الفصول 👇👇👇والاخير
*علۍٰ دࢪب الله تلاقينا*♥️🍫
*
_*الباࢪت الـالࢪابع♥️🍫*_
_*الباࢪت الـخامس♥️🍫*_
_*الباࢪت السادس♥️🍫*_
_*الباࢪت الـاخيࢪ♥️🍫*_
-------𖤐-------
#على_درب_الله_تلاقينا (4)
دعاء مقدرتش تتستحمل الألم ويوسف اخوها خدها وراحو ع المستشفى
_____
احمد روح البيت دخل أوضته واترمى ع السرير أسامه أخوه نايم قصاده ع السرير التاني
احمد سرحان وجت ع باله دعاء وهي رافضه أنه يساعدها وحتى مرفعتش عينها ولا بصتله
موبايله رن فجأه اسامه شده بسرعه علشان يشوف مين
احمد ادايق : مش قولتلك كام مره ملكش دعوه بموبايلي
اسامه بضحك : دي سمر الي بترن ولا مكسوف اشوفها
احمد شد منه الموبايل وقفله
أسامه مستغرب : يابني البت هتموت عليك حن عليها بقى ولا بتعمل فيها تقيل وغمزله
احمد شال المخده خبطها فيه وقاله
أنا مش بتقل وزعلان علشانها أنا قولت اني مش همشي ف علاقه حرام
أسامه رجع ضهره لورا: طب ماتخطبها واهو تبقى كدا معملتش حاجه حرام
أحمد سند ع السرير بتاعه وبص للسقف
أخطب مين يااسامه انت مش شايف لبسها عامل ازاي وكمان بتهزر مع زمايلنا الشباب ف الشغل عادي لو بس البنات تعرف انها لما بترمي نفسها ع شخص بنسترخصها الواحد مننا بيحب البنت الغاليه الي حافظه نفسها
وبعدين افتكر دعاء تاني وابتسم
زي المعقده دي مثلا بت عنيده بس عجبني موقفها
أسامه مستغرب : مين العنيده دي
احمد ارتبك: لا دي بنت كدا حصل معاها موقف النهارده نام نام متشغلش بالك
أسامه نام وأحمد قام اتوضى علشان يصلي قيام الليل
وهو بيصلي فضل يدعي ربنا أنه يقابل الإنسانه الي بيحلم بيها تبقى زوجته وتكون ماشيه معاه ع نفس الطريق
______
نهار يوم جديد
احمد صحي فطر كالعاده وراح ع شغله ف المستشفى
صحابه واقفين مع بعض
_صباح الخير ياشباب
"سمر مدايقه علشان مبيردش عليها وبيتجهلها بردو"
ابراهيم بضحك: صباح النور يا دوك ع فكره في حاله جوه محتاجه انك تشوف الأشعه بتاعتها
احمد دخل الأوضه ع المريضه اتفاجأ لما لقاها نفس البنت الي وقعت امبارح ورجلها اتكسرت
احمد باابتسامه: هو انتي
دعاء بكسوف وحطت وشها ف الأرض: هو حضرتك دكتور هنا
احمد : أمال أنا كنت هخطفك مثلا كل الحكايه اني كنت عايزه اساعد بس مش أكتر
دعاء سكتت وأخوها واقف متنح
يوسف: هو انتو تعرفوا بعض
دعاء بغضب: انت اتجننت طبعا معرفوش
احمد : لا معرفهاش أنا بس شوفتها امبارح وهي واقعه ع الأرض قولت اساعدها وأجيبها المستشفى بس هي رفضت
يوسف بيصلهم هما الاتنين : اه تمام ماشي ممكن تشوفلنا الأشعه بتاعتها يادكتور
احمد مسك الأشعه وشافها لقى كسر خفيف ومحتاجه تتجبس وكل حاجه هتبقى تمام
دعاء سمعت كلمة تجبيس اتخضت: اكيد مش انت الي هتجبسلي رجلي
احمد بابتسامه: هحاول اشوفلك دكتوره حاضر
دعاء اطمنت وخدت نفس
فجأه والدتها دخلت ووالدها
والدتها بخضه: بنتي حصلك اي ياقلب امك انتي كويسه
دعاء: أنا كويسه ياماما مفيش حاجه
والدها : اي الي حصل مين كسرلك رجلك كدا
"دعاء افتكرت وهي بتعدل النقاب ف قزاز العربيه "
_ ها لا أصل الي حصل إني كنت هناك ووقعت وكدا
احمد ماسك نفسه من الضحك
دعاء بتوتر: ماما هتيلي مايه اتوضى علشان اصلي لسه مصلتش
والدتها : ودا وقته يابنتي
دعاء: دا فرض ربنا ياماما ميحوشنيش عنه الا الموت
احمد كان مبسوط جدا من كلامها وخرج وسابهم مع بعض
بعد حوالي نصف ساعة
دعاء كانت صلت وبعدها مسكت المصحف وقعدت تقرأ قرآن
_______
احمد واقف بره بيكلم سمر زميلته
_سمر ممكن بعد ازنك تشوفي الحاله الي ف الأوضه هنا هي بنت ومش عايزه اي ولد يتابع معاها
سمر بغيظ: واشمعنا يعني ماعادي ولا هو حرام دا كمان
احمد : مش قصة حرام دي رغبتها وهي حره
سمر: انت تقصد البت المنتقبه الي جوه دي
احمد بغضب: مسمهاش بت ع فكره ليها اسم
سمر : ومالك مدايق علشانها ليه متقلقش دول بيمثلو أنهم غاليين
احمد ادايق: هما فعلا غاليين اوي وعارفيين قيمتهم كويس واي بنت منتقبه تشرف بلد بحالها وسابها ومشي
سمر ادايقة من كلامه وراحت لدعاء ع الأوضه
جبستلها رجلها وهي مدايقه ومش طايقاها
دعاء كانت مستغربه من طريقة سمر وهي ليه مش طايقاها كدا وهي متعرفهاش
بعد ماسمر خرجت دعاء بتكلم والدتها
_هو أنا عملت ليها حاجه ياماما بتتكلم معايا كدا ليه
والدتها: معرفش يابنتي وبعدين احنا خارجين من المستشفى النهارده كبري دماغك
فجأه احمد دخل
_السلام عليكم
والدتها: وعليكم السلام ورحمه الله وبركاته
احمد بابتسامه: اخبار رجلك اي دلوقتي
دعاء: ساكته
والدتها خبطتها ف كتفها : ردي
دعاء : ها كويسه الحمدلله
احمد ممكن بعد اذنك يا مدام تكتبي بيناتك هنا
والدتها خدت منه القلم ومسكت الورقه وبدأت تكتب
احمد: اكتبي هنا اسمها بالكامل
والدتها كتبت
احمد: وأكتبي نمرة موبايل الوالد
والدتها كتبت
احمد : وأكتبي العنوان بالتفصيل
والدتها باستغراب : ليه كل داه
احمد : دي اجرائات لازم منها
والدتها كتبت العنوان
احمد طلع ورقه فاضيه وقالها ممكن بقى تكتبيلي هنا انتو ساكنين ف الشقه رقم كام بالظبط
دعاء ووالدتها بصو لبعض وتنحو : ها
أحمد : اجرائات لابد منها ياجماعه
والدتها : كتبت
احمد ابتسم: شكرا جدا انتي وفرتي
تابع قناة 🦋📖𝒌𝒊𝒏𝒈𝒅𝒐𝒎 𝑶𝒇 𝒏𝒐𝒗𝒆𝒍𝒔 في واتساب ↓↓
*https://whatsapp.com/channel/0029VahqJobEawdxTSLWD828*
عليا بحث ولف كتير
"وسابهم وخرج"
يتبع.......
..............
#على_درب_الله_تلاقينا (5)
"دعاء خرجت من المستشفى وروحت"
اختها سندتها ودخلت أوضتها نامت ع السرير
"نور اختها بتكلمها وهي سرحانه"
نور: انتي يا أنا بكلمك
دعاء : ها بتقولي اي
نور : لا دانتي ف عالم تاني خالص اي بتحبي
دعاء بعصبيه: أستغفر الله العظيم منك حب اي يابت انتي داه انا قافله قلبي مفتاح لواحد بس وهو حلالي
نور بضحك: طب براحه براحه متتعصبيش انتي متجبسه بس أنا كنت سمعت من ماما إن في دكتور ف المستشفى كان مهتم بيكي شويه
دعاء: ولا مهتم بيا ولا حاجه امك بتأفور
فجأه دخلت هدى صاحبتها جايه تزورها
هدى بلهفه دخلت حضنتها: انتي كويسه يادودو حصلك حاجه
دعاء : اااه انتي دايسه ع رجلي هكون كويسه ازاي
هدى رجعت لورا: اوبس أنا اسفه
دعاء بضحك: أنا كويسه الحمدلله وكله تحت السيطره
نور سابتهم وخرجت
فجأه موبايل هدى رن بصت فيه وارتبكت وقفلته وحطته ف الشنطه
دعاء بحزن: لسه بتكلميه
هدى حطت وشها ف الأرض: غصب عني بحبه جدا
دعاء :. طب وهو مبيحبكيش
هدى ردت بسرعه: لا لا دا بيحبني جدا وبيقولي ميقدرش يعيش من غيري
دعاء : لا مبيحبكيش دا كذاب
هدى بحزن: ليه بتقولي كدا
دعاء: علشان الي بيحب حد بيخاف عليه من الهوا وهو مبيخفش عليكي
هدى: لا بيخاف عليا وربنا
دعاء: بطلي عبط بقى انتي تستحملي نار ربنا
هدى بحزن: لا طبعا بس هو أنا كدا بعمل حاجه حرام أنا مرتبطه بيه عادي
دعاء: احنا في دينا البنت يامخطوبه يامكتوب كتابها يامتجوزه انما الارتباط داه مش موجود عندنا الربط دا للبهائم يااختي
هدى: اووف منك كل مره بتخليني ادايق كدا يارب بقى يجي يتقدملي علشان أخلص
دعاء : لو جه يبقى راجل ولو مجاش يبقى عنده حق لانه هيدور ع بنت تصونه
هدى : انتي كدا بتجرحيني بكلامك
دعاء: مش بجرحك ولا حاجه أنا بفوقك بس الي عايزك هيجيلك لحد بيتك انتي غاليه وأغلى من كدا بكتير
هدى بإرتباك : طب خلاص اقفلي بقى الموضوع داه وقوليلي اي ال كسرك كدا كنتي بتلعبي كوره ولا اي
دعاء بغضب: لا ياظريفه دانا "وأفتكرت وقت ماكانت بتعدل نقابها ف قزاز العربيه"
أنا كنت كنت
هدى: اي القطه أكلت لسانك ماتنطقي
دعاء: معرفش المهم اني وقعت
هدى : لا لا كدا الموضوع في سر
فجأه نور دخلت عليهم وبتتكلم بسرعه
: بت يادعاء الدكتور أحمد اتصل ب بابا دلوقتي علشان يطمن عليكي
هدى بصت لدعاء
دعاء اتكسفت وحطت المخدره ع وشها
هدى : بصيلي هنا دكتور مين داه الي بيطمن عليكي
دعاء : هو أنا مش مريضه دلوقتي
هدى: اه
دعاء: يبقى من حقه اي دكتور يطمن ع مرضاه عادي يعني متكبروش الموضوع
هدى : ياسلام تصدقي اول مره اعرف المعلومه دي
نور: دا تقريبا المعقده بتاعتنا عجبته
دعاء بغضب: ع فكره عيب انتو الاتنين بطلو أفوره
__________
*في بيت احمد*
أسامه أخوه شافه بيتكلم ف الفون
أسامه باستغراب: انت كنت بتكلم مين داه وبتسأل ع مين
احمد ارتبك : مفيش دي بنت رجلها كانت اتكسرت واتجبست ف المستشفى عندنا فقالت اطمن عليها
أسامه بنظرة اندهاش: نعم ياحنين بتتصل تطمن ع ايه
والدتهم دخلت عليهم
:بتتكلموا ف اي ها
أسامه: تعالي ياماما شوفي الشيخ احمد شكلو بيحب
والدته : اي داه اخيرا يعني هتفرحني وتتجوز بقى يااحمد
احمد بتوتر: أنا هقوم اشم هوا ف البلكونه شويه الوضع هنا مش مريح
أسامه ووالدته فضلو يضحكو عليه
طلع احمد البلكونه ووقف شويه وبص للسما
معقوله اكون لقيت حد شبهي اخيرا وتكون ماشيه معايا ع نفس الطريق
طب أنا لسه ف بداية الطريق ممكن توافق تاخد بإيدي ونمشي سوا للجنه
وبعدها اتنهد وبص للسما وابتسم
يتبع ......
................
#على_درب_الله_تلاقينا (6)
"نهار يوم جديد "
احمد قاعد مع والده ووالدته
والده_ اي يابني معندكش شغل النهارده ولا اي
احمد: بصراحه خدت اجازه
والدته : ليه خير انت تعبان
احمد : بصراحه أنا لقيت البنت المناسبه ليا
والدته بفرح: انت بتتكلم بجد يعني في بنت عجبتك واتعرفت عليها وكدا
احمد : لا هي مش بتتعرف ع حد دي رفضت مساعدتي حتى
والده باستغراب: امال عجبتك ازاي
احمد : عجبتني علشان كدا بصو انا قررت اتقدملها النهارده وهروح الأول اشوف رأيها لو حسيت فيه قبول هنروح كلنا بقى ونتفق ع كل حاجه
والدته : ومالو يابني الي انت عايزه
_________
في بيت دعاء دخلت اختها نور عليها وهي نايمه
دعااااء
دعاء اتخضت: في اي يابت
نور بلهفه: الدكتور
دعاء:دكتور اي مش فاهمه حاجه
نور : الدكتور أحمد قاعد بره مع أهلك
دعاء باستغراب: وجاي يقعد معاهم ليه
نور خبطتها ف دماغها: ماتركزي كدا ياأم مخ تخين اكيد جي يتقدملك يعني
دعاء قلبها وقف من الخضه : لا لا بتهزري مش كدا
بعدها بشويه والدتها دخلت وقالتلها بفرح
دعاء قومي إلبسي وأطلعي أقعدي مع دكتور احمد
دعاء باستغراب: ليه هو بيخاف يقعد لوحده وبيعمل اي اساسا عندنا
والدتها: يابت بطلي جنان بقى أكيد جي يتقدملك قومي بس اما اساعدك تلبسي أنا مش عارفه مكنش قادر يستنى لما تفكي الجبس
نور ضحكت : اتشنكل ياماما
دعاء بتوتر: انتو بتهزروا ولا بتتكلمو بجد
والدتها : ودا وقت هزار انجزي يلا
دعاء باستغراب: معرفش مين الرايق الي سايب نهاية العالم وكل ال بيحصل وجي يتقدملي داه
نور ووالدتها بيضحكوا ع كلامها
والدتها سندتها وساعدتها تلبس
وهي خارجه راحت ماسكه النقاب ولبسته
والدتها بعصبيه : انتي اتجننتي اقلعي النقاب انتي لابساه ليه
دعاء : وأفرض هو معجبنيش يعني مش لما اشوفه ألاول وأعرف هو ملتزم ولا لأ
والدتها : ربنا يصبرني عليكي يادعاء هتموتيني ناقصه عمر
"دخلت دعاء تقعد مع أحمد"
احمد مستغرب لما شافها بالنقاب
:هو مش مفروض إنك بتلقعي النقاب وبشوفك وكدا
دعاء : اها بس الأول اشوفك أنا أعرف انت مناسب ليا ولا لا
احمد ابتسم: ياسلام ع الثقه طيب ياستي أنا لسه ف بداية إلتزامي وكل ال عايزاه ربنا يرزقني بزوجه تاخد بإيدي للجنه لأن الطريق طويل وكله فتن
دعاء : هو للأسف أنا كمان لسه ف بداية إلتزامي وكل ال كنت عايزاه حد ياخد بإيدي للجنه
احمد ابتسم: خلاص لقتها
دعاء: هي فين أقصد هي مين
احمد : لقيت الحل إحنا ناخد بإيد بعض ونمشي مع بعض ع نفس الطريق وإن شاء الله هنوصل يوما ما
دعاء بفرح : هنوصل للجنه أكيد علشان الطريق داه آخره جنه
احمد ابتسم: طب ها مش هشوفك بقى
دعاء : وأفرض طلعت وحشه يعني مش هتوافق تتجوزني
احمد : عمر ماكان الجمال جمال الشكل الجمال جمال الروح
دعاء خلعت النقاب وبصتله
احمد ارتبك لأنها جميله جدا : احم اول مره أشوف القمر قدامي
دعاء اتكسفت : لا لا معندناش الكلام داه دا تقولو بعد كتب الكتاب إن شاء الله
_اها عندك حق معلش نسيت نفسي بس أفهم من كدا انك موافقه عليا
دعاء بكسوف: لا
احمد تنح : نعم يااختي
دعاء : الفجر بيإذن ع كام بالدقيقه والثانيه
احمد ابتسم : 3:19
دعاء: تمام بتقيم اليلل
احمد باستغراب: الناس بتسأل بتصلي انما انتي نطيتي ع قيام اليلل ع طول
دعاء : معلش أصل طموحاتي عاليه
احمد : الحمدلله محافظ على قيام الليل
دعاء : ليك ورد من القرآن ولا هاجر
احمد : الحمدلله محافظ ع وردي اليومي وبحاول احفظ كمان
دعاء : لو مراتك ووالدتك معاك ف مكان والجو برد هتدي الجاكيت لمين
احمد : هديه لأمي أكيد وهاخد مراتي ف حضني أدفيها
دعاء تنحت : ها
احمد ابتسم: مش انتي الي بتسألي أسأله غريبه
دعاء :تمام خلصنا الأهم نيجي للمهم
احمد بخضه: هو في اي تاني
دعاء: هاكونا متاتا
احمد ابتسم : حكمه نغمها لذيذ
دعاء : المخوفاتي ال بجد
احمد : بيبان من سنانه
دعاء : دلدلي شعرك
احمد : ياروبانزل
دعاء ابتسمت : بابا أنا موافقه
احمد ضحك : وأخيرا لقيت حد شبهي
تابع قناة 🦋📖𝒌𝒊𝒏𝒈𝒅𝒐𝒎 𝑶𝒇 𝒏𝒐𝒗𝒆𝒍𝒔 في واتساب ↓↓
*https://whatsapp.com/channel/0029VahqJobEawdxTSLWD828*
دعاء باستغراب: بس معلش يعني مش كنت استنيت لما افك الجبس يعني جي تتقدملي وانا بالشكل داه
احمد : خوفت بصراحه حد يسبقني ويجيلك
يتبع ......
...........
#على_درب_الله_تلاقينا الأخيره
"دعاء ف أوضتها فرحانه جدا بعد احمد ماجه واتقدم ليها
دخلت عليها فجأه هدى صحبتها ومنهاره من العياط
دعاء بخضه: مالك يابنتي في اي
هدى بعياط: طلع كلامك صح كان بيتسلى بيا مش أكتر
دعاء حضنتها : ياحبيبة قلبي انا قولتلك مفيش علاقه حرام بتستمر دا حتى ربنا مبيبقاش مبارك فيها
هدى بعياط: أنا ندمت ع كل حاجه عملتها يارتني عملت زيك وقفلت قلبي لشخص واحد بس ويكون حلالى
دعاء ابتسمت: خلاص ال حصل حصل اهم حاجه نفكر ازاي هنبدأ من جديد مع ربنا
هدى مسحت دموعها: سمعت إن الدكتور أحمد جه اتقدملك دا بجد
دعاء اتكسفت: اها ومعرفش حاجه عنه ومليش علاقه بيه علشان متسأليش
هدى ابتسمت: فاكره لما كنت دايما أقولك حبي وعيشي حياتك وتقوليلي لا أنا قلبي مقفول عليه لحد ماحلالي يجي
دعاء : وتقريباً كدا حلالي وصل وأخيرا هفتح قلبي
هدى بحزن: هو أنا ينفع أبدا من الأول وأقفل ع قلبي واستنى حلالي
دعاء بفرح: طبعا يابنتي دا ربنا بيفرح بالتائب جدا والتائب من الذنب كمن لا ذنب له أبشري
__________
ف المستشفى
احمد بفرح: أخيرا ياابراهيم لقيتها
ابراهيم بدهشه: هي اي
احمد : البنت الي هناخد بإيد بعض ونمشي سوا ع طريق ربنا لحد مانوصل للجنه
ابراهيم بدهشه: انت خطبت
احمد : لا لسه بس كلها ايام وهكتب كتابي ع طول
ابراهيم،: طب وسمر
احمد: قولتلك سمر مش مناسبه ليه أنا بختار شريك لحياتي مش لعبه
ابراهيم: بس دي لو عرفت هتزعل
أحمد: مش ذنبي وياريت كل البنات تفهم إن مهما نشوف بنت بتحط ميكب أو بتلبس لبس ديق ونتفرج وفرحانين اننا ف الأخر بردو هنختار البنت الي حافظه نفسها والي محدش قرب منها أنا كشاب بدور ع الغاليه تبقى مراتي وأم عيالي
ابراهيم خد باله إن سمر جايه عليهم
:طب خلي بالك بقى علشان وصلت وشكل يومك مش معدي
سمر: هاي ازيكو ياشباب واقفين بتتودودوا ف اي
احمد : ابراهيم كان بيباركلي
سمر بصدمه: بيباركلك ع اي
احمد : خلاص انا لقيت البنت المناسبه ليا وتقريبا انتي تعرفيها
سمر مصدومه : اعرف مين وبنت اي
ابراهيم غمزله وبيكلمه بصوت واطي : بالراحه مش كدا
احمد : بكل ثقه المنتقبه الي كانت هنا
سمر بغضب: اي منتقبه دي
احمد: البنت الي كانت رافضه دكتور يجبسها وكانت عارفه قيمة نفسها وإنها غاليه اوي مش اي حد يلمسها
سمر مسكت دموعها بالعافيه: هتتجوز واحده رجعيه ومتخلفه وجاهله
احمد بغضب: الجاهله دي خريجة هندسه ومتعلمه أفضل تعليم وع فكره حتى لو مش متعلمه كفايه أخلاقها اصل يوم القيامه مش هنقدم الشهاده لربنا ولا ربنا هيجي يسأل كل واحد انت خريج اي الجنه هيدخلها المتقيين ال خافوا ربنا وأتقوا الله ف كل حياتهم
سمر معرفتش ترد ع كلام احمد وسابته ومشيت بغضب
ابراهيم بيلومه
: مكنش ينفع الأسلوب ال كلمتها بيه داه
احمد بغضب: وهل كان ينفع تتكلم ع دعاء بالطريقه دي
ابراهيم بزعل : خلاص يااحمد انت حر وأعمل ال انت عايزه بس انت اخترت طريق أنا مستحيل همشي معاك فيه أنا هفضل زي مانا
احمد بحزن: انك لا تهدي من احببت ولكن الله يهدي من يشاء مين عالم مش يمكن ف يوم تبقى اقرب مني لربنا
ابراهيم سابه ومشي وهو مدايق
_______
ف المساء
احمد راح لبيت دعاء وخد أهله علشان يقعد معاهم تاني ويتفقو ع كل حاجه
اتفاجئ ف وسط القعده بدعاء مجهزاله ورقه ومكتوب عليها ضوابط الخطوبه
ساب أهله وأهلها مع نفسهم بيتكلموا ومسك الورقه وبدأ يقرأ
1_ انت شوفتني مره واتنين وكدا بح خلاص مبقاش فيه تالت لحد مانكتب كتابنا
2_ حضرتك هتيجي اهلا وسهلا بيك هقعد بنقابي مفيش هزار مفيش كلام وبابا والعيله هتكون قاعده وسطنا
3_ مفيش كلام فون نهائيا ونمرتي مش هتاخدها علشان لو فكرت ترن بس مجرد رنه هحطك ف القائمه السوده وهتبقى ليلتك سودا كلها
احمد بص عليها وهو بيقرأ وابتسم
هي عينها منه واول لما بصلها عملت نفسها مش واخده بالها
كمل قرايه
4_ لو هتجيب شبكه قبل كتب الكتاب يبقى مامتك ال هتلبسني
5_ معندناش بنات تخرج مع خطيبها لأن زيك زي اي حد اجنبي عني
6_ مفهاش حاجه بس كتبتها علشان لو افتكرت حاجه هذودها 😁
احمد ابتسم وبيكلم ف نفسه لميضه اوي ف الكتابه
فجأه احمد مسك الورقه وقطعها وعلى صوتوا علشان الكل ينتبه ليه
احمد بصوت عالي : أنا مش موافق ع الشروط دي
دعاء اتخضت واستغربت
والدته باستغراب: شروط اي يابني
احمد بتناكه : شروط الست دعاء بتاعت الخطوبه
دعاء لسه هتسيب ليهم الأوضه وتقوم احمد قال
أنا هكتب الكتاب ع طول مش هستحمل أنا كل الشروط دي
دعاء باستغراب : ها
احمد بابتسامه : أنا عايزك تبقى مراتي النهارده قبل بكرا 💙
_________
عدى أسبوع ودعاء وأحمد ملتزمين بقواعد الخطوبه وجه معاد كتب الكتاب
المنبه رن الصبح ف نفس المعاد عند أحمد ودعاء وكانت نفس النغمه الناس التافهه ال زي فاكرينها طبعا مش كدا
يا صباح الرعب الساعه 6 وعلى المقيمين خارج مدينة الرعب المحافظة على فروق التوقيت ، درجة الحرارة فى الضل 25 وده كويس للزواحف واحتمال يبقى جو هايل للكسل ف السرير او النوم او اقولك الاحسن عمل تمرينات للمخاوفاتية اصحى يا شلبى"😹💙
أحمد قفل المنبه وقام نط من ع السرير أسامه أخوه اتخض
أسامه : اي يااهبل بالراحه مش كدا
احمد بفرح: أخيرا اخيرا وجه اليوم ال هتبقى فيه مراتي مش مصدق نفسي أقرصني كدا
اسامه ضحك : البنت دي صعبانه عليا والله دا انت طاقه منك ع الآخر
احمد: بكرا نتفرج عليك لما تتدبس
أسامه : لا ياعم أنا واحد عاقل وبعدين صاحي بدري كدا ليه
احمد بفرح : بدري ! بدري من عمرك قوم قوم اخوك هيتجوز
وشده من رجله نزله ع الأرض
_________
ف بيت دعاء
المنبه رن قفلته وقامت
نور باستغراب: صاحيه بدري كدا ليه
دعاء : هو أنا نمت اساسا
نور بخبث: ومنمتيش ليه ياعروسه ها ها
دعاء: متوتر ومرعوبه مش متخيله ازاي هسلم ع شخص غريب عادي كدا دانا ايدي ملمسهاش حد خالص
نور باستغراب: انتي هبله الغريب دا هيبقى جوزك وحلالك
دعاء بابتسامه : فرحة الحلال حلوه مش كدا تعرفي إني فخوره بنفسي اني طول السنين ال عشتها قدرت احافظ ع نفسي من الفتن وصبرت لحد ما ربنا بعتلي زوج صالح ياخد بإيدي للجنه
__________"
ف المساء
أحمد وأهله حضروا ومعاهم المؤذون
احمد دخل وقعد ودعاء قعدت ف الجهه ال قصاده
اول لما المؤذون قال بارك الله لكما وبارك عليكما وجمع بينكما في خير
من الفرحه سلم عليها وقبل رأسها
احمد بفرح: ف مكان ما وف حته تانيه خالص في حد شبهك ماشي معاك ع نفس الطريق لو كان الطريق الي اخترته كويس هتلاقيه هو كمان طريقه كويس لو كان طريقك يغضب ربنا هتلاقيه بردو ماشي معاك ف نفس الطريق
صلحوا نفسكوا علشان ربنا يصلحلك نصك التاني واياً كان الطريق ال اخترت تمشيه هتقابله أكيد
وأخيراً هدى خانت ثقة أهلها وخسرت نفسها ورخصتها ف مقابل أنها عرفت شاب وحبته ووعدها بالجواز وف الاخر سابها وراح يدور ع بنت قافله ع قلبها لحلالها وبس
دعاء فضلت قافله ع قلبها وملتزمه بحجابها وتعاليم دينها ف زمن مليان فتن وف الاخر ربنا عوضها بشخص شبها بردو حفظ نفسه رغم أنه ف مجتمع ذكوري والراجل لو كلم الف بنت محدش بيغلطه وكان ممكن يضحك ويهزر مع سمر ويعيش معاها قصة حب حتى لو مش هيتجوزها بس هو قفل ع قلبه لواحده بس واختار طريق ربنا يمشيه علشان كدا ربنا عوضه ببنت تصونه وتحفظه
النهايه 🙃