قالوا تحبيه قلت ساكن فؤادي قالوا يحبك قلت هذا سؤالي - البارت 14 - بقلم مجهول♡ - مكتملة | روايتك

قالو تحبيه قلت ساكن فؤادي قالو يحبك قلت هذا سؤالي : الفصل الرابع عشر : اسطنبول الساعه السابعه صباحاً بالصاله إياد بيده الجريده وقاعد يقرئها ويشرب قهوه اريج ماسكه بيد كوب النسكافيه واليد الثاني جوالها تقرا الرسائل اللي وصلتها سمعوا دق الجرس استغربوا مين ممكن يجي راحت الخدامه فتحت واثنيناتهم يطالعوا بالباب بيشوفوا مين جاء اريج فتحت فمها بصدمه وهي تشوف اللى دخلوا عامر : وشفيكم تطالعوا فينا كذه كانكم شايفين شبح اريج متفاجاه : عامر..ريتااال ريتال قربت منها وحضنتها : يالب قلب ريتال وحشتيني اريج تحضنها بفرحه : انتي اللي واحشاني مووت ياقلبي شهالمفاجاه الحلوه اريج بعدت عنها والابتسامه مافارق وجهها وراحت سلمت على عامر وقالت : جد هذه احلى مفاجاة عامر ابتسم وهو يتذكر اللي صار امس كان جالس بالصاله مع ريتال ريتال ببتسامه : عامر عامر : همم ريتال : تدري امس اتصلت على اريج عامر : كيفها ريتال كشرت : برايك وش بيكون حالها وهيه مع إياد اللي مايهمه الا شغله تخيل المسكينه تقعد لحالها طول اليوم وهو طول وقته بالشغل ولا خرجها يوم عامر : طيب هو اصلا راح عشان الشغل ريتال : بس على الاقل يهتم فيها شوي ماتلاحظه علاقهتم ماتحسنت ابدا عامر : يمكن ريتال بتردد : اممم عشان كذه ايش رايك نسافر لعندهم ونحاول نقربهم من بعض عامر : شلون لا مااقدر اسافر واترك شغلي ريتال برجاء : عااامر بلييز وافق عامر : بس انا دخلت الجده وقالت : من دون بسبسه خذلك اجازة من الشغل وسافر عامر : اوووه طلعتوا متفقين علي الجده ضحكت ومدت له بالتذاكر وقالت : وهذه تذاكر الطيارة عامر : ماشاء الله اجل ليه اخذين رأيي اذا حتى الحجز حجزتوا ريتال ضحكت : بس قلنا نخبرك قبل موعد الطيارة رجع للواقع عل كلام إياد وهو يقول بشك : انت متاكد انه مافي سبب ثاني لجيتك عامر (اعوذ بالله هذا ليكون يقرا الافكار ) ضحك وقال : شفيك قلت لك انا جيت عشان اقضي شهر العسل فانا ماسافرت شهر العسل والا انت بس اللي يحق لك وقف : انا بروح ارتاح اريج : ريتال روحي انتي كمان ارتاحي اكيد تعبانه ريتال : لا انا بخير خليني اقعد معك مشتاقتلك عامر : اصلا هذه ومن وين بتتعب من اول ماركبنا الطيارة وهيه نائمه ريتال ضحكت : وانت مين منعك تنام عامر : انا مااقدر انام في الطيارة اريج بضحكه : وانا اقول غريبه البنت نشيطه كذه وكانها ماسافرت ريتال ضحكت عامر مشي للغرفه اللي دائما لما يجي لهذه الفله ينام فيها واياد قام وراح على شغله واريج وريتال قعدوا مع بعض يسولفوا ****************** الشرقيه بيت ابو تركي كانت تمشي وهي تلعب بالجوال نزلت الدرج وكان في شويه مويه على احدى الدرج وماانتبهت لها صرخت بعدما تزحلقت : اااااااااا وتدحرجت الى اخر الدرج جائوا ام تركي وتالين على صوت صراخها ام تركي اول ماشافت بنتها والدم ينزل من راسها صرخت بهلع : حناااان جلست ورفعت راسها لحضنها وتناديها ببكاء : حنان حنان .. ******************** اسطنبول ريتال كانت تمشي مع اريج بعد ماشافت الفله كامل فتحوا الباب الزجاجي ودخلوا لعند المسبح وجلسوا ونزلوا رجولهم لداخل المويه ريتال : هذا المسبح اصغر من اللي بالقصر اريج : اكيد هذاك ماشاء الله مره كبير ريتال : شرايك ننزل نسبح اريج : مااعرف اسبح انتي تعرفي؟؟ ريتال ببتسامه : يعني مو مره ماني سباحه مئه مئه اريج بمزح : اجل خليك قاعده احسن ترى مارح اخاطر بنفسي وانقذك لاني مااعرف اسبح ولو واحد بالمئه يعني بتموتي قدامي ريتال ضحكت : ياشيخه مو لدرجه إني بغرق اعرف اسبح...الا غريبه ماتعرفي تسبحي من لما تعرفت عليك وماشاء الله مافي شي قلتي ماتعرفي تسويه اريج ابتسم بحزن وهي تطالع صورتها بالمويه : مو ضروري المرء يعرف كل شي بالحياة (ومن وين بعرف اسبح وانا ماقد شفت مسبح حقيقي حتى لما كانوا يروحوا الاستراحه كان نادر يمنعني من الروحه معاهم ) صحت من افكارها على صوت ريتال : اريييج اريج : هلا ريتال : وين رحتي اريج ابتسمت : معاك ريتال طالعتها بطرف عينها : واضح.. اريج ضحكت وهي توقف : خلينا ندخل ريتال وقفت وتبعدت اريج وهي تقول : جد اريج عندكم مسبح وش طوله ليه ماتخلي احد يعلمك اريج بلامبالاه : مو ضروري ********************* الشرقيه في المستشفى تالين وام تركي قاعدين يبكون وابو تركي يهديهم ام تركي ببكاء : بنتي يابو تركي بنتي بتروح مني ابو تركي : يابنت الحلال هدي ماراح يصير الا كل خير ادعي لها مابتفيدها دموعك خرج الدكتور ووقف الكل راحوا لعنده يسالوه ابو تركي : بشر دكتور كيفها بنتي الدكتور : الحمدلله حالتها الان مستقره لكن راسها تعرض لصطدام قوي وعندها كسر برجلها تركي : دكتور نقدر نشوفها الدكتور : بعد ماينقلوها من الغرفه تقدرون تشوفوها... بعد نصف ساعه من لما نقلوها لجناح خاص بدات تفتح عيونها تالين قالت بفرح لما شافتها تفتح عيونها : يمه شوفي حنان صحيت ام تركي : حبيبتي حنان حنان كانت تطالع الفراغ قالت : يمه هذا انتي ليه مسكرين النور الكل انصدموا ووقفت قلوبهم من كلمتها ام تركي بتردد وخوف من الرد : ح حنان حبيبتي الغرفه كلها ضوء حنان بغصه وضيق لانها ماتشوف الا ظلام مدت يدها تحسس امها : يمه انا ليه مااشوفك '، بدات تنزل دموعها : يمه انا مااشوف شي مااشوف شي الدنيا كلها ظلام وبدات تبكي بهستري وتصرخ انا مااشوف ام تركي حضنتها وهي تحاول تهديها وتمنع تنفسها من البكاء بس دموعها تنزل غصب وتالين كل ماتمسح دمعه يجي بدالها سيل من الدموع جائوا الممرضات والدكتور وضربوا لها ابره ونامت ابو تركي وقلبه محروق على بنته قال : دكتور كيف حالتها ليه ماتقدر تشوف الدكتور : كنت متوقع هذا الشي لانها اصيبت براسها اصابه قويه والراس مركز التحكم بكل الحواس عشان كذه فقد البصر لكن لاتخاف في احتمال كبير يكون هذا فقدان بصر مؤقت ابو تركي : يعني ممكن بنتي ترجع تشوف الدكتور : صراحه مااقدر اقولك انه هذا شي اكيد ففي بعض الحالات النادره اللي شفتها مارجع لهم البصر لكن انتوا رجعوها بعد اسبوعين من خروجها من المستشفى وبنشوف حالتها وان شاء الله تكون اتحسنت وترجع تشوف ابو تركي بحزن : إن شاء الله شكرا دكتور جلس على الكرسي وهو يقول بحزن : لاحوله ولاقوة الا بالله ام تركي جلست جمب حنان والحزن يملأ قلبها على بنتها اللى ممكن يضيع مستقبلها بسبب هذا الحادث ****************** ميلانو الساعه السابعه مساء القصر الكبير كانوا العائله كلها مجتمعه البنات وامهاتهم والجده لجين : ماني مصدقه انه حنان خلاص ماتقدر تشوف سديم : جد والله انصدمت لما قالوا لي مرام : اجل وش تقولي عن عماد المسكين من لما عرف وهو كل شوي يتصل يسال عنها ام نايف : الله يشفيها الجده : آمين يارب...انا اتصلت قبل شويه قالوا انه من لما صحيت مارضت تتكلم مع احد امل : الله يكون بعونها والله صعبه الواحد يفقد بصره بين ليله وضحاها الجده : ادعوها لها إن شاء الله ربي يشفيها.......وقبل لاانسى يابنات ماابغى احد يقول لااريج واياد او لريتال وعامر خلوهم مانبغى نقلقهم لما يرجعوا بيعرفوا ******************* اسطنبول الساعه الثامنه والنصف مساء اريج كانت بالمطبخ حبت هي تسوي العشاء والخدم معاها يساعدوها ريتال كانت قاعده مع عامر بالصاله عامر : طيب والحين صرنا هنا وشلون بنقربهم من بعض مثل ماتقولوا ريتال ربعت رجولها على الكنبه : طيب اسمع نبغى ناخذهم مكان يكون حلو رايق وهادئ ورومنسي عامر : وين هذا المكان ريتال : وانا ايش دراني انا اول مره اجي هنا لكن انت جيت هنا اكثر من مره فااكيد تعرف مكان زي كذه عامر : وانتي ايش عرفك اني قد سافرت لهنا.....'، رفع حواجبه وقال : امي قالت لك صح ريتال ابتسمت ابتسامع عريضه تاكد كلامه عامر : الله يستر منكم ريتال : الحين خلنا بموضوعنا تعرف مكان حلو؟؟ عامر وضع يده على ذقنه ويفكر : امممممم.اممم......'، فرقع باصبعه وهو يقول : لقيت المكان المناسب..بحيره ابانت ريتال بستفهام : بحيرة ابانت ؟؟ عامر : ايه تعرفيها ريتال هزت راسها ب لا عامر : هذا المكان ايش اقول عنه جمال الطبيعه فيه خرااافي الطبيعه ورائحة الازهار والهدوء اللى فيها يخلي الواحد ينسى كل همومه ....بس المشكله مافي اي محلات او سوبرماركت مافي الا اكواخ وفندقين خمس نجوم فقط في هذا الوقت دخل اياد القى السلام وجلس عامر رد السلام وقال : جيت بوقتك اسمع شرايك بكره نروح بحيرة ابانت إياد : بجيرة ابانت؟؟.لا بعيده عامر : عادي كلها ساعتين ونص او ثلاث ونوصل وكمان مو ضرور نرجع بنفس اليوم بنحجر لنا بالفندق ونقعد يومين إياد : لا مااقدر انا عندي شغل روحوا انتوا عامر : ياخي انسى الشغل خلينا نروح مع بعض ننبسط إياد : مااقدر اترك شغلي ابغى اخلصه بسرعه وارجع على ميلانو عامر : طيب خلاص مابنقعد يومين بنروح بكره الصباح ونرجع المغرب إياد سكت شويه يفكر بعدها قال : اوكيه عامر : حلو اجل الحين بنتعشى وبعدها بنروح السوبر ماركت نشتري كل الحاجات اللى نبغاها لرحله لبكره إياد : وش قصدك بنروح روح انت لحالك عامر : والله انك ممل مدري كيف اريج متحملتك...بروح انا وريتال واريج وانت اجلس هنا لوحدك إياد وقف وقال متجاهل لكلامه : بروح اغير ملابسي وانت قولي للخدم يحطوا العشاء ومشي ريتال طالعت في عامر : ابغى اسالك هذا الانسان عنده قلب والا عايش من دون قلب عامر ابتسم ريتال : جد والله ماعنده اي ردت فعل باااارد ولايهمه اي شي عامر : هو كذه.... ******************* الشرقيه في المستشفى ام تركي تحاول تأكل حنان اللي مو راضيه تاكل لقمه ولاحتى تتكلم معاهم قالت : عشاني يابنتي كلي حنان كانت جالسه بصمت تالين : حنان كلي حتى لو شويه عشان خاطر امي اللى صار لها ساعه تحاول معك حنان على نفس وضعها ام تركي بحنان : طيب انطقي قولي شي من لما صحيتي وانت على هذه الحاله ام تركي لما ماشافت منها اي ردت فعل بكت بصمت على حال بنتها حنان لما حست بامها انها تبكي قالت بهدوء : يمه لاتزيديت اللي فيني انتوا ماتدروا وش حالي وكيف انا متضايقه يمه انا حاسه بصيق بكتئاب بحزن '، بدائت تبكي وهي تكمل كلامها : يمه انا حياتي خلاص انتهت كلها صارت سوداء انا مو قادره اشوف الا السواد كل شي قدامي اسود في اسود خلاص اتركوني بحالي ام تركي حضنتها وحنان تمسكت بها وزاد بكائها ام تركي : لاتقولي هالكلام يابنتي خلي املك بالله كبير وان شاء الله بترجعي تشوفي من جديد حنان بكت وبكت الين نامت ام تركي تنهدت وطالعت في تركي وابو تركي الجالسين وشهد النائمه بحضن تركي وقالت : تركي خذ تالين وشهد ورجعوا البيت ارتاحوا تركي : يمه انتوا ارجع البيت وانا بقعد مع حنان ام تركي طالعت في حنان وقالت : لا انا مااقدر اترك بنتي واروح بقعد انا وابوك معاها وانتوا روحوا ابو تركي : خلاص خذ اخواتك وروحوا البيت ناموا وبكره تعالوا تركي : إن شاء الله يبه تحتاجوا شي ابو تركي : سلامتك...انتبه على خواتك خرجوا تركي وتالين وشهد ورحوا البيت ******************** إسطنبول الساعه السادسه والنصف صباحا صحى الكل بدري عشان يمشوا ويوصلوا بدري وبدئوا يجهزوا انفسهم واغراضهم ومشوا وفظلوا يروحوا بسياراتهم بدل الباص وكان يقودها إياد ****************** ميلانو بيت ابو مازن غرفة لجين كانت قاعده تفكر ب مؤيد والكلام اللى قالته له هذاك اليوم تنهدت وقالت تكلم نفسها : ماادري ليش ضميري يأنبني على مجرد كلمه قلتها له رغم اللي سواه فيني فهو يستاهل اكثر من كذه والمفروض حتى ماافكر فيه..... بس انا جرحته بكلامي وانا ماعمري جرحت احد...لا. لا انا ماراح اكون مثله اجرح الناس ومااهتم بروح اعتذر منه واريح ضميري وقفت ولبست العبايه والطرحه وخرجت راحت على فلة مؤيد وصلت لجمب الباب اخذت نفس عميق تهدي نبضات قلبها المتسارعه دخلت شافت وحده من الخدم سالتها عن مؤيد وقالت لها : إنه في المسبح لجين انفجعت : ماذا كيف يسبح بهذا البرد راحت جري لعند المسبح شافته يسبح صرخت : مؤيد مؤيد لما شافها سبح لعندها وطلع وهي اخذت المنشفه بسرعه واعطته ومنشفه ثانيه صارت تنشف شعره وقالت بخوف : انت مجنون شلون تسبح بهذا البرد بتمرض مسك يدها اللى تنشف شعره وقال بهدوء : وانتي شلي يهمك اذا مرضت لجين انتبهت لنفسها واحتدت ملامحها وسحبت يدها : لاتظن إني مهتمه فيك لكن اذا مرضت ابوي كل يوم بيخليني اجي انتبه عليك مثل المره اللى فاتت وانا بصراحه ماابغى اشوف رقعت وجهك مؤيد ابتسم ابتسامه جانبيه وقال : اجل ليه جي.. سكت فجاة وهو يرفع يده على صدره بالم : ااااه ااااه لجين خافت قربت وقالت : انت بخير؟؟ مؤيد : ااااا قلبي اااااخ وطاح على الارض لجين طار عقلها صرخت : مؤيد مسكته وهي تقول بخوف : مؤيد شفيك مؤيد بالم يمسك صدر : ااااه قلبي لجين ودموعها بدت تنزل : شفيه مؤيد بالم : بموت من الوجع اااااااه لجين بخوف : تحمل شوي الحين بتصل بالاسعاف ودوبها قامت وهو مسك يدها وسحبها لما صارت فوق صدره وابتسم وقال : وينها الا مايهمها اذا مرضت لجين لما استوعبت انه كان يمثل عليها صارت تضربه على صدر وتقول : اكرهك يامؤيد اكرهك اكرهك اكرهك مسك ايديها والتقت عيونهم وقال : شعور متباد لجين سحبت ايديها من يده بغضب وقامت خرجت ورجعت لفلتهم وهي تتمتم بقهر : انا الغبيه اللي رحت اعتذر منه وهو قاعد يلعب بمشاعري لعب صرت مثل اللعبه عنده.....بس خلاص الين هنا وبس يامؤيد ****************** إسطنبول بالسيارة ريتال بطفش : يوووه متى نوصل اياد : تراك ازعجتيني متى نوصل متى نوصل عامر : هيييه كل شي الا ريتال لاتغلط عليها اياد : اقول انتوا الاثنين انقطونا بسكاتكم عامر : وانت ايش حارك حتى الكلام بتحاسبنا عليه.....الا وين اريج ماسمعنا لها صوت ريتال طالعت في اريج اللي عامله السماعة وتسمع محاضرة وتطالع من الشباك ريتال : مدري ايش قاعده تسمع بالسماعه عامر : اريج ياهوو اريج ريتال سحبت السماعه من اذنها عامر : اريجوه اريج : هاه عامر : وينك هادئه ماسمعنا صوتك اريج بهدوء : وش تبغاني اقول ريتال شافت المناظر الطبيعيه الخضراء : وااااو شكلنا قرلنا نوصل وش هالطبيعه تجننن ماشاء الله كل شي اخضر....اريج شوفي شوفي اريج بنبهار : ماشاء الله شوفي الابقار اللي هناك والتهو يتفرجون على المناظر الطبيعيه والاشجار الخضراء والناس اللي يتفرجون واللي يلعبوا واللي يتصورون حتى في عرايس يجوا هنا ويتصوروا اياد وقف السيارة : يلا انزلوا وصلنا اريج : بنقعد هنا إياد : اجل وين اريج : لا بلييز قدم السيارة لقدام شوف هناك مافي ناس ابغى افسخ غطوتي واشم هواء عامر : ايه خلينا نقدم شوي عشان ناخذ راحتنا إياد قدم السيارة للمكان اللي قالوا عليه ووقف نزلوا ووقفوا قدام البحيره اريج فسخت غطوتها وهي تاخذ نفس عميق وتشم رائحه الازهار والطبيعه الجميله : ياالله هالمكان يهبللل خرجوا اغراضهم وجلسوا يفطرون وبعدها عامر وريتال قاموا يتمشوا واريج كانت بطرف البحيره مع اياد يطالعوا اريج شافت كرسي طويل وسط المياه يعني بطرف البحيره قالت : وواااو بروح اقعد فيها خلعت صندلها ودخلت داخل المياة وهي ترفع عبايتها وجلست على الكرسي ظلت تستمتع بالمناظر وتحرك رجولها في الماء رفعت راسها وانتبهت على إياد يطالعها لما شافته طول وهو يناظرها توترت ولفت على الجهه الثانيه وصارت تصلح طرحتها وكان في شويه هواء وطاحت طرحتها في المويه وقفت بسرعه وهي تتلفت يمين ويسار ليكون في احد اخذت الطرحه اللى مليانه مويه ووضعتها على راسها وهي مبلله شافت إياد لسى بمكانه ( ياويلي الحين بيقول ليه ماتنتبهي ) خرجت من الماء وهو قرب منها وقال : شلون تلبسيها وهي مبلله بتمرضي اريج بستفهام : اجل تبغاني اقعد كذه من دون طرحه سحب الطرحه من على راسها ووضع جاكيته اللي كان بيده على راسها اريج سحبت الجاكيت من على راسها وقالت : امسك شويه فردت شعرها اللي تبلل بالكامل لانها لبست الطرحه وهيه مليانه مويه صارت تحرك راسها عشان يروح المويه وجائت اطراف شعرها على وجهه إياد "فلت شعرهــــا وانتثـــر كنه الليـــــل غطا عباتهـــا وغطا نحرهـــا وغطا العيون اللي هدبها مظاليل حتى سواد الرمش ضاع برمشها" لفت شعرها واخذت الجاكيت من يده ووضعته على راسها وقالت : الحين اقدر البسه اما قبل كان شعري مبلل مره وبيوسخ جاكيتك إياد مشى وقال : بسيطه انتي بتغسليه اريج تبعته وقالت : نعم نعم ليش شايفني خادمتك إياد : لا انتي زوجتي وهذا الشي من واجبك اريج : لا ياشيخ ماهو من واجبي اسوي لك اي شي وعلى اساسا انت تفي بواجباتك عشان تقول هذا واجبي إياد : اكيد انا بايش مقصر معك موفر لك كل شي الاكل والشرب واصرف على كل حاجاتك اريج : هذا إلزامي عليك كانوا يمشوا وهم يتهاوشوا ومروا من جمب عامر وريتال اللى جالسين عامر : مافي امل منهم طول الوقت يتهاوشون حتى بهذا الجوء الحلو يتهاوشوا ريتال مبتسمه : لاتقول كذه هذه المهاوشات اظن انها تعبر عن حبهم لبعض عامر عقد حواجبه : وشهو وشلون تزبط ذه ريتال ضحكت : ماراح تفهم اكملوا يومهم ورجعوا للبيت ****************** ميلانو في الصباح بيت ابو عماد عماد اللى ماقدر يقعد اكثر يبغى يشوف حنان ويطمن عليها وحجز له وبعد ساعه موعد طارئرته نزل وسلم امه باس راسها : يلا يمه انا ماشي مع السلامه ام عماد : في امان الله ياولدي طمني على حنان عماد : إن شاء الله وخرج متجه الى المطار ****************** اسطنبول الساعه الثامنه صباحا كانوا جالسين في الصاله بعد مافطروا عامر : شرايكم نخرج نتمشى ونتسوق مع طريقنا إياد طالعه بطرف عين : مو كانه حلت لك الشغل كل يوم تبغانا نخرج عامر ضحك : وانت ايش عندك اخرج غير جو...وبلييز لاتقول عندي شغل الشغل يتاجل خلنا نخرج في الصباح الجو حلو إياد سكت عامر : يلا قوموا جهزوا البسوا العبايات بنخرج ريتال واريج راحوا جري ماصدقوا اياد تكتف وهو يطالع عامر عامر ضحك : شفيك تطالعني كذه اذا ماتبغى تخرج معانا اوكيه روح شغلك وانا بخرج مع ريتال واريج جائوا اريج وريتال بعد مالبسوا العبي وخرجوا مع عامر واياد ماركبوا بالسيارة مشوا مشي ريتال شافت العربه حق الاي سكريم وقالت : اي سكريييم مسكت يد اريج : تعالي نشتري اي سكريم وقفهم عامر : هييي هيي وين رايحات ريتال : بنشتري اي سكريم عامر : ليه مو شايفينا رجال قدامكن عشان تروحوا انتوا تشتروا اقول اترزعوا هنا وانا بروح اشتري لكم وراح اشترى لهن ورجع وكملوا مشيهم مروا على سوق الخضار والفواكه كان في عربات كبيرة كل وحده مليئه بنوع من انواع الفواكه الطازجه اريج لما شافت الفراوله راحت لعندها لانها تعشقها اشترت كيس مليااان عامر : اووه اريج ايش بتسوي بكل هذه الفراوله أريج : بسوي فيها اشياء كثيره اولا باكلها كذه وبسوي فيها كريب وبعصرها عصير وبسوي منها مربى في اشياء كثيييرة اقدر اسويه فيها عامر : ماشاء الله بتسوي فيها كل هذا يلا بالعافيه عليك كانوا يمشوا بالاسواق ويتفرجوا ويشتروا اللي يعجبهم اريج حست بجوالها يهتز خرجته ولقت ثلاث مكالمات من لمى قررت تكتب لها رساله تقول لها انها برى ولما ترجع البيت بتتصل عليها كانت تمشي وماانتبهت انها ابتعدت عنهم سمعت صوت سيارة رفعت راسها وجمدت بمكانها وهي تشوف السيارة المسرعه تتجهه نحوها وماحست الا باليد اللى تدفها بعيد عن السيارة وسقطت على الارض جلست والتفتت خلفها وطار عقلها وهي تشوف إياد على الارض ومغطى بالدماء صرخت : إياااااااد . *** ** *