قالوا تحبيه قلت ساكن فؤادي قالوا يحبك قلت هذا سؤالي - البارت 24 - بقلم مجهول♡ - مكتملة | روايتك

قالو تحبيه قلت ساكن فؤادي قالو يحبك قلت هذا سؤالي : الفصل الرابع والعشرون : جاء إياد ودخل بهدوء غريب حتى ماالقى السلام وكانه في شي شاغل تفكيره غير ملابسه وبعدين وقف يطالعها بنظرات غريبه وراح جلس وقال : اريج تعالي ابيك بموضوع اريج بلعت ريقها ماتدري ليه حست بخوف راحت جلست وتنتظره يبدا بالكلام دقائق صمته كانت كانها ساعات بالنسبه لها إياد بهدوء : اسمعي يااريج انتي بنت خالي وعلى عيني وراسي بس... مثل مانتي عارفه احنا الاثنين انجبرنا على الزواج انتي ماتبغيني وﻻ انا ابغاكي ومستحيل اقدر اتقبلك كزوجه عشان كذه انا بتزوج.... وقعت الكلمه على اريج كالصاعقه وكانه رماها بخنجر تغلغل في اعماق اعماق قلبها وقسمه الى نصفين كانت تطالعه بصدمه وهي تحس قلبها ينزف يؤلمها لدرجه فضيعه الم ماعمرها حست فيه الشخص اللي حبته بكل حواسها حبته بكل خليه فيها حبته حتى النخاع يقول لها انه بيروح لوحده غيرها كانت مستعده تعيش معاه على جفاه وبروده وقسوته لكن الان هو قالها بنفسه انه مايبغاها وبيروح يتزوج غيرها تماسكت وهي تسمعه يكمل إياد على نفس هدوئه : انا بتزوج لكن انتي بنت خالي وماراح اطلقك الا اذا انتي تبغي الطلاق اريج ابتسمت بسخريه مريره وغصتها خانقتها وكأن قدرها ينعاد من جديد مع شويه اختلافات فهذا مؤلم اكثر فهي تعشق هذا الإنسان وقفت بهدوء قاتل وخرجت من الغرفه من دون نطق بكلمه تحت انظار إياد التي تتبعها دخلت الغرفه الثانيه التي بجناحهم اول مااغلقت الباب رجولها ماقدرت تحملها اكثر وجلست على الارض وتركت لعيونها العنان ونزلت دموع اليمه تحرق خدها الناعم جلست على الارض تبكي بكاء مرير ( ليش ياربي ليش....ليش يصير معي كل هذا زواجي الاول انجبرت عليه وتزوج علي وحده ثانيه والنهايه تطلقت والثاني انجبرت عليه والحين يبغى يتزوج علي لكن بعد ما اخذ قلبي..ليش الرجال قاسيين وانانيين مايفكرون الا بانفسهم يخلونا نحبهم وبعدين يكسرون قلوبنا بكلمه واحده ليش يتلذذون بعذابنا ايش هو الذنب اللي ارتكبناه يمكن نكون اخطائنا بعض الاخطاء لكن ليش مايسامحونا مثل مااحنا نسامحهم ااااااااه ياربي قلبي يوجعني يوجعني ياليتي ماانولدت ياليتني ارجع طفلة صغيرة ماتفقه شي بالحياة كل همها الحليب والنوم ياليت ماكان عندي قلب يحب ياربي خذني إليك فاانا تعبت تعبت من هذه الدنيا الغدارة ياربي خذني اليك فاانت الوحيد الذي سترحمني فاانت ارحم بي من امي سامحني ياربي لكني فعلاً تعبت من لما كنت صغيرة وانا اتحمل واصبر بس خلاص ماعاد فيني قوة ابدا) كانت متمدده على الارض ودموعها تسيل ظلت على هذه الحال الين نامت ********************* الساعه السابعه والربع صباحا فله ليوناردو جوليا نزلت الدرج وشافت سايا تنزل قدامها هذه الانسان هي الوحيده اللي مااذتها بشي حالها حال نفسها مثل مايقولوا إن لم تكن تنفع فلا تضر تبعتها وابتسمت وهي تقول : صباح الخير سايا بهدوء : صباح الخير جوليا : كيف حالك سايا ابتسمت : بخير كيف حالك انتي جوليا : انا بخير...هل ستخرجين سايا : اجل ساذهب لأتمشى هل تريدين الذهاب معي جوليا كانت مرتاحه معاها وقررت تخرج فهي ملت من القعده بهذا البيت بدون اي صديق او احد تتكلم معاه طبعا سوا ليوناردو قالت : اجل سايا : جيد هيا جوليا '، وقفت بمكانها لما تذكرت إدوارد وخافت تخرج وتلتقي فيه قالت بتوتر : اا.. لقد تذكرت ان لدي بعض الاشغال انا اسفه لن استطيع الخروج معك سايا : حسنا كما تريدين مره اخرى سوف نخرج معا جوليا ببتسامه : اجل سايا : الى اللقاء سايوري اللي كانت جالسه بالصاله وتشوفهم ( ماالذي يحدث انا لاحظت انها لاتخرج من المنزل ابدا الا اذا كانت مع ليوناردو وايضا عندما تخرج معه ارى انها تكون خائفه ومتوتر لابد من ان هناك سر ورائها ويجب ان اكتشفه ) **************** القصر الكبير جناح إياد واريج صحيت بالصباح جلست وهي تمسك راسها وتحس بصداع فضيع تلفتت حولها وتذكرت كل شي اغمضت عيونها وتنهدت تنهيده خرجت من قلبها طالعت الساعه وكانت سبعه ونص صباحا واكيد إياد قد نزل يفطر قامت وهي تحس بالم بجسمها من النومه على الارض خرجت من الغرفه ودخلت غرفتها بتردد خايفه يكون إياد لسى موجود ماتبغى تشوفه تنهدت براحه لما شافت الغرفه فاضيه اخذت لها ملابس ودخلت الحمام (اكرمكم الله) اخذت شاور وخرجت صلت الفجر واستغفرت ربها لانها تاخرت على الصلاة وجلست على السجاده تدعوا حست انها هدت قامت سوت لها مكياج خفيف يخفي اثر البكاء ونزلت تحت وهي ماودها تنزل بس اذا مانزلت الكل بيسال عنها شافت عمتها ام إياد تكلم الخدامه ام إياد : اليوم انا من سيصنع الغداء ف إياد سيسافر اليوم وأيضاً هذه المره سيتاخر في سفره لذلك ساصنع له الاكله التي يحبها اريح قربت وقالت بستغراب : عمتي إياد بيسافر اليوم؟؟ ام إياد : ايه ليش ماقال لك اريج حاولت تبتسم : ﻻ شكله نسي ومشت وهي تفكر ( معقول بيسافر عشان يتزوج....خلاص يعني إياد بيتزوج ) صحت من افكارها على صوت جدتها : ماشاء الله تبارك الرحمن ويش هازين ريتال : ايش سر هالكشخه من الصباح ندى غمزة لها : اكيد تبغى تودع إياد بمنظر حلو عشان مايروح يطالع يمين والا يسار وضحكوا واريج ابتسمت بتسليك وداخلها ينزف الم وجلست معاهم وهي جسد بلا روح ******************** فلة رائد وسامر في الصاله كانت امل قاعده وتتفرج التلفزيون وبيدها كوب كابتشينو ماحست الا ببوسه انطبعت على خدها وصوته الرائق المحب : صباح الورد يااحلى ورده بحياتي امل بخجل لانها شافت سديم كانت جائيه بس غمزة لما ورجعت يعني اكيد شافته يبوسها : صباح النور...رائد اترك هالحركات احنا مو وحدنا بالبيت رائد جلس جمبها وسحب الكاس من يدها وقعد يشرب : عاااادي اخوي واختك مافي احد غريب وماعندي مشكله ابوسك قدامهم فاانتي زوجتي امل بخجل وعصبيه خفيفه : رااائد رائد بولهه : عيونه امل وقفت : انت الكلام معك فاضي رائد سحبها وجلسها وقال بجديه وعيونه في عيونها : امل انتي ماتحبيني؟؟ امل ارتبكت من قربه ونظراته وسؤاله المفاجئ ماقدرت تخلي نظرها بعيونه نزلت عيونها وجائت بتقوم رائد مسك يدها : جاوبيني امل برتباك وخجل : انا.... وسكتت ماتدري ايش تقول لما شافها طولت بسكوتها ترك يدها وقام مشى امل حست بتانيب الضمير والم اجتاح قلبها هو دائما يعاملها بكل حب واحترام ويقولها جميع انواع الغزل وهي دائما تعصب عليه ******************* القصر الكبير قبل الظهر كان الكل قاعدين مع بعض وجاء ابو نايف ونواف من الشغل وقعدوا معاهم والكل يتكلموا ويضحكوا مافي الا اريج كانت معاهم جسد بلا روح حتى ماانتبهت على إياد لما جاء تفكيرها كان مشغول بشي واحد هل هي فيها شي ناقص ليش إياد ماحبها ( انا ايش فيني ناقص ليش إياد يفكر يتزوج غيري اكيد فيني شي والا ليش ماحبني وحتى لما كنت متزوجه نادر ماحبني وكان دائما يتمسخر على شكلي بس اظن كان معه حق انا ماني حلوه يمكن انا) قطع حبل افكارها صوت امها : اريج اريج : هاه ام نايف : صار لي ساعه اناديك اريج : معليش يمه ماسمعتك ام نايف : شفيك من الصباح وانتي مو على بعضك انتي تعبانه؟ ؟ الجده : ايه يابنتي وانا ملاحظه هالشي اذا انتي تعبانه بنجيب لك الدكتور اريج : هااه ﻻ ﻻ مافيني شي ام نايف : اجل شفيك شارده ومو معانا من الصباح اريج وقعت عينها بعين إياد ثواني وحولت نظرها لامها ورسمت ابتسامتها المزيفه التي اعتادت ان تخدع بها الجميع من لما كانت صغيره وتخفي خلفها الم يمزق قلبها : مافي شي مهم جائت الخدامه وقالت لهم انه الغداء جاهز على الطاوله اريج حمدت ربها لانه الخدامه جائت والا كانوا ماتركوها بحالها شافت الكل قام متجهه لغرفه الطعام راحت وراهم وهي مالها نفس تاكل شي بس كذه مجامله قدامهم ******************** فلة رائد وسامي سديم وامل بعد ماجهزوا الغداء سديم : امل انتي روحي ناديهم وانا بقدم الاكل امل : طيب مشت امل للمكتب اللي كانوا جالسين فيه رائد وسامي جائت بتدق الباب وقفت يدها بالهواء لما سمعت سامي يقول : انت من جدك شلون تجبرها على الزواج رائد : شسوي هي استفزتني لما سمعتها تقول بترفضني سامي : ورحت قلت لها إنك بتلغي ملكتي انا وسديم رائد ساكت سامي : رائد انت من جدك كنت بتسويها كنت بتخلني الغي الملكة رائد رفع واحد من حواجبه : انت ايش رأيك سامي ابتسم : انت اخي الكبير وانت هو اللي اهتم فيني ورباني بعد ماتوفوا ابوي وامي كنت تفضلني على نفسك عشان كذه انت مستحيل تطلب مني مثل هذا الطلب رائد : والله وطلعت واثق من مكانتك عندي بس اللي ماتعرفه انه انا اناني عشان كذه هددتها باني بلغى ملكة اختها لاني بغيتها توافق سامي : يعني ماكنت بتلغي الملكة رائد : صحيح اناني بس مو لدرجه ادمر حياة احد سامي : بس يارائد اللي سويته غلط انت اجبرتها تتزوجك وهي ماتبغاك رائد : اعترف اني غلطة وخليت حبي لها يسيطر علي بس انا حاولت اخليها تحبني اظهرت لها كل حبي عاملتها مثل الاميرات انا ماادري هل هي تحبني او ﻻ احيانا اشوف انها تحبني واحيانا اشوف شي ثاني امل مشت بهدوء والندم ياكلها ( انا فعلا انسانه سيئه انا الغلطانه من اول القصة من اول ماالتقيت فيه وانا الغلطانه في كل شي ساويته وهو كان يقابل غلطتي ببتسامه وحب ) التقت في سديم سديم : وينهم ناديتهم امل : هاه..اا ﻻ..تذكرت نسيت شي بغرفتي بروح اجيبه...روحي انتي ناديهم ومشت جري لغرفتها تحت استغراب سديم . . كان الكل على طاولة الطعام امل رفعت نظرها لرائد وهو لما شافها ابتسم وفجاه كشر كانه تذكر انه زعلان منها ابتسمت غصب عنها على حركته رائد كان يسترق النظر لها ولما شاف ابتسامتها ابتسم بداخله ********************* فلة ليوناردو جوليا : ماذا سوف تسافر؟؟ ليوناردو : اجل سوف أسافر الليله الى امريكا جوليا : خذني معك ليوناردو : انا لن اتاخر هناك.. فقط يومين وسوف اعود جوليا برجاء : ليوناردو ارجوك انا لااريد الباقي هنا اخشى ان ياتي إدوارد ليوناردو : لكن ربما إدوارد يكون في امريكا وليس هنا انه يعيش هناك هنا لا ياتي الا نادرا جوليا : لايهم حتى لو كان هناك فاانت ستكون معي لكن ماذا لو سافرت وهو اتي الى هنا ماذا سافعل وقتها ليوناردو بستسلام : حسنا جوليا حضنته بفرح وقالت : شكرا لك سايوري التي كانت تتنصت ابتسمت بخبث (اذن هذا هو السر حسنا ) مسكت جوالها ودقت سايوري : مرحبا إدوارد ********************* القصر الكبير اريج وتالين واقفات على البلكونه وكل وحده عامله يدها على خدها ويطالعين إياد ونايف اللي خرجوا راجعين على شغلهم بعد ماتغدوا وريحوا شوي اريج تطالع في نايف بعد ماعرفت انه هو كمان بيسافر مع إياد ( حتى انت يانايف ماتوقعتها منك يعني عادي عندك انه إياد يتزوج علي وكمان بتروح معاه ) تالين وهي تطالع فيهم : نفسي اعرف هذول الاثنين ايش عندهم كل اسبوعين ثلاثه مسافرين يعني شغلهم غير عن باقي البشر وكمان اكثر سفراتهم لامريكا سكتت شوي وبعدها قالت بخوف : تخيلي يكونوا متزوجين اريج وهي لسى على نفسه الوضعيه ابتسمت بسخريه : ممكن شي وارد فالرجال مالهم امان ابد ممكن يتزوجوا باي لحظة تالين شهقت ويدها على صدرها : قصدك انه ممكن يكون من جد متزوجين اريج : ليش ﻻ تالين : احنا لازم نعرف سبب سفرهم اريج هزت كتوفها : انسي مافي امل تعرفي لانهم مثل العاده بيقولوا عندنا شغل تالين : ﻻ ياذكيه بنسافر معاهم اريج : بالله...مستحيل يخلونا نسافر معاهم تالين بتفكير : لازم نلاقي طريقه تخلينا نروح معاهم سكتوا الثنتين يفكروا وفجاة صرخوا الثنتين : لقيتها طالعوا بعض ببتسامه ونظرات كل وحده فهمت انه عندها نفس الفكره نزلوا جري لعند جدتهم اريج ( يمكن يكون غباء مني اني اسافر معاه بعد اللي صار بس انا ابغى اشوف مين هذه اللي قدرت تخلي إياد يحبها كيف شكلها بايش هي زايده عني ) جلسوا جمب جدتهم وكل وحده جلست بجهه تالين تحضن جدتها : تدري اني احبك واموت فيك يايمه اريج تحضنها من الجهه الثاني : وانا بعد احبك انتي احلى جده بالكون الله لايحرمنا منك الجده ابتسمت : وانا كمان احبكم بس اعترفوا هذا الحب مو لله اكيد تبغوا شي تالين باست راسها: جعلني فدوة لهذا الراس اللي يفهم على طول الجده ببتسامه : هاه ويش تبغوا آمروا تدللوا اريج : مايامر عليك ظالم..احم مثل ماتعرفي إياد ونايف بيسافروا الليل الجده : ايه تالين : وكمان بيطولوا بسفرهم عشان كذه احنا نبغى نسافر معاهم اريج : وانتي تعرفيهم زين اذا قلنا لهم ماراح يوافقون الجده : عشان كذه تبغوني انا اللي اقول لهم ياخذوكن معاهم تالين : الله لايحرمنا منك انتي والوحيده اللي تفهمينا على الطاير الجده : ماعليكم انا الحين بتصل عليهم يجوا وبكلمهم اريج : ﻻﻻﻻ يمه مانبغاهم يعرفوا انه احنا طلبنا منك هالشي الجده : ﻻ تشيلين هم انا بتصل عليهم عشان يرجعوا نقعد معاهم وكمان عشان يرتاحوا هم وراهم سفر طلعت جوالها ودقت عليهم اريج وتالين ابتسموا لبعض بنتصار بعد ساعه تقريبا جائوا وجلسوا مع جدتهم وامهاتهم واريج وتالين واقفين جمب غرفة الجلوس يستمعوا ايش بتقول لهم جدتهم جائت ريتال وشافتهن قالت : ايش ف تالين واريج قاطعوها : اووششششش ريتال وطئات صوتها وقالت : ايش تسون اريج بصوت واطي : بعدين بنقول لك الحين خلينا نسمع الجده : لكن مانبكم تقطعونا اتصلوا مو مثل كل مره ماتتصلوا ابغى اطمن عليكم راح نفتقدكم بتفضى البيت اربعه من احفادي بيسافروا نايف واياد طالعوا بعض وبعدين طالعوا جدتهم نايف : يمه احنا اثنين من تقصدين بالاربعه الجده : هاوو شفيك زوجاتكم اريج وتالين والا ماتحسبوهن هما كمان حفيداتي إياد : بس يمه احنا ماراح ناخذهم معانا الجده بستغراب مصطنع : شلووون ليش مابتاخذوهم نايف : الله يهديك يايمه احنا رايحين نشتغل ماحنا فاضين لهم الجده : ﻻ والله يعني بتتركون زوجاتكم وتروحوا وانا على بالي بتاخذوهم معاكم بما انكم بتتاخرون بالسفر إياد : يمه احنا ماندري ممكن نتاخر وممكن نرجع بسرعه على حسب شغلنا بس احنا قلنا احتمال..احمتااال نتاخر هذه المره يعني مو شي اكيد الجده : بلا هالف والدوران كل واحد ياخذ زوجته معاه مو مثل كل مره تسافروا وتتركوهم نايف : يمه احنا الجده بحده : اوصص ولاكلمه اشوفكم كبرتوا وخلاص انا ماصرت اهمكم ولا لي كلمه بهذا البيت كل واحد يسوي اللي يبغاه وانا بالهامش اسمعوا تاخذون تالين واريج معاكم والا مافي سفر ولاتقولون جدتي ماقالت هذاني حذرتكم إياد ونايف طالعوا بعض الجده نادت على اريج : اريج..ارييج'،شافت الخدامه دخلت وبيدها حلى وبتقدمه لهم قالت لها تنادي اريج اريج كانت تسمع بس ماحبت تروح على طول عشان مايشكوا دخلت ببرود وقفت قدام جدتها : نعم بغيتي شي الجده : ايه روحي جهزي شنطتك بتسافري مع إياد اريج كانت واقفه قدام الجده ومعطيه الباقي ظهرها غمزة للجدة وقالت : بس انا ماابغى اسافر الجده بحده : اقول روحي جهزي شنطتك وانتي ساكته ماناقص الا انتوا تجوا تمشون كلمتكم علي...ايه وقولي لتالين كمان تجهز شنطتها بتسافر مع زوجها اريج وقفت بصمت الجده : ماسمعتي ويش قلت روحي بسرعه قبل لااعصب عليك يااريج اريج بتمثل على انها متضايقه : إن شاء الله وخرجت والتقت بتالين قدامها طالعوا بعض وضحكوا وهم يدقون كف بيدهم تالين بضحكه : والله وجدتي طلعت ممثله اريج ضحكت : ههههه تصدقي كنت بنفجر من الضحك وانا اشوفها الحمدلله مسكت نفسي والا كنا انكشفنا تالين : يلا بروح اجهز ملابسي وخرجت جري لفلتها ريتال مثل الاطرش بالزفه : طيب فهموني اريج : تعالي معي فوق بجهز ملابسي وبفهمك . . . . بعد خمس ساعات كانوا بالطائرة إياد جالس مع نايف قال بضيق : انا ماادري ايش جاها جدتي يعني مااختارت الا هذه المره تخلينا ناخذهم كان المفروض نتركهم بالبيت ونمشي نايف : يعني ماتعرف عناد جدتي والله لاتحجز لهم طائرة وتسفرهم ورانا إياد طالع في اريج اللي جالسه وبالجهه الثاني وتتكلم هي وتالين وشكلها نسيت سالفة الزواج وقف وراح عندهم وقال : تالين لو سمحتي روحي عند نايف ابغى اقعد هنا تالين وقفت وراحت جلست عند نايف اريج لفت ببرود تطالع من نافدة الطائرة إياد : ممكن افهم انتي ليش جيتي معانا انتي ماعندك ولو ذرة كرامه بعد اللي قلته لك لساتك تلزقين نفسك فيني كلماته كانت مثل الملح على جرح اريج لفت عليه ببرود يقتل وقالت : انت تعرف اني جيت عشان جدتي بس ﻻتخاف ماراح ازعجك سوي اللي تبغى وقامت من جمبه وبما انهم بطائرتهم الخاصه مشت الين اخرته ووقفت تطالع من الشباك بحزن وهي تتذكر كلماته اغمضت عيونها بالم ونزلت دمعه حرقت خدها مسحتها لما سمعت صوت تالين من وراها جلسوا يسولفون مع بعض . . وصلوا لواشنطن وراحوا على فلتهم اول ماوصل كل واحد راح على غرفته ونام ******************* ميلانو الساعه وحده بعد منتصف الليل فلة رائد وسامر وتحديداً جناح امل ورائد امل من اول مادخل رائد الغرفه وهي متوتر تبغى تعتذر له بس ماهي عارفه كيف وخاصتا لانه اول مره تشوفه كذه مايكلمها ولا يبتسم معاها من الصباح وهو كذه تحس اشتاقت له كثييير راح تمدد وهي تمددت جمبه وهو لف على الجهه الثانيه امل كل ماتجي بتعتذر له تتراجع متوتررر بجده استجمعت شجاعتها وقالت بسرعه : رائد انا اسفه انتظرت يرد عليها بس حتى ماطالع فيها امل (لهدرجه زعلان ) جلست وقربت منه انحنت تطالع فيه شافته قدهه نائم (اووف نام وانا بالقوة قدرت اعتذر وبالنهايه طلع نائم ) رجعت تمددت وهي متضايقه ******************* بيت ابو رافي جناح رافي ومرام رافي متمدد فوق السرير ومرام بحضنه مرام : حبيبي رافي وهو يلعب بشعرها : هممم مرام بدلع : ممكن اطلب منك طلب رافي باس عيونها : عيوني لك مرام : تسلم عيونك..اممم بغيت اروح بيت اهلي رافي : بس كذه إن شاء الله بكره الصباح لما اروح الشغل اوديك مع طريقي ولما ارجع باليل باخذك مرام : اممم ايه بسس انا ابغى اجلس عندهم يعني مو بس يوم ابغى اقعد اكثر من يوم رافي : وشهوو ﻻﻻﻻ مرام : ليششش رافي : تبغي تروحي تقعدي اكثر من يوم يعني تباتي هناك وانا شلون بقعد من دونك مرام ابتسمت بمكر : لهدرجه تحبني رافي برتباك :..طيب كم تبغى تقعدي يوم واليوم الثاني اجي اخذك مرام كشرت يعني مايبغى يعترف ابد قالت بغيض : ﻻ ابغى اقعد اسبوع رافي فتح عيونه على الاخر : اسبوع كامل مرام : ايه انا صار لي شهر مارحت لهم ابغى اقعد أسبوع رافي : بس يامرام اسبوع كثير مرام بعدت عنه بزعل : خلاص ماتبغاني اروح عند اهلي مابروح واقتلبت على الجهه الثاني وغمضت عيونها رافي حضنها من الخلف وقال بحنان : مرامي انا مو قصدي انك ماتروحي عند اهلك بس اسبوع كثير مرام مغمضه عيونها وماردت عليه رافي باس خدها : طيب ولاتزعلي اسبوع اسبوع مرام طالعته بطرف عينها : جد والا تبغى تراضيني ولما اروح بتجي تاخذني اليوم الثاني رافي ابتسم : جد الجد اهم شي الاميرة مرام ترضى مرام ابتسمت رافي : فديت هالابتسامه ايوه كذه ترى مو حلو عليك الزعل مرام (يقولون ابعد عن احبابك يحبوك زياده راح ابعد عنك واشوف ) ********************* امريكا / واشنطن ثاني يوم من وصولهم الساعه السابعه صباحاً صحيت اريج ومالقت إياد موجود قامت غسلت وجهها خرجت وماشافته ولا باي مكان سالت الخدامه قالت لها انه خرج تالين جائت : ﻻيكون كمان إياد خرج اريج : ايه ليش نايف خرج تالين : تخيلي صحيت ومالقيته مدري متى صحي وخرج قالوا للخدامه تجيب لهم نسكافيه وخرجوا الحديقه كان في اربع كراسي وطاوله دائريه عليها مزهريه فيها ورد احمر جلسوا تالين : اموت واعرف وين راحوا من الصباح بدري حتى ماقالوا لنا اريج : والله علمي علمك حتى ماحسيت ب إياد لما صحي تالين : وﻻ انا..وكمان دقيت على نايف مايرد....اخخخ بس لو اعرف وين راحوا مستحيل يكون هذا شغل اكيد في شي متاكده انهم يخبون علينا شي : هل تريدون ان تعرفوا ماهو هذا الشي انصدموا لما سمعوا صوت رجال وراهم وقفوا ولفوا بسرعه اريج بغضب ممزوج بخوف : من انت : انا من سيخبركن ماذا يخفي عنكن ازواجكن خافوا من وين طلع لهم هذا وشكله مايطمن تالين : انت كيف دخلت الى هنا اذهب قبل ان انادي للحرس ضحك : هههههه اريج وتالين ماتوا من الخوف تالين جائت بتنادي على الحرس بس حست بشخص خلفها كتم نفسها بيده واريج نفس الشي حاولوا يبعدوهم ويصرخوا بس كان كل وحده ماسكها شخص وبقوة وكمان كان في يدهم منديل فيه مخدر وبدا جسدهن يضعف وماهي الا دقائق وغابوا عن الدنيا وماحسو بشي . . *** ** *