أنا آسفه - ❴🔢❵☟الــبــــــ❴ 1️⃣ ❵ـــــــارت☟ - مكتملة | روايتك

رواية أنا آسفه شغاله في كافيه ويتر وكنت بقدم طلب لشابين علي ترابيزة وفجأة القهوة اتقلبت علي واحد منهم اتنرفز_ايه اللي أنتِ عملتيه ده _أنا آسفه مش قصدي قام اتنرفز _أسفه ايه القميص باظ اتضايقتك الصراحه من أسلوبه_ما خلاص يا صاحبي في ايه مكنش قصدي واعتذرت ليه البكبكه دي كلها _بكبكه؟!! أنتِ مجنونه بدأت أفقد اعصابي_أحترم نفسك عشان مخربش عليك فجأة المدير حضر علي صوتنا العالي _في ايه يا مريم =في أن الأستاذ ده عمال يقل أدبه أنا دلقت القهوة عليه غصب عني واعتذرت لكن إزاي لازم يتعصب ويتنرفز ويغلط أتكلم بعصبيه الشاب_مش قد الشغل والشيل بتشتغلو ليه اتعصبت جدا_معلش يا روح مامي أصلي بتعب وبشقي وبيطلع عين أمي عشان أصرف علي نفسي مش زيك معتمدة علي فلوس بابي المدير أتدخل لأن الموضوع بدأ يسوء _بس مريم أهدي لو سمحتي مينفعش الأسلوب ده!!! وأنتَ يا ابني خلاص حقك عليا صرخت بقوة في جدو أيمن_جدو لو سمحت أنتَ ملكش أي ذنب عشان تعتذر للبقف ده بصلي بصدمه_أنا بقف! جدو أتدخل بسرعه_بس خلاص ايه مش محترمين وجودي ولا ايه مريم أتفضلي على شغلك مشيت وأنا ببصله بضيق *جدو أيمن صاحب بابا الله يرحمه هو وماما وجدو أيمن شغلني معاه في الكافيه عشان أقدر أصرف علي نفسي وبكل هدوء أخدت الصينيه والكوبايات ومشيت بكل برود بس قبل ما أمشي بصيت لجدو وقولت بتحذير_لو حصل وعرفت أنك عملت معاه أي حاجه كده أو كده هتبقي بزعله جامده ومشيت مهتمتش برد الفعل الشاب كان واقف باصصلها بصدمه وبعدين ابتسم بغلب جدو قرب منه_يوسف يا ابني حقك عليا متزعلش =مش زعلان يا جدو حقك عليا أنا اللي آسف عملت دوشه في المكان أبتسم بحنان وهو بيطبطب علي كتفه وبيقول بحنيه_معلش الدنيا ورتها كتير أوي شافت حاجات كتير وحشه في سن صغير أعذرها يا ابني بصتله بهدوء وبعدين قال_امال مين دي يا جدو أبتسم_دي يا سيدي مريم بنت صاحبي الأنتيم عبدو أتوفي هو ومراته في حادثه وهي عندها ١٤ سنه عاشت مع جدتها لغاية ما تمت ال١٨ جدتها توفت وهي عايشه لوحدها حالياً وكلية تربية أطفال معندهاش قرايب كل قرايبها قاطعين معاها بسبب مشاكل وهي دلوقتي ملهاش حد تعرفه غيري أنا ونادية مراتي كان يوسف باصصلها وهي بتتنقل بخفه بين الزباين والطلبات وبتضحك بهدوء كان مبتسم علي شكلها اللطيف خلص كلام مع جدو ومشي هو وصاحبه اللي كان معاه ولكن كل تفكيره كان فيها! راح علي شغله في القسم *يوسف ظابط عند مريم خلصت شغلي كانت الساعه ٤ خرجت من الكافيه روحت سوبر ماركت جبت شوية طلبات وروحت بسرعه عملت أكل سريع أكلت ودخلت أخدت شاور وبدأت أجهز عشان كان عندي فرح واحده صحبتي من الجامعه لبست فستان أحمر بنص كم قصير وطويل بعد الركبه ولبست هيلز حمرا وحطيت ميكب خفيف شوية وكان شعري الأحمر كيرلي جهزت وكنت مستنية ملك صحبتي تكلمني عشان كانت هتعدي عليا ونروح سوا قالتي أخوها هيوصلنا بالفعل مر دقايق ولقيتها بترن عليا _ألو =ألو مريومه يلا أنزلي أنا تحت _تمام قفلت معاها ونزلت وركبت ورا من غير مأبص علي اللي بيسوق بس أول ما رفعت راسي أتصدمت كان هو!!اللي دلقت عليه القهوة _هو أنتَ بصلي بصدمه_أنتِ أتكلمت ملك بأستغراب_أنتم تعرفو بعض بصيتله بضيق ومتكلمتش بصلي من المراية وضحك بأستفزاز عصبني أكتر وصلنا القاعه دخلنا كل الناس بصولي مش عارفه ليه اتوترت ميلت علي ملك وهمست_بت يا ملك هو في ايه كل الناس بتبصلي ليه ضحكت بخفوت وهمست_يمكن عشان زي القمر ابتسمتلها وحضنتها وإحنا ماشيين وببص جنبها لقيته باصصلي بنظره غريبة أتوترت وبصيت قدامي روحنا سلمنا علي العروسه وروحنا قعدنا مع صحابنا شوية مكنتش مرتاحه أوي لأني معرفش حد في الفرح ده غير ملك والعروسه بصيت علي جميع أنحاء القاعه لقيته واقف لوحده في مكان بعيد كان لابس بنطلون أسود وقميص أسود كان شكله لطيف وو لحظه كان بيبصلي وبيبتسم أبتسامته كان لطيفه رغم اللي حصل بينا لكن أبتسمت بهدوء جيه وقت الرقص فكل صحاب العريس والعروسه راحو يرقصو وفضلت أنا وملك بصيتلها بأستغراب_مروحتيش ليه بصتلي وضحكت بسخرية_عايزة هولاكو ده يبهدلني صح بصيت ناحيه ما هي بتشاور ولقيته باصصلها ومبرق ضحكت_ده بيتحول ولا ايه وفجأة لقيته بصلي ورفع حاجبه ديرت وشي لقيت ملك بتشدني وبتقولي_تعالي معايا الحمام هزيت راسي وروحت معاها هي دخلت وأنا فضلت مستنياها برا بس فجأة لقيت حد بيحط ايده علي كتفي بعدت بسرعه وأنا ببص لقيته أدهم ابن عمي أتصدمت إني لقيته _أذيك يا قطة رديت بحده_أحترم نفسك وأنتَ بتكلمني إحنا مش صحاب ضحك بأستفزاز_صح مش صحاب بس قرايب رديت بقرف_معنديش قرايب كلهم ماتو روح شوف أنتَ رايح فين كنت لسه همشي لقيته مسك ايدي وغمز_مسيرك تبقي ليا نفضت ايده بعنف_أنتَ مجنون كان لسه أدهم هيرد لكن لقيته طلع من القاعه وقرب مني وبصلي وبعدين بص لأدهم باستغراب_أنتِ كويسه كان أدهم لسه هيتكلم بس خرجت ملك وبصتلنا بأستغراب مسكت ايدها وشديتها ورايا_يلا بينا دخلنا القاعه وكنت متعصبه جداً وقفتني ملك وأتكلمت بقلق_في ايه يا مريم مالك ومين اللي كان معاكي ده أتكلمت بنرفزة حاولت أكتمها_ده أدهم ابن عمي بصتلي بصدمه_وده عايز ايه ده وبيعمل ايه هنا _معرفش معرفش قرب مننا يوسف وأتكلم بقلق_ في حاجه ولا ايه أتكلمت بضيق_ملك أنا هروح أسلم علي العروسه وهروح _ماشي وأنا كمان يلا روحنا بالفعل سلمنا علي العروسه وطلعنا برا ركبنا العربية ومشينا وإحنا في الطريق رن فوني برقم غريب _ألو =أهلا ببت أخوي أتصدمت من صوته معقول بعد السنين دي كلها فكر يكلمني =أعملي حسابك أن بكرة هاجي أنا وولدي عشان يكتب كتابه عليكي أتكلمت بصدمه_إيه يعني ايه ايه العبط ده مش موافقه طبعاً =أنا مش باخد رأيك يا عروسه أنا بجولك بس بكرة أدهم هيجيبك وتيجو الصعيد ونكتب الكتاب زعقت_أنتَ مجنون أنا مستحيل أعمل كده طبعاً وقفلت السكه في وشه أتكلمت ملك بقلق_في ايه يا مريم ومين ده =عمي شهقت بصدمه واتنرفزت_وهو عايز ايه ليه عين يكلمك جاي يسأل فيكي دلوقتي بعد ما رماكي عايز ايه؟؟ أتكلمت بسخريه_عايز يجوزني ابنه أتصدمت_ننننعم العربية وقفت فجأة لدرجه اتخبطت في الكرسي اللي قدامي لقيته بصلي بصدمه_قولتي ايه أستغربت حركته بس مهتمتش _عايز يجوزني ابنه غصب وبيقولي بكرة هيجي ياخدك وتروحو الصعيد ونكتب الكتاب هناك حاولت أكتم دموعي بس معرفتش خدتني ملك في حضنها_أهدي طب متخافيش محدش هيقدر يعمل حاجه غصب عنك أتكلمت وسط دموعي_ممكن تودوني عند جدو مش عايزة أروح البيت =حاضر يا حبيبتي بصت ليوسف بسرعه_يوسف روح علي عنوان جدو أيمن أعتقد أنك عارف العنوان أستغربت هو عارف عنوانه إزاي بس سكت حركت راسي بهدوء وبدأت أسوق ولكن دماغي فيها مليون فكرة يعني ايه هتتجوز ازاي؟!!!! بعد فترة وصلنا لبيت جدو أيمن ولما كلمت جدو وعرفته أنه معايا ملك صحبتي وأخوها أصر أنهم يطلعو معايا طلعنا وأول ما شافني أتكلم بقلق_مريم أنتِ كويسه مردتش وملك أتكلمت بسرعه_نتكلم جوا يا جدو طلعت نادية علي صوتنا_مساء الخير حبايبي وحشتوني ايتها نادية جابتلنا عصير وبعدين جدو أتكلم _مريومه في ايه بقي اتنهدت بحزن_عمي عايز يجوزني أبنه غصب بصلي بصدمه سرعان ما أتحولت ملامحه لغضب_يعني ايه غصب هو أتجنن وبعدين فاكر عشان أبوكي مات هيقوي القلب عليكي صدقيني ده أنا أطربق الدنيا علي دماغه تيته نادية فضلت تهدي فيه_أهدي يا أيمن عشان متتعبش بالهدوء وهنلاقي حل بدأت دموعي تنزل_أنا مش عارفه عايزين مني ايه ليه مش سايبني في حالي نفسي أعيش بهدوء بعيد عن المشاكل بقي خلاص تعبت لأول مرة أنهار قدام حد كده وخصوصا أن أخو ملك لسه قاعد بس مكنتش مستحمله قرب جدو مني وحضني_متخافيش يا حبيبتي صدقيني محدش هيقدر يلمسك حتي لو هعمل فيهم محضر _أنا ممكن اساعدك بصينا كلنا علي يوسف بصلي وأتكلم بكل ثبات_أنا مستعد أتجوزك _كلنا بصيناله بصدمه من كتر الصدمة مقدرتش أتكلم كل اللي كان في الأوضه مصدوم وباصصله قعدنا فترة كبيرة لدرجة أنه بدأ يضحك_في ايه يا جماعه ايه الصدمة دي أتكلمت بأنفعال_يعني ايه تتجوزني أكيد لاء ده مش حل جدو اتكلم بهدوء_أهدي يا مريم لو سمحتي خلينا نفهم أنفعلت_أفهم ايه يا جدو أكيد مش هتجوز عشان أمنع جوازة اتنهد وبصلي بصه عميقه_ممكن تهدي الأول وبعدين أنا هتجوزك علي الورق بس عشان لو حد فكر يعملك حاجه أو يغصبك علي حاجة أنا هقفله بصيتله بصدمة من تفكيره كل ده ملك بتشاهد في صمت ومش عارفه تقول ايه ولكن هي مش عارفه أخوها ليه بيعمل كده!بس مش يوسف اللي يعمل حاجه غصب عنه أو بدافع الشفقه! اتنهد يوسف_ممكن يا مريم نتكلم لوحدنا في البلكونه بالفعل طلعنا وبقينا لوحدنا _بصي يا ستي أنا هعمل كده بس عشان أحميكي هبقي جوزك علي الورق ومحدش هيقدر يلمس شعره منك عشان لو ده حصل هحزن أمه عليه بصيتله بحيرة_وأنا ايه اللي يخليني أثق في كلامك وأصلا مش لسه الصبح ماسحين بكرامه بعض الأرض لقيته ضحك ضحكه رجولية_يا ستي وأنا مسامح وبعدين تثقي فيا ليه أنا ذات نفسي معرفش ومش عارف أقترحت كده ليه بس تقريبا مفيش غير الحل ده بس طبعاً هو بيقول كده قدامها بس لكن من جواه هو عارف أن دي فرصه تحفه عشان يقرب منها! بعد وقت طويل من التفكير وافقت وبالفعل أتصلو بالمأذون أتكلمت بنفاذ صبر_أنا مش فاهمة كان هيحصل ايه لو كتبنا الكتاب بكرة! بصلها وسرح ومش مصدق أنها بعد دقايق هتبقي مراته! فاق من سرحانه علي صوتها المتعصب أتكلم بضيق_أتهدي بقي ايه مبتتعبيش وبعدين لازم يحصل انهاردة قبل بكره منضمنش هما هيعملو ايه مكنتش فاهمة ايه اللي بيحصل ولا أنا بعمل ايه ولا في ايه مفوقتش غير علي جملة "بارك الله لكما وبارك عليكما وجمع بينكما في خير" اتكتب الكتاب وأنا في حاله زهول تام مش واعية للي حصل أو مش مصدقه لسه بصيت ليوسف لقيته بيبصلي وعلي وشه ابتسامه دافية وباصصلي بصه حسيت بحاجه بتتحرك جوايا! لقيته قرب مني وبيقولي_يلا بصيتله بأستغراب_يلا فين غمز_علي بيتي يا زوجتي القمر بصيتله بصدمة_بيت مين يا جدع أنتَ أتكل علي الله _توء توء حد يقول لزوجه كده مش عايزه تروحي معايا ده أنا حتي ظابط قمر ومسمسم كنت لسه هبتسمت بس تراجعت وأتكلمت بجدية _مش وقت هزار أنا مش هينفع أروح معاك طبعاً إحنا جوازنا علي ورق متفكرش في حاجه غير كده لو سمحت ! اتنهد ومسك ايدي بحنيه_مريم أنا مش عايزك تخافي مني عايزك تثقي فيا أنا هبقي خايف وأنتِ قاعده لوحدك ومتخافيش أنا هبقي في أوضه وأنتِ في أوضه صدقيني أنا مش هبقي متطمن وأنتِ لوحدك بصيتله بتردد واتوترت لاحظ هو توتري شدد علي ايدي اللي هو ماسكها وأتكلم بحنان_مريومه متخافيش وعهد عليا قدام ربنا عمري مهأذيكي أبدا مش عارفه مين ده وايه اللي حصل واتجوزنا إزاي بس مفوقتش غير وأنا في بيت غريب مش بيتي كان بيته! هو وأخته كانو ساكنين سوا هو كان عنده شقه بأسمه جنب الشقه اللي كانو فيها بس دلوقتي أنا هفضل في شقته هو مش مع أخته _نورتي يا عروسه بصيتله بضيق_مش فاهمة ليه مقعدتش عند ملك يعني بصلي وغمز_يرضيكي تنامي في بيت غير بيت زوجك العزيز بصتله بقرف_وسع من طريقي عايزة أنام مشيت شوية وبعدين وقفت وبصتله بضيق_هنام فين بصلي وأتكلم بخبث_في أوضتين هنا وبرضو في حضني ممكن تنا.. قاطعته بضيق_أتلم مشيت من قدامه ودخلت أول أوضه لقيتها في وشي كانت بسيطه حطيت شنطتي علي جنب وقومت غيرت هدومي كنت لسه بالفستان *منا روحت البيت الأول لميت حاجتي كلها لبست تيشرت أسود واسع وبنطلون واسع مسحت الميكب اللي كنت حطاه ولميت شعري خرجت من الأوضه عشان أدخل الحمام لقيته واقف وبيحط أطباق علي السفره مهتمتش ودخلت الحمام خرجت لقيته بينادي عليا _يلا عشان نتعشي _أتكلمت بتعب_شكراً مش جعانه محتاجه أنام وبس قرب مني ومسك ايدي وشدني وراه وقعدني علي الكرسي وحط الشوكه في المكرونه وقربها من بوقي ولا أكني قولت حاجه أتكلمت بضيق_قولت مش جعا.. قاطع كلامي وهو بيحط الأكل في بوقي بصيتله بصدمه فبصلي وأبتسم_معلش كلي لقمه اليوم أكيد كان متعب وتلاقيكي مأكلتيش من بدري مش عارفه ليه كنت فرحانه بأهتمامه ده وبالفعل كنت لسه هاخد الشوكه من ايده فبعدها عني بصيتله بأستغراب_في ايه أتكلم بحنيه_أنا حابب أأكلك بإيدي يا مريم متكلمتش مش عارفه ليه سكت بس حقيقي حقيقي كنت فرحانه أوي لاحظت أنه بيأكلني بس مش بياكل مش عارفه جبت الجرأة دي منين بس مسكت الشوكه وبدأت أأكله كان باصصلي وعيونه بتلمع بصيتله وابتسمت بغلب خلصنا أكل وبدأت ألم الأطباق _بتعملي ايه =هغسل المواعين مسك الأطباق من ايدي_هاتي وأدخلي أنتِ نامي وارتاحي شديتهم من ايده واتجهت للمطبخ وأتكلمت بمرح_هغسلهم يا عم مش حوار بالفعل دخلت غسلتهم كان واقف معايا بيتكلم عشان ميسبنيش لوحدي خلصت ونشفت ايدي ولفيت عشان أطلع _حابه تشربي حاجه أتكلمت بتعب_لاء مش قادره محتاجه أنام بس بصلي وابتسم_ماشي يا تصبحي على خير بصتله وابتسمت_وأنتَ من أهل الخير دخلت أوضتي واترميت علي السرير بتعب بفكر في اللي حصل انهاردة ولقيت نفسي تلقائيا ببتسم صحيت الصبح علي خبط علي باب الأوضه قومت بنعاس فتحت لقيت يوسف في وشي بصتله وأتكلمت بنوم_عايز ايه ضحك_طب قولي صباح الخير أبتسمت_صباح الخير أبتسم_صباح الفل أنا نازل رايح شغلي للأسف مش هعرف أخد اجازة وأفضل معاكي أبتسمت بهدوء_ربنا معاك _لو حصل اي حاجه رني عليا علي طول =بس أنا معيش رقمك أبتسم_هاتي طب موبايلك خده وسجل رقمه وسجل رقمي عنده ومشي وأنا دخلت كملت نوم مش عارفه نمت قد ايه بس قومت مفزوعه علي صوت حد بيخبط علي الباب بطريقه صعبه مكنتش عارفه أعمل ايه خوفت وأتوترت وكنت أتمنى اللي في دماغي ميحصلش وللأسف مش كل اللي بنتمناه بيحصل! فتحت الباب لقيته أدهم ابن عمي باصصلي وعيونه حمرا من كتر العصبيه حاولت أتصنع القوة_نعم عايز ايه بصلي بغضب وأتكلم بعصبية شديدة_أنتِ بتعملي ايه في بيت راجل غريب يا قذرة ملحقتش أرد وهوب لقيت قلم نزل علي وشي من قوته وقعت علي الأرض _في ايه!! ملك جت علي الصوت العالي ولما لقتني علي الأرض شهقت بصدمه وبصت لأدهم وأتكلمت بعصبيه_أنتَ متخلف ده أنا هوديك في داهية كانت هتجري عليا بس أدهم مسك أيدها وزقها برا وقفل الباب صرخت في وشه_أنتَ مجنون أنتَ بتعمل ايه أطلع برااااا وملك كانت من برا عماله تزعق وتخبط علي الباب بعنف_أفتح يا زفت ده أنا هوديك في داهية وبسرعه رنت علي يوسف لكنه كنسل _لا مش وقته يا يوسف رد رنت كذا مرة لغاية مرد =ملك أنا عندي شغ... قاطعتني بصريخ_ ألحق مريم ابن عمها معاها سمعت الجمله دي مشوفتش قدامي جريت وركبت العربية سوقت بسرعه لدرجه كنت هعمل حادثه وصلت البيت في أقل من عشر دقايق بسبب سرعتي طلعت بسرعه علي شقتي لقيت أختي برا وعماله تصرخ بأسم مريم محستش بنفسي وكسرت باب الشقه لقيت مريم مرميه علي الأرض ولقيت جسمها مزرق وفي كدمات وأثار د**م وكانت تقريبا فاقده الوعي مكانتش بتتحرك وكان ابن عمها ده واقف وباصصلي بصدمه محستش بنفسي غير وأنا بجري عليه بمسكه وبضربه بعنف _ده أنا هطلع عين أمك يا***** يا*** بتضرب مراتي يا*** ده أنا هحزن أبوك عليك يا*** ملك جريت علي مريم حاولت تفوقها أتكلمت بدموع_مريم حبيبتي سمعاني مريم لو سمعاني حركي راسك أو اعملي اي حاجه ل كن للأسف مفيش رد كانت شايفه أخوها نازل ضرب في أدهم صرخت_يوسف!!! مريم قاطعه النفس!!!! يتبع... رأيكم يا سكاكر🥹💗💗💗.