قالوا تحبيه قلت ساكن فؤادي قالوا يحبك قلت هذا سؤالي - البارت 18 - بقلم مجهول♡ - مكتملة | روايتك

قالو تحبيه قلت ساكن فؤادي قالو يحبك قلت هذا سؤالي : الفصل الثامن عشر : ندى اخذت جوالها ومدته لاريج وقالت : شوفي وبتعرفي اريج اخذت الجوال ووقفت مصدومه من اللى تشوفه نواف واقف وملاصق له وحده طويله بيضاء شعرها اشقر عيونها عسليه ولابسه فستان ابيض ندى ابتسمت بمرار وبسخريه : صدقتي الحين اريج مي قادره تصدق هي تعرف انه نواف يحب ندى ومستحيل يكون كل هذاك مجرد تمثيل اكيد في شي جلست بهدوء وقالت : اكيد في شي غلط ندى : حتى بعد اللى شفتيه تقولي في شي غلط اي غلط اريج : ايه اكيد لانه نواف يحبك ومستحيل يخونك ندى صرخت : ﻻتقولي يحبني هو ماعمره حبني...خاين وصارت تبكي وفجاة تذكرت كلمات نواف رفعت راسها وقالت : الآن فهمت ليه مايبغى اولاد هو مايبغى اولاد مني هههه وانا الغبيه صدقت كلامه ورجعت تبكي مسكتها اريح وتحاول تهديها اريج : ندى حبيبتي اهدئي خلينا نتاكد من الموضوع ندى : ماابغى اتاكد ولاشي يكفي اللى شفته انا اكرهه اكرهه ماابيه اريج : ندى اهدي وفكري شوي اذا مو عشانك عشان اللى في بطنك...اسمعي تعالي مع بنروح غرفتي الحين شويه ونواف جائي ماابغاه يشوفك كذه مسكتها ووقفتها وراحوا على غرفة اريج القديمه اللى كانت تنام فيها قبل لاتتزوج اريج قالت للخدم ينظفوا الجناح قبل ﻻيجي نواف وجلست هي مع ندى تهديها دق عليها إياد اريج : اجلسي هنا انا بشوف إياد وبرجع خرجت وراحت لعند إياد إياد : انتي وينك صار لي ساعه منتظرك..يلا روحي البسي عبايتك اريج بتوتر : انا..انا ماابغى اروح إياد بعصبيه : نعمم اريج : خلاص يوم ثاني بروح إياد : ليه هو على كيفك تمشيني..تحركي روحي البسي اريج : بس انا مااقدر اروح اليوم إياد : ليش شعندك..مو انتي قلتي تبغي تروحي اريج : ااا.. ندى تعبانه بقعد معاها اياد وملامحه تغيرت للاهتمام والخوف : شفيها..وينها انا باخذها المستشفى اريج وقفت قدامه : ﻻﻻﻻ اقصد هي ماتحتاج مستشفى انت تدري انها حامل فهذا التعب من الحمل إياد : بروح اشوفها اريج وقفت قدامه مره ثانيه لما شافته بيروح وقالت : ﻻ إياد عقد حواجبه بستغراب اريج تداركت الوضع وقالت : هي قالت تبغى ترتاح وماتبغى احد يزعجها دق جوال إياد إياد : يلا اذا احتاجت شي دقي علي ومشى وهو يرد على المكالمه واريج تنهدت وهي تدعي للي دق عليه والا ماكان تركها بسهوله رجعت الغرفه عند ندى وانفجعت لما ماشافتها : وين راحت شافت بالحمام( اكرمكم الله) ومالقتها وقفت فجاء : ﻻااا جريت بسرعه جهت الشباك وشافت سيارة نواف جريت بسرعه لجناح نواف لقته مفتوح دخلت ومثل ماتوقعت كانت ندى تصارخ فوق نواف وتبكي ونواف واقف مصدوم منها ندى بدموع وصراخ : انا اكرهك..اكرهك يانواف..ليش سويت فيني كذه اريج مسكتها تحاول تسكتها وتخرجها وماتخليها تقول اكثر ندى : انا الغبيه اللى صدقت واحد مثلك اريج سحبتها بقوة وخرجتها وودتها لنفس الغرفه اللى كانوا فيها ودخلت معاها وسكرت الباب اريج بعصبيه : انتي جنيتي انا ايش قلت لك فكري بولدك قبل ماتتصرفي اي تصرف وخرجت وسكرت بالمفتاح وراحت عند نواف شافته لسى على نفس وضعه واقف مصدوم قربت منه وهو قال : ندى...ندى شفيها اريج تصنعت الابتسامه : مافيها شي بس هذا ولدك اللى سوا كذه نواف بستفهام : ولدي اي ولد اريج ببتسامه هادئه : ندى حامل نواف بفرح : والله اريج ابتسمت بحنان : ايه مبروك ياقلبي نواف بفرحه : الله يبارك فيك'، اختفت ابتسامته وقال : بس ندى اريج : انا راح افهمك هي متوحه عليك نواف وعلامات الاستفهام كلها على وجهه : شلون ؟؟؟! اريج : اوكيه عشان اوضح لك اكثر انت تعرف انه المرأة الحامل تصير تحب اشياء وتكرهه أشياء نواف : طيب اريج :و وفي بعض الحريم يكرهون ازواجهم وقت الوحام ويصيرون مايبغون يشوفون رقعت وجههم نواف انفجع : كيييف اريج : ايه اذا شافوهم يجيهم غثيان حتى في بعضهن مايحبين يسمعين اسمائهم نواف : يعني الحين ندى ماتحبني اريج : ماعليه حبيبي تحملها بس وقت الوحام كذه وبعدها ترجع زي اول نواف : وكم يقعد هالوحام اريج : ااا..ماادري.. اقصد على حسب نواف : يووووه من هالولد من اولها يبعدني عن امه اريج اغتصبت الابتسامه : يلا رايحه وترى من اليوم بتنام لحالك بااي وخرجت وتنهدت بحزن من تصرفات نواف وفرحته بحمل ندى وواضح انه ماعنده اي وحده غير ندى بس الصورة تقول شي ثاني رجعت لعند ندى وفهمتها باللى قالته لنواف وقالت لها تحاول ماتشوفه هذه اليومين عشان يفكروا شلي راح يعملوه وبعدها تمددت ندى على السرير ووقفت اريج وهي تقول : بنزل اقول لهم عن حملك لما مالقت منها رد خرجت ندى اغمضت عيونها التي احرقتها الدموع كم كان أهون أن أموت ممزقا متناثرا بين الرياح والأنواء أو أن أكون غريق بحر هائج تحمل ثنايا موجه أشلائى ولا أن تسطر صفحات عمرى لحظة غدر الحبيب وذبحه لوفائى خان الحبيب عهود حب صادق ياطلما أهتزت له أجزائى كم عاش قلبى تحت ظل سمائه يوفى بكل حقوقه العلياء أنت من أنت.. أنت ألم يسري بدمى فاتكا أعضائى أنت وهم رضى به عقلى وصدقت الوان غشع أرجائى أنت وجه يخفى بين صفائه غدرا ذاقت مره أحشائى أنسيت حبى أم كنت عاميا عن نور قلبى الساطع الوضاء حب لم تدرك أنت حدوده عجزت عن وصف لهيبه الأسماء حب اذا ما مس بحرا مالحا حلى خرير مياهه الزرقاء ياناكر الفضل الغرير وفيضه وحنان قلبى وجود عطائى قد كنت أحسب أن وقت مرارتى ستكون أنت طبيبى ودوائى وتكون درعا حاميا عند الوغى وتكون أنت ذخيرتى وفدائى وتكون صدرا حانيا أحنو به عند الهموم ولوعة الامساء وتكون مصباحا ونورا هاديا يمحو ظلام الاثم والأخطاء وعزيمتى ان قل حر أجيجها ستكون أنت محفزى وعزائى لكن غدرت بكل معنى للهوى وحوت من قلبى بقايا وفائى اذهب فانك خنتنى ..خنت الهوى اذهب ولا ترجع فهذا قضائى واتركنى فى دنيايا أكتم لوعتى أكتب وأشدو قصتى ورثائى" سمعت صوت الباب انفتح وهي اغمضت عيونها اريج : عمتي قلت لك انها نائمه ام إياد : ياقلبي عليك يابنتي ماني مصدقه انها حامل اريج : يلا خلينا نخرج قبل لاتصحى . . . . . جناح عامر وريتال ريتال ببتسامه : بتنزل تتعشى عامر : ﻻ مو جوعان ريتال :طيب تبغى اطلع لك العشاء لهنا عامر : قلت لك ﻻ مو جوعان وراح فتح الدولاب بيطلع له ملابس سبقته ريتال ومدت له بالملابس طالع فيها بصمت ريتال ارتبكت :خ.. خذ عامر : ريتال انتي فيكي شي اليوم ريتال طاح قلبها : هاه..ﻻﻻ وش بيكون فيني عامر : مدري عنك ريتال : ﻻ مافيني شي يلا خذ ملابسك يدي انكسرت وانا امد عامر اخذ الملابس وقال : متاكده مافيكي شي ريتال هزت راسها ب ايه بعد ماغير ملابسه دخلت ريتال غيرت ملابسها وخرجت وهي لابسه قمص نوم من الساتان طويل وعليه روب ريتال( ماادري ليه انا متوتره كذه يمكن لاني متعوده البس وقت النوم بجامات وماقد لبست قدامه قميص والا اصلا القميص طويل وساتر مافيه شي ) راحت على التسريحة اخذت لوشن بالفواكه ودهنت يديها ورجولها فيه وبعدها راحت تمددت جمب عامر اللى معطيها ظهره قالت بهمس : تصبح على خير عامر وهو على وضعه : وانتي من أهله . . . . . جناح إياد واريج جالسه على كنبه منفرد ورجولها لافتها على الكنبه وكانت لابسه بجامه حرير لونها بيج وشعرها منسدل على ظهرها وشارده تفكر في حل لمشكلة ندى ونواف وإياد جالس وبيده ملف يتصفحه وكل شويه يسترق النظر لها ومره طول وهو يناظرها وهي حست فيه وقالت : في شي إياد : ايه اريج : وشهو إياد : غريبه انتي ساكته اريج ابتسمت وهي تطالع بجهت الشباك اللى يبان منه القمر وقالت بمزح : ليه اشتقت لصوتي ماسمعت رده لفت وجهها تطالعه شافته رجع لملفه ضحكت بصوت عالي إياد رفع راسه : خير في شي يضحك اريج : ﻻ ابد كمل شغلك ورجعت هي تفكر بندى ونواف الين غالبها النعاس ونامت وهي على الكنب إياد لما شافها نامت ترك الملف من يده وقام وقف وهو يتاملها ثواني وانحنى وحملها لسرير وغطاها وراح سكر النور واخذ جواله وخرج البلكونه . . . . . عند ندى ماغمض لها خفن عيونها شلال من الدموع وراسها صدع من كثر البكاء والصورة اللى شافتها ماهي قادره تمسحها من ذاكرتها تشوفها قدام عيونها ندى وقد تعبت من البكاء : ليش يانواف..ليش تتركني وتروح تدور غيري..ليش ماتحبني...هي باايش زايده عني....انا ايش فيني..انا اخذتك على كفوف الراحه ماخليتك تحتاج شي كنت اعطيك الشي قبل ماتطلبه...وهذه نهايتها ..كذه تجازيني يانواف...ياترى وينك الحين اكيد رحت لها اغمضت عيونها بقوة تطرد صورته معاها قلبها نزف مليون مره لما فكرة انه بيكون الحين مع زوجته الجديده جلست : ﻻ انا ماراح ابكي..انت ماتستاهل ابكي عشانك قامت من السرير وخرجت من الغرفه وراحت جناح امها دخلت شافت امها تصلي القيام راحت تمددت على السرير خلصت ام إياد تصلي وتدعي طوت السجاده وراحت لعند ندى والنور مسكر مافي الا الابجورة مولعه عشان كذه ماانتبهت لوجهها الاحمر من البكاء وقالت : ندى ليش جايه هنه ندى : يمه تعبانه بنام عندك جلست ام إياد جمبها ومسحت على راسها بحنان : سلامتك ياقلبي شفيك وين يوجعك ندى ( اااه يايمه قلبي..قلبي يوجعني يكاد يتفطر من الوجع ) رفعت راسها لحضن امها وغمضت عيونها وهي تشعور بالامان والحنان والحب الصادق ينبع من هذا الحضن اللى لو يخونوها جميع البشر ترجع له وتنسى كل شي . . . . جناح إياد واريج كان واقف بالبلكونه يتامل القمر والنجوم سمع جوال اريج يرن استغرب مين يدق عليها بهالوقت دخل شافها ماده يدها وتدور على الجوال بالكومدينه وهي مغمضه عيونها الين لقته وردت بنعاس : الو نواف : اريج وينها ندى اريج بنعاس : بجيبي نواف : سوري ادري ازعجتك بس جد وين ندى مالقيتها بالغرفه اريج : الحين مصحيني من غب النوم تقول وين ندى ياخي زوحتي والا زوجتك نواف : اوف شكل الاخلاق قافله بس شسوي مالقيتها بالغرفه اريج : اكيد راحت تشرب مويه او تاخذ شي او عند عمتي ماادري شوفها انت ولاتدق علي وتصحيني مره ثاني وسكرت ورجعت بتنام بس دوبها بدات تستوعب وبدات الافكار الشيطانيه تطلع براسها (ندى مو موجودة. .لاتكون البنت سوت بنفسها شي ) نقزت وجري لبرى تحت نظرات إياد المستغربه دورت عليها ولقتها عند امها طمنت نواف عنها ورجعت بعد عشر دقائق وشافت إياد قدامها قالت : انت لسى مانمت إياد : شصاير اريج وهي ترجع لسريرها : ندى ماعرفنا وين راحت بالنهاية لقيناها نائمه عند عمتي وغمضت عيونها وكملت نومها بعد ثلاث أيام الساعه السابعه مساء ندى خرجت من الغرفه وشافت نواف واقف قدامها ببتسامه مسك يدها وقال : اشتقتلك..مااشتقتي لي ندى سحبت يدها بحده وعنف وتركته ومشت نواف قال بصوت عالي عشان تسمع : اول مايجي هذا الولد باخذ حقي منه واوريه نجوم الظهر نزلت وخرجت جلست بالحديقة عند امها وجدتها وعمتها ام نايف وام مازن وامل وداليا اللى جالسين يتكلمون ويخططون للفرح اللى بيكون بكره الجده : ندى حبيبتي شفيك هذه اليومين بدل مانشوفك فرحان ومبسوطه بالحمل صرنا مانشوف حتى ابتسامتك ام إياد : صحيح شوفي نفسك مثل الورده الذابله امل : شوفي كيف صار تحت عيونك اسود ماتنامي؟!! ندى ابتسمت : مافيني شي بس يمكن تعب الحمل يسسألونـي :: ليـــش ذبلتـي وتحت عيـوونك سسووآآد ؟؟ ,, أبتسسمت وقلت: كييف أذوق النــووم .. ودآخلــي { ضيقــــة قههههههر },,, في الداخل كانت اريج جالسه مع مراد يتفرجوا التلفزيون اريج كان تفكيرها بعيد مو مع التلفزيون تفكيرها في ندى ونواف اللى اخذوا عقلها هذه اليومين انمدت يدين وغطت على عيونها رفعت يدها تتحسس اليدين فجاه صرخت : نااايف وقامت وحضنته نايف بضحكه وهو يحضنها : كيف عرفتيني اريج بعدت عنه وقالت بفرحه : اولا يدك باين انها يد رجال وكمان لما مسكت يدك مالقيت دبله الزواج وكل اللى في البيت متزوجين ولابسين دبل بابه ونواف..... وإياد اللى طبعاً مستحيل يسوي هالحركه مافي غيرك مو متزوج وكمان من ريحت عطرك نايف ضحك وقال وهو يسلم على مراد : لو ادري كان لبست دبله وغيرت العطر مراد :نسيتي يااختي انه انا كمان مو لابس دبله اريج : انت جمبي شلون بتصير خلفي مراد ضحك : ههههه ايه والله اريج : الا تعال سلمت على امي نايف : ﻻ دوبي وصلت شفتها بالجلسه اللى برى هي وجدتي بس مارحت لهم لانه شكلهم البنات معاهم اريج : ايه...بروح الحين اقول لهم شكلهم ماانتبهوا لك وخرجت جري راحت قالت لهن والكل جاء وسلم على نايف وقعدوا معاه وجاء ابو نايف واتعشوا وبعدها قام نايف بيطلع يرتاح وطلعت معاه اريج وقاعده تسولف معاه الين وصل جناحه بعدها راحت جناجها وفي طريقها شافت نواف يحاول يكلم ندى بس هي دخلت الغرفه وسكرت وهو استسلم وراح جناحه تنهدت بحزن دخلت الغرفه ورمت نفسها على الكنب : اوووف والله تعبت وانا افكر دخل إياد وهي لمعت براسها فكره (ليش مااقول له يمكن يلاقي حل...ﻻﻻ اخاف يخرب الدنيا....بس انا صار لي ثلاث ايام ومالقيت اي حل..خليني اقول له واللى فيها فيها) : إياد إياد اللى كان خارج البلكونه لف عليها من دون مايرد اريج : احم..ممكن اتكلم معك شوي إياد وهو يتجهه نحوها وجلس : من وين نزل عليك هالادب اريج : انا ماابغى اتهاوش معاك الحين ولو سمحت اسمعني الين الاخر....احم..هو (ياربي من وين ابدا ويش اقول ) إياد : اخلصي ويش عندك اريج : احم ااا...بصراحه هو...هو الموضوع يخص ندى ونواف إياد : شفيهم اريج : بالاول اوعدني انك تسمعني الين الاخر وماتقاطعني وتتفهم الموضوع إياد بدأ يتنرفز : اريج قولي اللى عندك بسرعه مو فاضي للف والدوران اريج لوت فمها : طيب وبدات تحكي له كل شي إياد : ووين الصورة اريج اخذت جوالها : لحظه انا اخذتها من جوال ندى..وينها....ايه هذه هي شوف ومدت له بالجوال اريج لما شافت ملامحه انه عصب ندمت لانها قالت له قام وخرج وهو معصب اريج : إياد دقيقه وين رايح..إياد..إياد خرج وتركها تناديه اريج وقفت عند الباب : طيب على الاقل رجع لي جوالي ..اوووف مين قال لي اقول له..ياويلي الحين شراح يسوي..الله يستر لايروح لنواف..اووففف..غبيه غبيه.....بدل مااقعد اقول هالكلام بروح عند نواف واشوف اللى صاير وخرجت رايحه الى جناح نواف . . . . . جناح نايف خرج نايف من غرفته بعد مااخذ شاور ولبس بجامته اخذ جواله من على الكنب وجاء بيدخل الغرفه بس انفتح باب جناحه بقوة ودخل إياد نايف : خير شفيك كذه مثل الاسد الهائج إياد بغضب : شوف لوين وصلت فيهم المواصيل ومد له بالجوال نايف اخذه وعقد حواجبه وهو يشوف الصورة وقال : هذه صورة مركبه رفع راسه وقال : ﻻتقول ان ندى شافتها إياد : ايه اكيد شافتها هما اصلا ماسوها الا عشان تشوفها ندى...لهنا وبس انا مافيني استحملهم اكثر طول هذه المده وانا متساهل معاهم بس انه توصل فيهم المواصيل يدخلون احد من عائلتي بالموضوع ويحاولون يخربون حياة اختي ماراح اسكت لهم ابدا نايف قال وهو يطالع في الصورة اللى بالجوال : إهدى الحين وفكر في حل لهذه المشكله وبعدين بنتصرف معاهم...نواف يدري؟؟ إياد : ﻻ نايف : حلو هذا يخلي حل المشكله أسهل إياد اخذ نفس وسحب الجوال من يد نايف وقال : خلاص انا بكلم ندى واحل المشكله دق جوال إياد وانقلبت ملامحه مره ثانيه وهو يشوف المتصل : هذا ويش يبغى رد وجاه صوت الطرف الثاني باللغه الإيطاليه : مرحباً إياد من بين اسنانه : ماالذي تريده إدورد : اووه اهكذا ترحب بصديقك إياد وهو كاتم غضبه : إذن كيف تريد ان ارحب بك بعد الذي فعلته إدورد ضحك ضحكه شريره : يبدو انك علمت بالأمر لاعجب في ذلك إياد : ماالذي تقصده بهذه الحركه كم مره قلت لك لاتدخل عائلتي بالموضوع والا سوف ترى شي لايعجبك ابدا إدوارد : تعجبني عندما تهدد لكن يجب ان تعرف انه لايوجد شروط بالحرب وما فعلته ليس الا تحذير بسيط لكما وان تماديتما لن تريا احد من افراد عائلتكم في مشكله بل ستريان أحدا منهم ميت إياد بغضب مكبوت : تجرأ على فعل ذلك وسوف ترى ماالذي سافعله بك..عموماً نهايتكم قد اقتربت ادوارد ضحك : هههههه حقاً...اذهب أولاً وجد حل لمشكله اختك المسكينه الذي تظن ان زوجها يخونها فمثل ماتعلم الحامل يجب انت تكون نفسيتها جيده لاجل الجنين إياد بثقه : قبل ان تفكر في الاخرين اذهب وفكر في حل لمشاكلك القادمه وسكر في وجهه نايف : هذا إدوارد ؟؟؟ إياد : ايه...كثف الحراس وخرج رايحه لندى . . . . عند اريج كانت واقفه عند باب جناح نواف اريج : مو موجود..طيب اذا نواف مو موجود كان من المفروض إياد يكون هنا.... يوووه الله يعيني... ومشت . . . . نواف كان رايح لعند ندى وقف جمب الباب وهو يسمع كلام ندى وإياد ندى بفرحه : إياد انت تتكلم جد هذه الصورة مركبه يعني نواف ماتزوج علي إياد ابتسم : ايه لاتكوني تصدقين اي شي تشوفيه ندى صرخت بفرحه وحضنته والدنيا مي سايعتها من الفرحه نواف انسحب بصمت من دون مايحس فيه احد التقى بطريقه ب اريج مشى من جمبها بصمت اريج وهي تطالع خلفه : شلي صار شكله مايبشر بالخير مشت وشافت إياد يمشي راجع لجناحه تبعته ومسكته من يده عشان توقفه : انت ايش سويت بنواف انا قلت لك عشان تحل المشكله وانت رحت خربت كل شي إياد بستفهام : نواف؟؟!! انا ماشفته اريج : اجل شفيه شكله كذه إياد هز أكتافه وهو يدخل الجناح : مدري روحي اساليه دخلت وراه : ليش انا مجنونه اروح اساله نسيت اني كذبت عليه وقلت له ان ندى متوحمه عليه..والله بروح فيها..مدري شلي حشرني ودخلني فيهم إياد : حبل الكذب قصير اريج طالعته بطرف عينها : تتمسخر علي....صحيح وين جوالي إياد خرجه من جيبه وهي سحبته بقوة وقالت : مره ثاني لاتاخذ جوالي وتروح إياد : شرايك تسطريني كف طالعته بنظره : الا صحيح وش سويت بالموضوع إياد :خلاص حليت المشكله اريج بفرح : جد إياد : اكيد اريج بفضول : شلون حليتها وانا صار لي ثلاث ايام افكر ماقدرت إياد بغرور : تقارنين قدراتك بقدراتي اريج زمت شفايفها وقالت : مغرور ومشت تمددت على السرير وفي داخلها راحه لانه انحلت المشكله اخذت جوالها وقعدت تلعب فيه . . . . . . جناح عامر وريتال ريتال : يلا عامر افتح فمك بس هذه القمه عامر اخذ الصينيه والملعقه من يدها وتركها على الطاوله وقال : اتركي هذا من يدك وجاوبي على سؤالي ريتال بستغراب : اي سؤال عامر : انتي ليش تتصرفي كذه ريتال بستفهام : مافهمت عامر بجديه : ريتال لاتتغابي انتي فاهمه قصدي ريتال قالت وهي تخفي ارتباكها : تصرفاتي عاديه مافيها شي غريب عامر بغضب : مفكرتيني غبي والا اعمى مااشوف انتي صار لك كم يوم متغيره ابغى افهم ايش سبب هالتغير ريتال خافت من غضبه وانجرحت منه لانه اول مره يصرخ عليها انفجرت وقالت بغصه : انا سويت كل هذا عشانك.. حاولت اغير نفسي عشان اكون الزوجه اللى تتمناها حاولت اخليك تحبني مثل ماانا احبك عامر بصدمه : تحبيني؟؟ ريتال والدموع متجمعه بعيونها صرخت : ايه احبك عامر ظل ثواني يطالعها بصدمه ومو مستوعب اللى قالته بعدها وقف وخرج من الجناح من دون مايقول كلمه وخرج من البيت بكبره وريتال لما تركها وراح انفجرت تبكي . . . . جناح إياد واريج اريج كانت لسى متمدده وتلعب بالجوال وإياد جالس على الكنب ويطلع على بعض الملفات فجاه دق جوالها ردت لما شافت انها ريتال اريج : هلا ريتال ببكاء :اريج..عا...عامر..عامر مايحبني..انا...انا خربت كل شي اريج جلست : بسم الله شفيك اهدي واتكلمي زين عشان افهمك ريتال : انا قلت لعامر اني احبه وهو تركني وراح....انا الغبيه ليش قلت له ليش اكيد الحين معصب مني اريج : اقول خليكي دقيقه واكون عندك سكرت وقامت وهي تقول : ياليل اللى مايخلص اوله مع نواف وندى واخره مع عامر وريتال...بس استاهل انا ايش دخلني احشر نفسي بحياتهم مايكفيني البلوه اللى انا فيها (تقصد انها حبت إياد) إياد اللي سمعها: ايش قصدك اريج : وﻻشي ي المحقق كونان او شارلوك هولمز احسن وخرجت وصلت لعند ريتال وريتال ارتمت بحضنها وهي تبكي اريج : شفيك يابنت اهدئي ماصار شي ريتال ببكاء : شلون ماصار شي الحين هو..هو اكيد بيتغير علي..انا بكلامي هذاك خربت كل شي وحتى الصداقه اللى كانت بيننا انخربت والحين يمكن حتى مايكلمني اريج : ﻻ حوله ولا قوة الا بالله..تراك ماارتكبتي جريمه لما قلتي انك تحبيه انتي زوجته وغصبن عليه يتقبل حبك ريتال : شلون غصبن عليه وهو اكيد بيتزوج وحده ثانيه وزاد بكائها اريج تنهدت وبدات تهديها وجلست معاها الين نامت بعدها رجعت جناحها شافت إياد نائم ومعطيها ظهره وهي راحت تمددت بتعب إياد وهو لسى معطيها ظهره : شفيها ريتال اريج : انت لسى صاحي؟؟.....احسن لاتوجع رأسك بهالامور سكتوا الاثنين دقائق بعدها لفت اريج واعطته ظهرها وقالت : تصبح على خير ماسمعت رد لفت عليه ورفعت راسه تطالعه وابتسمت لما شافته نائم بهدوء (نام بهذه السرعه.. بعد قلبي تعبان من الشغل مايوصل الفراش الا وعلى طول ينام... ليتني اعرف شو هالغموض اللى تخفيه خلف هذا الوجه واللى انا مو قادره افهمه..اااه ي إياد انا فعلا مو قادره افهمك اكثر الوقت تكون ساكت واذا بتتكلم تتهاوش معي..احسن شي انام لاني لو ظليت افكر بهذا الموضوع ماراح اوصل لاي نتيجه ) اغمضت عيونها بس النوم مجافيها ظلت تطالع إياد وهو معطيها ظهره تنهدت بحسره والم حبت شخص متحجر المشاعر هي تحبه وتعشقه بس ماتقدر تقول له هالكلام لانها تدري ان هذا الحب من طرف واحد "كم هو صعب ومر أن تعشق شخصا وتحبه إلى درجة الجنون .. وهو لايعلم بهذه المشاعر التي تمتلكها تجاهه .. كم هو مؤلم أن تبني أحلامك على هذا الشخص .. وهو ياتي ويحطم كل حلم حلمت به إنه فعلا عذاب .. بل إنه أقسى أنواع العذاب أن تحب من لايحبك وأن تعشق من لا يهتم لأمرك .. يقال إن القلوب عند بعضها ولكني أظن أن هذه المقوله غير صحيحه تماما ..فلو كانت القلوب عند بعضها لما وجد مايسمى بالحب من طرف واحد أبدا .. أعتقد أن هناك كثير من الناس يركضون خلف السراب ..ويحبون من لا يشعر بحبهم ولا يقدره .. وحتى لو علم بحبهم ربما لايقدره ولا يهتم به أبدا .. تنهدت تنهديه طويله : اااااااااااه دوبها اغمضت عيونها تحاول تنام الا ويدق جوال إياد فزت بسرعه واخذته عشان مايصحي إياد وغطت على السماعه الين سكر ورجع دق مره ثاني ( اوف هذا سطام يمكن يبغى إياد بشي ضروري ) خرجت لصاله وردت سطام : اسف طال عمرك على ازعاجك بهذا الوقت بس في مشكله كبيره جائتنا معلومات انهم قدروا يهربون الشاحنه وللاسف ماقدرنا نلحقهم وكل اللى فيها توزع اريج : ليش ايش فيها الشاحنه سطام انصدم : مين اريج : اوبس..معليش انا اريج رديت على الجوال لان إياد نايم سطام : اوه اسف اندفعت بالكلام من دون مااعرف مين اللى رد هذا لان طويل العمر دائما الجوال معه ومايعطيه لاحد اريج : ماقلت لي هذه الشاحنه اللى تتكلم عنها شفيها سطام ارتبك : هاه..لا ولاشي..أقصد شي يخص الشغل اريج ماحبت تدخل اكثر قالت : طيب تبغى اصحي إياد سطام : ﻻﻻ خلاص انا بكلم السيد نايف يلا مع السلامه وسكر اريج طالعت في الجوال بستغراب وبعدها هزت كتوفها بعدم اهتمام ورجعت الجوال لمكانه ونامت . . . . جناح نواف وندى دخلت الجناح كان ظلام والهدوء يغطيه فتحت الغرفه بهدوووء ودخلت جائها صوته : إن شاء الله راح الوحام لفت وشافته جالس متكتف وعامل رجل على رجل كان ودها تروح تحضنه تضمه لصدرها تطفي بعض من شوقها اشتاقت له ولبتسامته لمزاحه لكلامه لكل شي بس كلماته اللى قالها منعتها لانه زاد من المها وندمها اللى ياكلها اكل لانها شكت فيه ولانها عاملته بهذيك الطريقه كانت واقفه بمكانها من دون ماتنطق بأي كلمه وقف ومشى متجاوزها لفت وقالت : نواف نواف اكمل طريقه من دون مايلتفت حتى اعادت ندائها مرتان والمره الثالثه وقف بس من دون مايلتفت لها ندى وقفت قدامه وقالت : نواف شفيك قاعده اناديك ليه متجاهلني كذه خافت لما شافت ملامحه ونظراته البارده الخاليه من اي مشاعر مدت يدها بتردد ولمست خده وهو مسك يدها وبعدها عن خده بهدوء ومشى ناحيت السرير وهنا تاكدت ندى انه عرف لفت خلفه وقالت والدموع بدات تتجمع بعيونها : نواف اسفه نواف تمدد على السرير متجاهل كلامها وتغطى بالكامل ندى دموعها نزلت مثل الشلال هي تدري انها جرحته لانها شكت فيه وجرحته اكثر بكلامها وتجاهلها له بحجة الوحام طلعت منها شهقه مكبوته والندم يقطعها الى اوصال جلست على الكنب تبكي بدون صوت تكتم صوتها عشان مايسمعها بس شهقاتها كانت تطلع غصب عنها "عذاب الحب ينهيني وانا مالي سواك انسان بكيت ودمعي بعيني من المخطي من الغلطان يموت الحب بيديني مثل موت الشجر عطشان ابي منك تواسيني حياتي لو دريت احزان حرام انك تخليني مثل قصه بلا عنوان" غلبها النوم على الكنبه بعد ماتعبت بكاء ونام الكل بعد ليله طويل مليئه بالاحداث ******************* في صباح يوم جديد بيت ابو مازن في غرفة لجين كانت واقفه على البلكونه وبيدها الجوال وتتكلم مع صحبتها شافت مؤيد خرج من فلته وطالع بتاجهها وهي تجاهلته ولاكانها شافته وهي تضحك وتسولف مع صحبتها . . . تحت بالصاله امل كانت تمشي وبيدها كاس نسكافيه شافت سديم جالسه جمب الشباك وتطالع لبرى راحت جمبها تطالع للمكان اللى تطالع فيه سديم وبعدها التفتت لها وقالت : ابغى افهم ايش في بالحديقه من صباح الله خير وانتي على الشباك مع إنك امس خلصتي الاختبارات والمفروض تكوني الحين بسابع نومه سديم متكيه بيدها على خدها وبحالميه وهي لسى تطالع لبرى : جالسه هنا يمكن اشوفه امل : تشوفين مين؟؟! سديم ببتسامه : الدكتور سامر...دائما اشوفه بالجامعه بس اليوم ماراح اشوفه لاني خلصت الاختبارات عشان كذه قلت يمكن يخرج واشوفه امل : يووووه من هالسامر اللى ازعجتيني فيه تعرفي لو يدري مازن راح يذبحك قاعده تتغزلي بصاحبه سديم : اتغزل!! ويش قلت انا كل مافي الموضوع اني معجبه فيه وبس واظن مافي احد ماينعجب بشخص والاعجاب ماهو عيب سديم شافت سامر خرج قالت بفرحه : ووااو شوفي خرج يالبيييه شكله يجنن امل حبت يدها وجهه وقفى وهي تقول : الحمدلله والشكر وجائت بتمشي بس لفت انتباهها اللى خرج بعد سامر خرجت عيونها من مكانها وقالت : مستحيل هذا ويش يسوي هنه سديم طالعتها بستغراب : مين امل وهي تاشر على رائد : هذاك اللى مع سامر شلي جابه لهنا سديم : ايه هذاك على مااعتقد اخو سامر امل بققت عيونها : وشهوووو سديم : شفيك وطي صوتك امل بغيض وهي تطالع رائد اللى يمشي ويضحك مع سامر : ماتذكرين هذا منوه..هذا نفسه اللى تهاوشت معاه بالمجمع هذاك اليوم سديم ماكانت متذكره شكله لانها أساساً هذاك اليوم مااهتمت ولاركزت عليه قالت بعدم اهتمام : طيب واذا كان هو وين المشكله امل كانت معصبه ومغطاضه عكر لها صباحها تركتها وراحت وهي تتمتم بالكلام : ماكان ناقصني غير هذا.. اصلا مازن شلون يصاحب مثل هالاشكال واكملت طريقها وهي تتمتم بالكلام سديم اللى كانت مستغربه منها بس طنشت ورجعت تتابع خطوات سامر اللى يمشي متجه الى سيارته ******************* القصر الكبير جناح نواف وندى صحيت وظهرها متكسر من نومه الكنب واول ماجلست طالعت السرير وماشافت نواف سمعت صوت الماء وعرفت انه بالحمام (اكرمكم الله ) راحت خرجت له ملابس خرج نواف وهي مدت له بالملابس لكن هو تجاهلها وراح خرج له ملابس بلعت غصتها وقربت منه وقالت بألم وندم : نواف..انا..انا اسفه والله غصب عني ..لما شفت الصورة اشتعلت الغيره بقلبي انا ايش عرفني انها مزيفه ومو حقيقه نواف لف عليها وقال بعصبيه : ايش عرفك ؟ كان فيكي تجي تساليني بدل ماتجي تقولي هذاك الكلام وتتصرفي بهذيك التصرفات معي وانا الغبي اللى صدقت انك فعلا متوحمه ندى بدموع : انا والله ماقصدت الكلام اللى قلته ول نواف صرخ : ماقصدتي وهذيك النظرات المليانه كرهه وحقد والكلمات اللى خرجت من قلب مستحيل تكون من دون قصد انتي من البدايه ماحبيتيني......بس خلاص نواف اللى كنتي تعرفيه راح وجاء هذا اللى واقف قدامك '، وأكمل بشمئزار : ولو سمحتي لاتحاولي تقربي مني او تتدخلي بأي شي يخصني وتركها وراح لبس ملابسه وخرج واول ماخرج انهارت على الارض تبكي بحرقه . . . . . جناح إياد واريج دخل إياد وبغضب صرخ على اريج : مين سمح لك تمسكين جوالي وتردين على المكالمه اريج ارتجفت من صرخته : انت كنت نائم وماحبيت ازعجك عشان كذه رديت مسكها من كتوفها والصقها بالجدار بقوة وقال بغضب : يزعجني مايزعجني انتي مالك شغل اريج كانت تتالم من مسكته ومن كلامه قالت بغصه : انا ماكنت برد عليه بس لما شفته دق مرتين خ إياد قاطعها : حتى لو يدق مئه مره ﻻتتجرائي وتمسكين جوال '، وصرخ : فااهمه اريج ارتجفت ونزلت دمعه كانت متحجر بعينها خافت منه وانجرحت من كلامه وعصبيته اللى مالها مبرر كل اللى ساوته انها ماتبغى تزعجه رفعت عيونها والتفت بعيونه تطالعته بنظرات كلها الم وحزن ولوم بنظرات تعبر عن الحزن اللى بداخلها إياد لما شاف نظراتها وعيونها المليئه بالدموع تركها وخرج اريج بلعت الغصه اللى خانقتها ماتبغى تبكي لكن دموعها تنزل غصب عنها تمسح دمع ويجي بدالها سيل من الدموع جلست وهي تقول بغصه : انا ليش ابكي اصلا عادي هو مايهمني كشرت بوجهها : انا قاعده اكذب على نفسي...انا ابغى افهم ليش حبيت شخص مثله '، اكملت وهي تمسح دموعها مثل الطفله : ..هو...هو قاسي ومغرور ومايحب احد مايحب إلا نفسه ودائماً يعصب ومايعرف الا الصراخ'، ابتسمت من بين زعلها وحزنها : بس هو خلف كل هذه الصفات عنده قلب ابيض وهذا اللى خلاني احبه بس ليش انا الوحيده اللي قاسي معي ويعصب علي ويصرخ ومع الكل هادئ وطيب ليش . . . . جناح عامر وريتال صحيت ريتال وتلفتت في انحاء الغرفه وماشافت اي اثر لعامر نزلت راسها بحزن فز قلبها لما سمعت باب الغرفه انفتح ودخل عامر وقفت بخوف وحزن وتوتر قرب منها ووقف قدامها ريتال بلعت غصتها وقالت وعيونها بعيونه : عامر انا اسفه انسى كل اللى قلته امس انسى اعتبرني ماقلت شي عامر بهدوء : ليش ريتال طالعته بستغراب وماعرفت بايش ترد عامر أكمل : ليش تتراجعي عن اللى قلتيه معنات هالكلام انك ماتحبيني ريتال بندفاع : ﻻ انا أحبك بس انا ماابيك تزعل مني اوتتغير علي لاني جبيتك عشان كذه انسى وخلينا نرجع زي قبل عامر : واذا نسيت انتي راح تقدري تنسي وترجعي زي قبل ريتال : ايه راح انسى كل مشاعري بس اهم شي ماتزعل عامر : متاكده بتقدري تنسي.. مشاعر الحب مو سهل الواحد ينساها ريتال نزلت راسها بحزن وقالت : بحاول عامر : بس انا ماابيك تحاولي ريتال رفعت راسها وقالت بعيون مليئه بالحزن : انت قلت صعب نسيان مشاعر الحب عشان كذه بحاول عامر : ايه عشان كذه ماابيك تنسي ريتال احتارت معاه عامر ابتسم وهو يسحبها لحضنه ويهمس عند اذنها : ماابيك تنسي ابيك تحبيني اكثر واكثر ريتال قلبها صار بحنجرتها من كثر الدق وتحس الهواء انقطع عامر بنفس الهمس : مابتقولي ليش ريتال اغمضت عيونها وهي تحاول تتنفس وتهدي من دقات قلبها المجنون قالت بصوت واطي : ليش عامر باس رقبتها برقه وقال : لاني احبك ريتال بعدت شوي عن حضنه ورفعت راسها تطالعه بعدم تصديق من اللى سمعته عامر ابتسم وهو يحوط خصرها بيد ويقربها اكثر ويمسك خدها باليد الثانيه وقال بحنان وحب : كيف فكرتي اني ممكن ازعل منك لانك تحبيني انا ماصدقت انه ممكن يجي هاليوم اللى تقولي فيه احبك ريتال وهي لسى مو مستوعبه : بس انت..لما..اقصد لما قلت لك تركتني ورحت عامر ضحك : هذا لانك صدمتيني ماتوقعت ابد اسمع منك هالكلمه وماعرفت ايش اسوي فخرجت ريتال : يعني انت... عامر ابتسم : ايه احبك واعشقك انتي دخلتي لهذا القلب من دون استئذان دخلتي وتغلغلتي فيه ريتال الدنيا مي سايعتها من الفرحه تحس إنها في حلم قالت : انا مو قاعده احلم صح عامر انحنى وباسها وبعدها غمز لها وقال : هاه ايش رايك حلم والا مو حلم ريتال صار وجهها علبة الوان بعدت عنه بتروح بس هو سحبها من يدها ورجعها حضنه مره ثانيه وهو يقول : على وين ريتال كانت منزله راسها وهي بتموت من الحياء وقلبها يزداد دقاته...... ******************** يوم زواج &مازن وداليا& في قاعة عائله ال...... الفخمه كان يقف وشاق الحلق ببتسامته عماد : الف مبروك مازن : الله يبارك فيك وعقبالك عماد رفع يده : الله يسمع منك نواف ضربه من الخلف : اللى يشوفك يقول احد ماسكك روح تزوج يااخي عماد ضحك : خلاص قريب إن شاء الله مابقى شي على موعد زواجي نايف يبعدهم من قدام مازن وهو يقول : ممكن تخلوني ابارك للعريس والا بتظلوا مثل العواميد قدامه عماد : خذه كله لك مانبغاه نايف ابتسم : مبروك يالعريس منك المال ومنها العيال مازن : الله يبارك فيك وعقبالك نايف : ﻻ يارجال ويش ابغى بالزواج خلني اكون العزابي الوحيد في عائله ال... مراد : هيه شكلك ناسيني انا بعد لسى عزابي نايف : وانت بكل شي لازم تدخل نفسك مراد : انا اصحح لك الغلط يااخي لاني مو متزوج الا بعد ما تتزوج عشان ماتكون العزابي الوحيد سامر بضحكه : يقولون انه الاخ الكبير والاخ الصغير دائماً يكون بينهم تحدي مين الافضل إياد : وطبعاً مافي احد يقول هالكلام الا انت رائد بضحك : اكيد لأنه من تاليفه سامر : وانت بدل ماتوقف مع اخوك تقول هالكلام...شفتوا انه كلامي طلع صح مراد : ﻻ يالحبيب كلامك مو صح انا دائما متفق مع اخي نايف فديته الا اذا كنت انت ورائد كذه فهذا شي راجع لكم..والا ايش رايك ي نايف نايف ببتسامه : كلامك صح مئه مئه سامر يطالع نواف ويقول : كانهم قبل قليل كانوا شوي ويتقاتلون والحين ظهرة مشاعر الحب والاخوة نواف ابتسم ابتسامه عريضه: متى صار هالشي سامر : شف هذا كمان واقف معاهم عماد : نسيت انه اخوهم سامر : ايه صحيح شلون اسال اخوهم اكيد بيكون بصفهم . . . . كانت تمشي في الممر بفستانها الابيض وابتسامه ناعمه تعلوا شفتيها وصلت للكوشه واجتمعوا البنات عندها وجائوا صديقاتها وبعض الحريم يسلموا عليها مرام جائت لعند امها اللى كانت تتكلم مع ام رافي : يمه تعالي داليا تبغاكي ام عماد : عن اذنك ي ام رافي ام رافي : اذنك معك '، والتفتت على مرام وقالت ببتسامه : كيفك يامرام..ماشاءالله طالعه قمر مرام : الحمدلله بخير..عيونك الحلوه ياخالتي انتي كيفك من زمان ماشفناكي ام رافي ابتسمت : إن شاء الله بيجي يوم وتشوفيني دائما قدامك مرام ابتسمت بغباء وهي مو فاهمه شي : إن شاء الله بس شلون الا اذا بتكثرين زياراتك لنا ونكون نشوفك دائماً ام رافي ضحكت : بتفهمي قصدي قريب مرام ابتسمت مجامله وهي مو فاهمه الالغاز اللى قاعده تقولها ام رافي وبعدها استاذنت وراحت بسرعه تلحق تتصور مع داليا ولجين وابوها اخوها واعمامها اللى دخلوا بعد ماباركوا لها وتصوروا معاها خرجوا ووقف عامر يتلفت يمكن يشوف ريتال من اول مادخل وعيونه تدور عليها سديم وقفت قدامه وقالت بمزح : انتبه لاتشوفك ريتال وانت قاعد تطالع الحريم كذه عامر عبس بوجهها : انقلعي هذول مايساون شعره من شعراتها سديم : اوووهووه من وين تعلمت هالرومنسيه عامر : اقول وين ريتال مااشوفها سديم : مدري عنها بس احسن تروح لانك مابتلقاها بين كل هالحريم يلا مابقى الا شوي ونرجع البيت وتشوفها وتتمقل فيها قد ماتبغى عامر رماها بنظره وراح سديم : اوف انا قلت شي غلط... دخل مازن وابو عماد سلمه داليا وخرج مازن انبهر بجمال حبيبته وشريكه حياته اللى اسرت قلبه واستولت عليه باس جبينها وقال : مبروك حياتي داليا ببتسامه ناعمه : الله يبارك فيك انزفوا الى الكوشه والكل بارك لهم ولبسوا بعض الفل وقطعوا الكيك واتصورا وجلسوا شوي بعدها خرجوا وركبوا السيارة المزينه متجهين الى بيت ابو مازن عشان يغيروا ملابسهم ويروحوا على المطار بيسافروا فرنسا يقضوا شهر عسلهم الكل رجع على بيته مازن وداليا سلموا على اهلهم وبعدها راحوا سلموا على جدتهم وركبوا مع عماد اللى بيوصلهم على المطار بيت ابو مازن دخلت لجين البيت متجاهله مؤيد الواقف جمب سيارته ويدق عليها بالجوال بس هي مسويه نفسها ماتسمع بس بينت له انها شافته وماعطته وجهه جلست بالصاله وهي تشوف الجوال اللي يدق ومستمتعه بالوضع دق اكثر من عشر مرات وهي ماردت (حسب مالاحظت انه الرجل مايحب البنت اللي تسلمه كل شي وتخليه هو كل شي بحياتها وان حياتها من دونه ولاشي وانها ماتقدر تعيش لحظه من دونه فهو يشوف نفسه عليها ويصير يدور غيرها لانه يعرف انه صار يملكها لكن اذا حسسته انها تقدر تعيش حياتها من دونه راح يخاف انه يفقدها حتى لو ماكان يحبها ف الرجل يحب التملك وماراح يسمع لشي ملكه يروح منه وراح يظل دائما متمسك فيها وانت يامؤيد راح اخليك انت اللي تجري وراي مو انا ) صحت من افكارها على صوت ابوها ابو مازن : لجين مؤيد بالمجلس يبغاكي يقول دق عليك اكثر من مره وماتردي لجين ابتسمت : ماسمعت الجوال الحين بروح له ومشت دخلت المجلس بكل ثقه والقت السلام مؤيد وقف لما شافها وهو مفهي من جمالها كانت لابسه فستان ذهبي طويل ناعم وتسريحه شعرها بسيطع وانيقه ومكياجها ناعم جلست بثقه وهي تضع رجل على رجل ابتسمت بداخلها لما شافت نظرات الاعجاب بعيونه قالت : خير في شي مؤيد صحى على نفسه : احم ليه ماتردي على مكالماتي لجين بدلع رباني : اووه انت اللي كنت تدق معليش ماكنت ادري وانا عادتا ماارد على الارقام الغريبه مؤيد تفاجا : منتي مسجله رقمي لجين : لا من بعد ماتفرمت جوالي ماسجلت الا الارقام المهمه مؤيد : وانا رقمي مو مهم لجين بعد اهتمام : لا وش فائدته لا انت تتصل علي ولا انا اتصل عليك مؤيد سكت مستغرب منها من بعد اخر مره لما شافها عند المسبح ومعاد جائت لعنده ولا مره وحتى لما تشوفه تتجاهله لجين : المهم انت وش بغيت لما شافته ساكت هزت كتوفها وهي تقول : اوكيه اذا ماتبغى شي انا بروح انام حدي تعبانه وقامت خرجت ***************** بيت ابو عماد مرام كانت ميته تعب جائت بتطلع غرفتها اوقفها صوت امها اللى نادتها مرام : هلا يمه ام عماد : تعالي اجلسي ابغاكي بموضوع مرام بتعب : يمه خليه بكره انا الحين بموت من التعب بس ابغى اناااام ام عماد باصرار : ﻻ الحين ابغاكي..والله اني مستحيه من ام رافي اللى كل ماتتصل تسالني مرام استغربت ايش دخل ام رافي بالموضوع نط فيها عرق الفضول رجعت لصاله وجلست مع امها مرام : كلي اذانن صاغيه ام عماد : اتركي عني هالهبل واسمعيني زين ام رافي قبل يمكن شهرين طلبت يدك لولدها رافي مرام بستعباط : ليش الا يدي يعني باقي جسمي مو عاجبها ام عماد اللى ماقدرت تكتم ضحكتها : اقولك يابنت اتركي عنك الهبال واسمعيني بجديه انا ماامزح مرام : وليه ماقلتي لي الا الحين مو قلتي كلمتكي قبل شهرين ام عماد : ماحبينا نشغلك عن دراستك مرام وضعت يدها على خدها وبتفكير : بس يمه هو مطلق ام عماد : واذا مطلق الر مرام قاطعتها قبل ماتبدا امها بمحاظرتها : ﻻ تفهميني غلط اللى اقصد انه كانه كبير بالعمر بالنسبه لعمري ام عماد : لا كبير ولاشي لسى بعز شبابه هاك شوفي ريتال متزوجه عامر وعامر بنفس عمر رافي يعني هو عمره مايتجاوز الثلاثين...وخليك من العمر وهذه الشغلات اهم شي الاخلاق والحمدلله احنا نعرفه من لما كان صغير مايحتاج احد يقول لنا عنه..فكري زين ورجعي لي خبر عشان اكلم ام رافي مرام وقفت : إن شاء الله طلعت وهي شارده الذهن بعمرها مافكرت ولاخطر ببالها رافي.. وانه ممكن يجي يوم ويتقدم لخطبتها هي تعرفه من زمان كانت تشوفه دائما مع عامر..هو حلو طول وعرض وجمال وأخلاق بس ماتدري ليه ماقد لفت نظرها وفكرت فيه يمكن لانه كانت تدري انه ناوي يتزوج بنت خالته مسحت مكياجها وفكت تسريحتها وتروشت وطول هذا الوقت وتفكيرها مشغول برافي رمت نفسها على السرير بعد مالبست بجامه مريحه اغمضت عيونها تحاول تنام بس ماقدرت تنام وتفكيرها مشغول جلست وتنهدت : الله يسامحك يايمه يعني كان ضروري تقولي لي الان كان خليته لبكره... والحين شلون بنام دق جوالها ردت وهي تتمدد : نعم سديم بسعاده : صباح الفل والورد والياسمين يااحلى مروم مرام : من وين طلع القمر اليوم سديم ضحكت مرام : ابغى افهم من وين جائبه كل هالنشاط سديم : الخبر اللى عندي يطير كل التعب مرام بملل : قولي نشوف سديم : انا انخطبت مرام فزت جالسه : وشهووو سديم : ايه انا انخطبت امي قبل شوي كلمتني مرام تكلم نفسها بصوت مسموع : الظاهر متفقات علينا سديم : ايش مرام : ولاشي...ومين سعيد الحظ اللى خلاكي كذه طايره من الفرح سديم : هذا اللى راح يصدمك تخيلي مين مرام بسخريه : لاتقولي الدكتور سامر سديم : شلون عرفتي مرام بصدمه : شوو من جدك ترى انا كنت امزح بس كذه رميتها سديم ببتسامه عريضه : والمزح صار جد..الدكتور سامر خطبني ووواااااو مو مصدقه انا مبسوووطه عشان كذه ماقدرت اصبر الين الصباح ودقيت عليك الحين مرام : اجل اسمعي اللى عندي انا كمان انخطبت سديم ماصدقت فكرتها تمزح ضحكت وهي تقول : ايه ايه صدقتك مرام : والله انا انخطبت سديم بجديه : مرام انتي ماتمزحين صح مرام : اقول لك والله يعني بحلف كذب سديم : وواااووو شو هالحظ انخطبنا الثنتين بيوم واحد مرام : ﻻ مو اليوم انا انخطبت قبل بس ماقالوا لي عشان اركز بجامعتي سديم ضحكت : تصدقين تفكير اهلنا زي بعض حتى انا زيك..المهم ماقلتي مين هو اللى خطبك مرام بهدوء : رافي سديم : رافي؟؟مين رافي؟ مرام اتنرفزت وقالت بصوت عالي : رافي محمد ال..... اخو هاني زوج دالين عرفيته والا كمان اجيب لك سيرته الذاتية سديم ضحكت : هدي هدي شفيك عصبتي مرام : انا ادري عنك مافي براسك الا سامر يعني برايك مين بيكون رافي سديم بمزح : رافي ولد دالين مرام بطفش : سديم ترى مو فاضيه لمزاحك سديم : شفيك انتي اليوم مو على بعضك....ماتبغين رافي؟؟ مرام تنهدت : ﻻ مو كذه بس ماتخليت بيوم اني ممكن اصير زوجته سديم : النصيب يتبعك لو تهربي منه لاخر الدنيا وهذا نصيبك مرام : يمكن بس لازم اصلي إستخاره اذا ارتحت بوافق ماارتحت يتوكل.. وانتي كمان صلي مو تقولي انا ماصدقت يخطبني شلون برفضه سديم : اكيد اكيد بصلي الاستخارة شي ضرور والمفروض نستخير على كل شي بحياتنا والحين بروح اتوضي واصلي قيامي وارجع اصلي استخاره حتى لو لصباح مرام :ﻻ صلي بس مره وحده مره سمعت شيخ يقول الافضل تستخير مره واحده لانه لو تستخير اكثر من مره الشيطان يبدا يدخل لك الشك..هو صحيح عادي اذا ستخرتي اكثر من مره بس خلاص هي استخاره صلي وربي بيختار لك ايش له لزوم التكرار سديم : اووه ماكنت اعرف اوكيه بروح بصلي وراجع انام مرام :وانا كمان بروح اصلي لانه طار النوم يلا سلام سديم : باااي ***************** القصر الكبير كان ابو نايف والجده ونايف ونواف وعامر واريج ومراد كلهم جالسين بالصاله الجده : يلا كل واحد على داره '، والتفتت على اريج وقالت : وانتي وين إياد اريج هزت كتوفها : ماادري ابونايف وقف : يلا تصبحون على خير الجده : وانت من اهله دالين اللى رجعت مع امها اليوم لانه هاني مسافر فحبت تقعد معاهم كم يوم وقفت وهي تحمل رهف النائمه وطلعت غرفتها الجده وقفت وقالت : يلا يااولادي روحوا ناموا عشان تقدروا تصحوا لصلاة الفجر وقف الكل وطلعوا مابقى الا نايف اللى خرج الحديقه ومثل ماتوقع إياد جالس بالجلسه ويطالع القمر بشرود ابتسم وقرب منه وطالع للقمر وقال : القمر حلو وبالذات لو مكتمل مثل اليوم بسس '، والتفت على إياد وهو يكمل : في قمر احلى منه داخل إياد طالعه بنص عين لانه فهم قصده نايف بضحكه : شفيك تطالعني كذه اذا مو مصدق روح وشوف بنفسك....والااااا خايف تنهار كل حصونك لما تشوفها إياد بغيض : نايييف نايف يستفزه : اجل ليه جالس هنا ولوحدك وفي هذا الوقت.. عادتا تكون نائم..يعني انه كلامي صح انت ماتبغى تشوفها عشان إياد قاطعه وهو يقف ويقول بغيض : وهذانا تركت لك المكان ارتحت ومشى ونايف ابتسم ورجع يطالع القمر . . . . جناح عامر وريتال ريتال من اول ماوصلت وهي جالسه على الكنبه بتعب ومافيها تقوم ريتال بكسل وتعب: الله يهديك يامرام..طول الفرح وهي تسحبني ارقص معاها..مافيني حتى اقوم اغير ملابسي وقفت بكسل قدام المرايه ورفعت يدها تفسخ عقد الالماس اللى على رقبتها اهدتها اياه الجده قعدت تحاول تفتحه بس ماعرفت وبين محاولتها سمعت تصفيره لفت شافت عامر واقف في الباب ويطالعها من فوق لتحت وهو يقول : شو هالجمال شو هالحلاوه مشى لعندها ويتاملها بفستانها الاسود القصير وتسريحتها الفير ومكياجها الناعم وصندل الكعب الملتف بشرائط على ساقها بأناقة مسك يدها وباسها وقال بحب : اليوم انتي طالعه احلى من الاميرات ريتال ابتسمت : يعني شكلي حلو عامر مسكها من خصرها وقربها اكثر وهو يهمس عند اذنها : مو حلوه وبس الا تطيري العقل ريتال لما حست بانفاسه الحاره على رقبتها بعدت عنه برتباك وخجل هو يقرب منها وقال : ليه تبعدين ريتال برتباك : اا..ا.انا اقصد..انه تاخر الوقت بروح اغير وجائت بتروح وتذكرت انه مامسحت مكياجها ولا فسخت اكسسوارتها رجعت وقفت عند التسريحه فسخت الحلق والاسوره والخاتم بس ماقدرت تفك العقد عامر قرب ووقف خلفها نزل ايديها اللى تحاول تفك العقد مسك شعرها ورجعه على جنبها وفتح العقد وانحنى وطبع بوسه ريتال انتفضت ولفت عليه ودقات قلبها طبول عامر حضنها وهو يقول : وحشتيني اليوم من الصباح ماشفتك..... . . . . . جناح نواف وندى كانت جالسه تنتظره بالصاله بكامل زينتها اول ماانفتح الباب وقفت وهو نظر لها ببرود ودخل الغرفه نزلت راسها بحزن كان نواف اذا شافها لابسه حتى لو لبس بسيط مايخلي كلمه غزل الا وقالها والحين حتى نظره حب ماشافت بعيونه مسحت دمعتها التي تمردت غصب عنها وتبعته تخطته ووقفت قدامه وقالت بالم : نواف مايكفي زعل تعبت انا من صدك وصمتك نواف بجفاء : منك نتعلم ندى بحزن عميق والم يفطر قلبها : قلت لك والله والله ماعيدها حتى لو شفتك قدامي مو بس صورة بكذب عيوني نواف مشى وهي وقفته مره ثاني قال بشويه غضب : الحين انتي ويش تبغين ندى برجاء ودموعها اخذت مجراها: كل اللى ابغاه هو انك تسامحني وترجع نواف اللى قبل انا مستعده اسوي اي شي تبغيه عشان تسامحني نواف سكت شوي وقال : متاكده بتسوي اي شي ندى وبصيص امل يلمع بقلبها : ايه بسوي اي شي..اي شي نواف : اوكيه انا بس عندي شرط واحد ندى : وانا موافقه نواف : بالاول اسمعي الشرط ندى سكتت تنتظره يقول نواف ظل يطالعها ثواني بصمت وبعدها قال : ابيك تخطبين لي ندى اختفت ابتسامتها المتامله وتحولت لبتسامه ساخره مشبعه بالالم : تبغاني اخطب لك..انا ماقدرت اشوفك بالصورة مع وحده غيري اجل شلون لو شفتك بعيني نواف : هذا شرطي اذا تبغى اسامحك نزلت دموعها وهي تقول : من وين جبت كل هالقسوه صرت قاسي يانواف قاسي تبغى تدفني وانا حيه لما شافته اشاح بوجهه عنها ابتعدت من قدامه ومشى وهي تراقبه بعيون دامعه وقلب مجروح غير ملابسه وراح تمدد وهي لسى واقفه تراقبه نزلت راسها بحزن وراحت تغير ملابسها اول مااختفت من الغرفه فتح عيونه ورجع اغمضها وكلماتها لسى ترن باذنه "انا اكرهك..اكرهك يانواف" "منك نتعلم لعبة الصد ونصد مدام قلبك والليالي علينا منك نتعلم كيف مانحفظ الود وشوف منا ماتسويه فينا الحيــن لازم تاخذ المسأله جد علمتنا نقسى و شفنا قسينا" _____________ . . . . جناح إياد واريج اريج كانت بصاله الجناح واقفه وتكلم لمى بالجوال لما سمعت فتح الباب لفت وشافت إياد دخل ووقف مكانه لما شافها بفستانها السماوي الانيق وتسريحة شعرها الناعمه ومكياجها اللى مبرز جمال وجهها ولون عيونها الشبيه بلون الفستان طلعت بالكحل الاسود عذاب كان شكلها قمه الجمال والاناقه نزلت نضرها عنه وقالت : اوكيه حبيبتي لما افضي اكلمك باي وسكرت رفعت نظرها له وكان لسى واقف يطالعها لما شافها تطالعه انتبه على نفسه واشاح بعيونه عنها مشى للطاوله الموجوده بالصاله واخذ كاس ماء وشرب وقال لها وهو معطيها ظهره : روحي غير هذا اللبس وامسحي هذا عن وجهك اريج (اوف حتى كلمه حلوه مايعرف يقول يعني ايش بصير فيه لو قال طالعه حلوه بس مغرور ومستحيل يقولها ) قالت بقهر : ليش إياد وهو لسى معطيها ظهر : بس كذه مو عاجبني روحي غيريه اريج بعناد : ماني رايحه إياد لف عليها وقال بغضب : قلت لك روحي غيريه ماتفهمي اريج خنقتها العبره يعني ليه يعصب عليها هي ايش سوت قالت بغضب مكبوت: ﻻ ماافهم هذا لبسي ومتى ماابغى بغيره انت ايش دخلك إياد وهو يصر على اسنانه : دخلي اني ماابغى اشوف هذا الشكل تلوعين كبدي بشكلك هذا انتي على بالك طالع حلوه اريج نزف قلبها من كلماته وجائت على الجرح القديم قالت بغضب والم عميق : حلوه والا مو حلوه ماطلبت رايك بس ابغى افهم شي واحد انت ايش مشكلتك معي ليش دائما تحب تجرحني حابه اذكرك انا بشر مو حجر في عندي قلب يحس ليه تعاملني بهذه الطريقه ليه دائماً تحب تجرحني ليه تحب تشوفني وانا اعاني إياد مسكها من عضدها بقوه وقال بغضب : تبغى تعرفي ليه....لأني اكرهك..ايه اكرهك بسببك انتي تدمرت كل حياتي اول شي بالشغل خسرت بسببك اكثر من صفقه ولو اني ماوعدت جدتي كانت طردتك من اول يوم....وبعدها دخلتي على حياتي وصرتي جزء من عائلتي واخرتها صرت زوجتي ودمرتي مابقي من حياتي ياليتك مارجعتي ياليت لو بقيتي مع هذيك العائله ياليتني رفضت اشغلك عندي كان ماتعرفتي على اهلي ولا هم عرفوكي...وكنت بكون الحين مرتاح كانت مصدومه من كلامه وتنظر له بنظرات مشبعه بالالم ودموع متحجره بعيونها وهو يرمي سهامه على قلبها لما شاف نظراتها دفها عنه ودخل الغرفه وهي واقفه مصدومه ودموعها متحجره ماهي راضيه تنزل لانه المها اكبر من ان تريحها دموع رجعت خطوتين للوراء وجلست على الكنب فرجولها ماعاد تحملها تحس كانه جسمها تخدر من شدت المها "وكم نحن بارعون بختيار من يحرق قلوبنا باتقان . *** ** *