الفصل الاول
*روآيـه احببت خدامه*♥💍
♡روايه احببت خادمه♡
البارت الاول
للكاتبة/چيداء محمد
ــــــــــــــــــــــــــــــــــــــــــــــــــــــــــــــــــــــــــــــ
الدكتور: الف مبروك يا حج بنت حامل
: انت بتقول اى انت اتجننت فى عقلك ولا اى بنت مين اللي حامل وهى اصل مش متجوزه
قالت بعياط: والله يا بابا معملتش حاجه معرفش هو فى اى هو بيكدب صح
: اسكتى لحد لما نروح ونشوف المصيبة دى فى البيت
بعد نص ساعه
: انت بتضربها ليه يا محمد
محمد: بنتك طلعت حامل يا هانم الدكتور قال حامل
: مين دى ازاى حامل وهى مبتخرجش من البيت لوحدها والدروس والمدرسه انا بوديها وبرجعها اكيد فى غلط في الموضوع
محمد: لا مفيش غلط والدكتور هيكدب عليا ليه البنت دى متخرجش من الاوضه ومتاكلش ولا تشرب لحد لما تموت اعمل اى يا ربى هتفضحنا اقول لاخواتى اى
: هو انت كل اللى هامك تقول لاخواتك اى ومش هامك ان بنتك مش حامل وممكن الدكتور يكون متلغبط
محمد: لا الدكتور انا واثق فيه علشان ده دكتور العيله
: خليك يا محمد مصدقو بس انا واثقه فى بنتى
بليل فى اوضه نور
نور: يا ماما افتحيلى ونبى عايزه اكل جعانه بقالى كتير مكلتش
ام نور بعياط: والله يبنتى كان على عينى بس ابوكى معاه المفتاح ومش راضى يدهولى وهو بره دلوقتي
تانى يوم بليل
نور خلاص مبقتش قادره من كتر العياط والجوع وفأجاة لقت حد بيفتح الباب براحه
نور: ماما
ام نور: اسكتى وطى صوتك انا لما صدقت ابوكى ينام واعرف اخد المفتاح
نور بعياط: ماما والله معملتش حاجه والله انا بريئة
ام نور: عارفه يروح ماما خلاص كفايه عياط بصى انا عارفه طبع ابوكى طبعو اتغير من ساعة ما رجعنا من القاهره وهو حالف ميطلعكيش خالص خدى الفلوس دي وروحى القاهره تانى وخدى الغوشتين اللى معايا حاولى تتصرفى بيهم ودورى على شغل هناك
نور: ماما انتى بتقولى اى
ام نور بعياط: اسمعى اللى بقولك عليه انتى لسه متعرفيش طبع ابوكى
نور بعياط: بس يا ماما...
ام نور بمقاطعة لكلامها: منغير بس اسمعى كلامى يبنتى ويلا قبل لما ابوكى يصحى عشان لو صحى هي*موتك
قامو وجهزو شنطه صغيره ل نور وودعو بعض وام نور رجعت المفتاح تانى مكانو وقامت اتوضت وصلت الفجر وقعدت تدعى لبنتها وقعدت تعيط
نور وصلت لمحطة القطر
نور: ممكن تذكرة للقاهره
: تمام اتفضلى يا آنسه
نور: طب هو القطر هيجى الساعه كام
: هيجى الساعه٦ مش قدامه كتير خلاص فاضل ساعه ويجى
نور: تمام شكرا لحضرتك
نور قعدت تستنى القطر وهى بتعيط وبتفتكر اللى حصل وان ابوها مصدقهاش وعيطت اكتر لما عرفت انها راحه بلد متعرفش فيها حد هما قعدو فتره فى القاهرة بس مشيو وهى كانت صغيره وملهاش قرايب هناك وكمان متعرفش اسم الشارع اللي كانو ساكنين فيه
بعد فتره وصل القطر ركبت وبعد نص ساعه نامت من كتر العياط والتفكير
ــــــــــــــــــــــــــــــــــــــــــــــــــــــــــــــــــــــــــ
فى مكان آخر
التليفون رن
: انت لسه في الشركه ولا اى
: ايوه كان قدامى شويه شغل وخلاص خلصت اهو وهروح
: خلاص ماشي يعم على ماعادنا بليل
: ماشي امال انت فين يا جاسر
جاسر: لسه مخلص مأمورية ومروح اهو وهنام
: ماشي وانا برضو هروح انام
جاسر: يزن متنامش لحد بليل ومتعملش تليفونك صامت زى كل مره
يزن: خلاص يبنى قولت هاجى
جاسر: اما نشوف يلا سلام بقى عشان سايق
يزن: سلام
يزن قفل مع جاسر ولم ورق من المكتب وروح ودخل اوضته علطول وغير وأخد دوش ونام...
يتبع... 💋💖
♡روايه احببت خادمه♡...
للكاتبة/چيداء محمد
عايزه تفاعل بقى عشان انزل البارت التاني🫶🏻♥️
تعريف الشخصيات....
____________________________
نور: بنوته جميله شعرها اسود ناعم متوسط الطول، عيناها بنى مثل عين الغزال، قصيره، عندها 19سنه، من الصعيد، لسه لديها اخوات
____________________________
يزن الدمنهورى: شاب طويله، عنده عضلات، عيناه عسليه، يمتلك شركات عائلة الدمنهورى، عنده 29سنه، من القاهره، والده متوفى، قاعد مع وادته
_______________________________
جاسر المنياوى: شاب طويل بس اقصر من يزن، ظابط فى المخابرات، عيناه سوداء، عنده 29سنه، صاحب يزن من الطفوله، عائلتهم اصدقاء ايضا، والداه متوفيان
_______________________________
سهير الدمنهورى: والده يزن، عندها 50سنه، يعتبر هى اللى ربت جاسر واخته
_______________________________
لارا المنياوي: اخت جاسر، عندها 25سنه، كانت تدرس فى كلية الهندسه
_______________________________
بقيت الشخصيات هنعرفها فى الروايه
٢/٣
♡روايه احببت خادمه♡....
البارت الثانى
للكاتبة/ چيداء محمد
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
بليل قعدت جاسر يرن على يزن ويزن كالعاده نايم في سبعين نومه بياكل رز مع الملائكة جاسر قعد يشتم فيه عشان كانو خارجين مع صحابهم
جاسر: الو بقولك انا ويزن مش هنيجى
: ليه يعم فى اى
جاسر: عادى يعنى يزن زى كل مره نايم وانا مش قادر اجي لوحدي خليها يوم تانى
: ماشي يسطا ولا يهمك
جاسر: يسطا اى يسطا دى انت مش ملاحظ انك بتكلم ظابط مخابرات ولا اى
: بس يلااا انت هتعمل علينا احنا ظابط ده احنا صحاب من زمان عادي ولا يفرق معايا
جاسر: يلا يلاااا سلام
: سلام يا اخويا
جاسر قفل الخط وراح نام تاني
تانى يوم الصبح
صحى يزن مسك التليفون لقى جاسر رن عليه فوق الخمسين مره
يزن: يالهوي ده جاسر هيموتنى وانا نسيت وعملت التليفون صامت ده انا هتعمل بطاطس محمره
قام اخد دوش ولبس ونزل عشان يروح الشغل
يزن: صفاء حضرى الفطار بسرعه عشان ورايه اجتماع
: يعنى هتمشى منغير ما تسلم عليا ولا اى
يزن: انا اقدر برضو يست الكل
سهير: ما انت راجع امبارح وش الفجر وبقالى يومين مشوفتكش
يزن: معلشى والله كان ورايا شغل كتير اوييي فى الشركه متزعليش بقى
سهير: خلاص يا حبيبي مش زعلانه ربنا معاك يارب
يزن: يارب ي سوسو ويخليكى ليا
صفاء: الفطار جاهز يا بيه
يزن: يلا ي سوسو عشان نفطر
سهير: يلا يا حبيبى
يزن: صفاء افتحي الباب
صفاء: ده جاسر بيه
جاسر: ده انا هموتك يا يزن الكلب
يزن: ليه الغلط بس
جاسر: دى المره الكام نتفق على خروجه وتنام ومنخرجش
يزن: والله يسطا نسيت التليفون صامت ونمت طول اليوم كلو امبارح ولسه صاحى
جاسر: هو اى يسطا اللى انتو ماسكنها دى وهو مش جاى معاكو انى ظابط خالص متتكلمى يا خالتى
سهير: احلى ظبوطه ده ولا اى يا ولاد
جاسر: ظبوطه يالهوي ده انا هيبتى بقت في الارض خالص يا جدعان
يزن: بطل رغيي وتعالى افطر
جاسر فطرت يا اخويا
سهير: امال فين لارا يا ابنى
جاسر: اهى مخموده فى البيت
سهير: ابقى قولها تيجي تقعد معايا شويه
جاسر: حاضر هبقى ارن عليها اصحيها اخليها تجيلك
يزن: الحمدلله يلا سلام عايزين حاجه
سهير: لا يا حبيبى مع السلامه
يزن: الله يسلمك
جاسر: استنى انا خارج معاك يلا باى
سهير: ربنا معاكو يارب
يزن وجاسر خرجو وكل واحد مشى فى طريق غير التانى
ـــــــــــــــــــــــــــــــــــــــــــــــــــــــــــــــــــــــــــــــــــــــــــــ
فى مكان تانى
القطر وصل القاهره
نزلت نور من القطر ومش عارفه تروح فين ولا تيجي منين ومش معاها تليفون نزلت من محطة القطر قعدت تمشى فى الشارع وتسال على شغل او مكان تسكن فيه مش لاقيه شغل ومحدش راضى يأجرلها عشان مش عارفين هى سارقه الغوايش دى ولا جيباهم منين وقفت فى نص الشارع تعيط زى الاطفال ومش عارفه تعمل اى
و فاجئة لقت ايد حد على كتفها....
يتبع... 💋💖
♡روايه احببت خادمه♡.....
للكاتبة /چيداء
♡روايه احببت خادمه♡
البارت التالت
للكاتبة: چيداء محمد
ـــــــــــــــــــــــــــــــــــــــــــــــــــــــــــــــــــــــــــــــ
وفاجئة نور لقت ايد حد على كتفها... بتلف لقت راجل كبير في السن
الراجل: مالك يبنتى فى اى
نور بعياط: مفيش حاجه
الراجل: يبنتى انا قد ابوكى احكيلى يمكن أقدر أساعدك
نور بعياط: انا مش من هنا ولسه واصله ومليش حد هنا ومحدش راضى يشغلنى او يأجرلى اوضه حتى
الراجل: طب اهدى يبنتى وبطلى عياط وهتتحل ان شاءلله
نور: حاضر
الراجل: بصى انا عندى ليكى شغل
نور: بجد والله
الراجل: اه والله بس مش عارفه هتوافقى ولا لا
نور: انا موافقه اهم حاجه اشتغل
الراجل: بصى فى ڤيلا عايزين ناس تشتغل عندهم وهما ناس طيبين وان شاءلله هتشتغلى عندهم
نور: ـــــــــــــــــــــ
الراجل: اى يبنتى هتشتغلى ولا لا
نور: خلاص خلاص هشتغل
الراجل: طب تعالى معايا
نور: حاضر
ـــــــــــــــــــــــــــــــــــــــــــــــــــــــــــــــــــــــــــــ
فى مكان تانى
محمد: ازاى يعنى خرجت واحنا محسناش بيها
ام نور: معرفش يا محمد
محمد: ومش لاقيها خالص من امبارح ومحدش يعرف هى فين ومحدش من صحابها عارف حاجه عنها برضو ده انا قلبت الدنيا عليها هتكون راحت فين يعنى
ام نور فى سرها: ربنا معاكى يبنتى ويوقفلك ولاد الحلال يارب
ــــــــــــــــــــــــــــــــــــــــــــــــــــــــــــــــــــــــــــــ
فى ڤيلا الدمنهورى
سهير: افتحي الباب يا صفاء
صفاء: حاضر
الراجل: سهير هانم موجوده
صفاء: ايوه الهانم موجوده اقولها مين
الراجل: قوللها عبداللطيف
صفاء: تمام ثانيه واحده
سهير: مين يا صفاء
صفاء: واحد بيقول اسمو عبداللطيف
سهير: طب دخليه
عبداللطيف: جبتلك واحده زى ما كنتى عايزه تشتغل عندكو
سهير: اسمك اى يا جميله
نور: اسمى نور
سهير: خساره فيكي البهدله والله اشتغلتى فى حته تانيه قبل كده
نور بعين مدمعة: لا اول مره اشتغل اصل انا مش من هنا
سهير: امال منين يا حبيبتى
نور: من الصعيد بس احنا قعدنا فتره فى القاهرة ورجعنا تانى الصعيد
سهير: خلاص ماشي يا حبيبتى هتشتغلى هنا تساعدى صفاء هى هتطبخ وانتى هتروقى
نور: حاضر يا هانم
عبداللطيف: طب استأذن انا بقا
سهير: صفااااء
صفاء: نعم ياهانم
سهير: خديها تغير هدومها وخليها تقعد فى الاوضه بتاعتك لحد لما تروقى الاوضه بتاعتها
صفاء: حاضر يلا يبنتى
نور مشيت معاها وغيرت وصفاء روقت الاوضه راحت قعدت فيها عشان سهير قالتلها ترتاح شويه وبعد شويه صحيت وراحت على المطبخ تسأل صفاء هتعمل اى
صفاء: صباح الخير ياعسل
نور: صباح النور هو انا المفروض اعمل اى
صفاء: النهارده مش هتعملى حاجه انا خلصت النهارده أبداى بكره
نور: حاضر هو انا ممكن اقف معاكى هنا
صفاء: ايوه يبنتى اقفى
وقطع كلامهم صوت رن الجرس
صفاء: روحي انتي افتحي الباب
نور: حاضر
نور راحت تفتح الباب
: اى ده كلو على ما تفتحى يا صفاء
نور: اتفضلى حضرتك عايزه مين
: انتى متعرفيش انا مين ولا اى وبعدين انتي مين
نور: انا الشغاله الجديدة
قطع كلامهم صوت من ورا نور
سهير: اخيرا جيتى يا لارا
لارا: ايوه ياحبيبتى جيت
سهير: طب ادخلى دى نور لسه شغاله هنا النهارده
لارا: ايوه واضح عليها
سهير دخلت ولارا وهى داخله راحت زقت نور ولو مكنتش ماسكه الباب لكانت وقعت على الارض
نور عنيها دمعت من الموقف......
يتبع... 💋💖
♡روايه احببت خادمه♡......
للكاتبة /چيداء محمد
عايزة تفاعل حلو عشان انزلكو الباقى🌚
♡روايه احببت خادمه♡.....
البارت الرابع
للكاتبة /چيداء محمد
ــــــــــــــــــــــــــــــــــــــــــــــــــــــــــــــــــــــــــــــــــــــــ
نور دخلت المطبخ وعنيها مدمعة صفاء شافتها
صفاء: مالك يبنتى فى اى ومين اللى جه
نور حكتلها كل اللى حصل
صفاء: معلشى يبنتى هى كده استحمليها هى شويه وهتمشى
نور: حاضر بس هى بتعمل كده ليه
صفاء: هى طبعها كده من ساعة ما ابوها وامها ماتو
نور: ربنا يرحمهم
صفاء: يارب بس ابعدى عنها خالص
نور: حاضر
بليل فى الڤيلا
الجرس رن راحت نور تفتح
طلع يزن وأول لما شافها وقف مصدوم من جمالها
نور: ايوه حضرتك مين وعايز مين
يزن لسه واقف سرحان فى جمالها
نور: انت يعم سرحان فى اى رد عليا
يزن فاق من شروده: انتى مين
نور: انا الشغاله الجديدة ولسه شغاله هنا النهارده
يزن فى سره: يبقى العسل ده كلو يشتغل عندنا
نور: حضرتك عايز مين
يزن: المفروض ان دى ڤيلا حضرتى
نور: انا اسفه والله مكنتش اعرف
يزن: لا عادي ولا يهمك مفيش حاجه حصلت طب هفضل واقف قدام الباب
نور: لا اتفضل
سهير: اى يا حبيبى جيت
يزن: لا لسه مجتش😂
سهير: خلاص لما تيجى عرفنى😂
يزن: حاضر هتعوزى حاجه وانا جاى😂
سهير: لا 😂
وقعدو يضحكو😂😂 وده كلو نور واقفه ومش عارفه هما ازاى فرفوشين كده ومش باين عليهم
سهير: دى نور وبتشاور عليها جبتها تشتغل وتساعد صفاء
يزن: عادي مفيش مشكله تقدرى تتفضلى انتى وكان بيبص ل نور
لارا: لا استني اعمليلى قهوة
نور: بس دى مش شغلتى
لارا: انا قولت كلمه روحي يلا
نور مشيت
يزن بيبصلها بعصبيه: مينفعش تكلميها كده
لارا: انا اكلمها بالطريقة اللى انا عيزاها
يزن: انا طالع اغير يا ماما بدل ما اتخانق معاها وخلى صفاء تحضرلى الاكل
طلع يزن اخد دوش وغير ونزل كانت صفاء حضرت السفره وكانت نور طالعه من المطبخ بالقهوة وادتها ل لارا
لارا خدتها وداقتها وراحت رمياها عليها
نور: اعععععع
لارا: اى القرف اللى انتى عملاه ده
نور واقفه بتعيط
يزن جرى على نور
يزن: انتى كويسه
نور بعياط: ايوه
يزن بيبص ل لارا: اى اللى انتى عملتيه ده
لارا: هى تستاهل هى قاصده تعملها وحشه
يزن: وهتقصد ليه هى تعرفك منين
لارا: معرفش أسألها
يزن: اسكتى يا لارا خالص وتبقى تيجى جنبها تانى
لارا: انت بتدافع عنها ليه
يزن: عشان هى بنآدمة زيها زيك
لارا: لا هى مش زيها زي متقارنهاش بيا
يزن: فعلا مش لازم اقارنها بواحده زيك يلا روحى
لارا وهى ماشيه: طب والله لأوريها
يزن: فرجينى
لارا لسه بتفتح الباب لقت جاسر قدامها
جاسر: هو فى اى
لارا سابته ومشيت
جاسر وهو داخل لقى واحده حلوه داخله المطبخ وهى بتعيط
جاسر: اى ده مين القمر دى وبتعيط ليه
يزن: بتعيط بسبب اختك رمت عليها القهوة مولعة
جاسر: اختى انا خلت القمر ده يعيط
يزن: اه يا خويا
جاسر: امال مين دى انت اتجوزت من ورايا ولا اى
يزن: انا يبنى
جاسر: امال مين دى رد عليا
يزن: دى يا سيدى هتساعد صفاء فى شغل البيت
جاسر: بتهزر😳
يزن: لا😂 تعالى بقى ناكل ربنا يسامحها اختك الاكل برد
جاسر: لا كل انت انا كلت
فى المطبخ
نور واقفة بتعيط وصفاء بتحطلها على هدومها مياه عشان سخنية القهوه
صفاء: معلشى يابنتى
نور لسه بتعيط
سهير دخلت المطبخ: معلشى يبنتى انا آسف على اللى هى عملتو
نور بطلت عياط: لا عادي ولا يهمك
سهير: طب روحي غيرى هدومك وأرتاحى لحد بكره وانا ليا كلام تانى معاها
نور: حاضر
نور راحت الاوضه وغيرت وقعدت تعيط بسبب اللي حصل وانها مش عارفه امها عامله اى وابوها عمل اى لما عرف انها مشيت قعدت تعيط لحد لما نامت (حساها بتعيط كتير زى حد اعرفه😂😂)
جاسر: انا هروح بقى عشان عايز انام مش قادر
يزن: ايوه يلا مع السلامه امشى
جاسر: انت بتتردنى
يزن: ايوه يلا امشي
جاسر: ماشي مش هاجي عندكو تانى
يزن: هيكون احسن
جاسر اخد العربيه بتاعتو ومشى ويزن طلع ينام
جاسر كان ماشى وكان الطريق فاضى وفاجئة فرمل العربية فى اخر لاحظ لما لقى بنت بتحاول توقف العربية بتاعتو لما وقف العربية بتاعتو البنت جريت على الشباك
البنت: ارجوك ساعدنى
جاسر: فى اى طب اهدى
فاجئة لقى واحد مسك ايديها
الشخص: بقولك تعالى معايا بالذوق بدل ما آخدك بالعافية
البنت: ارجوك ساعدنى
الشخص سحبها ولسه هيمشى بيها لقى ايد مسكت ايد البنت التانيه لسه بيلف لقى بوكس👊 فى وشه
جاسر: انت اهبل ولا اى لما البنت تطلب مساعدتى وتقف قدامى اياك تاخدها
الشخص: وانت مين يعني عشان تمنعنى
جاسر: انا ظابط المخابرات جاسر المنياوى
الشخص: والله يا باشا انا آسف مكنتش اعرف والله
جاسر: تمشى ومشوفش وش امك ده قدامى تانى حتى لو بالصدفه عشان لو شوفتك هيكون اخر يوم في حياتك
الشخص جرى من قدام جاسر اختفى بمعنى الكلمه
جاسر: تعالى اركبى اوصلك
البنت: شكرا لحضرتك بس مش هينفع خلاص انا هروح لوحدي
جاسر بزعيق: انا قولت كلمة ولا انتى عايزة يطلعلك حد تانى والمرة دى انا مش هكون موجود يلا اركبى
البنت ركبت وجاسر ركب وساق العربية
جاسر قطع الصمت: اى اللى منزلك فى الوقت ده لوحدك
البنت بعياط:............
يتبع.... 💋💖
♡روايه احببت خادمه♡.......
للكاتبة/ چيداء محمد