بسمة مدفونة في خيالي - الفصل ٣٥ و٣٦ - بقلم مجهول🖤 - مكتملة | روايتك

رواية بسمة مدفونة في خيالي : الفصل الخامس والثلاثون : من الخارج يضحك ومبسوط لكن من الداخل مقهور من رونق ومن عنادها ...كل إخوانه مجتمعين مع زوجاتهم الا هو ! رفع نظره وهو يشوفها داخله ...ظهرت الصدمة عليها وهي تشوف الحفلة للحين ما انتهت! تقدمت بهدوء وهي ترد السلام ...وجلست جنب منار .... سعاد بانتقاد : وينك جالسين من المغرب وما تسقبلينا رونق بهدوء:-البيت بيتكم ام راكان ناظرت سعاد: قفلي الموضوع ! منار :خلينا نعطي خالتي الهدايا لأنه تأخر الوقت وباكر عندنا دوام ! عفست ملامحها رونق توقعت هالفقرة انتهت! ناظرت جراح الي يكلمها:رونق جيبي الهدايا الي احضرناها لأمي! ناظرته بهدوء وتوجهت للغرفة ..بعد وقت قصير طلعت ومعها هدية وحدةفقط ...تقدمت من جراح ومدت له الهدية ..مطنشة نظراته الغاضبه من عنادها! بدأ الكل يقدم لها الهدايا ورونق جالسه تناظرهم بهدوء ..التفتت على سعاد الي تكلمت بانتقاد: ماكلفت نفسك تعطين أمي هدية! رونق تعرف سعاد ما تعرف تجلس بدون ما تحفر ...وبهدوء نطقت: زواجي من ولدها هذه اكبر هدية حصلت عليها في الدنيا وما رح تحصل احلى من هذه الهدية! سعاد انغاضت منها : قولي اكبر مصيبة ! ومب قادرين يتخلصوا منك ! رونق ببرود: عادي ترى متعادلين اذا انامصيبة بنظركم ...تراك إنت اكبر مصيبة تورطوا فيها بيت جدي وما هم قادرين يتخلصوا منك ... سعاد انفعلت من كلامها ...وقفت وهي ناوية تمسح فيها الارض ....وقبل ما تقترب من رونق كان جراح بوجهها. بهمس ما تسمعه الا سعاد « ان فكرت مجرد تفكير تمدين يدك اكسرها » زياد سحب سعاد وأجلسها مكانها:حنا بالشارع! سعاد بقهر: ما سمعتم وش تقول عني! جراح بحدة: انت الي بدأت برمي الكلام والي بيته من قزاز ما يرمي بيوت الناس بحجارة ! ام راكان ناظرت سعاد بهدوء: سعاد خلاص قفلي السالفة! سعاد النار تأكلها مو عارفه تسكت وبقوة نطقت: والله كلامك هذا عند دار عمي ابغى اشوف مين يتكلم علي كذا؟! دامني مصيبة نلتقي بالمحكمة قاطعها راكان بقوة: خلااااص ! قلنا لك اسكتي! وانت يا رونق مين الي يقول عن سعاد هالكلام ؟!، رونق تكره فيه هالثقه وكأنه له سلطة على الجميع ...وبهدوء نطقت : ما يخصكم مين قال قاطعها جراح وهو يناظرها بقوة: رونق انتهينا ! راكان هز رأسه : شفت بعينك كيف تكلمني؟! قبل ما تيجي يا جراح عند امي وترتجيها حتى نعامل رونق بالطيب بالاول علمها كيف تحترم الي اكبر منها ! وإذا انت تعاملها بالطيب من باب الشفقة مثل ما قلت لأمي ما تجبرنا نشفق عليها ونحزن عليها بحجة إنها منبوذة وما احد يحبها كل هذا نتائج تصرفاتها ...قومي مريم يلا ! جراح انتفخ وجهه من كلامه ...ناظر امه مقهور ليه خبرت راكان ...التفت على رونق الي الهدوء يغلفها ...رفعت رأسها بهدوء عكس الجرح الجديد الي ينزف بداخلها ونطقت بثقة :-وليه يشفق علي جراح ؟! ترى انا لي عائلة واهل وأحباب بالقرية بس انتم دمرتوا كل شيء! لا تظنوا اني وحيدة لاني ما ازور الجازي او جواد او اهلهم بالعكس كلهم ما يعنون لي شيء عشت حياتي بدونهم فوجودهم وعدمهم واحد بالنسبة لي ! زياد انقهر من جحدها لاهلها: وجراح عشت حياتك بدونه اشوفك ملتصقه فيه رونق بهدوء ردت: جراح يختلف عن الكل الي جمعنا قاطعتها ام راكان: حسبي الله على كل زوجة تقطع الزوج من اهله وتحرضه على اهله !، اقول امشوا يا عيالي جراح ضايع بينهم:يمه لحظة ! ام راكان بأسف: لا تزعل علي يا جراح زوجتك ما تبغانا قاطعتها رونق وهي تقترب منها وتتكلم بهدوء : خالتي أنا ما دفتها ام راكان بقرف: لا تلمسيني! انصدمت رونق من تصرفها وكأنها شيء قذر ...وبانفعال نطقت: عمرك ما شهدت مع الحق ..دوم تشوفين عيالك يرمون علي الكلام وان نطقت بحرف واحد تصير علوم طويلة وعريضة ! مسكها جراح من كتفها وابعدها عن امه برفق : رونق ابعدت يده عنها بقهر:لمتى أسكت! خلاص انا مليت ....اهلك،وبالذات امك مو راضية عن هالزواج خلاص الحين رح ينتهي كل شيء ....وانا راضية بالانفصال بالمقابل حتى تحصل على راحة البال وتعيش سعيد مع اهلك ! راكان يستغل الفرصة: كوني قد كلمتك وباكر نلتقي بالمحكمة جراح بغضب: خلاص تراكم زودوتها ! وكأني رجل طاولة هنا ! وش طلاق وتخبيص! مسك كتف رونق بتملك: لو عدت هالسوالف مرة ثانية ادفنك بأرضك! اسمي واسمك انكتبوا مع بعض وما في قوة تفرقنا ! تفهمين! رونق بقهر: واهلك قاطعهابغضب: ما احد له دخل بحياتي ..رونق زوجتي غصب عن الكل وما اسمح لاحد يفرقنا ! يمه وقسم بالله إن رجعت سعاد ترمي كلام او أي احد مرة ثانية ما لي قعدة هنا ...كرامة رونق من كرامتي ! ام راكان بزعل: ايه ارفع صوتك علي أكثر وكأني بزر ..يا خسارة تربيتي فيك ! ** ** * * في دور ام راكان ام راكان جالسه وتناظر راكان المنفعل: رح انفجر يمه رح انفجر! في احد يحب زوجته كذا وحتى لو كانت على غلط يوقف معها !، مستحيل ما هو طبيعي! ام راكان تنهدت بقلة حيلة: قلنا لهفة الخطوبة وبعد الزواج تختفي ....لكنه زاد تعلقه فيها اكثر ..ما هو طبيعي وكأنه مسحور ! راكان هز اكتافه بقلة حيلة: اكثر من مرة ركب معي بالسيارة واتعمد اشغل سورة البقرة وما تأثر الوضع عنده طبيعي ! ام راكان زفرت بضيق: وقسم بالله مثل الطفل الصغير الي خايف يسرقوا منه لعبته! تعلقه فيها رح يجيب لنا المشاكل! راكان وعقله ما هو مستوعب: تدرين ولدك هذا لو تموت رونق او تفارقه رح ينجن رسمي ويفقد عقله !!! ام راكان بقلة حيلة:وش الحل يا راكان! انت محامي معقول ما في بعقلك شيء قاطعها بعجز: ما في يمه! صحيح اني ما ابغاها زوجة لاخوي لكن بنفس الوقت هالشيء ما يحملني اني اظلمها !- لو بغيت افتري عليها وبالطرق الملتوية زمان جراح طلقها ! لكن ما باليد حيلة ! *• ** ** جراح بغضب منها : وبعدين متى ارتاح ردت بقهر من تصرفاته: طلقني حتى ترتاح احسن ما تجلس ترتجي اهلك يعاملوني بالطيب ويشفقون علي! وبنبرة مخنوقه تابعت كلامها: مب حاجة احد يشفق علي تفهم ...ومشاعر الشفقة هذه ما ابغاها! ناظرها بقوة: انت ما قاطعته وبداخلها قهر مب قادرة تخمده : خلاص جراح لا تتكلم وتزيد قهري! توجهت لدولاب الملابس ترتبهم تشغل نفسها قبل ما ترتكب جريمة بجراح وأهله ! مسك يدها وابعدها عن الدولاب وبغضب نطق: ما رح تطلعين من بيتي تفهمين! هزت رأسها بأسف يظنها رح تطلع من البيت غبي ما يدري انه ما في مكان تروح له ! قررت تروح للمطبخ تبعد عنه لوقت ما تهدأ ما تبغى تتكلم بأشياءوهي معصبة وبعدها تندم عليها ! اول ما طلعت من باب الغرفة لحقها ومسكها من يدها: قلت لك ما رح تطلعين من هنا! رجلي على رجلك وغير كذا ما عندي ! تنهدت وهي تحاول تفك يدها: اقولك ما رح اطلع بس اتركني ! ناظرها وهي بأي لحظة تنفجر الدموع من عيونها ...وبنبرة حنونة : رونق أنا آسف اذا زعلتك بس ما اقدر أعيش بدون ما تكونين جنبي! ناظرها للحظات وبعدها غادر....سرعان ما ركضت خلفه لما قفل الباب بالمفتاح خلفه ! ضربت الباب بقوة: جراح افتح الباب جراح! نطق بهدوء : ما رح أتأخر كذا افضل حتى اضمن ما تروحين للجلمود جواد وما يرجعك لي ! ضربت الباب بقهر من تفكيره ! زفرت بضيق من هالحياة .... ** ** ** في اليوم الثاني جالسة تتكلم بكل اريحيه: وهذا الي صار ...والحين بيت عمي يبغون يعرفون مين يتكلم على سعاد كذا ! الجازي باستغراب: يعني سعاد ما تعرف انها مو مرغوب فيها هنا كثير وخاصة عند سلفاتها! يمكن رونق سمعت من نغم او قاطعتها مريم: حتى لو صار هالكلام وشهوله تنقله قدام الكل ؟! لا وفوق هذا بكل وقاحة تقول لراكان ما يخصك ! جواد تنهد بضيق من رونق ومشاكلها الي ما تخلص : وليه سعاد تقول لها هالكلام مريم بدفاع: يمكن تضايقت منها لانها استخسرت تحضر هدية لخالتي ام راكان ! اكيد رح تتضايق على امها! مط جواد شفته بملل: يا سخفك انت وابنة عمك! ما هو ضروري تجيب هدية ! وسعاد ما لها علاقة بسالفة الهدية! مريم بانفعال: بس ما يصير تقول لراكان كذا ! ناظرها وطق كبده من بناته: ترى ما ادري وش هالهبل الي عند بناتي وحدة مجنونة راكان والثانية مهبولة جراح !، رفع جواله واتصل على رونق يشوف وش صار معها ...عقد حواجبه باستغراب: جوالها مغلق ! مريم : بصراحة ما توقعت انها تجحدكم ! بكل وقاحة تقول ما تعنون لها شيء!، جواد بضيق: ترى ما جبتي شيء جديد ...من متى اختك حبتنا ؟!،او اعترفت بوجودنا؟ ادري بها حنا مجرد اهل انغصبت انها تعيش معهم ! ولولا جراح ما اتوقع إنها للحين معنا....و ما استبعد عنها تهرب مريم عفست بامحعاملامحها بترفع:بصراحة ما اصدق انها شق التوأم لي ! هالانسانة مب طبيعية ! اليوم راكان بعد ما يرجع من الدوام رح ييجي لجدي وقف جواد بقهرمن راكان ..ما يبغى ابوه يجرح رونق ...وبغضب نطق: كلما عملت رونق شيء تتصلون بابوي ترى انا ابوها ...انا الحين رح اكلمه واوقف هالمهزلة! اخذ الجوال وغادر المكان..مريم ناظرت الجازي بتوتر: اخاف يحتد النقاش بين راكان وبابا! الجازي تطمئنها: لا تخافين هو يحاول يصلح حياة رونق ما رح يهدم حياتك!، ** ** جالسه بالاستراحة وسرحانه من الصبح ما نطقت بحرف واحد ..الصبح كان المفتاح داخل الباب لكنه ما هو موجود ....وحتى هنا ما لمحته ! تسنيم باستغراب: غريبة هاجدة ما لك حس ولا خبر! رونق ابتسمت بألم : ما في شيء! وقفت رونق قبل ما تفتح لها تسنيم تحقيق ...وغادرت المكان ...تمشي بممرات المستشفى بلا هدف .... وقفت عند شباك مطل على الشارع الرئيسي ...تناظر السيارات كل هالناس لها قصة وربنا الوحيد الي يعلم بكل احوال الناس ! تنهدت بضيق اخر شيء توقعته انه يناظرها بشفقه! لا والمشكلة قدام اهله يتكلم انه يشفق عليها! غمضت عيونها للحظات لما حست بأحد وقف جنبها ....متاكدة من هالشخص علشان كذا ما التفتت إليه ! دام الصمت للحظات بعدها نطق: رونق ما ردت عليه لانه مجروحه منه كثير! تابع كلامه لما شاف ما منها رد: بحياتي كلها ما شفت انسانه عنيدة مثلك ! ناظرته وهي رافعة حاجب باستغراب من هالجملة ! تابع كلامه بعتاب :يعني لو اعطيتي امي الهدية كان ما صار الي صار! ناظرته بقهر على بالها يبغى يعتذر أو يبرر موقفه وبالاخير هذه سوالفه ...وبنبرة قوية نطقت : وانا من البداية قلت لك ما رح اعطي احد هدية ليه تشتري من الأساس؟! رد بقهر: انا بس أبغى افهم لو تعطي امي هدية وش ينقصك ؟! هدية جاهزة بس قدامها انك اخترتيها لها ! رونق بغضب: ينقصني كثير ! امك لو ما بقى غيرها في الكون ما اعطيتها هدية ولو اخر يوم بعمري ما رح أضع يدي بيدها! وقبل ما يتكلم او يعترض تابعت: ما شفتها كيف دفت يدي وكأني شيء مقرف! ما ألومها دام زوجي الموقر يناظرني بشفقه قاطعها بغضب من تفكيرها: وانت على طول صدقتي كلام راكان ! ارتخت ملامحها: كيف؟! تكلم بضيق: راكان فهم على امي غلط ...أنا كلمت امي وطلبت منها تفتح صفحة جديدة وتنسى الماضي ويصير التعامل بينكم مبني على الاحترام ...حتى طلبت منها تعاملك مثل ما تعامل مريم! هذا إلي قلته كلامي فيه غلط ؟!، تنهدت وبعد صمت دام للحظات نطقت وهي تناظر للخارج: انت برأيك وش الحل لهذه السالفة! ابتسم رغم ضيقه: الحل اليوم نطلع بعد الدوام ونغير جو قاطعته : نروح للقرية عند جدتي رد بموافقه: بس قدر ما رح تكون معنا ..شفتي كيف عمي ابو جواد عمل لما عرف هزت رأسها بالموافقة: موافقة! توسعت ابتسامته وهو يناظرها: رضيتي الحين! هزت رأسها بهدوء وما نطقت بحرف واحد! ** ** ** جالس ويلعب بالسبحة بهدوء وهو يناظر راكان المنفعل بالكلام : هذا الكلام ما يصير! أبو جواد بهدوء: ما يصير هذا الكلام من الطرفين ..يعني سعاد ما لها حق تتكلم عليها ورونق بعد ما يطلع لها تتكلم كذا ! لكن لك وعد هالكلام ما يتكرر ...وانت شفت اتصلت عليها جوالها مغلق! اتصل بجراح وشوف مكانه! راكان هز راسه ....مسك جواله واتصل على جراح ...عقد حواجبه باستغراب: جواله مغلق! قدر وين ؟! جواد بهدوء: قدر مع نايف شفته طالع مع عياله ! راكان باستغراب: دوامهم انتهى زمان وينهم للحين! لحظة اشوف اذا رجعوا على البيت ! اجرى اتصالاته وهو للحين مستغرب: ما احد منهم رجع على البيت ! معقول صار عليه شيء! لحظة اشوف زياد يسال اذا جراح داوم او لا ! بعد لحظات قفل وعلامات استفهام على رأسه: يقول زياد انه اليوم ما داوم بالمستشفى رح يتصل بالمستشفى ويشوف اذا جراح داوم او لا ؟! جواد اعتدل بجلسته باستغراب ما احد منهم له حس والاثنين جوالاتهم مغلقه! التفت على راكان الي رن جواله : وش قالوا ....طيب دام انه داوم وينه للحين ؟! ..المشكلة جواله مغلق ...حتى رونق نفس الشيء! .....يمكن ..اذا صار شيء اكلمك! قفل الخط وناظرهم: يقول داوموا بالمستشفى ..يمكن راحوا يتغدوا بمطعم او شيء قاطعه ابو جواد بعدم راحة: وليه جواله مغلق ! وش هالصدفة الاثنين جوالاتهم مغلقه ! جواد بدأ القلق يسري بداخله :يعني وين رح يكونون ؟! ** ** ** ام راكان تنوح على ولدها الي ما له أثر ....الحين الساعة 1 وما في لهم اثر ! زياد بضيق: يا يمه حطي راسك ونامي اكيد طلعوا مع بعض يغيرون جو! ام راكان بنحيب: اي نوم يزورني وولدي ما له اثر ! اكيد صار له شيء ! ام لؤي بقلق: وهي نفس الشيء جوالها مغلق وين طسوا! مريم بتفكير نطقت: يمكن راحت لجدتها ام مرعي! منار هزت رأسها : للاسف لا ...اتصل زياد بعمها وقال ما احد جاءهم ولا اعطوهم خبر انهم رح يزورونهم بالعادة يعطوهم خبر! دخل راكان ودخان الغضب يتصاعد منه ...ناظر أمه الي تسأله عن اي خبر لولدها...هز رأسه بقلة حيله : ما في شيء جديد ! مريم : يمكن راحت لجدتها وسيارتهم عطلت قاطعها راكان :ابوك وليث طلعوا على نفس الخط وهم الحين راجعين يقولون ما لهم اثر ! وما احد بلغ عن حوادث !، يعني وين اختفوا ! ام راكان بحسرة: من لما دخلت حياتنا قلبتها فوق تحت ! راكان بقهر: بس نلقى جراح والله ما يبقى هالحال انا لي تصرف مع هالمهزلة ! ** ** ** ** ** الجازي جلست على الكرسي والصدمة الجمتها للحظات ...بعدها نطقت بصعوبة: كيف ام فياض : هذا الي سمعته مسكينه ام راكان تنحب وصوتها رايح من البكاء من الامس ما لهم أي اثر ! وجوالتهم مغلقه! كل الهواجيس السيئة مرت امامها ! وبنبرة ضعيفة نطقت: وين راحوا قطعت كلامها لما بدأت دموعها تنزل على خدودها !، ام فياض بضيق: والله ما احد يدري عنهم ...وكأنها الارض انشقت وبلعتهم! الجازي وهي تبكي : يمكن الي خطفوها يوم عرسها رجعوا قاطعتها ام فياض: يقولون هم بالسجن للحين الجازي تمسح دموعها لما سمعت صوت فياض متوجه لهم :يمكن اتفقوا مع احد ام فياض هزت رأسها بأسف: ربك كريم ناظرهم فياض باهتمام وهو يناظر امه : ما في شيء جديد ! ام فياض : ما في اي خبر ! هز رأسه بتفكير : يعني المكان الي يمكن يكونوا عنده ام مرعي ويقولون ما هم موجودين عندها! جدته صفية ما هو عندها ! ولا عند اخواله ! طيب صار شيء وخلاهم يختلفوا! ام فياض : صارت مشاجرة قبلها بيوم بين رونق واهله وحتى جراح وقف مع رونق ضد اهله ..وامه زعلت عليه وطلعت من عنده زعلانه ! فياض تنهد : هالرونق ما ترتاح الا بالمشاكل ناظرته الجازي بقهر: وش تبغى منها يستعبدوها وتسكت لهم !- ام فياض بتقييم: ترى رونق ربي يصلحها لسانها سليط وما تحترم الي اكبر منها يعني انت امها ما خلصت من لسانها ! وفياض بمقام ابوها وما احترمته حتى أبوها ما قاطعها فياض بقلق خايف ان أصاب جراح ضرر ما رح يسامح نفسه لأنه هو الي ورطه بهذه المصيبة : طيب اتصلي بمريم يمكن وجدوهم!، ** ** ** ** رفعت رأسها من حضن ام مرعي بنبرة متعبه نطقت :تعبت يا جدتي من هالحياة! مب قادرة اتحملهم ...يا ليتني ما طلعت من القرية قاطعتها ام مرعي والتعب اعياها من التقدم بالسن : تطلقي يا رونق ولاتحملي نفسك فوق طاقتها فتحت عيونها باستنكار: جدتي انت من جدك تبغيني اتطلق ..دوم تقولين تحملي قاطعتها وهي تمسح على شعرها بحنان: شوفي نفسك بالمراية كل يوم تذبلين ...لمتى تتحملين الوحدة ؟! صرت بمنتصف العشرين يعني من لما عرفت اهلك تقريبا 7 سنوات قولي لي وش حصلت من معرفتهم؟ ابدا ما في غير وجع الراس والمشاكل! تحسين انك عايشه مع اهلك ؟! طبعا لا تحسين نفسك غريبة قاطعتها رونق بضيق: حتى انت يا جدة تخليتي عني بسهولة ولا. كأنك عرفتيني رمتيني بكل برود ونسيتي ايامنا الحلوة والمرة تبغيني اعتب على اهل عرفتهم البارحة ! اذا الاهل الي عشت معهم سنوات طويله باعوني قاطعتها ام مرعي بمرارة من الحياة الي تجبرك تعمل اشياء ما تبغاها : قولي وش يطلع بيدي وقتها اعمل ؟! حنا ناس على قد حالهم ما لنا قدرة نوقف قاطعتها رونق بوجع: انسي ام مرعي: انت تعرفين غلاتك عندي! يعلم الله كم جلست طريحة الفراش وقلبي محروق على بعدك ! أنا ما طلع بيدي شيء ما لي قوة على المحاكم واهلك ناويين على الشر إذا ما ابتعدنا ....وخاصة ذاك المحامي الشيطان راكان ....اوجعنا بالكلام ....تراهم شايفين نفسهم افضل من الكل ...اتركيه صدقيني رح يوجعك ذول ما فيهم انسانية ...قسوتهم بحياتي ما شفت مثلها ! رونق برفض : ما اقدر اترك جراح قاطعتها ام مرعي بإقناع: حتى جراح انا ما اثق فيه لأنه يحمل دمهم وطبعهم وعاداتهم ...الحين انت كم صار لك متزوجة ؟! اي رجال يقبل ما ينجب أطفال طول الفترة هذه؟! إما زوجك عنده مشاكل بالانجاب او عقيم....علشان كذا متمسك فيك ! والاحتمال الثاني ما يثق باستمرار العلاقة بينكم علشان كذا ما يبغى عيال حتى ما يربطونه فيك لو فكر ينفصل عنك! اسمعي مني الكلام انفصلي عنه افضل لك وتعالي هنا ...ما شفتي كيف بهدلونا بالمحاكم بالسنوات الماضية وكأننا مجرمين ! نظرة الناس لنا هنا وكأننا مجرمين ...بهدلوا سمعتنا والحمد لله ظهر الحق وبراءتنا ....والسر مات مع ولدي وزوجته وما حد عرفه! رونق بكره لراكان هو السبب بكل شيء : هذا راكان هو الي قاطعتها : وزوجك أخوه وش يضمن انه ما يحمل أخلاقه ! رونق بنفي: ابدا ما يشبه راكان! جراح مثل النسمة يداوي ....انا ما اتخيل حياتي بدونه ام مرعي مطت شفتها بسخرية: وش هذه المراهقة المتأخرة على اساس كنت عندك شعارات ضد الزواج رونق بتبرير: ما انكر اني تزوجته حتى اضمن ما احد يتحكم بحياتي لكن مع الايام حبيته وصار جزء من حياتي! ام مرعي كشت عليها: انا نصحتك رونق برجاء: اعطيني حل ثاني! ام مرعي بقلة حيلة: كلما تزوريني اعطيك حل لكن بدون فائدة! دام ما تبغين الطلاق قفلي حلقك وتحملي لوقت تكملين دراسة! وقدر وش اخبارها! رونق تنهدت بضيق: ايييييه لو تشوفينها تغيرت كثير ...الطفلة الي كانت ما تقدر تفارق ظلي الحين ما تسأل عني ! اندمجت مع الي حولها افضل مني ! لما اشوفها اندماجها مع الكل .....اتهم نفسي انه الخلل مني انا! انا مب عارفه أتأقلم معهم او اتصرف بلباقة ...او أقدر اقتنع إنهم اهلي ! ما اقدر انسى الماضي ....في هنا حسرة بقلبي توجعني...إن خمدت لحظات سرعان ما تثور مب قادرة اتحكم فيها! ام مرعي : طول ما انت قريبة ما رح تنسين سكتت لما دخل مروان بملامح مثل ما هي ما تغيرت البؤس والتعاسة مرسوم بوجهه ! رونق باستفسار: علامك تأخرت ؟! مروان بابتسامة باهتة: المهم إني وصلت! ناظرته بضيق ...مروان اكبر حسرة بقلبها عاش طفوله بائسة حتى لما كبر ما كمل تعليمه ...تتمنى تشوفه مبسوط من قلبه ...لكنه ان ضحك بس ضحكة خارجيه ما تلامس قلبه أبدا ! وقفت لما دخل مرعي حتى تسلم عليه ! مرعي باستنكار: انت هنا ! حسبي الله على عدوك ...اهلك قالبين الدنيا عليك ...وانت يمه علامك ما خبرتيني إنها هنا ! رونق عقدت حواجبها باستنكار: وليه قالبين الدنيا ؟! مرعي بهم : حسبي الله على عدوك الحين وش يخلصني من اهلك الهمج ! من البارحة يدورونك انت وزوجك!، نطقت والخوف دب بقلبها: بس جراح وصلني ورجع للبيت! هز كتوفه بعدم معرفه: ما ادري عنهم ! ام مرعي عفست ملامحها : والحين رونق مسكت جوالها وشغلته ...وبأصابع مرتجفة اتصلت على جراح ! ** ** عقله ما عاد يقدر يفكر ...وين اختفوا كذا فجأة ....ناظر امه كآخر حل: طيب شفتم غرفتهم يمكن تركوا رسالة أو ورقة أو اي شيء يدل على مكانهم! ام راكان وقفت على حيلها مثل الغريق يتعلق بقشة ! دخلت البيت وخلفها عيالها ....راكان بهدوء ظاهري: انت ادخلي يمه ابحثي وحنا ننتظرك هنا ! تقدمت وهي تدعي ربها تلقى شيء يدل على مكانهم أهم شيء تتأكد إنه ولدها بخير ...ما تبغى غير كذا ! فتحت الباب وقلبها يدق طبول ....اول ما دخلت الغرفة سرعان ما صرخت برعب ! فز على حيله مرعوب من صراخها : بسم الله وش فيك يمه ! دخل راكان وزياد على صراخ امهم وبصوت واحد مستنكر: جراح ! ام راكان جلست على الأرض بتعب ما تدري تبكي وإلا تضحك ! جراح باستنكار: علامكم كذا مدرعمين الغرفة؟! ام راكان بدأت تتكلم وهي تبكي: اخخخخ قلبي على ولدي وقلب ولدي علي حجر ! طول الليل وانا سهرانه وعلى أعصابي ...ما تركنا مكان والا بحثنا عنك ! وانت حضرتك نائم بكل برود ما تحس بأم قلقانه عليك ! جراح عقد حواجبه: وليه تدورون علي ؟! صاير شيء! راكان بقهر منه حرق اعصابهم وحضرته مندفس هنا ....كرد لحركته نطق : زوجتك ماتت وحضرتك مب موجود للدفن ! اعتدل بوقفته وكأنه سمع غلط: وش تقول؟ ناظر امه الي تبكي حس إنه فعلا صاير شيء! بلع ريقه بعدم تصديق : مستحيل! زياد يكمل التمثيلية: عظم الله اجرك يا اخوي وربنا يعوضك! قاطعه وعقله رافض الفكرة: مستحيل ما كان فيها شيء ! انا وصلتها وكانت مبسوطه ! كيف تقول إنها ماتت! دخلت سعاد وناظرته : جراح انت هنا ؟! الكل قلب الدنيا عليك ! وين كنت ؟! وزوجتك الحقودة وينها ؟! ترى جواد متحلف فيك لو اصاب بنته شيء! رفع حاجب وهو يناظر إخوانه .....راكان اعطى نظره قوية لسعاد ماهو وقتها الحين ! سعاد باستغراب من نظراتهم: وش فيكم تناظروني كذا! جراح بقهر: راكان راكان بغضب من تصرفات اخوه نطق: ذوق المرار الي عشناه البارحة بسببك ! يا اخي انت ما تستحي على وجهك ...اتصل اتصال واحد وقول انك بالمكان الفلاني وجوالك مغلق والمدام جوالها مغلق ! من البارحة ندوركم وانتم ولا على بالكم! جراح بضيق: ترى انا مو بزر كل مكان اروح له لزوم اعطيكم خبر ! بعدين انا وصلتها وأنا راجع خربت السيارة ..نقلتها حتى اصلحها ورجعت للبيت مشي بحدودالساعة 3 توقعتكم نايمين..انا وش عرفني انكم عاملين فيلم آكشن ! ام راكان بخيبة:الحين تسمي خوفنا وقلقنا عليك فيلم اكشن ! جراح تنهد وبندم: يمه ترى والله ما أقصد زياد بانتقاد: وين وصلت زوجتك ؟! ما يحب تدخل إخوانه بهذه النقطة...وبعبوس نطق: اتوقع عمري ما سألتك وين رايحه زوجتك ومن وين راده ! ما ادري و قاطعه راكان : ترى حنا مو غريبين ورونق من بنات عمنا قاطعه بقوة:بس انا ما اتدخل بحياتك مع مريم! رجاء كل واحد ينشغل بنفسه وزوجته وما أحد يتدخل بحياتي! ام راكان بملامح مزعجه من طريقة جراح مع إخوانه بحياته ما تكلم معهم كذا الا من بعد زواجه من رونق تغير جراح عليهم : طيب إخوانك ما لهم علاقة بزوجتك ...الحين انا أسألك وين رونق؟! زفر بضجر : عند جدتها ام مرعي سكت و هو يناظر راكان يصفق بسخرية: ما شاء الله ما شاء الله !، رفع جراح عيونه للسقف بضجر وما علق! زياد عقد حواجبه: جراح انت من جدك كيف ترضى زوجتك تنام عند ناس غريبين! مط شفته بسخرية: غريبين!، تراهم عاشت عندهم18 سنة وصانوها يعني عاشت معهم أكثر منا ! بالعكس شافت الأذى وسوء المعاملة على أصولها هنا قاطعته ام راكان بغضب: قصدك انا السيئة و الظالمة وزوجتك الملاك البريء؟! راكان بانفعال: وش يضمن لك إنه مروان اخوها؟ وش يعرفك اذا رضعت منهم او لا ؟! سعاد : لو يدري عمي ابو جواد إنك مرسلها هناك الا قاطعها بضجر: بالناقص! راكان هز رأسه بتعجب من رده: والله تطورت يا جراح لكن يصير خير ! جراح بندم مسك يده قبل لا يطلع : راكان أنا قاطعه راكان بهدوء: ما زعلت فعلا هي زوجتك وحنا ما لن دخل فيها ...بس يا ليت تفكر بأمك الي طول الليل ما نامت ودموعها ما نشفت! ** ** * متمدده على طولها باسترخاء بعد اطمئنت على جراح .....حلو شعور ترمي كل همومك خلف ظهرك ..تغمض عيونك وتتخيل نفسك بجزيرة معزولة عن الكل ... فتحت عيونها على صوت جدتها: قومي يا ابنتي انت جايه تنامي ؟! اعتدلت وبخمول نطقت : هو في احلى من النوم؟! ام مرعي جلست قريب منها بتعب ...بابتسامة نطقت: كله من الحمل ..تذكرين قدر كيف كان حملك فيها ! رونق بتأكيد: جدتي انتهبي تخبرين احد ترى جراح نبه علي ما أتكلم وما احد يدري ! خزتها ام مرعي : هذا وانا اقولك زوجك عقيم وما تكلمت ساكته! انت متأكد من الحمل ؟ هزت رأسها : ايه عملت فحص بالمختبر وجراح احضر النتيحة ! هزت راسها ونطقت : الحين وش ناوية قاطعتها رونق بابتسامه: ابغى اصفي ذهني هنا ....بما اني جالس عطلة نهاية الاسبوع هنا فرصة ارتب أموري من جديد ! ام مرعي هزت رأسها : ربي يسعدك دنيا وآخره ! جوالك يرن تنهدت رونق وهي تشوف جواد يتصل فيها ... ام مرعي : ليه ما تردين قاطعتها برفض: والله جايه أريح رأسي وما ابغى اوجع رأسي بصراخ الوالد العزيز ! ام مرعي : هو ليه كذا عصبي يعني امك ما تنلام يوم تركته! رونق ابتسمت : هو حنون على اهل بيته عكس الغرباء يكون قاسي و متعجرف ! لو تشوفينه في بيته مع عياله حنون ومدلعهم ويحاول بقدر ما يستطيع يوفر لهم كل شيء يتمنونه بالرغم انه احيانا وضعه المادي يكون متدهور شوي ! لو تشوفين مريم مدلعه بزياده لو تصيبها شوكه طول اليوم ما يرتاح وهو معصب ومتضايق لأنه مريم أصابتها شوكه! يشوف عبود وكأنه ملاك نازل من السماء يفتخر فيه ودوم يردد ولدي المحامي وكأنه ما في محامي بالدنيا غيره! ام مرعي بهدوء: وإنت ؟! مطت شفتها بحيره: ما ادري! أحسه يحاول بأقصى جهده إني ما أرتكب أخطاء ومصائب وإذا ارتكبت يكون اول المدافعين ويرقع عني بالرغم من داخله يكون يتمنى لو ينفرد فيني و يكسرني تكسير ...لكنه يضطر يسكت حتى ما تطلع ريحتهم واخبارهم للناس...اكره ماعليهم أحد يعرفهم خصوصياتهم! يحاول يثبت إنه أب ويقدر يحتويني بالرغم من سيئاتي ! ومتأكدة من الداخل يتمنى إني البنت الي دفونها حتى يخلص من مشاكلها ! بالمختصر ما أحس إنه يحمل لي نفس المشاعر الي يحملها لمريم وعبود والباقي ! مجرد واجب يؤديه .يعني الفترة الي عشتها عنده كنت اظهر لزوجته انه هذا بيت ابوي ولي الحق فيه لكن من الداخل احس نفسي غريبة وثقيله عليهم ..والحين تلقين ابو جواد قالب الدنيا بسبب وجودي هنا ! ما هو حب او اهتمام بس لأنه عاداتهم وتقاليدهم ما تقبل بهذا الشيء أبدا ...فوجودي هنا من المحرمات في العائلة! تنهدت رونق وبملامح باهته هزت كتوفها: بس كذا! ام مرعي بضيق وهي تشوف بعيونها لمعة الحزن تشكي حالها : وامك ما صار بينكم شيء جديد! رونق زمت شفتها بضيق: ما صار شيء ولا رح يصير شيء ! ام مرعي : ما التقيت قاطعتها بمرارة: وين التقيها؟! في بيتها الي زوجها طردني منه وكأني متسولة على باب بيته ؟! بلعت غصتها وتابعت كلامها: وإلا في بيت وليد وحنين الي صرحوا بالعبارة العريضة ما يبغوني بحياتهم حتى تستمر حياة الجازي؟! اخوالي ما كان في بيننا اختلاط ابدا ! خالاتي علاقتي فيهم مو ذاك الزود ! وين ألتقيها؟! وش استفيد اذا شفتها ؟! هي فكرت صح ووازنت بين ابنتها الدخيلة عليهم وبين زوجها وبيتها وعيالها ....رجحت كفة زوجها وعيالها وهذا الشيء الصح الي عملته بحياتها ....انا ما ازعل انها قاطعتني بالعكس ربي يسعدها بحياتها ويوفقها لكن يحز بخاطري هالمواقف ...لما تعيش وحيد وغريب بين اهلك .... عجزت اصلح الوضع بيني وبينهم ! يحز بخاطري معاملتهم لي وكأني عدوة! أو شيء حقير ما يستحق الحياة! هم مستواهم فوق وأنا تحت الأرض ! تعبت منهم يا جدتي والله قهروني انا شيء بداخلي كل يوم يموت ! شوفي جوالي ولا مكالمة من الجازي !! اي قلب ام هذا ؟! جراح يقول قلبوا الدنيا علينا وهي ما سألت عني ! أنا ام مهما عملت قدر ما أقدر اقسى عليها لأنها ابنتي ! ام مرعي قاطعتها بمواساة: عشت حياتك بدونهم كملي وكوني يا جبل ما يهزك ريح ! ربيتك طول حياتك ورأسك مرفوع ..وتردي الصاع صاعين! ارجعي مثل ما كنت وعيشي حياتك إنت مثل ما تبغين ما هو مثل ما يبغون ! ما عدت صغيرة يتحكمون بتصرفاتك ...إنت كبيرة وواعية واحلى دكتورة تميزين الصح من الغلط ! ناظرتها رونق وابتسمت بألم : يا ليتهم يشوفوني بنفس النظرة الي تشوفيني فيها ! ** ** ** جالس مع فياض وبحيره نطق: أنا ما عدت اميز الصح من الغلط...ما ادري ليه يشوفونها بهذا السوء و إنت معهم ؟!!! فياض تنهد وهو يناظره: البنت عاشت حياة تختلف عن حياتنا ولما جاءت صار تصادم بينها وبين الموجودين! هي تشوف نفسها ما عملت غلط وإنها مظلومة وحنا الظالمين! إنت ما تشوف عيوبها لأنك مضطر تكمل معها فتغض نظرك عن تصرفاتها حتى تستمر حياتك معها ! رفع حاجب : وش تقصد؟! فياض نطق : اقصد الشيء الي مخفيه عن الناس كلها جراح احتدت ملامحه: وإنت كيف عرفت قاطعه بتبرير: ترى هذه ما هي سالفتنا كيف عرفت ... قاطعه بتوجس: احد يعرف فياض بنصيحة: بالاول ظنيت تغاضيك عن تصرفاتها الحب معمي عيونك.الحين لما عرفت السبب تعجبت منك كيف امر مثل قاطعه : صدقني إنت فاهم غلط! أنا ما أشوف اغلاطها يعني احس انكم تزودونها عليها ...ما اتصور الحياة بدونها ! فياض رفع حاجب: ما تشوفها أنانية منك تربطها معك وإنت عقيم!!!! وازنت الامور لقيتها فرصة تلقى وحده صغيرة ودكتورة وحلوة وتعيش معك ..معها بنت تكفيكم عن الانجاب وتربيها وكأنها ابنتك !! ** ** ** *** ** * رواية بسمة مدفونة في خيالي : الفصل السادس والثلاثون : جالس مع فياض وبحيره نطق: أنا ما عدت اميز الصح من الغلط...ما ادري ليه يشوفونها بهذا السوء و إنت معهم ؟!!! فياض تنهد وهو يناظره: البنت عاشت حياة تختلف عن حياتنا ولما جاءت صار تصادم بينها وبين الموجودين! هي تشوف نفسها ما عملت غلط وإنها مظلومة وحنا الظالمين! إنت ما تشوف عيوبها لأنك مضطر تكمل معها فتغض نظرك عن تصرفاتها حتى تستمر حياتك معها ! رفع حاجب : وش تقصد؟! فياض نطق : اقصد الشيء الي مخفيه عن الناس كلها جراح احتدت ملامحه: وإنت كيف عرفت قاطعه بتبرير: ترى هذه ما هي سالفتنا كيف عرفت ... قاطعه بتوجس: احد يعرف فياض بنصيحة: بالاول ظنيت تغاضيك عن تصرفاتها الحب معمي عيونك.الحين لما عرفت السبب تعجبت منك كيف امر مثل قاطعه : صدقني إنت فاهم غلط! أنا ما أشوف اغلاطها يعني احس انكم تزودونها عليها ...ما اتصور الحياة بدونها ! فياض رفع حاجب: ما تشوفها أنانية منك تربطها معك وإنت عقيم!!!! وازنت الامور لقيتها فرصة تلقى وحده صغيرة ودكتورة وحلوة وتعيش معك ..معها بنت تكفيكم عن الانجاب وتربيها وكأنها ابنتك !! فتح فمه للحظات بتعجب .ارتاح ظن انه فياض عنده علم بالسالفة لكن الظاهر ما معه خبر..بعدها نطق بتسلية: واكيد الحين رح تقول لها إني عقيم؟! فياض وهو يناظره : ما هو من حقك تعمل فيها كذا ؟! صدق إنك قاطعه جراح بروقان: طيب واذا هي موافقه تعيش معي وراضيه انت وش إلي مضايقك !، فياض بقهر من جراح: انا الي أقنعتها فيك ....كانت رافضة رفض قاطع ....اوهمتها انه أهلها اول ما تنتقل لهم رح يزوجونها بالغصب لأي واحد من عيال عمها ويجبرونها تترك دراستها ...هولت لها الموضوع وجعلتك البطل المنقذ لها ! انا كذا دمرتها كيف ازوجها من شخص عقيم ؟! جراح ببرود : جالس تفكر فيها على الاقل عندها بنت ! وانا ؟! كم صار لي متزوج وما سمعت كلمة بابا! ما فكرت بشعوري! فياض وقف بنرفزه: ما هو بالطريقة هذه ! ما توقعتك اناني كذا ضحك جراح على انفعال فياض : انتظر لحظة ابو وسييييم! طنشه فياض وغادر المكان بدون ما يلتفت عليه ! ** ** ** صفية عقدت حواجبها باستنكار: مستحيل ! انت متأكدة ؟! ام فياض : ايه متاكدة سمعت فياض يتكلم بالجوال قبل شوي ! وانا اقول علامه ساكت على بلاوي هالبنت مضطر صعب يلاقي ! صفية بضيق من هالخبر: ما خلصت الدنيا يتعالج! ام فياض : والله تضايقت لما سمعت هالخبر مسكين جراح إنسان طيب ومحترم وان شاء الله ربنا يرزقه! صفية تنهي المكالمة: امين ...الحين اشوف ام راكان سلام! ام فياض وهي تقفل الخط : مع السلامة ! وضعت الجوال امامها وناظرت الجازي الي جلست امامها وبضيق نطقت: صحيح هالكلام؟! ام فياض هزت راسها: انا شفت فياض رجع متكدر والضيق باين عليه سألته وما جاوبني ...بعدها بوقت طلعت للحديقة كان يتكلم بالجوال ومنفعل ويقول « قلتلك يا جراح لا تتصل فيني ...للحين مب قادر اتصور انك خدعت رونق وتزوجتها وانت عقيم» الجازي بتأثر مع جراح لأنها ضاقت معاناة العقم : مسكين جراح! اكيد له علاج ..ليه ما يتعالج رونق عندها علم ؟! ام فياض بتفكير: اكيد عندها علم علشان كذا راحت لبيت ام مرعي زعلانه ! الجازي بضيق وقفت ما في شيء تقوله او تقدمه لرونق حبل الوصال بينهم انقطع وما عندها نية ترجعه حتى ما ترجع المشاكل من جديد ...اختارت حياتها الله يوفقها ! ** ** ** ** ام راكان بقهر: وانا اقول ليه ولدي ساكت لها !!! ايه غصب عنه يرمي لها رأسه ! اخخخخ يالقهر! أم لؤي ناظرت امها بتوجس: تكلمت مع جراح! هزت راسها بالرفض : ما ابغى اتكلم معه يمكن يتضايق ! خليها الحين بس ما رح اسكت رح يتعالج وما اخليه تحت رحمة ذيك سعاد باستغراب: جدتي صفية تقول رونق ما عندها علم ! ام لؤي : ا لا قالت جدتي صفية رونق عندها علم ! سعاد كشت عليها : اففف من عنادك ! ام راكان عقدت حواجبها بتذكر: بس هي من قبل قال جراح انها حملت واجهضت! سعاد وقفت بتفكير: صحيح كيف صارت هذه!! ام راكان : يمكن حتى يغطي على سالفة تأخر الحمل يمكن ما يبغى احد يعرف انه عقيم ام لؤي بتحليل: معنى كذا رونق تعرف انه عقيم ! ام راكان : خليه يرجع البيت وانا افهم منه السالفة ! او لؤي عفست ملامحها واللقافة ذبحتها: بس جراح طلع خارج المنطقة قاطعتها سعاد بإحباط: متأكدة؟ هزت رأسها بتأكيد: زياد قال قاطعتهم ابنة سعاد: رونق رجعت وقفت ام راكان على حيلها: شفتيها؟! مين رجعها؟! هزت كتوفها بعدم معرفه: ما اعرف بس شفتها دخلت البيت وقدر راحت لها ! أم راكان تحركت وبنفسها «الحين بدأ التحقيق» ** ** ** بدلت ملابسها وناظرت قدر الي جالسه تعاتبها : ليه ما أخذتيني معك ؟!!! رونق تنهدت بتعب والمغص يزيد عليها وما لها خلق لثرثرة قدر: قدر خلااااص! قدر مدت بوزها: انا زعلانه منك ... لانك نسيتيني وما عدت تفكرين فيني ! رونق ضغطت على بطنها بشويش لعله يخف المغص : جدك ابو جواد ما رضي يقول ممنوع انا وش دخلني! ردت بقهر: الحين صرت تسمعين كلمة جدي ! بابا نايف يقول انك رفضت اروح قاطعتها رونق بعصبية: لا تخليني اقول الله يأخذ هالبابا ! من زينه! قدر عبست ملامحها: لا تتكلمين على بابا كذا قاطعتها وهي عافسه ملامحها : جيبي لي موية ! قدر ناظرتها : تعبانه؟! زفرت رونق بتعب: قدر وش فيك صايرة كذا ؟! خرجت بانصياع حتى تحضر الموية.... رن جوالها ...ردت بهدوء : هلا جراح ....ايه وصلت..ما ابغى اغلبك....تعب بسيط يمكن من الطريق ....جدتي اعطتني عشبه اشربها تقول تريح من الوحام وتعب الحمل ...ليه ؟ ....طيب مثل ما تبغى ما رح اشرب منها ...التفتت للخلف لما حست بوجود احد ...تفاجأت من وجود ام راكان واقفه ...تكلمت بهدوء: طيب الحين اقفل. بعدين اكلمك! انهت المكالمةووقفت وهي عافسه ملامحها وبنفسها«هذه وش جايبها وداخله لا احم ولا دستور» ام راكان عقدت حواجبها : حامل؟! زفرت رونق بتعب ما لها خلقها : انا قاطعتها بهجوم : كذبة جديدة ؟!!! انت وش الي تحسي فيه لما تكذبين بذي السوالف؟! رونق غمضت عيونها تمسك نفسها ووجع بطنها يزيد عليها: خالتي انا ما ابغى مشاكل تحركت من جنبها تطلع من الغرفة وهي تحس بسكاكين تنغرز ببطنها ..وقفتها ام راكان وهي تمسكها من يدها ودفتها للخلف : وين رايحه خلينا نتفاهم ! مسكت نفسها لا تسقط لاخر لحظة ...جلست على السرير بتعب ....مسكت الجوال ...ضغطت على اسمه واتصلت واول ما فتح خط تكلمت : يبه تقدر تمرني الحين....انا في البيت ...لا لا ما في شيء... قفلت الخط وتكورت على نفسها من الالم ....رفعت راسها وملامحها منتفخة من الوجع ...اخذت العباية ولبستها وهي تصدر آنات من الالم الي يباغتها ..لفت الشالة بعشوائية ورجعت جلست على السرير وهي تحضن نفسها من التعب .. ام راكان باستنكار من حالها: انت وش فيك ؟! ما لقت منها إجابة ...تقدمت وهي تضع يدها على كتفها: رونق وش فيك! رجعت خطوة للخلف برعب لما دخلت رونق بموجة بكاء عالية ... التفتت للخلف لما دخل جواد وعيونه تسأل وش صاير ! ام راكان بحيرة: والله ما ادري وش فيها !! تقدم جواد منها وهو يرفع راسها: وش فيك ؟! روتق بصوت متقطع من الالم والبكاء: وديني للمستشفى! ** ** ** ام راكان بغم من هالمصيبة: لا احد يكلم جراح ! عز الله الا تصيبه جلطه! حامل وهو عقيم !، استغفر الله استغفر الله! راكان وجهه اسود من هالفضيحة: يمكن تعالج ! زياد بهدوء: ترى السالفة مو هينة انا اقول تكتموا على الخبر حتى نتأكد ترى النتائج رح تكون وخيمة! ام راكان بهمس: استغفر الله استغفر الله ! ابو جواد اقترب منهم بعد ما سمع السالفة من سعاد ...وجهه ما يتفسر ...مب قادر ينطق حرف واحد! راكان ناظر جواد بضيق : و قاطعه ابو جواد : تأكدت من فياض؟! راكان هز راسه : فياض يقول جراح ما انكر انه عقيم! ابو جواد بحرص:: ما ابغى جواد يعرف بالسالفة حتى نسمع من جراح ! تركهم وتوجه لغرفة رونق ....استغربت دخوله عليها بملامح ما تتفسر ...وسألها بدون مقدمات: جراح يعرف بهذا الحمل ؟!!! عقدت جواجبها باستغراب من هالسؤال ...وبتوجس ردت: ليه؟! رد بقهر: لانه يا محترمة جراح عقيم ! تعرفي وش يعني عقيم ؟! واهله كلهم يعرفون إنه عقيم والحين قاطعته باستنكار لكلامه: انتم تطعنون بشرفي قاطعها بغضب: انا ما اقذفك بس زوجك خبر فياض قبل كم يوم انه عقيم! رونق شدت على أسنانها بغيض: فياض الله يلع قاطعها بضيق: لا تلعنين ما تعرفين يقولون انه لعن المسلم مثل قتله! والحين ريحي قلبي جراح يعرف بسالفة الحمل ردت بملامح غاضبة: ايه يعرف سكتت لما دخل وملامحه ما تتفسر نطق : رونق! قاطعته بغضب: انت ولا كلمةوش الكلام الي خبرته فيه فياض! انت بعقلك والا مجنون ؟! تبغى الناس تطعن بعرضي انت قاطعها بضيق وأسف: واقسم بالله ما قلت له كذا...هو فهم السالفة غلط انا قاطعته ودموعها بأي لحظة تنزل من القهر : لا تكلمني قاطعها ابو جواد بحزم: وبعدين معك ؟! صار سوء تفاهم كلمي زوجك مثل العالم والناس احسن ما اعدل ملامحك ! ردت بقهر من جدها: ما ذبحتنا الا عاد سكتت لما دخل جواد بعد ما وصله الكلام وملامحه ما تتفسر ...ناظر جراح وماسك نفسه ما يصفقه وبنبرة غاضبة: وقسم بالله لو ابو جواد قاطعه: خلاص انتهت السالفة سوء تفاهم! اعطى جواد جراح نظرات نارية ...تقدم من رونق ونطق وللحين الضيق ملازمه: كيفك الحين ؟! هزت رأسها والضيق يكسو وجهها : الحمد لله! تنهد جراح وهو يشوف ملامحها يكسوها التعب والضيق والكدر! ابو جواد وهو يتحرك للخارج: ان شاء الله ربنا يعوضكم! جواد مقهور من الكل وبلوم لرونق:أكيد اجهضت من طريق هالقرية... وانت يا حضرة الدكتور مثل الخروف وين ما بغت تسحبك خلفها! انا قلت لك من قبل لا ترسلها لذيك القرية قاطعه جراح بقهر من تدخله: وأنا قلت لك لو تبغى اسفرها على المريخ ما رح أقول لها لا! جواد بغضب: جراح ترى والله ماسك نفسي عنك وعن الزفت فياض بصعوبة فاختصر افضل لك! رونق بقهر من تدخلهم بحياتها: ما احد يقدر يمنعني عن جدتي ام مرعي قاطعها بغضب: انكتمي.... اعوذ بالله من لسانك! سحب نفسه وغادر المكان! جراح بضيق :يا لطيف ما ينطاق بتدخلاته ....اشغلوني بسوالفهم ونسيت اطمئن عليك.كيفك الحين؟! ناظرته بقهر وصدت عنه بزعل : لا تكلمني ! ضحك بخفه: يا حلاة الزعلانين ..خلاص رونق فكي الكشرة ما تدرين لما وصلني الخبر جيت مثل المجنون ....ما تتصورين خفت افقدك ! ما ابغى عيال اذا رح افقدك بسببهم ! ردت ودموعها تنزل : ما توقعت افقد الجنين قاطعها بملامح حزينة:لا تقولين كذا ...ربنا خلقنا وهو اعلم بالخير ... ما احب اشوف عيونك كذا ذابلة وحزينة! ردت وهي تمسح دموعها :وش سالفة فياض؟! اعتدل بجلسته بابتسامه باهته : الحين اقولك السالفة ** ** ** ** بالصالة مجتمعه ام راكان مع عيالها وبقهر ناظرت سعاد بقهر: انت لسانك متبري منك ! ما تعرفين تتكلمين؟! قلت لكم ما ابغى جراح يعرف ومع ذلك عاندتي و اتصلت ووصلت الكلام وما اكتفيت بكذا نشرت السالفة في بيت ابو جواد قاطعتها بقهر:ابغى افهم وش راكان بحدة: خلاص انكتمي! صفية تنهدت: الله يسامحه فياض ما يتأكد قبل ما يتكلم زياد: والله اللوم على السيد جراح كيف يسمح له يغادر قبل ما يبين له السالفة هذه السوالف ما ينمزح فيها سعاد غادرت وهي مولعه من الداخل وكره رونق كل يوم يزيد ...واكثر شيء قهرها وهي تشوف جراح يعتذر لها ويراضي فيها وحضرتها ما هي معبريته وهو مثل الخروف يرتجي فيها ...اخخخ يالقهر ليه حظ رونق كذا ليييييه ؟لو تموت ما عبرها نايف او اهتم لها او اعتذر حتى لو غلطان ! وش تختلف رونق عنها ؟! وش هالحظ الي لها ! لكن مستحيل تسمح لها تتهنى وهي جالسه تشوف اخوها ذليل تحت رجولها ! حتى امها رضيت بأرض الواقع بعد هالسالفة ....اخخخخ يالقهر! ** ** ** مرت الايام واليوم غير عن كل الايام تحس نفسها مثل الفراشة تتطاير من زهره لزهرة ...والنظرات عليها ...بعد تعب سنوات تخرجت من الجامعة وأقام لها جراح حفلة كبيرة بهذه المناسبة ....توزع نظرها بين الحضور حضنت يدينها لصدرها وبداخلها مشاعر حزينة وهي تبحث عن شخص واحد فرحان لها من قلبه ....تشعر بالاسف كل الحضور ما تعني لهم شيء ولايفرحون لفرحها مجرد تأدية واجب ...غير بيت حماها الي متحملينها فوق الجوزه وما هم قادرين يبلعوها .......الجازي في هذا الوقت مسافرة وما هي موجوده ...يا ترى لو كانت ما هي مسافرة رح تحضر اكبر فرحة بحياتها؟!!!!!! تنهدت بخذلان استخسرت فيها مكالمة او رسالة تبارك لها! عمر المحبة ما كانت شعارات نرفعها .... الحب شيء نابع من الدخل يدفع بنا نبذل كل وسعنا حتى يبقى الشخص الي احببناه بسعادة ..نبتسم لابتسامته نزعل على زعله نفرح بنجاحه وكأنه حنا الي حصلنا على الشهادة .... ننكسر من الداخل اذا انكسر وما نكتفي بالنظر والشعور بالوجع .. نجبر هالكسر بيدينا وما نرتاح حتى ترجع البسمة لثغر المحبوب! امالت رأسها بأسف لحالها مع امها! تمنت تكون روعة معها لكنها اليوم خطوبتها ..فرحت لها من كل قلبها تتمنى لها السعادة والتوفيق! كانت لها الأخت الي ما انجبتها امها! ابتسمت وملامح ابوها بمخيلتها ...مشتتة بين فرحته بتخرجها وبين وظيفتها الي رافضها ما يبغاها دكتورة! رفعت نظرها لام جواد الي تكلم بعض الحريم وتؤشر عليها بفخر بالرغم من علاقتهم السطحية ! رجعت توزع نظرها بالقاعة وتبتسم وكلام ابو جواد يتردد باذنها بعد ما رفض يحضر حفل التخرج وما بارك لها وهو يردد «ما قدرتم لها قبل ما تصير دكتورة عيل الحين مين يقدر لها بعد ما صارت دكتورة » ما يهمها كلامه خلاص ما بقى شيء ورح تسافر هي وجراح وقدر ورح يستقلون بحياتهم بدون منغصات! ** ** * واقف عند النافذة في صالة اهله الدور الثاني ويناظرهم بالحديقة يتمشون ويضحكون ويمسك بيدها وكأنه خايف تهرب منه ....الي يشوفوهم يظنهم عرسان ولا كأنهم مر على زواجهم سنوات! وش سر تعلق جراح فيها؟! مط شفته من بعد سالفة الحمل رفعت أمه راية الاستسلام وأصبحت الاوضاع شبه طبيعية ....والحياة تمر بسلام ما في مشاكل وان كانت لا تخلو من النغزات ! ما رح تمر الحياة بسلام بعد ما انجبت مريم البنت رقم 6 ....راكان ما رح يرسيها على بر حاول فيه الا انه معند ورأسه يابس! ** ** * بعد مرور وقت على تخرجها بعد المغرب جالسه في بيت جواد وتناظر مريم الباكية وهي تتكلم بمرارة جواد بقهر: ما هو على كيفه يتزوج رونق رفعت حاجب بتعجب حلال عليه وحرام على غيره : يعني حرام ؟! قاطعها جواد بعصبيه: انت بالذات انكتمي! مريم بصوت مبحوح من كثر البكاء: اكيد جايه تتشمت فيني! رونق عفست ملامحها بضجر: ترى اذا موجوده بالكون ما ادري عنك ! جواد بقهر: انا بناتي ما اسمح لاحد يزعلهم وخاصة مريم ! يتزوج من هنا ورقة الطلاق تكون واصلة هنا رونق: مو هذا الزوج الي بعتيني علشانه! مو هذا الزوج الي حاربتيني علشانه وقلت مب مستعدة اخسره علشانك! اشوفك الحين قاطعها جواد بقهرمن فلسفتها: انت ما تعرفين تنكتمين! وبعدين يكون بعلمك وقسم بالله اذا ما طلع راكان فكرة الزواج من راسه الا اسحبك من عند جراح ونايف يطلق سعاد قاطعته ببرود: انا لا تدخلوني بحساباتكم! لاني ما افرط بجراح ضربها بالخدادية بغضب: انا ما اعرف هالجراح عامل لك حجاب!!! ردت بابتسامة عريضه: ربي يسعده وين ما توجه ! وقفت وهي تنادي قدر: قدر قدر التفتت على ابوها قبل ما تطلع : أرجع واكرر انا وجراح ما تدخلوني بحساباتكم! وبعدين الرجال يبغى ولد! هذا المتعلم الفهمان ! قولي زوجك شايف له شوفه ويتحجج قاطعتها مريم بقهر: انكتمي الله قاطعتها الجازي وهي تمسك يدها: خلاص يا مريم ! جواد اشر لرونق: روحي عند هالجراح نشوف اخرتها مع عيال عمي! غادرت رونق وبداخله نار تشتعل وهو يشوف مريم دوبها وردة مفتحه وبرقبتها 6 بنات ويتزوج عليها ...ابد ما يرضاها! بلع قهره وطيف الجازي يمر بمخيلته وشعورها لما خدعها وتزوج عليها بدون علمها ...على الاقل راكان ما اخفى السالفة! ومن القهر مب قادر يتحكم باعصابه مسك كوب الموية وضربه بالارض بكل قوته! ** ** ** ** جراح بتنبيه: رونق خففي زيارتك لجواد ...والله اخاف يلعب بعقلك او يرفض يرجعك عندي قاطعته بابتسامة وهي تجلس على احد المقاعد بالحديقة: لا تخاف ما احد يقدر يفرقنا! انا وإنت سكتت وهي تسمع صوت ام راكان تنادي على جراح ! هزت راسها : تعال ندخل نشوف خالتي! هزراسه ودخل ....ناظر قدر جالسه وعيونها بالجوال! ام راكان بضيق: وينكم ترى زمان جاءت قدر! جراح وهو يجلس: كنا برا! ام راكان وهي تناظر رونق تجلس بهدوء: ما صار شيء! رونق وعلاقتها بأم راكان سطحية ردت بهدوء: ما صار شيء! ام راكان بضيق: والله مريم حبوبة وما تستاهل كذا ! وش الي غير راكان كذا! اخبره يحبها ويعزها يقول لو يلف الدنيا ما يلقى مثلها ادب وأخلاق وسنع ! رفعت نظرها رونق حست انها تنغز عليها ! جراح هز كتوفه بقلة حيلة: الله يهديهم! ام راكان بتوتر وخوف: والله اخاف تكبر السالفة ويطلق نايف سعاد قاطعها جراح بقوة: ترى من الحين انا ورونق حياتنا ما لها علاقة بهذه الخلافات! ام راكان مطت شفتها: هذا الي يهمك! وبنفسها يا ليتها كانت رونق الي زعلانه ما هي مريم ! ** ** ** بمكتب راكان جواد بغضب من راكان: انا الغبي الي اعطيتك ابنتي! اعطيتك مريم النسمة الرقيقة الي ما تجرح ...ليه تجرحها يا راكان ! كذا هانت عليك مريم بهذه السهولة؟! راكان بهدوء: انت تعرف معزة مريم عندي وما ابدلها بكل حريم العالم! جواد قاطعه بقهر: لو تعزها ما قهرتها! لو تشوفها ما تعرفها من الحزن والقهر! راكان يعقد صفقه: اقدر اتنازل عن سالفة الزواج بشرط واحد ! جواد ارتخت ملامحه مستعد ينفذ طلبه مهما كان مقابل مريم ما تنقهر: وانا موافق على الشرط مهما كان ! راكان بشبح ابتسامه خبيثة: شرطي هو طلاق رونق! عقد حواجبه باستنكار:وش تقول؟!!!! راكان وهو يحرك القلم ببرود وبداخله كره لرونق مستحيل يقبل انها تنتصر عليهم وتأخذ جراح منهم ...لزوم يتحرك قبل ما يسافر جراح : اذا طلق جراح رونق انا مستعدالغي الفكرة للأبد قاطعه بقهر: ترى إذا ناسي هذه ابنتي وهذه ابنتي! راكان بخبث: بس ما في بينهم مقارنة ! مريم الي الكل يمدح بأخلاقها مريم الي دوم تسمع كلامك ودوم تتفقدك وما تقدر تبعد عنك الا لما تتطمئن عليك برت فيك بصغرها وبشبابها ! عكس رونق الي الكل يذمها ...رونق الي وقفتك بالمركز رونق الي تزوجت بدون علمك ...رونق الي ترد لك الكلمة الف...رونق اذا انت موجود على الكرة الأرضية ما تدري عنك ! ما في وجه مقارنه بينهم أبدا ! جواد غلفه السكوت للحظات وهو مقر فعلا ما في وجه مقارنة بينهم! راكان يتابع كلامه: ومع ذلك رونق ما معها اطفال يعني لو طلقها جراح ما في مشكلة دكتورة وتلقى ابن الحلال اما مريم معها 6 بنات مين يقبل فيها ؟! انت باصرارك تدمر مريم ! جواد بخفوت: على وش ناوي! راكان باصرار لزوم يطلقهم قبل ما يسافروا ما رح يقبل ينحرق قلب امه على فراقه ...بالبداية سكت اما انها توصل للسفر !!! تمادت رونق كثير وهو الي رح يوقفها عند حدها ما رح يسمح بهذا الشيء أبدا! ** ** ** بعد يومين رونق ابتسمت وهي تضع الأغراض : كذا كل شيء جاهز ! جراح ناظر امه بابتسامة: توكلنا على الله! ام راكان خاطرها متكدر على مريم ...قرروا يطلعوا لبيت صفية يغيروا جو! رونق جلست جنب قدر بابتسامة: مبسوطه؟! قدر هزت رأسها وهي تناظر من الشباك بعد ما حرك جراح: مبسوطه! رونق تنهدت براحة ما بقى شيء وتترك هالمكان وتسافر بدون رجعة ما رح ترجع لهذا المكان أبدا ...حياة جديدة مع جراح وقدر بدون منغصات ....حمدت ربها بعد ما وعدها نايف إنه رح يترك قدر معها ! رفعت نظرها لام راكان وهي تتكلم مع جراح: كيف يقبل يدمر بيته !! جراح : لا تشغلي بالك يا يمه ! ام راكان ناظرته: وانت لمتى جالس كذا بدون عيال! ابتسم ما يبغى يخبر احد بحملها حتى يثبت الحمل : يا يمه ملحقين على العيال خلينا نعيش حياتنا! بعد وقت وقف جراح امام بيت صفية ...تنهدت رونق وهي ما لها خاطر بهذه الزيارة بس علشان جراح اضطرت تروح معهم! وقفت بتردد وهي تشوف وسيم واقف برا مع واحد من العيال ...تأكدت انها الجازي هنا! ما لها قلب تلتقي فيها بعد هذا الانقطاع بينهم ...دخلت على مضض وقدر متمسكه بذراعها: ماما وسيم هنا ...يعني ماما الجازي هنا! ياااااهووووو مطت شفتها رونق: انتبهي لا يطق لك عرق! قدر ضحكت: أحبها! دخلت عند الحريم بعد ما قال لها جراح تدخل .....قلبها يدق بقوة بعد ما لمحت الجازي موجوده ...تقدمت من صفية وسلمت عليها وبعدها على زوجة ابنها ...مدت يدها لام فياض الي جالسةوما كلفت نفسها توقف بوجهها بس اكتفت تمد يدها ببرود تسلم وكأنها مجبره.... رونق طنشت حركة أم فياض ....كتمت بداخلها الضيق وهي تشوف الجازي تطلع من المكان بحجة إنها تتكلم بالجوال .....تحس بالفشيلة من موقفها وخاصة قدام اخوات جراح ومنار! جلست بهدوء ولا كأنه صار شيء ! بعد وقت دخلت الجازي جلست في الجهة المقابلة لرونق! حز بخاطرها تصرف الجازي ..لذي الدرجة كارهيتها ...السلام لله.....نزلت رأسها بتفكير حتى تقوم تسلم عليها ...لكنها كنسلت السالفة خافت تفشلها قدام الموجودين ..ويمكن للحين مانعها فياض عنها ..قررت تقوم من هالمكان تشوف قدر ما دخلت معها! وهي مو منتبه للنظرات التي تتبع حركاتها بدقة ! خرجت وهي تبحث عن قدر ....انفزعت لما خبرها واحد من العيال انها راحت للبقالة ! تحركت للخارج بعد ما سالت عن مكان البقالة ...تخاف تضيع او يصير لها شيء! قبل ما تدخل البقالة لفت انتباهها الحرمة الي مرت من جنبها وسرعان ما سقطت على الأرض! اقتربت منها بفزع : وش فيك! ردت بصوت متقطع متعب: اسنديني يا ابنتي مب قادرة اسند طولي! ساعدتهارونق برفق: لحظة اشتري لك علبة موية قاطعتها : لا يا ابنتي هذا بيتي بس ساعديني ادخل وربي يجزاك كل خير! ترددت بداخلها ...لكن سرعان ما تقدمت لما رجعت واشرت على بيتها ما يبعد الا كم خطوة عنهم ! تحركت معها لداخل البيت .....كان بيتها بسيط لكن ما تدري اول ما دخلت شيء غم على صدرها ....دخلت اول غرفة ....جلست الحرمة بتعب وهي تتنفس بصعوبة: اذا ما في غلبة ابغى مويه من المطبخ وعلبة الدواء على الطاولة! رونق شيء كاتم على صدرها تبغى تخرج من هنا ما هي مرتاحة وضعت حقيبتها وتوجهت للمطبخ مكان ما اشرت لها ! رجعت لها ناولتها الموية والدواء ..تحركت تغادر المكان! ** ** ** طلع من المكان المخصص للرجال بعد ما جاء عليه نفس الولد وخبره انه قدر بالبقالة لوحدها راحت ... وقف وهو مستغرب من قدر الي تبكي. عند البوابة ....اقترب منها : وش فيك ردت ببكاء: امي ضاعت ما لقيتها عند الحريم! جراح رفع جواله يتصل فيها ...لكنه تراجع لما اقترب منهم نفس الولد وهو يتكلم : شفت امها دخلت بيت ام خلف! طلعت عيون جراح وكأنه سمع غلط : وش تقول! التفت برعب لما شاف راكان خلفه وسمع الكلام راكان عقد حواجبه وباستنكار: زوجتك وش تعمل عند هالساحرة ! جراح وما هو مستوعب: يمكن في التباس في السالفة وبسرعة توجه للمكان !، فتحت باب البيت وطلعت ..... سرعان ما نقزت لما نطق اسمها بنبر ما اراحتها: رونق! ناظرته باستغراب ومعه راكان : جراح نطق بحده: انت وش تعملين هنا! رونق ببراءة نطقت: قالوا قدر بالبقالة وخفت عليها وشفت حرمة واقعه ودخلتها بيتها هذه كل السالفة! التفتت لباب البيت لما طلعت الحرمة من الباب ونطقت بخبث: انت للحين هنا ... بعد اسبوعين الي اعطيتك إياه يعطي مفعوله! وبحركة متقنه اظهرت انها متفاجئة من وجود جراح وراكان: اعطيتها عشبه للحمل! ودخلت بسرعة وقفلت باب بيتها!- رونق بلعت ريقها وهي تحس في جزء مفقود بالسالفة!،هذه الحرمة وش تقول؟!!!! جراح وهو صاك على اسنانه: وش اعطتك هالخبيثة؟ واصلا وش عرفك فيها ؟!!!! رونق جاوبيني! ردت بنفي: ما اعرفها قاطعها وهو يسحبها من يدها باتجاه بيت صفية وكلام عجوز النار يدور بعقله .....اول ما دخلوا الحوش نطق بملامح غاضبه كيف تدخل بيت هالساحرة وليه عشبة الحمل وهي حامل اصلا ؟!! راكان رافع حاجب يناظر المنظر بروقان: وش هالعشبة الي اخذتيها من هالساحرة؟ يمكن عملت لك سحر وانت الهبلة رايحه تتعالجين عندها! وبنبرة قوية نطق جراح : اعطيني حقيبتك اشوفها؟! شدت على حقيبتها بقوة: جراح ما اسمح لك تكلمني بهذا الاسلوب! جراح بغضب اعمى نظره من خوفه تكون هالساحرة تعمل لها سحر وتؤذيها: اقولك اعطيني قبل قاطعته بقوة بالرغم انها واثقة ما عملت شيء لكن طريقته بالكلام ازعجتها : ابعد عني اقولك هالعجوز كذابة ما اعطتني شيء .انت ما تثق فيني راكان رفع حاجب: دامك ما اخذت شيء اعطيه حقيبتك الا اذا سكت لما نطق جراح بصراخ: لا تحديني اعمل شيء يزعجك اعطيني قاطعته ام راكان باستغراب من صراخهم وأغلب الموجودين طلعوا على صراخهم: وش فيه صوتكم طالع يمه! تقدم فياض باستغراب وهو يشوف نظرات جراح النارية : وش صاير؟! وقع نظرها رونق على نفس الولد الي خبرها انها قدر بالبقالة وهو يتكلم: لقوها عند ام خلف! شهقت صفية برعب: عجوز النار! تقدم فياض من رونق وهو يسمع راكان يتكلم: تقول العجوز اعطتها عشبه للحمل!، وجراح يبغى يشوف هالعشبة ورافضه تعطيه يشوف!! صفية بغضب: انت يا مخبوله وش وصلك لها هذه تسحر قاطعتها رونق بغضب: اقولكم ما اعرفها وما اخذت منها شيء ...عمركم لا صدقتم قاطعها بغضب اكبر من عنادها وفوقها تصرخ بوجه جدته : انكتمي صوتك ما يرتفع على جدتي! فياض بهدوء: يا جماعة الخير صلوا على الرسول ..اكيد صار سوء تفاهم ...رونق اعطيني الحقيبة حتى يتأكدوا انها العجوز كذابه قاطعته وهي تنفض يده الي مدها لها :انت بالذات لا تتدخل! انكمشت على الحقيبة بقوة لما حاول يسحبها جراح ...همس لها بنبرة هادية: رونق لا تفشليني قدامهم ارتخت ملامحها لما ناظرت الكل واقف ويناظرهم!- تنهد بعد ما اصبحت الحقيبة بيده ...نطق بهدوء: تعالي يا رونق! ام راكان بتدخل:افتحها هنا! رد برفض: ما له داعي لاني متأكد انها ما فيها شيء بس ابغى اطمئن إذا وضعت لها هالساحرة شيء قاطعه راكان بقوة وهو يسحب الحقيبة منه وخلال لحظات كانت محتويات الحقيبة على الارض ! لحظات جحظت عيونه من هول ما شاف ! نزل فياض للأرض وهو يمسك قطعة قماش بلون الازرق ملفوفه عقدت حواجبها باستنكار وانعقد لسانها من الصدمة لما فتحها فياض! لتغلق الستارة على حياة دوبها فتحت ازهارها !!! ** ** ** * جالسة بابتسامة مزيفة وهي ترد : والله مريم بشماته: عاد تكسرين الخاطر ما ذبحك إلا جراح الي طول وقتك تتغني فيه بس كيف وصلت فيك تسحريه لذي الدرجة الحب معمي عيونك ! رونق ضحكت من وراء قلبها: غبية إذا ظنيت جراح يتخلى عني! جراح ما يقدر يبعد عني قاطعتها بسخرية: نشوف! رونق بسخرية: ايه نشوف على الاقل انا مو مثلك عندك 6 بنات ورماك وراح يطق فوق راسك ضره! انت الي تكسرين الخاطر! مريم ردت بأمل يتصلح الوضع: رح يرجع لي راكان ورح تشوفين ...لا تنسين كل اهله معي وخالتي زعلانه منه بعكسك انت خالتي كل يوم تنتظر خبر طلاقك وهي ناذره الا تزغرد وتعمل حفله بهذه المناسبة ..... رونق كلامها ضربها على الجرح ! نفسها تعرف مين الي خطط لذي السالفة ! كيف تبرئ نفسها ودليل الادانة بحقيبها ! طنشت مريم وانشغلت بالجوال وعقلها يفكر بجراح مر اسبوع وما عبرها! معقول صدق فيها! كيف ما يصدق ودليل الادانة مسكه بيده! رفعت نظرها للحظات على دخول جواد ....ورجعت تنشغل بالجوال! جواد يناظر بناته بضيق وهو يشوف حياتهم تدمرت .....ما هو مصدق كيف رونق تعمل كذا ؟! يعني ما اكتفت بتدمير حياتها ..دمرت حياة مريم الي راكان يبحث عن عروس للحين ! يقدر ينقذ حياة مريم إذا طلق جراح رونق ...المشكلة جراح من بعد ذيك السالفة ما احد شافه وجواله مغلق ومقدم اجازة بالشغل! ناظر رونق بحقد عمرها ما رح تصير بني آدمه .....مسك نفسه بصعوبة ما يكسرها لأنها حامل يخاف تجهض ويحمل ذنب نفس بريئة ...لكن رح يربيها من اول وجديد بس خليه بالاول يحل مشكلة مريم وبعدها يتفضى لها ! مريم ناظرت ابوها: اجيب لك يبه قاطعها وهو يجلس : ما ابغى شيء! جلست الجازي جنبه : اليوم خالتي راحت للمستشفى! جواد هز راسه بضيق: ايه عندي علم . رونق رفعت نظرها بهدوء وهي تسمعه يتكلم مع الجازي باندماج عن وضع ام جواد الصحي .... تغلف نفسها من الخارج بهدوء ظاهري حتى تثبت لهم ما في شيء يكسرها ويا جبل ما يهزك ريح! وبداخلها خذلان من كل الي حولها ....الكل صدق سالفة السحر لأنه صاحب الفكرة طبقها بكل اتقان بدون اي غلطة وهي مثل الغبية وقعت بالفخ بكل سهولة ! جواد من يومها مقاطعها ولسانه ما يناطق لسانها بعد ما سمعها كلام يسم البدن ......امالت شفتها بسخرية وهي تتذكر موقف الجازي البطولي ...تنهدت بضيق وهي تطرد هالذكريات المؤلمة! ابتسمت على دخول قدر الوحيدة الي للحين ما تغيرت عليها صغيرة وبعدها ما تفهم شيء: ماما في اسئلة بالواجب مب قادر افهمها هزت رأسها بابتسامة وهي تتحرك للغرفه: تعالي! بعد مغادرتها تكلمت مريم بقهر وهي تبكي: الحين بعد سالفتها أكيد رح يصمم راكان على زواجه .....انا وش ذنبي؟! قاطعها بمواساة : انت يا مريم رمز البراءة والطهارة وراكان يعرف هالشيء ما رح يأخذك بذنب رونق ....لا تنسين هو قرر الزواج قبل هالسالفة! وبعدين ليه راميه نفسك عليه كذا ؟! هذا انت جالسه في بيت اهلك معززة ومكرمة وبناتك ما رح ينقصهم شيء! خليه رح ييجي يوم ويرتجي حتى يرجعك قاطعته مريم ببكاء: وقسم بالله لو يعملها صدق ويتزوج علي ما اجلس على ذمته دقيقة! الجازي تنهدت: بس هو رافض يطلقك ! مريم بقهر: جدتي ام جواد تقول هذه حوبة الجازي ظلمتها وهذا حنا طحنا بحلقك! جواد زفر بضجر من هالسالفة وهو يتجرع كأس العلقم وهو يشوف بناته بهذه الحالة وما هو قادر يساعدهم !! وقف وهو يراجع حسابته ....ما ينكر انه ظلم الجازي وما حاول يتفهمها وهي بنفس الوقت كانت تصرفاتها تنرفز....ومع ذلك ظلمها بحرمانها من مريم وحرق قلبها والحين قلبه محروق ومشتعل على بناته ..حتى اعز صديق له جفاه وقسى عليه ! زفر بضيق وهو يردد بنفسه لزوم يعمل هالشيء لعل وعسى حال مريم يتعدل! *• ** ** ** الجازي بقهر من رونق وكيف سولت لها نفسها تعمل كذا: .والله يمه وقتها حسيت نفسي بحجم النملة من الاحراج قدام الموجودين رونق تعمل كذا! دانا بضحكة: عاد انت بحجم النملة بدون احراج قاطعتها الجازي بضيق: دانا والله مب رايق لسخافتك!، حنين بهدوء: غريبة للحين ما طلقها ! الجازي تنهدت: ما ادري ...بس اهله قالبين الدنيا عليها ...كيف تسحر ولدهم! سمية بانتقاد: بس انت كيف تضربينها قدام الكل! مهما ابنتي غلطت ما اهينها او اضربها قدام الناس بيني وبينها اتفاهم قاطعتها الجازي: لو كنت بمكاني ابنتك قاطعتها حنين بانتقاد: ما ربتيها او اعتنيت فيها حتى تنقهرين ...تراها ابنتك بالاسم فقط و ما لك حق تتدخلين بتصرفاتها لا انت ولا جواد ! وبعدين على طول صدقت السالفة ! يمكن احد مدبر لها هالفخ لا تنسين ما احد يبغاها الجازي ترفض هالفكرة : مستحيل ...صدقيني ما توصل لذي الدرجة انا كنت موجوده ما شفت كيف الصدمةوالقهر ظهر عليهم من تصرفها ... ام راكان شبه فقدت الوعي من هول الصدمة ! تدرين زياد هجم حتى يضربها لولا فياض تدخل اخذها وغادر فيها المكان! دانا باندماج:طيب جراح ما تكلم؟! وش رد فعله؟! الجازي هزت راسها بأسف: مسكين لو تشوفينه وكأنه صنم ....بدون حركة وكأنه ما هو مستوعب الي صار! حنين مطت شفتها: ما ادري احس السالفة مو راكبه فيها شيء ما هو مقنع ! الجازي ناظرتها باستفهام: كيف يعني!!! حنين هزت كتوفها: ما ادري بس السالفة كلها ما دخلت راسي! يعني رونق وش عرفها بام خلف ؟!! صدقيني في جزء من النص مفقود في حلقة ناقصه! الجازي زفرت بضجر: والله احيانا احس يصيبني صداع من كثر التفكير في السالفة! سمية: طيب فياض وش يقول! الجازي : وش رح يقول يعني!!...لما ارجعها يقول ما نطقت حرف واحد والسكون متلبسها يعني لو تفكرين لو واحد مكان فياض ما ناظرها ولا اهتم لامرها ...ما شفتيها كيف دفت يده بقرف وقتها قدام الكل وهي تصرخ بوجهه وكأنه بزر... ومع ذلك كان الوحيد الي حماها وابعدها عن المكان ! سمية هزت رأسها باسف: وش استفادت من هالشيء...تظنين جواد رح يرحمها ؟! ليه ما اخذها فياض قاطعتها الجازي بوجع: عمي ابو فياض حلف يمين ما تدخل بيتنا يقول وش يضمن انها ما تسحرنا ! الي يقهرني ما قدرت ادافع عنها او ابرر لها والدليل قدام الكل ...الله يسامحك يا رونق ما تقدر تعيش بدون مشاكل ! ** ** ** ** جالسة تصلي سلمت من الصلاة ...غمضت عيونها وهي ماسكه نفسها بصعوبه من كلامه: تصلين ! ما شاء الله! اول مرة اعرف انه السحرة يصلون ! استغفر الله انت ما تعرفين وش اثم الي يروحون لهذه الاماكن استغفر الله! عاد والله اخاف تعملين لي سحر قاطعته بقوة: تعرف تنكتم وتنقلع برا! تراك مب صغير وهذا كلامك ! رفع حاجب وهو يتقدم منها وناوي الشر: والله! وانا على بالي بعدني صغير! وبحده حط وجه امام وجهها لما وقفت : رونق ترى قلبي مليان عليك ...بس انتظر اللون الاخضر حتى اطلع القديم والجديد ...وخشومك ذول الي رافعيتهم على غير سنع وعد مني الا اكسرهم بس انتظري! دفته عنها بقرف وبنبرة ساخرة: ايدك وما تطول! سرعان ما رجعت للخلف لما رفع يده يضربها ...تنهدت لما نزل يده بعد صرخة جواد: عبدالله ! تقدم بملامح متجهمة: انا كم مرة قلت لك اختك لا تقرب صوبها عبدالله بقهر من ابوه: يبه عاجبك هالموقف الي حنا فيه! قاطعه جواد بصرامه: خلاص انتهينا! اعطاها نظرات متوعده وغادر المكان....تنهد جواد بعد ما غادر عبدالله ...وبنبرة عتاب: انا وش قصرت معك حتى تجازيني كذا ؟!! تكلمت بخذلان يغزو روحهامن الكل: وش قصرت ؟! قول وش قدمت لي ؟!!! ضيعتوني وانا بالمهد ما لكم حق تلوموني بشيء.... قاطعها بغضب من النقطه الي واقفه دوم عندها:انكتمي يا ليتك كنت البنت الي دفنتها ...وش رجعك بعد هالسنوات ....ما شفت منك الا وجع الرأس ...الله يآخذك وارتاح منك ومن بلاويك لأني خلاص ماعدت اقدر اتحمل منك شيء ثاني اكتفيت..... ارحمي شيباتي واعقلي يا رونق! طاحت دمعه من عيونها بعد ما غادر ......ما احد مصدقها!!! في هذه المرحلة ما له داعي تقضي وقتها بالتبرير ما يهمها يصدقوها او لا ! الاهم إنها واثقه من نفسها ...رح ييجي يوم ويندموا لكن وقتها يكون فات الأوان وما يعود لاعتذارهم طعم ! ** ** ** ام راكان سورة البقرة 24 ساعة مشغلة ....تنهدت بتعب وهي تدعي على رونق: حسبي الله عليها بسببها ما ادري وين جراح ! ام لؤي بضيق: ما الومه يمه ! اكيد للحين مصدوم من البنت الي حبها من كل قلبه ! البنت الي باع اهله علشانها! تعمل كذا ؟!! اكيد تلقينه الحين يبغى يستفرد بنفسه ويراجع حساباته ومن اول ما يرجع رح يطلقها! ام راكان : يقولون حامل! ما نبغى منها ذرية وش رح يطلعون يا حسرتي! نصحناه لكنه ركب رأسه بالعناد وش استفاد الحين ؟! دخل زياد وملامحه ما تتفسر ....وقفت ام راكان بفزع: وش صار؟! زياد جلس ومسح وجهه بهدوء: لا تخافي جراح بخير ....لقيناه! ام لؤي: اجل وينه؟ رد بضيق: جراح الي ما تعرفوه كان مرتب اموره حتى يسافر لبرا مع رونق وكان المفترض البارحة يسافرون ... ام راكان : وش تقول؟! لا تقول إنه رد بأسف: جراح سافر البارحة ...واليوم ارسلي رسالة يخبرني هو بخير ام راكان نطقت بصدمه: حسبي الله ونعم الوكيل برونق! كيف يتركني ؟! نطق : يقول اذا تبغين تشوفينه تقدرين تسافرين له ...ما يبغى يرجع هنا رح يستقر برا! ام راكان بضيق من الحال الي وصلوا له : اخخخخخ انا رح تصيبني جلطه من اخوانك! الحين هذا هو الحل يروح يهد المكان علشان ست الحسن والدلال !! واخوك للحين يبغى يتزوج وجواد وابوه يرعدوا من هنا! ونايف يهدد اذا تزوج راكان الا يطلق سعاد ! مط شفته زياد بجعرفه: عاد من زينه ! ا م راكان بقهر: انت متخيل تتطلق سعاد للمرة الثانية؟ الناس رح تأكل وجوهنا! لا تنسى اخوك معه ست بنات افرض رمتهم عليه ! وبعدين زوجته صغيرة يعني العمر قدامهم ! ارحموني خلاص ما عدت اتحمل اكثر من كذا ! وبعدين اخوك هج وترك العلة خلفه على ذمته وحامل؟!!!! زياد رأسه مصدع من السالفة: اتصلي فيه اذا فتح جواله وتفاهمي معه ! *** ** ** جواد بغضب : ما في طلوع من باب البيت تفهمين والا لا ؟! لا وظيفة ولا بطيخ ! بعد سواد وجهك لك عين تطلبين قاطعته بقهر: انت تسمي نفسك اب ؟! ما رح اسامحك طول حياتي انت وامي !، ما تتصور الخيبة الي اتجرعها منكم ....وتلومني في حبي لجدتي ام مرعي! لو جدتي هنا كان قفلت حلق كل واحد يتكلم علي وما سمحت لاحد يوجه لي هذا الكلام! انا ما اعرف مين الي أنتج هالفيلم وللاسف. نجح بكل سهولة لأني كنت غبية وعبيطه لما ظنيت انه الناس بعدها بخير ! انا بعمري ما غلطت بشيء وما تهمني نظرتكم لي ...لاني بكل بساطه واثقه من نفسي ...لكن يحز بخاطري الخذلان الي تجرعته منكم ! وظيفه ورح اتوظف ما تعبت كل هالسنين علشان بكل بساطه تقولي انطقي بالبيت ! انا مب صغيرة حتى تتحكموا بحياتي ....للحين اتكلم معكم باحترام وساكته لكن يكون بعلمك سكوتي ما رح يطول ! ما رح يطول ...اعطته نظره تحدي وتوجهت للغرفة ! ** ** ** ** ابو جواد بغضب : مجنون انت كيف تطلق ابنة عمك وليه تدخل نفسك بالسالفة:! نايف والفرصة جاءته على طبق من ذهب: هذا اقل شيء اقدمه لرد اعتبار لبنات اخوي! ام جواد معصبة رأسها من الصداع : لا حول ولا قوة الا بالله! ترى راكان للحين ما خطب تقوم تطلق أخته؟! اذا جراح بعد سواد وجه رونق ما طلقها تقوم انت تحشر نفسك وتطلق زوجتك ؟! ما فكرت بعيالك ؟! نايف بروقان : العيال عند امهم ! بدر مط شفته بضجر: والله ما ادري وش الحل مع هالمشاكل...الي يذبحك مريم الي معها 6 بزران! ابو جواد بقهر: لو يرجع جراح ويطلق رونق يمكن راكان يكنسل فكرة الخطوبة ! نايف : انا سمعت انه ما سافر كذب على اهله يبغى يبعد عنهم ويريح اعصابه! المهم طالع الحين عندي بعض المشاغل ابو جواد بقهر من تصرفاته: انقلع رجع زوجتك ولا تعقد الامور! نايف ببرود : يصير خير! ابو جواد بقهر: اخخ يالقهر اصعب شيء لما تكون مربوط من يدينك وما تقدر تعمل شيء ...نفسي اكسر رأس هالرونق بس الي يذبحك حامل! ** ** ** ** قفلت الجوال بقهر جواله للحين مغلق ....كيف تقدر توصل له ....لزوم يسمع منها حست بالإحباط كيف تقنعه صعب صعب ! مهما كان اختيار جراح ما رح تزعل منه وتلومه لانه شاف بعيونه وصعب يكذب عيونه! لكن شيء بداخلها يردد «كيف يتركها بهذا الموقف و كيف صدق فيها وهو يعرفها عاشت معه ما هو يوم ويومين عاشت سنوات لذي الدرجه ما يثق فيها ؟؟؟» بس بداخلها امل ما رح يتخلى عنها جراح هالشيء متأكده منه ! مجرد فترة يحتاجها جراح وبعدها رح يرجع لها! طلعت من الغرفة وناظرت مريم جالسه واضعه يدها تحت خدها بحزن وهي تناظر بزرانها ....ما تنكر بالرغم من علاقتهم السيئة الا انه يحز بخاطرها حالها ..مريم شالت راكان على كفوف الراحة ...تنفذ كل طلباته حتى ما يزعل او يتضايق ...حبته من كل قلبها بالرغم من فرق العمر بينهم ....كذا يجازيها؟! صدق الرجال ما لهم امان! جلست مقابل لها والازعاج وصراخ البنات يعج بالمكان ...بكل اسف المكان مزدحم كثير ....غير الازعاج ! ناظرت بنات مريم مايشبهون بعض بالرغم انه أول ابنتين توأم والثالثة والرابعة برضو توأم ومع ذلك ما في تشابه بينهم! مع انها شق توام لكن ما عمرها حملت بتوام لكن هذا الحمل ما راجعت ولا لها نية تراجع ! مريم عبست ملامحها لما شافت رونق ...نطقت رونق بروقان: اعصابك يا حلوة! تدرين انه نايف طلق سعاد؟!!! يعني صار الحين حاجز جديد لرجوعك للفارس المقنع! مريم بضيق: رونق رجاء في حلقك كلام ابلعيه احسن لك ! او روحي ابحثي عن فارسك الي هج من المنطقة بسببك! رونق سكتت للحظات وهي تفكر بجراح الي تركها كذا ؟! ما تعرف وش يفكر فيه يوم انه يختفي عن الانظار بهذه الطريقة! مريم نطقت بكل صراحة: تدرين ولا عمري كرهت انسان مثلك ! رونق مطت شفتها بملل: عاد تدرين شعور متبادل!! بس غريبه يعني دوم يقولون التوأم بينهم تواصل بالمشاعر ويشعرون ببعض مريم بسخريه: تدرين زمان كنت حاقدة على امي لانها بسببها فقدت شق التوأم وكنت اتمنى تكون للحين عايشة اتبادل معها الكلام بكل شيء ...لكن سبحان الله لما شفتك سامحت أمي إنها ضيعتك وريحتني منك السنين الماضية ....الله يسامح الي رجعك لينا! كنت عايشةومرتاحه ومبسوطه! رونق وقفت وتحركت باتجاه الشباك بروح ميته ...وقفت وهي تناظر للخارج: عايشه مرتاحه ومبسوطه! ما احد فكر فيني وبحياتي إلي عشتها ! وما احد سأل عن طفولتي كيف مرت ؟! فرق بيني وبينك انت عشت وبيدك ملعقة من ذهب ...اما أنا على النقيض تماما عشت طفولة محرومة يتيمه اراكض من بسطه لبسطه حتى احصل لقمة عيش...بحررةالشمس انت جالسة تحت المكيف بالبراد وانا تحت اشعةالشمس حتى نعيش ...تمنيت اشياء كثيرة بطفولتي وما قدرت احصلها...اعيش اليتم وامي وابوي عايشين ....تدرين الصدفة جمعتني مع امي وابوي بنفس اليوم ! كنت صغيرة وقتها بالمستشفى وصار موقف للحين عالق بذاكرتي ما نسيته ....وقتها اصطدمت بابوي وقتها شتمني بس ما كنت اعرف انه أبوي ....خبرني فياض مرة إنه ذاك الرجال ابوي...شوفي كيف الدنيا صغيرة جمعتني فيهم بدون ما يدري عن الثاني! اي مشاعر رح تحملها طفله محرومة ...حياة قاسية بالقرية ...كنت اتمنى اشوف البسمة على ثغر مروان الي انطفت من الحرمان الي ذقناه .....ومع ذلك كنت راضية بالحياة على امل القادم اجمل .....وضعت هدف لزوم احققه الي هو اعيش بالمدينة ...هدفي بس اطلع من القرية واعيش حياتي مثل ما ابغى انا ! ويا ليتني ما منيت اطلع من القرية! لكن لما وصلت بعمر 13.5 تقريبا يعني ما دخلت عمر 14 زوجوني لنايف الرجل المنقذ حتى يطلعنا من الفقر....شفت الفرق بيني وبينك ...انا تزوجت بهذا العمر بينما إنت بهذا العمر كنت تراكضين وتلعبين مثل الأطفال وما زلت تعيشين براءة الاطفال! تزوجت بعدها وجدت نفسي بالمركز بقضية مشبوهة لانه بكل بساطه عمك سكني بمكان مشبوه....تعرفي هالشعور لما تكوني بهذا الموقف والضابط يناظرني بانحطاط وكأني شيء قذر ...انتظرنا ولد العم حتى جاء واثبت إني فعلا زوجته! يوم ثقيل على قلبي ما رح تحسين وتشعرين فيه يا توأمي! ما اكتفى نايف قرر يرجعني لاهلي تخيلي موقفي زوجك يرجعك لاهلك من ثاني ايام الزواج! رجعت لأهلي طفلة محطمة وبعدها تنكسر شوكتي لما عرفت بالحمل ! انا حملت بقدر وانا ما دخلت 14 وانت عايشه حياتك بسعادة ومبسوطه! حملت هم طفلة وانا بعدني طفلة ! كبرت قدر قدام عيوني وانا معلقة كذا ....لوقت قررت ارفع قضية واحصل على حريتي ....اشتغلت بعرق جبيني ....ايه اشتغلت عند راكان الي يناظر الي اقل منه مستوى انهم حثالة ...ومع ذلك صبرت على الشغل حتى اقدر اصرف على جدتي وقدر! ما قدرت أوكل محامي لقضيتي ما عندي فلوس ومسكت قضيتي بنفسي وبعد اشهر من المرار وقتها كرهت الدنيا لما ربح نايف القضية! نار تأججت بداخلي من طعم الظلم ....حصلت على الطلاق وخبرت المحامي عن البنت ابغى اضمن حق ابنتي...فكانت الصدمة لما انكر نايف البنت ! انت متخيله النفسية الي كنت فيها ! وكانت ختام السالفة لما اكتشفت انه نايف هو عمي ! انا تجرعت المر بدون ذنب وفوق هذا تبغون اكون الشماعة الي تعلقون عليها اغلاطكم.... انا بقلبي كره وحقد لكل الي حولي كل يوم يزيد عن اليوم الي قبله ... .. لكن خلاص اكتفيت منكم ولهذا الحد رح اضع نقطة . مريم جالسة تناظرها وهي معطيتها ظهرها وتناظر من الشباك ....استغربت انها تكلمها عن حياتها ....تحس بنبرتها حزن عميق ! نزلت رأسها وهي تفكر بحياة رونق لو عاشتها كيف رح تكون نفسيتها! اذا هي لأنه راكان يبغى يتزوج عليها نفسيتها حضيض وحالتها حالة طول الوقت تبكي ومتكدرة ...كيف بإنسانه عاشت كل هذا! رفعت نظرها على جواد الي تقدم بعد ما سمع الكلام وهو ينطق : وش تقصدين بالنقطة! رونق التفتت على كلام جواد ....وما ردت على كلامه! اقترب منها وهو يشوف الدموع تلمع بعيونها ....ونسمات الهواء تحرك شعرها بعشوائية : رونق ردت بابتسامة ألم : خلاص يبه انا مليت من حياتكم قاطعها بغضب من فكرة إنها تؤذي نفسها: اعرفك مجنونة على وش ناوية؟!- قاطعته وهي ترجع خطوة للخلف: وش يهمك ؟! مب انت الي تمنيت موتي قاطعها وهو يمسك يدها وبحنية: رونق......ترى و الله كله كلام من وراء قلبي .....ما أنكر كلامي ثقيل بس بغيت ردت بمقاطعة: إلي انكسر ما يتعدل .. انا اكتفيت منكم ومن نظراتكم....انا واثقه من نفسي ....ومن باكر عندي دوام بالمستشفى ورح اداوم لا تحاول توقف بوجهي وتذكر الناس رح تأكل وجهكم إذا منعتني من الوظيفة ورح تجيبون لكم الكلام ! قاطعها وهو رافع حاجب: اي مستشفى دوامك؟! ردت بدون اهتمام لرد فعله: مستشفى القرية نايف رح يوصلني ورح اسكن عند جدتي ونهاية الأسبوع رح اكون عندكم... *** ** *