الفصول 👇👇👇
*علي دࢪب الله تلاقينا*♥️🍫
_*الباࢪت الـاول♥️🍫*_
_*الباࢪت الـثاني♥️🍫*_
_*الباࢪت الـثالث♥️🍫*_
-------𖤐-------
#على_درب_الله_تلاقينا (1)
يا صباح الرعب الساعه 6 وعلى المقيمين خارج مدينة الرعب المحافظة على فروق التوقيت ، درجة الحرارة فى الضل 25 وده كويس للزواحف واحتمال يبقى جو هايل للكسل ف السرير او النوم او اقولك الاحسن عمل تمرينات للمخاوفاتية اصحى اااااا يا شلبى"
*أحمد قفل المنبه*
"أسامه أخوه ع السرير التاني نايم قصاده بيتكلم بعصبيه": يابني انت مش مكسوف من المنبه الزفت الي انت عامله داه
احمد بضحك: انا بحب التفاهه دي
اسامه بعصبيه شال المخده رماها عليه : وأنا ذنبي اي ياتافه أصحى مخضوض كل يوم بالشكل داه
احمد قام من ع السرير ورد عليه وهو رايح ع للحمام: قوم قوم بطل كسل هتتأخر ع جامعتك
أسامه بغيظ: ماشي ياعم المخوفاتي
"أحمد خد شاور ولبس هدومه وراح لوالدته وهي بتجهز الفطار"
_صباح الخير ياست الكل
_صباح النور ياحبيبي
"أحمد مسك إيدها وبصلها بدهشه" : لا لا مش معقول
والدته بخضه: في اي ياواد
احمد : كل يوم بتذيدي حلاوه يخربيت كدا
ضحكت واتكسفت: روح يااحمد يابني ربنا يجبر بخاطرك زي مانت دايما جابر بخاطري كدا
احمد بفرح وهو ماسك صباع البطاطس بياكل فيه : يااه اهو بالدعوه الحلوه دي الواحد يعرف يبدأ يومه ناوليني بقى العيش كدا علشان أفطر وانزل شكلي هتأخر النهارده ع الشغل
"والدته ادتله العيش بإبتسامه"
"أسامه أخوه كان لبس وخرج قعد ع السفره جمبهم"
أسامه بغيظ: ايوا ايوا أفضلي دلعي فيه كدا كتير
والدته بابتسامه: هو أنا أقدر ادلعه ومدلعكش أذا كان هو قلبي فأنت كبدتي ها اي رأيك بقى
خرجت اختهم شيماء من الأوضه وهي بتفرك عينها ونايمه ع نفسها:
شيماء: ياصباح الخير شايفاكو بتوزعو الأعضاء يعني وانا مليش نصيب ولا اي
احمد بياكل ومستعجل : اديها المراره ياماما شيماء تستاهل كل خير
شيماء قربت وخبطته ف كتفه: لا أنا عايزه القلب ياخفيف "وبصت لوالدتها" صح ياماما مش أنا قلبك
خرج والدهم من الأوضه : أنا سامع حد بيقول قلب مفيش حد قلبها غيري
والدتهم ضحكت: كلكو قلبي قلب الأم بيساع كتير
فجأه موبايل أحمد رن
شيماء بتقرأ مين بيرن لقت مكتوب د:سمر
شيماء إدت الموبايل لاحمد وغمزتله: ايوا ياعم الي عنده صحاب بنات بيتصلو يطمنو عليه
احمد مسك منها الموبايل وادايق : تلاقيها بترن علشان اتأخرت ع المستشفى
(أحمد خريج تمريض وشغال ف مستشفى خاصه ف قسم الطوارئ )
أسامه مستغرب : طب ماترد عليها
احمد بلامبالاه: وارد عليها بتاع اي أنا مليش كلام معاها
والدته بضحك : تلاقيه مكسوف يكلمها قدامنا
احمد بعصبيه: ياجماعه أنا ولا مكسوف ولا حاجه كل الحكايه إني خلاص في طريق أنا أخترت أمشيه وإن شاء الله هقابل البنت الي أنا عايزها ع نفس الطريق
والده: وياترى طريق اي دا بقى
احمد بكل ثقه: طريق ربنا 💙
”"بقلم ملك محمد""""
__________
*ف الجهه الأخرى*
_يا صباح الرعب الساعه 6 وعلى المقيمين خارج مدينة الرعب المحافظة على فروق التوقيت ، درجة الحرارة فى الضل 25 وده كويس للزواحف واحتمال يبقى جو هايل للكسل ف السرير او النوم او اقولك الاحسن عمل تمرينات للمخاوفاتية اصحى اااااا يا شلبى"
دعاء نايمه والمنبه عمال يرن دخلت والدتها عليها قفلته
_اي يابنتي المنبه الزفت الي انتي عملاه داه دا صحا البيت كله بره
دعاء فتحت عيونها: صباح الخير ياماما
والدتها بعصبيه: صباح الخير اي بس غيري النغمه الوحشه دي وبطلي تفاهه بقى وأكبري
دعاء قعدت ع السرير وضحكت: حد يقول كدا ع كرتي البعبع بردو
والدتها بإندهاش : يعوض عليا عوض الصابرين يابنتي انتي بقيتي عروسه كفايه هبل بقى
دعاء بدهشه: عروسه ! يلهووي فرح البت نرمين النهارده ولازم اروحلها بدري
"شدت الغطا من عليها وقامت جري من ع السرير
والدتها بفقدان أمل: وانا الي بقول بكرا تعقل لا دا واضح ان حالتها بتذيد
خدت شاور وقعدت تفطر
صباح الخير يابابا: صباح النور ياقلب بابا ها نمتي كويس
والدتها بغيظ: خليك دلع فيها كدا أهي معدتش نافعه
دعاء وهي بتاكل: اي الي مزعلك بس ياأموله قالبه عليا من الصبح ليه
والدتها : أنا مش قالبه عليكي أنا زعلانه علشانك صحابك عمالين يتخطبو ويتجوزوا وانتي دماغك عنيده ومش عايزه تتلحللحي
دعاء بضحك: هو كان حد عدل جه وانا قولت لا
والدتها بعصبيه: وهيجي العدل منين بالي انتي عملاه بنفسك
دعاء بتبص لوالدها بإندهاش :بابا هو أنا فيا حاجه وانا مش واخده بالي
والدها بضحك: لا لا انتي كلك ع بعضك عسل
والدتها بعصبيه: انتو عايزين تنقطتوني صح
أنا قايمه أصحي اخواتك يفطرو
دعاء : وانا كمان هقوم ألبس علشان متأخرش ع نرمين
"دخلت دعاء تلبس
واقفه بتكلم ف نفسها قدام المرايه
لبست الخمار وحطت النقاب ع وشها وقالت
وها قد أكتمل القمر يااختي عليا عثل يااخواتي
اختها نور بتبص عليها بأستغراب : هو فين القمر بالظبط انتي مش ظاهر منك حاجه
دعاء بصتلها وبكل فخر قالت: لا ماهو القمر الي بجد مستخبي تحت النقاب لواحد بس هو الي يشوفه
نور بضحك: وفين الي أمه داعيه عليه داه
دعاء بكل ثقه: هقابله أكيد ع نفس الطريق
نور باستغراب : طريق اي
دعاء : طريق ربنا 💙
.................
#على_درب_الله_تلاقينا (2)
"المستشفى *قسم الطوارئ* "
"أحمد نزل شغله وأول ما دخل المستشفى سمر قابلته وصحابه كانو واقفين بيهزروا "
سمر بزعل: رنيت عليك يعني مردتش
أحمد : أنا آسف وسابها وراح ع صحابه وهما واقفين بيهزروا
"سمر ادايقة وراحت وراه"
احمد : ازيكو ياشباب اي مفيش حالات ولا اي شايفكو واقفين بتهزروا يعني
ابراهيم: ياعم إحنا لسه ع الصبح مستعجل ع إيه
أميره زميلته مسكت ايده وبتهزر معاه
احمد شد إيدها بسرعه بغضب
أميره وإبراهيم وسمر واقفين مندهشين
أميره بزعل: مقصدش ادايقك ع فكره ( وسابتهم ومشيت)
"سمر مدايقه من تصرفات احمد ومشيت وراها هي كمان "
ابراهيم : في اي يا احمد مالك متغيير اوي عن زمان طول عمرنا بنهزر مع بعض
احمد : بس أنا عرفت إن كل الي بنعمله حرام ومينفعش ألمس اي بنت وأنا لما شديت أيدها كان خوف عليها وعليا
ابراهيم باستهزاء : وهو النبي قال حرام انت هتخترع دين جديد ماطول عمرنا بنسلم ع بعض ولا أحنا كفرنا
احمد بطريقه لينه وبهدوء :
(قال صلى الله عليه وسلم: لأن يطعن في رأس أحدكم بمخيط من حديد خير له من أن يمس امرأة لا تحل له.)" دا النبي الي قال كدا اهوه أنا مبخترعش دين جديد ولا حاجه
ابراهيم بارتباك : بس أنا أول مره اسمع الحديث داه
احمد بابتسامه: مانت طول اليوم حاتط الهاند ف ودانك وبتسمع ف عمر دياب هتلاقي وقت تسمع فيه حديث امتى دانت حتى بتنام والهاند ف ودانك
ابراهيم : أنا عارف أنا بعمل اي كويس ممكن اكون بعمل حاجات غلط اه بس ع الأقل مبحرجش حد زي مانت عملت
احمد: انت براحتك متحرجش حد بس أنا عمري ما هجامل حد على حساب ديني
فجأه في حاله دخلت المستشفى
وابراهيم وأحمد راحو يشوفو شغلهم
***بقلم ملك محمد***
"دعاء عند نرمين علشان فرحها النهارده والصحاب كلهم متجمعين وقاعدين مع بعض ع السرير ف أوضة نرمين"
دعاء:مبروك ياحبيبة قلبي ربنا يتمملك ع خير
نرمين بفرح: تسلمي ياقلبي وعقبالك يارب
هدى بضحك: طب والنبي دي هتتجوز ازاي بالبتاع الي ع وشها داه
دعاء : بس يارخمه هو النقاب ماله ومال الجواز انتي هتعملي زي ماما
نرمين: بصراحه يادعاء هدى عندها حق هتتجوزي ازاي وهو لازم يشوفك الأول
دعاء بضحك: لأ انتو فاهمين غلط ماهو لما يجي البيت هيشوفني ياجماعه الله هو احنا هنغشه ف البضاعه ولا اي
هدى بدهشه : هو انتو مش لازم تتقابلو الأول
دعاء : بطلي هبل يابت نتقابل فين
"فجأه أخو نرمين دخل عليهم الأوضه"
دعاء نزلت النقاب بسرعه
نرمين بضحك: يابني مش تخبط عندنا واحده منتقبه هنا
عادل بأستهزاء : أنا أسف ياست الشيخه دعاء
"دعاء حطت وشها ف الأرض ومردتش"
قرب من هدى وسلم عليها
مد إيده دعاء علشان يسلم
عملت نفسها مش واخده بالها وبصت لنرمين وقالتلها احنا كدا هنتأخر ع الكوافير مش يلا بقى
عادل بغضب: هو الطريق الي انتي ماشيه فيه بيقول تحرجي الناس كدا وراح سايبهم وخارج
"هدى ونرمين ادايقوا من تصرف دعاء"
نرمين : دا اخويا يابنتي هو حد غريب
دعاء: دا اخوكي انتي مش اخويا أنا
هدى : طب مانا سلمت اهو مفهاش حاجه يعني
دعاء : قولي لنفسك بقى انتي سلمتي وأديكي لا ذيدتي ولا نقصتي ولا حصلك حاجه بس كل الي حصل انك خالفتي أمر ربنا وخدتي ذنوب وخلاص
نرمين بدهشه: يعني كانت تحرجه يعني شايفه دا الصح
دعاء: الدين مفهوش مجامله وانا عن نفسي مبجاملش حد ع حساب ديني الصح صح والغلط غلط
هدى : أنا عارفه إن فيه حديث بيقول إن السلام حرام بس أنا صعب أعمل كدا معنديش الشجاعه زيك اني اقول أسفه مبسلمش
دعاء: ياحبيبة قلبي الموضوع مش محتاج شجاعه الموضوع محتاج إننا نستشعر حجم الذنب ونحس فعلا أننا ذعلنا ربنا عارفه لما يكون هدفك رضا ربنا مفيش حاجه هتقدر تأثر عليكي بالعكس هتحسي بفرحه ف كل مره تقولي مبسلمش انتي كدا بتخلي كل واحد يمد إيده ليكي يعيد حساباته مع ربنا من الأول
نرمين : بس يابت بطلي هتقلبي دماغ هدى بكلامك داه خلينا نعيش حياتنا
دعاء خبطتها ف كتفها: وهو في أحلى من إن الواحد يعيش حياته ف طاعة ربنا دانتو فايتكوا كتير
"فجأه دخلت والدت نرمين"
يلا يابنات إجهزوا العربيه تحت مستنياكوا علشان تروحوا ع الكوافير
يتبع ........
....................
#على_درب_الله_تلاقينا 3
" دعاء راحت مع نرمين وهدى الكوافير وباقي صحابهم معاهم"
"نرمين بتحط المكياج ودعاء واقفه مستغربه"
دعاء بضحك: يابنتي كفايه كدا وشك بقى شبهه الشقه الي متشطبه
نرمين بضحك: الشيخه أم نقاب تخليها ف حالها ياجماعه دي ليله ف العمر ومش محسوبه
دعاء بدهشه : نعم ياختي ليه مش محسوب دا زيه زي اي يوم
نرمين : بت بقولك اي وفري نصايحك دي النهارده فرحي وعايزه اتبسط هبقى اتوب بعدين ههههه
البنات كلهم ضحكوا ودعاء زعلت اوي
دعاء بحزن: مينفعش نكلم عن التوبه بالاستهزاء داه مفيش حد ضامن عمره
هدى شدت دعاء من أيدها وخدتها ف جمب
هدى: دعاء مبتوظيش فرحتها
دعاء بحزن: فرحة اي بس والله العظيم مافي فرحه أعظم من رضا ربنا ع العموم أنا كدا كدا ماشيه علشان أصلي العصر
هدى: مش هتيجي معانا القاعه
دعاء: لا مانتي عارفه مليش ف جو الافراح داه أنا عايزه فرح اسلامي انشكح فيه كدا
هدى: طيب ياختي مع نفسك انتي استني أنا خارجه معاكي بره دقيقه
"دعاء سلمت ع نرمين وقالتلها انها هتروح علشان مينفعش تتأخر بره البيت"
هدى خرجت معاها ودعاء كانت مستغربه
دعاء: رايحه فين يابنتي ادخلي لنرمين مينفعش نسبها كلنا
هدى: هدخلها بس هعمل مكالمه سريعه كدا وبدأت تتلفت يمين وشمال
دعاء حست ان فيه حاجه
_انتي لسه بتكلميه ياهدى
هدى حطت وشها ف الأرض : اتعلقت بيه اوي بس ع فكره هو قالي أنه هيجي يتقدم يعني مبيكدبش
دعاء بحزن: ولو مجاش ياهدى هتبقى خسرتي نفسك علشان حب حرام ملوش لازمه احفظي قلبك واقفلي عليه والي عايزك هيعرف يجيلك ازاي
فجأه موبايل هدى رن بصت فيه واتكسفت من دعاء
دعاء قالتلها: بردو هتردي
هدى: مش عارفه تتكلم
دعاء بصت لقت شاب واقف بعيد وماسك الموبايل وهدى بتبص عليه عرفت أن داه الشاب الي هدى بتكلمه
دعاء بعصبيه: انتي كمان بتقابليه انتي اتجننتي فوقي يابنتي والله العظيم لو بيحبك هيخاف عليكي من اي حاجه حرام
هدى كنسلت موبيلها ومرضيتش ترد وبصت عليه من بعيد وسابت دعاء واقفه ودخلت لنرمين الكوافير تاني
دعاء كانت مبسوطه جدا انها مكلمتوش وسمعت كلامها بس كانت عارفه انها ممكن تضعف تاني ف اي وقت
مشيت لقدام شويه ولسه هتعدي الشارع حست ان نقابها مش مظبوط وطت ع قزاز عربيه مركونه بتعدل النقاب فجأه قزاز العربيه اتفتح وكان أحمد قاعد ف العربيه دعاء من الخضه فضلت ترجع لورا بارتباك وهي مش واخده بالها كان في حفره رجها اتلوت منها وهي مش واخده بالها
قعدت ع الأرض ومسكت رجلها وبتعيط
أحمد نزل بسرعه مخضوض
_انتي كويسه
دعاء بتحاول تقوم بس مش عارفه: اه كويسه كويسه اتفضل انت حضرتك
احمد شايفها مش عارفه تتحرك ومستغرب رد فعلها
_اتفضل فين أنا شغال ف مستشفى قريبه من هنا تعالي نطمن ع رجلك دي تقريبا هتعوز تتجبس
دعاء بعصبيه: يافندم قولت أنا كويسه هرن ع حد من أهلي يجيلي اتفضل انت
احمد بعصبيه : تصدقي أنا غلطان وسابها ورجع قعد ف العربيه
دعاء طلعت موبايلها من الشنطه ورنت ع أخوها يجلها
احمد قاعد ف العربيه بيراقب هي هتتصرف ازاي ولاحظ أنها عماله تشد الهدوم ع رجلها علشان متظهرش
جه زميله ابراهيم
_اي يابني اتأخرت عليك
احمد_ لا متأخرتش ولا حاجه
ابراهيم: طب يلا اطلع بينا
احمد بيبص ع دعاء ومكنش عايز يمشي الا لما يطمن في حد هيجلها ولا لا
ابراهيم خد باله : مين البنت الي ف الأرض دي دي باين عليها تعبانه
احمد بعصبيه: عنيده اوي وقعت ورجلها تقريبا اتكسرت ورافضه اي مساعده
ابراهيم بضحك: معقده زي واحد هنا تعرفو ها
دعاء طلعت موبايلها من الشنطه ورنت ع أخوها يجلها
احمد قاعد ف العربيه بيراقب هي هتتصرف ازاي ولاحظ أنها عماله تشد الهدوم ع رجلها علشان متظهرش
جه زميله ابراهيم
_اي يابني اتأخرت عليك
احمد_ لا متأخرتش ولا حاجه
ابراهيم: طب يلا اطلع بينا
احمد بيبص ع دعاء ومكنش عايز يمشي الا لما يطمن في حد هيجلها ولا لا
ابراهيم خد باله : مين البنت الي ف الأرض دي دي باين عليها تعبانه
احمد بعصبيه: عنيده اوي وقعت ورجلها تقريبا اتكسرت ورافضه اي مساعده
ابراهيم بضحك: معقده زي واحد هنا تعرفو ها
احمد ابتسم: ع فكره رغم عندها دا بس عجبني خوفها ع نفسها وأنها مش عايزه حد يلمسها حتى لمجرد المساعده
فجأه وهما بيتكلمو اخو دعاء جه وسندها علشان تقوم ووقف تاكسي ومشيو
احمد اطمن كدا وشغل العربيه ومشي هو وإبراهيم
يتبع.....