قالوا تحبيه قلت ساكن فؤادي قالوا يحبك قلت هذا سؤالي - البارت 17 - بقلم مجهول♡ - مكتملة | روايتك

قالو تحبيه قلت ساكن فؤادي قالو يحبك قلت هذا سؤالي : الفصل السابع عشر : رفعت يدها على خصرها وهي منقهره : هين يامراد بلبس واجيك بشوف مين راح يفكك مني لفت بترجع الفله عشان تلبس شي طويل وطرحه بس وقفت مصدومه من اللى واقف بعيد عنها شوي ويطالعها فتحت عيونها على الاخر تحاول تستوعب وتتاكد من اللى تشوفه لانه ماكان في الا اضواء خافته بس كانت تقدر تشوف لكن مع الصدمه تحس انها تبغى مئه ضوء عشان تتاكد (مستحيل انا قاعده اتوهم والا ايش الدكتور سامر شلجابه هنه معقوله ليكون جني اعوذ بالله ) ودوبها استوعبت انه اللى واقف قدامها حقيقه مو خيال ارتبكت وماعرفت ايش تسوي سمعت صوت مرام جائيه من فلتهم لفت والتف معاها شعرها القصير اللى يوصل لتحت اكتافها كانت تلتفت على مرام وتلتفت على سامر عقلها توقف واخيرا قدرت تجري لجهه مرام وسحبتها وتخبوا خلف الجدار مرام : بسم الله الرحمن الرحيم شفيك سديم ماسكه قلبها : ياويلي مستحيل اللى شفته يكون حقيقه مرام : خير ايش شفتي سديم :شفتي اللى كنت واقفه معاه مرام : ايه هذاك مازن صح سديم : ﻻﻻ ماراح تصدقي مين هو.. هذا الدكتور سامر مرام : انتي خرفتي والا ايش...شلي بيجيب الدكتور سامر لهنا سديم : حتى انا انصدمت لما شفته بس والله هو هو مرام قربت وميلت راسها بتشوف شافته واقف رجعت وتصلب على الجدار : أعوذ بالله من وين جاء سديم : صدقتيني الحين مرام : بس من وين جاء هذا سديم : وانا ايش درا'، سكتت فجاة مرام : شفيك سديم طالعت مرام وبذهول : معقوله يكون هذا واحد من اصحاب مازن اللى ساكنين بفلة مازن مرام بتفكير : شكله كذه والا من وين بجي الحين...لحظه بشوف اذا لسى موجود نروح عند سامر اللى واقف مذهول من الفتنه اللى كانت قدامه بكل انوثتها ورقتها (اويل حالي انا هذه سديم نفسها وربي صاروووخ) "مزيونه وصفت رموشها مثل العساكر واليا رمشت تقلب جميع الموازين لو أن حلاها توزعه على ألجياكر صاروا الجياكر من حلاها مزاين" ومشى ودخل الفله مرام اللى كانت تشوفه : ايه والله صدق طلع واحد من اصحاب مازن سامر دخل وجري لعند اخوه جلس جمبه : رااائد رائد : قل اعوذ برب القلق سامر : اسمع ابيك الحين الحين تروح تخطب لي رائد : لاتكون انغرمت باللمبه اللى برى وتبغاني اخطبها لك سامر : رائد انا ماامزح اتكلم جد رائد : ومين تعيسه الحظ هذه سامر ببتسامه وهو يتذكر شكل سديم : سديم اخت مازن رائد : خير إن شاء الله وانت مين وين تعرفها ولااا بعد تعرف اسمها ممكن تقول لي شلون سامر : يااخي اتركك من التفاصيل وروح اخطبها لي رائد : ﻻ والله الحين بتقول لي كيف تعرف البنت سامر : اووف منك هذه طالبه عندي بالجامعه رائد : وشلون عرفت انها اخت مازن سامر : ياغبي كيف بتكون طالبه عندي ومااعرف اسمها الكامل رائد ضرب راسه: ايه صح..'، طالعه بشك : بس ليش الا اليوم جائت على بالك وتبغاني كمان الحين اخطبها اعترف لو انكرت تحلم اخطبها لك سامر : يووه منك الحين بتذلني لانك اخي الكبير يااخي شفتها الحين لما خرجت ارتحت الحين رائد ابتسم : ايوه قول كذه'، اكمل وهو يحرك حواجبه وابتسامه خبث على شفايفه : بس ليش اخترتها هي بالذات مع انه اكيد في بنات احلى منها بالجامعه هاااه سامر مسوي فيها شاعر : بالجامعة؟! تلقى الكثير منxالبناتx... تلقى بنات ضائعه .. وبنات أخرى مائعه!!! ومن بين أكثر من مئة . تلقى ملاك رائعه!! عالم غريب ومختلف .. تشابهت فيه الصدف!!! رائد مات ضحك : اشوف بنت عبدالله حولتك لشاعر سامر : الحين قوم البس ورح اخطبها لي رائد : انت صاحي تبغاني اروح الحين سامر : اخاف تطير مني رائد : يعني بتطير بين ليله وضحاها..واصلا ماندري يمكن تكون مخطوبة سامر انفجع : اعوذ بالله فال الله ولافالك يلا قوم رائد بجديه : انت من جدك تبغاني اروح الحين ويش تبغى الناس يقولوا عنا دق جوال سامر وكان مازن كلمه وقال له يجون يتعشون عندهم سامر : شفت كيف حظي حلو فديتني الحين نروح نتعشي عندهم وتكلم ابوها رائد : بس حسب مااعرف هذه الأيام اختبارات وهي اكيد مو فاضيتلك سامر طالعه بغيض : انت ليه ناوي الا تفسد علي فرحتي رائد : ياخي انت ليه ماتفهم البنت الحين عندها اختبارات وانت بتجي تشغلها بخطبتك خليها بعد الاختبارات واخطبها لك سامر : انا قلت اليوم يعني اليوم افرض يجي احد يخطبها قبلي واصلا اكيد اهلها بيقول نفس كلامك انه مايبغوا يشغلوها بالخطبه وماراح يقولوا لها بس اهم شي اني اعطيتهم خبر اني ابغاها عشان اذا جائها خطاب يرفضوهم فهمت رائد تنهد : امري لله..قوم يلا **************** فله ليوناردو الساعه الثانيه عشر والنصف بعد منتصف الليل كانت جوليا جالسه بغرفتها تقرا كتاب وتنتظر ليوناردو اللي لسى بالشغل حست بالعطش شافت الجاك اللي يكون فيه المويه فاضي راحت اخذته ونزلت المطبخ عشان تعبيه مويه شافت الاضواء كلها مطفيه الا ضوء صغير والمكان هادي شكله الكل قد ناموا دخلت المطبخ شربت وعبت الجاك واخذته ومشت وهي في طريقها سمعت صوت التفتت وشافت ماكس يمشي وهو يتمايل يمين ويسار ويتمتم بكلام شكله سكران قرب منها وهو يقول : مر..مرحبااا.. ايتها الجميله رفع يده ومسك وجهها : انتي...انتي حقا جميله جوليا بعدت يده عنها بقرف منه ومن ريحت الخمر الخايسه لفت بتمشي وهو سحبها وصارت بين يديه : الى اين ستذهبين ايتهااا.. الفاتنه جوليا تحاول تبعده عنها بشمئزاز : ابتعد عني أيها الحقير دفته بقوه وهو رجع مسكها قبل ماتهرب هي تحاول تبعده عنها وتصرخ : ابتعد عني ساعدوني ابتعد ايها الحقير ساعدونيييييي ليوناردو اللي كان لسى جاء من الشغل سمع صوتها وجري جري للداخل لما شاف ماكس وهو ماسكها طار عقله سحبه بقوة ورماه على الارض ونزل فيه ضرب اديسون وازابيل وسايوري وسايا اللي سمعوا الاصوات جائوا اديسون يحاول يبعد ليوناردو عن ماكس : مالذي حدث ابتعد عنه سوف تقتله ليوناردو وهو في قمه غضبه : الحقير لقد اويته في منزلي ويحاول ان يعتدي على زوحتي اديسون يحاول يبعد ليونارد عن ماكس : اهدى لابد انه ليس بوعيه ليوناردو ابتعد عنه بعد ان اكتفى منه : اجل بالطبع فهو ليس لديه سوا الشرب لقد اخبرته الا يفرط بالشرب وياتي للمنزل لكنه لايستمع لاحد مشى للمطبخ وخرج من الثلاجه كل زجاجات الخمر ورماها على الارض وتكسرت وهو يقول بغضب : اذا رايت اي احد يشرب هذا السم او يدخل لهذا المنزل وهو سكران لن يبقى في هذا البيت لحظه واحد هل هذا مفهوم تركهم وراح لعند جوليا شاف الخوف بعيونها واثار الدموع على خدها حضنها بحنان وقال : هل انتي بخير جوليا تمسكت فيه مثل الطفله وهزت راسها ب ايه ***************** الصباح في القصر الكبير نزل عامر وهو يتكلم وخرج تحت نظرات ريتال المقهوره قالت : من لما رجعنا من السفر وهو طول الوقت يكلم هذه اللى ماتتسمى الله ياخذها ندى واريج اللى كانوا جمبها وسمعوها ندى بستغراب : مين هيا ريتال بكرهه : هذه وحده معاها عقد شغل مع عامر...اووووف طول الوقت وهو يكلمها ماادري انا اصلا ليش متضايقه حاسه لو هي قدامي كان قتلتها ندى واريج طالعوا بعض وابتسموا ورجعوا طالعوا ريتال اريج ببتسامه : ماتعرفي ليش متضايقه ريتال بضيق وحيره : والله ماادري ليش كل ماشفته يكلمها احس بضيق وقلبي يوجعني ندى بغمزه : هذه الغير ريتال طالعتهم بستنكار : غيره؟!! اريج : يسسس انتي تغاري لانه عامر يكلم بنت غيرك ريتال بإنكار : ﻻ..ﻻﻻ انا مااغار بس اللى يحب هو اللى يغار اريج : ليه انتي ماتحبين عامر ريتال سكتت بحيره وقلبها يقرع طبول ندى ببتسامه : ياقلبي عليك ماتعرفين الحب.. ريتال انتي تحبين عامر واكبر دليل غيرتك عليه لما يكلم هذه البنت ريتال مسكت قلبها (احبه؟؟ معقول انا احب عامر....ايه وشلون مااحبه وهو صار كل شي بحياتي هو ابوي وامي واخوي وصديقي و..و وزوجي ) اريج : ياهووووه وين رحتي ريتال : هاه معاكم.... اريج : ايه باين شكلك طرتي بتفكيرك لعند عامر ريتال بحزن : انا ماابغى احبه ظهرت علامات الاستغراب على ندى واريج ريتال توضح لهن : صحيح انا احبه بس انا ماابغى احبه لانه عامر مستحيل يحبني اريج وندى بذهول : وشهووو ندى : إنتي من جدك تتكلمي ماتشوفين عامر شلون يحبك اريج : ايه هو يحبك وهذا الشي واضح من تعامله معاك ريتال هزت راسها ب ﻻ : هو مايحبني اقصد بالطريقه اللى انتوا فاهمينها هو يحبني كصديقه كأخت فقط '، ابتسمت ابتسامه حزينه وأكملت : اصلا انا مين اكون عشان يعطيني قلبه انا فقط وحده لقاها بالشارع وشفق عليها واخذها اريج : انتي صاحيه عارفه ايش قاعده تقولين شلون تفكرين بهذه الطريقه لو سمعك عامر بيزعل انتي الحين صرتي منا وفينا ندى : ﻻتقولين هالكلام حطي ببالك شي واحد إنك زوجة عامر زوجه ابن من ابناء هذه العائله يعني انتي صرتي جزء من عائلتنا ريتال ابتسمت وتجمعت الدموع بعيونها : واحسن عائله في العالم اريج مسحت لها دموعها : خلاص لاتبكين وخلينا بموضوعنا انتي تحبين عامر ولازم تعترفي له ريتال بجزع : ﻻااا مستحيل ندى : مافي شي مستحيل هو زوجك صح ريتال : ايه بس..هو مايحبني اريج : اوهوووه رجعنا لنفس النقطه ريتال : ﻻ انا قصدي هو مايعتبرني زوجته اقصد مايفكر فيني كزوجه هو يشوفني كصديقه له بس ويعاملني مثل الطفله ندى : وهذا المطلوب الرجل لما يعامل زوجته كانها طفلته معناته انه يحبها يحب يدللها يحب برائتها عفويتها حركاتها الطفوليه ريتال : يوووووه انتوا ليه ماتفهموني انا اللى اقصده بالطفله انه فعلا فعلا يشوفني طفله يعني....شلون افهمكن يااربي...يعني هو مايشوفني كإمراءه اريج وندى : اووووه ندى ابتسمت بخبث : بسيطه.. انتي خليه يشوفك كإمراءه ريتال بهتمام : شلون ندى اريج قربوا اكثر : اسمعي......... ريتال : ﻻﻻ مااقدر اسوي هذا الشيء ندى : انتي تبغين عامر يحبك والا تبغين يطير منك ويتزوج وحده ثاني ريتال انفجعت : الله لايقولها..ايش يتزوجك وحده ثاني..بموت انا اريج : أجل سوي كل اللى قلنا لك ريتال بتردد : طيب ندى : يلا اشوف قومي البسي شي حلو ريتال : بس كانه لسى بدري يعني لسى راح الشغل ندى : عادي عشان اذا رجع باي وقت يشوفك لابسه شي حلو ريتال :طيب وطلعت جناحها اريج : وهذه ريتال لقينا لها حل باقي انتي ندى بستغراب : انا ايش فيني اريج : تساليني انا اسالي نفسك صار لك كم يوم وضعك مو عاجبني ندى برتباك : ايش قصدك شفيه وضعي اريج : ماادري عنك اكثر الوقت اشوفك شارده الذهن ومدري ايش اللى شاغل بالك..في شي؟؟ ندى بتوتر : ﻻ..ﻻ مافي شي اريج بشك : متأكد ندى تنهدت : تبغي الصراح الا في اريج : قولي واوعدك مااقول لاحد انتي بس فضفضي لي وقولي اللى بقلبك ندى وقفت : مو هنا تعالي نطلع جناحي اريج استغربت وخافت ايش هو الشي الخطير هذا اللى ماتبغى احد يسمعه دخلوا الجناح ندى : بقولك من دون لف ودوران..انا شاكه اني حامل اريج بفرح : صدق حامل ندى : قلت لك شاكه مو متأكدة.. مدري هذه الايام احس بغثيان ودوخه ونفسي مسدوده عن الاكل فقلت يمكن اكون حامل اريج : طيب روحي المستشفى واتاكدي ياشيخه خوفتيني قلت صاير شي خطير ماتبغى احد يعرف ندى : انا ماابغى احد يعرف اخاف من كثر مافكرت بالحمل صرت اتوهم هذه الأشياء اريج : اوكيه نواف يعرف ندى بسرعه : ﻻﻻﻻ وهو بالذات ماابغاه يعرف..اذا قلت له شاكه اني حامل بيفرح واخاف مااكون حامل واكسر له فرحته اريج : طيب خلينا نروح عند الدكتورة ونتاكد اذا انتي حامل فالحمدلله واذا ﻻ تساليها عن سبب تاخر الحمل عندك ندى بتردد : تبغى الصراحه خاىفه مااكون حامل عشان كذه طول هالمده مارحت ولاحتى سويت تحليل منزلي اريج : اقول بلا هالكلام قومي البسي وخلينا نروح المستشفى ندى : الحين؟! اريج : ايوه يلا قومي البسي عبايتك وانا بروح اكلم إياد تعرفي عاد اخوكي نفسيه ماادري اذا بيسمح لي اروح معك او ﻻ ندى : اوكيه بس لاتخبريه انه رائحات المستشفى اريج وهي توقف وتمشي : اوكيه دخلت جناحها واخذت جوالها ودقت على إياد رد عليها : نعم اريج (يالليل من اولها نعم ) : الله ينعم عليك بغيت اقول لك اني بخرج مع ندى إياد : طيب اريج (حتى بهذه مايقدر يتنازل ويقول ايوه روحي مغروررر ) : ايش طيب يعني اروح او ﻻ إياد : ومن متى صارت طيب تستخدم ل ﻻ اريج : هي ماتستخدم ل لا بس احيانا الشخص يكون يقصد ب طيب.معناه ايش اسوي لك تقولي لي هالكلام إياد : وعلى مااظن انه الشخص اللى يكون يقصد هذا الكلام تقدري تميزي معنى الكلمه من نبرت صوته اريج : وانا اصلا من متى اقدر اعرف انت ايش تقصد بكلامك إياد : اقول بلا كلام فاضي انا مشغول.. وسكر اريج وهي تطالع الجوال : ماادري انا شلون حبيت واحد مثلك مغرور ومتعجرف وشايف حاله وماعنده ذوق يسكر بوجهي هه راحت لبست عبايتها وخرجوا ******************* الشرقيه بيت أبو تركي تالين بتافف : اووفف قلت لك ابغى جوالك شوي بدق على صاحبتي اسالها عن شي بسرعه وارجعه لك حنان وهي تغطي على سماعة الجوال : تالين انكتم خليني اسمع تالين تاففت بعصبيه وهي تقوم: اووووووففف طول الوقت وانتي تكلمين هالعماد ماتملون انتوا وراحت عماد اللى سمعها : الحين هذه ايش تبغى حنان : تبغى جوالي بتتصل على صاحبتها عماد : وين جوالها حنان : بطارية جوالها خربت عماد : طيب ليش ماتتصل من تلفون البيت حنان : مو حافظه رقم صاحبتها بس مخزن بجوالي عماد : اها يعني تاخذ احطياطها وتسجلهم بجوالك ليه ماتسجلهم بدفتر وتريحنا حنان : حبيبي معليش تسكر بخليها تكلم صاحبتها شوي وادق عليك عماد بحب : عشان كلمة حبيبي اعطيكي عيوني حنان ابتسمت بخجل : تسلم عيونك عماد : اوكيه قلبو سلام حنان : مع السلامه سكرت وراحت اعطت الجوال لتالين اللى كانت بتنفجر من العصبية ******************* ميلانو في المستشفى كانت اريج جالسه برى بكراسي الانتظار بعد مادخلت ندى عند الدكتورة كانت تطالع الداخلين والخارجين من مرضى ودكاتره وممرضيين انصدمت لما جائت عينها على إياد الواقف بعيد وهو يكلم الدكتور لفت على الجهه الثانيه عشان مايشوفها وقالت للبدي قارد بقهر : الم اقل لكم ان لا تخبروا احد اننا بالمستشفى البدي قارد : لكن نحن لم نخبر احدا اريج : إذن ماذا يفعل إياد هنا البدي قارد : لا اعلم سيدتي لكننا لم نخبره حتى انه لم يتصل بنا اريج ( يعني هو مايعرف انه احنا هنه طيب ليه جاء ) لفت تطالع فيه وهو يتكلم مع الدكتور وبعدها مشى للناحيه الثانيه بجهت الممر وقفت بسرعه بتتبعه من دون مايدري شافت البدي قارد بيجي وراها قالت : هل ستاتي معي لدورة المياه وقف ونزل راسه اريج : إبقى هنا سوف اعود ولما لفت ماشافت إياد مشت بسرعه وراحت للجهه اللى هو راح فيها بقيت تتلفت يمكن تشوفه بس ماتدري وين اختفى بهذه السرعه : يوووه وين راح ماامداني الف الا ويختفي بهذه السرعه..اووفف احسن ارجع لعند ندى لاتخرج وماتلاقيني ولفت الا وتصطدم فيه لانه كان واقف وراها مباشرتا وهو متكتف اريج (اعوذ بالله من وين ظهر ) إياد : ممكن اعرف ايش تسوي هنا اريج ابتسمت بستعباط : انا...انا جيت عشان'، سكتت وطالعته بنص عين : وانت ايش تسوي هنا إياد رفع واحد من حواجبه : وانتي ايش دخلك اروح وين ماابغى اريج : اجل وانا بعد إياد : وشهو اللى وانتي بعد اريج : وانا بعد اروح وين ماابغى لاتتدخل إياد : بالله اريج : ايه اجل حقك حق وحق الناس مرق تبغى تعرف ليش انا جيت هنا وماتبغى تقول لي ليش انت جيت هنا إياد : لاتنسي اني زوجك وﻻزم تقولي لي وين رايحه وين راجعه اريج : وعلى مااظن انا اتصلت فيك وقلت لك اني خارجه وانت ماقلت شي وجائت بتمشي وهو مسكها من عضدها اريج : فك يدي بروح تاخرت على ندى إياد عقد حواجبه : ليش شفيها ندى اريج عضت على شفايفها : مافيها شي إياد : اجل ليه جايه المستشفى اذا مافيها شي اريج سحبت يدها : يوووه مشاكل نسائيه انت خلك بحالك ومشت وصلت وندى مع خرجتها اريج : هاه بشري ندى بدموع : ماصدق اريج تمسح دموعها : ماعليه حبيبتي إن شاء الله بتحملي عن قريب ندى : انا..انا حامل اريج بفرحه : جد ندى : ايه تخيلي انا حامل ماصدق ماصدق وأخيراً الحمدلله الحمدلله اريج حضنتها : ياقلبي الف مبروك ندى والفرحه مو سايعتها : الله يبارك فيك مشوا وهما يتكلموا وفرحانين لما وصلوا عند باب الخروج شافوا إياد واقف ومسند جسمه على الجدار لما شافهم اعتدل ندى : وي هذا إياد ايش جابه اريج : ماادري عنه إياد : يلا امشوا بوصلكم ومشى وهما يمشوا وراه ندى بهمس : اريج لاتقولي له عن الحمل ماابغى احد يعرف ابغى اول شي اسوي مفاجاه لنواف اريج : اوكيه وصلوا للسياره والثنتين فتحوا الباب اللى وصت طالعوا في بعض اريج : انتي روحي قدام ندى : ﻻ انتي روحي إياد : اقول انتي واياها انا مو السائق تبعكن..وحده فيكن تجي قدام ندى دخلت بسرعه وسط واريج لفت وراحت ركبت قدام ومشوا ندى : إياد انت شلي جابك على المستشفى إياد : صاحبي بالمستشفى ورحت ازوره ندى : اهااه اريج اشتعلت غضب ليش لما تساله هيا مايجاوبها وندى على طول جاوبها ليش دائما يحسسها انها ولاشي عنده وش كان بيصير فيه لو قال لها انه جاء يزرور صاحبه طول الطريق وهي تفكر وقهرها يزيد وصلوا ونزلت اريج وطرررااااق بالباب خرجت كل قهرها بباب السياره ودخلت بسرعه عشان ماتسمع لها كلمه من إياد ندى نزلت بسرعه قبل اريج طول الطريق كانت خائفه إياد يسالها ليه راحت المستشفى وهي ماتبغى تكذب عليه اريج وهي تمشى فسخت غطوتها وطرحتها نزلتها على اكتافها شهقت فجاه لما حست باحد يسحابها على جب ولصقها بالجدار طالعت في إياد اللى باين انه معصب إياد : ممكن اعرف باب السيارة ايش سوا فيكي اريج مبسوطه لانها قدرت تعصبه وتاخذ حقها قالت : هو ماسوا شي بس صاحبه سوا إياد عقد حواجبه بستغراب : ويش سويت انا اريج : على اساس ماتدري ليه لما سالتك ايش تسوي بالمستشفى مارضيت تقول لي ولما ندى سالتك على طول قلت لها إياد وعصبيت اختفت : اووووه بس يازوجتي العزيزه انتي اللى بداتي لما سالتك مارضيتي تجاوبي فانا ماجاوبتك اريج زمت شفايفها : هه إياد : وللحين ماقلتي لي ندى ايش فيها اريج : قلت لك اشياء تخص الحريم لاتتدخل فيها إياد : حامل صح اريج طالعت بطرف عينها : اذا تعرف اجل ليه تسال إياد : يعني صدق حامل اريج : ايه بس ﻻتقول لاحد ندى تبغى تسوي مفاجاه لنواف..بس سوال انت شلون عرفت مافي احد يعرف غيري انا وهي إياد : هذا شي بديهي تروح عند دكتوره نسائيه ومن كلامها وعيونها واضح انها فرحانه يعني ايش بيكون اكيد حامل اريج : ماشاء الله ويش بقيت للمحقق كونان إياد طالعها بنظرات وكانه يقول تتمسخرين خافت يعصب جائت بتروح بس ايده اللى على الجدار وقربه منها مانعها تتحرك قالت : ممكن توخر إياد : ﻻ مو ممكن اريج تجرات وقربت اكثر وهي تطالع بعيونه بنظرات كلها تحدي : وليش مو ممكن إياد على طول بعد عنها استغربت اريج انه بعد ابتسمت وقالت بشقاوه وهي تبعد عنه : مره ثاني انتبه لاينكسر باب سيارتك وجريت لفوق وهي تضحك دخلت جناحها وغيرت ملابسها وهي تتذكر اللى صار وتبتسم بحب عقدت حواجبها وهي تفكر ليش بعد عنها بسرعه لما قالت له هذاك الكلام معا انها توقعت يعاند جلست تفكر وتفكر وفجاه وقفت (معقول يكون ارتبك لاني قربت منه...الا اكيد كذه اذكر اني قربت منه حيل ) ابتسمت ابتسامة خبث . . . بعد الظهر وصل عامر من الشغل وجلس بالصاله مع ندى واريج اللى كانوا ياشرون بعيونهم لريتال الواقفه بالباب وخائفه تدخل وهما ياشرون لها بعيونهم يعني يلا عامر ماكان منتبه لانه المكان اللى جالس فيه مايقدر يشوف ريتال جائت الخدامه واعطته كاس المويه ريتال تشجعت ودخلت وكانت لابسه بنطلون ابيض وبلوزه ورديه مع خطين ابيض طويله لنص الفخذ وشعرها ذيل حصان ومنزله خصل على وجهها ومسويه كحل ومسكره وقلوس وردي على شفايفها الممتلئة قالت وهي تبتسم : اهلين حبيبي انت جيت عامر لما سمعها خرج الماء كله اللى بفمه وصار يكح ويكح ريتال جلست جمبه وبخوف : عامر وتمسح على ظهر عامر يحاول يوقف الكحه : احححم احم ريتال طالعت في ندى واريج بنظرات ضيق يعني شفتوا اللى صار عامر : احم وينها امي ريتال بخيبت امل : بالصاله اللى فوق طلع عامر ريتال : شفتوا قلت لكم ماينفع انفجع لما سمع اللى قلته ندى : ياحياتي هذا اسمه تأثر مو انفجع يعني كلامك أثر فيه اريح : ايه انتي بس كملي الخطه وراح يكون كل شي تمام ريتال : ﻻﻻ خلاص انا ماابغى اخاف اخرب علاقتي معاه بتصرفاتي هذه انا مرتاح كذه ندى : ايه اجلسي على هذه الحال الين مايتزوج وحده ثاني وقتها بتصحي على نفسك ريتال بخوف :ﻻﻻ ﻻ ماابغاه يتزوج اريح : اجل سوي اللى قلنا لك عليه ريتال تنهدت : الله يستر سمعوا صوت إياد جاء وريتال لفت الطرحه على راسها وغطت بها صدرها وايديها اريج اول مادخل إياد ابتسمت بخبث ووقفت وراحت بتجاهه وهي تقول بدلع : هلا حياتي قربت منه وهي تمسك ياقت جاكيته بكل دلع ورقه : وحشتني إياد كان متصلب مو مستوعب اللى تسويه ولا اللى تقوله (هذه على ايش ناويه) ريتال وندى طالعوا بعض وعيونهم تقول ويش القصه شكلها حتى هي ناويه على إياد وقفوا وطلعوا وإياد مسك يد اريج وبعدها وقال : ايش هالكلام اريج ببراءة : اي كلام إياد طالعها بغيض ومشى اريج ابتسمت بخبث ( بدري على التعصيب لسى ماشفت شي ياقلبي ) . . . جناح عامر دخلت ريتال شافته يفتح الدولاب بيطلع له ملابس اخذت نفس عميييق وهي تشجع نفسها وراحت لعنده وقالت ببتسامه : ارتاح انا بطلع لك وخرجت له ملابس تحت نظرات عامر المستغربه من تصرفاتها مدت له بالملابس وهو اخذها وراح غير بعدها نزلوا تحت يتغدوا على طاولة الطعام اريج انبسطت انه مافي احد..ابوها ونواف عندهم شغلوا مارجعوا البيت يتغدوا ونايف مسافر وعامر مبتلش باللى هو فيه لان ريتال كل شوي قدمت له شي وجدتها وامها وعمتها عادي ماتستحي منهم وكذه تقدر تاخذ راحتها بدات تقدم لاياد الاكل وتغرف له لصحنه وكل شوي تقدم له شيء والكل مستغرب من تصرفاتها إياد مد يده بياخذ السلطه وهي وقفت ومسكت الصحن وقربت له السلطه وهي كاتمه ضحكتها من تعابير وجهه اللى باين انه متضايق وقفت وقالت : اصبلك عصير إياد وقف : ﻻ شكراً شبعت ومشى وهي جلست وودها تنفجر من الضحك وبعدها بشوي تبعته لجناحهم اول مادخلت شافته بالصاله جالس على الكنب ومغمض عيونه واصابعه تضغط على راسه ابتسمت ومشت براس اصابعها عشان مايسمعها وقربت منه وهمست عند اذنه : مين مزعجك فز وبعد عنها وقال بعصبيه : ماتعرفي تدقي الباب اريج : حبيبي إياد حابه اذكرك إني دخلت جناحي مو جناح احد غريب عشان ادق الباب إياد : ابغى افهم ايش اللى قاعده تسويه اريج ببراءة : ايش سويت إياد : على بالك انا مو فاهم تمثيليتك هذه اريج ببراءة العالم كله : مافهمت اي تمثيليه إياد : هالكلام والحركات اللى قاعده تسويها اليوم اريج تستغبي : انا عن جد مو فاهمه شلي تقصده إياد رفع واحد من حواجبه وناظرها بنظره مافهمتها وقال : ماعليه انا بفهمك ومشى دخل الغرفه اريج بخوف( والله ورحتي وطي يااريج ويش بيسوي هذه النظره ماتعجبني ابدا الله يستر منه.. بس مابترك اللى قاعده اسوي لو شو بيصير.. هههههه اول مره اشوفه بهالحاله ) دخلت وراه الغرفه شافته يخرج له بجامه من الدولاب اخذ بس بنطلون البجامه لانه مايلبس البلائز اذا بينام قربت منه وقالت ببتسامه تذوب الصخر : بتاخذ شاور تبغى اجهز لك الحمام إياد : ﻻ..باخذ شاور لما اصحى ودخل الحمام (أكرمكم الله ) اريج هزت كتوفها وراحت وقفت على التسريحة وهي تزبط شعرها اخذت مرطب بالفراوله وسوت على شفايفها ورشت عطر سمعته خرج وسوت نفسها مشغوله وهي ترجع تزبط شعرها ولفته بالشباصه مره ثانيه تجمدت يدها على شعرها لما جاء وحضنها من وراء بيد واليد الثانيه مسك يدها اللى على شعرها وماسكه الشباصه وسحبها وتناثر شعرها الحريري اريج لسى مصدومه من تصرفه وهي تطالعه من المرايه انحنى وهو يتكي براسه على كتفها وخده ملاصق لخدها رفع عيونه والتقت نظراتهم اريج قلبها كان يدق بجنون استوعبت وسحبت نفسها من بين احضانه وهي تبعد عنه خطوتين قرب منها وهي رجعت وراء الين اصطدمت بالجدار قرب منها وحوط خصرها بيده وقرب وجهه الين صارت انفاسه تلفح وجهها همس باذنها : ليش تبعدين عني وانحنى وباس رقبتها برقه قبلته احرقت رقبتها كانت انفاسها متسارعه وتحس انه دقات قلبها فاضحتها رفعت ايديها على صدره وهي تحاول تدفه ومنزله رأسها وقالت بحيااء وبصوت ياالله ينسمع : إياد إياد مسك ذقنها ورفع وجهها وقال وعيونه بعيونها : ياعيونه اريج استجمعت قوتها وسيطرت على مشاعرها وقالت : انت شقاعد تسوي إياد ببراءة : ايش سويت اريج فهمت انه هذا اللى كان يقصده بكلامه دفته وبعدت عنه بتخرج ماحست اللى وهو يسحبها من يدها وتطيح على السرير اللى كان قريب منها وهو فوقها ورافع نفسه بيدينه خافت بلعت ريقها وقالت : إياد بعد عني إياد : ليش اريج اغمضت عيونها وزفرت : خلاص انا اسفه والله ماراح اعيدها انا بس كنت امزح معاك وعد برجع زي اول واتهاوش معاك ليل نهار ظلت دقائق وماسمعت رده فتحت عيونها على وسعها لما قرب وباسها قام وقال : هذا عقابك عشان مره ثاني ماتمزحي معي مثل هذا المزاح واول مابعد عنها قامت جري وخرجت من الغرفه وقفت بصاله الجناح ويد ماسكه قلبها تحاول تهدي من دقاته واليد الثاني على شفايفها وجهها يشتعل خجل ( انا الغبيه والا في احد يلعب مع إياد ) اخذت نفس عميييييق وخرجت من الجناح بعد العصر صحي إياد ونزل تحت بعد مالبس وتجهز بيروح الشغل اريج شافته ينزل من الدرجه اجتاحها الخجل وهي تتذكر اللى صار طردت كل تلك الافكار من راسها وهي تحاول تتصرف طبيعي قامت ووقت قدامه اسفل الدرج وقالت : بروح المستشفى إياد عقد حواجبه وقال : ليش فيكي شي اريج : ضرسي يوجعني بروح عند طبيب الاسنان يشوف له حل إياد : اوكيه بعد المغرب بجي اوديكي اريج : مو ضروري تجي بروح مع السواق إياد : ﻻ انا باخذك اريج : طيب ليه بعد المغرب الحين نروح إياد وهو يمشي وهي تمشي معاه : ﻻ الحين عندي شغل ضروري اريج بغيض : يعني الشغل اهم مني إياد : اكيد انا ماعندي شي اغلى من شغلي اريج بقهر : انت واحد اناني و متعجرف ومتكبر ومغرور وماعندك قلب إياد : ماجبتي شي جديد..وترى انتي عندك نفس الصفات اريج بستكار : اناااا إياد : ايه انتي مغروره وانانيه وعنيده اريج : ﻻ والله انت اللى كذه انا مافيني ولاصفه من هذه الصفات ومشوا لعند الباب وهما يتهاوشون ام نايف وام إياد اللى كانوا جالسات بالصاله الداخلي وسمعوادهم يتهاوشون طالعين بعض يعني شلي صار كانوا بالظهر سمن على عسل والحين يتهاوشون تنهدت بياس من حالهم ام نايف بحزن : الظاهر اننا تسرعنا لما اجبرناهم على الزواج ام إياد بحزن : وانتي الصادقه انا كنت مفكره انه إياد لسى يحب اريج بس طلعت غلطانه هذاك لما كان صغير الحين كبر وصار رجال ام نايف : اللى كنت ابغاه هو سعاده اريج بس انا صرت سبب حزنها والمها اجبرتها على الزواج وهي لسى رجعت لي كان المفروض اراعي شعورها ومااجبرها على شي ام إياد : ايش الفائده الحين من هالكلام '، تنهدت واكملت : تمنيت اشوف إياد متزوج وعايش حياته بسعاده بس الظاهر الامنيات تظل امنيات إياد اللى رجع لانه نسي جواله واريج كانت معاه سمعوا كل كلامهن طلعوا جناحهم بصمت اول مادخلوا الجناح طالعوا بعض اريج : اسمع احنا لازم نلقى حل إياد : نتصرف عادي كاي زوجين قدام الكل مانتهاوش ابد قدام اي احد اريج : اوكيه اتفقنا انا ماابغى اشوف امي حزينه ولااشوفها تلوم نفسها على اي شي إياد : على اساس انا اللى ابغى اشوف امي بهالحاله لو انك تتركين عنادك ماكان تهاوشنا اريج : نعم نعم رجعت السبب كله علي شوف نفسك بالاول حتى ابتسامه ماتبتسم ترى الابتسامه ببلاش قرب منها وقال بحده : ويش قلتي اريج : قلت حتى الابتسامة ماتبتسم طول الوقت وانت مسوي كذه '، عقدت حواجبها وكشرت إياد رفع جواجبه : انا كذه اريج : ايه انت كذه سكتوا الاثنين وطالعوا بعض لما انتبهوا انهم قاعدين يتهاوشون ضحكت اريج : ماعليه احنا لحالنا صحيح إياد ابتسم وراح اخذ جواله ونزل وبعدها نزلت اريج شافت ريتال جالسه وشارده الذهن جلست جمبها وحركت يدها عند وجهه ريتال : ياهووووه وين رحتي ريتال تنهدت اريج : افا افا ليه كل هالهم على راسك ريتال : صراحه احس انه كل اللى اسويه غلط في غلط اريج : ﻻ حياتي مافي شي غلط هو زوجك صحيح ريتال : ايوه بس اريج : اتركي عنك البسبسه دامك تحبيه اظهري له حبك بهتمامك فيه سكتوا وكل وحده شردت بافكارها اريج ( قاعده انصحها وانا دوبي تورطت مع إياد...بس هي وضعها غير وضعي..عامر طيب واكيد بيحبها هذا اذا ماكان من الاساس يحبها اما إياد مااظن بيجي اليوم اللى يحبني فيه ) اريج : شرايك نروح عند مرام هذه الايام مانشوفها ابد بسبب اختباراتها والله وحشتني كانت طول الوقت هنا عندنا لدرجه حسيتها عايشه معانا بنفس البيت ريتال ابتسمت : يلا خلينا نروح هالبنت هي اللى تنسي الواحد همه...بطلع اقول لندى اذا تبغى تجي معانا اريج بسرعه : ﻻﻻﻻ لاتطلعي ريتال بستغراب : ليه اريج ارتبكت وقعدت تدور كذبه عشان تقولها لان ندى قاعده تزين غرفتها عشان تفاجئ نواف واذا طلعت ريتال راح تعرف قالت : ﻻن..لانها نائمه ريتال : نائمه بهالوقت نومت العصر مو زينه اريج : ماقدرت تنام بالليل عشان كذه نامت الحين..المهم ماعلينا منها خلينا نروح عند مرام ريتال : يلا طلعوا جابوا العبي وراحوا على بيت ابو عماد سلمو على ام عماد وعلى داليا وجلسوا معاهم شوي وبعدها طلعوا لعند مرام اللى جالسه بغرفتها دقوا الباب وماردت فتحوا ودخلوا شافوها واقفه عند مكتبتها الصغيرة وترتب الكتب فيها والسماعات باذنها وتغني مع الاغنيه قربت منها اريج وسحبت السماعات من اذنها مرام شهقت : بسم الله الرحمن الرحيم'، اكملت وهي ماسكه قلبها : هذا انتوا فجعتوني ماسمعتكم لما دخلتوا اريج : وشلون بتسمعينا وانتي باذنك هالزفت مرام ببتسامه : شسوي قاعده اسلي نفسي على بال مااخلص ترتيب اريج جلست على السرير وقالت بجديه : مرام انا ملاحظه كل مااجلي عندك القاكي تسمعي اغاني ترى الاغاني حرام وانتي تعرفي هالشي مرام وهي تقرب الكرسي وتجلس مقابل اريج وريتال : ادري بس شسوي تعودت عليها لما اسمعها يجيني حماس للشغل..واغنيه والا اغنيتين ماراح تاثر اريج : لاتستهيني بخطورة الاغاني انتي لو تعرفي عقوبتها ماكان قلتي هالكلام يكفي انه اكثر اللى يسمعون اغاني ماينطقون الشهادة عند الموت تدري باايش ينطقوا باغنيه من الاغاني اللي كانوا يسمعوها مرام شهقت : استغفر الله اريج : وفي قصص كثيره عن اللى يسمعوا اغاني لو تسمعيها بيشيب راسك ريتال : ايه والله مره سمعت قصة ومن هذا اليوم الحمدلله مااسمع اغاني مرام : قولوا قولوا ابغى اسمع يمكن اترك الاغاني وبدات اريج وريتال يحكون لها قصص واقعيه حصلت مع اللى يسمعوا اغاني واريج ورتها مقاطع كانت مخزنه بجوالها للشيوخ وهم يتكلموا عن خطورة الاغاني مرام : بس بس يكفي اللى سمعته يكفي قلبي انخلع من مكانه استغفر الله العظيم وأتوب إليه اريج : اذا تبغى تتركي الاغاني امسحي كل الاغاني اللى بجوالك وعبي جوالك كله قران واسمعي قران ومثل ماتعودتي على سماع الاغاني راح تتعودي على سماع القران واذا تبغى خذي هذه الذاكره فيها قرآن ومحاظرات وادعيه مرام خرجت الذاكره اللى بجوالها ومليانه اغاني وظلت تطالع فيها وقالت : بس والله صعبه كذه اقعد من دون مااسمع اغنيه على الاقل كل يومين ثلاث بسمع اغنيه اريج سحبت منها الذاكره وكسرتها ومدت لها بالذاكره اللى فيها قرآن : خذي ركبي هذه وترى تقدري تسلي نفسك باشياء ثانيه مرام : مثلاً اريج : مثلاً اسمعي اناشيد في اناشيد مره حلوه امممم وكمان فيكي تسمعي اغاني بس بدون موسيقى ومايكون كلام فاحش لانه الحرام في الاغاني الموسيقى والكلام الفاحش والله هو اعلم...ماافتي بس افضل انك ماتسمعي..اسمعي أناشيد شبابيه احلى مرام : ومن وين بجيب اناشيد حلوه احسها كلها بايخه اريج : لانك مابحثتي والا في اناشيد مره حلو مثلا اسمعي هذه وبدات تنشد بصوتها مرام وريتال كان فمهم وعيونهم مفتوحه على وسعها اريج : خييير شفيكم تطالعوني كذه مرام بذهول : صوتك ريتال : صوتك..صوتك يهبل مرام : عندك صوت خباااال وينك من زمان ماسمعتينا هالصوت ريتال : ايه والله يجنن مرام : انتي لازم تدخلي مسابقه غناء بتاخذي المركز الاول اريج اخذت الكتاب اللى جمبها وضربتها على راسها : انا صار لي ساعتين انصح واناصح وبالنهايه تقولي ادخل مسابقه غناء مرام مسكت راسها وقالت : اااي حرام عليك طيرتي كل المعلومات اريج : تستاهلي عشان تثمني كلامك وظلوا سوالف وضحك. الين قبل المغرب بعدها وقفت اريج بتروح عشان تتجهز الين يجي إياد وتروح معاه عند الدكتورة مرام : دقيقه اريج اريج التفتت مرام اخذت كيس ومدت لاريج وقالت : هذا الصندل اللى قلتي اشتري لك هو اريج اخذته : مشكوره قلبوا..يلا باي ومشت وصلت البيت وطلعت جناحها شافت إياد واقف عند باب البلكونه الزجاجي ويتكلم بالجوال وهو يطالع الحديقه استغربت انه جاء بدري وكمان مادق عليها انهى مكالمته وهي قالت : بتاخذني الحين المستشفى إياد وهو يضغط على جواله ويدق على رقم ورفع الجوال عند اذنه وقال لها : ﻻ بعد المغرب وبدا يتكلم مع الشخص اللى دق عليه وهي فسخت عبايتها وطرتها وجلست على الكنب انتبهت على الكيس قالت بتجرب الصندل فتحته وخرجت الصندل وانصدمت وهي تشوف شلون كعبه عااالي وشوكه كمان هي ماتحب الكعب العالي صحيح تلبس صنادل كعب بس مو عالي لهالدرجه اريج : الله يسامحك يامرام ويش ذه الصندل..خليني اجربه لبسته ووقفت وصارت تجي يمين ويسار وهي تسوي بيدها حركات عشان تمسك نفسها ﻻتطيح كانت تحرك يديها كانه تسوق سيارة <<هههه اظن تعرفوا هالحركه لما يكون الشخص بيطيح ويحاول يوازن نفسه إياد بعد ماخلص مكالمته ظل يطالعها مع حركاتها المضحكه وماقدر يمسك نفسه وانفجر ضحك اريج رفعت راسها تطالعه مصدومه إياد يضحك..وقدامها كمان هذه اول مره تسمع ضحكته والأدهى من هذا انه عنده غمازات ودوبها انتبهت لانه غمازاته ماهي ظاهره مره فاذا ابتسم ماتبان لكن اذا ضحك بقوة تبان ظلت مذهوله ونبضات قلبها تزداد مع نغمة ضحكته الرنانه إياد سيطر على ضحكه : احم وخرج واريج مسكت قلبها ورمت نفسها على الكنبه كانها داخت وقالت : ياااالبيييه على هالضحك بموت انا بموت يقولون ليه احبه هذا كل يوم حبه يزيد بقلبي جلست شوي بعدها فسخت الصندل وقامت خرجت من الجناح وراحت لعند ندى بتشوف اذا خلصت او ﻻ وصلت دقت باب الجناح ومافي رد فتحته ودخلت ابتسمت وهي تشوف الصاله مزينه بطريقه روووعه استغربت وهي تسمع اصوات تجي من الغرفه دخلت بسرعه وانصدمت وهي تشوف ندى تبكي وتكسر كل شي قدامها وخربت كل الزينه والشمع صارت الغرفع فووووضه جريت ومسكت ندى وهي تقول بخوف : ندى..ندى شفيك ندى بصراخ : اتركيني اريج مسكتها وجلست على السرير بالقوة ندى رفعت ايديها على وجهها وهي تبكي بكاء مرير وتقول بصوت متقطع : ليش...انا بايش مقصره معاه..ليش ساوى فيني كذه ليش.. اريج : ندى انت عن ايش تتكلمي ندى رفعت راسها وعيونها مليان دموع : انا حبيته من كل قلبي بس هو..هو كان كل هذاك تمثيل اريج وهي مو فاهمه شي : ندى فهميني ايش صاير ندى وبكائها زاد : نواف.....نواف متزوج علي اريج ظلت دقائق تستوعب الكلام اللى سمعته : انتي مين قال لك ندى : الزفته اللى تزوجها اتصلت علي تقول راح تخلي نواف يطلقني لانه هو اصلا مايبغى غيرها بس هو متمسك فيني لاني بنت عمته اريج : وانتي تصدقين اي احد يجي يقول هالكلام ندى : انا بالاول ماصدقتها بس اريج : بس ايش ندى اخذت جوالها ومدته لاريج وقالت : شوفي وبتعرفي اريج اخذت الجوال ووقفت مصدومه من اللى تشوفه...... . . . *** ** *