فهموها ياناس اني احبها ودمعتها تهز رجولتي - البارت 9 - بقلم Roby - مكتملة | روايتك

رواية فهموها ياناس اني احبها ودمعتها تهز رجولتي : الفصل التاسع : ثاني يوم بعد الفجر كلهم رجعوا الرياض علشان شبكة ريم . وبعدها بيومين عبدالعزيز والكل رحوا الرياض بسثناء رباب ووليد لانه رباب ما رضيت تروح ووليد جلس معها وكانوا عند جدتهم على الظهر وصلت عايلة عبدالعزيز الرياض ونزلوا في بيت جدهم الجد عبدالله: عزيز وين رباب ووليد عبدالعزيز: في الطائف يبه الجدة خديجة: ليش ما جوا شيخة: رباب مريضة وما تقدر تسافر خلود بإلحال : جده كلمي تولين تجي الجدة خديجة: من عيوني سارة: خلود اسمعي انا بروح عندهم بعد المغرب ان شاء الله تروحين خلود: ليش مو الحين سارة : تعبانة ابي انام الحين وانتي كمان قومي روحي نامي خلود: اوكي انا بروح انام ************************************** رباب كانت منسدحة على سريرها في بيت جدتها ام امها وباين على وجهه الشحوب .دخلت عليها جدتها حصة وفي يده الصينية حقت الاكل الجدةحصة: رباب حبيبتي قومي كلي رباب: ماابي الجدة حصة :رباب يا حبيبتي مايصير كذه حرام عليكي تسوينه في نفسك رباب: ياجده والله مالي نفس اكل الجدة حصة: الله المستعان طلعت الجدة حصة بعد ما ياست مره ************************************ قامت بعد صلاة المغرب واخذت لها شور ولبست بنطلون اسود وبلوزه طويلة لون وردي عليها كتابة بفوشي اخذت اختها ووجدان وراحت بيت عمتها بعد ما كلمتهم ريم: سارونة وين رباب ليش ماجات معاكم سارة: في الطائف ريم بصدمة : كذابة سارة: وربى في الطائف ريم ناظرت في هنوف بمعنى وش رايك هنوف بهدوء : سارونة ليش ما جات سارة: مريضة مره واخلاقها قفله ريما: يعنى ماراح تحضر ملكت ريم سارة تضيع السالفة : ترى انا جات علشان انبسط وانتم تسالون على روبي ماصارت يعنى أقوم ارجع بيت جدة ريم اخذت جوالها وحاولة تتصل لى رباب بس جوالها كان مقفل ريم بعصبية : سارونة رباب الحمارة عندها رقم ثاني رقمها الأساسي مقفل سارة: لا والله كلميه على بيت جدتي او لو تبي اكلم وليد يعطيكي هيا ************************************ دخل الغرفة وغمض عيونها رباب بطفش : وليد وربى مو رايقة فارس : يعنى اروح شالت يده وتوسعت عيونها: فروس فارس ببتسامة : عيون فارس نقزت في حضنه وجلست تبكى فارس ابتسام: لو راح تبكين انا راح اروح رباب من بين دموعها: لا خلاص راح أسكت فارس: طيب يلا قومي اغسلي وجهك و روحي البسي عبايتك بسرعة رباب بحماس : وين بنروح فارس يوقفها: يلا بسرعة اسمعي الكلام .(واقف) لو خلصتي انا تحت رباب نظرت فارس بنظرات رجاء: فارس امانة لا تروح فارس ببتسامة تطمنها: لا تخافين ما راح اروح بدونك ************************************* جوال وليد يرن كان في الحمام (الله يكرمكم) ومارد وبعد خمس اتصالات وليد يجفف شعره : هلا سارونة سارة: كيفك وليد وليد:تمام انتي كيفك سارة: بخير ياالغالي وليد: حمدالله على سلامتكم سارة: الله يسلمك . وليد كيف رباب وليد: بخير الحمد الله سارة: ممكن اكلمها لانه جوالها مقفل وليد: طلعت مع فارس ولو جات قلتلها تكلمك سارة: اوكي يا عزوتي توصي على شي وليد: سلامتك سارة: يلا مع السلام وليد: مع السلام *************************************** كانوا وجدان وتولين وخلود جالسين مع بعض يسالفون تولين بدلع : خلود كيف حمودي خلود: بخير وجدان بغيرة: اسمه محمد موحمودي تولين بدلع: كيفي .ولو كبرنا خلود راح تخطبني لمحمد صح خلود خلود: صح وجدان: محمد ماراح يتزوج غيري تولين : لا راح يتزوجني وجدان: لا انا تولين: لا انا وبداو يتخاصمون قامت خلود وتركت المكان وراحت جلست عند سارة وبدلع: روحوا فرعوا البزارين يتخصموا قامت اسيل ومعها ريم وفرعوا البنات تولين لامه: ماما مين احلى انا ولا وجدان رغد: كلكم حلوين ياقلبي تولين: لا انا احلى رغد:بس وربى عورتوا راسي تولين: حمودي راح يزوجني صح وجدان: لا انا خلود تنهدت: العقل نعمة الكل جلس يطالع فيهم اثنين يتخصموا على محمد ووحده تقول كلام اكبر من سنها .من جد اطفال اخر زمان ************************************************** ** قدام بوابة الملاهي الكبير وقف ونزل من سيارته ام بي دليوالسوده ببنطلون اسود طويل وبلوزة بيضه عليها جياكة فتح لها الباب : يلا انزلي رباب: وش نسوي هنا فارس: يلا ربوبه مسك يده ودخلوا الملاهي قطع تذكره فارس ببتسام: وش تبي تلعبين رباب بحماس: قطار الموت فارس: يلا رباب : يلا طلعوا قطار الموت وبعد كذه العجلة الدواره وبعد كذه ما خلوا لعبة الا ركبوها وبعد كذه طلعوا وراحوا قلب الطائف يتعشوا فارس: وليد الحين راح يجي ناكل ولا نتظر رباب: لا نتظره احسن فارس وقف: طيب بس دقايق بروح اشترى لك عصير قبل ما يوصل وليد رباب: اوكي لآ ضـآق فـيـنـي آلـغˆقـت ,, غˆخ ـآآآن فـيـنـي آلـبـشَـر ؛ آنـت آلـع ـضـيـد آللي آشـد فـيـه آلـظَـهَـر .. **************************************9 وبعد ما رجعوا البيت فارس: انبسطتي ياقمري رباب: مره ما تدري كثر ايش ابتسم فارس: ان شاء الله دوم رباب : تسلم لي وليد: نسيت اخر مررره شفت رباب تضحك فيها زي كذه رباب تضربه بمزح: يعنى حتى الابتسامة حاسدني عليها وليد: لا طبعا ابي اشوف ابتسامتك على طول فارس يطلع الساعة : يلا ياقلبي روحي نامي رباب: تصبحوا على خير فارس ووليد : وانتي من اهلة طلعت رباب على غرفتها وبعد دقايق جاء وليد وفي يده جوال وليد: رباب سويرة تبي تكلمك اخذت رباب الجوال: هلا سارونة سارة: كيفك رباب رباب بفرح : تمام الحمد الله كيفك انتي سارة: بخير حبيبتي .روبي رباب: هلا سارونة سارة: ريم تبي تكلمك من اول رباب: هيا جنبك سارة: يب بس دقايق رباب: اوكي بعد ثواني ريم بحزن : الو روبي رباب: هلا ريومه ريم: كيفك رباب تحاول تمسك اعصابها : بخير الحمدالله .كيفك انتي ريم: بخير .ممكن تفتحين جوالك ابي اكلمك رباب: جوالي في البيت ريم بنبرة عتاب : ممكن اعرف ليش ما جيتي رباب: ريم انتي اكثر وحده تعرف السبب ريم بعصبية : وانا وش دخلني .مو انتي قلتي اننا اخوات .مو انتي رباب بتعب: ريم بليز لا تحمليني فوق طاقتي بليززززززززز ياريم ريم بجدية : رباب هي كلمة وحده وربى وربى والذى رفع سبع سموات لو ماجيتي وربى لا اعرفك ولا تعرفين الي يوم الدين وربى يا رب ماراح اسامحك .يعنى في رايك انا اقدر اسوي شي انا انسانه غيرعن خالد اوكي .انتهى كلمي باي قفلت الخط واعطت سارة الجوال وطلعت غرفتها تبكي .ولحقتها هنوف ***************************** في غرفة ريم هنوف : ريم بس المفروض انتي تعذريها لانها بجد نفسيتها زفت ريم تبكى: بس انا مالي ذنب في اللي قعد يصير هيا كانت دايم تقول احنا خوات وفي النهاية ماتجي فرحتي .حتى لو احنا اخوات من قبل ما تصير الخطوبة (مسكت هنوف من كتوفها) تعرفين قد ايش اعز رباب تعرفين كل مرة احتاج لها احصلها عندي هي كل شي في حياتي ليش تسوي فيني كذه ضمتهاهنوف: بس ريمو علشان بس ريم: هنوف لو قلت لخالد يترك رباب راح يسالني عن السبب .تخيلي اقوله تحب شخص ثاني مهما يكون هو كمان اخوي قوليلي وش اسوي انا في حياتي في الطايف في غرفة رباب كانوا كلهم مجمعين حولها وهيا تبكى من قلب الجدة حصة: يابنتي وش اللى صاير لك .توك كنتي مبسوطة رباب تاشر على قلبها وهيا تبكى : هنا ياجده هنا يعورني الجدة حصة: ناخذك المستشفى يابنتي فارس : رباب فهمني وش اللى صار رباب تكلم فارس وهيا تبكى: انا اكره خالد بس ريم انا احبها واموت فيها مو قصدي اني ازعلها فارس بحنان : رباب طيب اسمعي ليش ما تروحين مو شرط انك تشوفين خالد رباب: مافي وقت ما اشتريت شي ولا جهزت فارس ووليد جلسوا يسكتوا رباب لانه كانت تبكى علشان ريم والجدة حصة كانت تدعي على خالد في قلبها ************************************** الثلاثاء يوم شبكة ريم قامت من النوم وعيونها حمره علشان كانت تبكى لانه رباب ما راح تجي ريما ونوف على وجيههم الابتسامة : مساء الورد يا عروسة ريم تتطالع فيهم : ساعة كم ريما تسحب الحاف منها : قومي الحين راح تجي الكوافيره الساعة 6 ريم وسعت عيونها: ياظالمات صلاة العصر نوف: يلا بسرعة قامت ريم ودخلت الحمام وجلست تحت الدش وهيا تبكى تقول في نفسها ليش يا رباب ليش انتي اتوقعها من الكل بس ما اتوقعها منك ليش مو احنا اخوات زي ما تقولين انتهت من الشور وطلعت صلت الصلوات اللي فاتتها وبعد ما خلصت حصلت الكوافيره عندها وعلى طول الكوافيره مسكتها خارج غرفة ريم كان القصر فوق تحت .هناك ريحت قهوة عربية ممزوجة برائحة العود المبخر . الكل جالس يجهز هذي ريم كان كل شي خيالي الحديقة كانت مرتبة بطاولات وكراسي الاستقبال .والانوار باحجام مختلفه وحلوه .والورد اللي يجذب ويسحر بلون فستان ريم دخلت رغد غرفة ريم رغد تكلم الكوافير: خلصتم الكوافيرة : باقي قليل مدام رغد:يلا عجلوا الناس راح يجون بعد المغرب الكوافير: ان شاء الله مدام على الساعة تسعه بدأو المعازيم يجون في غرفة ريم ريم: رغد في ناس كثير رغد: لا تولين تبالغ :الا في ناس مره كثير رغد خبطت تولين: كذابه مو كثير ريم بخوف: رغد ما ابي انزف خلص مو لازم رغد:اقول اعقلي بس ********************************** كانت جالسه على الدرج تبكى وعبدالمجيد وهو نازل شافها تبكى وجلس جنبها عبدالمجيد: وش فيه القمر يبكى خلود: حبيبي ما راح يحضر كيف يشوف فستاني الجديد عبدالمجيد: طيب انا اصير حبيبك اليوم خلود: مايصير عبدالمجيد: وليش ان شاء الله خلود:كذه انا اخونه عبدالمجيد انصدم من كلام خلود بزر وكذه كلامها: طيب انا عندي فكرة تصوري وارسلي له الصورة وقفت خلود وعلى وجهها الابتسامة: وليد انا اسفه(وباست مجيد في خده) وراحت عبدالمجيد تنهد: اه ياخلود لو كنتي تعرفين الم الحب ما كان حبيتي احد .يا زين الطفولة بس خالد كان رواء مجيد وتنهد: اموت واعرف مين هذي النذلة اللي خلتك تحبها وتركت عبدالمجيد: ما اظن انها نذلة .انا اللى ما بينت حبي لها وضاعت منى (واقف وابتسم): يلا نروح نشوف العروس خالد:يلا طلعوا خالد وعبدالمجيد وراحو جناح ريم دخلوا خالد وعبدالمجيد الغرفة ووقفت ريم تسلم عليهم خالد:مبروك يا دلوعتي ريم بخجل:الله يبارك فيك عبدالمجيد: ريم حبيبتي مبروك ريم: الله يبارك فيك وعقبالك عبدالمجيد تنهد: اللي سرقة قلبي راحت وبدون ما ترجعه ريم تمسك يد مجيد :الا انا راح احصل لك احلى عروس في العالم كله تسوها وتسوى كل بنات العالم عبدالمجيد تنهد : مافي احد احلى منها .ويضيع السالفة : ايوه قبل ما انسى لو سوى لك شي لا تنسين بس اتصلي علي وانا راح اجي برشاش رغد: حرام عليك قتلت الرجال خالد: هذي ريومتنا دخلت ريم جو مع اخوانها وبدات تنسى خوفها .كانت بجد ملكة جمال بمكياج هادي يظهر جمالها والفستان البيج والسكري من فوق ماسك ومن تحت كلوش من فندي وعقد الذهبي من اللي داماس على شكل قلب ومن داخله صورة لعز انسانة رن جوال خالد وبعد ما قفل يلا ريومتي ننزل علشان توقعين ريم بخوف:لا خالد خلاص ماابي اتزوج خالد: يلا ريم اتركي الدلع اللي ماله داعي عبدالمجيد: يلا ياحلوه احنا معاكي ما في شي يخوف . *** ** *