البارت 7
رواية فهموها ياناس اني احبها ودمعتها تهز رجولتي : الفصل السابع :
في عصر اليوم الثاني
في الرياض وفي بيت مشاري دخلت البيت والعباية مفتوحة وباين البنطلون الاسود الماسك والبلوزه الصفره الواسعة وشعره الممكر وماسكه بنتها الصغيرة اللي عمرها 5 سنوات بفستانها الوردي والجزمة البيضة وشعرها الاسود اللي عليه شبص على شكل ورده . كان لؤي نازل من الدرج وشافها وبسرعة حضنها
لؤي: رغودة وحشتني مووووت ياعمري انت
رغد: هلا حبيبي
لؤي: متى وصلتي
رغد: قبل شوي .
لؤي : ليش ما قلتي لنا إنك راح تجين
رغد: كنت ابي أخليها مفاجأة
لؤي: وأحلى مفاجأة كمان
طالع في تولين الصغير ومسكها وشالها :تولين كبرتي ماشاء الله كيفك
تولين : Iam good
لؤي : يلا ندخل الصالة
رغد: يلا
دخلوا وجالسوا لؤي كلم الشغالة وقال لها تقولهم انو رغد وصلت
ريم نزلت جرى وعلى طول نقزت في حضن اختها : يا قاطعة وحشتني موت
رغد: وانتي اكثر ياعمري
دخلت نورة والدمعة على عيونها .راحت رغد عندها وباست راسها ويدها
رغد: كيفك يا الغالية وحشتني
نورة: وانتي أكثر ياقلبي. الحمد الله على سلامتك
رغد: الله يسلمك يا نظر عيني (ولفت على تولين اللي كانت مع ريم) تولين تعالى سلمي على جدة
راحت تولين وسلمت على نورة
وجالسوا كلهم بسولفون مع بعض ومستأنسين انو رغد رجعت
دخل عبدالمجيد: سلام عليكم
الكل : وعليكم السلام
عبدالمجيد فرك عيونه يتأكد: يانس انا اشوف رغد من جد ولا اتوهم
رغد: اقول ما تترك عنك هذي الحركات
عبدالمجيد فتح يدينه لرغد وراح حضنها : وحشتني رغودة
رغد: وانت أكثر ياريحة هلي
جلسوا هم الاثنين
عبدالمجيد: الا غريبة جايه عندنا
رغد: ابوي كلمني وقال لي على ملكة خالد وشبكة ريم
عبدالمجيد: انا قلت مستحيل يكون لله
رغد تخبط راسه: ارويك يا مجيد
عبدالمجيد يبي يرفع ضغطها : ما قلت الا الحقيقة
وقف عبدالمجيد: يلا عن اذنكم
رغد: على وين
عبدالمجيد: بروح انام مصدع من يوم ما رجعت وانا ما نمت
رغد: ليش ما نمت عشان تجلس معايه
عبدالمجيد: انا كمان وصلت اليوم الظهر
رغد: اهاااا اوكي حبيبي روح نام
راح عبدالجيد ينام ونورة تنهدت
نورة: ما عاد مجيد ولدي الاول
رغد: لا تخافين يمه راح ينساها
نورة: نفسي اعرف من هيا البنت هذي الي تعلق فيه مجيد كذه
ريم: رغوده ما تعرفيها
رغد: لا
تولين: ماما
رغد: عيون ماما
تولين: I want Huckalath (ماما ابي شوكالاته )
رغد: No(لا)
تولين بثقة : Do not give me. I will take what I want for myself( لا تعطيني انا راح اخذ اللي ابيه بنفسي)
رغد: نشوف يابنت ابوكي
تولين ببراءة: grandma I want Huckalath(جدة ابي شوكالاته )
نورة: ياعيون جدتك ابشري . ريم حبيبتي خذي السائق وروحي انتي وتولين السوبر ما ركت واشترى لتولين الا تبيه
ريم: ان شاء الله يمه . يلا تولين
تولين طالعت امها وطلعت طرف لسانها : شكرا جدة
رغد مو مستوعبه: تولين ترى راح ترجعين البيت اوكي ما راح تجلسين في السوبرماركت
رغد
في بيت عبدالرحمن
دخلت هنوف وسلمت على امها وابوها
هنوف: كيفك يبه كيفك يمه
عبدالرحمن : بخير الله سلمك
منيرة: بخير حبيبتي . يمه هنوف احط لك قهوة
هنوف: عنك يا الغالية انا اقوم احط
ماجد: هنوفه حطي لي معاكي
هنوف: واو من متى انت تجلس معنا اخر مرة شفتك يوم ملكت على سارة طول وقتك وانت على الجوال
ماجد: قولي ماشاء الله لا تصيبنا عيونك
هنوف: اه على اجس ياحسرة
قام ماجد وسحب اذن هنوف بمزح: قولي ماشاء الله بسرعة
هنوف تمسك يده: ماجد اذني وربى امزح اذني
ماجد: طيب قولي ما شاء الله
هنوف: ماشاء الله
ماجد: عفيه على البنات
هنوف تقلد ماجد: عفيه على البنات
منيرة: أنتم ليش زي توم وجيري ما تجلسوا في مكان الا تتنقرون
على المغرب قامت ريما وأخذت لها شور ينشطها ولبست ملابسها ونزلت
دخلت للصاله شافت امها جالسه
وقدامها قهوه وشاهي ع الطاوله
وطبعا أمها ماتركتها هزأتها لأنها نامت النهار كله وعطتها محاضره طويله
صبت لها من القهوه وهي تقول:خلاص يمه مارح أعيدها أصلا راسي صدع من النوم
نورة بعصبيه:شفتي كيف أنا مادري شلون بتتزوجين وهذا نومك
خالد بتريقه لماشافها صاحيه:أو و و و و و و و و وه الاميرة النائمة أعوذ بالله وش هالنوم انا بس ابي كم ساعة من نومك
نورة باستنكار:وه بسم الله عليك وش تبي فيه مو كفايه إختك
باس راس أمه وطالع إخته اللي تطالعه مقهوره من تريقته:صبي لي فنجال
ريما بعصبية :إخدم نفسك وإلا موشاطر إلا بالتريقه
حرك حواجبه لها بيغيضها وعلى فمه بابتسامه
أخذت نورة الثلاجة وصبت له
أخذخالد الفنجان: يالبيه قلبك يمه تسلمين
دخلت تولين وفي يدها اكياس وفتحت عيونها بفجعه:صحيتـــي يانوامــــه
ريما : رغدددددددددددددددد ليش جبتي معاكي هذي البنت
رغد: اجل بخلى بنتي لوحدها في امريكا
ريما: الله يسامحك. وفوق هنا تعالى انتي ما تحترمين أكبر منك انا خالتك
تولين: اوكي يعنى انتي قدوة وتنامين لحد المغرب لو كنت مكان جده كان من زمان ذبحتك
ريما بعصبية: هذي بزر امانة عليكم هذي بزر
رغد تشرب قهوة: اجل أجس ان شاء الله
مرت الأيام سريعا وجاء اليوم الموعود
في يوم ملكت رباب
البيت كان فوق تحت والكل يشتغل خادمة رايحة وخدامة جاية .كل شي كان مرتب بطريقة حلوه الطاولات والكرسي والورد في كل مكان والانوار وكل شي كان يدل على الفرحة
وفي غرفة رباب كانت ميته من البكا. سمعت دق الباب
سارة: رباب افتحي الباب الكوافيرة وصلت
دخلت سارة الغرفة وجلست على طرف السرير وضمت اختها: رباب علشاني بس لو بكيتي وش راح يتغير هاااا ولا شي
رباب: مابيه والله ما ابية
سارة مسكت اختها ودخلت الحمام وخلتها تغسل وجهه وبعد كذه الكوافيرات بداو يشتغلون
واخيرا خلصت وجلست على الكرسي
كانت لبسه فستان فوشي عليه كريستالات وكان الفستان فخم وخيالي ومخليها روعه وفاتنه....
دخلت سارة ومعها ريم وهنوف اللي انبهروا من جمالها
هنوف: اللهم صلى على النبي
ريم: ربوبتي تجننين
وفقت سارة تعدل الفستان لرباب وريم وهنوف كانوا ساكتين لأنه الجو مايسمح انهم يستهبلون
في مكان ثاني وفي أحد الغرف
عدل غترته قدام المرايه اللي لابسها ع ثوبه الأبيض وأخذ عطره القوي وتعطر..
طالع اخوه ببتسامة: وش رايك فيني
مجيد ابتسم : حلو تجنن
خالد: كل شي فيني تمام
مجيد: تمام عالي العال
دخل ماجد: ترى مو انت العروسة هيا اللي تكون متوترة وكل بعد شوي تعدل
راكان: انا أدرى (قرب وسلم عليه) مبروك يا العريس
خالد: الله يبارك فيك وعقباللك
ماجد يسلم علية: مبروك حط اخت حبيبتي في عيونك
خالد : من قبل ما تقول
دخل نايف : هاي
الكل: وعليكم السلام
نايف: واو عبدالمجيد طالع اليوم حلو من جد تخق
عبد المجيد: تراني ولد مو بنت عشان تبدأ تغازل
نايف: لا والله من جد شكلك يجنن
عبدالمجيد بثقة: اصلا انا حلو من قبل ما تنولد
***************************************9
اجتمعوا الكل وامتلئ المكان والكل حضر وكان مبسوط .
كان البنات جالسين مع بعض (خلود ووجدان وتولين)
خلود كانت لبسه فستان ابيض ووردي وطالع شكلها كانها اميرة .ووجدان فستان لون سكري وبيج ومع شعرها الاشقر وعيونها الزرق طلع شكلها يجنن .وتولين كانت لبسه تنورة لحد الركبة ومعه بلوزه بلوز الفوشي والابيض صارت كانها ملكة جمال الاطفال
جاء محمد بثوب الابيض والغترة اللي لفها على الطريقة الاماراتية وشكله طلع حلو .ومعه لؤي بثوب وشماغ واخيرا مهند وكان لبس زي لؤي وكانوا كلهم يجننون
محمد: خلود وين عمه رباب
خلود: فوق
محمد: طيب ممكن تشوفين لنا طريق بندخل نسلم عليه (يرحم لي أمك سبع سنوات يبي طريق)
وجدان بدلع: حمود كيف شكلي حلو
محمد: ايه حلو
تولين بغيرة: وانا
محمد: كلكم حلوين
لؤي: كيفك خلود
خلود: بخير
لؤي: ماشاء الله وش الجمال هذا انتي أحلي من تولين ووجدان
تولين تكلم لؤي: من زينك انت ووجهك محمد قال إني حلوه
لؤي: يمزح عليكي عشان لا تبكين علينا الحين
تولين: لا تكذب. (ناظرت محمد) انت تمزح
محمد ناظر لؤي وبعد ببتسامة ناظر تولين: لا اكيد انتي حلوه
مهند: عيال بندخل ولا كيف
محمد:يلا دخلنا
دخلوا العيال والبنات كانوا في مكانهم
تولين وهيا في عالم ثاني تطلع محمد اللي بدا يختفي : ياقلبي انا عليه يجننن موت
وجدان بقهر: ترى محجوز
خلود ناظرت فيهم باستخفاف وراحت تركت لهم المكان. وهيا تمشي خبطت في عبد المجيد
عبد المجيد: خلود حبيبتي وش تسوين هنا
خلود: ما شفت حبيبي
عبد المجيد جلس على ركبته لحد ما صار في مستواها: ومين هو حبيببك
خلود وهي تأشر على قلبها: اللي ملك هذا. اللي مستحيل اتزوج غيره
عبدالمجيدابتسم: ومين هو هذا
خلود جلست جنب عبدالجيد وابتسمت: أحلي العيال والرجال كلهم مستحيل تلقى أحد مثل جماله. تخيل مره احبة واموت فيه
عبد المجيد: أحلي مني
خلود: ايه أحلي منك اقول مره حلو مره مرررررررررررررررررره
عبد المجيد: طيب من هوا عشان اقولك شفته ولا
خلود: طيب وين العيال
عبد المجيد: كلهم في مجلس الرجال
وقفت خلود: شكرا ومع السلام
عبدالمجيد : دقيقة وين بتروحين
خلود بدلع: عند حبيبي طبعا
واقف عبدالمجيد وراح مع خلود يبي يشوف من هذا اللي ما اخذ عقلها
وبعد ما وصلوا خلود طالعت في عبدالمجيد واشرت بيدها: هذا هو حبيبي
عبدالمجيد طالع وين تأشر وشاف وليد واقف مع ماجد
راحت جرى وضمت وليد : وحشتنى
عبدالمجيد ابتسم: اجل انت الا طلعت حبيبها
خلود طالعت عبدالمجبد: روح شوف لك واحد ثاني تزوجه وليد حقي انا انا راح اتزوجه
عبدالمجيد ضحك من قلب: اجل المسائلة فيها زواج هااا
خلود تبي تبكى: مافي شي يضحك .وضربت رجله وبسرعة هربت
ما أجمل الطفولة تجد في ابتسامتهم البراءة وفي تعاملاتهم البساطة
أحاسيسهم مرهفة وأحاديثهم مشوقة وتعاملاتهم محبة
*************************************9
جاء عبد العزيز وفي يده الكتاب جالست رباب تطالع الكتاب اللي بيدين ابوها وماتطالع الكتابه الموجوده من دموعها ..رفعت عيونه تطالع في وليد وعبدالله كتمت شهقاتها ودموعها تساقطت على خدها
انتبت لصوت ابوها وبإيده القلم:يالله يابنتي وقعي
مسحت دموعها وشدت قبضة إيدها وقلبها ينعصر ألم طالعت في وليد وعبدالله ورفعت إيدها المرتجفه وأخذت القلم...وقعت بخط مرتجف وأحلامها تلاشت بكل حركه للقلم تركت القلم ونزلت راسها ..حست بابوها يحضنها ويبوس جبينها:مبروك يابنتي ألف ألف مبروك الله يوفقك ويسعدك دوم يارب
رباب بصوت كله حقد وكره: شكر لانك دمرت أحلي حلم في حياة كل بنت .اكرهك وراح اظل اكرهك لأخر لحطة في حياتي
خالد من البداية بدا يحس بخوف بس بعد ما سمع صرخ وفرح الحريم ارتاح كل اللي في المجلس قاموا يسلمون على خالد ويباركوا له
ماجد: مبروك خالد
خالد: الله يبارك فيك
ابو خالد: مبروك ياولدي
خالد بتسامة: الله يبارك فيك يبه
عبدالعزيز: مبروك يا وليدي ورباب امانه عندك تراها غالية علينا
خالد: في قلبي يا خالي لا توصي حريص
الكل بارك لخالد ورباب سلمت على الحريم بسرعة وطلعت غرفتها وفسروه الناس انه تستحي
كانت رباب في الغرفة جالسه على الارض تبكى
ودخلت عليه سارة ومعها عهود: يالله رباب خالد بيشوفك
غرقت عيونها دموع وقلبها تحسه ينعصر...ماتبغى تشوفه أو تقابله ماتبغى تسمع صوته...دمر كل احلامها مع فهد بزواجه بها
نزلت راسها وهمست:مابي
قربت منها عهود:إيش ماتبغين ليه
رفعت راسها تناظر عهود :الله يخليك مابي
عهود انصدمت لماشافت عيون رباب الغرقانه دموع وسارة كانت حاسه با اخته وكيف انها انجبرت
عهود همست:شفيك رباب حاسه بشئ
رباب:تعبانه الله يخليك مابي
سارة :أوك ولايهمك ارتاحي إنت
عهود اتصلت على عبدالله وقالت له انو رباب مريضة .وعبدالله قال لأبوه
عبدالله: يبه البنت مريضة ما ينفع نجبرها
عبدالعزيز: روح جيب اختك .اقل لها يلبسها الدبلة
عبدالله : يبه رافضة مره وتقول ما تبي شي
عبدالعزيز بعصبية : روح كلم امك بسرعة وخليها تنزلها
عبدالله: ان شاء الله يبه
راح عبدالله وكلم امه وطلعوا مع بعض عند رباب
رباب تبكى وبعصبية: قلتلكم ما ابي ابي يعني ما ابي
شيخة: رباب اسمعي كلامي والله ماراح اتركك لوحدك
رباب: وربى لو ما تركتوني لوحدي راح اشرب كلور
دخل عبدالعزيز وباين من وجهه معصب : بتنزلين اولا
رباب: وش تبي مني الحين هااا ابي اعرف انا وش سويت لك في حياتي انا موبنتك هاااا
هنوف: ياعمي خليها على راحتها
عبدالعزيز طنش هنوف : رباب اكسري الشر وانزلي
رباب: واذا قلت لا
راح عبدالعزيز ومسك رباب من يدها ونزلها غصب عنها عند خالد.كان في المجلس في نورة وريم وريما ورغد وخلود وتولين وشيخة ووليد
نورة اعطت خالد الدبلة ولبس رباب هيه ووليد اعطا رباب الدبلة وقبل ما تلبسه طاحت الدبلة
خلود: روبي خذي لا تتطيحه مره ثانية
رباب ما ردت على خلود ولبست خالد الدبلة بسرعة وقامت تبي تروح
نورة : وش فيكي يا بنتي مستعجلة كذه انتظري خالد يبي يجلس معاكي شويه
رباب نظرت عمتها وعيونها كلها دموع . وبعد كذه طلعوا كلهم . وبعد صمت طويل
خالد:كيفك رباب
رباب ما ردت
خالد ببتسامة: وش فيكي تبي تبكين خايفه مني
رباب كمان ما ردت
خالد: سمعت وليد اول يقول انك تعبانة سلامتك
رباب ببرود: الله يسلمك
خالد ارتاح لانه ردت عليه وبتسامة تذويب: اليوم طالعه حلوه ماشاء الله بصراحة قمر بصراحه انتي اليوم شي مغطيه على الكل
رباب: تسلم هذا من ذوقك...
خالد:رباب حبيت اقول لك اني اسعد انسان في هذا الكون..وسبب سعادتي انتي و اوعدك ان شالله راح ابسطك طول العمر
وبعد دقايق دخل وليد: يلا انتهى الوقت
خالد يطالع في وليد: يا نصاااب
وليد ببتسامة : اقول لا يكثر اقولك انتهى الوقت
وقف خالد: اوكي (وطلع جواله) رباب حبيبي ممكن رقم جوالك
رباب: ..............050
خالد سوه رنه: هذا رقم جوالي احفظيه
رباب قامت : ان شاء الله مع السلام
خالد: مع السلام ياقلبي
كم هو صعب ومر أن تعشق شخصا وتحبه إلى درجة الجنون .. وهو
لايعلم بهذه المشاعر التي تمتلكها تجاهه .
. كم هو مؤلم أن تبني أحلامك على هذا الشخص .. وهو لايعلم عن حبك
ولا عن أحلامك شيئا
.
***
**
*