قالوا تحبيه قلت ساكن فؤادي قالوا يحبك قلت هذا سؤالي - البارت 10 - بقلم مجهول♡ - مكتملة | روايتك

قالو تحبيه قلت ساكن فؤادي قالو يحبك قلت هذا سؤالي : الفصل العاشر : بعد ماخرجوا الشباب على المطار في غرفه اريج خرجت وهي لابسه فستان قصير اسود دارت قدام البنات : شرايكم امل صفرت : ياعيني ويش ذه الزين كله مرام : وينك ي إياد تشوف القمر اللى عندك دخلوا عليهم ام إياد وام نايف بعد ماجهزوا الشنط لشباب وودعوهم ام إياد وهي تشوف شكل اريج : ماشاءالله ويش ذه الحلاوه لو شافك إياد قبل مايروح كان هون وكنسل السفره كله البنات كتموا ضحكتهم لما تذكروا الموقف اللى صار بين اريح وإياد اريج طالعتهم بتهديد امل ومرام ماقدروا يمسكوا ضحكتهم ام إياد : خير في شي مرام وهي تحاول تكتم ضحتها : احم لا مافي شي إلا وين سافر إياد ام نايف وهي تجلس : سافر دبي هو نايف وعامر ورافي اريج بدهشه : راااح.. ليه ماجاء يودعني الكل طالع فيها انتبهت على نظراتهم وقالت بسرعه : انتوا دائماً الشيطان واقف فوق رؤوسكم ﻻيروح بالكم بعيد انا اقصد نايف ام نايف ابتسمت : كان يبغى يسلم عليك بس لما قلت له انك مع البنات قال خلاص كلها اسبوع وراجع إن شاء الله سديم تنهدت بحسره : دبي.. يالله من زمان نفسي اروح لها بس وين مافي الا الرجال يسافرون وين مايبغوا اما احنا فلااا مرام بتمثيل حزين : اوووه خسارة كان قلتي لي انك نفسك تروحي بندخلك الشنطه مع الملابس سديم تسايرها : ماعليه المره الثانيه إن شاء الله بس لاتدخليني شنطه إياد هذا لو لقاني بيرميني مع الشنطه الكل ضحك ام نايف : يلا وروني ايش اشتريتوا لبنتي امل : هذاهم قدامك شوفي كلهم طلعوا عليها خقاق لماتلبسهم إياد بينهبل عليها اريج عبست في وجهها امل : اعوذ بالله ماقلت شي الكل : ههههههههه مرام : باقي نشتري لها اكسسوارات وعطورات وبخور اريج :العطورات خليها على جنب انا بطلبها من موقع جولدن سنت عنده عطورات تجنن ودائما اطلب منهم ندى تذكرت : العطر اللي سويته اول مره جيتي عندنا من وين اشتريته ريحته كانت تجننن من هذاك اليوم وانا نفسي اسالك ونسيت اريج : من نفس الموقع مرام مسكت جوالها : اجل على كذه بحمل التطبيق واطلب نفس العطر امل : حتى انا ابغى نفسه سديم : كلنا نبغى نفس العطر اطلبوا لنا كلنا اريج تكلم مرام : بعطيك الكود تبعي استخدميه لما تطلبي وبيسوا لك خصم 5% مرام : حلووو اعطيني هو اريج : سجلي ac491 << قرائي الاعزاء الكود حقيقي اذا بتطلبوا من جولدن سنت استخدموا هذا الكود لو سمحتوا **************** بيت ابو مازن سديم وامل لما خلصت اريج تجرب الملابس رجعوا على بيتهم امل جلست بالصاله وتلفتت : يمه وين لجين ام مازن : هاوو ويش فيك لجين معاكم سديم : يمه شفيك لجين رجعت من الصباح قالت انها تعبانه ام مازن بخوف : شلون وينها انا ماشفتها انتوا متاكدين اختكم رجعت البيت امل : ايه يمه وصلها السواق الين باب بيتنا ام مازن وقفت : بروح اشوف بغرفتها يمكن رجعت وماانتبهت لها امل وسديم قاموا معاها امل : الله يستر لاتكون تعبانه مره كيف ماانتبهتي لها يمه يعني من الصباح مااكلت ولاشربت شي وصلوا لغرفه لجين وكانت مسكره بالمفتاح دقوا الباب ام مازن : لجين يمه انتي هنيه انتي بخير لجين اللي من الصباح لما رجعت وهي قافله على نفسها وكل ماتذكرت مؤيد وكلامه والمنظر اللي شافته تبكي وجهها صار مورم من كثر البكاء لما سمعت امها تدق قعدت وهي تمسح دموعها طالعت نفسها بالمرايه وشافت وجهها كيف باين عليه البكاء ماعرفت ايش تسوي اذا خرجت كذه راح يعرفوا انها كانت تبكي وراح يسالوها ايش فيها هي صحيح هددت مؤيد انها بتكلم ابوها بس كان مجرد كلام لانها ماتقدر تشوه صورته قدام ابوها واعمامها فهذا يظل مؤيد اللي حبته هو جرحها واهانها بس ماتقدر تنسى حبه اللى تغلغل في قلبها من ذو الصغر حاولت تحسن صوتها وتسوي نفسها كانها كانت نائمه وقالت : يمه ايش في اتركيني انام ام مازن : لجين حبيبتي انتي تعبانه ؟ليش مسكره على نفسك افتحي الباب لجين : لايمه مافيني شي بس مصدعه وابغى انام امل : طيب افتحي الباب بنشوفك ليه قاعده بالغرفه من الصباح لوحدك حتى امي ماعرفت انك رجعتي ام مازن : لجين افتحي لجين بصوت عالي شوي : قلت لكم مافيني شي اتركوني لحالي ابغى انام امل طالعت امها وقالت : يمه شكلها مافيها شي بس تدلع اتركيها ام مازن بخوف : اخاف تكون تعبانه امل : لو تعبانه كان قالت ماتسمعي صوتها مثل الناقوص مافيها شي يمكن جائتها الدورة وحاسه بشوي تعب فقط لاغير امشي وبالصباح بنشوفها ام مازن مشت بتردد وقلبها مو مطاوعها تترك بنتها وماتعرف ايش فيها *************** هبطت الطياره على مطار دبي الساعه السادسة والربع صباحاً بتوقيت دبي نزلوا من الطائرة وكل الانظار كانت عليهم بحكم طولهم الفارغ وهيبتهم الطاغيه وشهرتهم لانهم رجال اعمال مشاهير ولهم سمعتهم اخذوا اغراضهم وراحوا على الفندق اللى حاجزه رافي من قبل وصلوا صلوا الفجر وناموا ******************* ايطاليا / ميلانو الساعه الرابعه والنصف غرفة اريج صحيت عشان صلاة الفجر توضت وجلست تقرأ قرآن الين اذن الفجر صلت ورجعت تمددت على السرير (ياترى بيكونوا وصلو.. بين دبي وميلانو على مااعتقد ست ساعات اكيد بيكونوا وصلوا ) تنهدت راح تفكيرها بزواجها وصارت تكلم نفسها بصوت مسموع : بعد أسبوعين راح اصير زوجته الله يستر كيف بتكون حياتي معاها انا ماصدقت اخلص من الاول يجي الثاني لا حوله ولا قوة الا بالله المها قلبها وهي ترجع بذاكرتها للايام الماضيه تذكرت اخر مره ضربها نادر حست بقشعريره تسري بجسمها لما تذكرت المها بعد ماضربها تذكرت الضربه اللى بظهرها وقفت وراحت قدام المرايه فسخت بلوزتها وشافت العلامه اللى ماهي راضي تروح : اليوم إن شاء الله لما اخرج مع البنات بروح الصيدلة اشتري علاج وإن شاء الله تروح هذه العلامه الله ينتقم منك يانادر *************** دبي الساعه الثانية والنصف بعد الظهر عامر اللى صحي صلى الظهر وماعاد جاله نوم اما الباقين صحيوا صلوا ورجعوا ناموا طفش من القعده لوحده دخل وشغل النور وسحب البطانيات من فوقهم : يلا قوموا بسكم نوم احنا جينا عشان نغير جو مو عشان ننام يلا اصحوا يلاااا إياد : عامر انقلع عامر : شوف اللى مايستحي انا خالك ياولد قوم رافي فتح عيونه : الحين انت ويش تبغى لسى بدري عامر : وين بدري الساعه صارت اثنين ونص انا جوعان قوموا نخرج نتغدا رافي قام وراح الحمام (أكرمكم الله ) ياخذ شاور نايف جلس وهو يمسح على وجهه اما إياد رجع نام عامر : شوف رجع ينام قوم انا جوعان نايف ابتسم : خليه ينام هذه اول مره يسافر مو عشان شغل عشان كذه مريح باله عامر : لا ياشيخ يعني اذا ماعنده شغل ماراح يصحى الا راح يصحى وغصب عليه إياااد يلا قوم إياد فتح عيونه : الحين هذا مين مسلطه علي يعني الواحد ماياخذ راحته عامر : خذ راحتك لما تكون مع جيهان اما الحين اصحى نايف ابتسم : خلاص اصحى خلنا نروح نتغداء مابقى شي على صلاة العصر..ماعرفتك كسول كذه إياد قام بتثاقل : ياخي اول مره اسافر واصحى وماوراي شغل عامر : والله مافي احد يجبرك على هذا الشي انت اللى تتعب نفسك بالشغل والا الشركه شركتك وتقدر تنام وتصحى متى ماتبغى إياد وهو يقوم : لو سمعت كلامك كان الشركه افلست من زمان بعد ماتروشوا وتجهزوا ولسى خرجوا واذن العصر راحوا صلوا بالمسجد وبعدين راحوا مطعم تغدوا وخرجوا يمشوا رافي ابتعد عنهم شوي يكلم امه بالجوال نايف يتذكر : اوبس نسينا نكلم الاهل عامر : بدري إياد خرج جواله : بدق عليهم عامر : مايحتاج انا كلمتهم وخلص نايف : كلمتهم متى عامر : لما كنتوا نائمين نايف : والله انا نسيت ماتذكرت الا لما شفت رافي عامر : ايه اكيد راح تنسى مو انتوا الاثنين متعودين ماتكلمون احد اذا سافرتوا نايف يغير الموضوع : بكلم اريج اكيد زعلانه لاني رحت وماسلمت عليها عامر : كانك صاير تدلعها زياده رافي ببتسامه : ومين عندي غيرها هذه الكل في الكل عامر يطالع في إياد وقال وهو كاتم ضحكته : انتبه اشم ريحت غيره إياد طالعه بنص عين نايف ابتسم وخرج جواله من جيبه ومشى قدامهم وهو يكملها *************** ايطاليا / ميلانو كانت تصرخ : ااااااااه يمه الحقيني بولد يمااااه جائت الجده جري لعند دالين اللى تصرخ وماسكه بطنها ام نايف اللى سمعتها طلعت جري لبست عبايتها وجابت عبايت دالين ونزلت لبستها : خالتي انا باخذها انت البسي والحقيني الجده بخوف : طيب انتبهي عليها خرجت ام نايف وركبت مع السائق وراحوا المستشفى والجده طلعت لبست عبايتها هي وام إياد وراحوا على المستشفى اما البنات فكانوا برى راحوا السوق . . . اول ماوصلو الجده وام إياد خرجت الدكتورة تبشرهم بولادت دالين بتوم بنت وولد الجده اللى كانت خائفه على بنتها رفعت يدها بفرحه : الحمدلله الحمد لك ياربي الحمدلله الحمدلله ام نايف ابتسمت : دكتورة هل نستطيع ان نراها الدكتورة : بالتأكيد تفضلوا دخلوا لعند دالين اللى التعب والارهاق منهكها الجده جلست جمبها وباست يدها : مبروك يابنتي صرتي ام لاثنين دالين ابتسمت بتعب ام نايف : مبروك يادالين يتربون بعزمكم إن شاء الله ام إياد : مبروك دلونه الله يبارك لك فيهم دالين بصوت ياالله ينسمع : الله يبارك فيكم.... اتصلوا على هاني يبشروه وماهي الا ربع ساعه وجاء هو وامه وميار وهو طائر من الفرح ****************** القصر الكبير رجعوا البنات وكانت الساعه خمسه بعد العصر شافوا البيت هادئي اريج : غريبه وينهم لجين اللى من الصباح صحيت وهي تتصرف قدامهم عادي ولاكانه صار شي وقالت لهم انها كانت تعبانه شوي لكن قلبها كان ينزف بصمت ماتبغى تبين لاي احد عشان كذه خرجت مع البنات عشان مايشكوا انه فيها شي قالت : يمكن خرجوا مرام : إلينا (اسم الخدامه) إلينا جائت إلينا : نعم انستي امل : اين جدتي وعماتي إلينا : لقد ذهبوا إلى المستشفى البنات انفجعوا اريج من الفجعه تكلمت بالعربي : ليش ايش في...اقصد ماالذي حدث إلينا : السيده دالين ولدت البنات تحولت ملامح الخوف الى الفرحه مرام صرخت بفرحه: ووووواااااو ولدت ولدت اريج تكلم إلينا : هل تعرفين ماذا ولدت إلينا : اجل فلقد ذهبت واعطيتها الملابس مرام : اختصري مانوع الجنين بنت ام ولد إلينا : توم بنت وولد البنات تصارخوا داليا : امشوا امشوا خلونا نروح لهم امل : لحظه بتصل عليهم واشوف باي مستشفى دقت عليهم وقالوا لهم اسم المستشفى وراحوا وصلوا على المستشفى دخلوا الجناح اللى نقلوا دالين عليه لما دخلوا شافوا العائله كلها هناك ابو عماد وابو نايف وابو مازن ونواف ومازن وعماد وامهاتهن كلهن موجودات وام رافي وميار وهاني يعني الغرفه مليانه دخلوا بأدب وتحمدوا لدالين بالسلامه وجلسوا ولا كانهم هذولك اللى الوحده لسانها اطول منها... واول ماخرجوا الرجال كلهم وقفوا وجري لعند الأطفال دالين انفجعت : اعوذ بالله يمه الحقي اولادي راحوا فيها امل وهي تطالع شكلهم الصغير : ياحياتي يزننو وه فديت الخدود الحمر اريج : ياقلبيييه عليهم مره صغار مرام : شوفوا مااحلاهم ييييي كيوووت داليا : ووااووو مره يتشابهون مافي فرق بينهم ندى : ﻻﻻ شوفي البنت احلى من الولد سديم : ﻻ الولد احلى شوفي شكله شخصيه مرام : ايه صح الولد احلى جائت الجده وبعدتهم : وخروا بس لساتهم قطعت لحم بيتغير مئه شكل اريج تكلم دالين : الا ويش بتسموهم دالين : الولد هاني اختار له الاسم والبنت انا اختر لها الاسم مرام : اكيد البنت اسمها مرام صح دالين : ليش انا مجنونه عشان اسميها على اسمك اخاف تجي زيك مرام : ليه انا ويش فيني يابعدي امل : الحين اخلصوا علينا ويش اسمائهم دالين : الولد رافي على اسم عمه والبنت رهف امل : حلو مناسبين مررره ندى وهي تطالع البنت : تصدقين اسم رهف احسه يناسبها مرام : ايه واسم رافي كمان مناسب لهذا الصغنون '، قربت منه مسكت خده على الخفيف : ييييي على هالخدود بس اكبر شوي وبوريك بقرصهم واعضهم الولد صار يبكي دالين : مرام ويش سويتي فيه مرام : هههههه ماسويت شي بس شكله خاف من التهديد **************** شقة ليوناردو في الصاله كانت جالسه تراقبه بصمت وهو يشتغل بالاب توب ويتفقد الملف والاوراق وكان باين عليه منشغل مره فهو صار له ساعتين على هالحال هي ماتدري ماهو نوع عمله بس كانت تحس انه هي سبب تاخير شغله وانشغاله كذه لانه اليوم ماراح اي مكان بس كان يشتري الاكل من مطعم قريب ويرجع ظلت تتامل شكله شعره اسود وعيونه خضراء ناعسه انفه كانه سله سيف وملامحه حاده وجهه كان فيه لمحه جمال رجوليه تجذب الواحد وطويل وجسمه رياضي ببنيته قويه (ياترى هل يمكنني ان اثق بك اخشى ان اثق بك وتهدم كل ثقتي لكن حقيقتا حتى الان انا لم ارى منه الا كل خير وكما انه لايبدو انه شخص سئ ابدا ) انتبهت عليه يعقد حواجبه ويضغط على راسه يتعب وقفت وراحت المطبخ سوت له قهوة ورجعت مدت له بالكوب ليوناردو رفع راسه وهو متفاجئ جوليا لما شافته يطالعها ومااخذ الكوب فكرت انه مثلها مارح يثق فيها قالت : حسنا انت ايضا يحق لك الا تثق بي ورفعت الكوب بتشرب وهو سحب الكوب قبل ماتشرب منه وهو يقول : لا لا لم اقصد ذلك '، ابتسم واكمل : في الحقيقه لقد تفاجائت انك اعدتي هذا من اجلي...شكرا لك جوليا ابتسمت ابتسامه خفيفه : لقد فعلت الكثير من اجلي وتشكرني على كوب قهوة اعدته من مطبخك ليونارد ضحك : الأ تظنين أننا رسميون زياده يجب ان نترك هذه الرسميه فنحنو منذو اليوم سنعيش مع بعض يجب ان نترك هذه الرسميه جوليا اول مره تشوف ضحكته كانت روووعه ابتسمت له وجلست جمبه بعفويتها : حسنا ان كنت لاتحب ذلك سوف اتحدث معك على طبيعتي لكن لاتتذمر فيما بعد ليونارد ببتسامه هادئه : لن اتذمر سمعوا دق الجرس وقف ليوناردو شاف مين على الباب من فتحت الباب التفت على جوليا واشر لها تدخل غرفتها وتسكر بالمفتاح وقفت جوليا جري ودخلت الغرفه وقعدت جمب الباب تسمع مين جاء ليوناردو فتح الباب بوجه جامد إدوارد : مرحبا...... هل استطيع الدخول ليوناردو فتح الباب زياده يعني ادخل إدوارد دخل وجلس على الكنب وليوناردو سكر الباب وجلس مقابل له إدوارد من اول مادخل وهو يتلفت بكل مكان ليونارد ببرود : ماسر هذه الزيارة إدوارد : لا شي لقد جئت للاطمئنان عليك لاني ذهبت الى شركتك واخبروني انك لم تاتي اليوم ليوناردو بنفس البرود : ومنذو متى انت مهتم لامري إدوارد ببتسامه مليئه بالخبث : ماالامر هل نسيت اني اخيك ليوناردو : اذن لقد اطمأننت علي الان...انتهت الزيارة إدوارد ابتسم : انت لازلت كما انت لم تتغير مع مرور هذه السنين لاتزال ترفض ال ليونارد يقاطعه متجاهل لكلامه وبصوت حاد : انتهت الزيارة إدوارد : حسنا انا ذاهب تلفت في انحاء الشقه ليونارود ببرود : هل اضعت شيئا إدوارد : انا حقا مستغرب منك ساكن في هذه الشقه الصغير وتارك فلتك للناس تعيش فيها ليونارود عقد حواجبه : اي ناس إدوارد : اوه لاتقل لي انك لاتعرف ان تلك العائله تسكن في فلتك من ذو شهر ليوناردو احتدت ملامحه وشد قبضته بغضب مكبوت إدوارد : حسنا انا ذاهب وداعا وخرج وسكر الباب خلفه ليونارود راح دق غرفه جوليا وهي فتحت ليوناردو بحزم : جهزي نفسك واغراضك سوف نخرج من هذه الشقه ومشى دخل غرفته وترك جوليا مستغربه اول شي من ملامحه اللى تغيرت 180 درجه عن قبل كان باين متضايق معصب جامد ماتقدر تحدد ايش فيه بالضبط وكلامه كان جاف وثاني شي لوين بيروحوا دخلت الغرفه مافي قدامها الا تنفذ كلامه لبست بلوزه صفراء وبنطلون ابيض ولبست فوقهم المعطف اللى يصل للركبه وتركت شعرها الاشقر اللى يصل لنهايه ظهرها مفتوح واخذت الكيس اللى ماكان عندها غيره اللى جابه ليوناردو وفيه الملابس اخذته وخرجت وجلست تنتظره بالصاله ليونارود كان يسحب ملابسه من الدولاب ويرميها للشنطه وهو معصب سكر الشنطه ومسكها من المسكه وخرج جوليا اول ماشافته وقفت وهو مشى بصمت ناحيت الباب وخرجوا وركبوا السيارة وليوناردو كان يقود بصمت جوليا خافت من صمته وماتجرات حتى تساله وين رايحيين وقف سيارته عند بوابه ضخمه انفتحت له الابواب ودخل باليسارة طالعت في المكان دخلوا على حوش كبير فيه فله كبييره وقف السيارة ونزل وهي نزلت معاه وبيدها كيسها دخل الفله وهي كانت تمشي خلفه من دون كلمه وقف عند باب وهي استغربت ليه وقف لانها كانت خلفه وماتشوف جائت لجمبه وكان المكان عبارة عن صاله كبيييرة وبالجهه الداخلي اللى فوق كان في كنب وناس جالسين هناك كان في حرمه وبنت يمكن بعمرها وشاب ورجل كبير يعني بنص عمره وشكلهم ماانتهبوا لهم وقاعدين يتكلموا دخل ليوناردوا ونادا بصراخ : بامير...بااامير...زاجر...ستيلا( اسم الخدم ) الكل التفت لما سمعوا صوته قاموا واتجهوا نحوه ازابيلا : عدت اخيرا اين كنت هل كنت مسافر ليوناردو مطنشهم وينادي على الخادم : بااااامير جائوا الخدم جري ليوناردو بغضب : اين انتم هل يجب ان انادي عليكم بالمكرفون لكي تسمعوني الخدم كانوا منزلين راسهم بامير : اسف سيدي ليوناردو بحزم : شنطتي في السيارة احظروها الى غرفتي واكمل يكلم ستيلا : وانتي خذي الكيس من السيده ستيلا اخذت الكيس من يده جوليا وليوناردوا مشى وطلع الدرج اللى بجهت اليمين لانها قريبه من قسمه الخاص توقف بنص الدرج والتفت على جوليا اللى لسى واقفه بمكانها بحيره ومستغربه مين هذول الناس وليش ليونارود كذه معصب وليش حتى ماالقى التحيه عليهم صحت من شرودها على صوته : جوليا جوليا : هاه ليوناردو : هل ستبقين عندك.. هيا تعالي جوليا مشت لما وصلت عنده تفاجاه لما مسك يدها واكمل طريقه لفوق ماكس بكرهه : ياله من مغرور اديسون : اصمت فالجدران لديها اذان ماكس : الم ترى ياابي انه حتى لم يلقي التحيه علينا وكاننا لسنا موجودين... ازابيلا : وهل هذا شي جديد..ثم من تلك الفتاه التى معه ماكس : وماادراني'،واكمل ببتسامه خبث: لكنها حقا فائقة الجمال..من اين حصل على هذه الفاتنه سايا : الافضل لك ان تبعد عيناك عنها لانها تخص ليوناردو وتعلم ماذا سيفعل بك ليوناردو لو اقتربت منها ماكس : هو بتأكيد سيتسلى بها يومين ويرميها سايا : هو ليس مثلك حتى يفعل هذا انا لم اره من قبل مع فتاه ربما هذه الفتاه تعني له شي كبير والا لم يكن ليحضرها معه الى المنزل ماكس : هل يمكنك ان تصمتي سايا مشت وهي تقول بلامبالاه : لم اقل سوا الحقيقه . . . فتح الباب ومشوا في ممر قصير ووقفوا عند الباب ثاني فتح الباب ودخلوا جوليا وقفت مذهوله من شكل المكان كان قمه في الروعه وكبير كانت غرفتين مفتوحه على بعض يعني اول ماتدخل في غرفه كبيرة وباب ثاني كبير مفتوح يدخلك على الغرفه الثانيه اللى اكبر من الاولى وفيها السرير والتسريجه وبعض الكنبات موزعه بالغرفه بطريقه حلوه وصوفايه كبيره وباب ثالث كمان مفتوح على بعض بس ماكانت غرفه كان هذا التصميم غريب تمشي تقريبا اربع خطوط للداخل وتلاقي الدولاب اللى على طول الجدار فعلا استغربت جوليا ماتقدر تقول عن هذا المكان انه غرفه ولا انه كذه مافيه شي حتى مافيه باب يتسكر كذه مفتوح وجهت اليمين في باب اخر مغلق وهذا الحمام (اكرمكم الله ) كانت كانها شقة كامله مو غرفه ليوناردو رمى نفسه على الصوفايه جوليا صحيت من ذهولها وتجاهلت كل شي ووقفت قدامه وتخصرت وشخصيتها المتمرده خرجت فهي مو قادرة تسكت اكثر فهذا مو من عوائدها : هل يمكنني ان اعرف مالذي يحدث...انا لا افهم شي لماذا اتينا الى هنا ومن هؤلاء الناس ولما لم تتحدث معهم حتى.. اريد ان اعرف ماالذي يحدث بالضبط تفاجائت لما سحبها من يدها وارتمت جمبه ليوناردو وضع اصبعه تحت ذقنها ورفع راسها وقرب منها وقال : اسمعي يازوجتي العزيزة هذا المنزل منزلي وسوف نعيش به منذو اليوم جوليا بعدت يده وقالت بقوة : ومن هؤلاء الناس هل هم اقربائك ولماذا لم تتحدث معهم ليوناردو ابتسم وهو يسند ظهره على الصوفايه : لم اكن اعلم انك فضوليه الى هذه الدرجه جوليا : لاتضيع الموضوع اجب على اسئلتي ليوناردو وقف : لاتهتمي لامرهم انهم مجرد ضيوف وهذا المنزل منزلك يمكنك ان تتصرفي فيه كما تشائين وهذه الغرفه غرفتنا جوليا تبعته ونست سالفت الناس لما قال جملته الاخيره : ماذا تقصد بغرفتنا ليوناردو : ماذا هل لديكي مشكله في اللغه غرفتنا تعني انا وانتي جوليا بعصبيه : ماذا...هل كنت تخدعني الم تقل ان زواجنا على ورق فقط ليونارود : اهدئي.. اجل قلت ذلك لكن لااحد يعلم ان زواجنا على ورق نحن امام الناس سنكون زوج وزوجه مشى لعند الدولاب يخرج له ملابس جوليا سكتت شويه وتبعته لعند الدولاب وقالت : حسنا اذن هل يمكنك ان تخبرني ماسبب زواجك مني ولاتقل لي لكي تكفر عن غلطة إدوارد لاني لم اقتنع بهذا السبب منذو البدايه وتاكدت عندما اتى إدوارد والظاهر انك لاتطيقه ابد ومستحيل تفعل هذا من اجله ليوناردو ترك الملابس اللى خرجها وسحبها لجمب الجدار ووضع يده على الجدار وقال : انتي مصر وتريدين ان تعرفي حسنا...السبب الاول انني لم استطع ان اتركهم يقتلونك وانا في استطاعتي ان انقذك والسبب الثاني لااستطيع ان اخبرك به لانه لمصلحتي الشخصيه هل ارتحتي الان جوليا : اذن انت من اؤلاك الناس الذين لايقدمون المساعده مجانا بل ياخذون المقابل ليوناردو : لا فانا لستو من ذلك النوع لاني قدمت مصلحتك على مصلحتي وتاكدي ان سببي هذا لن يكون له اي ضرر عليكي اكمل : والان اجبت على سؤالك هل يمكنني ان اغير ملابسي ام ان هناك سؤال اخر جوليا سكتت وهو بعد عنها واخذ ملابسه ***************** دبي الساعه السابعه والنصف مساءً بعد ماراحوا كذا مكان ظلوا يتمشوا بالشارع وصلوا لشارع شبه مهجور مافيه الا قليل من الناس رافي كان يكلم هاني ويبارك له لما خلص تلفت في المكان : انتوا وين جايبينا نايف : هذا الشارع على مااذكر فيه مطعم شعبي اكلاته حلوه بس مااذكر وين بالضبط إياد : على مااعتقد انه بهذيك اللفه اللى على اليمين رافي : بالله تركتوا كل مطاعم دبي الحلوه وجايبينا هنا مشوا شوي وشافوا المطعم عامر : هذا هو صح نايف : ايه هو عامر لف يطالع بالمكان انتبه على بنت جالسه اسفل الدرج لابسه عبايه وطرحتها على اكتافها وحاضنه نفسها ومنزله راسها على ركبتيها وشكلها من جسمها اللى يهتز انها تبكي نايف : عامر شفيك يلا ادخل عامر انتبه على نايف قال : ادخلوا انتوا انا شوي ولاحقكم دخلوا وهو راح جهت البنت قرب منها ماعرف ايش يقول تنحنح وهي لما سمعت صوت شخص رفعت راسها تفاجأ لما شافها وجهها احمرررر من البكاء وباين انها لسى صغيره بعمر ال15 او ال16 قال : احم فيكي شي...اقصد تحتاجي مساعده اشاحت براسها للجه الثاني من دون ماترد عليه عامر : طيب ايش تسوي هنا لحالك وين اهلك انتي مضيعه اهلك نزلت راسها وتناثر شعرها الكستنائي على وجهها وقالت بحزن عميق : ليش انا عندي اهل عشان اضيعهم عامر عقد حواجبه شاف شكلها واضح انها مو بنت شوارع لابسه عبايه جديده وشنطه بيدها مافهم كيف يعني ماعندها اهل انتبه على يدها الثاني ماسكه ورقه وضاغطه عليها قرب منها وانحنى وسحب الورقه من يدها وهي فزت ووقفت : هييي اعطيني الورقه بس عامر رفع يده لفوق وهو يقرأ الورقه وبحكم طوله ماقدرت توصل للورق حاولت تسحبها بس مافي فائده عامر انصدم من الكلام المكتوب كانت رساله من ناس ربوها قالوا لها انها مو بنتهم وانها لقيطه لقوها عند باب المسجد وهي رضيعه وانهم ماعاد فيهم يتحملوا مصاريفها اللى زادت وانه خلاص هما رجعوا السعوديه وماعاد يبغواها نزل يده اللى فيها الورقه وهو مصدوم سحبت منه الورقه وقالت بغضب : انت كيف تتجرأ تقراها مين مفكر حالك عشان تتدخل في أشياء ماتخصك وشقت الورقه ورمتها وجعت جلست على اول درجه وهي لافه وجهها للجهه الثانيه ماتبغى تطالع فيه عامر رحمها بنت بهذا العمر تكتشف حقيقه مثل هذه وفوق هذا تركوها اللى كانت مفكرهم انهم ابوها وامها جلس بعدين شويه عنها تنهد وقال : تعرفي قصتك تشبه قصه بنت اخوي مره خرجنا مع بعض وكانت صغيره وضاعت علينا شدها كلامه لفت عليه وقالت : ولقيتوها عامر : ﻻ في هذاك الوقت دورناها ومالقينها وكأن الارض انشقت وبلعتها ومرت السنين وبعد ستعشر سنه لقينها قالت بدهشه : بعد ستعشر سنه وين كانت كل هذه السنين عامر : لقتها عائله واخذوها وربوها ولما كبرت بالصدفه تعرفت على بنات اخواني وصاروا صاحبات وماكنا نعرف انه هذه هي بس بعدين اكتشفنا انها هي نفسها والحمدلله الحين رجعت لنا نزلت راسها وقالت : على الاقل ماتخلوا عنها الناس اللى ربوها مو مثلي عامر ابتسم : لاتفقدين الامل يمكن يكون هذا خير لك ابتسمت بسخريه : انت تتمسخري علي والا ايش اي خير في هذا ممكن تقول لي عامر : انا ماادري وشهو لكن متأكد انه خير لك سكتت لانها حست مهما تكلمت وردت عليه ماراح يفهمها لانه مو هو اللى صار معه هذا الشي عامر : ماقلتي لي ويش اسمك طالعت فيه بنظر حاده : ويش تبغى باسمي عامر تذكر انه اسمها كان مكتوب بالورقه ابتسم : اسمك ريتال صح ريتال تنهدت بضيق : لو سمحت روح واتركني ماني ناقصتك ووقفت وراحت جلست بالجهه الثانيه عامر دق عليه رافي رجعه مشغول وراح لهم دخل المطعم شافهم راح جلس جمبهم رافي : وين رحت صار لنا ساعه مستنيك الاكل برد وبدائوا ياكلوا وعامر كل تفكيره ب ريتال كيف راح تعيش حياتها بعد ماتركوها ويش ممكن يصير لها خلصوا ياكلوا وعامر مايدري ويش اكل من كثر التفكير قاموا دفعوا الحساب وخرجوا وعامر اول ماخرج شاف المكان اللى هي فيه شافها لسى موجوده وشاف ثلاثه شباب عندها وباين انهم يضايقوها وهي جالسه ومو معطيتهم وجهه عامر : ارجعوا انتوا على الفندق انا عندي شغله بسويها واجيكم نايف : انت وين تروح عامر : خلاص روحوا لما ارجع بقول لكم ركبوا السيارة اللى جابها السائق لهم بعد مااتصل عليه إياد ومشوا وعامر راح بتجاه البنت سمع واحد من الشباب يقول : ياحلوه طيب ارفعي وجهك خلينا نشوف القمر عامر قرب منهم : نعم تبغون شي الشباب فكروه يقرب لها ولما شافوا شكله طوله الفارغ وبنيته القويه خافوا قال واحد فيهم برتباك : ﻻﻻ بس كنا نشوف اذا تبغى مساعده وراحوا بسرعه لف عليها وقال : قومي ريتال رفعت حاجبها : نعم عامر : قومي امشي معاي ريتال بسخريه : هه وين إن شاء الله لتكون مفكر انك ساعدتني وبعدت هذول الشباب عني اني راح اسمع كلامك واسوي اللى تبغى تراك مثلهم ماتختلف عنهم بشي عامر : انا ابغى اساعدك فقط ﻻ غير ريتال : ﻻ مشكور ماني محتاجه مساعدتك توكل عامر تنهد : اسمعي انا مو مثل ماتفكري انا والله نيتي اساعدك فقط اذا قعدتي بهذا المكان راح يرجعوا لك مره ثاني او ممكن يجي غيرهم انتي بنت ولوحدك والحين ليل مايصير تقعدي هنا ريتال وهي تصر على اسنانها : قلت لك توكل ومالك شغل فيني عامر تنهد بياس منها وجلس يفكر بطريقة تخليها تجي معاه وفجأة جائت بباله اريج : ايه مافي غيرها راح يقنعها خرج جواله من جيبه ودق على اريج ومشى بعيد شوي عنها بس هي كانت تسمعه ردت اريج : هالووو عامر : السلام عليكم اريج : وعليكم السلام هلا والله بعموري كيفك عامر : الحمدلله طيب انتي كيفك شخبارك اريج : تمام الحمدلله...عرفت اليوم دالين ولدت جابت توم عامر : ايه ادري كلمتها....اممم اريج ابغى منك خدمه اريج : ابشررر عامر : تبشرين بالجنه...بصراح انا اليوم شفت بنت.... وبدا يحكي لها عن ريتال من اول ماشافها عامر : بليييز اريج حاولي تقنعيها انها تجي معي اذا قعدت بهذا المكان ممكن اي واحد يتعرض لها هذا المكان مو آمن اريج : اوكيه اعطيني اكلمها عامر قرب من ريتال واعطاها الجوال : خذي بنت اخوي بتكلمك طالعت فيه لحظات واخذت الجوال وقالت : الو اريج : السلام عليكم ريتال : وعليكم السلام اريج : هاي ريتال انا اريج ريتال : اهلين اريج : كيفك ريتال : تمام اريج بغت تعوف كم عمرها عشان تعرف تتعامل معاها على حسب سنها قالت : ريتال كم عمرك ريتال : داخله في ال16 اريج : ماشاءالله العمر كله إن شاء الله...'، سكتت شوي وبعدين قالت : عمي حكالي عن قصتك وانك رفضتي تروحي معاه ادري من حقك انك ماتثقي فيه بس اقسم لك بالله العظيم انه بس يبغى يساعدك صدقيني هو مو من هذاك النوع من الشباب انا ادري وحاسه بشعورك انتي الحين ضايعه ومانتي عارفه ايش تسوي انا مريت بمثل هذا الموقف ويمكن اشد من هذا ريتال : انتي اللى ضعتي وانتي صغيرة اريج ضحكت : ماشاءالله الأخبار عندك ايه انا هيا اسمعي ي ريتال قعدتك بالشارع وبالليل ماهو بزين روحي مع عامر وهو راح ياخذ لك غرفه تباتين فيها صحيح نسيت اقولك ترى عمي هو مو من سكان دبي هو بس جاء سياحه مع اخوي وولد عمتي عشان كذه انا بعيده ومااقدر اجيك والا كنت بجيك انا بنفسي انتي روحي معاه ماراح يصير لك شي انا حلفت لك بالله انه ماراح يئذيك اذا قعدتي عندك ممكن احد يتعرض لك فالاحسن تروحي معاه ريتال سكتت وهي تفكر انه فعلا كلامها صح وافضل حل انها تروح معاه وكمان من صوت اريج الهادئ اللى يبعث الطمأنينة وباين انها صادقه معاها قالت : طيب اريج : حلو..اممم عندك جوال ريتال : ايه اريج : طيب اعطيني رقمك عشان اتصل عليك واونسك عشان ماتخافين بالليل وانتي قاعده لحالك ريتال : طيب سجلي........ عامر مذهول ( والله هالحريم يخرعون ماحد يقدر يفهمهم كيف قدرت تقنعها وكمان اخذت رقمها زين اني فكرت بهذه الطريقة والا كان قعدت لصبح اقنعها ) ريتال : بأي مدت له بالجوال عامر : نمشي؟؟ ريتال طالعت فيه بتفحص ورفعت يدها ومدت اصبعها السبابه لقدمه وقالت بتهديد : والله لو تفكر تخدعني لاقتلك فاهم عامر ضحك : فاهم طال عمرك نمشي الحين ريتال هزت راسها ب ايه مشى وهي مشت وراه وقف سيارة اجره وركب جمب السائق وهي ركبت خلف وصلوا للفندق حجز لها جناح جمب جناحهم فتح لها باب الجناح : شوفي هذاك الجناح انا بكون هناك وانتي راح تقعدي هنا بهذا الجناح يلا ادخلي طالعت فيه بصمت عامر : شفيك تطالعي فيني كذه ادخلي ريتال : شلي يضمن لي انه مافي احد بالجناح عامر : اما من تفكيرك انا مافكرت بهذه الفكره بس تطمني مافي احد ريتال فتحت شنطتها وخرجت مقص ورفعته بوجهه عامر رجع راسه لوراء : شفيك ناويه تقتليني ريتال وهي موجهتله المقص : اسمع راح تدخل انت قبلي وانا بمشي وراك اذا شفت احد بالجناح والله لاغرس هذا المقص بظهرك عامر تمتم : اعوذ بالله ماتثق باحد انا المفروض اخاف مو هي ...'، رفع صوته يكلمها : طيب ودخل وهي وراه كان الجناح صاله وغرفه لما شافت انه مافي احد خرج عامر وهي سكرت الباب بسرعه ومسكت قلبها وهي تتنهد : والله كان قلبي بيطيح الحمدلله شكله طلع صادق ماقرب مني راحت جلست على الكنب تذكرت الرساله والكلام اللى مكتوب فيها تشوفه قدامها نزلت دموعها بصمت اليم وبدات شهقاتها تطلع سمعت جوالها يرن خرجته من الشنطه بسرعه لعلى وعسى يكونوا اهلها رحموها ورجعوا لها بس خاب ظنها لما شافته رقم غريب تذكرت اريج : يمكن هي مسحت دموعها وحاولت تخلي صوتها عادي : الو اريج : هاي ريتال انا اريج تذكرتيني ريتال : ايه اريج سمعت صوتها وعرفت انها كانت تبكي : ريتال تبكين ريتال : ﻻ اريج ابتسمت لانها تدري انها كانت تبكي : تعرفي شي حتى انا لما كنت ابكي ماكنت احب احد يعرف اني ابكي وحتى لو شافوني وعيوني مورمه وجهي احمر ودموعي على خدي اقول لهم ﻻ انا ماابكي ريتال ضحكت اريج : تسلم لي هالضحكه الحلوه وبدات اريج تتكلم معاها عن كل شي عن اللى صار معاها في حياتها لعلها تهون من مصيبتها يقولون اذا سمعت مصيبة غيرك تهون عليك مصيبتك حاولت تخرجها من جو الحزن اللى هي فيه وريتال ارتاحت لها وحست انه في احد مثلها وفي أحد يحس فيها . . . . بجناح الشباب رافي : ايه وينها الحين عامر : بالجناح اللى جمبنا رافي : طيب ويش بتسوي فيها عامر : هذا هو اللى قاعد افكر فيه اعطوني حل رافي : شوف يمكن تعرف احد من اقاربها يقدر يتكفل فيها عامر : انا ويش قاعد اغني من اول قلت لك هي لقيطه تقول احد اقاربها رافي : اممممم طيب وديها لميتم عامر : ميتم..ﻻ حرام بنت بعمر الزهور تنحبس بميتم رافي بتسائل : طيب في حل غيره؟؟ عامر طالع في إياد ونايف اللى ساكتين : وانتوا شاركونا بحلولكم اعطوني حل نايف طالع فيه لحظات وقال : تزوجها عامر : نععععم انت صاحي تعرف كم عمرها هذه لسى دخلت السته عشر إياد : اظن تعرف السيده عائشة رضي الله عنها كم كان عمرها لما تزوجت الرسول صلى الله عليه وسلم وكان فارق العمر بينهم اكبر من فارق العمر بينك وبين هذه فما فيها شي لو تزوجتها عامر : ﻻ انتوا اكيد جنيتوا مستحييل'، طالع في رافي وقال : قول شي تسمع ويش قاعدين يقولوا رافي : تبغى الصراحه معهم حق ماادري كيف ماخطرت ببالي هذه الفكره عامر : وشهوو حتى انت معاهم رافي : ليش شفيها لو تزوجتها عامر : ﻻاا اكيد انتوا صاير لكم شي تبغوني اتزوج بنت عمري اضعاف عمرها إياد : اجل ورينا شطارتك ولاقي حل افضل منه عامر وقف : انا بروح انام قبل لاتسممون أفكاري ودخل الغرفه وتمدد وهو يفكر ويفكر ويفكر الين راسه وجعه من كثرة التفكير . . . . . جناح ريتال اريج وهي تتثاوب : اوكيه ريتال روحي نامي انا شوي واطيح من طولي فيني نوم ريتال : ﻻ تسكرين انا خائفه اريج : اوكيه روح تمددي على السرير وراح اكلمك الين تنامي ريتال : طيب دخلت الغرفه وتمددت وتكلموا شوي الا وريتال بسابع نومه من التعب اللى كان فيها اريج : ريتال رتول هههههه شكلها نامت سكرت **************** ايطاليا / ميلانو بيت ابو مازن لجين كانت واقفه على البلكونه ببرود خارجي كبرودت الجو اللي هيه واقفه فيه لكن كان في داخلها نار مشتعله متاججه تاكل قلبها وهي تشوف مؤيد واقف قدام فلته ويتكلم بالجوال ويضحك واكيد يكلم وحده من البنات اللى يعرفهم تمنت لو تجعل قلبها بارد جاف قاسي كتصرفاتها معه اذا التقت به بالصدفه فلو احد شافها بهذاك الوقت بيقول هذه مايهمها اي احد وسعيده بحياتها ولايزعجها اي شي لكن مايدري انه قلبها مليئ بالم الخيانه وجرحها ينزف من دون توقف وايضا مشتعل بنار الغيره شافته التفت ناحيتها رغم انه ليل وظلام ومافي الا لمبه وحده تتوسط الفلل ومستحيل يشوفها لكنها حست وكانه يراها دخلت وسكرت باب البلكونه *************** دبي جناح الشباب اذن الفجر وعامر مانام وهو يفكر قام توضى وراح يصلي بالمسجد وهو عازم على الشي اللى وصل له.... صحى إياد توضى وخرج : نايف رافي اذن قاموا نايف ورافي توضوا وخرجوا يصلوا بالمسجد رجعوا وطلبوا لهم فطور وجلسوا يفطروا رافي : تتوقع عامر وين راح نايف : والله علمي علمك رافي : حتى جواله مايرد عليه إياد : ماهو طفل يعرف يدبر اموره خلصوا يفطروا إياد خرج البلكونه ونايف جلس يقرا مجله ورافي فتح التلفزيون وجلس يتفرج شوي الا ويدخل عامر رافي : هلا وين رحت جلس عامر بتعب : رحت احجز بس مالقيت الا بعد اربع أيام نايف : تحجز لوين اقصد ليش لسى بدري ماقعدنا غير يوم عامر : كنت بحجز لي ولريتال عشان اخذها لميلانو إياد قال وهو مميل جسمه على باب البلكونه ومتكتف : وهذا هو الحل اللى لقيته انك تاخذها لميلانو طيب مافكرت كيف راح تعيش هناك وباي صفه راح تدخل البيت رافي : صحيح حتى لو سكنت معاكم مايصير اقصد البيت كلهم رجال ومايصير تسكن معاكم ومافي احد منكم محرم لها عامر تنهد بصوت عالي : طيب ممكن تقولوا لي اذا انا قررت اتزوجها كيف راح اقنعها توافق وكيف راح اتزوجها وماعندها ولي أمر إياد : انت عليك تقنعها والباقي خليه علي عامر : ممكن تقول لي كيف اقنعها نايف : مثل مااقنعتها تجي للفندق عامر : مو انا اللى اقنعتها إياد : اجل مين عامر : زوجتك المصون ام الافكار الابداعيه قدرت تقنعها بخمس دقائق وانا اللى صار لي ساعه ماعطتني وجه نايف : طيب خليها تكلمها عامر : بالاول خلني اجرب حظي يمكن توافق والا بتصل عليها وقام خرج ****************** إيطاليا / ميلانو القصر الكبير دخلت مرام وشافت مراد قدامها مرام : وين اريج مراد : ويش تبغين فيها مرام : سالتك سوال جاوب لاترد بسوال مراد : ﻻ ياشيخه...ماني مضطر اجاوبك مرام : مراد اخلص وين اريج مراد : بجيبي...يعني وينها بالبيت مرام عصبت : انا الغلطانه اللى قاعده اسال واحد مثلك ومشت وهي تنادي الخدامه سالتها عن اريج وقالت لها انها بغرفه دالين طلعت شافت الباب مفتوح دخلت وبصوت عالي : صباح الخيرات اريج ودالين بصوت واطي : اووششش مرام : شفيكم دالين بصوت واطي : وطي صوتك دوبي نيمتهم مرام بصوت واطي: اوووه سوري نسيت انه عندنا كتاكيت بالبيت دالين : يلا انتي وهي اخرجوا وخلوهم يناموا انا ماصدقت ناموا طوال الليل يبكون اريج وقفت : اوكيه حتى انتي نامي...يلا مرام تعالي خرجوا مرام واريج مرام : تذكرين الصندل اللى اشتريته امس اريج : ايه لاتقولي ماجاء عليك انتي جربتيه مرام بوزت شفايفها : ايه جربته بس لما رجعت البيت ولبسته ومشيت فيه شوي لقيته ضيق ويعور روجولي عشان كذه جبته معي انتي رجولك نحاف جربيه اذا ناسبك خذيه دخلوا غرفه اريج اريج : اعطيني اشوف اخذته ولبسته مرام : ما شاء الله طالع عليك يجنن وعلى مقاسك بالتمام اريج وهي تحرك رجلها وتطالعه : بس مو كانه كعبه عالي بزياده مرام : ﻻﻻ حلو كذه اريج مشت فيه شوي ورجعت خلعته وتركته دخلت الخدامه واعطت اريج كوب القهوه اللى طلبتها اخذتها وخرجت البلكونه هي ومرام ظلوا يطالعوا الحديقة بصمت وكان الجو رايق مع نسمات الصباح اريج عقدت حاجبها وهي تشوف عمال يدخلون فله إياد قالت : مرام ويش يسون هذول اقصد مو خلاص ماعاد له لزوم يخرجوا عمتي وإياد لانه بنتزوج مرام : وعشانكم بتتزوجوا لازم تخرجوا اريج : قصدك بعد الزواج بنسكن انا وعمتي واياد بفلته مرام : بس انتي واياد عمتي لا اريج : نعممم انا اسكن معاه بالفله مرام : ﻻ حبيبتي من قال انك راح سكني معاه انتي راح تسكني مع الحارس.....يعني بالله مع مين تبغي تسكني اريج : انا مو قصدي كذه لكن انا ماابغى اسكن بهذه الفله ابغى اقعد هنا مرام : اجل لمين بناء الفله يتصور معاها يعني اريج : انا مالي شغل بس مستحيل اسكن بهذه الفله يااما اتزوج واعيش هنا والا والله مااتزوجه مرام : انا مالي شغل انتي اتفاهمي معاهم اريج تكلم نفسها بصوت واطي : قال اخرج اسكن معاه بفلته قال على جثتي اخرج اسكن بهذيك الفله ***************** فله ليوناردو بالتحديد قسم ليوناردو وجوليا كانت جوليا نائمه فوق السرير اما ليوناردو نام على الصوفايه الكبيره كانت رافضه انها تنام على سريره وهو ينام على الصوفايه كانت تبغى هي تنام على الصوفايه وهو على السرير لكنه رفض رفض قاطع خرج من الحمام (اكرمكم الله ) وهو لابس روب الحمام بعد مااخذ شاور التفت ناحيت السرير شافها ناىمه بكل اريحه كانت مثل الملاك بوجهها البريئ ويبدوا انها تحلم بشي حلو لانه توجد ابتسامه صغيره تعلو شفايفها الكرزيه وشعرها اللامع متناثر حولها ابتسم وراح لبس ملابسه سمع جواله يرن راح له بسرعه عشان ماتصحى وراح رد بالغرفه الخارجي يعني مو بنفس غرفة النوم بالغرفه الثاني بس مافي اي باب يفصل بينهم مفتوح بعد ماخلص المكالمه لف وهو يزبط ازارير قميصه حس بيد تمسك كتفه من الخلف التفت وهو عاقد حواجبه وزادت حدت ملامحه لما شاف الشخص سايوري ببتسامه وغنج : مرحبا..لقد علمت انك عدت ليله امس فااتيت مسرعه لارى اميري رفعت ايديها وحوطتها حول رقبته وهي تقول بدلع : هل اشتقت إلي ولم تستطع البقاء في تلك الشقه لوحدك وبمجرد ان عرفت انني هنا اتيت إلي مسرعا ليوناردو مسك ايدها وبعدها عنه ببرود : اخرجي من هنا سايوري ولاتزال الابتسامه على شفايفها وكانها لم تسمع ما قاله : اشتقت اليك كثيرا ليوناردو بقلت صبر : اخرجي سايوري : لماذا تبعدني عنك ..انا لم اشبع من رويتك بعد ليوناردو بحده : قلت لكي اخرجي الم تفهمي سايوري لمحت جوليا النائمه على السرير : اووه هل انت خائف ان تستيقظ تلك التي هناك وانت مع فتاة اخرى غيرها لامشكله دعها ترى حبيبتك الحقيقيه وتعرف انه لايوجد لها مكان في قلب ليوناردو لانه انا التى في قلبه فقط ليوناردو بصوت عالي : قلت اخرجي من هنا فورا سايوري بطريقه مستفزه : اخفظ صوتك سوف تستيقظ الاميره النائمه ليوناردو مسكها من عضدها بقوه وقال وهو يصر على اسنانه : اذا لم تخرجي من هنا فسوف سايوري قاطعته وهي مثل الحجر لايحس : انظر لقد استيقظت ليوناردو التفت وشاف جوليا جالسه وهي تفرك عيونها بعد يده عن سايوري بقرف وهي ابتسمت بخبث وراحت لعند جوليا وقالت : مرحبا جوليا رفعت راسها تطالعها بستغراب ( من هذه؟؟هذه ليست نفس الفتاة التي رايتها بالامس اذن من هي ) سايوري انصدمت من جمال جوليا فهي ماكانت تشوف وجهها لانه كان شعرها نازل عليه بس لما رفعت راسها شافت فتاه في قمه الجمال كتمت قهرها وابتسمت وهي تمد يدها : انا سايوري جوليا مدت يدها : جوليا سايوري : هل انتي حبيبت ليون جوليا (انا حقا لاافهم من تكون هذه ولماذا تنادي ليوناردو ب ليون ) قالت : لا ليوناردو :انها زوجتي سايوري اختفت ابتسامتها والتفتت على ليوناردو بصدمه : م..ماذا قلت ليوناردو وعلى وجهها نظرات وابتسامه خفيفه مليئه بالنصر والسخريه من شكلها : قلت انها زوجتي والان تعرفتي على زوجتي هيا اخرجي...ولاتنسي ان تغلقي الباب خلفك سايوري بان القهر والضيق والكرهه على وجهها لفت عنهم وخرج جوليا التفتت على ليوناردو وقالت : ليوناردو من هذه ليوناردو جلس على السرير مقابلها وابتسم وهو يرفع يده على خدها برقه وقال : هذه من هؤلائك الضيوف انتي لاتهتمي لامرها ولاتصدقي كل شي تقوله لك والافضل ان تكوني بعيده عنها...حسنا وقف وهو يقول : هيا غيري ملابسك لكي ننزل نفطر جوليا كانت صامته ( يبدو انه لايريد التحدث عنهم في كل مره اساله يغير الموضوع او يكتفي بقول انهم مجرد ضيوف حسنا بما انه لايريد الاجابه لن اساله مره اخرى) قامت من على السرير ودخلت الحمام (اكرمكم الله ) اخذت شاور خلصت وتذكرت انها مااخذت ملابس لها ولا عندها حتى منشفه كان في ثلاثه ادراج صغير فوق الجدار فتحتهم يمكن تلاقي شي تلبسه فتحت الاول كان فيه ادوات حلاقه ورغوه ومعطرات وعدت اشياء ماتعرفهم فتحت الثاني لقت منشفتين اخذت منشفه ولفتها على جسمها طالعت في نفسها كانت سيقانها كلها برى لانه المنشفه جائت لها فوق الركبه (ياالهي كيف اخرج هكذا.... لامشكله هو بالتاكيد جالس بالغرفه الخارجي...لا لا مستحيل ان اخرج هكذا امامه ) تنهدت : حسنا فتحت شوي من الباب ونادته : ليوناردو ارجوك احضر لي ملابسي لقد نسيتها انتظرت شوي وماجاء : ليونا قطعت كلمتها لما شافته امام الباب ويمد لها بالملابس اخذت الملابس اللى اعطاها وهي متخبه وراى الباب بس كانت مخرجه راسها وقالت : شكرا وسكرت الباب لبست بلوزه بيضاء مرسوم عليها شجيرات خضراء وبنطلون اسود ورجعت المنشفه مكانها وخرجت شافته جالس على الكنب وشارد الذهن وقفت قدامه وهو انتبه لها قالت بخجل : اسفه لا اعلم كيف نسيت ملابسي و.و..ولم استطع ان اخرج بالمنشفه ليوناردو ابتسم وهو يشوف خدودها محمر وقف رفع شعرها المبلل من على وجهها وقال : لا مشكله انا تحت امرك يااميرتي جوليا خجلت اكثر لكن حاولت تبين العكس : احم انا جائعه هيا ننزل ليوناردو زادت ابتسامته وهو يشوف خجلها فهو اول مره يرى فتاه تخجل وتحمر خدودها وكمان من اشياء صغيره مثل هذه كل اللى يلتقى فيهن او يعرفهن ماعندهن ذره خجل : حسنا لكن اولاً نشفي شعرك لكي لاتمرضي يمكنك ان تاخذ احدى مناشفي..واليوم جهزي نفسك بعد ان اعود من العمل سوف اخذك الى السوق لتشتري كل مايلزمك جوليا بقلق : لكن إدوارد ليونادوا فهم قصدها وقال ببتسامه يطمئنها : لاتقلقي لن ادع اي شي يحدث لكي وهذا وعد... جوليا ابتسمت وراحت نشفت شعرها وبعدها نزلوا جلس الكل على طاوله الطعام الحرمه اللي شافتها امس والرجال والشاب والبنت والبنت الثانيه اللى شافتها بالصباح جلس ليوناردو مترائس الطاوله وجلست جوليا بالكرسي اللي على يمينه وبدائوا الخدم يوزعون الاكل لكل واحد لصحنه اللي قدامه من كل انواع الاكل اللى على الطاوله وبدائوا ياكلوا ليوناردوا اول ماوضع اللقمه لفمه سحب المنديل وخرجها من فمه وقال بغضب : ماهذا الاكل من الذي طبخ ازابيل : نحن مالامر الم يعجبك لقد اعددنا الاكل الذي تحبه ليوناردو وقف وهو يقول بغضب : انه من دون اي طعم ولاتوجد به اي نكهه ازابيل ذاقت من الاكل : ياالهي انه من دون ملح ومن دون فلفل ايضا سايوري انتي من اعددتي هذه الاكله صحيح سايوري ذاقت من الاكله وقالت : اوه اسفه يبدو انني نسيت ان اضع الملح والفلفل ليوناردوا وجهه كلامه للجميع بغضب : اذا وجدت اكل مثل هذا الاكل في المره القادمه سوف تحرمون من الاكل لمدت يوم كامل حتى تعرفوا أنني لستو حيوان حتى تاكلوني اكل من دون نكهه واذا احد لم يعجبه كلامي يمكنه ان يبحث له عن مكان أخر يعيش فيه غير منزلي وتركهم وخرج جوليا كانت جالسه ومستغربه من عصبيت ليوناردو اللي مالها داعي وطريقة كلامه معاهم طالعت فيهم سايوري طالعت فيها وقالت ببتسامتها المليقه : لاتستغربي هذا هو ليون وهذه طريقته يجب ان تتعودي عليه فهو هكذا اغلب الاوقات ازابيل ببتسامه : لاتعكري مزاحك ياعزيزتي هيا كلي فباقي الاكل انا من اعددته وسوف يعجبك جوليا ابتسمت لها واكلت بعد ماخلص الكل جلسوا وهي جلست معاهم ماكس : مرحبا انا ماكس..هل يمكنك ان تعرفينا بنفسك انتي اتيتي من ذو الامس ولم نفرف عنكي شيء جوليا : انا جوليا ازابيل : نحن قد عرفنا اسمك بالامس لكن ماعلاقتك ب ليوناردو جوليا : زوجته الكل تفاجا الا سايوري اللي كانت تعرف ازابيل بضيق لكن لم تظهره : حقا.. لم نعلم انه تزوج على العموم مبروك اديسون : اذن انتي ستعيشين معانا في هذا المنزل ازابيل : هل انت غبي تقول لك انها زوجته بالطبع ستعيش هنا ماكس يكلم نفسه بصوت واطي : هذا اليوناردو دائما يحصل على كل شي حتى الزوجه اخذ له ملكت جمال العالم.. ااااي مسك رجله اللي داست عليها سايوري بصندلها لانها سمعته وقالت بغيض : ماذا تقصد بملكت جمال العالم انا اجمل منها ماكس : انتي لو اجمل منها لكنتي حصلتي على ليوناردو من زمان ' واكمل بخبث وهو يطالع جوليا : انظري اليها لديها وجهه مثل القمر.. لا بل اجمل من القمر وعيون تتلالئ كالنجوم وشفايف جميله مثل حبت الفراوله وجسم متناسق ورشيق كالقلم وشعر طويل وناعم كالحرير هذه تفتن اي رجل بجمالها سايوري انقهرت من كلامه لانه في قرارت نفسها تعرف انه كل كلامه صح بس ماتبغى تعترف انه في احد اجمل منها قامت وراحت غرفتها جوليا تشجعت وسالتهم : وانتم لم تعرفوني بانفسكم ازابيل : الم يخبركي ليوناردو عنا..حسنا انا ازابيل والدت ماكس وسايوري وسايا وعمت ليوناردو بل انني مثل والدته فانا من ربيته 'واكملت وهي تاشر على اديسون : وهذا زوجي اديسون '، واشرت على الفتاة اللى جالسه وعامله رجل على رجل وتلعب بالجوال من اول ماجلسوا وماهي مهتمه باي احد : وهذه ابنتي سايا...والتي قامت ابنتي سايوري ماكس : وانا بالطبع ماكس جوليا كان ودها تسال لماذا انتي من ربيتيه اين هي والدته لاكنها تراجعت يكفي ماعرفته حتى الان ليونارود لو حاب بيقول لها هو كل شي قالت : سعدت بلقائكم..'،وقفت وهي تكمل : عن اذنكم وطلعت الغرفه وهي براسها عدت أسئله اين هي والدت ليوناردو واذا كانوا هؤلاء الناس من ربوه لما يتصرف معاهم بهذه الطريقه وكثير من الاسئله حول حياته وإلخ.... بس ماتبغى تساله اي سوال تبغى تنتظر الين يقول لها بنفسه ***************** دبي جناح ريتال ريتال بغضب : لتكون مفكر اني وافقت اجي معك انك تقدر تستغلني لا ماحزرت عامر عصب : اذا كنت ابغى استغلك مثل ماتقولي ماكنت طلبت اتزوجك وكنت اخذت اللى ابغاه ولاتنسي انتي الان معي وبجناح يعني اقدر اسوي فيك اللى ابغى بس انا ماسويت فيكي شي ولاقربت منك كل اللى طلبته انك توافقي على الزواج عشان اكون محرم لك بس انا الغلطان لاني ابغى اساعدك وخرج وسكر الباب بقوه افزعتها حست بخوف من كلامه ونزلت دموعها بدون سابق انذار . . . . جناج الشباب دخل وسكر الباب رافي طالع في شكل عامر : شكله مايبشر بالخير جلس عامر على الكنب نايف : ويش قالت عامر اخذ نفس عميق وتنهد : رفضت رافي : شي متوقع...والحين ويش بتسوي عامر خرج جواله من جيبه : بتصل ب اريج تتصرف معاها دق وماهي الا لحظات ويجيه صوت اريج : هلا وغلا لو ادري انه ريتال راح تخليك كل شوي تتصل فيني كان من زمان دعيت انك تلاقيها عامر ابتسم : كيف عرفتي اني بتكلم عنها اريج ضحكت : احساسي قال لي...هاه قول ويش صاير عامر قال لها كل الموضوع وانه لازم يتزوجها عشان يصير محرم لها بس هي رفضت عامر : ابيك تكلميها وتخليها توافق اريج : بحاول بس مااظمن لك انها توافق فهذا زواج مو لعبه عامر : اريج ياحبيبت قلب عمك حاولي قدر الإمكان نايف : هذا الإنسان مصلحي درجه اولى عامر اللى سمع نايف : انكتم '، ورجع يكلم اريج : كلميها الحين ورجعي لي خبر اريج : اوكيه الحين ادق عليها باي عامر سكر ولف على نايف : مين المصلحي يااستاذ نايف إياد : وهو الصادق وقت المصلحه تصير عم وخال وكل شي حتى لو قلنا لك جد مافي مشكله عامر : شوف ايش قاعد يقول اقول ترى اذا ماسحبت كلامك راح اكنسل لك زواجك إياد : بتسوي فيني خير رافي ضحك : ماعليك من إياد هذا بس غيران منك لانك كلمت زوجت المستقبل بهذيك الطريقه صحيح كلامي '، وغمز له عامر : اووووه قول كذه من اول إياد : لاتفسرون الكلام على كيفكم حتى نايف تكلم يعني مو انا بس عامر : خلاص اسكتوا خلوني ادعي انها توافق رافي بضحكه : اوووه كل هذا حب شكله حب من النظره الاولى عامر : انقلع اي حب واي خرابيط انا بس شفقان عليها طالع في ساعته وقال : مرت ربع ساعه وهي مادقت رافي : خلاص انسى مافي امل اكيد رفضت....الا صحيح اعطيتها فطور والا ﻻ عامر : تصدق نسيت نايف : هذا اللى شفقان عليها صار الوقت ظهر وهو حتى فطور مااعطاها اكيد هي الحين ميته جوع ومدري اذا تعشت او لا دق جوال عامر وهو رد بسرعه : هاه بشري تصنم مكانه من دون حركه مافي الا رموشه اللى تتحرك سكر الجوال وطالع فيهم رافي : مايحتاج تتكلم رفضت صح عامر مو مستوعب : وافقت نايف : اجل ويش فيك كذه مو المفروض تفرح عامر : شلون..شلون وافقت وهي كانت رافضه رفض قاطع كيف اقنعتها ماني قادر استوعب رافي : ياخي الحريم يفهمون على بعض..والحين روح اطلب للبنت فطور وبعد الظهر بنروح نزوجك ياعريس قال اخر كلمه وهو ينطقها ببطئ عامر طالعه بنص عين وقام خرج رافي ضحك ******************* ايطاليا / ميلانو غرفة اريج مرام : ممكم تفهميني شسالفه ومين هذه ريتال اريج : طيب راح اقولك بس اوعديني ماتقولي لاحد مرام : وعد مااقول لاحد اريج : هذه..... وبدات تحكي لها كل شي مرام وهي فاتحه عيونها على الاخر : امااااا عامر بيتزوج وكمان من بنت صغيرة مايتجاوز عمرها ال16 سنه اريج : اوصصص هو قال لي مااقول لاحد مرام : شلون ماتقولي لاحد بيتزوجها بالسر اريج : يوووه مرام اكيد لا بس هو بيدبر الموضوع اهم شي انتي لاتقولين لاحد مرام : طيب بس ماني قادره استوعب انه عامر بيتزوج وكمان البنت صغير '، ابتسمت بشقاوه : برايك كم طولها اخاف تجيه لخصره تخيلي يكون واقف وهي جمبه وكانها بنته مو زوجته اريج ضحكت وهي تتخيل الموقف : الله يقطع ابليسك مرام : بس يستاهل هذا عقابه لانه كل ماتقوله جدتي بزوجك يرفض اريج لسى تضحك **************** الشرقيه بيت ابو تركي جائوا حنان وتالين من الجامعه سمعوا صوت عمتهم ام احمد اللى ساكنه بالطائف تتكلم مع امهم طالعوا في بعض تالين : تسمعين اللى اسمعه حنان : ايه وربي هذا صوتها تالين ضربت على وجهها : ﻻااااا ياربي شلجابها حنان : وطي صوتك وخلينا نطلع قبل ماتشوفنا كانوا يمشون برأس اصابعهم عشان ماتسمعهم هما مايحبونها بسبب فضولها واسئلتها اللى ماتخلص ام تركي انتبهت عليهم يطلعون الدرجه قالت : تالين حنان تصنموا بمكانهم تالين بصوت واطي : الله يسامحك يمه الحين ويش يفكنا منها انا تعبانه وابغى انام مو ناقصتها ام تركي : هاوو شفيكم تعالوا سلموا على عمتكم حنان عفست وجهها : امشي نروح نسلم لفت ونزلوا وهم يبتسموا غصب عليهم سلموا عليها وجلسوا ام احمد : من وين جائيت تالين (بدات ) : من الجامعه من وين يعني ام احمد : ايه ومين جابكم مااشوف لا ابوكي ولاتركي حنان : السائق ام احمد : السواق جابكم ومن دون محرم وينه اخوكن مايجيبكن تالين وهي بدات تطلع معاها قالت بنفزه : اخونا عنده شغل مو فاضي لنا ام احمد : الشغل مو اهم منكم يترك شغله ويجبكم مو تركبون مع السائق كانه ماعندكم اب او اخ يوصلكم تالين وقفت وقالت : والله السواق ماياكل بشر وابونا واخونا مشغولين..انا بطلع اريح تعبانه ام تركي : والغداء تالين وهي تطلع الدرج : ماابغى ماني جوعانه حنان وقفت : وانا بعد بروح اريح اتغدوا انا ماابغى غداء يلا باي ومشت بسرعه قبل ماتتكلم ام احمد وطلعت وراء تالين تنهدت : نفذت تالين : تصدقين لو ماكانت عمتي كنت رديت عليها ردود تخليها تنكتم الله يصبرنا برأيك لمتى بتقعد عندنا حنان : الله هو اعلم اصلا متى جائت من الطائف ماحد قال لنا تالين : يمكن اليوم عشان كذه ماعرفنا حنان : طيب متى لحقت تقعد مع جدتي عشان تجينا تالين : انا ادري عنها حنان : يمكن وصلت لهنا على طول وبعدين بتروح عند جدتي تالين : فكينا من سيرتها إن شاء الله انام واصحى وتكون راحت ودخلت غرفتها **************** دبي الساعه الثالثه كانوا يمشون بتجاه جناحهم بعد ماراحوا صلوا الظهر وبعدين راحوا المحكمه وزوجوا عامر وريتال.. ريتال كانت تمشي وراهم بصمت وهي شارده بذهنها عامر تنهد بحسره : ماصدق اني تزوجت طفله رافي بضحك : هذا اللى مايبغى يتزوج بس تبغى الصراحه هذا احلى رحله لتوديع العزوبيه بجد عامر طالعه بنص عين : ممكن تفكني من مسخرتك وكانك مو انت اللى وقفت معاهم وقلت تزوجها نايف : ماعليك منه هذا...على العموم مبروك عامر بقهر : وانت الثاني قاعد تتمسخر على ايش تبارك لي تسمي هذا زواج نايف ضحك : ليش ويش تسميه انت إياد : خلاص ارضى بالامر الواقع صارت زوجتك عامر : تصدقون انا الغلطان اللى امشي معاكم وسبقهم وصل لباب الجناح وهما وصلوا وراه رافي : عفواً ويش تسوي هنا هذا جناح للعزابيه فقط مانسمح للمتزوجين يدخلوه يلا روح انت هناك جناحك '، واشر على الجناح اللى وقفت جمبه ريتال عامر وصلت معاه : حسابكم بعدين وراح فتح لريتال الجناح دخلت وهو سكر ورجع لعندهم ودخل رافي : الحين ويش عندك لاحقنا روح عند زوجتك عامر جلس على الكنب وسند راسه عليه : رافي ترى مو رايق لك رافي : شفيك ترى امزح معك عامر تنهد : والحين باقي المشكله الاعظم نايف : اي مشكله عامر : امي شلون بقول لها الله يستر بس...ساعدوني اعطوني حلول نايف : سوري هذه مشكلتك لاتدخلنا بمشاكل مع جدتي إياد : صحيح هذه المشكله مشكلتك انت احنا مالنا شغل فيك مانبغى جدتي تزعل علينا عاد تعرف جدتي اذا زعلت عامر : شف الخيانه بتتخلون عني ترى بقول لها انه انتوا اللى قلتوا لي اتزوجها نايف : صحيح قلنا لك بس مااجبرناك عامر خرج جواله من جيبه : ماني بحاجتكم عندي بنت اخوي فديتها دق على اريج بس ماردت ودق مره ثاني وكمان ماردت عامر رمى الجوال على الكنب : يوووه وينها رافي : بعدين بتكلمها الحين روح شوف البنت تركتها بالجناح وحدها عامر تنهدت وقام خرج دخل الجناح وهو كارهه نفسه وهذه المسؤوليه اللى جائت له وكمان مايدري شلون راح تكون ردت فعل امه تلفت بالصاله ماشافها شاف باب الغرفه مفتوح دخل وشافها جالسه على السرير ومنزله راسها على ركبتيها وتبكي حس بتانيب الضمير لانه تركها اكيد الحين بتكون مشوشه وملخبطه..حياتها انقلبت فوق تحت بالاول اهلها يتركوها وتكتشف انها لقيطه وبعدين تتزوج شخص ماتعرفه وهي لسى صغيره على هذا السيل من الصدمات اللى جائتها دفعه واحده قرب منها وجلس جمبها وهي لما حست فيه سكتت وماكان في اللى صوت شهقاتها اللى تطلع غصب عنها مد يده بيرفع راسها وهي انفجعت بعدت عنه لاخر السرير قلبه تقطع وهو يشوف الحزن والخوف بعيونها قال بصوت حنون جعلها تحس بالامان : ريتال اهدي وانسي كل شي مريتي فيه من الحين انا راح اكون ابوكي وامك واخوكي وصديقك فلاتخافين من شي طالما انا معك مستحيل اخلي شي ياذيك شافها تطالعه بصمت ابتسم لها وقام جلس قريب منها وهي رجعت وراء شوي ضحك : ترى انا مااكل بشر هي نزلت راسها عامر ابتسم : جوعانه هزت راسها ب ﻻ وهو مد يده ورفع راسها ومسح دموعها بيده الثانيه : خلاص يكفي دموع قومي غسلي وجهك واتوضي وصلي العصر وانا بروح المسجد اصلي وارجع اخذك ونروح السوق نتسوق ونشتري هدايا لاهلي وانتي فيكي تشتري لك اي شي تبغيه من ملابس وغيره اوكيه ريتال هزت راسها ب ايه وهو ابتسم وقام خرج يلحق الصلاة بالمسجد وهي تراقبه الين اختفى عن ناظريها اول مره تحس بهذا الحنان حتى امها اللى ربتها ماكانت حنونه عليها بس للامانه ماكانت تعاملها معامله سيئه كانت عاديه معاها قامت توضت وصلت ولبست عبايتها وجلست تنتظره بالصاله وهي تقلب بجوالها رفعت راسها لما سمعت باب الجناح ينفتح شافته ابتسم لها ماقدرت ترد له الابتسامه تحس بحزن يجتاح قلبها تحس نفسها ثقيله عليه وقفت وهي تناظره بصمت وهو واقف جمب الباب عامر : ريتال يلا تعالي راحت لعنده وهو مد يده ورفع الطرحه من على كتوفها ولفها على راسها وقال ببتسامه : كذه احسن ريتال قلبها رجف اول مره احد ينبها على انها تغطي راسها خرج وهي خرجت وراه . . . . . جناح الشباب إياد دخل الحمام ( اكرمكم الله ) ياخذ شاور بعد ما رجع من المسجد ورفض يروح مع نايف ورافي لانه كان يحس بصداع فرجع عشان يرتاح الين اذان المغرب خرج وهو لاف المنشفه على خصره وبيده منشفه صغيره ينشف شعره فيها سمع جوال يدق استغرب هذا مو نغمت جواله خرج الصاله شاف جوال عامر مرمي على الكنب ويدق اخذه وطالع في المتصل ورد..... ******************** ايطاليا/ ميلانو القصر الكبير اريج طلعت غرفتها عشان تلبس بيخرجوا السوق شافت جوالها ولقت مكالمتين من عامر دقت عليه اريج : الو انفجعت لما جائها صوته : نعم اريج تنرفزت من رده وكانها اتصلت عليه يرد عليها من راسه خشمه : هذا انت وين عامر وليش انت ترد على جواله إياد : كيفي عندك مانع اريج : ايه عندي مانع انا ابغى اكلم عامر بس زين انك رديت لاني ابغى اقولك اني مستحيل اسكن في فلتك بعد الزواج انا بسكن هنا إياد : ومين قال لك أساسا انه بنسكن بالفله اريج : اجل ليش تجهزها إياد : هذا عشان اذا ازعجتيني وماخليتيني اشتغل بكون اروح اجلس فيها اريج شهقت : وشهووو ليش شايفني طفله عشان مااخليك تشتغل إياد : الطفل ارحم منك اريج شهقت : شلون تتجرأ تقو سكر في وجهها طالعت في جوالها وهي فاتحه فمها : كيف يتجرأ رجعت دقت مره ثاني بس كان مغلق اريج تخصرت : طيييب ي إياد اجل انا مزعجه انا بوريك الازعاج على اصوله بس صبرك لبعد الزواج وبتشوف ******************** الشرقيه غرفه تالين ام تركي : تالين يلا قومي عمتك تبغى تجلس معاكم تالين تسمعها بس مسويه نفسها نائمه ام تركي : تالين اصحي...لا حوله ولا قوة الا بالله...يابنت اصحي تالين بصوت ناعس : يمه تكفين خليني انام ام تركي : عمتك بتمشي بعد المغرب قومي اجلسي معاها تالين : مع السلامة والا تبغاني افتح لها الباب ام تركي عصبت : تالين عيب هذه عمتك انا رايحه اصحي حنان ارجع واشوفك جاهزه وخرجت تالين تاففت وقامت ***************** دبي الساعه الثامنه والنصف مساءً كانوا يمشوا بتجاه الجناح بعد ماصلوا العشاء واخذوا لهم عشاء ورجعوا عامر : اقولك من لما خرجت معاها مانطقت بكلمه بس تهز راسها وكانها مو هذيك اللى كان لسانها اطول منها رافي : هذا يسموه حياء مو مثل ماانت فاهم هي اكيد خجلانه منك عامر : انقلع انت مانت فاهم شي جائوا بيدخلوا بس عامر مسك نايف وإياد وقال : تعالوا انتوا بعرفها عليكم يمكن تنطق بكلمه راحوا وراه ودخلوا الجناح ريتال كانت بالغرفه نادها عامر : ريتال تعالي خرجت وهي لابسه تنوره طويله وبلوزه من اللى اشتراه لها عامر وشعرها لافته بشباصه لما شافت اياد ونايف جالسين بالصاله خافت ووقفت مكانها عامر راح لها وقال : تعالي بعرفك على اولاد اخواني '، اشر على نايف : هذا نايف ولد اخوي '، واشر على إياد : وهذا إياد ولد اختي يعني انتي صرتي عمت نايف وخالت إياد توسعت عيونها إياد : هه ماناقص الا هذه البزر تصير خالتي اذا كنت انت ماعمري ناديتك بخالي اجي انادي هذه'، وهوياشر عليها : بخالتي ريتال تنرفزت من طريقة كلامه وقالت : خالتك وعصبن عنك عامر فرح انها تكلمت : أخيراً نطقت إياد رفع واحد من حواجبه وتكتف : وريني شطارتك وخليني اناديك ب خالتي ريتال : مو ضروري تناديني لانه انا خالتك وغصب عنك حتى لو رفضت ماتقدر تهرب من هذا الواقع إياد يكلم نفسه : مايكفيني وحده في البيت عشان تجي الثانيه نايف اللى سمعه ضحك إياد : وانت شفيك تضحك نايف : تصدق معك حقك تشبهها بتصرفاتها إياد : انت عارف عن منو اتكلم؟؟ نايف ببتسامه : اكيد عن اريج إياد : ماشاءالله يعني عارف اختك نايف ابتسم وطالع في ريتال وقال وهو كاتم ضحكته : مساء الخير عمتي ريتال طالعته بنص عين : عمتك بعينك ماتشوف انك اكبر مني إياد : ﻻ بصراحه مره لايقين على بعض " يقصد ريتال وعامر لانه مايحب احد يناديه بعمي وهي مثله الا وقت المصلحه طبعا " نايف ضحك : وانت الصادق عامر : طيب ريتال تعرفي هذا مين يكون...تذكرين البنت اللى كلمتك بالجوال.. اريج ريتال : ايه عامر : نايف يكون اخوها وإياد خطيبها وزواجهم بعد اسبوع ريتال طالعت في اياد بحقد : الحين هذا بيتزوجها والله مايستاهلها وقامت دخلت الغرفه نايف : تستاهل انت الغلطان إياد : ويش سويت لها نايف : والكلام اللى قلته إياد وقف وخرج . . . بعد يومين في المطار عامر يمشي وهو يكلم اريج : ايه اريج تكفين مهدي لها الموضوع عشان ماتنصدم والله يكون بعوني...يلا باي ينادون على رحلتنا كلميها لاتنسين سلام سكر وراحوا ركبوا الطياره راجعين الى ميلانو ******************* ايطاليا / ميلانو القصر الكبير الساعه الثالثة قبل العصر اريج : مرام تعالي معي ساعديني مرام : اوكيه راحوا جلسوا جمب جدتهم كل وحده بجهه اريج : شخبارها امي اليوم الجده ابتسمت : بخير مرام : اليوم من الصباح ماشفتك احس انه ناقصني شي عشان كذه جيت اشوفك الجده ضحكت وقرصت مرام على خدها : اخخ منك ومن لسانك وبدائوا يسولفون مع جدتهم اريج : يمه بحكي لك قصه شخص ابيك تقولي لي اللى سوها صح والا غلط الجده : طيب قولي اريج : في شاب لقى بنت عمرها يقارب 16 سنه وهي لقيطه وكانت بالشارع وبالليل وماعندها احد خاف احد يتعرض لها فاخذها معه وعشان يصير محرم لها تزوجها وهو اصلا ماكان متزوج من قبل مرام : برايك يمه فعله هذا صح والا غلط الجده : ﻻ ليش غلط هذا عمل شريف وزين انه ساعدها والنعم فيه والله انه رجال ولد رجال اريج : طيب وزواجه منها كان صح والا غلط الجده : اكيد صح لانه مايصير يجلس معاها وهو مو محرم لها وكمان هو شاب عازب مافيها شي مرام بحذر : بصراحه احنا نعرف هذا الشاب الجده عقدت حواجبها : تعرفوه مين هو اريج بحذر وخوف : هو..بصراحه هو....هو عمي عامر الجده بصدمه : وشوو ولدي عامر... . *** ** *