بسمة مدفونة في خيالي - الفصل ٢٣و٢٤ - بقلم مجهول🖤 - مكتملة | روايتك

رواية بسمة مدفونة في خيالي : الفصل الثالث والعشرون : بالجامعه روعة باقتراح: خبري ابوك خليه يتفاهم معه ! رونق وهي تحط الجوال صامت اكل راسها باتصالاته ورسائله : علشان يقول له هي اتصلت فيني وتسألني جراح ؟! وطبعا حضرته جراح والرسائل عنده قاطعتها روعة: عادي الرسائل احذفيها تنحذف عندك وعنده ! رونق وهي تحضن راسها بيدينها :خليني ارجع للبيت وافكر برواق ! روعه اشرت بعيونها : شوفي عنتره هناك واقف لوحده ...بسرعه تحركي فهميه السالفه وان ما اقتنع على اقرب محكمه واخلعيه ! توجهت له رونق بسرعه بدون ما تدقق وبصوت متردد نطقت : جراح! حست الزمن توقف لما التفت عليها زياد ..عقد حواجبه باستنكار : جراح ؟!!!! رجعت خطوة للخلف بصدمة ....سبحان الله نفس مقفى جراح ....بلعت ريقها وهي تحس انها بورطه والسبب الزفتة روعة ! زياد عقد حواجبه وهو يناظرها باحتقار ...ناظر حوله بالممر ما فيه غير كم طالب ...تكلم بصوت حاد هامس تسمعه : تدرين انا اغبى واحد بالعالم يوم وقفت بوجه الكل واصريت انك تكملين دراسة ! لاني نسيت او خلينا نقول تناسيت اهم نقطة وهي اخلاق البنت قبل ما تطلع من باب البيت ! انت حرام تطلعين من باب البيت ...وقسم بالله الا اليوم كل سوالفك الواطية رح تكون بإذن ابوك ...خليه يعرف حقيقتك المنحطة ! واقفه تسمع سيل من كلامه الجارح ...كل هذا لانها نادته جراح ...يمكن يظن انها على علاقة مع جراح ....بس مو رونق الي تسكت ...رح تقلب الطاولة ضده ...حالياما تبغى السالفة تنتشر لانه ما هي بمصلحتها والاهم جراح ما هو مستعد ماديا يعلن الخطوبة لازم تتصرف وبدون ما يحس ..ارجعت شنطتها خلف ظهرها وكانت من النوع حزامها طويل ..وبدون ما يشعر دست يدها داخل الشنطة ...فتحت طرف المشرط وهو بالشنطة ببطئ وجرحت يدها بكل خفة ..متجاهلة الوجع ....ضمت يدها وهي تحس بالدم بيدها رفعت يدها امامه وبنبره قويه نطقت لكنها مخذولة ما توقعت زياد يناظرها انها بدون اخلاق : كلها سؤال وما تركتني اكمل سؤال ...اسألك انجرحت وابغى اعرف وين المركز الصحي هنا ...لكن ما ادري عائلة ابوي كلهم نفسيات والله ما اسامحك على كلمة طعنتني فيها ! ناظر يدها الي تفور من الدم ....وقع نظره على بعض القطرات نزلت على الأرض بدون ما تحس ...معقول هو سمع غلط ! جراح وجرح قريبات من بعض ! كيف تخيل له انها نادت جراح ! فتح شفته يكلمها ينبها على الدم : تعالي على المركز قطع كلامه وهو يشوفها تركته وراحت ! حس بتأنيب الضمير على تصرفه ...بس ليه ينكر هي بذاتها اعطته رسالة غراميه ! يحس عقله مشوش ..نزل للارض بخفه مسح الارض بفاينه ورماها بالزبالة ! لحظة وش جرح يدها ؟!!! معقول دخلت بمشاجره مع بنات او احد تعرض لها ! *** * بالوقت نفسه دخلت لدورات المياه وفتحت الموية على الجرح وهي عافسه ملامحها بألم وهي تبكي ...كلامه قهرها! روعة من خلفها : يا مجنونه وش عملتي بيدك ؟! رونق بدون ما نناظرها وبغضب : انت انكتمي يا حوله ما تميزين بين جراح والزفت زياد ! روعة رفعت حاجب : لا والله تعالي اضربيني ! وحضرتك ليه ما فتحت عيونك قبل ما تغردين وقلدتها بسخرية «جراح » رونق بصوت مخنوق من البكاء : انكتمي ! قفلت الموية وطلعت فاين وضعطت مكان الجرح ! روعه بخوف عليها :وش فيك تبكين ؟ وش قال لك ؟! والاهم ليه يدك تنزف ! رونق بروح ميته :كل شيء فيني ينزف ما وقفت على يدي ! اتركيني روعة انا متضايقة الحين ما ابغى اتكلم بامور وازعلك وبعدها ...خليني بحالي ! روعة سكتت للحظات وهي تشوف كيف رونق نفسيتها بالحضيض ودموعها ما توقف عن البكاء ..نطقت بضيق : طيب رح اتركك بس بالاول قاطعتها رونق وهي تحمل اغراضها وتطلع بدون اي كلمة ! ناظرتها روعة وهي تحس بالضيق ..صديقتها منهاره وهي ما قدرت تواسيها او على الاقل تساعدها ! ** ** ** ** جالسة بالغرفة مستنده على راس السرير بروح ميته ...ناظرت مريم الي دخلت وتتكلم بالجوال وتضحك بنعومه ...اكيد تكلم راكانووووو ...عفست ملامحها بقرف من ذكرى هالانسان ....متضايقة للحين منكلام زياد كانت تحمل له مشاعر اخوية جميله يعني ما كرهته مثل راكان..لكن الحين ابغض مخلوق على قلبها ....وش عملت حتى يناظرها كذا ! قفلت الخط مريم وناظرتها : بابا يقولك تعالي اجلسي !، عفست ملامحها وبداخلها «بابا » ما هو لايق طول الباب وتقول بابا مالت عليك يالدلوعة ....تحس تولدت بداخلها مشاعر كره وحقد وحسد لمريم ...عايشه حياتها ومبسوطه وهي بالمقابل ذاقت المر وهي جالسة ومرتاحة البال ! ردت بدون نفس : الحين الحقك ! مريم عقدت حواجبها باستغراب ليه تناظرها كذا وكانها اكلت حلالها ... وقفت رونق وعيونها على مريم للحين واقفه ...اقتربت منها ووقفت مباشره امامها ما في شيء يفصل بينهم ! ...شعر مريم لحد كتوفها بعكسها شعرها أطول ...اذا دققنا نظر عيونها اوسع من مريم .. قاطعت تأملها مريم وهي ترفع حاجب : وش فيك تتأمليني جايه تخطبيني وانا مو داريه ! مطت شفتها رونق بسخرية : اخطبك !!- تدرين تكسرين الخاطر بما انه راكان خطيبك ! ما ادري اتوقع انك مو بعقلك يوم وافقتي عليه ! والا خلينا نقول يوم غصبوك عليه ..لانه مستحيل انسانه بكامل قدراتها العقلية توافق عليه ! راكان انسان خبيث نصاب أنا اعرف حقيقته القذرة اشتغلت عنده ولي معرفه سابقة فيه قبل ما يكون خطيب اختي ! مريم انقلب وجهها باللون الاحمر : التزمي حدودك ابتسمت بسخرية رونق :وصرنا ندافع .. تدرين غيرت رايي طنجرة ولقت غطاءها ! مريم انقهرت من اسلوبها : قولي انك غيرانه لأني قاطعتها رونق وهي ترفع يدها : لا تكملين كلام وتنزلين من عيني زود ! لكن احب اذكرك ربنا امرك تبرين امك وأبوك والبر ما هو مقتصر على ابوك بس ! وفوق هذا امرك ببر الام ما هو بر زوجة ابوك ..انت بعقلك تراها زوجة ابوك نازلة تحت رجولها أستغفر الله بس ! راجعي نفسك واجبري قلب ام انكسر من لهفتها عليك وانت ولا على بالك ! باكر تتزوجين وتشوفين وش يعني ام ! وباكر ان شاء الله يتزوج عليك راكان وقتهاتعرفين وش يعني زوجة الاب ! يا ترى وقتها رح تعلمين عيالك هذي زوجة ابوكم مثل امكم ! معقول تكون زوجة راكان لعيالك مثل امهم ! والاهم هل رح تقبلين الوضع؟!!! امي حتى لو ذبحتنا نبقى عيالها ...ومهما كان السبب ما يطلع لك تهجرينها كذا او تتصلين فيها وكأنك تؤدي واجب ! لا يا حلوة بر الوالدين ما هو واجب تنتظرين متى تخلصين منه ! رقم امي معك اتوقع ...انا انصحك حتى ما تدور الدنيا وتشربين نفس الكأس ! ختمت كلامها بنظرة تقييم وبعدها غادرت! بالصالة بنفس الوقت الجازي ناظرته ما عجبها كلامه : يعني حنا خدم لها ! تاكل وتدخل الغرفه؟! مثلها مثل مريم تساعد بشغل البيت قاطعها وملامحه محتده: تبغين تجلسين لها مثل زوجات الاب ! رجاء رونق خط احمر اعتبريها ما هي موجوده ....كيف كنتم تشتغلون بدونها ؟! وش زاد وجودها ؟! انقهرت من رده : انت كذا تولد الغيرة بين الاخوان بمعاملتك الخاصة لها ! ليه مريم تدخل المطبخ ورونق لا ؟! جواد زفر بضجر : اتركي عنك رونق ..ان سكت لما شافها مقبله عليهم ...ابتسم لها : هلا يا ابوي وينك ما شفتك اليوم ! ناظرته وبصعوبة ابتسمت مجاملة بعد ما جلست : دوام ودراسة قاطعها بملامح مبتسمه : ربي يوفقك شدي حيلك حتى تكوني اجمل دكتورة ! ناظرته واستغربت كلامه توقعت انه ما هو راضي عن دراستها ولا رح يرضى بيوم من الايام ! هزت راسها بهدوء : ان شاء الله ! الجازي ملتزمه الصمت ولا ناظرت جهة رونق تحس وكأنه الجازي قدامها بالرغم من الشبه بين التوام لكن فرق بينهم بالاسلوب !، جواد ناظر مريم الي جلست مقابل رونق بهدوء ..وبحماس تكلم : بالله تقومين تجلسين جنب رونق اشوف الشبه بينكم ! الجازي بنغزه : الفرق واضح مريم ب بيضاء ورونق قاطعها جواد : ما طلبت منك تطلعين الفروق ! ورجع ناظر البنات بابتسامة : يلا اشوف ! قامت مريم بدون نفس وجلست جنب رونق ! توسعت ابتسامته وناظر رونق : شيلي الشيله ابغى اشوف واقارن بين شعركم ! ناظرته رونق وظهر على ملامحها الضجر : ما احب انزل الشيلة قاطعها:بس انا ابوك تراك في بيتك ليه تلبسينها ! رونق ما هي متعوده عليهم حتى تكون بجون حجاب امامهم والسبب الثاني اليوم شعرها ما سرحته ...وبضجر فكت الشيله وهي تشوف نظرات جواد تحثها انها تنفذ طلبه! رفع حاجب : فكي شعرك ليه عامليته كعكعوله قاطعته روتق وهي معقده حواجبها بضيق: يبه! مريم مطت شفتها : فكي هالكشه خليه يشوفها ناظرتها رونق بترفع : احلى من كشتك ! جواد بنهر : بدينا ! بنات بدون رمي كلام ! فكت شعرها وتكلمت بعبوس : كذا !، مريم بتساؤل : يعني ليه هالمقارنة ابتسم : إن شاء الله اسبوعين وترجع بشرة رونق الطبيعية وقتها وش يخلينا نفرق بينهم ؟! اما الحين ابغى اعرف الفرق بينهم ! والحين خلينا نشوف الفروق ! شعر رونق اطول من شعر مريم وبصراحه شعرها احلى خلينا نحتسب نقطه لرونق رونق عقدت حواجبها : ليه حنا بمسابقة ؟!،- مريم مطت شفتها بقهر : خليني اجيب لك النظارة الحين مكنسة القش احلى من شعري ! رونق حركت حواجبها تغيضها : قل موتوا بغيضكم ! جواد اشر بيده : اقول سكوووووت انا هنا اقرر ! خلينا نكمل ! وقف واقترب منهم : وقفوا اشوف ! وقفوا بضجر وكل وحده متكتفه وتناظر الثانيه بجعرفه ! جواد هز راسه : الطول امممم اخلعيالي برجلك يا مريم !، مريم باعتراض : بس تراه قاطعها بحزم : وش قلت ! ناظرت مريم الجازي بضجر واعتدلت بوقفتها بعد ما خلعت نعالها ! جواد: نقطة ثانيه لرونق اطول منك ! انقهرت مريم ،: والله ! رونق ناظرتها وحركت حواجبها تغيضها ! جواد ابتسم : خليني اكمل ! قرص عيونه وهو يقارن بينهم : اممممم بياض البشرة مريم نقطه ! ضحكت مريم بنعومه : واخيرا نقطه ! رونق مطت شفتها بضجر: يبه انت ناديتني اجلس معك ؟! تحسسني بمسابقة ملكات الجمال الجازي ناظرتها بصمت للحظات .وبعدها عفست ملامحها بضجر ! جواد: خليني اكمل! العيون امممم تدرن يا ام عبدالله اذا دققنا في اختلاف بعيونهم ...تعالي شوفي ! قامت الجازي بضجر ..اقتربت رفعت حاجب وهي تناظر بتدقيق ....عقدت حواجبها وهي تشوف رونق ضحكت بصوت عالي : ما في شيء يضحك ! رونق وهي تمسك نفسها ما تضحك شكل جواد والجازي وهم يدققون بملامحهم مضحكه : ترى مو كذا يفرقون بين الناس ...ابعدوا شوي عنا جواد كش عليها : اسكتي ! شوفي عيون رونق اوسع ورموشها اطول ومقلوبه مثل سكت وهو يسمع اعتراض مريم : وانا ؟! شوف رموشي مقلوبة الجازي ابتعدت شوي : صحيح رونق رموشهامقلوبه اكثر انت مقلوبات بس ما هو مثل رونق جواد هز راسه : يا ويلك اشوف عيونك برا ما شاء الله فيهن جمال ما ادري عيونك فيهالمعه جاذبيه ما هي موجوده بعيون مريم ! جلست مريم بزعل : ترى باخت السالفه ! جواد ضحك على انفعال مريم : اقول وقفي 2_1 النتيجة وقفت مريم على مضض ..تابع جواد كلامه :الحين الانف رفعت يدها رونق بتلقائية ومسحت انفها ...ونزلتها سرعان ما ندمت لما لفت انتباه جوادالجرح بيدها : وش فيها يدك! ضمت يدها بتلقائية وبنفي : ما فيها شيء مسك يدها وهو معقد حواجبه : وش هالجرح! سحبت يدها حاولت تكون طبيعيه : وقع القلم بالقاعة ما بعرف كيف نزلت اتناوله فحديدة المقعد ضربته ما ركبت السالفة بعقله وبتسليك :انتبهي مرة ثانيه ! قاطعه دخول عبود :يبه الدكتور زياد برا ينتظرك انقلب وجهها الوان زياد وش يبغى من ابوها ! حست بارتياح لما تكلمت الجازي : كذا ما رح ترجعون الا للصبح جواد هز راسه : تعرفين مجتمعين كل عيال عمي وزمان ما اجتمعنا ! ناظر رونق باهتمام : مريم اعطي اختك مطهر الجروح .والحين تبغون شيء ! الجازي بهدوء : سلامتك ! طلع جواد ....تنهدت براحه بعد خروجه ..رفعت نظرها لعبود الي يكلمها : تراه ما تهميه ولا يحبك مثلنا ترى بس يسلك لك حتى ما تهربي ! مريم عدلت جلستها وهي تراقب شق توامها تناظر بعبود بصمت .... حولت نظرها للجازي الي تكلمها بحزم:اسمعيني زين انا متأكده ارسلتك امك تقلقين حياتنا ....وقسم بالله اقلب حياتك جحيم وما يغرك سكوتي ! هذا البيت بيتي انا ..وانت مجرد ضيفة فترة قصيرة ومع السلامة ! ويا ليت لوحدها نبتلش بابنتك ومصاريفكم ...ابوك وضعه المادي زفت تعرفين وش يعني زفت؟ يا دوووب مكفيين نفسنا ...ونبتلي بدراستك ومصاريفك ؟! وكأنه الوضع ناقص؟!! انا رح اكلم راكان يدبر لك عريس تتزوجين ونرتاح منك ! رونق تسمع بصمت وهي متاكده ابوها ما غادر ما سمعت خطواته على الدرج ..رح ترد لها ضريبة هالكلام بطريقة غير ...جتى تندم مرة ثانية توجه لها هالكلام .....ردت بصوت هادي : انا ما عملت لك شيء ليه تكلميني كذا ؟! وتراه هذا بيت ابوي قبل ما يكون بيتك وامي سكنت فيه قبلك ! مثل ما لعيالك حق فيه وانا بعد لي حق فيه ! هذه مريم اختي من امي وابوي لها حق بالبيت وانا لا ؟! سلطت رونق نظراتها بكره وحقد للجازي بسببها فشل زواج امه وأبوها وبسببها انخطفت لو ما دخلت حياة ابوها كان ما صار الي صار ..وفوق هذا حرقت قلب امها على مريم وهي تظهر بمظهر الطيبة ..تتمنى تبيع ضميرها وتلصق لها تهمة إنها ضربتها بالسكين ..لاخر لحظة مسكت نفسها ونطقت : والله ما بقى الا تضربيني ! الجازي باستنكار: اضربتك ! وابغى افترض اني ضربتك تظنين انه جواد رح يشتت عياله علشاني ضربتك ؟! تراك غلطانه انت مجرد دخيله وتطلعين ! ومثل ما قال عبود يجاملك حتى يضمن انك ما تفضحيهم من مركز لمركز وعلى قول المثل غلب بستيره ولا غلب بفضيحه ! فالتزمي حدك افضل لك التفتت لجهة الباب لما دخل جواد وبغضب نطق : الجازي ! ناظرته رونق بخذلان كلام عبود والجازي انه يجاملها حتى ما تهرب اوجعها ....حملت نفسها وتوجهت للغرفة متجاهله نداء جواد عليها ! تقدم والشرار يقدح من عيونه وبلمح البصر نزل طق بعبود : انا كم مرة حذرتك وقلت لك ابعد عن اختك ! الجازي وقفت بوجهه بغضب : خلاااااص كافي ! طقت قلوبنا من تدليعك لها على حسابنا ! رفع اصبعه بغضب : انت بالذات لا كلمة ! الجازي بقهر : ما رح اسكت !- قاطعها جواد وهو يمسكها من يدها بقوة : ولا كلمة ! ما توقعتك كذا ابدا ! تستقوين على البنت بعد ما طلعت وما بقى الا تضربينها وما استبعد انك الي جرحتيها بيدها ؟! والله ما دخلت السالفة راسي ...بس والله لو اثبت انك انت تطلعين السبب والله ما اسكت ! الف مره اقولك الكون كله بكفه وعيالي بكفه ! وانا الي امنت مريم عندك ...اكيد عاملتيها معاملة سيئة بغيابي وهددتيها اذا تكلمت !!، شوفيها كيف تهابك وما تعارضك بشيء اكيد انك مسببة لها رعب ! انا الغبي الي وثقت فيك؟!! طلعتي مو كفووو والله مو كفو عبود تدخل وسحب امه وبغضب تكلم : هذه امي ما اسمح لاحد يهينها !- جواد بغضب : انت انكتم ما ابغى اسمع صوتك حسابك ما انتهى ! وانت خذي اغراضك وما لك قعدة هنا ! الي يهين عيالي ما ابغاه تفهمين ! الجازي تحركت بقهر وهي تبكي : والله لتندم ! حسبي الله ونعم الوكيل ! خلال دقائق غادرت الجازي المكان ..بعد ما منعها تأخذ عيالها ! زفر بغضب جواد ...التفت على عياله وقدر واقفه معهم تناظر برعب ...........بعدها التفت على مريم جالسه ومتكورة على نفسها وتناظر بخوف وتبكي بصمت ! جواد اخذ نفس عميق : مريم قاطعته وهي تبكي : عمرها ما قصرت امي معنا كذا تجازيها ؟!! ليه عملت كذا ؟! مو انت كنت دوم تقول كل شيء ينحل بالتفاهم ! وعبود ليه تطقه تراه طولك يبه ! ما عاد صغير ! ليه تشتت اخواني؟؟؟ ليييه ؟! قاطعها وهو معقد حواجبه : واختك ؟ قاطعته وهي توقف : ما عندي اخت انا مو مثلك يبه اضيع 18 سنة مع ناس حبيتهم علشان وحده مبارح عرفت انها اختي ! وقفت تغادر وهي تردد: حرام والله حرام مرت من جنب اخوانها ...دفت قدر من طريقها بعنف وتوجهت لغرفة اخوانها !، ناظر عياله لما تحركوا خلف مريم مباشرة .....نزل نظره للطفلة الي ضاعت بين هالدنيا على الارض تبكي بصمت ...توجه لها رفعها عن الارض وهو يناظرها تحاول تكتم دموعها ....مسح دموعها بضيق ...ما عهد مريم قاسية كذا ! تكلم بضيق من الحال اي وصلوا له :لا تبكي تركته وتحركت مباشرة باتجاه غرفة امها وهي تحاول تكتم شهقاتها ! زفربضيق ....كل شيء صار بسرعة ...دوبهم جالسين وهو يحاول يدمجهم مع بعض ..ما يعرف كيف انقلب الموضوع وتعقد الامر بزيادة ....قرر يطلع وباكر تكون الأوضاع هدأت ...... ** ** •* ناظرت امها بضجر : جوالها مغلق ما ترد ..انا غبيةكله بسببي ! عماد ابتسم وهو يناظر ابوه : رحم الله من عرف قدر نفسه ! هزت راسها باستخفاف : يا ثقل دمك ! شيء ما تعرف فيه ما تتكلم فيه! ريم بهدوء: عمر الصديقة ما حلت مشكلة صديقتها يمكن تواسيها تنسيها همومها اما انك تحلين مشاكلها هذا صعب لانه كل وحده عايشه في بيئة مختلفه تماما ..والكلام ما هو مثل الفعل ..احيانا تجلسين مع نفسك تقولين ابغى اعمل وابغى لكن لما يصيرالشيء ما تنفذين شيء منه ! الظروف المحيطه لها تاثير كبير في رد الفعل عندنا ! اتركيها الحين وباكر كلميها .... روعة هزت راسها وباستفسار : بابا قاطعها عناد وعيونه على التي في : بدون ما اعرف مشكلتك مع صديقتك انت اساس المشكلة ...التفت عليها وبحسرة اتمنى يوم واحد بس تكونين ثقيله ..شوفي امك واقتدي فيها ..ما شاء الله رزانة وهيبة لا تصيرين مثل عمتك ر قاطعته وهي تشوف ابتسامة امها :سبحان الله الاثنين مثل بعض صحيح ماما ما خبرتيني كيف كان بابا ؟! ريم رفعت حاجب : كيف يعني ؟! روعة ابتسمت : امممم يعني كان او خلينا نقول قاطعتها ريم وهي تناظر عناد :كان ما عنده مسؤولية ابدا قاطعها باستنكار وهو فاتح عيونه : انا! خزته ريم مع ابتسامه: نسيت ايام قاطعها بتوعد : يصير خير يا ريم وانت يا ام لسان اطلعي على غرفتك كملي دراستك شغل سوالف! مطت شفتها وهي تشوف ملامحه المتجعرفه ...شايف نفسه بقوة..ردت بضجر :كملت قاطعها بحزم : حضري لليوم الي بعده روعة وقفت بقهر : اخاف يوم عرسي تنزلني عن الكوشة ارجعي عليك تحضير وواجب عناد فتح عيونه علة وسعهم من ردها ...خلال ثواني اختفت من الصالة ..ناظر ريم بصدمه : سمعتي هالبنت وش تقول ؟! ريم بضحكه : وهي صادقة كلما شفتها تكلمت قلت لها اطلعي حضري قاطعها : لانها ابنتك ما تنعطى وجه ..سبحان الله نفس اخواتي إذا ما اعطيتهم العين الحمرء ينشبون لك ضحكت ريم على تعليقه ....فعلا اخواته نشبه وما ينعطون وجه *** *** **** صداع يضرب برأسها من البارحه ّ.....وتحس بتعب بكل جسدها كلامهم اوجعها ! رفعت نظرها بروح ميته لجدتها الي لها ساعة تتكلم : يعني زوجة ابوك المفروض تحترمينها ما قلت لك حبيها بس شوي احترام ! يعني وش الحل ؟! هذه زوجة ابوك تركت البيت واوخوانك تركوا البيت ما يبغون يرجعون حتى تخرجين من بيتهم ! ليه ما تفاهمتي معهم ؟! كذا خربتي بيت ابوك بلمح البصر ...ليه يا ابنتي؟! ناظرتها رونق بخذلان من كل شيء حولها ...وبعيون حزينة : جدتي ادري اني بنظركم مسيلمة الكذاب وما رح تصدقوني ...علشان كذا ما رح احكي حرف واحد او ادافع عن نفسي لانه ابوي سمع بإذنه كل الكلام ولو كان علي قاطعتها ام جواد : والله الجازي كم صار لها عندنا ما عمرنا سمعنا عنها شيء !، زوجات اعمامك يتذابحون وعمرها ماتشاجرت مع احد ! زفرت رونق بضيق :خلاص دامه هذا كلامك انا صاحبة المشاكل وحضرتها ملك نازل من السماء ! وش المطلوب مني ؟ انتم الي ركضتم خلفي حتى اعيش عندكم ام جواد زفرت بضيق : يا ابنتي انا ابغى الصلح بينكم جميعا وتعيشون اسره واحده بدون مشاكل ! ترى جدك يتوعد فيك لانه يعرف الجازي ما عندها مشاكل وكله من تحت راسك ! كتمت نفسها تحاول تتحكم بأعصابها ..اه من هالجد ما اثقل طينته ما تدري امها كيف تحملته ! ام جواد وقفت : انا الحين نازله ...الصلح افضل من المشاكل ..ربي يرضى عليك كبري عقلك واتركي عنك التدقيق ! زفرت من القهر الي يغلي بداخلها ! ناظرت قدر الصمت يخيم عليها بملامح حزينه ...جلست مقابل لها : يا ليت اقدر اهرب من هذا العالم كله ....وين نروح بمكان انا وانت وجراح فيه لوحدنا ! تنهدت ووقفت وهي تناظر المكان هادئ كله غادر البيت وما بقى الا هي وقدر !!! تناولت الجوال وهو يرن...نفس الشخص يتصل فيها ....لازم تعمل له حظر وترتاح منه ! فتحت الرسائل : «اعطينا وجه » غمضت عيونها بضيق بعد ما مسحت الرسائل ....التفتت على دخول ابوها ...رد السلام بملامح متجهمه ...سألها باستغراب: ليه ما داومتي ؟ ردت بصوت ضاقت الدنيا فيه : علشان قدر ! تكلم بملامح عابسه : كان تركتيها عند امي ! تحرك متوجه لغرفته ...قاطعته بتردد : يبه ناظرها بدون ما يتكلم ينتظرها تكمل ! نطقت بصوت مخنوق : انا راجعه لبيت جدتي ام ناصر قاطعها بحزم : هذا بيتك تفهمين ويا ويلك لو فكرتي مجرد تفكير ! تركها ودخل الغرفه ! ** ** ** ** ابو جواد بغضب : اقول اليوم تروح ترجع ام عبدالله والسوسه الي فوق شغلي معها ! جواد بغضب : رونق ما لها دخل ...الجازي هي الي بدأت تهينها بالكلام....للصدفة تعمدت اطلع واتركهم مجتمعين مع بعض اراقب كيف تكون العلاقة بينهم ...بس انها توصل تهينها وتضربها ما رح اسكت ! ولو ما سمعت كان كنت مثل الغبي المعمي على نظره البنت تبلع السم وهي ساكته ! نايف انفعل ونسي نفسه وتكلم بسخرية : مسكينه تبلع السم وهي ساكته اشوف وهي صامتة افضل جواد بتهديد: وقسم بالله حرف واحد منك يا نايف اهفك بهذه واشر على دلة القهوة ! ابو جواد بحده : اترك نايف على جنب جواد زفر بغضب : والله ما ارجع احد تبغى ترجعها انت ارجعها لكن بشروط تحترم رونق قاطعها ابو جواد : والله اشوف هالبنت غسلت مخك ! الحين تلقاها تخبر امها ويا شماتة وليد فينا ! انت بعقلك ؟! الحين يقولون هذه حوبة الجازي دارت الايام وخرب بيته ...وانا متأكد هم مرسلينها تخرب بيتك ! والا انت فكر كم لك مع الجازي ؟! عمرها ما غلطت على احد وتحترم الجميع ...لو كانت سيئة ما تركت مريم البيت ورفضت تدخله اذا ما رجعت الجازي ! هذا اكبر دليل على انه الجازي حنونه على البنت ! اعطيني واحد اشتكى من الجازي والحين اقول انها غلطانه ! ما فيه ابدا ! لكن الكل للأسف يشهد بسوء اخلاق رونق ! ما تركت احد الا تشاجرت معه ! تبغاني اصدقها واكذب الجازي ! اسمعني الحين ترجع زوجتك وعيالك ما نبغى فضايح واول واحد يخطبها زوجها وفكنا من المشاكل .... جواد حرك شفتيه يتكلم قاطعه ابو جواد : هذا اخر ما عندي وان ما نفذت كلامي اقسم بالله الا لساني ما يناطق لسانك ! ام جواد برجاء : يا يمه طيع ابوك واتركنا من المشاكل ! ** ** ** ** جالسه على المقعد تحت الشجرة بسكون ...مرت ايام على المشكلة ! رجعت الجازي وعيالها ! ما توقفت المشكلة هنا بالعكس كرهم لها واضح كوضوح الشمس ...ما احد يكلمها بالبيت ...ابوها مافتح الموضوع نهائيا وقفله نهائيا !، ما وقفت السالفه على هذا الحد ! الكره عندهم بالوراثة تحس بنظرات كل من حولها جدها جدتها اعمامها وازواجهم نظرة دونية انها فتانه وخبصت الدنيا ! والجازي الشخص المظلوم والكل تعاطف معها !، تحس بشعور الاختناق يخنقها ....ما تلوم امها على تصرفاتها الماضية معهم لانهم ما ينطاقون ! افضل شيء وضعت قدر بالحضانة مهما تأخرت بالجامعة تكون مرتاحة انها بخير ! اليوم كان عندها امتحان على الساعة 4.30 صار لهااكثر من ساعة جالسة هنا بعد ما طلعت من الامتحان ...ما لها نفس ترجع للبيت ! والي زايد خلقها ضيق ...جراح من هذاك الوقت ما شافته ولا كلمته ! رن جوالها ناظرته امها ....قالت لها لما تطلع من الامتحان رح تكلمها ...فتحت الخط وردت بغصه ما قدرت تكتمها : الو ...هلا ...الحمد لله تمام ....كيفك انت؟ ....ما فيني شيء !! .......والله ما في شيء ..يمكن ما جاوبت بالامتحان ....لا الاسئلة دقيقة ....الحمد لله مرتاحه ....كيفك انت متى ناويه ترجعين والله اشتقتلك .....ان شاء الله ..ربي يحفظك .....الحين راجعه للبيت اكلمك مساء ان شاء الله !.....مع السلامه ! قفلت الخط وهي تمسح دموعها وهي تتمنى ترتمي بحضن امها وتشكي لها كل همومها ...ما لها احد بذي الدنيا حتى مروان جواله مغلق ...كل شيء انغلق بوجهها ..... هبت نسمات الهواء تحرك نقابها وكأنها تراقصه .....رن جوالها مرة ثانية ...كان جواد ...ردت بجمود : الو .....بالجامعة .....قلت لك الصبح الامتحان متأخر ....الحين رح اطلع ...لا لا رح ارجع مواصلات ....رح القى ...ان شاء الله اذا ما لقيت اتصل فيك ! .....ان شاء الله أنتظرك..مع السلامه قفلت الخط وتنهدت بضيق ....وقفت بعد ما جمعت اغراضها ....تمشي بخطوات ميتة نحو المجهول..... ** ** * جواد بالحديقة المشتركة بينهم جالس مع عيال عمه ! زياد سأله لما وقف : وين؟ جواد بهدوء: اجيب رونق من الجامعة راكان مط شفته بنغزه ،: الدوام للحين ؟! جواد ما انتبه عليه : امتحانها متأخر زياد عقد حواجبه بتفكير عندها امتحان عند الدكتور معتز بينتهي على 5:30 والحين الساعة قريب 6:30 وش تعمل بالجامعة لهذا الوقت ...لحظة ...جراح بالجامعة ! وبسرعة اتصل فيه... عقدة قلبه تقول في بينهم شيء ....اول ما فتح الخط سأله: وينك ؟! جراح باستغراب: بالجامعة زياد صك على اسنانه بقهر : مع مين ! جراح عقد حواجبه : ليه تسأل ؟! زياد بانفعال غاضب :يا اخي اسألك جاوب جراح مط شفته بضجر: اسمع السيارة متعطلة ومبتلش فيها اما تيجي تأخذني وتكسب فيني اجر او ترسل احد يأخذني ! زياد بملامح مكبوته : انتظرني مسافة الطريق ..قفل الخط وناظر جواد الي يناظره جواد باستغراب من انفعال زياد : وش فيك ؟! زياد اخذ نفس : ولا شيء بس جراح سيارته متعطله عند الجامعه راكان مط شفته : هالسيارة الخرده وش عاجبه فيها ! جواد بهدوء : خليك انت انا طريقي هناك اخ قاطعه زياد ما يبغى جراح يلتقي برونق: لا انا جواد باصرار : والله ما تطلع انا طالع سلام ! زياد بغضب ضرب الارض بيده بقوة ...راكان ناظره مستغرب انفعال زياد : وش فيك ؟! زياد عقد حواجبه ما يثق فيها بعد الرسالة: وكأنك ما تعرف تراه رايح يجيب رونق وفهمك كفاية ! راكان زم شفته بضيق : ادري ! ابوها معها ما رح تعمل حركة من هنا والا من هنا وصدقني جراح مستحيل يعمل شيء يزعلنا ما هو خوف بس احترامه لنا زياد عفس ملامحه بعدم راحه : ادري انا اثق بجراح بس ما اثق بجنس حواء راكان هز راسه : لا تخاف زياد بحزم :-باسرع وقت لزوم نخطب لجراح على الاقل ينشغل بخطيبته وما يلتفت لاحد راكان هز رأسه بموافقة : وانا قبل كم يوم كنت افكر بالسالفة كذا نرتاح ونطمئن عليه ! ** ** ** واقفه تنتظر سيارة ابوها وعقلها سارح بذي الدنيا ...بعد وقت توجهت للسيارة لما اتصل فيها يسأل عن مكانها ....نزل من السيارة ناظرها وهي متوجهه له وعيونها مكشوفه ... تكلم بهدوء : اجلسي يبه من هنا! استغربت ليه قال لها تجلس م الخلف ! ركب السيارة وتكلم قبل ما يتحرك : كيف امتحانك ؟! ناظرته وردت وهي تحس نفسها مكبوته :الحمد لله ! جواد التفت عليها وبنبره اسف : رونق انا اسف ان كنت تحسين من جهتي خذلان ! انا مصدقك ومعك بكل حرف قلتيه ...لولا حلفان ابوي والله ما ار قاطعته بغصه : عادي ما زعلت بالأول والأخير تبقى ام عيالك وما قاطعها : مو كذا السالفة ! زفر بضيق : اسمعيني زين ....رجوع الجازي ما يعني انه انا مو مصدقك قاطعته بنبرة موجوعه: انت مصدق لانك سمعتهم بإذنك ...يمكن لو كنت مو موجود وخبرتك ما رح تصدقني مثلك مثل الباقي ! بس انا اقولها لك على بلاطه ...المره هذه سكتت احترام لك ...لكن مره ثانيه ما رح اسكت وما رح يعجبكم ردي ابدا ما رح يعجبكم ! مط شفته بشبح ابتسامه: تهدديني؟! هزت كتوفها: افهمها مثل ما تبغى و قول لكل من حولك رونق عبارة عن وحش رح تنتقم من كل شخص اذاها لو بنظره ...انا مو من الناس الي تسامح وتنسى الاساءة انا قلبي اسود مثل هذا ...اشرت على العباءة ....ما رح اسامح كل كسر فيني اشياء ! قاطعها وهو يتنهد : ما رح يزعلك احد هذه المره انا سكتت لانه تدخل فيها ابوي مرة ثانيه رح يكون تصرفي تصرف ثاني ..تراك ما تعرفيني اسألي عني وقولي لهم جواد وش يعني له عياله ؟! فكيف بالبنت الي طول السنين تمنيت انها عايشه واشوفها قاطعته : وكلام عبود قاطعها بنبره صادقه: واقسم بالله قالوا لك هالكلام حتى يغيضونك ...انا لو احبسك بالغرفة ما احد داري عنك ولا احد يقدر يمنعني بس انا احملك مشاعر جميلة مثلك مثل اخوانك ما تنقصين عنهم بشيء ! رونق لا تشغلي بالك الحين ..ركزي بدراستك واي انسان يواجه صعوبات بحياته ...خليك قوية وتابعي أحلامك ..انا اثق فيك ..وانتظر اليوم الي افرح فيك بتخرجك مثلك مثل عبود ومريم ...لا تخلين احد يلعب بعقلك قاطعته وهي تواسي نفسها : صدقني ما زعلت منك وما هموني ! يبه لا تنسى قدر هز راسه بهدوء وحرك السيارة : ان شاء الله بعد كم متر وقف ...ونزل من السيارة وناظر جراح متكئ على سيارته : علامها سيارتك يا ابو الشباب ! رد بضحكه اسقطت قلب رونق للأرض : والله فجاة كذا وقفت جواد اقترب من السياره يناظرها : وش تعمل للحين هنا ؟!، ابتسم وهو يناظر زميله : جيت اصطحب هالمحترم حتى نطلع نتعشى بالمطعم ونعمل كم لفة بس حظه نحس خربت ! مط شفته جواد : حصل خير ...يلا تعال تأخرنا معي الاهل حك جبينه وهو يتذكر مجنونته ...يتمنى تكون موجوده بالسيارة هنا ..مط شفته بسخرية وش رح يجيبها الحين ...دوامها يخلص زمااااان ! ركب السيارة بدون ما يناظر من بداخلها توقع زوجة جواد ....حرك جواد السيارة ...جراح بابتسامة: ما شاء الله سيارتك مرتبة كم تبيعها ؟! خزه جواد : جراح ! ضحك بلطافه : يعني انا اقول لو تبيعها رح تجيب لك سعر ومنه تصرف على نفسك بما انك افلست ناظره جواد باستخفاف :، هه هه ما تضحك ترى ! جراح : احس انكم يا عيال عمي الكبار ما تعرفون تتصرفون بالفلوس يعني أحمد تخيل عمره فوق الاربعين ومبارح استقرض من راكان مبلغ «...» واليوم اشترى فيه سيارة جديدة وهو جاء لراكان شوي ويبكي من قلة الفلوس تخيل اشترى فيهم سيارة جديدة ...صدق انه عقله حالف ما يستعمله ويسلمه بكرتونته! جواد مط شفته : باكر متى ما تزوجت رح تشوف بعيونك كيف الفلوس تطير وانت جالس تناظر ! جراح ابتسم : خلاص لما اتخرج رح افتح مستشفى واعينك مدير المستشفى بس اخاف ينكسر المستشفى ويفلس ختم كلامه بضحكه رنانه! جواد عفس ملامحه : يا ثقل طينتك ! جراح بابتسامة : بصراحه والله اني اعزك واحسك كانك عمي احيانا انسى انك ولد عمي احسك واحد من اعمامي ! خزه جواد : شايفني عجوز ؟! رفع يده : والله ماهو باين عليك انك كبير وخاصة لما تصبغ هالشيبات الي يشوفك يظنك بالثلاثين مين يصدق انك صرت جد ! جواد يلتمس عوارضه : ما في شيب الا هنا ومقدمة الشعر شوي ! يا اخي البنات يكبروا ابوهم بسرعة ...يتزوجوا صغار وبسرعة يصير عندك احفاد ! وقف السيارة والتفت للخلف : انزلي يبه ! رونق طول الطريق تسمع كلامهم وعيونها بالارض وقلبها يخفق بشده ....هي عايشه بمشاكل ووجع راس وقلق وهو طالع يغير جو مع صديقه ! نزلت للحضانة بخطوات هادية ...بعد دقائق رجعت وبيدها قدر ....ما يقدر يلتفت ويناظرها وابوها جالس جنبه ...طول الوقت جالسه خلفه اه من الغباء الي يحتوي عقله ....يبغى ينزل يجلس معها اشتاق لها ....وين يجلس معها وجواد جنبه ! حرك جواد بعد ما ركبت رونق ...وحل الصمت بالسيارة ...استغرب جواد سكوت جراح ! ما علق وكمل طريقه بهدوء ! ** ** ** * جالسين الثلاث مع بعضهم ..ناظر زياد الي يتكلم بجديه : مثل ما قلت لك رح نخطب لك ولما تتخرج الزواج ! مط شفته بسخريه : الحين انتم ما تزوجتم تبغون تزوجوني انا ؟! والله حاله! راكان بهدوء: حنا نختلف عنك انا خاطب وفلوسي بجيبتي وزياد بأي وقت يلقى البنت المناسبة ما رح يتردد اما انت نبغى نفرح امي قاطعهم: بس انا ما لقيت البنت المناسبة ! زياد بفخ نطق : رونق وش رايك نخطبها لك ؟! مو طلبت منا نخطبها لك حس قلبه هبط من لما ذكر اسمها !!! وش الي خلاهم يغيرون رايهم ؟! راكان بمكر اكبر : وتكاليف الخطوبة علي ! بس انت اعطينا الاشارة وحنا نخطبها لك ! زياد يحثه : وش قلت ؟! ناظرهم بتفكير وبعدها نطق :...... *** ** * رواية بسمة مدفونة في خيالي : الفصل الرابع والعشرون : جالسين الثلاث مع بعضهم ..ناظر زياد الي يتكلم بجديه : مثل ما قلت لك رح نخطب لك ولما تتخرج الزواج ! مط شفته بسخريه : الحين انتم ما تزوجتم تبغون تزوجوني انا ؟! والله حاله! راكان بهدوء: حنا نختلف عنك انا خاطب وفلوسي بجيبتي وزياد بأي وقت يلقى البنت المناسبة ما رح يتردد اما انت نبغى نفرح امي قاطعهم: بس انا ما لقيت البنت المناسبة ! زياد بفخ نطق : رونق وش رايك نخطبها لك ؟! مو طلبت منا نخطبها لك حس قلبه هبط من لما ذكر اسمها !!! وش الي خلاهم يغيرون رايهم ؟! راكان بمكر اكبر : وتكاليف الخطوبة علي ! بس انت اعطينا الاشارة وحنا نخطبها لك ! زياد يحثه : وش قلت ؟! ناظرهم بتفكير وبعدها نطق : انا ما افكر بالموضوع الحين زياد قاطعه : يا جراح دخلت لجين عليهم وناظرتهم بابتسامة : اشوف فيه اجتماع ؟! الله يستر من هالاجتماع راكان ابتسم لها : نقنع خالك نخطب له ونفرح فيه ! لجين بانفعال : صدق ! جلست جنب زياد بحماس : صديقتي ابنة عمها تدرس طب من عائلة مرتبه ...تخيل هي دكتورة ابوها دكتور وامها دكتورة وجدها دكتور بالجامعة عندكم قاطعها زياد وهو معقد حواحبه: جدها ! لجين هزت راسه : ايه اتوقع اسمه نواف زياد فتح فمه للحظات وهو يتذكر من قبل خبره نايف انه حفيدته صديقة رونق : ايه ايه قصدك الدكتورنايف ! رفع حاجب وهو يتابع كلامه : وش رايك فيها ؟! زفر جراح بضجر: اكيد لا لجين انقهرت منه : وانت على طول تقول لا ! انا شفتها حلوة كثير وفرفوشه ...شوفها وش رح تخسر مط جراح شفته بسخرية من كلام لجين ....ما تدري انه رونق متربعه على قلبه ...سرعان ما جحظت عيونه لما تكلم راكان : خلاص كلم يا زياد جدها نشوفها قاطعه جراح بحده : انت وش قاعد تتكلم ! ما ابغى اشوف احد ..وقلت لكم بعد ما اتخرج يصيرخير قفلوا السيره ترى بدأت اتنرفز ! راكان خزه : وش خسران بس شوفها واذا عجبتك نحجزها لك لوقت التخرج وقف بغضب: ليه انا رايح لشاليه حتى تحجزها ! انا احترمكم واقدركم لكن تقررون عني باموري الشخصية ما اقبل ..قلت لكم بعد التخرج واذا عاجبيتكم كذا تفضل اخطبها يا زياد ! ما بقى اخطب الا على ذوق لجييين ! صفق يدينه وحمل نفسه وغادر المكان ! لجين فتحت عيونها بصدمه ...وسرعان ما نطقت بصوت مرتفع حتى يسمعها :احسن من ذوقك الخايس ! ناظرت اخوالها بقهر : والله لو تشوفون البنت الي يبغاها متعرف عليها كم يوم على النت ساكنة بمنطقة «.... » ونهاية الاسبوع رايح هناك يقابلها ! زياد رفع حاجب وهو يناظر راكان وبعدها سألها : هو قال لك ؟! لجين تحب البهارات : انا شفت الرسائل بعيوني وشفت صورتها يقال انها مؤدبة صورتها وهي لابسه حجاب ونص غرتها نازله ! والمكياج وكأنها طالعه من الصالون ...بس بنت الذين حلوة ما توقعت انه ذوقه حلو ! راكان ارتاح شوي على الاقل طلع رونق من رأسه والحين عليهم يبعدوه عن البنت الي تقول عنها لجين ! زياد عقد حواجبه بتفكير ما دخلت السالفة راسه لانه يعرف اخوه ما هو من الشباب الي يركض خلف البنات ...اكيد في خيط ناقص بس ما يعرف كيف يوصل الخيوط في بعضها ! كان واقف قريب يسمع كلامهم ....ابتسم نجح مخططه ..كذا رح يرتاح من شك اخوانه..ويقدر يتكتم على الوضع لغاية تخرجه .... *** ** ** تتجول بالمكتبة وعيونها تجول تبحث عنه لعل وعسى تلقاه ....قاطع خطواتها البطيئة جوالها ....زفرت بضجر من هالرقم جننها !، ضربت جبهتها من الغباء الي هي فيه ...تعمل له حظر وترتاح منه ...وبحركه سريعة عملت له حظر ..تنهدت وهي تحس روحها ميتة ...تعودت على وجوده معها بالجامعة كذا يهجرها بدون انذار ....ما رح تسمح له يتلاعب بمشاعرها ...ما هو ناقصها نكسات فوق الانتكاس الي عشعش بداخلها رفعت راسها لجهة اليسار وبعدها صدت سرعان ما رجعت تناظر بصدمة وهي تشوفه واقف عند واحد من الرفوف وبيده كتاب يتصفحه ...تقدمت خطوة ...سرعان ما وقفت ناظرت حولها ما تبغى تتهور ..ما في احد تعرفه ..رجعت تناظره وهي مسلطه عيونها عليه تتأكد انه جراح ... يناظرها بطرف عينه وهي متوجهة له ...من اول ما دخلت وهو يراقب خطواتها فرحته ما توصف انها تبحث عنه ....كان خايف انه ما تبادله المشاعر وارتباطها ما زال من باب الانتقام ...لكن الحين يشوف بعيونها لهفة له ما كان يشوفها من قبل واكبر دليل بحثها عن رقم جواله ! عمل نفسه متفاجئ لما وقفت أمامه وبعيون دامعه : جراح ناظرها وحس بخنجر بقلبه وهو يشوف كل احزان الدنيا بعيونها ...شتم نفسه المفروض ما تأخر كذا عليها : هلا تكلمت بهجوم وهي ماسكه نفسها ما تبكي : ما اسمح لك تتلاعب فيني ...ليه ترتبط فيني دامك ناوي قاطعها بتذكير : انا ما غلطت بشيء ! لا تحطي علي اللوم بالاول لومي نفسك الي خلتيني رجل طاوله بحياتك ....انخطبتي وانا اخر من يعلم !،وفوق هذا طلعتي لرجال غريب الغريب شافك وانا خطيبك ما عمري شفتك ...وطبعا انا المغفل اخر من يعلم !!، انتقلتي لبيت ابوك وما كلفت نفسك تخبريني ؟! لا والمشكلة أسألك صار شيء تقولين لي لااا ما ادري وش اقول يا رونق ! انت تع قاطعته بندم : انا اسفه ..صحيح المفروض اخبرك ..لكن ما كان عندي الجرأة اخبرك ! انا انجبرت على كل شيء ! صدقني غصب عني ! قاطعها بحزم : من يوم ورايح كل شيء يصير معك انا لازم يكون عندي علم بالسالفة ! ما هو اخر واحد يعلم ! تعالي نجلس هزت رأسها وتوجهت معه ..جلست ورفعت راسها باستغراب لما تكلم : اتصلت فيك ليه ما رديتي ؟! ردت باستنكار : انت ما اتصلت ! مط شفته بسخرية : صدق !- دوبني اتصلت وعملتي لي حظر قاطعته بفجعه وعيونها جحظت : انت انت الي انت ضحك بروقان سرعان بلع ضحكته لما اعطاه موظف المكتبة نظرة لصوت ضحكته المرتفع! ابتسم وهو يناظرها : ايه انا ! نفسي ادخل عقلك واشوف كيف يفكر ! احد يبحث عن رقم الثاني كذا ؟!!- افرضي كنت ما هو انا كيف رح تتصرفي ؟! تظنين الناس فيها امان ! رح اتغاضى عن هالتصرف لكن قاطعته براحه : ما رح اكررها اصلا تندمت اني عملتها ..بس انت موقفك ما هو حلو تعمل علي هالمقلب رد بابتسامة : بغيت اعطيك درس مطت شفتها بضجر: وكأنه ينقصني دروس ! حسها متضايقة : مرتاحه في بيت ابوك ؟! سمعت انه زوجة ابوك زعلت وصار قاطعته : لا تفكر انا اخذ حقي وبزياده كمان ! ارتسمت على ملامحها الضيق وسالت : كيف رح تعلن الخطوبة وما احد يعرف بموضوعنا قاطعها بثقه : من هذه الناحية انا مضبط اموري رح نملك قدامهم بعقد مزيف صديقي ابوه يملك للناس رح ييجي وقدام اهلنا يملك لنا وما رح احد يدري عن الطبخة ! هزت راسها على امل انها تسير الامور بخير لانها بكل بساطة ما تبغى علاقتها بأبوها تخترب ...خلاص قرفت المشاكل تبغى تستقر ويكون عندها اب علاقتها فيه قوية وبنفس الوقت عند امها تحبها وتسأل عنها حتى لو كانوا منفصلين افضل من اليتم الي عاشته بالايام الماضية ! رفعت رأسها وابتسمت لما نطق جراح بابتسامة جميلة : الحلو سرحان ! ** **** *** ** تمشي أيامها وكل يوم تزيد تعلق بجراح بالجامعة تلتقي فيه وبالبيت مكالمات ورسائل ...تحسه صار جزء من حياتها ما ترتاح الا اذا شافته او سمعت صوته ....ابتسمت ورفعت رأسها على دخول عبود وهو يخزها والجوال على اذنها : ابوي يبغاك ! تكلمت بشكل طبيعي : طيب روعة اكلمك بعدين رد بسخرية : مرة روعة ومرة ليلى متى اتخرج وتقولين بقوة اكلم جراح والي فيه خير يفتح فمه ! ضحكت بنعومه على كلامه : هيه ان شاء احل الواجب وارسله لك ! سلام يا احلى ما خلق ربي! قفلت الخط قبل ما تسمع رده وناظرت عبود الي واقف قريب من الباب متكتف وما تحرك تكلمت وهي تتحرك : ثاني مرة في شيء اسمه استئذان! وتعدته بخطوات واثقه ياجبل ما يهزك ريح...مسك كتفها بعد ما تعدته ..وتكلم بوعيد : صدقيني اذا طحتي بيدي ما رح ارحمك ما رح اتكلم او اتحرك حتى يكون الدليل بيدي حتى ما تنكري ! ناظرته بقوة تخفي ارتباكها : الي ما تطوله بيدك طوله برجلك ! تجاوزته وقلبها يدق بقوة معقول شك بشيء ! شعرت بوجع بقلبها وهي تشوف ابوها يبتسم لها بمحبة ....اوجعها قلبها وهي تحس انها جالسه تطعنه بظهره ...ردت له الابتسامة وجلست : ناديتني يبه؟ جواد هز راسه بابتسامة : وينك يا ابوي ما أشوفك الا بالقطارة ! ردت بهدوء وتأنيب الضمير يحرقها : الدراسة يبه وقعت عينها على عبدالله الي جلس مقابل لها وهو يخزها بتكذيب ! صدت عنه وهي بصعوبة تحاول تسيطر على ملامحها ...جواد مد لها بأوراق : ادري انك مضغوطه بالدراسة بس ابغى مشورتك لانه باعتقادي طالب الطب عندهم ذكاء حاد عبود احتقن وجهه بغيرة وحقد : يبه هذه حدها ابره وش يفهمها بالعقود والمشاريع ؟!، ناظرته بقوة ما عجبها رده ليه يحمل لها كل هالكره ...وبثقه التفتت على ابوها وردت بنبره تغيض عبود : انا لو كلي مشاغل ارميها كلها خلف ظهري واتفرغ لك يا تاج راسي ! عبود الدخان يتصاعد من راسه الغيره ذبحته وفوق هذا متأكد انها كذابة ما تحب احد فيهم ممثله بارعة لازم يكشف حقيقتها للكل ! جواد ضحك بخفه على كلامها ....كل يوم بعد يوم تزيل الحواجز بينهم ويتعلق فيها اكثر : .ويلوموني بحبك ! الجازي جلست واعطتها نظرة كره وما علقت ! توسعت ابتسامتها وهي تشوف نظرات القهر بعيون عبود وامه ....بدات تنسجم مع أبوها وتتحاور معه ...ناظرته بتفكير : انا بنظري ما اشجعك على هذا المشروع كنسله ! عبود انفجر منها ...وباسلوب ساخر يقلل من شأنها : وليه يا بعد جبدي ! يبه مثل ما قلت لك امشي بمشورتي هذه وش يفهمها بأمور قاطعته رونق وهي تكلم ابوها واعطته طاف ولا كأنه يتكلم : انا برآيي افتح مطعم ! التفتت على عبود الي يضحك بصوت عالي ويقهقه: هذه اخرتها قلت لك يا يبه هذه حدها ابره ! رفعت حاجب رونق وهي تناظره يضحك بطريقة يصغرها قدام ابوها ! جواد بحزم : عبود ! ترى حنا جالسين نتباحث بمشروع قاطع ابوه : يبه تراك مهندس تعرف وش يعني مهندس،؟! هذه اخرتها تفتح مطعم ! عاد ما قلتي مطعم حمص وفلافل والا طبخ قاطعته بقوة : جهز نفسك عامل تنظيفات بالمطعم لانه يناسبك كثير هالمنصب الجازي بتدخل : سمعتها يا جواد وش تقول لاخوها رونق قاطعتها : ولدك ما هو محترم نفسه من اول ما جلست وهو يتمسخر ! اتوقع ابوي يكلمني انا وهو ما له دخل جواد زفربضجر : وبعدين معكم توم وجيري انتم! عبود صوتك ما ابغى اسمعه نهائيا اترك أختك تقول الي تبغى ! وناظر رونق : كملي يبه ! رونق ابتسمت وهي تشوف عبود بأي لحظة ينفجر : الي يبغى يستثمر مشروع هذاالمشروع مممتاز الناس 24 ساعة تأكل واغلب الحريم ما يطبخوا في بيتهم وبالعزائم والمناسبات صار الكل يشتري اكل جاهز! جواد راقت له الفكرة : فكرة ما هي بطاله رونق : لا تشارك احد لانه الشركة تجلب مشاكل ...العب وحدك ترجع راضي ! واستغل حساباتك على النت للاعلان مع خدمة التوصيل المجاني !، جواد هز راسه: فكرة ممتازة ! والله لما درستي طب ماهو عبث ! عبود بقهر : وتظنين انه بسهولة تفتحين مطعم يبغى له راس مال جواد : من هالناحية هذه محلوله لي قطعة ارض بمنطقه « » رح ابيعها وان شاء الله ربنا يوفقني ! ** ** ** ** ** ** * جالسه قريب من جدتها ابتسمت على كلامها : الله يرحم ايام زمان كانت البنت تستحي من ظلها ..اما الحين الحياء باعوه بالسوق مروة بضحكه:-الحين ودك تقنعيني ما كنت تلتقين بجدي من هنا والا من هنا وتسبلين عيونك قاطعتها ام جواد بغضب:انت خلاص ما عاد بوجهك حياء ! سعاد بضجر : لو جلست عند امي وجدتي ام ناصر افضل لي ! ميس مطت شفتها : مين ماسكك روحي سعاد تنافخ : انت لا تتدخلين ام جواد خزتهم : انتم ما تعرفوا تجلسون بدون مشاكل ! مريم جلست جنب امها همست لها بكلام وسكتت ! نغم بابتسامه: مع الايام يزيد الشبه بينكم ..يعني الي يفرقكم الحين عن بعض انها مريم ابيض لازم ام راكان تخطب رونق لزياد علشان الاخوان يكونوا متزوجين توأم سعاد عفست ملامحها : هذا الناقص ليه انقرضوا البنات؟! نغم رفعت حاجب : وليه يا اختي مو عاجبك؟ ما شاء الله دكتورة وحلوة الف واحد يتمناها سعاد بشماته : هه شفنا الالف ..إذا ربيع رفضها ظنها الشغاله تبغين اخوي الدكتووووور زياد يقبل فيها ؟!! قبل ما تنطق ام جواد بغضب ...ردت رونق بروقان دام جراح معها ما يهمها راي الباقي : ومين قال لك اني اوافق على الدكتوووووو زياد « نطقتها بسخريه » انا استغرب ابوي كيف رمى مريم وزوجها لراكان واحد نصاب ما عنده ضمير ...إخوانك راكان وزياد ما اتمناهم الا لاعدائي لانهم مريضين نفسيا وكلامي يوصل ما همني ...والربيع هذا مين قالك إني اوافق عليه ! سعاد بردح : لااااااا انت زودتيها سمعتي يا خالتي كلامها رونق بصوت قوي : الي بيته من قزاز ما يرمي بيوت الناس بحجارة !! وانا ما قلت شيءبس ابين للناس قدرها ! ردت سعاد : وحده فتنت بين أبوها وزوجته وش يرتجى منها ؟!! طول عمره جواد ما يشوف الا الجازي بس جيتي يا فتانة قلبتي بيتهم وطردها مثل الكلبه الجازي بقهر من كل شيء :، ما احد كلب غيرك احترمي نفسك سعاد بردح : الحق علي ادافع عنك الجازي بغضب وهي تحس كرامتها بالارض من طرد جواد لها : ما طلبت منك تتكلمين عني ! مطت شفتها سعاد :مالت عليك -أصلا انت ما عندك كرامه طردك علشان ابنة طليقته ! يمكن حن لها قاطعتهاالجازي بصراخ اول مره يشوفونها كذا بيت ابو جواد : انكتمي بحياتي ما شفت انسانة مثلك ...وش دخلك بحياتي ؟!!! ام جواد وهي مصدومه من صراخ الجازي : وش فيك كذا ؟! الجازي وقفت وهي تبكي :- ما شفتيها كيف تتكلم ..مثل الغبية ما تعرف تتكلم ! سعاد فتحت عيونها على وسعهم ...وقفت بردح: هي هي وقف عندك واحترمي نفسك ترى ما أحد غبي غيرك ...اذا جواد بالطالعة والنازله يمسح فيك الارض تيجي تفش قاطعتها الجازي وهي تكب الموية بوجه سعاد ...وتركت المكان بسرعه !، لحقتها مباشره مريم !، سعاد بغضب :وقحه والله ما رح اسكت لك !، ام جواد احتضنت رأسها بيدينها : يا ربي عفوك! ناظرتهم بغضب :وبعدين معكم ! سعاد اخذت جوالها : والله ما اسكت ورح تشوفون وانت يا مطلقه حسابك عسير ورح تندمي ! رفعت رونق حاجبهاوهي تشوفها غادرت وقبل ما تتكلم ...نطقت ام جواد برجاء: بالله عليك طنشيها ترى والله ما فيها عقل ! مطت شفتها رونق ووقفت لما شافت رقم جراح : ان شاء الله ! غادرت المكان وتوجهت لغرفتها .. ميس : انا اقول حوبة رونق حتى كانت سعاد من نصيب نايف وش عمل بحياته استغفر الله تعاير رونق انها مطلقه ونسيت حالها انها مطلقه ! ما ادري وين عقلكم يوم خطبتوها ! ام جواد بندم : النصيب ! ** ** ** مرت الايام والاشهر والحياة مد وجزر ....والحياة يغلبها الروتين لكن خلال هالمدة زادت علاقتها بجواد غصب عنها اهتمامه الكبير والسؤال عنها بكل الاحوال وان صار مشادات بينها وبين اخوانها او زوجة ابوها دائما بصفها ....اكثر من مرة تتشجع تخبره حتى ما يكون مغفل لكن بنفس الوقت جراح يقنعها ماله داعي لانها ما تعرف وش رد فعله ....امها زادت علاقتها فيها ولزوم يوميا تكلمها .... تحس حياتها استقرت وما بقى شيء كلها ايام ويتخرج جراح وتصير زوجته علنا ! كالعادة تنتظر جراح تجلس معه ....رن جوالها ...عقدت حواجبها باستغراب مروان ...زمان ما كلمته لانه دوم جواله مغلق حتى جوال عمها مرعي خارج الخدمه ! فتحت الخط وتكلمت بتوجس: مروان رد كالعاده بهدوء: كيفك رونق ! ردت بلهفه وشوق له : انا بخير انت وينك دوم جوالك مغلق ! زفر بضيق : مشاغل الحياة ! سكت بس رونق حست سكوته خلفه شيء ...سألته بتردد : مروان فيك شيء ...جدتي وش اخبارها ؟!، مروان بضيق : تعبانه وبصراحة لسانها ما يردد الا ابغى اشوف رونق حست قفلت الدنيا بوجهها معقول جدتها رفيقة عمرها تغادر الدنيا وتتركها ؟! صحيح انها بعيده عنها لكن الشعور انها موجودة بالدنيا يريحها ! وبصوت فيه اهتزاز دليل على البكاء : جدتي وش فيها ؟! لا تكذب يا مروان قاطعها : بس مجرد تعب تقدري تزورينها قاطعته : اليوم رح اكون عندكم وما همني احد ...الحين رح اقفل خليني ادبر عمري ! قفلت الخط وما تدري كيف تروح لهم ..وبدون تردد اتصلت بجدها وليد اكيد ما رح يردها ....خلال دقائق حست باحباط ما هو موجود بالمنطقة بعد اسبوع راجع..وش يصبرها أسبوع ؟!! تشوف جواد بس خايفه يرفض ! رح تجرب ..أخذت نفس تخلي صوتها طبيعي ....بعد عدة رنات وصلها صوته : هلا تكلمت : كيفك يبه ! تكلم بنبره هاديه : بخير ! ترددت وبعدها تشجعت : يبه مشتاق لجدتي وابغى ازورها ! عقد حواجبه : جدتك ام ناصر ؟! عبست بوجهها وش تبغى بام ناصر : لا جدتي رد بعبوس : اها قصدك حنين زفرت بضجر : يبه جدتي ام مرعي وش فيك ناسيها والله اشتقت لها قاطعها بحزم : انسي يا رونق قاطعته بقهر: ليه ؟! رد برفض : انت حاليا عندك دراسة بالعطلة اروح انا معك اما الحين الوقت ما هو مناسب ردت بقهر احر ما عندها ابرد ما عنده : يبه ابغى اطمئن عليها ! قاطعها ينهي السالفة : قلت لك بالعطلة اخذك والحين انتبهي لدروسك ولما ترجعين نتفاهم بالموضوع ونتفق ! متى ينتهي دوامك ؟! ردت بضيق :عندي امتحان متاخر لما اكمل اتصل فيك ! انهت المكالمة وهي متأكده ما رح يقبل يرسلها .ناظرت جراح واقف خلفها مباشرة : ما شاء الله استعنت بالكل الا انا ! ناظرته بقلب ميت : وانت وش يطلع بيدك تعمل ؟! رد بثقة: جهزي نفسك الحين نطلع معنا وقت وقبل الامتحان تكوني بالجامعه! ناظرت الساعة 10:00 : ردت باحباط مايمديني ارجع للامتحان! هز راسه : اوكي باكر نروح قلبت السالفه برأسها ما رح تطلع معه لوحدها : خلاص انسى السالفه ! رفع حاجب : ليه ما تثقين فيني ! ردت وهي تجلس على اقرب طاولة : ما هو كذا ...بس احترم ابوي واحترم وجودي في بيتهما أقدر اطلع معك جلس مقابل لها : وش دخل الاحترام ؟ هذا انت جالسه معي بدون علمه ونتكلم بالجوال وهو ما يدري ! بس انت قولي ماتثقين فيني ! مثل ما تبغين قاطعته وكلامه زاد ضيقها : لا تفسر الكلام من راسك ! هز كتوفه : كلامك واضح وما له تفسير الا كذا ! هزت رأسها برفض : جراح لا تضغطني زياده ما هو قصدي بس انا ما اقدر اطلع كل هالمسافة لوحدي معك قاطعها باتهام :-شفتي انه ما في ثقه ؟! تراك ابنة عمي من لحمي ودمي! والله كل قصدي اريح بالك و تشوفين جدتك !، تبغين شيء ان طالع قاطعته : زعلت هز راسه بالنفي : وليه ازعل ؟ اقرب طوفه واطق رأسي فيها ! ردت بضيق : لو كنا خطوبتنا معلنه كان الوضع تغير بس انا تكلمت باستدراك : لحظة ! ** •• ** ** ام راكان بابتسامه : والله فرحتي ما تنوصف ما بقى شيء ويتخرج جراح ! ام لؤي بابتسامة : كيف شكلها البنت! ام راكان بسعادة : ما شاءالله اسم على مسمى فعلا انها روعة ! لو تشوفين الام هالطول والجمال فعلا دكتورة ! ناس راقيه !، يابخت جراح ان صار النصيب ! رح تكون مفاجأة حلوة لجراح أسبوع التخرج نفس اسبوع الخطوبة ! لجين ابتسمت : يمه من الحين انا ابغى البس فستان لهنا واشرت لنص الفخذ ! ام راكان هزت راسها : مثل ما تبغين بس بالاول يشوفك زياد والا ركان علشان العقال يعلم على جلدك ! نفخت بضجر :يا ربي ام لؤي باستغراب: غريبه راكان شجع بما انها غريبه عن العائله ام راكان هزت كتوفها : والله انا ما ادري راكان وزياد مستهمين على خطوبته بحماس كبير ما ادري وش سببه !! ** ** ** جالسه وهي تحس بعدم الراحة مع انه ما هو حرام لكن الضيق مرافقها .....مع انهم رح يروحون ويرجعون وما احد يدري عنهم ! ابتسم وهو يناظرها : ما احد بفرحتي حرمي المصون جنبي ! مد يده وشغل على اغنيه وهو يدندن ...تكلمت بنبره ظهر فيها الضيق : ممكن تقفله ما ابغى اموت ويكون اخر عهدي بذي الدنيا اسمع هذه الأمور ! مط شفته بابتسامه وهو يقفله : ما ادري ليه النساء عندكم اكشنات ما هي طبيعية ! ردت وهي تناظر للأمام : ما هو اكشن كثر ما هو واقعي م أحد يدري متى ينتهي قاطعها برجاء : بالله لا تقلبيها سيناريو حزين ترى اليوم فرحان لاتنكدي الطلعة ! مطت شفتها بدون نفس : الي يسمعك يقول طالعين نزهة ! زاد من سرعته ...تكلمت بسرعه:جرااااااح ترى ما ابغى اموت وانا معك ! ضحك بقوة من انفعالها : يا بنت الحلال ...يقولون اجمل الايام ايام الخطوبة خلينا نستمتع فيها ! تدرين احيانا اجلس افكر انا بدونك كيف كنت عايش ! ما اتصور يوم يمر وما اتصبح بشوفتك او بصوتك! ناظرته وبانت ابتسامتها من عيونها !، بعد وقت وصلوا وجراح ما سكت طول الطريق يتكلم بفرحه من وجودها جنبه ! نزلت وناظرته : انتظرني هنا! هز راسه بموافقة ...دخلت وقلبها يدق بقوة شوق للام الي ربتها وحاولت تسعدهم بكل جهدها ! ** ** ** ** ابو جواد ناظره بتأكيد : متأكد تبغى البنت ! ليث هز راسه : ايه يا جدي انا ابغاها وابوي موافق وامي موافقه قاطعه ابو جواد : بس البنت قوية ولسانها متبري منها ...ما هو بعد كم يوم تجلس تشتكي منها خليك بالصورة وفكر زين سعود ابتسم : يا يبه تعقل ولسانها يقصه جواد ما هو معهم عقله مع رونق امتحانها صار له ثلث ساعةمنتهي وهي للحين جوالها مغلق .....نفخ نفس بضجر ...يمكن فضي الجوال من الشحن !، راكان يناظره باستغراب : وش فيك متضايق ؟! جواد بضيق : ولا شيء ! راكان : غريب ما اعطيت رايك بالموضوع! دخل عليهم زياد ...سلم وجلس معهم بالمجلس وتغير الموضوع ! اتصل بالجازي يسألها اذا رجعت او لا ! قفل الخط صار لها اكثر من نص ساعة منتهي الإمتحان !، زياد ناظره باستغراب : وش فيك ؟! جواد بحيره : ما ادري رونق جوالها مغلق وامتحانها له نص ساعة منتهي وعبود ينتظرها باب الجامعة ويقول ما في احد ! ليث بهدوء : يمكن مخربط يا عمي وقت امتحانها متأخر زياد توقع انها جالسه مع البنات مثل عادة كثير من البنات يجلسون بعد الامتحان : وش اسم المادة الحين أسأل دكتور المادة عن موعد الامتحان جواد شيء نغزه ما يبغى يتكلم ما يعرف وش السبب : مادة«.......» هز رأسه زياد واتصل مع الدكتور بحذر ....وبعد السؤال عن الحال والاحوال :ايه بغيت اطمئن على الوضع الدراسي لابنة عمي ....ايه ما شاء الله عليها متفوقه ......كيف ؟! متأكد يا دكتور ...وبلعثمه نطق : اها تذكرت قال لي أبوها انها تعبانه يمكن ...اه يمكن ....حصل خير ..ان شاء الله..الله يسلمك ......قفل الخط وناظرهم بملامح باهته : الدكتور يقول ما حضرت الامتحان جواد بلع ريقه و بصعوبة نطق : ما حضرت ! ابو جواد وجهه صار اسود وين اختفت هالبنت !!!، ليث ناظر عمه : اتصل بعبود شوف راكان بغضب: يقولك ما حضر الامتحان يعني ما رح تكون بالجامعة ! سعود بملامح باهته : الله يستر ليصير لها شيء بما انه جوالها مغلق ! ليث اتصل بعبود : اسمع تعرف الحضانه ؟! ....روح شوف اذا مرت عليهم رونق ....وبنبره غاضبه نطق : تحرك قفل الخط والكل على اعصابه وين اختفت ؟! جواد الف سيناريو دار بعقله ....ارجحها دهستها سياره بعد وقت رن جوال ليث : ما مرت عليهم !!! ....اسمع ارجع قدر وتعال وبدون كلام زايد! جواد يحس كل هموم الجبال فوق رأسه مصيبه رح تكسر ظهره ! *** بعد ما طلعت من عند جدتها وقلبها ضايق لحالها تعبانه تتمنى ترجع تحت كنفها وتوقف معها بضعفها مثل ما وقفت معهم بصغرها! ناظرت الساعة وتكلمت : تأخرت يا دوب اوصل قبل قاطعها بثقه : لا تخافين رح ترجعين وما احد يدري ! هزت راسها وعقلها سارح بمرض جدتها ...بعد مسافة ناظرته باستغراب : وش فيك وقفت!- رد بهدوء : لا تخافين بس ابغى اتفقدها !، زفرت بضجر وهي تناظر الساعة وقته يتفقدها الحين ....بدأ الشك يلعب بقلبها .....نزلت من السيارة وطالعته بشك : وش فيك؟! رد بهدوء ظاهري : عطل بسيط دقيقتين ان شاء الله !- تحس الدنيا دارت فيها من هول الصدمة ...وش تعمل اذا ما اشتغلت السيارة ؟!!!!! اي ورطة ورطت نفسها فيها ! واست نفسها اكيد رح تصلح الحين !، تحس نفسها تبغى تبكي....مر دقيقتين وثلاث وساعة وساعتين .... قفلت جوالها حتى تضمن ما يخلص من الشحن! ناظرته وهو يؤشر لاحد السيارات ...حست بالحقد على السيارات وش يضرهم لو وقفوا وساعدوهم !، رجع لها والهم والكدر بوجهه ...ما يعرف بمين يستعين حتى ما ينفضح امرهم! المشكله صديقه ما يرد ! عيال خاله بعيدين من هنا والا كان استعان فيهم ! رن جواله ...عقد حواجبه زياد ما له خلقه !- رجعه لجيبته ..وهو يفكر ..رح يستعين بخاله راكان ...طلع جواله واتصل بخاله ....خلال دقايق حس بالراحة لما خبره انه بورطه وبحاجه مساعدته بدو احد يعلم .......قفل الخط براحه بعد ما وعده خاله ...ناظرها يطمئنها : خالي رح ييجي .....خالي من النوع الكتوم ! زفرت بضيق وهي تناظر الشمس قاربت على المغيب ..متى ييجي خاله ...وش رح تبرر لهم تأخرها .... جلست على الارض بيأس ....كشفت وجهها تحس بالاختناق ما عادت تقدر تتنفس ... وقف بالشارع لعل تمر سيارة وتوقف لهم ! بدأت تبكي بصمت ما توقعت للحظة يصير كذا ! ناظرت قرص الشمس بدأ يسقط ويختفي ...من هول الأحداث تذكرت قدر ! قدر للحين بالحضانه ! وبدون وعي فتحت الجوال واتصلت على ابوها ! بنفس الوقت جالسين على اعصابهم .....رن جوال جواد ...حس بهتت ملامحه وهو يشوف رقمها ينور الشاشة ....تهيأ انه الي يتكلم المستشفى يخبرهم بأسوأ خبر ..سرعان ما وقف على حيله لما سمع صوتها : رونق ! انت وينك ؟!!! رونق وهي تبكي من الموقف الي عاشته حاولت تمسك نفسها حتى تسال عن قدر : يبه سرعان ما التفتت للخلف وهي تسمع صوت جراح يتكلم بصوت مرتفع حتى يسمعه الطرف الثاني : تعال انا بطريق «...» سيارتي تعطلت تحرك بسرعه حست اذنها انفجرت من صراخ جواد: جراااااح الكلب وش يعمل عندك ! حست الكلام تجمد لسانها وش ترقع وش تحكي .ناظرت الجوال لما قفله جواد ....تقدمت من جراح برعب وتردد: ابوي عرف انك معاي جراح حست الدنيا اسودت بوجهه ...وبقهر : قلت لك لا تفتحين جوالك ! لا حول ولا قوة الا بالله ! وش هالورطه الحين !، ناظر السماء بقلة حيله وهو يشوف الاتصالات بدأت تنهال عليه ! ** ** جواد قفل الخط وناظر زياد بتهجم : اخوك الكلب وش يعمل مع رونق ....والله لاذبحه واشرب من دمه! سعود وجهه اسود من هالمصيبه : الحين وينهم ! جواد والدم يفور بداخله : الكلب سمعته يتكلم بالجوال ويقول بطريق «...» راكان ملامحه ما تتفسر ...ما هو مصدق مستحيل جراح ما يعمل هذه الحركات .مستحيل ....معقول هالكلبه لعبت عليه ! وش هالمصيبة الي تورطوا فيها ! تحرك جواد وهو يردد : والله لاذبحهم ! ابو جواد انهار على الارض من هول هالخبر ...وبصوت متعب نطق : الحقووووووه تحرك اغلب الموجودين من المكان ...وسعود سند ابوه الى بدأ يفقد الوعي ! ** ** ** بعد الغروب ونسمات الهواء تحرك العباية بحركات عشوائية ... واقفه تناظر جراح إلي يكلم صديقه يعجل قبل وصول اهلهم ...خاله ما يمديه يوصل..اهم شيء يحمي رونق لازم يفهموا السالفه ويعرفوا انها متملكين .....زفر بضجر يمكن خير لهم هالموقف ..كذا يعلنوا الخطوبه ويرتاحوا من الدس ! تكلمت بروح مستسلمه : جراح ناظرها بوجه شاحب وريقه ناشب طول هالمده ما معهم مويه : عيونه! مطت شفتها بسخريه رايق : قدر امانه برقبتك حافظ عليها ...لا تزعلها أبدا ....خبرها امك كانت تحبك كثير ...كانت تتمنى تشوفك كبيرة وسعيدة بحياتك ....خبر امي اني حبيتها كثير وتمنيت اكون قريبه منها وارمي كل همومي عليها ..والاهم خبر ابوي اني حبيته وما كان قصدي بهذا الفعل اقهره او انتقم منه ..بس احيانا نتصرف تصرفات ما نحسب حساب للنتائج ! خبر جراح اني ما توقعت ييجي يوم وتنولد بداخلي مشاعر جميلة ...اخبره انه احيا بداخلي مشاعر جميله كان سبب سعادتي بالايام الماضيه ...صرت احب البريك بس حتى اجلس معه واقضي معه وقت اطول ..لكن لكل بداية نهاية قاطعها ما يتصور تبعدعن عينه لحظه : انكتمي ! ترى تقهريني بكلامك ! صديقي على وصول الحين رح نروح عند جدتي صفية وما احد يقدر يوصل لنا ناظرته بيأس ...وما علقت ... اشر لصديقه وهو يشوفه قريب منهم : بسرعه يا رونق تحركت خطوةوحده ..سرعان ما حست رجولها تيبست وهي تشوف سيارات متوجه لهم ! نطقت بملامح باهته: جراح وصلوا! اقترب منها ومسك يدها وسحبها بسرعه باتجاه سيارة صديقه ....يمداه يوصل ! فتح الباب الخلفي وبسرعه نطق وهو يشوف السيارت وقفت جنبهم : اركبي اول ما جلست قفل الباب بسرعه ...لكن رجل جواد كان اسرع فتح الباب وسحبها بقوة من السياره ...جراح مسك يدها يفلتها ....لكن زياد وراكان كانوا اسرع ابعدوه حتى ما يذبحوه عيال عمه ! جراح يحاول يفلت نفسه منهم : اتركوووووني!، اتركوني جواد سحبها للسياره ورماها بقوة ..قفل الباب وبسرعه توجه لجهة جراح رح يذبحه اليوم .... ركض لما شاف السيارة تحركت ...صرخ بقوة وهو يشتم ويتوعد فيهم ! ليث نزل من السياره: عمي ما هو كذا خلينا نفهم السالفة ! جواد ابعده عن طريقه وبسرعه توجه للسيارة ..تحرك بسرعة جنونية ! حاول يلحق براكان لكن راكان زاد من سرعته واول ما وصلوا المدينة ضيعوه ! طول الوقت متكورة على نفسها والسكون يحيط بها ...جواد ما نطق بحرف واحد ! كل تفكيره يلحق على راكان ويمسك جراح ! فقد الامل يمسكهم ...سحب بريك قوي ووقف فجأه متعمد يبغى يحطمها ويكسرها وبنفس الوقت يحطم نفسه الي وثق فيها ! ارتد جسدها للامام من الوقوف المفاجئ ...صرخت بالم من قوة الاصطدام! رفعت نفسها بصعوبة وهو يتكلم بقوة متجاهل وجع اصطدامه: ليه يا رونق ؟!، اناوش عملت فيك ؟ قصرت عليك بشيء! ريحي قلبي وقولي لي هو إلي اخذك حتى اشرب من دمه!، ردت بصوت متوجع من الاصطدام : يبه لا تظلمه ترى ما له دخل بالسالفه ! انا طلبت منه يأخذني لجدتي ام مرعي قاطعها وهو يلتفت لها وعيونه حمر :لا ترقعين له ! انت حسابك بالبيت وذاك الكلب حسابه عندي حرك السيارة والدم يغلي بداخله وكأنه بركان وبأي لحظه رح ينفجر ! ماسك نفسه بصعوبة ...ما يبغى فضايح ....اخ يا رونق كسرتي ظهري بدون ذنب!، كل بنت تمشي طريق الشباب والمكالمات ابوك الي رباك وتعب عليك تجازيه كذا ! يصحى من صباح ربنا حتى يحاول يوفر لكم متطلباتكم ...انحنى ظهره مقابل يكبركم ويفتخر فيكم ..كذا يكون الجزاء !!!، وش اصعب من موقف الاب لما ينطعن بظهره من اغلى عياله !!! غمضت عيونها ما عندها شيء يبرر وعقولهم متصوره بنت مع شاب لوحدهم ... لحظه رونق وش فيك ضعفتي و استسلمت لهم ...دامك مع زوجك ما احد له يحاسبك... بلعت ريقها بصعوبة ...مضطره ترجع معه قدر عندهم ما تقدر تهرب وتتركها ! ** •* ** ** ام راكان تولول : حسبي الله عليها هال***** ما لقت إلا ولدي ! لعبت بعقله !، حسبي الله ونعم الوكيل ...قلت لكم هالبنت ما ارتاح لها ! عاشت عند عجوز لا سائل ولا مسؤول ! ام لؤي بضيق : ان شاء الله تنحل الامور لجين بتساؤل : هو ليه رايح معها قاطعتها ام راكان: اسكتي ترى ما هو ناقصني تحليلاتك ! وقفت على طولها لما دخلوا عيالها وبنظرة لوم : جراح انت تكلم بغضب : خلاااص ترى ما عملنا شيء حرام تراها خطيبتي على سنة الله ورسوله الكل يناظر بعضه بصدمه: خطيبتك ! راكان عقد حواجبه وهو يحس انه تم استغفاله بنجاح : من متى ! جراح بدون مبالاه وعقله وقلبه مع رونق : ملكت عليها من وقت رفضتم تخطبونها لي !، راكان بصوت منهك من الصدمات: ابوها يدري رد بثقه وما يهمه احد : ما يدري زياد يحس ما هو مستوعب الكلام ...وبخفوت نطق : تطلقها ! جراح ناظره : ما رح اطلقها ورح اتزوجها غصب عن الكل !- تركهم وغادر البيت ! ام راكان الصدمة الجمتها لتسقط على الارض جثها هامده ! ** **** ** ام جواد جالسه تنتظر احد يطمئنها على زوجها بعد ما انتكست حالته لما عرف انهم خاطبين بدون علم احد ! وضعت يدها على راسها بضعف ....جسمها ما هو قادر يتحمل الصدمات ! بدر يواسي امه : يمه وكليها لربك ! ام جواد بضيق : والنعم بالله ! وش هالفضيحة يا بدر ! ما قصرنا معها فتحنا لها باب بيتنا ؟! ليه تعمل كذا ! احس هنا جمرة تحرقني ! جراح الشاب الخلوق المتزن كيف لعبت بعقله ! وش ذنبها ام راكان المرميه بالمستشفى مثل الجثة الهامدة .....هدها بذي الأخبار والله شيء ما نقدر نتحمله ! وجواد جواله مغلق ....يا خوفي يرتكب جريمه واخسر ولدي! والله رجولي ما تحملني ! يا ربي لطفك يا ربي ! بدر كتم بقلبه ما يقدر يقول لامه جواد عمل حادث ....ما يستبعد تدخل العناية لو عرفت ! يستغفر بداخله ....يا الله كيف انقلبت حياتهم بلحظات *** ** *