احببته قارئاً - الفصل الثالث - مكتملة | روايتك

*أحببته قاࢪئاً*🦋📖‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ * _*الباࢪت التاسع 🦋📖*_ _*الباࢪت الـعاشࢪ🦋📖*_ _*الباࢪت الاخيࢪ🦋📖*_ 🎀🎀🎀🎀🎀🎀🎀🎀🎀🎀 #بارت9✍️ #أحببتهُ_قارئاً ــــــــــــــــــــــــــــــــــــــــــــــــــــــ أمنيه:- السلام عليكم.. انا أسفه بعتذر عن التأخير كريم:- لا أبداً مفيش مشكلة، انا لسه واصل برضو اتفضلي علشان نبدأ دخلت اوضة التسجيل وكنت حاسه بفرحه لأنى هسمع صوته على الطبيعه، وفى لحظه بصلى كريم وهو بيحط السماعه على ودانه وقالى كريم:- هو بجد مسمعتيش صوتى قبل كدة؟ معرفتش اقول ايه مهو انا مش عاوزة اكذب ف سكت وهو كمان سكت وراح مطلع الورق اللى معاه وبدا ينشد كان صوته جميل.. جميل لدرجة انه ميتسمعش وانا فاتحه عنيا... غمضت عنيا وسرحت فى جمال صوته وهدوءه كانت الكلمات حلوة والانشودة كلها على بعضها تحفه لدرجة انى مكنتش مصدقة ان انا اللى كاتبه الكلمات دى كأنها كانت مطفيه واول ما هو انشدهم اداهم الروح بعد ما خلص كنت مبهورة بصوته وكمان مهندس الصوت قال انها حلوة كدة ومش محتاجة اى تغير فى اللحن او اى تعديل وكانت حلوة. جدا.....مين قال ان الموسيقي بتحلى الكلمات او الاغانى بالعكس الانشودة كانت حلوة وهى بدون موسيقي و كانت مؤثرة جدا وهاديه كنت مبسوطه بانى اخدت خطوة زى دى وان ليا اجر كل حد يسمعها ويصلى على النبي عليه افضل الصلاة والسلام خرجت ورحت الاستوديو التانى علشان اكمل تسجيل للروايه واللى كان النهاردة اخر حاجة هنسجلها فيها بعد 3 ساعات تقريباً خلصت وروحت الكافيه اشرب قهوة كان المغرب قرب يأذن وكنت متاخرة جدا لكن كان لازم اشرب قهوتى لانه حرفياً كنت محتجاها وده غير الاطلالة بتاعت الكافيه واللى كانت واخدة قلبي السما ب اللون الاحمر والغيوم بتتحرك وكانها موجودة بس علشان تتطمنا وتفرح قلوبنا والاشجار اغصانها بتتحرك بهدوء وبتبعت لينا نسمات هوا باردة تخلى فى قلوبنا حنين للجنه كلها تفاصيل بتخطفنى من همومي ومن الدنيا كلها كريم:- بعد اذنك....تسمحيلى اقعد بصتله وانا مصدومه ((بيني وبين نفسي)) ( هو انت ورايا ورايا يعني... ده انا ما صدقت انى بنسي او خلينا اقول انى بتعود على انى اتجاهلك) أمنيه:- معلش بس اعتقد انه مش مناسب نقعد كدة كريم:- صدقينى انا عارف بس هما كلمتين هقولهم..واكيد براحتك برضو أمنيه:- طيب اتفضل بس ياريت تقول بسرعه لانى اتاخرت ولازم امشى قعد وبص على الغروب وخد فترة وهو ساكت وباصص على الشمس وبعدين بدا يتكلم وهو باصص هناك كريم:-انا عارف ان ربنا شايفنا دلوقتى وانه مش صح القعدة دى..بس ربنا عالم بالنوايا وانى حاولت ابدا فى الموضوع بس مش عارف ف اعتقد دى انسب فرصه دلوقتى سكت شويه وبعدين قال كريم:- هسألك سؤال دلوقتى وتجاوبيني بصراحة أمنيه:- اتفضل... كريم:- هما سؤالين الحقيقه.. أمنيه:- هجاوبك على واحد منهم بس كريم:- هو احنا فى لعبه الازازة؟ أمنيه:- ايه؟ كريم:- خلاص شكلك مكنتيش بتلعبي وانتى صغيرة أمنيه:- تمام طيب قولى انت يعني ايه اللعبه دى ياللى كنت بتلعب وانت صغير كريم:- بنقعد على الارض فى دايرة كدة وبنحط الازازه فى النص ونلفها والاتنين اللى الطرف بتاع الازازة جى عليهم هما اللى بيلعبوا...واحد بيسال سؤال واحد والتانى بيجاوب عليه بيكون سؤال واحد بس رحت ماسكه القلم اللى كان معايا وحطيته على الترابيزة ولفيته وقولتله امنيه:- دلوقتى مش هتقدر تسال الا سؤال واحد كريم:- ياريتنى ما قولت..... طفلة طفلة يعني مش هزار😂 امنيه:- نعم!! كريم:- هسأل الاسئلة اللى تعجبني... وراح شايل القلم من الترابيزة ومسكه فى ايده وقالى كريم:- هو انتِ ليه لما خالد سالك اذا كنت تعرفيني قولتى لا؟ أمنيه:- علشان انا فعلاً معرفكش سكت وحط القلم قدانى وبصلى بنظرة خاطفه كدة وراح باصص على السما.... حسيته كانه بيقولى دى فرصتنا اتكلمى وقولى اى حاجة... لا انا ولا انت هنشوف بعض تانى أمنيه:- طيب انت تعرفنى منين... كنت بتقول انك قرأتلى عرفتنى منين وقرأتلى يعنى انا لسه موصلتلش للريتش ده ...! كريم:- حازم يعرفك وقالى انك ماسكه بيدج من بتوعى ف علشان كدة عرفتك... انتِ بقه متعرفنيش ازاى ولا سمعتى صوتي قبل كدة وانت ادمن اصلا!! حسيت بالاحراج جدا جدا وقولت يا ارض انشقى وابلعيني لانه شايفنى كدابه دلوقتى روحت كمان عاكه الدنيا اكتر وقولت اللى جى ف بالى أمنيه:- ده شيء خاص بيا كريم:- بُصى انا تقريباً متعاملتش قبل كدة او قعدة القعدة دى مع حد وكل تعاملى مع الطرف الآخر فى حدود الشغل او للضرورة بس.. اللى عاوز اقوله ان اتمنى مكونش مضايقك فى حاجة.. انا ببقه مضايق جدا لما اشوف حد حاسس بالازعاج فى وجودى مش زعلان منه لكن انا مبحبش افرض نفسي على حد.... وانا عارف انك متضايقه منى يمكن مش مستلطفانى وده عادى بالنسبالى بس ده اللى حبيت اوضحه وخصوصا انه خلصنا شغل ف اعتقد دى اخر مرة هتيجي هنا وانا كمان دى آخر مرة سكت ومعرفتش اقول ايه.. ازاى هو لطيف كدة وبعد اللى انا بعمله فيه هو اللى جاى يعتذر ويحاول انه يصلح اللى حاصل أمنيه:- لا ابدا مفيش حاجة من دى بس انا عندى سؤال كريم:- اتفضلى أمنيه:- ليه طلبت تشوفنى وكمان استنيتني بره لما كنت فى معرض الكتاب!؟ كريم:- وانت ليه رجعتى بعد ما كنتي هتيجي؟ أمنيه:- لا لا بعد اذنك مبحبش طريقه رد السؤال بسؤال انا سالتك الأول ف ترد عليا الاول هز دماغه وكان باين على ملامحه انه واثق انه بيتعامل مع طفلة 😂 كريم:- مفيش انا بس شدنى اللى كتبتهولى وكمان كنت عارف انك بتتعبي معانا فى ادارة الجروب والبيدج ف حبيت اشكرك وللاسف كنت ساعتها خرجت بره والامن مرضيوش يدخلوني تانى لان التيكت كانوا خلصوا ف بعتلك حد أمنيه:- اه كريم:- مشيتي ليه؟ أمنيه:- كنت مشغولة.... خدت بالى اننا بقالنا فترة قاعدين وبنتكلم أمنيه:- احمم... طيب انا اسفه بس لازم امشى لانى اتاخرت جدا كريم:- طيب انت معاكى حد؟ أمنيه:- لا كريم:- طيب لو مفيهاش ازعاج ممكن اركب معاكى المواصلات واوصلك.. لانه الوقت اتاخر ومش هينفع ترجعى لوحدك أمنيه:- اشكرك جدا بس انا مش صغيره مشيت وانا كل اللى فى دماغى ان انا اكيد كنت بحلم لا هو مكنش قاعد معايا وبيكلمنى دلوقتى ده انا مجرد ما بيعدى على مسافه كبيرة منى بحس انى متخدرة وان قلبي هيقف،، يارب اخترلى ولا تخيرنى نزلت وانا ماشيه فى الشارع لمحت حد واقف بعيد حاولت اركز.... ده هو! وفى لحظه مشى واختفى معقول جى ورايا بس انا مشفتهوش..طب ازاى اكيد عمل كدة جدعنه منه مش علشانى خالص عدت الايام ونزلت الروايه على ابلكيشنز كتير وكانت ردت الفعل مقبولة وناس كتيرة عجبتهم وحبوها اكتر بعد ما بقت صوت....وانا كنت فرحانه بخطواتى اللى ورا بعض وكل يوم كنت بنام وانا مش عارفه اشكر ربنا ازاى على قد ما كنت بتعب فى يومى على قد ما كنت مبسوطه انى بنجز وبحقق احلامى ولحدً ما راضيه عن نفسي لكن انا اتغيرت اوى وليا فترة فاقدة شغفى..الانسان ممكن يعيش بمبدأ واحد طول حياته وتيجي سنه او لحظه تغيره وللابد...اللى انا متاكدة منه ان أمنيه اتغيرت وجدا بقيت متقبله كل شيء اى حاجة وحشه اى حاجة ممكن تلخبطلى يومي...متقبله الناس بمواقفها اللى بتوجع واللى ملهاش مبرر اصلا..... طالما القلب متعلق بربنا وحابب ربنا فهو مش هيشوف اى مصيبه ولا هيأثر فيه اى ابتلاء..لانه عارف ان كل اللى بيجيله وبيحصله هو من عند ربنا ف مفيش داعى لاى اضطراب او توتر......." اقدارنا مكتوبه فلنعش بهدوء"🤎 #يتبع 🎀🎀🎀 ‏‏‏‏‏‏‏‏‏‏‏‏‏‏‏‏‏ ‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏تابع قناة 🦋📖𝒌𝒊𝒏𝒈𝒅𝒐𝒎 𝑶𝒇 𝒏𝒐𝒗𝒆𝒍𝒔 في واتساب ↓↓ *https://whatsapp.com/channel/0029VahqJobEawdxTSLWD828* #بارت10✍️🧡 #أحببتهُ_قارئاً ـــــــــــــــــــــــــــــــــــــــــــــــــ بعد الفجر ولما الشمس تكون لسه منورة لناس فى الجهة التانيه للكوكب وفى نفس الوقت بتيجي علشان تنورلنا طريقنا ولو بضوء بسيط فى اول الصبح، ولما الطيور بتودع اطفالها وتسعى انها تجيب الاكل ليهم وهى مش عارفه اذا كان هترجع تانى ولا لأ ولما الشارع تحت يكون هادى وفاضى ومفيهوش الا كام قطه بتدورلها على اكل، بيكون قلبي فى اللحظه دى مبسوط ومتأمل كل تفاصيل الصباح وكل الجمال اللى ربنا حطه فى الكون، سبحانه وتعالى كلها حاجات بتخليك مبسوط وفرحان انه قد ايه ربنا بيحبك وخلق الكون ده كله علشانك! ولخدمتك "ياربي لك الحمد كما ينبغى لجلال وجهك وعظيم سلطانك " رغم انه عدى شهريين من آخر مرة شوفته فيها او بمعنى اصح حسيت بيه فيها الا ان ربنا سبحانه وتعالى ربط على قلبي ومصبرنى ودايما بلاقى ناس حواليا والحمد لله مكتفيه بيهم،، واللى كانوا قبل كدة مش موجودين فى حياتى لكن ربنا سبحانه سخرهم ليا وهَدى قلوبهم عليا ف بيقربوا منى وبيحاولوا يكونوا موجودين معايا دايما علاقتى بالناس اتحسنت وكل اللى بيشوفنى بيقول جملة واحدة " اتغيرتى يا أمنيه " انا عارفه انى اتغيرت بس مش عارفه اتغيرت لايه الاحسن ولا الاوحش؟ الحزن بيطفى الانسان وبيبدل ملامحه وبيغير تضاريس قلبه لكن انا دلوقتى مش حزينه، يمكن فاقدة شغفى بس راضيه!واكيد ربنا هيستجيب دعوتى وهيصرف عنى احساسي تجاهه وهيريح قلبي اللى بقاله سنين تعبان ومصدوم من ناس كتير واللى مش عارفه هما ليه اتغيروا اوقات بحس كأن فيه سحابه عدت على الكون وكل الناس شربوا من ماء المطر بتاعها فخلتهم كلهم قلوبهم قاسيه وبيحقدوا وبيحسدوا ومبيحبوش الخير لاى حد بستغرب من انى كل لما بشوف حد بيفضل يشكى من فلان ومن ده ومن ده وكله بيقول جمله " الناس بقت وحشه" لدرجه انى بفكر واقول هما فين الناس دى..يعني لما تقعد مع حد تلاقيه مظلوم وتقعد مع التانى برضو مظلوم،يعني الناس كلها مظلومه..اومال فين الناس الوحشه اللى بيقولوا عليها كل الحكايه بس هو ان محدش بقه باقى على التانى محدش بيدى فرصه للطرف الاخر ولما بيزعلوا من بعض محدش بيعاتب لا هو بيسيئ الظن وحتى مبيعاتبش ويبعد وياخد جنب...بدون ما يفهم... انا بقيت بكره احساسي انى خايفه من كل الناس وبتوقع منهم الاسوء للاسف وزى ما قال نجيب محفوظ " لا تخبرونى عمن يكرهنى او يتكلم عنى.. اتركونى احب الجميع واظن ان الجميع يحبني" فياريتني عشت زى ما كنت عايشه فى الاول، فاكرة ان كل الناس طيبه وبيحبونى، كنت مرتاحة جدا ومتطمنه النهاردة مريم جايه عندى وكنت مبسوطه بيها جدا مريم الصحبه التى لا يغيرها الزمن واختى اللى مجبتهاش امى، هى سندى فى الدنيا وأمانى دق جرس الباب وروحت افتحلها مريم:- السلام عليكم أمنيه:- وعليكم السلام،،اهلا يا مريومه اتفضلى يا حبيبتي قعدنا شويه فى الصالة انا ومريم وماما وبعدين دخلنا اوضتى وفضلنا نتكلم كتير عن جامعتها وانا برضو اتكلمت عن الكلية بتاعتى وحاجات كتير ضحكتنا وحاجات اتعلمناها من بعض... مريم:- بس قوليلى يا أمنيه، انتِ مالك كدة؟ انتِ كويسه؟ أمنيه:- ايوة يا مريم كويسه، بس ليه السؤال ده مريم:- انا عارفاكى يا أمنيه وحفظاكى...انتِ مش كويسه ومتضايقه من حاجة واكيد هى حاجة خاصه ومش هينفع تقوليها بس عاوزة اقولك انى دايما معاكى وسندك، خليكي متاكدة من دة أمنيه:-مش عارفه اقولك ايه يا مريم وخصوصاً ان انا وانتِ مش بنخبي حاجة على بعض مريم:- عادى يا امنيه يعني مش كل حاجة بتتحكى، زى ما انتِ فيه حاجات مش بتحكيهالى، انا كمان مش بحكى ودى خصوصيه مفيهاش حاجة تزعل خالص أمنيه:- طيب، بُصى انا هسألك سؤال مريم:- اتفضلى... أمنيه:- لو انا ليا سنين بطلب من ربنا انه يبعد عنى حاجة والحاجة دى مبتبعدش وبالعكس بتظهر فى حياتى دايما سواء مادياًّ او معنوياً ف ده معناه ايه مريم:- معناه انك بتدعى غلط أمنيه:- ازاى؟؟ مريم:- فيه دعاء بتقوليه..اللهم ان كان هذا الامر او الشئ خير لى فى ديني ودنياى وعاقبة امرى ف اصلحه لى واصلحنى له وان كان هذا الامر شر لى فى ديني ودنياى فاصرفه عنى واصرفنى عنه واكتب لى الخير حيث كان ثم ارضنى به وده جزء من دعاء الاستخارة أمنيه:-ربنا يكتب اللى فيه الخير مريم:- مفيش حاجة تستاهل حزنك يا امنيه كنت فاكرة جزء من حوار شوفته قبل كدة كان بيقول _ ما بك؟ _ هم اصابني _ أضاعت الجنه ام أُخبرت بعدم القبول؟ هون عليك يا صديقي فكل مادون الجنه دون وعلشان كدة بقولك هونى عليكي يا أمنيه، كل هم او كل حزن ميستاهلش تديله كل الطاقة دى وكل المشاعر دى الحزن الحقيقي والخسارة الحقيقه هى انك تخسرى رضا ربنا أمنيه:- ربنا يرضى عنك يا مريم ويباركلى فيك،ويجعلك رفيقتى فى الجنه زى ما انتِ خير رفيقه ليا فى الدنيا❤ مريم:- ويباركلى فيكي يا دواء قلبي مشت مريم وحقيقي خففت عنى كتير، الصديق الوفى رزق والحمدلله ربنا اكرمنى بيها وفضلت دايما ادعى زي ما قالتلى وقد ايه الدعاء ده مريح وخلانى مستسلمه لقضاء ربنا وحباه وراضيه بيه اكتر من الاول وفى يوم دخلت ماما الاوضه عندى وقالتلى الام:- امنيه، عاوزاكى فى موضوع أمنيه:- ايوة يا ماما خير الام:- بصى انا عارفة هتتخانقى معايا واحنا اتفقنا مش هنجيب سيرة الموضوع ده الا لما تتخرجى بس انا مش بجبرك يا بنتي، انا لما بكون مُصرة انك تشوفى حد ف ده لانه فعلا بيكون كويس،ولو حد مش كويس ف اخوكى بيرفضه علطول بدون حتى ما يقولك انا كبرت يا بنتي وعاوزة اتطمن عليكي،..... انتِ واخوكى اسلام اللى باقين وعاوزة اطمن عليكوا فى بيوتكم أمنيه:- طيب يا ماما ايه المطلوب منى الام:- فيه واحد كويس كلم اخوكى وعاوز يجي يتقدم هتقعدي معاه؟ أمنيه:- حاضر يا ماما، اللى تشوفيه قررت اكسر الحاجز اللى جوايا، انا رفضت حسام لانه كان فيه حد فى قلبي، بس جى الوقت انه اتخلص من شعورى ده ولو فعلا العريس انسان مناسب ف انا هتخطبله وبكدة هلزم قلبي بانه ميشوفش حد غير الانسان اللى انا مخطوباله واللى المفروض اكون وفيه ليه بعدها باسبوع.. اه اسبوع 🙂 جى العريس ومش عارفة يعني هو بيتكبر على ايه، اهو علشان التاخير ده مرفوض من قبل ما اقعد معاه😃 ومهما حصل برضو مرفوض ده غير انى لما سألت عن اسمه او بيشتغل ايه اخواتى قالولى انه حابب نتعرف انا وهو ومش لازم اعرف اسمه دلوقتى اللى هو قمه الهبل...طب مهو عارف اسمى، اشمعنا يعني؟ كالعادة لبست دريس من بتوعى والخمار وكانت ماما عاوزانى البس الطقم الجديد....... أمنيه:-ليه يا ماما هو كان ابن مين يعني علشان البسله الطقم الجديد... لاحظى انتِ كدة بترخصى بنتك😂 الام:- ياربي عوضنى على الخلفه اللى مخلفاها، ارخصك ازاى يا بنتى.. ده انا بقولك البسي الطقم الجديد علشان حلو عليكي، ايه دخل ده ف ده أمنيه:مهو انا البس حاجة حلوة ليه، ما انا حلو اصلا بدون حاجه الام:- الصبر يا ربي من عندك. بعد ما قعدوا اخواتى معاه جى اسلام بنفس ذات الابتسامه وهو بيقولى روحى اقعدى مع عريسك أمنيه:- كل مرة بتبقي فرحان يا اسلام وبرضو بفضل كاتمه على نفسك😂 إسلام:- صدقيني يا أمنيه المرة دى انا متاكد انى هخلص منك الأم:- يسمع من بوقك ربناا امنيه:- لا يا جماعه بليز كفايه حب.. ايه ده ايه كل الحب ده اسلام:- متبوسش ايدي يا علاء ولا كتفى لالا ده واجبي واجبي😂😂😂 فضلت اضحك وروحت الصاله وانا مرتاحه جدا وعلى وشي اثر ضحكى مع اسلام أمنيه:- السلام عليكم وعليكم السلام ورحمة الله وبركاته أمنيه:- السلام عليكم؟ وعليكم السلام ورحمة الله وبركاته... ايوة انا لو عاوزة تتاكدى من الصوت بصيت وطلع كريم..... أمنيه:- لا مهو مش كل فترة هيجي واحد ويتقدم ويصدمنى كدة..( تقصد حسام) كريم:- يصدمك ازاى؟.. أمنيه:-لا مفيش حاجة كريم:-بصى انا عارف انى هندم بعدين😂 بس برضو انا خدت القرار وجيت واتقدمتلك❤ فضلت ساكته..ياربي هو ده بجد،هو جاى هنا يطلب ايدي يعني انا مش بحلم وللحظه افتكرت اول مرة سمعت صوته فيها وان سبحان الله ربنا كان ليه حكمه وترتيب تانى وكان بيعوضنى فى الوقت اللى كنت مُنهارة فيه و حياتى متلخبطه كريم:- ايه مش هتساليني عن اى حاجة؟ أمنيه:- بتصلى؟ كريم:- الحمدلله أمنيه:- بتقول اذكار الصباح والمساء؟ كريم:- الحقيقه مش دايما أمنيه:- لو حصل وزهقت من حاجه فى حياتك..بصراحه ردت فعلك بتكون ايه؟ وبصراحه لو سمحت كريم:- لعل الخير يكمن فى الشر ابتسمت وقولتله أمنيه:- مقولة ام الام انس ابن مالك كريم:- مالك اتجوزها ست مش جميلة وكانت سوداء ومش عاوزاها ولا متقبلها جت يوم وقالتله يا.مالك لعل الخير يكمن فى الشر واستحمل وقاوم نفسه أمنيه:- بس سابها وهى حامل ومشى كريم:- مكنش يعرف،، وبعد 20 سنه رجعلها وعرف ان الخير يكمن فى الشر فعلا أمنيه:- الامام انس ابن مالك اكتر واحد الاحاديث بتاعته كلها عبارات " حدثنى رسول الله، سمعتُ رسول الله، امرنى رسول الله، اخبرنى رسول الله"" وده هو الخير الكامن فى الشر كريم:-سيدنا مالك عرف ان ابنه هو الخير وكان فرحان وفخور بيه جدا أمنيه:- لو فيه في حياتك شيئ وفى نفس الوقت فيه اشياء تانيه حلوة واجمل ومناسبه اكتر من الشيئ ده هتعمل ايه؟ كريم:- طالما انا اخترت الشيئ ده يبقه هو اجمل من اى حاجة تانيه ومش هشوف اى حاجة اجمل منه سكت وكنت فرحانه بكلامى معاه ومكنتش حاسه بالوقت هو مكنش وسيم اوى ولا كان حلو اوى، لكنه كان مميز، فى اى مكان مميز ومقبول وواضح كريم:- لو ربنا تمم بخير، هنكتب الكتاب بعدها بشهر او اتنين والفرح هيبقى بعدين، علشان نحفظ نفسنا من اى شيء يغضب ربنا... أمنيه:- ربنا يقدم ما فيه الخير قومت ودخلت اوضتى وانا حاسه انى عاوزة اطير حرفيا ماما دخلت ورايا الام:- ها يا أمنيه؟ أمنيه:- هفكر يا ماما وهقولك الام:- ربنا يكتبلك الخير يا بنتي صليت استخاره ودعيت ربنا كتير.. انه ينورلى دربي ويوفقنى للخير ، الخير بس يارب♥ #يتبع ملحوظه: لسه الرواية مخلصتش والجزء ال11 هو الاخير وهيكون بارت حلو وطويل وان شاء الله هتحبوه 🎀🎀🎀🎀 ‏‏‏‏‏‏‏‏‏‏‏‏‏‏‏‏‏ ‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏تابع قناة 🦋📖𝒌𝒊𝒏𝒈𝒅𝒐𝒎 𝑶𝒇 𝒏𝒐𝒗𝒆𝒍𝒔 في واتساب ↓↓ *https://whatsapp.com/channel/0029VahqJobEawdxTSLWD828* #بارت11والأخير🌍 #أحببتهُ_قارئاً ـــــــــــــــــــــــــــــــــــــــــــــــــــــــــــــــــــ عدى شهرين وكانوا اجمل شهرين فى حياتى، عملنا حفلة خطوبه وكان فيها اهلى واصدقائي واهل كريم وقريبهم وكانت عبارة عن تعارف ومفيهاش موسيقي ولا اختلاط وبجد كان يوم جميل جدا والكل كان مبسوط وفرحان والنهاردة انا بجهز اهو علشان كتب الكتاب ، معقولة كل اللى بيحصل فى حياتى ده حقيقه مش خيال، معقولة الشخص اللى بقاله سنين فى قلبي وانا بحاول انساه وبحاول ابعده من قلبي علشان موقعش فى حاجة حرام، ربنا كافأنى بوجوده فى حياتى واهو هيبقي زوجى على سنة الله ورسوله زوجى انا من بين كل البنات،ومن بين كل الناس اللى حواليه ربنا جعله من نصيبي، كنت مجرد بنت عاديه بتحب تسمعه زيها زى اى حد بيسمعه، لكن قلبى كان صادق فى مشاعره وربنا يشهد، انى عانيت كتير والحمدلله ربنا جبر بخاطرى ودلوقتى انا اهو واقفه وسمعاهم وهما بيكتبوا الكتاب وقلبي طاير فى سابع سما، بعدها بشويه نادوا عليا علشان امضى اسلام:- تعالى يا عروسه علشان تمضى أمنيه:- وابصم كمان😂❤❤ دخلت وكان فيه ناس كتير، بس انا مكنتش شايفه غيره ومش مصدقه انه خلاص هيبقي ليا انا وبس مضيت وبصمت والزغاريط كانت ماليه المكان وفضلنا كلنا قاعدين بنتكلم شويه وانا كنت واقفه مع اصحابي.... بعدين شوفت كريم قام ومشي ناحية البلكونه وكان باصصلى بعدين شاورلى اجى وراه مكنش فيه حد واخد باله.. كانوا ناس كتير وبيتكلموا مع بعض... ماعدا اصحابي طبعا لانى كنت واقفه معاهم ف روحت وراه وكانوا هما بيضحكوا وبيحفلوا عليا برضو😃 دخلت البلكونه ووقفت جنبه بس الصوت بتاعهم كان واصل لحد عندنا ف روحت قفلت البلكونه من الازاز بس... يعني كنا شايفنهم وهما شايفنا بصلتى وانا مبستمه وقولتله أمنيه:- مبارك عليك انا،يا زوجى قرة عيني😂 كريم:- الله يباركلك ،ربنا يجعلك زوجتى فى الدنياوالاخرة أمنيه:- على مهلك بس،متستعجلش،ممكن تغير رأيك من اللى هتشوفه😂 كريم:- لا انا متأكد مش هغير رأيى ولا هندم ،أمنيه؟ أمنيه:- نعم كريم:- انا كنت مستنى اليوم ده علشان اتكلم معاكى براحتى وحتى فى فترة الخطوبه كنت ماسك نفسي على انى اقولك اللى هقوله دلوقتى فضلت ساكته وده لانى كنت مكسوفه اوى كريم:- أمنيه، لما شوفتك عند خالد دى مكانتش اول مرة من حسن حظى انك فى نفس الجامعه، كنت بشوفك دايما هناك، الحقيقة انا غاضض بصرى عن الكل بس كنت بضعف لما بشوفك وأنت زى الاميرة وكنت حابب جدا انك لابسه الخمار وبتلبسي واسع ومع ذلك كنت اجمل واحدة فى الجامعه.... حاولت انى ادخل الاكونت بتاعك بس معرفتش عملت اكونت جديد وكنت بتابعك بيه، واللى كنت مستغربله هو انتِ ليه عاملالى بلوك! بُصى انتِ اجمل شخصيه انا قابلتها وكنت مبسوط وفرحان بيكي وكنت بغير عليكي برضو.... لما تكونى ماشيه فى الجامعه، حرفيا كله بيبقي باصص على عفافك وعلى جمالك وكله بيشوفك اميرة، ف كنت ببقه غيران جدا وبتمنى لو اخدك واخبيكي فى قلبي و كنت.. أمنيه:- استنى بس يا ابني،، براحه.. براحه عليا بس علشان قلبي هيقف🙂👍😂😂 فضل يضحك بصوت عالى كريم:- حاضر، بس هسألك سؤال أمنيه:- ها؟.... ربنا يستر😂 كريم:- انتِ عملتيلى بلوك ليه؟ ولو سمحتى اتكلمى ومتفضليش ساكته كريم:-أمنيه... انتِ اتضايقتي؟.... مالك كدة وشك اتغير أمنيه:-تعرف يا كريم لو كان فيه بنت مكانى مكنتش هتحكي علشان بس هتفكر ان لما تحكى ده هيخليك تبقى مبسوط وفرحان بنفسك وهتبقي ضامن وجودى وكدة بس اناهحكيلك، لانى عارفه نفسي لو حسيت الاحساس ده معاك وهو انك مت