احببته قارئاً - الفصل الاول - مكتملة | روايتك

*أحببته قاࢪئاً*🦋📖‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏ * _*الباࢪت الـاول 🦋📖*_ _*الباࢪت الـثاني🦋📖*_ _*الباࢪت الـثالث🦋📖*_ _*الـباࢪت الـرابع🦋📖*_ #أحببتهُ_قارئاً #بارت1 (هو انت جيت منين، حبيتك بالتلاته.. سهرانه بتاع يومين عاوزاك....) "يا بنتي اقفلى الزفت ده بقه، احنا قولنا ايه؟" "حاضر يا ست الشيخه لا مؤاخده😁" "لو مش قادره تبطليها على الاقل متخليش حد يسمعها بسببك وبعدين يحبها وتشيلى ذنبه" " خلاص يا مريم انا اسفه وهحاول ابطل اسمع اغانى، بس برضو انا مش مقتنعه يعني الاغانى حرام ليه، طيب لما اتخطب او اتجوز اعبر عن فرحتى ازاى! اعمل فرحى ازاى!؟ منغير ما افرح وارقص واتنطط كدة،، هفرح ازاى انا ها! " "إحنا مش كل مرة اللى هنعيده هنزيده يا أمنيه، بجد انا مش عارفه اللى هقولهولك صح ولا غلط بس انا تعبت جدا ونفسي اشوفك على الصح، انتِ صحبتي واقرب حد ليا ومليش ف الدنيا دى غيرك واتمنى نكون مع بعض فى الجنه زى ما احنا مع بعض فى الدنيا يا امنيه ارجوكى حاولى علشانى 💔 سكت وبصتلها وانا حاسه بحبها ليا وقد ايه هى بتحاول تساعدنى بس كل الحكايه انامش مقتنعه وعاوزة اللى يقنعنى اكتر ويفهمنى " بُصى المحل اللى هناك ده باين عليه حاجته نضيفه هروح اشوفه كملى اكل انتِ وحصليني" " تمام " (رب السموات والأرض وما بينهما فاعبده واصطبر لعبادته هل تعلم له سميا ) ايه الصوت ده!....منين ده، قومت وانا بدور عن الصوت اللى فى لحظه حسيته بيطبطب على قلبي وحسيت قد ايه انا عاوزة اعيط وقد ايه انا حاسه باحساس غريب مش عارفه ايه هو... فضلت امشى ورا الصوت لقيتنى واقفه عند سوبر ماركت دخلت وبتردد سألت البياع "هو مين اللى بيقرأ قرآن ده لو سمحت؟" بصلى وكان راجل كبير مُلتحى وابتسملى ابتسامه نورت وشه قالى " والله مش عارفه أصل ابنى هو اللى بيشغل القرآن وبيسمع اكتر من شيخ، هو جاى كمان شويه لو عاوزة اسألهولك " طبعاً مكنش ينفع استنى لانه ممكن الراجل يفهمنى غلط فشكرته ومشيت وقولت انى هبحث عنه فى اليوتيوب او فى اى حته "كنتى فين يا امنيه انا خرجت من المحل ملقتكيش" "لا ابدا كنت بس هنا فى السوبر ماركت بسأل عن حاجة "حاجه ايه؟ ومال وشك كده، انتِ كويسه؟، حصل حاجه؟" "لا مفيش يا مريم يلا بينا بس علشان منتأخرش" مشيت وانا حاطه الهاند فري وبسمع اغنيه هاديه خدتنى لعالم تانى.......عدت الايام والشهور وفى يوم صحيت الصبح لقيت رساله من حسام فتحتها وكانت الصدمه بالنسبالى كان بيقولى انه آسف وانه غصب عنه هو بيحب واحده تانيه وانه كان بيحاول الفتره اللى عدت يكون معايا وليا بس، لكنه مقدرش.....حسيت بتنميل فى جسمى والدنيا لفت بيا، هو كان اكتر شخص بيفهمنى ومستحمل كل عيوبى ودايماً واقف معايا واكتر حد بيخاف عليا وعلى زعلى هو اللى كان سندى بعد موت بابا، ليه يا حسام تكسرنى كدة ده انا كنت فاكره انك عوض ربنا ليا وان الدنيا لو ادتنى ضهرها انا مش هيفرق معايا لانى هجرى واستخبي فى قلبك وساعتها انت هتطبطب عليا وتاخد منى كل الوجع وكل العذاب اللى شوفته وانا فى وسط حزنى وعياطى افتكرت صوته وكنت مستغربه جدا، حسيت كأنها إشارة من ربنا انى افتكره وخصوصاً انى كنت نسياه واول مره سمعته كان من شهور وده اللى خلانى بسرعه اخرج اللاب توب بتاعى وعملت سيرش على اليوتيوب بنفس الايات اللى سمعتها فضلت ادور كتير لحد ما لقيته حطيت الهاند فرى وشغلت القرآن بصوته كنت حاسه انى متخدرة حرفياً،، كل الالم اللى فى قلبي مكنتش حاسه بيه كنت سامعه بس صوت ربنا وهو بيطبطب عليا بآياته وقرآنه ولمست المسافه الشاسعه والاسوار اللى انا حطاها بينى وبين ربنا...صوته خلانى عاوزة اصلى... انا هقوم اتوضى واصلى وفعلا قومت اتوضيت ولبست الاسدال وصليت ومع اول سجده فضلت اعيط واعيط واشكى لربنا همومى واعترفله بذنوبي، كانت اول مره احس فيها ان ربنا سامعنى واول مره احس انه فيه حد قريب منى اوى وفاهم كل حاجه انا بوصفها ومن قبل ما اوصفها هو سبحانه عالم بيها خلصت صلاة وانا مرتاحه جداً، جبت الفون بتاعى وعملت لحسام بلوك من كل الابلكيشنز ودعيت ان ربنا يربط على قلبي ويسامحني على ذنبى ويعوضنى خير، لانه سبحانه عالم انى كنت ضعيفه ومكنتش عارفه انه علاقتى بيه حرام وغلط لانى كنت بعيده عنه سبحانه..بس من النهارده مفيش حواجز واكيد مريم هتفرح بقرارى اللى هقولهولها " الو...ازيك يا مريم، كنت عاوزة اشوفك بكرة نخرج فى اى كافيه ايه رايك......تمام هستناكى هناك" بصيت للسما واتمنيت ان ربنا يكتبلى الخير فى خطوتى الجايه. #يتبع رأيكم يهمنى جداً 🫶🏻💜 🎀🎀🎀🎀🎀🎀 #بارت2 #أحببتهُ_قارئاً أمنيه: السلام عليكم يا مريم مريم: وعليكم السلا.... أمنيه: مفاجأة مش كدة! مريم: أمنيه انا مش مصدقه ياااربي انتِ لبستى الخمار 😭 قامت وحضنتنى وفضلت تعيط وتقولى انها مش مصدقه وكمان ضربتني😂 علشان منزلتش معايا واختارتلى اول خمار أمنيه: حبيت اعملهالك مفاجأة والنهارده هنشترى إدناء ودريسات واسعه وخمارات زى ما انتِ عاوزة مريم: طيب مش هتقوليلى ايه اللى خلاكى تاخدى القرار ده ده انا ليا سنين بهاتى معاكى علشان تبطلى تسمعى اغانى تقومى تلبسي الخمار مرة واحدة!😂 أمنيه: ما تقوليلى"اقلعيه احسن" فيه ايه يا مريم مش كدة يعني! مريم: خلاص انا اسفه🙊 ربنا يثبتلك يا حبيبتي واعيش واشوفك لابسه النقاب امنيه: والله مبقتش ضامنه نفسي ممكن اصحى الصبح اقرر البسه🤭 مريم: انا خايفه منك يا بت!....هو فيه ايه؟😂 امنيه: مفيش ويلا بينا علشان اتاخرنا لفينا مولات ومحلات كتير وكنت بجد مبسوطه اوى وانا بقيس الادناء ومكنتش اتخيل انه حلو اوى عليا كدة وحسيت قد ايه شكلى بالطرحه كان وحش وان الخمار عليا احلى بكتير ومنورلى وشى وادركت أنه فعلاً من ترك شيئاً لله عوضه الله خيرً منه وطول الوقت كنت مشغله القرآن بصوته كنت حاسه بالامان جداً وانا بسمع القرآن بصوته مريم: أمنيه انا مبسوطالك اوى وبجد حاسه انى عاوزة احضنك كل دقيقه ربنا يثبتك يا حبيبتي ويزيدك امنيه: اللهم آمين بس بلاش والنبي حوار الحضن ده..انتِ عارفه فى الزمن الاغبر ده ممكن يفهموا غلط😂😂 مريم: تصدقى انا اللى غلطانه أصلا!...يلا امشى بينا انا تعبت أمنيه: خلاص انت هتتقمصى معلش يا ستى مريم: صحيح مين اللى مشغلاه ده طول اليوم؟ أمنيه: ده سبب هدايتي مريم: مش فاهمه! أمنيه: من شهور كنا انا وانتِ بنشترى هدوم وكنت سمعت صوته فى الشارع فعجبني ومن كام يوم كدة افتكرته وبحثت عنه ومن يومها وانا مشغله صوته ليل نهار وبسببه بتأمل فى كلام ربنا وبفهم آياته وده اللى خلانى ابحث عن اللبس الشرعى الصحيح وسمعت كمان كام فيديو لشيوخ ف حسيت انى لازم اخد الخطوة دى والبس الخمار...لو كان النقاب مختلفين فيه اذا كان فرض او سُنه فالخمار معروف انه فرض ولازم كل بنت تلتزم بيه وانا اتأكدت من ده لما سمعت شيخ بيقول ان الخمار تم ذكره فى سورة النور واللى بدايتها كدة..." سورة انزلناها وفرضناها " يعني اى حاجه هتتذكر فى السورة هى فرض....والخمار مذكور فى السورة يبقي الخمار فرض والطرحه مش زى الخمار ومش ساتره زيه مريم: بُصى انا اسفه يمكن انا كنت مركزة معاكى فى موضوع الاغانى ومحاولتش افهمك حاجات تاني ولكن ربنا اراد ليكي الهدايه فى التوقيت ده بالذات وان شاء الله هتكون بدايه الطريق من هنا، بس قوليلى هو اسمه ايه أمنيه: والله معرفش. مريم: ازاى يعني؟..براحه قوليلى اسمه ايه😂 أمنيه: والله ما اعرف يا بنتي...هو بينزل صوته وبس ومحدش يعرف عنه اى معلومه رغم انه مشهور جداً اعتقد هو عاوز الاجر والثواب بس.. مش عاوز الشهره وكدة رغم انى مش عارفه فيها ايه مريم: اكيد عنده وجهت نظر،، والهدايه ليها اسباب وربنا جعل صوته سبب لهدايتك سلمت على مريم وروحت البيت وانا بفكر فيه وبس معرفش ليه وايه ده فضلت ادور على اسمه او صورة ليه بس للاسف مكنش فيه...بصيت فى الجروب بتاعه لقيتهم بيقولوا عاوزين ادمن فى الجروب ولو حد عاوز يتواصل معاهم.بسرعه عملت اكونت جديد لانه بتاعى كنت ناويه امسحه أصلا وقولت طالما هكون موجوده فى حاجة ارضى بيها ربنا يبقي أبدا على نضافه وبالفعل عملت اكونت واتواصلت مع الادمن بتاع الجروب وبقيت ادمن فى الجروب بتاعه،كنت مبسوطه اوى لانه كان جروب كله قرآن وبوستات دينيه كنت بتعلم منهم وحاسه يوم بعد يوم بتغير وبعرف ربنا اكتر كل يوم كنت بسمع فيديوهات دينيه ومحاضرات بجد انا مش مصدقه انه دا انا..فعلا ربنا لما بيأذن بهداية العبد مفيش حاجه فى الدنيا هتمنعه ولا حتى نفسه اللى بين جنبيه فى يوم كنت منزله بوست بتكلم فيه عن اليأس وفجأة لقيت النتوفكيشن انه عمل كومنت على البوست بتاعى بسرعه دخلت ولقيته كاتب آيه "يُدبر الأمر" والغريب فى ده انه مبيردش على بوستات او بيكلم حد لانه مش عاوز حد يعرف عنه حاجة لكني انبسطت انه شاف البوست بتاعى وبقيت افتح.دايما اشوفه اتفاعل مع منشوراتى او عمل كومنت لكن فى لحظه حسيت انى منافقه وانى مش لازم اعمل كدة،، انا بنزل بوستات او قرآن علشان اخد اجر وثواب مش علشان انتظر انه يشوفهم، استغفرت ربنا وصفيت نيتي واستعنت بالله وعملته بلوك😂 اه بلوك علشان لا اشوفه فى الجروب ولا يشوفنى ونويت انه يكون عمل خالص لله وصدقه جاريه ليا بعد وفاتى، فى النهايه احنا اللى بنختار طريقنا سواء الصح او الغلط انا خلاص قررت انى همشى فى الصح حتى لو وقعت فانا بشر وعادى جداً اقع واقف تانى المهم ربنا عارف انى بعافر علشانه مش مستسلمه لنفسي #يتبع 🎀🎀🎀🎀🎀🎀🎀 #بارت3 _ يلا يا أمنيه ألبسي بسرعه! _حاضر يا ماما "ياربي انا كائن فرهود مش مستحمله كل العك ده"😭 قومت وغسلت وشي وجهزت هدومى وانا ببص على اوضتى اللى مفيهاش غير السرير اما باقيها فهى خاويه على عروشها وده لاننا عزلنا وخدت شهر تقريباً وانا بساعد ماما ننقل الحاجات بتاعتنا... لبست هدومى وكنت خارجه لكن للحظه لفت انتباهى صندوق تحت السرير بتاعى دخلت الاوضه تانى و شديت الصندوق من تحت السرير وانا فى بالى هلاقى شهادة ميلادى الاصليه وانى مش بنت اهلى وهما خطفونى من وانا صغيرة وربونى وانا اصلا بنت عيله غنيه وحوارات كبيرة سعدتك😂 فتحت الصندوق وانا بضحك علي نفسي من الهبل اللى بفكر فيه، لكن الصندوق كان كله ورق فضلت اقلب فيه وبتلقائيه حطيت ايدى على صدرى "ايه ده يعني انا مش مخطوفه وسلاحف النينجا اللى بره دول اخواتى بجد"! 😂...فضلت اقلب فى الورق واللى كان عباره عن عبارات تحفيز كتباها بخط ايدى ولقيت كمان دفاتر كتير فيها روايات انا كتباها، الحقيقه كنت مذهوله وانا بقرأ مذهوله من الاسلوب ومن اللغه القويه والتعبيرات الجميله والمدهش فى ده ان الروايات مكتوبه وانا فى اعدادى وفى ثانوى واكتشفت انى وانا ماشيه فى حياتى ومشغوله بعلاقاتى ومُهتمه اكتر بأنى اخلى الناس تحبنى او انى اكون انسانه مثاليه نسيت نفسي ونسيت مواهبي وكل حاجه بتعبر عن قلبي وعن اللى جوايا شغلتنى الدنيا بانى ارضي الناس ونسيت ارضى نفسي اكتشفت انى كنت بحط الحاجات اللى بعانى منها على هيئه روايات ولكن كنت بخبي الحقيقه جوا اشخاص واحداث زياده، لكن الحقيقه هى ان الروايات عباره عن احداث ومشاعر كنت عيشاها فى الفترة دى خدت الصندوق ونزلت واتخانقت مع ماما لانه مكنش فيه مكان للصندوق لكنى اصريت اخده معايا ولكن ماما اصرت انه اخده على حجرى😭😂 وبالفعل كنت شيلاه طول الطريق وصلنا وبجد كان احساس حلو، الا انى نزلت وانا زى ست اطاطا حرفياً😁 ورجليا ورمت من الصندوق كنت فرحانه جدا باوضتى وبالاطاله بتاعتها وطبعا كان لازم اساعد ماما نعمل شوية حاجات ناقصه وبالفعل خلصت بالليل ورجعت اوضتى وانا كل اللى فى بالى اقرا الروايات وبالفعل فضلت اقرأهم وانا حاسه بحنان للكتابه..موهبتي اللى دفنتها السنين، نمت وقررت انى هرجع لموهبتي وانميها لانها هى اللى بتخليني اتنفس بعدها بكام يوم الدراسه بدات وواجهت اول يوم روحت فيه الجامعه بقلب خايف من الاحراج من اى موقف ممكن يخلينى اكره اروح الكليه تانى، لكنى استعنت بالله وتجاوزت الخطوه دى وكان يوم سخيف كدة بسال فيه عن المدرجات وبحاول امسك لسانى من انى اغلط واقول مستر بدل دكتور وعرفت كمان كام بنت كده لكن طبعآ محدش فيهم سد الفراغ بتاع مريم لاننا افترقنا هى ف كليه وانا فى كليه سألت عن مكتبه الجامعه وانا ماشيه فى طريقي سمعت حد بيتكلم فى الفون، الحقيقه انجذبت للكلام لانه كان بيتكلم عن القرآن بس كل اللى خدت بالى منه انه بيقول نزل سورة الحج بكره، دخلت المكتبه والحقيقه كنت فرحانه جدا ولا كانى دخلت اوضه كلها دهب...فضلت اقلب فى الكتب وانتقل من رف لرف واخترت اكتر من روايه وقعدت اقرأ وسرحت تانى يوم فتحت الانستقرام ولقيت النتوفيكشن سورة الحج كامله بصوته...معقولة!! لالا اكيد صدفه مش اكتر مستحيل يكون هو وده غير ان صوته كبير يعني بتاع حد عنده 29 او 30 مش حد يكون لسه مخلصش جامعه! حاولت كتير انسي لكن هو كان بيقول نزل سورة الحج مش معقوله يعني اللى شوفته فى الجامعه كمان قارئ ونزل نفس السورة.. قررت انى هنسي ومش هفكر لكن قلبي المهزأ هل يهدي ويسيب عقى ياخد قرار لا والله أبدا ما انا سايبك...وبالفعل كنت بحاول اعرفه طبعا انا كنت بتكسف ومش هسال سؤال زى ده وهو انى اعرف اسمه او هو مين لكن كنت بحاول اركز بيروح انهى مدرج وفى يوم كنت رايحه المكتبه كعادتي وكان هو من الناحيه التانيه لصور المكتبه وكان واقف مع اتنين وبيتكلموا..الحقيقه مشيت بهدوء على امل انى اسمع حد بيقول اسمه " اخلص يا بغلاو قول اسمااو" وبعد ما كنت خلاص هدخل المكتبه سمعت واحد بيقوله " بس احنا مش متفقين على كده يا كريم" وفى لحظه وبدون ما احس قولت "yes"ولا كانى عرفت سر خطير من اسرار الدولة😂 بصيت ورايا لقيتهم مخضوضين وبيبصولى... دخلت جوه ووشى جايب الوان... الحمدلله اثبتلهم بجدارة انى هبله ☹️ بعدها بفترة عرفت انه دى السنه التانيه ليه فى الكليه وده لانى كنت ملاحظه انه بيحضر المحاضرات ف الدور اللى.فوق واللى غالباً بيكون بتاع تانيه...... خدت فتره وانا تايهه فى كل حاجه ومش عارفه اركز فى دراستى ولا فى الروايه بتاعتى اللى بكتبها كل اللى بفكر فيه هو ليه بيحصل كده...لانى مؤخراً اصبحت من النوع اللى مش بيهتم بوجود حد معاه سواء اصدقاء او حتى اهلى..وبقيت بكتفى بذاتى جداً ولكن الاحساس اللى كنت بقاومه هو انه بحسه شبهى معرفش ازاى بس اسلوبه فى الكلام...ردة فعله على المواقف..انا لو كنت مكانه فى المواقف دى هعمل نفس اللى عمله، احيانا كنت بهزء نفسي واحاول ابطل هبل...بس كنت عامله زي اللى بيلف فى دايره مُفرغه، بس قررت انى اصبر واركز فى اللى انا فيه وغضضت بصرى...وكمان مبقتش اروح الجامعه كتير ومع الوقت انشغلت فى عالم الروايات وبجد لقيت اصدقاء يونسونى فى وحدتى، حبيت اسيل فى ارض زيكولا وحبيت ماسيليا فى كويكول وحبيت جودى فى روايه صاحب الظل الطويل واعجبت بقوة الجبلاوى فى اولاد حارتنا وقبلهم كلهم ربنا اكرمنى وحفظت القرآن الكريم بالتفسير بتاعه وده فى حد ذاته كان انجاز عظيم بالنسبالى الحقيقه ان احنا شايفين الدين من بعيد انه حلو وجميل لكن اول ما نلاقى الدين ظهر فى الحياة الاجتماعيه بنهرب وبنقول انه تشدد...انا كنت من الفئه دى كنت فاكرة ان الدين حاجه هتخلى حياتى صعبه لكن الحقيقه انى من وقت ما قربت من ربنا وانا عملت انجازات مكنتش اتخيل انى اعملها فى فتره صغيرة زى دى،،القرب من ربنا هو مفتاح كل حاجه ومحدش هيفهم كلامى الا لما يكون فعلا عاش بالقرب من خالقنا سبحانه... #يتبع 🎀🎀🎀🎀🎀🎀 #بارت4 السلام عليكم،بعتذر عن التأخير وبشكركم على الكومنتات اللطيفه واللى فرحتنى بجد،لدرجة انى احتفظت بيها شكراً جداً 💖 ـــــــــــــــــــــــــــــــــــــــــــــــــــــــــــــــ _السلام عليكم _ وعليكم السلام ورحمة الله وبركاته... _حضرتك انا أمنية اللى اتصلت بيك إمبارح! _ اهلا وسهلا بيك يا بنتى، اتفضلى اقعدى _اشكرك جداً.... حضرتك انا جبت معايا كام مقال علشان تشوفهم وتقولى رأيك _ وريني يا ستى. طبعاً كنت متوترة جداً وخصوصاً ان دى اول مره اعمل مقابله شغل واخد الخطوة الجريئة دى ككاتبه وده كان بعد الحاح شديد من اهلى واصحابي وكلهم بيقولولى انى بكتب حلو جداً ولازم ابدأ أنمى مهارتى فى الكتابه من خلال كتابة المقالات ونشرها وبالفعل بدأت ادور على دور نشر ولكن بابا كان مُصّر جداً ان اروح واقدم كتاباتى لصديقه الاستاذ جمال رغم انى مكنتش حابه حوار الواسطه ده لكن بابا قال انه مش واسطه مجرد انه يقول رأيه ولو بتكتبي كويس هيشغلك لو لا ف هو اكيد مش هيضر نفسه يعني علشان يجاملك وانتى فى الحقيقه عرة ومينفعيش تشتغلى😂 واهو نفذت كلامه واديني فى مكتبه بيقرا اللى انا كتباه الأستاذ جمال: انتِ عندك كام سنه! أمنيه: تقريباً 20😅 الأستاذ جمال: بتكتبي من أمتى.. أمنيه: الحقيقه بكتب من وانا صغيرة يعني من اعدادى او قبل اعدادى كمان لكن فى الفترة الاخيرة انقطعت عن الكتابه تماماً ورجعت تقريبا من سنه هو حضرتك كتاباتى وحشه للدرجادى!؟ الاستاذ جمال:ايه الحاجه اللى بتلهمك وانتِ بتكتبي، يعني مثلا لما بتقرأى روايه جديدة او شعر ده بيزيدك قوة ولا لأ أمنيه: الحقيقه لا...انا كتاباتى على مدى سنيين متغيرتش لو بصيت فى السما او الاشجار او بحر اسكندريه بحس انه الكلمات بتتخانق علشان تخرج.من دماغى...انا انسانه الطبيعه هى اللى بتلهمنى...اما الروايات والكتب فهى مجرد ثقافه بالنسبالى لكنها مش بتزيد عندى حاجة الا فى الحصيله اللغويه بتفيدنى جداً.. الأستاذ جمال: والله انا مش عارف اقولك ايه يا أمنيه.. أمنيه: حضرتك انا مش بضغط عليك خالص طالما كتاباتى مش عجبتك ف هديتك ليا هى انك تقولى اخطائي وانا هتقبلها بصدر رحب جدا وحضرتك خليك متاكد من ده فضل باصصلى ومُبتسم وهو حاطط ايده على دماغه وساندها على المكتب بعدين بدا يتكلم وهو بيشاور بايده ‏‏‏‏‏‏‏‏‏‏‏‏‏‏‏‏‏ ‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏تابع قناة 🦋📖𝒌𝒊𝒏𝒈𝒅𝒐𝒎 𝑶𝒇 𝒏𝒐𝒗𝒆𝒍𝒔 في واتساب ↓↓ *https://whatsapp.com/channel/0029VahqJobEawdxTSLWD828* _ الحقيقه لما باباكى كلمنى انا رحبت بالفكرة جداً وهقولك بقه بصراحه..كان فى دماغى انه هتيجي هتعرضى مقالاتك واللى هتكون فيها شويه من قلة الخبرة و عدم درايه بالادب وبعدين هنصحك كام نصيحه والموضوع يخلص على كدة لكن انا منبهر،، انتِ بجد موهوبه جدا وهيكون ليكي اسم فى عالم الادب والمكتبات محتاجة قلم قوى وروح جديدة تعيد ليها الحياة بعد ما ناس كتير سموا نفسهم كُتاب وهما جاهلين تماماً يعني ايه كتابه ويعني ايه ادب، الحقيقه وبدون اى مجامله... انا شايف قدامى كاتبه عظيمه ومينفعش تستنى انتى عندك موهبه طبيعيه وانك بتحللى الموقف وتكتبي دى اهم صفه فى الكاتب الرائع وصدقيني لو فضلت اتكلم لبكرة مش هوفيكي حقك أمنيه: حضرتك ليه صدمتني كدة..ليه! انا بجد مبسوطه وعاوزة اعيط...شكرا لحضرتك جدا جدا والله😭 الأستاذجمال: بلاش حضرتك دى..انا عمك وثانيا دى الحقيقه حبيت اسلوبك.جدا وازاى بتتناولى الافكار فى المقالات دى ده غير المفردات اللغويه القويه جدا ومفيش ولا خطا املائي واحد وتناسق الافكار وكل المقالات تحفه فنيه أمنيه: ربنا يعزك...ده من ذوقك والله..انا بصراحه اتفاجئت وخضوصا دى اول مرة اعرض كتاباتى لحد الأستاذ جمال: بصي يا أمنيه ابدأى اكتبي فى روايه واديها كل موهبتك ومجهودك وانا هتكفل بنشرها..كل اللى عليكي تكتبي وبس وملكيش دعوة باى حاجة تانيه أمنيه: والله منا عارفه اقولك ايه ولا اشكرك ازاى...لكن جزاك الله.عنى الف خير ووالله كفايه مقابلت حضرتك ليا وتشجيعك...اتمنى اكون عند حسن ظنك الأستاذ جمال: انا متاكد انك قدها، شدى حيلك بقه كدة واعمليلنا روايه حلوة زى المقالات بتاعتك دى وان شاء الله يكون اسمك موجودفى معرض الكتاب الجاى مشيت من عنده وانا طايرة من الفرح..كنت عاوزة اعيط ياربي ليك الحمد ياربي انت كريم اوى سبحانك يارب ده كتير عليا..كتير اوى..الحمدلله الحمدلله الحمدلله فضلت احمد ربنا واتحمست جدا لروايتي الجديدة وبالفعل بدأت اكتبها ولكن ده كان صعب شويه مع الدارسه خصوصآ ان الامتحانات قربت ولكن انا واثقه ان ربنا هيفتح عليا وهيمن عليا بكرمه ولطفه اللى دايما بيطمنى بيه كنت دايما بفكر فى جبر ربنا لقلب العبد ان الواحد فينا ممكن يعيش سنه مثلا فى كرب شديد " وظنوا انهم احيط بهم" وفاكر انه خلاص مفيش مخرج ولكن ربنا يعوضه عنها ويفضل يعوضه طول عمره على سنه واحده بس عاشها فى كرب سبحانه رحمته وسعت كل شيء...لا تكفوا عن طرق الباب فإنه حتماً سيُفتح🧡 #يتبع .....