فهموها ياناس اني احبها ودمعتها تهز رجولتي - البارت 6 - بقلم Roby - مكتملة | روايتك

رواية فهموها ياناس اني احبها ودمعتها تهز رجولتي : الفصل السادس : دخل عبدالعزيز الصالة والكل كانوا مجتمعين عبدالعزيز وهو مبتسم : السلام عليكم الكل: وعليكم السلام عبدالعزيز بابتسامة : رباب تعالى ابيكي رباب: سم يبه عبدالعزيز: ابيك في موضوع رباب: هلا يبه عبدالعزيز ابتسم: حبيت اشاورك بموضوع رباب بخوف:وشو؟؟ عبدالعزيز بجدية :ولد عمتك خطبك وطبعا انتي تعرفينه يعني مااحتاج اقولك من هو ولا ايش صفااته هاه وش قلتي؟؟ رباب بصدمة :اا قاطعهاوهو يحط يده قدام وجهها:لاتكملين فكري واستخيري بالأول بعدين تعالي لي الكل كان شي مصدوم بصراحة رباب مازالت تحت تأثير الصدمة: وش اللي أفكر وانا وافقت على فهد وملكتنا في الصيف ان شاء الله عبدالعزيز بجد : خالد رجال وما ينعاب رباب: انا ما ابي خالد .ابي فهد عبدالعزيز يمسك غضبه: رباب فكري ولمرة الثانية راح اقولك انه رجال وماينعاب رباب وافقت: وانا ما ابي خالد ابي فهد وفهد كمان رجال ما ينعاب. رباب تبي تبكى: يبه الموضوع مو غصب عبدالعزيز : شوفي يارباب تبيه ماتبيه انتهى الموضوع انا اعطيت اختي كلمة سمعتي رباب والدمعة على عيونها: يبه فهد خطبني اول وانا كنت موافقة عليه وش اللي تغير في الموضوع عبد العزيز: رباب لا تجننيني انا قلت الموضوع انتهى وفهد انسيه رباب تهز راسها بنفي : لا لا لا ماابي خالد وليد عبود ماما سارة قولوا شي الكل كان في حالة صدمة لذلك مااحد تكلم رباب تبكى: يمه هذا ولد اختك (طالعت وليد) هذا اخوك وليد وصديقك عبود سارة ليش ساكتين (صرخت) تكلموا قولوا شي طلعت من المكان وهيا تبكى راحت غرفتها وسكرت الباب بقوة. قامت سارة ولحقتها وفي الصالة شيخة معصبه مره: وش قاعد تقول عبد العزيز. كيف يعنى ممكن تفهمني والبنت قالت تبي فهد وما تبي ولد اختك عبدالعزيز: شيخة الموضوع انتهى ورباب راح تأخذ خالد عبدالله بهدوء : بس يبه ما يصير كذه خلاص ولا تنسى انو امي اعطت خالتي خبر انو رباب موافقة على فهد وجاء الولد مع ابوه وخطبها وانت وافقت واعطيت الناس خبر عبد العزيز عصب مره: أنتم ما تفهمون انا قلت الموضوع انتهى والزواج راح يتم وطلع ترك المكان شيخة معصبه وبصوت عالي: والله رباب ما تأخذ خالد وانا عايشه اللي اذا كانت هيا تبيه .(طالعت في وليد ) وليد قوم وديني بيت اهلي وليد قام باس راس امه: يمه اهدي الموضوع ما ينحل كذه شيخة بعصبيةوالدمعة على طرف عيونها: راح توديني ولا أكلم اخويه وليد شاف انو امه من جد منهارة: ان شاء الله يمه روحي البسي عبايتك ***************************************** ريم بصدمة: خطبتم رباب نورة بفرح: هوا وش فيكي كذه وجهك قلب ايه ريم بحزن: متى صار هذا الموضوع نورة: ريم وش فيكي يمه وش صار لك قامت ريم وطلعت من الصالة وراحت غرفتها مسكت جوالها وحاولت تكلم رباب ريم بخوف : رباب ردي ردي ياالله *****************************************9 سارة ووليد عند باب غرفة رباب وليد: ربوبه افتحي الباب واسمعي كلمي سارة تبكى: رباب علشاني انا سارونة افتحي بليز رباب رباب تبكي: اكرهكم كلكم ما ابي اشوف أحد فيكم اكرهكم اكرهكم وليد: رباب افهمي علينا .كلنا مو موافقين على هذا الزواج رباب بدأت تهدى : خلاص اتركوني لوحدي سارة ما زالت تبكى : رباب انتي افتحي الباب وبعدين نتفهم وليد: رباب ترى امي زعلت على ابويه وبتروح بيت اهلها .لو كانت راضية عن الزواج كان ما اهتمت رباب فتحت الباب بسرعة : امي راحت وليد مسكها وضمها بقوة : بتروح الحين .انا اسف رباب: وليد تكفه ا مابي خالد تكفه وليد بجدية : اسمعي رباب جهزي شنطتك بسرعة رباب تبكى: وين اروح وليد: نشرد انا وانتي أي مكان رباب ضمت وليد: ما أقدر ياوليد ما أقدر وليد: ليش ما تقدرين رباب: وانت يا وليد اعرف إنك تحب ريما. وريما انسانة طيبة حرام مالها ذنب انت لا تأخذ همي انا راح أدبر نفسي وليد: بس روابي انا اقول قاطعته رباب: لاتخاف خلاص انا بحاول قدر المستطاع إني أتأقلم مع الوضع وليد بضيق: على راحتك بس تذكري في أي وقت تغيرين رأيك انا راح اكون موجود ابتسمت رباب من بين دموعها: تسلم لي يا عزوتي باسها وليد في جبينها: انا بروح اوصل امي لا تزعل على رباب: ايوه صح امي قامت رباب ودخلت الحمام غسلت وجهها وطلعت راحت عند امها رباب حضنت امها: يمه لا تسوين كذه علشاني شيخة تبكى: انا اسفة يا بنتي لأني مو قادره اخلى زواجك انتي وفهد يتم رباب: خلاص يمه لا تزعلين نفسك. يمكن يكون خير واحنا ما نعرف ************************************************** ** ريم كانت عندها هنوف وهما الاثنين بس يعرفون بسالفة فهد ريم بخوف وضيق: هنوفه ما ترد وش أسوي انا هنوف: ياعمري انا عليكي يا بنت عمي ريم: ياربى ليش يصير كذه كلهم الاثنين عزيزين على قلبي انا اش أسوي هنوف: خلاص ريم يمكن ما توافق ريم: انا اعرف انها ماراح توافق. بس خالي معطي امي كلمه اكيد راح يقول الر جال ما يرجع عن كلمته هنوف: ريم انا اقولك هيا احنا ما راح نقدر نسوي شي ريم: هنوفه لو كنتي مكان وش راح تسوين بنت خالك اللي ما ولدتها امك او اخوك اللي ما يرفض لك طلب .والحب من طرف واحد وش تسوين هنوف: ريم اترك الموضوع وما عليكي منهم هما الاثنين والله يكتب اللي فيه الخير ريم قالت من قلب : اه ااااااااااااااه ياربى إرحم حالهم كلهم الاثنين **********************************************9 في الطائف وفي غرفة رباب رباب تبكى : فارس سمعت وش صار فارس بحزن : سمعت ياقلبي انتي رباب: فارس فهد عارف فارس : لا باقي رباب تبكى: فارس انت الوحيد اللي تفهمني قول لي وش أسوي بلييييييييييييييييز فارس فارس: حبيبتي انتي ليش الحين تبكين رباب: فارس انا أحب فهد ما ابي خالد فارس وهو مضايق: انا اعرف ياقلبي بس هذا ابوكي وما ينفع تكسرين كلمته رباب: فارس ابوس يدك ماابي خالد فارس ضايق صدره على اخوه ورباب: ياعمري انتي خلاص هذا نصيبك وماراح يصير الا اللي كاتبه الله رباب من قلب : يارب اموت يارب فارس: استغفر الله رباب وربى بزعل عليكي رباب: فارس ما عدا صار يهمني شي وربى انا راح انتحر فارس: يعنى لازم اقوم اجي الطائف رباب: فارس متى راح تقولون لفهد فارس: الحين رباب: فارس طلبتك طلب ما تردني فارس: اطلبي امري ياقلبي انتي ونظر عيوني رباب: ابي أكلم فهد فارس: رباب بس رباب: فارس تكفه فارس: اوكي (واعطى الجوال فهد) خذ فهد: مين فارس: ربويتي اخذ فهد الجوال وفي وجهه أكبر ابتسامة: الو رباب بحزن: كيفك فهد فهد: بخير ياقلبي وانتي كيفك رباب: بخير الحمدالله.فهد ابي اقول لك شي فهد بفرح : قولي يا قلبي انا اسمعك رباب بكيت: فهد انا اسفه وربى اسفة وتذكر انو اللي جالس يصير غصب عني. فهد وربى ما قد حبيت أحد زي ما حبيتك وانت راح تكون الاول والاخير. وقبل كل شي تذكر زي ما قلت لك انو انا مجبورة وما أحب غيرك. احبك فهد واموت فيك وقفلت السماعة بدون ما تسمع كلم فهد وفهد جلس متنح فهد ببلاهة : فارس وش فيها رباب وليش تقول كذه فارس نزل راسه: فهودي أنسي رباب وللأبد كمان فهد قام معصب ومسك فارس من بلوزته: انت قاعد تقول ليش انسى رباب ليش وش اللي قاعد يصير فهمني .(وصرخ) انا أنسي نفسى ولا انسى رباب تفهم دخلت حنان امهم ام فهد: وشفيكم أنتم فهد بعصبية: تعالى يمه اسمعي ولدك وش يقول. يقول أنسي رباب ام فهد: ايه يمه انساه انا وابوك ما نبيها فهد يحاول يستوعب: كيف ما تبوها ام فهد بعصبية متصنعة: ايه ما ابيها وبكره راح اشوف لك أحلي بنات البلاد فهد عصب: هو مين اللي راح يتزوج انا ولا أنتم انا ماربي الا رباب تفهمون فارس بعصبية : ماراح تأخذ رباب اعقل رباب بتاخذ ولد عمتها تفهم فهد ضرب فارس : انت وش قاعد تخربط رباب وافقت على وانا راح اتزوجها بعد ما تخلص الثانوية فارس يمسح الدم من وجهه : انت فكر في الكلام اللي قالته رباب فهد جلس على ركبته وهو مصدوم :وش قصدك فارس فهمني فارس معصب : رباب ابوه قال راح يزوجها خالد ولد عمتها فهد مسك فارس من كتفه وهزه : فارس وانا فارس:وانت ربى راح يرزقك بوحده غير رباب فهد بكا وصرخ ومسك فارس من يده وجلس يهز فيه : فارس قول انتك تكذب فارس امانة عليك فارس: انا اسف يافهد جلس فهد على الارض ولم رجله وجلس يبكى من قلب وبصدق زي طفل بعمر خمس سنين ضيع لعبته ********************************************** ثاني يوم في غرفة رباب رباب تبكى وهي في حضن سارة: سارونة اه ااااااااااااااااااااااه وربى احس قلبي يحترق .اكيد فهد عرف سارة بحزن : روبي حبيتي خلاص وربى ما يصير اللي تسوينه بس عاد رباب: فهد يا سارة تعرفين اش يعنى فهد يعنى قلبي وحياتي بدونه انا بلا روح سارة: ياليت في يدي في شي أقدر أسويه لكم ********************************** في الرياض عند ريم وهنوف ريم اتصلت على سارة وقالت تبي تكلم رباب بس رباب رفضت تكلم أحد ريما دخلت وهيا فرحانة: ريم متى قمتي ريم: من اول ريما مبسوطة على الأخير : اول عمي اتصل على امي وقال انو رباب موافقة وخالد كان بيطير من الفرحة ريم ابتسمت من وراء قلبها: الله يديم الفرحة كلهم الاثنين يستهلون بعض نوف بفرح : بنات متى بنروح السوق عشان ملكت ريم لا تنسون باقي اسبوع ريما: ايه صح يلا قوموا نروح السوق يلا ريم بطفش: أنتم راحوا انا مالي خلق هنوف: وانا كمان نوف بترجي : بنات وش هذي الهبلة .قاموا ريم انسدحت على السرير وغطت وجهها : اقولكم ما ابي هنوف تأشر لهم يطلعوا نوف : مع السلام احنا بنروح ريما : ريم تبي شي ريم: لا حبيبتي طلعوا نوف وريما على السوق وباقي ريم وهنوف . ******************************************** يوم الاثنين في بيت عبدالعزيز كانوا كلهم جالسين مع بعض حتى رباب اللي لها فترة ماطلعت من غرفتها اليوم طلعت وكان ناقص هل الجلسة عبدالعزيز .كانوا جالسين في الحديقة وحولهم ثلاجة القهوة والحلى ومن الناحية الثانية محمد ووجدان وخلود يلعبون شيخة: هاااعهود حبيبتي كم شهر باقي لك عهود: شهرين شيخة: الله يسهل لك ياقلبي عهود: امين يمه الله يسمع منك شيخة:عبود عبدالله ببتسامة: هلا يمه شيخة تأشر على رباب اللي من وقت ما جلست وهي سرحانة وما نطقت بكلمه عبود ابتسام لها : ربوبة وين وصلتي رباب ما ردت لأنه كانت سرحانة وليد قام وجلس جنب رباب وهيا مو معه وصرخ في اذنها وليد بصرخ: عبود يكلمك رباب انفجعت مره : انت ما تخاف الله وليد يضحك على شكلها : الا والله مين قال رباب ببراءة : طيب ليش تصيح في اذني وليد : لأنه عبود من اول يكلمك .الا صح قوليلي وين وصلتي رباب: معاكم عبدالله: باين مره سارة رن جوالها : يلا عن اذنكم وليد يستهبل : على وين سارة: ماجد اتصل وليد: اقول طسي وجه ما أدرى وش عاجب ماجد فيكي سارة: ماما شوفي وليد شيخة: وليد اترك اختك في حالها راحت سارة ترد جوالها . عبدالله: يمه ليش ما تزوجين وليد عشان يعقل شيخة ماعجبه الكلام: لا أي زواج وليد باقي له يكمل دراسته وبعدين يتزوج وليد: ايه صح يمه زوجيني .اقولك في بالي وحده تجنن وما راح تلاقين وحده زيها ابدا شيخة: دامك تحبها شدي حيلك وتخرج وبعدين يصير خير ******************************** في الرياض وفي بيت مشاري ريم بعصبية: ما ابي اروح يعنى ما ابي نورة بنفس العصبية: ريم وربى عيب عليكي كل مره اروح عزايم وانتي ما تجين معايه والناس كلهم يسألون عنك هنوف: عمه ريم نفسيتها تعبانه شوي وخليها مره ثانية نورة: اللي في راسي هو اللى راح يمشي سمعتوا ريم تنهدت: ان شاء الله يمه الحين اجهز نورة: عفيه عليكي بنيتي وانتي كمان ياهنوف راح تروحين معانا هنوف: لا ياعمة انا بقوم اروح بيتنا نورة : سمعتي ماراح اعيد الكلام مرره ثانية عندكم نص ساعة تجهزوا طالعت نورة من غرفة ريم هنوف : كان رحت السوق مع نوف وريما ما كان حالي كذه ريم: ما أدرى من وين طلعت هذي الطلعة . ريم قامت تأخذ لها شور عشان تجهز وتروح مع امها وهنوف كانت تسوي شعرها ماجد: سارونتي انا احبك واعزك واموت فيكي والله يقدرني وأقدر اسعدك سارة بخجل: حتى انا ماجد: حتى انتي اجس سارة بدلع: اللي قلت ماجد يعرف بس يستهبل : اجس قلت سارة: ماااااااااجد ماجد: عيون ماجد . بس من جد ما اعرف انتي كمان في اجس سارة بصوت خافت : انا كمان احبك ماجد بفرح: واخيرا واخيرا قلتيها . انا وش اسوي في عمري اليوم مبسوط وربى مبسوط . احبك اموت فيكي ياجعلني فده لكي يااحلى ما خلق ربى سارة استحت موت: ماجد امي تبيني ماجد: اوكي روحي لها ياقلبي وشوي اكلمك سارة: اوكي باي قامت سارة وطلعت عند اهلها وليد يطلع في سارة اللي وجهها احمر : خلصتي سارة ببراءة مافهمت قصد وليد: يب عبدالله: سويره وش قالك سارة: نفس الكلام اللي تقوله لعهود عبدالله: ول ول ول البنت طلع لها لسان جاء محمد ومسك رباب من رقبتها وباسه في خدها : عمتي رباب وش فيكي رباب ابتسمت له: ولا شي ياعيون عمتك محمد: انا احبك كثيررررررررررررررر مرررررررررررررره رباب : وانااااااااااا امووووووووت فيك دخل عبدالعزيز: السلام عليكم الكل: وعليكم السلام قامت رباب من دون ما تكلم ابوها او تطالع في وجهه بتروح غرفتها عبدالعزيز تنهد : رباب الخميس ملكتك ان شاء الله رباب طنشت وطلعت غرفتها وهي تبكى سارة كانت بتروح عندها وقفها صوت ابوها عبدالعزيز: خير شيطان عندكم اول اختك قامت من دخلت وانتي راح تلحقيها سارة: ما عاش من قال عنك شيطان بس قاطعها عبدالعزيز: اجلسي سارة جلست بدون ما تقول كلمه ثانية محمد يهمس لأبوه: بابا ليش عمه رباب راحت عبدالله بنفس الهمس: اسكت عبدالعزيز: ان شاء الله الخميس راح تكون ملكت رباب شيخة بنبرة غضب: بس البنت ما خلصت دراستها عبدالعزبز : طيب اسمعي انا ما خلصت كلمي . راح يملكون بس لانهم كانوا يبغوا يسون الشبكة مع ريم بس انا قلت الشبكه حقت رباب راح تكون بعد ما تخلص والحين بس راح تملك على خالد.وان شاء الله السبت تكون بداية الاجازة راح نروح الرياض لأنه شبكة ريم يتكون الثلاثاء ما أحد تكلم ولا جادل عبد الله بهدوء: يلا عن اذنكم انا يطلع عبد العزيز: على وين عبدالله: بروح المستشفى اتصلوا على وقالوا في حالة طوارئ ولازم اروح عبدالعزيز: طيب انتبه على نفسك عبدالله: ان شاء الله يبه . يلا مع السلام الكل : مع السلام . *** ** *