قالوا تحبيه قلت ساكن فؤادي قالوا يحبك قلت هذا سؤالي - البارت 15 - بقلم مجهول♡ - مكتملة | روايتك

قالو تحبيه قلت ساكن فؤادي قالو يحبك قلت هذا سؤالي : الفصل الخامس عشر : امتلت سماي بغيوم حزني وأمطرت دموع عيني وقلبي وعصفت فيني رياح الألم وابتلت جروحي من مطر دموعي وارتوت ذكريات أحزاني و أوجاعي ونبتت أحزان جديدة وذبلت كل الفرحة وماتت احلامي وغرقت سعادتي في طوفان الحرمان وتلونت سماي بالسواد وأعلنت الحداد وضاعت أوراقي بين الرياح ودفنت وجع قلبي في الرمال بس... الأمواج رجعت لي وجعي وأنا اللي كنت احسب الوجع راح يا فرحتي بمطر زاد آلامي ياهناي بعاصفة ضيعت مني فرحتي يا بختي برياح فتحت جروحي ضعت بهالكون أنا وين أروح ؟؟ لا مني دفنت نفسي لقتني أمواج أحزاني وعادت لي نفس العاصفة اللي هدمت لي حياتي صرت مثل جزيرة كل سكانها الم ... حزن ... وجع ... دموع ... فراق ... جروح ... ذكريات ... هموم ... حرمان.... اسطنبول في المستشفى كانوا جالسين في كراسي الانتظار القريبه من غرفه العنايه المركزه جالسه على الكرسي وتبكي بكاء يقطع القلب لدرجه ريتال اللى تحاول تهديها صارت دموعها تنزل غصب عنها عامر : اريج خلاص اهدي ادعي له البكاء مايفيد بشي اريج كان الندم والالم والحزن يقطعون قلبها الى قطع صغيرة لانها كانت السبب في الحادث اللى صار لاياد كانت تناديه باعماق قلبها ( تكفى لاتروح وتتركني اذا رحت مين راح اتهاوش معاه كل يوم ؟؟ ومين راح ينفزني بكل الطرق عشان يخليني اعصب ؟؟ مين راح يامرني سوي هذا ولاتسوي هذا ؟؟ مين راح يهددني اذا رفضت اعطيه شي؟؟ مين راح القاه ماسك يدي لما اصحى من النوم مين ياإياد مييين يارب..يارب..يارب لاتاخذه مني رجوتك يارحمن لاتاخذه.مني.. مين راح يبقى لي اذا اخذته شلون راح اعيش اذا ماشفته كل يوم قدامي شلون راح يجيني النوم وهو مو نائم جمبي..ياااااارب قلت وقولك الحق ادعوني استجب لكم فياربي كل مااريده هو ان يشفى إياد..يااااااارب..... ....ياترى كيفه الحين ) أيتألم أيتوجع أم نال منه التعب وأخفى ذاك الفتون هل محى الألم سحر عينيه آه لو أنفي الألم من هذا الكون يا ألهي ارحمني فأنا لا أستطيعx أن أبقى هكذا تقتلني الظنون لا أستطيع أن أحتمل أكثرx وأنا أقف كما يقف العاجزون مريض حبيبي وتقولون لي لا تبكيx عجباً إذاً ماذا تريدون ؟؟؟ ********************** اتيتxاليكيxوانا فى اشد الشوق لروياك اتيت اليكي وانا ادعوا المولى ان يشفاك" وصل عماد على المطار وركب مع تركي اللى كان ينتظره وراحوا على طول للمستشفى وصلوا المشفى عماد سلم على عمه ابو تركي ابو تركي : ليه عذبت نفسك ياولدي ماكان له لزوم تجي عماد بجديه : عمي طلبتك قول تم ابو تركي : تم عماد : ابغى املك على حنان ابو تركي بدهشه : تملك ؟؟!!! عماد : ايه انا جيت هنا ابغى اشوفها واهتم فيها فياليت ياعمي ماتردني ابو تركي : ياولدي ماانت شايف حالها هي الحين صارت ماتشوف ويمكن مايرجع لها بصرها عماد بثقه : انا شاريها وابغى اتزوجها هي ومابغى غيرها ابو تركي : انت متاكد من قرارك عماد : انا لو ماتزوجت حنان ماراح اتزوج غيرها ابو تركي : فكر مره ثانيه انا ماابغى بنتي تصير مطلقه عماد : افا ياعمي خليتها طلاق مره وحده انا ابغى حنان كيف ماكانت ومستحيل افكر بالطلاق بيوم من الايام ابو تركي : والنعم فيك ياولدي بس كلمت امك وابوك عماد : ايه كلمتهم...يلا بروح انا وتركي نجيب الشيخ ماله داعي التأخير ابو تركي : توكلنا على الله ********************* اسطنبول صار لهم اربع ساعات ومافي اي خبر يطمنهم اريج صار راسها بينفجر من الالم من كثر البكاء هدات بس شهقاتها مستمر ودموعها تنزل غصب عنها وماتوقفت ولادقيق عن الدعاء مسكت راسها بالم (اااااه ياربي ) وأخيراً خرج الدكتور وقفوا وراحوا لعنده اريج سبقت عامر بالكلام قالت بالإنجليزية : دكتور ارجوك اخبرني كيف هو الدكتور : لاداعي للقلق فقد نجحت العمليه من الجيد انكم اسعفتوه بالوقت المناسب والا كان من الممكن ان يحصل له نزيق داخل اريج شهقت وهي تضع يدها على فمها عامر : حسناً دكتور اخبرني كيف هو الان هل هناك كسور او ضرار اخرى الدكتور : اجل ليه كسر بيده اليمنى وهناك كدمات ورضوض بجسده عامر : هل نستطيع رؤيته الدكتور : اجل لكن بعد ان ينقلوه من العنايه عامر : ارجوا انت تنقلوا الى جناح الدكتور : حسنا.ً..وأيضاً هو الان تحت المخدر قد لايستيقظ قبل صباح الغد عامر :اوكيه.. شكراً لك دكتور الدكتور : العفو هذا واجبي ومشى الدكتور ********************* الشرقيه "قالوا بتلقى غيرها واترك هواها اليوم قلت العفو ياحاسدين ماابدل قمر بنجوم" عند عماد وتركي وقفوا السيارة جمب بيت جد عماد عشان يجيب اخواله شهود نزل عماد وتركي منتظر بالسيارة دخل وسلم على جدته واخواله وخالته اللى استغربوا جيته كذه فجاة جلس وحكى لهم السالفة وطلب من اخواله الاثنين يجوا معه الجده : بس ياولدي شلون بتتزوجها وهي صار ماتشوف اتركها وبتلقى غيرها عماد وقف بحزم : ماابغى غيرها يلا خلونا نمشي وخرجوا ******************* المستشفى عند حنان كانت جالسه بصمت جائت امها وقالت : حنان عماد جاء حنان فز قلبها لما سمعت اسمه وقالت : جاء؟؟! ام تركي : ايه وصل قبل نصف ساعه...'، سكتت شوي وقالت بجديه :حنان ابغاك بموضوع حنان خافت من نبرت صوت امها واول ماخطر ببالها معقوله يكون عماد جائي يقول لهم انه ماعاد يبغاها قالت بتردد : موضوع يخصني ام تركي : ايه يخصلك انتي وعماد حنان تاكدت من تفكيرها ودموعها اللى صارت كثير ماتنزل من امس قالت : ماابغى اسمع ام تركي : حنان شفيك هذا شي ضروري لازم تسمعي..عماد جاء عشان حنان صرخت وهي تغطي على اذانها بيدها : ماابغى اسمع..ماابغى اسمع اتركوني ليه تعذبوني كذه مايكفي اللى فيني ام تركي مسكتها وهي تهدي فيها : حنان حبيبتي خلاص بس اهدي ايش صار لك حنان بحزن : ماابغى اسمع ام تركي : حبيبتي والله لو الموضوع يتاجل كان اجلته بس الشيخ جائي بالطريق حنان ترددت كلمه شيخ براسها قالت بحروف متقطعه : ش ي خ ام تركي : ايه عماد يبغى يملك عليك حنان بصدمه : يملك علي..'، سكتت شوي وقالت بسخريه : ليه لهدرجه انا مثيره للشفقه يبغى يملك علي لانه شفقان علي ام تركي مراعيه حالتها النفسيه قالت : يابنتي شهالكلام عماد اول ماسمع باللى صار لك جاء ويبغى يملك عليك لانه يبغى يشوفك وماراح تفرق اذا قربنا الملكه وملكنا لك اليوم عادي الموعد اللى كان للملكه بنسويه فرح حنان بالم : يمه انتي عارفه حالتي انا الحين غير عن قبل انا الحين عمياء منو بيرضى يتزوج وحده عمياء ام تركي : وعماد يعرف هذا الشي وماعنده مشكله وبعدين مين قال لك انك بتظلي كذه كلها ايام وإن شاء الله يرجع لك بصرك دخل ابو تركي : يلا يامره لبسيها شي على راسها الشيخ جاء ام تركي اخذت طرحه وغطت راس حنان ووجهها دخل الشيخ وتركي وعماد واخوال عماد وجلسوا بعيد عن حنان بالجهه الثانيه ******************** اسطنبول واقفه تطالع فيه من بعيد وقلبها يتقطع على شكله التعبان وجهه المرهق وربطه الشاش على جبينه ويده ملفوفه بالشاش عامر دق جواله وقف وقال: اجلسوا معاه انا شوي وراجع وخرج اريج قربت من إياد بتردد وقفت عنده ونزلت دموعها قالت : اسفه ادري إني السبب فلي انت فيه ومابيدي غير الاعتذار سامحني وبكت ريتال مسكتها وجلسوا على الكرسي : خلاص يااريج لاتلومي نفسك انتي مالك ذنب هذا نصيبه مقدر ومكتوب اريج ببكاء : شلون مالي ذنب لو انني انتبهت ماكان صار فيه كذه... كان المفروض اكون انا مكانه وانا اللى تصدمني السيارة بس هو ابعدني عنها وصدمته هو ريتال حضنتها وهي تطبطب عليها ********************* ميلانو بيت ابو رافي جناح رافي رافي يكلم بالجوال : ﻻحوله ولاقوه إلا بالله..شلون صار الحين عامر : والله الحمدلله لساته ماصحي رافي : الله يقومه بالسلامه عامر : آمين رافي : الاهل عرفوا عامر : لا لاتقول لاحد خلينا بالاول نطمن عليه وبعدين نشوف رافي : يلا الحمدلله على سلامته مع السلامه ماابغى اطول عليك انا بس كنت ابغى اطمن عليك عامر : في أمان الله رافي سكر وهو يتنهد : لا حوله ولاقوة الا بالله من وين جائتهم هالمصائب مره وحده بس شكله عامر لسى مايدري باللي صار ببنت اخته اتصلت عليه عشان اشوف اذا بيسافر الشرقيه عشان يزور بنت اخته بس سمعت ماهو اعظم ابتسم : كل واحد مايبغى يقلق الثاني اهله مايبغوا يقلقوه بالخبر وهو مايبغى يقلقل اهله ******************** بالشرقية بعد ما ملك لهم الشيخ ومشى خرجوا اخوال عماد بعد ماباركوا له والكل بارك لعماد وحنان ابو تركي : ام تركي يلا خلينا نتركهم شوي حنان تمسكت اكثر بامها ام تركي ابتسمت : حبيبتي بس شويه وبرجع لاتخافي وخرجوا تركي وابو تركي وام تركي حنان كانت تحس ببرود بجسمها من الخوف والخجل والحزن والالم عماد يتاملها بحب وهي تفرك ايدها اقترب منها وجلس بطرف السرير وقال : مبروك حنان ماردت عماد بابتسامة : انتي لساتك مثل ماانتي ماتغيرتي من يوم شفتك بالشوفه الشرعيه حلوه ووجهك احمر من الخجل بس تغير شي واحد وجهك صار مثل الورده الذابله ليه متعبه نفسك سمعت انك من امس تبكين حنان قوة حالها وقالت وهي بجديه وهي تخفي خجلها اللى كاسيها : ليه تزوجتني لما ماسمعت رد قالت : ليه تزوجت وحده عمياء ماتشوف شلون راح تعيش معاها وهي حتى كاس المويه ماتقدر تقدمه لنفسها فاايش راح تقدمه لك عماد برومانسيه : يكفي انني اسمع صوتها اللى يحيني وانني شفت وجهها اللى مت شوق لشوفته واني راح اكحل عيوني بشوفتها قدامي وانها وافقت تكون حبيبتي اللى مااقدر اعيش بدونها حنان احترق وجهها من الخجل هذا وهي ماتشوفه بس تسمع صوته القريب منها انتفضت وهي تحس بيده على خدها عماد ابتسم : خجلك هذا راح يجنني بس من اليوم راح انسيك الخجل لازم تتعودي على اي شي ممكن اسويه وقرب منها وباسها بوسه سريعه وقال : واقرب مثال هذا حنان تمنت الارض تنشق وتبلعها من الخجل نامت وغطت نفسها بالشرشف الأبيض وقالت : اخرج عماد ضحك : ههههه راح اخرج بس راجع لك وقام خرج وفي نفسه (صدقيني راح انسيك هذا الحزن اللى بعيونك ) ********************* ميلانو بيت ابو عماد غرفه مرام تتقلب على السرير مو جائيها نوم جلست وهي تتافف : اووففف لما اكون ماابغى انام يجيني النوم وغصبن عني ولما ابغى انام مدري وين يسافر النوم ويتركني مسكت جوالها : ياترى ريتال واريج بيكونوا صاحيات طالعت الساعه وكانت الثانيه مرام بتفكير: يعني بيكون عندهم الوقت على مااعتقد وحده اظن بيكونوا ناموا امممم مين اتصل عليه مين ممكن يكون صاحي......تالييين اكيد بتكون زعلانه على حنان وماقدرت تنام دقت عليها وردت تالين بصوت مليان نوم : الو مرام : ﻻ بارك الله بعدوينك وانا اقول بتكون زعلانه على اختها وماقدرت تنام وانتي مكبره المخده ونائمه تالين : يعني ايش تبغيني اسوي لها ابكي الين يصير بحر واخليها تغتسل فيه عشان تشفى مرام ضحكت : ليه لا تالين : اقول مرام انتي فاضيه وانا فيني نوم وعندي بكره محاظره الساعه ثمانيه انتي ماعندك جامعه بكره مرام : الا عندي بس والله مارضي يجيني النوم تالين : ماشاء الله وتبغين تسهرين على حسابي مرام : اوف منك انخمدي مع السلامه تالين : بعد ايش بعد ماطيرتي لي بالنوم مرام بفرح : يعني بتقعدي تتكلمي معي تالين : ما باليد حيله مرام : يسس...اممم طيب احيكي ايش صار بحنان بالضبط... ********************* اسطنبول ليتxالمرضxفينيxولافيك سمه ياليت انا اللي رحت يم الدكاتر ياليت جرحك وسط قلبي اضمه ذي حكمة الله وماعلى الرب قادر لو المرض بي عنك يازين سمه ولو المرض حرمان والله لخاطر ماشفت من دنياي غير المطمه والمشكله من ما حصلي اكابر والله لو المرض بي والله للمه لوكانxاخرهاxزيارةxمقابر شفتو المرض ياكبر ظلمه حكم بالهم فيني وحكمه جاير انا طلبت الله في ها ظلمه ياربي ارفق وانت داري وخابر ياليته مرتاح وانا عنه في غمه ياليت كل عله والمرض بي صاير وش خانت الانسان لاغاب حبه يالله طلبتك فك هــمـي ياقادر ليت كل سامعـ(ن) بي يدعي ربه ان المرض فيني ولافيه صاير في المستشفى بعد محاولات عامر العديده في الدكتور انه يسمح لهم يباتوا كلهم مع إياد وبسبب مركزهم الاجتماعي وسمعتهم سمح لهم الدكتور كان عامر نائم على الكنب وريتال نائمه على السرير الثاني اللى يكون للمرافق اما اريج اللى مارضت تنام جالسه جمب إياد اريج بحزن وهي تطالع إياد : ليت التعب فيني ولافيك ليت الوجع كله فيني ولافيك...يلا اصحى عاد..ناوي تعذبني فوق عذابي...مااقول لاتعذبني عذبني على كيفك لكن لاتعذبني فيك ﻻتعذبني بصمتك هذا فهو يقتلني تكفى اصحى ونزلت دموعها بصمت اليم قامت من جمبه الساعه ثلاثه دخلت الحمام (اكرمكم الله) وتوضت وخرجت صلت وجلست تدعي وتناجي ربها انه يشفي إياد الين جاء وقت صلاة الفجر صحت ريتال وعامر عشان يصلوا . . وبدا الظلام يجلى والشمس تضي الارض بنورها خرج عامر يجيب لهم فطور لانهم ماتعشوا على مااكلوا امس الظهر رجع ومعاه فطور اريج رفضت تاكل عامر : يابنت الحلال اجلسي كلي..لانمتي ولاتبغى تاكلي اللى تسويه ماراح يشفي إياد اريج بتعب : والله مالي نفس اكل شي كلوا انتوا بالعافية عامر تنهد : مافي امل منك خلصوا يفطروا وجلسوا وجاء الدكتورة يشوف إياد الدكتور : لم يفيق بعد؟؟ عامر : ﻻ هذا حاله من امس.. دكتور لماذا لم يفق حتى الآن هل هناك شي لانعلمه الدكتور : ﻻتقلق انه نائم فقط يبدوا انه متعب كثيراً ريتال شافت يد إياد تتحرك وعيون كانه يحاول يفتحها قالت بفرحه بالعربيه : شوفوا إياد صحي طالعوا فيه وهو يفتح عيونه ببطئ فتح عيونه وطالع في المكان وكانه بدأ بستوعب هو وين الدكتور : اخيرا افقت سيد إياد عامر بفرحه : الحمدلله على سلامتك ماتشوف شر يالغالي إياد وملامح وجهه تنقبض من الآلم قال بصوت متعب : الله يسلمك ريتال ببتسامه : واخير صحيت مابغيت اريج كانت تطالعه من بعيد شوي وهي فرحانه لانه صحي بس كانت خائفه تقرب منه وهي تدري انها السبب فلي هو فيه شافته يحاول يجلس بعد مافحصه الدكتور وهو يتالم باين من ملامح وجهه قرب منه عامر ومسكه وساعده يجلس "ليت التعب بعروق قلبي ولافيك وليت الوجع غلطان ساهي ولاجاك لو الشفاء بضلوع صدري لاداويك وأطحن جميع ضلوع صدري فداياك الله من شر المقادير يحميك والله يحفظك ياعيوني ويرعاك" عامر وريتال كانوا يتكلمون وينكتون يحاولون ينسوه الالم شافت إياد ابتسم ابتسامه خفيفه متعبه ابتسمت لبتسامته (جعلني فدوى لهلابتسامه ) دق قلبها لما شافته يطالع فيها حست عروقها تجمدت من الخوف خائفة تواجهه عامر وريتال لما شافوهم يطالعون بعض انسحبوا بهدوء وخرجوا إياد وهو يتامل اريج قال بهدوء : مافي الحمدلله على السلامة اريج نزلت عيونها والغصه خنقتها كانت تتوقع يخاصمها يبهذلها يقول مايبغى يشوفها قدامه لانها السبب فلي هو فيه ﻻزالت تسي الظن فيه ماتوقعت ينطق بهذه الكلمات اللى توحي لها كانها ماسوت شي سمعته وهو يناديها ولاول مره تحس في صوته حنان وهذا زاد من عذابها رفعت راسها لما سمعته يناديها مره ثاني والدموع متجمعه بعيونها إياد وهو يتامل عيونها البحر من الدموع "عيونك بجمالها تسحرني بلحظ سهامها ترميني كغزال شارد أو ظبي يرمقني أكاد أذوب من نظرة هذه العيونx فالسحر فيها وفي الأهداب والجفون سبحان من صورك بهذا السحر المجنون" قال بهدوء : تعالي اريج قربت منه بخطوات متردده وقفت مقابله له وهي منزله عيونها إياد مد يده وسحب غطوتها اريج انصدمت من حركته ماتوقعتها كانت تغطي بعض من دموعها في هذه الغطوه والان وجهها كله يبان قدامه ودموعها اللى مو راضيه توقف وتنزل على خذها الناعم إياد مد يده ومسح دموعها وقال : ليه الدموع اريج ماقدرت تكتم اكثر طلعت شهقتها وبدات تبكي وهي تقول : انا اسفه.. والله ماكان قصدي...انا ماانتبهت..انا..انا وماقدرت تكمل كلامها من البكاء إياد مد يده الشمال اللى مافيها شي لخلف ظهرها وسحبها وصار حاضنها او بالاصح هو بحضنها كان راسه على صدرها ويده مشدوده على ظهرها اريج توقف صوت بكائها لكن دموعها ماتوقفت رفعت ايديها بتردد وحضنته بخفه عشان ماتوجعه ونزلت راسها لفوق راسه سمعته يقول : انتي مالك ذنب هذا قدري اريج وهي لسى على نفس الوضعيه : بس انا إياد بعد عنها وهو يرفع اصبعه السبابه على شفايفها ويقول : اوششش خلاص انسي كل اللى صار انا ماابغي تفتحي هذه السيره نهائياً...اوكيه اريج طالعت فيه وابتسمت وهي تمسح دموعها : طيب سمعوا دق الباب ودخلت النيرس ومعا عربه الاكل رتبت له الاكل لقدامه وخرجت اريج انتبهت انه ماراح يعرف ياكل لانه يده اليمنى مسكور جلست على السرير مقابله وقالت ببتسامه : انا راح اكلك ومن اليوم انا بكون يدك إياد : ﻻ مايح اريج تقاطعه : ولا كلمه يلا افتح فمك وبدات تاكله وهي مبسوطه تحس كانه جبل انزاح عن قلبها... إياد : بس خلاص استغفر الله العظيم لاعت كبدي من هالاكل اريج تمده له بالاكل إياد : قلت خلاص ماابغى اريج : راح تاكل وغصبن عليك إياد : نعم...مافي احد راح يغصب إياد على شي اريج بصوت واطي : مغرور إياد : ايش قلتي اريج : ماقلت شي إياد : ومين قال اني مغرور خيالك اريج : اعوذ بالله شلون سمعت دخلواعامر وريتال اللى راحوا اخذوا لهم لفه بممرات المستشفى ورجعوا شافوا اريج وإياد اللى يتهاوشون طالعوا في بعض بدهشه وبعدين ضحكوا ******************** الشرقيه الساعه السابعه والنصف بيت ابو تركي على طاولت الطعام كان ابو تركي وتالين وتركي وشهد يفطرون تالين : شلوون حنان ملكت من دون ماتقولون لي ليه يعني انا مو من العائله تركي بينفزها : انتي لو مهتمه ب اختك كان عرفتي ابو تركي : تالين يايبوك ماكان في وقت نخبرك وانتي اساسا كنتي نائمه تالين تكلم نفسها : ومراموه الزفت شلون ماقالت لي هين حسابها عندي قامت واخذت شنطتها ومشيت تركي : لوين لسى باقي نصف ساعه على محاظرتك تالين : بروح المستشفى بشوف الخونه شلون يملكون من دون مايخبروني وخرجت ركبه السيارة وقالت للسائق يروح على المستشفى وخرجت جوالها ودقت على مرام درت مرام بصوت ناعس : نعم تالين : نعامه ترفسك...يالخاينه ليش ماقلتي لي مرام وهي تتثاوب : ايش اقول لك تالين : ﻻااا ومسويه نفسك ماتعرفي انه عماد ملك على حنان مرام فزت من على السرير وقالت بصدمه : من جدك تتكلمي تالين بتسغراب : ليه انتي من جد ماتعرفي مرام وهي تقوم : لا محد قال لي الحين بسال امي تالين : شكلنا على الهواء سوا مرام تنزل الدرج وتنادي : يمه يمااااه يمه ام عماد : خير ويش فيك يابنت مرام : يمه من جد عماد ملك على حنان ام عماد : ايه مرام : ليش ماقلتوا لي انا اخر من يعلم تالين اللى لسى على الخط ضحكت : مو انتي بس حتى انا دوبي اعرف مرام : هين ياعمادوه الخاين شلون يملك من دون مايقول لاخته تالين : اقول يلا باي وصلت المستشفى نزلت من السيارة ودخلت المستشفى وهي تمشي بخطوات سريعه وكانها رايحه حرب الين وصلت الغرفه فتحت الباب وقالت : حنااانووووه ام تركي : بسم الله الرحمن الرحيم عماد : قل أعوذ برب الفلق حنان بس ابتسمت لانها عارفه اختها وعارفه هي ليه جائت معصبه تالين : خير شايفين جني عماد بمزح : لو شفت جني كان ارحم تالين متعوده على عماد بسبب انه اكثر واحد من عيال اخوالها كانت تشوفه لانه يجي عشان حنان فصارت تتكلم معاه بطبيعتها وماعندها مجاملات قالت : انت اسكت ولا كلمه ام تركي بصرامه : يابنت عيب تالين : عيب واللى سوه هذول الاثنين ايش تسميه ام تركي : ايش سوا تالين : الست حنان تملك من دون ماتقول لي عماد : ليه انتي امها والا ابوها عشان تقول لك تالين بقهر من ردوده : انا اختها يااستاذ..ولو سمحت لاتتدخل بيننا صاحبت الشان ماقالت شي انت ليه ترد عماد : زوجتي وادافع عنها ام تركي : بس بس بتقلبوها معركه...تالين انتي ايش جابك مو عندك جامعه تالين طالعت ساعتها : ايه الين رايحه بس جيت اشوف حنان ام تركي : يلا زين جيتي بركب معك نخلي السائق اول يوصلك وبعدين يوصلني للبيت تالين بستفهام : بتروحي البيت؟؟ ام تركي : ايه بروح ارتاح لي ساعتين وارجع تالين : ومين بيقعد مع حنان ؟!! عماد : رجال طول عرض واقف قدامك وتقولي مين بيقعد معاها تالين شهقت : يمه هذا بيقعد معاها ام تركي : ايه شفيها هو زوجها الحين تالين : حتى لو زوجها مايصير يجلس معاها هو لسى بس مالك عليها ام تركي : اقول امشي بلا كثرت هرج انا ماشيه اتبعيني بسرعه وخرجت تالين طالعت عماد بقهر عماد : انتي الحين ايش دخلك بالموضوع كله تالين طالعته بنص عين : صراحه مااظمنك اخاف على اختي منك عماد : ظمنتيني ماظمنتيني مايهمني تالين انقهرت : حنااان شوفي زوجك حنان ضحكت : انتي ماعليك منه روحي بس لاتتاخري على الجامعه ام تركي رجعت : تالييين تالين انفجعت : ايه يمه جيت جيت وخرجت جري عماد ضحك : هذه البنت وربي نسخه طبق الاصل عن مرام جلس جمبها على السرير : تصدقي اشتقت لمراموه ماكمل كلمته الا وجواله يرن طالع في الاسم اللى ظهر على الشاشه وابتسم : اذكر القط يجيك ينط رد : هلا مرام : ﻻ هلا ولا غلا ولا مرحبا عماد : خير خير ويش فيكم اليوم انتي وتالين ناسفيني من صباح الله خير ويش سويت لكم انا مرام بقهر : ويش سويت تتزوج وماتقول لاختك ماناقص الا تجي وانت معك طفل وتقول هذا ولدي عماد طالع حنان وابتسم وقال : ليه لا مو بعيده مرام : عمادوه تراني حدي معصبه منك لاتزيد تستفزني عماد بنفزها : وليش معصبه ومين انتي عشان تبغيني استشيرك بزواجي مرام : اقول مع السلامه عماد ضحك : لحظه لحظه امزح معك ايش فيك بتسكري حتى من دون ماتقولي مبروك مرام : الحين انا معصبه بسكر ولما اهدئ بتصل ابارك لك..سلام وسكرت عماد ضحك وهو يطالع الجوال : هالبنت بتجنن زوجها حنان ابتسمت : يحق له ينجن بس مو منها بينجن عليها لانه مرام ماشاء الله بنت زي العسل مافي احد يتعرف عليها ومايحبها عماد قرب منها وهي رجعت وراى لما حست فيه قريب عماد قرب وهمس عند اذنها : بس مافي احد بيجن على زوجته كثر جنوني فيك حنان وجهها صار علبة الوان عماد : تكفين ارحميني من هالخجل ترى بتهور بعدين بتكوني انتي السبب حنان اشتعل وجهها خجل وقالت بحياااء وصوت ياالله ينسمع : عماد قوم اخرج عماد انفجر ضحك :ههههههههه لاتكوني صدقتي كلام اختك حنان بخجل : صراحه كلامها صحيح ماحد يظمنك مع تصرفاتك هذه عماد وهو كاتم ضحكته : ﻻ عاد من جد انتي لازم تخفي من هالخجل عشان كذه انا بديت ادربك من امس واليوم لسى الدرس ببدايته حنان تمنت الارض تنشق وتبلعها سمعوا دق الباب عماد بعد عنها ودخلت الدكتورة وحنان كان ودها تبوس راس الدكتورة ولاول مره تتمنى لو الدكتورة تطول معاها ****************** ميلانو في الجامعه سديم كانت ماسكه بمرام ومو راضيه تتركها مرام : سديييم شفيك اتركيني ترا مو هاربه وبعدين ويش هذا الحب لاصلقه فيني كذه سديم : ﻻﻻﻻ خايفه شوفيها مرام : مين سديم : هذيك البويه تخوف من لما بدات المحاضره وهي تطالعيني والحين لما خرجت وهي كمان تطالعني مرام بعدت يد سديم اللى ماسكتها وقالت : يالهبلا هذه تراها بنت مثلها مثل غيرها لو ولد كان ممكن ابرر خوفك اما تخافين من بنت هذه قويه سديم : مرام شفيك اقول لك هذه بويه تعرفي ايش معني بويه شوفي شكلها كيف وربي لما اشوف شكلها شعر جسم يقشعر وال... سكتت وجهها انقلب احمر وهي تشوف الدكتور سامر وشكله سمع بعض من كلامهن مر من جمبهن بهدوء مرام باست يدها وجهه وقفا : الحمدلله والشكر كل الخوف راح من لما شافت الدكتور وجاء بداله حياااء..اقووول اصحي مالك امل فيه سديم طالعتها : ويش قصدك مرام : اللى اقصده اياكي واياكي تحبيه لانه مستحيل يكون من نصيبك سديم دفتها : وجع حب مره وحده تراه مجرد اعجاب فقط لاغير انتي وين راح بالك مرام تلعب بحواجبها : بعد الاعجاب ياتي الحب ******************** اسطنبول في المستشفى إياد : صحيح نسيت اسالكم اهلنا يعرفون بالي صار عامر : ﻻ إياد : زين لاحد يخبرهم انا بقعد باسطنبول الين اشفى تماماً وبعدين بسافر عامر : ﻻتشيل هم ماراح يعرفوا سكتوا شوي إياد وكانه تذكر : جوالي وين؟؟ عامر ضحك : شوف كاهو جمبك بس ترحم عليه مااظن انه بيشتغل إياد لف يشوفه واريج وقفت بسرعه وجابته له اخذه طالع فيه كانت الشاشه متكرسه والغلاف الخلفي مكسور فتحه وخرج الشريحه ولف على عامر : ابغى جوالك عامر : نععم مستحيل اعطيك جوالي واقعد كذه إياد : ياخي ماراح اخذه بتصل على سطام يشتري لي جوال عامر خرجه من جيبه : ذكرتني ترى كلمني امس كان يبغى يشوفك ويطمن عليك بس قلت له الدكتور ماراح يسمح له يدخل احنا خلنا بالقوه نجلس معاك عشان كذه قلت له يجي اليوم بس مدري متى جاي إياد يدق على رقم سطام : زين اجل بخليه يشتري الجوال ويجيبه معه اريج بتفكير (الا صحيح وينه هذا سطام اذكر انه جاء معنا بنفس الطائرة ومن بعد هذاك اليوم ماعاد شفته حسب ماقالت لي ندى انه يكون دائماً مع إياد ولما يسافر يقعد معاه بالفله بس هذه المره شكله لاني موجوده راح....بس الفله كبيره كان يقدر يقعد فيها ) انتبهت على عامر يوقف هو وريتال بيمشوا وقفت وهي تقول : دقيقه بجي معاكم عامر بستغراب : وين مو قلتي بتقعدي مع إياد اريج : ايه صحيح بس بروح معاكم البيت ابدل ملابسي وارجع ريتال : خليكي وانا برسل لك ملابس مع السواق اريج : لا ماابغى اجيب ملابس لهنا بكون اروح البيت ابدل وارجع ريتال : اوكيه يلا نمشي وخرجوا إياد تمدد وتنهد وهو يطالع سقف الغرفه بشرود ظل على هذه الحاله تقريبا ربع ساعه كان يفكر بعمق لدرجه ماسمع الباب اللى اندق ودخل منه سطام : السلام عليكم إياد انتبه : هلا سطام وعليكم السلام سطام : الحمدلله على سلامتك طال عمرك إياد جلس : الله يسلمك سطام مد بالكيس وكان فيه الجوال إياد : شكله لما كلمتك كنت عن محل الجوالات "يقصد انه جابه بسرعه" سطام : لما كلمتني كنت في طريقي جائي اشوفك ومريت على المحل اشتريته وجيت إياد : على العموم شكراً سطام : هذا واجبي طال عمرك اياد فتحه ودخل الشريحه للجوال سطام : تحتاج شي طال عمرك إياد : ايه ابيك تجيب حارس لاريج بس يحرسها من بعيد من دون ماتحس فيه سطام : ابشر طال عمرك.....طال عمرك لازم نجيب حراس يحرسونك هنا إياد : انتبه تغلط مثل هذه الغلطه لو جبت حراس راح يشكوا انه في شي سطام : حاظر طال عمرك..'، سكت شوي وقال : تتوقع عرفوا انها هي نفسها إياد : تقصد اريج ﻻ مااظن انهم عرفوا انها هي سطان : شلي يخليك متاكد إياد : ماراح يعرفون لان كل اللى كانوا بهذيك العمليه انقتلوا...لكن سبب تعرضهم لها لانها زوجتي ولانها اخت نايف..المهم انت جيب لها حارس محترف يقدر يحميها من دون ماتعرف سطام : إن شاء الله طال عمرك راح يصير كل اللى تبغاه بس انت انتبه لنفسك ....الحين اسمح لي انا استاذن وخرج ******************** ميلانو في الجامعه بعد ماخلصوا البنات محاضراتهم رجعوا على البيت الساعه ثلاثه اول ماوصلوا التفتت مرام لسديم وقالت : سدوم ابغى السيدي اللى كلمتيني عنه سديم وهي تنزل من السيارة : اوكيه تعالي معي وخذيه مرام نزلت ومشت مع سديم الين فلتهم دخلت..سديم طلعت فوق تجيب السيدي لمرام..ومرام سلمت على عمتها اللى جالسه بالصاله مع مازن مرام : ايش اخبار النسيب مازن : يسرك الحال انتي كيفك وكيف الحب"يقصد داليا" مرام : انا بخير والحب تراه بين فلتنا وفلتكم كم خطوه واظن انك دائما تشوفها ويمكن تعرف اخبارها اكثر مني مازن ضحك : ول ول كل هذا لاني سالت عن حالها مرام : وانتوا متى بتفكونا وتتزوجوا صار لكم سنه مالكين مازن ابتسم : في العاجل القريب إن شاء الله نزلت سديم واعطت السيدي لمرام ومرام اخذته وراحت بيتهم ****************** اسطنبول في المستشفى كان إياد يكلم نايف بالجوال إياد : اول ماصحيت كنت ناوي اقسى عليها اكثر من قبل بس لما شفتها ماقدرت لانه كان واضح انها تلوم نفسها وتفكر انها هي السبب بالي صار لي ماتدر انه لو صار لها شي كنت راح اكون انا السبب نايف : وانت ايش دخلك عشان تكون انت السبب إياد : لاتنسى انهم هاجموها لانها زوجتي نايف : ولاتنسى انها بعد اختي يعني حتى لو ماكانت زوجتك بيهاجموها لانها اختي ويعرفون قد ايش احنا فرحانين فيها لانها رجعت لنا بعد كل هذيك السنين إياد سكت نايف : المهم انت شخبارك إياد : الحمدلله يد مكسوره وجسم كله رضوض ومافي مكان سليم فيني نايف ضحك : بتكبر وتنسي ..والاكل تاكل والا مااكلت شي عاد عارفك زين ماتحب اكل المستشفيات إياد كشر : ليه اختك بتتركني بحالي الفطور والغداء مابقى شي مااكلته نايف ضحك : والله وجاء اللى يكسر راسك '، واكمل بخبث : والا لانها اكلتك بيدها إياد رفع واحد من حواجبه : وانت ايش دراك نايف ابتسم : شي بديهي يدك اليمنى مكسورة واعرف اختي حنونه لو شافت حالتك اكيد بتاكلك بيدها وفوق هذا كله هي مفكره انها السبب باللى صار لك إياد انتبه على اريج جائت : هذا هي جائت تبغى تكلمها نايف : اكيد اعطيني اياها إياد : اريج اريج تركت الكيس اللى بيدها والتفتت وهي تسمعه يناديها وقالت : هلا إياد وهو يمد لها بالجوال : نايف يبغى يكلمك اريج الجوال : الو نايف : هلا والله وغلا بااختي الحلوه من زمان عن هالصوت الحلو اريج ابتسمت : طالما انت مشتاق لسماع صوتي كذه ليه ماتتصل على والا انا بس اللى لازم اتصل واذكرك انه عندك اخت من لما جيت اتصلت عليك مرتين وانت ولا مره دقيت علي نايف : فديتك والله مشغول والا انتي دائم على البالي انتي الكل في الكل اريج ضحكت : ﻻ عاد مااستحمل كل هالمدح نايف ابتسم : شرايك نسكر الموضوع لانه في ناس اكيد الحين ودها تذبحني اريج رفعت نظرها لاياد نايف : ماقلتي لي إياد كيف حالته من جد اتحسن والا هو كذه يقول اريج : انت تدري نايف : اكيد اريج : هو ماشي حاله بخير نايف : اسمعي إياد يكره اكل المستشفيات دائماً كان يخلي سطام يجيب له اكل من برى بس انتي اكليه غصبن عن خشمه اريج بستفهام : دائماً ليه هو كم مره دخل المستشفى نايف ارتبك : هاه اقصد انه من لما كان صغير الين الحين لو تعب وراح المستشفى ماكان يرضي ياكل اكل المستشفى اريج : اهاه انت لاتشيل هم انا موجوده نايف : اوكيه..تحتاجي شي اريج : ﻻ سلامتك..سلم على امي وابوي وجدتي ومراد ونواف وندى نايف بمزح : ماتبغي بعد اسلم على داليا ومرام وامل وسديم اريج ضحكت : عادي لو لقيتهم سلم عليهم نايف : اقول يلا مع السلامه انا مشغول وانتم فاضيين عطلتوني عن شغلي اريج : اوكيه باي لاتقطع وسكرت وهي تمد بالجوال لاياد إياد طالع الكيس اللى جابته معاها : ايش هذا مو قلتي ماتبغي تجيبي ملابسك لهنا اريج : هذه مو ملابس هذا بعض الاشياء اللى احتاجها مثل سجاده وشرشف صلاة لاني مااقدر اصلي بعبايتي واشياء غيرها لفت وبدات تفك غطوتها لفت عليه بعد مافسحتها وقال : عادي لو قعدت كذه إياد وهو يشيح بنظره عنها : عادي بس خليها جمبك لو جاء الدكتور اريج ابتسمت وهي تجلس على طرف السرير : انت جوعان إياد كشر : ﻻ اريج ضحكت : ماراح اعطيك من اكل المستشفى جبت لك اكل معي إياد : ايش جبتي اريج : اكل خفيف شوربه وسلطه خضار وسلطه فواكه اظن هذا أفضل من اكل المستشفى إياد : انتي سويتيه اريج : ايه إياد : متى لحقتي تسويه وترجعي بهذه السرعه اريج ضحكت : حسستني اني مسويه لحم مشوي هي كلها شوربه وسلطه ماتاخذ ربع ساعه كانت تكلمه وهي تخرج الاكل قالت : تبغى اجيب لك بتاكل الحين إياد : لا خليه بعدين دق جوال اريج تركت اللي بيدها وخرجت الجوال من الشنطه شافت انها لمى (اوبس نسيت اكلمها ) ردت : الو لمى : السلام عليكم اريج : وعليكم السلام هلا لمى معليش نسيت ادق عليك لمى ببتسامه : عادي ياقلبي انا بس حبيت اطمن عليك كيفك شخبارك اريج : الحمدلله تمام انتي كيفك لمى : الحمدلله... سكتت اريج : ليش حاسه انك تبغي تقولي شي لمى : ايه في .. قبل اسبوع بدور سقطت.....ادري انه مايهمك اخبارها بس في شي لازم تعرفيه الله اخذك لك حقك تذكري هذاك اليوم لما اتهمتك بدور انك دفيتيها من الدرجه سبحان الله...الله خلها تطيح من نفس المكان وسقطت تدري شكلها بعد ماطاح ولدها حست بالذنب انه هذا بسبب اللي سوته فيكي واعترفت انه كل شي كانت تقوله عنك كذب وانها اتهمتك في كل مره كذب تصدقي ابوي وامي ونادر انصدموا وحسوا بالندم على اللي سوه معك اريج بعدم اهتمام : مايهمني ندموا والا ماندموا الندم الحين مايفيد بشي ظل الصمت بينهن ثواني بعدها قالت لمى تغير الموضوع : يلا اريج اكلمك بين الحين بروح المستشفى ازور حنان اريج عقدت حواجبها بستفهام : حنان؟؟ ليش شفيها لمى متفاجاة : ليه ماتدري انه حنان من يومين طاحت من الدرج وفقد بصرها اريج بصدمه قالت بصوت عالي شوي : وشهووو لمى : ليه ماتدري؟؟ اريج : انتي من جدك تتكلمي لمى : ايه والحين انا رايحه اشوفها بالمستشفى اريج : طيب شلون صار هالشي لمى حكت لها السالفه بعد ماسكرت الخط اياد سالها: شلي صاير اريج : حنان اياد : شفيها اريج : يقولوا فقدت بصرها اياد عقد حواجبه : شلوون اريج حكت له نفس الكلام اللي قالته لمى اريج اتصلت على عامر وقالت له وعامر اتصل على اخته ام تركي يطمن على حنان وبعدها اتصل على امه عامر : يمه امس اتصلت عليك ليه ماقلتي لي الجده : ماحبيت اقلقكم ياولدي الا مين قال لكم عامر : اريج مدري مين قال لها الجده طالعت في البنات بنظرات تهديد : اهاه..... عامر تنهد بعد ماسكر من امه وهو يقول : لاحوله ولاقوة الا بالله كانه صايبنا عين من جهه حنان من جهه اياد ***************** ميلانو الجده بعدما خلصت تكلم عامر التفت على البنات : انا ماقلت لكم لاتقولون لهم مين هي اللي قالت لهم مرام رفعت يدها بستسلام : اللهم إني برئ انا ماقلت لاحد امل : ولا انا الجده طالعت في باقي البنات وكلهم هزوا راسهم ب لا الجده : اجل مين قال لها انا مرام : اتصلي عليها واساليها بنفسك الجده : راح اتصل عليها وياويلكم لو قالت انه انتم اخذت الجوال ودقت على اريج ***************** اسطنبول في المستشفى دق جوال اريج درت : الو الجده : السلام عليكم اريج : وعليكم السلام هلا وغلا الجده ابتسمت : كيفك يابنتي وكيف اياد اريج طالعت إياد اللي متمدد وقاعد يطالع فيها :الحمدلله كلنا بخير الجده : اقول اريج بغيت اسالك مين هي اللي قالت لك عن حنان اريج وقف قلبها ورتبكت ايش تقول اذا قالت لمى بيعرفوا انها كانت تعرف حنان وبينكشف كل شي عن اهلها الجده : اريج وين رحتي اريج برتباك : هاه معاك معاك الجده : ايه ماقلتي لي مين قال لك اريج بدات تعض شفتها السفليه يتوتر .... . . . *** ** *