متذمر : ابي ادخن .. عادي .. وليد : خذ راحتك .. بس ياليت تروح عند البلكونه .. مر نادل بصينية فيها كاسات .. شال وليد واحد مده لسيف .. : تفيدك شوي .. سيف بعيون حاده .. وبلهجه بارده : *****.. توسعت عيون وليد .. بعدها مات ضحك : ياكلب .. خف من ألفاظك .. ارتقي يمكن في عرب .. سيف باخلاق معفنه .: على ** انت معهم .. راح سيف .. عند البلكونه .. وقف عند السور .. وشغل زقاره .. ويدخنها بشرود .. كانت مرت سنه على وفاة نجود .. وعمره اللحين ثلاث وعشرين .. طلع محفظته .. فتحها كانت فيها صورة نجود .. رخى اكواعه ع السور وبيده الصوره .. وينفخ الدخان : والله ياللي خونتي فيني يانجود وتركتيني.. آااه يالدنيا والله بدونك ماتسوا .. جاه صوت من وراه : حبيبتك ..؟! اللتفت ووقعت عيونه على جميله بعيون زرقاء .. قفل المحفظه وحطها بجيبه ..: ماهذا التطفل .. هل تعتقدين انه من الجيد .. التلصص الى مافي ايدي الآخرين .. رفعت حاجب ونزلته .. وتسندت على السور : بل انا مهووسه في التلصص حتى الى مافي قلوبهم .. سيف تنهد : هذه وقاحه .. ؟! ضحكت :انت فض .. هل هكذا تعامل ليدي راثبون .. سيف نفخ الدخان في وجهها : حتى لو كنتي ديانا سبنسر ذاتها.. بما انك ِ نبيله .. عليك ِ ان تتعاملي .. من هذا المنطلق .. عقدت حواجبها : هل انت ابن الماركيز ستورن .. ؟! طالعها بنص عيون : هل ابدو لك نبيل .. اصلا ًلماذا خمنتني اني ابن الماركيز.. طالعته من فوق لتحت : وسيم انيق .. حاد .. ومتمرد .. انت حتى لاترتدي ربطة عنق في هذه المناسبه .. هذه مواصفات برنارد .. اللذي سيعرفني به الليوم ابي .. سيف اعجبته السالفه : لقد اصبتي .. انتي حادة الذكاء فعلا ً.. قربت من وجهه ولمسته : لكن .. هل اكتسبت لونك هذا من شواطئ ميلان ... سيف مد لها سيجار .. وخذت وشغله لها : نعم .. ويمكن ان آخذك معي في المره القادمه .. صدقيني .. ستبدين فاتنه والشمس تلوح على جسدك الجميل هذا .. عقدت حواجبها : هل تعتقد اني سأوافق على هذا الارتباط ... وانا اراك تحدق في صورة فتاة في محفظتك .. حتى لو كان زواج استثماري بحت .. سيف واستوعب .. ان برنارد شخص بيضبطونه بهالبنت ويزوجونهم .. قال بعبث : بما انه زواج استثمار .. لابد ان يكون لديك ِ طولة بال .. وتجاهل مارأيته في محفظتي . والمضي قدما ً.. توسعت عيونها : من الوقح الآن .. ! جاهم صوت وليد .. وهو يقول : اخيرا ً رأيتك ِ ماريا .. في الواقع وليس من خلال الصور .. اللتفتت بحده .. تعرف صوته .. بس هاتفيا ً.. ولم يسبق انها شافت له صور .. الابن الروحي لابوها من ثلاث سنوات تقريبا ً..كيف شاركه في مهنته .. وابدع فيها .. ماريا كانت في النمسا عند امها وماتجي .. لظروف دراستها .. بس تعرفت عليه من خلال الهاتف .. شهقت .. : ولييييد .. أليس كذلك ..؟! ابتسم : اذا ً .. تحفظين صوتي .. جات عنده تاركه سيف وببتسامه : كيف لاا ..المنافس الصغير لأبي .. اللتقط كفها وباسها بأناقه .. وسيف يطالعهم بنص عيون ومو عاجبه الوضع .. وليد : مبروك ..نجاحك عزيزتي .. ماريا :سأكمل الماجستير في جامعة درهام .. وسأكون خير من يناطح في الآثار .. وليد : جميل .. اذا ًلديا طالب .. قدمنا اوراقه حديثا ً .. في ذات الجامعه . .. لكن لديه شهادة ادارة اعماال .. ننتظر رد الجامعه .. اذا بالإمكان موازاة المواد .. ليكمل الماجستير .. في علوم الآثار.. عقدت حواجبها : هل انت ..؟! وليد : كلا .. لقد اكتفيت بالبكالوريوس .. وانا حقا ً احرز تقدم في عملي .. انا اقصد ذاك الفتى .. اللتفتت وباستغراب : هل برنارد مهتم بالآثار .. وليد بدهشه يلتفت على سيف : برنارد .. !!! سيف باللهجه بدويه : يااااعونك .. ! استغربت من اللغه .. وبدهشه: ماااذا .. ؟! وليد يطالع ابتسامة سيف العابثه : وش انت قايل لها يا خيبه .. سيف : البنت سوتني ولد ماركيز .. وانا ولد شيخ .. جاريتها واعجبتن السالفه .. ماريا بصدمه: مااذا يقوول هذا ..؟! .. اعتذر وليد منها .. وضح لها علاقتهم سوا .. انصدمت .. ! وهزئته على استغفالها.. وبعد فتره .. صارت ماريا .. صديقتهم الروحيه في لندن اثنينهم .. وخاصه دراستها مع سيف .. استمرت علاقتهم الحلوه سنوات .. لمن تطورت بالنسبه لها ولوليد .. وصارت عشق .. وزواج .. لكن ضلت صداقتها هي وسيف الى يومنا هذا ..!!! ***داعبت ماريا وجه وليد ببوسات خفيفه .. : هيا استيقظ ولنتشارك القهوه في الحديقه .. وليد سحب عليه البطانيه : الى الحجيم ماريا .. .. ضحكت : اغدقك بقبلاتي ..وهكذا تجيبني .. لئيم .. وليد :هل تتعاطين المراونا .. لم ننم الا القليل .. الليوم أحد اجازه ..نامي .. جميلتي .. قامت : لاأريد .. حسنا ً سأقوم ببعض التمارين الصباحيه .. بعدها أوقضك .. خذ المخده حطها على راسه .. : افعلي ماشئت .. *بعد شوي ماريا .. بترنغ رياضه في حديقة البيت .. شغلت جوالها كانت تبي تسمع ميوزك .. الا لقت رسالة سيف .. على طول اتصلت .. ظل يرن فتره .. لمن رد وهو نايم .. : هلا .. ماريا باعربيه مكسره بسخريه : هلا والله .. ضحك : يالله صباح خير .. ماريا : اخبرني وليد انك فعلتها البارحه .. سيف انت مريض .. تعالج نفسيا ً.. سيف بنعس : كم الساعه الآن ..؟! ماريا : الثامنه لدي ..انها الظهيره لديك .. سيف : انتي مُبكره ..انه الأحد ..لابد ان وليد نائم .. ماريا وتسوي تمارين احماء : اكيد اهذا سؤال ..؟! .. المهم مالأمر الطارئ .. اللذي تريده .. استعدل في جلسته وقال : اريد ان تعيريني ذائقتك قليلا ً في انتقاء ثوب .. عقدت حواجبها : اي ثوب هذا ..؟! سيف : ثوب انيق .. ناعم .. من دار ازياء جميل لايهم كم يكلف .. المهم اريده ان يكون ابيض .. او درجاته.. اريده ان يكون في السعوديه خلال ثلاث ايام .. توسعت عيونها : ثوب زفاف .. ؟! .. خلال ثلاث ايام .. وليد كان يقول لي اني اتعاطى المارونا .. انت تتعاطى الهيروين سيف .. سيف : لم اقل ثوب زفاف .. ولا اريدك ان تخيطيه ..ثوب سهره .. باللون هذا.. انه مجالك ماريا التسوق والفاشن .. لن تخذليني .. صاحت : سيف .. الوقت قصير .. اطل المده قليلا ً.. او اشتره من عندك .. سيف : لااعرف التسوق هنا ابدا ً .. ثم اني اريد شيء مميز .. لاتقتلي حماسي ..وقومي بما اقول لك .. ماريا ومابيدها حيله : هل للفتاه اللتي تزوجت ..؟! :نعم :غريب .. انت اناني في هذه النقطه .. كيف اقتنعت بإلباسها الأبيض .. : فقط شيء في نفسي .. انها ملاك يستحق الإبتسام .. اريد ان اسعدها .. ولا أدري ان كنت استطيع .. :تستطيع عزيزي .. اتمنى ان يكون زواجك هذه المره مختلف .. ربماا تكون الحب اللذي تاهه في الطريق اليك .. ربما آن للحب ان يلتقيك .. تنهد : لاترفعي .. سقف التوقعات .. أنا أنا وقلبي لن يتغير .. ماريا بنص عيون : لك قلب اسود .. كاللون الفحم .. ضحك : ظالمه ..! ماريا : حسنا ً ارسل لي القياسات التقريبيه .. وارسل لي صوره .. لارى ماللذي يلائمها .. سيف: لا أملك لها اية صوره .. هتفت : عليك اللعنه ياسيف .. هل يتزوج احد بمرأه ليس لديه صوره لها.. في ذاكرة هاتفه.. سيف : كفي عن انتقادي .. مهمه ثانيه .. هناك تاج .. في خزينة المعرض .. سأقوم بالتنسيق مع آرثر .. خذيه منه .. ليكن مع الفستان خلال الشحن.. عقدت حواجبها : اي تاج تقصد ..؟! ببرود قال لها اي تاج .. وكان ماخذه من مزاد ويعتبر من الآثار .. شهقت : رويدا ً على عقلي .. هل تريدني ان ارسل شيء كهذا في الشحن .. هو : ليس لدينا وقت .. ليسافر احد ويحضره .. صاحت : اذا ً فلتلبس زوجتك اي تاج ..انت الآن لاتحبها .. فقط تريد مساعدتها على الإبتسام .. ابتسم : نعم ..؟! ماريا وجننها : اذا عندما تحبها فعلا ً .. ستضع ثروتك .. بين يديها .. انت تبالغ .. سيف : ماريا .. قبل الشحن .. قومي بتأمين عليه.. وركزي ان يكون الشحن من ضمن الاشياء الثمينه .. ولاتوضحي انها آثار .. فالليكون في الوصف ألماس فقط ..هناك فاتوره من محل للألماس .. لدى ارثر ايضا ًموثقه وتنفع للتمويه .. لن ينتبه احد .. ماريا : وليد سيقتلك .. سيف : ماريا افعلي ماطلبته منك ِ.. وفي اسرع وقت .. ماريا : حسنا ً.. الى القاء .. سيف : الى اللقاء .. وقفلوا .. ماريا تطالع الجوال : مجنووون ..!!! وبدت تجري ..وتتمرن .. ***** رواية مبعثر فيك : الفصل الرابع : شردت مهره من نافذة السياره .. وكانت في المقعد الأمامي في سيارة سيف .. بترجع معاه . لبيته .. وسيف الصغير نايم ورى .. من شوي .. بعد ماكلمها وقال بيمرها .. كانت سندس وزينه جالسين ع الطاوله بره .. يشربون شاي العصريه .. جات لهم بره وبربكه : سيف بيمرني ..اللحين .. وبروح .. زينه بحنيه قامت لها وضمتها: بعد قلبي .. ان شاء الله زواجة الدهر والعمر .. سندس ضلت معطتها ظهرها وتشرب بالاستكانه بدون تلتفت .. ابتسمت مهره بتأثر وبوست زينه : بفقدك زينه .. عاد امانه .. لاتخلون الخميس تعالوا حفلتي .. زينه وخلاص بتبكي ..راحت ضمتها من جديد .. : اكيد يابعدهم .. واحنا نقدر نخليك .. الليوم بروح واطق لي هاك الفستان الزين .. فرحانه عشانك والله .. بلعت مهره ريقها بغصه وتطالع ظهر سندس : سندس ..بتجين صح ..؟! مالتفتت عليها.. كررت برجا : سندس .. قولي لي انك بتجين .. ردي علي .. زينه ببتسامه تدف مهره لداخل : بتجي .. غصب عنها .. روحي جهزي قبل يوصل سيف .. قلتي لجديده ..؟! مهره باحباط وعينها على سندس : قلت لها .. قاعده تطلع ذهبي عشان اخذه معي .. زينه : تمام .. بدلي وحطي لك ميك اب خفيف .. يلا حبيبتي . وهم في الصاله الداخليه .. مهره : تكفين زينه كلميها ..تسويها سندس وماتجي .. زينه : يابنتي ماعليك منها .. يلا لاتتأخرين ع الرجال .. ويصير ممشاكم كله ليل .. مهره : طيب زينه لبسي سيف .. في بدله كويتها له ع الكنب .. زينه: ابشري ..من عيوني .. مشت من عندهم .. وسندس .. تحاشت تكون موجوده لوداعها .. يالله وش قد زعلانه منها .. !! اللتفت سيف عليها وهي شارده وحب يتحرش فيها ويطلعها من حزنها : الوووو .. اللتفتت وابتسمت بخفوت: هلااا .. سيف : وراه يابنت .. وش هالصمت .. قولي شي .. هزت كتوفها وبحيرتها وضياعها : مادري والله وش اقول .. اللتفت وعطاها نظره .. ومد يده لخدها.. قرصه : قولي اي شي .. اسئلي .. صيري فضوليه .. شفتي بذا الطريق .. لو تامرين على خصوصياتي طرحتها لك بدون تحفظ .. ضحكت : مُصر ان ميته واعرف خصوصياتك .. رفع حاجب : والله يامهره .. اني اعرض عليك شي .. بتدورينه مع الأيام .. بس هي فرصه وبتقضي مع وصولنا .. مهره : ياشيخ ..؟! سيف وبثقه بنفسه : انتي الخسرانه والله . . مهره بدلع عفوي : باللهي لاتفكر اني كذا بتخرفن وبقولك تكفى .. الكلام هذا ..مثلا ً ممكن يغري نوف ..هيا .. بس انا لا .. مد شفته ورفع حاجبه : طيب وان قلت لك .. العرض ذا لم يسبقكِ عليه احد .. مهره كذا تكت كوعها على التنده وتتكلم : تبي تقنعني .. انك ماتجاوب على فضول زوجاتك .. من قبل .. هز راسه نفي : لا .. ! مهره تبي توقعه: يعني لما تجي من نوف وتقوولك هيا .. وش عشتك نوف ..؟! .. ماتقول .. سيف : ابد .. مالها دخل .. كل وحده لها حياتها الخاصه ..مالثانيه حق انها تعرف .. مهره : طيب تمام .. خلينا من عشى نوف .. لما نوف تقولك .. وش لبست وانت رايح لهيا .. رسمي شماغ وكذا .. ولا كاجوال .. تجاوب .. ضحك : يهمك تعرفين .. ؟! مهره : ايش اللي يهمني . انا اضربلك مثال ..تجاوب على نوف ولا .. سيف بمكر : ماجاوب على نوف.. بس لوتسئلين اللحين هالسؤال بجاوب ..بما اني معطيك الضوء الاخضر .. مهره : طبعا ً ماراح يهمني .. اسئل .. هذي خصوصياتك اللي ماتعنيني .. سيف : بس يمكن خصوصياتك تعنيني .. فلازم تجاوبين .. لو سئلتك .. مهره :بالله .. اضف لشروط هالزواج ماحد له دخل بخصوصيات الثاني .. سيف ببرود وابتسامه طالعها بجنب عينه : طيب خلينا نجرب ..لابسه قميص او بادي . مهره بنص عيون : ايش دراك يمكن فستان .. سيف بمكر ..: شفتك لابسه بنطلون جنز . بين وانتي تركبين .. مهره توسعت عيونها : مااااشااء الله ..!!!!!! سيف : واللحين جاوبيني .. بدي .. ولاقميص.. مهره ..: وانا قلت مالك دخل في خصوصياتي .. لازم تلتزم بالشرط .. سيف : بس انا ماوفقت عليه .. مهره تتسند وتتكتف : اجل انتظر اللي بيجاوبك .. سيف وبدون مقدمات .. سحب عباتها من فوق بخفها .وفتحها .. وقبل تستوعب .. سحب بلوزتها من فوق .. والقى نظره : قميص .. كنت متوقع .. شهقت وهي تضرب يده وتضب عباتها : سييف ..!!!! ابتسم وهو يرجع يركز في الطريق : ماراح انتظرك تسمحين لي بخصوصياتك .. لابغيت اعرفها .. جاوبي ولا اعرف بطريقتي .. تكتفت .. واسكتت ... حس ان مزاجها تغيير .. وقفلت .. تنهد : مهره .. ياخي ابي افهمك ... والله قصدي . احرك جوك .. واغير مودك .. وراه زعلتي .. مهره بخفوت : مازعلت .. بس فاجأتني .. قالت كذا وهي تضب صدرها .. سيف ربت على راسها : دعابه يابنت .. لاتصيرين قفل .. مهره :لاتنسى سيف اني كنت زوجة اخوك .. سيف .. كذا تغيرت ملامحه وبعصبيه .. فاجئ مهره : كنتي .. مهره كنتي .. فعل ماضي ..بس الواقع انك زوجتي اللحين انا .. انتي اللي انسي انك كنتي زوجة اخوي .. توسعت عيونها : بالله .. كيف انسى .. تراه اسباب زواجنا هالسبب .. سيف وهو يسوق : ممكن سببك انتي .. والعايله .. بس انا لا .. انا تزوجت عشانك .. ولا انا وش يعنيني اذا ربى سيف عند ابوي .. او عندك .. الولد له مني مايقصره شي .. من دريت انه ولد اخوي ..لمن آخر يوم بعمري ..بس في شي في نفسي مارضا انك تنظلمين .. حاجه بروحي مو راضيه انك تضلين مع جده اخذلتك .. ولا راضيه ان ابوي ياخذ ولدك .. قبل هالعقد ممكن اي شي يصير .. وماكون راضي فيه .. بس مالي حق امنع .. اللحين لو ابي .. شلتك من البيت انتي ولدك .. وعشتي بعيد عن الجميع .. حتى لو ماكون معك .. بس ابن امه يمنعني .. تأثرت وهي تهمس : ليه سيف .. ليه تسوي كل ذا عشاني .. سيف : شوفي انا دعمت عساف اول ماراح امريكا .. ابوي طرده .. لان عساف كانت بوادره دمار .. حاولت معه .. وكان يوعدني بالتغير .. وسوا مشروع .. وكنت ادفه ماديا ً .. انقطع عن التواصل معي كثير .. وكان يتصل احيان اذا احتاج .. ماكنت ادري .. عن حياته وش يسوي بالضبط .. ولا حتى وين ساكن .. ومن معه .. ابوي عنده بيت بامريكا ..كنا نروحه احيان .. نجلس فيه خلال شغل .. شي .. رحت كذا مره .. واكون متوقع انه فيه .. بس مع الأسف .. ماكان يجي فيه ..وذا دليل ان عساف فلت مره وحده .. ادري انه مدمن كحول .. وان راعي خرابيط .. وادري انه دفش .. وباختصار عساف سيء في التعامل .. مع اني الوحيد اللي كان يحشمني .. بس مو معناه انا بأيده .. او بكون في صفه .. فابناء على طريقة زواجك التقليديه .. منه ..اقدر اخمن انك انصدمتي فيه .. فايليت تنسين الايام الصعبه معه .. وانا الله يقدرني واسعدك .. توها بتتكلم وتعترض.. قاطعها: ماراح اخلف وعودي معك .. متقبل وجهة نظرك ومع انك حلوه يامهره .. الا اني انسان مسيطر على مشاعري .. ان ماجابني الحب لك .. ماراح يعميني جمالك .. ذا وعدي لك .. مهره احمرت .. وقلبها يخفق .. رفع حاجب .. وطالعها بجنب عينه : بس هاا .. الواقع انك زوجتي .. مهره شهقت وبانفعال : انت مثل اللي يوديك البحر .. ويرجعك عطشان .. ضحك : ايه عشان ماتأمنين شري .. توعى سيف وناداها .. ويقول انه جوعان .. سيف : اووووه تصدقين نسيته .. مهره خذت حليب من شنطتها .. وراحت لفت بجذعها لورى عشان تعطيه ..: حبيبي انت ..اشرب فديتك .. سيف وقربها .. بهالطريقه اربكه .. كانت ريحة العود بشيلتها .. وعطرها .. كفيل بلحظة سكينه حلت على روحه .. سيف: وين اللوح ماما .. مهره : بيت جدي سعود .. شهق بسعاده ويقول : فالس .. (فارس).. ابتسم سيف .. ومهره قالت : ايه فارس هناك بعد .. وارجعت جلست .. : كيف مع فارس هوو .. سيف : ممتاز .. يعني لو مستقبلا ً.. هاجرنا من بيتنا .. بتكون عندنا أسرة .. متحابه .. مهره بنص عيون : ومن قال بهاجر معك .. انا بقعد مثل السدره بيت عمي سعود .. سيف : تمام .. عاد من قال اني اطمح اهاجر مع وحده مزاجيه .. متخبطه هي نفسها ماتعرف وش تبي .. شهقت وسوت نفسها متأثره : طعنتني بدون سكين .. ! .. تقصد اني .. ماعندي قرار .. واني مطفوقه .. قلها ع بلاطه ..يعني موافقتي على هالزواجه .. طفاقه .. سيف بثقه:اتوقع انه القرار الصائب الوحيد .. اللي اتخذتيه في حياتك .. فجعها : إيششششش ..؟! .......... وصلوا وبعد استقبالهم .. صعدوا عشان يبدلون وينزلون للعشاء..سيف راح غرفته وهي غرفة عساف .. دخلت .. وكانت الخدامه ترتب في ملابسها بالدولاب اللفاضي .. دارت بعيونها .. في المكان .. ارتاحت حيل .. لما شالوا كل شي يخص عساف منها حتى الصوره الكبيره تبعه .. رتبوها بمفارش جديده حلووه .. بالوان دافيه وناعمه .. تنهدت بارتياح .. الخطوه هذي .. اسعدتها .. ودعمتها نفسيا ً للحياه الجديده .. ! بدلت ولبست فستان ناعم .. وحزام جلد .. فكت شعرها .. وميك اب خفيف .. طالعت نفسها .. وهي تتعطر .. انتبهت لجيبها .. الواسع شوي ..وراحت ضبطته وهي تتخيل حركته بالسياره ..وردت خدودها.. وقفت بنص الغرفه .. محتاره ومستحيه .. تنزل كذا .. او تحط عليها شال .. تنهدت وخذت جوالها .. وطلعت .. انصدمت لما لقت سيف واقف متسند على الجدار المقابل .. وعينه في الجوال .. والواضح ينتظرها .. رفع عينه لها .. كيوت وناعمه.. ارتبكت :فكرتك نزلت .. سيف :قلت يمكن تستحين .. تنزلين لحالك .. فقررت انتظرك .. خذت الباب وسكرته .. وراحت جهته ..ومبينه مرتبكه .. وعينها في الأرض .. سيف عينه على ملامحها .. ويوم وقفت قدامه .. قالت : سيف زين شكلي كذا .. ولا احط شال على راسي .. ابتسم .. ومارد .. رفعت راسها وتلاقت عيونهم .. همس : كنتي تلبسينه عشاني في البيت .. اللحين من تلبسينه عنه .. بخفوت : مادري .. سيف: من متى كنتي تدرين عن شي .. توسعت عيونها : لاتسوي نفسك عرفتني من يومين.. رفع حاجب وبرود: تمام لاتعصبين ..يلا ينتظرونا ع العشا .. مشت معه وهي تقول : الغرفه تجنن .. غيروا كل شي .. تصدق ..ماكنها غرفة عساف.. سيف بهدوء وهي تمشي جنبه نازلين : غرفتك هذي .. ماعادت غرفة احد قبلك .. ولو في شي تبين تغيرينه عطيني خبر .. ابتسمت وهي تقرب منه وذراعه يلامس ذراعها : سيف .. شكراً.. بلهجته الحلوه : على ..؟! كانوا وصلوا تحت ..سكتت .. بهدوءه: قولي مادري .. ابتسمت وناظرته: لااا .. أدري ..شكراً على كل شي.. ثواني مرت فيها نظره عميقه .. قطعها سيف الصغير .. وهو يسحب فستانها : ماما .. قتوه .. ماتت .. نزلت عيونها له : هاااا .. شلون ماتت .. سيف وهو يفهمها وبيبكي: ابي قتوو . فالس .. قول لي .. ماتت .. ضحك سيف وهو يشيله : يكذب عليك .. سيف بقهر : ابي قتوو.. راح سيف ناحية الجلسه .. ومعه مهره .. وقال : فااارس .. ؟! فارس يلعب قيم بجواله : هااا .. سيف : وين شيلي .. جبها لسيف يلعبها .. فارس : شيلي شكلها حامل .. اجيبها للورع الدفش ذا بتسقط .. بلقيس : يالكذاااب .. مين الحامل .. فارس وعيونه بالجوال :والله مشغووول .. جلس سيف .. : قم جبها .. تجمل مع ولد عمك يلد .. فارس :بغرفتي .. ناد سونا تجيبها .. بلقيس : سونا مع امي في المطبخ .. فارس: قومي انتي طيب .. بلقيس : اللحين انا اللي اشتغل في هالبحث .. اقوم .. وانت يالفاضي .. ماتبي تقوم .. سيف : فروس قم استح على وجهك .. سمي ابوك ياحيوان .. المفروض طلباته مجابه .. سيف جالس في حضن عمه ويطالع فارس ..ويترقب انه يقوم .. رفع فارس عيونه له .. وطفى جواله .. وظل يناظره .. بعدين قال : بجيبها .. بس لو مشعتها مثل هاك الليوم بمشعك ..وانتف شعرك .. مهره كانت واقفه : سمعت سيف ..ماتلعب بشعر القطوه .. هاك الليوم قامت تصيح .. سيف : احبها قتووه .. ابيها .. قام فارس : طيب قم نجيبها .. نزل من حضن سيف وتمسك بفارس وصعد معه .. وهو يهدد فيه .. وسيف يتمسكن .. وانه بيصير عاقل .. مهره : انا بروح اساعد خالتي .. مسك يدها وسحبها جنبه .. وجلسها : خليك .. بلقيس ابتسمت ..: هناك سونا وجودي .. مع امي .. تدلعي ياعروستنا .. وش يوديك المطبخ .. مهره بتسائل : وينها جمان .. ؟! بلقيس : جا شاهين خذها .. تعرفين بيان مدرسه .. مايمديها تظل اكثر .. مهره : ايوووه .. الله يعينها .. سيف رجع راسه على ورا واسنده ع الكنب .. وغمض عيونه .. وظل ساكت وباين تعبان .. بلقيس تطالعه بحنيه .. مهره حست ان فيه شي ..اشرت لبلقيس .. بكلام صامت : وش فيه .. نايم ..؟! هزت راسها نفي .. وهمست : تعبان .. لانوو .. وكملت بس مافهمت عليها مهره .. عقدت حواجبها ..واشرت (وش ..مافهمت؟! ) بلقيس اشرت بجوالها .. وافهمت مهره وافتحت الواتس .. كتبت لها : (سيف يصدع حيل في الطرق الطويله بالسياره .. هو كذا من توفت نجود بالحادث في طريق الديره ..) .. فتحت مهره عيونها متأثره .. وهي تطالع بلقيس .. بعدين اللتفتت عليه .. وهو على وضعه .. وحاط ذراعه على عيونه .. بلقيس شالت الاب واشياءها .. وهمست: بصعد الاغراض وانزل .. ورقت .. مهره ظلت تناظر سيف .. مايتحرك ..لدرجة فكرته غفى .. وضعه وهو مغمض ترك لها المجال .. للانغماس في ملامحه .. (وسامته شاهقه .. وانا معرضه للسقوط .. هل من حبل أمان يشدني.. !).. همس بدون يفتح : ترى اشوفك .. ارتبكت وهي تناظر الجوال ..كانها تتصفح فيه .. وقالت : هااا .. كيف يعني .. فتح عيونه .. وطالعها بنص عيون وطالع جوالها: طيب اذا كنتي بتمسكين الجوال مقلوب .. ع الأقل حطي التدوير التلقائي .. غمضت عيونها بقوووه .. من الفشله .. ابتسم : خلاص ماكني انتبهت .. تنهدت واللتفتت عليه : وش فيك سيف .. باين تعبان .. عيونه كانوا مرهقين .. وداكنين .. دعكهم باصابعه: مافيني الاالعافيه .. مهره : صدااع ..؟! سيف تنهد : اشووي .. : اجيب لك بنادول .. : خذت فوق .. شوي ويخف .. مهره قلقت عليه وانشغلت .. وهي تسترق النظر له كل شوي .. وهو يشتغل على جواله .. رفع عينه لها وكانت تطالعه ..ابتسم : والله يخف .. انا رفقه مع الصداع من سنين .. مدت شفتها .. وبتردد : طيب طفي الجوال .. لأن راح يزيد مع تدقيقك .. هو : شغل مهم .. والله .. : ماراح يطير .. ضحك ومبين عليه التعب :لا يطير ..لازم اعطي مدير اعماالي .. بعض التفاصيل .. في شروه تهمني .. وهو اللي بيقوم فيها بغيابي.. مهره بسخريه : مدير اعمالك ..!! شوي شوي يابراد بيت .. توسعت عيونه وضحك : كنه ماهو عاجبك .. مهره : لاماهو عاجبني .. انت ايش شغلك بلندن عشان يكون عندك مدير اعمال .. تمثل ..؟! سيف : ياشيخه ..! مهره : ايه وضح لي ..! سيف : مو بس الممثلين والفنانين اللي معهم مدرة اعمال .. ابوي مثلا ً مدير اعماله .. نواف اخوي .. وهادي.. مهره : بالله .. وليه ماصرت انت مدير اعماله .. مبسوط على خيبتك .. سيف ضحك وبدهشه: وش دخلني بشغل ابوي .. هو له مجال وانا لي مجالي .. من زمان وانا مستقل بنفسي عن ابوي .. مهره بنص عيون وسخريه : ياعصااامي ..!!! سيف : عصامي وغصب على خشمك .. مو مثل اللي عندها شهادة احياء وتطارد تبي تشتغل في مختبر .. شهقت .. كنها مطعونه وتمسك قلبها : جرحتني .. ياقااااسي .. ترى شهادتي قويه .. بس الحظ مقصر .. سيف : بالله حد يدرس احياء .. وش كنتي تسوين .. تشرحين ضفادع .. وتحنطين صراصير .. ايش هالميول .. مهره تدافع : والله التخصص حلوو وممتع .. انا احب الحيوانات .. والطبيعه .. انت وش عرفك عاد .. سيف ومستمتع وهو يسولف معها كذا مباشر .. مو بجوال .. ولا متغشيه.. قال : تبين تقنعيني هذا الشي الوحيد اللي تحبيه .. ؟! مهره : لحووول .. لاتكرهني بتخصصي .. شوف في اشياء احبها .. واحب ابحر فيها .. بس مافي لها تخصصات هنا .. فانا اكتفيت باني اتعلمها بنفسي واقرى عنها كثير .. تسائل باهتمام ..: مثل ايش ..؟! مهره بلعانه: مالك دخل .. سيف :هين يامهره .. ؟! هي : طيب انت .. وش ميولك .. وش درست .. وش شغلك بالضبط .. رد بنص عيون : مالك دخل .. مهره كذا مو مهتمه .. وتاخذ مكسرات تقشمها : ترى ماراح اترجاك .. سيف: وحتى لو ترجيتي ماراح اقوول .. مهره تكسر اللوز باسنانها: يااااخبر الليوم بفلوس .. بكره ببلاش..!! ....... وليد يطالع التاج ع الطاوله .. ومعه اوراق وتعهدات .. من بين اسنانه : وهل انتي مجنونه .. لتفعلي ماطلبه منك .. كيف اخرجتيه واتيتي به .. ماريا واقفه ومتكتفه : لقد كان مُصر .. لو لم افعل ذلك .. لطلب من آرثر فعله .. انت تعرف سيف .. لن يتوقف على رأيي او رأيك .. ضرب وليد الطاوله :ماريا لاتتصرفي وكأنك حديثه في هذا المجال .. اخراج مثل هذه القطعه من الدوله .. قد يؤدي لمسائله قانونيه .. ماريا بانفعال: القطعه لاميره المانيه بروسيه .. ليست من بريطانيا .. اعرف ما افعله .. ثم ان سيف اخيرا ً يتصرف بشكل دافئ .. وخاص .. لندعمه وليد .. لقد باتت العناكب في قلب هذا الفتى .. وليد ضغط على جبينه .. وغمض بقووه : كيف سترسليها بالشحن ..؟! .. ماريا : لقد اخبرني سيف ما افعله .. سأرسلها بفاتوره .. معتمده من احد محال الالماس ..هي والثوب .. سأقوم بتأمين ايضا ً.. صدقني سيصل .. وليد بانفعال: اللعنه على التأمين والتعويضات .. قيمة التاج ليست ماديه ماريا .. تاريخه فوق القرن .. ماريا راحت جلست جنبه وضمت ذراعه : وليد انت جدي اتجاه هذه الامور لعملك في ادارة المتحف .. لكن الواقع .. استخدامها بهذا الشكل.. هذا مايجعل لتاريخ تلك القطع امتداد .. فلنقل ان العائله الملكيه البست ابنتها سيسلي ..هذا التاج ..في حفل زفافها قبل قرن .. سيف يفعل ذلك الان .. وكأن التاريخ يعيد نفسه .. اختاره لمناسبه تُخلد .. فالندع الفتى يقوم بذلك .. ثم انها قطعه ليست ملك المتحف .. هي ممتلك خاص بسيف .. وهو حر بالتصرف بها .. وليد بعصبيه : انتي متفائله جدا ً بالنسبه له .. ماريا ابتسمت : وانت فعلا ً متفائل .. الم تدعم موضي في هذا القرار .. وليد : ماريا .. سيف يقوم بهذا الوضع الخاص بدافع .. اسعاد الفتاة فقط .. لانيه له بالتقرب والحب ابدا ً.. داعبت خده باناملها : ومع ذلك .. هو يقوم بتصرف غريب عليه .. تنهد : سأساعدك على ارسالها .. ليس لأجله .. بل من اجل تفاءلك .. ضمته بسعاده : حبيبي .. ...... نجود: طيب انا ابي اروح ..احس حيل واحشتني الديره .. وعماتي .. سيف : برد نجود والديره تلقينها ثلج.. فارس على طول بيمرض .. نجود ومصره تروح : لاا اصلا ً فارس بخليه .. اتفقت مع امي موضي وبتخليه معها .. هي اوب رايحه .. سيف بعصبيه : نجود من جدك .. كيف يطاوعك قلبك تخلينه .. متعلق فيك .. نجود واصرارها الغريب : طيب شلون اقطع الوصل مع اهل ابوي .. دامك بتروح انت وشاهين بروح يعني بروح .. سيف .. : وانا مابيك تروحين خلك مع فارس .. هي بعناد : سيف ترى اول تروحون وتجون انت وشاهين بس ..اللحين فيه نجود .. وبروح .. كان مايبيها تروح ..!! كان بيكنسل الروحه بسبب شعوره والضيق اللي جاه من اصرارها .. بس توسلته وترجته .. انها مشتاقه لجدها وجدتها .. وراحوا .. وسبحان الله .. لاشافت الجد ولا الجده .. كان غفى. .وغرق بهلوسة الماضي ...فتح عيونه .. وتنهد بثقل في قلبه ..وراسه مو راضي يفك الصداع منه .. جلس ونزل رجوله في الأرض .. وضغط على راسه بقووه . .خذ بنادول.. وشال بكت الدخان وجواله .. وطلع من الغرفه وجناحه كله .. جلس في الصاله الفوقيه .. ولع له زقاره .. ونفخ الدخان وهو يرخي راسه لورى .. هدووء وظلام الا من بعض اللمبات البسيطه .. توه بينفض الرماد في الطفايه .. الاشاف ايباد سيف المكسوره شاشته .. ظل يحدق فيه .. بعدين فتح جواله واتصل .. ردت بخفوت : هلا .. سيف : نايمه ..؟! مهره : لا والله جالسه اقرا .. سيف: طيب تمام .. اطلعي يمي انا بالصاله اللي فوق .. ماعطاها فرصه ترد او تعترض .. قفل الاتصال .. ظل شوي الا انفتح باب غرفتها .. ومارفع راسه .. سمع خطواتها .. وهي تجي ناحيته .. وقفت على بعد مترين منه وكان شارد بنقطه وهميه .. بقلق: ماخف الصداع ..؟! حرك عينه .. وطاحت على اقدامها الحافيه .. رفع نظراته لنص سيقانها اللي باين من البجامه الحلوه اللي لابستها .. واستغرب من الكنزه المفتوحه اللي عليها .. قال: ترى صيف ..؟! مهره جلست على الكنب المنفرد : انا اسئلك عن صداعك وانت تتريق على كنزتي .. ابتسم :ماتريق والله .. بس ايش جوك .. مهره : الغرفه بارده .. مره .. بدهشه : من جدك من ذاك الليوم مافيه ريموت .. مهره : قبل امشي كان فيه .. يوم جيت مادري وين حطوه العاملات بعد مارتبوها .. ماكتشفت ان الغرفه بارده حيل الا والكل نام .. عادي ترى البطانيه ثقيله .. بس انا ابالغ وابرد .. سيف سكت شوي وبتسائل: وش اللي ماخلاك تنامين الى الان .. ؟! مهره تنهدت :ارق .. افكر بكل شي .. ابي استوعب .. احس حياتي قاعد يصير فيها اشياء غريبه وسريعه ..يعني شفت لما عجوز تكون مرت بكل التجارب في سنينها.. انا احس خلاص كل شي حصل .. لو اموت .. اكون كفيت ووفيت.. سيف : بسم الله عليك .. جعل عمرك طويل .. ابتسمت ومدت شفتها : عساه اذا بيطول براحة البال .. ولا قبورنا اولى فينا .. سيف نفخ الدخان : يائسه ..غلط .. مهره : تبي تقنعني انك متفائل.. سيف بعمق وعينه على وجهها الجميل اللي يخلو من اي ذرة مكياج : يقول افلاطون (الحياه أمل .. فمن فقد الأمل .. فقد الحياه ) مهره بلامبالاه : يتفلسف .. ضحك : اذا ماتفلسف افلاطون .. من يتفلسف .. انتي ..؟! مهره : والله احيان الواحد .. يفقد الأمل .. عتامه ياسيف .. ونعيش .. مو عشان فيه امل .. عشان بس خايفين من عذاب الله لانتحرنا ... عقد حواجبه: ايش اللحظات .. اللي بقى عندك بس الخوف من الله .. مهره بشرود : سيف شفت لحظات اللي تحس تبي تموت ..هذا اللي بقى عندي شعور الخوف من الله .. بس في لحظات اسوء ..مرحلة بعد موت عساف .. انا كفرت استغفر الله .. صار عندي قنوط .. سيف مرت فترة قمت ماصلي من الجزع .. الفترة ذي .. كان تمسكي بالحياه .. مو الخوف من الاخره .. كنت افكر بسيف الصغير .. لو انتحرت بيموت من الجوع والبكي .. ومامعنا احد ..هناك .. انصدم .. :عطيني تفاصيل مهره .. ابي تفاصيل حياتك مع عساف .. كلها .. مهره هزت راسها نفي وابتسمت بوجع : خلي الجروح مقفله .. انتهت باللي فيها .. سيف .. كان يدقق في ملامحها الموجوعه .. وهي تدارك المها: قلي كيف راسك اللحين ..؟! سيف : ورب البيت الصداع لعب فيني .. غفيت شوي .. وكوابيس .. وهلوسه .. صحيت مو متحمل اظل بالغرفه .. لاحظته مهره .. كيف مبين تعبان من عيونه: طيب كان رحت الدكتور يمكن عندك الضغط مرتفع .. سيف:لا .. احيان يمسك معي بس احسه طولها .. وضغط بابهامه وسبابته فوق خشمه .. مهره رحمته .. قامت وخذت منديل فرته : خلينا نسوي اجتهادي .. ونشوف .. وقفت قدامه .. ابتسم وهي تقول: ارفع راسك .. : وش بتسوين .. قربت المنديل من خشمه وبعد.. ضحك: خبله انتي .. جلست جنبه وبترجي وهي تقرب يدها : والله بينفع .. يلا سيف .. هو يبعد يدها وماسك معصمها: لااااا مهره .. وش دخل خشمي .. اعقلي . مهره وتبي توصل لخشمه : بنطلع الابخره من راسك .. ضحك :تستهبلين .. مهره: جرب .. ماراح تخسر،شي .. هي عطسه .. خلاها بتردد وهو ماسك معصمها وهي تدقدق خشمه.. مهره بابتسامه وترقب .. تغيرت ملامحه .. وهو يقول : بس خلاص خلاص. بس .. وصلت .. وعطس عطسه كارثيه .. وتلتها ثانيه ..مهره تضحك : طاح السقف علينا .. سيف بيتكلم وعطس ثالثه .. وهي تضحك.. وقفت عطساته .. ومسك جبينه .. جلست جنبه وبترقب : ها بشر .. تحس خف .. رفع حاجب .. وطالعها بجنب عينه .. : والله لو انه سحر كلها عطسه .. مهره: والله تعطي مفعول .. اسئلني ..خلينا ننتظر شوي ونعيد .. سيف : يعني انتي تبين تساعديني .. هزت راسها ايجاب .ببراءه.. سيف : ابعدي شوي .. بتقوم .. قال : خلك .. زيحي اشوي .. سوت مثل ماطلب .. فاجأها .. لما انبطح .. وحط راسه على فخذها ..ارتبكت وتلعثمت ..:سيف ..! غمض عيونه في محاوله منه للاستكنان.. : مهره .. مسجي راسي شوي .. تعبان والله .. تأملت قربه .. وحرارة راسه على فخذها .. عينها على لمحاته .. وعينه اللي مقفله .. وقلبها يخفق بشكل غريب .. حتى انها حست بالنبضات اللي بوريد عنقها .. رفعت يدينها لجبينه وبتردد حطت ابهاماتها في مقدمة راسه .. وهمست : تمام .. بتخيلك جديده اجل .. ابتسم ومازال مغمض .. وهي تمسج راسه وقال بخفوت : وش معنى .. جديده ..؟! مهره واصابعها في فروة راسه وتحركهم فيها : انا امسجها كذا لو صدعت .. عاد جديده يوميا ً مصدعه .. ويبي لها مساج.. ابتسم وهو مغمض ومسترخي مع حركاتها : اذا كذا بغير اسمي .. من سيف الى جديده .. ابتسمت.. وهي ترجع تدلك جبينه وتمر على اعلى انفه .. : عاد مو يوميا ً امسجها .. اغلب شي اعطسها وامشي .. فتح عيونه .. وتلاقت بعيونها القريبه .. وهمس: لا عاد انا ابي البند الثاني .. مهره تحاول تتحاشى عيونه .. ومستمره .. بتدليكها المريح .. ومسكت شعرات راسه .. وتشدهم .. على فوق .. ورجع غمض .. *طوقتني انامل مهره باستكنان عجيب .. كنت اشعر بحركاتها .. وكأنها تنومني مغناطيسيا ًعن كل ماحولي .. فلا اشعر الا بعطرها الخلاب .. ودفئها .. وقلبها اللذي اشعر بنبضاته في بطنها القريب من خدي .. هاهي تصل بتدليكها لخلف اذني ..فاتضغط بابهامها.. وتنزل لعنقي .. من تلك النقطه شعرت انها تُخرج همي .. !! واعادت تلك الحركه .. فاشعرت ان ضيقي فقاعه .. وفجرتها .. عادت بلماستها وكأنها مايسترو اروكيسترا .. تحرك مشاعري كامجموعة عازفين ..! همس من خلال استرخاءه: ياحظ جديده ..؟! ماتكلمت .. ولافتح عيونه .. مهره استمرت في حركاتها .. على راسه .. وحس حتى بلمساتها على جفونه .. تذكرت جدتي لما مره قالت ( .. لاجا احد يمرخك .. لازم يكون يحبك عشان تطيب .. لو كان واحد حاقدٍ عليك .. والله ياسيف يمرضك .. مايريحك) ..! ****** مشعل يناظر ظهرها وهي منطويه على نفسها .. وعساس انها نايمه.. همس لها : هي بخير .. نامي ياسندس .. تنهدت بغصه: مانتظرت ع الأقل تروح يوم العشا اللي بيسونه .. تتصرف بعشوائيه .. خايفه عليها والله .. لمس ظهرها .. : خلينا ندعمها .. لانخذلها اكثر .. حتى لو تصرفت بطيش ومافكرت .. لازم نكون القوه عند مهره .. سندس .. حتى لو ماتوفقت .. لو طاحت من جديد .. بنمسكها .. غمضت عيونها بقووه .. وحستهم ناااار .. من الدموع اللي طاحت .. : مشعل شعوري بمهره نفس شعوري بغنى والله .. احسها بنتي .. كيف وضعها الليوم بحياتها الجديده .. كيف هالسيف معها .. نامت اللحين ولامتضايقه .. سحبها عنده .. وضمها من ظهرها .. وهمس عند اذنها : صدقيني امورها طيبه .. عساف كان حاله شاذه .. اخوه غير .. لاتبكين يابعد حيي .. وباس رقبتها .. همست سندس : احسني قسيت عليها حيل .. راحت وقلبها في حضني والله .. ضحك مشعل : ياخي اختك .. وش هالقسوه .. سندس وهي تبكي : قاهرتني .. ضمها مشعل اكثر ..وهمس : خليك معها .. انتبهوا تتخلون عن اختكم .. (اغمضت عيني .. تخيلت مهره بالمريول الكحلي في الصف الأول .. كنت انا في الصف السادس .. لم اتوتر في حياتي مثل الاسبوع الاول لمهره .. لم اركز على الدروس .. ولا الشروح .. كنت استأذن كثيرا للذهاب للحمام .. لدرجة ان معلمتي شكت ان لديا سُكر .. بينما كنت اتوجه .. لصف مهره .. والقي نظره عليها .. لاانسى صورتها وهي تجلس على الكرسي الأول .. وعينيها مكسوره من الشمس .. كانت ترفع كفها اللتي تضمها بريالات الفسحه .. لتحجب الشمس عن عينيها .. اتذكر اني تلفتت .. كيف تنعكس الشمس .. بهذا الشكل؟!! .. وجدت خلفي برادة مياه فضيه بمرايات هي اللتي تعكسها.. وتضايق عيني صغيرتي العسل .. ذهبت ولم اسئل احد تصرفت .. ازحت لوحة اعلانات وجعلتها موازيه .. للبراد .. مهره انتبهت لاختفاء الاشعه ..فجأه .. "اللتفتت تشوف .. وشافتني .." يالله .. كيف ابتسمت بسعاده .. وكأنها تراني وانا عائدة من سفر طويل .. بينما .. تفصلنا ساعتين منذ لقاءنا الاخير .. لووحت لي .. وارسلت لها قبله .. وارسلت لي كثير من القبلات ..وهي ترميها بيديها الصغيرتين .. ثم ذهبت .. قبل ان تلحظ معلمتها .. وخوفا من تأخري .. في الحصه ..! زينه ومهره .. صغيراتي .. رغم فارق العمر البسيط .. نعم مقهوره .. من رعونتها .. ومما اقدمت عليه .. لكني لا أتخلى عنها ابدا ً..! ****** مهره تستلقي على بطنها ..على عشب ممتد .. وخلفنا بحيرة ويندرمير .. رأسها يرتكز على كفوفها .. وتحدق بي بعيناها الآسره ..وابتسامه خلابه .. وكأني اجلس مقابل لها .. واتأملها بدوري.. وقلت : كيف لندن .. اعجبتك .. سكتت وماردت .. هو :مهره .. ؟! لكنها ماردت .. استعدلت .. وقامت تطقطق في يدينها .. انصدمت وانا اشووف عروق كفوفها .. وذرعانها .. بنفسجين .. ورماديين .خضر. من اصابعها لفوق .. قلت بهلع: يدينك وش فيها .. طالعتهم بلامبالاه ..: عادي يروحون .. سألتها: بالله عليك .. كيف صاروو كذا .. مهره: تعرف وش ذا .. ؟! هزيت راسي بتسائل.. مهره:كلها من بلاوي راسك .. كلها انتقلت من راسك ليديني .. وحتى جسمي .. حتى شووف .. وكنها افتحت صدرها .. وكله نفس يدينها .. شهقت بقوووه .. في الحلم .. وفي الواقع وانا افز .. من هالحلم الغريب .. جلست ولقيتني على كنب الصاله .. اللي مسجت راسي مهره عليه .. مو هنا الصدمه .. الصدمه النور والشمس اللي داخله من النوافذ والساعه تشير للثمان .. يالله كيف غرق في النوم وماحس .. طالع المخده اللي حطتها تحت راسه بدل فخذها .. وللبطانيه الخفيفه اللي عليه ..! لمس راسه وعيونه .. الصداع تلاشى .. انفجع كيف ماحس .. بجلسة الناس الصبح .. وبلقيس وفارس وهم يجهزون للدوامات .. هو نومه متعلق في اذانه .. ويحس على طول .. كلم نفسه: ياربي وش سوت هالبنت ..مادري قرت علي .. قام وشال البطانيه معه وراح غرفته .. وتوه يحط جواله والبكت على الطاوله الاوقعت عينه على الريموت .. طرت عليه وهي بالكنزه .. وكيف بردانه .. خذه وطلع وتوجه لغرفتها .. فتح الباب بخفوت ..ودخل .. مشى لنص الغرفه وقصر ع التكيف البارد .. توجه لعند سريرها.. وجنبها الابجوره الخافته.. وقف عند راسها .. كانت حاطه كفوفها بوسط بعض .. وفوقهم خدها .. نائمه بعمق وبين عينيها براءة الوجود ..! حرك يده قدام عيونها بس الواضح انها مو حاسه .. انحنى وطبع بوسه على خدها .. وابتسم وهمس: تسلم يدينك .. ويسلم كلك .. وخلال إنحناءته .. لاحظ سيف كيف داخل في ظهرها .. وخانق رقبتها بذراعه الصغيره ورجله فوق خصرها .. كان بيضحك .. على وضعية العنكبوت اللي متخذها سيف .. بس راح من الجهه الثانيه وفكه عنها .. واسدحه عدل ولحفه ... سحب البطانيه على رجل مهره اللي تطل.. وطلع عنهم وسكر الباب .. ******* جمان في مرسمها .. مكان واسع من فيلتها .. فيه نافذه كبيره جدا ً تطل ع الحديقه الخارجيه .. كانت منغمسه بين الالوان .. والرسمه التعبيريه اللي جالسه ترسمها .. الصوره فيها حطام وانكسارات .. مافي شي صريح بس حتى الأ لوان تنطق .. وقفت على بعد متر .. شعرها الاسود مرفوع بعشوائيه .. وتشرب بكوب قهوه امتلى خارجه بالالوان من يدها ... كانت مشغله ميوزك ايطاليه .. عميقه .. وحزينه .. جاها صوته : جمان انا ماشي .. بدون تلتفت .. : بالتوفيق . تنهد ويطالع الصوره الي مبينه من جنبها..قرب .. ومع خطواته .. كان كيانها يرتعش .. وقع ظله على اللوحه .. وهي ظلت ثابته .. حوط خصرها بيده .. والليد الثانيه اللي كانت ممسكه بقبعة طيار .. همست : فيني الوان .. لااوسخك .. انحنى وطبع بوسه على رقبتها : فداا .. ظل ضامها .. ويحدق في انكساراتها المعكوسه في اللوحه .. همس: توصين شي .. جمان : ياليت تكون حاضر بعشاء سيف .. شاهين : من عيوني .. راح نبيت يوم واحد مع الطاقم وبنرجع برحلة الليوم الثاني .. جمان بهدوء : يكون أفضل ..! قرب من اذنها : ارضي عني .. همست بغصه: الله يحفظك .. باس راسها وقال: انتبهي لبيان وديم.. هزت راسها ايجاب .. وغادر المكان .. *رأيت شاهين من النافذه يمضي بالبدلة الرسميه لكابتن الطيار .. وشاهين اللذي يعطي لتلك البدله فخامه .. ولاتعطيه هي .. همست: ‏حرّ كببدي يوم قفى وإلتوّجد غافي ‏كني للي صبحوه وديرته ..محتللّه . كنا رسامه وطيار .. ! وقصتنا سلسه جميله .منذ الولاده .. وشفهيا ً انا عروس شاهين .. ونجود عروس سيف ..! سيف ونجود .. كانوا سباقين .. لان نجود اصلاً اصغر من سيف بسنه .. اما انا اصغر من هذا الشاهق بسبع سنوات .. فكان ينتظرني حتى انتهي من دراستي .. او هكذا كنت اضن .. ! فعليا ً الكل كان ينتظرني لهذا الزواج .. ماعادا شاهين .. وبصراحه لم اعلم .. بهذه الكارثه العاطفيه .. الا حين ولادتي بديم .. هل تصدقون ان ذلك اللذي كان زوجي .. يحتضني ويقبلني وانجبت منه طفلتين .. شاهين كان زوج عاشق .. شاهين .. حتى قدمي قبلها .. ! هو يفعل ذلك بلا اراده منه .. وانه يجاري .. الواقع .. ومجبور لانه النصيب .. لاني اختيار .. عمي فهد .. واختيار امه .. امي سلمى .. ! يفعل ذلك .. لأني انا المتوفر والمباح .. بعد ان مُنع عن حب حياته (غادة) ..!!!!! وحين طرء الاسم في ذهني .. كسرت الريشه في يدي بحقد وغل.. ورميتها ومن بين اسناني : الله يلعنك ياااااغاده ...!!!! ........ كانت مهره في المطبخ .. لما جاها نداء .. فارس : يووووومه .. يوووووووومه ... يوووووومه ... قالت : تعال فارس .. راح لها .. وهي جالسه تقطع سلطه .. ابتسمت : منووور .. جلس ع الكرسي .. الثاني وهو ياخذ خيار وياكل : قولي متفحم ..ال** رشيد .. تأخر علي .. كل خوياي مشوا وبقيت انا بس .. ضحكت .. وهي تطالع وجهه قالب احمر ومسومر ..: هو خذ خالتي نزلها مع سيف للدانوب .. اكيد خذك وبيرجع لهم .. فارس : بذمتك مهره .. مو المفروض عندي سياره واروح بها واجي .. مهره : ليش المفروض ..؟! فارس : انا اعرف اسوق .. ومع ابوي فلوس ليش مايشتري لي .. مهره بنص عيون : معك رخصه ..! فارس : الله يلعن الرخصه .. اهم شي اعرف اسوق .. وقام وهو يتحلطم .. فتح الثلاجه : ياخي مافي كولاا .. ولا حمضيات ولاشي .. ايش اللثلاجه الفقيره ذي .. مهره وهي تنزل السلطه بالزبديه: طيب اشرب ماي .. فارس بعصبيه : مابي .. لااصرت عطشان كذا ابي شي يسرسح .. مهره : طيب رح بدل واسوي شي يعجبك . فارس فجأه : مهره ليه تقطعين .. وقاعده بالمطبخ .. انتي عروس جديده .. روحي قابلي ابوي .. عشان مايروح لنوف وهيا .. ابتسمت : كنك تدري .. رايح ياخذ نوف من دوامها .. تقول تعبانه .. فارس بصوت عالي : الله يالكككككككذب .. والله حصان .. بس حيوانه نوف انا اعرفها ..الساحره اكيد درت انه تزوج وتبي تتلصق.. مهره : عيب فارس .. سواء مريضه ولاتتمارض .. خليها تضبط وضعها مع ابوك .. احنا وش دخلنا .. وراحت تطلع ليمون من الثلاجه .. فارس بقهر :مهره لاتصيرين غبيه وتقهريني .. شهقت : فااارس ..! صاح فيها : ياخي انتي عروس توك .. ليه تسمحين له يروح لها .. مهره بدت تعصر ليمون وبلامبالاه : اصلا ً هو قال بياخذها بيت اهلها .. وبيرجع .. فارس: ياشيخه .. لو جاك بكره زين ..! ضحكت : وش حارق رزك .. خليه يجي بعد سنه .. ليه انت نكدي .. طلع وهو يتحلطم .. دخل سيف الصاله .. وهو يشيل نظارته الشمسيه .. كان بثوب ابيض وحاسر .. ويكلم جوال ..وكان يقول: ترى توني لاعن نوف .. تبين يجيك الدور .. افتحي هالسيره .. هيا بعصبيه: يعني بذمتك يجيني هالعلم من نوف .. ليه ماقلت لي.. سيف : لايكون بدق عليك وانتي تطامرين على شواطئ المالديف .. واعطيك خبر عن تحركاتي .. هيا : ماقلت كذا .. جلس وهو يشغل زقاره ويدخنها :معنى كلامك كذا .. ! في المطبخ .. مهره .. تسكب عصير الليمون على ورق النعناع .. جات الخادمه جودي : مستر سيف .. هنا .. مهره اللتفتت وبانجليزي واستغراب: سيف العم .. ؟! ابتسمت : نعم ليس سيف جونيور .. ضحكت :اعجبني اللقب .. راحت خذت كاس عصير .. ورمت فيه شرايح ليمون .. وطلعت .. راحت الصاله واسمعته يقول : والله ياهيا .. انك تربطين امور .. من خيالك .. اجل تزوجت عشان اعاقبك على روحتك .. وراااح ضحك بصوت عالي بسخريه .. وقعت عينه .. على مهره اللي جايه بكاس العصير .. ظل يحدق بزولها الخلاب .. وهي تحاول ماتصدر صوت .. عشانه يكلم زوجته .. سكت .. وعينه على اناملها النحيله والكاس الكبير بيدها .. مملوء بشرائح الليمون والنعناع وفقاعات الصودا .. هيا.. كانت تتكلم .. وهو مو مركز معها .. وصلت مهره عنده ومدت الكاس .. وحركت شفايفها : عصير منعش .. خذه .. وقال قاطع حديث هيا : تمام هيا خلينا نقفل الموضوع .. كلميني سناب لارحتي على الشاطئ .. خليني املي عيني .. من شوفتك .. هيا صدمها : وش ..؟! سيف : اشوفك على خير .. وقفل الجوال .. مهره بصدمه : انفصااااام ..! شرب من العصير : جااا بوقته .. جلست مهره على الطاوله الوسطيه : وش فيها نوف .. خذتها للمستشفى! سيف رفع حاجب : مافيها شي وادري .. انها تبالغ .. شوية مغص .. يبي له بنادول بس .. مهره انحرجت .. وافهمت وش فيها .. سيف شاف وجهها تلون وقال : ومو الغايه تبي تطلع عشان ترتاح .. هي اتصلت علي من رقم ثاني لاني مسوي لها بلوك لما طلعتني من طوري .. عاد في بخاطرها كلام .. ومالقت الا هالديابجه عشان تلتقيني .. مهره : طيب .. الطبيعي .. انها تزعل .. ليش بلوك سيف .. وضح لها ظرف هالزواج .. وحدوده .. مابي اسبب بينكم مشاكل وفجوات .. شرب من العصير وحط الكاس جنبها بقوه وقرب منها وبحزم: ماراح اوضح شي .. انسي .. قدام الكل انتي زوجتي .. بكل شي .. الحدود اللي تتكلمين عنها .. مايعرف عنها الا الكم شخص في البيت .. تمام مهره .. ارتبكت وتلعثمت .. : بس سيف .. احنا .. ! قاطعها : اذا تبين تحفظين الحدود .لان لو تعدت المعلومات هذي سور البيت .. ماراح اكون الرجل العصري المتفهم .. تمام .. مهره بعدت عن قربه وبخوف : سيف وش فيك .. ؟! دخلت موضي معها سيف الصغير .. وسونا شايله اكياس من الماركت .. اعتدل سيف في جلسته .. ومهره قلبها يدق بقوووه .. موضي بحماس : ياااااازينكم .. مهره ابتسمت وتحاول ماتبين رجفتها .. وهي تمسك يدينها في بعض .. سيف عينه على يدينها .. بدون تعبير .. بعدين قال بهدوء : وش مطلعك يمه الظهر .. موضي : في كم شغله ابيها .. وقلت على ماتجون اكون جبتها .. طفيتي مهره على القدر . :ايوه خالتي .. : كفوو حبيبتي .. قالت كذا وراحت عشان تشيل عبايتها .. جااا سيف ومعه كيسه يوريها امه الي قامت وجلست ع الكنب الثاني .. فيها حلويات والعاب.. مهره تشووف .. وتحاول تطلع من كلام سيف .. وشافت لعبه فيها كور صغار.. شالت الكور وخبتهم في يدها .. سيف انتبه .. وبعصبيه مسك يدها : ديبيها .. مهره تقبض على كفها :لاااا شوف الكيس مليان العاب وحلويات .. هذا مايصلح .. سيف بعناد : ابي دي مهره ديبيها .. ديبها ..وانه.. (حيوانه) .. سيف عقد حواجبه .. وهو يطالعه .. يتعلق فيها .. ويسبها .. سكت شوي ينتظر مهره تحل الوضع .. بس سيف تمادى وهو يشد شعرها وواضح انها تبي توخر يدينه بدون تعوره .. كانت تقول بألم : خلاااص سيف قطعت شعري .. هده .. ياتبن .. صاح بعصبيه : ديبي لعبتي ... سيف خلاااص اعصابه فلتت .. وهو يشوف شعرها بين اصابعه .. وكيف وجهها صار احمر من الوجع .. قام له .. ومسكه .. وبحده : سيف فك يدينك .. كاتم الصيحه .. وبعناد : ابي لعابي .. سيف يطالع عيونه بغضب : سيف اترك ولا بتنضرب .. طالع عيون عمه .. وبعناد مشعها بزياده وصرخت مهره .. عمه مسك يدينه وفكهم بالقوه .. ووخره عنها واصابعه مليانه من شعرها .. مهره حطت يدها على راسها بقهر .. وماتبي تتكلم عشان بتبكي خلاص .. سيف خذه على الكنب وكبل كفوفه وبحده : امك ياخرا .. كيف تمد يدك عليها .. سيف يصارخ ويتحلطم .. ويبي يوخر .. جا فارس .. من فوق .. وشاف الموقف .. وشاف وجه مهره وشعرها : وش فيك .. ماردت .. اللتفت لابوه .. كيف يخز سيف وسيف يخزه.. سيف : قوول آسف .. سيف بعناد : مااااابي .. سيف من بين اسنانه : قووول .. آسف .. سيف بصراخ : مااابي .. ضربه على ظهر كفووفه .. وشهقت مهره .. وقامت : تركه سيف .. بدون يلتفت :لاا تدخلين .. سيف خلااص غاص بالصيحه ومنقهر .. سيف : بتتأسف من امك .. ولا اضرب ثاني .. سيف : ابي العابي ..مابي قوله آسف .. بحده: سييييف .. !!! فارس قرب .. وبحنيه : قوول آسف سيف .. يلا عشان نلعب شيلي .. سيف يشوهق .. رفع سيف يده مره ثانيه : هو يبي ينضرب .. سيف وهو يبولع : آ .آ آ. سـ .. ف .. سيف بحزم : آسف.. ماما .. الصغير وهو يشوهق : آسف .. ماما .. سيف بقسوه: قم انقلع واذا شفتك .. تضرب امك .. او تسبها .. مو بس بضربك .. برميك في زباله بره .. وخر عنه ... سيف وهو مطنقر تزحلق من الكنب وفر وهو يبكي بطوول صوته وراح بعد .. مهره بتروح له .. وكسر خاطرها .. بس سيف مسك ذراعها : لاتكلمينه .. مهره : سيفي .. ماقووا فيه .. سيف سحبها : قلت لاتروحين .. فارس روح له انت .. راح فارس .. له وسيف وضعية السجود .. وصياحه يرن في البيت كله .. حتى موضي نزلت .. ومصفووقه : وش فيييييه .. ؟!!! فارس .. يحاول يقومه ويراشيه .. وهو منهار .. اشر سيف بعيونه .. يعني اتركيه .. وتسائلت .. بايماءه .. وجات عندهم .. مهره تدلك فروتها : تشبك فيني .. وسيف ضربه .. شهقت : ضربته .. خبل انت .. بزر .. سيف : فكونا .. وحطو الغدا .. ولابروح اتغدا بره.. موضي ومو راضيه : ان لله وان اليه راجعون .. فارس قدر يسكت سيف وقعد في الجلسه الثانيه وجلسه على حضنه .. وفاتح جواله ويوريه شي .. وسيف .. وضعية اللي ينتع من بقايا البكي .. موضي راحت المطبخ .. مهره وهي تلف شعرها : يتشره .. مو عارف يسكت .. سيف بهدوء :ولا كأنك تشوفيه .. وقصي اظافره .. ال** شمخ خدك .. زين ماكسرت اصابعه .. مهره تو تنتبه للخدها .. لمسته وحست بحرارة الشمخ.. قال سيف : خلي امي تعطيك مرهم وحطي عليه .. همست : تمام .. وراحت المطبخ ..! جلس وفتح يده .. كان فيه شعر مهره اللي كان بكفوف سيف .. حس بغضب .. لو ترك نفسه يمكن كفر في سيف ..حتى لو بزر .. حتى لو ولدها .. كيف كانت خايفه تعوره .. وهو مزع خصلاتها كذا ..!! **** في مقصورة الطيار .. في الرحله .. المتوجه لمطار فيينا .. بكامل تركيزه .. في شغله .. بمهارته في كل مقبس .. وكل زر .. *في الماضي ..العائله اجمعت ان جمان له ..متجاهلين رأيه .. مشاعره .. قلبه .. وكل شيء .. شاهين درس الطيران في الخارج .. وكااغلب مواليد الثمنينات .. اصبحت لديه علاقه وطيده .. بالانترنت .. وبالاخص في الشات والمنتديات .. ومع انه كان في كندا .. الا ان تصفحه .. كان غالب في منتديات السعودية .. وكذا .. وعنده صداقات وعلااقات .. في الشبكه ..! المهم .. تعلق ببنت .. من خلال النت .. وكانت غاده .. صريحه على عكس الفتيات .. في ذاك الوقت ..الاغلب كان يدعي الدلع والدلال .. والسفر .. وانها آخر حبه .. والبعض كانت تدخل باسم ولد اصلا ً .. والنكات حدث ولاحرج .. اما هي .. كان اسمها غاده .. وكانت شخصيه بسيطه .. واقعيه .. عندها طرح .. واسلوب .. كانت تكلمه وماتخاف من شي .. وكانت على قناعه انه اللي تسويه مو غلط .. عندها الثقه انها تواجه اي احد .. ! ودامني اسوي الشي قدام ربي .. اذا عادي اسويه قدام الناس .. شاهين اعجبه منطقها .. واسلوبها .. انتقلوا من الصفحات العامه .. الى اماكن اكثر خصوصيه .. مثل الماسنجر .. وبعد الثقه العظيمه بينهم .. تبادلو الأرقام .. وصار بينهم .. مكالمات .. ! وهالشي اشعل قلب الاثنين في بعض .. خلص .. واشتغل .. ومرت كم سنه ..وكان يبيها .. لكن الواقع .. ان هو مرتبط بخاتم وهمي .. بعقد لفضي .. ! مع جمان ..اللي كانت ماخلصت دراستها لسى ..قرر يواجه .. وردة الفعل من ابوه متوقعه .. الرفض .. والغضب .. ونعته ونعت غاده بأشنع الألفاظ .. وان لو ياخذها متبري منه ومن عياله مستقبلا ً.. تمنى امه تدعم مشاعره .. بس كان رفضها اشنع .. لأن جمان بالنسبه لها الكمال .. وهي اللي تناسب العائله ومستواها .. جمان بجمالها .. وسحرها .. راقيه .. تدرس الفنون في اعرق معاهد روما .. كانت امه تشوف ان جمان جوهرة نادره .. ان ياخذها احد غيره .. خسارة فادحه .. عاند .. بس حصل شي غير متوقع .. غاده اختفت .. من كل موقع .. وكل صفحه ..جوالها انقطع .. وصار ملقي .. ! انتظر كثير ..وذاب قلبه على فراقها .. ضل متعلق بصورة يتيمه رسلتها له على الايميل .. بس زاد الغياب .. واستسلم .. وتزوج جمان .. بصراحه كان في وضع جاف .. وجمان كانت رشة مطر .. ! كان مجروح .. وجمان كانت علاج .. حب جمان .. تعلق فيها .. كانت تشبهه في كل شي .. تناسب شخصه ومستواه .. جميله لاتشكي .. لاتعاتب .. مشاعرها السلبيه تترجمها وتلقيها على اللوحات .. بصراحه .. ظل يحس ان اللي بينه وبين جمان ود ورحمه .. وتعلق .. استبعد العشق والغرام .. لأن مقتنع ان غاده الحب الأول والأخير .. كان الاعتراف هذا .. لذاته ونفسه .. لكن الحقيقه .. ان مرت اول اربع سنوات من زواجهم .. وكانوا احلى ثنائي ..وكانوا جابوا اول بنت .. وسموها غاده ..!!!!!!!!!!* ***** بالعصر دخلت جمان بيتهم .. وكانت امها تسوي اتصالات وتحجز ضيافات وشغلات للحفل .. مهره مو عاجبها الوضع .. سلمت عليهم جمان .. ويوم قفلت موضي .. مهره: الله يهديك خالتي .. ايش هالمبالغه .. صدمتيني .. احنا قلنا شيي بسيط حق اشهار بس .. موضي بوناسه .. تدق رقم جديد: اسكتي بس انا والله بخاطري اسوويه بقاعة فندق .. بس انتوا كابتيني .. الووو .. مهره توسعت عيونها : ياخاله .. هجدي .. ضحكت جمان : خليها ذا عرس عين السيح .. بيان جات تسلم على مهره :صحيح يوم الخميس بتكونين نفس الأميره .. مهره تحس ان الوضع اوفر .. ضحكت بتسليك : اميره ..! .. انتبهت مهره لشعر بنات جمان والقصات مرتبه ..شعورهم ناعمه وسودا .. وملامحهم دقيقه جميله .. نفس امهم : كأن شعورهم غير جمان ..؟! جمان: قبل اجي مريت المشغل .. رتبتهم عشان العرس .. مهره انهارت : بتجلطوووني .. ***** بعد شوي جا سعود .. وبلقيس نزلت ..وفارس صحى من النوم .. والجلسه كانت حلووه ..لمن سعود نادا بيان وقال : تعالي يابنتي ياغاده .. جيبي بوكي من طاولة المكتب .. *انا ضننت ان الاسماء اللتبست لديه .. وكثيرا ً مانغلط في النداءات .. لكن .. خيم التوتر .. والصمت ..ووجه جمان قلب .. عصبيه .. وغضب.. وسعود الى الان مانتبه للخطأ .. * نادا : غاده قومي الله يصلحك .. جمان بخفوت وعصبيه : يبه اسمها بيان ..! سعود وكنه تذكر : الله يعلم .. اني انسى .. غاده ..بيان .. كله واحد .. اجل ثلاث سنين اسمها غاده .. وغيرتوه ..لله درها اللي تعودت .. جمان بعصبيه : مو كله واحد يبه .. لاتطرون هالاسم .. ابي بيان تنساه ..كنكم تتعمدون تغثوني .. سعود : قومي اضربيني بعد ..سهيت وقلته .. موضي تبي تلطف الجوو : خلاص يابو سيف .. جمان متوتره .. تعرف هي مع كل رحله لشاهين .. تظل على اعصابه لمن يكلم .. فارس :ماياخذني خالي شاهين شنطه معه .. ضحكت بلقيس ..: وانا ابي اصير جوازه .. فارس : ياحضك جمان زوجك طيااار .. لازم مستقبلا ً اتزوج طياره .. ضحكت بلقيس تجاريه : وانا بتزوج المطار واهههههههههههههههههههههه ... جمان انحشرت غصه في حلقها .. قامت وطلعت الحديقه .. ! مهره مو فاهمه شي ..: ايش فيها جمان تضايقت كذا .. بلقيس : قومي بيان جيبي بوك جدي من المكتب قامت : طيب .. راحت .. وقالت بلقيس : بيان .. كان اسمها غاده .. من انولدت لمن صار عمرها ثلاث سنوات .. مهره بصدمه: وليش غيروه .. حلووو غاده .. فارس : جمان .. وقت ولدت بديم .. كشت من الاسم .. وتشاءمت .. وسوت سالفه الا يتغير .. وغيره خالي شاهين .. سعود: معطيها وجه .. ولا رجال وسمى بنته .. حق ايش يغيره على شورها .. موضي : سبحان الله .. الله كاتب ياسعود .. يمكنها شايفه حلم شي .. مهره : غريبه والله .. ....... اعتبرني حلم مرك على غفوة رقاد ‏وانا ابعتبرك قصه قريتها ولا كملتها في فيينا .. وفي بهو احد الفنادق الراقيه .. شاهين يعبر .. مع مساعد الطيار ومجموعه من المضيفات .. خذ كرت الغرفه .. وصعد .. واجرى اتصال .. وردت : هلا غاده .. اطمنك .. وصلت .. غاده : الحمدلله على سلامتك ياقليبي .. ابتسم : الله يسلمك .. ويهديك ..! غاده : ليش شايفني خبله .. ضحك : عارفه قصدي .. ! غاده : وانت عارف رايي .. شاهين : انسحب من الحوار .. غاده : مع نفسك .. شاهين : انتبهي لحالك .. غاده: وانت بعد .. وقفلوا ..! علق جاكيته .. وفوقه القبعه .. فتح ازرار قميصه .. وهو يحدق بالجاكت المعلق .. ليعود به الزمن .. لرميه لزييه .. في كل مكان .. بالصاله .. بالغرفه .. ع الأرض .. جمان تعلقه .. : مو من باب الترتيب وعدم الاهمال .. احترم زيك ياخي .. رمي الشي ع الارض .. فيه اضطهاد .. وامتهان .. شاهين ..لاترمي الشي الي تحبه وتحترمه بهالطريقه .. شاهين : والله تكبرين الامور ..ياخي ملابس .. وهو اصلا ً يبي له غسيل .. الخادمه تشيله .. جمان وهي تمسح ع الجاكت .. : ماراح تفهم نظريتي .. حتى الجماد .. احيان يحس .. لما تتخيل .. انك سعيت .. لمن وصلت لبدلة الكابتنه هذي .. واللحين تهملها بهالطريقه .. انها ممكن .. تتخلى عنك .. او تكرهك فيها .. شاهين : ياشيخه .. حتى لو بها جني .. ضحكت : شاهين .. تدري .. مره رسمت لوحه .. والكل مدحها .. في المعهد .. انا ماكنت مقتنعه فيها .. اذكر الاداره كانت بتعرضها في المعرض الشهري للرسوم الطلاب .. وانا حاولت ارسم غيرها .. لانها مب راضيتني .. ماقدرت ارسم غيرها .. استهلكت كميه من اللوحات .. والالوان .. بدون فايده .. المهم .. قبل المعرض بيوم .. بطلع اللوحه .. اللي الكل اجمع عليها .. وانا مستاءه .. اني مو مقتنعه فيها وكنت راكنتها مع كمية لوحات تجارب يبي لهم اتلاف .. تدري وش شفت .. شاهين باهتمام : وش ..؟! جمان : لقيت الرف اللي فوق اللوحه .. طايحه علبة التينر .. وسايحه ع اللوحه .. وعادمتها علي .. خسرت اللوحه .. والمعرض .. ومع ترشيح الاداره للوحه كان ممكن افوز بمبلغ مادي .. حلوو .. الا ان اللوحه شاتتني قبل اشوتها .. شاهين : استغفر الله .. ذا تشاؤوم وتطير مايجوز .. ضحكت : خذها من باب الحث ع الترتيب .. انا احب كلشي بمكانه الطبيعي .. * فاق من ذكرى جمان ونبرة جمان .. وحلاوة جمان وعمقها .. اعتاد .. اعتياداتها .. فلسفتها في كثير من الأمور .. تجيب نتيجه معه .. مشى لمن النافذه وفتحها .. ليصدم وجهه بنسائم فيينا الجميله .. ورائحة الورد اللذي يملئ فريز النافذه .. تاكل الضيقة طرف كبدي ‌واكابر اتحدى وابتسم والنفس موجوعة كل شيء كان جميل .. حتى ولادتها بديم .. وحتى يوم خروجها من المشفى بالذات .. *شاهين : خليني اخلص الاجراءت .. وانتي بدلي لها .. جمان : لاتنسى كرت التطعيم اخذه شاهين .. مو تضيعه مثل كرت غاده.. هو ببتسامه .. : ابشري .. بدبس الكرت بصدري .. ضحكت بوجهها الشاحب المُتعب .. وانحنى باس ديم .. : باااااكلهااا شبيهة امهااا .. جمان ضحكت :انت بتاكلها وغاده بتذبحها .. منكم لله يالعصابه ..! طلع .. وعلى وجهه ابتسامه .. واغلق الباب .. وكان قد اغلق الباب .. في فصل جمان وحبها .. لينفتح باب فصل قد اغلقه مذ زمن .. كان واقف في الرسبشن .. ويعبي اوراق الخروج ويوقعها .. وكان يسئل البنت المحجبه واللي ماركز فيها ابد .. التاريخ هنا اكتب تبع الليوم .. ولا يوم دخول الام .. قالت : الليوم .. ! وخلال عيونه في الورق .. البنت بصوت خافت هامس .. ملهوف : مبروووك ماجاك بو جارح .. انصدم وتوسعت عينه .. والى الان مركز في الورقه .. (بوجارح) .. من اي حقبه زمنيه طلع الأسم .. من اي غبار منتدى .. انفض .. ليس المهم الاسم والحقبه .. الصوت والهمس .. ارتجف القلم بيده .. وهو يرفع عينه بدون تصديق .. وبذهوول .. وملامحها اللي تغيرت خلال السنين .. وهو اللي ماشافها الا من خلال صوره وحده وكانت اصغر فيها .. بس نفس الملامح والعيون .. الا انها اكثر نضوج..بعدم تصديق وتسائل: غاااااااده ..؟؟؟؟!!!!!!! شتت نظرها ..وللمره الاولى اصلا ً يلتقون في الحياه .. بشكل مباشر ..وليس من خلال الهاتف .. او شاشة الكمبيوتر .. كانوا كتابة وصوت .. هي حافضته ..شافت له صور كثير وحتى فديوهات .. بعكس هو لم يملك لها الا صوره وحيده .. خذت الورق وتختمهم .. : تزوجت اجل .. هو بذهوله :انتي وين كنتي .. وين اختفيتي .. غاده يوم انك موجوده ورى تركتيني .. غاده تلملم الورق .. وتقول : ظروف شاهين .. بوس لي البنوته .. ومدت الورق .. له .. بعصبيه .. من الوضع والمكان .. خذ القلم وطلع ورقه من جيبه .. ومن بين اسنانه: هاتي رقمك .. هي بعصبيه وخفوت وحمدت الله ان مافي زحمه .. : تعوذ من الشيطان ورح استلم زوجتك .. في الغرفه .. جمان لبست نقابها .. وتباطت شاهين .. شالت ديم .. وقالت للشغاله تشيل اغراضها .. وطلعت تمشي في الممر .. كانت خطواتها صغيره .. من الولاده والتعب .. اقبلت ع الرسبشن .. وانخلع قلبها وهي تشوف شاهين ماسك معصم البنت .. ويحط ورقه بيدها وبصوت واضح للمسافه اللي بينهم : رقمي لو كنتي ضيعتيه .. ابي توضيح ياغاده .. تحاول تفك يدها : خلاص شاهين .. لاتسوي فضيحه .. من بين اسنانه : مايهمني ..!!!! (جمان) .. والأرض تهتز من تحتي .. بأقوى زلزال يمر في التاريخ .. احماض معدتي تصعد لتحرق المريئ والبلعوم .. الرؤيه يبتلعها السواد والعتامه .. واقسى كارثه في الموقف .. ان اسمها غاده .. وغاده ابنتي .. خياااانه عظمى.. ارتكبها شاهين في حقي .. ديم كانت ستقع من يدي .. وسمعت بس صوت لونا الخادمه تقول : مدام .. مدام .. امسك بيبي كويس .. اللتفت شاهين بحده .. وجااا بسرعه .. ولقف ديم قبل توقع ع الارض .. وبهلع : جمان وش فيك .. اسندت كفها بالجدار .. وتحاول تتماسك .. : مافيني شي .. بس دخت .. خذني بسرعه للبيت .. شاهين قرب منها .. وهو شايل ديم : تمسكي فيني .. لونا:ويل شير مستر..؟! جمان هزت راسها نفي وهي تمسك ذراعه .. متمسكه ببقايا .. كرامتها .. متظاهره انها ماسمعت .. ! لانها لو بينت انها اسمعت .. ماراح تسترد كرامتها الا بجريمه .. وجنازه تخرج من المشفى اما لها او لشاهين .. او للمغضوبه غاده .. بخفوت: لا اقدر امشي .. شاهين بخوف عليها ومايدري انها شافت الموقف: خلي الدكتوره تشوفك .. جمان وهي تضم ذراعه اكثر : طلعني من هنا.. طلعوا .. وطلبت منه ياخذها للبيت .. قبل بيت ابوها .. ظلت ساكته طوول الطريق .. وهو كان باله .. مو معه ابد .. شارد .. ومو مصدق .. ان شاف غاده .. وتساؤولات كثيره في باله .. لمن وصلوا البيت.. حدثت مواجه .. وانفجار من جمان .. افجعت عيشتة .. كيف انها شافت الموقف واسكتت هناك وطول الطريق .. عشان تحافظ على صورتها وصورته .. حاول يبرر .. في البدايه .. بس جمان بحده : اذا عندك زفت تحبها من قبل .. ليه تزوجتني .. ليه شاهين .. ترى لعلمك انا ماكنت احبك قبل الزواج .. كان فرض علينا ان حنا لبعض .. بس ماكنت ميته عليك .. ولو تزوجت غيري ماكنت بزعل .. ورااااس بناتي ماكنت بزعل .. اصلاً حمود خطبني .. وولد علي الراشد .. وجزاء ولد عمي عبد المحسن وغيره وغيره ..لو ماخذ انت كلبتك وتاركني لشخص شاريني لذاتي .. مو مغصوب علي .. كااان افضل لنا الاثنين .. شاهين بصدمه وغضب : وعادي تقولينها في وجهي .. جمان بحده وغضب : لاتسوي صدمتك .. ولاتسوي كنت ميت فيني .. وكنت تنتظرني اخلص دراستي .. بلا كذب .. انت جبان شاهين .. واهلك اللي جابوك على خشمك وغصوبك على هالزيجه .. جمان استفزته لتسقط جميع الأقنعه..صاح فيها: صحححح .. كلامك كله صح .. جمان انتي اختيار امي وابوي .. ماانتي اختياري .. وكنت ابي غاده ومارضو .. وكنت ماراح اتزوج غيرها .. واختفت .. ضليت مده .. وسليت عنها .. خلصتي دراسه وتزوجتك .. فعليا ً نسيتيني اياها .. جمان .. اللي بينا ماكان كذب .. اقسم بالله ماكااان كذب.. جمان وعيونها تجمر .. بس واقفه بشموخ .. قالت بهدوء مزلزل : والدليل انك سميت بنتي غاده .. توسعت عيونه .. وللتو يستوعب هالكارثه في حق جمان .. شاهين : لحظه جمان .. الاسم كان عاجبني .. ماهو عليها .. صاحت ودموعها تطيح : يالظالم .. كنت مابي الاسم .. وكنت اقوول قديم .. وماهو عاجبني ..ياللي ماتخاف الله انا تعسرت ولادتي بها وبغيت امووت .. كان نفسي اسميها انا .. وانت اصريت .. ويطلع اسم الكلبببببه حقتك .. مسك جبينه ونفخ .. : جماان .. هدي .. وخلينا نحل الامور بشكل هادي .. ولانضيع اللي بينا بلحظه .. جمان : في ستين داهيه انت معها .. شف شاهين .. لو انها ماضي وانتهت .. ماكنت تصر تبيها تتواصل معك .. وتبي تفهم .. غيابها .. انت انتهيت معي .. دامك ابتديت معها .. صاح فيها : ماااااااطلقك .. لو اموت ماطلقك جمان .. جماااان وكاخه الدنيا : طلقت ماطلقت مشكلتك .. والله حتى لو اشوفك وياها بفراش ماعدت تعنيني ..(وباللهجه حازمه ماتقبل النقاش) الأوله .. بنتي الاولى .. تغير اسمها .. انت بتسوي اجراءات ديم .. تسوي اجراءات تغير اسمها .. وسميها بيان .. شاهين بذهول : مجنووونه انتي .. البنت كملت الثلاث وماشيه في الاربع .. جمان بشكل قاطع : تغيييره .. مايهمني .. تغيره .. شاهين : ماهو زين على نفسيتها بتتعب .. جمان بعصبيه : تغيره .. ولا والله اذبحها واحسب الله ماخلقها .. شاهين بحده وانفعال : بنتك كيف تقوين تقولين كذا .. جمان بجنون : والله اذبحها .. ومثل ماجبتها ع الدنيا انهيها .. تغير اسمها ولاتمتحن جنوني .. وفعلا ً تم تغير اسم غاده لبيان .. صدمه للعائله .. حتى امه وابوه .. اللي كانوا عارفين يبي وحده بس ماكانوا عارفين ان اسمها غاده .. بيان تعبت نفسيا ً .. والكل ماتعود بسهوله .. ع الاسم .. بس كانت جمان صارمه وغاضبه اتجاه اي احد يناديها بغاده ..! اسمتها بيان .. لأن بسببها .. بانت الحقائق جميعها .. لوكانت سمعته يكلم موظفة الرسبشن بغاده .. وكان غير اسم ابنتها .. لكان الامر مجهول .. لكن .. عندما قال غاده .. وابنتهم غاده .. تبين تاريخ العلاقه القديم .. بل تبين حجم الحب اللذي اسمى ابنته غاده .. حينما لم يسميها سلمى على امه .. *بيان ابنتي انا .. طهرتها .. من رذيلة ابيها .. بل تممت لها من جديد .. مباركه باسمها اللذي اخترته لها انا .. *..! ****** بالليل .. فارس في قهوه .. ويشيش .. وينفخ الدخان ..: تيم لاتوهقني دام ابوي هنا .. مالي في الطلعه ذي.. تيم ويسحب الشيشه بنفس طووويل .. : كيفك انت الخسران .. بس الشله كلها بتروح .. بتتحسف .. فارس ويسحب نفس اكثر من تيم ..ونفخه وبسخريه : والله مادري وش بتحسف عليه عاد .. انا مكتفي فيكم هنا .. طلوعي من السعوديه ماحبه الا مع ابوي ولانواف .. هيثم : يهااايط ..الكلب .. ضحك : عاد من ابووه سيف بن سعود يحق له الهياط .. تيم يطالع فارس بنص عيون .. وبغل عميق في قلبه اتجاهه .. شرد .. وهو يشيش بصمت .. هو اكبر من فارس بثلاث سنوات تقريبا ً.. من ايام الابتدائي وكانوا سوا .. بالمتوسط .. تيم وهيثم .. اخلاقهم .. وسلوكياتهم صارت غير مرغوب فيها .. سيف بدا يمنع ولده عنهم .. وفارس احيان يلتقيهم بالخفااء .. تيم يفكر ان سيف يشوف انهم مو مستوا ولده .. وانهم بسيطين .. وعلى قول البعض تربية شوارع .. اما سيف كان يخاف على ولده بشكل اعمى .. من الشخصيات اللي كذا .. لان عساف ماتدحدر الا بالاسلوب ذا .. ! فارس ضرب الطاوله .. : وش فيك تخزني كذا .. خيييير .. تيم يشرب الشاي : ماقوول الا حظوظ .. ياجعل حظي حظك.. فارس : بعد انضلن .. يكفي امي وتوفت .. اذبحوا ابوي ..انعنتن الله على هالوجه .. ضحك تيم : ماشاء الله .. تف عليك .. الله يزيدك .. فارس .. رمى عليه سلك الشاحن : تف عليك انت ياكلب .. ذياب يضحك : ذي تفلة الحسد عن العين .. يافارس .. فارس يضبط الفحم ع الراس : ادري .. بس هو يبي يتفل .. ال**** ومسوي عن الحسد .. هيثم بتصفيق وبحماس: اووووووف ياللفظ .. تطورت منفوحه .. فارس : كل ** .. منفوحه امك .. ماتوا ضحك كلهم .. ورن جوال .. فارس .. اشر لهم يسكتون .. ورد .. : هلاااا حيالله العشير .. نواف : وينك فيه .. فارس : بسم الله .. مع الربع .. شفيك جيت .. نواف :لاا قايل لك ماراح اقدر اجي هالفتره .. فارس : اجل وش تبي .. نواف : سنابتك ياحيوان .. مبين فيها لي شيشه .. والله لو شافها ابووك .. ياكل هاللي من جلدك .. انصفق وجه فارس : احللللللف ..اصبر اصبر نواف .. وراح فتح السناب وسريع شاف المشاهدات .. وحذف الصوره .. ورجع يكلم : الحمدلله ماشافها .. نواف معصب .. : قم ارجع البيت لاوالله ادق عليه اخليه يحرقك بقرنتك .. فارس .. بهدوء .. يعني عشان مايوضح شي قدام الربع : حااااول عاد .. عشان نسوي حفله بالرشاشات لبوفارس .. نواف من بين اسنانه : استأذن منهم .. وقم اطلع ..من جاي معه .. ؟! ضحك فارس: بسيارتك .. نواف : الله يلعنك .. الشرهه اوب عليك .. على اللي حاط مفتاحه حولك .. فارس قام وشال شاحنه المتنقل .. وطلع من محفظته فلوس قطها ع الطاوله .. واشر للشباب .. انه حساب القهوه .. ومشى وهو يتكلم مع نواف .. ***** دخل سيف البيت .. كانت امه جالسه .. وابوه .. سيف بتسائل : يمه .. فارس ماقالك وين منقلع .. موضي : الا .. رايح استراحة خويه ..قايل يشوفون مباراه .. سيف بعصبيه: عشر ونص يمه .. وراه مدرسه .. سعود : ولدك من متى ينام بدري .. سيف : لايرقد .. يحضر في البيت .. والحيوان مايرد .. سعود : هد معه يايبه .. انت ماتجي له الا كل كم شهر ..والله يرضى عليه.. ماسوا سواكم .. سيف وهو يجلس ع الكنب : لا والله خووش دعم يبه .. قل عنده كذا .. وكبر راسه .. سعود وكنه تذكر : الا يقوولون انك ضارب الورع ولد اخوك .. سيف ببرود : والله ماخلا من عساف شي .. مو كنت بضربه بس .. كنت بعجنه .. بس مسكت نفسي .. سعود : صغير ذا .. مايفهم .. سيف : يابن الحلال طير عيونه بوجهي قوي العين ..يعني يتحداني .. ضحك سعود : ذيب .. سيف مستاء : الا ** .. بره .. فارس وقف السياره .. وطلع عطر من الدرج .. ورش على تشترته وشعره ..ونزل .. دخل البيت .. وببتسامه للجميع : السلااام عليكم ياجماعة المسلمين .. سيف يطالعه بنص عيون : كم الساعه عندك .. ؟ فارس : اللحين اللحين حدعش الا ربع .. سيف : وليه جالس لذا الوقت بره .. فارس : باستراحة اخوان ذياب .. نشوف المباره .. مانتهت الا من شوي .. صدق ترى .. توها منتهيه .. سيف يطالع فيه بشك :طالع بسيارة نواف ها ..؟! شهق : اكيد رشيد الفتيني قالك .. سيف : ماقال لي .. بس ماهي موجوده .. ومافي ملقوف في البيت غيرك .. فارس .. جا جلس يمه : والله يبه .. الاستراحه قريبه .. يبه سعود .. مو انت عادي تخليني اطلع قريب .. سعود : ايه ياسيف .. خله يتدرب وسواقته هاديه ورايقه .. ماعليه شر .. سيف ماوده يعارض ابوه ويهز كلمته .. : وجوال حضرتك ليش مغلق .. طلع الجوال من مخباه : شفه والله خلصت البطاريه .. اصلا كنت اكلم نواف .. فضى الشحن وتقفل على وجهه .. سيف واحيان يحس ان فارس كبر .. ويسوي افعالهم .. تقارب اجيالهم .. مخليه يعرف انه يكذب .. الليوم مافيه مباراه ويدري .. مر جهة استراحة ذياب وكانت سيارة نواف مو حولها .. وبرضوو مايخفاه انفاس فارس وريحة المعسل .. رغم العطر اللي مالي فيه ثيابه .. مايبي يكبرها .. ويسوي سالفه معه .. عرف انه في قهوه ومشيش .. يتفاهم معه بوقت ثاني لحالهم .. تنهد وقال : طيب اصعد .. صف كتبك اذا ماصفيتهم .. فرش اسنانك وارقد .. فارس ويتبادل بوسة خد من ابوه : من عيوني .. يبه .. تصبحون على خير .. كلهم : تلاقي خير .. ! . صعد .. وبعد شوي صعد سيف .. مر جهة غرفة مهره .. بابها في الطريق لغرفته .. وقف شوي ويده على مقبض الباب .. تردد .. هدوء .. وواضح انها نايمه مع سيف .. ! شافها في العصر .. قبل يطلع .. كان وده يجي ويلقاها صاحيه .. عقد حواجبه .. مستنكر .. هالاعتراف .. انه يبي يشوفها ..!!! ترك مقبض الباب .. وراح غرفته ..! دخل وقفل الباب .. توجه لصورة نجود ..تأمل مبسمها وعيونها تنهد بحزن : حدانِي على جُو انعزالي من الناس ّ ‏صَدى صوتٍ للماضي ينادي ّو البي له ُ