بسمة مدفونة في خيالي - الفصل السابع و الثامن - بقلم مجهول🖤 - مكتملة | روايتك

رواية بسمة مدفونة في خيالي : الفصل السابع : رونق بدأت دموعها تنزل : ما اعرف كنت واقفه انتظر مروان فجأه سحبني واحد بقوة خارج المكان واخذني لبيتهم وهو يصرخ وغصب عني دخلني بيتهم ونزل يضرب فيني ابوه ما ادري وش يبغون مني ! مرعي ما دخلت السالفه راسه ..وبرعب مالافكار السوداء إلي غزت رأسه وش يضمن انهم ما اعتدوا عليها ..هز رأسه بعنف من هالافكار ...تكلم بحزم ما عنده الا هالحل : جهزي نفسك الحين نطلع للمحكمه وترجعين لنايف قاطعته بقوة: على جثتي ما ارجع له ...تبغى ترجعني اذبحني الحين وريحني من حياة الشقا ام مرعي تبكي : يا رب لطفك مرعي زفر بضيق : قومي معك ساعة نتجهز ونرجع للقرية ناظرت عمها وبدأت احلامهاتتلاشى بهذا القرار ..حاليا ما لها الا هذا الحل ! قاطعه مروان من خلفه : عمي خذ جدتي للقرية وانا ورونق نكمل دراستنا هنا ونرجع قاطعه وهو يلتفت عليه برفض وملامحه غاضبه :كيف تبغاني ارتاح قاطعه لاقناعه: هذا حنا جلسنا طول هالمده لوحدنا لا تقول جدتي معنا تراها من لما وصلنا ما طلعت من هنا .... حنا لوحدنا نطلع ونرجع ما رح يصير فينا شيء عمي لا تحسسني اني بزر ما يعتمد عليه ! تراني كبير ورونق انا محرم لها ومسؤول عنها ! مشكور رعيتنا انت وجدتي حتى كبرنا والحين نقدر نعتمد عى انفسنا ! ام مرعي قلبها ما يقدر يتركهم لوحدهم : بس رونق برجاء :ارجوك جدتي ما توقفين بوجه احلامي! ام مرعي برفض للحين تشوفهم صغار: ما ارتاح هذا انت انخطفت قاطعتها رونق : ما رح تتكرر صدقيني ما ينخاف علي هذا انا رجعت جدتي مرعي برفض : وش يضمن انهم ما يرجعون لك ..الحين نشتكي عليهم تعرفي اسمه او مكان بيتهم ! ردت : ايه اسمه عبود بس هذا إلي اعرفه مرعي بغضب : رونق ! تستهبلين! ردت بعجز: هذا الي اعرفه ابوه اتوقع اسمه جاد والله ما ادري نسيت ! مرعي بحزم : قومي الحين راجعين للقريه وش يضمن لي ما يرجعون لك ! لا تخافين متى ما كملت الثانوي انا ادبر امور دراستك الحين قومي ! هزت راسها باستسلام ما لها الا هذا الحل ! ** •• ** ابو جواد بقهر : انا اخر عمري ينضحك علي ! نايف بلامبالاه ،: يا يبه بقلعتهم انا مب ناقصني مشاكل متى ما كبرت البنت ارجعها لي ! خليها تخيس بالقرية وانتهينا ! راكان لو كان مكانهم كان تصرفه غير ...لكن الحين ما له دخل : هذا شيء راجع لكم ...تبغون الحين ارجعه مثل الكلب هو وابنة اخوه ويعتذرون ما عندي مشكله نايف قبل ما يتكلم ابوه : لا لا انا وحده ومطلعه روحي ما لي حيل اجلس حكم بين اثنتين ! راكان مط شفته : لانك ارنب. ! ما تعرف للحريم لانهم اذا ما اعطيتهم العين الحمراء من اول يوم ما ينفع معهم ! نايف مط شفته : يا اخي انا قلبي رهيف ومب شرير مثلك ! ابو جواد رن جواله ...رد بهدوء.: هلا جواد .....ليه .....صاير شيء ....وش تقول .....طيب بعدين افهم السالفه الحين اروح اشوفها ...لما ارجع يصير خير ! قفل الخط وهو يهم بالمغادره ...نايف باستغراب: صاير شيء ؟! ابو جواد بهدوء: لا بس جواد يبغى ارجع مريم بطريقي ! استأذن ابو جواد وغادر المكان ! راكان بهدوء وهو يناظر من الشباك : للحين بعده قلبك عند ابنة عمتي ! نايف تنهد بالرغم انه راكان ما كانت العلاقه قويه بينهم الا نايف بعادته ما يعرف يسكت ...لكن هالمرة تكلم بامور ما تكلم لاحد فيها الا لأحمد امين اسراره : كان البيت فاضي كلهم طالعين استغربت من البنت إلي جالسه بالمطبخ وهبت فيني لاني دخلت بدون استئذان ..لمحتها لمحه بسيطه ...كانت تكلمني وكأني طفل صغير باسلوب الامر ! كلمتها وكل فكري انها ابنة ام محمد إلي تشتغل عندنا ! عيونها كانت فتنه ! تكلمني و تسأليني عن اهلي وخاصه جواد ...كانت تسأل عنه بشكل خلاني اشك انها تحوم حوله ! ما كنت ادري انها زوجته ! بالبدايه قررت ألعب عليها مثل باقي البنات ...خاصة لما طلبت رقمي ! وقتها حسيت نفسي وصلت القمر انها هي إلي بادرت واخذت رقمي ! هي كانت نيتها صافيه تبغى تستغلني بالأبحاث بما اننا نفس التخصص ! ما ادري انجذبت لها بما اننا بنفس العمر تقريبا ! بدات ارسل لها صور لي وكلام وخرابيط ..ما كنت اري انه الجوال رح يوقع بيد جواد مط شفته بسخريه : كنت مراهق غبي ! المهم التقيت فيها وطلبت مني جوال وخط بدون علم احد ...تواصلت معها بامور عن العائلة صارت ...بالرغم من جلافتها وأسلوبها الحاد معي الا اني وقعت بشباكها ! حبيت زوجة اخوي بدون ما ادري ! كانت صدمه لما اكتشفت هالشيء ! وبنفس الوقت كان عندي دافع من داخلي اخطبها بعد ما طلقها جواد ! كلهم وقفوا ضدي ! عقولهم متحجره ! دامه مب حرام ليه حرموه ! ولما اصريت اتزوجها غصب عنهم كان رفضها لي ورفض اهلها قاسي على مراهق مثلي ! اول حب صادق نما بقلبي دمروه بقسوة ! مشكلتنا المجتمع يحكمه العيب اكثر من الحلال والحرام ! نحرم اشياء كثيره من باب العيب مع انها بالدين حلال ! مجتمع متخلف ! وقتها صار عندي بلا مبالاه وما عاد يهمني شيء ! قاطعت اهلي فتره طويله واختار وقت الزياره ما يكون اخواني موجودين اسلم على امي ...وارجع للفساد إلي غرقت فيه ارتكب الحرام بدون ما يرتجف لي جفن ! حتى وقعت على راسي وطحت برونق وتزوجتها ! ما انكر لها ولاهلها فضل بسببهم رجعت لعقلي وتركت ذيك الطرق ! ما ادري تذكرني بالجازي تدري هذه البزر تتكلم معي وكأني شغال عندها ! نفس ما كانت تتكلم معي الجازي ! طريقة كلامها معي وكأني شيء تافه وهي شيء عظيم ! ما ادري ليه رافعه خشومها للسماء !، يا اخي انا ما ادري كلما اتذكر زواجي منها شيء يكتم على صدري ما اعرف سببه ! احس نفسي اكرهها مع اني ما جلست معها الا فتره قصيره ! ماادري وش هالمشاعر المتضاربه بداخلي ! زفر بضيق : عطلتك بثرثرتي ! ابتسم راكان : لا ابدا !، ** ** •* *• لبست وتجهزت وهي تناظر امها : اتفقت معهم اجلس على الاقل اسبوع لوقت رجوع عمي فياض ! الجازي ناظرتها وابتسمت وهي تحس بمشاعرها القديمه بدأت تحيا من جديد : مب مشكله تعوضيها مره ثانيه! مريم اقتربت من الجازي وقبلتها على راسها وفارق الطول واضح بينهم والله مب مصدقه انك امي صغيره والله صغيره!! الجازي توسعت ابتسامتها وهي تتخيل شق التوام الثاني لمريم على قيد الحياه ...ويرجعون لها وقتها سعادتها ما رح توصف ! مريم بابتسامه وهي تقترب من وسيم وتقبله : رح اشتاق لك ! وسيم يمسح مكان القبله : خلاص اذا اشتقنا لك حنا نزورك انت لا تزورينا ! ضحكت الجازي عليه : وبعدين معك ! مريم قرصت خد اخوها الثاني : تعال زوروني عندي اشياء كثيره تحبوها ! الجازي ردت على جوالها بهدوء: هلا خالي .....الحين تطلع ....مع السلامه! خالي ينتظرك انتبهي على نفسك ! ابتسمت وغادرت وهي تحس بمشاعر جميله بدأت تتولد تجاه امها! ركبت مع جدها..ردت السلام بروقان ...رد ابو جواد السلام باستغراب نطق : وش فيه ابوك معصب! مريم باستغراب : ما ادري عنه !، ما كلمته حتى اعرف ! ابو جواد زاد استغرابه : متاكده ! هزت رأسها بتاكيد ! مستغربه وش فيه ...ابوها معصب ..دق قلبها بخوف ..ما تحب تشوف عصبية ابوها ..تحس يصيبها مغص ! بدات تستغفر وعقلها يفكر وخصوصا وهي تشوف جدها سارح والانزعاج باين عليه ! ** ** ** ماسك قبضة يده بقوة ما يضمن نفسه يطلعها اليوم جنازة على عملتها ...كيف تهرب ووتتحداه كذا ام جواد بضيق خايفه من انفعال جواد: انت هدي هذا ابوك جابها ! الحين نفهم منها ليه تصرفت كذا ! الجازي تحاول تهدي الوضع : الضرب مب حل قاطعها بحده : انا اعرف كيف اتصرف ام جواد بتنبيه: تصرف بهدوء ما نبغى العالم تسمعنا ! البنت بعدها صغيره ما ودنا يطلع عليها كلام سكتت لما دخل ابو جواد ومريم خلفه :وش صاير ! تقدمت مريم وهي ترد السلام بخوف : السلام عليكم ! جواد تقدم خطوة وبصوت ارعب مريم : ابغى تفسير واحد لكل تصرفاتك المجنونة جاوبي قبل ما ابتلش فيك ! عبدالله وقف جنب ابوه : بدون كذب ! ابو جواد تنرفز وفقد اعصابه مب فاهم شيء: وش صاير ! مريم كشفت عن وجهها وبدأت الدموع تنذر بالنزول : والله ما اعرف شيء ! والله ما عملت شيء الجازي فتحت عيونها بصدمه وناظرت جواد : جواد جواد حس بالصدمه شلت حركته مريم ما في وجهها أثار ضرب متأكد وجهها كان معدوم من الضرب ! كيف صار كذا ! مريم بدأت تبكي وظنت عصبية ابوها لانها جلست عند امها تكلمت بتبرير: انت وعدتني يا بابا اجلس عند ماما اسبوع ما طلعت بدون اذنك ! ام جواد اقتربت وهي تتذكر انها جنب عينها في ضربه باينه من تحت النقاب ...اقتربت من مريم وغطت وجهها ما في اثر للضربه ! لحظه مريم باين من تحت النقاب بياضها الناصع ! صحيح إلي شافتها اليوم نفس عيون مريم بس ما هي ببياضها ! التفتت لجواد وسالت بتوجس : انت متأكد ! ** ** ** ** جلست في بيتهم وهي تحس نفسها وكانها سنوات طويله ما دخلت القرية !، ام مرعي : قومي اعمل شيء نأكله ذبحنا الجوع ! رونق بتعب : انتظري شوي ارتاح مروان ناظر الكدمات بوجه اخته : ارتاحي انا اجهز لكم!، ناظرته بامتنان : مشكور!، ام مرعي تمددت على طولها : حسبي الله عليه جعل يده للكسر يوم ضربك ! وش يبغون منك ! رونق وهي تمسح على شعر قدر إلي نايمه جنبها : ما ادري وش يبغون مني ! يقولون لي مريم ! اااااه من ليله الامس عشت احداث مرعبة ! تخيلي نفسك مع ناس يتعاملون معك على انهم يعرفونك بس انا ما اعرفهم!، اقولهم انا مب ابنتكم بس عقلهم ما يستوعبون الكلام ! ام مرعي بهتت ملامحها للحظة من هالكلام ...كيف يظنون انها ابنتهم ! لولا انها متاكده انها حفيدتها وباسم ولدها كان شكت بالسالفه ! نطقت بهدوء: يخلق من الشبه 40 رونق بروح ميته: يمكن ام مرعي : كيف شكلهم :! رونق بوجع من أعماقها : ما ادري ما دققت صعوبة الموقف ما تركتني افكر بذي الامور ! كان عقلي يشتغل كيف اهرب بس هذا إلي كان يدور بعقلي ! كانت لحظات عصيبة جعلها ما تنعاد ! *• ** ** جواد جالس بمكتب ابوه بلحظه ويوصل للجنون! عبود مب فاهم عليهم : كيف مب مريم ! انا متأكد انها هي يمكن وضعت علاج يخفي اماكن الضرب جواد قاطعه : اسكت اسكت! واطلع من وجهي ! عبود حاس بوزه وطلع من المكان! ام جواد تحس فمها صار مر من الاحداث : طيب ما حسيتم فرق بينهم ملابسهم على الاقل ! جواد هز راسه بالنفي : ما شالت العباية عن جسمها ! ابو جواد بحيره :وش تتوقع جواد شوي ويبكي: اقولك فوله وانقسمت نصفين نفس ملامح مريم ما في فرق ! حتى لون البشرة من كثر التشابه بينهم ما انتبهت له لاني نزلت فيها ضرب ووجهها صار الوان فما لاحظنا هالشيء! بدر بضيق : لا حول ولا قوة الا بالله ! جواد بضعف : حسبي الله عليك ي الجازي ضيعتي البنات انا متاكد انها شق التوام ام جواد فتحت عيونها : مستحيل كيف ! مب دفنتوها ! جواد بصوت مخنوق :دفناها يا يمه ! انا عقلي رح ينجن ! بدر بتفكير: يمكن احد متزوج بالسر من العائله وهذه ابنته ابوجواد ونار بقلبه من هالكلام: بدون كلام سخيف ! الحين ما في حل الا نلقاها مره ثانيه والفحص هو إلي بيظهر الحقائق المدفونة ! ام جواد تحس ضغطها ارتفع من الكلام : يا ربي لطفك ! انا والله لا نزلت علينا تصرخ حسيت في شيء غلط بالموضوع مريم ما تعمل كذا ! جواد باختناق : حتى الصوت نفسه ! انا رح انفجر ابنتي عايشه بعيد عني عند ناس مب اهلها ..الله يستر من تربيتها !، بدر و هو يناظر مقطع الفيديو : لو الشاب إلي معها صورته واضحه كان قدرنا نوصل له ! حتى البنت صورتها مب واضحه ما ادري كيف عبود ميزها ! قفل الجوال ومده لجواد : مثل ما التقيتم معها مرتين رح تلقونها اكيد انها تعيش بهذه المنطقه ! جواد :من الحين رح ابحث عنها ام جواد بأمل : شوف راكان قاطعها :راكان يقول ما ينفع كذا ! ابو جواد بغم وهم : لا حول ولا قوة الا بالله .احس هالسالفه هدتني هد .... .المهم السالفه ما تطلع من هنا ! جواد وجهه اسود من السالفه : اكيد ! *• ** *** مريم بعدم اقتناع : الحين ساحبيني من بيت امي ومعصبين وبالاخير تقولون ما في شيء!- تراها ما دخلت راسي! وتسألوني اسئله غريبه ! الجازي بهدوء وهي تقارن بين مريم وبين البنت ..ما في فروق العيون نفسها ...الانف ..الفم ..الوجه نفس الشكل ما في فرق الا بلون البشره وما هو ذاك الفرق ....كيف ما قدرت تميز بينهم ...لو كانت امهم اكيد كان فرقت بينهم ...ردت بنبره هاديه : يا مريم اقولك ابوك نسي انه ارسلك لامك وعصب بس علشان كذا ! مريم رفعت حاجب : بس عبود كان يبغى يقول شيء وبابا ما خلاه يتكلم ! الجازي تصرف السالفه : انت تعرفين عبود مندفع دوم الحين قومي ادرسي احسن لك مريم رفعت حاجب بتذكر : مين نام على سريري معفوس قاطعتها الجازي بتورط : اسفه اختك لين نامت عليه ونسيت ارتبه لك ! مريم : مب مشكله وينها الدبه من لما رجعت ما شفتها ! الجازي تنهدت براحه: عند مروة اخذتها تلاعبها ! •• *• *• واقفه عند العربايه ومعها كرتونه تهف على نفسها : ورجعنا لايامك يا بسطه ! كنت بالشركه نعمه مكيف والجو من الاخر ! صحيح ما رديت خبر للمدير اني ما رح ارجع ! كتبت رساله له وارسلتها ....قفلت الجوال لما شافت لجين متوجهة لها مع بزرانها ! لجين ردت السلام وهي تعلك : سلام ! رونق بهدوء ردت وهي تشوف عيالها معها ثلاثه سبحان الله بعد زواجها جاء نصيب لجين وتزوجت مباشره : هلا لجين وهي تعبث بالبضاعة : مسرع ما فتحتم البسطه دوبكم يومين راجعين ! رونق بهدوء: باب رزقنا ! لجين : عاد تدرين ام فتحي فتحت بسطه من صباح ربنا تجلس ..غريب للحين ما جاءت ! المهم كلمينا عن مغامراتك بالمدينة وكيف نفسيتك بعد الطلاق ! رونق بانزعاج من ثرثرتها ما تدري مب طايقه احد وما لها نفس تتكلم مع احد ...ردت بضجر : لجين وبعدين معك ! ترى اخلاقي قافله واصله لهنا ! لجين وهي تجلس على الارض وبحضنها ولدها: دامك متضايقة عليه ليه اصريتي على الطلاق وليه ما رجعت له ترى ابوي خبرنا انك رفضت ترجعين له ! غبيه أحد يصح له يعيش برفاهيه يرفض ويرجع للفقر ! شوفي عيالي مساكين انحرموا أشياء كثيره أبوهم يوم يشتغل وعشره لا ! اتمنى يكون عندي فلوس واشتري لهم كل شيء بنفسهم ! وانت ترفسين النعمة ! رونق رفعت حاجب: ايه ارفضها ! ان بغيتي هالنعمه تطلقي ومن باكر اقوله يخطبك! لا تكونين سطحيه وغبيه ! وش ابغى بجماله وماله ؟! لجين مطت شفتها :على الاقل تتصبحي بوجه يفتح النفس ماهو مثل إلي عندي تظنين انه من اهل الكهف رونق بعدم اقتناع: لا اتزوج فقير منتف جوكر ولا غني قاطعتها لجين : انت الغبيه الحين كل الاغنياء سيئين؟! طبعا لا ! ومب كل الفقراء ملائكة بالأخلاق ! هذا انا زوجي مب حلو وفقير مطفر ما معه فلس واخلاقه زباله وأهله ألعن منه ! يلا قولي وش استفدت من فقره ! اتزوج الغني على الاقل لو كان سيء استفيد من فلوسه ! رونق مطت شفتها بسخرية: وليه ما نلاقي رجال تجتمع فيه الصفات المثالية ! لجين كشت عليها : اصحي يا حلوة من وين رح تلاقينه هالملك ! رونق بهدوء : على الاقل ما رح اتزوج زواج تقليدي لو فكرت بالزواج مره ثانيه ! اصلا ما افكر بالزواج اربي قدر والحمد لله رب العالمين ! لجين بضحكه : شدي حيلك هذا ابو فضة الاسبوع إلي طاف ترمل ...روحي لجهة بيتهم امشي واستعرضي طولك واعديه تحت شجرة النخل والغنم من حولكم ترش عليكم اجمل العطور الفاخرة الدسمة بريحة قاطعتها رونق بضجر: يا سخفك ! شوفي بزرانك يلعبون هناك ! لجين بقلب ميت: الله معهم ترى قرفت من الركض خلفهم ! امي البارحه تقول ابوي يفكر يزوجك لعزوز اخوي رونق بلامبالاه : ذكريني اشتري له رضاعه ! لجين ضحكت من قلبها : يعني ابوي حامل همك ويبغى يرتاح ! يا اخي مجتمعنا هنا يفكر اذا ما زوج البنت رح تجيب له مصيبه يخافون من العار ! رونق رنت الكلمة بإذنها ودب بقلبها الخوف وهي تتذكر انها نامت عند الناس إلي خطفوها ! معقول صار لها شيء وهي نايمه ! بلعت ريقها. برعب بدون ما تركز او تنتبه لكلام لجين ! صار عقلها يرسم لها افلام رعب! هزت رأسها بالنفي ما رح تسمح لهذه الافكار تغزو رأسها اصلا عاملوها وكأنها ا بنتهم وطالعه بدون اذن احد ! متى ترتاح من هالكوابيس متى ! *** *** ** مرت الايام ومريم تجهز نفسها للدخول للجامعه بعد ما حصلت نسبه جيده اهلتها تدخل بقسم الآداب بتخصص لغة انجليزية! جواد بتنبيه : ما هو كل بنت شفتيها على طول تصادقيها في بنات الله يستر عليهم ...بنات عمك بنفس الجامعه بتقدري تقضي الوقت معهم ! البنت احلى ما فيها اخلاقها ! قاطعته الجازي بملل من كلامه صار مكرره الف مره : قول هالكلام لولدك! عبود جالس باريحيه : الحمد لله ما احتاج احد يوصيني لاني قبل ما اغلط اتذكر اخواتي ! مريم ناظرته وبداخلها رح تنفجر من غروره ...بس ما تقدر تعلق بكلمه وحده وخاصه بعد ما طلع لعبود يدرس قانون ! جواد يناظره بفخر : هذا المحامي عبدالله بن جواد قاطعته مريم بتردد : وش فيها لو درست قانون قاطعها عبود بغيره: علشان اذبحك واشرب من دمك ! هذا إلي ناقص باكر تتخرجين وتفتحين مكتب ما شاء الله والرجال داخله خارجه من عندك حتى تحلي قضاياهم وكأنه الرجال خلصت من الدنيا ! وكل يوم ناطه بالمحكمة ومراكز الشرطه لا يا حلوة مجرد التفكير ممنوع ! مريم بقهر ما اظهرته : وليه انت تختلط بالحريم إلي يبغون تحل قضاياهم قاطعها بغرور : انا رجال وفهمك كفاية! جواد بهدوء: يا ابنتي البنت في بيتها بعيد عن الاختلاط اريح لرأسها باكر تصيرين أحلى معلمة لغة انجليزيه مريم كتمت قهرها : ان شاء الله ! الجازي بسعادة وهي تناظر عبود ومريم اكملوا الثانويه والحين رح يتوجهوا للجامعه ! همست بالحمد على هذه النعمه! مريم استأذنت وطلعت لعند مروة ! جواد وهو يناظرها نار مولعه بداخله ....للحين ما لقى لها اي اثر ! ما يترك المول إلي وجدها عبود فيه لعل وعسى لكن ما لها اي اثر ! الجازي إلي فهمت نظراته: ربك كريم ! ان كانت هي اكيد رح ترجع طال العمر والا قصر ! عبود مب مقتنع: يا يبه والله انها مريم انتم وش فيكم ! الله اعلم وش وضعت لها امها اخفت الخرابيط! انا متاكد انها مريم ! جواد بنفي: ما هي مريم انا متأكد انها شق التوام لكن كيف ما اعرف ! لازم القاها باي وسيله ! ** ** أبو جواد بغضب : كيف يعني اقولك روح جيب البنت خليها تجلس اسبوع هنا نايف برجاء : يا يبه فكني من المشاكل! وين احطها :! سعاد مستحيل ترضى وامي نفس الشيء! خليها عند امها ! ابو جواد بقهر: انا ما ادري عقلك هذا كيف يفكر ! جواد إلي دخل على كلامهم : كيف ترضى ابنتك تعيش بعيد عنك ! على الاقل المفروض تزورها مره بالاسبوع خليها تعرف وتحس انه عندها اب مثل باقي الصغار ! يا اخي ابرد من دمك عيني ما شافت ! ابو جواد : نفسي ارتاح من همك بس ! نايف بضجر : خلاص انا نهاية الاسبوع انزل للقرية واشوف البنت بس خلاص بدون ما تعملون لي سالفه ! ** ** ** ** لها يومين هنا بعد ما تم قبولها بالجامعه ! كانت خايفه انه عمها يعارض ..لكن الحمد لله كل شيء مثل ما تبغى وأفضل ! ناظرت مروان يلاعب قدر: بالله هنا ما هو افضل ! مروان : هذه الحلوة وين رح تحطينها ! تابع كلامه بتفكير : وش رايك الصبح نأخذها لبيت جدها ولما نرجع نأخذها مب قلت ابوها اتصل بعمي يبغى يشوف البنت! رونق برفض : لا سجلتها بحضانه قاطعها :من وين لك فلوس ردت بهدوء : من ابوها تكلم بقلق ،،: بس ما تخافين يعرفونك إلي خطفوك قاطعته براحه : لا تخاف رح اتنكر حتى اضمن ما احد يعرفني ! اكيد لقوا ابنتهم الضايعه ! مروان : بس تعرفي انا محتار اذا ايام المدرسه زمان كنت تجلسين على المرايه سنة قبل ما تطلعين الحين متى رح تطلعين اكيد رح يخلص الدوام قاطعته : يا سخفك ! المهم الحين اروح اكلم مدير الشركه يمكن يقبل يرجعني للشركه ! تركته وتوجهت للغرفه اتصلت على رقمه وقلبها يدق بتوتر ....اخر رنه رد بهدوء: الو ردت بصوت متوتر : السلام عليكم استاذ فياض انا قاطعها بنفس الهدوء: هلا رونق حياك تفضلي يا ابنتي ! رونق كتمت نفسها للحظات هالانسان تحبه لدرجه مب طبيعيه تحسه وكأنه اخوها بتعامله الراقي : اسفه على الازعاج بس كنت ابغى استفسر اذا بقدر ارجع للشغل لاني مثل ما قلت لك من قبل انا رجعت للقريه لظرف طارئ رد وهو رافع حاجب ما ارتاح لنبرة اللهفه إلي يحسها بصوتها وهي تكلمه ...تعمد يتكلم وهو يذكرها انها مثل ابنته : حياك الله يا ابنتي باي وقت وظيفتك موجوده قاطعته بنبره ما عجبت فياض : بس انا ما اقدر اداوم كل يوم ما يدري ليه مب مرتاح لاتصالها شيءبداخله حثه يصرفها : صعب والله عفست ملامحها باحباط: اعتذر مره ثانيه مشكور يا استاذ قاطعها وهو يحس بتأنيب ضمير: كم يوم تقدرين تداومي بالشركة ؟! ردت بهدوء: انا سجلت بالجامعه وضعي المادي يحتم علي اشتغل قاطعها بسرعه : لحظة خليك على الخط دقيقة ! استغربت لما وضعها انتظار اكيد عنده اتصال اهم ! رددت بهمس يا رب فرجها علي ! رجع على الخط بعد دقائق وبهدوء تكلم : عفوا وين كنا نتكلم ! رونق بإحباط : كنا نتكلم عن الوظيفه ايام معينه بالأسبوع تكلم بهدوء ما يقدر يعطيها راتب كامل وخاصه مع دخول شريك معهم رح يعطيها من اسهمهم مساعده لوجه الله : شوفي تقدرين تداومين يومين بالأسبوع تحدديهم انت لكن بالمقابل الراتب اقل ! ردت بتوجس : كم ؟! فياض بهدوء : رح يكون الراتب «....» سكتت للحظات وهي تفكر بملتزماتها وتقسيم هالراتب عليهم ..ردت برضى يعني هالراتب يمشي حالها : موافقه ! رد بهدوء : على بركة الله انهت الاتصال وهي تحس حماسها انطفى بعد المكالمه ما تدري ليه ! رح تتواصل مع نايف يرسل لقدر مصروف على الاقل يساعد بالمصاريف ما تبغى تنقص عليها شيء! كلما تتذكر الجامعة تحس بداخلها خوف وتردد من الحياه القادمة ! ** ** ** فياض قفل الخط منها ورجع يتصل براكان : الو راكان بضحكه : اشوفك مشغول فياض مب رايق: الحين كمل وين وصلتم ؟ راكان بجديه: مثل ما قلت لك المحامي يقول نهاية الاسبوع رح تكون الجلسه الاخيره لا تخاف كل الادلة معنا انه مختلس! فياض عقد حواجبه بضجر : ما اطول حبال المحكمه ! متى نخلص من ذي هالقضية ! على كل حال مشكور يا راكان راكان بابتسامه : حنا بالخدمة يا ابو وسيم ! فياض تنهد وهو يمسح على وجهه : ربي يبارك بك ! نردها لك بعرسك ان شاء الله ...مب ناوي تتزوج ! راكان بروقان : اذا حولك عروس مزيونه حنا بالخدمه ء- فياض ابتسم : انتم ما تتزوجون الا من العائله ليه اغلب نفسي ! راكان بضحكة : لا مب شرط لا تنسى اني ناوي اتزوج اربعه مب مشكله اذا كانت وحده من برا العائله ! فياض: وش رايك بمطلقه او ارمله تاخذ اجر ! ضحك راكان : انت اخذت مطلقه وش شعورك تنصحنا والا فياض تنهد بجديه : انا كنت اقول مستحيل اتزوج وحده مطلقه حتى لو كانت مخطوبة بدون زواج ! لكن سبحان الله الأقدار ساقتني لابنة خالي اتزوجها مطلقه وعندها بنت كمان! لا تجلس تتشرط لانك ما تعرف نصيبك مع مين يمكن الحين جالسه مع زوجها هههههههه راكان بهدوء: صحيح هذا النصيب ! ما فكرت ترجع علاقتك بجواد مثل أول قاطعه فياض وهو يجلس : لا تظن انه من السهل تبعد عن صديق عمرك بذي السهوله ..لكن جواد ركب راسه وكبر الموضوع اكبر من حجمه ...دامك تبغاها ليه طلقتها ! وقلت له لو كنت ادري انها كانت على ذمتك ما خطبتها ! لكن ولد عمك راسه يابس مب قادر يفهم ! مرت الايام وكل واحد تابع حياته بطريق ! راكان تنهد وعقله يشتغل بالانسانه إلي فرقت صديقين عن بعض !!! تكلم بهدوء:: عسى ترجع المويه لمجاريها وتهدى النفوس !، فياض : امين ! ** ** ** عقدت حواجبها من رده ..وبحده نطقت : اسمعني زين انا اكلمك باحترام تتكلم باحترام اقولك سجلتها بالروضه مب انت ابوها فعليك ترسل أقساط الروضة قاطعها بحده من اسلوبها وكانها تتأمر عليه : اصلا مين سمح لك ترسليها للروضه ما اتوقع انه مب موعد دخولها الروضة الحين ! ردت بهدوء : اوكي خلاص انا كل يوم ارسلها لبيتكم لوقت رجوعي من الدوام لبعد العصر واخذها اتفقنا ! وبنبره غاضبه نقز نايف منها ..وهي تتابع كلامها: اقولك يا بني ادم انا حاطها بحضانه بنفس الروضة تفهم والا ما تفهم ! نايف ما يبغى تحطها عنده و يتورط ما في احد يهتم فيها ..رد بضجر: خلاص أرسلي كم المبلغ بدون ما تتصلين قاطعته بحده : الزم حدك لو بغيتك كان رجعت لك ! اتوقع ارسلت لك البارحه رساله وطنشت فلا تجلس ترمي كلام افضل لك ! زفر بقهر من اسلوبها المستفز نفسه تكون قدامه ويوجه بوكس بنص وجهها : خلاص انت ارسلي وانا ابعث لك ! قفلت الخط بوجهه رونق بضجر لما شافت البنات دخلوا القاعه! تأففت منه ما ينطاق هالانسان تحمد ربها انها تطلقت منه ! جلست على احد المقاعد واخرجت مرايه صغيره تناظر نفسها وتعدل النقاب ! ناظرت وحده من البنات تناظرها ...مطت شفتها رونق ليه تناظر شايفه عريس والا عروس ! رجعت المرايه لمكانها وهي تناظر حولها ...تحس نفسها غريبه لكن بنفس الوقت رح تثبت وجودها بالمجتمع ويا جبل ما تهزك ريح ! دخل الدكتور كان رجال كبير بالسن وبدأ بالتعريف بالمساق وأمور الانضباط من حيث الحضور والغياب .... انتهت المحاضره وكانت خفيفه على الجازي لانها متحمسه لمستقبلها ! ناظرت الساعه عندها محاضرة الحين وبسرعه توجهت للكلية حتى تلحق عليها ! تتغلب لانها جديده على الجامعه وما تعرف الاماكن ! واخيرا وصلت للقاعة وهي تناظر ورقة بيدها حتى تتاكد انها نفسها القاعه ...تنهدت براحه واخيرا وصلت ! دخلت وكان اغلب المقاعد مليانه ...توجهت للمقاعد الفارغة وجلست وهي تلتقط اكبر قدر من الهواء ! عفست ملامحها وهي تشوفه داخل القاعة ...ضربت راسها ما انتبهت لما سجلت ! وكأنه ناقصها هالانسان ما صدقت تترك الشغل عنده ! لحظه هو محامي وش دخله بهذا القسم ؟! رد السلام بهدوء ورحب بالطلاب وبدا يتكلم عن المساق والامور المتعلقه فيه تكلم بهدوء: رح اسجل حضور وغياب وإلي حضروا رح يكون لهم علامه زياده! صارت همسات البنات بفرح قاطعهم بحزم: هدوووووووء- تكلم بصوت مرتفع : امنه .... بدأ يقرأ بالأسماء واخيرا وصل لاسمها ! _رونق خالد رفعت يدها بهدوء ! تكلم بحزم : اتمنى الموجود يرد بنعم موجوده! رونق انقهرت منه ومن نظرته وكأنه يستحقرها او هي تتخيل كذا ردت بثقه وقوة : نعم موجوده ! انتقل للاسم إلي بعده بدون ما ينتظر ردها اكمل حضور وغياب وهو يتكلم باسلوب هادي : اتمنى منكم الاجتهاد ...الطب يحتاج لشخص فطين وذكي حتى يقدر يتعامل مع الامراض ويقدر ينقض ارواح هذا التخصص مب تسليه او تغيير جو اتمنى منكم الاجتهاد والمثابره ! يعطيكم العافيه ! وقفت رونق وهي تجمع اغراضها ...وطلعت وهي ناويه تتوجه لرئيس القسم عندها بعض الاستفسارات ! بعد وقت قصير كانت عند رئيس قسمها يشرح لها عن استفساراتها سكت للحظة وهو يتكلم :هلا بالدكتور زياد ! زياد بثقل : الله يحييك! تلقائيا ناظر البنت إلي واقفه بالمكتب ...رفع حاحب وهو يشوف العيون الخضراء والكحله بعيونها والنقاب فتحته واسعه ما في كلمه توصف منظرها الا كلمه وحده «فتنة» جمال عيونها ساحر بالكحله ! مع ذلك ما ناظرها باعجاب انما بنظرات احتقار يكره هالفئة من البنات الي تستعرض مفاتنها حتى تفتن الشباب من حولها ! تكلمت بصوت واثق بدون ماتناظره وهي تكلم رئيس القسم : مشكور دكتور قبل ما تطلع وقعت عينها عليه ..فتحت عيونها باستنكار وعقلها يردد «زياد» رئيس القسم وهو يناظرها وهي طالعه : حياك باي وقت اي استفسار حنا بالخدمة هزت رأسها وطلعت وهي تمشي بخطوات هاديه ومتزنه! وعقلها يفكر بالشخص إلي يشبه راكان كثير بالقاعه ظنت انه راكان لكن الحين عن قرب في اختلاف بينهم لكن الشبه واضح بينهم ! جلس رئيس القسم ليتكلم : هذه الوجوه إلي تفتح النفس ! زياد مط شفته بعدم رضا وبدأ يخوض بامور الدراسه والجداول ! خرجت من القسم وهي ما تدري وين تتوجه عندها بريك الحين ...تمشي وعيونها مرفوعها لكن بدون ما تناظر إلي حولها عقلها يفكر بعالمها هي فقط! ## ## ## جلست باحد المقاعد تعبث بجوالها ..بدات تدخل مواقع التواصل .....لفت انتباهها اعلان «مطلوب مدرس خصوصي» لمعت بعقلها فكره ..نقلت الرقم ..غمضت عيونها للحظات تفكر قبل ما تتصل ! عقلها رحب بالفكرة وما يشوف فيها شيء ! فتحت عيونها بهدوء واتصلت على الرقم ..لحظات ويرد عليها بهدوء: الو ! عقدت حواجبها وردت السلام عليكم رد باستغراب من الصوت الانثوي : وعليكم السلام مباشره دخلت بالموضوع: المعذرة حضرتك منزل اعلان قاطعها : ايه انا تكلمت بنفس الهدوء : ممكن اعرف تفاصيل قاطعها : عفوا المطلوب مدرس مب مدرسه وبتراجع بعد ما استساغ الفكرة:اوكي بس بالأول نعرف عن مستواك التعليمي قاطعته : اهم شيء الخبره مب مهم المستوى التعليمي عندي خبره بهذا المجال افضل من الف مدرس...بس ممكن اعرف عمر الاطفال قاطعها : التدريس مب للاطفال بصراحه انا ابغى مدرس خصوصي لي انا لمادة الانجليزي انا ثالث عدادي! عقدت حواجبها صوته يدل انه اكبر ..ثالث اعدادي بنظرها بزر صغير ...هي تشوف نفسها كبيره ! ردت بهدوء: طيب اقدر اعطيك عنوان البيت وتراجعني حتى اشوف الوضع قاطعها: انا متعود مدرس الخصوصي هو إلي ييجي قاطعته بحزم:اذا كذا انااعتذر ! رد بسرعه حتى ما يفوت العرض متحمس للفكره : خلاص اوكي اعطيني العنوان ** ** ** ** مروان عقد حواجبه : نعم ردت بلامبالاه : وش فيك تناظر كذا !، اتوقع انه كل ثالث اعدادي بالقريه اعرفهم وانا كبيره وهم بعدهم بزران قاطعها بتبرير: مب قصدي لكن العيال إلي بالقريه نعرفهم ونعرف اهلهم ...اما هنا ما نعرف احد ! مع اختلاطي بالمدرسه بالعيال هنا تحسين انهم اكبر من عمرهم ! يعني أحس قاطعته بحماس : وش رح نخسر ؟! نقابله واذا شفت انه كبير رح اكنسل الامر قاطعها برفض : انسي ردت باصرار : انا باكر اقرر خليك انت بدروسك وما عليك من احد ! قدر تردد خلفها الكلام : ما عليك من احد ! باستها رونق بقوة: اموووووت عليها يا ناس،! ابتسمت قدر وهي تحضن رونق : ماما وين بابا ! رونق عفست ملامحها باشمئزاز : مسافر يا قلبي ! هزت راسها بطاعه وسكتت ! مروان : ليه ما ترسليها لابوها ليه تعيش بعيده عن ابوها وهو موجود ..حنا جربنا معنى اليتم ! قاطعته رونق وهي ترفع شعرها بالشباصه : من زين هالاب ! انا لو عندي اب مثله الا تبريت منه ! مروان مط شفته : يا اختي انت تشوفينه سيء بس مع ابنته ما رح يكون سيء،! ما هي مثلك انت غريبه عنه اما هذه ابنته تختلف رونق احتدت ملامحها : ما احد منعه عنها بس هو ما يبغى البنت ولا يسال عنها ! خلينا كذا احسن ! ** ** ** •* ام راكان بابتسامة : كيف الدوام اليوم! رد بابتسامه: عادي ! ام لؤي : مب ناوي تشوف وحده ام راكان قاطعتها : من العائله رح يتزوج من برا لا ! ام لؤي : بس يمه افرضي انه عجبته بنت من الطالبات! زياد برفض : مستحيل اتزوج بنت من هذا التخصص وبعدين بنات العائله عندنا مستورات وما شاء الله الاخلاق ! تشوفين البنات بالجامعه شغل استعراض عنجد وضع مأساوي ! وعفس ملامحه وهو تمر بذاكرته البنت إلي بالمكتب ! راكان وهو يقلب بالجوال : احسن شيء تتزوج بنت تعرف اصلها وفصلها حتى ما تنغش ! ام راكان بابتسامه : ايه صادق والله ! راكان قفل الجوال باهتمام : كيف لؤي بالدراسة ؟! ام لؤي: الحمد لله الحين سجل عند مدرس خصوصي باكر رح يروح له قاطعها زياد : وليه المدرس ما ييجي عندكم ام لؤي : يقول هذا المدرس ما يروح للبيوت يعطي الحصص في بيته وشاطر كثير زياد ما ارتاح للسالفه : وليه ما سجلتيه بمركز ثقافي افضل لك ام لؤي بعدم اهتمام : رح نجرب الأستاذ هذا الشهر وان شاء الله خير ! سكتت وهي تشوف حرمه تدخل بهدوء ...ردت السلام وهي تتقدم منهم ! ام راكان بترحيب : هلا ام بندر ! حنين بهدوء: الله يحييك! ام لؤي : كيفك يا عمتي ! حنين بعد ما سلمت عليها : بخير كيفك انت والعيال! ام لؤي بهدوء: الحمد لله ! ام راكان : هذول راكان وزياد سلمت حنين بهدوء وبعدها سالت : وين امي ! ام راكان : دوبها نامت اجلسي حياك الله ! جلست حنين وهي تسال ام راكان عن الحال والاحوال :! ام راكان : والله كلنا بخير ! كيف البنات والعيال ؟! هزت راسها : الحمد لله ! ام لؤي بابتسامة : يمكن اول مره تشوفين راكان وزياد لانهم عاشوا برا حنين بهدوء: ما اعرف الا البنات لان امك جابت اول شيء البنات بعد ما سافروا بسنين جابت العيال ! راكان بملامح هاديه وهو يناظر عمته المتمرده مثل ما يسمونها العائله : انا راكان محامي حنين بمقاطعه : خبرتني الجازي عنك وانت ماسك قضيه لزوجها !، هز راسه لذكر الجازي ! تابعت حنين : زياد انت بمستشفى «........» هز راسه ورد بجمود : ايه ام راكان بهدوء : كيف علاقتك مع مريم تزوركم ! حنين مطت شفتها بسخريه : وكأنك ما تعرفين بيت ابو جواد الحقد يسري بدمهم ! يرسلون البنت كم مره وفجأة يبعدونها عن امها ! تدرين الجازي صار لها اشهر ما شافتها ام لؤي باقتراح : ليه ما تشوفها في بيت جدي هنا حنين بضيق : ما تعرفين زوجها يغار عليها من النسمه ما يحب تمر من هذا الطريق مجرد مرور ! وفوق هذا يعني ما يشوف هذا بيت جدها يقول عيال خالك موجودين ويمكن تضايق عليهم ! ام لؤي باستغراب : وكيف تصبر عن بعد البنت طول هالمده اكيد انشغلت وتعلقت بعيالها ! حنين خيم عليها الضيق : انت ام واكيد رح تشعرين بشعورها حرقوا قلبها 18 سنة وللحين مصممين على هالشيء ! والحقود جواد رمى وصية ابوي بعرض الحائط مات وهو يقول لا تحرموا الجازي من مريم ! هزت راسها بمراره انا ما احب اخوض بذي المواضيع ! بس والله ما اسامحهم على عملهم بالجازي كذا ! والحمد لله على كل حال ! ربي عوضها ببيت ابو فياض زياد رفع حاجب بمنطقيه : يا عمتي اكيد تلقينه ما يثق يحط عندها البنت ضيعت وحده وماتت والسبب هي فأكيد ما رح يرتاح ويطمئن وخاصة الحين البنت دخلت الجامعه يعني ما حافظت عليها وهي رضيعة كيف تحافظ عليها وهي كبيره ! حنين ناظرته ما عجبها كلامه : هذه ام مهما كان المفروض يراعي مشاعرها والجازي عندها مسؤوليه اكثر من جواد ..هذا الشيء قضاء وقدر من عند ربنا ام لؤي هزت راسها : صادقه يا عمتي ) على فكره ولا مره التقيت فيها او شفتها حتى ام فياض لما تزورنا تكون لوحدها بدونها حنين : الجازي ما تحب الخروج من البيت لو تشوفينها رح تحبينها ! ام راكان هزت راسها : اكيد قريب رح ازور ام فياض واكيد رح اشوفها ! هزت راسها حنين وبداخلها ما حبت زياد حسته مغرور بزياده ! •• •• ** بالشركة واقفه عند سحر إلي تشرح لها بعض الامور ...وعقلها يفكر بالتدريس الخصوصي معقول تضبط معها ! سحر بضجر : خذي هذه الاوراق واعطيهم لمكتب 5 هزت راسها وطلعت متجاهله همسات سحر وزميلتها على شكلها !، رفعت راسها وابتسمت بمحبة اخويه لفياض وهو واقف يكلم بالجوال! تتمنى لو تشكره على المساعده إلي قدمها لها ! رفع راسه وعقد حواجبه وهو يشوف موظفه بعيون ملونه ومكحله بشكل ملفت للانتباه ! تناظره وكانها معجبه ! رفع حاجب وهو يشوفها تحركت وبعدها وقفت مع موظف مكتب 5 والاخ شاق الضحكه وهو يتكلم معها ! رونق معطيه فياض ظهرها تكلمت مع الموظف بجديه مطنشه ميانته: لما يجهزوا اعطينا خبر رد وعيونه مسلطه على عيونها ما يشوف غيرها : من عيوني يا قمر قبل ما يكون لها رد فعل تقدم فياض بغضب : وش رايك ترقمها بعد ! اعطاه نظره قويه : راجعني بالمكتب بعد ساعة ! بدون ما يناظرها تكلم : الحقيني على المكتب ! بعد دقائق بالمكتب تكلم بحده : انت موظفه هنا ! ناظرته متاكده ما عرفها : انا رونق استاذ عفس ملامحه وهو يتذكر نظراتها له قبل ما تروح لمكتب 5 ومكالمتها معه زادت شكوكه ..وبنبره ما عجبت رونق : اتوقع هنا مكان محترم قاطعته رونق بقوة ما تسمح لاحد يقلل من قدرها: انا ما غلطت لو سمحت يا استاذ قاطعها فياض بغضب : الي تظهر مفاتنها بهذا الشكل وكأنها دعوة يا ناس تعالوا غازلوني! حتى لو ما كانت نيتك كذا لكن الرجال كذا يفسرون هالشيء ردت بقوة وهي تحس بخنجر من كلامه : كل واحد يفسر حركات الناس وتصرفاتهم حسب تفكيره ! لكن للاسف ما توقعت يكون عقلك بحجم حبة السمسم! ما توقعت انك تحمل افكار متخلفه ! صحيح اني ممتنه لك واغليك مثل ابوي واخوي لكن هالشيء ما يسمح لك تتكلم على اخلاقي! ربي لا يجعلني احتاج لاحد ! والوظيفة من عندك ما ابغاها ! رد وهو رافع حاجب من هجومها عليه : بكيفك حست انه افتعل هالمشكله حتى يطردها ....هي ما غلطت حتى يعاملها كذا ! كانت تحس بالامان لما تشوفه وتحس الدنيا ما زالت بخير ...لكن حاليا تحس نفسها تكسرت كثير اشياء بداخلها ! تلوم نفسها انها ذلت نفسها وطلبت منه وظيفه ...هذه اخرتها! بلعت غصتها وناظرته بعيون لامعة ما قدرت تتحكم فيهم : مشكور حملت نفسها وطلعت وهي حاسه نفسها تبغى تنفجر باي لحظه ..تحس خاطرها مكسور! يااااه ما اصعب لما الخاطر ينكسر! والاصعب لما تنخذلي من ناس كنت تشوفينهم غير عن الكل ! دخلت المكتب اخذت اغراضها وسحر باستغراب : وش فيك طنشتها رونق وطلعت بخطوات سريعه قبل ماتنفجر من البكاء ! تمشي بالشارع مبتعده عن الشركه وهي تحس دموعها بدات تنزل! فياض ما يعني لها شيء ما تدري ليه تحسست من كلامه واثر فيها ! جلست على الرصيف وبهدوء شالت العدسات عيونها اوجعتها منهم ! رمت الشالة على وجهها ما يبان منها شيء ! واخذت راحتها بالبكاء ...بعد وقت حست بشخص يجلس قريب منها وبصوت هامس ردت السلام ! رفعت رونق راسها واستغربت بالمراه إلي جلست جنبها ومعها طفلة صغيره ! ماكلفت نفسها تناظر صدت للجهة الثانيه بضيق ! تكلمت الجازي بصوت مخنوق: تدرين من بعيد ظنيتك ابنتي نفس الهيئة من بعيد ، فتحت عيونها رونق بصدمه اكيد انها من طرف مريم حمدت ربها انها مغطيه وجهها ما يبان شيء منها! صوتها لازم تغيره ! الجازي بصوت حزين تابعت كلامها : بس مريم انحف ! زمان ما شفتها! تدرين كلما اشتاق لبناتي لازم اجي هنا اجلس عقدت حواجبها رونق باستغراب وهي تناظر الشارع وش علاقته ببناتها ويصوت مختلف تماما: وش دخل شوقك بهذاالمكان الجازي وهي تبكي بهدوء: هنا كان اخر وداع بيننا ! كلما اطفي الجمره إلي بداخلي ترجع تشتعل من جديد ! رونق نست حزنها وسألت : وين بناتك!- الجازي وهي تمسح دموعها : مريم عند ابوها وما يخليني اشوفها الا بالقطارة والثانيه ماتت ! رونق رفعت حاجب: انت تطلقت منه وتزوجتي! هزت راسها الجازي بهدوء : ايه وقفت رونق بقهر منها : لو بغيتي ابنتك ما تركتيها وتزوجت والقانون يعطيك حضانتها لانك امها! لكن انت تخليتي عنها قاطعتها الجازي بصوت بائس: لا تحكمين بدون ما تعرفين السالفه! اجلسي! رونق ناظرتها بتردد لكن شيء بداخلها يدفعها تجلس معها ! الجازي قلبها تعلق بذي الانسانه وتبغى تفضفض لها شيء يجذبها لها بقوة! مع انها ما شافت منها شيء ! الجازي رن جوالها ردت بهدوء : هلا بندر .......ايه انتظرك ...سلام الجازي ناظرت رونق وهي واقفه : من 18 سنة وهذاالمكان ازوره على امل تكون حياتي حلم واصحى منه ! مريم عاشت بعيد عني عند ابوها بعد ما شوه سمعتي عندها....رفضت البنت تتقبلني خفت يصيبها جنون من الخوف إلي يعتريها لما يقولون هذه امك ...قدمت مصلحتها على مشاعري ووضعت على قلبي حجر...كبرت مريم وبدات تزور بيت اهلي تبغى تتعرف على امي واخواتي!ظ وانا ما تبغان! شعور ما اقدر اوصفه! مع الايام صارت تزورني لكن ما احسها تحمل شعور لي اني امها وكأنها شخص يزور قريبه بس كذا ! لما بدات مريم تتعلق فيني سحبها !- احيانا احس ابوها مرسلها حتى يزيد بقهري ابنتي قدامي لكن بعيده عني ! دخلت الجامعه بدون ما اشوفها وإلي ذبحني اليوم سمعت انها انخطبت ! ما كلفت نفسها تدبر جوال تخبرني ! استخسرت فيني هالخبر وكأني غريبه اسمع من الناس ! رونق تنهدت هي تحاول تربط علاقة المراه هذه بمريم إلي انخطفت بسببها ....ردت بمواساه : صدقيني ما تستاهل تفكرين بها ....وأكبر اغلاطك انك تزورين مكان ألمك وحزنك ...انسي كل الماضي وعيشي ايامك اقتربت من الطفله وجلست على مستواها ومسحت على راسها : لاتنكدي على طفلتك حياتها وهي تشوف زعلك وضيقك على ناس ما تستاهل ! صدقيني هي بحاجتك مب انت ربنا طلب رضاك انت مب انت تركضين خلفها !- باكر رح تتزوج ولما تنجب وقتها رح تحس بقيمتك !، اعتدلت رونق بوقفتها وهي تكرر:امسحي هالمكان من عقلك ورح تعيشين افضل الجازي وهي تناظر فيها : احس انك متضايقه فيك شيء هزت راسها رونق والدموع بدات تاخذ مجراها بصمت : ابدا ما فيني شيء! همت بالمغادرة وهي تردد بصوت حزين كسير : يا ليت امي عايشه وارمي عليها كل احزاني! الجازي سلطت نظرها عليها وقلبها يدق : لحظة رونق بدون ما تلتفت عليها او تتكلم ! الجازي وقلبها يدق للحين : انا اعرفك ؟ التقيت فيك من قبل ؟ تعرفيني ؟! رونق وهي تمشي بخطوات مبتعده: ما ادري عنك انا. من عائلة «...» ما اتوقع تعرفينا لاننا نسكن بقرية «....» فرصة سعيده أشوفك الجازي عقدت حواجبها كلامها هذا يذكرها بشيء!، لحظه لما كانت بالجامعه التقت بوحده بنفس الأسلوب تتكلم! لكن الجازي هزت راسها بالرفض تحس هالانسانه حركت بداخلها مشاعر اندفنت من زمان مين هالانسانه ؟!! ** ** ** مروان ناظرها مب مرتاح لسالفه التدريس ما يرتاح لاهل المدينه بس من يومهم ما له كلمه على رونق دوم تعمل إلي مقتنعه هي فيه بس ! : وقسم بالله مجنونه ! رونق تحس كل الهموم فوق راسها لازم تتمسك بالتدريس بعد ماتركت الشغل ...اقتربت من المرايه تناظر عيونه بانزعاج تحس نفسها بالعدسات عبارة عن مسخ .....مطت شفتها بسخريه اي مفاتن يتكلم عنها الحين هالعيون صارت فتنه ؟! متأكده يبغى يطردها ويتحجج باي شيء ! ليه ما اعتذر من البداية انه ما في شغل بدون هاللف والدوران ! التفتت لمروان وهي تسمع صوت الباب : شوف الباب اكيد وصل! ناظرت الصاله كل شيء تمام .....تقدمت خطوة وهي تشوفه يحمل كتاب ودفتر ...طوله متوسط تحسه صغير للحين الطفوله بملامح وجهه ....رد السلام بخجل ! رونق بهدوء ردت السلام واشرت له يجلس ! جلس وعيونه بالارض من الإحراج ما توقع ينحرج كذا ! جلست رونق مقابل له وتكلمت باريحيه: انا رونق وهذا اخوي مروان ! هز راسه باحراج : انا لؤي رونق بهدوء: نتفق على الفلوس لؤي بمقاطعه : انا كنت ادفع للمدرس السابق المادة ب «...» فتحت رونق عيونها وهي تناظر مروان مب مصدقه وبتمثيل حركه انه رح يغمى عليها مروان قرصها بعيونه وهو يؤشر على لؤي لا ينتبه ! تنحنحت رونق واقنعت نفسها انها سمعت غلط:عفوا كم قلت ؟! عاد الكلام لؤي المبلغ وبتساؤل: تبغين اكثر ! رونق للحين تحت الصدمه : هاااا مروان يبغى يضربها بالكتاب على دلاختها ولا كأنها شايفه خير ! رونق تنهدت وابتسمت بفرح : لا لا ما عندي مشكله انت بس تبغى ماده وحده بس ! وش رايك ادرسك مواد ثانيه رفعت حاجب بابتسامه شيطانيه وهي تفكر كم رح تطلع بالشهر اذا درسته كل المواد سرعان ما انتكست وعفست ملامحها لما تكلم : خالي رفض ادرس خصوصي للمواد الثانيه يقول ما له داعي بس انجليزي وغيره لا ! حست نفسها حاقده على خاله وش دخله : طيب ابوك ما له دخل ؟! عفوا بس خالك وش علاقته؟! لؤي بابتسامة: حنا نقلنا هنا من فترة قريبه اغلب خالاتي مب هنا ساكنين وابوي ما رجع معنا وامي تعتمد عل. اخوالي بامورنا بصراحه يخرعون ! ابتسمت رونق : مب مشكله ! اعطيني الكتاب اشوف المادة ! اعطاها و هو خايف من داخله من هالخطوة لو يعرف خاله امه يدرس عند بنت يتوقع يجلده ! لكن بداخله حماس لذي الفكره مل من المدرسين يبغى يجرب المدرسات لانهم ارق وافضل بالتعامل ! رونق بحزم : الحين رح اعطيك امتحان قاطعها بفزع دوبه يمدح البنات : امتحان خير حنا مو بالمدرسة! رونق تتكلم باسلوب قوي بدون ما تناظره وهي تتصفح بالكتاب : امتحان مستوى حتى اعرف مستواك وبناء عليه اقدر ادرسك واغطي الجوانب الضعيفة عندك لؤي بطريقه فكاهية : لا تغلبين نفسك المستوى صفر بجداره! ما اعرف الا yes وNo هزت رونق راسها باهتمام : من الصفر من الصفر ما عندي مشكله !، ** ** ** ** ام راكان باهتمام وهي تكلم ام جواد: ان شاء الله ربنا يكتب الخير .....ما شاء الله عليها مؤدبة .....والله انتظر اللحظة إلي اشوفه عريس ......ايه ان شاء الله رح ازوجهم الاثنين مع بعض وافرح فيهم .......والله زياد رح اتغلب معه ....صادقه النصيب .....ان شاء الله ان شاء الله ...بأمان الله ...مع السلامه ! قفلت الخط وناظرت ام ناصرإلي تسالها :وش تقول ام راكان بابتسامه : يبغون البنت تستخير وبعدها يصير خير ! ام ناصر هزت رأسها وهي تشوف لؤي دخل عليهم مع امه! ام راكان : تعالي يا لؤي روح اشتري قاطعها بضجر من الدرس الخصوصي نشفت ريقه رونق....رد وهو يجلس : تعبان يا جدة خليني ارتاح ! ام لؤي فتحت عيونها : إلي يسمعك يقول جاي على رجلينك! نزل زياد وهو يسمع رده : نشف ريقي الدرس الخصوصي وجاي ارتاح واوسع صدري من غث الدراسه! جلس زياد وهو يناظره بانتقاد:ما شاء الله عليك ! عدل جلسته وارتبك لما سأل زياد: وش اسم الاستاذ إلي تدرس عنده! توتر وش يقول هذا إلي كان خايف منه صار : ءءءء اسمه اسمه وباستدراك وهو يحك شعره : نسيت اسآله عن اسمه !، ما عجبه الرد حس انه يخفي شيء.....ذوبنظره قوية : انت ما سجلت عند احد تضحك علينا قاطعه برعب : والله سجلت حتى إسأل امي شافت دفتري وقسم بالله يدي احسها انكسرت من كثر ا اعطاني واجبات وتمارين حتى قلت لامي اني رح اغيره واشوف استاذ ثاني قاطعه : ايه تبغى استاذ رخمه يقرأ كم صفحه و بعدها يقول الله معك ! خلاص كمل مع هذا الاستاذ ولما يكون عندي وقت اعطيني عنوانه حتى ازوره واشوف مستواك! لؤي وجهه صار اسود وهو يردد : ان شاء الله ان شاء الله ! ام لؤي بضحكة: حرام عليك الولد جاي يغير جو وانت خنقته! ابتسم زياد وهو يوقف : ولدك هذا بحاجه احد يعصره لانه ما هو قليل ! انا طالع للمسشفى وانت يا لؤي شوف امي وش تبغى منك ويا ويلك لو احد اشتكى منك ! لؤي بعد ما طلع اخذ شهيق وزفير بطريقة كوميديه : وش هذا ينفع يكون ضابط تحقيق! الله يعين طلابه عليه ! ام ناصر تبسمت : ربي يحفظك! ام لؤي : وين منار وسمر ما اشوفهم ! ام راكان : راحوا لبيت ابو جواد عند البنات ام لؤي: تاركهم على اساس يجلسون عندك ويساعدونك! ام راكان : دوبهم طلعوا لا تكوني مثل زياد طلع روحهم حتى وافق! ** •• •* راكان ناظره وهو معقد حواجبه :،صدقني ما ينفع ! لازم تلاقي البنت إلي شاك انها هي حتى نقدر نعمل الاجراءات وتنجح القضية جواد بداخله نار :-ما تركت حاره الا بحثت فيها ! ما تركت بنت الا وناظرتها! لا تلومني انا بداخلي نار مشتعله. .....ما انام الليل وعقلي يفكر بمكانها ! راكان هز راسه : انا اتفهم موقفك لكن طيب لما جاءت هنا ما تكلمت عن نفسها ما قالت انها مب مريم ما ذكرت اسمها !، ما حكت شيء عن نفسها؟! جواد وهو يحاول يتذكر : لا ما قالت اسمها بس انها مو ابنتنا! وانا على بالي امها لعبت برأسها وتبرأت منا ! راكان بتفكير : شوف ما دام انها بعمر مريم اكيد انها الحين بالجامعه ركز في بحثك باب الجامعه انا متاكد رح تلتقي فيها ! قاطع كلامهم دخول نايف وهو يتكلم بغضب : اقولك ما عندي غير هالفلوس ! طفله صغيره وش رح يكون مصروفها ...الي يسمع يقول ابنة وزير متعوده على المصاريف ترى كلها خشه اذا قلت برجلي كذا تسقط على الارض ........... تكلميني كذا تراني مب اصغر عيالك سكت وهو يشوف قفلت الخط بوجهه ..تكلم بغضب : الله يأخذ ابوك الزفت إلي ما رباك يا ابنة الكلب ! جواد عقد حواجبه: مين تكلم ! نايف وهو يسحب كرسي ويجلس : في غيرها ابنة ابليس راكان بهدوء: رونق عفس ملامحه بقرفز حضرتها تهدد تبغى ترفع قضيه نفقه للبنت جواد بانتقاد: وانت تنتظر المحكمه تجبرك تدفع لابنتك نفقه ! هذه ابنتك مين تنتظر يصرف عليها! نايف زفر بضجر : ومن قال ما ابغى ! دفعت لهابس مب عاجبها المبلغ ...تخيل ارسلت لها «..»مب عاجبها راكان بنصيحه: ترى لو وقعت مع محامي شاطر يشفط فلوسك اجره نفقه وحضانه ومسكن وخرابيط كثيره .....يا اخي اعطيها واترك عنك المحاكم بالاول والاخير ابنتك انت تعطيها قاطعه بقهر: وش يضمن لي ان الفلوس تشفطهم حضرتها ! جواد بملل : فكنا منك الزفت القرويه تدري تستاهل وقعت بشر اعمالك ! نايف زاد ضيقه وهو متأكد جواد يقصد الماضي ! ** ** ** ** قفلت الخط بقهر كل يوم لازم يرتفع ضغطهاوالسبب نايف ! زفرت بضجر وتوجهت للقاعه بخطوات هادئة متزنه ! اختارت مقعد وجلست عليه ..بعدها بلحظات جلست جنبها بنت ..عقدت حواجبها رونق باستغراب توقعت انه البنت مخربطه بدل ما تدخل للعرس جاءت هنا ! البنت بلطافه :انت هنا معنا رونق رفعت حاجب: لا هناك!- ضحكت البنت : قصدي معنا بهذه الماده ! رونق هزت راسها : ايه معكم وعد بابتسامة : لون عيونك حلو رونق عقدت حواجب وبمجامله : عيونك الحلوة ! وعد وهي تطلع المرايه تتأكدمن الميك اب ! تأملتها رونق عيونها متوسطه انف صغير وفم صغير بوجه نحيل وجسم مثل عارضة الازياء ومكياج كامل وكثيف مطت شفتها ييجي فياض يشوف المفاتن على أصولها الحين لانها غيرت لون عيونها وحطت كحله خلاها تطلع مفاتنها ! ضاق خلقها كلما تتذكر الموقف تتنكد ! ما تبغى تتذكر الاشياء السلبية لازم تفكر بالامور الإيجابية حتى تبدع ...اليوم حرمه من إلي يسكنون معهم بالعمارة شافت لؤي يطلع ومعه كتب تبغى تضع عيالها عند رونق تدرسهم ! فتحت لها الدنيا وش ابغى افضل من كذا وظيفة وهي جالسه بالبيت وقدر معها مطمئنة عليها ! رفعت رأسها لما دخل زياد وبدأ بالحضور والغياب مباشره ...و بعدها بدأ بالمحاضره بحماس ! وعد بابتسامة وهي تهمس لرونق : تحسين. الدكتور متحمس زياده ! ناظرتها رونق وابتسمت وبانت الابتسامه من عيونها ! وعد وهي تكتم الضحكه : لاحظي الدكتور يكرر كلمة سكتت لما تكلم زياده بملامح مرعبه : البنات إلي هنا وعدتفتعل البراءه وبخوف من ملامحه: انا زياد بقوة: انت وإلي جنبك عن وش كنا نتكلم ! وحضرتكم منشغلات بالكلام ! عسى حليتم ازمة العالم ! رونق رفعت حاجب : ان شاء الله قريب نحلها ! حس بنبرتها سخريه منه وبحزم : تفضلي قومي اشرحي إلي كما نتكلم فيه ! وعد بلعت ريقها بخوف اصلا ما تدري عن وش يتكلم ! وقفت رونق بهدوء وبصوت هادي متزن بدأت تتكلم وتشرح وما اكتفت بكلام الدكتور وبدأت تضيف بعض النقاط وانتقلت للموضوع إلي بعده وهي تتكلم بطلاقه عشقها الانجليزي ! انقهر ما توقع تجاوب وواضح انه مستواها ممتاز ومحضره ومع ذلك ما يسمح لاحد يستهين بالمحاضره: اوكي رح اعتبره اخر انذار اي شخص يتكلم بمواضيع جانبيه رح يكون لي تصرف ما يعجبكم! تابع الشرح ...انقهرت رونق وهي تشوفه يثني على طالبه لانها جاوبت سؤال بسيط تافه اما هي تكلمت مجلدات ما مدح ولا كلمه ! مطت شفتها ما يهمها الاهم تكمل دراسه وتتوظف مباشره! انتهت المحاضرة تفاجأت رونق بضربه بنص ظهرها *** ** * رواية بسمة مدفونة في خيالي : الفصل الثامن : مطت شفتها ما يهمها الاهم تكمل دراسه وتتوظف مباشره! انتهت المحاضرة تفاجأت رونق بضربه بنص ظهرها عقدت حواجبها وهي تناظر وعد بقهر: ليه تضربين وعد بابتسامة : دافوره رونق رفعت حاجب بانتقاد لمظهر وعد : اقنعيني انك مب رايحه على عرس ! فتحت وعد عيونها : نعم يا أختي شوفوا من يتكلم ! ناظري نفسك بالمرايه وبعدها تكلمي ! رونق عقدت حواجبها باستنكار : نعم ! انا وش فيني ! وعد وهي تناظرها بانتقاد: هالعدسات والكحله وش تسميه! مطت شفتها رونق : الحين على الكحل عملتي لي سالفه كله كحل وين المشكله فيه! وعد سحبتها : تعالي يا ام العدسات ! بلا خرابيط كلنا بالهواء سواء ! رونق بغت تدفها وتبعدها عنها لكنها سكتت لما شافت طلاب بالممر ...سكتت وتابعت المشي معها ! وعد بابتسامة : خلينا نجلس هنا افضل ! مسحت رونق المقعد قبل ما تجلس بهدوء ! وعد وهي تتامل مباني الجامعه من حولها : وش عجبك بهذا التخصص :!- رونق بهدوء وهي تتذكر كيف عمها رفض تدرس قانون يقول لها تتخرجين من هنا وتجلسين تنتظرين صبحا وفلاح يتشاجرون حتى تحلين مشاكلهم ..نسبتك عاليه حرام تضيع كذا ادرسي طب حتى تتوظفين ...اضطرت على الموافقه لانه ربط خروجها للمدينه بهذا التخصص : عمري ما فكرت فيه لكن قدري ادرسه ! وعد بابتسامة : قدرك حتى تلتقين فيني ههههه ادري بك الحين تقولين من وين طلعت لك هههه وش رايك اعرفك على شلتي رونق بهدوء : وقت ثاني ! بدات وعد تتكلم باندماج عن الدراسه والحياه وكل شوي تنتقل لموضوع جديد ! •• •• •• فياض جالس بالصالة متنرفز وهو يتذكر السالفه ..معقول فهم غلط ! بس متأكد من اللهفه بصوتها لما تكلمه ...ما يبغى يكون سبب بقطع رزقها لكن ما يبغى تتمادى ويصير شيء ما يحمد عقباه ! وقف بغضب بعد ما اصطدمت الكره برأسه ...وبصوت مرعب بالنسبه لوسيم : تعاااال هنا! وسيم نشفت عروقه وهو يشوف غضب فياض اول مره يشوف كذا .... التصق بالجازي ! فياض وعيونه يطلع منها الشرار: تعال الجازي رفعت حاجب باستغراب من غضبه: وش فيك عصبت الولد مب قصده فياض بحده : لا تتدخلين الجازي انقهرت من رده: والله ! هذا ولدي مثل ما هو ولدك قاطعها وهو يسحب وسيم بقوة ...وصراخ وسيم عم المكان : ماما ماما قاطعه صوت ابو فياض الغاضب وهو ينزل : فياض اترك الولد فياض ناظر ابوه والغضب باين بملامحه ! استغل وسيم الفرصه وبسرعه توجه لجده يحتمي فيه ! ابو فياض بغضب : وصلت للضرب ! فوق معاملتكم الزفت لهذا الطفل ..فوق هذا وصلت فيك تضربه وباتهام للجازي : اكيد انت السبب ! متى تتركين الولد بحاله انا متاكد رح تصيبه حاله نفسيه من تعاملك ! اقولك لا تتدخلين بحفيدي وانا مسؤول عن تصرفاته ! الجازي ناظرته بقهر منه : انت كل شيء تحطه براسي فياض بحده : الجازي ردت بغضب منه: يلا تكلم قول إلي تبغاه اليوم يوم الصراحه كل واحد يطلع إلي بقلبه ! فعلا المنحوس منحوس حتى لو علقوا على راسه فانوس ! تحركت تغادر مسكها فياض : الجازي ! حاولت تفلت يدها ودموعها تنزل : اتركني ! ابو فياض تعداها وجلس وهو ممسك بيد وسيم : اجلسي يا ام وسيم !، لا تزعلين مني ترى والله اني اغليك ...بس ما اطيق تعاملك مع هالولد خاصه ! ترى يرتفع ضغطي وانا اشوف هالطفل ينظلم معكم ! وسيم مستانس وهو بحمايه جده : جدي ما ابغى اعيش عندهم لانهم يضربوني ! ابو فياض يمسح على راسه: والله قلبي حاس انهم يعاملونك زفت بغيابي ! وش هالذنب إلي اقترفه هالطفل حتى انك تبغى تضربه ! فياض ناظر وسيم بفجعه وبعدها ناظر الجازي: عجبك ولدك يا بكايه! الجازي وهي تمسح دموعها : انا ما لي دخل بأحد فياض قرصها بكتفها بخفه : خفي علينا يا مسكينه! وناظر ابوه : كم مره قلت له يا وسيم لا تلعب بالكرة هنا لكن ما يسمع الكلام الحين ما شفت الكره الا بنص راسي! ابو فياض باستصغار لغلط وسيم: وش فيها ! اكيد يلعب مب قصده ! وش هالاجرام فيك تضرب ولدك لهذا السبب التافه ! فياض ناظر ابوه بقهر : يرحم ايام زمان العقال يعلم على جسدنا قاطعه ابو فياض بلامبالاه: لانك تستاهل وتحتاج احد يقومك اما هذا الولد الضعيف المسكين وسيم وهو يتمسكن بزياده : ماما كلما تشوف بابا تقول وسيم عمل كذا ويقول كذا لازم نضربه حتى يصير بني ادم ... وبنبره حزينه متقنة: ليه انا حيوان يا جدي حتى يقولون عني كذا ! ابو فياض ناظرهم وهو يهز رأسه : وانا اقول امك راس البلاء تزعلون مني ! الجازي رغم ضيقها الا انها ضحكت بصوت مرتفع ! فياض يسحب يدها : اعتبرنا متنازلين لك بوسيم امشي يا جازي وانت يبه اشبع بوسيم اشوف كم دقيقه تقدر تتحمله ! ** ** ** ** تتسوق وهي مبسوطه على الانجاز إلي حققته بفتره قصيره ...ما توقعت الدروس الخصوصية رح تجلب لها هالفلوس ! نزلت على مستوى قدر إلي تتكلم بهدوء وهي تؤشر على احدى الألعاب ! تقدمت من الدميه وهي تمسكها بيدها رفعت حاجب وناظرت مروان : اه قلبي لا يتحمل شوف سعرها ! مروان يناظر اللعبه بملل : لا تقولين انك رح تشتريها رفعت حاجب وباصرار : ما رح اخلي شيء بنفسها وخلي المحترم يدفع ! مروان ناظر ساعته : قال لي على الساعه 7 رح يكون متواجد ويعطينا الفلوس والحين الساعه 8 قاطعته بقهر: اكيد متعمد حتى نتأخر ! بس حنا ما عندنا شيء خلينا نتجول ! ولما نقبض الفلوس نرجع نشتري اللعبه ! مروان ناظرها بضيق : رجاء لا تحطين هالعدسات احس الكل يطالعنا ! وقفت جنبه وهي تمسك يد قدر : وش يضمن لي ما يطلع بوجهي قاطعها : غطي عيونك وما رح يشوفونك ! تقدمت كم خطوة : ما اعرف اشوف كذا ! وبعدين انا ما احط العدسات حتى استعرض بس تخفي حتى احفظ نفسي ! مروان سكت لانه لو يجلس الف سنه يقنع فيها ما رح تسمع كلامه ..ورح تعمل إلي هي مقتنعه فيه بس ! يحس بضيق لما يشوف نظرات الشباب عليها ونغزاتهم ...هنا لاحظ اذا البنت عملت كذا مباشره يفسرون الوضع انها بنت مب مضبوطه ويتكلمون عليها ....وبمحاوله اخيره تكلم-: اعملي إلي تبغينه بس يا ليت هالكحلة ما تحطينها خلاص عدسات بدون كحل ! هزت راسها : ان شاء الله وبدات تتجول والحزن خيم عليها لو يطلع بيدها ما لبست هالعدسات لكن خوفها من التجربة الماضيه يحملها تعمل كذا ! نفسهاتعيش حياه طبيعيه بدون خوف او قلق ! من لما تزوجت نايف انقلبت حياتها للأسوأ ! يا حلو ايام زمان ما في خوف ولا قلق :! اكبر همومهم يجمعون فلووووس ! تنهدت بحنين للماضي ...تتمنى اهلها عايشين وترمي اعبائها عليهم ! متاكده حياتها رح تكون أجمل بوجودهم ! ناظرت مروان وقلبها يعتصر عليه ...تحسه للحين يحمل معاناة اليتم! ما يفرح دوم تحس الحزن بوجهه ! يحس بالنقص لفقدان الام والاب ! نظرته للعالم اسوداديه! ما عنده مصطلح تفاؤل ! بعكسها بالرغم من ظروفها الصعبه الا انها دوم تنظر من منظور ايجابي ! بلعت غصتها وهي تردد ايجابي ايجابي!!! مروان بهدوء مسك يد قدر إلي تبغى مثلجات : انتظري هنا لا تبعدين اشتري لها انا قبالك اي احد يقترب منك اعطيه صفارة الانذار إلي بحلقك ! ابتسمت رونق بألم : ان شاء الله ! وقفت تناظرهم وبدات عيونها تلمع بالدموع وهي تناظر قدر طفله صغيره ما تعرف مصطلح الاب ! ابوها ما يسأل عنها ! وكأنها يتيمه ! ما تبغى البنت تعيش معاناة اليتم كل الاطفال يقولون يبه الا هي ...احساس صعب جدا ! زفرت بضيق لما رن الجوال....ما تبغى ترد عليه ..ناظرت بعيونها تبحث عن مروان حتى يلتقي فيه ...ذيك المره مروان قابله ! رجع يتصل مره ثانيه ..ردت قبل ما يهرب ويتحجج : الو ! رد بدون نفس : وين مروان ؟!، ردت بهدوء؛ الحين ييجي قاطعها بضجر : انتم وينكم ! ناظرت حولها ووصفت له المكان بالضبط ! ومسكت جوالها تتصل بمروان حتى يقابله ما له نفس تشوفه ! ** ** ** كان جالس مع عيال عمه بالكافي .... ومبتسم انه جعلها تنتظر خاصه وهو يشوف جهازه ينور باسمها ! زياد رفع حاجب وهو يناظر نايف يناظر جواله الصامت وكلما اضاء باتصال يبتسم ! نفسيا مب متقبل ولد عمه هذا مع انه معرفته فيه صار له فترة بسيطه ...لو كان موجود ما سمح له يتزوج اخته ! يحسه مب مضبوط ما يدري كيف راكان اعطاه سعاد ! ليث باندماج : تخيل ويسحب بريك بكل قوته والسياره ما عادت تستجيب راكان : تدري هذا الشيء صار مع زميل لي بالجامعه نفس الشيء بس ذاك المشكله انه كان بطريق وادي وما قدر يتحكم بالسياره وبالوادي وقع الله المستعان ليث : لا حول ولا قوة الا بالله نايف بمقاطعه : عن اذنكم عندي مشوار دقيقتين وراجع ! ليث رفع حاجب : وين ؟! نايف بهدوء: مواعد واحد من الشباب ابغاه بكلمتين ما رح اطول ! اخذ اغراضه وغادر ! زياد إلي حس انه نايف مواعد بنت وخاصه انه صمم يجلسون في هذا المول ! لازم يكشفه وان طلع صحيح والله ما يطلع من يده سالم اكره ما عليه هذه الحركات ...ما يسمح له يخون اخته ! لحظات واستأذن : انا رايح لدورة المياة ! وبسرعه توجه خلف نايف بدون ما يحس فيه ! ** *** ** **. رونق تكلم مروان : تعال الحين ييجي ...خلاص بعدين نشتري ....تعال قبل ما يوصل ترى ما اطيق اشوف وجهه ...اففف وقتك يا مروان ...انتظرك ! قفلت الخط وعفست ملامحها وهي تشوفه يبحث عنهم ! اتصل وهو يناظر من حوله ... ما ردت عليه ! لعل وعسى يوصل مروان ! انقهرت منه وهي تشوفه يعود ادراجه وكأنه ما هو مصدق ما يلقاهم ويرجع....وبسرعه اتصلت عليه ...رد بنرفزه : انت وينك ؟! رفعت يدها بهدوء : انا خلفك مباشره! قفل الخط وتوجه لها ! وزياد يقترب منهم وهو متلثم ولابس النظرات الشمسيه ! رونق مباشره تكلمت: اعطيني الفلوس! نايف طلع الفلوس وكان مجهزهم ...مد الفلوس وسرعان ما رجع يده للخلف لما شاف عيونها : وين رونق ؟! حلوو هذه نصبه جديده ! تنهدت بطول بال ،: انا رونق ...وبعدين سالفه طويله لازم ننغث كل شهر اعمل حساب بالبنك لها وانتهينا !- طلع جواله واتصل على رقمها : ضروري الاحتياط ناظرت جوالها وهو يرن باسمه ! زفرت بضيق وهي تهمس: لا حول ولا قوة الا بالله! تكلم وهو يقفل الخط: هو صحيح نفس صوتك بس لا تواخذيني اخبرك سوداء ايام الزواج والحين العيون الخضراء الا اذا كنت تدورين عريس جديد رفعت حقيبتها حتى تضربه سرعان ما ثبت الحقيبه وبابتسامه مستفزة : تجاوزنا هذه الحركه هات غيرها ! مسكت أعصابها بقوة ونطقت بهدوء: اعطيني الفلوس مد لها الفلوس وكأنها متسوله سحبت الفلوس بقوة وبنبره حاده: انا ما اشحد منك هذه الفلوس غصب عنك تدفعها !- ولا تقعد تتمنن علينا ! فار الدم بعروقه من طريقتها معه وكأنه حشرة : ترى لفت وجهها وابتعدت عنه وما كلفت نفسها تسمع له لانه بنظرها انسان سخيف تافه الفلوس رفعته لفوق والا هو مستواه تحت الارض! ضرب الارض بقوة وهو يتوعد : والله لتندمين ! توجه حتى يرجع لعيال عمه ...لكن سرعان ما تفاجئ بالشخص إلي وقف بوجهه بغضب : وقسم بالله لو يثبت لي انك تلعب بذيلك ما يفكك مني احد ! مين هذه إلي واقف معها ! نايف للحين مولع من رونق دفعه عنه وبنبره غاضبه : ما لك دخل تفهم ! ناظره زياد بعد ما تجاوزه وهو يفكر وش العلاقة بين هذه الطالبة وبين نايف ! وش كان اسمها ! نسي اسمها يميزها بلون العيون !، متاكد انها نفسها ... بس وش بينها وبين نايف ! مصيره يعرف ...ترك المكان متوجه خلف نايف! عند رونق وقفت عند مروان بضيق من نايف ...مروان اعطى قدر البوظة واعطى علبه لرونق !، اخذتها لعلها تطفي النار إلي بقلبها ! مروان باستغراب: اخذت الفلوس من نايف !، هزت راسها بدون اي كلمه ! مروان حس خاطرها مكدر : تبغين تشترين اللعبه لقدر! هزت راسها : ايه ! مروان بملل : احس رأسي صدع وانا واقف ابغى اجلس وارتاح !- رونق باقتراح : وش رايك تجلس بالكافي وانا الحقك ما رح أتأخر قاطعها بتردد :اخاف ردت باقناع:لا تخاف صدقني ما احد رح يقرب مني تقدمها : نروح مع بعض ونروح مع بعض ! هزت راسها بالموافقة وتوجهت تشتري اللعبه ! ** ** ** نايف ملتزم الصمت من لما رجع ....وزياد يناظره بتقييم ! راكان بضحكه وهو مندمج مع ليث ...قطع ضحكته وهو يشوف نايف يناظر لجهةمعينه بدون اي كلمه ! حرك نظره تلقائيا ورفع حاجب وهو يشوف بنت لابسه نقاب بعيون ملونه والكحله ملفته للنظر ! زياد عقد حواجبه وهو يشوف طالبته نفسها ..حول نظره لنايف إلي عيونه ما رمشت مركز عليها ! راكان بنهر لنايف :-اكلت البنت بعيونك ! ليث انتبه على البنت إلي ماسكه يدها : قدر! مب هذه ابنتك ؟! نايف وهو عافس ملامحه : بشحمها ولحمها ! راكان عقد حواجبه باستغراب وهو يناظرها لما جلست على احدى الطاولات بمرافقة شاب : هذه رونق؟! زياد تنرفز منهم : وانت بعد ! راكان باستغراب : علامهامتغيره كذا ...كان لبسها اكثر حشمه سبحان المغير الأحوال ! ليث نزل نظره وهو يحس نبضات قلبه تدق بسرعه وكأنه سهم اخترق قلبه ! زياد وكأنه بدأ يفهم :-هذه طليقته؟! راكان للحين مستغرب ومتضايق من تغير مظهرها : ايه طليقته ! وناظر نايف بانتقاد : قوم خذ ابنتك واجلس معها قاطعه نايف بضجر : فكني يا رجال ! مب ناقصني بزران ! زياد يناظر جهة رونق منشغله بالصغيره .بعدها مسكت علبة البوظه بدات تأكل من تحت النقاب وهي تناظر الي معها ومنشغله معه بالكلام ! مب قادر يصدق انها هذه هي طليقة نايف ! سبحان الله حال الدنيا ! بالطرف الآخر مندمجه مع مروان إلي يتكلم عن احد الأساتذة بالمدرسة ...ما انتبهت على وجود نايف وراكان وزياد بالمكان! فجأة وقف نايف بملامح ما تبشر بخير ..... زياد يناظر جهة رونق منشغله بالصغيره .بعدها مسكت علبة البوظه بدات تأكل من تحت النقاب وهي تناظر الي معها ومنشغله معه بالكلام ! مب قادر يصدق انها هذه هي طليقة نايف ! سبحان الله حال الدنيا ! بالطرف الآخر مندمجه مع مروان إلي يتكلم عن احد الأساتذة بالمدرسة ...ما انتبهت على وجود نايف وراكان وزياد بالمكان! فجأة وقف نايف بملامح ما تبشر بخير .....راكان رفع حاجب باستغراب : وش فيك ! نايف مقهور من رونق جالسه ومبسوط و هو مرارته فاقعه منها ومن اسلوبها الخايس معه كأنه حشره ..هذه اخرتها هالبزر تعمل فيه كذا ...رح يداويها ويخليها تندم يصير خير ...وبنبره جافه تكلم :-تذكرت عندي شغله ضروريه اخذ اغراضه وغادر ! زياد مط شفته بسخريه: انا ما ادري وين كان عقلك لما زوجته سعاد ! ليث بدفاع : صدقني انه حبوب ومسكين بس مشكلته فاهم الدنيا بالمقلوب ! والا واحد برأسه عقل يتزوج بنت ما وفت 14 سنة ! بالله متخيل بزر ومعها بزر ! زياد مط شفته بسخرية : عاد تدري انها بالجامعه وتدرس عنا بالكلية ! راكان متفاجئ :-غريب ما قلت لي ! زياد هز كتوفه بلامبالاه:، الحين عرفت انها طليقة نايف ! ليث باهتمام : كيف اخلاقها بالجامعة ؟! زياد مط شفته : شايفني حارس عليها راكان : مب كذا يعني لما تشوفها كيف تصرفاتها هز راسه بمصداقية : ما شفت عليها تصرفات مب مضبوطه باستثناء مظهرها الخارجي لكن الشلة إلي تمشي معهم سمعتهم بالحضيض وخاصه اسمها وعد استغفر الله طبعا دوم طليقة نايف معها ! راكان بجديه : لما اشتغلت عندنا بالشركه كانت قمة بالأدب والأخلاق ..ليه ما تنصحها ! زياد عفس ملامحه: هذا الناقص ! يااخي كل واحد عقله برأسه يعرف خلاصه!، تبغى تقنعني انها ما تعرف عن شلتها الفاسده راكان ابتسم : ما توقعتها دافوره وطب كمان ! زياد بصراحه : ذكيه بشكل كبير بالدراسه احيانا افكر اقول لها تطلع تشرح للطالبات واجلس انا ، متقنه للإنجليزي بشكل ملاحظ ! انا بصراحه الحين استغربت لما عرفت انها طليقة نايف و انها عايشه بقريه !- راكان عفس ملامحه بضيق : صحيح ما كان يعجبني لسانها الطويل لكنها تكسر الخاطر ...شوفها بعدها صغيره ويكون عندها طفلة قريب تدخل الروضه ليث بهدوء : لا تخاف تراها قويه وتعرف تأخذ حقها •• *• ** •• جالسه بالقاعه تكتب خلف الدكتور باهتمام وتركيز ...رفعت راسها لما نطق اسمها .....ناظرته اول مره تلتقي عيونها بعيونه بهذا الشكل ...حست بشيء اخترق قلبها وقلبها يدق طبول وخاصه وهي تشوف ابتسامته : احسنت التقرير إلي قدمتيه كان ممتاز ! حست وجهها صار طماطم وكل الطالبات التفت عليها....تلعثمت ما عرفت ترد ! تابع زياد كلامه : كمان فاطمه كان تقريرك ممتاز بس فيه بعض ملاحظات وكذلك امنه نفس الشيء ! اغلب التقارير اما مسروقه من النت يعني النقش والبعض ما له دخل التقرير بالموضوع ! والبعض ما كلف نفسه يقدم التقرير صح يا وعد ! وعد انحرجت من كلامه وبتبرير: عندي ظرف قاطعها بلامبالاه : عموما كل شيء بحسابه ! رجع يكمل شرح و رونق انقلب حالها ....ما تدري وش اصابها ليه قلبها يدق بقوة كذا! هل هو من مديح الدكتور والا من نظرته وابتسامته ! لما شافته بالقسم ما صار لها شيء ! ليه الحين انقلب حالها ! عمرها ما انتبهت لذي الاشياء اخذت نفس تهدي حالها ورجعت تتابع مع الدكتور وهي تحاول بأقصى جهدها تركز بالماده ! **** *** ** ** بالبريك وعد مفوله من العصبيه وهي تقلد زياد: صح يا وعد ! يا اختي وش دخله بام امي ما ابغى أقدم تقرير زفت ! «كل شيء بحسابه» كاني مهتم للعلامه عنده! وانت اصابك خرس وهو يمدح تقريرك هذا وهو يمدح تقريرك كيف لو يمدحك انت ! رونق بهدوء : انت من كل عقلك داخله طب ! وعد بابتسامة وهي ترد على احدى مكالمتها!، مطت رونق شفتها من حال وعد مجنونه ! كان صوت الجوال مرتفع وصوت الطرف الآخر يوصلها وهو يتغزل بوعد ! غمضت عيونها بانقراف من حال البنات ...ليه يرخصون نفسهم كذا! فتحت عيونها وهي تسمعه يقول :-انا مقابلك مباشرة ! ناظرت رونق وهو يناظرهم ويرفع يده ويلوح بيده ! وقفت حتى تمشي ...مسكتها وعد : اجلسي دقيقيتين واقفل ! بعد وقت قصير قفلت الخط و هي تبتسم ! رونق بانتقاد ز: لمتى وانت مسترخصه نفسك كذا ! وعد بلامبالاه: تسليه لا تخافين حريصه على نفسي وبنفس الوقت مب معقده مثلك ...يعني انالو كنت مثلك منفصله كان عملت إلي ابغى وما احد عارف قاطعتها رونق وهي عافسه ملامحها بانقراف: صدقيني ربنا يجملنا بثوب الستر ...لا تتباهين بمعصيتك ربنا يسترك وانت تجاهرين فيها ! انا اعتبرك صديقة لي وابغى مصلحتك ...ربنا كرمنا ورفع قدرنا بالزواج إلي يبغاك يطرق بابك وإلي يبغى يتسلى اغلقي الشباك بوجهه وقولي انا ارفع من كذا! كلنا بنغلط وما احدمنزه عن الغلط لكن لا تكونيين مجاهره بمعصيتك بغض النظر عن الذنب ورددي دائما يا رب اسدل علي ثوب سترك ! وعد زفرت بضيق : تدرين احيانا افكر انوي اترك هالامور ولكن ما اقدر اضعف من اول اتصال ! ما اقدر اتغير رونق هزت راسها : صادقه ما تقدرين تتغيرين لانك ما تبغين التغيير ! وعد تغير الموضوع : وش رايك بعد الدوام نطلع للسوق رونق برفض : انت وحده فاضيه ما عندك شيء انا ما عندي وقت احك راسي ! وعد باستغراب : ليه ما تحطين كحله كانت عليك حلوة ! رونق وهي تتصفح الكتاب : كذا احسن !، ** ** ** مريم تنظف بالصالة وعقلها بالعريس ..التفتت على الجازي إلي تكلمها : اليوم خالتي ام راكان جايه هنا تبغى تجلس معك ! مريم انصبغ وجهها باللون الاحمر : والله استحي الجازي بتشجيع : ليه تستحين؟ هذا متى ما جاء يشوفك راكان وش رح تعملين ! مريم بانحراج : والله افكر اكنسل الموضوع من الاحراج الجازي ضحكت بخفه : يا حليلك يا مريم و بتردد نطقت الجازي: مب لازم تخبرين امك وتستشيرها ؟! مريم تركت إلي بيدها وجلست وهي تتكلم بهدوء: امي ما تحب اهل بابا فأكيد رح ترفض راكان قاطعتها الجازي: على الأقل خبريها إنك انخطبت مريم بمقاطعها : ما ابغى ازعل بابا لانه ما يبغى هذا الشيء وانا مب مستعده اخسر بابا علشانها ! هي عايشه حياتها ومبسوطة وما كلفت طول هالمدة إلي غبتها عنها تسأل عني ! حتى بيت جدي وليد ما يسألون عني و جدتي حنين تزور جدتي ام ناصر ولا مره طلبت تشوفني او تسلم علي ! كل هذا يدل انهم ما يبغوني ! امي لو تبغاني كان سالت عني لو مجرد اتصال ! ما انكر اني انبسطت بزياراتي لها بالماضي ...لكن الحين لما افكر بالماضي اقول لنفسي ليه كنت اراكض خلفها واحاول بكل طريقة حتى ازورها لكن بالمقابل ما شفت منها اي مبادرة ! والا الحب والحزن مجرد شعارات نرفعها حتى نقول للناس والله انا حزينة لفراق ابنتي ! حزينه طيب وش قدمتي وحاولتي ! ولا شيء الا انها تزوجت وعاشت حياة جديده تاركه خلفها الماضي ! جازي رفعت حاجب وهي تعرفه مدى تاثير جواد على مريم بطريقه غير طبيعيه : طبعا هذا كله كلام جواد !- مريم هزت راسها: كلامه منطقي ! احيانا افكر لو بابا ما تزوج على ماما واختي التوأم للحين عايشه ممكن تكون حياتنا سعيده ومستقره مثل ما هي حياتنا الحين مستقره ! لو ما طلق بابا ماما وعايشه معنا انتي وهي مع بعض رح تشكلون ثنائي جميل ! وين المشكله يكون عند بابا زوجتين عايشات مع بعض ! هو بابا ليه طلق ماما بس عشان سالفه الخطف ؟! الجازي حزنت عليها مهما عاملتها بلطف الا تحن لامها ...مريم مسكينه اي شخص يغيرها بكم كلمه ويقنعها او نقول انها مسالمه لغايه انها توهم الشخص انها مقتنعه بكلامه وبداخلها ابدا ما هي مقتنعه مثل ما تشوفها الحين ...تتكلم بكلام ابوها وانها مقتنعه لكن نبرتها وعيونها تقول عكس كذا ! ردت الجازي بعد ما كررت عليها مريم السؤال : امك ما كان في وفاق بينها وبين جواد واهله ! مشاكل ما تخلص ! جاءت سالفه الخطف القشه إلي قسمت ظهر البعير ! كل شيء نصيب بذي الدنيا ..امك نصيبها تتزوج رجال ثاني وتعيش حياة افضل ! صدقيني انت المفروض تفرحي لامك انها تعيش حياه سعيده مع زوجها ...هذه امك ولازم تتمنين لها الخير اكتفت مريم بالسكوت وما علقت بحرف واحد ! ** • ** •• ** اضطرت توقف لما وقف قدامها مباشره: بس دقيقة ابغى اقولك ! رفعت حاجب بغيض : ابعد عن طريقي احسن لك ! بسرعه تكلم لما همت بالانصراف : صورك عندي! مطت شفتهابسخريه : صدق انقعهم واشرب مويتهم ! تكلم وهو يؤشر على صورتها بالجوال : رح اعمل لها فوتوشوب بصور تنزل الراس وارسلها لاهلك وانشرهم وشوفي عاد سمعتك بعائلتك وبالقسم هنا ! انحنت برجاء امامه بتمثيل وكأنه حقيقه: ارجووووك لا وبحركة متقنه خطفت من يده الجوال وبأقوى ما عندها ضربت الجوال بالارض ...ما اكتفت تقدمت من الجوال وبرجلها تدعس حتى اصبح شظايا ! وبكل قوتها بالحقيبة ضربته على راسه : انشر الصور الحين يا حقير ! مب انا من البنات إلي تهددهم روح للحثالة اشكالك ...لا تخليني احطك برأسي واخليك تندم على اليوم إلي عرفتني فيه! تفلت عليه وتوجهت راجعه لوعد مكان ما تركتها متأكده ما احد اخذ لها صورة غيرها ! تقدمت بهدوء وهي تسمعها تتكلم بالجوال بغنج ..خطفت منها الجوال وخلال لحظات كان نفس الشيء فتات على الارض ! وعد باستنكار: يا زفته ليه كذا ! رونق بنبره قويه وهي تدعس على الجوال : علشان ترسلين صورتي للكلب رعد ! وعد بانكار ؛ والله ما ارسلت له ...انت تشكين فيني ...انا صديقتك ...ما توقعتك كذا ! ليه ما فتشتي الجوال قبل ما تكسرينه حتى تشوفين انك ظلمتيني ! رونق بطبعها ما تثق بأحد وما تؤمن اصلا بالصداقه : احذري من غضبي ترى بداخلي بركان يحرق الاخضر واليابس وما يهمني احد ! الزمي حدودك افضل لك ! تركتها وهي تبكي وتحلف ايمان مب هي إلي عملت كذا ! تابعت طريقها راجعه للبيت وبداخلها نار متأكده هذه الصورة كانت بالمصلى ما تكشف الا بالمصلى ! يا الله لذي الدرجه وصلت ! مب فارقه معها الصورة لانها اصلا مب ملتزمه بالنقاب بالقرية لكن هنا ملتزمه فيه ! لكن السالفة فيها خيانه ....اذا هذا اوله ينعاف اخره.. ركبت بالباص وهي تفكر وش يبغى منها هالرعد يلاحقها ؟! وش تعمل حتى الناس تتركها بحالها ... غمضت عيونها وهي تردد بداخلها« كل شيء تحت السيطره .....مطبات رح تتجاوزها وتصبح ذكرى ....بس تحتاج تتحلى ببعض الصبر » ! *• *• •* •* رعد يمشي مع اصحابه ويضحك : ما توقعتها قويه كذا ! زميله 1_ بغيت اموت من الضحك وانا اشوفك تنضرب منها !،. رعد بثقه : هذه الاشكال اعرفها اصبروا علي وانا اعرف كيف اسحبها ! وان عصيت علينا الحبوب تخليها تبوس رجلي بس انتظر اطبخ الطبخه على نار هاديه! رح ييجي اليوم إلي اقولكم فيه : تخيلوا البارحه اتصلت فيني رونق ام عيون ذباحة تترجاني حتى اطلع معها هههههههه ورفضت لاني مليت منها زميل 2_ دخيلوا معذب العذارى هههههه زميل 1_ بيطلعوا رعد ههههه عقد حواجبه لما مر مجموعه من الشباب من امام مكتبه وصوتهم مرتفع بالرغم انه الباب مقفل والكلام ينعاد بإذنه « تخيلوا البارحه اتصلت فيني رونق ام عيون ذباحه تترجاني حتى اطلع معها هههههههه ورفضت لأني مليت منها » تناظر نفسها بالمرايه بتأمل ...ما توقعت هالعدسات تجمع لها المشاكل ! خلاص ما رح تغير شيء بنفسها وما هي خايفه من احد و يا ويله إلي يقرب منها ! اصلا اكيد بعد هالمده الطويله لقوا المجانين ابنتهم الهاربه ! مطت شفتها بسخريه من هالعائله المجنونه ما هم حافظين شكل ابنتهم ! نزلت نظرها لقدر واقفه جنبها وتناظرها بتأمل ! ابتسمت رونق ونزلت لمستواها : ادري اني حلوة ! قدر بابتسامه طفوليه : وانا قرصت خدودها رونق : انت احلى بنت بالعالم كله ! مروان قاطعها بملل : لؤي برا وقفت بسرعه رونق تلبس : دقيقه نسيته ! مروان قبل ما تطلع باستغراب: غريبه ما لبست العدسات رونق بهدوء: ما لهم داعي من يوم وطالع وان لبستهم رح البسهم كذا مزاج تغيير مروان رفع نظره لفوق : الحمد لله والشكر كل ساعه بعقل ! دفته رونق عن طريقها بضحكه : اقول ابعد عن طريقي يا العاقل ! بعد وقت جلس لؤي وبداخله ضجر من الدراسه لكن بنفس الوقت يتسلى بالجلسه مع مروان !، كانت تشرح ومنفعله وهي تحاول تبسط القاعده له ...رفعت نظرها لما شافته ساكت وكأنه يفكر بشيء : في شيء ؟! عندك سؤال ؟ او شيء مب فاهمه؟! لؤي بتردد وهو يناظر مروان عند باب المطبخ : عندي سؤال عادي اسأل ! رونق ناظرته بجديه: ايه اي شيء ما تفهمه اسأل عنه لؤي بتردد : انا مب فاهم الحين لون عيونك أخضر والا سكت لما حس بالكتاب برأسه يضرب بقوة : انا اشرح وانت قاطعها بتبرير :مب قصدي يعني فكرت انك مب نفسك الي تدرسيني يعني بدلوك ! لانت ملامحها وبحده ردت : انا نفسها !، وعقاب على لقافتك انتهت الحصة واعتبر باقي الدرس مشروح ومع السلامه ! قاطعها : لحظه بس ا ردت بحزم وهي توقف : انتهينا !، مروان باستغراب تقدم منهم : وش صاير ! رونق بلامبالاه: انا اشرح وحضرته بعالم اخر ! تركتهم وتوجهت للغرفه مباشره للمرايه تناظر نفسها ..يعني ما عرفها لذي الدرجه في فرق بين العدسات أو بدونها ! تنهدت بضيق تفكر تترك هالمكان وتنتقل لمحافظه اخرى افضل لها وتبعد عن هذا المكان ! بس المشكلة دراستها ! تلغي هذا الفصل وتقدم على بدايه الفصل الجديد بجامعه اخرى افضل لها ! زفرت بضيق بس عمها يمكن يعترض ! محتاره وش تعمل ؟! مب مرتاحه بالحياة هنا ابدا ! بدأ كره هالمدينة يكبر يوم بعد يوم بداخلها ! سبحان الله وهي صغيره كانت متشوقه للعيش بهذه المدينه !، لكن حاليا مالها نفس تبقى دقيقة وحده فيها! رح تدرس الموضوع وتفكر بعمق لعل وعسى توصل لحل ترتاح فيه ! ناظرت رونق ابنتها نايمه بدون غطاء ...تقدمت منها غطتها وقبلتها برقة ! * ** •* ** ناظرته الجازي بضيق تحاول تخفيه: حريم جايه تزور عمتي انا وش دخلني ! قفل الجوال ووضعه جنبه وهو معقد حواجبه : طول عمرها الحريم تزرو امي وتنزلي ليه الحين لا ! ترى ام راكان لها معزة عند اهلي وابوي خاصه ولا تنسين ام صديقي وحماة ابنتك! ناظرته بعيون لامعه وبداخلها حزن من تصرف مريم : انا ما عندي بنات ! هذه السالفة انتهينا منها ! فياض بطول بال : اوكي ما عندك بنات وام راكان ضيفه عندنا ومن واجبك تستقبليها ! انسي انها زوجة خالك ! مطت شفتها وما ردت هز راسه باسف : ترى مشكلتك مع بيت خالك ابو جواد ....اكسبي الحرمه هذه نقطه لك متى ما تزوجت مريم ما رح يمنعوها من زيارتك مثل ما يعمل جواد ! الجازي مطت شفتها بالم وحسره : ما عادت تفرق خلاااص انتهينا وعسى ربي يعوضني خير ! فياض بنبره هاديه تريح القلب : ربك كريم ربك كريم ** *••• * * بدات المحاضرة وكالعادة رونق مندمجة بالمحاضره وتكتب كل شيء يقوله الدكتور ! عقدت حواجبها وهي تناظر اخر شيء شرحه .. رفعت يدها بأدب : دكتور اذا سمحت ! عقد حواجبه وهو يشوف العيون السوداء كل فكره انها غايبه ما عرفها بدون عدسات ....يحس بالانقراف منها من الكلام إلي سمعه عنها وبنبره هاديه خاليه من اي تعابير نطق : اي استفسار بأخر المحاضره او للمحاضره القادمه ! هزت راسها بهدوء ورجعت تتابع معه بالشرح .....تكلم بهدوء : الى هنا يكفي اليوم ! ناظر جهة رونق مهما كان سلوكها ما يهمه إلي يهمه انها طالبه هنا ومن حقها تسأل ومن واجبه يجاوب على الاستفسارات .وبنبره هاديه نطق : رونق وش كان سؤالك ! رونق كانت تجمع اغراضها ارتبكت ما كانت متوقعه وبارتباك : لحظه دكتور ! اخذت نفس وفتحت الصفحه بسرعه وبدات تناقش الدكتور بالفكرة إلي عرضها والمثال إلي استخدمه! سكت للحظات زياد و بعدها تكلم :ملحوظه جيده وبعدها بدأ يوضح بشكل اوضح وختم كلامه : كذا توضح المثال عندك ! هزت راسها : نعم دكتور! تنهد وهو مستغرب من عبقريتها ما ساعدتها تترك طريق الغلط ! رجعت تجمع اغراضها وهي تسمع لوعد وهي تحلف ايمان انها مظلومه! رونق بضجر : خلاص انا إلي بعثت الصوره بس فكيني من النق فوق رأسي ! وعد بابتسامة : انتي صديقتي ما ادري كيف ظنيتي فيني السوء ...انا إلي لازم ازعل ! رونق حملت اغراضها بضجر :خلاص صدقتك ! وعد وهي تمشي معها : وين العدسات تدري بالبدايه ما عرفتك بس ميزتك من صوتك ! بس تدرين عيونك ما شاء الله بدون عدسات يجننوا ! معي كحل تأخذين تحطين وقفت رونق بحده ناظرتها : وقسم بالله اذا ما انكتمت إلا وعد حاست بوزها وسكتت وهي ترافقها بصمت ! شعرت بانقراف وهي تشوف رعد واقف مع شلته الخايسه ولما مرت من جنبهم نطق بصوت يوصل لها : ارووووح وطي للعيون السوداء! تابعت خطواتها بثقه ولا كانه احد يتكلم عليها ! وعد بنصيحه : انا سمعت انه رعد يحبك وقفت رونق وبعيونها الحاده : عيدي هالكلام مره ثانيه وشوفي وش رح يصير ! ورجاء ابعدي عن طريقي افضل لك ! اعطتها نظره تحذير وتابعت خطواتها تبغى تروح للمكتبة افضل لها هذا المكان إلي مستحيل تزوره وعد ! ** ** ** ** ام فياض مبتسمه لاستقبال ضيوفها : والله نور البيت ! ام راكان بابتسامه : بوجودك منور ...كيفك وكيف الاهل عساكم بخير ! ام فياض هزت راسها برضا : الحمد لله اشرت على الجازي إلي دخلت مجبره: إلي ما يكون عنده مثل هذه هالقمر حياته جحيم ! هذه البلسم لحياتنا ! تعالي يا جازي سلمي على زوجة خالك ! رفعت حاجب باستغراب من حالة عمتها اكيد انها مسخنه ! سلمت ببرود وجلست جنب ام فياض بهدوء،! ام راكان تتأمل الجازي قصيره ونحيفه شعرها طويل ناعم بشرتها حنطيه مع المكياج الناعم إلي وضعته طالعه كيوت وصغيره ومب باين فيها العمر... سبحان الله كيف القلوب مب بيدنا ما دخلت قلب جواد بالرغم انها بعينها اجمل من الجازي ابنة سلفها لكن كل شيء نصيب بالدنيا...وبابتسامه تكلمت : كيفك يا ام وسيم ! الجازي بابتسامه ناعمه : الحمد لله بخير ام لؤي تناظرها بإعجاب : ماشاء الله عليك مب باين عليك انه عندك ابنة بسن زواج! تضايقت الجازي من هالكلام لانه يضربها بالصميم « ابنه» عن اي ابنه يتكلمون هي ام لها بالاسم فقط ...جرحتها مريم جرح ما رح تنساه لها طول حياتها ...الحين زوجة ابوها اولى منها ! كتمت جرحها وناظرت ام راكان إلي تتكلم : ما احس في بينكم شبه ! بس سبحان الله يقولون ابنة نايف نسخة عن الجازي بالشبه ! ام فياض عقدت حواجبها : إلي تزوجها من القرية والا حفيدتك ! ام راكان هزت راسها بالنفي : لا لا مب حفيدتي.... ابنته من القروية !، الجازي بهدوء وذكرى نايف يولد لها شعور الاستفراغ :يخلق من الشبه اربعين ! ام لؤي بتأكيد : صادقه ! ام فياض باهتمام : ومتى نويتم الخطوبة ! ام راكان بفرح : نهايه الاسبوع رح نعمل الفحص وبعدها نحدد وقت الملكة ! ام فياض :،يا جعله مبروك مقدما ويستاهل راكان كل خير ! •• ••• *• *• جالس في بيت جده ينتظر رجوع امه من الزيارة ..أخواته هربوا خفيه لبيت ابو جواد ! زفر بملل ..ناظره زياد وهو رافع حاجب : بدل ما تزفر قوم ادرس على دروسك ! رد بهدوء : ما معي كتب ارخى حاجب وباهتمام: كيف الأستاذ إلي سجلت عنده ؟! ارتبك بخوف من خاله : ءءء الحمد لله ! من اول السالفة وهو حاس هالبزر يخفي عنه شيء هالارتباك مب طبيعي : طلبت منك ذيك المره رقمه اعطيني اشوفه ! ابغى اسأل عن مستواك ! رد بارتباك واضح : لا الحين مب فاضي عنده طلاب قاطعه بصرخه ارعبته وخلته يفز على حيله : هات الجوال ! مد لخاله الجوال وجهه مخطوف زياد ناظره بحده: وش اسمه على الجوال ؟! لؤي بلع ريقه وبكذبه: ما له رقم عندي! عقد حواجبه بسخريه : والله ! دوبك تقول ما رح يرد عنده طلاب ! لؤي وقسم بالله اذا وقفت على حيلي ما يحصل لك خير ! لؤي بسرعه ألف الكذبه : انا كذبت عليكم وما ادرس عند احد لحظات كانت اذنه تحت قبضة يد زياد : ليه ! لؤي شوي ويبكي :حتى ارتاح من امي وما تقول روح للمدرس قاطعه : والوقت إلي تقضيه بحجة انك عند الاستاذ وين تكون ! لؤي يحس نفسه كلما يكذب كذبه تطلع له سالفه ثانية :ءء- ترك اذنه زياد وبدأ يتصفح الارقام على الجوال ...عقد حواجبه :مين هذا الرقم إلي متصل فيه وما هومسجل ؟! نشف الدم بعروقه وزياد يتابع كلامه : خلينا نتعرف عليه ! ضاعت الحروف من لسان لؤي غمض عيونه وهو يدعي ما ترد عليه ! وضع الصوت على الخارجي ...كل رنه يهبط قلبه للأرض ! انتعش وهو يسمع صوت مروان هو إلي رد : هلا لؤي ! اشر له زياد يرد .رد بتلعثم : هلا مروان مروان بهدوء: خذ كلم رونق تبغى تقولك عن نموذج الإختبار بلع ريقه لؤي ونشف الدم بعروقه وهو يسمع صوت رونق العملي : الو زم شفايفه زياد وهو يطالع لؤي ...بعدها تكلم بهدوء: معك خال لؤي ابغى اسال عن مستواه التعليمي ! عقدت حواجبها وهي تحس هالصوت مألوف لها : عفوا بس هذا الشيء يخص لؤي وامه وابوه فقط اعتذر منك... قفلت الخط و هو للحين تحت الصدمه رونق ما غيرها ! سرعان ما استقرت كفه على وجه لؤي وبغضب : حرمه ! انقطعت الرجال حتى تروح لبنت تدرسك ! وتروح لبيتها بعد ! اي تسيب وصلت فيه ! وخاش هالسالفه عنا ! وقسم بالله لو اسمع انك واصل باب بيتهم الا احش رجولك تفهم ! هز راسه بخوف وهو يبكي ! تابع كلامه : ومن يوم وطالع عندي تدرس ويا ويلك لو تلف بذيلك ! جلس زياد وهو يزفر بغضب من غباء لؤي كيف يدخل بيت البنت وهذه غير عن الكل لو طلع الكلام عنها صحيح ما يستبعد تلبس لؤي قضيه! صدق انها قليله أدب كيف تسمح لنفسها تدرس طالب ما في بينها وبينه كم سنه ! هذه اهلها وين تاركينها لا سائل ولا مسؤول ! *• **• *•• *•• مرت المحاضره الجو غير مريح للطالبات وخاصة بملامح الدكتور المتجهم ...يعصب على اتفه الامور ! انهى المحاضره وقبل الخروج تكلم : رونق راجعيني على مكتبي لوحدك ! عقدت حواجبها باستغراب وش يبغى منها ! وعد ملتصقة فيها : هذا الدبور وش يبغى منك ! رونق تجمع اغراضها وعقلها مشتت وش يبغى منها،! توجهت للمكتب بعد ما صرفت وعد ...اخذت نفس عميق ..طرقت الباب بهدوء ...دخلت بخطوات هاديه بعد ما اذن لها بالدخول وهي محتاره وش يبغى منها ! ترك القلم وطلع فلوس ومدهم لها ! عقدت حواجبها باستنكار لتصرفه وقبل ما تنطق حرف تكلم بنبره جافه : هذه اقساط لؤي ترى سحبناه من عندك ! غمضت عيونها للحظات وهي تربط الاحداث والصوت المألوف لها كان زياد ...فتحت عيونها وحست بغصه من اسلوبه وكأنها متسوله واقفه على بابهم ..اخذت نفس وتكلمت بهدوء : اتوقع ما لك علاقه بالموضوع وقسط الدراسه لؤي يدفعه بنفسه مب غيره ! قاطعها بحده : خذيه الحين افضل لك لانه لؤي ما رح يرجع لبيتك ويا ليت تبعدين عن طريق لؤي افضل لك ! هز وجهه وهو يفتح عيونه بتأكيد : فهمتي علي! استغرب لمعة بعيونها السوداء وكأنها حزن وخذلان ...متأكد حزنت لانه قطع باب رزقها: اسف لاني قطعت باب رزقك لكن الاصول كذا تقتضي ما عندنا البنات يدرسون عيال قريب من عمرهم وما عندنا طالب يروح لبيت الاستاذه والا كلامي غلط يا دكتورة رونق ! على كل حال هذا حقك خذي الفلوس ناظرته وهو يمد لها الفلوس...حست بقلبها شيء انكسر ...ليه الناس إلي تحترمهم وتحسهم غيرعن كل البشر يخذلونها بمواقف بلعت غصتها ...وقررت ما ترد افضل لها حتى ما تمسح الارض بدكتورها وهي بمبادئها تحترم مدرسينها ! استغرب لما تركته وطلعت بخطوات سريعه ! مط شفته بسخريه هذا الناقص يبتلش بانسانه طائشه ما عندها راعي يعلمها الصح من الغلط! غريبه ما تلبس عدسات ! رفع حاجب باستغراب وهو يحس جواد إلي يكلمه من طريقتها بالكلام ! رح يرجع ينبه على لؤي ويحذره يا ويله ان رجع لبيتها! * *** ** توجهت للمكتبة ...دخلت قاعة المطالعه ...سحبت كرسي وجلست ..فتحت كتابها ...وعقلها يراجع كلام زياد ! يبغى يوصل لها رساله انها ما تفهم بالاصول ! الحين لانها درست لؤي ما عادت تفهم بالاصول ...حسسها وكأنها من الشارع جايه ! مسحت دموعها والحزن متسلط فوقها ...وهي تتذكر كلام مروان «حنا ما لنا حظ بالدنيا» «ما احد يحبنا حتى جدتي مجبوره لاننا أحفادها طول الوقت تشتكي من مصروفها لنا » « لا تفرحي كثير ترى حدنا بالفرح ابتسامه غبيه بلهاء » « ما رح ييجي اليوم إلي يكون لنا قيمه هنا بالمدينه لاننا بنظرهم قرويين همجيين اغبياء» «ليتنا متنا مع اهلنا ولا عشنا حياة الفقر والقهر إلي نذوقها كل يوم » دفنت وجهها على الطاوله وهي تبكي ...طول عمرها راضيه بحياتها وبقسمتها وتقول الحمد لله! ما مدوا يدهم للناس ...تعبوا حتى يعيشوا بعزة نفس ...ليه المجتمع يعاملوهم وكانهم متسولين! كل يوم بعد يوم تكبر مشاعر الكره والحقد تجاه من حولها ....قررت ترجع للكليه ويا جبل ما يهزك ريح ! كيف هالدكتورات يدرسون شباب ولهن قيمه بالمجتمع والحين لما درست هالبزر ما عادت تفهم بالاصول ! صدق مجتمع متخلف ! غمضت عيونها للحظات حتى تحصل على بعض الراحه ~~ واقفه بالكليه والأفكار السوداء تتجمع بعقلها ...حقد اسود وكره للكليه وكل من فيها ! دموعها تنزل بقوة ما تدري وش السبب! كرهت الطب لاجلهم ! مدت يدها للحقيبه وهي تسمع صوته من خلفها : لا لا الحلو يبكي ما انتبهت على وجوده لما مرت ! ناظرت الممر خالي ما في الا هي وهو ! وهو المطلوب بالنسبة لها تاكدت من عدم وجود كاميرات بهذا الممر التفتت لجهته بحذر وهي تناظر السقف تتأكد ...وكأنه فهم نظراتها : هذا الممر ما في كاميرات تعالي نتكلم ما احد شايفنا ! هزت راسها واقتربت منه وقبل ما يتكلم كان المشرط بكتفه وبحده تكلمت : حاول تقرب من جهتي مره ثانيه وربي إلا يكون المشرط بوسط قلبك تفهم ! يسمع تهديداتها وهو يتألم ! سحبت المشرط وبسرعه غادرت بدون ما تلتفت خلفها ! ما رح ترحم احد يقترب من جهتها بعد اليوم ابدا ! ما رح ترحم احد ..تكرهم كلهم....تحس احد خلفها يركض ...رح يمسكها باي لحظه ..فجاه تحول كل من تعرفهم بالكلية لاشكال مرعبه اشباح ...يبغون يقتلونها ...لحظه قدر ما رجعتها من الحضانه! اصوات من حولها يرددون كلمة جريمه جريمه جريمه جريمه تردد صداها على مسامعها ما تدري هي وين ؟؟ فتحت عيونها ما تشوف امامها الا اللون الابيض.....رفعت راسها عقدت حواجبهاوهي تشوف اللون الابيض كان الطاوله وهي للحين بالمكتبة ! فزت على حيلها تناظر مثل المجنونة ناظرت ساعتها وكانت الصدمه فاتتها محاضرتين وهي نايمه هنا ! وفوق هذا متأخره على قدر ..اتصلت بمروان حتى يرجع قدر قفلت الخط و للحين تشعر بكتمه من الحلم ...رفعت نظرها لشخص يتكلم باندماج :ما دريت عن جريمة القتل ؟! ليردف الطرف الثاني : دوبه جاء كمال وخبرني!، رجعت للخلف خطوة وما عادت تميز إلي شافته كان حلم والا علم ! بلعت ريقها وهي تخرج بخطوات سريعه ملفته للانتباه ! وقفت برعب لما خرجت من المكتبه والشرطة منتشره بكل مكان ....رجعت للخلف خطوة ونشف ريقها وهي تحس بضياع مب قادره تستوعب شيء واحد ! *• •* *• *• نايف بابتسامه وهو يناظر الطفله : انا بابا ما تخافين ! تناظرهم برعب تبغى امها وتهز راسها بالنفي ! ام جواد عفست ملامحها بضجر : يا ليل ابو لمبه انا قلت لك لا تجيبها البنت مرعوبه منا ! جواد رفع حاجب : هذا إلي لازم يصير من زمان البنت ما لها الا ابوها ! ابو جواد بموافقه : حنا راميين البنت مع هالقرويه ما نعرف وش اخلاقها ! ام جواد : باكر تشتكي عليك وتأخذ حضانة البنت لا تنسى الحضانة للام جواد بخبث : باي طريقه نقدر نجبرها تتنازل عنها ! ام جواد برجاء : بالله عليك اسلوبك إلي عملته بالجازي لا تعملوه بذي القرويه تراني للحين انتظر حوبة الجازي فيك وقلبي دوم قلقان عليك ! ضحك على كلام امه : انا وش عملت حتى تقولين كذا ! انا عملت الصح إلي تضيع عيالها ما تستاهل تكون ام ! نايف نزل نظره لقدر : وش تبغين يا بابا ردت بنبره باكيه: ابغى ماما ! زفر بضيق من ذكرى رونق رح يكسر راسها على اسلوبها الخايس معه ويخليها تندم حتى تعرف مين الحشره ! ** ** ** ردت بغضب متجاهله كل من حولها :كيف ما لقيتها ! مروان بضيق : يقولون جاء ابوها اخذها! حست كأنها هوت من مكان مرتفع ..نايف اخذها!، تكلمت بصوت ضعيف وهي تناظر المكان إلي متواجده فيه : قفل الحين اشوفه - قفلت الخط بيدين مرتجفه والدموع بدات تلمع بعيونها ..غمضت عيونها بضعف وهي تشوف جواله مغلق ! ما تعرف بيتهم ! تحس نفسها خلاص كل قوتها انهارت ! بدا اذان العصر يوصل لمسامعها !، وش هاليوم من بدايته نكبات ! ما نامت الليل وهي تفكر بقدر ونايف جواله مغلق وما في الا رساله منه «عشان ثاني مره تفكرين ترفعين خشومك للسماء» مروان ناظرها والنوم مسيطر عليه : نامي يا رونق دامها عند ابوها فأكيد رح تكون بخير ! من باكر نطلع انا واياك ونبحث عن عنوان بيتهم ! رونق خزت راسها بتعب : انت نام ما عليك مني ! هز راسه باسف لحالها ...غمضت عيونها بتعب تفكر كيف توصل لقدر ! ** ** ** ** * هاليومين إلي مروا عليها كانوا فوق طاقتها واخره ينتهي بها المطاف بمركز الشرطه ...الله يا يأخذك يا رعد ونرتاح من مشاكلك ! مطت شفتها وهي تشوف عدد من الطلاب والطالبات موجودين ! كل إلي عرفته انه لقوه مضروب والحين بالعناية المركزه او مات ما تدري !- بدا الشك يتسلسل لقلبها معقول تكون حقيقه وهي هزت راسها بالنفي لا لا مستحيل ! توقف قلبها للحظات وهي تشوف زياد موجود بالمركز ومعه بعض طاقم من الدكاترة بالكلية !، اعطته ظهرها حتى ما يشوفها ....رفعت الجوال تكلم مروان انها رح تتاخر وما يقلق عليها ! ما تبغى يعرف بمكانها لانها تعرفه قلبه رهيف وما يتحمل ** ** ** ** راكان يكلم زياد : ليث يقول انها داخله بدائرة الاتهام !، زياد عقد حواجبه: وليه للحين ما دخلت للاستجواب ؟! راكان : رح تدخل بس كمان شوي ! يا اخي هالبنت قوية ! عاد تدري جواد يتمنى تثبت عليها حتى يسحب البنت منها ! زياد عفس ملامحه : ما توصل لذي الدرجه !، جالسه على احد المقاعد وجهها للجدار ..بداخلها غصه هذه المدينه إلي تمنتها ؟! هذه الحياه إلي كانت تبغاها مقابل تخرج من قريتها المتخلفه ! ما شافت يوم جميل مريح بهذه المدينه ! نتمنى كثير نترك المكان إلي نعيشه وننتقل لمكان اجمل وافضل مثل ما يرسمه خيالنا لكن نتفاجئ بالواقع. ...الحين تقول يا حلاة القريه ويا حلو فقرها ! يكفي الامان إلي كانت تحس فيه هناك ! زفرت بضيق ورجعت تتصل بنايف واول ما انفتح الخط تكلمت بغضب تطلع كل قهرها وكبتها فيه : والله والله لو ما رجعت قدر خلال نص ساعه الا اذبحك واشرب من دمك ! رد بضحكه رايقه: مب بعيده عنك ! بس ما قلت لي اجيبها للسجن والا وين بالضبط ! سكتت للحظات هذا كيف وصله خبر ! لفت وجهها وهي تشوف زياد وراكان واقفين يناظرونها .....اكيد ما في غيرهم ! تابعت مكالمتها ....وهي تزفر من الغضب : 10 دقائق ما رجعتها رح اكون باب بيتكم تفهم ! قفلت الخط وتوجهت لراكان بنظرات ناريه بينهم قرابه او اصدقاء ما تذكر لكن إلي تعرفه انها لمحتهم اول ما دخلت الكافي كان نايف معهم متاكده من هالشيء : ابغى اعرف بيت نايف راكان بهدوء : ما ينفع الحين تطلعين انتظري ياخذون افادتك وبعدها تغادرين وانا رح اخذك بنفسي لبيته! ناظرته والدموع متجمعه بعيونها ...تحس بداخلها انكسار كل يوم يزيد بعد يوم ! لفت وجهها بدون ما تناظر زياد ...رجعت جلست مكانها وهي تمسح دموعها بخفه ! غطت عيونها ما تبغى احد يشوف دموعها وانكسارها ! بعد وقت دخلت للتحقيق .... بدأ يسألها اسئله عن رعد وهو أماكن تواجدها ! رفعت حاجب وهي تسمع السؤال الموجه لها : وش العلاقه إلي بينك وبين رعد ! ردت بهدوء عكس النار إلي بداخلها وصوتها انبح من كثر البكاء ليله الامس والصبح على قدر : ما أعرفه قلت لك وما في بينه وبينه شيء ! تكلم وهو رافع حاجب : بس يقولون انه ابتزك بصور لك وضربتيه بالحرم الجامعي قدام الكل ! تيقنت كل شيء مكشوف ..وبتمثيل متقن تكلمت : اها ذاك الشاب هو نفسه المقتول رفع حاجب بتكذيب : يعني انت ما تعرفين اسمه! هزت راسها بالنفي : انا ما اعرف احد وما لي دخل بأحد واتوقع بوقت حصول الجريمه انا كنت بالمكتبة قاطعها : اوكي هذا كل إلي عندك ! هزت راسها وهي تتكلم: ممكن أغادر لاني تاخرت قاطعها ؛ وقعي هنا على اقوالك ولو احتجنا لك رح نطلبك مره ثانيه ! نبغى ولي امرك حتى قاطعته بضيق : عمي بالقريه ساكن ويبغى له وقت طويل حتى يوصل وما في شبكه ! تكلم بمهنيه : اي احد يكفلك غمضت عيونها بضياع من لها بذي الدنيا ! فتحت الجوال تناظر الاسماء ما في احد يكفلها .....وقفت عند اسم فياض ...ما لها غيره ....بتردد ضغطت زر الاتصال ! *•• *• *• جالسه بضيق حاسه شيء كاتم على صدرها ما تدري وش سببه ! اصابها الضجر من جوال فياض يرن بشكل متواصل ....تقدمت منه عقدت حواجبها وهي تشوف اسم رونق ..لذي الدرجه وصلت تتصل فيه فوق فصلها وش تبغى منه ...ردت بحده : نعم ! رونق ماسكه نفسها بقوة ما تبكي : مرحبا خالتي الجازي عقدت حواجبها : خلخلت عظامك شايفيتني هزيت بسريرك «خالتي» ؟! رونق مب فاضيه لسخافة هالحرمه : عفوا الاستاذ فياض موجود قاطعتها بغيره : لا قفلت الخط بوجهها ..فياض طلع من الغرفه وهو يسمع الجازي تبربر : وش فيك ؟!، مين متصل ؟! الجازي بغيره : الانسه رونق عقد حواجبه باستغراب ليه متصله فيه : ما قالت وش تبغى هزت راسها بالنفي! تقدم منها اخذ الجوال وبسرعه اتصل على رقمها وهو متجاهل الجازي إلي تردح ومولعه من الغضب ! فياض تكلم بنبره حانيه مجرد ما تسمعها رونق ما تمسك نفسها : هلا رونق رونق ما قدرت تمسك نفسها من البكاء : انا بمركز الشرطه ارجوك تيجي حالا استغرب مركز الشرطه بس ما في وقت للاسئله تكلم بنخوة : مسافة الطريق ! قفلت الخط وحضنت الجوال وهي تجلس بالمقاعد الخارجيه تنتظر فياض ! راكان اقترب منها : وش صار معك ؟! ردت بهدوء ودموعها تنزل بصمت من تحت الغشاوة : وش يخصك ؟!، وقفت لما شافت فياض دخل توجهت له بلهفه : انا هنا فياض اقترب منها باستغراب وهو يشوف راكان وزياد: وش فيه يا رونق،! راكان باستغراب: انت وش؟! فياض ما له خلق للاستفسارات : وش صاير !، رونق ابتعدت عنهم حتى ما يسمعوها ..تقدم منها فياض لما فهم حركتها : وش صاير ! تكلمت بضعف : صارت جريمه قتل عنا بالكلية وعملوا استجواب للطلاب وانا من ضمنهم والحين يبغون احد يتكفلني وانا ما لي احد هنا عمي بالقرية وما في اتصال قاطعها بهدوء: ولا يهمك تفضلي الحين اتكفلك! ردت بامتنان له : مشكور يا عمي ربي يفرج كربتك ! زياد باستغراب : وش يقرب لها ؟ اكيد جاي يكفلها ! راكان : مب خابر بينهم قرابه بس كانت تشتغل بشركته اكيد اتصلت فيه يساعدها ! *• *• *• ره حانيه مجرد ما تسمعها رونق ما تمسك نفسها : هلا رونق رونق ما قدرت تمسك نفسها من البكاء : انا بمركز الشرطه ارجوك تيجي حالا استغرب مركز الشرطه بس ما في وقت للاسئله تكلم بنخوة : مسافة الطريق ! قفلت الخط وحضنت الجوال وهي تجلس بالمقاعد الخارجيه تنتظر فياض ! راكان اقترب منها : وش صار معك ؟! ردت بهدوء ودموعها تنزل بصمت من تحت الغشاوة : وش يخصك ؟!، وقفت لما شافت فياض دخل توجهت له بلهفه : انا هنا فياض اقترب منها باستغراب وهو يشوف راكان وزياد: وش فيه يا رونق،! راكان باستغراب: انت وش؟! فياض ما له خلق للاستفسارات : وش صاير !، رونق ابتعدت عنهم حتى ما يسمعوها ..تقدم منها فياض لما فهم حركتها : وش صاير ! تكلمت بضعف : صارت جريمه قتل عنا بالكلية وعملوا استجواب للطلاب وانا من ضمنهم والحين يبغون احد يتكفلني وانا ما لي احد هنا عمي بالقرية وما في اتصال قاطعها بهدوء: ولا يهمك تفضلي الحين اتكفلك! ردت بامتنان له : مشكور يا عمي ربي يفرج كربتك ! زياد باستغراب : وش يقرب لها ؟ اكيد جاي يكفلها ! راكان : مب خابر بينهم قرابه بس كانت تشتغل بشركته اكيد اتصلت فيه يساعدها ! *• *• *• •• يتبع طلعت وهي تشوف ما بقى غير كم طالب حتى يأخذون ا الافاده منهم ! طلعت والضيق مخيم على صدرها ...وهي تحس نفسها وحيده بهذا العالم ! مروان ما تبغى يقلق عليها يكفيه إلي حصله من ذي الدنيا ! وقفت على الرصيف والدنيا غروب !، عقلها ما عاد يشتغل بشيء استنزفت كل طاقتها ! جلست جنب الرصيف ..كيف توصل لقدر والكذاب راكان ضحك عليها ما تشوفه الحين ! وقف فياض من خلفها : تعالي اوصلك ! ناظرته وللحين مغطيه عيونها : مشكور يا استاذ فياض اخر خدمه اطلبها منك ! هز راسه :تفصلي يا ابنتي ! تكلمت بنبره مهتزه : تعرف بيت نايف قاطعها بتفهم : طليقك هزت راسها : بس ابغى اعرف بيته قبل ما يرد تكلم راكان إلي كان واقف قريب منهم ومعه زياد : انا وعدتك اخذك لبيته الحين تفضلي وناظر فياض: لا تغلب نفسك يا ابو وسيم رونق بالحفظ والصون معي !، ناظرها حتى يشوف رايها !، ردت بهدوء : مشكور استاذ فياض غلبتك معي !، هز راسه : حياك الله انت مثل ابنتي استأذن وغادر و رونق تناظر جهته وقلبها ممتن لهذا الانسان بشكل كبير ! راكان بهدوء : تفضلي ردت بنبره هاديه : اعطيني العنوان وانا اروح بنفسي ! تكلم بمصداقية : ترى سالفتك وصلت لبيت عمي .... اتوقع اذا ثبت عليك شيء بالقضيه تخسرين الحضانه قاطعته بحده : بأحلامكم ! وانا ما لي علاقه بالجريمه رد يستفزها : بس اغلب الأقوال تشير الى العداوة بينك وبين الضحية قاطعته الاهم عندها قدر : اعطيني العنوان وما تكثر كلام تراني مب مجرمه جالسه تحقق معي تفهم! زياد من خلفه بنبره جافه : اعطيها العنوان وفك عمرك تأخرنا !، ناظرته بقهر «تأخرنا » اعطاها راكان العنوان وهو يختم كلامه: ما اتوقع تأخذين البنت لكن حاولي ! تركته وهو يتكلم وكملت طريقها وهي تمشي ...وبراسها هدف لازم تسترد البنت خير شر يا قاتل يا مقتول ! اتصلت بمروان اعطته عنوانها حتى يلاقيها !، ** ** ** راكان مط شفته وهي تمشي وتركته وهو يتكلم : وقحه ! ولسانها طويل ! وقويه عين ! قاطعه زياد بهدوء لكن بصوت مرتفع يوصل لمسمع رونق : وانت منزل من نفسك لمستواها اعتبرها متسوله اعطيتها خير ومشيت بحال سبيلها! وش تبغى فيها ؟! حست بسهم اخترق قلبها من كلام دكتورها ! ليه يناظرها بذي النظره الدونية ..هذه المره الثانيه تسكت عن اهانته لكن الثالثه ثابته ...الحين عندها شيء اهم رح تحقره وكانها ما سمعت شيء ! تنهدت وهي ترد على مروان : هلا مروان ...يا ربي من طمعهم وجشعهم مب مشكله اي سياره ومب فارقه الفلوس المهم تعال ! قفلت الخط وهي عافسه ملامحها من بعض سائقي سيارات الاجرة كيف يستغلون الناس،! ** *• ** ابو جواد بحزم : هذه البنت ما تطلع من البيت الام الله يستر من اخلاقها ! ابو احمد : صادق ! راكان بهدوء : ما اتوقع لها علاقه بالموضوع لانه السالفه اكبر بدات الامور تتضح يقول ليث طلع الاخ مروج مخدرات والظاهر من جماعته قتلوه بس الطلاب شهدوا انه في مشاكل بينه وبين طليقة نايف فتدخل ضمن دائرة الاشتباه يمكن ارسلت احد عموما ما في دليل ادانه عليها حتى ما في اتصالات بين الضحيه وبينه كل شي مصيره ينكشف ! جواد رفع حاجب بانتقاد: وفياض وش بينه وبينها حتى قاطعه راكان بدفاع عن فياض : هي إلي اتصلت فيه وخبرتك من قبل انها اشتغلت عند فياض ! نايف رفع حاجب: والله هالبنت لا سائل ولا مسؤول صدق ما لقت احد يربيها زياد رفع حاجب بانتقاد : دامها ما هي مربيه ليه تتزوجها يقول المثل خذ من طينة بلادك وحط على اخدادك قاطعه نايف بقهر ما يدري ليه جالس له على الحرف : يا اخي غلطنا ! شوي ودخل عبود يحمل قدر إلي تبكي وعيونها منتفخه من البكاء: رافضه تسكت نايف عفس ملامحه : وين مريم ؟! عبود : يقولون تبغى تصلي وحتى مب ساكته معها ! بدر بانتقاد : تراها كبيره ابنتك للحين تبكي! نايف حملها بضجر : ما اعرف عن امها الظاهر دللتها زياده عن اللزوم ! جواد سحبها منه : هو كذا يحملون الصغار هات تمسكت بنايف بقوة ما تبغى جواد وبصوت رايح من البكاء: ماما ! راكان ناظرهم : يا جماعة الخير بلاه يصيبها شيء رجعا البنت لامها! اول باول تقدرون تسحبونها لجهتكم! جواد برفض : لا اليوم تبكي وباكر تسكت نايف بتراجع ؛ انا اقول ارجعها لامها الليله ابو جواد بحزم: لااا توهق نايف بهذه الورطه كان يبغى يقهر رونق بس ما توقع تقلب السالفة جد ..وين يروح بذي البزر ! مسك جواله وهو يرن ...ارتاح وهو يشوف رونق خلاص رح يرجعها لها ...ما له خلق على البزران،! جواد عارف اخوه رح يضعف الحين وبسرعه سحب منه الجوال : انا إلي رح اكلمها نايف يبغى يعترض لكن زياد كان اقرب منه سحب من يده الجوال وقفل الخط : مالك حق تتحكم بمصير البنت دام ابوها وجدها موجودين عندكم كلام بخصوص البنت نايف ينهي السالفه معها او عمي ابو جواد يكلمها بدر بتأييد : كلامك عين الصواب انت مالك علاقه ترد على البنت جواد كتم قهره لما الاغلب ايد كلام زياد ! بعد وقت قاطعهم دخول واحد من البزران : الحقوا في بيت جدتي مريم ماسكه لبنى من رقبتها تبغى تذبحها بالسكين ! وقفوا الكل بصدمه وش هالكلام...وما فتحوا باب للاسئله مباشره توجهوا لبيت الجده وهم ما بين مكذب ومشكك بالأمر ! ** •* ** دخلت العنوان الغلط بدل ما تدخل بيت ابو جواد دخلت بيت الجده ..وبنبره تحاول تتماسك بعد ما عجزت تفهم هالحرميتين ما كان لها الا هالحل تستخدم مشرط من بلاستيك إلي يشوفه يظنه حقيقي : اعطوني قدر الحين والا والله لاذبح هالبنت قدامكم ! حاولت تهرب لبنى لكن رونق اطول منها لبنى حجمها صغير : اذا تحركت اذبحك الحين ! ام ناصر ما فيها حيل : مب فاهمين عليك ! ام راكان وهي تناظر مريم وكأنها مجنونه : انت متأكده بعقلك ! كان اول الواصلين نايف ومعه قدر تكلمت بتهديد : اعطيني قدر قاطعها وهو يترك قدر : خذيها بس اترك البنيه بحالها ! قدر ركضت لامها : ماما ! راكان دخل وبحده :اترك البنت يا رونق! ام راكان وام ناصر يحاولون يفهمون السالفه « رونق » رونق بصوت قوي : اتركها لما اوصل للبوابه الخارجيه ! جواد دخل بغضب وهو يشوف مريم بهذا الوضع : انت وش تعملين ؟! ارتجفت رونق وهي تشوف جواد والمكان فيه رجال ! وش جابه المجنون هنا لازم تهرب بأسرع وقت ..تكلمت بنبرة قويه : والله إلي يقرب من جهتي الا اذبحها ...انا طالعه مع ابنتي ويا دار ما دخلك شر! تمشي بخطوات للخلف وعيونها عليهم حتى ما يتقدم احد منها !- همست للبنت : اسفه بس ابغى ابنتي ! بغت تتركها وتهرب باتجاه الباب بس في يد من خلفها ضغط على يدها بقوة اجبرها ترخي المشرط من يدها ....لبنى بسرعه استغلت الفرصه وهربت منها ! تحاول تفلت يدها بعد ما لوى يدها خلف ظهرها بقوة ...رفعت نظرها تشوفه ...همست بخفوت وهي عافسه ملامحها من الألم : زياد قاطعها وهو يلفها له ويصفعها بقوة : تعديتي حدودك ! هذه الثالثه يهينها ! حاولت تفلت يدها بقوة وهي تشوف الرجال خرجوا وبنبره مقهورة : اتركني وبصوت عالي صرخت : مروااااااااااان مروااااااااااان تفاجئ :زياد من صراخها غافلته وهي تدوس على رجله بقوة ! افلتها وهو يحس مسمار انغرس برجله ! استغلت الفرصه حملت قدر وركضت باتجاه البوابه وهي تلهث من الركض ومن صعوبة الموقف ! حست احد يتبعها ركضت لسياره ا الاجرة إلي ينتظرها مروان فيها ! اول ما ركبت حركت السياره قبل ما تقفل الباب لما شاف السائق واحد يركض لجهتهم ! تلهث بقوة وهي تحس احد يتبعها ! ضمت قدر لحضنها بقوة وهي تحس بخوف الصغيره ! مروان التف لها : احس انك عملت مصيبه هناك ! تنهدت بهدوء : ما اعرف يمكن لا تسألني و عملت لاني ما ادري عقلي مشوش ! ام انا سكتت بعد ما خارت قوتها مروان بخوف ؛ انت بخير ردت بهمس: بخيربخير بس تعبانه ! **• *•* *•، جواد بغضب : كيف تركتها تهرب يا زياد ! انت ما تعرف كم جلست ابحث عنها ! الاغلب يناظره مب فاهم عليه وش يبغى بطليقة نايف والشبه بينها وبين مريم ! راكان بلع ريقه وتكلم بخفوت : إذا كانت رونق فعلا هي شق التوأم لمريم كيف تكون تزوجت عمها نايف؟!!! ، *** ** *