اتقي شر من احسنت اليه - الفصل الثاني - بقلم اسيرت الحزن - مكتملة | روايتك

كان يستلقي علي السرير ويتصفح في هاتفه عندما وصلته صوره و معها رساله من رقم مجهول(السلام عليكم يا سامي دي بتك القلت انا مربيها كيس شوف بتعمل شنو من وراك ) سامي(بصدمه من الرساله):يا فتون بتك وين. فتون:قول بسم الله يا راجل نسيت ولا شنو صح هي قالت ليك ماشي عن ناس شموس. سامي:صح هي قالت كده بس هي ما مشت عن شموس. فتون(وعلي وجهها علامه الاستفهام):كيف يعني ما عن ناس شموس يعني مشت وين وانت الوراك منو. سامي(وهو يرمي الهاتف لي فتون):شوفي بتك يا هانم بتك كذبت علينا وقالت ماشي عن شموس وهي ماشي تقابل ولد والله اعلم عملت معاهو شنو. فتون:سامي انت مصدق الزول الرسل الصوره دي احتمال تكون مفبركه ياخي خلي منار تجي ومنفهم منها الحاصل. سامي:انا ما هنتظرها يحدي ما تجي اسع اضربي لي أم شموس وأسئليها لو منار جات عندهم . فتون:انت بتشك في بتك يا سامي وبتشك في تربيتك على العموم انا هضرب لي هاله عشان تشوف انو باي ما بتكذب علينا. فتون تمسك تلفونها عشان تضرب لي هاله(التلفون يرن وهاله ترد) هاله:الو فتون:الو السلام عليكم هاله: وعليكم السلام فتون:هاله منار عندكم هاله:لا منار الليله ما جات فتون:طيب شموس قاعده هاله:لا قبل شويه طلعت فتون:طيب عرفاها مشت وين هاله:لا بس هي قالت منار اتصلت ليها وقالت ليه انو هي والبنات متجمعين في مطعم وطلبت منها تجي فتون:طيب تمام هاله:ليشون انت بتسئلي في حاجه فتون:لا لا بس عشان بدق علي منار ما بترد فخفت عليها قلت اشوفها لو معاكم هاله:لا ما تخافي هم بكون مصمتين التليفونات انت عارفاهم ما بحبو زول يقطع ليهم ونستهم فتون:تمام يلا معسلامه ما اطول عليك هاله: الله يسلمك فتون(بعد ما قفلت الخط):شفت طلعت ظالم بتك منار في المطعم هي وشموس سامي:خلاص تمام ومع اني حاسس انو في حاجه حاصله مع منار لكين مدام مع شموس خلاص. في اللحظه دي منار دخلت البيت وعينها مليانه دموع ××××××××××××××××××××× عند شموس وحسام حسام:شموس انتظري شموس:حسام خليني ما كنت متوقع الخيانة معاك تصل إلي انو تخوني مع صحبتي وما اي صحبه اعز صحبه لي ولا هي الكان بتحذرني منك اتريها ديراك ليها لشنو انتو بتعملو فيني كده حسام:انت فاهم غلط هي كان بتحاول تحذرني اني ما احول اخونك شموس: والله قاعدين في محل مقطوع وماسك يدها وتقول لي بتهددني طيب افترضنا أنها كانت بتهددك شنو البيثبت لي حسام:انو انا مسكتي ليها كنت لاوي يدها ما كنت ماسكها عديل شموس(هي اتذكرت مسكت اليد وعرفت أن هي غلطان بس دي شموس كيف تطلع هي قلط فختارت تاذي وانتقم من صديقتها ولا تطلع هي الغلطان):اي صح بس هي غلطانه وكان لازم توريني وانا ممكن اسامحك بس هي لا. حسام:بطريقتك سمحتيها أو لا بس اهم شي انك تسامحيني. وبي كده شموس تكون بتعادي منار وبتحاول تازيها ومن هنا بدأت تخطيط ولقد فكره جهنميه ... وعرفت منو هيساعدها في الخطه دي ×××××××××××××××××××× فتون:بسم الله منار مالك منار:........ سامي:يابت ماتردي