البارت 5
رواية فهموها ياناس اني احبها ودمعتها تهز رجولتي : الفصل الخامس :
مر شهر والكل بخير وصحه وسلامه
سارة ملكت على ماجد ومبسطوين هم الاثنين
البنات(رباب *ريم*ريما*نوف*هنوف*ندى *شهد*اسيل) كلهم مشغولين با اختبار القدرات وكل وحده في حوسه مو طبيعية
في الرياض وفي المدرسة
الاستاذه : تزيد ساعه دقيقه كل 3 ساعات بعد 5 ايام اذا كانت الساعه 8:40 كم ستصبح الساعه؟
أ-8:00
ب-8:40
ريم : يا ابلة الجواب أ
الاستاذه: ممتاز يا ريم . هااا بنات نكمل او ناخذ بريك
البنات: ياابلة خلاص بليزززززززززززززززز
الاستاذه: اوكي يلا قوموا اطلعوا الحوش
البنات قاموا مبسوطين وفرحنين مره وطلعوا الساحة وفي بعضهم جلسوا والبعض يلعبون وفي اللي ياكلون
ريم: بنات احس راسي راح ينفجر
نوف: هذا جزاء الدفرنه الزايده
ريم: قولوا ماشاء الله بصراحة انا ابي ادخل كيمياء عضوية
ريما: اوووف منك كيمياء وش هذي الطموحات
جات بنت: بنات ممكن اجلس معاكم
ريم: عادي اجلسي
البنت كانت تتميلح على هنوف وهنوف مو صوابها مره
البنت: هنوف كيفك
هنوف من غير نفس: بخير الحمد الله .بنات ابي عصير وحده تقوم تشتر لي
ريم: اخدمي نفسك بنفسك
ريما: انا ونوف عندنا موضوع مهم
وكلهم ناظروا البنت
البنت : انا اروح . وش تبون اشترى لكم
ريم: انا ابي موية وجالكسي
نوف: وانا ابي عصير ارونج وتوكس
ريما: انا زي نوف
هنوف مويه بس
راحت البنت واشترت لبنات وكملوا بعد كذه الحصة وانتهى اليوم الدراسي وفي الصرفه
البواب: يلا يا خالد ال............... يلا ياخالد............
ريم: هذا وش فيه بعد ينادى باسم خالد
ريما: اقول يلا بسرعة انا مره مصدعة
ريم : يلا
لبسوا البنات عبايتهم وتتطرحوا وطلعوا من المدرسة
ريم بصدمة: خلودي
خالد: غطوا وجيهكم يا رباعي قبل ما احوس في بطنك انتي ويها
بدر: لوسمحت يا اخ
خالد: تكلمني
بدر : ايه ممكن اتكلم معاك
خالد اعطه ريم المفتاح: انتطروني في السيارة
راحوا البنات السيارة وخالد جلس يكلم بدر
هنوف: هذا وش عنده الاخ
ريم: علمي علمك
ريما : ماصار هذا
نوف: اسكتوا خالد جاء
دخل خالد السيارة وهو مبتسم :سوري تاخرت عليكم
ريم: لا عادي وفوق كذه مين هذا صديقك
خالد يضرب راسها بمزح: وانتي وش دخلك
ريم: أي عورتني . اسمع وش عندك اليوم جاي تاخذنا
خالد: يعنى جزائي اني جيت اخذكم
ريم: لا خلاص
ريما: خالد راسي يعورني بليز ابي بندول
خالد: اكلتي
ريم: لا
خالد: طيب انتظري اول كلي لك شي وبعدين البندول
ريما: لا مالي نفس
خالد: اقول اليوم كلنا راح نتغد عند جدي
هنوف بطفش : احلف
خالد: يعنى اكذب
ريم بتعب: لالالالالالالالالالالالالالالالالالالالالا
خالد: اعقلي يابنت
واخيرا وصلوا القصر ودخلوا سلموا على جدهم وطالعوا يغيرون ملابسهم واهلهم كانوا هناك مسبقنا
***********************************************
في الطائف وفي غرفة سارة بتحديد
كانت تكلم ماجد وهي تنسدح على السرير: ايوه ياقلبي
ماجد: وش رايك ياعمري انتي نخلي زوجنا في الصيف
سارة: لا مجود احس انه بدري
ماجد: طيب انا ما اقدر اعيش بدونك قوليلي وش اسوي
سارة: اكمل دراستي اول وبعدين نتزوج
ماجد: وربى ياقلبي انتي اربع سنوات كثيروانا ما اقدر اعيش بدونك
سارة بخجل:مجودي
ماجد خق على الصوت: عيونه وقلبه لبيه
سارة بدلع: تسلملي ياروح انت
ماجد: لا كذه انا اروح ملح
سارة ضحك
ماجد: يجعلني فده له الضحكة
سارة: اوكي مجودي باي
ماجد: باي يا عمري كلها وحياتي ورحي
خالد يدخل عند ماجد
خالد: خلصت غرام يا اخ
ماجد: اه يا خالد وربى احبها اموت فيها
خالد: بس بس لا يكثر
ماجد: الحين ما ابي اعكر مزاجي بسببك .الا اقول وين مجيد الحمار اكلمه ما يرد
خالد تنهد: تصدق ما ادري وش فيه ما عاد مجيد مثل زمان ضحك ولعب ووناسة طول الوقت حزين وما يرجع الا اخر الليل ولو جلس معنا دايم سرحان
ماجد: وينه لحد الحين ما وصل
خالد: ما اتوقع انه راح يجي
ماجد: اه وش فيه مجيد
لؤي دخل: جدو يقول يلا اكل
خالد: لؤي حبيبي مجيد ما جاء
لؤي: لا حتى ماما خائفة جدو يخاصم وما يرد على جواله
خالد: خلاص روح واحنا الحين راح نجي
وعلى طاولة الطعام
الجد عبدالله: وين عبد المجيد
ابو خالد: ما قدر يجي مشغول مره
الجدعبدالله: مشغول في ايش وهو طالب
خالد: عنده مذاكرة مره تعرف اختبارات الجامعة ما تخلص
الجدعبدالله بعصبية: حتى لو يوم اقول الكل يجمع يعنى الكل يجمع
خالديرقع: هوا مو قصده يكسر كلمتك بس سامحه هذي المرة
الجد عبدالله: يصير خير اتصل عليه وقوله اني ابيه
خالد : ان شاء الله جدي مايصير الا اللي تبيه
********************************************
رباب: وراح توافقين انو يكون زواجك في الصيف
سارة: ماادري محتارة . ماتعرفين متى راح نقل الرياض
رباب: اكيد في الصيف
سارة: لو نقلنا الرياض ممكن اوافق بس بشرط اني اكون عند امي لحد ما اخلص دراستي
رباب: الله يكتب لك اللي فيه الخير
سارة: امين يارب
جات خلود: ماما تقول يلا
سارةمسكت خلود وضمتها: اعطيني بوسة ياحلوه انتي
خلود باستها وقالت ببراءة: انتي مبسوطة
سارة هزت راسها : ايه مره مبسوطة ما تدرين كثر شنو
خلود: الله يخليكم لبعض
سارة تطلع خلود بستغراب: وش قصدك
خلود ضحكت وبخجل: انتي وماجد
سارة مصدومة: رباب تسمعين اختك وش تقول
رباب: قوية وربى قوية
سارة: اقول قومي قبل ما ناكل خصم من مامي وبابي
وفقت رباب: يلا
***********************************
في المنطقة الشرقية وعلى الشاطئ كان جالس هناك والحزن كله على وجهه
سلطان: مجيد بس عاد والله قطعت قلبي
عبدالمجيد ما رد
سلطان: مجيد البنت خلاص صارت ملك احد ثاني ليش انت تتعب نفسك
عبدالمجيد نزلت دمعة من عيونه
سلطان : مجيد قوم نروح تاك لشي لك كم يوم ما اكلت شي
عبدالمجيد بيكى: احبه ياسلطان احبه .ليش راحت من يدي .ليش انا حظي كذه في الحب (جلس على ركبته) تعرف يوم روحك تروح بعيد عنك كيف تعيش يا سلطان كيف ( وجلس يبكى زي البزران) راحت ياسلطان راحت
سلطان: لا يامجيد لا انا ما قد شفتك كذه وكل هذا علشان بنت حسبى الله ونعم الوكيل عليها
عبدالمجيد : لا ياسلطان كيف تدعى على روحي كيف فهمني
سلطان مسك عبدالمجيد المنهار وجاء يبي يوقفه بس عبدالمجيد داخ
سلطان بخوف: عبدالمجيد (ويضربه في خده على الخفيف) مجيد قوم مجيد لا تسوي كذه (وصرخ) مجيييييييييييييييييييد
كان في مجموعة شباب على الشاطئ ويوم سمعوا صرخ راحوا بسرعة عندهم
الشاب: لو سمحت يا اخ تحتاج مساعدة
سلطان ما رد . تقدم واحد من الشباب كان دكتور وقرب من عبدالمجيد : لازم ننقله المستشفى الحين
شالوا العيال وراحوا المستشفى بسرعة
*****************************************
نورة بعصبية: كيف ما تعرف شي عن اخوك كيف
خالد: يمه من اول احاول اكلمه بس ما في فائدة
نورة جلست : ماني مرتاحة ابي ولدي بسرعة ابي ولدي
منيرة: هوا وش فيكي يا نورة ان شاء الله يكون بخير تلقيه نايمة ومغفل الجوال
نورة: اقولكم مو مرتاحة تفهمون مو مرتاحة قلبي انا اعرف انو وليدي فيه شي
الجد عبدالله: خلاص يانورة لا تبكين الحين انا راح اخليهم يدورون عليه
جوال خالد رن وقام : عن اذنكم (وطالع وبعد ما رد)
خالد: الو
سلطان : الو خالد
خالد: هلا سلطان كيفك اخبارك
سلطان: بخير ياخالد بخير .خالد ابي اقولك شي
خالد: قول يا سلطان خير عسى ماشر
سلطان: خالد مجيد في المستشفى
خالد وسع عيونه: ايش وش صار
سلطان: تعال انت الحين وبعدين راح تفهم
خالد: طيب طيب وينكم انتم الحين
سلطان : في المنطقة الشرقية
خالد: طيب ان شاء الله الحين راح نجي
وغفل الجوال وجاء بيروح يكلم ابوه وشاف ريم واقفة والدمعة على عيونها: خالد مجيد فيه شي
خالد قرب وباسه : لا تخافين ما فيه شي
دخل خالد وجلس جنب ابوه وكلمه في اذنه وعيون ابوه توسعت .نورة شكت بالموضوع
ابو خالد: يلا خالد قوم
خالد: ان شاء الله يبه
وكانوا بيطلعوا وقفهم صوت نورة: لحظة .خالد وش فيه مجيد
خالد ببتسامة:هوا يمه مو من اول قالنا ان شاء راح يكون بخير
نورة والدمعة على طرف عيونها : خالد حلفتك بالله الاتصال اللي قبل ما يخص عبدالمجيد
خالد: الله يهديكي يمه هذا اتصال من الشركة عندنا اجتماع ونسيت باامره
نورة: احلف يا خالد احلف
ابو خالد : خالد بسرعة الاجتماع بيروح علينا
طلعوا من القصر بسرعة على المطار على المنطقة الشرقية
نورةتبكى: وربى كذابين مو رايحين الشركة وربى مجيد فيه شي
الجدة خديجة : اذكري الله يانورة انتي كذه تفولين على الولد
نورة حضنت امها وجلست تبكى في احضان امها بكل قوتها
في الطائف
اسيل: خالة شيخة ممكن ابي اروح بيتنا اليوم
شيخة: هنا بيتكم
اسيل : الله يخليك ياخاله شيخة عندي شغل كثير .بكره الصباح راح ارجع
شيخة: ما اقدر أخليك تنامين في البيت لوحدك
اسيل: مو لوحدي بروح مع وجدان
شيخة: لا والله .قولي والله وان شاء الله وجدان وش راح تسوي لك
اسيل: الله يخليك ياخاله محتاجة اني اروح البيت
شيخة: ان شاء الله افكر
اسيل: شكرا خالتي
وبعد ساعة وفي مستشفى الملك فهد التخصصي في الدمام وصلوا ابو خالو وولده للمستشفى
عند الريسبشن
أبو خالد :لو سمحت أخوي أسألك عن حاله دخلت اليوم عبدالمجيد مشاري
الموظف عيونه ع شاشة الكومبيوتر : الساعة كم
أبوخالد:هو وصل الساعة ثلاث الظهر
الموظف :الدور الثاني غرفة 20
ابوخالد: مشكور
الموظف: العفو
راح بسرعة عند ولده ودخلوا الغرفة كان مجيد منسدح على سرير أبيض وشعره مبعثر على المخدة وفي أجهزه عليها جلس جنبه يطالع وجهه الأصفر باس ولده
خالد: يبه ان بروح عند الدكتور
ابو خالد هز راسه بمعنى طيب
راح خالد ومعه سلطان ودخلوا عند الدكتور
الدكتور: هو عنده مشاكل
خالد: لا والحمدلله
الدكتور: متأكد
خالد: ايه ياد كتور وش فيه أخوي
الدكتور: هو معاه انهيار عصبي وكمان سواء تغذية
خالد: متى نقدر ناخذه
الدكتور: لو صحي تقدرون تأخذوا معكم بس لازم تنتبهوا له. ان راح أكلم الممرضة تعطيه ابرة وبعدين تقدرون تأخذونه
خالد: شكرا ياد كتور ما تقصر
الدكتور: هذا وجبننا يا اخ
خالد: خالد
الدكتور: يااخ خالد
********************************************
وبعد ما صحي عبد المجيد طلعوا من المستشفى وعلى طول رجعوا الرياض ومن يوم رجعوا القصر طبعا في بيت جدهم. عبد المجيد ما تكلم على طول طلع فوق نجاح الاولاد بدون ما يكلم أحد
ابو خالد": السلام عليكم
الكل: وعليكم السلام
جلس ونزل الشماغ حقه. وجلس جنبه خالد
ابوخالد: نورة مجيد فوق لو تبين تروحين تشوفيه
قامت نورة بسرعة راحت فوق بسرعة والجد عصب
الجد عبد الله: خير ما يدخل يسلم على الناس
خالد: تعبان ياجدي
الجد عبد الله: حتى لو كان تعبان
خالد: حتى احنا طول الطريق ما تكلم معنا. كان في المستشفى
الجد بصدمة: عسى ما شر ان شاء الله الحين هو بخير
خالد تنهد: شكله ما يدل على انه بخير
قام الجد عبد الله وكلهم راحوا يشوفون عبد المجيد
في الغرفة
كان مجيد في حضن امه يبكي بصمت الدموع كانت تنزل على خده وعيونه مثبته في مكان واحد
نورة وهيا تبكي: مجيد لا تسوى فيني كذه قولي وش فيك
عبد المجيد كان ساكت
نورة: مجيد بس عاد قولي من اللي مزعلك
عبد المجيد: أحبها يمه وربى أحبها بس راحت لغيري
نورة: مجيد لا تسوى كذه صح إني ما اعرف مين هيا بس هيا الخسرانة وانا راح ادور لك أحلى بنت في البلاد كله
عبد المجيد: ما ابي الا هيا يمه ماابي وربى أحبها (صرخ) اه ياربى
دخلوا الغرفة وشافوا عبد المجيد المرح الضحوك والبشوش واحد ثاني عيونه كلها دموع وحالته تكسر الخاطر وتذوب الجحر
كان الصمت سيد الموقف وما أحد كان فهم اللي جالس يصير غير شخص واحد بس
أكبر قهر شوفت وليفك مع الغير. يضحك ويعطي مثل ما كان يعطيك
ياللي جرحت القلب ليه المعاذير. جرحتني لا تترك الجرح تذكار. وشلون ابصبر كان شفتك مع الغير. وانا الذي عليك من نفسي اغار
***************************************
وبعد مرور شهر على ابطالنا
في الرياض دخل مشاري وهوا مبسوط على الأخير
أبو خالد: السلام عليكم
الكل: وعليكم السلام
ابوخالد : وين ريم
نورة : بغرفتها...
ابو خالد: نادوها ابيها في موضوع...
راحت نورة وقالت للخدامة ونادتها...جات ريم. وجلست
ابو خالد: ريم تعالي جنبي.
ريم : ان شاء الله (وجلست جنب ابوها ).سم بغيتني..
ابو خالد: ريمواليوم جايين ناس يخطبونك...
ريم انصدمت اناااااا؟؟؟
ابو خالد : ايوه انتي....
ريم: مين؟؟؟
ابو خالد: واحد اسمه بدر
ريم وقفت في مكانها من الصدمة
ابو خالد: فكري زين وترى هذا زواج مو لعبه ومن ناحية بدر تراه رجال وما ينعاب....
نورة فرحت: والله وكبرتي يا ريم. وصرتي عروس.
ريم استحت: يمه.
خالد: يا حلو المستحين بس
ريم استوعبت وطلعت من المكان بسرعة
دخل عبد المجيد: السلام عليكم
الكل: وعليكم السلام
عبد المجيد: اشوفكم مبسوطين
خالد: ريم انخطبت
عبدالمجيد ابتسم : ماشاء الله وكبرت اختي (سكت شوي) يبه
ابوخالد: هلا
عبدالمجيد :ابي اسافر برا
الكل سكت وانصدم يطالع عبدالمجيد
ابو خالد :برا؟؟يعني وين؟؟
تنهد عبد المجيد: ابي أكمل الجامعه بباريس او امريكا (وقبل مايتكلم ابوه بضيق) يبه تكفي وافق اا انا انا تعباان (نزل راسه) تعبت ابي اطلع واغير الجو اللي هنا
تنهد بتفكير: طيب طيب انا موافق وببدا بالإجراءات
عبدالمجيد: تسلم يابوي مشكور
ابتسم ابو خالد:العفو صدق اهم شيء عندي راحتكم
نورة ما عجبته الفكرة بس سكتت لأنه بجد تشوف ولده يعنى
خالد ابتسم: يبه بما انو الكل فتح موضوعة انا كمان ابي اقولك شي
ابوخالد: يلا قول وش عندك
خالد: يبه قررت اتزوج
ابوخالد فرح: ومين هذي سعيدة الحظ
خالد : ..........
نورة:والنعم والله فيها ما راح تلقى احسن منها
***********************************************
ريم كانت في غرفتها تكلم رباب
رباب: بجد ألف ألف ألف مبروك ياقلبي
ريم: الله يبارك فيكي .وعقبالك
رباب: انا الحين ما أفكر بزواج
ريم: ياكذابه وفهود
رباب بعصبية: ريمو لا تقولين فهود
ريم: اقول عاد يلا ترى الولد كم مره يتقدم لك وافقي يابنت
رباب: استحي اقول لأمي اني موافقة
ريم بصدمة: ياحمارة يعنى انتي موافقة وما قلتي لامك
رباب: استخرت وارتحت
ريم: يلا وافقي بسرعة عشان نزوج مع بعض زي ما تمننا
رباب: خلاص ان شاء الله بكره راح اقول لأمي
ريم: مو تنسين
رباب: لا اكيد
ريم: وناسة نشترى ملابس زي بعض ونسافر مع بعض شهر العسل وكمان ننزف مع بعض قمة الوناسة
رباب : الله يتمم لنا على خير
ريم: امين يارب
********************************************
مع بداية يوم جديد قاموا الكل عشان يرحون على اشغالهم ومدرسهم
وفي المدرسة البنات كانوا ناوين يلعبون اليوم . وكل وحد جابت معها من بيتهم دقيق . كانوا في الفسحة قمة الحماس ونص المدرسة كانوا يلعبون
ريم بتعب : هنوفه انا خلاص تعبت بروح اعدل شكلي في الحمام
هنوف: اوكي يلا انا كمان بروح معاكي
راحوا ريم وهنوف يعدلون اشكالهم وتركوا البنات وراهم يلعبون
ريم ببتسامة : وربى انبسطت
هنوف: حتى انا
ريم: يلا اخر سنة نلعب وش عندنا
وهم طالعين جات بنت وخبطت ريم بقوة لحد ما طاحت في الارض
البنت: وجع ما تشوفين . قطيعه يارب
ريم قامت من الارض ونفضت مريولها: يا سلام تغلطين وبعد كمان تتطولين
البنت لفت وجهها بتروح . بس ريم بحركة سريعة مسكت يدها
ريم: اعتذري
البنت ضحكت باستهزاء: اجل اعتذار هااا مين انتي عشان اعتذار هاااا
ريم بهدوء: اعتذري
البنت: لو تموتين ما راح اعتذر
البنات بدوا يجمعوا حتى ريما ونوف جو
ريم بنفس الهدوء: اتحملي على اللي راح يجيكي
البنت بنظرات تحدى: يمه يعنى وش راح تسوين
ريم: لمرة الاخيرة راح اقول اعتذري
البنت : Obviously you do not you understand Arabic(ضحكت باستهزاء) So I'll say to you, I am not from apologize ( شكلك ما تفهمين عربي عشان كذه راح اقولك هيا بإنجليزي مو انا اللي تعتذر )
ريم ابتسمت: اتحملي اللي راح يجيكي
ثواني والبنت ما تشوف قدامها الا كف على وجهها
ريم بطريقة بريئة: هذا عشان افهمك يوم اقول انا ريم بنت مشاري اعتذري تعتذرين
ريم: بنات مين عندها مناديل في يدي في جراثيم
وجات ريم بتروح بس البنت كانت تبي تشد شعر ريم بس ريم كانت أسرع منها ومسكت يدها
ريم : لا لا لا الاطفال ما يسون كذه بعدين يصير شي ما يعجبهم .ورمت يدها وراحت تركت لها المكان
ريم تكلم هنوف: وربى وقحة لأبعد الحدود
هنوف: من جد كمان
ريم: المشكلة انها جبانة
ريما: واااااااااااااو ريم انتي انسانة Beautiful
ريم بدون نفس : لا والله انتي الثانية
نوف: حرام عليكي
ريم بتنهد: وربى عكرت مزاجي التبن
*******************************************
رجعوا من المدرسة وهم تعبانين
رباب واسيل:السلام عليكم
شيخة: وعليكم السلام
دخلوا باسوا راس شيخة واسيل طلعت لأنه وليد بيدخل بس رباب جالسة عند امها وبعد ما سلم وليد طالع
شيخة: عندك شي يا مزتي
رباب بخجل : ماما انا موافقة
شيخة ببلاهة : على ايش
رباب بطريقة طفولية : ماما فكري لا تحرجيني
شيخة فهمت على بنتها: واخيرا (باستها) مبروك ياعمري انتي ان شاء الله في العصر أكلم خالتك واقولها
رباب وقفت: يلا انا بروح انام تبين شي
شيخة بابتسامة: سلامتك ياعروس
وعلى طاولة الغذاء
عبدالعزيز: شيخة الشهر الجاي راح ننقل الرياض
شيخة: طيب انتظر اقل شي رباب تخلص الثانوي
عبد العزيز: لازم ننقل ما أقدر اجلس أكثر
شيخة: البنات راح يتعبوا مستحيل ننقل الحين
عبد العزيز: شيخة حبيبتي اسمعي الكلام
شيخة: عبد العزيز انت اللي افهمنا اصلا حتى النقل حقي باقي ما جاء
عبد العزيز: يصير خير الحين انا مصدع بعدين نتناقش
شيخة: يصير خير
طبعا راح اقول بصفة سريعة وش صار على كل واحد
نورة وابو خالد ما صار شي مهم في حياتهم
خالد اجل خطوبة لأنه انشغل في الشركة
عبدالمجيد سافر امريكا بعد ما صار متبلد الاحساس
ريم وافقت على بدر
ريما انخطبت بس رفضت
شيخة وعبدالعزيز كانوا مشغولين بنقل
سارة مازالت علاقة مع ماجد تجنن وقرروا انه يكون زواجهم في الصيف
رباب ماصارشي جديد عليها غير انهم حددوا موعد ملكتها هيا وفهد
وخلود ووجدان واسيل ما صار شي جديد في حياتهم
وليد يحب وحده ويبي يخطبها بس ما مسنحت لها الفرصة
عبدالله وعهود يجننون مع بعض
منيرة وعبدالرحمن سافروا مع بعض هذي المرة
هند حامل وكل بعد فترة تصيرمشاكل بينهم هيا وأمجد ومهند طفش من الحال وراح عند هنوف ونوف
.
***
**
*