أنا آسفه - ❴🔢❵☟الــبــــ❴ ألأخير ❵ــــــارت☟ - مكتملة | روايتك

عايزة أقول حاجه ١-إني لما بكتب البارت وبخلصه بنزله علي طول صدقوني ولما بكتب البارت التاني يا بكتب جزء في نفس اليوم أو بكتبه تاني يوم وبينزل تاني يوم وأنا عمري ما أتأخرت في تنزيل الرواية أخري يومين بس فبلاش اللاقي حد أول ما البارت ينزل يقولي فين البارت التاني أنا مش آله يا حبايبي 🫶🥰 ٢-بفكر أخلي الرواية أكتر من ٣ بارت بفكر أحط أحداث تانية إيه رأيكم🥹💗؟ رميت أدهم من ايدي وكان وشه متبهدل ومش قادر يقف من الضرب وجريت علي مريم شلتها بسرعة ونزلت بيها أنا وملك علي عربيتي وسوقت بسرعه للمستشفى أول ما دخلت أتكلمت بصوت عنيف _ترولييييي المستشفى اتهزت من علو صوتي جري عليا ممرضين بالترولي واخدو مريم ودخلوها العمليات وبرا كانت واقفه ملك ودموعها علي خدها وعماله تدعي وأنا مكنتش قادر أصلب طولي معقول معقول معرفتش أحميها وخذلتها مفوقتش غير علي خروج الدكتور جريت عليه أتكلمت بخوف_مريم مريم كويسه صح عايشه صح اتنهد الدكتور_عايشه الحمدلله بس للأسف دماغها اتعرضت لخبطة جامدة بس الحمدلله مدخلتش غيبوبه ادعولها إحنا لازم نعمل محضر لأن جسمها متبهدل خالص وده علامات ضر*ب عنيف أوي! وكان في جروح في ضهرها وعالجناها! أتكلمت بتعب_انا جوزها وأنا ظابط وهحل الموضوع ده هز الدكتور رأسه ومشي وأنا واقف مكاني مش عارف أعمل ايه اعصابي سابت ومكنتش قادر أقف فجأة اتحولت ملامحي من حزن لغضب! _ملك خليكي مع مريم وأنا رايح لل*** أدهم ومستنتش ردها وجريت بسرعه علي الشقه وأنا متأكد أنه هيبقي لسه جوا لأنه من كتر الضرب مش هيعرف يقف علي رجله واللي اتمنيته لقيته! كان مرمي علي الأرض وكان فاقد الوعي مسكته من هدومه وجريته ورايا وأنا نازل علي السلم! وخدته وروحت علي القسم كنت قاعد في مكتبي وحاطط رجل علي رجل وببصله ببرود وهو فاقد وعيه ووشه مش باين من كتر الض**رب والد**م وطبعاً جسمه كله اللي اتكسر من الضر**ب وبكل برود روحت جنبه وكبيت مايه عليه فاق شوية بس مقدرش يقوم من علي الأرض مسكته من هدومه بكل عنف بدأ أدهم يتكلم بصوت ضعيف_خخ لا لاااص خلاص ممم مش قااا در ضحكت بسخريه وبعدين ضربته بغل بي بطنه_م قادر يا روح *** أوعي تكون مفكر نفسك صعبان عليا توء توء لاء ده أنتَ عملتك دي متتغفرش أبدا بقي بتدخل شقتي علي مراتي وتقفل الباب وتضربها بتضرب مراتي في قلب بيتي يا ***** بدأت أضر**ب فيه بغل لغاية ما الباب اتفتح ودخل منه زميلي حاشني عنه بالعافيه في المستشفى كانت قاعده ملك مع مريم وبصالها بحزن علي الحال اللي حصلها فجأة الباب اتفتح ودخل منه جدو ونادية أتكلمت نادية بعياط_يا يلهوي ايه اللي حصل للبت مين عمل فيها كده أتكلم جدو بصدمه_مريم مريم بنتي حصلها ايه انطقي يا ملك حكتلهم ملك كل اللي حصل جدو أتكلم بعصبيه_ده أنا هوديهم في داهية ومش هسكت علي الراجل ده هو وابنه فجأة الباب اتفتح ودخل منه يوسف مكنتش مركز مين في الأوضه كنت مركز معاها وبس!! وشها شاحب شحوب المو*تى!جسدها اللي باين منه مزرق وفي أماكن مكانها جروح ووشها!وشها كان خد محمر أوي آثار ضربه قلم!ودماغها ملفوفه بشاش آثار خبطه في دماغها! بصيتلها ولحظات دموعي نزلت! أنا يوسف جلال اللي دمعتي منزلتش أبدا غير وقت وفاة أمي وأبويا دمعتي نزلت!وعلي مين!علي الملاك اللي لسه عارفها من يوم وللأسف زي الغبي معرفتش أحميها! أتكلمت بصوت غير قابل للنقاش_محتاج أقعد معاها لوحدي بالفعل كل اللي كان جوا خرج وفضلت أنا بس قربت منها وقعدت علي كرسي جنبها ومسكت ايدها بحنان _مش عارف أقولك ايه بس حقك عليا! حقك علي عيني يا نور عيني! أنا آسف أنا للأسف معرفتش أحميكي! يارب كان يحصلي وأنتِ لاء يارب! مش عارف إزاي وامتي بس أنا خوفت عليكي أوي!خوفت لا تروحي وتمشي وأنا ملحقتش أشبع منك! يمكن لسه عارفين بعض بس أنتِ حركتي مشاعر جوايا فضلت متجمدة لسنين! مريم أنا.. مريم أنا شكلي بحبك....مش عارف إزاي حصل ده بس حقيقي أنا بحبك ومعنديش أي استعداد أخسرك الحمدلله أنك كويسه كملت بمشاغبه وأنا بمسح دموعي اللي نزلت_بس يلا بقي قومي بسرعه ده إحنا لسه عرسان جداد شكلك نحس يا مفعوصه!! _أبعد! فجأة لقيتها بتشد ايدها من ايدي بعنف وبتحطها علي وشها أتكلمت بصدمه_مريم أنتِ فوقتي بجد مش مصدق طب أنتِ كويسه أنادي الدكتور! أتكلمت بصوت حاد_أطلع برا! اتسمرت مكاني_نعم أتكلمت بتوتر وهي لسه حاطه ايديها علي وشها_أطلع برا لو سمحت حاولت اطمنها_حبيبتي في ايه مالك وحاطه ايدك علي وشك ليه بدأت تتكلم بأنهيار_لو سمحت أطلع برا أنا مش حابه تشوفني كده أستغربت_أشوفك كده إزاي وبعدين أدرك قصدها مسكت ايدها بحنان وبدأت أبعد ايدها عن وشها كانت هتسحب ايدها بس مسكتها جامد_أهدي يا حبيبتي أتكلمت بعياط_لو سمحت أوعي مش عايزاك تشوفني بالمنظر ده لو سمحت يا يوسف بترجاك فجأة محستش بنفسي غير وأنا باخدها في حضني! _وماله منظرك يا عيوني زي القمر في كل حلاتك هنا انهارت في العياط كنت عايزها تخرج كل اللي جواها فضلت أطبطب علي ضهرها بحنان أتكلمت بصوت متقطع من البكاء_شوفت شوفت القذر عمل فيا ايه!!ده ده طعني في شرفي يا يوسف قالي إني عايشه مع راجل غريب كملت بأنهيار_ده ده ضر*بني بالقلم يا يوسف ومسكني شدني من شعري جامد وخبطني في الحيطه جامد ساعتها بدأت أصدع جامد وهو أستغل إني اترميت علي الأرض وبدأ يضربني في جسمي سكتت بعدين كملت وهي بتشهق_أنا شكلي باظ صح وشي باظ وجسمي باظ صح!! كان دمي بيغلي من كل اللي عمله فيها وكنت بقسم في سرى أن نهايته علي ايدي خرجتها من حضني لقيت وشها مليان دموع وشفايفها عماله تترعش مسحت دموعها ومسكت وشها بكف ايدي وأتكلمت بنبرة مليانه حنيه وابتسامه دافية_أنا شايف بنت جميلة زي القمر قدامي هديت شوية بس كانت بتطلع منها شهقه من أثر العياط _عايزة أشوف في المراية اتنهد_حاضر كانت لسه بتعدل نفسها عشان تقوم بس مدتهاش فرصه وشلتها شهقت بصدمه_أ أنت بتعمل ايه اتكلمت ببراءة هوديكي عند المراية أتكلمت بخجل وهي بتشيل عينها من عيوني_كان ممكن أقوم لوحدي ابتسمت_بس أنا مش عايزك تتعبي بصتلي وسكتت دخلنا الحمام _ممكن تنزلني =حاضر نزلتها بس كنت ساندها عشان متقعش بصت لنفسها في المراية وشهقت بصدمه من منظرها كانت لسه هتتكلم بس لفتها وحضنتها بسرعه _ششش أهدي خلاص مش عايز أشوف دموعك تاني حاولت تكتم عياطها فحسيت بيها _مريم حبيبتي صدقيني أنا مش هسيب حقك وهندمه علي اللي هو عمله ده كفاية اللي عملته فيه قبل مأجيلك ولسه هكمل عليه لقيتها بدأت تهدا وفي الآخر طلعت من حضني وأتكلمت بضيق ودموعها ماليه وشها_بتستغل أي حاجه عشان تحضني بصتلها بصدمه وبعدين ضحكت بصوت عالي أتكلمت بضيق_طب يلا نضحك برا يا عم مش في الحمام حاولت أكتم ضحكتي وميلت شلتها وهي من تعبها مأعترضتش رجعتها وحطيتها علي السرير براحه بصتلي بضيق_أنا جعانه بصيتلها وابتسمت_حاضر هجبلك أكل بالفعل خرج وراح جابلي أكل ورجع تاني بدأ يأكلني لأني أعصابي كانت سايبه قدامه بحاول أتكلم بمرح وأضحك لكن في الحقيقة من جوايا حزن الدنيا كله بس مش حابه أبينله! مر يومين بدون أحداث تذكر وخرجت من المستشفى روحت البيت عشان مكنتش مرتاحه في المستشفي _نورتي بيتك يا حبيبتي أبتسمت_ده نورك دخلنا وقعدت علي الكنبه وغمضت عيني بتعب شهقت فجأة لما لقيته شالني _بتعمل ايه =أنتِ محتاجه ترتاحي لفيت ايدي حوالين رقبته_اه والله محتاجه أنام ١٦ ساعه كدا ضحك_متجوز غيبوبه عدي شهر علي اللي حصل مش هقدر أقول إني اتعافيت بس كنت بتعافى كنت بتعافى من جروح جسمي بس جروح قلبي لاء كانت بتفتح أكتر! ويوسف! بدأ يقرب مني وكان بيعاملني بحنيه وكأني بنته مكنش بيسبني أبدا لوحدي وكان علي طول جنبي لغاية ما في يوم كانت الساعه ١٢بليل كان هو في شغله وأتأخر اليوم ده وأنا كنت خايفه جداً لأني لوحدي في شقه غريبه وفجأة لقيت الباب بيخبط بعنف خوفت وانكمشت مكاني كان صوت خبط الباب بيعلي وأنا عياطي بيزيد مكنتش عارفه أعمل ايه كنت خايفه جداً لدرجه مقدرتش أرن علي يوسف كنت قاعده في مكاني حاطه ايدي علي ودني وبعيط وخايفه من صوت الباب وكل اللي كان بيظهر قدامي مشهد أدهم واللي عمله فيا محستش بنفسي وفقدت الوعي وأنا في مكاني!!! يتبع.... رجعت من الشغل متأخر فتحت الباب لقيتها نايمة علي الأرض اتخضيت وجريت عليها _مريم حبيبتي أنتِ كويسه مريم فوقي مفاقتش جريت علي الأوضه جبت برفان وجيت عشان أفوقها بالفعل بدأت تفوق _حبيبتي أنتِ كويسه حصلك حاجه بصتلي شوية كأنها كانت بتستعيد وعيها وفجأة لقيتها اترمت في حضني وفضلت تعيط أتصدمت من عملتها لأنها أول مرة تحضني وهي في وعيها بدأت أطبطب علي ضهرها بحنيه_حصلك ايه يا حبيبتي كانت بتتكلم بعياط_أتأخرت ليه أنا..أنا كنت هموت من الخوف بسبب اللي حصل خرجتها من حضني_حصل ايه بدأت تهَدِّي عياط شوية وحاولت تتكلم براحه ولكن كانت بتشهق_مم مش عارفه بس أنتَ أتأخرت وأنا كنت خايفه عشان قاعده لوحدي وفجأة حد خبط علي الباب جامد أوي خوفت وأفتكرت يوم أدهم وبعدين محستش بنفسي بصتلها لثواني بعدين أخدتها في حضني تاني _حقك علي عيني يا نور عيني أنا آسف بجد إني اتأخرت حقك عليا ومتخافيش أنا هعرف مين اللي خبط بالشكل ده وهدفعه التمن بس المهم أنك بخير دلوقتي مردتش عليا كانت بتتشحتف من العياط وفجأة بعدتني عنها وأتكلمت بغضب طفولي_أوعى بصيتلها بصدمه من تقلبها دي كانت بتعيط من شوية حاولت ألطف الجو_بقي كده مش عايزه تحضني زوجك القمر بصتلي بقرف_لاء أنا داخله أنام كانت لسه هتمشي لكن مسكت ايدها بسرعه_نتعشي الأول وبعدين نامي أتكلمت بضيق_مش جعانه جاوبتها ببرود_معلش مش لازم تبقي جعانه بصتلي بضيق سحبتها ورايا وقعدتها علي الكرسي _خليكي هنا هروح أحضر العشاء وأجيلك ردت بهدوء_حاضر أبتسمت علي شكلها وروحت أحضر العشاء رجعت لقيتها قاعدة سرحانه حاولت أغير مودها_بقولك ايه ما تيجي ناكل وننزل نتمشي بصتلي بصدمه_دلوقتي =اه _لاء طبعاً الوقت متأخر وبعدين أنتَ أكيد راجع من الشغل تعبان يعني تاكل وتنام عشان ترتاح كنت مبسوط بأهتمامها_ياستي أنا زي الفل ناكل بس ونقوم نجهز كانت لسه هتعترض بس قاطعتها لما حطيت لقمه في بقها بصتلي بغيظ بادلتها بابتسامة _تاكلي آيس كريم =ماشي روحت جبت اتنين آيس كريم ورجعت اديتها واحد وأنا أخدت واحد _بص القمر شكله حلو ازاي بصتلها بحب بصتلي وأتكلمت بضيق_بص فوق علي القمر بصتلها جوا عيونها_ م أنا باصص علي القمر أهو أتكسفت لأن خدودها أحمرت أبتسمت بهدوء وبعدت وشي كنا ماشيين جنب بعض وفجأة روحت ماسك أيدها شهقت بصدمه_بتعمل ايه أوعي ايدي بصتلها ببراءة_عملت ايه معملتش حاجه بصتلي بضيق وحاولت تشيل ايدها من ايدي فأتكلمت بجدية_أيدك متلجه سبيني أدفيها بصتلي بأستغراب_بس إحنا في الصيف _أحم أمشي وأنتِ ساكته بصتلي ثواني بعدين ضحكت بكسوف أتكلِمِت بصوت واطي_أستغلالي سمعتها وأبتسمت _هو أنا ممكن أسألِك سؤال =أتفضل _أنتِ منمتيش يعني انهاردة كنتي سهرانه وده مش من عوايدك بصتلي شوية بعدين اتنهدت_أقولك سر =قولي _كنت مستنياك بصتلها بصدمه لأنها لأول مرة تكون عوزاني اتنهدت_أنا وأهلي كنا ساكنين هنا وأهل بابا من الصعيد وأهل ماما برضو من الصعيد بس بابا وماما أتجوزو هنا عشان شغل بابا اتنهدت ودموعها بدأت تظهر_يوم الحادثة بتاعت ماما وبابا اليوم ده لما راحو أنا فضلت لوحدي في الشقه كانت لسه تيته مجتش من الصعيد كانت هتيجي الصبح هي وباقي أهلي فاليوم ده كنت لوحدي في الشقه كانت الشقه هدوء بطريقة تخوف مكنتش عارفه أعمل ايه كنت قاعدة في ركن حاضنه صورة بابا وماما وبعيط منمتش اليوم ده من كتر الخوف بعدها أهل بابا كانو عايزين يرموني في ملجأ وياخدو شقه بابا بس تيته مامت ماما وقفتلهم وهدتتهم أنها هتعملهم محضر ومن ساعتها كانت هي عايشه معايا وهما رجعو بلدهم بس حتي لما تيته كانت معايا أنا كنت كل يوم بنام ودموعي علي خدي بسبب خوف جوايا بس... بصتلها عشان تتشجع وتكمل_بس ايه بصتلي في عيوني_من ساعه مأنتَ بقيت موجود وأنا الخوف ده راح وكنت بنام براحه عشان كده لما أتأخرت انهاردة كنت خايفه بصتلها بصدمه من كلامها ومش مصدق من كتر الصدمة منطقتش فضلت بصالي شوية وبعدين اتوترت_انا عايزة أروح مسكت ايدها بسرعه_مريم بصتلي ببراءة_نعم _تقبلي تدي علاقتنا فرصه والصراحة كنت خايف ترفض بس كنت مصمم إني هفضل وراها بس صدمني ردها _موافقه _أوف بقي يا يوسف أوف ضربت كف بكف_يا حول الله يارب مالك يا مريم أتكلمت بضيق_أنتَ بتزعقلي ليه بصتلها بصدمه_أنا فجأة لقيتها بتعيط_متعليش صوتك عليا أتصدمت_أنا كلمتك يا بنتي اتنهدت_تعالي يا مريم تعالي دخلت في حضني _حقك عليا متزعليش مني وبعدين أنتِ هرموناتك دي كترت يا قلبي بصتلي بضيق_شوف اهو مبقتش مستحملني أنا وابنك حضنتها وبوستها من خدها_ده أنا مقدرش أعيش من غيرك يا حبيبتي وبعدين حطيت ايدي علي بطنها المنتفخه من الحمل_متتعبش مامي يا أستاذ واتهد وبطل فرك بصتلي بحب وحاوطت وشي بكفوفها_هتبقي أطيب وأحن بابي في الدنيا مسكت ايدها وبوست باطن ايدها_وأنتِ هتبقي أجمل مامي في الدنيا تمت♥️ أسفه علي التأخير بس شغفي راح للأسف فمقدرتش أنزلها انبارح ولا قدرت أخلي البارت طويل تتعوض المرة الجاية 💗💗🫶 #بقلم_فونا #حب_الروايات