قالوا تحبيه قلت ساكن فؤادي قالوا يحبك قلت هذا سؤالي - البارت 23 - بقلم مجهول♡ - مكتملة | روايتك

قالو تحبيه قلت ساكن فؤادي قالو يحبك قلت هذا سؤالي : الفصل الثالث والعشرون : في فلة العائله وصلت اريج وطلعت فوق بسرعه لغرفتها وقفت لما شافت شوي من باب الغرفه مفتوح والنور شغال جائت بتدخل لكن وقفها المنظر اللى شافته داخل الغرفه رفعت يدها تكتم شهقتها المروعه من اللى تشوفه نزف قلبها ونزلت دموعها من دون ماتحس من هول الصدمه كان إياد واقف جمب المرايه من دون قميص وظهر مشلوح شلح كله جراااح عميقه كانت تشوفه يلف يده ويحط مرهم عليه ويغمض عيونه بقوووة من شده الالم وبعدها اخذ الشاش ولفه على جسمه واخذ تيشيرته ولبسه وشرب حبه مسكن وراح للسرير تمدد على بطنه واغمص عيونه بتعب حتى نسي يسكر النور الحين عرفت ليه ينام على بطنه ويلبس تيشيرته مايبغاها تعرف انه مصاب رجعت بخطوات للخلف وهي ودها تصرخ حست كانه جراحه اللى على ظهره فيها مو فيه كان الم يجتاح قلبها بعنفوان حاولت تتماسك مسحت دموعها بيد مرتجفه وتنفست بعمق وقوة قلبها ودخلت وكانها ماشافت شي فسخت عبايتها وراحت بتجاه التسريحه مسحت مكياجها وهي ماتدري هل هو نائم او لسى صاحي راحت اخذت لها ملابس واسترقت النظره له وشافته نائم بكل هدوء كانت تتامله بنظرات مشبعه بالالم ودها تدخله داخل قلبها وتسكر وماتخلي اي شي يؤذيه ودها تحضنه تحسسه بحبها له وان المه من المها بس شلون وهو حتى ماقال لها عن اللى صار له مشت ودخلت اخذت شاور ولبست بجامه خرجت كانت تمشي بحذر عشان مايصحى نشفت شعرها وراحت نامت جمبه بهدوء كان وجهه مقابل وجهها نزلت دمعتها غصب عنها وهي تتذكر شكل جرحه لفت على الجهه الثانيه وهي تمسح دموعها وتغطي جسمها بالكامل باللحاف وهي تسال نفسها ( شلي صار معاه ؟؟ من وين جاه هذا الجرح ؟؟ ليش ماقال لاحد؟؟ انا ادري إني ولاشي بالنسبه له بس ليش ماقال لاي احد من العائله ليش ي إياد ليش ماتقول لأحد اذا صار لك شي ليش تفكر انه مافي احد مهتم للي يصير لك ااااه ياقلبي ) ظلت تفكر وتفكر الين غلبها النعاس ونامت . . . بعد كم يوم كانت واقف وماسكه دله القهوة ومنتظره احد يجي ياخذها لانه في رجال بالمجلس جاء نايف مد يده بياخذها واترفع شوي من كم ثوبه اريج عقدت حواجبها لما شافت شوي من الشاش الابيض على يده قالت : نايف شفيها يدك نايف ارتبك : هاه..يدي مافيها شي بس جرح بسيط واخذ القهوة وراح اريج وقفت بتفكر ويش السالفه إياد مصاب ونايف مصاب يعني صار لهم شي لما سافروا راحت لعند البنات وجلست جمب تالين وسالتها من دون مايسمع احد لان الكل ملتهي بالكلام : اقول تالين تالين : هلا اريج : اليوم شفت يده نايف ملفوفه بالشاش ماقالك شلي صار له تالين : الا سالته وقال لما سافروا صار لهم حادث بسيط والحمدلله مر على خير...شكله إياد ماانصاب والا كنتي عرفتي صحيح اريج ابتسمت ابتسامة جانبيه : إياد.. ﻻ ابد ماصار له شي..الا نايف ماقال لك ليش ماخبرونا انه صار معاهم حادث تالين : تصدقي سالته نفس سوالك قال لانه كان حادث بسيط ماحبوا يقلقونا على الفاضي اريج بشك : اهاااه.( ابغى اعرف ويش سالفتهم اول مره لما شفت يد إياد مصابه سالته قال حادث بسيط واليوم نايف يقول نفس الشي اي بسيط واياد ظهره كله مجروح بس ويش سالفت الحوادث هذه معقوله اكون انا مكبره الموضوع ويكون مجرد حوادث صدفه. ..لا اكيد في شي غريب بالموضوع.... بس ايش هو ايش قاعدين يخفون عنا..... اوووف انا ايش علي منهم مايبغوا يقولوا بكيفهم.. خلاص انا ماعاد فيني افكر راسي انفجر من كثر الافكار والوساس اللى تجيني ) . . . . الساعه الواحده بعد منتصف الليل في غرفة امل امل كانت تمشي رايحه جائيه بالغرفه وبيدها الجوال وقلبها اكلها لانه رائد اليوم مااتصل وهو كل يوم يتصل باليوم مرتين ثلاث لكن اليوم مااتصل ابدا كانت خائفه يكون صار له شي كل مره تجي تدق له تتراجع باخر لحظه كانت في صراع مع نفسها ( اووه ليش انا مهتمه مو هذا اللى كنت ابغاه مو هذا اللى كنت اطلبه منه دائما ﻻتتصل علي طيب ليش انا متضايقه وخايفه لايكون صار له شي و..وفي شي بداخلي يبغى يسمع صوته..ياربييي ويش اسوي اتصل والا مااتصل واذا اتصلت ورد علي ويش اقول له ) تنهدت وهي تجلس على السرير واخيرا قررت ترمي بكبريائها خلف ظهرها وتتصل دقت ومن ثلاث رنه جائها صوته : هلا والله نورتي جوالي بتصالك امل ارتاحت انه بخير بس ارتبكت ايش بيقول اكيد بيفكر انها مهتمه فيه قالت : احم..انا ااا اتصلت لاني طفشانه وومافي احد صاحي كلهم نيام قلت مافي غيرك بيكون فاضي رائد ابتسم : بس انا ماسالتك ليه متصله امل سكتت وهي تعض شفايفها برتباك رائد : المهم كيفك اليوم إن شاء الله بخير اسف لاني اليوم مادقيت عليك كنت مشغووول مره ودوبي دخلت البيت حتى لسى ماغيرت ملابسي امل : عادي رائد بزعل : عادي يعني مايهمك تسمعي صوتي امل ارتبكت واختبصت ماعرفت ويش تقول : ا ا انا مو كذه قصدي رائد بمكر : اجل ايش قصدك امل بلعت ريقها ودقات قلبها صارت مثل قرع الطبول : وﻻشي رائد : وﻻشي!! بس انتي قلتي انه مو كذه قصدك يعني كان قصدك شي ثاني وشهو امل بعصبيه تخفي خجلها وارتباكها : راااائد رائد ضحك : يالبييييه...ااااه اسمي من بين شفايفك يجننن ياليتك قدامي بس امل صار وجهها احمر رائد غير ملابسه وراح تمدد على السرير وهو لسى يكلمها بحب : امولتي تدري الحين انا ايش اسوي امل : ايش رائد : متمدد على السرير واطالع المكان الفاضي اللى جمبي واتخيلك فيه... ااااه ياقلبي متي بتكوني جمبي امل صار وجهها علبت الون : انا بنام مع السلامه رائد انفجر ضحك : فديت اللى يستحون امل ظلت ساكته رائد : اوكيه حتى انا تعبان وابغى انام كنت بقعد معك اكثر بس بما انه الوقت متاخر بخليكي تروحي تنامي ولو اني ماابغى اسكر بس ماعليه إن شاء الله لما اصحى اكلمك امل بنعومه ربانيه : تصبح على خير رائد ابتسم : جلعني فدوه لهصوت..تلاقي الخير ياروحي '، وباس الجوال : وهذه البوسه لك امل بخجل : مع السلامه سكرت وهي تسمع ضحكته ابتسمت دائما هو كذه يحب يحرجها تمددت على السرير وهي مرتاااحه بعد ماسمعت صوته وعرفت انه بخير . . . . غرفه نايف وتالين نايف جالسه على الكنبه يطالع التلفزيون وتالين بعد ماغيرت ملابسها ولبست قميص نوم طويل احمر جائت وجلست جمبه وميلت راسها على كتفه ومسكت يده تلعب فيها : نايف نايف رد عليها بهمهمه : هممم تالين : إياد ماصار له شي بالحادث صح نايف التفت لها وهي رفعت راسها من على كتفه وقال : شلي ذكرك بهذا الموضوع تالين : ﻻ بس اريج اليوم سالتني ايش فيها يدك وانا جاوبتها فقلت غريبه انها ماتعرف بالي صار مع انك قلت لي انه إياد اصيب بخدوش كيف ماانتبهت له نايف بتفكير : يعني سالتك عني تالين : ايه نايف سكت وهو يفكر تالين : نايف وين رحت نايف : هاه معك..صحيح إياد كان مصاب بخدوش بس شفيت قبل مانرجع لهنا عشان كذه اريج ماعرفت تالين : اهااا نايف بخبث : اتركينا منهم الحين خلينا باللي احنا فيه تالين فهمت قصده وقالت بسرعه : اسمعني شوي ابغى اقولك شي نايف :اجليه تالين برجاء ودلع : حبيبي عشاني اسمعني ويش بقول نايف ابتسم بجب : قولي تالين : اليوم انا وحنان كنا نفكر بما انه احنا بنسافر بعد أسبوعين وبنترك امي وابوي وتركي وشهدوه فقررنا نروح نقعد عندهم يومين قبل السفر ف بليييز لاترفض بس يومين نايف : بس انتي كل يوم تشوفيهم تالين : ادري بس لما اكون ببيتنا غير وكمان انا مااشوف ابوي وتركي كل يوم..حبيبي عشان خاطري وافق نايف يسوي نفسه يفكر : امممم صعبه بس راح افكر بالموضوع تالين بدلع : ناااايف نايف بحب : ياقلبه تالين برجاء : وافق نايف ابتسم : وﻻيهمك انا كم عندي تالين عشان ارفض طلبها مع انه صعب ابتعد عنك بس بعود نفسي عشان سفرياتي تالين كشرت : ﻻ تذكرني نايف : ب إيش تالين وهي تمد بوزها : بسفرياتك انا ماادري شلون بكون اقعد من دونك نايف سحبها لحضنه : بتتعودي ياعمري واوعدك اني بكون اخلص شغلي بسرعه وارجع.... . . . . في اليوم الثاني كان واقف مع إياد جمب السيارة وساندين جسمهم عليها منتظرين الخدامه اللى قال لها إياد تروح تجيب اللاب توب اللى نساه نايف بهدوء وهو يطالع لقدامه : اريج تعرف باصابتك؟؟؟ إياد : اكيد ﻻ انا مستحيل اخليها تعرف..بس ليش تسال نايف : امس شافت يدي وسالتني قلت لها جرح بسيط بس شكلها شاكه بشي لانها راحت سالت تالين وتالين قالت لها نفس الكلام اللى قلت لها انت انتبه لاتعرف شي..الا كيف صار جرحك إياد : تمام الحمدلله تحسنت نايف بجديه : اليوم اتصل علي سالم وقال انه قدروا يدخلوا شحنه مخدرات ووزعوها على كل رجالهم اللى يرسلوا المخدارت لشباب إياد : وشلون قدروا يدخلوها نايف : ماادري..ماعرفت الا بعد فوات الاوان بس بكره بسافر واحل المشكله إياد : ﻻ وين تسافر انت عريس انا بروح نايف ابتسم : وين عريس صار لي اسبوعين إياد بمزح : انت لسى بشهر العسل مايكفي انك ماسافرت زوجتك زين انها تفهمت انك ماتقدر تسافر بسبب تعبك والجرح اللى فيك مع انه عذر اقبح من ذنب بس هي مشته لك لكن لو قلت لها انك بتسافر اتوقع تقتلك نايف ضحك : انت ﻻ تشيل هم انا بتصرف إياد : ﻻتتصرف وﻻشي انا بسافر نايف : ﻻ والله ماتسافر وانت تعبان انا بروح ويش وراي كلها اسبوع اسبوعين وراجع إياد : اوكيه...بس لحظه بعد اسبوعين احنا راجعين ميلانو يعني اول ماتخلص شغلك سافر طوالي على ميلانو ونلتقي هناك إن شاء الله نايف : إن شاء الله . . . . داخل بالصاله والكل مجتمع الحريم والرجال ابونايف وابو مازن وعامر بس والباقي مو موجودين امل ومرام وسديم صرخوا مع بعض : وشهووووو الجده : مثل ماسمعتوا سديم : يمه من جدك احنا لسى ماجهزنا شي شلون الفرح بعد مانرجع باسبوع مرام : ايه والله مايصير امل : مستحيل لازم يأجلوه ام عماد : والله عاد تحملوا لانه انتوا اللى رفضتوا تخرجوا لهم يوم الملكه ابو مازن : انا واعمامكم اعطيناهم كلمه إنه باي يوم يحددوا موعد الفرح احنا موافقين عليه مرام : بس شلون نتزوج واحنا ماعندنا شي ماجهزنا شي ولاشرينا ملابس ولاشيييي ام عماد : الله اكبر دولابك مليان ملابس واكثرها جديده وتقولي ماعندك شي مرام : يمه لايكون تبغي اروح بيت زوجي مع هذيك الملابس بس عامر : ﻻ طبعا ناويه ترجعي من اليوم الثاني مطلقه بس خذوا ملابسكم القديمه كلها وبهذاك الاسبوع روحوا اشتروا لكم كم لبس وخلص امل : انت مفكر الموضوع بهذه السهوله يبغالنا اقل شي اقل شي أسبوعين عامر : لاحوله ولاقوة إلا بالله حسستوني انكم ماعندكم شي تلبسوه خلاص بعد الزواج اخرجوا واشتروا اللى ينقصكم سديم :على الاقل اعطونا بس اسبوعين نتجهز ابو مازن بحزم : احنا اعطيناهم كلمه وماراح نتراجع طالما يبغوا الفرح بعد اسبوع من رجعتنا بيكون بعد اسبوع وقام خرج اريج بتفكير : الحين انتوا ليه ماتشتروا اغراضكم من هنا باقي على سفرنا اسبوعين امل وسديم ومرام طالعوا في بعض مرام : شلون مافكرنا بهذه عامر : ﻻن ماعندكن عقول الله يعين ازواجكن على ماابتلاهم مرام : ﻻتتفلسف علينا حتى انت ماخطر ببالك هذا الحل عامر هز كتوفه وهو يقول بعدم مبالاه : لو كان شي يخصني كان فكرت فيه من كل النواحي بس هذا شي مايعنيني امل طالعته بنص عين وبعدين قالت : المهم متى نبدا التسوق مرام : بالعصر نخرج سديم : ﻻ خلوها من بكره احسن اليوم مافيا حيل اروح الفلف بالاسواق اريج : حتى انا امل : خلاص إن شاء الله بكره نروح . . . . الساعه الحادي عشر ونصف مساء ً في غرفه نايف وتالين دخلت تالين وشافت نايف جالس على الكنب وعامل رجل على رجل ويده تحت ذقنه ويفكر وشكله حتى ماانتبه لها لما دخلت نزلت شرشف الصلاة اللى لبسته خافت تلقتي بنواف بطريقها لانها كانت لابسه بلوزه وبنطلون قربت منه وجلست بحضنه وحوطت ايديها على رقبته وقالت بدلع : حبيبي بايش شارد نايف ابتسم وحوط خصرها : في حبيبتي تالين ببتسامه : ومين حبيبتك نايف سوا نفسه يفكر : امممم لا ماراح اقول أخاف تزعلين تالين كشرت : ليه عندك حبيبه غيري نايف باس خدها : انتي الاولى والاخيره إن شاء الله تالين رفعت واحد من حواجبها : تبغى تقنعني اني اول بنت بحياتك نايف : اكيد اجل وشهو شايفتيني كل يوم مع بنت تالين تحاول تستدرجه عشان تعرف اذا كان يعرف بنات قبل مايتزوجها اولا : ﻻ بس صراحه انت عايش ببلاد اجنبي وتسافر كثير يعني تشوف بنات اشكال وانواع الا ماتكون حبيت وحده او اعجبت فيها يعني مثلا ايام الجامعه او حتى الحين قبل ماتتزوجني نايف : في هذه معك حق انا اعجبت بوحد وبصراحه بعدين حبيتها تالين بغيره : ومين تكون هذه نايف بهدوء : وحده مره كلمتني وعجبتني وتقابلنا وشفتها واعجبتني اكثر في الحقيقة وحبيتها تالين بغيرة وزعل : الحين اقصد بعد ماتزوجتني لسى تحبها نايف : صراحه صرت احبها أكثر تالين عصبت وزعلت جائت بتقوم من حضنه بس هو ماسمح لها : نايف اتركني نايف ببتسامه : على وين ماتبغي تعرفي اسمها تالين وهي تحاول تقوم : ﻻ ماابغى نايف : بس انتي تعرفيها تالين هجدت وهدائت وقالت بستغراب والغيرة تقتلها : انا اعرفها مين نايف ابتسم : اممممم وحده مره قالت لي بالجوال هلا بخطيبي وينك انتظرتك كثير ومااتصلت تالين فتح فمها وعيونها على وسعها لما عرفت انه يقصدها نايف ضحك وحضنها : ياحياتي انتي تالين بعدت عن حضنه عشان تشوف وجهه وقالت بحذر تبغى تتاكده: انت مين تقصد بهذا الكلام نايف ببتسامه : يعني ماتعرفي مين قال هالكلام تالين ابتسمت بخجل من نفسها لما قالت له هذا الكلام : انت شلون عرفت انه انا نايف : ﻻنه مافي وحده من بنات عمتي تقول هالكلام الا تالين تقوله لمراد تالين ضحكت : وانت كنت تعرف اني اقول هالكلام لمراد نايف : الكل يعرف مو بس انا تالين : ادري بس صراحه كنت اشوفك ماتهتم يعني مايهمك احد ولايهمك تعرف هذه الأشياء واكثر شي كنت ماتجي لما يجون اهلك الى السعوديه يااما تكون مسافر او تجي تقعد كم يوم وتسافر نايف : ايه صحيح كنت اسافر كثير بس مو معناته مااعرف اي شي يصير بالبيت..وعلى طاري السفر ترى انا بكره مسافر تالين فتحت عيونها بصدمه : اكيد تمزح نايف : للاسف جد ماامزح تالين : انت من جدك بتسافر نايف باس يدها وقال : انا اسف لكن ضروري اسافر بكره تالين وهي لسى مو مستوعبه : بتسافر؟؟! نايف : ايه الساعه احدى عشر صباحاً موعد طيارتي وماراح ارجع لهنه يعني بلتقي معاكي بإيطاليا تالين بعتاب : نايف حرام عليك احنا لسى ماصار لنا متزوجين ثلاث اسابيع وانت تبغى تسافر وتتركني نايف بحنان : انا اسف ياقلبي والله ودي اجلس معك طول الوقت بس شسوي في شغل ضروري ولازم اروح تالين : انت واياد مو شركاء ليش مايسافر إياد نايف : إياد عنده كم شغله هنا بيخلصها قبل ماتمشوا من هنه..وبعدين انتي مو قلتي تبغى تروحي بيت اهلك تجلسي معاهم خلاص روحي اقعدي هناك طول الأسبوعين تالين بلعت غصتها : ايه قلت ابغى اروح بس كنت بقعد يومين مو مثلك بتروح وماراح اشوف الا بعد اسبوعين نايف وضع يده على خدها : تالين احنا اتفقنا على هذا قبل الزواج تالين نزلت من حضنه وهي تقول بزعل : روح وين ماتبغى اصلا انا مين اكون عشان امنعك نايف وقف وبحركه سريعه سحبها الين اصطدمت بصدره مسكها من خصرها واليد الثاني وضعها تحت ذقنها ورفع راسها وقال وهو عيونه بعيونها : ماابغى اسمع هالكلام مره ثاني انتي زوجتي وحبيبتي وكل شي بحياتي تالين وهي ذائبه من عيونه : طيب خذني معك نايف ابتسم وبمزح : وين معي بتروحي تشتغلي بدالي تالين كشرت ومدت بوزها : تتمسخر علي نايف ضحك وحضنها : ياعمري مااقدر اخذك انا رايح رحلت عمل مو سياحه ابيك تتعودي على هذه الحال انا سفراتي كثيره وممكن تجيني باي لحظه واسافر بس اوعدك اني بكون انهي كل اشغالي وارجع لك بسرعه تالين اغمضت عيونها وهي تستنشق ريحت عطره اللى راح تفتقدها نايف بمزح : نمتي تالين ابتسمت وهي لسى على وضعها : ايه ابغى انام هنا وماابغى ابعد عنك ابد عندك مانع نايف ابتسم : ﻻ ماعندي مانع انا كلي لك بس مايصير ننام واحنا واقفين تالين ضحكت وبعدت عنه شوي وطالعت فيه ومسكته من يده وراحوا تمددوا على السرير وهي وضعت راسها على صدره وقالت : وكذه تقدر تنام نايف ضمها بحب.... ******************* في غرفة لجين وقفت نزلت المطبخ شربت مويه وخرج وهي في طريقها يد سحبتها لداخل الغرفه لجين شافته وكان مؤيد قالت بغضب مكبوت وبصوت واطي عشان محد يسمعها : انت جنيت ليش جايبني لهنا مؤيد : اتصالاتي ليش ماتردين عليها ولمن اناديك ليه ماتجي لجين : وانت وش تبغى فيني مؤيد : انتي زوحتي لكن شكلك نسيتي هذا الشي لجين بغيض : لا انا مانسيت مؤيد : اجل ليه تتهربي مني لجين : انا مااتهرب منك لكن ايش الفائده من اني اقعد معاك او اكلمك بالجوال انت تكرهني وانا اكرهك عن ايش بيتكلموا اثنين يكرهوا بعض مؤيد بهدوء : تكرهيني لجين بثقه : انا مااعطي حبي الا للي يستحقونه ويقدرونه مؤيد : تبغي تقولي اني مااستحق حبك لجين : انا حبيتك من قبل وشفت شلون تعاملت مع حبي عشان كذه تحول كل ذاك الحب الى كراهيه او بلاحرى انت ماتستحق حتى اني اكرهك لانه الكراهيه مشاعر بلمعنى الاصح انت صرت ولاشي بالنسبه لي انا لا احبك ولا اكرهك صرت شخص ماله اي اهميه بحياتي وتركته وخرجت وطلعت غرفتها ( شكلي خربت ام الشغله... خليه لو يبغى يطلقني يطلق ماعاد يهمني انا تعبت منه ياليت قلبي يصير عديم الاحساس وارتاح استغفر الله العظيم ) . . . . مرت الايام سافر نايف والبنات كانوا يخرجوا يقضوا لفرحهم وأحيانا يروحوا يزوروا اقاربهم عشان يودعوهم قبل موعد السفر بيوم إياد راح عند جدته واريج رفضت تروح معاه لانها كانت هلكانه من اللف بالاسواق هم امس راحوا بعد العصر مارجعوا الا الساعه اثنين في غرفة إياد واريج الساعه ثمانيه مساءً كانت تروح وتجي بالغرفه اريج : انا غبيه ليه مارحت معاه لايكونوا هذولك الافاعي موجودات انا شلون مافكرت بهذا وخاصتن اسماء هذيك خطير وربي اخاف تاخذ إياد مني اوووففف هذه الوساوس ماتروح من عقلي ابد احسن شي انزل اجلس مع البنات يمكن انسى نزلت ولقت البنات جالسات على الأرض ويلعبين باصره جلست معاهن تلعب وعقلها لسى مع إياد ريتال : ياهوووو ركزي بالعب لجين : هييي اريج وينك قاعدين نكلمك اريج دوبها انتبهن انه دورها بالعب : هاه مرام : ﻻ هذه مو معانا وين عقلك ندى غمزت لها : اكيد مع إياد امل تكمل : اهاه قولي كذه كل هذا شوق لاياد داليا تكمل معاهم بمزح وهي تسوي نفسها متأثر : ياقلبي مسكينه شلون بتنامي وحدك اكيد بتكوني تعودتي على النوم مع إياد انا مااقدر انام بعيده عن مازن لو يوم واحد والله حاسه فيكي اريج رمت الباصره على الارض وقامت بقهر : صدق ماتنعطون وجه ومشت ضحكوا البنات داليا بضحكه : تعالي تعالي نمزح معك شفيك عصبتي فتحت الباب بتخرج وتطلع غرفتها واتفاجاة وهي تشوف إياد قدامها وهو نفس الشيء قالت : إياد مرام اللى كانت بالطرف وشافت إياد على الباب قالت بمزح وبصوت مايسمعوه الا البنات : ياعيني على الحب شكله حتى هو مايقدر ينام بعيد عنها اريج لما سمعت ضحك البنات عرفت انهم اكيد يعلقون عليها خرجت وطراااق بالباب وابتسمت بوجه اياد وهي طايره فرح انه رجع : غريبه رجعت.. على كلام ندى انت قبل ماتسافر تروح عند جدتك وتبات عندها وماترجع بنفس اليوم إياد : رجعت لاني حسيت نفسي مصدع وتعبان شوي خفت اصحى الصباح وانا تعبان زياده ومااقدر اسوق سيارتي وارجع البيت عشان كذه رجعت الحين اريج ابتسمت وهي عارفه انه يكذب لانه بكل بساطة كان يقدر يخلي السواق يجيبه بس مشتها له معا انها ودها تعرف ليش رجع إياد : احم وين ندى اريج : تبغى شي؟؟ إياد : ﻻ بس لقيت جوالها بالصاله يرن جيت اعطيها إياه اريج مدت يدها واخذت الجوال ودخلته لاندى وماسلمت من تعليقات البنات ورجعت خرجت وهي طائره فرح لانه إياد رجع هي الحين ارتاحت . . . اليوم الثاني سافروا وبعد يومين بدائوا تحضيرات الزواج مع انه كان كل شي مجهزته ام رافي والعرسان الثلاثه القاعه وكروت الدعوات وزعوها وكل شي يخص العرس معا جائت العائله الا سوت بعض التحضيرات البسيطه ***************** في بيت ابو عماد وتحديداً بغرفة مرام جالسه على السرير وتدق على رافي وتهز رجولها بتوتر رد عليها : الو مرام بلعت ريقها وحاولت تتماسك هي لازم تنفذ خطتها قالت بصوت هادئ : الو السلام عليكم رافي بستغراب : وعليكم السلام مين معاي مرام تمثل التوتر : انا..انا مرام رافي بستفهام : مرام؟؟! مرام وهي متقنه الدور : انا اسفه..اسفه لاني اتصلت فيك..بس..بس امي طلبت مني اعزمك..هو بصراحه اهلي يفكرون اننا على تواصل لانه سامر ورائد كل واحد يكلم زوجته عشان كذه فكرون انه..انه انت تكلمني.. رافي ضرب راسه فهو من بعد الملكه انشغل ونسيها تماما وحس بالذنب من كلامها لانه مافكر يتصل فيها (اوبس شلون نسيتها ياربي حتى مافكرت اخذ رقمها من احد) مرام ابتسمت فهي عرفت من سكوته انها اصابت الهدف قالت : الو رافي وينك رافي صحي من افكاره : هاه معاك..امم..مرام انا اسف لاني مااتصلت فيك بس بصراحه انا فكرت انه بما انك ماوافقتي تشوفيني يوم الملكه انك كمان ماتبغى اتواصل معك مرام رفعت واحد من حواجبها وابتسمت بتحدي (والله وطلعت منت سهل قدرت تلاقي عذر مقنع ) بصوت هادئ : عادي ماصار شي المهم اتمنى تجي اليوم وتتغداء مع اهلي رافي : وانتي مرام بستغراب : انا؟!! ايش فيني رافي : بشوفك اليوم؟؟ مرام ارتبكت : هاه..ت. ت. تبغى تشوفني رافي ابتسم : شفيك تتاتئين ماتبغي تشوفيني مرام بسرعه : ﻻﻻ انا ماكان قصدي كذه بس زواجنا قريب وو ماله داعي نشوف بعض ومابقى شي على الفرح رافي : طيب على راحتك مرام ابتسمت : اسفه اتمنى ماتزعل مني وتتفهم رافي بهدوء : ماله داعي الاعتذار انا اتفهمك مرام : شكراً يلا مع السلامة رافي : مع السلامة سكرت مرام وابتسامه الانتصار على وجهها : انا اسفه يارافي بس ﻻزم تنسى غيداء ادري انها عيشتك بجحيم وانك كرهت الزواج بسببها بس ماراح اسمح لك تعاقبني على اخطائها حتى رقمي ماتعرفه بس وعد مني اني بخليك تحبني وانسيك غيداء وطوايفها واخليك تعيش احلى عيشه معي.... والان بنزل اقول لأمي اني عزمت رافي ههههه ****************** يوم فرح رافي & مرام رائد & أمل سامر & سديم في قاعه عائله ال........ اريج تمشي هي وداليا وتتكلم : ماشاءالله الثلاث طالعات مثل الاميرات داليا ابتسمت : وانتي اولهن شوفي الحريم كلهم عيونهم عليك جائت حرمه من صديقات الجده كانت تعرف داليا بس ماتعرف اريج وقفت تطالع اريج بفستانها الذهبي ومكياجها اللى يبرز ملامحها وشعرها الفير كانت في قمه النعومه والاناقه الحرمه سلمت عليهم وقالت لاريج : انتي بنت منوه داليا ابتسمت لانها فهمت ايش تبغى الحرمه لانها واضح من نظراتها المعجبه بااريج : ليه تبغي تتعرفي على اهلها الحرمه وعيونها على اريج : صراحه ياداليا هذه البنت ماتتفوت ودي اخطبها لحفيدي داليا ابتسمت بخبث : شرايك انا اكلم اهلها واخطبها لاحفيدك اريج دقتها بيدها وتعابير وجهها تقول انتي ويش قاعده تقولي داليا ضحكت داليا وهي تكتم ضحكتها : هاه ويش قلتي الحرمه : انتي بس عرفيني على اهلها اريج قرصت داليا بغيض داليا ضحكت : معليش ياخالتي بس هي متزوجه الحرمه بان على وجهها خيبت الامل وقالت : ياخسااارة وليه قاعده تامليني من اول داليا بضحكه : امزح معك ومشوا من عند الحرمه اريج بغيض : لا كان زوجتيني احسن داليا ضحكت : لو يعرف إياد بيقتلني بعد ماانتهى الفرح كل واحد اخذ زوجته وراح على الفندق رجعوا الاهل على بيوتهم القصر الكبير دخل إياد واريج جناحهم فسخت اريج عبايتها وهي تكلم إياد بكل حماس وسعاده : وووااااو جد انبسطت اليوم اول مره اشوف ثلاث عرائس وماشاء الله كانين يجننوا ههههه والا مرام لما دخل رافي اول مره اشوفها خجلانه وامل ورائد ووواااوو ماشاء الله عليهم كانهم خلقوا لبعض مررره مناسبين مع بعض والا سديم شي ثاني هههههه من اول مادخل سامر بدات ترجف المسكينه كانت خايفه هههههه وداليا وريتال بدل مايهدئوها زادوها وا قطعت كلامها لما انتبهت انه ساكت ويطالعها التقت عيونهم في بعض وقلبها يدق بجنون حبه وتنفسها صار سريع مد يده ووضعها على خدها الناعم وعيونها كانت تحكي له حبها الكبير له اريج سحرتها عيونه ولمسته قالت وهي تحس ان دقات قلبها اياد يسمعها : انا...انا .....انا اح إياد وضع يده على شفيايفها قبل ماتكمل كلمتها وشتت نظراته عنها ونزل يده ومشى اريج مسكت قلبها لما استوعبت اللى كانت بتقوله ( انا ويش كنت بقول شلون كنت بقول اني احبه وانا ادري انه يكرهني اووووف لما يكون قريب مني عقلي يتوقف عن التفكير ) تنهدت بحزن ( يكرهني لدرجه مايبغى يسمعها مني عشان كذه ماخلاني اكملها) ****************** في الفندق جناح مرام ورافي بعد ماوصلوا تروشت مرام وغيرت ملابسها بقميص سكري عليه روب وبعد ماجاء الاكل اللى طلبه رافي جلسوا ياكلوا بصمت كانت متوتره وزاد توترها الصمت اللى بينهم كانت منزل راسها وتطالع بس بصحن وتحاول تاكل وهي مالها نفس بس ماهي عارفه ايش تسوي رفعت نظرها تسترق النظر له ورفعت حواجبها متفاجاه لما شافته يطالع صحنه وشارد وماهو معاها بالمره انزعجت من اول يوم كذه وفكرت كيف تلفت انتباهه ابتسمت بخبث وقامت تكح وتكح وهو صحي من شروده وبسرعه قام اخذ كأس مويه وشربها بيده شربت شوي رافي بخوف : انتي بخير مرام ابتسمت وهزت راسها ب ايه رافي رد لها الابتسامه وهو يلوم نفسه على شروده كان يفكر شلون بتكون حياته وهل ممكن ينعاد اللى صار معه بزواجه الاول ونسى الانسانه اللى قدامه ( انا شلون شردت ونسيتها اكيد انجرحت لما شافتني شارد وتاركها في مثل هذا اليوم) وقف ووقفها معاه وباس جبينها وحضنها ****************** في نفس الفندق لكن في جناح اخر عند امل ورائد دخلوا الجناح سكر رائد الباب والتفت على امل شافها سحبت الطرحه من راسها ورمتها على الارض ابتسم وقال : ريلاكس ريلاكس حبيبي شفيك امل طالعت فيه بقهر : وتتمسخر بعد..ويش الكلام اللى قلته احرجتني قدام مازن رائد وهو كاتم ضحكته قرب ومرر اصبعه على وجهها وهو يقول : كل هالتعصيب عشان هذاك الكلام ترى لسى ماصار شي امل بعدت يده وجرحته بظفرها الطويل وقالت : ﻻ تفكر تقرب مني والا والله لاتشوف شي بعمرك ماشفته واظن اني حذرتك من قبل مانتزوج وقلت لك ماابغى اتزوجك بس انت الا تمشي اللي براسك وهددتني باختي والحين احصد مازرعت ودخلت الغرفه وطراق سكرت الباب بالمفتاح رائد مسك يده مكان مااتعور وابتسم : اوف نسيت اني اتعامل مع قطة شرسه '، قرب من الباب : امل افتحي الباب انا تعبان ابغى ادخل انام امل من خلف الباب : خليك عندك تستاهل وراحت فكت تسريحه شعرها وفستانها ودخلت تتروش ( صحيح انا ماعدت اكرهك مثل قبل بس كل مااشوفك قدامي اتذكر يوم هددتني بانك بتلغى ملكة سديم وكبريائي وعنادي يمنعي من اني اتقبلك ) خلصت ولبست قميص طويل ناعم ولبست الروب وتمددت على السرير وهي تطالع بتجاه الباب استغربت انه ماقعد يدق الين تفتح وشكله نام لانه مرت اكثر من نصف ساعه اغمضت عيونها بتنام بس قلبها ماطاوعها لما فكرت انه نائم من دون لا فراش وغطاء والجوء بارد قامت واخذت البطانيه وفتحت الباب بهدوء وخرجت وقفت مصدومه لما شافته جالس متكتف والابتسامة على وجههه سبت نفسها لانها حنت عليه رمت البطانيه وجريت بتدخل الغرفه بس ماتدري كيف وصل لها مسكها من يدها امل حاولت تسحب يدها وهي تتحاشا النظره في وجهه تحس بخجل وقهر من نفسها رائد سحبها لحضنه وحاصرها بيدينه وهي منزله راسها قرب وهمس باذنها : كنت ادري انك بتخرجي عشان كذه انتظرتك امل رفعت راسها وبخجل وارتباك من همساته وعيونه المليئه بالحب : انا..انا...خرجت عشان...عشان.. رائد غمز لها : ادري عشاني امل : ﻻ رائد ببتسامه : اجل عشان شو امل برتباك : عشان...عشان '، حتى ماقدرت تلاقي كذبه تحس عقلها توقف بسبب قربه : عشا انصدمت ووقف قلبها وعقلها لما فاجأة بقبلته...... ***************** في نفس الفندق لكن في جناح سامر & سديم بعد مادخلوا الجناح راحت سديم تغير ملابسها وبعد مااخذت شاور ولبست قميص ابيض وروب وسوت قلوس ورشت عطر جائت بتخرج بس وقفت لما انفتح الباب ودخل سامر نزلت راسها بخجل لما شافت نظراته المتفحصه عليها ابتسم ووقف قدامها رفع راسها باصبعه : اخيرا حلمي تحقق وصرتي ملكي... من اول يوم شفتك فيه شفت فيك البنت اللى احلم فيها من زمان بس كنت اتجاهل هذه المشاعر لكن لما شفتك هذاك اليوم وعرفت انك اخت مازن ماقدرت امنع مشاعري ورغبتي بالزواج منك...سديم انا احبك سديم ابتسمت بحب وحياء : وانا بعد سامر : وانتي بعد شو سديم بخجل : احبك تبادلوا النظرات المليئه بالحب ****************** بعد شهر ونص في القصر الكبير الساعه الخامسه مساءً جالسه اريج لوحدها بطفش وتكلم نفسها : اوووفففف ابغى اخرج السوق بس مافي ولا وحده فاضيتلي ندى تعبانه من الحمل ونائمه وريتال خرجت مع عامر وتالين ماتبغى تخرج لانه نايف بالبيت وسديم وامل ازواجهن من بعد مارجعوا من شهر العسل معتكفين بالبيت شكلهم بياخذوا شهر عسل ثاني والست داليا وحنان ولجين خرجوا من دون مايقولوا لي حتى ادق على جوالتهم مايردوا كنت بروح لهم....الحين انا ايش ابغى فيهم خليهم يصطفلوا بخرج لوحدي وقفت وطلعت لبست عبايتها واخذت جوالها ودقت على إياد بس مارد : اووف ناقصني انت بعد دقت مره ثانيه وثالثه جائها صوته وواضحه انه كاتم غضبه وهو يقول : ايش في انا في اجتماع اريج ( او ماي جود رحت فيها ) : احم ابغى اخرج السوق إياد : طيب ايش اسوي لك اريج : وﻻشي بس قلت بقول لك قبل مااخرج إياد : كم مره قلت لك روحي وين ماتبغي مايحتاج تقولي بس خذي البدي قارد معك اريج (ايه اكيد عشان ياخذ اخباري منهم ) بس ما قطعت كلامها وهي تطالع في الجوال وهي فاتحه عيونها وفمها : ماعنده ذوق سكر في وجهي مغرووور دخلت الجوال للشنطه وخرجت لفت بالاسواق واشترت بعض الأشياء معا انها ماخرجت عشانهم هي خرجت تبغى تشتري ملابس داخليه بس ماقدرت لانه البدي قارد وراها وراها ماتركوها لحظه وحده كانت في مجمع كبير داخله نافورة جلست على حافتها وقالت لواحد منهم : خذ هذا الكيس الى السيارة : حاضر سيدتي وراح اريج طالعت في الثاني ( باقي هذا اصرفه ) : اذهب واشتري لي ماء البدي قارد : اسف سيدتي لااستطيع ان اتركك واذهب انتظرتي الى ان يعود مارسل اريج انقهرت لانه مو راضي يتركها قالت بعصبيه: ماذا.. تريدني ان انتظر الى ان يعود انا عطشانه اذهب واحضر الماء بسرعه البدي قارد : لكن سيدتي إن علم السيد أني تركتك لوحدك سيغضب اريج بحده : اذهب بسرعه راح البدي قارد وهي راقبته الين اختفى ومشت بسرعه .. ***************** فله ليوناردو دخلت جوليا الغرفه وتوقفت عند الباب وهي تشوف ليوناردو واقف ومعطيها ظهره ويتكلم بالجوال : انا هكذا لا اريد ان اتزوج لماذا لا تفهمني ....................... ليوناردو : اسمعني جيداً ي ابي انا لن اتزوج مهما فعلت ضع هذا الشي في ذهنك إن كنت تريد تزويج احدا عليك ان تزوج إدوارد ابنك المدلل انا لاتتدخل في حياتي لقد تركتني منذو ان كنت صغير عند عمي لماذا تاتي الان وتتدخل في حياتي .............................. : ليوناردو : اظن انك سمعتني جيداً لن اتراجع عن كلامي لذلك انا من سيقرر امور حياتي ................... : ليوناردو : هذا جيد.. ودعاً سكر الخط التفت وشاف جوليا واقف ابتسم لها وقال : مالامر لما انتي واقفه هكذا جوليا دخلت بهدوء ومشت ووقفت قدامه قالت : انا اسفه لقد سمعت حديثك مع والدك ليوناردو ببتسامته الهادئه قال : لا بأس لايوجد شي يمكن ان اخفيه عنكي جوليا (انا حقا غبيه لماذا لم افكر بهذا من قبل ربما هو يريد الزواج من فتاة احلامه لكن انا العائق الذي يقف في طريقه) قالت بهدوء : ليوناردو إن كنت تريد ان تتزوج فتزوج انا لن اُعيقك ليوناردو اختفت ابتسامته وقال : ألابأس معك ان تزوجت جوليا سكتت لثواني وقالت : نعم لاباس في ذلك ليوناردو قال وهو عاقد حواجبه : هل حقاً ليس لديك مشكله إن تزوجت جوليا : لماذا سيكون لدي مشكله انا حقاً ممتنهً لك على كل شي فعلته لاجلي ولقد كنت فعلاً انانيه لانني لم افكر انك ربما تريد الزوج من امراءة تعجبك او قد يكون لديك حبيبه وتريدون الزواج لذلك انا لن اقف في طريق سعادتك تزوج من تريد سكت وهو ينظر لها بنظرات غريبه مافهمتها اشاحت بنظرها عنه لانها ماقدرت تتطالع في عيونه اكثر ليوناردو ابتسم ابتسامه حزينه : شكراً لانك تفكرين في سعادتي لكن انا فعلا لا اريد الزواج وليس لدي اي حبيبه سكتوا الاثنين وظلوا يطالعوا بعض بنظرات مافي احد منهم فهم معناها جوليا ( ماهذا الشعور لماذا شعرت بالم في قلبي عندما قلت له ان يتزوج وارتحت عندما قال انه لن يتزوج وليس لديه حبيبه) ليوناردو ( يا اللهي لماذا اشعر بهذا الحزن لماذا اشعر بالم في قلبي ماالذي يحدث معي) اشاح بنظره عنها ومشى خارج وجوليا تنهدت وجلست على اقرب كنبه *************** في الشركه جالس على مكتبه ومشغول بالملف اللي قدامه دق جواله رد : نعم البدي قارد : سيدي لقد اختفت السيده اريج إياد وقف : ماذا البدي قارد : لقد طلبت من ريو ان يضع الملابس في السيارة وطلبت مني ان احظر لها الماء ذهبت لكن عندما عدت لم اجدها إياد بغضب : كيف لم تجدها اين اختفت البدي قارد : ﻻ اعلم سيدي لكن لقد بحثنا عنها ولم نجدها إياد بغضب : اين انتم البدي قارد : في مجمع ال.... خرج من الشركه مسرع وركب سيارته ومشى باقصى سرعه ****************** فلة نايف في الغرفه كان يتكلم بالجوال وهو يمشي على الغرفه وتالين جالسه على الكنب وطفشت وهي تنتظره يخلص المكالمه عشان يخرجوا ياكلوا الحلى اللي سوته لما مر من جمب الكنب مسكته وهو وقف ولسى يتكلم وقفت على الكنبه وخلت نايف جمبها وتطالع شكلها بمرايه التسريحه ونايف يطالعها وهو مبتسم على حركاته اللي تسويها نايف : خلاص سوي اللي قلت لك عليه وبعد شوي اكلمك وسكر الجوال وهو يطالع في تالين وقال : انتي ايش قاعده تسوي تالين وهي تطالع المرايه : اشوف كيف بيكون شكلي لو كنت اطول منك نايف طالع المرايه وابتسم ولانها واقفه على الكنب كانت اطول منه قال : لو كنتي كذه كان ماتزوجتك تالين شهقت : ليه يالاناني ماتبغى احد يكون اطول منك نايف : ﻻ والله تبغيني اتزوج وحده اطول مني تخيلي عاد شلون بيكون شكلها تالين ضحكت لما تخيلت الشكل :هههههه انت طويل واذا كانت اطول منك بتكون عملاقه نايف : اصلا ماهي حلوه لما تكون المراءة طويله بزياده تالين ببتسامه عريضه : مثل طولي حلو صح نايف وضع يده تحت ذقنه يفكر وهو يطالعها من تحت لفوق : اممممم تالين عبست بوجهها : كأني مو عاجبتك ياسيد نايف نايف ابتسم وهو ينزلها من على الكنبه وقال : لو مو عاجبتيني كان ماتزوجتك تالين ابتسمت بحب وهي تحضنه : الله لايحرمني منك ****************** في المجمع كانت تمشي بخوف وهي تحس انه في احد يمشي وراها من اول ماخرجت من قسم الملابس الداخليه ( انا ليش خايفه انا مو لحالي بالمجمع في مليان ناس حتى لو في احد يمشي وراي مايقدر يسوي لي شي بس والله خائفه اني اوقف اوالتفت ياربي كأنه صار قريب مني ) اسرعت بخطواتها اكثر وكل شوي تزيد من سرعتها لدرجه صارت كانها تجري صرخت لما حست بااحد مسك يدها وسحبها وبيده الثاني غلق على فمها حاولت تبتعد عنه بس لما وقعت علينها على وجهه هدئت إياد بعد يده عن فمها لما شافها هدئت وقال : وين رحتي اريج تنهدت براحه : الحمدلله هذا انت إياد مشى وهو لسى ماسك يدها : امشي وانتي ساكته فتح لها باب السيارة ودخلت وسفق الباب وراح ركب بهدوء اريج( ياويلك يااريج شكله معصب هدوئه هذا هو الهدوء قبل العاصفه ) بلعت ريقها : ا..إياد انت ايش جابك ل إياد قطع كلامها بسؤال : وين رحتي اريج : قلت لك قبل لا اروح اني بروح السوق إياد بعصبيه : ﻻ تستغبي جاوبي على سؤالي ليش صرفتي البدي قارد ورحتي انا مو قلت ﻻ تروحي لمكان من دونهم اريج عصبت : ليش يعني طول الوقت وهم معي مااقدر اخذ راحتي في اي شي احس اني مجرمه ومراقبه اذا كنت ماتثق فيني ليه سمحت لي اخرج كان قلت لي ﻻ تخرجي إياد بهدوء : انا مو قصدي اللى فهمتيه اريج بغصه : اجل ايش قصدك اذا كان مو مثل ماقلت طيب فهمني ليه مااخرج الا وهم معي إياد : اريج افهميني احنا في دوله اجنبيه ممكن يتعرض لك أي أحد وخاصه لانك تلبسي الحجاب وكمان مو انتي بس كل العائله مايخرجوا الا مع البدي قارد...ماابغى اسمع هذا الكلام مره ثاني اريج سكتت وحست انها قالت كلام ماله داعي لانه فعلا كل العائله مايخرجوا الا والبدي قارد معاهم مو هي بس فكيف قالت انه مايثق فيها وقف جمب القصر وقال : يلا انزلي اريج طالعت فيه : وانت مابتنزل إياد : الا بس شوي والحقك نزلت اريج ودخلت وراحت جري للشباك تشوف ايش عنده ابتسمت وهي تشوفه واقف مع البدي قارد وشكله يخاصمهم : حاسه فيهم.. الله يعينكم عليه... مساكين والله إني راحمتهم ***************** بيت ابو رافي الساعه السابعه والنص مساء في المطبخ واقفه مرام تسوي عشاء سوت الاكله اللي يحبها رافي بعد ماخلصت فكرت تسوي حلى وكمان جهزت اشياء ثانيه من شبسات وفشار وعصيرات لانها مخططه تتفرج فلم مع رافي لان عمتها ام رافي ودالين وميار راحوا معزومين على فرح وهي رفضت تروح معاهم شافت الساعه كان باقي شوي ويجي رافي وهي تبغى تاخذ شاور وتلبس لان ريحتها كله طبخ فكرت تروح تتروش وتلبس وترجع تسوي الحلى لانه الحلى مايحتاج له فرن فماراح يصير ريحتها طبخ بعد ماتروشت ولبست فستان قصير احمر وتركت شعرها مفرود سوت مكياج خفيف دخلت المطبخ مرام بتفكير : اممم نسيت ايش هذاك الحلى اللي سوته مره اريج يوووه هي قالت لي المقادير بس نسيت مااتذكر الا بعض منها احسن شي اتصل عليها واسالها دقت على اريج مرام : اقول اريج تذكرين هذاك الحلى اللي سويتيه هذيك المره لما جيت عندكم اريج : ايه شفيه مرام : ابغى اسويه لرافي بس مااعرف كيف اسويه ابغاكي تقولي وانا بسوي اريج : اوكيه اول شي..... وكانت تقول لها وهي تسوي الين خلصت مرام : وأخيراً خلصت مشكوره ياقلبي انتي ماادري ايش اسوي من دونك اريج ضحكت : هههههههه كل هذا عشان علمتك كيف تسوي الحلى مرام : اكيد هذا لانه لحبيبي رافي بس ان شاءالله يعجبه..يلا باي الحين شوي ويجي رافي اريح : مع السلامه سكرت وهي مبتسمه وتفاجات لما حست برافي يضمها من الخلف وهو يقول : اي شي تسويه انتي اكيد بيعجبني مرام ابتسمت وهي تلف عليه وتقول : متى جيت رافي : دوبي وصلت ولما شميت ريحت الاكل الذيذه جيت على طول قلت مافي احد بيسوي هذه الاكله الا انتي...بس غريبه قاعده بالبيت مو قلتي امس بتروحي فرح مع امي وميار ودالين مرام بدلع وابتسامة سحرت رافي : صحيح بس فكرت انك بتبقى لوحدك عشان كذه قلت الفرح مو اهم من رافي حبيبي رافي قرب منها وهي دفته بخفه وهي تضحك ومشت ودخلت الحلى للفريز وهي تقول : مو الحين وقتك روح خذ شاور وغير ملابسك على بال مااقدم الاكل رافي ضحك : اوكيه بس استعجلي لاني جد حدي جوعان وخرج وهي قدمت الاكل لانها صرفت حتى الخدم اعطتهم اجازه الليله فهي تبغى تقعد بس مع رافي من بعد ماتزوجته وهي تحاول تكسب حبه صحيح هو يعاملها بحترام ويقدرها وصار رومنسي معاها بس مع كل هذا ماسمعته ولايوم يقول لها كلمة احبك حتى لو بالغلط هي تدري انه يحبها من تصرفاته ومن نظراته بس تبغاه يقولها ولو مره وحده انه يحبها بعد ما جهزت كل شي وقفت قدام المرايه اللي بالصاله تزبط شكلها انتبهت عليه واقف وراها وهو يطالعها من المرايه قال بابتسامة : حلوه بكل حالاتك لفت ومسكته من ذراعه وتمشي معاه لطاوله العشاء وهي تقول بدلع وغرور : اكيد بكون حلوه انا مرام مو اي وحده رافي بضحكه وهو يجلس على الكرسي: يازين التواضع مرام جلست جمبه : ياحبيبي انا كنت متواضع بس شسوي اذا كان زوجي يدلعني ويحبني لدرجه خلني اصير مغروره رافي بضحكه : ايه عاد وين بتلقي مثلي يدلعك ويح قطع كلامه ومرام قالت بترقب وهي تتمنى يكمل كلامه : يدلعني وايش رافي يغير الموضوع : انا جوعان خلنا ناكل مرام بخيبت امل ( دائماً كذه يغير الموضوع بس هين يارفي والله لاخليك تقولها وبتشوف ) اخذت الملعقه وابتسمت : يلا حبيبي افتح فمك رافي فتح فمه وهي لفت يدها اكلت هيا اللقمه رافي كشر : مراموه لاتلعبي معي ترى ازعل واترك لك العشاء كله مرام ضحكت : هههههه خلاص كل شي الا زعلك واكلته وهو اكلها وبعدين قعدوا يتفرجوا فلم كوميدي ورومانسي وطبعاً سهرتهم ماتخلى من مزاح مرام وتعليقاتها على الفلم ******************** القصر الكبير الساعه ثمانيه مساءً جناح إياد واريج كانت متمدده على الكنبه وتتفرج التلفزيون دق جوالها شافت المتصل إياد ردت : الو إياد : تعالي عند البوابه الخارجيه وسكر اريج طالعت في الجوال وهي مستغربه : ويش فيه هذا بس تعالي عند البوابه الخارديه حتى مافي سلام ولا مع السلامه يسكر كذه طيب يفهمني السالفه ليه اروح للعند البوابه وقفت : استغفر الله العظيم الله يصبرني على هذا الرجال لبست عبايه وطرحه لانه في حرس وهي ماتخرج قدامهم كذه ونزلت خرجت وشافته واقف قريب من البوابه وفي احد معاه راحت وقفت قريب منهم وهو التفت وقال وهو ياشر على الرجال اللي واقف معاه وقال : هذا حازم البدي قارد يعني مرافقك الجديد الى اي مكان تروحين له اريج مدت بوزها (ماخلصنا من البدي قارد) حازم : مرحبا سيدتي اريج طالعت : اهلا إياد : هو مايعرف يتكلم عربي مزبوط بس يفهم اذا كلمتيه عربي اريج : هو مسلم حازم : اجل إياد دق جواله وابتعد عنهم شوي يتكلم اريج طالعت في حازم بتدقيق وهي عاقده حواجبها وبتفكير : كانه التقينا من قبل حازم بهدوء وثقه: ﻻ سيدتي هذه اول مره اركي فيها اريج : غريبه ليه حاسه اني شفتك من قبل مشت بتدخل القصر وهي تفكر وفجاه وقفت رجعت لعنده وقالت : تذكرت وين شفتك انت هو صاحب التاكسي هذاك اللي لما كان في مطر وانت وقفت سيارتك وقلت بوصلك بس انا مارضيت صح ليش تكذب وتقول ماالتقينا حازم بهدوء : سيدتي صحيح انا من قبل كنت اشتغل بتاكسي لكن كيف سااتذكرك ومن بين المئات من الناس الذين يركبون معي يومياً اريج بشك : بس تقدر تتذكرني لانك انت الذي طلبت منى اركب معك وكمان انا محجبه وطبعاً مابتلتقي كل يوم وحد محجبه صحيح حازم : صحيح سيدتي لكني فعلاً لااستطيع ان اتذكرك اريج : طيب ممكن تقول لي كيف تحولت من سائق تاكسي الى حارس شخصي حازم : لقد التقت بالسيد إياد وطلب مني ان اكون حارس شخصي بمبلغ ضخم وانا من الطبيعي ان اوافق لاني لان احصل على مثل هذا المبلغ اذا بقيت سائق تاكسي اريج سكتت ( اووفف انا ايش فيني على الرجال صايره محققه ..بس جد انا خائفه لانه التقيت فيه من قبل معقوله تكون مصادفه من بين كل التكاسي اللي كانت تمر يجي هو ويوقف عشان يساعدني اووووووف انا صايره شكاكه بزياده ) دخلت داخل حازم بعد مامشت تنهد جاء إياد : شفيك حازم : لا اعلم ماذا اقول لكنها تذكرتني إياد : وايش قلت لها حازم : ﻻتقلق تصرفت فقد انكرت اني رايتها وقلت لها اني لااستطيع ان اتذكر كل من يركب معي بالتاكسي وأيضاً قلت لها انك عرضت علي مبلغ ضخم لذلك تركت التاكسي واشتغلت حارس شخصي إياد : جيد . . . . اريج بعد مادخلت تعشت ونامت كانت تبغى تنتظر إياد لانه خرج وماتدري وين راح بس كانت مره نعسانه سمعت صوت خفيف صحاها من النوم فتحت عيونها بنعاس شافت اياد واقف جمب الخزنه المقفله ودائما المفتاح بجيبه شافته اخذ شي منها وسكر حاولت تدقق بالنظر وتشوف اللي بيده لانه النور مسكر مافي الا الابجوره اللي جمبها شغالها فتحت عيونها بصدمه وتجمد الدم بعروقها لما شافت المسدس بيده دخله بجمبه اليمين ومشى جلست بعد ماخرج وبلعت ريقها بخوف : مسدس... ليش اياد عنده مسدس وين بيروح بهذا الوقت والمسدس معاها مر الوقت وعقلها ماتوقف عن التفكير باللي شافته وخوفها على إياد يزيد كلما مره الوقت اذن للفجر وهو ماجاء راحت توضت وصلت وقعدت تدعي خلصت وقعدت على اعصابها تنتظر إياد شوي ودخل إياد وهي فزت لعنده وقالت : إياد وين رحت تاخرت إياد : كان عندي شغل ضروري اريج من غير تفكير قالت : والمسدس إياد سكت شوي وهو يطالعها من دون اي تغير في ملامح وجهه وبعدين قال : اي مسدس اريج : ﻻتسوي نفسك ماتعرف انا شفتك بنفسي خرجت المسدس من الخزنه إياد : انتي صاحيه من وين انا بجيب مسدس اريج : إياد لاتكذب انا شفتك دخلته خلفك هناك تحت الجاكيت" قالت وهي تاشر على المكان اللي دخل فيه المسدس إياد فسخ الجاكيت : هاه وين اريج عقدت حواجبها لما ماشافت شي : بس انا شفتك إياد : الظاهر انك كنتي تحلمين صحيح انا امس جيت بس اخذت ملف مو مسدس اريج سكتت مشت وجلست على السرير وعقلها مو مستوعب شلون هي متاكده انها شافت مسدس بس ثقة إياد وهو يتكلم وملامحه اللي ماتغيرت خلتها تشك بنفسها (معقوله كنت اتوهم ) رفعت راسها وشافت اياد وهو ياخذ ملابس من الدولاب ويدخل الحمام (اكرمكم الله ) ويتصرف عادي مثل كل يوم ولاكانه صار شي ( مااصدق يعني انا كنت اتوهم.... يمكن ليش ﻻ اصلا النور ماكان مشغل يمكن شفت الملف على انه مسدس ) تنهدت : اهم شي إياد بخير تمددت على السرير وماهي الا دقائق وراحت بسابع نومه ******************* فله رائد وسامر الساعة السابعه صباحاً جناح رائد وامل امل جالسه على السرير وتصحي رائد : رائد...رائد...يلا قوم تراك طفشتني صار لي ساعه اصحيك رائد تغطى بالبطانيه وانقلب للجهه الثانيه وامل بققت عيونها وصارت تصحيه وهي تهزه من كتفه : رائد انت مو قلت عندك شغل ضروري وتبغى تصحى الساعه سبع يلا قوم رائد : لما تصحيني بالطريقه اللي اصحيك فيها راح اصحى امل : ﻻتحلم بهذا الشي وانت صاحي من اول بس قاعد تمثل علي جائت بتقوم بس رائد سحبها بسرعه الين طاحت على السرير : وين بتروحي امل : رائد لاتستهبل بعد عني بروح اجهز لك الفطور رائد : ماراح اقوم من هذا السرير قبل ماتسوي اللي قلت لك عليه امل وهي تحاول تقوم : الساعه بتكون صارت سبعه وربع مو قلت عندك شغل مهم راح تتاخر رائد : مو اهم منك امل برجاء : رائد لو سمحت اتركني رائد وهو مبسوط بازعاجها : اوووه المدام امل قاعده تترجاني امل بعصبيه طفوليه : رائد ترى والله بعضك رائد ضحك : جعني فدوة للمعصب يعني بدل ماتعطيني البوسه اللي طلبتها بتعضيني بس عادي حلالك يلا عضي امل عصبت عضت يده ودفته وقامت رائد ماسك يده : اااي اي يايدي امل : تستاهل انت اللي طلبت وخرجت وتنهدت وهذا هو حالهم من لما تزوجوا رائد غامرها بحبه وهي حتى ماعترفت له بحبها بس صارت تسولف معاه وتضحك مو زي اول معا انه يحرجها بتصرفاته وهي تدري انه يبغى يزعجها فهي ماتدري ليش دائماً يحب يعصبها ****************** بيت ابو رافي الساعه التاسعه صباحا كانت ام رافي وميار ومرام ودالين قاعدين مع بعض بعد مافطروا دالين : مرام انا بخرج السوق ابغى اشتري ملابس لارافي ورهف بتجي معي مرام : ايه سكتت شويه تفكر ورجعت قالت : ﻻ دالين : هااوو مسرع غيرتي رايك مرام : خلاص ماابغى اروح دالين : يعني اروح لوحدي مااحب اخرج لحالي ميار تعالي معي ميار : سوري رجولي توجعني ام رافي : طبعاً بتكون توجعك امس ماتركتي اغنيه مارقصتي عليها ميار بضحكه : هذا زواج صحبتي ولازم احميه لو تشوفي يامرام امس الفرح كان جد فله ياليتك جيتي مرام بضحكه : المره الثانيه إن شاء الله ميار : اعوذ بالله تبغى البنت تتزوج مره ثاني مرام ضحكت : ههههه ﻻ ايش تتزوج مره ثاني اقصد بفرح ثاني بروح معاكم دالين : الحين نسيتوا موضوعي يلا اخلصوا ابغى وحده فيكم تجي معي مرام وميار : سووووري مانقدر دالين بعصبيه مصطنعه : بتجوا وغصب عنكم والا بسحبكم من شعوركم انتوا ماتستاهلوا احد ياخذ رايكم مرام : ﻻ والله كمان غصبن عنا انا كنت ممكن اغير رأيي وجي بس بعد هذا الكلام احلمي اني اجي معك دالين برجاء : بلييييز مرام عشان رهوفه ورفروفي ام رافي : ماعليك منهن ذيل انا بجي معك دالين كانت ام رافي جمبها باست راسها : ياجعلني فدوة لهالراسه '، وطالعت في ميار ومرام بغيض : وانتوا عقاب لكم تمسكوا برافي ورهف الين ارجع ميار وقفت : مع السلامه انا بروح انام وطلعت جري مرام : هيييييي ميور تعالي بتتركيهم الاثنين لي دالين : تستاهلي كان وافقتي تطلعي معي وبتركهم عند عمتي بس الحين تحمليهم الين نرجع...يلا عمتو خلينا نتجهز ونخرج عشان نرجع بدري واخذت رافي ورهف وتركتهم بحضن مرام مرام : لحظه مين بيسوي الغداء اذا انتوا خارجين وانا بمسك بالاولاد وميار طلعت تنام ام رافي وهي توقف : لاتشيلين هم بنرجع بدري ونتعاون كلنا ونسوي الغداء وطلعت عشان تلبس عبايتها ومرام طالعت في رافي ورهف : وانتوا شفيكم تطالعوني كذه تجلسون سكته والا ياويلكم مني رافي ورهف ابتسموا لها بطفوله واحد سحب شعرها والثاني مسك خشمها مرام : ااااي اتركوني نزلتهم على الارض وصار يحبوا وهي اخذت لعبه من العابهم وصارت تهزها وهي تطلع صوت لما شافوها رجعوا لعندها وجابت باقي الالعاب وجلست على الارض تلعبهم مرت ساعتين وطفشوا من الالعاب وصاروا يرموها ويبكون ماعرفت كيف تسكتهم رجعت تسوي لهم رحركات بوجهها تضحك وهما يضحكوا عليها دخل رافي اللي كان لسى نائم ولما صحي اخذ شاور وغير ملابسه ونزل كتم ضحكته وهو يشوف حركاتها مرام حست انه في احد رفعت راسها وشافته عند الباب قرب منها وقال بضحكه : كملي كملي مرام طالعته بنص عين : كانك تتمسخر علي تعال اهتم بااولاد اخوك طلعوا من راسي عنصره رافي : ليش وين امهم مرام كشرت : خرجت السوق ياليتني خرجت معاها بس انت السبب رافي بدهشه : انا ايش دخلني مرام : ماهاني علي اصحيك قلت خليه ينام رافي : وليش تصحيني مرام تخصرت : ﻻ والله وشلون بخرج من دون مااقول لك رافي : عادي فيكي تكوني تخرجي معاهم من دون ماتقولي لي مرام بمدت بوزها : فات الاوان خرجوا وتركوا لي هذول كل ماكبروا صاروا مشاغبين اكثر لما كانوا صغار كانوا اهدئ واحلى رافي انحى واخذ رهف وقال : خلاص الحين انا موجود بساعدك فيهم'، جلس على الكنب وقال وهو يكلم رهف : والحين قولي لي ياانسه رهف ليش تزعجين عمتك ترى ماراح اسامحك كل شي الا مرامي ياويلك لو ازعجتيها مره ثاني تراني حذرتك رهف تضحك وماهي فاهمه ايش يقول تحسبه يلعبها مرام ابتسمت واخذت رافي الصغير وقعدت تدغدغه وتلعبه مرام بضحكه وهي تلاعبه: رفروفي شوف شوف طالع سوت له حركه تضحك وهو يضحك مرام : ياقلبي انت يااحلى رافي بالعالم رافي يراقبها ومبتسم قال وهو فاهم قصدها : تقصديني انا بالكلام صح مرام رفعت نظرها له وقالت : طبعاً ﻻ رافي قام وراح جلس جمبها : يعني انا مو عاجبك مرام كاتمه ضحكتها وتسوي نفسها تفكر : امممم يعني..مو مره رافي كشر بزعل وهو يقول : اجل ليه وافقتي تتزوجيني كان رفضتي يمكن تلقى واحد احلى مني مرام ابتسمت وباست خده : انت احلى واحد بعيوني لو الف الدنيا كلها ماالقى احسن منك وحبي لارافي الصغير مايساوي شي قدام حبك رافي ابتسم : عليك لسان يقطر عسل : احم احم لفوا جهت الباب وكانت دالين وام رافي رافي ابتسم ومرام انحرجت أكيد سمعوا كلامها ام رافي بمزح : غربل الله ابليسكم تبغوا تخربوا الأولاد مرام انحرجت اكثر بس تحاول ماتبين رافي ضحك : يمه ترى ماسوينا شي مرام تبغى تغير الموضوع : غريبه رجعتوا بدري دالين : شوفي الساعه بالاول وبعدين اتكلمي مرام طالعت الساعه : الله..الساعه اثناعشر دالين بغمزه : اكيد مابتحسي بالوقت وانتي مع رافي....ورهف مرام فهمت عليها انها تقصد رافي زوجها مو رافي الصغير تجاهلتها كانت تبغى ترد بس انحرجت من ام رافي وقفت وتركت رافي بحضن امه وقالت : انا بروح اصلي وخرجت ***************** القصر الكبير بالليل الساعه الحادي عشر والنصف الكل طلع ينام مابقى غير اريج وامها ام نايف بهدوء : اريج اريج : هلا ام نايف : كيف وضعك انتي واياد اريج ارتبكت وببتسامه مزيفه : انتي شلون شايفتينا شوفي عايشين مافينا شي ام نايف : ايه لاحظة انه في الفترة الاخيرة ماصرتوا تتهاوشوا بس حبيت اطمن لاني حاسه بالذنب انا اسفه يابنتي لاني جبرتك تتزوجي اريج قامت باست راسها ويدها : ﻻ يمه ﻻ تقولي كذه انا مبسوطه مع إياد ام نايف حنان : من جد والا ت اريج قاطعتها : ايه ايه من جد انا مبسوطه لاتشيلين همي ابد ويلا روحي نامي وانا كمان بروح انام وقفت وببتسامه وهي تحاول تهرب قبل ماتكشقها امها : يلا تصبحي على خير ام نايف : وانتي من اهله اريج طلعت وهي تفكر ( اسفه يايمه انا ماني مبسوطه شلون بكون مبسوطه واللي احبه مايبادني نفس الشعور وﻻاا فوق هذا يكرهني إياد صار كل حياتي بس انا ولاشي بحياته ) جلست شوي وجاء إياد دخل بهدوء غريب حتى ماالقى السلام وكانه في شي شاغل تفكيره غير ملابسه وبعدين وقف يطالعها بنظرات غريبه وراح جلس وقال : اريج تعالي ابيك بموضوع اريج بلعت ريقها ماتدري ليه حست بخوف راحت جلست وتنتظره يبدا بالكلام دقائق صمته كانت كانها ساعات بالنسبه لها إياد بهدوء : اسمعي يااريج انتي بنت عمي وعلى عيني وراسي بس... مثل مانتي عارفه احنا الاثنين انجبرنا على الزواج انتي ماتبغيني وﻻ انا ابغاكي ومستحيل اقدر اتقبلك كزوجه عشان كذه انا... بتزوج........ . . *** ** *